SO MUGUN WASA Part 21 to 30

Kofin giya aka mikawa samha dan gajeran murmushi tayi sannan ta girgiza kanta alamar A, a,

Abokin cacar nata ne yace bazai yuwu ba tunda yasha dole itama sai tasha kuma a ka'idar wasansu haka ne ba'a fara wasa dole sai an shawu sannan ake fara gabatar da wasa,

Gyara zama samha tayi sannan tace nikam gaskiya bana maye, wani ne ya iso wurin da waya a hannunsa cewa ga kalifa nan yana waya, wato kawu,

Mikawa samha waya akayi ana cewa ga kawunki zaiyi magana dake, murmushi samha tayi da gefen bakinta sannan tace kace mishi ya kirani a wayata,

Cikin daga murya mutumin yace kada ki dauki mutane "yan iska mana? Zaki ansa ko bazaki an sa ba? Dago kai samha tayi sannan tace bazan ansa ba,

Kara daga murya yayi cewa idan bazaki ansa ba saiki tashi ki wuce ki bawa mutane wuri, murmushi samha tayi sannan tace a sauki kenan ba tare da ta sake magana ba ta mike,

Ke ina zakije ne? Samha batayi magana ba dan ta lura a wurin akwai babbar harkalla, glass din idon ta saka sannan tayi gaba, ana magana amma ta basar ta wuce abunta,

Samha tana fita ba gida ta nufa ba a napep tasa akayi ta shawagi da ita a gari, wai kada wani ya biyota ya gidanta ya kasheta a banza,

Saida samha ta gaji sannan tasa aka sauketa a napep ta sallameshi, da kafarta ta fara tafiya, haka tayi ta kutsawa wurare tana tafiya tana dan kalle kalle,

Wurin wani cin abinci ta gani da mutane wurin sosai dan gajeran tsaki tayi sannan ta duba agogon wayarta taga 9:45pm shiga tayi wurin da zumar cin abinci wani abokin kawu ta gani dan haka da sauri ta shiga wurin tana fadada murmushinta,

Kujera taja ta zauna mai fuskantar shi sannan tace sannu, yawwa yace, samha tace ya kokari? Lafiya qalau samha, murmushi samha tayi sannan tace ashe kasan suna na?

Shima murmushi yayi sannan yace har kun gama wasan cacar ne? bata fuska samha tayi sannan tace gaskiya kuduwa nayi! Gyara zama yayi sannan yace miyasa kika gudu ne? Samha tace gaskiya na lura kamar so ake a salwantar min da rayuwa,

Murmushi yayi sannan ya gyara zamanshi yace ya akayi kikayi wannan babban karatun ne? Samha tace ba karatu bane fahimta ce, murmushi yayi sannan yace gaskiya kalifa baida amana,

Samha tace wannan matsalarshi ne, a kawo mana tea mana, tayi haka ne dan kauda maganar, kawo musu tea akayi suka sha samha ta biya kudin sannan tayi ma abokin kawu sallama,

Tana fita tahau mashin a nesa da gida ta sauka sannan tabi lunguna harta isa gida, bayan taje gida ta kwanta ta fara tunani lallai akwai babbar matsala, shin ni ta ina ma zan faro ma abun nan?

Da wannan tunanin tayi bacci sai kuma sahib daya makale mata a saman zuciyarta,

Haka rayuwa taci gaba da tafiya samha sam bata sake gigin zuwa gidan caca ba, haka kuma bata sake zuwa wurin kawu ba, tsaye take saman kafafuwanta sosai tana bincike ta ina zata nemo iyayen ta? Shin suna ma raye ko suna mace?

Kukan wayarta ne ya dawo da ita tunanin da takeyi da sauri ta isa inda wayarta ta dauka, ajiyar zuciya tayi ganin sunan sahib, da sauri ta dauki wayar tare dayin sallama ta kara wayar kunnenta,

Ansa sallamar hydar yayi sannan yace samha nafa dade da dawowa, samha tace to ya za'ayi in san ka dawo banda abinka? Hydar yace ashe ma baki sona? Murmushi samha tayi tare da dan zaro ido kamar hydar yana ganinta tace ina sanka mana sosai ma, Hydar yace ai nayi tunanin zakiyi ta kiran wayana ne har ki sameni,

Murmushi tayi sannan tace to yanxun dai Allah ya baka hakuri kayi hakuri gaskiya ban kyauta ba, amma tunda ka gyara min zan gyara nan gaba insha Allah, sannu da zuwa fatanka dawo lafiya yamai jiki?

Hydar yace mai jiki da sauki sosai, samha tace to Allah ya kara sawake, hydar yace amin, samha tace to yaushe zaka zo ne? Dan shiru yayi sannan yace A, a saidai ke kizo gaskiya mu hadu wurin training mana, murmushi samha tayi sannan tace to sai nazo insha Allah hydar yace yawwa ina saurarenki,

Cikin rawar jiki samha ta shige daki tana shiga ta cire kayan jikinta ta fada toilet a gaggauce tayi wanka tana fitowa tayi shafa, mai da powder da kwalli kadai ta saka sai girarta data gyara,

Kaya masu kyan gaske ta dauka ta kakuba riga da sikat ne, sunyi mata kyau sosai ta daura dankwalinta dauri mai kyau sannan tabi jikin ta fara mishi anbali da ruwan turare, bayan ta gama ta dauki takalmi da jakarta da gyale masu kyau da tsada sannan ta saka,

Kusa da madubi ta matsa ta kalli kanta murmushi tayi sannan ta kara kimtsa bakinta ta fara nuna yanda zatayi magana da sahib idan sun hadu, a bayyane tace kai gaskiya nayi kyau sosai lallai sahib zaiji dadin gani na a haka,

Tana gamawa ta dauki wayarta ta fice daga dakin, tana fita ta kulle gidan sannan ta samu napep ta hau, sai wurin training,

Tana isa wurin ta sallami mai napep dan ba'a barin masu napep suna shiga a wurin, dan haka haikan ta tasar ma wurin zuciyarta cike da shaukin ganin sahib, tana kokarin shiga ne mai gadi ya dakatar da ita,

Samha ta tsaya tare da gyara zaman glass din idonta tace malam yadai? Tana maganar tana yatsina fuska, mai gadi yace ina zakije ne? Samha tace zanje wurin sahib ne, mai gadi yace waye sahib ne? Murmushi samha tayi sannan tace kaga malam bani hanya in wuce,

Tunda nake zuwa baka taba tambayana wurin wa zanje ba sai yau? Mai gadi yace mai wurin ne yace kada a barki ki sake zuwa, samha tace wane dan iska ne? A daidai lokacin da hydar ya iso wurin yace nine nan dan uwarki juya ki koma inda kika fito,

Da sauri samha ta cire glass din idonta sannan tace waikai hydar miya sa dan iska ne? Idanuwa hydar ya zaro sannan yace ke ? Nine kike kallon idona kike cewa dan iska? Samha ta rike kugu sosai sannan tace nace banza sakarai kawai dakai,

Matsawa kusa da ita hydar yayi sannan yasa hannunsa a aljihu ya fiddo abinda yake shafawa samha a ido ya fesa mata,

Wani irin ihu samha ta farayi tana dire dire saboda azaba, da hannunta take laluben hydar amma yaja baya yana dariya dashi da abokanshi, sai kuka samha takeyi tana murza idonta, haka su hydar sukayi ta dariya daga baya yaja tawagar abokansa suka tafi,

Saida samha ta gama kukanta a hankali ta fara bude idonta, hydar ta hango suna tahowa a mota da alama gida zai tafi, jinjina kai samha tayi sannan ta matsa bakin titi ta samu wani lafiyayen dutsenta ta rike,

Motarshi tana fitowa ta saita glass din baya ta bareshi ji kake tatsatatsa, gaba daya glass din ya zube da sauri Alale yayi parking zai fita hydar yayi dariya cewa kyaleta wai nan taji haushi ta rama,

Kallon samha hydar yayi sannan yayi mata kyakkyawan murmushi mai kashe jiki yana mata wani irin kallo mai sauke gajiya, yanda yayi abun yasa samha taji kafafuwanta baya daukarta, hydar ya kula da haka murmushi yayi sannan ya dauke kanshi yayi yana dariya a ranshi,

Saida motar hydar ta bace sannan samha ta samu napep ta hau ta nufi gida, tana shiga gida wayarta ta fara ringing, sahib ta gani murmushi tayi sannan ta dauki wayar,

Cikin rawar murya ta irin wanda yasha kuka ya gaji samha ta fara magana, hydar yace mi akayi miki kuma? Kin wani barni a wurin training nayi ta jiranki shine kika wani basar dani baki zo ba? Samha tace kayi hakuri hydar ne ya hana a barni na shiga samha taci gaba da cewa kuma nayi maka gayu mai kyau kuma yau ban saka nikaf ba, murmushi hydar yayi sannan yace to mi hydar din yayi miki ne? Samha tace ba komai barshi kawai, abinda hydar ya kula samha bata cika san idan wani abu ya hadata dashi daban ta fada mishi a matsayin shi sahib,

Murmushi yayi sannan yace gani nan zuwa yanxun ki sake yin wani gayun zanzo in ganki, samha tace to tana kashe wayar ta tashi da sauri taje tayi wanka,

Shima hydar wanka yayi bayan ya fito ya shirya cikin shiga mai kyau da kama hankali, fuskarshi ya dauka ya saka, sannan ya dauki ledar kayan daya siyo ma samha switzerland, ya fita daga dakin,

Yana fita Alale driver ya anshi ledar har mota ya budewa hydar ya shiga sannan ya ajiye mishi ledar yayi mishi fatan dawowa lafiya, hydar da kanshi yaja motar yayi gidansu samha,

Yana zuwa bayan yayi parking yayi mata waya yazo, kuma shigowa zaiyi samha tace to, bayan ya gama waya da ita ya fita daga motar ya shiga gidansu samha, tana zaune a tsakar gida saman plastic chair,

Da sauri ta taso ta taho wurinshi tana mishi sannu da zuwa, hydar ya ansa, zama yayi sanan ya ajiye ledar hannushi, kallonshi samha tayi sannan tace kayi kyau fa, tana maganar tana dan wasa da ido, murmushi yayi amma baiyi magana ba,

Itama zama tayi tana kallonshi hydar yace dauka wannan kije ki saka unguwa zamu, idanuwa samha ta zaro sannan tace unguwa kuma? Da kanshi ya bata amsa alamar Eh, bude kayan samha tayi sannan tace a ina ka samo su? Murmushi hydar yayi sannan yace hydar ne ya bani yace in bawa budurwata, yanzu ma aikena yayi shine na biyo in tafi dake,

Babu wani damuwa samha ta dauki kayan ta shige ciki da sauri, kayane masu kyau da tsada kana ganin kayan kasan ba sayen yara bane ko masu dan karamin kudi,

Ga turaruka masu tsadar gaske agogo zobuna da sarka da "yan kunne duk na zinari murmushi samha tayi sannan ta dauki kayan ta saka, ta kara gyara fuska sannan ta fito,

Tana fitowa da wata irin tafiya mai jan hankali tazo gaban hydar ta tsaya sannan ta danyi wani dan gaba kadan tayi baya kadan yanda tayi abun ne yayi mashi kyau sosai yabi samha da kallo yana murmushi,

Dan daga hannuwanta tayi sama tana wani dan juyi mai jan hankali sannan ta juyowo ta kalli hydar ta daga mishi gira tare da kashe mishi ido daya sannan tace ya kaga samha? Jinjina kai kawai hydar yayi sannan yace samha tayi kyau sosai, samha tace to muje tayi gaba da dan sauri kamar zatayi fareti tana tafiya tana wurga hannuwanta, ajiyar zuciya hydar yayi yanda samha takeyin abun yayi mishi kyau sosai  tashi yayi yabi bayanta harsun kusa fita yace samha, uhmm tace tare da juyowa,

Hydar yace miyasa baki saka "yan kunnen ba? cikin sakata da shagwaba tace ni basai na wani saka ba, kaidai kawai muje a haka, dan gajeran tsaki hydar yayi sannan yace don Allah ki saka ni ina san inga mace tanayin gayu sosai nidai ina san mace ma'aboci gayu da kamshi una san tsabtatticiyar mace, nidai kije ki saka,

Batayi magana ba ta juya da sauri ta koma ta saka sarka da dan kunne zobe da agogo, saida ta kara fesa turare sannan ta fito, lokacin hydar harya fita dan haka itama da sauri ta fita sannan ta rufe gidan, a mota ta sameshi dan haka tana zuwa ta bude ta shige hydar yaja suka tafi,

Haka suke tafiyar babu mai magana, sai samha lokaci lokaci tana danyin magana hydar saidai yace umm , uumm, hmm, iyya, iyakar maganarsa kenan, har suka isa wurin da zasuje, bayan sun isa hydar ya barta a mota ya fita,

Saida ya dade sannan ya dawo yace ma samha ta fito, bude motar tayi ta fita sannan tabi bayanshi, ƙayataccen wurine da aka ƙawatashi da fitilu masu daukar hankali aka gyara shi aka tsarashi da abubuwan more rayuwa, maza da mata ne masu aji kowa harkar gabansa yake yi babu wani ruwan kowa da kowa, kowa ka gani a wurin harkar gabansa yake,

Suna zuwa wani office suka shiga, bayan sun shiga ne hydar ya nunawa samha wurin zama ta zauna, hydar ya gabatar da samha wurin faruk abokinsa, samha ta gaishe shi, bayan sun gama gaisawa ne hydar yace a kawo ma samha lemu ai zakisha ko? Hydar ne yake tamayarta,

Murmushi tayi amma batayi magana ba, faruk ya fita hydar ya zauna kusa da samha sannan yace wai ina kawayenki da kuke zuwa dasu wurin training da? Cikin nuna rashin jin dadi samha tace iyayensu sun tafi dasu, hydar yace ba mamanku daya dasu ba? Samha tace Eh "ya"yan yayan wanda yake rikeni ne,

Hydar yace shi din waye dinki ne? Samha tace shi ba kowa na bane bansan shi ba bansan yanda nake dashi, tabe baki samha tayi sannan taci gaba da cewa kawai dai inajin ya sace ni ne daga cikin ahalina ya zaunar dani a wurinsa, ya mayar dani injin dinsa saida in sama mishi kudi kawai,

Cikin rashin fahimta hydar yace ban gane ba? Samha tace ai baza ka gane karatun ba, murmushi hydar yayi sannan yace idan ki koyar dani zan fahimta dan babu wanda aka haifa da iyawa, gyara zama samha tayi tare da sauke ajiyar zuciya sannan tace, a tunanina babana da mamana basa raye, shi kuma kawu yace an bashi rikona ne zuwa wani lokaci, kuma wanda suka bada ajiya ta basu dawo ba har yanxun, sannan kuma yace iyayena an kashe su ya bani wani memory card yace babana yabar wasiya cewa kada a bani saina shiga 17years za'a bani idan na gani yayi imani zan rama masa kuma zan bi masa hakkinsa,

Cikin kuka tace a ranar da aka bani m card din a ranar dan iskan hydar ya kwace daga hannun su yusra kuma ya salwantar min da labarin a halina, jingina bayanta tayi da kujera sannan tace bazan taba yafewa ba, sahib kaga hydar ya dilmiyar dani bazan ga iyayena ba ko insan labarinsu har abada haka zan dawwama ina sace sace ina caca,

A daidai lokacin da faruk ya shigo da lemo a hannunsa, baiyi magana ba kawai ya ajiye ya fita, hydar ya dauki lemon ya zuba a glasscup sannan ya bawa samha a baki tasha kadan sannan ta janye kanta, shine ya shanye sauran sannan yace amma samha miyasa kika zabi sanar sane ne?

