BALLAGAZAR MACE Page 11 to 20

Washe gari, ko da Faruk ya tashi ransa duk ba
dad'i, haka dai ya shirya zuwa aiki, don ko d'an
ruwan tean da ya saba sha yau bai sha ba, sai
wurin 12 ya samu sukunin zuwa pizza hot, ya
d'an samu abinda ya saka a tunbinsa, don ji
yayi har ya fara Jin wani jiri_jiri, saboda yunwa.
Dan haka da ya tashi daga office, sai da ya fara
zuwa gidansu ya ci abinci sannan ya wuce gida,
ummansu tana ta tambayarsa lafiya ta ga duk
ya fad'a, bai ce da ita komai ba illah ba ya
jindadi kwana biyu.
Ta masa Allah ya sawwak'e, sannan ya fito
daga gidan.
Nadeeya kuwa tana can tana sak'a da warwara,
ta yanda zata 6ullowa Faruk ya barta ta je biki,
don gobe ne kamu, don haka ta yanke shawarar
zuwa ta gaya masa.
Ko da ta shiga d'akin sa yana zaune yana wani
aiki a laptop d'in sa.
Sallama ta yi sannan ta nemi wuri ta zauna,
sallamar kawai ya amsa mata, ba tare da ya
kalleta ba. Sai kuma ta fara magana
"Faruk dama ina so na gaya maka gobe akwai
bikin da za mu je".
Kallonta ya yi yana mamakin bikin wa za ta je,
tunda yasan ba ta da kowa a kano duk danginta
suna dutse. Don haka ya mai da hankalinsa ga
laptop d'in dake gabansa yace "bikin wa
kenan'????
Gyara zama Nadeeya ta yi, sannan cikin inda
inda ta ce
" eh.... ai dama akwai wata mak'ociyar mu ce,
za a yi bikin k'anwarta".
Bai d'auke kan sa daga aikin da yake yi ba, ya
fara magana
"anan kusa da mu ne za a yi bikin???
Sai kuwa ta amshe cikin zumud'i don ta ga
alamar kamar zai barta, ta ce
"Ai yayar amaryar ce a layin su maman Nabeela,
nan k'asan layin mu suke, amma a gidan
iyayensu da ke kurna za a yi komai na bikin".
What!! Faruk ya fad'a sannan ya ce
"kin san nisan da ke akwai daga nan zuwa
kurna kuwa???
Turo baki ta yi tare da cewa
"ni ina zan sa ni, ni kawai izini na ke buk'ata,
gobe mu je ka ga na gano daga can".
Kaitsaye Faruk ya ce
"ba za ta je ba".
Dan zaro ido ta yi ta ce
"ba zan je ba????
Gyd'a mata kai ya yi alamar haka ya ke nufi.
K'wafa ta yi, sannan ta mik'e ta fita tare da Jan
k'ofar d'akin da k'arfi ji kake garam!!
Rufe laptop d'in ya yi, ya jingina bayansa da
kujerar da yake kai, sannan ya lumshe ido yana
tunanin matsaloli irin na Nadeeya.
Nadeeya kuwa ta k'udirci aniyar ko za a mutu,
sai ta je bikin nan, don ba za ta yi anko a banza
ba,tunda yanzu idan ya fita tun safe sai wurin
9pm ya ke dawowa, don haka har ta je ta dawo
bai dawo ba.
Ba ta san ita ce silar saka Faruk dadewa bai
dawo ba, don idan ya tashi daga aiki sai ya fara
zuwa gidan abinci ya ci, ko gidan su, ko
abokanansa su ja shi zuwa na su gidan
musamman aminin sa Abbas, don matar sa tana
da hankali yana sha'awar yanayin zaman su.
K'arfe biyun rana suka isa gidan bikin, Nadeeya
an sha anko ta fito cas kamar ba ita ce
k'azamar nan ba. Ai kuwa Nadeeya ta kira
wannan fitar da farar tafiya don ta had'u da
friends d'in ta da suka yi secondry school tare
dama su 'yan Kano, amma GGSS Darki suka yi
dake jigawa.
Nadeeya ce ta fara shaida su, cikin tsananin
farin ciki ta nufi kujerun da suke zaune tana
cewa
"wai Samee da Zee na ke gani ko ido na ne???
Cikin mamakin Jin an kira sunan su, suka jiyo a
tare, ido suka zaro tare da fad'in " Nadeeya!!"
