RASHIN SANI Page 1 to 10

Alhaji GANEZ HARD'O cikekken bafulatani ne usul gaba da baya,
dan kallo d'aya zakayi mishi ka fuskanci hakan,
mutum ne kamili mai cikekkiyar nutsuwa da kamala,
d'an asalin garin Adamawa ne,
yana da matar aure d'aya NISAH,
mace mai hak'uri da dattako, 'yar wan mahaifinsa ce akayi musu auren zumunci,
kuma cikin ikon Allah suna zaune lafiya,
bayan anyi auren su canjin aiki ya kai shi karin Kano, kasancewarsa Police,
a kwalli police barrack aka bashi gida,
amma yak'i zama ya nemi gida a jan bulo (BUK road) ya siya,
ya shirya musu gidan dai-dai gwargwadon k'arfinsa,
gidan yayi kyau ba laifi,
suka zauna da matarshi,
mak'ofcinsa DANISH, mutum ne nutsatse mai cikekkiyar nagarta,
shima yana da matarsa d'aya ERUM, mace mai mutunci da karamci,
su 'yan asalin garin  Kano ne,
a k'aramar hukumar Yakasai zama ne ya kai su jan bulo,
lokacin da Ganez ya sauka a garin Kano ta tabo,  bai san kowa ba,
balle kuma matarsa Nisah, a masallaci  Ganez da Danish suka fara had'uwa,
inda Ganez ya gabatarwa da mak'ocin nasa kansa a matsayinsa na bak'o,
hannu bibbiyu Danish ya karb'e shi, cikin karramawa, tun daga wannan rana zumunci da alak'a mai k'arfi ta shiga tsakanin su,
haka ma matan su Erum da Nisah,
harta kasance basu da kamar junansu a duniya, kowa yana tsananin k'aunar kowa, babu wanda zayyi abu batare da sanin d'ayan ba.

Shi Danish d'an kasuwa ne, ba aikin gwamnati yake ba,
a kantin kwari yake da shagon atamfofi,
sosai alak'ar Danish da Ganez tayi k'arfi ta wuce tunanin mai tunanin dan jama'a da yawa suna tsammanin 'yan uwane,
bayan shekara d'aya da zuwan Ganez Kano, Nisah da Erum suka haihu rana d'aya,
duka yara maza suka haifa, sosai Danish da Erum sukayi farin ciki,
ranar suna d'an Ganez da Nisah yaci sunan HAMRAZ,
d'an Danish da Erum yaci sunan RAWAN,
yara suka taso cikin so da k'aunar iyayen su, duk bin kwakkwafin mutum bai isa ya gane ga d'an Danish ko Ganez a tsakanin Rawan da Hamraz ba,
yadda suka ga iyayen su suna matuk'ar k'aunar junan su haka suma suka taso da san junan su,
babu wanda ya isa ya tab'a d'aya,
komai nasu tare sukeyi dai-dai da kayan sawa iri d'aya suke yi,
kan Rawan da Hamraz a had'e yake sosai fiye da tunani,
idan d'aya na kuka shima d'aya sai yayi, ko rashin lafiya d'aya ya kwanta d'ayan ma sai yayi,
abin nasu har mamaki yake  bawa mutane.

Haka suka girma har suka kai munzalin samari,
a lokacin Ganez yayi ritaya, dan girma ya d'an fara kama su,
Hamraz ya karanci medicine ya zama cikekken Doctor,
Rawan kuma ya karanci Low ya zama cikekken Barrister,
a lokacin ragamar gidajen su ta koma hannunsu,
babban fili suka siya suka ginawa iyayen su da su kansu katafaren gida wanda shine zai zama HARD'O FAMILY HOUSE,
sunyi tsarin gidan mai kyau, part d'in Ganez da Nisah, daban,
haka ma  Danish da Erum daban,
sai suma sukayi part d'in su daban-daban,
da kuma wasu part d'in wad'anda babu kowa a ciki a k'alla zasu kai 7,
rana d'aya Hamraz da Rawan sukayi aure, suka auri 'yan biyu uwarsu d'aya uban su d'aya,
Hamraz ya auri Hassana
Rawan ya auri Usaina.

Rawan da Usaina yara uku suka haifa,
ZAFRAN shine babba sai k'aninsa AARIB, da k'anwar su mace AROOS,
Hamraz da Hassana yaran su biyu, IDRAK da k'aninsa ZIYAD,
har sun cire ran k'ara samun haihuwa ,
saboda  a k'alla sunyi 7yrs,
rabon su da haihuwa,
  Allah ya kuma bawa Hassana da Usaina ciki a lokaci d'aya,
a rana d'aya suka haifo yaran su mata,
kyawawan gaske san kowa k'in wanda ya rasa,
Ganez da Danish suka ce tarihi ya maimaita kansa,
ranar suna aka sakawa 'yar Hamraz *SANAH*
'yar Rawan *KHULUD*.

Yaran suka taso cikin matsananacin so da k'aunar junansu,
fiye da yadda iyayen su suka taso dashi,
babu abinda Sanah tafi so a rayuwarta sama da Khulud,
haka itama Khulud d'in bata san komai sama da Sanah,
basa had'a san da suke yiwa junan su da komai a duniya, suna k'aunar junan su fiye da komai da kowa,
tun suna yara k'anana bambamcin halayya da d'abi'u suka bayyana,
a tsakanin su dan ita Sanah tana da zafinzuciya gata da tsiwa da fad'a,
had'i tsokana da rawar kai,
ita kuma Khulud she's so silent,
kwata-kwata bata san yawan hayaniya da rigima,
dan ita magana ma ba damunta tayi sosai ba, sab'anin Sanah dake da shegen surutu kamar me,
idan har kaji surutun Khulud to da Sanarta ne dan muskilar gaske ce,
indai bada Sanah ba, ko a gidan su sai a yi tayi mata magana bata amsawa,
ita Khulud ko irin b'arnar nan ta yara bata yi,
amma oga Sanah akwai b'arna da k'iriniya gata bata jin magana,
makarantarsu da ajin su d'aya haka ma desk d'in su d'aya.

Duk duniya babu wanda ya isa ya tab'a Khulud a gaban Sanah,
koda kuwa su kan su iyayen nasu ne,
haka ko'a makaranta malamansu basu isa su tab'a ta ba,
muddin kuwa aka yi kuskuren tab'a ta to ranar ba zaman lafiya,
itama Khulud duk da rashin fad'a da san hayaniyarta, idan aka sake aka tab'a Sanah yanzu zata fututtuke ta rufe ido tayi ta ruwan bala'i,
komai nasu iri d'aya ne sak, har pant da ribbon,
ko color basa yarda a bambanta musu.

Ko laifi Khulud tayi sai Sanah tayi saurin cewa ita tayi,
haka zasuyi ta jayayya wannan na cewa shi yayi wannan ma na cewa shi yayi,
har wanda akayiwa laifin ya gaji ya hak'ura.

Sanah da Khulud suna wasa a tsakiyar compound d'in gidan su,
Sanah ta kalli Khulud tace " Ulud (dayake haka take kiranta, dan da wuya ta fad'i full name d'inta),
idan mun girma mun gama secondary me zaki karanta?

Dariya Khulud tayi had'i da cewa " tab ai ni ban sha'awar karatu mai zurfi,
dana gama Secondary school shikenan na gama karatu har abada,
kallanta Sanah tayi kana tace " tab ai ni ko sai naga k'arshen biro da takarda,
inasan nayi karatu mai zurfi sosai,
Khulud tace " ai dama ke kin saba banbanta mana ra'ayi, tayi maganar tana zumb'uro baki,
Rawan da Hamraz na tsaye suna kallansu suna jin abinda suke cewa,
Hamraz yace " da alama 'yata Khulud gado zatayi,
kallansa Rawan yayi yace " gadon me?

Dariya Hamraz yayi yace " gadon Aure da wuri mana,
dariya shima yayi yace " amma ni tawa 'yar boko zatayi,
"a'a karkace  haka dan muna iya sauya muku ra'ayi,
Rawan yace " a'a ba wannan maganar,
kasan komai ra'ayin mu kuke bi,
dariya Sanah tayi tace " shikenan karkiyi kuka my Ulud na daina,
Ulud ta kalle ta da sauri tace " da gaske?

"Sosai ma, da gaske nake, "yauwa har kinsa naji dad'i cewar Khulud,
mik'ewa Sanah tayi tana cewa Khulud ni fa yunwa nake ji,
dariya Khulud tayi tace " acici kawai, muje na raka ki kici abincin,
" a'a muje na raka ki gida tukunna sai na tafi,
" a'a ni zan fara raka ki, tukunna,
"to muje cewar Khulud, har k'ofar part d'in su Khulud Sanah ta raka ta,
sannan Sanah tace " to kema muje na raka ki, suka koma part d'in su Khulud,
itama tace " muje na raka ki,
haka sukayi ta zarya suna rakiyar kura,
iyayen na kallan su suna dariya,
Rawan yace " k'uruci gangin hauka.

Yau su Sanah da Khulud suka kammala zana jarabawar fita daga primary school,
(Common in trace Exam),
cikin farin ciki suka dawo gida,
driver nayin parking suka fito da gudu suka nufi inda iyayen ke zaune,
da gudu suka fad'a jikin su, Sanah tace " Abbu sun gama exam yau,
murmushi yayi had'i da shafa kansu yace " masha Allah,
Ubangiji ya bada sa'a, Hamraz yace " da fatan dai anyi k'ok'ari sosai?

Khulud tace " mun dage sosai Dide,
"Rawan yace to yanzu wacce school kuke san zuwa?

Cikin mud'i Khulud tace " Boarding Abbu,
da sauri Sanah ta kalle ta tace " boarding kuma Ulud?

"Eh mana ko baki san boarding?

Shiru Sanah tayi tana kallan yadda Khulud ke farin ciki,
gashi ita kwata-kwata bata so ko sha'awar boarding school,
asalima ita ta tsani boarding school,
kallanta Khulud ta kuma tayi tace " ai boarding zamu ko?

Murmushin yak'e Sanah tayi kana tace " eh boarding zamu,
Abbu da Dide sun lura da Sanah bata san boarding,
dan haka Abbu ya rik'ota yace " Auta kodai day zakiyi?

"No Abbu nima boarding d'in zani,
tunda Ulud can take so, bana san abinda zai raba ni da Ulud d'ina,
ajiyar zuciya Dide ya sauke a hankali yana kallansu had'i jinjina irin  k'aunar da suke yiwa junansu,
shafa kansu Abbu yayi yana murmushi yace " Allah ya albarkaci rayuwarku,
Ubangiji ya sanya haske da lumana a duniyarku,
ya k'arfafa dangantarku,
ya inganta alak'arku har abada,
duk wanda zai zama sanadin rabuwar kanku, ko kawo matsala da sab'ani Allah ya kawar muku dashi daga rayuwarku,
gaba d'aya suka amsa da Amin.

A gida bayan sun gama cin abinci sunyi wanka,
Sanah ta d'auko wayar Mamu,
(Mahaifiyarta) tace " Khulud zo muyi game,
"a'a kiyi kawai ni bacci zanyi,
Sanah ta zumb'uri baki tace " nima banyi to,
dariya Khulud tayi had'i da cewa " yi hak'uri kawo muyi,
na fasa baccin, ta fad'a tana mik'a mata hannu, garin Sanah ta mik'a mata wayar,
akayi rashin sa'a wayar IPhone X  ta fad'i ta fashe,
ido duk suka zaro dan sun san Mamu bata san wasa,
Mamu dake shigowa parlor ta kalle su taga yadda duk sukayi tsuru-tsuru,
tace " lafiyarku?

Ido Khulud tayi rau-rau kana tace " Mamu kiyi hak'uri ban sani bane wayar ta fad'o ta fashe,
ido Mamu ta zaro, a d'an tsawace tace " wacce wayar, badai wacce na siyo jiya ba?

"Cikin tsoro Khulud tace " ita,
dan Allah kiyi...... tsawa ta daka musu tace " uban waye yace ku tab'amin waya?

Da sauri Sanah tace " Mamu nice na d'auko zamuyi game shine ta sub'uce daga hannuna,
Khulud tace " a'a Mamu nice na d'auko ba ita ba,
Sanah ta kalli Khulud tace " ba kyau k'arya fa, ta juya ta kalli Mamu tace " Allah ni ce ki doke ni amma please karki tab'a Khulud,
itama Khulud tace " Mamu ni ce ba ita bace ni zaki daka ba ita ba,
tsawa ta daka musu, cikin b'acin rai tace " wato ni zaku rainawa hankali ko?

" Dukkan ku sai jikinku ya gaya muku,
kuka Khulud ta saka tana cewa " Allah Mamu nice nayi laifin please karki dakar min Sanah,
itama Sanah kukan ta saka tana cewa " Mamu ni ce ba itaba, karki doke ta,
kai ta dafe dan nema suke su saka mata ciwon kai,
ta kalle su a hasale tace " ku b'ace min da gani, dan tasan ko dukan nasu tayi ba hucewa zatayi ba,
da gudu suka fita.

Computer Girls Sondary School Roni,
aka nemarwa su Sanah,
Khulud nata murna da d'oki,
amma Sanah ko'a jikinta dan banda Khulud babu abinda zai kaita boarding school ,
Abbu ne ya gama musu duk wani  shirye-shiryen su na tafiya,
ranar Sunday kusan gaba d'aya Hard'o Family's ne suka raka su,
dayake makarantar akwai islamiyya Dide yayi magana aka sanya su,
sosai Sanah tayi kukan rabuwa da gida.

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

2⃣

Ganin yadda Sanah ke kuka ne yasa itama Khulud yin kukan,
Vice principal na office yaji yo sheshshekar kukan su, a hankali ya d'an tsaya da abinda yake yi had'i da kasa kunne,
dan ya tabbatar, jin sautin kukan su Sanah yasashi mik'ewa a hankali,
ya lek'a ta window dan yaga wad'anda ke kukan,
ganin new comers d'in da aka kawo yanzu ne yasa shi,,,
takawa zuwa inda suke, sai da yayi a k'allah wajen minti 8 yana kallan su,
kafin yace " ku zo nan,
ba musu duk suka mik'e suka nufe shi,
durk'usawa yayi dai-dai tsawon su yace " ku daina kukan,
kar kuyi rashin lafiya kunji?

Kai suka d'aga masa batare da sunce komai ba,
hannunsa yasa yana goge musu hawayen had'i da cewa,
" yauwa good girls, ina san yara irin ku masu jin magana,
da biyya, ku kasance masu haka har girmanku,
kai suka k'ara d'aga masa alamar to,
yace " idan kuna jin magana kuma kuna karatu sosai zan rink'a baku sweet,
kuma zamu zama friends, amma idan bakuyi b'atawa zamuyi,
na rink'a yi muku bulala, "to Khulud tace, cikin sanyin murya,
kansu ya shafa yace " sunanku?

Sanah tace " ni sunana SANAH RAWAN,
ita kuma KHULUD HAMRAZ,
" nice name Malam Jeeb yace,
sannan ya mik'e had'i da rik'e hannuwansu,
ya nufi Office d'in Dispeeling Master dasu,
shiga yayi dasu bakin sa d'auke da sallama,
bayan sun gama gaisawa ne
ya nuna masa su yace " they're new comers, so please ka basu hostel & class,
"Ok sir cewar Malamin da suka iske a office d'in,
Malam Jeeb ya mayar da kallansa ga su Khulud yace " yanzu za'a kai ku d'aki,
ku ci abinci ku huta kunji, thank you Sir,
Khulud tace, har cikin zuciyarsa yaji dad'in maganar Khulud,
dan haka yayi murmushi batare daya k'ara cewa komai ba ya fita.

Kallan su Malam Moli yayi yace " ya sunanku?

Cikin sanyin murya Khulud tace " ni sunana KHULUD HAMRAZ,
ita kuma SANAH RAWAN tayi maganar tana nuna masa Sanah,
bai k'ara cewa komai ba, har ya gama 'yan rubuce-rubucen sa a wasu file,
kana ya d'ago kai yana dube-duben student d'in da zai aika,
amma babu kasancewar weekend duk suna Hostel Area,
wata d'aliba ya hanga ta fito daga staff room,
yayi saurin kiranta, cikin ladabi tazo ta durk'usa a gabansa,
cikin sanyin murya ta gaida shi,
amsawa yayi had'i da bata umarnin ta kira masa House Captain d'in Turaki House data Lamid'o House,
had'i da head girl,
da sauri ta mik'e jikinta na rawa ta fita,
dan duk makarantar tsoran Sir Moli ake yi,
kasancewar baya wasa,akwai shi da zafi, magana d'aya tak yake yi,
sallama sukayi daga bakin k'ofar office d'in, had'i da d'an dakatawa,
sun kai wajen a k'alla minti 3 kafin ya amsa ya basu izinin shigowa,
zubewa sukayi a gaban table d'insa suka ce " good evening Sir,
ko kallan inda suke bayyi yace " fine, a tak'aice,
batare daya kalle su ba yace " new comers ne , ku aje d'aya a Turaki, d'aya a Lamid'o House,
Sanah dake tsugunne a gefe tana kallan iko da miskilancinsa,
tayi saurin cewa " raba mu za'ayi?

Bai kalleta ba balle yayi magana,
Khulud tasa kuka tana cewa " ni dai a'a please kar a raba mu a barmu tare,
k'afa d'aya ya d'ora kan d'aya had'i da kishingid'a ya rufe idansa,
sosai Khulud da Sanah suke kukan kar a raba su a barsu tare,
amma ko kallansu bayyi ba, jin kukan su na neman saka mishi ciwon kai yasa shi  bud'e idansa dole,
ido kawai ya zuba musu batare dayace komai ba, kafin ya mayar da kallansa ga House Captains d'in,
jikinsu na rawa suka rik'o hannayen Sanah da Khulud dan sun fahimci irin kallan da MOLI yake yi musu,
fizge hannayensu sukayi had'i da cigaba da kukan su harda bubbuga k'afa,
gigitacciyar tsawa ya daka musu,
had'i da cewa " get loose a hasale yayi maganar,
a tsorace Khulud tayi hanyar fita, dan tsabar ba k'aramin gigitata tayi ba
amma fur Sanah tak'i ko motsi, balle ta fara k'ok'arin  fita,
sauran students d'in jikinsu sai rawa yake,
saboda tsabar tsoro, ganin bata da shirin fita ne yasa shi mik'ewa ya hankad'o su  waje had'i da cewa " ko uban ku ne yazo nan bai isa yasani abinda banyi niyya ba,sakarkaru kawai, 
kuka suke yi sosai kamar ransu zai fita,
har Sir Jeeb ya jiyo kukan su, yasan Moli ne yasa su kukan, dan kowa yasan halin miskilancinsa,
fitowa yayi yana kallan su kafin yace " oh friends har kunyi saurin sab'a alk'awarin mu?