Samha tace wallahi sahib bani na zaba ba, shi kawu ne, hydar yace to miyasa kike caca? Murmushi tayi sannan tace shima horon kawu ne, shiru hydar yayi ya fara nazari a ranar daya anshi m card daga hannun yusra, lallai ya tuna tazo ta bayanshi tana waya tana kiran sunan samha, tana kokarin saka mishi hannu a aljihune ya juyo yasa aka rike mishi ita yayi mata duka, yana dukanta ne ta fadar da m card ya dauka,

Lallai lokacin daya dauki m card ta fada mishi cewa samha zata zo da wuka, haka kawai ta fada ta gudu, kuma wannan dalilin ne yasa shi neman samha ido rufe, taurin kanta yasa shi zaiyi horonta ta hanyar dawwara mata zuciya a wasan so, to lallai m card baya hannunsa kuma ba m card din gaskiyar bane ita yusra ta yada, lallai akwai abinda yake faruwa akan maganar m card,

Juyawa yayi ya kalli samha dake bacci, agogon hannunsa ya kalla yaga 11:07pm, dan gajeran tsaki yayi sannan ya fara tashin samha, a gigice ta bude idanuwanta cikin yanayin da yake san ganinta, dan ta kara mishi abun yace tashi ga hydar nan, kara zaro idanuwa tayi sosai hydar ya kalleta yana murmushi,

Wayarsa ya fiddo ya kira faruk cewa zasu tafi, faruk yace ai yana wajen, hydar ya kama hannun samha suka fita daga office din,

Saida ya bude mota da kanshi ya saka samha ya rufe sannan ya koma wurin faruk dan sunyi bankwana, yana zuwa kusa da faruk, faruk yace hydar ka rufawa kanka asiri nayi imani da Allah ka kashe kanka ka gama, murmushi hydar yayi sannan yace karya ne ban wani mutu ba gani ina rayuwata gani a gabanka ina numafashi na gani ina kallonka ka saka shet da wando, kayi aski saisaye kuma har sai kace na kashe kaina na gama waye ya fada maka matacce yana magana ne? Duk hydar yake wannan magana yana maganar yana wa faruk murmushi,

Gyara tsayuwa faruk yayi sannan yace kadai san yarinyar can bata sanka bata kaunar duk ranar data gane kaine hydar ta gama dakai har abadan duniya bayan kai kuma ka gama koyawa zuciyarka santa ka fadamin wace matsala zaka fuskanta ne?

Hydar yace karya ne wane dan iska yace maka ina santa ne? Bana santa bana santa bana santa na tsaneta, kuma ka zuba ido ka gani kwanan nan zan sallemeta kaga sai ta tafi jinyar zuciya, dariya faruk yayi sannan yace kudai tafi jinyar zuciya tare wallahi, dan ita gara ma ita tunda har abada bata san da lamarin wani hydar ba kai kuwa ka sani kaine hydar kaine sahib ita kuma itace samha,

Idan kace ka daina santa shikenan dama kai ka kawo kanka kuma kaine ka tafi, tsaki hydar yayi sannan yace kadai kasance tare dani zaka ga yanda zan wulakanta samha a gabanka zaka ga irin kukan da zatayi dan nasan horon da nayi wa zuciyarta ba na wasa bane, yana fadin haka yayi gaba,

Faruk yabi bayan hydar da kallo cikin tausayawa dan lallai hydar yayi babban kuskure, ya rasa wanda zaiso a wasa sai waccan yarinyar ga mata cikakkan mata wanda sugar yaji amma yazo ya likewa waccan "yar karamar yarinyar wanda idan aka rufe mishi daki da ita saiya kashe har lahira wai itace yake wasan so da ita,

"Yan matan hydar da suke mishi so na hauka faruk ya fara tunani gasu "yan gayu ma'abota gayu da kamshi tsaftatacci cikakkin mata masu komai yaji "ya"yan manyan mutane, amma hydar baya soyayya baya zuwa fira saidai mace ta sameshi gida amma yau shine yake daukar mace a mota hada wani riko mata hannu Oho🤔?  Tsaki faruk yayi sannan yace itama waccan din tana da kyau da siga amma kwata kwata ba abokiyar rayuwar hydar bace,

A hankali hydar yake tuki yana kallon samha ta wutsiyar idonshi ita kuma hankalinta yana kan wayarta saboda kirane yake ta shigowa da bakuwar number a wayar,

Gajiya tayi da kiran ta dauki wayar, muryar kawu taji murmushi tayi sannan tace Allah yaja da ran kawu, tsaki kawu yayi sannan yace wani Allah yaja da raina bayan kin manta dani kina can kin shiga harkar soyayya wato samha duk kashedin da nayi miki ya tashi a banza ko? Yabi ta bayan kunnenki ya wuce? Baza ki gane illar *SO* ba sai ranar da namiji yaja miki ziyarta asibiti dan jinyar zuciya, duk abinda zan fada miki ina fada miki a kan gaskiya ta ne,

Samha tayi shiru kawu yaci gaba da cewa banda kin dauke ni dan iska bansan abinda nakeyi ba na tura ki wasan caca shine kikace ke baki shan giya kikayi tafiyar ki!? Samha ta sakeyin shiru kawu yace to gobe idan Allah ya kaimu akwai wasa dan haka duk abinda kikeyi kije kuma kisha giya kamar yanda kowa yake sha, samha tace to, kawu yace sai maganar m card lallai yana hannuna, gaban samha ya fadi, kawu yace sosai kuma na siyar dashi akan farashin kudi masu tsada idan har kika dawo min da kudina to ni kuma zan baki, wani irin ihu samha tayi wanda yasa hydar taka burki cikin sauri,

A gigice hydar ya kalli samha ita kuma tana cewa karyane kawu ni nan saina hallaka da hannun sai samha ta kashe ka idan har ana mutuwa fiye da daya hakika sai samha ta kashe ka so adadin kwanakin da kayi a duniya, tana kokarin bude mota ta fita hydar ya riketa tare da cewa ina zakije? Fizge hannunta samha tayi ta fita daga motar da gudu tana gudu sosai hydar yana zaune yana kallonta, mashin yaga ta tsaida tahau,

Tabe bakin hydar yayi a bayyane yace ita kuma ina zataje? Duba lokaci yayi yaga 11:49pm, a hankali yaja motarshi yabi bayan samha, hydar yana biye da bayanta har ta isa wurin,

Subahanallah hydar ya fada cewa miye kuma ya kawo samha nan? Bai gama tunani ba yaga ta sauka daga saman mashing din tayi ciki da gudu, tana shiga kudi "yan sanda suka gani na tashin hankali wannan dalilin yasa suka fito ma samha da kawu,

Tun kafin a ida isowa da kawu kusa da samha, samha tayi tsalle ta dira ciki, hydar ganin samha bata fito ba yasa shi cire fuskar daya dore dan idan yaje wurin da fuksar sahib babu wanda yasanshi, yana cire fuskar ya fita daga mota ya shiga ciki da sauri a daidai lokaci da samha ta shake wuyan kawu tana fadin saita kashe shi, ga maza duk sun rirrike ta, amma sun kasa cire samha daga jikin kawu dan ji takeyi tana sakin kawu lallai ta saki iyayenta,

Yanda maza suke dakuna samha da sunan raba fada abin yayi wa hydar ciwo a zuciya ya isa wurin yana zuwa fizga daya yayi mata ta juyo, daga hannunshi yayi ya kasheta da mari kafin ya ajiye hannunshi ta daga nata da niyar ramawa amma sai hydar ya murde hannu saida ya karya hannu sannan ya saki hannun samha ta duke a wurin tana kuka mai tada hankali saboda azaba,

Lokacin hankalin kowa da kowa ya dawo wurin mamakin ganin hydar kawai akeyi yayin da ranka ya dade da kanka? Haka surutai yaci gaba da tashi aka fara gaishe da hydar yayin da wasu suke mamakin abinda ya kawoshi gidan yari da kuma irin wannan daren, hydar babu wanda yayi ma magana yaja hannun samha kuma mai ciwon yaja ta dashi sai wani irin gurnani samha takeyi saboda azaba, gaskiya hydar yana da bakar zuciya sosai wannan dalilin yasa baya kula harkar mata, dan shi baya da hakuri kuma baya daukar raini, ga dai samha an bari da karyayyen hannu a banza,

Ganin hydar yana jan hannunta yasa samha cewa dan iska sakarmin hannu ina kuma zakaje dani? Bayan du saboda kai na shiga wannan masifar ban sanka wallahi idan har na samu wuka kafin in fara kashe waccan dan iskan tsohon kai zan fara kashe,

Murmushi hydar yayi sannan ya saka hannunshi a aljihu da sauri samha tace A, a, tana daga hannunta mai lafiya cewa yi hakuri don Allah, hydar yace to idan baki so in miki shiga mota da sauri ta bude da hannunta mai lafiya ta shiga, a ranta tace to kuma miya kawo hydar anan? Kardai yayi ma sahib wulakanci tunda shine ya aikeshi yaga yayi dare bai koma ba ya biyoshi yayi mishi wulakanci, kuka samha ta farayi lallai batayiwa sahib adalci ba yana can ta barshi a hanya wayyo Allah sahib duk sai taji babu dadi, a ranta tace bawan Allah har cewa yayi ina zanje?

Hydar ya kalli samha sannan yace yarinya kinyi babban kuskure, a gaban hukuma kike cewa zaki kashe wani?  Waye waccan da kike cewa zaki kashe shi? Cikin kuka samha tace baka sanshi ba, parking hydar yayi abinda yake fesawa samha a ido yana hannunsa dan haka fesa mata yayi a cikin ido samha ta gigice gaba daya ta fita hayyacinta hydar yace zaki fada ko saina kara miki ne? hannu ta daga da sauri sannan ta fara cewa shine, hydar yace shine waye? Samha tace ya rabani da ahalina ta karasa maganar cikin wani irin yanayi wanda shi kanshi hydar bai san dalilin da yasa samha tayi hakan ba,

A hankali hydar ya fara tafiya da motar amma a zuciyarshi ya kasa samun natsuwa lallai wanna mutumin ko waye shi zai iya sawa a kashe samha, tunani dai barkatai hydar yakeyi kallon samha yayi dake ta faman murza ido saboda azabar abinda ya saka mata a ido sannan yace gida zaki koma ne? Samha tace A, a, hydar yace miyasa bazaki koma ba? Samha tace saboda nayi fada damai gidan hydar yace yanxun ina kika nufa? Cikin matsananciyar damuwa samha tace gudan sahib zanje,

Waya hydar ya dauka ya fara kiran number faruk bayan ya dauka hydar yace sahib ka samu mai gyaran hannu gani nan zan kawo maka wannan jakar yarinya sakarar nan wanda ta raina mutane, nace dai ka fita harkar yarinyar nan dai baza ka fita ba ko? idanuwan samha a rufe tace uhum? Hydar yace Ey samha tace gaka baban jaki bata karasa magana ya sake fesa mata abun ta fara wayyo Allahna wallahi ban yafe maka ba, murmushi hydar yayi sanan yace dama nace ki yafe min?

Faruk yana jin wannan karatun ya gane inda maganar ta nufa, dan haka yace ku iso lafiya, har suka isa gidan faruk hydar bai sake magana ba sai samha dake kuka,

Suna zuwa hydar ya fita da sauri tare da daga inda ya saka fuskar ya dauka, da sauri ya shiga farlon faruk sannan ya saka fuksar ya fito da gudu, mota ya dawo yana cewa wayyo Allahna swry my samha, waye yaji miki ciwo? Yayi magana cikin rarrashi, cikin shashshekar kuka samha tace abokin gaba ne, murmushi hydar yayi sannan yace kiyi hakuri dana tafi don Allah hydar ya kirani a lokacin ya turo ni nan gidan yace inzo inyi mishi wani aiki saida nazo nake fada mishi zanje in dauko ki shine ya tafi da kanshi ya dauko ki,

Amma waye _ABOKIN GABA_  samha tace yo waye fa banda hydar azzalimi mugu wallahi bazan taba yafewa hydar ba, murmushi hydar yayi sannan ya fita daga motar ya zagaya ya fiddo samha dan bata iya bude idanuwanta, janta yakeyi a hankali kamar makauniya ana mata jagora yanda take tafiyar tana laluben hanya da hannunta yasa hydar ya saketa da sauri, wayarshi ya fiddo ya fara daukarta hoto , bayan ya dauki hoton ya fara mata vidio yanda take tafiya, saida ya gama sannan ya mayar da wayarshi a aljihu ya dan juya yaga ko akwai mai kallonsa ajiyar zuciya yayi ganin babu kowa, faruk dake labe a window yana kallon hydar duk abinda yake lallai ya tausayawa hydar dan ya gama dilmiyar da kanshi, hannun samha hydar yaja da sauri suka shiga ciki,

Suna shiga dakin da faruk ya nunawa hydar samha zata kwana a dakin ya kaita da kanshi sannan ya bata hakuri wai saida safe za'a gyara mata hannunta, saida yayi mata maganganu masu dadi da sa natsuwa a zuciyar masoya sannan yayi mata saida safe,

Kwanciya samha tayi shi kuma hydar yana fitowa yayi ma faruk saida safe, da gudu ya isa wurin mota, yana zuwa ya shiga ya yaja ya nufi gida, lokacin daya je gida 2:01am dan haka wanka yayi ya fito da alwalla yana fito bakar jallabiya ya zura ya haye abin sallah don gabatar da iba,

Bayan tafiyar su samha kawu yayi kururuwar sosai , yanda samha taci mishi mutunci yana so ya rama amma zuciyarshi tana san samha, kudirin da yayi akanta bazai taba yadda ya rusa ba murmushi yayi tare da addu'ar Allah yasa ya fita lafiya,

