BALLAGAZAR MACE Page 1 to 10

Tunda na jefa k'afata a cikin gidan na ke ta Karo
da kwanika, ga sunan birjik a tsakar gidan, ba
wanki, tamkar kwanikan da mutanen gari suka
ci abinci, saboda tsananin yawansu,kuma abun
da ya dad'a d'auremun kai, gurin da aka zuba
kwanukan kwata_kwata bai yi kama da wurin
wanke_wanke ba, cikin 2mints na k'arewa gidan
kallo.
Madaidaicin gida ne, wanda kana shigowa za ka
tarar da parking space wanda aqalla ya ci
motoci hud'u, sai parlour d'auke da 4 bedrooms,
kitchen, toilet and store.
Sai da muka shiga parlourn, na lek'a kitchen sai
na ga ashe kusan duk kayan kitchen d'in ne a
waje ba wanki.
Na juya na kalli sister maryam da muka je tare,
na ce
"an ya kuwa nan ne gidan amarya da ko wata
bata yi a gidan miji ba??
Maryam ta ce "nan ne don nan ta kwatanta mun
da ta shiga lokacin ba kya nan".
Ban gama mamaki ba kuwa sai ga ta ta fito,
tana washe ba ki, ta ce "maman Twins ashe ke
ce a gidan na mu, ku shigo mana"
Murmushi na yi, na ce "eh Amarya, ai sister na
ta ce kin zo har sau biyu ba ki same ni ba shi
yasa na ce bari na lek'o".
Soshe_soshe ta fara kamar wadda ba ta yi
wanka ba, tana fad'in "eh wallahi, zaman ne
mutum d'aya ba dadi, shi yasa na ke so mu
saba dake, tunda ni dai anguwar nan ban San
kowa ba, kad'aici duk ya dameni, kin ga na yi
kallon har na gaji, haka ma chat, don haka nake
so na dan samu wurin zagawa, ta k'arashe
maganar da sakin wata dariya.
Kallon_kallo muka tsaya yi da maryam, sannan
cikin yak'e na ce
"haka ne gaskiya"
Sai kuma ta mik'e tana fad'in bari ta kawo
mana ruwa, tafiyarta ta ba mu daman k'are ma
parlourn kallo, ga parlor har parlour, amma
rashin gyara yana barazanar hana a ga kyan
parlourn, don TV kawai za ki kalla ki san
parlourn yana buk'atar gyara, don k'urar da ke
jjkinta tsaf zan rubuta sunayen writters da muke
da su a jiki a kuma ga ne.
Ga shi tunda muka shigo wani bala'in zarni ke
tashi, daga cikin kujerun da muke zaune, abin ya
matuk'ar ba ni mamaki abinda ya kawo zarni
d'akin amarya.
Bayan ta kawo mana ruwa muka d'an ta6a hira
da ita, muka ce za mu tafi, ta ce
"to shike nan na gode, sai na shigo"
Na bita da to, sai da za mu fita na hango mage
a cikin flowers d'in da ke harabar gidan, cikin
raina na ce tabbas zarnin da muka ji, na fitsarin
mage ne, don rashin kula har ta bari mage ta
rik'a shiga d'aki tana lafta mata fitsari, haka
muka kuma tsallake kwanikan nan muka wuce,
ina tunanin ita kuwa tana aikin meye har
wanke_wanke ya tarar mata haka kamar tun da
aka kawo ta ba ta ta6a wanke kwanika ba , don
set d'in warmers ga su nan kala_kala banda
pots, plates, spoons, knives da sauran kayan
amfani duk baja_baja kamar ana gwanjon su.
Bayan mun iso gida na kalli maryam na ce
"gaskiya matar nan akwai gyara a lamuranta,
kalli fa gidanta tun kafin ta kai wata biyu da
aure, ai dole na cigaba da bibiyarta don ganin
irin annakiyar da zata yi, saboda na d'aukowa
readers rahoto".....
Mum Twins 馃槏
[10/16, 4:22 PM] mrm kd: 鈼綛ALLAGAZAR
MACE 鈼�3&4
漏MRS SAIF
庐NWA
Wacece Nadeeya ???
Nadeeya 'ya ce a wurin Alhaji Sani Haruna,
asalin su' yan garin dutsen jahar jigawa ne,
domin dukkan su a can aka haifesu, su goma cif,
mama Haleema ta haifa, su takwas ne mata, sai
maza biyu, su ne manya.
Nadeeya ita ce ta bakwai a gidan, mahaifinsu
yana da kud'i dai_dai gwargwado, don ba abun
da baya musu na buk'atar su.
Mutum ne shi mai son farantawa iyali, don duk
abinda ake ya yi, za ka gan shi a gurinsu, daga
kan sutura kayan kyale_kyale ne, da na gyaran
gida ne duk a wurin su za ka fara gani, sai dai
kash!!! Maman su muguwar k'azama ce,da ko
inkula akan komai, domin ko 'ya' yan ta, bata
basu cikakkiyar kulawa,bare har su samu
kyakkyawar tarbiyya, shi yasa suka taso da
baud'add'un halaye duk abinda suka ga dama
shi suke yi,Nadeeya ga azababben son yawon
tsiya, barin ma aka ce biki, anan kuwa ko za a
kasheta sai ta je matuqar ta san da bikin,baya
da k'azanta da ta zama kamar gadon gidan su,
don kusan dukkansu suna da wannan halin.