Nadeeya kuwa sai murmushi ake zabgawa,
sannan d'aya daga cikin su mai amsa sunan
Zee, wadda daga gani tafi d'ayar felek'e da iyayi
ta ce
"it's been far too long, kamar ba ke a duniya, ko
neman mutane ba kya yi, ga shi muna yawan
zuwa dutse, don dai ba mu da adress d'in ki ne
da kin gan mu".
Kujerar da ke gefensu ta ja ta zauna, sannan ta
ce
ai kar ku damu don kuwa yanzu muna tare
domin nima na zama 'yar kano, don aure ya riga
ya kawo ni da zama".
Shewa suka yi sannan suka ce
"a lallai kuwa muna tare".
Anan dai suka yi exchanging contact, tare da
yiwa Nadeeya alk'awarin zuwa, tunda ba su da
wani nesa a tsakaninsu.
Faruk kuwa bayan ya tashi daga aiki, haka
kurum, yau ya ji baya son zuwa ko ina, don haka
ya d'au hanyar gidansa, sai dai ya tsaya 212
Bakery ya siye bread na breakfast da cakes
varieties ya wuce gida.
6:30pm ya shigo gidan, bayan yayi parking ne,
ya k'arasa k'ofar parlourn yana knocking amma
shiru ba alaman za a bud'e masa, mota ya
koma ya d'auko extra key da ke hannunsa ya
bud'e, yana cewa a ransa yanzu haka barci take
yi.
Sai dai har yayi wanka ya shirya bai ji alamunta
ba, don haka ya yanke shawarar lek'awa
d'akinta ya gani ko lafiya, tura k'ofar d'akin ya
yi ya shiga, sai da wayam bata ciki, sai wani
uban hamami dake welcoming nasa, wani dogon
numfashi ya ja, don ganin d'akin a hargitse
kamar na tsohuwar mahaukaciya, ko ina kaya ne
a zube, still d'akin ya ke bi da ido, don shi rabon
da ya shigo d'akin nata har ya manta, to mai
zai zo ya yi???
Bayan ko d'akinsa ta shiga Allah Allah ya ke yi
ta fito, don ji yake duk shak'ar d'akin nasa ya
chanza.
Ya fi 3mnts a tsaye, sannan ya yanke shawarar
lek'awa toilet, sai dai tura kan sa ke da wuya
cuki toilet d'in ya banko k'ofar tare da toshe
hanci, sai da ya fito parlour ya saki numfashi
tare da zubewa kan kujera, don yasan tabbas ta
je bikin da ya hana ta zuwa, idan kuwa haka ne
lallai yau zata ga 6acin ransa....
Mum Twins 馃槝
[10/16, 4:22 PM] mrm kd: 鈻狟ALLAGAZAR
MACE 鈻�19&20
漏MRS SAIF
庐NWA
Wayarsa ya ciro daga aljihunsa, ya danna kira a
no Nadeeya, dai dai lokacin su Nadeeya na
ak'ilun neman adaidaita, ta ji wayarta na
ringing, sunan da ta ga ya bayyana kan screen
d'in wayar ya sa ta ji cikinta ya murd'a, don duk
tsiwarta tana Jin shakkar Faruk.
Kasa d'auka ta yi, har wayar ta tsinke, bai dad'e
da tsinkewa ba, wani kiran ya shigo, gabanta ne
fa ya shiga dukan uku_uku don dai ta tabbatar
da Faruk ya dawo gida, tunda ta ga kira haka a
jere.
Sai a kira na uku, Hafsat (wadda ake bikin
k'anwarta tata ta ce da Nadeeya,
"ki d'auka mana sai kiranki ake yi, yanzu haka
mai gidan ne, ai sai ki gaya masa wahalar abun
hawa ake yi, har yanzu muna tsaye a titi ba mu
samu ba".
Ajiyar zuciya Nadeeya ta sauke, a ranta ta ce
"don ba ki san ba da saninsa na fito ba shi yasa
ki ke wannan maganar".
Faruk kuwa ya cika yayi fam, wato wayar ma
bata da lokacin d'agawa???
Har ya je sallah ya dawo ba alamar Nadeeya,
don haka ya sake kiran wayarta, cikin k'arfin hali
Nadeeya ta d'aga ta ce
"hel..... Faruk ya katseta a zafafe da fad'in
"ki tsaya a gidan bikin, ba na buk'atar
dawowarki", daga haka bai kuma cewa komai
ba, ya katse wayar.
