AGOLA Page 36-40

AGOLA Page 36-40

.

Hannu bibiyu Alh yasa yadafe kanshi, gabadaya jiyake duniyar tamashi zafi, wani abu ya tsaya mashi a makoshi, wanda daze samu yawuce dayafi jin dadi. Kuka yakeso yayi amma sam hawayen sunki zuwa, tabbas kuka ma rahamane.

Zarah data shigo falo tace a,a Alh yaushe kashigo banji shigowarka ba? Shiru yayi bece komai, dan yanda yakeji idan yabude baki komai ze iya fada mata. Zama tayi kusa tashi tace magana fa nakeyi amma kayi shiru ka kyaleni. Ko baka da lfy? Wani ne ya mutu? Duk tambyr datake mashi hakan besa yadaga kai ya kalleta ba. Cike da masifa tace wai Alh, mekake nufi......

Sallamar da akayi ne, yasata hadiye sauran masifarta. Juyawa tayi tana kallon kofa jin sallamar bata mutum daya bace, baki ta saki ganin mutanen dasuke shigowa. Mamakinta be karuba seda taga Baba Mairo tashigo gata tayi kyau cikin shiga me kyau.

Samun guri sukayi gaba dayansu suka zauna, yaran kuma suka zauna akasa, haryanzu kan Alh aduke yake, guri Zarah tasamu tazauna, gaba daya jikinta yayi sanyi. Wata irin zufa tafara keto mata. Baba Mairo tace Alh ina wuni.

Dago kai yayi cike da mamakin ganinta, ahankali yace Baba Mairo. Tace na,am, dama kina garin nan? Murmushi tayi tace wlh kuwa Alh. Gaisawa sukayi dasu Kawu, Alh ya kalli Jidda wadda taketa kuka har idanuwanta sun kumbura saboda kuka. Yace Mamana lafiya kike kuka?

Kara sakin wani kukan tayi ta tashi tamatso kusa dashi tazube bisa guiwowinta, hankalinshi dana Zarah yatashi ganin irin kukan datakeyi. Jalila da Falak suma duk kuka sukeyi dan sun san abinda Jidda takeyima kuka. Dago kai tayi tace Dady dan Allah kayi hakuri kayafemun, tabbas banzamo diya tagari ba, na cuceka na cuci kaina.

Nasan Allah baze taba yafemun ba idan har baka yafemun ba. Nayi dacen Mahaifi nagari amma rashin samun Uwa tagari yasani nima nazama wadda bata gari ba. Alh, yace Mamana wai mekike fada haka ne? Zarah kuwa da cikinta yafara yamutsawa jitake kamar ta nutse dan kunya, agaban sirikinta Jidda take fada mata wannan maganar, jitayi kamar tashakota.

Alh yace ya isa haka mamana, kidena kuka kifadamun wane irin laifi kikamun haka. Zarah tayi saurin fadin a,a Alh, kabarta tashiga ciki tasamu ta kwanta tayi bacci ta huta kasan batada lafiya. Jidda tace, a,a Ummi ya isa haka, kibarni nafadi abinda aka dade ana boyewa agidan nan, garake Ummi kinada lafiyar dazaki iya tuba zuwa ga Allah, nifa? Ina cikin cuta, wadda ko ayanzu Allah ze iya amsar raina.

Tundaga auran Hajjo da fara shigarta cikin halin banza, da abunda Zarah dasu Asabe sukayima Hajjo da Ameer, harsukayi sanadiyar mutuwarsu, dazuwanta London, da irin hudubar da Zarah takeyi mata, zuwa auren datayima Falak da Sameer, da yanda tabama su Asabe kudi, zuwa yanda Zarah ta temaka ma su Figo har cutar datake dauke da ita seda Jidda tafada masu. Gaba daya falon yayi shiru, kukan Jidda, Jalila da Falak kawai akeji.

Zarah kuwa zama tayi kasa kamar meshirin hawa bori, takasa kuka kuma takasa magana, Alh, kawai ta kurama Ido, hatta da Kawun Sameer seda yafitar ma Jidda da hawaye, su Baba Mairo da Umman Sameer suma Kuka, kawai sukeyi. Sameer da Saleem da dama sun san da labarin amma jin sauran labarin seda yasasu kuka.

Alh da haryanzu yarasa gane wai mafarki yakeyi ko gaske gashi haryanzu hawaye sunkasa zuba a idonshi, zuciyarshi jiyake kamar ansamata wani katon dutse. Tabbas daza,a gwada jininshi babu abinda zesa aga be hau ba.

Zarah yakalla da idanunshi dasuka juye tamkar garwashi, kallonta kawai yake amma yakasa magana, Zunbur Zarah ta mike tace a,a wlh kadena kallona Alh, ka tsaya nida kaina zanyi maka bayanin duk abinda nayi, kai tafara sosawa, da jikinta, can kuma tafashe da dariya, tace.

Yo aike Jidda bakima san komai ba,,,,,, nan itama tashiga fada masu irin abubuwan datayi, komai seda tafada, tanayi tana dariya tace Mairo aike baki iya munafunci bama, gashinan kina ganin AGOLAH hada ciki, ai wlh rantsuwa nayi senaga bayanta. Hauka de tuburan Zarah tafarayi, kowa salati yakeyi yana kallon ikon Allah.

Kawu yace Alh,ai inaganin bekamata abarta haka ba, a kamata ayi mata addu,a Alh daseyanzu yayi magana, yace Malam babu abinda zankara yima wannan azzalumar matar, tsakanina da ita sede alahira. Ta cutar dani, taso tasani inkasa rike amanar marainiyar Allah dana dauki alkawari.

Babu abinda banyi mata ba, amma tarasa abinda zata sakamun dashi se wannan rashin mutuncin da cin amana, tabbas ko hakkin mahaifinta kawai ya isa ya tambayeta, bare kuma na baiwar Allah Hajjo, da karamin yaro wanda ko agurin Allah ba,a bude mashi littafin rubuta lada da zunubi ba. Kai!!! Agaskiya bazan boye maku ba Zarah tacutar dani, Allah shine zemun sakayya, kuma gashi tun aduniya tafara gani, idan da tasamu sa,ata dayanzu nakara zama rakumi da akala. Dan haka ni babu abinda zan mata.

Ke kuma Jidda bazanyi maki baki ba, sbd ba laifinki bane, duk da kema kina da laifi, meyasa Jalila batayi abinda Zarah tasakiba? Yanzu ai kinga karshe da kuma illar bariki ko? Ko ahaka Allah yabarki yahadaki da babban aiki, kuma wannan cuta taki idan har bakisha mata magani ba, zakizamo abin kyama agurin mutane. Abu daya ne zesa nazauna agidan nan, shine auren Jalila, amma iname tabbatar maki ina aurar da ita nima zanbar maku garin, bazan iya zama bakin cikinku yakasheni ba. Tashi yayi yana hada hanya, da kyar yashige dakinshi sbd jirin dayake gani.

Zubewa Jidda tayi agurin tana wani irin kuka me tsuma zuciyar me saurare, Jalila ta matso kusa da ita tariketa itama tana kuka, Falak kuwa jitayi cikinta yawani murda kamar alokacin zata haifi abinda ke ciki, kwantawa tayi tasaki wata irin kara tana kara rike cikinta, dasauri su Baba Mairo dasu Sameer sukayi kanta, jini ne yafara bin kafarta, nan take ta sume.