Cikin kuka Sanah tace " no Sir,
yace " gashi kuwa kuna kuka,
Khulud tace " wai hostel za'a raba mana,
shiyasa muke kuka, dariya Jeeb yayi yace " karku damu ai zaku rink'a had'uwa kullum,
da sauri suka had'a baki wajen cewa " please Sir kar a rabamu dan girman Allah,
yadda sukayi maganar ne sukayi masifar bashi tausayi,
ya d'anyi shiru yana tunanin kafin  ya kalli House Captain d'in yace " ku kai su d'aki d'aya,
ku kuma basu kwana d'aya, and please ku kula dasu,
Ok Sir suka ce,
da sauri Sanah da Khulud suka fad'a jikinsa suna cewa " thank you so much Sir,
a Lamid'o House aka ajiye su, aka basu gado da kwana, Halan itace House Captain d'in Lamid'o House,
sai da ta nunnuna musu komai da ko'ina sannan tace musu " daga yau na zama Auntyn ku, duk abinda kuke so ku tambaye ni kai tsaye, kunji ko?

"Eh suka ce had'i dayi mata godiya,
washe gari Monday da wuri Halan ta shirya su Sanah da Khulud,
suka tafi assembly gudun kar suyi late,
bayan an gama assembly an watse,
Halan ta kama hannun su ta nufi b'angaren JSS Classes,
a hanya suka had'u da Moli, Halan tayi saurin zubewa tana gaidashi,
ko kallanta bayyi ba balle ya amsa,
sai ma uwar harara daya watsawa su Khulud,
Sanah tace " wai Aunty Halan dole sai mun gaida wannan miskilin mutumin mai taurin kan tsiya ne?

Baki Halan tayi saurin toshe mata,
had'i da cewa " rufa mana asiri Sanah kar yanzu ki ja mana bak'ar wahala,
baki Sanah ta turo had'i da cewa " Allah Aunty ganin kuna tsoransa ne yasa shi yake yi muku haka,
Halan tace " ni dai please kiyi shiru dan jine dashi kamar zomo,
Sanah tayi tsaki had'i da juyawa,
aiko karaf idanta ya sauka cikin nashi,
yayi tsaye hard'e da hannu a k'irji yana kallanta cike da mamaki,
ji tayi gabanta yayi muguwar fad'uwa,
kwafa yayi had'i da girgiza kai ya zubga mata uwar harara,
ya juya yayi tafiyarsa, batare dayace mata komai ba.

JSS 1A suka shiga, halan tayi sallama,
Class master suka iske a cikin class d'in yana kiran suna,
cikin girmamawa suka gaida shi,
ya amsa cikin fara'a kana halan tace " Sir new comers ne akace na kawo su,
"Ok amma sai dai a aje d'aya anan akai d'aya 1B,
ai baima k'arasa ba, Khulud ta soma tab'a baki zatayi kuka,
yayi saurin cewa " meye na kuka?

Halan tace " please Sir karka raba su,
zayyi magana Sanah da Khulud sukayi saurin durk'usawa a gabansa had'i da langwab'ar da kai suka ce " please Sir don't separate us,
we bag you in the of almighty God,
jikinsa yayi sanyi tausayinsu ya kama shi,
ya d'ago su a hankali yana murmushi yace " ok,
cikin farin ciki suka ce thank you Sir,
kansu ya shafa yace " then promise me you will read harder,
" We hope so Sir, cewar Sanah
"not hope so, promise!
murmushi sukayi had'i da cewa " we promises you Sir,
yayi dariya sannan ya nuna musu sit, suka zauna.

Bayan an tashi daga class direct masallaci suka wuce,
tare da sauran students dan haka al'adar makarantar take,
sai an ja su sallar adhur jam'i kafin su shiga hostel area,
sai bayan sun fito daga masjid suka yi dinning hall,
abincin rana aka basu, sannan kowa ya wuce hostel,,
Halan tasa sukayi wanka suka shirya cikin islamiyya uniform tun kafin time d'in islamiyyar yayi,
gudun kar suyi late Sir Moli ya samu damar cin uban Sanah,
dan ta tabbatarwa kanta yaji abubuwan datace d'azu a kansa.

Suna kan hanyarsu ta komawa hostel daga islamiyya wata senior ta kira su,
"ku kuzo nan, tayi maganar tana watsa musu kallan banza,
d'an tsayawa sukayi had'i da juya bayansu dan sunga alamar bada su take ba,
ganin sunk'i zuwa ne ya hasala senior d'in ta danna musu ashar,
had'i da daka musu tsawa " ku banzaye bazaku zo bane ni nazo,
Sanah zatayi magana, Khulud tayi saurin rik'e ta had'i da girgiza mata kai alamar a'a,
had'iye yawo Sanah tayi saboda takaici batare datace komai ba,
Khulud taja hannunta zuwa inda senior d'in ke tsaye,
kasancewar basu san al'adar boarding school ba yasa suka tsaya a tsaye had'i da zuba mata ido,
" baku da hankali ne dazaku tsaya min k'erere akai na,
dalla ku rage tsayin ku,
tayi maganar cikin fad'a tana yi musu wulak'antaccen kallo,
ganin still suna tsaye yasata mik'ewa a hasale tace "  bazaku durk'usan bane?

Da sauri Khulud ta kama hannun Sanah suka durk'usa a gabanta,
bokitin k'arfe ta jefa musu tace " kuje tanker ku ciko min shi,
cikin rashin fahimtar abinda take nufi Khulud tace " me zamu yi miki?

" Ni keke tambaya abinda zakuyi man?

Tayi maganar tana nuna kanta,
kai tsaye Khulud tace " eh mana,
ai bamu gane abinda kike nufi b............
tasssssssss senior d'in ta d'auke Khulud da wani gigitaccen mari,
har sai da ta hantsila, a gigice Khulud ta fashe da mahaukacin kuka tasa duka hannayenta ta dafe kuncinta,,
tab abinka da mafad'acin mutum da bak'ar zuciya, Sanah tayi fad'an banza ma balle mai dalili,
ita da kamar jiran fad'a take, dan ita kad'ai ma yi take, sai dai ka ganta tana jijjige-jijgen jiki,
tana magana ita kad'ai, aiko zuciya tazowa Sanah har wuya,
cikin b'acin rai da zafin zuciya,
Sanah ta wawuri bokitin k'arfen ta shiga kwad'awa senior  d'in a jikinta da kanta a haukace,
idanta gaba d'aya sun gama rufewa  ruf saboda bak'ar zuciyar ta,
take jini ya fara zubowa Senior d'in kanta ya fashe, saboda azaba bata san sanda ta shiga kwarara ihuuuuun a taimake  ta za'a kashe ta ba,
kafin kacame dandanzon students sun cika wajen mak'il,
duk Junior d'in da suka zo suka ga ERA ake yiwa duka sai tsoro da farin cikin ya kamasu,
tsoron da suke yi na sun san sum shiga uku ne,
saboda kwata-kwata Era bata da imani ko tausayi, gata bak'ar muguwa azzaluma, duk wanda ya sake ya shiga track d'inta ya shiga uku dan bata yafiya balle wani abu hak'uri,
mutum d'aya ne zayyi mata laifi amma saita had'a gaba d'aya students ta zane saboda zalunci,
wannan dalilin ne yasa suke tsoro da murna.

Dakyar SS3 suka taru suka kwace Era daga hannun Sanah,
suka rik'e Sanah dan sai kici-kici take tana san kwacewa, babu yadda ba'ayi Sanah ta hak'ura ba amma tak'i hak'ura,
sai dai Khulud ta mik'e daga inda take durk'ushe taje ta rik'e, had'i da ta rungume ta,
sannan Sanah ta hak'ura ta bari, itama ta rungume ta duk suka saka kuka,
wasu daga cikin Juniors suka fara magana k'asa-k'asa,
"yau dai Allah ya kawo mana k'arshen wannan shegiyar mara imani,
wata tace " wallahi kedai bari kawai,
ai yau saboda tsabar farin cikin sai na zuba ruwa a k'asa na nasha,
d'ayar tace " aini yau wanka zanyi da k'asa,
wata daga gefe cikin sanyin murya tace " wallahi ni tausayin yaran nake ji kar ayi musu rufdugu,
"Hhhhhhh tab ke yanzu kinga alamar waccen zata daku?

Tayi maganar cikin dariya taci gaba " baki hango ruwan bala'i da masifa a kwayar idanta ba?

"Ke da ganin wannan kinsan zatayi taurin kai da bak'ar zuciya,
jifa yadda bakinta yake kumfa, idanta yayi jajir, saboda tsabar fitina da ruwan fad'a,
gaskiya wannan bazata tab'a dakuwa ba,
sai dai duk abinda za'ayi ayi, kuma tana da taurin zuciya, kuma da ganin kwayar idanta bata da tsoro ko kunya,
kuma zatayi tsiwa,
d'ayar tace " kamar ma new comers ne ko?

"Eh, jiya bana baki labarin wad'anda sukayiwa Sir Moli taurin kai ba?

"Eh, kar dai kice man su ne, tayi maganar tana zaro ido,
murmushi d'ayar tayi kana tace " wallahi sune,
k'ara kallan su tayi tana girgiza kai,
ganin abin ya girmama yasa head girl zuwa staff room ta sanarwa da Dispeeling  Master,
yana daga kishingid'en idansa a rufe, ya bud'e baki dakyar yace " je ki kira su,
yayi maganar a tak'aice, dan shi mutum ne wanda kwata-kwata baya san yawan magana,
ko hayaniya dan zai iya irga yawan maganar dayake yi a wata d'aya,
gashi  miskilin gaske, Service yazo(bautar k'asa),
ainahin Dispeeling Master ne ya tafi Malaysia k'arin karatu shiyasa aka bashi rik'on kwarya,
saboda yadda students d'in ke bala'in jin tsoransa,
kai bama iyakacin students ba har Malamai da Principal shakkarsa suke ji,
saboda yana da bak'ar zuciya, kuma bai shiga harkar kowa,
saboda kyansa da gwarjininsa yasa 'yan mata da yawa haukacewa da mutuwa a haukan sansa,
amma shi ko kallo basu isheshi ba,
dan ko gaisuwarsu dakyar yake amsawa , wani lokacin ko  amsawar bayyi.

Jikin Head Girls na rawa ta koma ta kira su Sanah, Khulud da Era,
sauran student najin ance Sir Moli na kiransu jikinsu ya d'auki tsuma,
saboda tsananin tsoransa da suke ji,
take tausayin su Sanah ya gauraye zukatan students d'in,
Halan na Hostel wata Junior ta ruga ta sanar da ita abinda ke faruwa,
dan Halan bata san abinda ke wakana ba,
sosai hankalinta yayi masifar tashi tsoro da fargaba suka dirar mata,
dan ta tabbatar yau sai buzun su Sanah,
tana san zuwa taga halin da suke ciki amma ba dama dan tasan waye Sir Moli,
dan yana fasa dukan su ma ya jibge ta, saboda baya san tsurku,
dole ta hak'ura ta zauna tana jiran dawowar su.

Office d'insa suka shiga suka tsugunna a gaban table d'insa,
sun kai a k'alla 10 minutes batare daya motsa koya bud'e idansa ba balle su saka ran zayyi musu magana,
jin sheshshekar kukan Era yasa shi bud'e idansa a hankali,
had'i dabin inda yake jiyo sautin kukan da kallo,
wata irin muguwar zamura Sir Moli yayi had'i da mik'ewa zambur,
saboda tsoratar dayayi naganin ciwo da uban jinin dake zuba daga kan Era,
cikin zaro ya kalli Era had'i da cewa wannan had'arin mota tayi?

Shi tsakaninsa da Allah yayi tambayar,
saboda yawan jinin dake zuba,
cikin kuka Era tace " ba had'ari nayi ba Sir,
wannan ce ta dake ni, tayi maganar tana nuna masa Sanah,
bin inda Era ta nuna masa yayi da kallo,
ganin baiga kowa ba yasa shi yin waige-waige had'i da cewa " ni banga kowa ba,
wa kike nufi?

Cikin kuka ta kuma nuna Sanah tace " wannan Sir,
kallan ta yayi had'i da nuna ta yace " wai wa?

A hankali Era ta mik'e taje har inda Sanah take ta dafa ta,
had'i da cewa " Sir wannan yarinyar,
cike da tsoro gami da mamaki Moli ya zaro ido yana kallan Sanah,
had'i nufarta gadan-gadan yana yi mata wani irin kallo.

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

3⃣

_A PAGE 2 NAYI MISTAKE WAJEN SUNAYEN SANAH & KHULUD_
_RAWAN SHINE BABAN KHULUD_
_HAMRAZ KUMA BABAN SANAH_
*KHULUD RAWAN*
*SANAH HAMRAZ*

Yana isa wajen Sanah yasa hannu ya d'ago ta yana kallan Era yace " kina nufin wannan yarinyar itace ta ji miki wannan ciwon?

Kai tsaye Era tace " eh Sir,
shiru Sir Moli yayi had'i da k'urawa Sanah ido,
ganin yadda idonta yayi jajir ne ya tabbatar masa da zafin zuciyar da take da ita,
shiru yayi yana nazarinta na wani lokaci,
yaga kwata-kwata babu alamar nadama ko danasani a tattare da ita,
sai ma cika take tana matsewa had'i da jefawa Era kallan banza tana cije leb'e da alama idan ta samu dama k'ara jibgar Eran zatayi,
a cikin kwayar idanta ya hango bak'ar zuciya da zafin ran  dake gareta,
yadda take motsa bakinta tana magana ciki-ciki ne yasa shi fahimtar tsagwaron masifa da tsiwar dake cinta,,,,
mayar da kallansa yayi ga Khulud yaga yadda jikinta ke rawa,
tsoro ya bayyana k'arara a fuskarta,
kamar zaka ce mata k'et ta ruga,
ya kalli idanta yaga alamar tausayawa Era a tattare da ita,
kallo d'aya yayi mata ya fahimci kwata-kwata bata san fitina da hayani balle fad'a,
sab'anin Sanah dako a jikinta yadda kasan ma bata yi komai ba.

Kallansa ya maida ga Era ya ganta jibgegiya, k'atuwa mai k'irar k'atti,
dan ko namiji Era tana iya yi masa mugun duka balle mace,
ya kalli yadda jini ke zuba daga jikinta, ya kuma kallan Sanah,
wacce a haihuwar kaji Era ta haife ta,
ya dubi girma da tazarar dake tsakanin Era da Sanah, dan bambamcin a bayyane yake,
yadda  kasan rak'umi da zakara,
haka bambamcin Sanah da Era yake,
shi abinda ma yafi d'aure mai kai shine,
yadda Sanah ta iya tunkarar Era kai tsaye batare da wani tsoro ko fargabar komai ba,
bayan a k'alla Era tayi goman Sanah,
abu na biyu daya k'ara bashi mamaki shine dame Sanah ta daki haka?

Kuma ya akayi JSS 1 ta iya dambe da SS 3 kuma LABOUR PREFECT,
shi abimma dariya ya bashi, dan tunda Era tace Sanah ce ta dake ta yake kanne dariyar dake neman kufce masa,
Head Girl ya kalla yace " ku kai ta sick bay ayi mata treatment,,
yayi maganar kamar baya so,
"to ta amsa had'i da mik'ewa suka fita,
komawa kan sofar dake office d'in ya kishingid'a had'i da rufe idansa,
batare daya k'ara furta koda kalma d'aya ba,
shiri-shiru har akayi 1hr, amma bai ko kalli inda su Sanah suke ba,
har aka kira Sallar Magrib bai kalli inda suke ba,
jin an kira sallah ne ya sashi mik'ewa a hankali yayi hanyar fita,
da sauri Sanah tace " Sir ka manta da mu ne?

Ko ta kanta bai bi ba, balle ya juyo ,
Sir Moli yana yin sallar Magrib ya wuce gida batare daya k'ara bi takan su ba,
babu abinda yake tunani sai halayyar yarinyar,
wacce bazata wuce 10yrs ba, yana tuno ruwan bala'i da rashin kunyar daya hango a kwayar idanta,
ya tuno yadda ya hango bak'ar zuciya a tattare da ita,
a hankali ya gyara kwanciyarsa had'i da furta " girman yarinyar nan da kallo,
mijinta da iyayenta suna shirin ganin ikon Allah,
yayi maganar can k'asan mak'ogwaronsa.

Har akayi sallar ishsha shiru Sir Moli bai dawo ba,
cikin tsiwa Sanah tace " wai wannan d'an iskan ya manta ya ajiye mutane ne?

" Ko yana tsammanin gumaka ya ajiye marasa jini a jikinsu?

Da sauri Khulud ta rufe mata baki ta zaro ido cike da tsoro, tace " kai Sanah idan ya kawo kai yaji abinda kike cewa fa?

Baki Sanah ta zumb'uro had'i da cewa " to ya jin mana idan yaji sai me, mai zayyi?

"Ai dai bai isa ya d'auki ran mu ba,
iyakacinsa ya dake mu ko ya bamu wuya,
wuya kam bata kisa, sai dai ma ta k'ara hora mu,
Khulud tace " ni dai dan Allah kiyi hak'uri kiyi shiru kar yaji,
dama muna cikin wani case d'in bamu san makomar mu ba har yanzu,
Sanah tace " ke kin cika tsoro wallahi,
duk irin ku aka tara a makarantar shiyasa yake jin kansa wani shege,
Khulud zatayi magana Sanah ta mik'e tana karkab'e jikinta tace " tashi mu tafi Hostel,
ido waje Khulud tace " Hostel?