******
Nadeeya ta yi sakato da waya a hannunta, a
ranta ta ce
"yanzu ya zan yi???
Da daddaren nan dai ko giyar wake na sha
bazan nufi dutse ba, sannan tunda ya ce kar na
nufi gidansa gwanda kar na koma, don dama ba
na gabansa, kar ya je ya mun wulaqancin da ko
kare ba zai ci ba.
Don haka ta yanke shawarar wucewa gidan su
Faruk d'in, sai dai ta san a Rijiyar zaki suke,
amma ba ta san yadda zata kwatantawa mai
adaidaita sahu ba, tunda ita ba 'yar gari ba ce,
kuma duk zuwanta gidan tare da Faruk ne.
Tana cikin wannan tunanin, suka samu adaidaita
sahu, abokanan tafiyarta, sai kiranta suke yi ta
zo, su tafi, anan ta kwashe abinda y faru ta
sanar musu.
Hafsat ce ta ce "
Ayya! Nadeeya kin yi shirme ni na d'auka da
izininsa ki ka zo,kin...... D'ayar matar da suke
tare ta katseta ta hanyar cewa
" hafsat ki zo mu tafi mu kam, kin san dai da
k'yar mu ka samu waanna adaidantan, ga shi
yana maganar zai tafi idan ba mu tashi tafiya
ba".
Ba ta sake cewa k'ala ba Hafsan,ita ma ta shige
cikin adaidaita, ya ja suka tafi, suka bar na
Nadeeya a titi ita kad'ai.
Ta fi k'arfin 15mnts a tsaye, tana tunanin abun
yi, daga baya ta yanke shawarar kiran Fateema
k'anwar Faruk, bayan ta kirata ne, take
tambayarta kwatancen gidansu, nan da nan
fateeman ta sanar da ita, amma sai da ta
tambaye ta ko lafiya???
Nadeeya ta ce
"lafiya k'alaau, kawai mun zo biki ne, na ke son
k'arasowa na gaishe da Umma".
Duk da k'asan zuciyar Fateema ba ta yarda da
maganarta ba, amma sai ta ce da ita "toh,Allah
ya kawo ki lafiya".
Cikin sa a ta samu keke napep, nan da nan ya
kawo ta, da yake gidan na su ba 6oyayye ba ne
har k'ofar gida ya ajiye ta.
Bayan sun gaisa da umma ne, take tambayarta
ina Faruk, nan da nan ta juyewa Umma abinda
ya faru.
Cikin mamaki umma ta ce
" gaskiya ba ki kyauta ba, Nadeeya ai ita mace
da biyyayya aka san ta, shi kuma Faruk ya biye
miki da ba ki yi hankali zuwa nan ba ki ka ce
garinku za ki wuce da daddaren nan ai da abu
bai yi dad'i ba".
Umma har ta d'auki waya za ta kira Faruk sai
dai ta ce bari ta bar shi sai da safe, tunda ya
saba zuwa gaishe ta kullum, sa yi maganar idan
ya zo.
Don haka ta ce da Fateema ta kai Nadeeya ta yi
wanka ta bata wani kayan marar nauyi ta
chanza sai ta zo ta ci abinci, ta kwanta ta huta.
Nadeeya kuwa cewa ta ke a ranta ita ba wani
wanka da zata yi don sanyi take ji, yaushe ta yi
wankan da har zata kuma yin wani.
Bayan sun shiga d'akin Fateema ne, take mata
maganar wankan, sai ko ta ce
"gaskiya ita ba wankan da zata yi, don sanyi
take ji"
Fateema ta ce
"Ai da ruwan d'imi ne".
Ta ce ita fa baza ta yi ba, sanin hali yasa
Fateema ta shareta da zancen.
Abincin ma da aka kawo mata tsakura ta yi,
sannan ta yi sallah ta nemi lafiyayyen gadon
Fateema ta haye sai barci.
Ko da Fateema ta shigo ta tarar tana ta sharar
barci, sai dai ta k'udundune da blanket kamar
marar lafiya, K'arasawa ta yi bakin gadon da
niyyar rage mata bargon, sai dai zafin da ta ji
jikin ta ya yi, ya bata mamaki har d'an karkarwa
take yi alamun zazz6i ya ci k'arfin ta, da sauri
fateema ta janyota jikin ta, tana tunanin to
dama bata da lafiya ne, ko kuma yanzu ciwon
ya sameta.......????