Don ma sun samu uba mai kashe musu, don duk
abinda ya samo zai kawo gida, amma ina nan
da nan abubuwa suke lalacewa da an kawo
saboda rashin gyara, gida ga shi k'ato, ya kuma
k'eru, amma daud'a duk ta kashe gidan, idan ka
shiga gidan kamar shek'ar karnuka, don maman
su ba ta iya komai sai dai ta saka 'yar aiki, gata
da 'ya'ya mata Allah ya ba ta, amma ba ta saka
su sai dai su ci su yi kallo, idan lokacin barci ya
yi su je su kwanta.
Ga shi' yar aiki d'aya ta ke d'auka duk girman
gidan, ita za ta yi komai, don akwai ta da son
kud'i, ba ta son ta d'auki 'yan aiki da yawa ta
san za su ci kud'i da yawa, shi yasa da sun fara
sun ga baza su iya ba, sai su gudu.
Daga k'arshe ta hak'ura da maganar ' yan aikin,
sai su ke damalmalaya ita da sakarkarun 'ya'
yan ta, aikuwa a lokacin ne k'azanta ta samu
gindin zama a gidan, don sai rana ta kusa
fad'uwa suke fara shirin share_sharen gida,
wanke_wanke kuwa sai dai duk wanda zai yi
amfani da kwano ya je ya wanke da kan shi.
Shi kam mopping ba a ma maganarsa, don sai a
yi wata gidan bai samu arzik'in mopping ba.
Don idan ki na taka tiles d'in gidan, sai ki rantse
gam aka zuba, saboda dank'o, don sai ki na
d'aga k'afarki da k'arfi, gudun mannewa a jiki.
A unguwar ma idan ba ki ce gidan k'azamai ba,
baza a gane gidan su Nadeeya ki ke nufi ba, tun
mai gidan yana fad'a har ya saduda ya hak'ura,
shi ma ya bi.
(kun san idan mace k'azama ce, ko da mijinta
yana da tsafta sai ki ga a hankali ya fara
rikidewa shima yana zama k'azami)kafin daga
bisani Allah ya masa rasuwa, a lokacin Nadeeya
na ss1.
To daga nan fa sai al'amura suka dad'a
ta6arbarewa, don mai hana su wasu abubuwan
ba ransa, sai abinda mama ta zartar ita kuma
dama ga ta sai a hankali.
Dama hausawa sun ce
"Da na gaba ake gane zurfin ruwa,"
Saboda haka k'azantar Nadeeya da duk wata
ta6ara mai license ce, don tun daga gida ta
debo ta, ku dai ku biyo ni don Jin irin tata
annnakiyar, don bahaushe ya ce
"gado fi ya ke"
Mum Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�4&5
漏MRS SAIF
庐NWA
Misalin k'arfe 6 na yamma Faruk ya dawo daga
aiki, ransa a matukar 6ace ya shiga parlourn
gidan, akan kujera ya tarar da ita tana shan
fruits, duk ta yi kaca_kaca da 6awon kankana da
lemo, don gida biyu ta raba kankanar sai ta
d'auki 6ari d'aya ta kafa kai tana sha.
Wata naunanniyyar ajiyar zuciya ya sauke, ganin
da ya yi ita kanta ba abinda ya chanza a jikinta,
don tun shekaran jiya ta saka kayan jikinta,
amma har yau ta kasa cireshi, wani d'an
k'aramin tsaki ya ja, da niyyar ratsewa ta gaban
ta ya wuce d'akin sa.
Hakan ya yi dai_dai dawowar nadeeya daga
duniyar da ta lula ta shan kankana, juyowa ta yi
tana kallonsa tare da fad'in "Faruk har ka dawo
ke nan, ta fad'a tare da washe baki.
Kai kawai ya gyda mata ya k'arasa shigewa
d'akin sa, baki ta ta6e tare da fad'in" mutum
sai shegen miskilancin tsiya maganar ma
wahalar yi take masa".
Faruk kuwa yana shiga d'aki kayan sa, ya tu6e,
ya shiga wanka, bayan ya gama ya d'oro
alwalar magrib, farar jallabiya sol ya saka,
sannan ya feshe jikinsa da perfumes d'in sa
masu dadin k'amshi.
Parlourn dai ya kuma komawa, still tana nan
yadda ya bar ta, sai remote da ta d'auka tana
canja channel, kuma yanzu ta gama shan
kankana, ayaba take ci.
Neman guri ya yi ya zauna a d'aya daga cikin
kujerun parlourn, duk da bai Jin dadin yanayin
tsamin dake ta shi daga cikin parlourn, amma
haka ya daure ya zauna.
Ganin ya zauna ya sa Nadeeya Jin dad'i, don
akwai ta da d'an banzan surutu, don dai Faruk
ba ya sakar mata fuska ne, da ya sha hira.
Sai da ta gutsiri kusan rabin ayaba ta saka a
bakinta sannan ta juyo tana shirin masa
magana, hannu ya d'aga mata tare da mikewa
tsaye yana fad'in "masallaci zan je yanzu, sai
dai ki bari sai na dawo, kafin nan kin cinye
abinda ya ke bakin ki". Don ya tabbatar idan ya
cigaba da kallon yadda bakinta ya dame da
ayaba hakan zai iya barazanar sa shi tashin
zuciya, wanda zai iya kai shi da yin amai, don
dai Faruk akwai shi da k'yank'yami tun yana
yaro, hakan yasa ya dade yana neman macen da
ta dace da ra'ayinsa amma Ummansa ta yi
gajen hak'uri ta had'a shi da 'yar aminiyarta,
wadda bai da tabbacin yadda yarinyar take, tun
da ba a gari d'aya suke ba.Su Faruk suna kano,
su kuma su Nadeeya' yan jigawa ne, kuma ita
umman Faruk ba zuwa take yi ba, ummansu
Nadeeya ce ke yawan zuwa, ko idan an yi hutu
ta turo su Nadeeya.
