To a young girl i have never known and will never get to know. May your gentle soul rest in peace. May Allah grant you endless peace.(XeeXee)
Allah ka yafe mana ka jikanmu da Rahmarka(Amin thumma amin)
Kwanan shi biyu kano yagama abinda zaiyi. Jirgin yamma yabi zuwa abuja.
A falo ya zauna. Sai lokacin duk gajiyar daya kwaso take tambayarshi.
Ya sake gyara zama cikin kujerar yana lumshe idanuwansa. Magrib kawai yake jira tayi yai sallah yadan kwanta.
*
Husna kam tana son fita sosai. Danma ta kira kausar ta kawo mata kayan sawa.
Akwatin data dauko shirmene kawai cikinsa. English wears ne da bata tunanin zata iya saka su tsautsayi ya gifta natacce yaganta cikinsu.
Sai fama take da alkyabba kullum. Data sakasu saita dora dan ta rufe mata jiki indai zata fito falo.
Sai hijab dinta ta sallah.
Tasan da wahalar gaske abarta ta fita. Bama tason zubda aji shisa sam bata gwada ba.
Zata jira sai ta hadu da natacce inya dawo kenan. Ta sauke ajinta a gefe tai masa magana ko dogayen riguna ne ta fita ta siyo tunda da yan kudinta a hannu taba kausar ATM ta ciro mata.
Falo ta fito. Kamshin shi ta fara ji kamun taganshi. Zuciyarta ta wani doka.
Hannu tasa kan kirjinta tana so ko bugun da zuciyarta yake zai dan dai-dai ta amman a banza.
Kafarta har wani rawa take abin takaici. Karasawa tai inda yake da sallama.
Idanuwan shi ya bude ya sauke su akanta da doguwar hijab sanye jikinta har kasa.
Amsa mata sallamar yai a kasalance. Sai taji muryarshi ta kara budewa.
Bata son yana mata magana saboda tayar mata da tsikar jiki yake.
Tana son taji muryar namiji babba haka. Saidai ammar dinta muryarshi yar karama ce.
Da sauri kamun kwarjinin dayai mata yasata kasa tambaya tace.
"Ina son fita zan siyayyar kaya"
Idanuwan shi kawai ya zuba mata. Babu yanda za.ai ta fita saboda yanayin tsaro.
Banda kamala babu wanda ya aminta dashi cikin gida. Kudi zai iya siyan kowa yaci amanarsu.
Baya son karin matsala. Ko dan darajar auren da aka liqa masa na natacciya. Tana karkashin kulawar shi.
Bazai bari komai ya samu yar mutane ba.
*
Husna kam harta kawo iya wuya. Dole ce tasa ta tambaye shi ya zuba mata idanuwansa yana kallonta.
A dakile tace.
"Magana fa nake maka"
Idanuwan dai su ya zuba mata. Ya gaji sosai. Idan yagaji baya son surutu. Wannan yarinyar bata ganewa ne. Ta kyale shi baya son naci.
Yana kallo ta tashi tabar wajen. Ya maida kanshi ya kwantar jikin kujera ya lumshe idanuwanshi.
Yana zaune a wajen har aka kira sallar magrib ya tashi yaje yai sallah. A masallacin cikin gidan yai zaman shi. Sai da yai sallar isha.i tukunna ya koma cikin gida.
Apple ya diba a dining din dake cikin falon ya wuce dakin shi ya ajiye su kan gado. Jikin shi duk ciwo yakr mishi.
Wanka yai sannan ya kwanta. Yana gama addu.a bacci ya dauke shi ko apple dinma bai ci ba.
*
Wasu hawaye masu dumi ta goge. Dan taje wajen shi ta tambayi alfarma ne zaisa ya wulakantata.
Zata hakura tai amfani da kayan da take dasu. Inyaso ta kira kausar taji yaushe zata sake shigowa sai ta sissiyo mata.
Wayar da sukai da ammar ne ma ya rage mata bacin ran da take ciki.
*
Washe gari da safe tun da ta gama baccinta ta tashi wajen goma. Sai da tai wanka sannan tasa aka kawo mata brkfst har daki.
Batason fita taga nataccen nan ya sake wulakantata kaman jiya.
*
Duk da wankan dayai gajiyar jiya bata gama sakin sa ba.
Shadda ce a jikin shi dinkin kaftan. Ruwan toka da hula mai cizawa kalar aikin jikin shaddar takalminsa ma haka.
Bai manta da abinda natacciya ta tambaya ba jiya. Maganar ce baiga damar yi mata ba saboda yagaji.
Bangarenta ya karasa. Ya kwankwasa kofar tace ya shigo.
*
Abinda take ci taji ya tsaya mata a wuya. Bata zata shi bane. Ca take ma daya daga cikin hadiman gidan ne.
Hijab din da take gefe tai saurin dauka ta saka.
Kallonta yake yi. Taso tabashi dariya ma. Kome take boye mishi oho.
Gefen gadon ya zauna ya mika mata dan notebook karami da biro.
Bai jira ta karba bama ya ajiye akan gadon kusa da ita. Kanta a kasa dan bata son idanuwanshi cikin nata.
"Ki rubuta abinda kike so. Da sizes za.a kawo maki. You can't go out a yanzun"
Yai maganar a nutse.
Yama raina mata hankali. Wato sai yanzun yaga dama. Muryarta can kasan makoshi tace.
"Kabarshi kawai na fasa"
Hannu yasa ya dago mata da haba. Bayason yanda bata iya kallon shi tai masa magana.
Ture hannun shi tai kanta na kasa. Tanajin hawayen da suka cika mata ido. Bata son yanda zuciyarta ke saurin karaya a gabanshi.
Sake dago mata da haba yai. Wannan karon data kawo hannu ya ture nashi yasa dayan hannunshi ya rike nata gam.
"Bana son gaddama. Ki kalle ni kimun magana. And ba tambayarki nai ko zakiyi siyayyar ba. Canai ki rubuta. Akwai bambanci tsakanin biyun"
Bata yi kokarin kwace hannunta ba saboda rikon dayai mata bana wasa bane.
Muryarta na rawa tace.
"Ka sakeni in rubuta"
Sakinta yai. Wannan yanayin irin na rannan dabai san fassarar shi ba yake ji.
Tafin hannuwan shi ya murza tare yana son ya goge yanayin da yake ji a jikinsu.
Bayason tabata. Saidai gaddamarta ce take ja masa wannan wahalar.
Yana kallon yanda hannunta ke rawa wajen rubutun. Hakan ya mishi saboda bata da girma da ajin da zata dinga raina shi.
Miko masa tai kanta a kasa. Ya tsaya ya zuba mata idanuwa.
*
Tanajin yanda idanuwansa ke mata yawo ta kuma san abinda yake jira.
Dakyar ta dago da kanta ta sauke idanuwanta kan fuskarshi.
Ta mika masa littafin da biro din.
"Good girl"
Ya furta a hankali sannan ya karba ya mike ya fice. Yana ja mata kofar ta diro daga kan gadon.
Mukullin tasama kofar jikinta ba inda baya rawa. Ta cire hijab din da kayan jikinta tai toilet.
Kwamin wanka ta shiga ta sakarma kanta ruwa. Soso da sabulu ta saka ta dinga gurzar hannunta inda take jin shatin dumin hannun nataccen nan a jiki.
Amman a banza tanajin shi har lokacin. Kuka tai mai isarta tana tunanin yanda zata soma bi ta kashe auren nan.
💝💝💝💝 💝💝💝💝
Wata Bakwai 7
💝💝💝💝 💝💝💝💝
Written by
Luβπα Sufyαπ
2⃣1⃣
*Rayuwa tana hadaka da mutane da dama. Saidai ko a mafarki ban taba zaton rubutu zai hadani da mutane masu karamci har haka ba.Mutanen da zasu karrama ni. Idan in tsaya lissafo su bansan ta ina zan fara ba.Ummijay da duk yan group dinta. Musamman ita kanta ummin, safiyya galadanchi da anty billy.Dimples da mutanenta. Godiya mai yawa.Anty lubabatu mai tafsir da nata.Musamman ita antin da kanta.Allah ya saka muku da alkhairi.UMMU SABREENA nagode da karamcinki. Wannan page din naki ne*
Dakin shi ya koma ya zauna. Saboda yana son duk abinda yake ji yadan tsagaita tukunna.
Yakamata ace ya daina taba yarinyar nan. Saidai ita take ja. Hakan ne kawai yake sakata ganin girmanshi.
List din ya duba. Riguna ne kawai ta rubuta. Kamala ya kira ya ce masa ya samu wata designer ya tambaye ta tai list na abubuwan da mata suke bukata a turo mishi.
Ba afi mintuna goma ba text ya shigo wayarshi. Wani dogon list yagani da karanta shi ma ciwon kaine.
Don rabin abubuwa bai san suba. Wasu kuma ana bukatar sizes. Shi bazai iya komawa bangaren yarinyar can ba.
Don haka yaima kamala text cewan ya dibi ko nawa yake bukata. A sissiyo kayan su taho da matar ta zabi wanda yai mata a koma da sauran.
*
Da zundumemiyar hijab dinta ta fita falo ta dibo fruits taji sallama bata mutum daya ba.
Haka yasata fitowa daga dining din babu shiri tana amsawa.
Hadimaine sunkai shidda da kaya niqi-niqi. Sai wata mata mai matsakaicin shekaru. A ladabce ta gaishe da husna.
Ta amsa fuskarta babu yabo ba fallasa. Hadiman suka ajiye kayan husna tace musu zasu iya tafiya.
"Ki zauna mana"
Husna ta bukata.
Da fara.a a fuskar matar tace.
"Bama sai na zauna ba. Ki duba kayan nan ki dauki size dinki. Zankoma da sauran"
Ta karasa maganar tana ware wasu ledoji.
Da mamaki husna ta dauka ta duba. Bra's ne da panties. Ta juya idanuwanta tadan dafe goshi.
Har ta bude baki tace bata bukata a mayar ta tuna jan kunnen da natacce yai mata.
Ta kuma san tabbas bada wasa yake ba. Dan haka ta duba ta dauki size dinta.
"Nagode fa"
Tace da matar.
"Babu komai. Nabarki lafiya"
Ta fadi tana tattara kayan da zata koma dasu ta nufi hanyar benen dan ta sauka.
A wajen husna ta tsugunna ta dinga duba kayayyakin. Wasu dogayen riguna data gani sun bala.in burgeta.
Gaba daya kayan sunyi kyau. Harda takalma. Flats din kawai ta dauka aka mayar da hill dan ba damunta sukai ba.
Gani tai kayan da yawa. Dole ta kira akazo aka daukar mata zuwa bedroom.
Wannan karin ba zatai ma kanta karya ba. Kayan sun bala.in burgeta. Harda hijabai aka kawo mata.
Taso ta yaba zurfin tunani irin na shi ta fasa. Beside shisshigi yai mata.
*
Kwanci tashi babu wuya wajen Allah. Haka rayuwar take tafiyar musu.
Abin har mamaki yake ba husna. Wai wata na hudu kenan da wannan kadararren auren nata.
Zamansun nan yana mata dadi. Balle a satikan nan da zatai kwanaki ko giftawar natacce bata gani ba.
Saidai ko in ta fito falo zataji nataccen kamshin shi din nan dayake tsaya mata.