Afuwan please! posting sai Monday kuma, ina
da uzuri 鉂も潳馃憣馃徎
Maman Twins 馃槝
[10/16, 4:23 PM] mrm kd: [8/13, 9:06 AM]
Phatyma: 鈻狟ALLAGAZAR MACE 鈻�21
漏MRS SAIF
庐NWA
Girgiza kanta ta fara tana fad'in
"Aunty Nadeeya ba ki da lafiya ne??? Na ji jikin
ki zafi rau". Da k'yar Nadeeya ta iya bud'e
idonta ta ce
"eh, dama tun kafin ta fito daga gida, ta ji kanta
yana mata ciwo, daurewa kawai ta yi ta fito".
Sannu"Fateema ta fad'a tare da ajiye kanta
akan pillow ta yo hanyar fita don sanarda
Umma, da sauri ta k'arasa wurin da umma ke
zaune tana fad'in
"Umma ashe Aunty Nadeeya ba ta da lafiya, ba
ki ji yanda jikinta ya yi zafi ba ".
Subhannal! Umma ta ce tare da mikewa tsaye,
mu je na ganta".
Ko da suka shiga d'akin itama Umma ta yi
mamakin ganin Nadeeya a halin da ta sameta,
ta yi ta mata tambayoyin abinda ya kawo mata
ciwon nan take, abinda ta gayawa Fateema shi
ta kuma maimaitawa Umma.
Saboda haka Umma ta ce
"Fateema ta mik'o mata phone d'in ta dake
parlour, da sauri ta hau neman no Faruk, bayan
ta kawo mata wayar.
Sai dai an yi rashin sa'a don abu d'aya ake
gaya mata, number'n is switched off".
Don shi kam Faruk tunda suka gama waya da
Nadeeya ya kashe wayarsa ya saka charging,
bayan ya gama abinda ya ke yi, yayi
kwanciyarsa don shi kam har ya manta da
maganar wata Nadeeya.
Agogon da ke manne a d'akin Umma ta d'aga
kai ta kalla, 10:30pm a fili ta ce
"gaskiya dare ya yi, ban son driving d'in dare, da
mun je asibiti, amma bari a mik'o miki magani
ki sha Insha Allah gobe da sassafe sai mu wuce
asibiti".
*******
Haka aka yi kuwa, tun da safe suka yi shirin
zuwa asibiti, don ko tabi kan Faruk Umma ba ta
yi, suka yi tafiyarsu, sai Fateema da suka bari a
gida, ita ma idan ta gama shirinta makaranta za
ta wuce.
Sai yamma liki's Faruk ya zo gidan, lokacin su
Umma sun dad'e da dawowa daga asibiti.
Nadeeya na kwance akan doguwar kujera, yayin
da ta yi matashi da cinyar Umma, sallamar
Faruk ta dira cikin kunnuwansu.
Annurin da ya shigo da shi akan fuskarsa 6at ya
6ace, ganin Nadeeya Kane_kane a cikin gidansu,
don shi har ga Allah ya gaji, da halin Nadeeya,
don shi bai ga amfanin aurenta ba, gwanda
mishi zaman sa ba aure,don bai ga abinda auren
Nadeeyan ya tsinana masa ba.
Umma ce ta katse masa tunani ta hanyar fad'in
"UmarulFaruk tunanin meye ka ke yi ne haka,
duk ka wani 6ata fuska kai da ya kamata ace,
yau d'in nan kana cikin tsananin farin ciki", ta
k'arashe maganar tare da sakin murmushin Jin
dad'i.
Cikin rashin fahimtar in da zancen Umma ya
dosa Faruk ya ce "Umma wani farin ciki kuma,
Allah abinda yarinyar nan take yi kwata-kwata
ba ta kyautawa yanzu ya kamata a...... Umma
ta katse shi ta hanyar d'aga masa hannu.
Murmushin ne dai d'auke a fuskarta ta ce
" ya kamata ka tsaya ka ji albishir d'in da nake
tafe da shi kafin, ka fara k'orafi".
Wuri ya samu ya zauna, sannan ya ce to Umma
ina Jin ki.
Umma ta ce
"tun safe muka je asibiti don Nadeeya tunda ta
zo jiya bata da lafiya, amma Alhamdulillah
rashin lafiyan da ake buk'ata ne, don gwajin
farko ya nuna Nadeeya na d'auke da juna biyu!"
Zaro manyan idanunsa waje ya yi tare da
mikewa tsaye ya K'arasa wurin da Umma ke
zaune ya dafa gwiwowinta ya ce
"Umma da gaske Nadeeya ciki gareta??