Dan k'awancen na su dad'add'e ne, ya samo
asali tun lokacin da suke boarding school na
dala,
Da yake masu son xumunci ne sai ba su watsar
ba,amma Faruk kam bai ma ta6a zuwa jigawan
ba, sai ranar d'aurin aurensu.
Don ko lokacin da aka saka bikinsu, ba wani
zuwa gurin ta ya ke yi ba, sa dai ya yi ta tura
musu kud'i hakan ya saka ba su damu da sai
ya zo ba. Nadeeyan ce ma mai damuwa don
gaskiya tana tsananin son Faruk, sai dai kash
bata san hanyoyin da zata bi don shawo kansa
ba, a maimaikon haka sai ta sa a ranta ai da an
kawota gidan sa shi kenan dole ya sauko ya bi
ta, sai dai abinda ya ba ta mamaki ko bayan
aurensu ba ta chanza zani ba.
Don haka ta tattara shi ta watsar, sabgar gaban
ta kawai take yi, a cewar ta burin ta ya riga ya
cika tun da ta aure shi.
Da wannan tunanin ya fice daga gidan ba ki
d'aya, zuciyarsa cunkushe da tunanin wannan
wace irin mace ce????
Aure ko wata 3 bai yi ba, amma ya fara Karo da
matsaloli, gaskiya Nadeeya kwata_kwata ba ta
dace da shi ba, don ta ko'ina ba ta yi kala da
matar da ya ke muradin aure ba.
Don aurenta ya d'auke sa, a matsayin k'addara
ce kawai, don akwai shi da biyayyar iyaye
musamman mahaifiyyarsa da ita kadai ta rage
masa sai k'anwarsa....
Mum Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�6&7
漏MRS SAIF
庐NWA
Bayan sun idar da sallah, ya fi k'arfin 30mnts
yana zaune a parlor yana jiran Nadeeya ta kawo
masa abincinsa, amma shiru ka ke ji, sai da ya
lek'a d'akinta don ya sanarda ita ta kawo masa
abinci, tunda ita kwata_kwata ba ta san abinda
ya da ce.
Turus ya yi bayan shigar sa d'akin , yana duban
abinda ke gabanta, taliya ce a gabanta wacce
ake kira shar6u take kwasa, kusan rabinta duk
ruwa ne, ga shi ta kwasota za ta kai baki ruwan
taliyar har yana tsiyaya ta tsintsiyar hannunta.
Bud'e ido yayi yana kallonta, tare da fad'in
"amma ni dai ba wannan abincin ki ka dafa da ni
ba ko"???
Ita ma kallon nasa ta yi, tana cewa"au dama
har wani dafa abinci ake kashi_kashi???
Ta cigaba da fad'in" tab! Wai aiki, don yau ka ji
dad'i ma ban yi tazarce ba, don na ji ina son cin
jaloup d'in taliya, shi yasa kk wannan maganar."
Dafe kan sa yayi, yana fad'in "yanzu kina nufin
wannan k'azamain abincin zan ci "???
K'ara sul6ar taliyar ta yi, sannan ta ce" ni fa
ban ce dole ba, idan ka ga xa ka iya ka ci, idan
ba za ka iya ci ba, ka bar shi ba dole."
Kamar zai yi magana, kawai sai ya shareta ya
fito daga d'akin.
Kitchen ya nufa ya hada tea ya sha don yunwa
ce fal cikinsa, don yau bai samu ya ci abinci a
office ba, saboda ayyukan da suka saka shi a
gaba.
Tun asuba da ya tashi bai koma barci ba, don
da wuri yake son fita, don haka da kan shi ya
shiga kitchen ya d'ora ruwan zafi, don ya tashi
Nadeeya ya kai so uku ta k'i tashi, tea dai ya
kuma had'awa ya sha, a ransa yana cewa "shi
bai ga amfanin auren da ya yi ba , har gwanda
lokacin da yana gidansu sau dubu."
Har ya kusa gama shiri sannan ya jiyo,, katuwar
hammar Nadeeya alamun ta tashi, k'amshin
turarensa ne da ya cika gidan ya tabbatar mata
da ya gama shiri don haka cikin azama ta diro
daga kan gado ta yo waje, dai_dai lokacin Faruk
ya fito sak'ale da jakarsa alamun ya gama shiri
zai fita.
Kallo d'aya ya mata ya d'auke kan sa duk ta yi
wani dagaje_dagaje da ita kamar wadda aka
k'wato a bakin kura, gashin kan ta duk ya wani
cukurkud'e, haka idonta duk kwantsa ya cikasa,
bakin ta taf yawun barci take shirin yi masa
magana, da sauri Faruk ya k'ara wuta zuwa
k'ofar fita, yana fad'in "akwai kudi na nan na
ajiye miki akan stool, ko da za ki yi wani
amfanin".
Yana k'arasa maganar ya fice da sauri, don
baya son cigaba da kallon yanayin da take ciki,
don hakan yana haddasa masa tashin
zuciya...........
Maman Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�8_10
漏MRS SAIF
庐NWA
Dama ita Nadeeya saurin da take yi, don ta
kar6i kud'i ne, kafin ya fita, don haka Jin ya
ajiye mata kud'in ya sa, ta shige toilet ba tare
da ta kuma bi ta kansa ba.
Faruk kuwa driving ya ke, amma hankalinsa
gaba d'aya baya kai, yana can yana tunanin
halin da ya tsince kansa, a zuciyarsa yana cewa
"wai yanzu a haka rayuwarsa zata cigaba da
tafiya da wannan yarinyar"????