Cike da tashin hankali Sameer yadauketa Saleem da sauran suna binshi abaya, mota yanufa da ita suna shiga Saleem yaja suka nufi asibiti. Gaba daya hankalin Kawu yagama tashi, su Jalila se kuka sukeyi, Zarah tafito kanta ko dankwali babu, se cizgar gashinta takeyi haka tanufi bakin gate. Jalila tace Kawu kate maka mana......

.

Suna zuwa asibiti aka ansheta aka nufi Emergency room da ita, Sameer hankalinshi bakaramin tashi yayi ba, yakasa zaune yakasa tsaye, Saleem ne yadafashi yace kayi hkrdan Allah, addu,a yakamata muyi mata.

Sameer yace wlh tsoro nakeji kada murasa abinda ke cikin Falak, Saleem yace insha Allah bazamu rasa shiba. Sunfi minti 30 agurin sannan wani likita yafito suka bi bayanshi zuwa office.

Bayan yagama yan rubutunshi yakallesu, murmushi yayi ganin yanda Sameer yayi kamar meshirin yin kuka, yace to alhamdulillahi, munsamu tsayar da jinin dayake zuba, kuma cikin jikinta befita ba. Sede dole ze kara ko sati biyu akan kwanakinshi.

Wani murmushin farin ciki Sameer yayi yace mungode Dr. Yanzu ya jikin nata? Yace dasauki, ansamata karin ruwa tana bacci, zuwa anjima insha Allah zata tashi, sede kada tarika aikin wahala,kuma arika kwantar mata da hankali, magunguna ya basu wanda zasu siyo mata, amsa sukayi suka mashi godiya suka fita.

Zarah kuwa gaba daya tafitar da kayan jikinta, se jan gashinta takeyi, duk tajima kanta ciwo, Jalila se kuka takeyi tarasa yanda zatayi da ita. Kawun Sameer ne yadauko ruwa akofi yayi addu,a ya watsa mata ajiki, nan take tafadi kasa bacci yadauketa. Kamata Jalila tayi takaita dakinta ta kwantar da ita bisa gado.

Wata doguwar riga tasaka mata da kyar, sannan tarufo maka kofar dan kada tafito, dakin Jidda tanufa, dan tunda aka tafi da Falak asibiti bata kara ganinta ba, kwance tasameta ta rufe da zanin gado, numfashinta yana fita dasauri.

Dasauri tahau saman gadon ta budeta, jikinta zafi taji sosai tace Yaya Jidda bakida lfy ne? Kai tadaga mata, sauka tayi taje tadauko mata maganinta, ruwa tadauko mata ta kamata tabata maganin, tana gama sha tayi saurin sauka tanufi bandaki tafara amai, seda tagama Jalila ta temaka mata ta gyara jikinta suka fito, bayan ta kwantar da ita takoma ta gyara bandakin.

Zama tayi tana kallon yanda take fitar da numfashinta kamar zebar jikinta. Wasu zafafan hawayene suka sauko mata, kai ta girgiza tana me tausayin kanta, akan irin rayuwar datake fuskantota, ga Ummi ta haukace, ga Jidda akwance. Ahankali tace Yaya Jidda kozaki shirya muje asibiti? Kai ta girgiza tace konaje asibiti babu abinda zasu mani, kawai kibarni haka. Jalila tace bara inje inkira Dady, hannunta Jidda tarike tace,

A,a Jalila, ayanzu babu abinda Dady yakeso kamar natsuwa, ayanzu yana cikin tashin hankali bekamata kije gurinshi ba, dan yanzu ma Allah kadai yasan cikin halin dayake, Jalila tace haka ne, Jidda tayi murmushi tace kiyi hkr Jalila, zamu barki cikin kuncin rayuwa, Allah yakareki daga sharrin dangin miji, tabbas nida Ummi munbar abin fadi aduniya, amma insha Allahu bazaki tozarta ba, nide ina rokon addu,arki akullum.

Jalila tace bakomai Yaya tunda har Allah yajarabceni da wannan rayuwa yasan zan iya dauka, kuma kema zaki samu rayuwa me kyau, fatana kawai kirika shan maaganinki. Ummi kuma insha Allahu zata samu lafiya. Jidda tace hadomun black tea.

Alh, kuwa tunda yashiga daki jiyayi kamar zuciyarshi zata fito waje, har ya kwanta sekuma yayi saurin tashi yanufi bandaki yadauro alwala yazo yadauki Qur'ani yafara karantawa, yadade yana karatu harseda yaji zuciyarshi tayi dadi sannan yatashi yayi raka,a 2 yayita rokon Allah akan yadora mashi duriya da dangana aduk halin daze shiga.

Jin falon yayi shiru ne, yatashi yafito, akofar kitchen yaci karo da Jalila, wani sabon tausayinta yakara kamashi, kasa kallon idonta yayi yace ina su Falak? Ana tafada mashi abinda yafaru, yace to ina Jidda take fa? Tace tana daki ita zankai ma tea ma, ze kara magana yaji wani sabon kuka yazo mashi kawai yajuya yatafi.

Da kallo Jalila tabishi itama tana kuka, dan taga lokacin da hawaye suka taho mashi.

Awaya yakira Sameer ya tambayeshi jikin Falak, Sameer yace dasauki yafada mashi duka abinda likita yafada. Alh, yace toshikenan idan naji dama dama zanshigo.

Zaune Falak take gefenta Baba Mairo da Umman Sameer ce zaune, sesu Sameer da Saleem zaune abisa kujera, Baba mairo tace sannu Falak, inaso ki kara hkr akan wanda kikeyi, Allah yana kallonki baze bari kishiga wani hali ba, inaso kidauki duk abinda yawuce yazama tarihi. Kada kisaka wani abu aranki yazo yadameki.

Ita kuma Zarah kome tayi dan kanta, gashi nan tun aduniya Allah yafara nuna mata ishara, sede abu daya nakeso kisani, ana barin halak kodan kunya, wlh tausayin Jalila nakeyi saboda zata shiga wata irin rayuwa. Kallon Saleem tayi tace dan Allah kada abinda yafaru yasa wani tunani yashiga ranka, nasan kasan komai akan Jalila tunkafin abaka aurenta, inaso kaji tsoron Allah, kuma kamar yanda wannan abu yafaru acikin gida inaso kabarta agida.

Saleem yayi murmushi yace wlh Baba babu abinda yaragu akan son danake ma Jalila, sema karin tausayinta danaji, kuma insha Allah babu wanda zeji wannan maganar abakina.

Sameer yace bara muje muyi sallah damun dawo zamu tafi gida dan banason ta kwana anan, Ummanshi tace a,a idan bataji sauki ba, babu inda zataje, Baba Mairo tace a,a tunda de komai lfy ai gara mutafi gida zefi, nima banason zaman asibitin.

Bayan mintuna 30 Zarah tafarka daga baccin da takeyi cike da firgici, sauka tayi daga kan gadon tanufi hanyar fita, sede taji kofar arufe,komawa tayi tacigaba da daukar duk wasu kayan bisa dressing mirror dinta tana fasawa, hatta da madubin seda tasa hannunta tafasa shi, duk tajima kanta ciwo, jawo sif dinta tayi cikin tsautsayi tafado mata akafarta ta dama, tundaga kwaurinta, wata irin kara tasaki wadda har megadi seda yaji.