Umma cikin zolaya ta ce
"a'a wasa na ke, don sanin yadda Faruk ke da
masifan son yara".
Nan da nan kuwa ya 6ata fuska, har sai da
Umma ta ji tausayinsa ta ce
"ta ce da gaske ne fa Faruk, nan da wata
bakwai ka sa ran d'aukan baby in Allah ya
yarda".
Wani irin farin ciki marar misaltuwa ya mamaye
zuciyar Faruk, ji yake kamar ya d'auki Nadeeya
ya goya don murna.
Sai kuma ya zubawa Nadeeya ido yana tunani
"a ransa da gaske Nadeeya na d'auke da gudan
jininsa bai ta6a Jin son Nadeeya ko na second
ba, amma yau sai ya ji ta samu wata martaba a
zuciyarsa...
Mum Twins 馃槝
[8/15, 8:06 AM] Phatyma: 鈻狟ALLAGAZAR
MACE 鈻�22
漏MRS SAIF
庐NWA
Anan dai Umma ta yanke shawarar Nadeeya za
ta zauna da su, har ta k'ara warwarewa, shi kan
sa Faruk ya amince da hakan, sai dai ya ce
Fateema ta je ta gyara masa gidan, don gaskiya
baya Jin dad'in zaman gidan a yadda ya ke.
Haka aka yi kuwa don dai sai da Nadeeya, ta yi
3wks a gidan su Faruk zuwa lokacin ta warke
ras, sai dai ita kan ta Umma d'an zaman da
suka yi ta fahimce Nadeeya ba k'aramar
k'azama ba ce.
Don haka tayi ta mata nasiha akan tsafta, amma
ina wanda ya yi nisa baya Jin kira.
A satin ne kuma ta koma gidanta, k'azanta ta
kuwa sabon shafi fal ta bud'e, don irin cikin nan
ne mai sa zubar da yawu ke gareta, don haka
duk inda ta samu watsarwa take yi, idan ta yi
abin arziki ta zuba aleda, amma fa ledar duk
inda aka ga dama ajiyeta ake yi daga nan ta
tsiyaye guri duk ya dame.
******
Saboda haka Faruk bai ta6a shiga tashin hankali
ba irin na wannan lokacin ba, gaba d'aya ya ji
ya tsani gidan da duk abinda ke cikin sa, ga shi
yana samun k'arin girma da d'aukaka kullum a
wurin aikinsu saboda k'wazonsa,don yanzu haka
ya siye wani makeken fili a ring road har ya fara
gini ya watsar don be ga amfanin saka mace irin
Nadeeya a gida mai kyau ba, domin akan
matsalar Nadeeya gaba d'aya ya rasa
nutsuwarsa,kullum cikin tunanin mafita yake,
abokanansa da dama sun ba shi shawarar ya
k'ara aure sai dai gaskiya shi ba shi da ra'ayin
mata biyu, don haka yanzu idan ya fita tun
sassafe baya dawowa sai kwanciyar barci, don
abinci kam ya yafe cin sa a gidan tuni.
Don haka duk wani eatery sabo da tsoho in dai a
garin kano yake,Faruk ya San da zaman sa.
Wata ranar laraba Nadeeya ta tashi da rashin
lafiya, don haka Faruk ya tsaya tare da ita bai
fita ba, don yanzu duk abinda take yi lalla6ata
yake don yana matukar tausaya mata albarcin
d'an sa dake jikinta.
Nadeeya sai wani narkewa take yi, ita a dole ga
mai ciki, ranar Faruk shi ya yi aikin gidan kaf, ya
gyara ko ina tsaf abinci ne dai ya fita ya siyo
musu.
Ko da ya dawo ya tarar da Nadeeya ta yi
bak'i,k'awayentan nan da suka hadu gidan biki,
don haka kallo d'aya ya musu ya shige kitchen
domin ajiye ledojin da ya shigo da su, don ya
tsane duk wani abu da ya shafi Nadeeya,
musamman wadan nan 'yan matan daga gani ba
su da wata cikakkiyar tarbiyya tun daga yanayin
kayan da suka saka.