Batare data kalle ba tace " amma dai kin san yanzu dare yayi sosai ko?

"Dan nasan a k'alla yanzu 9:00pm na dare yayi,
kuma muma musulmai ne ya kamata muyi sallar Magrib da Ishsha,
kuma koba komai ai mutane ne mu zamu buk'aci hutu, bacci da abinci,
dan nasan shima mugun daya aje mu ya tafi,
Khulud zatayi magana Sanah ta ja hannunta,
tana tafiya da ita " gobe kice ni nace mu tafi Hostel, ni kuma zan bashi amsa dai-dai shi,
suna tafiya Sanah na mitar ajiye sun da Sir Moli yayi " tsabar ya rai nawa mutane hankali,
ya  jibge mu a waje batare daya furta mata ko kalma d'aya ba,
shege miskilin banza mai girman kai,
wannan matarsa ta  shiga uku,
har suka k'arasa Hostel Sanah na mitar Sir Moli da tsoran Khulud da yayi yawa,
ita dai  Khulud kallanta kawai take yi batare data ce mata komai ba.

_Ni ko nace hmmmmm shima haka yace mijinki yana shorin ganin ikon Allah_

Washe gari bayan sun shirya zasu tafi class Halan ta kalle su tace " ku tabbatar baku tafi  class kai tsaye ba,
  ku wuce office d'in Sir Moli, dan baya san irin haka,
ko kallanta Sanah batayi ba ta wuce abinta,
sai Khulud ce amsa mata da "to,
kana tabi  bayan Sanah ganin tayi hanyar classes area yasa Khulud kallanta cike da mamaki,
tace " Sanah ina zaki?

Batare data kalle ta ba, ta bata amsa kai tsaye " abinda iyayen mu suka kawo mu muyi,
Khulud ta kuma kallanta cikin rashin fahintar abinda tace,
tace " kamar ya?

"Ban gane abinda kike nufi ba,
tana ci gaba da tafiya tace " karatu mana,
ko ba karatu iyayen mu suka kawo yi ba?

"Ai ba yawon zuwa staff room da teachers office aka kawo mu yi ba,
dan haka ni class zani, shi daya matsu yazo ya same mu,
ace mutum babu abinda ya iya sai wulak'anci da wulak'anta mutane,
sai wani jijji da kai yake kamar yafi kowa,
babu abinda ya sani sai muskilanci da girman ka......,
idanta daya sauka akan nashi ne ya hana ta k'arasa abinda tayi niyyar fad'a,
gabanta yayi muguwar fad'uwa tsoransa a karo na farko ya shige ta,
tsaye yake sanye da sky blue na material yard,
takalmi da hularsa,  da agogonsa duk blue black ne,
yayi masifar kyau,
tun da suka taho yana tsaye hard'e da hannayensa a k'irji yana kallansu,
ya kuma ji duk abinda suka fad'a,
sosai Sanah tayi muguwar tsorata amma ta dage, bata bari tsoran yayi tasirin dazai bayyana a fuskarta ko jikinta ba,
Khulud kuwa tunda ta ganshi jinkinta ya d'auki rawa,
saboda tsoro da fargaba, a hankali Sanah ta saci kallansa,
irin kallan daye mata ne yasa gabanta bugawa da k'arfi,
dakewa tayi ta kama hannun Khulud taja tana k'ok'arin rab'awa ta gefensa ta wuce,
shiko in banda tsabar mamakin hali da k'ok'arin ta, had'i da rashin tsoranta babu abinda yake yi,
bajintar yarinyar da halayyarta ma shi tsoro suke bashi,
ace tun tana k'arama take haka,
ina kuma ga idan ta girma, ta zama cikekkiyar mace?

Yayiwa kansa tambayar, kallan yadda ta had'e rai, ta murtuke fuska yayi,
tana k'ok'arin bi ta gefensa ma ta wuce,
a ransa yace " ikon Allah, lalle yarinyar nan ta cika cikekkiyar mara kunya da fitsara,
amma zan nuna mata ni kakanta ne a wannan fagen,,,
tana zuwa daf dashi zata wuce ya fisgo ta baya had'i dayin cilli da ita,
ta fad'a, sosai taji fad'uwar har cikin ranta,
saboda da k'arfi ya wullata,
cikin tashin hankali Khulud ta isa inda take ta d'ago ta had'i da saka kuka,
tana tambayarta idan taji ciwo,
daurewa Sanah tayi ta mik'e tana murmushi tace " ke meye na kuka kuma?

Ba fa wani babban abu bane 'yar fad'uwa nayi,
da mamaki ya kuma kallanta a ransa yana cewa " lalle yarinyar nan wato bayan tsiwa, zuciya da fad'a, rashin kunya da fitsara ta had'a har da taurin kai da dakewar zuciya,
shi kansa yasan tayi muguwar buguwa amma ta daure ta tashi kamar babu wani abu,
a fili ya maimaita 'yar fad'uwa yana murmushin mugunta,
fuska cike da tausayawa idanta yana zubar da hawaye,
tace " kai Sanah wallahi kin mugu da yawa,
hannu Sanah tasa tana goge mata hawayen dake zubo mata,
tace " zafin buguwar danayi bai kai zafin hawayen nan da kike zubarwa ba,
dan ji nake kamar zuciya ta zata fashe,
Please ki daina kukan kinji Uludi nah,
tayi maganar tana dariya, shikam tsaye kawai yake yana kallan ikon Allah,
abinda ya kuma d'aure mishi kai,
shine kalaman da Sanah tayi akan Khulud, yadda take maganar ya tabbatar masa daga zuciyarta kalaman ke fitowa,
daga irin kallan da sukewa juna ya tabbatar suna matuk'ar k'aunar junan su.

_Kamar ni da my Zainab Shagumba_ 💘💘💘

A dak'ile Sir Moli yace " ke!
tasan sarai dasu yake amma tayi kamar ma bata san Allah yayi ruwansa a wajen ba,
sai da ya runtse ido saboda tsabar takaicin yadda yariya k'arama take neman gwara kansa ta bashi Headache,
ya tabbatar idan yayi sake kafin yabar makarantar sai ta karya masa alk'adari tasa sauran students sun rai na shi,
da k'arfi ya daka mata tsawa had'i da cewa " ke dan ubanki badake nake ba?

Yayi maganar cikin fad'a zata kuma share shi, Khulud ta juyo cikin tsoro tace " Sir damu kake?

Yaso Sanah ce tayi magana, ba Khulud d'in ba,
amma dayake ranshi a b'ace yake,
cikin fushi ya bata amsa da cewa " a'a da ubanki nake,
jin ya zaki Khulud yasa ta juyowa a fusace,
cikin b'acin rai, amma yadda taga ya birkice ne yasata kasa yin magana saboda tsoransa data ji,
yadda ta jiyo a fusace saboda ya zagi Khulud ne yasa shi fara fahimtar wani abu,
saboda ko daya zage ta bata kalle inda yake ba, balle ta nuna b'acin ranta sai daya zagi Khulud,
kallan Khulud yayi yace " ku je ku kira Head Girl da wacce kika fasawa kai jiya,
yayi maganar yana tafiya,
bata tanka masa ba, tayi wucewarta class abinta, babu yadda Khulud batayi akan kar suje class ba,
amma fir Sanah tak'i.

Ana tashi daga class suka wuce masjid daga nan sukayi dinning hall,
duk Khulud a tsorace take amma Sanah ko'a jinkinta sai harkokinta take,
babu abinda ya dameta, duk da ta lura da yadda Khulud take a tsorace,
daga dinning Hostel suka koma, 
dole Khulud ta bi bayan Sanah dan babu yadda ta iya, bata san taje wajen Sir Moli ita kad'ai ta kuma jawowa Sanah wata matsalar,
gwara ko kashe ta za'ayi a kashe su tare,
hakan ne ya hanata zuwa, take bin Sanah dole badan ranta ya so ba,
Sir Moli class d'in daya ke d'auka ya wuce direct,
bai k'ara bi takan Sanah ba, dan shi a tunaninsa su can suna zaman jiranshi,
shiyasa koda akayi break bai koma office d'insa ba ya wuce staff room,
sai da aka tashi sannan ya nufi office,
yadda ya bar office d'in haka ya dawo ya same shi,
kwara-kwata babu alamun shigowar mutum,
cike da mamaki ya lek'a ta window ya tambayi  leburan dayake gyara musu office,
" please wasu yara basu zo nan ba?

Shiru leburan yayi na wani lokaci yana tunnani,
sannan ya d'ago kai yace " gaskiya Sir tunda ka fita babu wanda ya shigo nan,
ko a cikin malamai ma,
ko wucewa tanan babu d'alibar data yi,
"nagode kawai yace, yana jinjina kai cike da takaici,
cikin matsanancin b'acin rai da zafin zuciya Sir Moli ya kwanta akan sofa had'i da rufe idanta,
yana tunanin wanne irin hukunci zayyiwa yarinyar nan ya wuce,
a fili yace " tab lalle ma, ni wannan shigiyar kwailar yarinyar ke rainawa hankali?

"Aiko sai naci ubanta sai na nuna mata nawa iskancin yaci uwar nata,
sai naga uban daya d'aure mata gindi,
yayi maganar cikin zafin rai yana furzar da iskar bakinsa.

Bayan sun gama shiryawa zasu tafi islamiyya, Khulud ta kalli Halan tace " please Aunty Halan kiyiwa Sanah magana muje kiran Sir Moli,,,
ido Halan ta zaro had'i da cewa "au baku je ba dana ce kuje?

Labarin duk abinda ya faru tsakanin su da Sir Moli Khulud ta bawa Halan tun daga farko har k'arshe,
shiru Halan tayi tana mamakin yadda Sir Moli ya d'agawa Sanah k'afa tun daga jiya zuwa yau,
tasan da wata daga cikin students ce da tuni jikinta ya gaya mata,
kallan Sanah tayi taga babu abinda ya dame ta sai harkokinta take yi hankalinta a kwance,
a ranta Halan tace " lalle wannan yarinyar da abun mamaki take,
tana da taurin kai, ita gata ba babba ba balle ace ko santa Sir Moli yake shiyasa baya iyayi mata komai,
da sauri tace " kai ina badai Sir Moli ba, that's impossible,,
abinda ma bazai tab'a yiyu bane,
ace wannan kwailar yarinyar yake so,
yarinyar dako Nono bata fara ba,
manyan 'yan mata, masu ji da kyau, class, kud'in, gayu sunyi sun bari akan Sir Moli,,,
kawai dai Allah ne yake d'ora ta akan shi ta k'arasa  maganar cikin ranta tana sauke ajiyar zuciya,
a hankali Halan tace " Sanah!
murtuke fuska Sanah tayi had'i da cewa " na'am,
murmushi Halan tayi, dayake ita mai sauk'in kai ce kana ta cigaba da cewa" ni dai ina baki shawara a matsayin 'yar uwa ba senior ba,
Sanah fad'a da malami ba naki bane,
dan ke ce bazaki tab'a cin riba ba,
sai dai fad'uwa, taurin kai da zafin zuciya suma ba nake bane a boarding school in ba haka ba zaki sha bak'ar wuya,
ko badan kanki ba, kodan Khulud ya kamata ace kunje kiran nashi kunji mai zai ce muku,
wallahi even principal tsoran Sir Moli take balle sauran teachers da students,
ki dubi Khulud tana san zuwa kiran,
amma saboda dake tak'i zuwa tana bin ra'ayinki, ta gwamamaci duk abinda zayyi muku yayi muku tare data je ita kad'ai,
kallan Khulud Sanah tayi, taga yadda duk ta marairaice fuska,
murmushi Sanah tayi tace " shikenan zanje hankalinku ya kwanta,
ajiyar zuciya Halan da Khulud suka sauke a tare, kallansu tayi had'i da d'age gira d'aya,
tana yi musu alamar tambaya da idanta, dariya Halan tayi tace " ni dai tashi ku tafi,
tayi magana tana jan su, had'i da mik'a musu hijabansu,
karb'ar hijaban sukayi suna dariya suka tafi.

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

4⃣

Suna isa k'ofar office d'in gabanta yayi muguwar fad'uwa,
amma ta dake dan kar Khulud ta fahimci halin datake ciki,
Sanah na niyyar danna kai, Khulud tayi saurin rik'o ta had'i da cewa " ke wai meyasa kike haka ne?

Baki Sanah ta zumb'uro had'i da cewa " me kuma nayi?

Khulud tace " amma sanin kanki ne ba'a shigar masa office kai tsaye ko?

"Tunda a gabanki ko head girl ce tazo tsayawa take a bakin k'ofa, ta fara yin sallama kafin ta shiga ,
sannan ta tsaya har sai ya bata izinin shiga,
kuma ma ko ba haka ba ai bai dace ace kin shigar masa office kai tsaye ba,
Sanah tace " to amma kema ai kina ganin yadda yake shanya mutane a cikin rana, sai ya mula ya mulmule kafin ya bawa mutane damar shiga office d'in,
kuma ni gaskiya kin san ban iya jira a rana saboda tana iya sani ciwon kai,
ta k'arasa maganar tana zumb'uro baki,
"ko ma dai miye ai sai mubi doka da k'a'idarsa dan mu zauna lafiya dashi,
tunda haka muka ga sauran students nayi, ba kuma fin su mukayi ba,
rolling idanta tayi sama had'i da dafe goshinta, tace " to naji yanzu dai sai kiyi masa sallamar,
mu kuma muyi ta zama anan har sai sanda yaga damar damu izinin shiga,
duk abinda ke faruwa tsakanin Sanah da Khulud Sir Moli na jinsu,
murmushin takaici yayi cike da mamakinta,
girgiza kai kawai Khulud tayi batare data kuma cewa komai ba ta k'arasa gaf da k'ofar tayi sallama,
ga mamkin Sanah sai ji tayi ya amsa had'i da bada izinin shiga,
kallanta Khulud tayi tana yi mata alamar kinga ni ko, da idanta.

"Assalamu Alaikuma Khulud ta kuma fad'a lokacin da suke shiga,
batare daya d'ago ya kalle su ba ya amsa,
baki Sanah ta tab'e a ranta tace " majhulil hali,
duk abinda take yana kallanta,
dakyar ya bud'e baki yace " meya hana ku zuwa d'azu?

Kai tsaye Sanah tace " gani nayi during class hrs ne shiyasa nace kar muzo,
batare daya bud'e idansa ba ya kuma cewa " uban wa ya ku izinin tafiya jiya?

Nan ma kai tsaye Sanah tace " ni ce!"
saboda me? ya tambaye ta a tak'aice,
"Lokacin salla ne yayi, shiyasa nace, ya kamata ace muje muyi sallah, sannan munci abinci,, ta k'arishe maganar kanta a k'asa.
A hankali ya bud'e idansa ya zuba mata batare daya ce komai ba,
leb'e ya cije saboda yadda take bashi amsa kai tsaye, wani irin tsanarta yakeji na ratsashi, dan ya tsani rashin tarbiya, ya kuma lura yarinyar bata da kunya, cikin isa ya mik'e zaune daga kishingid'en dayake ya kalle ta,
yace " ke 'yar iska ce ?

Ido itama ta zuba masa batare data ce komai ba,
ya kuma cewa " ke wacce iriyar fitsarerriya ce?
a gidan ku babu manya ne?ko suma iyayen naku basu iya magana da manya ba?
balle su koyar daku tarbiyyar iya magana da manya?" Fuska ya kumatsukewa tare da cewa:
"Amma ina ganin kamar a gidan ku kowa zaman kansa yake yi ba babba ba yaro ko!?"
yayi maganar duka a lokaci d'aya,
ba Sanah mai bak'ar zuciya da zafin rai ba,
dai-dai da Khulud mai sanyin rai sai da maganganunsa suka saukar mata bak'in ciki da b'acin rai,
take idanuwan Sanah suka canja launin su daga fari zuwa jajaye,
ya kuma kallanta yace " fool an idiot,
stupid girl kawai, ke har wata shegiya kike d'aukar kanki ko?, to bari kiji ba gagarerre sai barerre,
ke a cikinfitsararrun ma wacece ke?
'yar tatsitsiya dake sai fitsara, shigiya empty head,
kanki ba komai sai rawar kan banza,
daman k'anan yaran nan kunfi manyan 'yan mata iya iskanci,
'yar iska ko majinar hancinki baki gama iya cireta ba, amma har kin fara zubdawa wasu jini a jiki, woto ke gaki yar sara suka, zaki b'ata mana tarbiyar yaran makaranta daga zuwanki ko,
wannan iyayenki idan basu da gaske ba, Uwar yan daba zaki zama,
jacakar banza".
iya bak'in ciki da takaici Sanah ta k'unsa,
saboda tsabar yadda take jin zuciyarta na tafasa,
jikinta har tsuma yake, mak'ogwaronta ya bushe rak'ayau, idanuwanta suka koma asalin red,
ta kafe shi da ido cike da tsantsar fitsara bata ko k'ifta idanta,
ya kalli Khulud dake durk'ushe tana hawaye, yace " Jeki kira min head girl, da Era,
cikin sanyin jiki ta mik'e ta fita,
ya mayar da kallansa ga Sanah yaga har lokacin kallansa take yi kurrrr ko k'iftawa batayi,
ganin yadda lokaci d'aya ta birkice, kamanninta suka sauya ne ya d'aure masa kai,,
a ransa yace " lalle yarinyar nan nada bak'ar zuciya.

Yace " ke daina kallo na mayya kawai,
karki cinye ni, ni ba d'an daba irinki bane"
yayi maganar yana kowa kishingid'ar,
yana daga kishingid'en yace, "Kinci sa'a banadabanci irin naki,da wallahi sai na sauke miki rawar kan nan naki
to sai dai kici kanki witch!".