Tambayar da yake ta nanatawa a zuciyarsa
kenan, sai dai kash ya kasa samo amsar
tambayarsa, tunawa da yayi yanda mahaifiyarsa
ke son aurensa da Nadeeyar , yasan ko giyar
wake ya sha ba zai tinkareta da maganar
rabuwa da Nadeeya ba.
A haka ya yi ta sak'a da warwara har ya iso
office d'in su, don haka ya yi parking ya fito da
zummar shiga ciki.
Nadeeya kuwa bayan ta gama dak'ilanta, fitowa
ta yi ta chanza kaya don a cewarta sanyi ya yi
yawa ba zata iya wanka ba, kayan ma da ta
chanza don tana son fita ne, da zaga mak'ota
ne, don gaskiya ta gaji da zaman gida, tunda ta
ga maman Twins ta su bata zo d'aya ba, don da
ta shiga gidanta za ta fara kawo mata zancen
girki, ko gyaran gida ko jiki, ita kam
kwata_kwata basa cikin tsarinta, don haka ta
yanke shawarar watsar da ita kawai ta nemi
wata mak'ociyar, wadda ta su zata zo d'aya.
Haka Nadeeya ta fara shiga gidajen mak'ota
daga wannan gida zuwa wancan, har ta fad'a
gidan maman Nabeela, tun daga k'ofar gida take
jiyo shewa da raha na mata, tamkar gidan biki,
da sauri ta kutsa kan ta cikin gidan tare da
sallama, kusan a tare suka amsa mata sallamar.
Sannan wata mata dake zaune a tsakiya (wadda
ga dukkan alamu ita ce mai gidan) ta ce "ah!
Sannu da zuwa bak'uwa muka yi"???
Gyd'a kai, Nadeeya ta yi tare da cewa"eh, ai ni
ce amaryar can gidan mai red d'in gate, na kusa
da gidan Maman Twins".
Gaba d'aya suka d'auki gud'a suna cewa"ki ce
amaryar ce "???
Mai gidan ta amshe da cewa"ai mun yi fushi sai
yau ki ka shigo mana, ta k'arasa maganar cikin
sigar zolaya".
Wata dariya Nadeeya ta saki don ganin cewa
lallai yanzu ta samu abokan sha'ani don daga
ganin su za a daki chafta da su, sannan ta ce "a
yi mun afuwa yanzu ai gani na zo".
Dariyar dai suka kuma yi, sannan aka bata wurin
zama ta zauna, aka cigaba da hira, wadda hirar
ta su, duk akan maganin mata ne, daga
maganar sa mai gida tsalle, sai sa mai gida ihu,
sa mai gida kururuwa, kai har da sa mai gida
hauka lol, ga sunan dai birjik, dama Nadeeya ta
samu abinda take so, anan aka yi mata tallan
wasu, ta kwasa, don kud'in da ta fito da shi sai
da ya k'are tas, har sai da aka biyota bashi.
12 na rana matan suka fara watsewa, don
komawa gida, daga wadda za ta ce, ba ta yi
wanke_wanke ba, sai wadda zata ce yaranta sun
kusan dawowa daga school ga shi ko girki ba ta
d'ora ba. Wata ma ko tsinke ba ta d'aga a cikin
gidan na ta ba, amma ta fito yawon mak'ota,
irin su Nadeeya kenan.
A gaban idonta matan nan suka watse duka,
maimaikon ta yi haramar tafiya ita ma, ai sai ta
gyara zama, su ka d'auki wani sabon shafin
hira, suna hirar matar(wadda ake kira da
maman Nabeela) na kiciniyar d'ora girki.
Idan ka gansu da Nadeeya sai ka rantse da
Allah sun shekara a tare, saboda sabon da suka
yi lokaci d'aya.
************
Nadeeya ba ta bar gidan ba sai bayan la'asar,
don anan ta ci abinci rana.
Faruk kuwa 5pm ya yi shirin barin office, direct
gidan su ya nufa, don yana son ganin ummansa
da 'yar k'anwarsa Fateema.
Waye Faruk?????
Umar Faruk Sadauki, shine cikakken sunansa,
mahaifinsa haifaffen garin kura ne ta cikin jahar
Zamfara, wanda aka fi sani da Aliyu Sadauki, ya
dawo kano da zama ne sanadiyyar kasuwanci,
inda anan Allah ya hada shi da matarsa wato
mahaifiyarsu Faruk hajiya Aysha, sun yi auren
so da k'auna, sun kuma yi zaman Jin dad'i,
wanda Allah ya azurta su da yara biyu rak,
Umarul Faruk da Fateema Zahra, kafin daga
bisani Allah ya kar6i ran Alhaji Aliyu.
A lokacin Faruk yana level 3 a university,
Fateema kuwa tana j.s.s 2, saboda haka
ummansu ta cigaba da kulawa da su har zuwa
lokacin da Faruk ya gama karatu ya fara aiki,
wannan kenan......
Mum Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�11&12
漏MRS SAIF
庐NWA
Da sallamarsa ya shiga parlourn gidan, da sauri
fateema ta taso tana masa sannu da zuwa, tare
da fad'in "bro jiya throughout ban ganka ba mun
yi missing d'in ka fa ".
Murmushi ya k'ara fad'ad'awa a fuskarsa,
sannan ya rik'o hannunta yana cewa "I miss yhu
more lil sister, nd ina Umma ta shiga ne, ban ji
motsinta ba".
Fateema ta ce "yanzun ta shiga d'aki, ina
tunanin wanka ta shiga don ba ta dad'e da
dawowa daga unguwa ba".
Faruk ya ce "ok, sannan ya nemi d'aya daga
cikin kujerun parlourn ya zauna.
Bayan 10mnts Umma ta fito tana fad'in" Faruk
kai ne da yamman nan"???