Su kuwa su zee tun da suka d'ora k'wayar idon
su akan Faruk suka dask'are anan, musamman
Zainab da da k'yar ta hado wani yawu ta
had'iye, body language sukai using tsakaninsu,
nan take na ga sun mik'e suna sa6a bags d'in
su tare da ce wa Nadeeya
"mu za mu tafi sai mun kuma dawowa kenan"
Itama Nadeeyar mikewar to yi tana fad'in
"haba sameera da zainab, tun yanzu na d'auka
sai dare, a tare suka had'a baki suna cewa
"haba mun ce fa za mu dawo, dawowa ta
musamman ma kuwa".
Yak'e baki Nadeeya ta yi alamun ta ji dad'i
sannan ta ce
"Allah ya kai mu".
Suka bi ta da "ameen".
Bayan sun fito duban junansu suka yi tare da
had'a baki za su yi magana, sai samee ta yi
shiru ta ce
"fara fad'an taki maganar tukun".
Zee ta ce
"me za ta ce illah guy d'in can ya tafi da
imaninta,don ta ga maza kala - kala, amma
gaskiya Faruk na musamman ne kyansa da
yanayinsa duka sun mata, ta k'arashe maganar
da cewa
"Samee ni fa ya mun 100%,I really luv him with
ol my heart, kin san na dad'e ina mafarkin
samun namiji irin shi."
Kallon ta samee take yi sosai duk da bata yi
mamakin kalamanta ba, tunda ta san halin
k'awarta ta ba tun yau ba da son auren
kyakkyawan miji, mai kuma ganin gabansa tar,
duk da ita ba wani kyau ne da ita ba.
Amma sai ta ce
"yanzu kina ganin ba matsala zee??? Wata kila
yana son matar sa, ba lallai ki samu shiga ba".
Wata dariya Zee ta tintsire da ita sannan ta ce
"sai ka ce ba ki sanni be, nd then ki kalli mace
kamar jaka a gida, kin san Allah ban yi zaton
mijin ta yana nan ba, a yanayin da muka tarar
da ita".
Samee ta kar6e da cewa
"ba ke kadai ba, gaskiya yana k'ok'ari,d'an
zaman da na yi kusa da ita da k'yar na ke iya
had'iye yawu"
Zee ta cigaba "yanda kika san mushe haka take
bugawa, kin ga kuwa k'wace goriba a hannu
kuturu ai ba zai yi wahala ba...
Mum Twins 馃槝
[10/16, 4:23 PM] mrm kd: 鈻狟ALLAGAZAR
MACE 鈻�23
漏MRS SAIF
庐NWA
Ba a rufa sati da zuwan su ba, su ka kuma
dawowa sai dai sun yi rashin sa'a don ba su
samu Faruk a gida ba, amma da yake 'yan
duniya ne sai da suka yi dabara da suka samu
cikakken bayani akan sa, daga gurin
Nadeeya,don har phone number d'in sa sai da
suka sata a wayar Nadeeya.
Bayan sun yi nasarar gano yana aiki ne a federal
character, branch d'in su dake Bello road, don
haka zee ta ci alwashin daga nan, can za ta
nufa.
Faruk yana tsaka da aiki, sai ya ji an ce wai ya
yi bak'i, ya yi zaton abokan huld'arsu ne, don
haka kaitsaye ya ce
"ace su shigo".
Amma a mamakinsa sai ya ga mata, don haka
kallo d'aya ya musu ya d'auke kan sa, don shi
ya manta in da ya ta6a ganin fuskokinsu, a
dak'ile ya ce
"me ke tafe da ku ne"??
Zee ce ta tashi don K'arasawa zuwa inda Faruk
yake zaune sai wani karairaya take, ko ina na
jikinta motsi yake, saboda yanayin salon tafiyar
da take yi, ga shi wani riga da wando ne a
jikinta duk sun dameta, gaban rigar kusan a
bud'e yake, kan ta kuwa ya sha kitson
attachment wanda ya sauka har gadon bayanta.
Sauke k'wayar idonsa ya yi akan tulin files da ke
gabansa, da zummar cigaba da aikinsa, don
kallonta ba k'aramin k'ona masa rai ya ke yi ba,
don shi tun da suka shigo ya ji ya tsanesu, don
sun fi masa kama da karuwan gida.
Maganar zee ce ta dawo da shi daga tunanin da
ya ke, ta ce
"Alh Faruk ba ka gane mu ba ne"??
Faruk ya ce ban ma sanku ba,"
Zee ta ce a ranta "daga gani wannan shugaban
Jin kai ne, amma a fili sai ta ce
" k'awayen Nadeeya ne, da muka je gidan ku
last Wednesday, dama mun yo hanyar nan ne
muka ce bari mu zo mu gaisheka". Ta k'arashe
maganar tare da kashe masa ido d'aya.