Sallamar su Khulud ce ta katse shi,
a dak'ile ya basu izinin shigowa,
daga gefe suka rakub'e ya kalli Khulud yace " meya had'a ku?

Yayi maganar a tak'aice, su Era da suka shigo da suka ga yanayin Sanah, suka kuma ga Khulud na kuka sai sukayi zaton dukan su Sir Moli yayi,
aiko take mugun farin ciki ya lullub'e Era,
cikin sanyin murya Khulud ta shiga bashi labarin duk abinda ya faru tun daga farko har k'arshe,
shiru yayi na wani d'an lokaci yana nazari,
murmushi yayi a cikin ransa dan ya gano logon Sanah yanzu,
a ransa yace " Era Khulud ta tab'a shiyasa zuciyar Sanah tayi zafi har idanta ya rufe ta dake ta,
wato daka tab'a Khulud gwara a tab'a ta kenan?

Murmushin gefe baki yayi, wato wannan dalilin ne yasa d'azo dana zage ta bataji haushi ba amma dana zagi Khulud take yanayinta ya canja?

Kai ya girgiza cike da matsanancin farin cikin gano  lagwanta,
ya kalli Khulud yace " ke idan na bincika naga kinyi min k'arya sai naci uwarki, yayi maganar yana satar kallan Sanah,
aiko ido ta runtse da k'arfi,
ya kuma yin murmushin mugunta,
ya kalli su Era yace " haka akayi?

Kanta a k'asa tace " eh Sir,
yace " ba'an hana ku aiken JSS ba?

Shiru Era tayi kanta a k'asa, ya kalli Head Girl yace " ba an hana ku dueling ba?

Itama shiru tayi had'i da sadda kanta k'asa,
ya cigaba da cewa " ina tunanin kamar principal ta hana ku koda aiken 'yan JSS musamman JSS1 ko?

Duk sukayi shiru, a fusace ya daka musu gigitacciyar tsawa " bada ku nake magana ba?

Yayi maganar cikin b'acin rai, take cikin su ya d'auki kerrrma yana b'ari,
a tsorace Head Girl tace " wallahi Sir ban san hakan ta faru ba,
ina class ina karatun test, aka kira ni,
ita kuma Era tace " am so sorry Sir,
cikin b'acin rai ya daka musu tsawa " get out!,
zanyi bincike akan mate d'inku,
wallahi matuk'ar na gano kuna zaluntar na k'asa daku sai kun raina kanku,
jiki na b'ari suka fita, Era na cewa " na shiga uku, kashi na bushe,
dan nasan muddin Sir Moli yayi bincike akan mu sai buzuna,
Head Girl tace " kuma kin san shi magana d'aya yake yi,
muddin yace " zayyi abu to sai yayi babu kuma uban daya isa ya hana shi sai Allah.

Sir Moli ya mayar da kallansa ga Khulud yace " ke ku 'yan daba ne?

"A'a ta bashi amsa cikin sanyin magana,
idansa nakan Khulud ya kuma cewa shaye-shaye kuke yi?

Ta kuma cewa a'a,
yace " abinda kuka taso kuga ana yi a gidan ku kenan, ko shi iyyen na ku suka koya muku fad'a da makami har da fasa kai?

Kai ta girgiza masa tana kanne kukan ta,
ganin halin da Khulud ke ciki yayi masifar d'agawa Sanah hankali
duk abinda take yi Sir Moli yana lura da ita,
ya kuma cewa " to amma gidan ku akwai 'yan daba masu sare-sare da yanka mutane da wuk'a ko?

Kukan da Khulud take dannewa ne ya kufce mata,
tana k'ok'arin yin magana Sanah tayi saurin cewa,
" ni ce nayi laifi ba ita ba, dan haka ni zaka yiwa hukunci ko ka tsare da tambayoyi ba ita ba,
Khulud tayi saurin cewa " a'a Sir tare mukayi komai dan haka duk hukuncin da zakayi kayi mana tare,
Sanah tace " wai meyasa kike haka ne Ulud,
please ki bari ni danayi laifi ya hukunta ni dai-dai da abinda nayi,
Khulud tace " kin fara ko?

"Amma ai sanin kanki ne tare mukayi amma shine kike san zamewa,
Sir Moli ido ya zuba musu yana ganin ikon Allah,
kowacce na k'ok'arin kare 'yar uwarta,
Sir Moli ya kalli Khulud yace " ashe kema 'yar iskarce,
da k'arfi Khulud ta saka kukan bak'in ciki,
aiko zuciyar Sanah ta hasala,
a tsawace cike da tsantsar masifa tace " don't say it again,
haba kai wanne irin d'an Ada.......

Kafin ta k'arasa Sir Moli ya d'auke ta gigitaccen mari,
tassssssssssssssss
a razane Khulud ta d'ago kanta,
ganin Sanah aka mara yasata fita daga hayyacinta ta nufi Sanah d'in
da sauri Sanah ta fad'o jikinta, bak'in ciki ne yasa Khulud durk'ushewa had'i da saka gigitaccen kuka,
a hankali Sanah ta durk'usa a gabanta tasa hannu ta d'ago kanta,
hannu Sanah tasa hana gogewa Khulud hawayen dake zubawa daga idanta tace " Uludi na ki daina kuka please,
kai Khulud ta girgiza mata alamar a'a,
ido Sanah ta zaro tace " meyasa?

Cikin rawa murya tana danne kukan bak'in cikin dake cinta,
Khulud tace " marinki fa akayi a gaba amma bani da yadda zanyi,
please barni nayi kukan kona samu sassaucin abinda nake ji,
murmushin bak'in ciki Sanah tayi tace " wallahi marin da akayi min bai kai kwatankwacin zafin zubar hawayenki a cikin rai na ba,,
da sauri Khulud ta share hawayenta had'i da yin murmushi tace " na dai na kukan to,
Sanah na murmushi tace " kinyi alk'awari?

Dariya Khulud tayi had'i da cewa " eh nayi alk'awarin daga nan har k'arshen rayuwar mu duk abinda kika ce na bari zan bari,
duk kuma abinda kikace nayi zanyi,
in sha Allahu,
Sanah ta kuma yin dariya tace " ni kuma nayi miki alk'awarin daga nan har mutuwar mu bazan tab'a bari kiyi kuka ba,
ba kuma zan tab'a barin ki cikin damuwa da matsala ba in sha Allah,
dariya sukayi a tare had'i cewa alk'awari,
Sir Moli na gefe yana kallan yadda yara k'anana ke k'aunar junansu,
ashe ba Sanah ce kad'ai ke san Khulud d'in ba,
itama tana santa,
yayi maganar cikin ransa, dan yadda ta taso a haukace badan Sanah ta rik'e ta ba, tana iya fad'a masa,
can k'asan mak'ogwaro yace "aiko da kinci ubanki yarinya da kinga ne shayi ruwa ne.

Jin an shiga Sallar Magrib ne yasa shi fita da sauri dan ko kiran sallar bai ji ba,
sai da ya tsaya yayi sallar ishsha kafin ya tafi gida,
kwance yake rufe da ido amma ba bacci yake ba,
tunani da mamakin yaran yake yi,
babu abinda yafi d'aure masa kai sai tarin so da k'aunar da suke yiwa junan su,
ya kuma san ba uwarsu d'aya uban su d'aya ba,
saboda ita SANAH GANEZ sunanta,
ita kuma KHULUD HAMRAZ,,,
a fili yace " so halitta ne dan ko uwa d'aya uwa bazasu yi wa junan su irin wannan mugun son ba,
yasan k'aunar da suke yiwa juna daga Allah ne,
ido ya runtse yana tunanin shi yaushe ne zai san so?

Yaushe zai san zafin so, zai san abinda ake ji a cikin so,
dan shi a iya tsayin rayuwarsa bai tab'a yin soyayya ko ya so wata 'ya mace ba,
asalima bai san abinda ake kira da so ba,  tunda aka haife shi har zuwa yanzu da yake da 22yrs,
yana da 3yrs aka saka shi a primary school,
ya gama yana da 10yrs saboda yayi nursery 1&2,
yana da 16yrs ya gama secondary school,
sai yanzu dayake service, amma idan ka ganshi sai ka rantse ya haura 30yrs,
saboda tsabar kwarjini da kamalarsa,
had'i da nutsuwarsa,
yana cikin tunani bacci yayi awon gaba dashi batare daya sani ba.

Su Khulud ganin ya fita yasa Sanah rik'o hannun Khulud tace " tashi mu tafi hostel,
Khulud bata ko motsa ba, ta kafe Sanah da ido,
kana tace " muje ina Sanah?

" Salan ya dawo bai iske mu ba ya samu abinda yake so,
ya kuma samun damar zagin iyayen mu da ahalin mu,
ya kuma ci mana fuska da mutunci,
yanzu ke zagin da yayiwa iyayen mu da ahalin mu damu kanmu kinji dad'insa?

Shiru Sanah tayi bata furta kalma ko d'aya ba,
Khulud ta cigaba " ke yake zaga amma ni nake jin k'unar abin a zuciya ta,
ke yake jifa da munanan kalaman amma ni nake jin zafi da bak'i ciki a rai na,
dan girman Allah my Sanah ki daina shiga sabgar mutumin nan,
mu lallab'a mu rabu dashi lafiya,
ido Sanah ta zaro had'i da cewa " wacce sabgar tasa nake shiga?

"Wacce idan yace kiyi abu kike k'inyi,
please daga yau duk abinda ya saki ko ya umarce dayi muddin bai sab'awa shari'a ba kiyi,
idan kina yin abinda yace ai sai yaci kansa,
muga kuma ta inda zai b'ollo ganin yadda Khulud ke magana ne yasa cikin sanyin jiki Sanah tace " to in sha Allah zanyi k'ok'arin kiyaye duk abinda zai kawo sab'ani a tsakani na dashi,
saboda ke kodan hankalinki ya kwanta ki samu nutsuwa.

Amma wallahi badan ke ba da sai dai ya kashe ni,
idan shi k'aramin d'an iska ne,
da sai na nuna masa ni babba ce,
shege d'an iska mai girman kan tsiya,
muskilin banza, wai harshi zai cewa wani d'an iska bayan shine cikkekken kwarto,
ja'irin yaro kullum bashi da aiki sai ya kwanta haka, ta kwanta akan sofa tana kwaikwayon yadda yake kishingid'a,
ta kwaikwayi maganar sa tace " ke kina shaye-shaye ne?

Tayi maganar kamar yadda yake yi,
tace kaji munafuki shida yayi kama da masu shaye-shayen ma ba'a ce yana yi ba sai shine zai cewa wani yana yi,
wama ya sani ko irin sune masu lab'ewa a uncompleted buildings suna 'yan kurb'e-kurb'e da zuk'e-zuk'e,
zata kuma magana Khulud ta rok'o hannunta tana nuna mata agogon bangon dake manne a office d'in,
tace kalli har 10:05pm na dare,
zo mu tafi nasan shima ya tafi,
Sanah tace " mugu azzalumi kawa ya ajiye mu kamar ba mutane ya jibge ba,
ba ci ba sha balle bacci, sai gobe yazo yana tare late comers,
shi  yana can saki baki yana bacci har da munshari,
Khulud taja hannunta tana cewa " mu tafi ni dai yunwa da bacci nake ji,
kuma nasan hankalin Aunty Halan nacan a tashe.

Washe gari bayan an kad'a break Sir Moli ya tafi office, har ya kishingid'a ya tuna da voice recorder daya kunna ya aje ye dazai fita yabar su Sanah a office d'in sa,
dan ya tabbatar da sai sunyi wata magana a kansa,
d'aukowa yayi daga inda ya b'oyeta a gefen table d'insa yana murmushi ya koma kan sofa had'i da kunnawa.

Playing yayi zai fara ji, Vice Principal ya shigo  office d'in,,
cikin sallama, Sir Moli yayi saurin kashe record d'in,
ya tattara hankalinsa kan VP batare daya mik'e daga inda yake ba,
dayake VP ya riga da yasan halin Sir Moli bai wani ji haushin abin ba,
dan idan da sabo sun sabawa baud'add'an halinsa,
VP yace " Malam Moli dama wata alfarma nake nema a wajenka idan ba damuwa,
ido Moli ya zuba masa had'i da cewa " kamar ta me fa?

"Please dama wasu students za'akai Hospital,
saboda ciwon zu yafi k'arfin sick bay d'in mu,
dole sai an kai su babban asibiti, cikekken Doctor ya duba su,
to kuma ni ina da aiki a office,
shine nake san ka taimaka ka tayani aikin ko kuma ka kai yaran Hospital,
d'an gutun murmushi yayi kana yace " ok badamuwa Sir,
ka zab'i wanda kake ganin zaka iya ni sai nayi kowanne ne,
murmushi shima Sir Jeeb yayi kana yace " no choose anyone kawai,
ni bani da damuwa zan iyayin kowanne,
dan yasan halin Moli idan yace zayyi mai gatse-gatse sai yak'i yi,
sai dai duk abinda zai faru ya faru,
shi kuma Moli saboda baya san yawan magana yasa shi cewa " ok zan kai su asibitin,,
yayi maganar yana mik'ewa,
"thank you, cewar Sir Jeeb,
Moli bayyi mishi magana ba sai murmushi kawai da yayi.

Private Hospital dake cikin garin Roni ya kai su,
batare da wani b'ata lokaci ba aka karb'e su aka shigar dasu da hanzari,
a gaggace aka shiga duba su, ba'a shima ba likitan ya fito,
a wajen jira ya iske Sir Moli zaune ya jingina kansa da bayan kujerar dayake zaune had'i da rufe idanuwansa,
sallamar Doctor d'in ce tasa shi bud'e idansa,
ganin Doctor tsaye akansa yasa shi mik'ewa a hankali had'i da mik'a masa hannu,
bayan sun gaisa ne Doctor yace " d'aya hawan jini ke damunta,
ido Sir Moli ya zaro waje, cikin kid'ima yace " what!  hawan jini fa kace?

"Yes abinda ke damunta kenan kuma yayi mata mugun kamu,
yama zama dole mu d'ora ta akan magani yanzu,
cikin sanyin jiki Sir Moli yace " d'ayar fa?

"Malaria ke damunta, "wannan is normal cewa Moli,
magunguna Doctor ya rubuta musu, sannan ya sallame su, sai da Moli ya biya ta Pharmacy ya siya kafin ya wuce school,
kallan yarinyar da Doctor yace tana d'auke da hawan jini yake ta mirror,
babu abinda yake bashi mamaki sai k'arancin shekarunta,
dan ya tabbata bazata wuce 14yrs zuwa 15yrs ba,
kuma tun fitowar su daga makaranta take kuka har suka je asibiti kukan take,  har zuwa yanzu kukan take bata daina ba,
kanta na k'asa tana wasa da fingers d'inta tana zubar da hawaye,
tausayi yarinyar ta bashi dan haka Moli yace " ajinki nawa?

Yayi maganar batare daya kalli inda take ba,
bata motsa ba tana yadda take ta bashi amsa cikin rawar murya " JSS3,
sake kallanta yayi ta cikin mirror kana yace " shekarunki nawa?

"Sha hud'u (14yrs) ta bashi amsa,
har a lokacin kanta na k'asa tana cigaba da kukan ta,
a ransa ya maimaita "sha hud'u, amma harta kamu da hawan jini?

"To meye damuwarta haka?

yayi maganar cikin ransa, a fili yace " kin san me likita yace yana damunki?

D'an murmushi tayi kana tace " nasan bazai wuce hypo tension ba,
tayi maganar tana goge hawayen dake k'ara zubo mata,
sake kallanta yayi ta cikin mirror cike da mamaki,
yace " kin san abinda ke damunki kenan!?

"A'a ban sani ba, kawai dai nasan halin danake ciki yakan iya haifar min da hakan,
shiru yayi batare dayace komai ba,
taci gaba " ainahin cewon dake damuna yana cin zuciya ta,
da ruhi na, yana kuma wargaza duk wani farin ciki da walwalata bashi da magani,
har gwara hypo tension ma yana da magani,
tayi maganar sabon hawaye na zubo mata,
bai kuma cewa komai har suka isa makaranta,
direct office d'in Sir Jeeb ya wuce yayi masa bayanin abinda ke faruwa a tak'aice,
sosai hankalin Sir Jeeb yayi mugun tashi ya kalli Sir Moli yace,
"kaga yara kenan ma, ina kuma ga mu manya?

Sir Moli yace " al'amarin  sai dai addu'a kawai,
Sir Jeeb yace " tab yara k'anana na hawan jini lalle zamani ya lallace,
Sir Jeeb ya d'an dafa kafad'ar Sir Moli yace " please idan ka samu dama ka kira ta ka bincike ta abinda yake damunta,
kodan mu sauke hakk'i, amana da nauyin da iyayen su suka d'ora mana,
abinda yasa nace kai ka tambaye ta matsalarta saboda yaran suna jin tsoranka,
tana iya sanar dakai damuwarta kai tsaye batare da an sha wahala ba,
kodan tsoranka da suke ji, amma idan wani ne sab'anin kai,
tana iya yi masa yawo da hankali,
ajiyar zuciya Sir Moli yayi, badan yaso ba, dole tasa shi amsawa Sir Jeeb " ok badamuwa i will try my best in sha Allah,
amma har ga Allah bai so hakan ba,
dan shi a nashi ganin wannan abinda ya shafi rayuwarta da sirrin ta ne,
bai kamata a matsa mata akan lalle sai ta fad'i ba,
yana ganin hakan kamar takura ce, kuma idan akayi mata an shiga hakk'inta.

Area classes ya nufa saboda yana da ajin da zai d'auka a lokacin,
a hanya ya hangi Sanah da Khulud na tahowa amma su kwata-kwata basu kula dashi ba,
hakan yasa Sanah bangazar sa batare data sani ba,
da k'arfi ya hankad'a ta had'i da saurin ja baya,
dan kar jikinta ya tab'a nashi,
tafiya Sanah tayi taga-taga zata fad'i Khulud tayi saurin tare ta,
a hasale ta juyo cike da tsiwa tana shirin zazzage ruwan bala'i,
hard'e hannayensa yayi a k'irji yana jiran jin abinda zata ce masa,
bisa mamakinsa tana sauke ido a kansa tayi saurin ja da baya,
had'i da d'an rusunawa tace " am sorry Sir ban gani ba ne,
tayi maganar kanta na k'asa,
tsaki yayi mtswwwwww had'i da cewa " fool yayi gaba,
bayansa tafi da kallo cike da takaici tace "wicked & stingy man.