Sosa kai ya yi, sannan ya ce "eh, umma ina
wuni"???
Lafiya Lau, ya Nadeeya take???
Sai da Faruk ya d'an 6ata fuska sannan ya ce"
lafiya".
Umma ta dad'e tana nazarin halin da yake ciki
kwana biyu, don duk ta ga ya chanza, ta san
tabbas akwai abinda ke damunsa, da ta fiso sai
ya fad'a da bakinsa, amma zuwa yanzu ta san
ba lallai ya fad'a mata abinda ke damunsa ba,
don ta san halin Faruk sarai.
Maganarsa ce ta dawo da umma daga tunanin
da take yi, yana cewa "wai umma mai ku ka
dafa ne yau"???
D'an zaro ido ta yi tana cewa, haba Faruk idan
ka cika cikin ka, anan ka je gida ba ka ci abinci
ba, Nadeeya ba zata ji dad'i ba fa????
Ka san matan yanzu wayau ne da su, basa so
su ga mazajensu na cin wani abinci idan ba na
su ba".
Mere baki ya yi, a ransa yana cewa wadda ta
san kanta ba, amma wannan BALLAGAZAR
MACEN, ai ba ta san da haka ba.
Shirun da umma ta ji yayi ne, yasa ta ce "Faruk
anya babu matsala a zaman na ku kuwa???
Shiru ya kuma yi, don har ga Allah shi ba
mutum ba ne mai kai k'orafi ba, amma yasan
tunda har ta tambaya to dole ya gaya mata,
idan ba haka damuwa zata saka a ranta.
Don haka nan take ya juyewa umma abinda ya
ke faruwa, duk da ba ta ji dadin abinda ya fad'a
ba, amma sai ta ce "Faruk na san halinka yanzu
haka, ba ka tsaya ka yi mata bayanin abinda ba
ka so ba da wanda ka ke so ba ".
*************
Ajiyar zuciya ya sauke, sannan ya ce
"haba umma, yanzu a ce har tsabtar jikin ta sai
na gaya mata ta yi, na d'auka duk a gidansu za
a sanarda ita komai ai".
Girgiza kai umma ta yi, tare da cewa
"abinda na ke nufi, ba ka zaunar da ita ka gaya
mata irin abincin da ka ke son ci ba, tunda a
maganarka ka nuna ra'ayinta kawai take bi
wajen girka abincin".
Kallon umma ya yi sosai sannan ya ce
"umma ni fa yanzu ba ma ta abinci na ke yi ba,
ta tsaftar jikinta da ta gidan na ke yi, yanzu
haka zancen da na ke miki akwai kwanikan da
sun fi sati ba su ga wanki ba, parlourn mu kuwa
bana Jin tana sharewa bare mopping."
Mum Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�13
漏MRS SAIF
庐NWA
Ajiyar zuciya umma ta sauke tare da fad'in
"bari zan je gidan na sameta na nuna mata duk
abinda ya dace, tunda ka ga bata da kowa a
garin nan, ni ce a matsayin mahaifiyarta, amma
na yi mamakin faruwar haka, don na san
Nadeeya akwai hankali".
Hmm! Kawai Faruk ya ce don yasan umma ba
ta ta6a ganin laifin Nadeeya, mik'ewa ya yi da
zummar zuwa masallaci don ya ji ana ta k'wala
kiran sallar magrib, sannan ya ce da fateema ta
had'a masa kayan abinci kafin ya dawo.
Yana dawowa ya tarar da lafiyayyen tuwon
shinkafa da miyar egusi, wacce ta wadatu da
kifi, ai kuwa nan Faruk ya gyara zama ya
kwashi girki, yana korawa da mango juice.
********
K'arfe tara ta gama shirinta na shiga mak'ota
duk da yau ta tsaya ta yi picking ledojin dake a
zube a parlourn, sannan ta yi k'arfin halin
kakka6o kujerun parlourn, don duk k'ura ta cika
su, kasancewar hazon da ake yi kwana biya,
maimakon ta share sai ta bar k'urar duk ta
bazu kan tiles d'in da ke parlourn da kan center
carpet.
Mayafinta ta jawo ta nufi hanyar fita, sai dai
kafin ta k'arasa sai ta jiyo kamar ana buga
k'ofa, K'arasawa ta yi tare da fad'in
"waye????
Muryar umma ta jiyo tana cewa bud'e
Nadeeya."
Da sauri ta bud'e k'ofar, sannan ta zube har
k'asa tana gaisheta, d'ago ta, ta yi tare da
rungumeta tana fad'in "lafiya Lau 'ya ta, sannan
suka nufi ciki.
Nadeeya ta rasa inda zata saka umma da
Fateema don murna, ta kwaso wancan ta
d'auka wannan, duk ciki kuwa babu wanda ta
girka da kanta, don duk drinks d'in kwali ne da
snacks d'in da Faruk ke ajiyewa,tunda ba iya
cin abincita ya ke yi ba.
Murmushi kawai umma ke yi ta ce
"Nadeeya bar shi haka kin ga yanzu safiya ce,
sai da muka yi breakfast muka fito, daga nan
ma asibiti zan wuce na ga likita, saboda ciwon
k'afar nan ya matsa mun".
Duk da umma ta sha mamakin ganin yadda
gidan ya fara dafewa, amma hakan bai sa ta
nunawa Nadeeya wani abu ba, anan dai ta yi
mata nasiha da muhimmacin kula da miji da
kuma tsafta.
Sannan kuma ta ce Fateema, ta tsaya ta taya
aiki, zuwa anjima idan Faruk ya dawo ya mai da
ta gida.