Komai na amfani tana dashi. Dan haka bataga amfanin me ganinshi zai mata ba.
Sai biyu yazo dakinta. Duk lokuttan yana gaya matane zai je kano. Ta kuma rasa dalilin shi na fada mata hakan.
Matsalarta dayace. Ammar ya soma gajiya. Ya soma damunta kan maganar kashe auren nan.
Batasan ta ina zata fara ba. Kukantane kawai yake saka shi yai shiru.
Banda maheer bata waya da kowa a gidansu. Tayi kewarsu sosai.
*
Lokutta da dama mantawa yake da natacciyar nan dan abubuwa sun masa yawa.
Hidimomin da ya kawoshi garin abuja ya shiga yi. Hakan ya bala.in rage masa tunani har yammaci.
A hanyarshi ta dawowa gida yana bayan motar yana tunanin komawarsa.
Baisan ko rashin huddy bane yake saka zuciyarsa numfasawa natacciyar yarinyar nan. Yasata yi masa katsalandan cikin tunani.
Baya son tuna yanayin dayaji game da ita lokacin da jikinsa ya hadu da nata. Qamshinta. Idanuwanta da suke kallonsa da yanayin tsanarsa da tai.
Idanuwanta masu bayyana kome zuciyarta take ji.
Har yanzun idan ya tuna sai yaji wani iri. Ya girgiza bai taba ganin tsana da rauni hadi da tsoro irin wanda yagani a idanuwan natacciya ba.
Dafe kai yai. Ya Allah! Meke damuna ne haka? Yake tambayar kansa dan yaga daga jiya da daddare zuwa yau gabaki daya zuciyarsa ko ta kawo mishi tunanin huddy zata tattara ta danganto shi da natacciya.
Ya rasa wannan naci. Yau yakai kwana hudu bai sata a idon shi ba. Akan me zata dinga cuso masa kai cikin tunani.
Wayarshi tahau ringing ya dauka
"sweet Qani"
yagani a rubuce. Mamaki ya bayyana a fuskarshi.
Saboda number din naseer ce ta nigeria.
Dauka yai yakara a kunnensa hadi dayin sallama kaman yanda tsarinsa yake.
"Yaya ina qofar gidanka!"
Naseer ya fadi cike da doki.
Murmushi yai. Yakan jima yanzun bai hakan ba har manta kalarsa akan fuskarshi yake.
"Qanina babu sanarwa koh?"
Dariya yai
"Ai nace maka ka shirya zan baka mamaki ko ka manta?"
"Hakane harka shiga cikine?"
Ya buqata.
"Um um yanzun zan shiga wajen antyn nan tawa inga wannan data qoqarta wajen daukemin hankalin yaya."
Nas ya fadi cikin siga ta tsokana.
"Kai dai bakajin magana zanzo in sameka ne ai."
Dariya yake sosai ya furta
"Allah ya huci zuciyar sarki ishaq."
Baisan lokacin da dariya ta subuce masa ba. Kashe wayarshi yai sai yake jin kaman sabon abu.
Ta wani bangaren kuma ya na tunanin kalar tarbar da natacciya zatai ma kaninsa.
Kaninsa dayafi so duk cikin gidansu.
Dafe kai yai yana sauke wani numfashi.
Bayason damuwa sam.
.
*Kar ka dauka addu.ar da kake bata kaiwa. Karka dauka kai kadai kake cikin kunci a rayuwa. Idan ka samu kaci me kyau ka sha me kyau, me kake nema da rayuwa? Ko kasan akwai wanda idan ya samu yaci sau daya sai kuma washe gari? Ka zamana mai godema Allah. Ka zamana mai wadatar zuci. Alhamdulillah. Allah ka yayema masu damuwa damuwarsu!!!(Amin thumma amin)*
Tun dazun da safe da tazo fitowa ta hango natacce da sauri ta koma dan bata son su hadu.
Ya bala.in yin kyau cikin fararen kayan daya saka. Komai farine a jikin shi.
Bata sake fitowa ba saida tai sallar azahar. Falon saman tai zamanta tana kallo. Pillow din kujerar ta dauka ta gyara ta kwantar da kanta.
Kamshin natacce ya cika mata hanci. Da sauri ta zame filon ta cillar kan kujerar dake can nesa da ita.
Wani yanayi takeji data kasa fassara shi. Koya maganan natacce ya fado mata sai zuciyarta tayi wata irin dokawa.
Kawai kamshin shi dan naci ya tuna yanayin duminsa da maganar shi da komai nashi.
Ammar! Ammar kawai! Ammar shi kadai. Haka take ta nanatawa zuciyarta ko zata daina kaita inda bata da buqata ba kuma a buqatarta.
Wayarta ta dauka ta duba lokaci.Tai mamakin jan lokaci haka Kusan la.asar sai ta tsinci kanta dayin murmushi ammar ya kusan dawowa aiki.
Tana wata irin kewarsa yau.
Sallama taji da karfi ana kiran
"Anty! Anty!!
Gidan ba kowane???
Cike da mamaki ta mike tana sauka benen zuwa falon kasa.
Saurayine matashi mai kimanin shekaru sha takwas zuwa sha tara. Duka bazai wuce shekarunta ba ko zata girme shi bazai shige watanni ba.
Kallo daya tai masa taga yanayin kama da suke da natacce sosai. Saidai wannan ko hannun rigarsa bai kama ba a kyau.
Kyau! Ta nanata, zuciyarta bata ma ammar adalci dahar tama tsaya kula natacce na da kyau.
Murmushi yake mata
"lallai banga laifin yaya ba"
Dariya tai haka kawai taji ya shiga ranta tana son mishi kirki.
"Um kaji zolaya. Zuwa babu sanarwa haka?"
Ta fadi.
Dariya yai shima
"Anty afuwa naso in muku bazata ne. Shisa ko yaya ban fadama ba."
"Bai jima da fita ba shima ta ce tana qarawa da fatan baka kwaso yunwa ba dan bamu da abincinka gaskia"
Zaro idanuwa yai ya dafe qirji da
"fadin anty! Ke kin fara sakin na hannuna fa!"
Dariya sukai gabaki daya.
Sai taji ta duk wani iri duk da dawowar ammar farin cikinta ragagge ne. Amman yaron nan yasataji daban.
Da yanayin fara.arsa da wasanninsa.
"Bara na kira a shigo maka da kayanka ko"
Husna ta bukata.
Girgiza kai yai yace.
"Suna bangare na ai an shigo dasu"
Nas ya fadi yana dorawa da.
"Gosh am damn tired. Anty barin watsa ruwa"
Kamun husna tace wani abu harya wuce da gudu. Gidan ba baqonsa bane kuma yana da bangarensa a ciki.
*
Mamaki ya cika husna. Banda falo bama ta taba kula da komai a kasan nan ba.
Kodan yaushe ma take zaman kasan. Kullum tana can sama a zaune abunta.
Bata son natacce. Amman kaninshi ya mata. Yanayin shiriritarsu iri daya data maheer kaninta.
Murmushi tai ya debe mata kewar ganin maheer kadan.
*
Wanka Nas yai. Ya sake kiran mumyn shi yace mata yana gidan yaya ishaq.
Saiya huta sosai zai shigo kano.
Mumyn shi bata ma wani damu ba. Tasan tsakanin Nas din da yayanshi sai Allah. Yana iya kwana biyu bai kirata ba ya kira yayanshi.
Blue jeans ne a jikinshi matsatse. Sai riga fara kal data kama shi.
Fitowa yai ya samu husna zaune a falo tana kallo.
Kujerar da take opposite ta husna ya zauna.
Ba yanda batayi dashi ba akan yaci wani abu yace mata shi bayajin yunwa.
Sunata hira yana bata labarin yan school dinsu. Kalar pranks din da ake playing wa malamai da haukan yan makaranta dai. Zaka rantse sunyi shekara da sanin juna.
Kamun daga bisani wani comedy a new world cinema ya dauke musu hankali.
Dariya suke tayi ta sha su a gaddama wanda yafi wani shirme cikin yan film din.
Sam basuji sallamar prince ishaq ba.
Tsayawa yai yana kallonsu. Karo na biyu daya taba ganinta tana dariya haka.
Murmushi ya qwace masa dabaisan dalili ba.
Qarasawa yai ciki sai lokacin suka ganshi.
Kaman qaramin yaro naseer ya ruga da gudu ya ruqunqume yayan nashi.
Dariya yake da fadin
"Naseeru zaka karyani ne bakasan nagaji ba koh?"
Sakin shi nas yai kaman zai kuka yace.
"Yaya naseeru fa?"
Dariya prince ishaq yai sosai. Yasan ya tsani ace masa naseeru.
Kallonsu husna take ya qara kyau dayai dariya. Kaman bashi ba.
Sai ta tsincin kanta da son boye halin da suke ciki ita da natacce ko dan yaron nan da taji sunansa a yanzun.
Already iya zamansu da bai shige awa daya ba taji kaman ta saba dashi.
Duk da hakan bazai hanata kashe auren su da natacce ba.
"Sannu da zuwa"
Ta furta a hankali.
Kallonta kawai yake cike da mamaki saiya tuna nas na wajen dan haka yace
"sannunki da gida"
Wannan shine magana ta farko da suka fara cikin natsuwa da junansu. Sai takejin daban.
Tashi tayi ta basu waje su gana da junansu.
Sai da prince ishaq ya haura sama yai wanka ya dauro alwala sannan ya sakko kasa.
Dan yaga magrib ta kusa.
Hira suke shida Nas ya kalle shi a nutse yace
"Yaya matarka na da kirki i know babu mai maye gurbin huddy,sai dai zaka samu wadda zaka so kala daban"
Ajiyar zuciya ya sauke nas bazai gane ba yayi yarinta da yawa wajen da huddy ta bari babbane.
Babu macen da yake zaton zata so shi kaman ita. Ba kuma ya zaton zai sake samun so irin nata.
Komai na huddynsa dabanne. Shi din take so. Tasan shi fiye da kowa.
Badon kudi ko matsayin shi ba. Sone na tsakani da Allah.
Rayuwa kenan. Ba komai da kake mafarki bane zai zamo maka gaskia.
Bakomai daka tsara bane zai faru. Kana ta tsara rayuwarka kana hango abubuwa da dama. Allah ya gama tsara komai. Tsarin shine Mafi cancanta.
Murmushi kawai yai ma nas.
Hira suka ci gaba dayi cike da shaquwa.
*
Tana shiga dakinta kiran ammar na shigowa.
Dan haka tai kwanciyarta suka soma shan hira abinsu yana bata labarin wani film da ya kalla a office.
Sai da aka kira magrib sannan suka katse wayar da cewan zai sake kiranta can anjima.
.
*Rayuwa ba abakin komai take ba. Shekara biyu cikakkiya zai wuce in wuce. Magana bata taba hadamu ba. Naji wani iri, naso ko da sau daya mun taba gaisawa. Allah ya gafarta maka Dan ladi. Allah ya ya saukaka maka kwanan farko nayau a kabarinka. R.I.J DAN LADI*
Ta jima a zaune tana addu.o.i. bayan ta idar da sallar magrib.
Dan tana mikewa ana kira. Isha.i dan haka ta sauke nauyi.
Jingina kanta tai da gado. Tana sauke ajiyar zuciya. Batasan ta yanda zasu soma magana da natacce ba.