Hydar kuwa saida yayi asuba ya kwanta, yanaso yayi bacci amma kirikiri bacci ya gagareshi, hotunan samha suka fara dawo mishi a zuciyar shi, lokacin daya saka mata maganadison maciji da gudun da takeyi da lokacin daya riketa a jikinshi, ajiyar zuciyar data yi ya tsaya mishi a rai, murmushi yayi sannan ya gyara kwanciyarsa,

Ranar da yaje gidan su as hydar, tsaki yayi daya tono lokacin da takeyin magana da illo, hannunta daya ja da marin da yayi mata zaro idanuwan da tayi hydar yayi ajiyar zuciyar a bayyane yace _SAMHA_ a wurin training ya tuno,

_Waye yace kada in shiga? Nine nan, kallonshi tayi sannan tace kaifa hydar dan iska ne,_ murmushi hydar yayi hoton samha ya dawo mishi lokacin da yayi mata mugunta, dariya yayi sosai ya kallo yanda ta kideme gaba daya ta fita hayyacinta, dariya yakeyi sosai harsai daya tashi zaune, dan gajeran tsaki hydar yayi sannan yace bari inzo in ganki inja fada, tashi yayi yana cewa,

Gani nan zuwa gareki, dariya yayi sannan yace ta wani zazzaro idanuwa tana yin kyau sosai idan tayi haka, shafa kanshi yayi sannan yace baiwar Allah na kare mata hannu a banza, a daidai lokacin daya shige toilet wanka yayo ya fiti, yazo ya fara shiri shiga mai kyau da daukar hankali hydar yayi yasha gayu sosai yayi kyau gaskiya ya gyara gashin kansa bayan ya gama, Alale driver yayi ma waya cewa zai fita,

Yana gama wayar ya matsa jikin mirrow ya sake kallon kanshi murmushi yayi sannan yadanyi wasa da idon shi, yace wai samha tace idona irin idon mujiya ne, tanajin dadi idan ta kallesu shi yasa tafi yaba musu, wanka da turaruka masu kyau da tsada masu dadin kamshin ya shiga ambaliya dasu a jikinshi, gaskiya hydar dan gayun karshen zamani ne kuma Allah yayi wa hydar kyau, bayan ya gama ya fice daga dakin,

Yana fita shi kadai ake jira, dan haka cikin girmamawa aka bude mishi mota ya shige, suka kama hanya sai gidan faruk,

A waje sukayi parking saboda motocin dukansu basa shiga ciki, bayan sunyi parking hydar ya fita ya shiga gidan, a parlour ya samu samha zaune tana hawaye, ga mai gyaran hannu a gefe faruk ya kawo, da sallama ya shiga suka ansa ya samu wuri ya zauna, kowa ya gaishe shi amma banda samha dake ta aika mishi da sakon harara da kallo mai nuna da zakaci ubanka,

Gyara zama hydar yayi sannan yace kada a gyara hannu a bari sai bayan sati daya, faruk ya kalli hydar sannan yace miyasa sai bayan sati daya? Daure fuska hydar yayi sannan yace ai jarumarce tace haka saboda tana so ta karyamin hannu nima, dan kwanaki da dama da suka wuce na soketa da a wuka a tsautsayi cewa tayi bazata cire ba harsai ta kashe ni, dan haka nayi imani shima hannu saita karya min nawa zata bari ayi mata ɗori,

Idanuwa samha ta zaro sosai tana kallon hydar wani munafikin murmushi yayi ma samha wanda yasa taji tsikar jikinta gaba daya ta tashi yarrr hydar ya kalli mai gyaran hannu yace zaka iya tafiya,

Samha tace a, a malam kada ka tafi don Allah kamin, hydar yace idan kika sake magana kinsan sauran tabe baki samha tayi ta bata fuska kamar zatayi kuka, hydar yace jeka, tashi mai gyaran hannun yayi ya fita faruk yabi bayanshi,

Cike da tsiwa samha ta tashi daga inda take ta matsa kusa da hydar ta fara nunashi da yatsa wani irin kallo hydar yayi mata wanda yasa ja da baya taje ta zauna, hydar yace bari kiji in fada miki ni ba'a nunani da hannu sai ki kiyaye,

Samha tayi shiru hydar ya dauki kafa daya ya dora saman daya sannan ya fiddo abinda yake yi mata mugunta dashi yana juyashi zuciyarshi cike da mugunta, kallon samha yayi ta saman ido sannan yace zo nan,

*Meelat Musa*
[05/04 4:45 pm] Washa: ⚜ *BRILLIANT WRITERS ASSO* 🖊

                 *SO*
     *MUGUN WASA*

       *{ Love is a bad game }*

*JAMEELA MUSA* { meelat musa }

*Story, Writing & Editing*
                   *by*
         *Meelat Musa*

                  *SO*
      *MUGUN WASA*

*Dedicated to* 👇🏻
_Ramlat Abdulrahman real mai dambu_

*26-28*

Murguda baki samha tayi amma bata yi magana ba, hydar yace ke bakiji ina magana ne? Ba nace kizo kusa dani ba?

Dan gunguni samha tayi wanda hydar baisan abinda tace ba sannan ta kalle shi tayi mishi kallon kasa da sama ta turo baki tana kara harararsa,

Hydar yace Eye🤔? Lallai yarinya nunawa hydar kin girma, kwantar da kansa yayi saman kafadarshi sannan yace ke? Wai nine kike harara? Jinjina kansa yayi sannan yace zaki ci uwarki keda sahib din,

Samha tace badai uwar sahib ba, hydar yace sai uwar hydar ko? Samha tace oho, Jinjina kai hydar yayi sosai sannan yace idan na kori dan iska daga karkashina sai inga wanda kuma zakiyi ma rashin kunya,

Dariya samha tayi har beauty point nata ya fito, sannan ta kalli hydar tace dan Allah korarshi yi maza maza wai mi kake jirane har yanxun banji ka koreshi ba? Tana maganar tana nuna hydar da hannu,

Samha taci gaba da cewa idan ka koreshi sai akace maka ya daina rayuwa ne? Ko kuwa zama dakai shine zaisa ya zama rayayye? Ko kuma ya kasance a mace? Ko ka manta cewa arziki da talauci duk na Allah samu da rashi ma nasa ne, dan gajeran tsaki tayi sannan tace da Allah dubeshi da wani idonshi can kamar na sadaka,

Murmushi hydar yayi sannan yayi wasa da idonshi  yanda yayi abun yayi mishi kyau sosai kuma ya soki zuciyar samha, hydar yace yarinya kwalelenki har abada wannan idon yafi karfinki, bake ba ahalinku gaba daya hydar yafi karfinsu,

Tsaki samha tayi sannan tace Allah ya ansa addu'ar ka danni ko sadakar mai irin sunanka aka bani bana so bare kuma har inyi fatan kasancewa dakai a inuwa daya, dubeka da Allah ta nunashi da hannu sama da kasa sannan taci gaba da cewa waikai ji kake kai waye?

Hydar yace harma sai kinyi tambaya? Bayan gani a gabanki, tsaki samha tayi sannan tace na lura dakai ka cika jinkai bakaji abinda hausawa suka ce ba? _jaki shike da girman kai matsiyaci kuma shike da kankanba_ sai wani kankamba kakeyi wai kai hydar mtsww,

Da sauri hydar yayi kan samha kafin ya kai mata duka faruk ya shigo a lokacin har hydar ya rike hannun samha mai ciwo yana murza shi cikin keta da zalinki, faruk da sauri ya rike hydar saboda ihun sa samha takeyi, yana cewa haba don Allah wai miye haka?

Dunkule hannu hydar yayi tare da kaiwa faruk wani irin gigitaccen naushi da sauri faruk ya rike wurin ya duke kasa, ganin faruk ya duke yana dafe inda hydar yayi mishi duka samha ta zaro idanuwa sosai tana cewa haba haba yi hakuri don girman Allah kada kamin duka kayi hakuri dan Allah ka sake min hannuna wallahi akwai zafi sosai nikam bana fada ma, kayi hakuri kasa a gyara min hannuna don Allah dan zan fita anjima,

Hydar yace bake kinajin baki da kunya ba? Da sauri samha tace kayi hakuri insha Allah ina da kunya, hydar yace to anki a gyara hannun sai yayi sati daya ba kince ke jaruma ba ne?

Murmushi samha tayi sannan tace Allah ya baka hakuri maganin tauri kadai nasha shi yasa kaga na kwana da wuka a jikina, amma bansha maganin ciwon karaya ba, don Allah ka sakemin hannu hydar,

Tsaki yayi sannan ya saki hannu ya fita, faruk ya tashi yabi bayanshi, ba tare da hydar kalli faruk ba yace kira mai gyaran hannu a gyara ma muguwa, dariya faruk yayi amma baiyi magana ba,

Samha tayi murje murje wurin gyaran hannu dan yayi tsami saboda ya kwana samha tayi "yan hawayenta, bayan an gama gyaran hannun faruk suka fita dashi da mai gyaran,

Faruk suna fita samha ta dauki wayarta ta kira sahib, bayan ya dauka ta gaishe shi, sannan ta kara da cewa sai in kwana da ciwo amma ko kazo ka ganni? Sahib yace swry samha bana nan ne hydar ya aikeni amma insha Allah idan na dawo zanzo, samha tace to ka dawo lafiya, hydar yace amin insha Allah dana dawo zanzo, samha tace anjima zan fita,

Hydar yace ina zakije? Sassauta murya samha tayi cikin yanayin damuwa tace zanje wurin wasa ne, hydar yace wane irin wasa kuma? Samha tace wasan caca mana kawu yace idan ina san sanin labarin ahalina sai naje nayi wasan caca inji kawu kuma naci sannan zai fadamin, dan gajeran tsaki hydar yayi sannan yace gaskiya kada kije, kada ya nemo ahalin naki mana,

Cikin yanayin sahib ya tausaya mata samha tace gidanmu fa? A halina? Murmushi hydar yayi sannan yace gidanku gashi kina cikin sa, ahalinki kuma ai nine ahalinki samha ko bakyasan _SAHIB_ ne? Samha tace ina sanka sosai, murmushi hydar yayi da gefen bakin sa sannan yace to kiyi hakuri gani nan zuwa yanxun insha Allah kinji, samha tace to sai kazo, sallama sukayi sannan kowa ya kashe wayarsa,

Hydar kasuwa yasa akaje aka siyo ma samha kayan da zata rika canjawa kaya masu yawan gaske aka jibgo mata, duk abinda zata bukata hydar yasa aka siyowa samha sannan yasa faruk yakai mata,

Bayan ankai kaya samha tayi mamakin ganin kayan nan, tasan sahib baida karfin siyen kwatankwacin wannan kayan, amma faruk yace mata wai sahib ne ya roki hydar shine ya siya mata,

Haka samha ta tashi taje tayi wanka da hannu daya ta saka kayan da aka kawo mata, tayi kyau sosai dan sahib yace mata yana san mace mai tsafta da gayu tana kokarin tayi dan duk abinda zatayi sahib yaji dadi tana kamantawa, bayan ta gama faruk ya shigo mata da abinci shima sako daga hydar ne, amma samha ta kifa kanta kasa tace bazataci abincin ba anyi juyin duniya tace bazataci ba, faruk ya tambayeta dalili  tace ita bazata ci abincin hydar ba kila ma yaje ya zuba mata guba a ciki taci ta mutu,

Da faruk ya fadawa hydar dariya yayi sannan yace barta zanzo anjima ina meeting yanxun, faruk yace to, yinin ranar haka samha ta yini da yunwa, taki yarda taci komai ko ruwa bata sha ba,

Lokacin da hydar yazo as sahib abincin daya aiko dashi shine ya dauka, a gaban samha ya ajiye sannan yace tashi kici abinci, bata fuska samha tayi kamar zatayi kuka sannan tace nifa bana cin abincin hydar, sahib yace nine nace kici, samha tace idan na mutu fa? Murmushi hydar yayi sannan yace bazaki mutu ba ki yadda dani ki ci, murmushi samha tayi sannan ta dauki abinci ta fara ci, hydar yana zaune a gefenta yana kallonta, gaskiya samha tayi mishi sosai amma matsalarta daya rashin kunya, tsaki yayi a bayyane sannan yayi magana a zuciyarshi cewa lallai fa ta gano ni yarinyar nan akwai bala'i, dan na lura bata kaunata kwata kwata,

Haka rayuwar samha taci gaba da tafiya a gidan faruk, da ita da sahib da hydar zuwa wannan lokaci samha ta gama yadda zuciyarta tana tsananin san sahib sosai, saboda sahib ya iya kula da mace, kuma yana tattalinta sosai shi yasa zuciyarta take matsanancin san sahib kuma take addu'a Allah ya mallaka mata shi a matsayin mijin aurenta, lallai duk wanda yayi gigin rabata dashi tou pha ko waye tana iya yanka shi da wuka gida biyu,

Dan tuni zuciyar samha ta gama imani da sahib, dan so take mishi bana wasa ba, sahib ya iya soyayya sosai kuma yana kulawa da ita sosai, kuma gashi dan gaye ta ko ina dai tana san sahib,

Hydar ne tsaye a tsakiyar katon farlonshi wanda aka kayatashi da kattin kujeri na alfarma farlon dai ya gama hadewa sosai dan idan kana cikinsa zaka rantse cewa a kasashen waje kake, kuma tsarin farlon yafi kama da a kirashi da tsarin farlon idiyawa,

A gefe daya kuma faruk ne ya lutse cikin lutsestiyar daya daga cikin gujerin farlon, yana kallon hydar da yake dariya ga kofin coffie a hannunsa dayan hannun kuma wata takarda rike a hannun,

Tafiya hydar yayi harya isa wurin da faruk yake zaune sannan ya zauna kusa da faruk yace jiya ma mikakece? Faruk yayi shiru, murmushi hydar yayi sannan yace kake cewa bana iya rabuwa da samha ko? Faruk yace Eh, hydar yace wai kace na kamu da santa a zuciyata ko? Faruk ya sake cewa Ey, hydar yace to karya ne, ansa nan ka gani, ya mikawa faruk takardar ansa faruk yayi a daidai lokacin da hydar yakai kofin hannusa a bakinsa,

Dubawa faruk yayi sannan ya kalli hydar, murmushi hydar yayi sannan yace ya ka gani? Faruk ya jinjina kansa, hydar yace yau nawa ga wata ne? Faruk ya fadawa hydar , hydar yace ya ka gani a jikin rubutun nawa? Faruk yace yayi daidai da kwanakin watan yau,

