A DALILIN GATA Page 31-35 (THE END)

A DALILIN GATA Page 31-35 (the end)
.
Zaune suke suna cin abinci da uban tutse-tsen cikin ta wanda haihuwa ko yau ko gobe. " *HUBBY* ya kama ta kabar ni naje gida wankan jego, kasan fa daga na farko shikenan ba komawa za'a k'ara yi ba".
   "Yanzu My Zaz za ki iya tafiya kibar ni cikin tarin kewar ki?, kinsan irin K'aunar da ke tsakanin mu bazan iya jure rashin ki a tare dani ba, ya kama ta ki tausaya min".

Zugum ta yi bata ce komai ba saboda ko ita tasan ba zata iya nisa dashi ba sai dole, ya koya mata k'aunar shi mai zafi yanda bata iya nisanta dashi, "My Zaz in kina ra'ayin zuwa bazan takura ki ba, ko yau zaki je sai ki had'a kayan ki, amma nasan zan takura fiye da tunanin ki".

"Ba komai Hubby na hak'ura, farin cikin ka shine muradi na har kullum, ni ma nafi so kullum ingan ni tare dakai. Yanzu yaushe ne za mu tare sabon gidan mu?".
    "Ina ga mubari sai Allah ya sauke ki lafiya kamin suna sai mu tare can ayi suna ko?".

"To Allah yanuna mana lokacin", da hakan suka cigaba da tsara yanda abubuwan zasu kasance.

*********

Baban Zajlah Allah ya bud'e hanyar samu har ya sayi wani fili bayan shi ya had'e da gidan shi ya yi gyara gwargwado, saboda a tunanin shi tilon y'ar shi za ta dawo gida wankan jego, baisan sun riga sun kitsa komai ita da mijin ta ba.

*******

K'arfe *01:00am* ta falka da nak'uda inda tun tana juriya har ta tayar da Alamein daga barci, gigice ya tashi ta gaya mai yakira mata Mum, hakan ya fice ya kira Mum suka zo tare ji yake yi tamkar yad'auke mata ciwon da ke tattare da ita.

Magana yake wa Mum kan suje asibiti, ganin haihuwar ta zo gadan-gadan ya sa tace yad'an tsaya suga yanda za'ayi. Duk addu'ar da tazo bakin Zajlah furtawa take yi saboda ta galabaita iya galabai ta, suna batun zuwa asibiti ta sunkuto y'ar ta sannan namijin ya biyo baya, je kaga murna gurin Alamein da Mum.

Nan dai Mum ta kimtsa yaran ta kaiwa Alamein sannan ta dawo ta kimtsa Zajlah, tea ta had'a mata mai kauri ta bata tasha.
   Ko da Mum ta fito falon ya saka yaran gaba yana kallo yana murmushi, "To baban twins aje a kwanta ko?, ba ni yaran inje dasu tunda yanzu *02:30am*, kuma nasan da wuya su nemi mamma cikin daren nan".

"Gaskiya Mum sai dai ki kwana nan ko kuma in biyo ki part d'in mu kwana can mu duka", baki ta saki galala tana kallon shi.

"Anya ko Alamein yanda nake murnar na samu jikoki za ka iya bani yaran nan?".

"Ba dai in baki duka ba ko Mum?, ai kyautar d'a sai Allah, zan dai rik'a baki aro koda na awa biyu ne", yana maganar ne had'e da murmushi a fuskar shi da alamar zolaya.

Ita ma Mum murmushi ta yi ta d'ora da cewa "to mara kunya ai yara nawa ne saboda y'a ta ta yi nak'udar su ba kai ba, in yanzu tace ta bani sun zama nawa", ganin cewa tabbas baida niyyar bata yaran ya sa ta fice daga part d'in.

Duk abinda suke yi Zajlah na jiyo su daga d'akin tana murmushi, sai gashi yana k'wala mata kira, hakan ta janyo jiki ta fito falo d'in, "d'auki yaran mu shiga daga ciki, ni ban iya d'aukar jinjirai ba".

Kallon mamaki ta bishi dashi, "amma ko Hubby ka kai, yanzu ma ko yaran baka iya d'auka ba ka hana Mum taje dasu?, to kasan yanda za kayi dasu saboda ni bacci nake ji gaskiya", da hakan ta juya zuwa komawa d'akin.

Lalla6a ta ya yi sannan ta dawo ta d'auki namijin sannan ta runguma mai macen suka koma d'aki suka kwanta.
     Sallar asuba kawai ya yi ya dinga kiran mutane a waya yana gaya masu k'aruwar da suka samu, sai da safe aka kaiwa Dad yaran ya yi masu addu'a had'e da sanya masu albarka.