Basa magana da ganin juna kullum ma ya ta kare da bugun zuciyarta duk idan sun hadu.
Ita da take neman makasar auren nan.
Kwankwasawa taji anyi a hankali ta furta.
"Shigo"
Kaman ko da yaushe kamshin shi ya cika mata hanci. Wannan karin sai taji gajiya ta saukar mata.
Batai kokarin fada da yanayin da take ji ba. Kyale kamshin tai ya ratsa ko ina na jikinta.
Da sallamar sa ya karasa inda take. A kasalance husna ta amsa.
"Nas yace in fada maki saida safe. Ya gaji sosai ya kwanta"
Ya fadi idanuwansa na yawo a fuskarta.
Cikin sanyin murya tace.
"Allah ya kaimu lafiya"
Ya amsa da.
"Amin"
Yana dorawa da
"Thank you"
Jin tayi shiru ya sashi mikewa.
"Good night"
Ya fadi bai jira amsarta ba ya fice abin shi.
Wani numfashi husna ta sauke da batasan tana rike dashi ba.
Wani iri take ji. Wannan kirkin nashi yasata jin daban.
Wayar ammar ta katse mata tunanin da take.
Dagawa tai tace.
"Nawan barin zo. Wanka zan sai mu sha hira"
Ya amsa da.
"Karki dade"
Wanka tai ta rigar bacci marar nauyi. Ta dauki wayarta ta kira ammar.
Bai dauka ba ya kashe ya kirata.
Sunata hira yace.
"Tawan ina jin tsoro fa. Jikina yana bani zan iya rasaki har abada"
"Hmm nawan. Dan Allah ka daina karyamun zuciya haka. Believe in us mana"
Shiru yai na wani lokaci sannan yace.
"Bakomai"
Hira sukai tayi har bacci ya soma daukar husna. Hakan yasa suka hakura.
Tai addu.a.
Bacci ya dauke ta.
*
Prince ishaq harya kwanta yana mamakin karamcin da natacciya taima kanin shi.
Shi mutum ne da baya manta alkhairi ko ya yake. Sannan indai kai masa mutunci komin kankantarsa yakan ji dadi.
Yana son Nas sosai. Duk wanda ya nuna ma Nas kauna dole ne ya samu karammawa a wajen shi.
Zai kokarin ganin ya mata mutunci gwargwadon wanda taima kaninsa yau.
A karo na farko a watannin nan da bacci yazo masa cikin sauki da nutsuwar zuciya.
*
Sai bayan tayi sallar asuba. Tai wanka tana zaune tana shafa mai, mafarkin da tai jiya ya fado mata a rai.
Wani irin dokawa zuciyarta ta shiga yi. Komai ya dawo mata.
Mafarki tai ammar da natacce na tsaye kowanne a gefenta.
Tana kallon ammar ta nufi natacce ta rike hannun shi gam. Suka tafi abinsu ko juya batai ba duk yanda ammar yake ihun kiran sunanta.
Harta gama shiryawa jikinta kyarma yake. Tana ta karyata mafarkin da tai.
Ko da ta kwanta. Kasa komawa bacci tai. Tunani ya mata yawa kanta harya soma ciwo.
Ko da sukai waya da ammar saida ya tambaya ko lafiya kuwa.
Tace masa kawai kanta ne yake ciwo. Zasuyi magana anjima.
Fitowa tai daga dakinta zuwa falon kasa. Ganin nas yasa murmushi ya qwace mata.
"Um me ake taci haka ba.a neman mutane?"
Ta buqata cikin siga ta tsokana.
Bakinsa cike yace
"Ina kwana anty"
"lafiya Nas ya gajiyarka"
Tai maganar tana zama kan kujera.
Shikam yana zaune kan kafet tsakiyar falon da plate din stuffed cabbage sai mug da coffee a ciki.
Saida ya hadiye abinda yake bakin shi sannan yace
"haba anty fushi muke fa. Jiya kikai tafiyarki.Inkin manta da yaya ni ai bai kamata a mantani ba. Ko ya kace yaya?"
Husna ta mayar da kallonta inda nas yakai nashi sai lokacin ta kula da natacce da haryanzun da tasan sunansa bata shirya daina kiransa da nata ba.
Sanye yake cikin wando jeans blue da riga mai dogon hannu baqa.
Karo na farko data fara ganinshi da shigar kana nan kaya.
Saurin dauke idonta tai daga kanshi kamin mayyar zuciyarta tace yayi kyau.
Ga yanda zuciyarta take dokawa fiye da ko yaushe saboda mafarkin da tai ya dameta.
Cikin muryarshi dakakkiya yace
"Ji bakinka a wajen wato inta mantani kai ba zata mantaka ba. You are nuts"
Muryarshi din nan kanta karin matsala ne. Tun dacan ko wani yai magana da muryarsa babba haka saita dago ta kalle shi.
Saidai ammar dinta muryarshi sanyi gareta ba kaman ta natacce ba da inyai magana take jin wani abu na miqewa a bayan wuyanta.
Sai yanzun zuciyarta ke tattara bangarori da dama da batasan ta kula dasu ba waje daya akan natacce.
Hatta yanda yake zama tattare yake da nuna isa da iko irin na jinin sarauta.
Dariyar nas ta katse mata tunaninta.
"Anty kinji yaya koh?"
Ya fadi a tabare da sai da ya sata dariya.
"Zo ga waje ki zauna"
Prince ishaq ya umarta.
'ki' din da yai amfani da ita yasata fahimtar da ita yake kasancewar babu wata mace a wajen.
Sororo tai tana kallonshi da wani yanayi data kasa fahimta.
Idanuwansa ya kafa mata yako yi sa.ar sauke su cikin nata, sai taji tamkar tana shirin nitsewa cikin wani irin qaton kogi hakan yasata kauda idanuwanta daga cikin
nasa.
Hannunsa ya miqa mata alamar ta taho ta kalli nas daya zuba musu ido.
Saita miqa masa hannunta yana riqeta taji tamkar wayar wuta ta jata zuwa yanayi na daban.
Rikon dayai mata sak da wanda yai mata a mafarki.
Ga zuciyarta da take zaton natacce dake zaune yana jin harbawar da take yi.
"Oh God this is so gross!
Nas ya fadi yana dafe kai. Ya dora da
"Inta zauna a jikinka dakina zan tafi"
Dariya sukai gabaki daya hakan yaba husna damar qwace hannunta daya riqe ta nemi gefensa ta zauna tana murza inda ya taba ko zata cire duminsa da yanayinsa daga jiki.
*
Komai yake yi saboda nas ne. Baya son da minti daya qaninsa ya fahimci auren nan bai dame shi ba.
Koh dan farin cikin da yaga ya samu na ganin kamar komai ya soma dai daita a rayuwarshi.
Ya gaji da qaryata zuciyarsa kan cewa yanajin wani yanayi game da yarinyar nan da baisan meye ba.
Sai dai daya kalleta zuciyarsa kan doka da tsanarsa da yagani cikin idanuwanta.
Zai iya cewa yana ganin tsana data fi tata a idanuwan mutane akansa. Kan mulkin da sam baya gabanshi. Shisa ma ko tunaninsa bayayi. Asalima da akwai abinda zaiyi ya gujema matsayinsa da tuni yayi.
Ya kula taji abinda yaji da jikinsa ya hadu da nata.Hakan ya mishi dadi saboda shine fa.
Prince ishaq komin tsanar da zata mishi dole taji wani abu game dashi.
Yanzun ma ya tabata ne dan yana son ta fara sanin zai iya duk abinda yaso. Kuma saboda nasir. Saida taba tan ya bude masa shafi a zuciyarsa da ya jima da rufewa.
Ajiyar zuciya ya sauke.
.
Ta rugasu tashi dan haka bata jira komai ba tai breakfast dinta. Ta samu waje ta zauna.
Text ta tura ma ammar taji ko lafiya dan bai kirata ba da safen nan.
Kaman ko da yaushe hancinta ya fara jin shi. Bata juya ba.
Karasowa yai inda take ya zauna gefenta.
Saita tsinci kanta da ce masa
"Ina kwana"
Cikin babbar muryarshi yace mata.
"Kin tashi lafiya?"
"Alhamdulillah"
Ta fada tai shiru. Can tace masa.
"Nas fa?"
Murmushi ya kwace masa jin sunan kanin nashi kawai. Ya kuma ji dadi har zuciyarsa data tambaya.
Yana kuma yaba karamcinta na kokarin boye ma Nas halin da suke ciki.
A nutse yace.
"In yazo adjusting banbancin lokacinmu yana masa wuya. Bacci yake"
Su duka zaune suke shiru. Idanuwansu duka kan T.V din yake amman babu wanda hankalin shi yake akai.
Kaman yanda komai na jikin husna yake sane da zaman natacce kusa da ita hakan yake a nashi bangaren.
Zata iya rantsewa duk da karar t.v bai hanata jin fita da shigar lumfashin shi ba da yake kara ma zuciyarta sauri wajen dokawa.
Ba karamun dadin fitowar Nas taji ba dan saiya dauke mata yanayin da take ji.
Saida ya karya sannan ya dawo falon.
Hira suke su dukansu wayar nas tai ringing.
"Ina zuwa pls"
ya fadi yana miqewa.
Prince ishaq ya maida natsuwarsa kan husna.
Cikin muryarsa ya soma magana.
"Nakan jima ban ma wani godiya ba. Hakama nema alfarma abune mai nauyi a wajena.
Nagode da karamcin da kikai ma kanina. Nagode da boye masa zamanmu.
Ina son mu zama friends a iya zaman da nas zaiyi damu. Kome zamu ci gaba bayan nan bai dameni ba."
Miyan dake cikin bakinta taji ya qafe. Harshenta ya mata nauyi. Saboda bata ma san me zatace masa ba. Kai kawai ta daga masa alamar ta amince.
Hannu ya miqa mata hadi da fadin
"friends?"
Tayi jim kamin ta karbi hannun nasa
"friends"
Ta amsa. Cikin wata murya da ta kasa gane ko tata ce.
Murmushi tai masa cike da yanayi da yawa.
Shima murmushin yai mata data fahimta tamkar yana son gaya mata a can wani bangare na zuciyarsa yaso ace sun hadu a wani lokaci ba irin wannan ba.
"Ishaq"
Ya fadi yana zuba mata idanuwansa.
Daurewa tai ta rike kallon da yake mata cikin nata idanuwan sannan tace.
"Husna"
Agogon shi ya duba ya kalli husna yace.
"Zan fita bazan jima ba. Ki kula da kanki alright? "
Dakyar ta hadiye abinda ya tsaya mata a wuya tace masa.
"Allah ya dawo dakai lafiya"
Amin ya fadi yana mata murmushin da saida dimple dinshi ya fito sosai.
Bata taba kula dashi ba. Ko da yake bata kula da abubuwa da yawa akan shi.
Sai take jin kaman taci amanar ammar a yanzun nana.
Zuciyarta na gaya mata bata kyauta ba. Wani bangare kuma mafarkin datai ya mata tsaye.
Haka Nas ya fito ya sameta. Ya tambayeta ina prince ishaq yace ya fita amman bazai jima ba.
Nas yace mata zai koma daki zasuyi video chat da friends dinshi ta imo.