Gyara zama hydar yayi sannan yadan daure fuskarshi yace yau shine kwanakin tarayyata mu da samha dana iba, dan haka yau kwanaki suncika cifcif saboda haka a daidai inda muka hadu a daidai wurin zan rusa ginin soyayya dana dasa a cikin zuciya banza, saika fara lissafin kwanakin mutuwarta daga yau,

Innalillahi wa'inna ilaihir raji'un abinda faruk ya fada kenan, sannan yace hydar kaji tsoron Allah kada kayi haka hakika idan har kayi haka ka cuci rayuwar samha, faruk yaci gaba da cewa wallahi danayi maka maganarta a jiya banyi dan in rabaka da ita ba kawai nayi ne saboda nishadi shi yasa nace nasan yanxun baza ka iya rabuwa da samha ba amma Allah yaga zuciyana badan ka rabu da ita na fadi hakan ba, kayi hakuri kada ka rabu da samha ta dalilin maganar da nayi dan bana so inyi dakon zunibin da kake kokarin azawa akan,

Hydar bai kalli inda faruk yake ba kuma baiyi magana ba, ya dauki wayarsa ya fara kiran wayar samha, a daidai lokacin ta fito daga wanka da saurin ta, ta isa inda wayarta take, murmushi tayi zuciyarta cike da farin cikin ganin kiran sahib, dan haka samha tana dauka ta fara kwantar da murya tana waya da wani sashe na zuciyarta wato sahib,

Hydar yace hajiyata ya kike? Samha tace lafiya qalau ya kake? Hydar qalau, shiru na wani lokaci hydar ya yanke shirun ta hanyar cewa samha anjima ki sameni wurin training, cike da zakuwa samha tace to ai naga lokacin tafiyarka yayi ko? Sahib yace Ey, samha tace to sai nazo hydar yace yawwa sannan ya kashe wayarsa,

Tashi yayi daga saman kujerar yabi hanyar benen da zata sadashi da bedroom nashi faruk yana bin bayansa da gudu cewa hydar dan darajar iyayenka kada kacewa samha da wasa kake santa kayi hakuri don Allah, ka tausaywa zuciyarta,

Idan bango yayi magana to hydar yayi magana da faruk, har bedroom faruk yabi hydar amma kafin ya shiga har hydar ya shige toile ya rufe, faruk baida yanda zaiyi dole ya hakura ya dawo farlo yana jiran fitowar sa,

Saida hydar ya gama shirinsa tsaf ya fito cikin kayan training wanda sukayi matukar karbar jikinsa sunyi mishi kyau sosai, tun kafin ya iso farlo kamshi turarensa yayo gaba, faruk yana jin tahowar hydar ya tashi ya tareshi tun kafin ya iso inda take zaune,

Faruk ya kalli hydar sannan yace sahib, hydar yace yadai? Faruk yace ba komai, ba tare da hydar ya sake magana ba, ya fice daga farlon faruk yabi bayansa da sauri,

Tunda samha taje wurin gabanta yake faduwa bata san dalilin daya sa takejin faduwar gaba ba, haka nan kawai taji zuciyarta bata natsu da wurin ba, tuni zuciyarta ta farayi mata sake sake, wani bangare na zuciyarta ya fada mata wani abu da sauri samha ta mike tare da cewa Allah ya kyauta a daidai lokacin da hydar ya iso wurin,

Samha na hango sahib tayi wurin da sauri tana kara fadada murmushinta, lokacin da ta isa wurin zatayi ma sahib magana sai taga ya dauke kanshi ya bada rai kamar bai taba ganin samha ba,

Murmushi karfin hali samha tayi sannan ta kalli jikinta tare da sinsinawa wai ko batayi kyau ba ko kuma bata saka turare ba shi yasa sahib ya dauke kansa? Wata zuciyar tace ba haka bane, ajiyar zuciya samha tayi sannan tabi bayan hydar cikin sauri a daidai lokacin suna kokarin shiga holl din,

Samha tace kaiiiiiiiiiiiiiii ta ruga da gudu tayi wurinsu, jin maganar da samha tayi cikin karaji shine dalilin daya sa suka tsaya tare da juyowa baki dayansu, da gudu samha ta iso wurin kusa da sahib ta matsa sosai kamar zata shige cikin jikinsa, sannan tace sahib miye? Kace inzo nan kuma na zo shine zaka wulakantani a idon duniya mi nayi maka? Idan wani abu nayi maka ka fadamin sai in baka hakuri amma bazan iya dauka wannan hukuncin ba kana gani na kana basarwa,

Murmushi sahib yayi sannan ya saki wayar hannunshi da sauri samha ta duka da niyar dauko wayar shima dukawa yayi dan daukar wayar amma samha ta dauki wayar sannan suka taso a tare samha tace yi hakuri ban gani ba, a tunaninta itace ta fadar da wayar,

Ansar wayar hydar yayi sannan yace kin tuna ranar da muka fara haduwa? Murmushi samha tayi sannan tace na tuna a daidai nan ne, hydar yace to kuma anan zamu rabu, cikin rashin fahimtar abinda yake nufi tace ban gane ba, sahib yace gaskiya samha kiyi hakuri nidai gaskiya dama ba sanki nakeyi ba da wasa nake yi?

Idanuwa samha ta zaro sosai sannan ta kara matsawa kusa da hydar tace da wasa ne ko gaske kalamanka? Hydar yace ba wasa nake ba gaskiya na fada miki kiyi hakuri, murmushi samha tayi mai cin zuciya cikin sassanyar murya tace haba sahib? A ina ka taba ganin anyi wasa da zuciya,? Shin baka san zuciya itace mutum ba? Mi nayi maka wanda har yasa kake kokarin ganin ka hallakani ta hanyar horani da wasan so?

Tabe baki yayi sannan yace nima ban sani ba, kawai dai an taba fadamin cewa wai *SO MUGUN WASA* ne shi yasa na gwada in gani wai maganar gaske ne? Cikin rawar murya samha tace amma ka rasa a wanda zaka gwada sai akaina? Hydar yace Eh saboda maganar daga bakinki ta fito, murmushi hydar yayi sannan yace da gaske so mugun wasa ne samha? Wato maganar da samha ta taba fada mishi kenan ya fada, yana maganar yana dariya mai cin rai, dakel samha tace sahib tsakaninka da Allah baka so na? Tabe baki yayi tare da daga girarensa gaba daya sannan yace gaskiya bana sanki bana sanki bana sanki,

Murmushi samha tayi sannan tace ikon Allah sahib yau kaine kalmar kiyayya take fitowa daga bakinka, ni ? Ta nuna kanta da hannu sannan tace ni kake cewa baka so na? Dan bude idanuwanshi yayi sannan yace shakka babu kuma da nace miki zan aureki gaskiya wasa ne 🤷🏻‍♂ amma yau kam na fada miki tsurar gaskiyar abinda yake cikin zuciyata,

A hankali samha ta dago idonta tana kallon sahib kakkyawan murmushi daya tayi wanda hydar yajishi har cikin zuciyar sa,  sannan samha tace _ni ina sanka, ina sanka, ina sanka_,lokaci guda taji wani hada hadari ya wuce ta gaban idonta, ji tayi duniyar tana juyawa da ita sosai,  murmushi dauke a fuskarta a hankali ta dafe daidai zuciyarta sannan ta durkusa kasa a hankali saman kafafuwan hydar ta dora fuskarta tana zubar da hawaye masu bala'in zafi daga haka samha bata sake sanin abinda duniya take ciki ba,

Jin samha tana hawaye yasa hydar yayi dariya sannan yace ashe dai baki kai jaruma ba, tunda har kika bari zuciyarki tafi karfinki, dukawa yayi ya dago samha da niyar ya fada mata shine hydar ya cire fuskar daya dora idanma zuciyarta zatayi bindiga tayi babu abinda ya dameshi, amma sai yaji samha bata lumfashi,

Idanuwa hydar ya zaro ya fara girgiza samha, ke ke keee miye haka? Baki san wasa ba? Samha bude idonki mana bude, bude don Allah bude idonki ki ganni ina sanka kada ki mutu wai miye haka yana maganar ya jijjjiga samha, jin hydar yana magana kamar ya haukace yasa hankalin su faruk ya dawo wurin gaba daya yaran hydar sukayo wurin da gudu ganin hydar ya fadi kasa yana wani irin ihu mai tada hankali,

Da gudu faruk yayo kanshi yana rikeshi amma hydar sai wani zukewa yake yana kara sulalewa kasa, inda samha take kwance yake kallo yana cewa kada ki mutu fa, yana daga hannunshi kamar zai jawota amma baya iyawa tun yana ganin samha sama sama har hotonta ya dauke daga idonshi, wani irin ihu hydar yayi wanda gaba daya holl din ya ansa tare da kiran sunan samha cikin wata irin murya daga haka hydar bai sake motsi ba,

Kawu ne ya shigo cikin holl din da gudu a sulale ya taho suuuuuuu, saboda ya shigo wurin da gudu kuma sulbi ke kawai sosai, inda samha take kwance kawu yayi turjiya tare da sakin wani irin ihu wuka ya daga rigarsa ya zaro tare da cewa ina hydar din yake dan kutumar ubansa?

Kafin kawu ya rufe bakinsa tuni anyi mashi lullusar futar hayyaci gajagaja akayi wa kawu sannan yaran hydar suka fara tambayarshi waye yake zagi dan kutumar ubansa? Sai yanxun hankalin kawu ya dawo jikinsa ya tsaya yana kallonsu daya bayan daya, lallai idan dai hydar nasir hamza ne babu ma abinda zai tsaya ya saurara wurin samha, to badaishi bane,

Bakaji ana maka magana dan uwarka,? Kawu yayi shiru, faruk yakai mishi halbi tare da cewa idiot, daukar hydar su faruk sukayi a lokacin har Alale ya matso da mota a bakin kofar holl din suka fita dashi a mota suka saka shi sannan sukayo ciki da gudu dan daukar samha amma suka nemi samha ko kasa suka rasa,

Cikin tashin hankali faruk yace kai maza maza kuyi da hanzari ku nemo wannan dan iskan tsohon lallai shine ya dauki samha, haka suka barbazu suna neman samha babu samha babu kawu, cikin tashin hankali faruk yace kai lallai ku nemo samha idan ba haka ba hydar zaiyi tashin hankali idan har samha tayi mishi nisa ku nemota ya karasa maganar cikin daga murya sosai,

Fitarsu faruk kawu ya dauki samha dashi da wata mace suka fice daga holl din ta baya inda suka ajiye motarsu suka sakata suka gudu,

Ganin baza'a ga samha ba yasa faruk hakura suka tafi da hydar asibiti,  taimakon gaggawa aka bawa hydar dan ganin an farfado dashi amma a banza, haka likitoci suka taru kan hydar amma duk abinda suke tunanin zai farko da hydar dai anyi amma har yanxun yana cikin yanayin da aka kawoshi,

Bayan kawu sunkai inda zasuje aka fito da samha kamar gawa haka suka shiga da ita cikin dakin da suka ware da ajiyeta, bayan an ajiye samha suka dawo tsakar gidan gaba dayansu suka fara tattaunawa,

Kowa da abinda yake fadi akan samha wasu na cewa gaskiya saida a kasheta wannan shine kadai mafita, yayin da wasu suke cewa ba kasheta za'ayi ba mu haukatar da banza, wasu kuma cewa suke ku bata m card din idan ta gani abinda yake ciki danginta bazasu bada kudin ba sai sunga samha idan aka anshi abinda mahifinta ya bari lallai sai mu sheke banza, kawu kuma cewa yayi gaskiya nidai kada ku kashe samha ina santa kuma aurenta zanyi, wata mace kuma cewa tayi wallahi babu dalilin da yarinyar nan zata rayu sai ta binneta da ranta dan ajaline yakaita ta fada soyayya da hydar,

Gaba daya wurin ya rikice kowa da abinda yake fada akan samha, sai yanxun hankalin kawu ya dawo jikinshi wane ganganci ma yasa ya yadda aka hada kai dashi aka dauko samha, masu san samha ta kasance a raye ta basu abinda suke so sune suka bada shawara a kawo likita ya dubata sannan asan abinyi,

Kwararran likita aka dauko dan duba samha, bayan likita yayi "yan gwaje gwajensa ya rubutawa samha magunguna akaje aka siyo da karin ruwa sannan yace a kula da ita sosai idan ba haka ba lallai zata iya samun babbar matsala a zuciyarta dan idan ba'ayi hankali ba sai anyi mata dashin zuciya, likita yaja musu kunne sosai dan haka yace su kula kyau,

Kwanan hydar biyu a asibiti amma babu wani abu daya canja dan haka aka daukeshi akayi kasar waje dan ceton rayuwarsa,

Lokacin da samha ta farfadowa maganar sahib ne na karshe yayi tayi mata yawo a kwakwalwa, _ban sanki, bana sanki, bana sanki, bana sanki_ wani irin ihu samha tayi wanda ya farkar da wanda aka saka suyi gadinta daga bacci, cikin kuka samha ta fara cewa,

_Haba sahib ka rufa min asiri mi nayi maka zakace baka so na? Bayan kasan da soyayyar ka nake kwana da ita nake tashi ka taimakeni ka sakani a ranka ko a bayan zuciyarka ne ka ajiyeni ka tausayamin bayan ka saba furta min kalaman soyayya miyasa kalmar kiyayya zata fito daga bakinka?_

_ka saba da furta min soyayya dana duba a fuskarka da labarin zuciyarka tawa ta yadda banaso ka barni, idan ka ƙini zansha wuya daka furta kalmar kiyayya saida zuciyata ta bugu, bazan so ba idan ka guji ni zan mutu rayuwata bata da wani amfani ta karasa maganar tana kuka mai jijjjiga jiki_

Haka tayi ta kuka tana surutai kamar wata warwararra, tsaki sukayi sannan suka koma baccinsu,,

Lokacin da hydar ya farfado wani irin kuka ya farayi danshi a tunaninsa samha ta mutu, faruk ya gani zaune saman kujera kusa da gadonsa ya dora kanshi saman gadon yana bacci, murmushin karfin hali hydar yayi sannan ya dafe daidai zuciyarsa dake kokarin fitowa daga mazauninta,
a hankali yayi lumfashi kamar ransa zai fita,

Murmushin da samha tayi yake kallo, sannan ya tuno maganarta data ce mishi _ni ina sanka, ina sanka, ina sanka_ ajiyar zuciya ya sauke dakel sannan yace _innalillahi wa'inna ilaihir raji'un_ lallai na dabka babban hauka tunda nake a duniya ban tabajin labarin babban mahauci kamarni ba, hawaye sukaci gaba da safa wal marwa a fuskar hydar, sai yanxun yake tambayar zuciyarsa ce,