Tsawa yayi cak a inda yake had'i da juyowa ya zuba mata idansa,
Khulud tace " mun shiga uku wallahi yaji abinda kika ce,
tayi maganar tana zaro ido waje,
kanta ta duk'ar k'asa batare datace komai ba,
sai da yad'an d'auki lokaci yana kallanta kafin ya girgiza kansa,
ya juya yaci gaba da tafiyarsa,
har ya kai bakin k'ofar class d'in dazai shiga ya juyo,
aiko karaf suka had'a ido cikin na juna,
k'in kawar da idanta tayi shima haka,
a hankali ya motsa bakinsa yace " jackass,
ido ta rufe tana jin k'onar abin har cikin zuciyarta,
Khulud tace " sai mu tafi ko?

Tayi maganar tana rik'o hannunta,
ba musu ta bita kamar rak'umi da akala,
har Sir Moli ya gama koyar da class d'in hankalinsa yana kan kalmar da Sanah ta fad'a masa,
bayan an tashi daga class direct masallaci ya wuce yayi sallar zhur,
kafin ya wuce office d'insa, ya kwanta akan sofa yana tuna kalmar wicked & stingy man,
kai ya girgiza had'i da furta kalmar a fili " wicked & stingy man,
a fili yace " yarinya dole ki biya da kanki,
yayi maganar yana mik'ewa had'i da had'a kayansa,
ya fita daga office ya nufi gida dan kwata-kwata school d'in ma ta fice masa a rai.

Su Sanah kam babu abinda ya dame su,
hankalinsu kwance suke harkokin su,
dan sun san da zai d'au mataki da tun d'azun da akayi abin ya d'auka,
bayan sun tashi daga class, sunje maasjid & dinning hall,,
Hostel suka nufa, Aunty Halan suka iske tana gyara musu kwana,
da sauri suka k'arasa inda take,
Khulud tace " kai Aunty maimakon ki bari muzo mu gyara da kan mu?

"Lah bakomai ai ku k'annena ne,
dan na gyara muku ba fad'uwa nayi ba,
nima k'aruwar kai na ce, tunda lada zan samu,
murmushi Sanah tayi hannuwanta sark'e a k'irjinta tace " Aunty Halan tun da nake a rayuwa ta ban tab'a ganin mutum mai sauk'in kanki da sanyin zuciya irin ki ba,
dariya tayi tace " sai Uludin ki,
dan nasan itama zata iyayin fiye da abinda nayi,
Sanah tace " kai Aunty Halan ni fa?

Tayi maganar cikin shagwab'a tana zumb'uro baki,
Halan tace " ai duk ku biyun nake nufi,
amma fa idan mutum ya daina zafin rai da tsiwa,
dariya Sanah tayi had'i cewa " ai na daina, naji fad'an ku ke da Uludina,
Khulud tace " ina fa kika daina tunda yauma kin kuma,
" na kuma me?

"Ni dai duk abinda nayi aban iya nake ba, kullum nice cikin laifi,
Halan tace " hala yauma ta kuma tsokanar tasa?

Tayi maganar tana cigaba da gyara kwanar,
Sanah tace " au tsokanarsa ma nake yi?

"Sosai ma cewar Khulud, Halan tace " ni ina mamakin yadda Sir Moli yake bala'in d'aga miki k'afa haka,
abin har d'aure min kai yake, gaskiya kina cin sa'arsa, Allah kuma yana d'ora ki a kansa,
dan Sir Moli asalin mugu ne ga bak'ar magana,
dan idan ya fad'awa mutum wata maganar wallahi har gwara ya dake ka,
Khulud tace " ai jiya taga ni da idanta,
ta kuma ji da kunnanta, amma yau tsabar rashin ji ta kuma ce masa wicked & stingy man,
ido Halan ta zaro a tsorace tace " ya kuma ji ta?

"Sosai ma tunda har juyowa yayi ya kalle ta,
dan yama dad'e yana kallan nata,
ido Halan ta zuba mata na wani lokaci,
sannan ta sauke nannauyen  ajiyar zuciya had'i da cewa " Allah ya kyauta,
Khulud tace " Amin,
cikin sanyin murya Sanah tace " Aunty Halan badai fushi kikayi da ni ba ko?

Murmushi Halan tayi had'i da shafa kanta tace " a'a ko d'aya,
kawai dai ina tunanin abubuwa da dama ne, ina kuma tausaya miki ranar dazaki shiga hannunsa,
dan nasan ranar da kika cika shi,
idan ya damk'ek'i kika shiga hannunsa,
wallahi sai an tausaya miki sai buzunki,
baki Sanah ta zumb'uro had'i da cewa " a tausaya mana dai,
Halan zata kuma yin magana Khulud tace " dan Allah Aunty Halan ki kyale ta ki daina wahalar da kanki a banza,
Halan tace " wallahi kuwa, ku tashi kuyi wanka dan yau game za'ayi,
cikin rashin fahimta suka kalle had'i da cewa " game kuma?

"Opss sorry ban sanar daku ba,
duk ranar Friday around 4:00pm na yamma lacture akeyi ta addinin musulunci (wa'azi) ,,
kamar dai yadda kuka gani jiya anyi,
haka duk Saturday & Sunday (weekend),
around 4:00pm na yamma game akeyi,
kamar su basketball,  football, handball & basket ball,
ya danganta da ra'ayin mutum,
Club d'in da yake so nan zai shiga sai yaje wajen shugabar club d'in ta bashi team & group ta kuma sanya sunansa,
baki Sanah ta tab'e kana tace " kuma dole kowanne student sai yayi koda bai ra'ayin yin hakan?

Kallanta Halan tayi cike da mamaki dan tunda take bata tab'a ji ko ganin wanda yace baida ra'ayin yin game ba sai Sanah,
a ranta tace " wannan wace irin yarinya ce mai shegen iyayi da kwainane?

Ta tambayi kanta, taci gaba da gama a cikin ran nata,
wannan yarinya da baud'add'en hali take,
mijinta ya shiga uku yaga ta kansa,
kamar ba yarinya k'arama ba, kwata-kwata bata yin wani abu na yara,
sai na manya kamar rainon tsuhuwa kowacce takai 100yrs a duniya,
cikin murna Khulud tace " kai amma naji mugun dad'i wallahi,
nayi farin ciki, ko ba komai mutum ya motsa jikinsa,
Sanah ta kuma tab'e baki,
tace " ni dai bazanyi ba gaskiya,
Halan tace " aiko dole kiyi dan doka ce mai k'arfi yin game a makarantar nan,
Khulud tace " ni dai ko ba doka bace ina son yi,
kuma tsarin ya burge ni sosai,
Halan tasa su sukayi wanka suka shirya,
jikin Khulud sai rawa yake saboda murna da d'oki
yayinda oganniya keta kumbure-kumbure ita a dole an takura mata,
dan in banda Khulud da dole babu abinda zai kaita wajen wani game,
kansewar basu da club & team yasa basu da kayan game,
sai yau idan sun zab'a shugabar team d'in zata basu kayan,
haka suka fita suka nufi babban filin da aka tanada dan yin wasannin,
Khulud nata murna da farin ciki,
Oga Sanah kam an sha murr an had'e rai murtuk.

Filin wasan ne ya k'ara burge Khulud sosai,
fuskarta cike da murmushi ta kalli Halan tace " wooow masha Allah,
amma gurin yayi bala'in kyau,
an shirya wajen sosai, ga kayan game d'in ma masu kyau,
Halan tayi murmushi tana shafa kanta tace " ai sai ma kin fara wasan,
zaki ji wani nishad'i na shigar ki tako ina,
Halan ta kalli Sanah dake ta ciccin magani,
tayi murmushi had'i da cewa " Oganniya wanne wasan zaki yi?

Had'a idan da sukayi da Khulud ne yasa ta sakin murmushin dole,
tace " anyone ni bani da choice,
kowanne ma yi zanyi,
Khulud tace " wasa d'aya zamuyi?

Sanah ta kalle ta cike da mamaki tace " ke da a tunanin ki daban-danan zamuyi?

"Ko kina tunanin wasa zai raba mu ne?

"Ai team & club d'aya zamu yi,
Khulud tayi murmushi, dama tsokace tasa ta tambayar Sanah,
dan ko cewa akayi dole sai an raba musu team sai dai su hak'ura da wasan,
amma matuk'ar suna raye babu abinda zai iya raba ta da Sanarta,
koya shiga tsakanin su koma meye shi,
Khulud tayi maganar cikin ranta,
Halan ta kalle su tace " to kunga dai nau'ikan wasan sai ku zab'i wanda yayi muku,
Sanah ta kalli Khulud tace " zab'ar mana Ronaldo tayi maganar cikin tsokana,
Khulud tace " baki da ra'ayinki ne Ozil?

Murmushi Sanah tayi tace " ni fa nace kowanne ma yi zanyi,
tunda matsa min akayi dole badan rai na yaso ba,
Khulud tace " to ni dai a tunani na Ronaldo & Ozil football suke yi ko?

Tayi maganar tana juya idanta,
Sanah ta tab'a baki had'i cewa " oho ni na sani,
Khulud zatayi magana Halan tayi saurin cewa " na gaji da jiran ku fa,
ku zab'a na kai ku, ni ma na wuce nawa team d'in,
Sanah tace " Aunty Halan ke  wanne wasan kike yi?

"Football,  ta bata amsa a tak'aice,
Khulud tace " to Aunty Hakan wanda kike yi muma shi zamuyi,
Halan tace " no ba wai abinda wani yake yi lalle shi zaku yi ba,
abinda ran su ke so shi zaku yi,
Ku dai na bin san zuciya ko ra'ayin wani, ku zama masu ra'ayin kan ku a koda yaushe  kun ji ko?

Duka suka amsa da "tom, Hakan ta kuma cewa " to yanzu ku fad'a min wanne kuke so?

Khulud tace " muma football d'in muke so,
tayi maganar cikin sanyin murya,
Halan ta d'an k'ura mata ido had'i da cewa kun tabbata?

Kai suka d'aga mata  alamar eh,
b'angaren da akeyin football d'in ta kai su,
dayake itama tana d'aya daga cikin shuwagabannin team d'in,
babu wani b'ata lokaci aka yiwa su Khulud duk abinda ya dace,
aka basu team & game ware, suka fara wasan,
sosai Sanah taji dad'in wasan dan sai yanzu abin ya fara burgeta yana bata sha'awa,
ba'a kad'a bell ba sai 6:00pm na yamma,
kowacce students ta nufi hostel dan yin alwalar sallar Magrib,
dan makarantar ana koyar da yara addini da ibada sosai,
cikin farin ciki sosai Sanah take tsalle tana cewa Khulud da Halan,
"kai gaskiya tunda nazo makarantar ban tab'a tsintar kai na a farin ciki irin na yau ba,
wasan yayi masifar burge ni, naji dad'in wasan sosai,
tayi maganar tana dariya cike da annushuwa.

Ranar Monday tunda sassafe suka shirya suka nufi assembly,
dan tsoran kar Sir Moli ya tare su dan har yau bai tab'a tare su a late comers ba,
bayan an tashi daga class Sir Moli na office d'insa,
Sir Jeeb ya shigo, hannu Jeeb ya mik'ewa Moli suka gaisa,
bayan sun gama gaisawa ne Sir Jeeb yace " ka tambayi yarinyar nan abin da ke damunta kuwa?

Shaf Sir Moli yama manta da maganar kwata-kwata dayake shi ba mai damuwa da harkokin jama'a bane,
kai ya dafe yana cewa " oh!  na shafa'a ne,
amma kayi hak'uri bari na tura a kira ta yanzu,
murmushi Sir Jeeb yayi kana yace " ok badamuwa dama mahaifinta ne ya kira ni shiyasa nima na tuna,
yayi maganar yana niyyar fita,
Moli yayi saurin cewa " yama sunanta?

"SIYAH ya bashi amsa,
"ok bari na aika a  kira ta yanzu yayi maganar yana k'ok'arin fita,
Jeeb yace " no ka zauna bari zansa a kira maka ita,
"nagode, Moli yace.

Yana daga kwance akan sofa idanuwansa a rufe,
tayi sallama daga bakin k'ofar office d'in,
a dak'ile ya amsa, tare da bata izinin shigowa,
a hankali ta shigo ta durk'usa cikin nutsu ta gaidashi,
ciki-ciki ya amsa gaisuwar, murmushi tayi dan idan da sabo sun saba da halin sa,
har a lokacin idansa a rufe yake,
a k'alla takai wajen 5 minutes batare daya ko motsa ba balle yayi mata magana,
cikin sanyin murya tace " cewa akayi kana kira na,
tayi maganar kanta a k'asa,,
shi ko rasa ta inda zai fara tambayarta abinda ke damunta yayi,
shiyasa yayi shiru baice komai ba,
a hankali ya mik'e ya zauna, gami da zuba mata ido,
ganin yadda take sissine kanta cikin hijab yasa cewa " munafuka, a cikin ransa,
a hankali yace " ke!,
ta d'ago idanta karaf idansu suka sark'e cikin na juna,
tayi saurin kawar da idanta,
ya cigaba da magana " Vice Principal ne yace na kira na tambaye abinda yake damunki,
a hankali ta d'ago kai ta kuma kallansa,
ganin ita yake kallo yasata saurin duk'ar da kanta,
ganin tayi shiru bata ce komai ba yasa shi cewa " ke nake jira fa,
wasu zafafan siraran hawaye ne suka shiga zubo mata,
tasa hannu tana gogewa amma still k'ara zubo mata suke yi,
d'an guntun tsaki yayi kana yace " ke ni fa ba kuka na kira kiyi min ba,
idan kuka zakiyi tashi ki fitar min daga office yayi magana a d'an zafafe,
d'ago idanta tayi da suka gama rinewa ta zuba masa su,
tsaki ya kuma gami da mik'ewa yana shirin barin office d'in,
har ya kai bakin k'ofa yaji tace " zan fad'a maka damuwa ta,
saboda kai ne wanda yafi kowa cancanta daya san halin dake ciki,
a hannunka maganin cutar dake damun ruhi da zuciya ta yake,
amma da farko kayi min alk'awarin babu wanda zaka sanarwa,
tayi maganar cikin sanyin murya,
tsayawa yayi cak yana mamakin kalamanta,
cikin ransa yace " ni ne wanda maganin cutar ta ke hannunsa kamar ya?

"Ni ne wanda yafi kowa cancanta yasan halin data ciki akan wanne dalili?

" Me hakan yake nufi?

Yayi maganar cikin ransa.........

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

6⃣

Ido ya k'ura mata na tsayin lokaci kafin yace " ina jinki,
cikin rawar murya tace " ka zauna,
ba musu Sir Moli ya koma kan sofa ya zauna,
ya karkata gaba d'aya hankali da nutsuwarsa gare ta,
yana sauraren abinda zata ce masa,
hawayenta ta kuma gogewa tare da d'ago kanta a hankali ta zuba masa ido,
cikin muryar kuka tace " ba ni da matsalar komai a rayuwa ta,
tun daga kan ci da sha, da kuma gata,
duk ina dasu, bansan wata matsalar rayuwa ba sai a wannan shekarar da k'addara ta,
ta soma, mahaifana nayi min mugun so kasancewar mu uku suka haifa a duniya,
biyun duk maza ne ni kad'ai ce mace,
hakan ne yasa iyaye na suka d'auki so da k'auna had'i da duk wani burin duniya suka d'ora a kai na,
iyaye na ba talakawa bane, mahaifina yana da kud'i sosai,
shekarar sa takwas (8yrs) yana d'an majalisar tarayya,
kuma..........

Katseta yayi ta hanyar d'aga mata hannu yace " ni duk ban tambaye ki wannan ba,
abinda na tambaye shine meye damuwar data haifar miki da hawan jini?

Yayi maganar cike da k'osawa,
murmushin gefen baki tayi gami da jefa idanta cikin nashi,
kai tsaye tace " SOYAYYA ita ce damuwa ta,
cikin mamaki ya kalle ta gami da cewa " what!?

"Wai kina nufin so shine silar gamuwa da cutarki?

Ya tambaye a k'agauce,
murmushi ta kuma yi kana tace " eh, so shine ya jefa ni cikin mawuyacin halin danake ciki,
ina san mutumin da bai ma san ina yi ba,
bai san a wane hali nake ba, bana kuma san sanar dashi ina san shi da kai na,
saboda bana san zubar da mutunci da k'ima, had'i da darajar da Allah yayi man a matsayi na,
na d'iya mace,
tasa hannu ta goge hawayen dake zubowa daga idanuwanta,
cike da tausayawa halin datake ciki yace " waye shi wanda kike san?

D'ago kai tayi tana kallan sa eyeball  to eyeball,
ajiyar zuciya ta sauke mai nauyi tare da cewa " KAI NE WANDA NAKE SO,
wata mahaukaciyar zabura Moli yayi gami da mik'ewa a tsorace,
"what!?

Ya furta a zafafe, kana yaci gaba " ke ni abokin wasan ki ne?

"Ko kinga nayi miki kama da wanda ban san me nake yi ba?

D'an shiru yayi yana yarfa hannu kana yace " ni zaki rainawa hankali?

Yayi maganar yana nuna kansa,
fashewa da kuka Siyah tayi tana cewa " wallahi Allah da gaske nake maka,
KAI KAD'AI NE DAMUWA TA,
kai me wanda tunda na d'ora ido na a kansa na haukace a san sa,
tun daga kallo d'aya a kuma ranar farko,
kai ne farkon wanda na fara so a rayuwa ta,
a kanka ne na fara sanin meye so,
na kuma fara sanin zafi, k'unci da bala'in so,
akan ka nasha kwana na yini da yunwa,
sanka ya sha hana ni bacci da walwala,
sanka ne yaja na zama kamar mahaukaciya,
dan Allah ka taimake ni kayi min gurbi a zuciyarka.