Faruk ya ce
"na gode amma don Allah kar ku kuma zuwa
don da mata ta ku ke da alak'a ba ni ba",duk da
a ransa tambayoyine birjik yake da su, ta yaya
suka samu address na gurin aikin sa, kuma me
suka zo yi,duk da sun ce wai gaishe shi suka zo
yi, yasan sarai ba haka yake a zuciyarsu ba,
amma saboda baya son magana ta tsawaita a
tsakanin su yasa kawai ya shanye
tambayoyinsa.
Zee har ta bud'e baki za ta ce wani abu ya
d'aga mata hannu, sannan ya nuna mata k'ofa
alamar su fita, cikin k'unan rai samee ta mik'e,
don ita takaici bai barta, ta ce k'ala ba,da sauri
ta nufi k'ofa yayin da zee ta biyo bayan ta.
******
A kwana a tashi ba wuya a wurin Allah, don yau
ne Nadeeya ta haifi santalelen
yaronta,kyakkyawan gaske, ga shi k'ato, Faruk
kam yau kamar ya taka rawa yake ji,don farin
ciki, in banda hamdala ba abinda ke fita daga
bakin sa.
Ranar suna yaro ya ci suna Muhammad amma
ana kiransa da Ansar, an sha shagalin suna, don
'yan uwan Nadeeya kaf ba wanda bai zo daga
dutse ba.
An yi taron suna an waste lafiya an bar mai jego
da d'an ta, sai wata tsohuwa da zata zauna da
ita zuwa lokacin da za su yi arba'in.
Sai da suka yi wata biyu cif tsohuwar ta
gangama yana ta-yana ta, ta yi gaba, aka bar
Nadeeya daga ita sai halinta. Don kuwa
k'azanta yanzu ne ta samu wurin zama, don
daga ita har yaron na ta, ba sa shak'uwa don
wani irin k'arni ke tashi a jikinsu.
Saboda idan Nadeeya ta saka bra sai ta yi sati
bata chanza ba, wanka kuwa tun da ta gama na
jego sai ranar da ta ga dama take yi har ta
yaron ba kullum ta ke masa ba, ga shi irin yaran
nan masu tumbud'i, ga shi Faruk yana masifar
son ya ga yaronsa a jikinsa duk likacinta da ya
ke gida, amma ina da ya d'auki yaron wani
k'arni ke dira cikin hancinsa, a dole yake ajiye
shi ya riga masa wasa daga nesa.
Faruk bai k'ara sanin yana cikin babbar matsala
ba sai da ta haihun nan, don yanzu tsakanin sa
da Nadeeya sai kallo daga nesa, don ko
mu'amular auratayya ba ta shiga tsakanin su.
Akwai wata rana lokacin ba su dade da yin
arba'in ba, ta d'irki magungunan mata kamar
hauka, wai ita alallai tana yiwa mai gida gyara,
don haka kan wani lokaci ta hau network mijinta
kawai take buk'ata, don haka Faruk bai dade da
dawowa ba ta kai tallan kanta.
Haka Faruk ya daure da niyyar faranta mata rai,
tun da shi kansa yana buk'atar matarsa.
Amma cusa kan sa da yayi jikin Nadeeya shi ya
yi sanadiyyar tarwatsa duk wani tanadin da ya
yi, tuni ya saketa ta yi baya, shi kuma ya dafe
kansa da duka hannayensa bai an karaba ya ji
hawayena na biyo kumatunsa na takaici da
tsantsar rashin sanin abun yi, amma dai ya saka
a ransa dole ya nemi mafita, tun kafin annakiyar
Nadeeya ta kai shi k'asa........
Mum Twins 馃槝
Mum Twins 馃槝
[10/16, 4:23 PM] mrm kd: 鈻狟ALLAGAZAR
MACE 鈻�24&25
漏MRS SAIF
庐NWA
Kwanaki sai dad'a shud'ewa suke yi, amma
Faruk ya kasa samun mafita, don duk ta inda ya
6ullowa ummansa ta k'i ganin laifin Nadeeya
kullum magana d'aya take nanata masa,shi ne
ya yi hak'uri dole wata rana zata chanza, duk da
ita kan ta ta sha mata fad'a akan hakan amma
ba a samu wani chanji ba.