Kasa tafadi, tana ihu, gashi takasa cire kafar daga karkashin sif din. Megadi da driver suka shigo suna sallama, Jalila tafito itama lokacin taji ihun Zarah, suka ce lfy? Wlh nima bansani ba, nade barta tana bacci sede naji ihunta, bayanta sukabi.

Tana bude kofar tasaki salati suduka sukabi bayanta, jini ne kwance akasa, Zahar hartayi shiru sbd azaba, dasauri Jalila takarasa gurinta tana kuka, megadi da driver sukayi saurin daga sif din, ai nan sukaga kafarta ta datsa biyu, kamar ansa gatari an fasa, jikin kaurinta shima harkashin ana gani, kafar se reto takeyi.

Jalila tafita tanufi dakin Dadynsu tana kuka, yana ganinta yace Jalila lafiya de? Cikin kuka tafada mashi abinda yafaru, sosai yaji tausayin Jalila, haryayi niyar kyaleta sekuma yatuna mahaifiyarsu ce, yace shikenan kije kicema driver sukamata sukaita mota inazuwa.

Amotarshi yashiga yace suwauce asibitin, Jalila tana rungume da ita, Zarah tayi shiru se hawaye take fitarwa, suna zuwa asibiti aka karbeta aka nufi accident room da ita, ana akayi mata allura tayi bacci.

Likitan yanufi Alh, yace suje office. Bayan sunzauna yace agaskiya Alh, sede ayanke kafar matarka, sbd kashi kafar yariga daya rabe 2, fata ce kawai tarike sauran rabin kafar, amma shi ciwon kaurin za,a iya mata dressing sbd kashin tsagewa ne kawai yayi. Kuma naga kamar tana da matsalar tabin hankali ko? Alh, yace Dr, inaso kuyi duk abinda zaku iya wanda yadace, babu ruwanka da matsalar haukanta, ita tajama kanta, yanzu haka ba matata bace kawai darajar 'Ya'Yanta zataci. So banason yawan tmby. Dr yamika mashi takarda yace yasa hannu, Alh, yace bara inkira diyarta taji da bakinta, sbd yanzu kome zanyi za,aga kamar nayi da wata manufa ne.

.

Shiru Jalila tayi tana hawaye jin bayanin da Dadynsu yayi mata. Tace shikenan Dady muje insaka hannu. Shiga sukayi Dr, ya mika mata takardar tasaka hannu. Anan Alh, yabiya duka kudin aikin dana magani. Dr, yace zaku iya tafiya dan aikin zedauki lokaci, Alh, yace to mungode, muje Jalila.

Zaune suke afalo Kawu yagama yi masu bayanin abinda Zarah tayi bayan tafiyarsu. Falak tace wlh tausayin Jalila nakeyi, Allah de yabata lfy. Baba Mairo tace ita tajama kanta, kuma gashi duniya tana koya mata hankali, sbd alhaki nawa Zarah tadauka akanta, harna mahaifinta fa, kwata kwata tamanta dashi arayuwarta.
Nide yanzu Malam abu daya nakeso aduba akalli mutunci irin na wannan yarinya Jalila, atemaka ma Zarah da addu,a tasamu lafiya.

Kawu yace bakomai, bawani abu bane yake dawainiya da ita ba, se aljanu, kuma sihirin datayima wasu ne, yanzu aljanun suka dawo kanta. Bakomai insha Allahu zamuyi bakin kokarinmu, babu abinda ya gagari Allah.

Saleem yacema Sameer bara inzo inwuce, Falak Allah yakara sauki, sallama yayi masu suka fita shida Sameer. Saleem yace zanje gida idan na huta zanje indubo Jalila dan tundazu nake kiran wayarta bata dauka ba, nasan tana cikin damuwa. Sameer yace shikenan kayi kokarin kwantar mata da hankali plsssss.

Jalila tana shiga daki tasamu Jidda kwance cikin amai, gashi ta bata jikinta da zawo, cike da tashin hankali ta juya tanufi gurin Dadynsu. Atare suka shigo dakin. Kai Alh, yadafe ganin halin datake ciki. Allahumma Ajirni fi musibatihi haza, Wa aklifini khairan minha.

Itace addu,ar da yarikayi azuciyar shi, yace Jalila kiyi hkr kitemaka mata ta gyara jikinta semutafi asibiti, kada kisa damuwa azuciyarki, kirika addu,a zaki samu sauki. Fita yayi yajirasu afalo. Zama yayi yadafe kanshi, yarasa inda zesa kanshi.

Waya yadauko yakira kanin babanshi yana dauka kawai yasa mashi kuka, se alokacin kukan dayake so yayi yazo mashi jin kamar muryar babanshi. Cike da tashin hankali yace Abba lfyrka meyake faruwa kake kuka? Shiru yayi yacigaba da kukanshi, Kawunshi yace shikenan ya isa haka, koma menene tunda ina gari ganinan zuwa.

Kashe wayar yayi ya kwanta bisa kujera yacigaba da kuka sosai, seda yayi me isarshi sannan yaji dadi azuciyarshi, duk wani nauyi dayakeji ada yanzu yaji sauki, tashi yayi yashiga bandaki yayi wanka, yashirya yasamu su Jalila sun fito suka tafi.

Suna zuwa yanda likita yaga jikin Jidda yace dole abata gado, nan aka kaita wani private room sbd yasan matsalarta. Ruwa aka samata da allurai, nan take bacci yadauketa. Alh, yace Jalila muje gida, tace to.

Suna zuwa yasata tayi masu girki yace tazubo yasata tazauna, atare suka ci abincin yana lallashinta, shima daurewa kawai yakeyi, ahaka suka gama cin abincin Jalila ta kwashe kayan, Alh, yace yauwa idan kinyi wanka semutafi ko, dan dare yayi, tace to.
    Bayan tagama tadauki abincin Umminsu dana Jidda kasancewar asibiti daya suke, suka tafi.
Sadda sukaje har angama ma Zarah aikin ankaita dakin hutu, ana Dr, yafada mashi komai yayi dede amma dole akula da ita sosai sbd karta fama kafar. Godiya yayi mashi yanufi dakin Jidda.

Zaune yasameta Jalila tana bata tea, yace sannu Mamana, kallonshi tayi idonta cike da kwalla, tace yauwa Dady. Zama yayi, Jalila tace Dady ya Ummin take? Yace bacci takeyi kuma komai lafiya angama asa,a zata iya kai gobe bata farka ba, sbd haka kizauna agurun Jidda ku kwana tare. Tace to Dady, yace bara inzo intafi dare yayi kuma Kawu yamun waya yana jirana agida. Sallama yayi masu yakawo kudi yabama Jalila yafita.

Bayan sungama gaisawa Kawu ya kalleshi yace Abba lafiya kuwa nazo gida kuduka bakwanan, gashi kamun waya kana kuka, seyanzu dana ganka nakara tabbatar da babu lafiya dan ayanayin dana ganka nasan bacikin kwanciyar hankali kake ba. Kai Alh ya girgiza yace wlh kawu wani iftila,i ne yasameni alokaci guda, shiyasa narasa yanda zanyi da rai na.............   Anan ya kwashe komai yafada mashi, babu abinda yaboye mashi har labarin Jidda.