*
Dakinta ta koma tana kwanciya text din ammar ya shigo yana fada mata charge ne baida shi tahau whatsapp suyi hira.
"Tawan inajin nisanki da kusancinki a lokaci daya a zuciyata na kasa tantance yanayin kowanne."
Ammar ya rubuto.
Murmushi tai ta rubuta masa amsa.
"naka yanayin mai sauqine tunda har kana iya dorashi akan kalamai nawan. Ni kadai nasan me nakeji."
"Bazan iya rabuwa dake ba husna kin zamo ni gabaki daya. Ki tausayawa rayuwarmu ki dawo gareni."
Wani daci taji dan a yanzun komai ya kwance mata. Ta rasa mafita. Gaba daya kanta ya kulle.
"Hmm ka tayani addu.a ina ta tunani ne nawan."
Alama tagani cewan yana recording voice message. Hakan yasata mika hannu ta dauko earphones dinta kan gado tasa jikin wayar.
Voice note din farko ta bude.
"In aka yarda daso aka amsa shakuwa bataki shiga ba. Tunda nai miki kin mini naji sai mu killace sirrin juna.
Abinda zai fita kan harshe da zuciya ya fita. Ki dan matsar da mayafinki ki ganni daina rufa. Idan naganki cikin shauki sai na daina kwafa. Farin cikinki adona ne fushinki shi na tsana"
Wani abu taji zuciyarta nayi. Shi ba ciwo ba. Shi ba tsayawa ba.
Tasan ammar. Tasan ammar sosai ta kuma san cewar ko hira suke in har ya soma yi mata waka. To abinda yake ji ya girmama.
Muryar prince ishaq ta soma sata manta yanda take bala.in son muryar ammar. Musamman in yana mata waka.
Mamaki take akan yaushe ya juye mata zuwa prince ishaq a zuciyarta.
Wani voice note din taga ya shigo kamun ta gama budewa wani ya sake shigowa.
Kuka ya kwace mata. Kuka take sosai da sosai tana jin zuciyarta kaman zata fado.
Yanayin muryarshi a wakar karshe tasan ko ba kula yake ba yana jin ciwo fiye da wanda ita take ji.
Sam bataji sallamar prince ishaq ba. Dan wayar ma tana gefe ta cire earphone din ta hada kanta da gwiwa tana kuka.
*
Ya dawo baiga kowa a falon kasa ba. Gidan yayi wani shiru. Zuciyar shi ta bashi shawara yaje ya duba husna.
Ko ba komai sun zama abokai. Koda kuwa na iya zaman Nas ne. Ya fison yai komai yanda ya kamata.
Ya kwankwasa yaji shiru ya tura hadi da sallama. Ganinta yai kan gado ta dunkule jikinta.
Daga inda yake tsaye yana jin saukar ajiyar zuciyarta. Karasawa yai kan gadon ya dafa mata kafada. Cikin taushin murya yace.
"Husna"
*
Sam bataji shigowar shi ba. Ko kamshin shi bata ji ba yau sai dai dumin hannun shi kan kafadarta.
Da yanayin yanda yaja sunanta da halin da take ciki bai hanata jin wani iri ba.
Dagowa tai ta kalle shi fuskarta cike da hawaye. Idanuwanta sun canza launi saboda kukan datai.
Wata irin kewar huddy ta doki zuciyarsa. Ya danne abinda yakeji ba yanzun banne lokaci.
Batare da tunanin komai ba yasa hannuwanshi ya tallabi fuskarta yana fadin.
"Menene? Are you ok?"
Hannun shi tai kokarin turewa ta a sake fashewa da wani irin kuka.
Ta rasa yanda akai ganin shi ya kara karyar mata da zuciya.
Gyara zama yai sosai kan gado ya riketa a jikin shi yana fadin.
"Shhh husna. Komai zaiyi dai dai. Koma menene it will be alright"
Baison kukan mace. Yanayin kukan ta ya dagula mishi lissafi.
Husna kam duk wani abu da take ji ne yale fita ta hawayenta. Jitai gaba daya ta wani gaji. Ta zame daga kirjin shi.
Gaba daya fuskarta kamshin shi take yi.
Kallonta yake.
Hannu tasa ta goge fuskarta. Ta kalli kirjinshi gaba daya ta jika masa riga da hawaye ne da wanne tsiya.
Duk powder dinta ta goge tas a jiki harda jagirar ma. Kasancewar kayan farare.
Ta zaro idanuwa. Muryarta a dishe sosai saboda kukan datai tace.
"Dan Allah kayi hakuri. Duk na bata maka kaya"
Kallon kirjin shi yai. Ya wani bata fuska da taga ya kara masa kyau yace.
"Eww. Gross"
Kaman zata sake fashewa da kuka tace.
"I am sorry please"
Da sauri yace.
"Wasa nake fa. Enough, do you want to talk about it? I mean nasan ba hurumina bane. A matsayin aboki"
Kai ta girgiza masa alamar aa. Ya sauke wani numfashi. Kukanta kadai ya sa mishi ciwon kai.
Ganin shirun yai yawa. Yasa shi fadin.
"Kinci abinci?"
Ta girgiza masa kai. Ya soma gajiya da amsa masa magana da kai da take yi. Baya so sam.
Ya share ne yau dan yanayin da take ciki.
Mikewa yai sannan yace.
"Tam barin watsa ruwa. Ki tashi kema. Kiyi wanka and no more kuka zan dawo ok?"
Yanda yai mata maganar cikin umarni zaka rantse da yarinyar da bata fi shekara uku zuwa hudu yake.
Karasawa yai daf da ita sannan yadan tsugunno dan ya dai-dai ta fuskar shi da tata.
Cikin idanuwa ya kalle ta yace.
"Da gaske nake fa. Banda wani sabon kuka zakiyi ciwon kai"
Dakyar tace.
"Bazan yi ba"
Ya furta
"Good"
Ya fita yana ja mata kofar.
Gaba daya ya kara saukar mata da gajiya. Hatta zuciyarta tagaji da aikin tunani.
Dakyar ta sauko daga kan gadon ta nufi toilet.
.
*Babu abinda yakai ciwon rashin wanda ka shaku dashi. Babu abinda yafi tashin hankali sai ya fado maka a rai muryarshi da take cikin tunaninka ta soma dishewa. Saika nemi yanda sautin dariyarshi yake ka manta saboda ya maka nisa. Ya tafi inda zakaje wata rana. Da duk yawan hawayen da zaka zubda da karin tabbacin cewa bazai taba dawowa ba. Sadaukarwa ga duk wanda ya taba rasa wani mai kusanci a tare dashi!!!*
Tsaye yake kawai ya sakarma kanshi shower.Yanajin yanda ruwan ke bi masa jiki.
Idanuwan shi a rufe. Baisan dalilin kukanta ba amman ya tsaya masa a rai sosai. Da ganin yanayin kukan yasan ko menene ba karami bane.
Har ranshi dai yana fatan bashi bane sanadin kukan ta. Mutum ne shi da baya son ya takura ko a takura shi.
Dan haka tun randa aka kawota sai dole suke magana. Balle daya sake kula da cewar ko magana kan dole take masa ya kara fita harkarta.
Yau kukanta ya dawo masa da abubuwa da yawa. Wankan ya fito ya shirya. Fararen kayan dai ya kara sakawa ya nufi dakin husna.
*
A daddafe tai wankan ta fito. Doguwar riga tasa milk color. Ta daura mayafin rigar a kanta. Hijab taje dauka kaman yanda ta saba zama da ita.
Taji kwankwasa kofar prince ishaq. Cikin sanyin murya tace
"Shigo"
Ya turo ya shigo hadi dayin sallama.
Gefen gadon ya zauna kanshi tsaye yana kallonta.
Tayi kyau saidai fuskarta ta kumbura da idanuwanta saboda kukan datai.
Hijab din ta zura baice mata komai ba. Abokantakar tasu mai rauni ce sosai. Saitai kwari zai hanata saka wannan hijab din tunda ba kalar matan dabai gani ba.
"Muje"
Ta ce masa.
Tashi yai ya karasa daf da ita. Fuskarta yake kallo sosai kaman me neman wani abu. Muryarshi a dake yace.
"Kuka kika kara yi ko?"
Da sauri ta girgiza masa kai alamar Aa saboda yanda yake sa gabanta ya fadi.
Yanda take jin wani shakkar shi na cika mata zuciya. Kallon ta yaci gaba dayi na yan mintina baice komai ba ya wuce gaba.
Kafafuwanta ba kwari tabishi har dining room din. Ta zauna.
Zagayawa yai ya zauna kujerar dake fuskantar husna.
Plate ya dauka ya zuba mata white rice da miyar nikakken nama. Ya zuba plantain a sama ya tura mata. Kanta a kasa taja plate din.
Ta soma ci a hankali dan bayau ta fara cin abinci a gaban shi ba. Kawai dai yaune na farko da shi ne ya zuba mata.
Tayi mamaki saboda tana masa daukar mutum maijin kanshi da izza amman ya zuba mata abinci. Kamun taci ko rabi ya zuba fruits yankakku a plate ya sake turo mata da fork a ciki. Dagowa tai ta kalle shi.
Shima fruit dinne cike yanata ci. Ba yunwa take ji ba ma. Kawai dai tana cine. Ture plate din abincin datai ne yasa shi dagowa ya kalleta.
"Me kike nufi?"
Ya tambaya.
"Nako shi"
tace idanuwanta a kasa. Muryarshi a dake yace.
"Tam ki zabi daya. Ko ki cinye abincin nan ko ki shanye fruits din."
Yau bata da karfin gaddama ko neman rigima. Cikin raunin murya tace masa.
"Nako shine fa"
"Just shut up and eat husna. Bana son gaddama, ki zabi wanda zai miki saukin cinyewa."
Yana karasa maganar ya maida hankalinshi kan fruits din dayake sha.
Da yawan lokuttan da suke daidai ton zama cin abinci waje daya kulewa yake da yanayin cin abincinta.
Dan baya son mata magana ne. Ya tsani wasa da abinci duk da shima bawani cin kirkin yake ba.
Kallon shi take ya wani hade rai yana tauna fruit din a yangan ce.
Dan fa sun zama abokai na wucin gadi bazai sa ya dinga mata wannan shisshigin ba. Fruit din ta dauka ta soma ci.
Ta kusan rabi ta ture ta kwantar da kanta a table din. Kallonta yake.
With time zata koyi yin duk wani abu da ya umarta. Kyaleta yai bai takurata ba. Yasan limit dinshi.
*
Satin Nas daya yau a gidansu kasancewar ya kira mumyn shi tace masa yai zamanshi abuja yafi mata kwanciyar hankali.
Dan tasan in yana kano bamai kwabarsa. Bamai hana shi fita yawo yaje a samu matsala.
Abuja kam tana da tabbacin prince ishaq zai kula da Nas fiye da yanda zai kula da kanshi.
Husna ji take kaman sun shekara tare.
Yaron ya wani shiga ranta tana jinsa tamkar maheer qaninta sai dai wannan ya girmi maheer.
Zasuyi hira. Suyi game. Zuwanshi yasa ta daina wuni da qunci. Da dare zasu sha waya da ammar dinta in kuma yanayin aiki bai riqe shi ba sukanyi chatting.