_Haka nayi dake? Wannan wane irin haukace? Ke baki san wasan ba? Kafin inyi hakan saida na gargade ki cewa babu samha amma a cikinki bama samha ba mata duka babu su amma shine saboda kangara iri taki kika koyawa kanki santa to yanxun ta mutu bata fadin duniyar nan fadamin cewa ni zaman mi zanyi a duniya? Ya karasa maganar yana wani irin kuka wanda ya farkar da faruk daga bacci_

Hydar yaci gaba da cewa _samha ke nayi wa tanadin zama tare dani kuma dake na tsara rayuwata ke nayi alkawarin aure a matsayin mata ta, dan kece kadai zaki kwantar min da hankali, banda kowa a duniya saike miyasa zaki min haka? Kece rabin jikina ke wani sashe ne na zuciyata na kasa boye sanki cikin raina saida dai ya fito fili, yabonki idan akayi a gabana sai naji dadi ganinki cikin farin ciki shine yake sa inji dadi a raina soyayya ta gaskiya data karya akwai banbanci ina sanki samha da gaske_

Da sauri faruk ya rike hydar dake wani irin tari mai tada hankali jini faruk ya gani yana fitowa daga bakin hydar a gigice faruk yace hydar kwantar da hankalinka samha tana raye, murmushi hydar yayi sannan yace rayuwata bata da wani amfanin da zatayi a wurin samha, kada ka manta babu wanda samha ta tsana duk duniya irin hydar idan har na rayu zanga masifar data fi wannan, kaga bansa samha tayi aman zuciyarta ba ni tawa zuciyarta zata fito,

Kara dafe zuciyarshi hydar yayi sosai sannan ya kalli faruk murmushi hydar yayi sannan yace ka fadawa samha, hydar yana santa, cikin tausayawa faruk yace hydar bazaka mutu ba kayi hakuri don Allah ka daina saka damuwa kayi hakuri idan har ka warke wallahi sai ka auri samha, wani irin murmushi hydar yayi sannan ya dagawa faruk hannun dama haggunsa kuma yana bisa zuciyarsa yana ci gaba da tari mai bada tsoro da gudu faruk ya fita babu dadewa ya dawo da likitoci,

*Meelat Musa ce*
[05/04 4:45 pm] Washa: ⚜ *BRILLIANT WRITERS ASSO* 🖊

                 *SO*
     *MUGUN WASA*

       *{ Love is a bad game }*

*JAMEELA MUSA* { meelat musa }

*Story, Writing & Editing*
                   *by*
         *Meelat Musa*

                  *SO*
      *MUGUN WASA*

*Dedicated to* 👇🏻
_Ramlat Abdulrahman real mai dambu_

*29-31*

Faruk banda kuka babu abinda yakeyi tunanin hydar ya farayi ranar da sukaje Office dinshi shida samha,

Bayan yaje ya saka samha a mota ya dawo gaban faruk ya tsaya donyi mishi bankwana, abinda faruk yacewa hydar shine,

_Gaskiya hydar kayi ganganci kuma ka cuci rayuwarka ka kashe kanka da kanka, nidai shawarar da nake baka hydar ka fita harkar yarinyar can, dan duk ranar data gane kaine hydar lallai fa akwai matsala tunda kai kasan bata sanka, kuma na lura kai ka fada san samha_

Faruk ya goge hawayen idonsa sannan ya tuno murmushin da hydar yayi masa ya bashi amsa cewa,

_Karyane ban wani mutu ba gani ina rayuwata ina nunfashi na ina kallonka ka saka shet da wando kayi aski saisaye kuma har kace na kashe kaina waye yace maka matacce yana magana ne?_

_Wane dan iska yace maka ina santa ne ma bare har in kashe kaina saboda itane? Bana santa, bana santa, bana santa, na tsaneta yarinyar can kwanan nan zan sallameta ta tafi jinyar zuciyarta_

Ajiyar zuciya faruk yayi sannan ya tuno ansa daya bawa hydar, abinda yacewa hydar a lokacin shine,

_Lallai zadai ku tafi jinyar zuciya tare_

Yana cikin tunanin ne yaji an taba shi, da sauri ya dago kanshi dan ganin waye ya tabashi? doctor da yake kula da hydar ne ya gani tsaye dan haka da sauri faruk ya mike yana cewa doctor yamai jikin ne?

Murmishi dauke a fuskar doctor ya dafa kafadar faruk sannan yace mai jiki da sauki, murmushi faruk yayi tare da cewa Allah ya bashi lafiya doctor ya ansa da amin,

Samha na zaune ta zabga tagumi tunani barkatai a zuciyarta, banda tunanin sahib babu abinda takeyi, lallai tana san sahib amma miyasa kalma mafi muni ta fito daga bakinshi har ya fada mata itane?

Lallai babu munafikin da yayi wannan hadin fitanar ba kowa bane sai hydar, ajiyar zuciya samha tayi tare da yin magana da karfi cewa saina kasheka da sauri samha ta mike wani kwalbar giya data gani a gefenta shi ta dauka tayo waje da gudu saina kashe itace kalmar da take fada a bakinta,

Ku rike min banza karku bari ta fita mana "yan iska kattin banza baku ajiye komai ba saida kuci kuyi bacci, da sauri suka tashi sukayi kan samha suna rikonta amma a banza dan samha gaba daya ta girgirjesu gurinta kawai taga hydar ta kashe shi,

Rikon samha akeyi amma wani balagaggen karfi takeji yanda take barar da musu rikonta ne kowa abin yake bashi mamaki, dan haka da sauri budurwar hydar ta koma mota ta dauko koken tana zuwa ta shakawa samha, lokaci guda samha ta dauke diff, sannan tace ku mayar min da banza,

Haka aka dauki samha aka mayar da ita inda ake ajiyeta, ajiyar zuciya farida tayi sannan ta dauki wayarta ta fara kiran Asma'u , bayan Asma'u ta dauka farida tace mata kinga mai gonar motocin ne? Wai hydar shine cegadu mai gonar motoci haka "yan mata suke kiranshi da mai gonar moto,

Asma'u tace ban ganshi ba, amma bisa binciken da nayi ance min baya nigeria, farida tace to gadai yar iskar yarinyar nan na kama banza, Asma'u tace to kada ki damu sai nazo, farida tace to, sallama sukayi da juna sannan kowa ya kashe wayarsa,

Da farida ta tashi tafiya saida ta sake jawa masu gadin samha kunne sosai sannan ta tafi, haka suka saka ido sosai akan samha duk lokacin da farida tazo sai tasa anyi wa samha lullusar futar hayyaci sannan ace mata ina hydar?

Magana daya samha  kecewa shine itama neman hydar din takeyi ta kashe dan iska dan duk duniya babu jakan data tsana irin hydar kallon farida samha tayi sannan tace kiyi waya da hydar din kice mishi samha tace saita ga bayanshi,

Kallon kasa da sama samha tayiwa farida sannan tace amma kinji kunya wallahi duk saboda wannan jakin mai idanuwan mujiya zakizo kisa a kawoni nan ayi ta azabtar dani? Mtsww da Allah ni bani hanya in wuce,

Farida tace bari in kira Alale sannan, wato driver hydar bayan ya dauka suka gaisa farida tace Alale ga yarinyar nan a gabana shin itace samhar da takeyin soyayya da hydar? Murmushi yayi sannan yace ai samha bata san mai gida kowa ya sani kuma kema kinsan hakan, itama samha tasan bata san hydar amma tana san sahib,

Kallon samha farida tayi sannan tace waye sahib? Samha tace ki tambayi wanda kike magana dashi mana, hello Alale waye sahib ne? Alale yace yaron hydar ne, mi yakeyi wa hydar bayan nasan duka yaransa,

Alale yace kawai ake ake yakeyi wa hydar ne, dariya farida tayi sannan ta kashe waya tare da cewa shegiya Allah ya rufa miki asiri da ance min kece kike soyayya dashi yau dasai na binne ki da ranki, tana fadin haka tayi gaba abin ta,

Alale bayan ya gama waya da farida saida ya kira faruk ya fada mishi yanda sukayi da farida, faruk yace to yanxun ina ita samhar takene? Alale yace ban sani ba, faruk yace maza maza ka bugawa farida kace kayi waya da hydar yace ta tafi da samha gidanta zaizo sai suyi magana, Alale yace to, bayan sun gama waya da faruk ya kira farida yayi mata bayani,

Komawa farida tayi amma fur aka hanata tafiya da samha, saboda akwai sauran da suke jiran kawu ya kawo m card sannan su sallameta, farida tayi alkawari cewa duk lokacin da suka bukaci samha suyi mata magana tana tare da ita domin hydar zaizo ne,

Dakel dai aka bari ta tafi da samha tare da sharadi mai girma, bayan sunje gidan farida faruk da kanshi ya kira farida bayan sun gaisa ne yace wurin Alale ya anshi number nata,

Faruk yace hydar yace a fada miki cewa kada ki kuskura samha tayi miki nisa dan idan ya dawo zai dauki hukunci mai muni akanta saboda karyar da takeyi cewa hydar yana santa, dan haka ki bata kulawa sosai data bace hydar yace soyayyarki ta rushe dan yasan idan har baki tsare samha ba lallai bazaki iya kular masa da zuciyarsa ba, farida tace babu damuwa,

Faruk yacewa farida ta bashi samha, bayan an bawa samha waya tanajin maganar faruk tace faruk ina sahib yake? Ajiyar zuciya faruk yayi sannan yace bara in baki shi, murmushi samha tayi sannan tace yawwa,

Da sauri faruk ya mikawa hydar waya cewa samha zatayi magana dashi, murmushi hydar yayi sannan ya dafe daidai zuciyarsa yana kallon faruk, faruk ya sakawa hydar wayar a kunnen sa a hankali hydar yace samha,

Dariya samha tayi sosai sannan tace sahib ya kake? Ina fatan dai kana lafiya, kayi hakuri don Allah idan nayi maka wani abu nasan babu wanda ya hada munafuncin nan sai hydar kada ka wani samu damuwa ni dakaina zan kashe banza, yanxun haka ma ina nan gidan wata jakar budurwarsa wai zaizo yayi min duka ni kuma inanan na samu wuka yana zuwa zan cakawa banza ya mutu kaga daga nan sai mu gudu abinmu sai ka tayani gano ahalina daga nan sai muyi aurenmu shikenan mun kauda matsala ko ya kace? Duk maganar nan da samha takeyi babu inda ta lumfasa haka tayi ta surutu kamar ansa karatun dicshinari ance kada ta huta,

Hawaye ya gangaro daga idon hydar a hankali ya daga idonsa sannan ya kalli faruk, murmushi faruk yayi mishi sannan ya matsa kusa dashi ya dafa kafadarshi, amma baiyi magana ba,

Samha tace kayi shiru ko har yanxun kanajin tsoron hydar ne? Murmushi hydar yayi sannan yace banajin tsoronsa, amma idan har kina san sahib da gaskiya ki janye kudirin cakawa hydar wuka kada ki manta samha hydar shine gatana kuma kema shine sinadarin rayuwarki,

Tuf inji samha sannan tace maza sahib ka tofar da bakin yawu, Allah ya sawake Allah ya tsareni hydar ya zama sinadarin rayuwata, ba gara in mutu in huta ba, mi kakeji hydar yana dashi? Ka rabu da hydar nayi alkawari zan gina mana rayuwa mai inganci kace kana sona kace bakaine ka fadamin kalmar baka so na ba, fadamin inji dadi ko zan samu yau inyi bacci mai dadi sahib,

Da sauri hydar ya kara danne daidai zuciyarsa sannan yace ma samha ina sanki, ina sanki, ina sanki, kuma nayi alkawarin aurenki samha ina fatan zaki zama marufar asiri na, murmushi samha tayi sannan tace wallahi kuwa kuma duk wanda yayi gigin rabani dakai saina kashe banza, nima ina sanka sosai amma don Allah kada ka bari a sake rabamu sahib,

Goge hawaye idonshi hydar yayi sannan yace kalmar kashe wani samha ta fita daga bakinki, dole ki koyawa zuciyarki san hydar idan har kina san ganina a raye idan kuwa ba haka ba kawai zan mutu dan rayuwata bata da wani amfani, tsaki samha tayi sannan tace A, a, ka taba ganin an hada gaskiya da karya? Ko ka taba ganin wanda yace zunibi da lada daya ne? Yanda bana san zunibi haka na tsani rayuwar hydar na tsaneshi bana sansa, yanda nake san tarin lada haka nake sanka sahib sosai kuma nake fatan kasancewa dakai a matsayin mijina,

A hankali hydar ya gyara kwanciyarsa sannan yace to na gode sosai ki zama lafiya, zansa Alale ya kawo miki waya insha Allah, murmushi samha tayi sannan tace na gode, hydar yace yawwa sannan ya kashe wayarsa,

Bayan hydar ya kashe wayar ya kalli faruk sosai sannan yace lallai ina da babban aiki a gabana, murmushi faruk yayi yana so ya gayawa hydar magana amma yana tausayawa hydar a halin da yake dan haka sai yace ka kwantar da hankalinka komai zaizo da sauki insha Allah,

Murmushin karfin hali hydar yayi har yanxun hannunsa yana daidai saitin zuciyarsa yace haba faruk wane komai zaizo da sauki? Ni shikenan haka zanyi ta zama a gaban samha a matsayin sahib? Haba ai kaima kasan wannan ba mafita bane,

Faruk dai haka yayi ta kwantarwa hydar da halinki tare da kara mishi kwarin gwiwa sosai a akan zai samu nasara wurin samha,

Samha kuwa bayan ta gama waya da sahib sai murna takeyi tana jin dadi, dan yau tana cikin farin ciki yanxun ta kauda babbar matsalarta da sahib saura matsalarta da kawu da kuma maganar ahalinta,

Alale ya kawowa samha waya mai kyau da tsada kamar yanda sahib yayi mata alkawari babban farin ciki samha tayi sosai sannan Alale ya sakawa samha number hydar tare da ce mata ga number sahib din nan yace ki kirawo shi, kuma an saka miki kudi a wayar,

Samha tayi godiya sosai, bayan Alale ya tafi ne, samha ta nunawa farida wayar da sahib ya kawo mata sosai tayi farin ciki kuma wayar tayi mata kyau, ta kara kallon wayar da kuma kudin data gani a cikin wayar, amma wannan ba abin mamaki bane ba dan duk wanda yake tare da hydar shima kanshi moloniya ne dan hydar baya da bakin ciki kuma baisan darajar kudi ba shi yasa duk macen duniya take fatan hydar ya kasance miji a gareta, uwa uba ga ibada dan lallai namiji mai ibada abin so ne ga duk macen data san kanta suma ga mazan haka ne suna san mata masu ibada,