Innalillahi Wa inna Ilaihirraji'un. Shine abinda Kawu yaketa fada. Yace lallai Abba ka hadu da wata irin jarabawa wadda bakowa bane ze iya irin wannan dauriya dakayi. Kada kadamu insha Allahu komai ze zama dede, kuma kada kasa abun aranka harya haifar maka da wata matsala, bara inzo intafi dare yayi, kome kenan goben zan sameku asibitin. Yace nagode Kawu, sallama yayi mashi yarakashi bayan yatafi yadawo cikin gida.

.
Washe gari tunda asuba Zarah tacika asibitin da ihu, sbd tafarka kuma babu kowa akusa da ita, gashi allurar da akayi mata tasaketa, hatta daurin da aka yimata na kauri tafara cireshi, hauka sosai takeyi.
.
Duk da zafin datakeji hakan besa ta nutsu ba, abunka da hauka, dakin duk ya baci da jini. Cikin sauri aka shigo dakin, wasu nurse ne guda 2 mata, duk yanda suka so riketa abun ya gagara, nema take taji masu ciwo, daya ce tafita domin kira maza.

Atare suka shigo da wani Dr, tare da wasu maza cleaners 2, kamata sukayi da karfi suka zaunar da ita, Dr, yaduba file dinta, anan yace ma dayar nurse din takawo mashi allura, ko minti 5 ba,ayi ba takawo, amsa yayi tare da zuba ruwan yayi mata, cikin mintuna kadan bacci yadauketa.
.
Dr, yace wannan matar akwai hauka ajikinta, dama kuma jiya Dr, yafada mani kuma dole se ansamu wadan da zasu rika kula da ita sosai idan ba haka ba, wannan kafar zata bamu matsala, yanzu dole kusake mata wani dressing din. Nurse suka ce to. Yace bara na kira mijinta awaya na fada mashi tafarka dan me kula da ita yazo.

Jalila tace sannu Yaya Jidda kitashi in hada maki ko black tea ne kisha kinga tunjiya kike amai, kalli yanda kika koma acikin kwana 1, dan Allah kidaure kici abinci kisha magani kozaki samu sauki, wlh bazan iya daurema wannan rayuwar datake fuskanto ni ba, kinga Ummi tana can kwance kema kuma kice bazakisha magani ba, ai abun seyayi mani yawa, tunda Dady babu ruwanshi da Ummi.

Murmushin karfin hali Jidda tayi tace wlh Jalila nikaina ayanzu inaso in rayu kodan intayaki jinyar Ummi, inaso inrayu kodan nima nayi aure nasamu yarana, inaso inrayu kodan insamu damar neman gafara agurin Ubangijina. Amma nasan namakaro, domin sama tayima yaro nisa, nasan kwanaki na kadan suka ragemun, fatana Allah yakarbi tubata kafin in mutu. Kuka duka suka saka, babu me lallashin wani.

Jidda tace kinyima Baba na Zariya waya kuwa? Jalila tace na masa, yace yau dasafe zetaho. Kai cona, shima wannan bawan Allah ban daukeshi da daraja ba, na dauki hudubar Asabe, wadda itace tayi sanadiyar fadawar Ummin mu cikin wannan halin, duk da hada laifinta amma Asabe ce Babbar me laifi. Jalila tace bakomai insha Allah Ummi zata samu sauki.

Jidda tace gashi yau saura kwana 5 bikinki Jalila kuma ga halin damuke ciki, tabbas mun saka rayuwarki cikin takura. Jalila tace wlh niyanzu auren yafuta arai na, kuma koyanzu baza,a daura ba, harse kunsami lafiya. Jidda tace wlh kada ma kifara, aure kamar anyishi angama ne, bakison inga bikinki kafi Allah yadauki raina?, Shiru Jidda tayi tana kuka, Jalila takara matsowa kusa da ita tace Yaya Jidda dan Allah kibar maganar haka nan, kitashi muje kiyi wanka kiyi brush kisha tea, nasan Dady ze kawo mana abinci sekici.

Jikin Falak yayi sauki dayake agidansu Sameer suka kwana hakan yasa gurin karfe 9 suka shirya su duka suka nufi asibiti, dan Sameer yayi waya da Alh, yafada mashi suna asibiti, tafiya suke ahanya, Baba Mairo tace dole ni nazauna agurin Zarah dan nasan babu kowa agurinta, tunda nasan Jalila tana gurin Jidda, Falak tace toni se nazauna agurin Yaya Jidda. Sameer yace babu inda zaki zauna haka nan kawai ki kwaso mana cuta. Umman Sameer tace gsky kam Falak kiyi hkr zaki rika zuwa dubata amma batun kizauna betaso ba, kema haka nan karfin hali kikeyi amma duka yaushe kika warke.
.
Kawu yace hakane, kiyi hkr idan yaso ke Halima sekiyi masu kara kizauna agurin Jiddan, kema Allah zebaki lada, amma wlh nima ina tausayin Alh, dole kowaye Allah ya jarabta da irin wannan abu yashiga tashin hankali, kuma sbd shi da diyarshi zan nema mata magani, amma da munbarta duniya ta koya mata hnkli, duk da ayanzu ma tafara gane kuranta, tunda ance anyanke mata kafa. Umman Sameer tace ai bakomai yanzu suma sunzama yan uwanmu. Allah yakara basu lfy.

Malam Garba mahaifin Zarah da Alh, ne suka shigo asibitin, kasancewar ya iskeshi agida shine suka taho tare. Mal. Garba yace dan Allah Alh, kayi hkr da irin abinda wannan yarinya tayi maka. Babu irin yanda banyi da ita ba, amma bataji magana taba, tabbas babu abinda zance tsakanina da Asabe sede ince Allah ya isa, duk da kacemun ankashe su, amma bazan yafe mata ba, ita da kawarta, sun cuceni, gashi seda cutar takai harzuwa diyata, duk da itama da laifinta amma Asabe babbar annobace agidana.

Alh, yace bakomai Baba, Allah yakara basu lfy. Yace ameen, kuma hukuncin daka dauka akanta kayi dede, nima dande kawai zuciyar Imani amma da ko zuwa bazanyi ba, to Jalila tayi tamun kuka, kuma ina son Jalila, shiyasa nace zanzo sbd ita. Amma tabbas idan ta warke sede taje wani gurin tayi haukanta amma ba gidana ba. Alh, yace kayi hkr muje de muga jinkin nasu.
.
Suna shiga suka wuce Office, anan Dr, yayi masu bayani. Alh yayi shiru dan yana kunyar mal. Garba, ganin yayi shiru Babanta yace to ai ita tasani, kuyi mata abunda zaku iya kawai ku sallameta. Alh yace a,a Baba baza,ayi haka ba, Dr, inaganin abinda ze faru zansamu wani malami zamuyi maganar dashi dan gsky haukanta bana asibiti bane, kome kenan zanzo mukara magana. Dr, yace gsky dayafi, dan tana cikin wani hali, kome tayi kubarta da halinta amma ceton rai zakuyi kuma kamar jihadi ne, koba komai ai Uwar yaranka ce, kai kuma Baba ai diyarka ce, kasan da mahaifiyarta tana nan kome zata zama bazata iya barma duniya ita ba. Jikin Baba yayi sanyi yace haka ne, likita, kuma nagode da tunatarwar dakamun. Allah yamana jagora. Fita sukayi suka nufi dakin Jidda.