Prince ishaq kaman yanda ta soma kiransa dan a ganinta lokaci yayi da zai zama hakan. Saboda dalilai da dama. Sukan gaisa. Sukanyi hira su uku amman indai su biyune a waje sai su rasa me zasu cewa juna.
Duk wani iri kowa saiya daburce. Dan haka suka dinga qoqarin in nas na nan kawai. In baya wajen kowa yai harkarsa.
*
"Yaya menene idan na fita ni kadai nan ai ba kano bane. Beside babu wanda ma yasan waye ni."
Nas ya fadi kaman zaiyi kuka.
"In zaka fita wani waje da yake da yawa mutane haka kaman cinema nas you must go with securities.Banson hauka"
prince ishaq ya ke maganar cikin qosawa.
"I want some normal yaya ka fahimce ni mana. Shisa baso bane banayi inzo inda kuke hakanne yake damuna am 18 fa koda ka manta"
"And?"
Prince ishaq ya fadi da alamun ranshi ya soma baci.
Cikin fuska nas ya kalle shi
"hakan yana nufin zanyi yanda nake so da rayuwata. Ba zai yiwu duk inda zani da masu gadina ba kaman wanda za.a kashe"
Ya bude baki zai bashi amsa husna tazo wajen.. Kallonsu tai su duka. Tasa akwai abinda yake faruwa.
Nas yace mata
"anty kice yaya yabarni na fita."
Kallon shi tai duk da yana mata kwarjini naban mamaki. Cikin dakiya tace
"Kabarshi mana tunda yazo sau daya ya fita"
Harararsu yai su duka.
"Kibar abinda ba zaki taba fahimta ba. Yaron nan bazai fita gate din farko bama babu masu gadi. Chapter closed"
Yanda yai maganar yasa sukai shiru su duka. Yabar wajen kawai.
Nas kaman zai kuka yace
"I fucking hate this life!"
"Calm down kagane kabishi a hankali."
Husna ta fadi cikin sigar ban magana.
A hasale nas yace
"bazai bari ba anty. Wani lokaci rayuwa bata da adalci. Amman wallahi saina fita"
Kamin ta samu bakin magana yabar wajen. Zama tayi abin ya daure mata kai. Meke damunsu su duka biyun.
Tasan bata damu da prince ishaq ba amman nas kam dan uwa takejin shi a zuci da jikinta gabaki daya.
Wajen minti talatin tsakani taji text ya shigo wayarta. Ta duba taga nas ne.
"@silver bird cinema"
Kawai yace.
"Please take care!"
Ta bashi amsa.
Bai mata reply ba dai.
Tana zaune a wajen prince ishaq ya zo.
Kallo daya taima yanayinsa taji gabanta ya fadi. Bata taba ganinsa haka ba. Fuskarsa a hade take idanuwansa sun wani canza launi.
A dake yace.
"Ina Nasir?"
Cikin rawar murya tace
yana silver bird cinema"
"Dammit!!!"
Ya furta yana dukan kujeran wajen saida husna ta tsorata.
Kallon ta yai da wani yanayi yace.
"Saboda me zaki barshi ya fita? Akan me ba zaki zo ki fadamun ba?"
Ta bude baki zata amsa shi dan bata ga fa yanda zata fara hana Nas fita ba ya katse ta da fadin.
"Forget it"
Ya dauko wayarshi kenan. Nata wayar ta soma ringing ta dauka nas ne.
"Hello qani yadai?"
"Wasu ne suka biyoshi sun ji masa ciwo yanzun haka muna bayan silver bird qarqashin wata mota wannan ne number din qarshe takan kiransa dana gani shisa na kira"
Kallonshi kawai tai da bayanannen tsoro cikin idanuwanta fuskarta da alamun tashin hankali ya karbi wayar.
Magana sukai da kowaye yake riqe da wayar nas din.
Prince ishaq ya miqa mata yana tafiya ta tsayar dashi da
"Kana tunanin zaka tafi kabarni anan?
Cikin damuwa yace
"ki zauna saboda yanayi na tsaro"
"Wlh saina biyoka aiba qaninka bane kai kadai"
Babu yanda zaiyi kuma baya son yawan surutu a wannan yanayin.
Dan haka yabarta taje ta dauko alkyabba ta dora kan kayan da suke jikinta.
Gabanta faduwa kawai yake. Jami.an tsaro ne tako ina suke zagaye dasu banda wanda yai waya su isa wajen.
Husna bata san kuka take ba saida taji abu nabin kuncinta. Jini ne kaman an yanka qaramar dabba a gurin.
Da gudu su duka suka karasa wajen Nas din.
Girgiza kai prince ishaq yake cikin tashin hankali ya riko Nas jikinshi da bayama numfashi a rikice yake fadin.
"Nas banda kai. Please ka bude idanuwanka"
Husna na tsugunne gefe
"Nasirr"
ta kirashi cikin muryar kuka.
Baima san tanayi ba.
"Ya mutu koh?"
Take tambayar prince ishaq.
Shiru yai ya kyale yarinyar nan. Dan shima zuciyarsa zafi kawai take masa ba zata iya daukar wani rashin ba.Na huddy kawai ya ishe su.
Wai me mutanen nan suke nema dasu ne? Duk akan mulki.
Mulkin da in an tona zuciyoyinsu ba qaunarshi suke ba.
Ya Allah! Yake fada a zuciyarsa ya dora da Allah ka tausaya mana.
Nas yake jijjigawa. Kasa ya ajiye shi kamun ambulance din da aka kira ta karaso.
Hannun shi ya dora kan zuciyar shi yana dannawa. Lokaci daya abinda ya faru da huddynshi yake masa yawo akai.
Iska ya soma ba Nas ta baki yana jijjiga shi amman a banza. Baiga amfanin karatun shi ba. Ya kasa saving hudeesa yanzun ma ga Nas.
Tare suka shiga motar asibitin su dukansu tare da nas. Kuka husna keyi kaman zata shide ganin qoqarin da likitoci suke tun daga cikin motar na ganin ya farfado amman abin yana neman gagara.
Prince ishaq ya kalleta sai yaji zuciyarsa tayi wani irin yanayi. Hannunta ya riqo bata hanashi ba dan bama a hayyacinta take ba.
Matso da ita yai jikinsa tako ruqunqume shi dam. Duk da halin da suke ciki bai hanashi jin wani abu na daban ba.
Kuka take har lokacin amman wannan karon a qirjinsa take yanajin yanda jikinta ke jijjigasu gabaki daya.
Saiya tuna masa lokaci mai nisa. Hannunsa yakai kaman zai riqota amman yana tunanin hakan. Wata zuciyar tace kayi ko babu komai tanajin halin da qaninka yake ciki.
Hannuwansa duk biyun yasa ya riqe husna yana lallashinta.
A haka har suka isa asibitin. Hana su shiga akai dole suka tsaya suna kallo ta window.
Ganin yarinyar mutane na shirin sume masa yasa shi janyeta daga wajen window din suka zauna.Tana maqale jikinsa har bacci ya dauketa.
Anfi awa biyu wani likita ya fito daga dakin da Nas yake. Tashin dayai ne yasa husna bude idanuwanta dan yama manta tana jikin shi.
Girgiza masa kai likitan yai. Wani jiri yaji ya dibe shi.........!
.
Bango ya dafa dan ya kusan faduwa. Husna ce tai karfin hali cikin rawar murya ta ce ma likitan.
"Ya dai?"
Ya bude baki zai magana wata Nurse ta fito da gudu ta kirashi.Ai bai saurare su ba ya koma ciki.
Prince ishaq gani yai bazai iyaba. Husna yabari tsaye ta jingina da bango ya tura kofar ya shiga. Ihu zasu fara masa ya fita, ya zaro I.D card dinshi ya nuna ma daya daga cikin likitocin.
Safar hannu kawai suka mika masa. Baima damu da saka abu ya toshe hancin shi ba. Na.urar dake gefe ya kalla.
Addu.o.i yake karantawa dan gaba daya yagama karaya. Bugun zuciyar Nas cikin dari yana kan sha biyar. Yana tsoron taba shi. Saidai yasan bazai taba yafewa kanshi ba inhar bai kokarta da wani abu ba.
Rayuwa da mutuwa duk yana hannun Allah.
Wani irin ciwo ne gefen kanshi da har kashin wajen kana hangowa.
Aikin shi ya ci gaba dayi tare da sauran likitocin na dinke dinken ciwukan dake cikin shi. Yankan wukane.
*
Husna kam da taji su shiru. Karasawa tai wajen glass din tana kallon su. Kanta wani irin ciwo yake yi.
Ga hawayen daketa zubo mata. Bata taba ganin tashin hankali kwatankwacin nayau ba. Prince ishaq take kallo yanata kai da kawowa. Batasan iya awannin da suka dauka ba. Sannan suka fito.
Da sauri ta karasa inda prince ishaq yake. Idanuwanshi sun wani canza launi. Sai taga harya rame saboda tashin hankali.
Da idanuwanta take rokon shi yace mata Nas lafiyar shi kalau. Yace mata bai mutu ba.
Jikin bangon ya jingina a hankali ya zame zuwa kasa ya hade kanshi da gwiwa. Husna ta tsugunna gabanshi. Hannunta na rawa ta dafa kafadarshi.
Dagowa yai ya kalleta kyawawan idanuwanshi cike taf da hawaye.
Mayar da kanshi yai ya hade da gwiwar shi.
Yanda numfashin shi ke fita ne tasan kuka yake. Jitai zuciyarta ta sake karyewa itama zama tai kusa dashi.
Batasan me zatai masa ba saboda batasan me yake jiba. Idan har ita dabata hada komai da Nas ba tana jin wannan dacin a ranta. Shi kuma me yake ji.
Hannuwanta ta saka kan kafadun shi. Prince ishaq kam wani abune ya tsaya mishi a wuya.
Wani irin ciwo zuciyarshi take masa. Kirjin shi ya masa nauyi. Saboda har yanzun zuciyar Nas bata da karfi. Huhunshi bashida karfin taimaka masa wajen numfashi sai da na.ura. A minti daya komai zai iya tsayawa. Yanajin duk abinda yake samun kowa laifin shine. Shi ake turo ma kashe di.
Yakamata ace ya janye daga karbar mulkin nan dayai. Tun akan huddy baiji kashe din ba. Gara ya rasa komai. Abar masa kaninsa. So yake wani ya rike shi ya lallashe shi.
Har cikin zuciyarsa so yake wani ya girgiza shi yace masa komai zai zama lafiya kalau. Nas zai ji sauki. Za a daina kokarin kashe su saboda za.a kama koma wanene su samu shaida a hannun su.
Jin hannuwan Husna kan kafadarshi yasa shi dagowa. Ganin hawayen dake bin fuskar shi ba karamin girgiza husna yai ba.
Tasan maza manya na kuka in abun yakai inda yakai. Amman yanayin prince ishaq yakan nuna zai iya daukar komai duniya ta jefe shi dashi.
Zai iya jure duk wani kallo da kaddara zatai masa. Batasan lokacin datasa hannu tana goge masa fuska ba. Hannuwanta ya ture alamar ta kyale shi baya so.
Kai kawai take girgiza masa tana maida hannunta tana ci gaba da goge masa fuska. Zamanshi ya gyara.
Wani irin karyewa yaji zuciyarshi tayi. Hannuwanta ya ture ya dora kanshi kan kafafuwanta.