Ai kuwa fateema ta sha aiki ba na wasa ba, don
har d'akin Faruk sai da ta gyara, duk da yana
d'an gyara abinsa da kansa amma ba kamar
gyaran mace ba.
Har da turaren wuta ta kunna, tunda ga sunan a
cikin show glass d'in ta birjik, amma ba ta
sawa, a salima, Nadeeya ta d'auka don kwalliya
kawai ake jerasu.
Ita kanta Nadeeyar sai da gidan ya burgeta, sai
sannu take wa fateema.
Fateema kam murmushin yak'e take yi, don can
k'asan zuciyarta tana mamakin Nadeeya mace
har mace amma sai imani, don idan ka kalli
Nadeeya dole ka sakata a jerin kyawawan mata,
don fara ce sol sai dai, rashin sanin ciwon kai,
da kuma rashin gyara ya na nema ya maida
mata farar fatarta zuwa bak'a.
Faruk tun cilla k'afarsa cikin gidan, ya ji wani
sauyi ya ziyarci sassan jikinsa, K'arasawa
parlou ya yi anan ya yi tozali da kyakkyawar
k'anwarsa,tana masa sannu da zuwa da
murmushi d'auke a fuskarsa ya ce
"Fatee, ke ce a gidan na mu"???
Ta ce
"yeah ai na dad'e ma bro".
Faruk ya ce
"I see! Ga gida nan sai k'amshi ya ke yi.
Bai k'ara shan mamaki ba sai da Nadeeya ta
fito sanye da atamfar super Toronto red, d'inkin
ya amshi jikinta, duk da Faruk ba wani son
Nadeeya ya ke yi ba, amma sai ya ga ta yi
masa kyau sosai.
Fateema kallon yayan na ta, take yi cike da
jindad'i, don ta ga ya yaba da wankan
Nadeeyar, shi yasa ta takurata,sai ta yi wanka
ta chanza kayan jikinta, sannan ta feshe mata
jiki da turaruka kala_kala, har kwalliya da daurin
d'an kwali duk fateema ce ta yi mata.
Bayan sun ci abincin, wanda shi kan sa abincin
Fateema ce ta girka, Faruk ya yi shirin mai da
ita gida, Nadeeya ta nace sai ta bi su,Faruk bai
yi musu ba suka tafi tare.
10pm suka dawo dukansu a gajiye suke, don
haka agurguje suka yi shirin barci, kaitsaye
bedroom d'in su suka wuce, dama su Nadeeya
an d'irki maganin mata an yi tatil,don haka na
kwashi takarduna da alk'alamina na yi waje, don
ban sani ba ko sa mai gida hauka ta sha, kar ta
rutsa da ni....... Lox
Maman Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�14&15
漏MRS SAIF
庐NWA
Cikin farin ciki Faruk yau ya tashi, don jiya
barcin dad'i ya yi, don bai ji wannan tsamin da
hamami ba, a jikin Nadeeya komai lafiya suka yi
suka gama, don haka da wuri ya shirya ya fice
office, bai tsaya jiran Nadeeya ba, don sallar
asuba ma, da k'yar ta tashi ta yi.
Don shi kam yanzu ya saba shiryawa kan shi
komai, don idan ya tsaya jiran Nadeeya makara
kawai zai yi a banza.
Nadeeya kuwa ungulu ce ta koma gidanta na
tsamiya, don dama ita ba tama fuskanci inda
maganar Umma ta dosa ba, don ta d'auka irin
nasihohin da akewa amare ne, umma ta zo ta yi
mata na ta, domin tun a dutse gwaggoninta sun
mata, ta kuma ji amma ita kam har ga Allah ba
ta san ana amfani da su ba, don tun tasowarta
ta kan ga ana yiwa amarya wannan k'us_k'us
d'in, da ta kira shi marar amfani. (kun ji fa......
Anan ina kira da 'yan uwana mata musamman '
yan mata,masu shirin aure, irin nasihohin nan da
ake wa amare kafin akai su d'akin aurensu,
yana da kyau ki rik'e su, don akwai hikima a
cikinsu, amma fa wadanda ake wa hud'ubar
arziki).
Taran safiya bai k'arasa ba, Nadeeya ta yi
hanyar zuwa gidan maman Nabeela don k'afarta
har k'aik'ayi take mata don jiya ba ta je ba, an
sha hira ba ita.
*****
Anan aka sha hira, daga bisani aka yi zancen
bikin k'anwar d'aya daga cikin mak'ociyar su,
anan fa Nadeeya aka yi uwa aka makar6iya, an
ji zancen biki, har da cewa a kawo mata anko
zata yi, a cewarta za ta fi jindadin zuwa.
K'arfe 2 ta bar gidan don tana so ta dawo gida
ta had'a kud'in ankon sannan ta ba da d'inki ko
express ne a mata tunda ta ji an ce bikin wani
sati ne.
Sai da ta fara zuwa gurin mai kayan miya ta
siya, kafin nan sai da suka yi daru da shi don
duk wanda ya saka mata bai mata ba sai ta
zare shi, ta ce ya chanza mata,
wai bata son gwalagwaji. Tun yana mata
kawaici don ya ga matar aure ce, har suka fara
sa'insa da shi, daga k'arshe ta tattara kayan
miyarta ta yi gaba.
Daga nan ta wuce wurin mai nama, don kura ce
duk neman dake cikin Freezer d'in su ta soye ta
cinye.
Malam nama nake so cewar Nadeeya"
Mai nama yace "
na nawa ki ke so"???
Nadeeya ta ce
" na 1k".
Cewa ya yi to, sannan ya fara yanko tsoka yana
had'awa da k'ashi.