Adakin suka sami su Falak harsunzo, bayan sungama gaisawa, Alh, yace Jalila yajikin nata? Tace to Dady dasauki za,a ce, amma kome taci amai takeyi, yakalli Jidda gaba daya tausayinta yakara kamashi yace sannu Mamana, tace yauwa Dady, kidaure kirika cin abinci maganin baze maki amfani ba, idan baki cin abinci. Kuma banaso kirika saka damuwa akanki, mutane nawa suke dauke da irin cutarki gasunan muna hudda dasu wasu ma harsun fimu lfy da kyan fata, babu wanda ze kallesu yace suna da wata cuta. Meyasa suka zama haka? Sbd suna shan maganinsu, kuma suna cin abinci me kyau, dan haka kicire komai aranki, nide nayafe maki, insha Allahu zaki samu lfy.

Baba Mairo tace yanzu Alh, yajikin Zarah? Yace to banje ma naganta ba, dan Dr, yace mun sunyi mata allurar bacci, dan da asuba data tashi haukan yadawo sabo, duk tajima kanta ciwo, kuma ta fama ciwon kafarta, shiyasa yace dole asamu wanda zerika kula da ita.

Baba Mairo tace bakomai Alh, kome zamuyi, zamuyi ne, dan Allah da kai da kuma yaranta. Nizan zauna agurinta ita kuma Halima zata zauna agurin Jidda, tunda Jalila tayi yarinta ace tayi jinya.  Alh, yace to mungode sosai Allah yasa da alkhairi. Baba Mairo tace, ammade bikinta dagawa za,ayi ko? Alh, yace ina tunanin haka, duk da nariga dana gama gayyatar abokanaina, amma tunda lalura ta gifto dole adaga.

Mal. Garba yace a,a baza,ayi haka ba, wannan yarinya ta dade ana shiga hakkinta, acikinsu babu wanda tacema yashiga rayuwar da yayi, dan haka saboda su baza,a daga bikinta ba, acikinmu waye yasan lokacin dazasu warke? To kuma kawai se ashiga hakkin baiwar Allah ace sesun warke za,ayi bikinta. Shima mijin ai anshiga hakkinshi, yagama fada ma kowa nashi, ai  bikin magaji baya hana na magajiya, dan haka abar bikin nan da kwana 5 kmar yanda akasa, Allah yabasu lfy.

Alh, yace shikenan dama gani nayi kamar Jalilan bataso ayi acikin wannan halin shiyasa zan daga, amma shikenan ke Jalila kiyi hkr, nasan bazakiji dadi ba, ace za,ayi bikinki a irin wannan yanayin komai zezo karshe, ranar asabar za,a daura aurenki kuma aranar za,a kaiki. Kuka Jalila tasaka ta tashi tafita, seda tabama kowa tausayi adakin.

.

Haka suka wuni a asibiti, Falak da Jalila ne, suka koma gida suka yomasu girki, Kawun Sameer kuwa dakin Zarah yaje shida mal, Garba da Alh, anan yafara yimata addu,oi, shiyasa lokacin data farka batayi wani hauka me yawa ba, Baba Mairo tana gefenta ita tarika bata abinci da kyar taci sbd wasan datakeyi.

Lokacin da Saleem yazo shida Sameer bayan yaduba jikin Jidda yakira Jalila suka fita waje, cike da tausayi ya kalleta yace my dear wlh harkin rame. Murmushi tayi tace ba dole ba, yace haka ne, dazu munyi magana da Sameer har nake cemashi koza,a daga bikinmu ne, yace mun a,a Dady yace baza,a daga ba. Jalila tace nima naso adaga amma Baba na Zariya yace a,a.

Saleem yace babu damuwa ki kwantar da hankalinki babu abinda ze gagara insha Allah, fatanmu de Allah yabasu lfy, tace ameen. Yanzu mekike bukata, nasande bawani abu kikace zakiyi ba ko? Tace hakane, walima ce kawai zamuyi da yan islamiyarmu, yace shikenan idan nabaku dubu 100 yayi ko? Murmushi tayi tace basuyi yawa ba? Harararta yayi yace bansani ba, anfada maki bikin wasa zanyi, wasu ma a party kadai suke kashe abinda yafi haka, seni daza,ayi walima zakice wai sunyi yawa. Tace tonaji maida wukar, Allah yasaka da alkhairi, yace yauwa ko kefa.
.
Sameer yafadamun duk abinda yafaru jiya, kuma munyi magana da Abbana sede banfada mashi komai ba, kawaide nace ba,a san abinda yasamu Ummi ba, kuma yakira Dadyn ma sunyi magana, yace zeshigo yadubata se Dady yace a,a yabari tunda saura kwana 4 daurin aure seyayi zuwa daya. Kwallan dasuka zubo mata ta goge, tace nagode, bansan dawane baki zanyi maka godiya ba. Yace bakida bakin yimani godiya sbd kinbiyani dakika amince zaki aure ni. Amma inason inrokeki wani abu 1. Wannan yawan kukan da kikeyi yayi yawa, dan Allah kidena, nasan dole ne, amma inaso kiyawaita fadin Innalillahi wa inna ilaihirraji'un aduk lokacin da kikaji wata damuwa tadameki. Tace shikenan nagode.

Haka suka cigaba da jinyar Zarah da Jidda, jikin Zarah kam ana samun cigaba, amma jikin Jidda ba sauki, duk ta rame tayi baki, idan kaganta bazaka ce Jiddar daka sani bace, haryanzu aljanun jikin Zarah basuyi magana ba, sede haukan dasauki, tana samun sauki aduk lokacin da ake mata addu,a amma idan har bakowa agurinta haka zakaga kafarta tana fitar da wani irin ruwa marar kyau, kuma aranar se ansake wani gyaran dan ta kafarta suke cutar da ita, shiyasa har yanzu kafarta kamar sabon ciwo ne.

Hakan yasa Kawu yace ma Alh, dole zeyima wani abokinshi Babban malami ne, kuma yana da sani sosai akan harkar aljanu, Alh, yace to amma abari bayan biki seyazo.

Kasancewar bawani cikin keanciyar hankali ake ba, hakan yasa Jalila bata samu gyara sosai ba, sede duk da haka Falak tana kawo mata wasu abubuwan sha tana sha, Falak takaita gurin saloon akayi mata, takira wata me kunshi tayi mata, duk da ta rame amma tayi kyau sosai, duk wani shiri da za,ayi na Walima wata kawarta yar ajinsu ta mika ma komai Bilkisu, tare da wata Farida, duk ajinsu daya, malamansu da Sameer sune suka shirya komai, kuna anan makarantarsu za,ayi walimar.

Ana gobe daurin aure ranar juma,a kenan wanda kuma aranar da karfe 4 za,ayi walimar, zaune suke adakin Jidda, tana kishingide tana shan kankana, fuskarta har wasu kuraje sun fara fito mata, kadan kadan tana goge kwallar datake fito mata. Falak tace Yaya Jidda dan Allah kidena wannan kukan, babu ranar dazata zo bakiyi kuka ba. Jidda tace Uhm Falak kenan, nikadai nasan menakeji araina, da jikina. Kamata yayi ace hadani akae wannan hidimar bikinta Jalila, amma sbd son zuciya da biyema rudun duniya kalli yanda nadawo, ina nan kwance za,ayi bikin Jalila, wanda gashi de da raina amma banida ikon halartar bikin, wannan kadai ya isheni ishara.