Tsayawa tai tana kallon shi na yan mintina kamun ta dora kanta akan bayanshi.
Su dukansu kuka suke. A wannan lokacin ba tare da saninsu ba abinda suke ji ya kulla alaka.
Kaman yanda aurensu ya kullu a bisa kaddara haka kaddarar data fada ma Nas ta kulla alaka a tsakanin su.
Sun shafe wajen awa daya a hakan kamun husna ta tashi daga bayan shi.
Ta daukama bacci yake taga ya motsa. Bayanshi tadan bubbuga muryarta a dishe tace. Ka tashi.
Bai mata musu ba ya dago daga jikinta ya sauke mata idanuwanshi da suka kumbura. Abinka da farar fata. Fuskar tai ja. Kayanshi duk jini ne.
"Muje gida kai wanka ka sake kaya"
Ta fadi muryarta na rawa. Dan bata so hankalin shi ya dawo jikinshi yaga jinin dan uwansa.
Girgiza mata kai yai alamar a.a.Dan gani yake yana tafiya daga asibitin Nas mutuwa zaiyi.
"Ina wayarka"
Ta bukata. Hannunshi yasa a aljihunshi ya dauko wayar ya mika mata.
"Wazan kira ya dauko maka wasu kayan?"Ta tambaya.
Karbar wayar yai ya lalubo lambar kamala. Muryarshi dakyar take fita yagaya masa ya kawo masa kaya. Yasa a shiga dakin husna ma a dauko mata a hado musu da kafet din sallah.
Mintina wajen Ashirin tsakani kamala ya shigo dan saida aka kira prince ishaq sannan suka barshi ya wuto. Yana kawo musu.
*
Wani kofa ya bude kusa da dakin da Nas yake ciki. Kujeru ne da wani gadon a ciki. Sai kofa ta glass datai connecting zuwa dakin da Nas yake ciki.
Nan yabar husna zaune tana kallon yanda gaba daya jikin Nas yake jone da wasu na.urori.
Addu.a ta shiga karantowa tana masa fatan samun sauki.
Kayan jikinshi kawai ya cire ya ajiye su nan kasa cikin toilet din ya sakar ma kanshi shower.
Jin shi yake wani sama sama. Haka ya saka kayan da aka kawo masa ya fito.
Kallon shi husna tai. Yana tsaye gefe duk da a hargitse yake yayi kyau cikin black jeans da riga fara.
Gashin a harmitse ga suma yana da ita baka duk tai coil. Tashi husna tai ta karasa inda yake.
Saman goshin shi da gefen fuskar shi jini ne. Ruwa ya jika shi ya zama kaman lokacin ya goga.
"Me kai hakan?"
Ta tambaye shi. Idanuwan nan ya zuba mata kaman bazai amsa ba sannan yace.
"Wanka"
Hannu takai zata goge masa jinin dake fuskar shi ya kauce fuskar shi.
"Bana son gaddama"
Ta fadi cikin yanayin muryar dayakan mata amfani dashi wasu lokuttan.
Ita kanta mamakin yanda take son kula dashi take yi. Dan yau ya zame mata kaman wani yaro karami da yake matukar bukatar kulawa.
Kallonta kawai yake dan a yanayin da yake ji kwakwalwar shi bata da lokacin tunani.
Hannun shi husna ta kama taja shi zuwa toilet din. Bai mata musu ba ya bita.
Towel din dake ajiye sabo fil cikin leda ta bude. Ta jika da ruwa ta soma goge masa fuska dashi.
Rufe idanuwanshi kawai yai yana jinta. A gefe daya kuma yana fata da addu.ar samun sauki wa Nas.
Hannuwanta sun soma gajiya saboda ya mata tsaho da yawa. Sanda ta gama goge masa fuskar tsaf har wani nishin wahala take.
Jin ta kama hannunshi yasa shi bude idanuwanshi. Janshi tai takai wajen kujerar.
"Zauna to in fito"
Ta bukata.
Wani kasalallen kallo yai mata yace.
"I am not a kid husna....."
Wani guntun murmushi tai masa ta juya zuwa toilet din.
Alkyabbar dake jikinta ta cire ta rataye. Kayan daya ajiye ta saka cikin wani bucket dake gefe ta cika shi da ruwa.
Sabulun data gani ta fasa ta soma wanke su. Saidai sun rigada sunyi stain. Haka ta wanke iya yinta ta dauraye ta rataye su.
Alkyabbar ta mayar ta fito ta zauna gefen shi.
Kanshi ya kwantar a kafadar husna. Muryar shi can nesa yace mata.
"Ina jin tsoro sosai"
Cikin sanyin murya tace masa
"komai zaiyi dai dai in shaa Allah.Babu abinda zai same shi."
Muryarsa can qasa yace
"inajin tsoro sosai husna sunyi sanadin rabani da huddy. Bansan me zancewa su umma ba"
Sai lokacin ta kalli fuskarsa. Abinda tagani ta tabbatar ba zata taba mantashi ba har qarshen rayuwarta. Saita samu kanta da sa hannu ta taba fuskarsa.
Tana son da duk wani abu da take dashi ta nuna masa komai zaiyi dai dai.
Idanuwansa dauke da nisantacciyar damuwa.
Tun ba yanzun ba husna ta kasance mai tausayi ko ga dabbobi ballantana kuma en adam.
Hankalin prince ishaq ya koma can wani waje wani lokaci.
*
Riqe yake da hannun huddy suna jiran ambulance tazo ga mutane da suka dabaibaye su.
Duk ciwukan da suke jikinshi basu dame shi ba. Huddyn sa yake ji ita kadaice damuwarsa.
Duk wani kokari da zai iya ta fannin aikin shi a banza yake saboda baida kayan aiki.
Ciwon dake gefen wuyanta yanata zubar jini. Rigar dake jikinshi ya cire dagashi sai singlet.
Ya danne mata wajen a rikice yake fadin.
"Stay with me huddy. Eyes open. Karki kulle su"
"Yaya"
ta fadi cikin murya mai dauke da ciwon da takeji.
"Huddy dan Allah kiyi shiru karkice komai sannu yanzun taimako zaizo"
Yake fada yana tarbe hawayen dake son zubo masa.
Bata saurare shi ba tace
"yaya karka barsu su sake dauke mana komai. Karku bar musu mulkin da basu cancanta dashi ba........"
Tari ya sarqeta wanda tun tanayi harta soma na jini. Hankalinsa ya qara tashi ya tallabota jikinsa
"huddy don't give up on me please ki taimaka"
Murmushi tai masa
"I love you yaya"
"Na sani huddy nima ina sonki da yawa dan Allah karki barni."
Baiga amfanin karatun shi ba a yanzun. Saboda bashida abinda zai taimaka mata dashi.
"Damn....."
Ya rasa inda zaisa ranshi yaji dadi.
Hannunta ta dago wanda da alamun fuskarta ba matuqar dauriya taiba don azabar da take ciki.
Ta taba kuncinsa a hankali tace
"karka mantani. Ka zama cikin farin ciki yaya kamin alqawari"
Yanzun kam hawaye ne suke zuba a idanuwansa rabon shi da hakan harya manta.
"Na miki huddy na maki alqawari.
Murmushi tai
"La ilaha Ilallah........."
Ta karasa muryarta na sarkewa.Lumshe idanuwanta tayi sannan komai ya tsaya cik!
.
Ganin yanayin fuskar shi yasa husna girgiza shi ta dawo dashi daga dogon tunanin da yake yi.
Dafe kanshi yai cikin hannuwanshi yana maida numfashi da sauri da sauri.
Wayar shi ya dauko. Baisan me zaice ma su mumyn Nas ba.
Husna ya kalla idanuwanshi bayyane da duk tsoron da yake ji muryarshi na rawa yace mata.
"I don't know what to tell them, mumyn nas ta dauka zan kula dashi........"
Kasa karasawa yai ya dafe kanshi kawai yana jin kaman ace kasa ta bude ya shige ya huta da wannan nauyin da yake kanshi.
Husna bata san me zatace masa ba ko kuma taya zata rage masa abinda yake ji.
Wayarshi ta soma ringing. Ya duba umman shice. Kai ya shiga girgizawa kaman tana ganin shi.
Hakan yasa husna duba wayar ta ga wayake kira. Dagawa tai ta mika masa.
"Kai mata magana kawai. You can do this"
Jikinshi babu wani kwari ya kara wayar a kunnen shi yai shiru.
"Babana kana lafiya?"
Umman ta fada da rauni a muryarta. Sai yaji ya samu wani dan karfi kadan jin muryarta.
Cikin karfin hali yace.
"Mungode ma Allah umma...... Mumy fa?"
Yanajin ajiyar zuciyar data sauke sannan tace.
"Tun dazun kamala ya fada mana abinda ya faru. Mai martaba yace adan dagata tukunna muzo saboda yanayin tsaro. Ita tace tunda kana tare da Nas tabar ma Allah komai"
Lumshe idanuwanshi yai yanajin kaman mumyn Nas a gabanshi tai maganar. Yana kuma jin nauyin girman da ta dora masa.
"Allah yasa umma. Kuyita addu.a shi kadai Nas yake bukata a yanzun...... "
Yanda yai maganar ne yasa tace masa.
"Ya Naseer din?"
Yasan ma.anar tambayarta saboda yajita a muryarta. Bataso kai tsaye ta tambaye shi idan su saka rai da tashin Nas ko kuma su soma shiryama zuciyarsu hakuri dashi.
"Umma zan kiraki in an sami wani ci gaba"
Ya fadi yanajin yanda ta furta.
"Ya Allah.... "
Kamun ya kashe wayar. Dan yana tsoron tambayar datai masa.
Tun da suka shigo asibitin nan yake kokawa da zuciyarshi kan wannan tambayar.
Jiyai cikinshi ya wani kulle ya gyara zaman shi ya dora kanshi a cinyar husna yai shiru kawai.
Kyale shi tai. Tunda batada hanyar da zata rage masa abinda yake ji. Wacece ita da zata hana shi yin abinda yaji zai iya ya samu saukin zuciyar shi.
*
A asibitin sukai sallar isha.i. Duk yanda likitoci suka bashi magana kan cewa yanayin Nas a yanzun stable ne.
Suna kuma addu.a da fatan ya tsaya haka a kuma samu ci gaba kin yarda yai.
Da kanshi ya dudduba Nas din dabai masan duniyar dayake ba. Har lokacin bugun zuciyarshi ba wani karfi.
Saidai yana dan karuwa da uku zuwa hudu kan dazun sai kuma ya sauka. Amman yaki yarda daya tafi yabar Nas din.
Kallo daya zakai masa kasan cewar shi kanshi yana bukatar hutun amman yaki yarda ya tafi gida.
Husna ya kalla yace mata.
"Idan kamala ya zo kawo blankets ki bishi ya mayar dake gida"
Girgiza masa kai kawai tayi. Dan batajin zata matsa kafa daya ma batare dashi ba.
Bawai dan bata taba kwana ita kadai sai yan aiki a wannan katon gidan ba.
Saidan wani sabon tsoro daya shigeta da kuma son ta zauna kusa da prince ishaq din.
Ga tausayin shi daya addabeta.
Bazai iya wani surutu mai yawa ba. Dan haka ya kyale husnar. Shima yafi son ta zauna.