Sai ko Nadeeya ta ce
"Malam ni fa bana so da k'ashi".
Juyowa ya yi, yana dubanta sannan ya ce
"ni kam bana sai da na sai na had'a da k'ashi".
Tabd'i Nadeeya ta ce
"Ai ni kuwa bana buk'atar kashi, ya ya ke nan??
Mik'o mata kud'in ta ya yi tare da fad'in
"sai ki kara gaba, don ko uwata da k'ashi take
miya".
Maimakon Nadeeya ta k'yale shi, ta wuce
abinta, ai sai ta ce
"yo ni ina ruwana dan uwarka tana miya da
k'ashi, sai aka ce Maka ni ita ce"??
Kuturu da kud'in sa, alkaki sai na k'asan
kwano,ta k'arashe maganar tare da murgud'a
baki.
A zafafe mutum ya yi cikinta kamar zai daketa,
yana fad'in
"ni za ki zaga, nan take ya hau d'ura mata
ashar, nan fa rikici ya kaure, suka hau
d'ure_d'uren ashar, kan ka ce me mutane sun
fara taruwa, dak'yar abokan sana'arsa suka ja
shi, ita kuma Nadeeya ta kwashi ledar kayan
miyan ta sai gida, naman da ba ta siya ba
kenan.
Koda ta koma gida damuwa ce fal cikinta, ga shi
ba ta siye naman ba, yanzu haka zata yi girkin
ba nama, ga yunwa sai nuk'urk'usarta take yi,
don yau ba ta tsaya cin abinci a gidan maman
Nabeela ba.
Don haka ta yanke shawarar d'ora farar shinkafa
ta ci da mai da yaji, don haka ta kuma rufe gida
ta je neman barkono, ba ita dai ta gama dafa
farar shinkafa da dakan ya ji sai bayan la'asar,
don haka ta ce ta huta a ci har dare.
Shi kan sa mai gidan mai da yaji zai ci idan ya
dawo a tunanin Nadeeya ke nan, ba ta san
Faruk ko abinci ya fiye ya ji ba ci yake ba, bare
tsurar farar shinkafa......
Mum Twins 馃槝
[10/16, 4:22 PM] mrm kd: [8/10, 10:42 AM]
Phatyma: 鈻狟ALLAGAZAR MACE 鈻�16
漏MRS SAIF
庐NWA
Bayan ya dawo ya yi wanka ya huta, ya buk'aci
Nadeeya ta kawo masa abincinsa, nan da nan
kuwa ta tashi bazar_bazar ta nufi kitchen, ba
jimawa kuwa, ta kwaso kayan abincin ta dire a
gabansa.
Shinkafar ya fara bud'ewa sannan ya ce
"Ai ba ki kawo miya ba."
Sai kuwa Nadeeya ta ce
"au ba ka ga yaji a leda ba, sannan ga mai nan
a waccen robar".
Juyowa Faruk ya yi yana kallonta ya ce
"uhhm! Sai yaya!"???
Sai ko Nadeeya ta ce
"sai ci".
Tsaki ya ja, sannan ya ce
"wai don Allah me ke damunki ???
Ta yaya za ki kawo mun, mai da yaji da
daddaren na ci?? Gaskiya ya kamata ki gyara".
Nadeeya shiru kawai ta yi tana harare_harare.
Mik'ewa ya yi, yana cewa ki samu wani abun ki
kawo mun na samu na ci amma ba wannan ba".
Ta ce
"kamar me kenan??
Yace
"ke ba mace ba ce???
ai kin san abinda ya dace a ce na samu na d'an
ci kafin na kwanta".
Dogon tunani Faruk ya saka Nadeeya, amma a
iya tunaninta, ba ta gano abinda za ta kawo
masa ba, don gaskiya ita kam yanzu ba za ta
iya wani d'ore_d'oren girki ba.
Don haka ta je ta ce masa ita gaskiya ba ta san
abinda zata kawo masa.
Ce da ita kawai ya yi ta je ta kawo masa fresh
milk da cake, don yasan ko ta kuma yin wani
girkin ba lallai ya iya ci ba.
Ko da kuwa ta dawo fresh milk kawai ne a
hannunta, ta fara magana tare da sosa kai
"Ai......da dama ina so na gaya Maka kusan
komai ya k'are fa".
Kallonta Faruk ya ke yi tare da nazarin
maganarta, ya ce
"wai kina nufin komai ya k'are"???
Gyd'a kai ta yi, tare da cewa
"har kayan abinci, suma sun kusa k'arewa".
Don kuwa kullum za ta yi girki da yawa take
girkawa, har yau ta kasa kwatanta dai_dai
cikinsu, ko na ce cikinta,tunda kusan ita kadai
ke ci, sai dai ta dafa da yawa, idan ta samu
almajirai ta basu idan ba ta samu ba ta zuba a
shara, shi yasa tun daga wajen gidan bolar su
ke wari.
Da hannu Faruk ya mata inkiya ta tafi kawai,
sannan ya dafe goshinsa da hannu,, yana
jimamin hali irin na Nadeeya.
Daga k'arashe ya zari key d'in motarsa ya nufi
eatery, duk da shi ba gwanin cin abinci a eatery
ba ne, tun yana saurayi, don ummansa ta
k'ware a girke_girken da ya ke so.
Sai ga shi yanzu da aurensa zai fara bibiyar
wurin cin abinci sanadin BALLAGAZAR MACE.....
Mum Twins 馃槝
[8/10, 10:42 AM] Phatyma: 鈻狟ALLAGAZAR
MACE 鈻�17
漏MRS SAIF
庐NWA
Washe gari kuwa wuraren 12 na rana ya dawo
gidan don kawo kayan abinci, sai dai ko da ya
dawo Nadeeya ba ta nan an fita gantali, don
haka sai da ya kirata a waya, sannan ta zo.