Mikawa samha wayar tayi tare da cewa Allah yasa alkairi samha tace amin nagode, tashi farida tayi ta nufi ciki tabar samha a farlo, farida tana tashi samha ta fara kiran sahib, haka sukasha firarsu sosai samha tana cikin jin dadi da annashuwa amma hydar yana cikin damuwa  yayi yunkurin bayyanar da kanshi a wurin samha amma yana tsoron abunda zai biyo baya dan haka dole ya hakura, yaci gaba da fira da samha yana kwantar mata da hankali yana sakata farin ciki ita kuma tanajin dadi,

Haka rayuwar samha da sahib taci gaba da tafiya samha tana rayuwa a gidan farida hydar kuma yana can yana jinya amma Alhamdulillah da sauki sosai gaskiya dan sahib ya shedawa samha cikin satin nan zai dawo insha Allah, samha tana cikin farin ciki sosai danji take kamar ta jawo satin ya dawo yanxun,

Dukan da akeyiwa kofar gidan farida ya farkar da samha daga bacci da sauri ta tashi tana kallon agogo, 3:05am samha tace to lafiya ne? A daidai lokacin da farida ta fito daga dakinta,

Farida tace samha maza maza tashi kiyi ta kanki idan har mutanen suka kamaki lallai kasheki zasuyi, saboda haka ki boye danni bazan tona miki asiri ba, nayiwa hydar Alkawari cewa bazan taba barin wani abu ya sameki ba, dan hydar yace idan har wani abu ya sami samha hakika soyayyata zata rushe daga zuciyarsa,

Samha tace hydar kuma?  Farida tace to sosai, samha tace badai hydar ba idan har saboda hydar zan boye wallahi bazan boye ba dan duk duniya babu abinda na tsana irin hydar da kuma mai irin sunan sa, farida tace yanxun ba lokacin nuna kiyayya bane kiyi hakuri ko badan hydar ba kiyi danni, kiyi hakuri kada ki kawo aikin gaba a yanxun,

Ci gaba da dukan gidan akayi kamar za'a zazzage kofar, farida da kanta taja samha ta bayan gidanta taje ta boyeta cikin shukokin gidan sannan ta dawo da sauri ta nufi kofar gidanta,

Tana isa ta bude kofar ba tare data ce waye ba, tana budewa tayi magana cikin yanayin bacci cewa ya akayi ne? Ina samha? Farida tace samha kuma? Eh, farida tace kada ku dauki mutane "yan iska mana ba jiya da daddare kuka turo akazo aka tafi da ita ba? Daga cikin motar ogan nasu yace ke kada ki dauki mutane "yan iska uban waye yazo ya tafi da ita ne? Farida tace yoni ya za'ayi in sani tunda masu san ganin samhar suna da yawa,

Fitowa ogan yayi daga mota sannan yazo ya shaki farida ya fara dukanta babu ji babu gani saida ya tabbatar ta bugu sosai sannan yace ina samhar take dan kutumar ubanki? Farida tace bata tare dani,

Kara dukanta yayi sosai yana halbinta sannan yace ina samha? Murmushi farida tayi sannan tace samha bata tare dani, rike kan farida yayi sosai sannan ya bugashi a bango farida ta dafe kanta sosai sannan tace nace maka samha bata tare dani,

Ku daukomin fetir a mota da sauri aka dauko fetir a mota Oga ya zazzagashi akan farida sannan yace ki fadamin inda samha take kafin in kunna miki wuta, dariya farida tayi sannan tace samha bata tare dani, wani ne yace oga lallai bata tare da samha ka barta kada ka konata amma mu tafi da ita,

Haka sukaja farida suka tafi da ita, bayan sun tafi samha ta fito daga maboyarta komawa ciki tayi katuwar hijabi da nikaf ta saka sannan ta dauki wayarta ta fita daga,

Kai tsaye samha gidan kawu ta nufa, akwai tafiya sosai amma a kafa samha ta daɓeta, tana zuwa ta fara dukan kofar gidan amma da mamaki taji kofar a bude, dan haka da sauri ta shiga cikin gidan, kawu ta gani yashe a tsakar gidan cikin yanayin maye, da sauri samha ta isa kusa dashi sannan ta fara kiran kawu kawu kawu,

Uhum kawu yace da sauri samha tace tashi kawu tashi don girman Allah bude idonka samha ce, dariya kawu yayi sosai sannan yace haba samha kin wani tafi kin barni sai tunaninki nakeyi, samha tace ai yanxun na dawo kuma bazan sake guduwa ba, fadamin su waye suke nemana su kasheni?

Cikin maye kawu yace kin yadda zaki aureni ne? Samha tace sosai ma, zan aureka mana bada min inji, a hankali kawu ya tashi zaune sannan yace to mubar gidan nan dan nayi imani zaki iya ganinsu anan yanxun,

Da sauri samha ta mike kawu kuma dakinshi ya shiga bai wani dade ba ya fito da wata jaka a hannunshi sannan yaja hannun samha suka fita daga gidan,

Suna fita ta bayan layi suka shiga, basu dade da shan kwana ba motarsu tayi parking a kofar gidan kawu, gaba dayansu suka fita da gudu suka shiga cikin gidan, sukayi ta dube dube har suka shiga dakin kawu,

Kattin kaladun hotunan samha suka gani, duk bangon dakin anbi an rubutashi da samha , i love u samha, duk an wani bi anyi kissing din bangon dakin kamar na wata budurwa sabuwar balaga, Wawu ya jinjina kansa sannan yace dakyau kalifa wato soyayya ko? Kun gani soyayya yakeyi da yarinyar nan shi yasa ya daukemu wasu ajawu,

Wawu ya kara kallon hotunan samha sannan yayi dariya yace kaga shegiyar yarinyar nan da uwarta take kama sosai, murmushi wawu yayi sannan yace shege kawu wato yaga jar fata da manyan idanuwa karamar yarinya ta tafi da imaninsa, shi yasa ya makale mata, wawu yace wallahi karyane babu ubanda ya isa ya tonamin asiri a idon duniya dan na tabbata idan har yarinyar nan ta anshi m card din nan lallai akwai bala'i a kasarnan,

Haka sukaci gaba da zagayawa suna ma gidan binciken tashin hankali amma babu komai kuma babu kowa kuma babu m card din kwata kwata, wawu ya ciro wayarsa daga aljihunsa yayi dan latse latse sannan ya karata a kunnensa,

Bayan wani lokaci ya fara magana cewa ranka ya dade bamu samu samha ba kuma bamu samu kalifa ba haka kuma maganar m card shima babu shi, wanda ake wayar dashi yace babu ruwana da maganar m card kawai a kashe min samha kuma a kashe min kalifa tunda sune suka san inda m card yake danni babu wanda ya isa ya batani a idon jama'a, wawu yace an gama ranka ya dade,

Bayan sun gama wayarne suka fita daga gidan da sauri dan bin bayan kawu da samha ko zasu gansu, suna shiga motar suka fitar da farida suka jefar da ita a ganinsu bata da sauran amfani a wurinsu,

Farida tanaji tana gani sukaja motarsu sukayi tafiyarsu, murmushi tayi sannan ta tunkari hanyar gidanta,

Kawu da samha kuwa wani daji suka nufa wanda illo yayi musu jagoranci, bayan sunje sun natsu ne, kawu ya kalli samha sannan yace gaskiya samha na cutar da rayuwarki sosai amma don girman Allah kiyi hakuri ki yafemin, samha tace ba komai kawu, kawu yaci gaba da cewa m card baya hannun kowa yana hannuna, dan haka gobe idan Allah ya kaimu zan baki sai kiyi kokari ki cika burin mahaifinki, ajiyar zuciya samha tayi sannan tace to kawu,

Ganin illo ya tashi daga wurin ne yasa samha cewa kawu mu sake wuri domin mutum ba abin yadda bane hakika illo zai iya tona mana asiri,  mu tashi daga nan mu koma cikin mutane, kawu yace to,

Lallai kam mutum babu amana domin dai illo ya kirasu wawu ya sanar dasu abinda ake ciki, dan haka kawu ya dauki samha a mota suka bar wurin,

Suna shigowa cikin gari samha tace da kawu mu koma gidan farida bazasu sake nemanmu a can ba, mu zauna can kafin komai ya gama zama daidai, babu musu suka tafi gidan farida,

Bayan sunje ne suka zauna aka fara maida yanda akayi farida ta bawa kawu labarin yanda sukayi dasu wawu, kawu yace to Allah dai ya sawake, abinci farida ta kawo sukaci sannan akaci gaba da maida yanda akayi,

Wayar samha dake ringing samha ta jawota daga inda ta boyeta a jikinta, ganin number sahib ne yasata dauka da sauri, bayan sun gaisa ne sahib yace mata ya dawo, samha tayi murna sosai sannan tace yaushe ka dawo ne? Sahib yace jiya na dawo, fatan alkairi samha tayi mishi sannan tace zasuyi waya idan Allah ya kaimu, sahib yace to babu damuwa, bayan ta gama wayarne kawu yace keda waye kike waya ne, samha tace wani ne baka sanshi ba, shine yake taimaka mana, daga haka bata sake magana ba shima kawu bai sake cewa komai ba,

Wawu bayan sunje basu samu su kawu ba, sunciwa illo bira'uba sosai sannan sukace ya kikayi yi musu karya saboda gaba,

Da daddare kawu ya shirya yayi tafiyarsa wurin wasan cacarshi, acan yaje yayi mayenshi yayi tatul sannan yayo gidan farida, kawu bai sani ba akwai wanda yake bin bayansa har gidan farida, bayan yazo yaga gidan da kawu ya shiga ya koma, saida yaje gidan sannan ya fadawa su wawu yaga kawu kuma lallai yaga gidan daya shiga, wawu yace to kasa tsaro sosai bana nan amma insha Allah gobe zanzo da safe, yace to ba damuwa,

Tunda safe hydar ya kirawo samha suka gaisa, sannan tace mishi yaushe zan ganka ne? Hydar yace yanxun dai zanje wurin training idan na dawo zanzo insha Allah, samha tace to kila inzo dan gaskiya bazan jira harsai ka dawo ba, murmushi hydar yari sanna yace to, bayan sun gama wayar ne samha ta tashi taje tayi wanka, babu dadewa ta fito ta shirya cikin shiri mai kyau sannan ta fito farlo,

Zama samha tayi a gefen kujera sannan tace kawu zanje in dawo yanxun don Allah kawu yace to, amma kada ki dade, samha batayi magana ba, ba aka bankado kofa da karfin tsiya, ganin su wawu yasa kawu tashi da sauri ya zauna, sannan ya kalli samha,

Dariya wawu yayi sosai sannan yace dan iskan tsoho, kai amma duk duniya babu babban jibgegen marar rabo iri ka, wato ka bari zuciyarka ta rudeka na fadawa soyayyar dakasan bata da magani bare mafita, ka fada soyayyar yarinyar daka gama reno kayi mata horo da zalinci da kafiyar zuciya, yarinya daka koya mata rashin tausayi bare taji ƙan wani, wai ita kake so?

Ka guji miliyan hamsin saboda san rai ko? To sannu baban soyayya wawu yace to wannan ma dai duk ba shine mafita ba, ina m card din yake ne? Murmushi kawu yayi sannan ya saka hannunsa a aljihu m card ya fiddo sannan yayi murmushi ya daga m cars din sama sannan ya kalli wawu yayi murmushi, wawu ya matsa kusa da kawu yace bani, kawu yace zan baka amma duk sai kun ajiye makaman hannunku, da sauri kowa ya ajiye, murmushi kawu yayi sannan ya tashi daga saman kujera ya matsa kusa da samha,

Wawu yace kai kada fa ka daukemu kananan yara kaji bamu, kawu baiyi magana ba ya mikawa samha m card sannan yace ki rike shi da kyau maza ki gudu murmushi kawu yayi sannan yace nima zan biyoki a baya, bai gama rufe bakinsa ba wawu ya dirma mishi bindiga a kafada ta baya, samha tace wayyo Allah kawu kada ka mutu ka rufa min asiri dan Allah kawu, murmushin karfin hali kawu yayi cikin wata irin murya yace ki gudu bazan mutu ba samha harsai na sadaki da farin ciki a rayuwar ki tsira da m card din nan hakan zaisa inyi alfahari dake, wuce yana fadin haka ya fadi kasa,

Da gudu su wawu sukayi kan samha, wani irin ihu samha tayi tare da wata irin jijjiga, da kafarta ta taka wata katuwar wuka, wukar tayi sama samha ta tara hannunta wukar ta dawo a hannunta sannan ta rike ta gam, kallon su wawu tayi sannan tace ina mai kararren kwana?