Yana bukatar wanda zai kula dashi. Tunda ummar shi tayi masa nisa babu wadda zai juya ya kalla yadanji karfi karfi sai husnar.
Dakin su suka bari suka shiga inda Nas din yake kasancewar dakin tankameme.
Can gefe husna ta shimfida musu bargunan manya masu matukar laushi suka zauna shiru.
*
Nan inda husna take zaune bacci ya dauketa. Shi ya kamata ya kwantar da ita ya lillibe ta. Addu.o.in tsari ya tofa mata sannan ya koma ya zauna.
A haka ya kwana kanshi hade da gwiwarshi. Da duk shigowar da wani likita zaiyi duba Nas tare zasu duba shi.
Da asuba saida yai wanka yayo alwala yazo da niyyar tashin husna ya samu ta tashi.
Toilet ta nufa itama wankan tai ta saka kayan da aka kawo mata jiya batai amfani dasu ba.
Sanda ta fito prince ishaq harya idar da sallah hana zaune yana addu.o.i.
Sallar tai itama. Taima Nas addu.ar samun sauki ta koma kan bargunan tai zamanta.
Shima nan ya koma kusa da ita ya zauna. Saida taji cikinta na ihu ne ta tuna rabonsu da abinci tun na jiya da rana.
Dayan dakin husna ta tashi ta shiga. Prince ishaq kam da ido yake binta. Kayayyakin ciye ciye da kamala ya kawo musu kiya ya zuba a fridge din wajen ta dibo.
Fresh milk da snacks ta dibo masa fruits dan a yan kwanakin nan ta kula yana son su.
Kome take da ido yake binta. Yana kallo ta miko masa fresh milk da burge.
Kai ya girgiza mata dan tun jiya yake jinshi wani iri. Kallon wannan tarkacen ma jiyai amai yake ji.
Kyale shi tai tadan samu taci burge guda daya da fresh milk.
A hankali tace.
"Kaci wani abu please. Ko fruit dinne"
Kanshima ciwo yake masa. Bayason magana at all. Dan haka ya karbi apple din data bashi.
Gutsura daya dakyar ya hadiye yana wani yatsine fuska. Kula tayi kaman jikinshi nadan kakkarwa.
Kallon shi tai sosai. Idanuwanshi sun shige ciki sunyi wani kanana.
"Are you okay?"
Ta tambaya. Daya daga mata kai alamar eh, sai kuma ya gigiza mata kai alamar a.a dan jinshi yake wani irin sama sama.
Apple din dake hannunshi taje karba. Taji wani zafi fiye da yanda takanji jikinshi.
Da sauri takai hannu ta taba fuskarshi. Wani irin zazzabine rufe dashi.
Ido ta zaro tace.
"Baka da lafiya. You are burning up"
"Lafiyata kalau"
Ya fadi yana kauda kai gefe.
"Baka da lafiya bara wanj doc ya shigo"
Husna tace tana kallon shi. Batare daya kalli inda take ba yace.
"Bana wani bukatar doc saboda lafiyata kalau"
"Ka cika gardama"
Ta bashi amsa. Kallonta yai cikin fuskata yace.
"Kin cika son jan magana"
"Bafa kada lafiya"
Ta maimaita tana kallonshi cikin idanuwa wannan karin.
Yatsina fuska yai a dake yace.
"Bana son jan magana and bana bukatan doc"
Shiru tai kawai. Ta kula ba wai saurararta zai ba.
Dakyar ya iya mikewa saboda jirin dke kwasar shi dan ba karamar dauriya yake ba.
"Ina zaka?"
Ta tambaya.
Baice mata komai ba ya wuce ya fita. Numfashi ta sauke. Batabi bayanshi ba. Yanda baison takura ta saka mishi ido kawai.
*
Allurar zazzabi akai masa data sake taimakawa wajen kara mishi jirin dayake yi.
Da doc din yaga prince ishaq yaki saurarshi kan cewar kodai ya yarda ya kwanta asibiti ko kuma ya koma gida ya huta dan stress ya mishi yawa yasa shi biyo shi har dakin da Nas yake.
Husna yaima magana yace prince ishaq din na bukatar hutu.
"Ka kira azo a dauke mu kaje gida ka huta please"
Ta bukata muryarta a tausashe.
Girgiza mata kai yai hadi da fadin.
"Ba inda zani"
Dafe kai husna tai. Taurin kanshi ya soma gajiyar da ita. A nutse tace.
"Nas bazai so kai masa haka ba. Zaiso ka zamana mai kwarin gwiwa yanda zaka kula dashi sosai. Ba ka yarda Allah bane mai bada lafiya?"
Shiru yai kanshi a kasa yana saurarenta. Ganin hakan yasa husna cewa.
"Duk zaman nan da muke bashi Nas yake bukata ba. Addu.a yake bukata. Please muje gida ka huta.... "
A gajiye ta karasa maganar. Yana tsaye inda yake. Kyale shi tai kawai.
Ga mamakinta waya taga ya zaro daga aljihunshi. Ya kira kamala.
*
Saida suka shiga mota prince ishaq ya kalleta na wasu yan mintina.
Hannunta ya riko dayasata juyowa ta kalle shi.
"Nagode. Nagode sosai da komai da kikai mana"
Batace komai ba sai wani dan guntun murmushi datai masa. A haka har suka karasa gida.
Kowa bangarensa ya nufa. Saida tai wanka sosai tai brush sannan tama tuna da wayarta.
Falon kasa ta sauka nan tabarta kan kujera jiya. Ta dauka ta nufi dining. Irish ta dan ci da soyayyen kwai sannan ta koma sama.
Key din wayar ta bude. Gabanta ya fadi. Har ga Allah ta manta da ammar a kwana dayan nan. Hakan ba karamun mamaki ya bata ba.
Ya kirata har ba adadi. Ga messages da yawa. Ji tai bata bukatar wani sabon ciwon kan.
Ba zata iya magana dashi ba. Text ta tura mishi ta fada masa kanin prince ishaq datake fada masa ne yai accident. Zata kirashi.
Ko tsofaffin sakunan daya bar mata bata duba balle ta jira taga reply din dazai dawo mata dashi. Ta kashe wayar ta ajiye gefe.
Bacci ya dauketa cike da mafarkin Nas da rayuwa irin tasu.
💝💝💝💝 💝💝💝💝
Wata Bakwai 7
💝💝💝💝 💝💝💝💝
Written by
Luβπα Sufyαπ
2⃣8⃣
ALLAH KA YAFEMANA KA JIKAN MU!!!
Yana kwanciya bacci ya samu. Sanda ya tashi lokacin zuhr harya gota dan haka saida ya fara yin sallah sannan ya kara yin wanka.
Simple yadi yasa fari marar nauyi. Zazzabin daya rufe shi ya sauka sai ciwon kai kawai wanda yasan yunwa ce.
Fitowa yai ya samu dakyar ya tura ma cikin shi plantain da irish.
A wajen ya zauna yana dan hutawa. Jikinshi ya masa wani nauyi.
*
Tunda ta tashi bacci ta kunna wayarta suke chat da ammar har saida lokacin sallah yai.
Data idar ma ta shirya tai tunanin fita ta duba prince ishaq.
Sai taji ba zata iya shiga ba kuma. Ta zauna falon sama tana jira taga fitowarshi.
Ga mamakinta daga kasa taga ya hauro sama. Murmushi yai mata da zata iya fahimta a fuskarshi kadai ya tsaya tunda tasha ganin shi yana murmushi.
Mayar masa tai ta dora da fadin.
"Na dauka kana baccine ai. Ya jikinka?"
Saida ya karasa inda take ya zauna. Sannan yace.
"Alhamdulillah. Nagode"
Kamshin shi duk ya cika mata hanci.
"Zan koma wajen Nas yanzun....."
Bai karasa ba ta mike tana fadin.
"Bari in dauko in sake kaya inzo"
Sai lokacin ma ya kula da kayan da suke jikinta. Doguwar rigace loose sosai da mayafinta nade a kanta.
Baice mata komai ba. Ko mintina sha biyar ba a cika ba ta fito sanye da atamfa da doguwar hijab.
Sai yaga ta mishi kyau. Jakace maidan girma a hannunta ta kalli prince ishaq tace.
"Ka dauko kayanka da zaka sake da brush. Kaga in muka tafi basai mun dawo gida ba"
Yatsina fuska yadanyi dan wannan tunanin sam baizo mishi ba.
Bai amsata ba ya wuce hanyar dakinshi. Itama bata damu da saiya bata amsa ba.
Shadda ya dauko fara da brush dinshi ya kawo mata. Karba tayi batasan lokacin da tace.
"Baka da kayane sai farare?"
Da wani yanayi a fuskarshi ya amsa sata da.
"Ina da. Kawai nafison farare ne"
Batace masa komai ba ta dauki jakar suka nufi hanyar fita. Cikin sauri wata hadima ta taho ta tsugunna ta karbi jakar husna.
Taso ta hanata ma prince ishaq yai mata wani kallo. Hakan yasa ta sakar mata jakar.
Kallon dai ya sake mata dayake nuna alaman "Good"
Murmushi tai suka karasa waje.
*
A hanyarsune yake mamakin yanda akai husna ke karantarshi. Ba saiya bude baki yai magana ba. Tana gane duk wani abu daya dora a fuskarshi.
Husnar ma bata kawo zancen a raiba. Ita dai inyai abu kawai tana ganewa.
*
Shigar su asibitin doc ke musu albishir cewar an samu ci gaba. Bugun zuciyarshi yakai 50. Kuma suna saka ran zuwa anjima inbai rage ba zasu iya masa aiki dan a rage pressure din dake kwakwalwarshi.
Husna ya raka cikin dakin da Nas din yake ya tabbatar ta nutsu waje daya sannan ya koma wajen likitocin sukai masa bayanin yanda komai zai kasancewa.
Tambayarsu yai ko za.a iya moving din Nas zuwa india ai masa aikin acan.
Suka bashi tabbacin cewar suma zasu iya. Sunada duk likitocin da ake bukata da kayan aiki. Kuma a halin da Nas yake ciki motsa shi ma zai iya kawo wata babbar matsalar.
Amman da yanayin ci gaban da ake samu komai zai dai-dai ta da yardar Allah.
*
Inda yabar husna nan ya sameta tanata danne danne a waya.
Ita kam chatting suke da ammar. Tana jin shigowarshi tace ma ammar din tana zuwa. Duka wayar ta kashe ma.
Kujera ya ja a hankali ya zauna kusa da husna. Sun jima a haka shiru.
Kaman daga sama yace mata
"Bani labari"
Da mamaki a fuskarta ta kalle shi tace.
"Wanne irin labari"
Idanuwanshi ya kafa mata sannan yace.
"Kowanne iri ma. Nagaji da sauraren bugun zuciyata ne"
Idanuwansa sun sa duk tabi ta wani daburce.
Ya kula ta rasa me zatace.
"How about in tambayeki abu kina bani amsa"
Kai ta jinjina mishi alamar ta yarda. Tunani yake danyi. Kawai saiya samu kanshi da son saninta.
"Menene full name dinki?"
Wata yar karamar dariya yabata. Ta dauka zai tambayeta wani abu mai muhimmanci.
Mutumin nan yakan bata mamaki lokaci lokaci. Saida ta gyara zama sosai sannan tace.