"Ka taimake ni ka so ni, ko da kwatankwacin irin san da nake yi maka ne,
ka taimaki rayuwa ta, ka cece ni daga fad'awa halaka da musiba,
kai kad'ai zan so har k'arshen rayuwa ta,
kai kad'ai zan iya mallakawa zuciya ta,
kai ne kad'ai wanda nake iya gani nayi murmushi da dariya,
koda ina cikin matsanancin k'unci,
kai kad'ai nake gani naji ni cikin farin ciki da walwala,
ko da ina cikin damuwa da b'acin rai,
kai me hasske na, kai ne ji da gani na,
idan babu kai babu ni,
wallahi idan kace baka so na mutuwa zanyi,
dan nasan k'arshen numfashi da rayuwa ta sun zo,
ta k'arasa maganar cikin matsanancin kuka mai k'ona zuciya.

Ido kawai Moli ya zuba mata cike da tsantsar mamakinta,,
a hankali ta rarrafo ta rik'e k'afarsa,
gami daci gaba da magana cikin kuka,
" ka dubi girman Allah ka so ni,
ka tausayawa rayuwata, wallahi ina cikin mawuyacin hali,
halin da a koyaushe jiran mutuwa ta nake yi,
INA SANKA, dan Allah kai ma ka so ni,
ta k'arasa maganar cikin mahaukacin kuka had'i da kifa kanta akan k'afarsa,
please Sir Moli ka tausayin ka ceci rayuwa ta,
I really love you more & more much,
wallahi kai ne rayuwa ta, dan girman ka so ni,
ta k'ara fashewa da kuka tana rik'e k'afarsa.

Da sauri ya ja baya had'i da zuba mata ido kawai batare daya iya furta koda kalma d'aya ba,
ganin tana k'ara rarrafowa gare shi ne,
yasa shi daka mata gigitacciyar tsawa " ke!!!  dalla tsaya anan,
amma ina bata ma san yayi ba,
dan ta gama makancewa idanta ya rufe ruf,
cigaba da nufarsa tayi, a hasale ya kuma ja baya tare da cewa karki kuskura kizo inda nake,
bama ta saurare shi ba harta k'arasa inda yake ta kuma mik'a hannu zata rik'o k'afarsa,,
cikin b'acin rai yayi ball da ita,
ta fad'a ta baya kanta ya bugi bango,
kanta fashe jini ya fara zuba, kwata-kwata bata damu da ciwon data ji ba,
dan bama tasan taji ciwon ba,
cikin kuka tace " dan girman Allah kayi min gurbi a zuciyarka,
wallahi idan kace a'a mutuwa zanyi,
please ta had'e hannayenta biyu tana rok'onsa.

Shiru kawai yayi yana kallan ikon Allah,
yarinya k'arama har ta san so?

Ta san ta haukace akan son d'a namiji haka?

Mik'ewa ta tayi ta nufe ta shi kanta na zubar da jini,
amma kwata-kwata bata damu da yadda jinin ke zuba daga jikin nata ba,
tana zuwa kusa dashi ta fad'a jikinsa ta rungume shi gami da k'ara saka kuka,
cikin matsanancin b'acin rai da zafin zuciya,
Moli yayi wurgi da ita gefe, kanta ya kuma bugar bango k'ummm,
goshinta ya kuma fashewa, a haukace ta taso tana sake k'ok'arin rungume shi,
wasu kyawawan marika ya shiga zuba mata a jere har guda shida 6,
had'i dayin ball  da ita yayi mata k'afa a bayanta,
ta fad'a kan table d'in dake tsakiyar office,
cikinta ya bugu sosai, ta sulale k'asa cikin mawuyacin hali,
a kanta ya tsaya yana kallanta cike da tsantsar tsana yace,
"ni kuma bana sanki, na tsane ki,
ban zan tab'a sanki ba, bazan kuma tab'a jin ina sanki ba daga nan har k'arshen rayuwa ta,
wallahi ko mata sun k'are a duniya babu abinda zanyi dake,
shegiya 'yar iska fasik'a, kina shiga jikin nawa zaki ce naso ki?

"Nasan iya adadin mazan da kika yiwa haka,
kenan 'yar k'aramar yarinya dake har kin san so?

Kina da 14yrs kin san ki d'orwa kanki cuta mai girma akan d'a namiji,
to ki bud'e kunnenki da kyau ki saurare ni da idan basira,,
ni Moli bana sanki, bazan tab'a sanki ba, bazan kuma aure ki,
da in aure ki gwara na mutu banyi aure ba,
useless girl kawai, k'ananan yara daku amma kun san ku so maza,
shegu, jakai, k'idahumai, lusaran banza,
Allah ya tsare ni da aure ki, ko laifi nayiwa Allah ya hukunta ni da sonki ko aurarki nasan nayi laifi mafi girman gaske.

Murmushin bak'in ciki tayi cike da takaicin zuciyarta na fad'awa san wanda bai san daraja da mutuncin d'an Adam kwata-kwata ba,
ta kalle shi ido cikin ido tace " bakomai nagode matuk'a, amma ka jira sakayyar Allah,,
a bisa wulak'anci da cin zarafin daka yi min akan abinda bani da d'orawa kai na ba,
nima da ina da yadda zanyi da tuni  nayiwa kai na magani,
amma in sha Allah kai ma sai Allah ya d'and'ana maka irin ciwon danake ji,
sai Allah ya jarrabeka da soyayya mai rad'ad'i da zafin gaske fiye da yadda nake ciki,
in sha Allah kai ma bazaka tab'a samun macen dake so ba,
bazaka tab'a mallakarta a matsayin mata ba,
kuma in Allah ya yarda akan idanka kana ji kana gani za'a raba ka da ita,
bawai kuma dan an fi k'arfin ka ba,
sai dan Allah ya d'and'ana maka zafin  rabuwa da masoyi da abinda zuciya ke so,
take mararin samu, kamar yadda nima naji,
da k'unar rashin mallakar masoyi,
kai ma sai kayi zafin rabuwa da abinda zuciya ke so,
da yarda Allah sai kayi kuka akan so,
kamar yadda nima nayi,
sai ka rasa tausayawar kowa,
kamar yadda nima na rasa tausayawa daga gareka,
in sha Allah sai kayi son maso wani,
sai soyayya ta gwara kanka, ta wahalar dakai da wannan bak'ar zuciyar taka,
sai ka d'and'ani zafin rabuwa da masoyi,
ka d'anani zafin da ake ji idan ka cewa mutum kana sanshi yace maka baya sanka,
In Allah ya yarda sai mace ta kalli tsabar idan ka tace maka bata sanka,
bayan ka sanar da ita kana santa,
sai an wulak'anta ka an k'ask'antar dakai,
daga lokacin ne zaka fuskanci meye rayuwa, meye duniya,
ina mai tausayawa rayuwarka a lokacin.

Kum.........
Saukar gigitattun marikan,
dataji ne ya hanata k'arasa maganarta,
tassssssss kauuuuuuu
ya fara janta a k'asa, saboda magaganun data fad'a masa,,
sun kawo shi har wuya, zuciyarsa ta hasala iya hasala,
jin k'irjinsa yake kamar zai kama da wuta saboda tsananin b'acin rai,
duk ilahirin jikinsa kerrrma yake, yana tsuma,
yayinda gumi keto masa yake tako'ina,
mak'ogwaransa nayi masa zafi,
yawon bakinsa nayi masa d'aci,
a k'asa ya fara janta yana nufar k'ofar fita daga staff room,
dai-dai lokacin Sanah da Khulud sunzo shigowa staffroom,
ganin yadda gaba d'aya kamanninsa suka sauya ne yasa Sanah da Khulud saurin ja da baya,
idanuwansa sun koma pure red,
a haukace ya fara dukan ta ba ji ba gani,
ganin yadda yake dukan ta ga jini na fita daga jikinta yasa Sanah da Khulud rud'ewa jikinsu ya d'auki muguwar kerrrma,
dan duk iskancin Sanah bata san abinda zai tab'a lafiyarsa,
sosai Moli yake ball da ita yana surfa mata ruwan ashar,
sosai tsoro yayi bala'in kama su Sanah, har Khulud ta saki fitsari a wando batare data sani ba,
itako Sanah saboda tsabar rud'ewa hannu ta d'ora aka had'i da fasa kuka,
daga Sanah har Khulud duk sun rud'e matuk'a sun fita daga hayyacinsu.

Da sauri Malamai suka taso suka rik'e shi,
dakyar suka iya kwatar Siyah daga hannunsa,
komawa yayi ya zauna akan step d'in shiga staffroom gami da dafe kansa da duka hannayensa,
kasancewar Sanah bata cikin hayyacinta yasa har lokacin kuka take jikinta na b'ari,
Khulud kam saboda tsabar tsoratar data yi ma kasa kukan tayi ita,
sai jikinta dake kerrrma, fitsarin datayi duk ya b'ata mata kaya,
kukan Sanah ne ya fara hawar mishi kai,
a hankali ya d'ago red eyes d'insa ya kalli inda yake jiyo kukan,
karaf idansu suka sark'e cikin na juna shi da Sanah,
ganin yadda idanuwansa suka koma red ya k'ara tsorata Sanah,
tsawa ya daka mata " shut up,
ai tun kan ya k'arasa Sanah da Khulud suka zunduma a guje,
basu tsaya a ko'ina ba sai a hostel d'in su, cikin kwanar su,
Halan na kwance suka shigo da gudu,
duk sun firgice sun fita daga hankalin su,
"Lafiya na ganku haka?

Cewar Halan, magana suke san suyi mata amma dukkan su sun kasa koda furta kalma d'aya ce,
kama su tayi ta zaunar dasu, sannan ta mik'e ta d'auko pure water ta mik'a musu da sauri suka amsa,
jiki nata b'ari suka sha,
sai da ta bari a k'alla sunyi 15 minutes,
ta zabbatar sun dawo cikin hayyacinsu,
nutsuwar su ta dawo normal kana ta kuma tambayarsu,
"wai me ya faru na ganku kun dawo a kid'ime,
kamar wad'anda suka ga mutuwa?

Cikin kid'ima Sanah tace " Sir Moli ne zai kashe wata,
ido Halan ta zaro cike da tsoro,
tace " ince dai baku mishi komai ba ko?

Cikin rawar murya Sanah tace " ai har abada babu abinda zamuyi mishi,
Halan ta tuntse da dariya tana cewa " tab yau Sir Moli ya furgita wasu,
ashe fa baku tab'a ganin b'acin ransa ba ko?

"Baku tab'a ganin yana duka ba ne shiyasa wannan ya d'aga muku hankali,
ai duk wacce ta sake ta kawo mishi wurgi ko ta shiga track d'insa,
ta kad'e daga ita har buzunta,
dan kwata-kwata bashi da tausayi idan ranshi ya b'aci, bak'ar zuciya ce dashi,
wannan dalilin me yasa nake matuk'ar mamakin yadda kike masa abubuwa da dama,
amma yake sharewa yana d'aga miki legs ta k'arasa maganar tana dariya,
Khulud da har yanzu jikinta ke kerrrma yake saboda tsananin tsoro da firgici,
tace " yanzu Aunty muma zai iya yi mana irin wannan mugun dukan?

"Ku a wa da idan kuka cika shi zai kasa jibgar ku?

Tsoro ne ya k'ara mugun kama su,
cikin rawar murya Sanah tace " ai bama zamu cika shin ba,
in sha Allah daga yau na daina yi mishi duk abinda nake yi,
bazan k'ara yi masa fitsara da rashin kunya ba,
daga yau duk abinda yace nayi zanyi,
bazan kuma yi mishi musu da rawar kai ba,
wai idan mu yayiwa wannan jahilin dukan ai mutuwa zamuyi,
Khulud da jikinta har lokacin kerrrma yake ta kasa cewa komai sai ido kawai datake bin Sanah dashi,
cikin sanyin murya Khulud tace " Allah Aunty Halan sai yayi mana irin wannan dukan?

Halan tace " wallahi har fiye da haka ma yana iya yi muku,
muddin kuka kai shi bango, hak'urin dayake yi a kanku ya k'are,
dan idan  ransa ya b'aci, idansa rufewa yake yi ruf,
bashi d.....
fitsarin data gani a jikin Khulud ne ya hana ta k'arasa fad'ar abinda tayi niyya,
ta kalle ta cike da mamaki tace "Khulud fitsari kikayi?

Da sauri Khulud ta kalli jikinta,
dan ita bama tasan tayi fitsarin ba,
Sanah ta kalle ta cike da mamaki tace " Uludi na ya haka?

Khulud tace " wallahi ni bamma san nayi ba,
tayi maganar cikin sanyin murya,
Sanah da Halan suka saka mata dariya,
haushin dariya da suke yi mata yasa ta fashew da kuka,
Sanah tayi saurin mik'ewa taje inda take tsaye ta rungume ta,
tana cewa " yi hak'uri Uludina, ni ce ko?

"Na dai na ban k'arawa, muje na rakaki kiyi wanka, kuma mun b'ata da Aunty Halan bamu kuma yi mata magana.

Hakan tayi dariya tace " Auntyn guda za'a daina yiwa magana?

"Anya kuwa Auntyn ce?

Basu bata amsa ba suka yi hanyar Bathroom suna dariya,
Siyah bayan Malamai sun kwace ta dakyar a hannun Moli,
zubewa tayi a k'asa had'i da fasa fininannan kukan bak'in ciki,
bawai kukan dukan da Moli yayi mata take ba,
kuka takaicin zuciyarta take yi,
da har yanzu tak'i ganin koda laifin Moli ne,
balle ta rage ko ta daina san shi,
sai da tayi mai isarta sannan ta mik'e,
ta zuba mishi ido tana kallansa,
tare da cewa " ita zuciya bata san rashin cancanta ko cancantar abinda ya kamata koya dace da ita ba,
haka k'unci da k'untatawa, muzantawa, wulak'anci,
duk basa hana ta cigaba da san abinda take so,
wallahi nasan koda zaka rink'a kashe ni a kullum ina dawowa,
zuciya ta bazata tab'a koda rage kad'an daga cikin azababban son da take maka ba,
harta juya zata tafi,  ta kuma juyowa tace " ka sani Siyah nayi maka mugun mahaukacin so,
kuma zata cigaba dayi maka wannan son har k'arshen rayuwarta,
nayiwa kai na alk'awarin matuk'ar bakai zan aura ba, babu ni babu yin aure har abada,
idanko har zanyi aure a duniya to ka tabbatar da kai ne wanda zan aura,
idan ba kai bane wallahi Allah bazan tab'a yin aure ba,
har abada har in koma ga mahalicci na,
zan kasance mai jiranka a koyaushe,
a wanne lokaci na rayuwa ta da fitar numfashi na,
kowanne  hours, minutes & seconds,
zan kasance mai dakon jirank.....

A harzuke Moli ya nufe ta....

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

7⃣

Da sauri Malaman suka kuma tare shi,
d'aya daga cikin Malaman ne ya buga mata tsawa "oya get loose,
da sauri tabar wajen jikinta na kerrrma,
dan yadda Moli ya taso ba k'aramin tsotsata ta yayi ba,
a harzuk'e Moli ya koma office d'insa,
ya zauna akan sofa gami da rafka uban tagumi yana tanani,
ji yayi gaba d'aya duniyar tayi masa bak'in k'irin komai ya fita a ransa,
ya kuma fara jin haushin kansa,
dan gani yake kamar rai ni ne yasa Siyah yi mishi haka,
ransa a matuk'ar b'ace ya mik'e ya rufe office d'in ya fita ya bar makarantar gaba d'aya,
kalaman da Siyah tayi na k'arshe su suka bawa sauran malaman damar fahimtar abinda ya faru,
a tsakanin su, Sir Jeeb shiru kawai yayi yana nazarin abubuwa da dama,
shi yanzu yaran ma sun fara bashi tsoro,
duba da abinda ya faru da Siyah,
wato dai idan ya fahimta son Moli take yi,
kuma hakan ne ya haifar mata da hawan jini,
a fili Jeeb ya furta "Ya Salam.

Kwance yake a kan k'atuwar katifarsa,
daga shi sai boxer,
gaba d'aya duniyar tayi masa zafi,
k'irjinsa sai tafasa yake yi yayinda zuciyar keyi masa k'una,
a hankali ya runtse idanuwansa,
yana tuna abubuwan da suka faru,
gami da kalaman Siyah, guntun murmushi yayi, bayan ya tuna wai sai yayi kuka akan soyayya,
sai ya durk'usawa mace, kuma sai ya ruk'i a soshi,
a fili yace " God forbid,
ni har akwai macen data isa nayi duk wannan abin akan ta?

"Ina babu ita, dan ko uwarta ma ba'a haifa ba,
tsoki yaja mtsssssss had'i da cewa " shegiya banlagaza,
tsoki ya kuma ja lokacin daya tuno rungumshin datayi,
yana bin jikinsa da kallan k'ama ,
"yar iska ya fad'a yana furza iskar saman leb'ensa,
tunowa da su Sanah yayi da yadda tsoro yasa Khulud sakin gitsari a wando,
da yadda yaga idan Sanah,
ya tuna yadda take kuka jikinsu na kerrmar tsoro duk sun furgice,
dariya yayi tare da cewa " k'aramar 'yar iska,
shegiya mara kunyar k'arya, ashe iya nan fitsarar taki ta tsaya yayi maganar yana dariya.

Washe gari da kamar bazai zo office ba,
amma kasancewar ya tashi yaji shi so fresh babu wani abinda ke damunsa,
ya sashi shiryawa ya tafi makarantar,
bayan ya shiga staff yayi signing,
ya fito ya nufi area classes,
daga bakin Hostel get ya hangi su Sanah na tahowa,
agogon hannunsa ya duba yaga 8:40am na safe,
komawa yayi ya tsaya had'i da sark'e hannunsa,
Khulud ce ta fara hango shi tsaye ya kafe su da ido,
ai cikin tashin hankali ta tab'a Sanah,
ganin yadda hankalin Khulud yayi masifar tashi lokaci d'aya yasa Sanah cewa,
"Ulud lafiya naga duk kin birkice?