Wawu ne ya fara tattaki yana niyar matsawa kusa da samha, kafin ya matso samha ta jefa shi da wukar, da gudu sukayo kan samha, ganin haka yasa samha tayi waje da gudu, suma suka fita ɓarke,

Gudu samha take kamar zata kashe kanta, amma ji takeyi kamar ana maidota baya, da sauri ta cire hijabin jikinta dan gani takeyi kamar itace ta riketa, wurin training tayi ma tsinke dan tasan tana haduwa da sahib shine kadai zaiyi mata maganin wannan matsalar,

Hydar ganin samha bata zo ba kuma ya biga wayarta bata dauka yasa kawai zai tafi gida, dan haka ya fito dan tafiya, yana shiga mota Alale yace ranka ya dade ga samha nan, da sauri hydar ya juya amma sai ya hango samha da wasu jijjjiga jijjigan katti suna bin bayanta,

Samha babu dan kwali a kanta babu hijabi ba takalmi hydar yace subahanalla, kallon kanshi yayi a madubi ya ganshi yana mazaunin sahib dan haka ya kalli Alale cewa maza ka kiramin su Shamsu, yaransa, saboda idan zaizo a matsayin sahib baya tafiya da kowa,

Kafin hydar ya gama magana har samha ta shige cikin holl din da gudu dan a tunaninta anan zata samu sahib, da gudu hydar ya fita daga mota, kafin ya shiga cikin holl din yajiyo maganar samha daga saman bene tana kwala mishi kira, sahibbbbbbbbbbbbbb, ka taimakeni, da sauri hydar yayi wata irin tirjiya sannan ya juyo inda yakeji sautin muryar samha tana fitowa,

Hangota yayi saman bene hawa na ukku tana dago mishi hannu ga wasu irin katti sun zagayeta, wasu da wuka wasu da bindigu, wanda yafi girma hydar yaga yana tunkarar samha da wuka daga murya hydar yayi sosai sannan yace kaiiiiiiiii, ka kiyayeni kada ka kuskura ka tabamin zuciyata idan har wani abu ya sameta saina tsiyaye maka idanuwa babu tausayawa,

Wawu yace Uhum wato soyayya ko? Nine zaka siyayewa idanuwa, wawu marin samha yayi sannan yace waye waccan shi kuma? Lallai abun akwai firgici wato ga kawu ga sahib uhum to bari in tunkudaki ki fada kasa idan yana sanki saiya rike mu gani,

Wato shima yaga abunda kawu ya gani lallai dukanku zan hadaku in kasheku baki daya sannan in dauki m card din, lekawa wawu yayi sosai sannan yace ka shirya ga zuciyar taka nan zuwa, idan har kana santa saika shirya tarbarta, hydar yace kai wallahi kada ka jefota idan har ka fadar da ita daga saman bene ni kuma saina hau jirgi zan jefo banza dakai,

Dariya wawu yayi sannan ya halbo samha da kafarsa yana cewa ga zuciyarka nan ta taho, tawani irin ihu hydar yayi sannan ya matsa da gudu yana bin saitin inda samha zata fado yana mika hannuwansa, su kuma su wawu sai dariya sukeyi suna nuna yanda hydar yakeyi, a saman hannun hydar samha ta fado hydar ya riketa sosai sannan ya durkusa saman guyawunsa yace samha tashi tashi fadamin su din su waye ne? Mi kikayi musu ne? Hannunta da yake rike da m card ta daga ma hydar har yanxun tana rike a jikinshi cikin kuka tace sahib sun yankamin wuka a hannuna tayi maganar cikin kuka, hannun mai jini samha ta taba fuskar hydar dashi cikin kuka hydar yace kiyi hakuri babu wani abu dazai sameki ina tare dake kiyi shiru ki daina kuka kin manta ke jarumace? Tashi ki gani a gaban idonki zan kashe wanda ya yankamin hannuki, m card din ta mikawa hydar sannan tace ka rikemin wannan kada ka bari kowa ya ansa, a daidai lokacin da su wawu suka sauko daga sama, yana zuwa kusa dasu samha wani irin halbi ya kaiwa samha wanda yasa ta kamewa ƙam kamar waya tayi hucing,

Da sauri hydar ya sauke samha daga jikinsa ya ajiyeta kasa sannan yace wane dan iskane ya yanka mata hannu? Wawu yace nine nan, murmushi hydar yayi da gefen bakin sannan yace jirani ina zuwa, saida yayi nisa sosai sannan ya taho da wani irin gudu yana zuwa yayi tsalle ya taka saman motarshi sannan yayi wani irin suka ya dire saman jikin wawu yakai mishi wani irin harbi, halbi daya hydar yayi ma wawu ya some, dukawa hydar yayi ya kama hannu wawu sannan ya karyashi kamar yanda ya karya hannun yusra dana samha,

Gaba daya yaran sukayo kan hydar murmushi hydar yayi sannan yace duk zanzo kanku wane dan iska ne ya takawa samha ciki? Da sauri hydar ya juya ya rike hannun wanda yake kokarin sokarshi da wuka ta baya, rike hannun yayi sannan ya murdeshi saida hydar ya tabbatar hannun ya kare sannan ya sakeshi, da sauri wani ya ciro bindiga yana saita hydar,

*Meelat Musa ce*
[05/04 4:45 pm] Washa: ⚜ *BRILLIANT WRITERS ASSO* 🖊

                 *SO*
     *MUGUN WASA*

       *{ Love is a bad game }*

*JAMEELA MUSA* { meelat musa }

*Story, Writing & Editing*
                   *by*
         *Meelat Musa*

*Gaisu ta musamman fatan alkairi a gareku inayinku ina sanku, ina sanku, ina sanku, meelat musa tana kaunarku, kuma tana tare daku ina jinku har ciki babban birni ruhi na,*

*FA'IZA ANFA*  _marubuciyar_ { *DAN FASHI* }

*NA'IKKA*   _marubuciyar_  { *FARAR TAFIYA* }

*AISHA ILIYASU*  _marubuciyar_  { *MATAR SARKI* }

*SUMMY S DOGARI*  _maribuciyar_      { *DOCTOR ZAHRAH* }

*Aha manyan marubutan zamani,👍🏻 jinjinar bangirma fatan alkairi samun nasara addu'ar daukaka a gareku Allah ya kara basira da hazaka ubangiji ya kara lafiyar idanuwa Allah yasa ku zarce haka a fadin duniyar marubuta, Allah ubangiji ya barmu tare Allah ya tsaremu da sharrin mahassada, ubangiji ya kauda idanuwan mahassada akanmu, muyita hakuri da juna dan babu abinda yakai hakuri dadi a duniya, gaku nan* 👇🏻

*ASMEENAT XEEYAN*
{ _NAMIJI_ }

*MAI DANBU*
{ _KISHIYATA JIHADI NA_ }

*SURAYYA*
{ _ANFA_ }

*RAHEEMA*
{ _UWAR MIJI_ }

*MARYAM MUHAMMAD*
{ _RAMLAT_ }

*UMMU SAYEED*
{ _FURUCI_ }

*LEEMA*
{ _KURUCIYAR JUMMAI_ }

*UMMUHARNY NERSERLLERH*
{ _RAYUWAR UMMERHERNY_ }

*SALIHAT*
{ _DACE DA JUNA_ }

*HALIMA YAHYA tweety*
{ _RAINON ZUCIYA_}

*FEEDORH*
{ _SAI NAGA RUKKY_ }

*Gaishe da mai gaishe, so mai sanka a duk inda yake a fadin duniya, wannan dalilin yasa na babbako da gudu nayi zamiya a gabanku masoyana, Allah ya barmu tare gaskiya fa ina sanku sosai kuma kuna raina bazan manta daku ba,*

*SAFFA ONE*

*AISHA ABUBAKAR LOLO*

*BRILLIANT FANS GROUP*

*MEELAT MUSA FANS GROUP*

Inajinku har cikin babban birni zuciyata ❤💔

                  *SO*
      *MUGUN WASA*

*Dedicated to* 👇🏻
_Ramlat Abdulrahman real mai dambu_

*32-34*

Tun fitar su wawu daga gidan farida, cikin tashin hankali farida ta kama kawu taje ta sakashi a mota ta nufi asibiti dashi dan ceton rayuwarsa,

Juyowa hydar yayi yana kallon wanda ya saita shi da bindiga, murmushi yayi da gefen bakinsa sannan yace nine zaka harba?

To bada himma gani harbarni, har yanxun kara saita hydar yakeyi da bindigar, hydar yace idan harka harbeni cikin tsotsayi ko ganganci yasa ka harbine saina kare kaff ahalinku wallahi,

A daidai lokacin da su shamsu suka shigo wurin motoci sunfi goma, tun kafin motocin su gama tsayawa gwarazan maza kattin maza majiya karfi kosasshi masu kama da "yan rastilin sukayi ta dorowa,

Wanda yake saita hydar da bindiga suka fara ci masa kan bura'uba sosai, saida suka tabbatar yaci gidansu dakyau yana fitar da nunfashin wahala sannan suka barshi,

Saida hydar yaje ya daga samha daga inda take ya jawo hannunta kamar wani dan jagora, sannan yazo wurin dasu shamsu suke yace kuje da banzaye saina nemesu,

Alale ne ya bishi da gudu cikin girmamawa harararsa hydar yayi sannan yace bani makulin motar zanje in kai samha asibiti, Alale yace ka bari in kaita mana, hydar yace so kake sai mai gida hydar ya ganka da motarsa kuma yayi min fada?

Murmushi Alale yayi sannan ya bawa hydar makullin, samha ta kalli sahib tace muje a napep mana, kallonta yayi sannan yace A, a, a mota zamuje, a daidai lokacin daya bude mata gaban mota ta shiga saida ya rufe mata sannan ya zagaya ya shiga yaja motar suka bar wurin,

Tafiyar hydar aka tattara "yan iska ka tafi dasu kamar yanda hydar yace, wawu kuwa har yanxun bai farfado ba tun harbin da hydar yayi masa, saboda shine ya jefo mishi samharshi daga saman bene,

Saida hydar yakai samha asibiti akayi mata dressing sannan ya wuce da ita gidanshi, tunda suka tunkaro gidan samha take cewa sahib ina kuma zamuje ne?

Tabe baki yayi sannan yace hydar ne yace wai muje gidanshi ki huta kiyi wanka kici abinci, kuma bakiga yanda ya tausaya miki ba akan abinda ya faru dake,

Samha tace karya yake munafiki nasan yana can yanajin dadi yace dama na mutu, sassauta muryarta tayi sannan tace ni wallahi sahib bana san wannan hydar din banzar wallahi haushi yake bani,

Hydar yace haba samha ki rika kyautatawa hydar zato don Allah wallahi yana sanki sosai, samha tace babu wani nan kai ya rainawa wayau kada ka sake ka yadda dashi dan bakin ciki wanda baya san ganin farin cikin masoya,

Murmushi hydar yayi amma bai sake magana ba, samha taci gaba da cewa aini tunda nasan baya san tarayyarmu dakai tun lokacin daya hana ni zuwa wurin training dinsa, waishi mai wurin training, dan gajeran tsaki tayi sannan tace, da wasu banzayen idanuwansa kamar mage tana atini, dariya sahib yayi sannan ya daki sitiyarin motarsa amma baiyi magana ba,

A bakin katon get din gidan hydar ya tsaya da motarsa, sannan ya fiddo remot ya latsa get din ya bude, a hankali ya fara silalawa da motarsa ciki, idanuwa samha ta zaro tana kallon sahib, cikin kyauyanci ta taba remote sannan tace sahib waye ya koya maka? Hydar baiyi magana ba, dan haka itama bata sake magana ba,

Idanuwa ta sake zarowa ganin tafiya mai nisa ce sosai tsakanin get na farko zuwa wani, cike da tsoro tace sahib don girman Allah ka tsaya, ba tare daya kalleta ba yace miye ne?

Samha tace don Allah kada muje nidai bana san gidan nan wallahi kwata kwata, hydar yace ni kuma ina sanshi kiyi hakuri kada hydar yace ban kyauta ba ko kina so yayi min fada ne?

Gyara baki kawai samha tayi amma batayi magana ba, shima bai sake magana ba, har suka isa bakin farlon shi anan yayi parking sannan ya fita, zagayowa yayi ya budewa samha kofa yana cewa barka da zuwa ranki ya dade, dariya samha tayi saboda yanda yayi abun ya bata dariya har wani jinjinawa yakeyi yana sara mata kamar yanda akeyiwa sarakuna,

Fita samha tayi sannan ya rufe kofar tare da nuna mata da hannunsa cikin girmamawa yana dan rusunawa ya nunawa samha hanya, murmushi tayi sannan tace to muje, shine a gaba tana bin bayansa,

A hankali suke tafiya, samha tana dan kalle kalle dan gaskiya gidan ba karamin haduwa yayi ba, idan kana ciki zaka ranste ba'a nigeria kake ba,

Suna shiga parlo samha ta ida gigicewa, wuri ya nuna mata ta zauna, shi kuma ya shige ciki, samha tace sahib ina zakaje? Juyowa hydar yayi sannan ya nuna da hannunsa cewa ina zuwa👌🏻,

Shigewa yayi ya barta a wurin, sai kalle kalle takeyi, yana shiga ya kirata a waya, bayan ta dauka yace kiyi hakuri hydar yasani zanyi masa wani abu ina zuwa, samha tace to babu damuwa bayan ya gama wayarne ya cire fuskar daya dora sannan ya dauki towel ya shige toilet,

Wanka yayi bayan ya fito ne ya shirya cikin kana nan kaya masu kyau da daukar hankali kuma sunyi masa kyau sosai, aman ruwan turare ya fara yi ma jikinsa, bayan ya gama kallon kansa yayi a madubi sannan yayi murmushi, a bayyane yace wai ido na ne mai kama dana mage tana atini, dariya yayi sannan ya daure fuskarsa yayo parlor,

Tunda samha ta hango hydar yana saukowa daga saman bene gabanta ya fara faduwa dan haka da sauri ta sauka daga saman kujera ta zauna kasa,

Dariya yayi a ransa yana jin dadi idan yaga samha tana cikin tsoro tafi mishi kyau a haka, burgeshi takeyi sosai, murmushi yayi a daidai lokacin da yake zama saman kujera,

Cikin rawar baki tace ina kwana, be kalleta ba kuma bai ansa gaisuwar ba, mikewa tayi tana nema hanyar fita, hydar yace ina zakije ne?, ba tare daya kalli inda take ba, harararsa samha tayi sannan ta murguda baki, a tunaninta baya ganinta,

Juyowa hydar yayi ya kalleta da manyan idanuwanshi masu saka mutum yaji dimuwa, sannan yace ni kike harara? Samha tace nifa ba dakai nake ba, kawai zanje waje ne in zauna,

Hydar yace zo nan, a hankali ta juya ta koma inda ta tashi ta koma zata zauna hydar yace nan zaki zo, ya nuna kusa dashi da hannunshi, a hankali ta matsa taje ta durkusa saman guyawunta inda ya nuna mata,

Hydar yace ke kalleni ki saka idonki a nawa ki fadamin ina wasa dake ne? Dukar da kanta tayi kasa tana gunguni, hydar yace ke ni kike zagi ne? Shiru samha tayi hydar yace ke miyasa kin raina mutane ne? Samha tayi shiru, hydar yace kindai san na haifeki ko? Dariya samha tayi sannan tace Allah ya sawake ka zama babana, hydar yace nima Allah ya sawake in haifeki baki ganni mai kyau ba, ga idanuwana masu kama da mage tana atini, maganar data fadawa sahib a mota,

A hankali samha ta daga kanta ta kalli hydar bude idanuwansa yayi dukansu sannan yayi wani iri dasu da sauri samha ta zauna saman duwawunta ta ajiye kanta kasa, a ranta tace kai hydar fa dan iska ne,

Murmushi hydar yayi sannan yace ya kikaga idon hydar ne? Nasan ya miki kyau sosai, kinga sahib baida irin wannan idon amma hydar yana dashi, kina son idanuwana ne?, samha tayi shiru, hydar yace to shikenan kina so zanyi ta miki wasa dasu kinajin dadi kallar ni inyi miki, samha tayi shiru, dariya hydar yayi sannan ya mike yana cewa tunda baki so kin huta yana fadin haka yayi tafiyarsa,

Yana komawa daki kaya ya canja sannan ya saka fuskar sahib, a bayyane yace ya Allah kasawa zuciyar samha so na, Allah ka cire mata kiyayya ta goge hawayen idonsa yayi dan wayarsa dake ringing ya dauka,

Murmushi yayi sannan ya dauki wayar, bayan sun gaisa ne hydar yace faruk inanan da samha fa, faruk yace da gaske,? Hydar yace wallahi kasan daga asibiti gida na taho da ita, yanxun zan fita insa tayi wanka taci abinci sannan muyi maganar m card din data bani,

Faruk yace to Allah ya taimaka, hydar yace amin, hydar ya bawa faruk labarin abinda yayi wa samha, dariya sukayi dukansu, hydar yace wallahi na lura da yarinyar nan haushi nake bata ni banma san yanda zan bullumo lamarin ba, faruk yace gaskiya akwai aiki sosai murmushi hydar yayi sannan yace kada ka damu zan koyama zuciyarta so na insha Allah, faruk yace Allahu yasha, bayan sun gama waya da faruk hydar ya fito da sauri dan yasan yanxun samha taci kuda,

Tunda ta hango sahib take ta yashe baki tana mishi dariya har yazo kusa da ita, saida yazo kusa da ita sannan tace Allah ka batamin rai, murmushi yayi sannan yace kiyi hakuri don Allah yadan yamutsa fuska sannan yace keko dangoge goge nayi sai yanxun na gama kiyi hakuri kinji,? Samha tace ai ba hakuri zaka bani ba laifin daka yi zaka fara tambaya,

Gyara tsayuwa hydar yayi sannan yace to fadamin miye laifin sahib? Yana maganar yana mata wani irin kallo, dan gajeran tsaki samha tayi sannan tace kai daga magana shine sai kawai kaje ka kwashe ka fadawa hydar?