Kalli Ummi, duk yanda taci buri da bikin nan, amma gashinan son zuciya da rudun duniya itama ya kamata ahannu, har garani nasan me akeyi, amma ita batasan meke faruwa ba, kuma hakan bazesa adaga bikin ba. Lallai mun ishi duk wani me hankali zama abun kwatance. Jalila tana kuka tace Yaya Jidda kiyi hkr Allah yana karbar tubar me tuba, insha Allahu zaki kasance daya daga cikinsu.

Baba Mairo da Umman Sameer ce suka shigo sun dawo daga dakin Zarah sunyi mata wanka, Baba Mairo tace Falak kuzo kutafi kishiryata kinga har 3 tayi, kada ayita jiranku kunsan taro za,ayi sosai bekamata ace ku tsaida mutane ba. Kuma idan kingama kisamu guri kizauna kinsan jikinki yayi nauyi, tace to. Kama Jalila tayi wadda take ta kuka, tace muje, Jalila tace tomuje inga Ummi sannan. Baba Mairo tace kuje taganta seku wuce. Kara kallon Jidda tayi, Allah sarki Jidda kifar da kanta saman cinyarta tayi, tana wani irin kuka me ban tausayi, seda tasaka su kuka. Haka Falak tajata suka nufi dakin Zarah.

Kwance take tana bacci, gaba daya tayi bakikkirin fuskarta kamar an shafa mata bakin tukunya, kafarta meciwo takoma siririya tundaga guiwarta har dungulmin da aka yanke, babu kyan gani, gashi duk tarame, kamar ba ita bace me kiba da jiki me kyau, shiru Jalila tayi tana kallonta, tace Allah yabaki lafiya Ummi. Falak ta kalleta, seta tuna Ummanta, lokacin tana cikin rashin lafiya, zuwa tayi ta taba jikin Zarah, taji babu zafi, kai ta girgiza tace ai dasauki ma tunda ita batajin zafin jikinta. Saurin fita tayi sbd kukan daya taho mata. Jalila tagane me Falak take nufi, duk se tausayinta yakamata, tace kingani ko Ummi, mutanen dakika cuta kika maida banzaye yau gashi sune suke maki rana,
.
Yaugashi Falak da kikaso akashe, itace take amatsayin daya kamata ace kece kikemun abinda takemun. Goge idonta tayi tace Allah yasa kina cikin wadanda Allah ze gafarta ma kura kurensu, sede nasan baze yafe maki laifin bayin dakika cuta ba. Saurin fita tayi tajawo kofar tasamu Falak amota suka tafi.

Jalila tayi kyau sosai tasha hijabinta harkasa, haka tazauna, agefenta Falak ce itama tasha hijabinta da katon cikinta, mutane dayawa sun halarci taron, taro yayi taro sosai aka gayyaci mutane dayawa, kasancewar Jalila tanada kokari amakarantar. Bangaren manyan mutane daban, hatta da Mahaifin Saleem seda yazo shida abokananshi sbd suntaho har daurin aure, Saleem da abokananshi suma sun halarci gurin, Sameer kuwa sune manyan malamai, suna ta hidima da mutane, Alh, da Kawunshi da Mal. Garba dasauran abokananshi daya gayyata duk suna zaune acikin rumfa.

Kanshi yadaga yaga irin mutanen dasuka halarcin gurin kawai seyaji kwalla tacika mashi ido, glass dinshi yaciro yasaka, Kawunshi wanda yana kula dashi yace haba Abba, kayi hkr mana kada kabari mutanen dasuke gurin nan su fahimci halin da kake ciki, nasan kana tunanin babu mahaifiyar Jalila agurin nan, da babu ita akwai wani abu daya ragu? Kalli gefen iyaye mata kagani, ga medakina can da sauran yan uwa waye ze iya cewa babu Zarah agurin? Sede wanda yasanta, kuma kowa ai yasan rashin lafiya ko. Alh, yace shikenan kawu nagode.
.
Haka aka fara bude taro da addu,a sannan aka gabatar da manyan baki, aka kira Jalila domin ta karanta wata sura daga cikin Qur'ani amatsayinta na wadda akema walima, da kyar tafito, seda Falak ta anshi nikaf din wata tabata tasa, sbd tundazu take kuka. Haka tafara karatu cikin dadin murya, sede dakaji muryarta kasan muryar kuka ce, tana cikin karatun tafara kuka, seda ta burge mutane dayawa, sbd sun dauka karatun ne da murna suka sata kuka, wadanda suka san halin datake cike ne kawai suka san dalilin kukanta. Shikanshi Alh, seda yatashi bada sanin kowa ba yanufi cikin motarshi yazauna yarika kuka kamar karamin yaro, seda yaji dadin zuciyarshi sannan yafito, dayake bakin glass yasa babu wanda yake ganin idonshi. Yana zama Kawunshi yagane meyayi, shima kanshi tausayinshi yakeji.

Ganin Jalila tana kuka yasa Sameer yaje ya amshi lasifikar yayi mata godiya duk da shima jikinshi yayi sanyi. Saleem kuwa seda yayi yan kwalla, har abokananshi suna janshi. Gaba daya tausayin Jalila da Sonta suke kara ratsashi.

Haka aka kira Alh, yazo yayi jawabi, dauriya kawai yayi yafito, yana magana shima muryarshi tana rawa, ahaka yasamu yagama, sannan aka cigaba da. Wa,azi. Se karfe 6:00 dede aka tashi, tare da mika ma Jalila kyaututtuka, haka kuma tasamu kyautar kudi daga gurin bakin dasukazo, aka rarraba kayan ciye ciye kowa ya watse.

Adaran ranar su Baba Mairo sukaje suka bada duk wani abinda za,a girka gobe, ita da Hajiya Fatima matar kawaun Alh, dayake anan gidan yace su sauka, sbd itama tasan komai daya faru, ko kayan gara nasiye suka siya sbd lokaci yakure ba,ayi ba, kuma sunje sunyi mata jerenta, dan dama ansayi kayan dakin, sauran abinda ba,a siya ba, na kitchen suka bari se gobe da safe suje su siyo.

Haka suka tsara komai, da sauran yan uwan Alh, dasukazo, abangaran Zarah kam babu wanda yazo se yan uwan Babanta, shima cewa sukayi sbd Jalila da Alh, sukazo dan ita bata yarda suba, amma ko asibitin babu wanda yaleka. Gida kam yacika ba laifi mutane sun taru.

Adaren ranar jikin Jidda yayi tsanani cikin dare tarika suma, haka Umman Sameer da Baba Mairo suke tsaye akanta da sauran nurse, ganin jikin yaki sauki yasa wata nurse tayi ma Dr, waya acikin daren.

.
Se da asuba suka samu jikinta ya dedeta, haka aka samata oxygen har seda numfashinta yadawo dede, duk abinda akeyi su Jalila basu sani ba, dan Baba Mairo tace kada afada masu tunda dare yayi.

Da misalin karfe 6 nasafe Alh, ya iso asibitin anan yakejin abinda yafaru, cike da damuwa yace amma Baba Mairo ai da kunsanar dani, ko dare yayi ai zan iya zuwa, tace hakane Alh, yace sannunku Allah yasaka maku da alkhairinsa, Baba Mairo tace Ameen ai ba komai, duk munzama daya.