Ai kuwa Faruk ya nuna mata 6acin ransa don
kuwa ba ya son yawo, don ya tsani gantalin da
mata ke yi a wasu unguwanni.
Sai ka ga mace ba za ta zauna a gidanta ba, sai
dai kullum tana garari a cikin unguwa bata gidan
waccan ba ta gidan wannan daga nan sai
tsegumi ya yawaita.
To shi kam ba zai d'aukan mata yawo ba.
Don haka yace da ita kada ta sake fita ba tare
da izininsa ba.
Nadeeya kad'a kai kawai ta yi, amma ba mu sa
ni ba ko ta ji???
Sai dai mu jira amsa nan gaba.
Bayan ta shige cikin gidan ne, ya bud'e boot ya
fara fitowa da kayan da ya siyo, yana ajiyewa a
parlor buhun shinkafa ne da cartons na taliya da
macaroni su sugar milk, drinks da dai sauran
kayan amfanin gida.
Ya d'auko ledar kajin da ya siyo da kifi, yana
mitar cewa dole ma ya samu yaron da zai rik'a
taya shi wani aikin, don yanzu ko shigo da
kayan nan aiki ne, ga shi yanzu sai ya je zai
kuma d'ibansu zuwa store.
Maganar zucin da yake yi ne ta tsaya cak,
sakamakon K'arasawa da yayi cikin parlourn,
mamaki ne k'arara a fuskarsa, wai ana nufin
Nadeeya har ta kwashe kayan da ya shigo da su
har da buhun shinkafa????
Kallon da ta ga yana mata ta d'auka ta birge shi
ne, abinda ta yi, shi yasa sai wani d'ashe baki
take.
Zubewa ya yi a kujera yana tunanin wannan
wace irin mace ce, komai na ta sangangan
kamar namiji, shi da yake son mace mai aji, da
yauk'i, wacce ta amsa sunan mace..
*******
Furzar da wata iska yayi, ya had'a hannayensa
ya murza sannan ya mik'e tare da fad'in
"bari na koma office, akwai ayyukan da na
baro".
Bai tsaya jiran mai za ta ce ba ya fice abinsa.
Ita kuwa mere baki ta yi ta fara magana
k'asa_k'asa
"umma ta gaida aysha mutum komai aka yi ba a
burgeshi".
Faruk kuwa bayan ya isa office ya ji yau, yana
sha'awar cin farfesun kifi don yana son shi
sosai, da ya yanke shawarar idan ya tashi aiki
ya fara zuwa gun cin abinci ya ci sannan ya
wuce gida, sai dai ya tuna da Maganar umma
akan ya rik'a bata dama tana masa irin girkin da
ya ke so.
Don haka ya kira Nadeeya a waya ya shaida
mata abinda ya ke so ta dafa masa.
Bari mu ji yanda girkin Nadeeya zai kaya
lol............. Dama macaroni ta yi niyyar dafawa
da miya, ta d'ora ruwan zafi kenan Faruk ya
kirata, don haka ta ce hutarere ba sai ta yi miya
ba, sa ta yi farfesun kifin tunda miya ai duk miya
ce, a ci da macaronin.
Kifin kuwa wanke shi kawai ta yi sama_sama,
ba maganar ko d'an lemon tsami ta saka wurin
wankin don ya kashe k'arnin, haka ta watsa shi
a tukunya ta had'a kayan miyanta ta yi blending
har da tomoto ta watsa, ba a maganar a soya
kifin kafin had'a farfesun, bare maganar wani
kayan k'amshi, gaba d'aya ta had'a komai da
komai ta d'ora.
Bayan ya dawo Nadeeya sai wani yak'e baki
take yi ita a lallai yau ya bata aiki ta yi, tasan
dole yau ta burge shi. Don haka nan da nan aka
kawo masa abinci.
Yana bud'ewa kuwa wani k'arni ya dake
hancinsa, kamar ya maida ya rufe sai dai ya ce
bari dai ya ci ya ji, don kar ya sare mata guiwa,
tun da ya d'auko salar tsokar kifin ya ke Jin
wani santsi a jikinta, duk da haka ya daure ya
tura baki, ai kuwa da sauri ya mike yana kakarin
amai ya nufi toilet, nan ya fara kwara amai, don
bacin kifin da ya ci, har d'an abinda ke cikinsa
duk ya amayar, dawowa parlourn ya yi ya
zauna.
Nadeeya ta kalle shi cike da tsiwa ta ce
"yanzu abincin nawa muninsa har yakai ya saka
ka amai???? "
Kallonta ya yi a kasalance ya ce" ki fara ci ki ji
kafin ki yi k'orafi.
Tace
"ci na nawa kuma???
Ai wanda na ci ya fi wanda na kawo Maka
yawa.
Kalon ban yarda da abinda kika ce ba ya watsa
mata.
Ganin haka yasa ta d'auko kwanon farfesun ta
ajiye ta zauna ta fara kwasa har romon, ita ke
sha Faruk ke ya tsine fuksa, daga k'arashe ya
tashi, ya bar wurin, yana matukar mamakin
Nadeeya tabbas ta wuce duk tunaninsa, ta wuce
mazaunin inda ya ajiyeta.
Don shi a tunaninsa d'an Adam ba zai iya cin
wannan farfesun da ta yi ba , yanda ya ji shi a
bakinsa sai wani mugun santsi kamar an sa
sabulu ga shi bai dahu ba, sai zallan zak'in farin
magi ke ta shi.....
Mum Twins 馃槝

Share this

WhatsApp