Kasa magana Khulud tayi saboda yadda Moli ya kafe su da ido,
sai da hannun ta shiga nunawa Sanah Moli,
rolling idanuwanta tayi kana ta kalli inda Khulud ke nuna mata,
karaf idanuwansu suka sark'e cikin na juna,
saboda tsabar tashin hankali da firgicin da Sanah ta shiga baya tayi zata fad'i,
da sauri Khulud ta tare ta cikin k'arfin hali tace " my Sanah ki kula karki ji ciwo,
Sanah tace " please tayani duba gaban mu, kamar Sir Moli nake gani ko?

"Ba kama bace shine, cewar Khulud tana k'ifk'ifta idon tsoro,
k'irji Sanah ta dafe had'i da cewa " wayyo yau mun shiga uku,
Khulud tayi kiyi shiru please kar yayi tunanin ko wani mugun abun muke cewa a kansa,
d'if Sanah ta d'auke wuta jin abinda Khulud tace, har suka k'arasa wajensa,
kansu a k'asa suna k'ok'arin wuce shi,
tsawa ya daka musu kana cikin fad'a yace,
" ke dan uban ku zo nan,
sumi-sumi suka nufi inda yake tsaye kan su duk'e,
bisa mamakin Moli yaga Sanah tayi saurin duk'awa bisa gwiwowinta,
duk ilahirin jikin su kerrrrma yake,
ganin yadda jikinsu ke kerrma cike da tsoro ne ya kusa bashi dariya,
amma dayake muskili ne sai ya dake ya k'ara had'e ransa murtuk,
"ku dan uwarku yanzu ne lokacin zuwa class?

Cikin rawar murya Sanah tace " we are sorry Sir,
"cewa nayi yanzu ne lokacin fitowa class?

Ba hak'uri nace ki ba ni ba, amsa nake so,
yayi maganar a tsawa ce,
jikin Khulud na kerrrma tace " a'a, ba yanzu bane,
"ok wato iskanci da fitsara ce tasa ku k'in fitowa da wuri kenan?

Muryar Sanah na rawa tace " a'a ba haka bane, wallahi muna fitowa akan lokaci, yaune rana ta farko da muka tab'a zuwa class late,
tabbas Moli yasan basa makara dan bai tab'a tare su a cikin late comers ba,
"uban me tsaida daku yau?

Khulud tace " school bag d'ina na manta shine muka koma muka d'auko,
"lalle baki d'auki karatun da mahimmanci ba tunda har kike manta school bag kacokan a hostel,
shiru sukayi babu wanda yace wani abu,
yaja dogon tsoki mtswwwww bastard girls,
yayi maganar yana wucewa,
ajiyar zuciya suka sauke da k'arfi,
Sanah tace " Allah yayi mana gyad'ar doguwa,
Khulud tace " yau dai Allah ya kub'utar da mu,
waigowa yayi yaga har lokacin suna inda ya barsu a durk'ushe,
tsawa yayi musu a fusace " dan uban ku bazaku shiga class ba?

Tun kafin ya gama rufe bakinsa sun kwasa a guje sunyi cikin class,
sai da ya gama koyar da duk classes d'insa kana ya koma staff,
office d'insa ya wuce direct ya kwanta akan sofa,
bai dad'e da shigowa ba Sanah ta shigo, staff d'in d'iban chock,
jin taku ya sashi bud'e idansa dayake a lumshe,
ganin Sanah na sand'a a hankali yasa shi mik'ewa ya fita a hankali dan yaga me zata yi,
lek'awa ta fara yi ta window taga ba kowa a staff d'in,
kowanne malami yana class,
ganin haka yasa Sanah sakinF tsoki,
ta shiga staff d'in kai tsaye da takalmi,
har ta d'ebo chock d'in zata fito,
idanta ya sauka akan hular Sir Moli,
dashi kansa ya manta da ita, daya shigo da safe d'azu gaisawa da sauran Malamai ne ya manta ta,
komawa tayi ta aje chock d'in, akan table kana ta d'auki hular ta saka a kanta, zuruf hular ta shige,
"wai wannan mutumin badai ra'asun ba,
ashe k'aton kai gare shi yake yiwa mutane d'agawar banza,
saita hular tayi akanta sosai kana ta tsaya yadda yake tsayawa,
had'i da hard'e hannayenta a k'irjinta kamar yadda yake yi,
ta kwaikwayi maganarsa tace " ku 'yan daba ne?

Ta kuma gyara tsaiwar sosai taci gaba " ku yanzu ne lokacin fitowa class?

Tayi maganar tana duba hannunta kamar yadda yayi a lokacin,
duk abinda Sanah keyi Sir Moli na bayanta yana kallan ikon Allah,
tuntsewa tayi da dariya sosai  ja'irin yaro mai girman kai da fad'in rai,
ta kuma gyara zaman hular akanta,
ta saka dariya , tana cikin dariyar ta d'ago kai,
aiko d'ago kan da zatayi karaf sai cikin nashi,
a fili Sanah ta furta " innalillahi wa'inna ilaihirraji'un,
iya rud'ewa da firgice Sanah ta shige shi,
hankalin ta yayi mak'urar tashi,
tsoro yayi masifar kamata, lokaci d'aya duk ilahirin jikinta ya d'auki kerrrrma,
ganin babu sarki sai Allah yasa Sanah fara kuka, tana ja baya zata cire hular kanta.

Sosai Sanah take kuka kamar ranta zai fita
shiko yayi shiru gami da tsura mata ido batare dayace komai ba,
durk'usawa Sanah tayi a k'asa bisa gwiwowinta ta shiga bashi hak'uri had'i da rok'onsa tana kuka,
"dan Allah kayi hak'uri ban k'arawa,
Allah yauma tsautaayi da k'addara ne,
ka tausaya min idan ka dake ni mutuwa zanyi,
baya ya ja a hankali had'i da cewa kina so na kyaleki?

Da sauri Sanah ta d'aga kai had'i da cewa "eh,
"to sai kin maimaita duk abinda kikayi da abinda kika fad'a kana na rabu dake ki fita salin alin,
ido Sanah ta zazzaro waje cikin tashin hankali,
yace " eh,
inba haka ba sai nayi miki irin dukan da kikaga nayiwa Siyah,
ai Sanah najin yace zayyi mata irin dukan da yayiwa Siyah tsoro ya k'ara kamata,
kerrrmar jikinta ta k'aru,
jikinta na rawa ta d'auki hular ta mayar kanta ta gyara tsayiwarta,
ya kalle ta yace " oh! dama haka nake tsaiwa?

Tayi shiru,  yace "cigaba,
hannayenta da sark'e a k'irjinta,
yace " uhnnn ashe haka nake yi?

"Dama k'are min kallo kike yi?

"Duk abinda nake yi idanki na kai na ashe ni ban san sani ba,
kanta ta duk'ar k'asa, tana kuka,
yace " cigaba,
jikita na kerrrma ta soma maimaita duk abinda tayi,
da tazo wajen data ce ja'irin yaro sai tayi shiru,
ta sunkuyar da kanta,
yace "cigaba mana ke nake jira,
cikin sanyin murya tace " dan girman Allah kayi hak'uri,
yace " ashe rashin kunyar taki babbace?

Da ina tunanin k'arama ce ashe ta wuce tunani da sani na,
tun da harta kai daki d'auki suturar Malaminki ki saka kina kwaikwayonsa,
yanzu Sanah ni kike kira da ja'irin yaro?

"Fitsarar ki har ta haka?

"Gaskiya duk da ban san daga irin gidan da kina fito ba,
nasan gidan ku babu tarbiya, babu ganin girman na sama,
babu bawa babba daraja da k'imarsa,
saboda charity's begin at home,
tarbiyya tana farawa ne daga gida,
idan kana san sanin hali da tarbiyyar gida,
Bahaushe yace ka kalli d'an gidan,
gaskiya iyayenki sun cuce ki da suka kasa baki ingantacciyar tarbiyya,
duk mijin daya aureki ya shiga uku yaga ta kansa,
mijinki ya banu, yana shirin ganin ikon Allah,
dan nasan sai ya kwana yana la'antar iyayenki,
kukan bak'in ciki da takaicin cin fuskar da Moli yake yiwa iyayenta da ahalinta kawai take yi,
dan da wad'annan maganganun har kwara ya kashe ta,
amma k'iri-k'iri ba kunya babu kara da kawaici yana jefan iyayenta da munanan maganganu,
kodan ba laifin shi bane laifinta ne data zama d'an kuka,
mai jawa uwarsa jefa,
sosai Moli ya zage ya rink'a gasawa Sanah maganganu masu zafi san ranshi,
har ya gaji,
sai da ya gama kana ya kalle ta yace " jeki kira min Era, yanzu,
jikinta a sanyaye ta fita, yabita da kallo,
bata jima ba suka dawo tare da Era,
a office d'insa suka iske shi kwance,
idansa rufe, batare daya bud'e ido ba,
yace " kije da yarinyar nan ki bata hora mai tsanani,
cike da mamaki Era ta kalle shi,  ta kalli Sanah dake duk'e sunkuye da kai,
bai bud'e idan ba, yace " ba magana nake yi miki ba?

Jiki na rawa Era tace " ok Sir, I will by God grace,
tayi maganar tana mik'ewa cikin murna da matsanannacin farin ciki,
saboda tsabar murna jikin Era har rawa yake,
dan tasan dole zata fanshe abinda Sanah tayi mata,
itace mutum ta farko data fara karya mata alk'adari, ta zubar mata da mutunci,
dan da a baya har mate d'inta tsorarta suke ji,
amma banda yanzu,
dan haka take ganin kamar wannan wata dama ce da Allah ya kawo mata,
da zatayi amfani da ita wajen dawo da martabarta data rasa,
ta kuma ganawa Sanah azaba mai matuk'ar rad'ad'i,,
jikin Sanah a sanyaye ta mik'e babu wani alamar tashin hankali ko tsorata a tattare da ita,
har sun kai bakin k'ofa suka ji yace " karki sake ki tab'a lafiyarta,
dan bance ki dake ta ba, kuma duk huran da zaki ba ta iya nayau ne kad'ai,
daga yau naji kin kuma bata huro......
shiru yayi had'i da cije leb'ensa na k'asa,
jikin Era a sanyaye ta fita dan ba haka taso ba,
shi kuma dama yace Era ne dan yasan har yanzu da haushin Sanah a ranta yasan zata bata bak'ar wuya.

Direct toilet Era ta wuce da Sanah ta kalle ta a Wulak'ance,
tace " na baki nan da 15 minutes ki tabbatar kin wanke su tass,
Sanah ta kalli Era tace " to ruwa da omo fa?

Hannu ta d'aga da niyyar kifawa Sanah mari,
Sanah tayi saurin rik'e hannunta,
had'i da cewa " la la ina tunanin a cikin jerin horon babu duka ko?

"Kuma in ba mantawa nayi ba kamar har kashedi yayi miki akan karki sake ki tab'a lafiya ta ko?

Tayi maganar idanta tarr cikin na Era,
had'i da yarfar da hannun Era da k'arfi gefe,
a fusace Era ta juya zata tafi Sanah tayi saurin cewa " bafa ki ban ruwa da omo ba,
dan haka kina iya dawowa ki ta tadda so yadda kika barsu,
kamar Era bazata jiyo ba, sai kuma ta tuni da halin Sir Moli,
dakyar Era tace " ruwa yana famfo,
omo kuma kiyi amfani da toka,
duk abinda ke faruwa tsakanin Sanah da Era Moli na kallan su ta window,
kai ya girgiza had'i da cewa " majahulil hali.

_ni ko nace kamar dai yadda tace maka itama_

Kallan tazarar dake tsakanin toilet d'in da famfon tayi,
taga tazarar rayi ta rabin 1km,
kuma kowanne toilet zai ci ruwa bucket 10,
ga toilet d'in a k'alla sun kai 50,
ajiyar zuciya ta sauke kana ta d'auki bucket ta nufi tanker,
har aka tashi daga class Sanah bata gama wanke toilets d'in ba,
sai kusan 3:00pm na rana kana ta gama wanke su, Khulud na can tana ta bulayin neman Sanah,
lungu da sak'o amma ta rasata,
hankali tashe taje wajen Halan ta sanar da ita halin da ake ciki,
itama hankalinta yayi masifar tashi matuk'a,
Halan ta kalli Khulud tace " ina tace miki zata je?

Khulud tace " Uncle d'in mu ne ya aike ta staff d'iban chock tun daga nan ne nata dawo ba,
cikin kid'ima Halan tace " Allah dai yasa ba wani abun ta kuma yiwa Sir Moli ba,
ido Khulud ta zaro a tsoro ce, tare da cewa " please Aunty muje mu gani to,
ba musu Halan ta zari hijab suka fita, staff suka shiga suka duba amma babu ita babu alamarta,
Halan tace " zo mu zagaya ta bayan staff mu gani ko tana nan,
aiko suna zagayawa Khulud ta hango ta zaune kan bucket,
tana 'yan wak'e-wak'enta na fitsara tana yiwa Era habaici cikin wak'ar,
da sauri Khulud ta nufe ta tana cewa " lafiya meya faru my Sanah?

Halan ma da sauri ta nufe ta,
suka shiga tambayarta abinda ya faru,
bata b'oye musu komai ba, ta fad'a musu duk abinda ya faru,
tun daga farko har k'arshe,
kuka Khulud ta saka tana cewa " dama sai da nace miki ki fita harkar mutumin nan amma kika k'i ai ga irinta nan,
Sanah tace " kinga tunda akayi abin nan hankali na a kwance yake,
amma yanzu kinzo zaki d'aga min hankali da kukan ki,
Khulud zatayi magana Eta ta k'araso wajen tana hura hanci,
da sauri Halan da Khulud suka tare ta,
suka shiga bata hak'uri suna rok'onta akan ta kyale Sanah amma fur tak'i,
daga k'arshe ma noma ta kuma saka Sanah da hannu,
Khulud zata taya ta Era ta hana ta taya ta,
tace " wallahi idan kika tayata sai na kuma k'ara mata wata azabar,
Sanah tayi dariya had'i da cewa " wai azaba, ai babu wanda ya isa ya azabtar da d'an Adam face Ubangijin daya halicci abinsa,
Era bata kula ta ba ta juya tayi tafiyarta,
Khulud da Halan suka bi bayan Era,
babu irin hak'uri da rok'o gami da ban bakin da basu bawa Era ba,
amma tak'i hak'ura.

Sosai Era ta bawa Sanah wuya da duk taurin kanta sai da tayi laushi,
Era bata kyale Sanah ba sai 10:30pm na dare,
jikin Sanah duk yayi la'asar saboda bak'ar wuya amma har a lokacin bakinta bai mutu ba.

Bayan sati d'aya da faruwa al'amarin,
Sir Jeeb ya aiki Sanah dataje office d'in Sir Moli ta kira masa shi,
tunda aka yi abun daga Sanah har Moli babu wanda ya k'ara ganin wani,
da sallama ta shiga office d'in kanta a k'asa kamar mumi na,
Sir Moli nakan sofa yana kallanta amma yak'i yin magana,
jin shiru ba'a amsa sallamar ba yasa Sanah tad'o kanta,
ganin ba kowa yasa ta ware ido ta shiga dube-dube ko zata ganshi,
amma kwata-kwata hankalinta bai kai kansa ba,
takalminsa data hango a bakin gefe tasa hannu ta jawo,
ta d'aga su sama tana kallo gami da cewa " fasa zurmi badai kofatai ba,
idanta ne ya sauka akan hularsa da agogonsa dake kan table,
da sauri ta mik'e ta k'arasa inda suke,
ta d'auki hular tace " wai akan wannan banzar abar aka ban bak'ar wuya ko?

Ta tambayi kanta, tsoki tayi tasa hular akan ta,
jin hular ta shige zuruf cikin kanta ne,
yasa ta cewa dad'i na dashi badai ra'ason ba,
ta saka hular sosai akan ta, ta zura takalmi da gogonsa,
ta gyara tsaiwarta sosai tace " ranar nan hula kawai na saka aka kusa aika ni k'iyama,
aka zage ni tassss aka jefi iyaye da ahali na da bak'ak'en maganganu,
to yau nasaka har da takalmi da agogo sai a kashe ni idan an tashi,
wai harda cewa mijikin ya shiga uku,
yana shirin ganin ikon Allah tayi maganar tana kwaikwayon sa,
kai ba'ace maka matarka ta shiga uba sai kai zakace mijin wani,
ya shiga uku yaga ta kansa, 
wallahi duk matar data auri wannan taga bani da arkani,
taga izajar rayuwa,
mai baud'add'en hali kawai,
majhulil hali,
duk abinda Sanah keyi akan idan Moli,
dan tashi ma yayi daga kwancen ya zauna dangwar-gwar yana kallan abinda yafi k'arfinsa,
ya girmewa saninsa da tunaninsa,
cike da tsantsar mamaki da al'ajabi,
a hankali ta cire hula da agogon ta mayar dasu yadda suke,
kamar babu wanda ya tab'a, haka ma takalmin ta juya zata fita,
jiyo muryarsa tayi yana cewa " har kin gama iskancin da fitsarar?

Cak ta tsaya a inda take had'i da runtse idanta ta cije hak'oranta........