Idanuwa ya zaro sosai 😳 sannan yace da gaske? Samha tace ban gane ba kuma? Ni ina tambayarka kaima kana tambayana, murmushi yayi sannan yace hydar yace kije kiyi wanka, ya fadi haka dan kauda maganar,

Cikin sakata samha tace itadai baza tayi wanka gidan da babu mata ba, hydar yace kiyi hakuri samha don Allah kije kiyi magana zamuyi dake, wani irin kallo tayi wa sahib sannan tace wato kaji ina tsami tsami ko? Cikin tsiwa tace to ai kafin in fito gida saida nayi wanka sai kawai kace sai nayi wakan a gidan nan sai kace wata "yar iska?, cikin sauri hydar yace Allah ya baki hakuri ni bance ke "yar iska bane, juyin duniya hydar yayi amma samha tace bazatayi wanka ba, sahib yace miyasa to? Samha tace wannan katon gidan kila ma an makala "yar camera mai daukar hoton mutum, wai { *C C T V camera* } inje inyi wanka ana kallona, murmushi sahib yayi sannan ya juya ya sake kallon farlon, maido dubansa ga samha sannan yace to mu zauna,

Zama samha tayi hydar ya koma sama da sauri, babu dadewa ya fito da system a hannunsa, kusa da samha ya zauna a jikin flash ya saka m card in sannan yasashi a jikin loptop in, ya fara loading, bayan ya gama ne hydar ya fara neman abinda yake cikin m card din,

kurawa laptop din ido yayi tare da rike habarsa, baicewa samha tazo ta gani ba ita kuma samha bata leka ba ya dan dade sosai yana gani sannan juyowa yayi ya kalli samha, yace zo ki gani, matsawa tayi kusa da hydar sosai nuna mata wata mace yayi da hannunsa sannan yace ita wannan wace ce? Samha tace ban sani ba wallahi, jinjina kai hydar tare da ceje lebonsa na kasa yadan kankance idonsa, murmushi yayi sannan yayi copied abinda yake a m card bayan ya gama ya cire m card din, sannan ya dauki lapton din ya koma sama, ya dade sosai sannan ya dawo,

Da sauri zai wuce samha, mikewa tayi da sauri tare da cewa sahib ina zakaje? baiyi magana ba ya fice daga farlon cikin sauri, da gudu samha ta fita amma kafin ta fito hydar harya shiga mota yabar wurin, cikin mamaki tace toko lafiya? To miyasa ya tafi yabarni anan? Tambayoyi sosai takeyiwa kanta amma babu mai bata amsa, dan haka hakura tayi ta zauna a wurin ba tare data koma farlo ba, dan bata so hydar ya sake fitowa yayi mata irin abinda yayi mata dazu,

Hydar yana fita daga gidan ya cire fuskar daya saka, waya ya dauka ya kira farida bayan ta dauka suka gaisa, hydar yace kina ta ina ne? Farida tace ina ta gidana, hydar yace ina wannan mutumin da samha take wurin sa ne? Farida tace lafiya? Hydar yace bana bukatar tambaya ina tambaya kina dawo mun da magana baya,

Farida tace yana gidana an harbeshi da bindiga ne nakaishi asibiti aka cire harsashin gamu na dawo dashi gidana yanzu, hydar yace to ganinan zuwa gareku, farida tace Alkairin Allah ya kawoka lafiya, hydar ya kashe wayar, tare da cewa amin,

Hydar yana zuwa gidan farida a kofar gida yayi parking sannan ya shiga ciki, a bakin kofar parlour n yayi sallama da sauri farida ta fito tare da cewa barka da zuwa ranka ya dade, cike da izza yace yawwa,

Farida tace kai daya? Uhm hydar yace farida tace to shigo, farida tayi gaba hydar yana bin bayanta, a farlo kawu yake kwance kana ganinsa kasan yanajin azaba a jikinsa,

A hankali hydar ya samu wuri saman kujera mai kallon kawu ya zauna, a hankali kawu ya tashi zaune yana kallon hydar, shima hydar kurawa kawu ido yayi yana kallonsa kamar kura taga akuya, hydar yace ka gane ni ne? Da sauri kawu ya jinjina kansa, alamar Eh,

Hydar yace kaine kake rike samha? Kawu yace Eh nine ranka ya dade, hydar yace wace ce samha? Kawu yayi shiru, hydar yace dakai nake magana kana min kallo sai kace baka sanni ba, cikin rawar baki kawu yace don Allah kayi hakuri ranka ya dade, tashi hydar yayi daga inda yake zaune kusa da kawu yaje yana zuwa babu bata lokaci ya daga kafarsa yakai mishi wani irin gigitaccen halbi wanda yasa kawu yayi wata irin wahalalliyar gyatsa,

Dukawa hydar yayi kusa kawu sannan yaci kwalarsa yace zaka fadamin a gidan daka satota ko kuwa saina saka an kware min fatar jikinka? Kawu yace ba sato samha nayi ba ranka ya dade, hydar yace to fadamin inji, yaudin nan ina san insan labari akan mai girma samha,

Ajiyar zuciya kawu yayi sannan ya goge hawayen idonsa yace don girman Allah kada ka rabani da samha, saboda ina santa bazan iya rayuwa babu samha ba rabani da samha tamkar rabani da duniya ne baki daya, murmushi hydar yayi lokaci guda idanuwansa suka rikeda suka canja kala zuwa launin ja, wani irin kallo yayi ma kawu wanda yasa kawu dukar da kansa cikin sauri,

Hydar yace soyayya kenan ko? Kanshi ya jinjina sannan yace ni babu wani abinda ya dameni da kana santa ko baka santa kawai so nake inji daga ina ta fito? A hankali kawu ya kara gyara zaman sa sannan ya fara cewa,

Mahaifin samha babban mutum ne kuma mutumne mai mutumci da karamci da sanin darajar dan adam baya da kyamar al'umma kuma mutumne mai cikakken arziki, ni bani da dangantakar komai dashi bansan sa bai sanni ba,

Mahaifin samha dan jarida ne, kuma babbane sosai a aikin jarida, ni kuma neman taimako naje a wurinsa, lokacin ina fama da ciwon kafa wanda har likitocin nigeria suka ce kafar tawa saidai a cireta wato a yanketa gaba daya, haka na hakura na bawa raina za'a ciremin kafa,

Ana cikin haka ne, wani mutum ya bani labarin mahaifin samha wato Alhaji Yusuf Usman mutumcin sa da kuma irin taimakon da yakeyiwa al'umma, dan haka naje wurinsa nayi masa bayanin duk abinda yake damuna,

Hakika ya tausayamin sosai kuma yayi jimami kamar yasanni dan haka Alhaji ya dauki nauhina ya fitar dani kasar waje domin nema min lafiya, haka aka tafi dani kasar waje naje nasha jinya kuma cikin hukunci Allah na samu sauki sosai,

Bayan na dawo ya tambayeni inda iyayena suke amma sai nace masa banda kowa a duniya wannan dalilinne yasa na zauna tare da Alhaji, kuma ba aiki nake masa ba, ya bani wane bangare a cikin gidansa, babu abinda na nema na rasa yana kula dani kamar dan daya haifa,

Alhaji shine ya siya min mota mai tsada sannan kuma yace in samu mata yayi min aure, nace mishi yayi min hakuri ba yanxun ba, haka dai ya matsa amma daya ga bazanyi aurenba ya hakura ya kawo ido ya zubamin,

Alhaji yana da mata daya da yarinya daya wato samha, samha ta taso cikin jindadi kuma iyayenta suna santa suna nuna mata kauna kasancewar itace diya daya rak a wurinsu, hafsat shine sunan samha sunan kakarta aka saka mata,

Zaman lafiya Alhaji yakeyi da iyalinsa kuma suna nunawa juna soyayya sosai, Alhaji bai hada iyalinsa da kowa ba, kuma itama zainab tana masa biyayya sosai, wato maman samha,

Wata rana tsakar dare, mukayi baki a gidan namu, mu a zatonmu barayi ne kuma Alhaji bayanan yayi tafiya zuwa Abuja, Ashe ba barayi bane, haka sukayi ta dirowa ta saman katanga sukayi ta fadowa tare da fara barin ruwa harsashe,

Da gudu hajiya ta fito daga sashenta tare da cewa khalifa lafiya? Ta fito cikin kidimewa tare da kiran sunana babu kyakkyautawa, kafin in fito naji wani daga cikinsu yana cewa wow shege yusuf ashe haka yake da zukekiyar mata, jibi gashin kanta yanda yake kwarara a gadon bayan ta, kalli dirin jikinta dariya yayi tare da lashe bakinsa, a daiaai lokacin daya matsa kusa da hajiya,

Lokaci guda jikinta ya dauki kyarma cikin rawar baki tace bayin Allah miye? Kecewa yayi da wata irin firgitacciyar dariya wanda ta sake firgita hajiya, bayan ya tsagaita ne yace wato mijinki duk kashedin danayi masa bazai fita harkana ba ko? Dan nayi fyade shikenan hada wani sawa aka dauki rahoto shi kuma ya wani je ya yayadani a duniya, jinjina kansa yayi sannan yace ku daukarmin banza kukamin ita a tsakiyar gadon mijinta,

Jin haka yasa hajiya ta juya tare da ruguwa da gudu, da gudu suma sukabi bayan hajiya nikam daga haka bansan abinda ya sake faruwa ba, amma naga dai sun fito da sauri suka bar gidan,

Tun a daren Alhaji ya samu labari bansan wanda ya fada masa ba, dan haka a daren ya bugo hanya ya dawo gida,

Saida Alhaji ya dawo sannan na samu na fita, a tare dashi muka shiga ciki har a farlon ta, hajiya kwance a sakiyar farlo jini yana fita ta karkashin ta, bayan bincike da likitoci sukayi cewa hajiya tana da ciki ne, shine ya zube dalilin wani babban buguwa da tayi, Alhaji yayi kuka sosai babu hajiya babu abinda yake cikinta,

Alhaji yayi bakin cikin mutuwar matarsa haka aka shiryata dan kaita gidan gaskiya, cikin wanda suka zo cikinsu ne wani yayi vidion duk abinda ya faru, kuma da kansa ne ya kawo ma Alhaji sannan yace ya mika kansa yayi masa hukuncin daya dace dashi, wannan kuma dama al'adarsu ne duk gidan da sukaje ko kuma macen da sukayiwa fyade suna dauka ne sai sun koma gida suke gani a tsanake,

Alhaji yace kawai yaje shida Allah, to da abokan nasu suka gane cewa ya bada wannan m card asirinsu zai tonu shine suka kashe wancan sannan suka zo sukace Alhaji ya basu m card yace baya hannunsa sukace karya yakeyi sunyi ya fiddo shi amma yaki ya fiddo, dan haka suka harbi Alhaji da bindiga , a tunaninsu Alhaji ya mutu suka tafi,

Bayan tafiyarsu ne Alhaji ya kirawoni a waya ina dauka naji shi cikin wani irin yanayi cikin damuwa naje , bayan naje na sameshi a dakinshi dafe da inda aka harbeshi, yace min kalifa ka dauki ga samha nan na baka ita bisa amana, kaga ban sanka ba baka sanni ba ban taba ganinka ba kuma bansan zan hadu dakai ba,

Kaji tsoron Allah ka kularmin da rayuwar diyata kwatankwacin yanda na kula da taka rayuwar, ka hadata da,  dangina, dan nasan kafin suzo bazasu sameni a raye ba, wata katuwar jaka ya miko min kudine a ciki kuma ba kudin nigeria bane, takarda ce ya bani sai kuma wannan m card din dana bawa samha,

A zuciye hydar ya tashi yayi kan kawu yana dukan shi babu ji babu gani tare da cewa haka ake rike amana ka mayar da rayuwar yarinya haka? Ka gina mata rayuwa cikin zalinci ka koya mata sace sace da wasan caca? Haka ake amana dan uwarka, duka harbi hydar bayajin tausayin kawu,

Da gudu su shamsu suka shigo cikin farlon wanda farida tayi musu waya tun zuwan hydar dakel suka cire hydar daga jikin kawu hydar sai kuka yakeyi tare da kokarin ya kwace kansa ya kara cima kawu uwa, harbi yaci gaba da kawai kawu tare da cewa ina takardar da baban samha ya bayar? M card din yana hannuna saika nuna su uban waye suka kashe maman samha, sanan kuma a ina "yan uwanta suke? Ina kudin ta da babanta ya baka? Wato yace kaje kakai samha wurin danginshi kai ido a kudi shine ka gudu da ita ko?

Girgije su shamsu hydar yayi daga jikinsa sannan ya gyara rigar jikinsa yana cewa kuje ku hadamin shi da sauran "yan iskannan, haka aka ja kawu aka tafi dashi sannan hydar ya fice daga gidan ,

Saida hydar yaje bakin get sannan ya saka fuskar sahib wani irin ihu hydar yayi tare da dafe daidai zuciyarsa tambayar kansa yakeyi miyasa tun farko baizo wa samha a matsayin hydar ba? Ya za'ayi samha ta anshe shi a matsayin hydar? Idan har samha tayi yunkurin fita daga rayuwarsa hakika mutuwa itace tafi cancanta dashi, idan har samha ta gane shi hydar ne wallahi bazata yadda ta aureshi ba, saida hydar yasha kukansa sosai sannan yaja motar a hankali ya shiga ciki,

Samha na hango mota ta taso da gudu cike da bacin rai ta fara magana,

Share this

WhatsApp