Kamin kace kwabo gida ya cika babu masak'ar tsinke y'an barka, inda Mum ta yi-ta yi dashi akai Zajlah gida ya k'iya, hakan tasa wata k'anwar Mama Inno da Naja'atu suka dawo gidan da zama domin taya ta rainon jinjirai.

********

Ana saura kwana biyu suna ne su Salmat, Yusrah, Saudat da Shema'u suka je kimtsa mata kayan ta a sabon gidan su nan cikin G.R.A d'in bayan gidan su Mum duk da Saudat da Yusrah na fama da nasu cikin.
.
Ranar suna yara sunci sunan Baban Zajlah da kuma Mum, inda ake ma Abubakar inkiya da Ikrama Maryam kuma Ikram.

Ranar gida ya cika mak'il da y'an suna, Zajlah, Saudat, Salmat, Yusrah Naja'atu da Shema'u suka saka kaya iri d'aya wata dakakkar shadda mai ruwan milk.

Fatima, Bahijja, Lateefa da Musirrah suma ba'a barsu a baya ba, don suma sun yima Zajlah kara har da yaran su.

Wata tawaga na hango tafe sunci ado, kowan nen su baki har kunne, sai da suka iso kusa ne sannan naga mai jagorantar tafiyar ba kowa bace sai Aunty Sis, Momma na Mariya girgir (snowhite), Badiyya, mmn Bakir, Ameena Bappa, Feenah umar, mmn Faruk, Humaira Ya'u, Mmn Khairullah, Sofys-closet, Aisha Bello, Maryam yusuf, Hauwa Jidderh, Aunty Baraka suma sun yiwa Zajlah kara, ashe da gaske soyayyar da suke yi mata ba a baki bace kawai.

Ranar twins sun sha d'auka ga mutane saboda pix d'in da ake ta d'auka, sai daga baya ne Alamein ya shige part d'inshi da yaran.
   Suna kam ya yi armashi abu gwanin ban sha'awa, kowan ne mutum sai da ya fita da jaka da agogo masu tambarin Ikram da Ikrama.

******

Bayan shekara biyar, yara na hango su uku suna kiciniyar bud'e mota zasu shiga yayin da Alamein ke tara-tara dasu kan su bari inya dawo zai kai su gidajen, yanzu yana sauri ne, rigima suka aza wanda ya rasa ya zaiyi dasu, suna hakan ne sai ga Zajlah ta fito da key d'in mota a hannun ta, nan ta fanshi Alamein ya fice sannan ta loda su a mota suka fita.

Shagunan ta na d'inki ne ta fara kai ziyara inda taga komai na tafiya yanda ya dace, daga nan ta wuce gidan Salmat, Mus'ab da Haydar ne suka shek'o taryar su, nan aka baje ana ta hira.
.
Sunje gidan Saudat da yaran ta biyu, Fa'iz da Muftah, Sai Yusrah ita ko y'ar ta d'aya  Zainab, daga nan gidan su ta wuce suka wuni can inda Ikrama yace tunda ba skul nan zai kwana, nan suka barshi suka wuce sai gidan Naja'atu, sai gidan Mum shi da yake kusa da gida.

Ikram ce da little Zajlah suka d'anewa Dad sai tumurmusar shi suke yi, Mum na fad'a kar su karya mata miji, nan dai Zajlah ta bar su ta fice gida, taso ta shiga gidan Shema'u aka ce ta wuce Abuja gurin yiwa oga hutu.

*******
Kwance suke yana bata labarin Visa d'inda ya je cuku-cuku an samu ta Mum da Dad sai Baban ta daya biyawa aikin hajji, saboda ita sunje bayan ta yaye su twins, cikin kud'in shagunan ta na d'inki daya bud'a mata ta biyawa Mal Inuwa inda suka yita sanya mata albarka.

"Ina alfahari dake a rayuwa ta domin kin zamo haske a lamurrana, yanzu gashi  A DALILIN GATA* da Mum ta yimin na zamo mai kamilallar zuciya da kuma alfaharin samun ki a matsayin uwar Y'ay'a na, ya kama ta yau asamu little Alamein tunda kin raba yara kina buk'atar hutawa da Hubbyn ki".
.
Ganin cewa abin zai fi k'arfin gani na yasa na jama su k'ofa na fice, Asuba ta gari.
.
TAMMAT BI HAMDILLAH

Share this

WhatsApp