"Husna Abdullahi"
Jinjina kai yai yace.
"Tell me more about you"
Kallonshi tai tace.
"Saidai kaima zaka amsa mun wasu tambayoyi"
Tauna maganar datai yake yi. Ya wani daga girarshi sama alamar anya ya yarda kuwa. Can yace.
"Alright"
Murmushi tai sannan tace.
"Su wa sukaima Nas wannan dukan? Me yasa sukai masa?"
Shiru yai saboda tambayar tadan tabashi. Saida tai zaton bazai amsa ba yace.
"Me yasa kika aureni?"
Tambayar tazo mata a bazata. Da sauri ya dora.
"Ina son sani zan amsa miki taki tambayar idan naji dalili and please be honest"
Yana son sani ne kamun ya amsa mata tambayarta da take sirrin su.
Cikin idanuwa ta kalle dan tana so yaga gaskiyar abinda zata fada. Tace.
"Sani akai in aureka"
Sai yanzun yasan dalilin dayasa ta tsane shi. Kaman yanda akai masa dole ya aureta itama hakane.
"Kaifa?" ta bukata a takaice.
"Nima haka"
Shiru suka danyi.
A hankali yace mata
"Asalin sarautar garin kano a hannun kakanin kakaninmu take. Kamin daga baya su sarki saif su karba. Bayan lokutta sun shude ne sarautar ta sake dawowa hannunmu bayan rikici da akai mai yawan gaske.
Hakan yasa aka zauna sulhu cewa in wannan gidan sukai mulki suka sauka zai koma hannun dayan gidan.
Sai zaman lafiya ya samu. Wannan karon in babana ya sauka sarautar hannun su zata koma.
Sai dai mutane sun gaji basa son ai hakan suna so inya sauka a bani ne.
Wannan shine dalilinsu na son dauke duk wani jini na gidan kan wannan mulkin.
Ban taba son shi ba. Bai taba burgeni ba sun dauke huddy akanshi.
Hakan kawai daliline dazaisa na tsani komai na cikinsa,gashi yanzun insun sake nasara zasu dauke min Nas.
Ansan sune sukeyi ba yanda za.ayi mu dauki wani mataki tunda bamuda shaidar da zamu bayar a kotu.
Ajiyar zuciya husna ta sauke tana mamakin kalar wannan rikicin nasu.
"Allah bazai barsu ba"
Shiru kawai yai.
A wajen Nas suka kwana ranar. Ita kan bargunan shikam a zaune.
.
Sati biyu kenan cif. Komai ya sauya musu.A asibiti suke kwana da kusan yini.
Ana samun ci gaba a fadar likitoci dan ita kam husna idanuwanta baya ganar mata haka tunda har yanzun nas bai bude idanuwanshi ba.
Motsi ma bata ga yayi ba. Harta da numfashi da taimakon na.ura yake yinshi. Abinci sai ta hanci.
Husna zatai magana da prince ishaq. Zasu danyi hira tun tanajin wani abu inya riqeta jikinsa harma ta daina. Saboda ba yanda zatayi dashi.
Takanji kaman bata kyautawa ammar sai dai a sati biyu harta saba tunda ba wani abun yake mata daya wuce riqeta a jikinsa ba.
Kuma ta gaji da qaryata zuciyarta hakan na mata dadi.
Tana son qamshinsa da duminsa duka. Ta nemi inda tsanarsa take a zuciyarta ta rasa.
Gaskiya mutane da yawa sunyin gaskiya. Karka yanke hukuncin yanda kake ji akan mutum saika zauna dashi tukunna.
Ta kula shi din mutum ne mai bala.in yanga. Saidai baya so ai masa.
Baya son gaddama. Komai nashi da tsari yake yinsa. Bata san me take ji game dashi ba.
Dan yansun komai rudani yake sakata. Tunaninta da yanayin komai.
Abu daya take da tabbas a kansa son ammar. Yana nan.
Duk da yanzun bata tunaninsa ko da yaushe sai dai da taji muryarsa komai yake dawo mata sabo.
Kalamansa nakaita wajaje da yawa da suka kai a soyayya.
Danma fadan da suke yawan yi kwana biyu. Ta mishi uzuri saboda ita kanta ta rasa dalilin dayasa take biyo prince ishaq asibitin.
Inhar zasu koma gida saiya mata tayin ta zauna itace take kiyawa.
Ammar kuma gani yake kaman zai rasata ne. Tsoronshi karta soma kulawa da su.
*
Prince ishaq kam zai iya cewa abinda ya faru da nas ya tuna masa da alqawarin daya daukar ma huddy a maganarsu ta qarshe a rayuwarta.
Yama zai manta. Huddynsa zata so ya samu farin ciki sai dai ko bai mata alqawari ba ba zata mantu a gurinsa ba.
Darajar so da en uwantaka ta wuce hakan.
Husna baima san me zaice da zuciyarsa a kanta ba. Yakan jima bai yarda ya shaqu da mutum ba.
Ko abokai yawanci na karatu ne. Sai na asibitin shi da ya dade da barma Dr.Hashim ragamar komai tun bayan rasuwar huddy.
Banda kamala bai yarda da kowa ba da sirrikansa. Shima baban shine sarkin fada. Kusan tare suka taso da prince ishaq din.
Zuciyarsa tana da rauni mai yawa ta wannen fannin.
Tana da saurin sabo.
Koya zakai masa karamci baya mantawa.
Yanzun ya saba da hussy kam. Bazaiyi qarya ba sabon da har mamaki yake bashi inyai hange zuwa wasu lokutta can baya.
Yanzun aurensu haryana kusan tasarwa wata na biyar.
Rayuwar babu wahala. A haka muke ta cinye kwanakinmu.
*
Sun dan koma gida su huta. Nan husna tabarshi ta shiga ciki abinta. Sai da ta kwanta ta huta sukai waya da ammar sannan.
Har zata fito ta tuna. Kausar ta kira ta fada mata abinda ya faru. Ta sha mita cewar batada kirki. Atleast ko da basu zoba zasuyi addu.a.
*
Yana zaune babban falo yana kallon yanda duniyar take a tashar aljazeera husna ta shigo.
Gefensa ta zauna batare data ce masa komai ba. Ya sauke numfashi.
Yanayin fuskarsa ta kalla tace mishi.
"Yadai?"
"Meyasa baki taba kiran sunana bane hussy?Tunda yanzun ana kallon fuskana sunan kuma ya gagara"
Ya buqata yana qarasa maganarsa da murmushi.
Tun rannan ya soma ce mata Hussy din nan. Sai taji sunan ya mata dadi.
Idanuwanta nakan kafet din dakin sai takejin wani iri. Sau uku tana bude baki sai taji sunanshi ya makale akan harshenta.
Ba zatai mishi qarya ba dan haka tace
"Sunanka yanamin nauyin fadane"
Ya wani yatsine fuskarshi mai kyau sannan yace
"Nikuma na gaji da zama nameless a wajenki."
Murmushi tai bata dago da kanta ba dai.
Yanajin dadin yanda yake da tasiri akanta. Koma wanne irine.
Muryarshi can kasan makoshi yace.
"Uhum inajinki. Ko sunana ko ki zabarmin wani"
Iya zaman sun nan tana karantar halayyarsa. Inba abinda ya bukata tayi ba bawai zai barta bane.
"Gentle"
sunan ya subuce mata da sauri ta dora da
"zan kiraka gentle yayi?"
Murmushinsa ne ya bata amsa.
Bai sake cewa komai. Jingina yai sosai da kujerar yaci gaba da kallon shi.
Yanzun harta soma sabawa da wasu halayen nasa. Yanzun zai mata magana kaman zasuyi hira mai nisa sai kuma yai shiru abinsa.
Prince ishaq akwai yanga. Wasu lokuttan sai suyi awa biyu zaune baice mata kanzil ba.
Yana magana saita kama ne. Ranar cayai mata su kwana a gida. Yai waya yace koya aka samu canji a kirashi.
Taji dadin hakan dan hakurin ammar ya kusan karewa. Aikam har sha biyun dare suka kai suna hira.
Charge dinshine ya dauke da basu hakura ba
*
Badan wannan abin daua faru ba da tuni sun koma kano dan wata daya da yan kwanaki kamata ace sunyi a garin abuja
Amman yanzun har suna shirin dosarwa wata uku.
Taji dadi sosai da kausar tazo har asibiti ita da mijinta suka duba Nas.
Dan kam ya zama qani a wajenta.
.
Ranar da Nas ya cika sati uku a asibiti. Sun dawo gida wajen zuhr.
Prince ishaq ya fita yace mata akwai abinda zaiyi.
*
Kallo take sanda ya dawo. Ya zauna kusa da ita yana wani langabewa.
"Gajiya ko?"
Ta bukata. Ya daga mata kai. Kallon shi take akwai abinda ya canza mata yau.
Fuskar shi tai wani fayau.
"Meye babu a fuskarka?"
Ta tambaya tana kallon fuskar.
Dariya yai. Tajima bataji dariyar nan tashi ba.
Itama sai abin ya bata dariya.
"Aski nayi fa"
Ya karasa maganar yana dariya. Shiru husna tai masa. Haba shisa taga fuskar tai wani fayau.
Suna zaune aka kira la.asar. Ya tashi ya nufi masallaci. Itakuma husna tai nata bangaren.
Tana yin sallar la.asar tasan zasu iya komawa asibiti don haka ta mike.
Wanka ta fito tana kwallia a gaban mirrow ammar ya kirata. Daga wayar tai tasa earphone.
Cikin muryarsa mai sanyi yace mata tawan
"kaman bakyason kashe auren nan ne ko?"
Murmushi tai kaman yana ganinta tace
"Nawan ba haka bane.Ka yarda dani wlh na rasa hanyar da zanbi ne har yanzun na kashe auren nan. Kai kasan ina sonka.
*
Sallah ya dawo. Baiga husna a falon su na sama ba. Dan haka ya nufi bangarenta ya fada mata yai waya da doc din Nas.
Komai yana nan yanda suka barshi dazun. Bayajin zasu koma yau saidai zuwa safe inyaso su kwana a wajen shi.
Kwankwasawa yai har sau biyu shiru. Ya dauka ma sallah take ya tura dakin da sallama ya shiga.
Tana zaune kan stool tana shafa mai jikinta sanye da doguwar riga.
Kan kunnenshi take furta komai.
*
Sam bataji shigowar prince ishaq.
Da duk kalma daya da zata fito bakinta sai zuciyarsa tai wani irin dokawa.
Lokaci daya ya tuno maganar huddy a wani lokaci can baya
"Yayana ka zama mai haquri sai dai karka yarda a wulaqanta mana darajarka ta ko wanne fanni"
Yau shi prince ishaq matar da take cikin gidansa da igiyar aurensa ukku a kanta ce take waya da wani qato.
Har take fada mishi maganganu iri wa.annan. Inalillahi wa ina ilaihi raji.un yame ta maimaitawa a zuciyarshi.
Yana fatan dai-dai ta hankalin shi kamun zuciya tasa shi aikata abinda bashi kenan ba.
Husna kam hankalinta kwance taketa wayarta. Tashi tai dan ta dauko dankwalin rigar jikinta.
Tana juyawa taganshi tsaye jingine da qofa............!
0 comments:
Post a Comment