MOMYN ZARAH
_*RASHIN SANI.......*_

*HAUWA A USMAN*
        _JIDDARH_

```Wattpad:HauwaAUsmanjiddarh```

8⃣

Cak ta tsaya a inda take had'i da runtse idanta ta cije hak'oranta,
a hankali tace " Subhanallah yauma rana ta b'aci,
murmushin takaicin halayyar yarinyar yayi kana yace " zo nan!
a slow ta juyo kanta a duk'e a k'asa tana murza hannayenta,
"zo nan nace,
yayi maganar a d'an hasale, a hankali Sanah ta d'ago kanta,
ta kalle shi, ganin yadda launin idansa ya canja kala zuwa red,
ne yasa jikinta d'aukar kerrrrma,
gaba d'aya yanayinsa da kamanninsa sun sauya,
take tsoro yayi masifar kamata,
jikinta ya d'auki rawa da tsuma,
a tsawa ce yace " ba magana nake miki ba dan ubanki?

Cikin kerrrmar jiki Sanah taje gabansa ta tsuguna had'i da fasa kuka,
dan tasan yau kashinta ya bushe,
takai a k'alla 10 minutes durk'ushe a gabansa ya zuba mata ido batare dayace mata komai ba,
kallanta kawai yake cike da tsantsar mamaki da al'ajabin halinta,
na taurin kai da dakewar zuciya,
tunda yake a duniya bai tab'a yarinya irinta mai shegen rawar kan tsiya da rashin jin magana irin ta ba,
ashe matar da zan aura taga bani da arkani?

Cigaba tayi da kukanta batare datace komai ba,
"me ma kikace d'ayan?

"Yauwa taga izajar rayuwa ko?

Ya kuma tambayar ta, k'ara k'asa tayi da kanta,
tana cigaba da kuka,
"mai baud'add'en hali, ya maimaita yana girgiza kansa,
idansa na kanta yace " wanne irin baud'add'en hali ne dani?

Bai bari tayi magana ba yaci gaba,
meye ma'anar majhulil hali?
yayi maganar cike da rainin hankali,

Ya kuma tambayarta,
to yanzu dai da farko meye ma'anar bani da arkani, da izajar rayuwa?

Shiru tayi batace komai ba, ganin bata da niyyar yin magana ne,
yasa shi daka mata tsawa had'i da cewa " ke dan kan uwarki badake nake ba?

Yayi maganar cikin zafin rai,
yadda yayi maganar ya k'ara firgitata sosai,
jikinta ya k'ara cigaba da kerrrmar da yake yi,
a tsorace tace " bani da arkani yana nufin bala'i da masifa,
"a wanne yaren?

Ya kuma tambayar ta,
cikin kuka tace " Sokkotanci,
"ke basakkwaciya ce?

Kai ta girgiza masa alamar a'a,
"magana zakiyi min dan ubanki kamar yadda nake yi miki magana nima,
ko finki bakin magana nayi?

" A'a,

yace " shegiya mara kunya fitsarariya,
kin iya zagewa kiyi rashin kunya da tsiwa san ranki,
amma da kin shiga hannu sai ki fara kuka,
ga rok'o da ban hak'uri kamar a bakin ki aka saukar dasu,
kince ke ba Basakkwaciya bace,
to gidan uban wa kika iya sakkwatanci?

"Ko wajen rawar kai da fitsarartaki kika iya?

Yayi magana duk a lokaci d'aya,
cikin muryar kuka tace " a'a nima ji nayi ana fad'a,
" wajen ubanki kika ji yana fad'a?

Tace "a'a bakin wata 'yar ajin mu, ita 'yar Sokota ce,
zama ne ya su Kano,
"ke 'yar Kano  ce?

Ya kuma tambayar ta,
"eh tace,
"ok meye ma'anar izajar rayuwa?

"Taskun rayuwa, ta kuma bashi amsa,
" shi kuma wannan a wanne yaren ne?

"Larabci tace masa,
"oh dama ke Balarabiya ce?

"A'a tace cikin sanyin murya,
ya kuma cewa " wanne yare ce ke?

Fulani ta bashi amsa, ido ya zaro had'i da cewa " what!?

Tace " eh kakana har yanzu baijin Hausa sosai,
koyaya yayi magana saika gane ba cikekken Bahaushe bane,
yace " haba no wander kike irin wannan iskancin,
ai dama duk wani mugun hali Fulani sun had'a shi,
sune Kidnappings, Robbery, mugunta da k'eta,
ba mamaki dan kinyi irin wad'annan k'ananan halayen,
da wuya a kama Kidnapers ko Army Robbers babu ku a ciki,
kallansa tayi tana mamakin yadda yake d'ebewa fulani albarka,
dan ita a tunaninta shima Bafulati ne,
musamman data ganshi fari sol ga gashin kansa,
a kwance luf kamar na Larabawa,
tace " kai ba Bafulata ni bane?

"Allah ya kike yace da sauri,
ya d'ora da,
Allah ya tsare ni da zama Fulani,
   ko kinga nayi miki kama da Fulani?

"Eh tace, yace "dayake kinganni fari ko?

"Ku dayake babu fari mai kyau a duniya sai ku,
"ai munfi yawa ne shiyasa da an ganka fari mai kyau ake cewa Bafulatani ne,
kuma kasan abinda yafi....
shiru tayi ganin irin kallan dayake mata,
kallanta yayi yace " shegiya kuna bayin mu amma kina min fitsara,
da sauri ta kalle shi, yace " eh ko Fulani ba bayin Barebari bane?

Sai yanzu ta gane shi Bababbare ne,
cike da mamaki ta kalle shi tace " kuma ya na ganka fari?

"Au dama Barebari babu farare?

"Eh Kakana yace min duk bak'ak'e ne, kuma masu k'aton kai da balle,
duk abi a cika musu fuska da tsagu tun suna yara,
gasu da san girma da fad'in rai,
kuma yace min Barebari bayin Fulani ne,
"tab Moli yace, amma ko zanso naga Kakan nan ki,
"saboda me?

Ta tamabaye shi,
yace " saboda ba gaskiya ya gaya maki ba,
tunda gashi kema yanzu kinga tabbas da idanki,
tunda kin ganni fari kuma babu tsagu,
murmushi tayi tana goge hawayenta,
danta gano d'an adawa ne yanzu,
dama Ganez yasha fad'a mata akwai zolaya da tsokana,
tare da wasa da dariya a tsakanin Fulani da Barebari,
tace " ai my Ulud ma.....
da sauri ya kalle, ido ya zuba mata na wani lokaci yana tunani had'i da sak'a abubuwa da dama a ranshi,
Allah kad'ai yasan meyake tunanin,
a hankali ya sauke ajiyar zuciya ya murtuke fuska sosai kamar bai tab'a dariya ba,
fuskarsa kwata-kwata babu annuri,
Sanah na ganin haka jikinta ya soma kerrma,
tsoranta ya dawo sabo fil,
dan tasan andawo maganar laifinta,
tunda taga ya koma asalin Moli,
ya kalleta yace " yauwa dama kince kin saka hular kawai an kusa kashe ki,
ta yanzu kin saka har da takalmi da agogo a kashe ki ko?

Yayi maganar yana kallan kwayar idanta,
kuka ta saka sosai had'i da cewa " dan girman Allah kayi hak'uri,
Allah ban k'arawa, kayiwa darajar Annabi Muhammad S.A.W,
ka dubi darajar iyayenka dan Allah da Annabi,
dan darajar mahaifiyar ka kayi hak'uri ,
tayi maganar tana ci gaba da rikitaccen kuka,
ido ya runtse da k'arfi had'i da komawa kan sofa ya kwanta,
dan ko kashe shi aka ayi, aka had'a shi da girman Allah,
darajar Annabi da mahaifiyar sa,
sai ya hak'ura, duk girman laifin da akayi masa,
muddin aka yi masa wannan magiyar dole ya hak'ura,
amma da yaso ya d'and'ana mata kud'arta,
yaso tayi kuka har sai ta gaji da kuka,
amma taci darajar Allah da Annabi da mahaifiyar sa data had'a shi da su,
taje idan halinta ne zata k'ara,
yayi maganar cikin ransa, cikin kuka Sanah ta kuma cewa,
" wallahi Allah nayi maka alk'awarin ban k'ara yin wani laifin har in bar makarantar nan,
in sha Allah, Allah bama kai ba ko wani Malamin ka kama ni na kuma yi masa laifi,
kayi min duk abinda kaka dama,
a hankali ya bud'e idansa ya sauke su a kanta yace " kin tabbata?

Da sauri tace " Allah,
ya kuma cewa " ke da kanki kika ce duk abinda naga dama nayi miki ko?

Ta d'aga kanta,
yace " to ki rik'e wannan a ranki,
tace " to, in sha Allah ma bazan kuma ba,
yace " tashi kije,
da sauri jikinta na rawa ta mik'e ta fita har tana tuntub'e,
yabi bayanta da kallo,
had'i da cewa " evil girl,
sarai Sanah taji abinda yace amma ko juyowa bata yi ba.

Sir Jeeb gajiya yayi da jira yayi tafiyarsa,
dama cikin garin Roni zasu  siyan abinci,
shiyasa yasa a kira Moli ko yana da sautu,
sanda ta koma class har an tashi,
dan haka ta wuce hostel, a tsaye ta iske Khulud tana safa da marwa,
idan Halan ne ya fara sauka a kanta,
da sauri Halan tace " Sanah daga ina kike, ina kika je?

Da sauri Khulud ta juya  ta kalli inda Halan ke kallo,
ido kawai ta zubawa Sanah tana kallanta,
a hankali Sanah ta duk'ar da kanta k'asa,
tana wasa da 'yan yatsunta, Khulud tace " yauma laifin kika kuka yi masa ko?

Tayi maganar idanta na kanta,
cikin sanyin jiki Sanah ta d'aga kanta,
alamar eh, Halan tace " yau kuma me kika yi masa?

Cikin sanyin murya tace " irin na last week,
ido Khulud ta zaro a tsorace tace " yauma hular tasa kika kuma sawa?

"Na yau yafi haka ma,
Halan tace " yafi haka ma kamar ya?

"Yau har da takalmi da agogonsa na saka bayan hular,
Khulud da Halan suka zaro ido had'i da cewa " me!?

A lokaci d'aya sukayi maganar,
cikin sanyi Sanah ce " eh Allah,
Halan tace " yau kuma dawa ya had'aki ta baki punishment d'in?

Khulud tace " wanne irin punishment aka baki yau?

" Dan nasan na yau sai yafi na last week,
shiru Sanah tayi kanta a k'asa,
cikin tashin hankali Halan da Khulud suka ce " mai matuk'ar wuya aka baki yau ma ko?

Baki ta tab'e kamar zatayi, Khulud ta runtse idanta da k'arfi,
Sanah ta buga tsalle had'i dayin ihuuuu,
tace " yau kam naci mubus,
Halan da Khulud suka had'a baki wajen cewa " bulus kamar?

"Tana dariya ta fad'a musu duk abinda ya faru a tsakanin su,
Halan cike da mamaki ta tsaya tana kallan Sanah,
cikin ranta tace " yau Sir Moli ne ya tsaya da wata d'aliba sukayi magana haka?

Bayan tayi mishi laifi mai girma irin haka,
har ya tsaya yana fad'a mata yare da jinsa sa?

Rasa abin cewa tayi saboda tsananin mamaki,
shiru kawai tayi ta k'urawa Sanah ido,
Sanah tayi murmushi kana tace " Aunty Halan lafiya, wannan kallan fa?

Tayi maganar cikin shagwab'a,
Halan tayi dariya had'i da cewa " wallahi ina mamakin wannan abu ne kawai,
gaki yarinya k'arama ba babba ba balle ace ko sanki yake,
Khulud da Sanah suka had'a baki tare suka ce " SO!!!?

Murmushi Halan tayi had'i cewa " eh mana,
zasu kuma yin magana Halan tace " ban san yawan surutu ku tashi kuje kuyi wanka,
kuci abinci ku tafi karatu kun san dai ranar Monday za'a fara exam ko?

"Eh duk suka ce, kana suka mik'e suka fita,
sosai Sanah da Khulud suka dage da karatu baji ba gani,
ko baccin kirki basu samu har sai da aka gama Exam kana Halan ta sarara musu,
dan hana su sakat tayi da karatu,
Sanah ta d'auki 1st result Khulud ta d'auki na 2rd,
dama haka abin yake tun suna primary school,
Sanah ke d'aukar na d'aya Khulud na biyu,
Ranar Friday ta kama ranar hutu duk d'alibar daka gani cikin murna da matsanannacin farin cike take,
kasancewar ranar duk wani d'an boarding school zai samu 'yan cin kai,
ranar zasu koma gida su sadu da dangi da iyayensu,
ana gama assembly bankwana,
students d'in suka fara watsewa dan komawa hostel ,
dan makarantar akwai tsaro sosai basu sakin yara sakaka,
kamar dabbobi su fita ranar hutu,
dole sai anzo d'aukar d'aliba sannan zata fita,
koda a cikin garin Roni kike wanda gangarawa kawai zasu yi,
amma doka ce dole sai an zo d'aukar d'aliba,
wanda yazo d'aukar yaje ya bada sunanta da sunanshi,
yayi signing,
an kira d'alibar dayazo d'auka an tambaye ta sanshi,
an tabbatar akwai dangantaka a tsakanin su sannan za'a bashi ita,
idan Sir Moli ya sauka akan Sanah da Khulud,
"ke ku zo nan, ya kira su,
jiki na rawa suka k'araso suka zube a gabansa,
hannu ya mik'a musu alamar su bashi result d'in su,
dake rik'e a hannunsu, ba musu suka mik'a mishi ya amsa ya bud'e yana dubawa,
na Sanah ya fara gani ya d'ago kai ya kalle ta yace,
"ashe dai ba laifi, ba iskancin kad'ai bane,
ana fahimtar karatu,
sunkuyar da kanta tayi k'asa batare datace komai ba.

Na Khulud ya bud'e, ganin na biyu yasa shi had'e fuska yana kallan Khulud,
kanta ta sunkuyar k'asa,
"ke ya akayi wannan ta fiki k'ok'ari?

Cikin sanyin murya Khulud tace " dama haka muke d'auka tun daga primary,
rai ya k'ara had'ewa kana yace " to nan ba Primary school bane,
Secondary school ne, dan haka ki dage sosai,
kema ki fita, dan so nake ki zarce ta komai a rayuwa kinji ko?

Shiru tayi batare data ce komai ba,
tsawa ya daka mata had'i da cewa "ba magana nake da ke ba?

Jikinta na rawa tace " bana fatan Allah ya bani abinda zanfi Sanah a rayuwa,
duk abinda zaizo mana na cigaba da k'aruwa ina fatan Allah ya bamu tare,
ina addu'a ina rok'on Allah, kada ya bani ikon mallakar abinda Sanah bazata tab'a samun abinda ya fishi ba,
idan ko har zan samu ina addu'ar Allah ya sanwantar dashi,
daga gare ni ya bata,
a d'an tsorace Moli yace " ke kina da hankali kuwa?

"Sosai tace had'i da d'aga kanta sama ta kalli al'arshe tace " ina fata Allah da Mala'iku su zama shaida,
akan abinda na fad'a yanzu, koma miye a duniya muddin na samu abinda Sanah bazata samu mafificinsa ba,
Allah ka kwace shi daga gare ni ka bata,
ka mallaka mata shi mallakawa ta har abada,
koda tare da rai na da rayuwa ta ne,
shiru Moli kawai yayi yana kallan su cike da mamaki,
dakyar ya iya mik'a musu result d'in tare da cewa " ku tashi ku je,
suka mik'e a tare suka bar wajen,
ya bi bayan su da kallo yana jinjina abin a ransa.

Hango Yayyan su Zafran da Ziyad da sukayi tsaye,
yasa rugawa a guje suka fad'a jikin su,
kowa ya d'aga d'aya sama suna dariya,
batare da b'ata lokaci ba aka sallami su Sanah,
a Hard'o Family kowa ka gani cike yake da murna da farin cikin ganin Sanah da Khulud,
an shirya musu abinci kala-kala na tarbar su,
Sanah sai zuba surutu take tana bada labarin boarding school,
yayinda Khulud tayi shiru tana tunani,
wanda ita kanta bata san tunanin me take yi ba,
haka nan kawai ta tsinci kanta a cikin k'unci da kewar dabata na meye ba,
Sanah ta kalli Khulud tace " muje na raka ki, ki kwanta,
kasancewar a gidan su Sanah suka sauka,
Khulud tayi dariya tace " a boarding school ma bamu rabu ba balle a gida,
daga yau har muyi AURE a part d'aya bedroom d'aya zamu rink'a kwana,
daga yau bedroom d'in mu ya dawo d'aya,
cikin murna Sanah ta kalli Abbu da Mamu (iyayenta Hamraz & Hassana) tace " Abbu kaji wai Khulud ta dawo nan,
dariya yayi yace " sai aji dad'in k'iriniya ba,
Mamu tayi murmushi tana jawo su jikinta ta rungume tace " Allah ya barku tare,
Ubangiji ya k'ara had'e mana kanku,
duk suka ce Amin,
Khulud tace " raka ni na kwaso kaya na daga part d'in Juju da Dide (iyayenta Rawan & Usaina),
Mamu tace " ku bari mana sai gobe da safe,
"a'a suka ce tare,
Abbu yayi dariya had'i da cewa " maza a dawo lafiya.

A parlor suka iske Juju da Dide,
da gudu suka fad'a jikinsu Sanah tace " albishirinku, Dide da Juju suka amsa da "goro suna dariya,
kasancewarsu masu sauk'in kai da wasa da dariya,
Sanah tace " my Ulud yau zata bar part d'in nan,
Dide da Juju suka cewa " zuwa ina?

Sanah tace " zuwa part d'in Abbu da Mamu,
dariya sukayi, Juju tace " Allah ya raka taki gona, kuje can ku k'arata kuda Mamunku,
ni nama huta, Sanah tace " au dama an gaji damu?

Dariya suka kuma yi, Abbu yace " ku dai da Mamu kusan halinta,
suka yi dariya suna shiga d'akin Khulud,
Dide da Juju suka ce "Allah kabar min kan yaran nan a had'e har abada,
Ubangiji karka kawo sab'ani a tsakanin su,
suka amsa da "Amin lokacin da suke fitowa,
ko tsinkenta basu bari ba, sai da suka kwashe komai, suka mayar dashi d'akin Sanah,
tun daga wannan rana Khulud ta koma part d'in su Sanah,
suka koma bedroom d'aya kansu ya k'ara had'ewa shak'uwa  da sabo mai k'arfi ya k'ara shiga tsakanin su.

Share this

WhatsApp