Fita yayi yadubo jikin Zarah, tana kwance kamar gawa sbd allurar bacci ake mata idan dare yayi dan kada ta farka tajima kanta ciwo, haryanzu bata farka ba, tausayinta yakara kamashi, yace kaiconki Zarah, kalli yanda kika jama kanki bala,i ana bikin diyarki amma kina kwance cikin hauka, juyawa yayi yafita, yabiya gurin Dr, anan yake kara mashi bayani akan ciwon Jidda. Alh, yace Dr, kode afita da ita waje, ciwonta yana bani tsoro?.

Dr, yace E to hakan ma yana da kyau, amma gsky matsalar Jidda bawani abu bane kawai cutar jikinta ce taci karfin jikinta, kuma da karfi tasamu nasarar karya garkuwar jikinta bawai dan takai lokacin ba, da farko tayi sakaci batazo asibiti dawuri ba, na biyu kuma tafara shan magani tabari. Na ukku kuma yanzu kwata kwata maganin baya yimata amfani ajikinta, sbd kotasha amayar dashi takeyi.
.
Karin ruwan da ake samata ne, kadai yake amfani ajikinta, kuma babbar matsalar bata cin abinci sosai, kotaci ma baya zama. Wadannan sune matsalar Jidda, kuma duk inda kuka kaita, basuda abinda zasu mata. Alh, yace shikenan Dr, nagode. Dr, yace se hkr Alh, Allah ya jarabceka da lalura, amma idan kayi hkr wata rana komai zewuce. Karfe nawa ne daurin auren? Karfe 2 ne, toshikenan Allah ya kaimu. Sallam yayi mashi yafita.

Da misalin karfe 2 dede na rana dubban mutane suka sheda daurin auran Jalila da Saleem, wanda akayi abisa sadaki dubu 50. Adede lokacin su Jalila da Falak suna asibiti, dan Jalila cewa tayi bazata zauna agida ba, tasan anjima babu wanda zebarta tazo asibiti, zaune take agaban Zarah, se kuka takeyi. Zarah kuwa tana kallonta tana dariya tana dariya, Falak tana gefe ta kalli Jalila tace haba Jalila kukan ya isa haka, Jalila tace dole inyi kuka Falak, ace ayau ana daurin aure na, amma Ummina da Yayata suna kwance agadon asibiti, kuma su duka babu me ciwon daza,a fada ta dadi, dukansu su suka jama kansu, yakike so inyi? Kinaji jiya agabanmu wasu suke gulmar Yaya da Ummi, sbd kome kake boyewa dole mutane su sani.

Wlh yafi acema banda Uwa za,ayi bikina hakan zefi mani insan cewar bata raye bazan damu da rashin wanda zemun nasiha ba, amma gata araye kuma cikin halin hauka, wanda zuwa yanzu mutane dayawa sunsan cewar ta hauka ce, kuma qai qayine yakoma kan mashekiya, yakike tunani idan dangin mijina sukaji haka? Nide wlh Ummin kin..... Falak tayi saurin rufe mata baki tace haba Jalila da iliminki, da komai, kinsan fa kome Uwa tazama ba,a canza ta ko? Dan haka inaso kitoshe kunnuwanki da duk wata magana dazakiji daga gurin dangin mijinki, kuma duk wanda yatareki da maganar kiyi banza ki kyaleshi shine kawai abinda ze kwaceki daga gurinsu.
.
Baba Mairo ce tashigo, cak ta tsaya ganin haryanzu basu tafi ba, tace mezan gani haka Falak? Kinsan fa tundazu aka daura auren yakamata ace kuna gida yanzu tasamu takara wanka sannan taci abinci. Falak tace wlh abinda nake fada mata kenan, tonaji kema ai nace kidena yawo dayawa ko, kinsan fa kinshiga watan haihuwarki, dan likita yace zaki iya kara kwanaki ba lallai bane ace kinsan lokacin, kuma wahala ma tanasa mutum ya haihu babu shiri, nide kutashi kutafi.

Jalila tace Baba Mairo yajikin Yaya Jiddan, munje dakin akace antafi da ita za,ayi mata test. A,a jikinta dasauki nabaro Halima agurin suna can gaba yanzu zasu dawo, Falak tace muje driver yana jiranmu.

Fita sukayi suka nufi dakin da aka kai Jidda test, atare suka jero, tana bisa wheel chair ana turata, wasu mata da miji suka wuce su mijin yana dauke da yaronshi, harsun wuce Jidda tace ma Jalila dan kwalama wancan kira kice Al,amin. Jalila tace kinsanshi ne? Tace inaji kamar shine, amma kirashi mugani. Jalila tace Al,amin. Cak ya tsaya atare suka juyo da matarshi, dawowa sukayi da baya, dan danan matar ta bata fuska.
Al,amin yace sannunku yamejiki? Jalila tace dasauki, kuma itace ma tace amaka magana. Kallon Jidda yayi cike da tausayi yace sannu baiwar Allah yajikin? Kuka Jidda tasa, kowa ya tsaya yana kallonta, Matarshi tace dan Allah honey muje kasanfa akwai inda zamu biya ko.

Jidda tace Al,amin, Ameerah, cike da mamaki matar takara kallonta tace ni kuma? A ina kikasanni? Goge kwallan idonta tayi tace lallai duniya kenan, baku ganeni ba? Jidda ce. Gaba dayansu suka zaro ido suka hada baki sukace Jidda Abba Bala? Ta daga kai tace kwarai kuwa. Umman Sameer tace bayin Allah mun tsaya ahanya kumuje dakinta gashi can sekuyi maganar acan.

Al,amin da Ameerah kuka sosai sukeyi dasuka gama jin labarin da Jidda tabasu, tace na cuci kaina, Ameerah kece silar shigata wannan harakar, Al,amin kaine mutumi na farko daka fara sanina 'ya mace amma yau gashi kudayake kunada rabon tsira Allah yatema keku kunshiryu, abun mamaki kuma harkunyi aure hada rabo atsakanin ku.
.
Ameerah tagoge idonta tace tabbas Jidda na cuceki, sbd nice silar shigarki wannan rayuwar,  sede wlh tun bayan damukayi fada dake akan nazo inaso inmaidake ruwa lokacin da kika tuba, mukayi fada tundaga lokacin mukabar unguwar da muke, kuma nasake waya shiyasa bankara nemanki ba, dan naga kinbar harkar danakeyi, haka nacigaba da rayuwar bariki.

Dalilin shiryuwata shine lokacin da Babana yarasu, tundaga ranar naji tsoron Allah, sbd agabana yarasu, nashiga firgici, dama akullum addu,ar Mamana Allah ya shiryeni, segashi Allah ya amshi addu,arta, nashiga damuwa tunbayan mutuwarshi nakara canza layi, duk wasu kawayena seda narabu dasu, sbd malamin dana samu nafada mashi irin rayuwar danayi kuma nace mashi inason intuba, yace abu nafarko dazan farayi shine inrabu da duk wasu kawayena.

Sbd yace mun idan har mutum yana aikata alfasha, kuma yatuba, matukar berabu da abokanan shiba, tamkar be tuba bane, dan wata rana zasu iya dawo dashi ruwa, alokacin hargidanku nazo sede bansamekiba, Umminku tace mun kina zariya, na amshi no ki amma nakiraki bata shiga, alokacin naso mukulla sabon kawance tunda nasan kin tuba.
.
Tundaga ranar nikuma bankara tunanin zuwa gidanku ba, haka nashiga islamiyya wannan malamin yatsaya mun sosai nayi karatu me yawa, wata rana nadawo daga makaranta, nahadu dawani dan unguwarmu tare da wani, na tsaya mugaisa kawai senaga ashe Al,amin ne, anan muka gaisa shima yayi mamakin ganina haka, shine ya amshi no ta yace zezo muyi magana, dan bayason muyi agaban abokinshi.

Naji matukar tausayinki lokacin dayabani labarinki, alokacin yayi kuka shima, dan yacemun shine sanadiyar komawarki ruwa, kuma ya kaiki inda kika hadu da matsala, haryake cemun yaso kuyi aure amma kika kiya, alokacin daya temakeki kuma yace yana zargin kina dauke da cuta, yaso kije kiyi gwaji idan baki da ita kuyi aure amma baki yarda ba.

Ganin nima nashiryu, shima yafadamun irin kallar tubar dayayi kuma yace idan zan amince ze aure ni, dama alokacin mijin aure nake nema ni kuma na amince mashi, yanzu haka yaronmu daya Sultan, kuma haryanzu banwuce karatu ba, dan gani nake gara nayi zamana nayima mijina biyayya yafi dan tsoron yan matan Jami'a nakeyi, keni zan iya cemaki kawata daya yanzu ma kwafciyata, itama tadan girmeni.

Al,amin kuwa kasa cewa komai yayi sbd kuka yakeyi tamkar mace, kowa yakasa lallashin shi. Jidda ma kukan takeyi, da kyar tayi shiru tace bakomai Ameerah wlh nayafe maku, duk da kune silar shigata wannan rayuwar amma babban laifin yana gurina da gurin Ummin mu, mekikace yanzu? Mamanki kullum addu,arta Allah ya shiryeki, toni banda wanda yakemun addu,a se kanwata. Kuma kinsan yanda addu,ar Uwa takeda tasiri akan 'ya'yanta, yakike gani idan da ace Ummina ce takemun addu,ar da Jalila takemun?.

.
Mutum yasamu Uwa tagari ma babban abin alfahari ne, Baban nawa daya kamata shima yatuna dani yamun addu,a bata bari yasan halin danake cikiba, bare yamun addu,a. Asalima tasashi yamanta dani acikin yaranshi.

Wannan Uwa tagari ce? Uhm, nikam ahaka nazo duniyar banci ribar komai ba, kuma gashi zanbarta babu wata riba. Al,amin bakayi laifi ba, dan ka auri Ameerah, laifi nane, fatana kobayan raina kada kumanta dani kurika sakani cikin addu,arku kuma duk wanda zebani sadaka, inarokon daya aje bayan raina agina mun koda rijiyace wadda mutane zasu amfana da ita, koda hakan nasan da kudina nabar abinda wasu zasu amfana dashi, kuma Allah zekai ladar akabarina, amma tabbas ban tara komai na lada ba, wanda zanyi guziri dashi natafiya,,,,,,, kuka ne yaci karfinta.

Shiru dakin yayi sbd gaba daya dakin kowa kuka yakeyi. Al,amin da kyar yace Jidda kiyafemun kiyafemun dan Allah, tashi yayi yadauki Sulta ya aje masu kudi wanda besan yawan suba yafita sbd gaba daya zuciyarshi tayi mashi zafi, Ameerah ta mike tana kuka tamika ma Jidda hannu sukayi musabaha, itama tafita tana kuka, akofar fita suka ga mutum tsaye ya juya baya, da alama shima kuka yakeyi.

Alh, ne yazo tafiya dasu Jalila dan Baba Mairo tace mashi suna nan, tunda yazo zeshiga yaji firarsu kawai ya tsaya akofar dakin. Tausayin Jidda yayi mashi yawa, haka yashiga dakin daka ganshi kasan yasha kuka, bakin glass ne a idonshi amma duk da haka afuskarshi ana ganewa.

Kwance ya iske Jidda tana ta kuka, yace Jalila kumuje kunga har la,asar tayi, Falak kuwuce muje. Jalila ta matsa tarike Jidda sosai, tana kuka, tace Yaya Jidda kiyafemun, zantafi, amma gobe zamuzo, Allah yabaki lfiya. Jidda tace bakitaba yimun komai ba Jalila, nice yakamata inrokeki gafara, na cutar dake, kiyafemun, Falak kema haka dan Allah kiyafemun. Falak tace nadade dayafe maki, Allah yabaki lfiya.

Da kyar aka cire Jalila daga jikin Jidda sunata kukan saurin fita Alh, yayi danshima kukan yakeyi.Jidda kwanciya tayi tana kukan zuci jitake dama Allah yadau ranta yanzu.
.
Da misalin karfe 7 aka gama shirya amarya, tayi kyau, sede fuskarta ko kwalli bata bari anshafa mata ba, bamaze zauna ba ko anshafa, sbd hawayen dasuke zarya afuskarta, afalon Alh, aka kaita suyi sallama, zaune suke da Mal. Garba, da Kawunshi, anan kowa yayi mata nasiha sannan akace Alh, yayi mata nasiha, kasa cewa komai yayi, sede yace Allah yabaki hkr Jalila, saurin tashi yayi yashige daki sbd kuka, daya taho mashi, itama kukan takeyi, haka matar Kawun Alh, ta dagata suka wuce, Falak kuwa dama tundazu Sameer yadauketa yakaita gidan amaryar dan yace baya so tasha wahala, manyan mata 2 ne suka sakata tsakiya, da yan uwan Kakanta, se dangin Dadynsu.

Sauran mutane suka biyo bayansu. Gidanta yayi kyau sosai, haka suka shiga da ita, bayan sunmikata ga dangin mijinta akayi abubuwan al,ada sannan Sameer yashiga yace sufito amaidasu, dan ance manya bazasu kwana ba, Falak ma Sameer ne yace ta kwana sbd Jalila. Da kyar Falak tasata takara yin wanka sbd gidan kowa ya tafi daga Falak se su Bilkisu da Farida, su 3 ne zasu kwana, lallashinta sukayi taci abinci. Suna zaune Jalila tace wlh Falak gabana faduwa yakeyi, Falak tace badole ba, tunda gobe kamar yanzu kina gaban angonki. Tace ke wlh kincika fassara, nikwai inaji ajikina kamar wani ya..... bata karasa fadi ba, Saleem yayi sallama yashigo shida Sameer, daka kalli idanunsu kasan akwai abinda yafaru. Zunbur Jalila tamike tace Ummi ko? Yaya Jidda ce? Kufadamun waye ya mutu acikinsu? Kamota Saleem yayi yace babu wanda ya mutu kawai jikin Yaya Jidda ne yatashi. Murmushi tayi tace wlh banyarda ba, shikenan kawai, nashiga 3 yazakimun haka Yaya Jidda kinsan banda kowa seke, meyasa zakimun haka,,,, kuka tasa masu, Falak taja Sameer tace meya faru, Yaya Jidda tarasu ko? Share hawayen idonshi yayi yadaga mata kai,

Wata irin zufa taji ta taso mata, mararta tawani murda, saurin dafe cikinta tayi ganin halin data shiga yasa Sameer yayi saurin kamata, yace Saleem muje inajin Falak haihuwa zatayi, kadauko Jalila kawai dasu Bilkisu kasa megadi yakulle gidan bari intafi da ita asibiti. Juyawar da Saleem zeyi yayi ma Jalila magana yaganta kwance akasa ta sume.

Share this

WhatsApp