Yanzu ga shi kusan watan Ansar takwas da
haihuwa amma kullum abubuwa sai dad'a
ta6ar6arewa suke yi ta 6angaren Nadeeya, ga
matsalar k'awarta zee kullum ba ta da aiki sai
na kiransa a waya, da bibiyar wurin aikinsa.
Wata siririyar ajiyar zuciya ya sauke tare da
fad'in "ya Allah ga ni gareka,, a matsayina na
bawanka mai rauni kai ka fi sanin daidai, ya
mad'aukakin sarki ya Allah ka kawo mun mafita
mafi alkhairi a gareni".
Daidai lokacin ne kuma ya lura da ya kauacewa
hanyar da ya ke son bi, sakamakon dogon
tunani da ya je, shi da zai karya kwana ya shiga
Jan bulo, bai yi aune ba sai ya gan shi kan
gwarzo road sosai don ya yi nisa sosai daga
kwanar da ya kamata ya shiga.
Da kamar ya yi u-turn ya dawo, sai kuma ya
samu zuciyarsa da kimsa masa kawai ya
k'arasa BUK ko Fateema ta gama lectures ya
d'aukota, sai su taho gida tare.
Straight gate d'in shiga makarantar ya nufa,
parking ya yi daidai faculty of science, sannan
ya fito daga motar tare da wayarsa a hannu don
kiran Fateema ya ji ko ta gama lectures tunda
ya ga yamma ta yi.
Kansa a sunkuye yake, yana lalabin number'n
tilon k'anwarsa, ta k'asa idonsa ya yi arba da
wata kyakkyawar k'afa mai d'auke da zara-
zaran yatsu da suka sha jan lallen saajan, d'an
mutsutstsuka idonsa Faruk ya yi don ya
tabbatar da k'afa ce, ko kuma idonsa ke masa
gizo, don k'afar ta fi masa kama da zane ko
hoto, don ganin k'afar ya yi tamkar ba a taka
k'asa da ita.
Sanyayyen k'amshin turaren 2U ya dake
hancinsa hakan ya tabbatar masa mai k'afar
tana kusa da shi.
A hankali Faruk ya d'aga idonsa, cikin d'auken
ganin fuskar wacce ta mallaki wannan tsaleliyar
k'afar.
Karaf! Idanunsu suka hadu lokaci d'aya, da sauri
yarinyar ta kawar da fuskarta gefe.
********
Shi kam Faruk ya kasa daina kallonta, for the
first time da ya tsaya k'arewa mace kallo a
rayuwar sa, yarinya ce wadda shekarunta ba za
su wuce 20_21yrs ba, za a iya kiranta da fara
amma ba gau ba, sai dai yanayin kyan skin d'in
ta shi ke Jan hankalin mutane, sai idanunta
masu fizgar hankalin mai kallonsu , tana da
hanci dai dai da d'an k'aramin bakinta, za mu
iya kiranta da doguwa, wadda tsayinta ya yi dai
dai da dirin jikinta.
Sanye take da Arabian gown coffee colour,mai
d'auke da adon yellow, yayin da ta yane kan ta
da yellow veil, fuskan nan fayau ba wani
tarkacen kwalliya sai lipstick da ta zizara a lips
d'in ta sai kwalli da ta saka a idonsa wanda shi
ke k'ara tona asirin kyaan idanun na ta, ta cikin
farin glasses da ta mak'ala a idonta, wanda ga
dukkan alamu medical ne.
Tuni Faruk ya daskare a wurin, har ta zo ta
ratsa ta gefensa da niyyar wucewa, salon tafiyar
ta, shi ya k'ara kambamamata a zuciyar Faruk,
yanda ta ke taku cike da nutsuwa da hankali,
tamkar ba za ta, taka k'asa ba, wanda wasu za
su iya kiransa da yanga, amma samsam a wurin
ta abun ba haka ba ne, it's just her nature,
saboda tun kafin ta zama cikakkiyar budurwa
haka tafiyarta take.
Bai an kara ba sai Jin muryar Fateema ya yi
tana fad'in
"friendy kin gaji da jirana ko"???
Murmushi yarinyar ta saki, wanda ya k'ara
bayyanar da asalin madarar kyaun da take da
shi, tare da cewa "haba friendy sai fa da na ce
ki hak'ura ki bar mata buk d'in gobe kya kar6a
ki ka k'i ji, bacin kin san maryam da naci". Ta
k'ara she maganar fuskarta d'auke da wani
Murmushin.
Faruk dake gefe yana kallonsu, sai ya ji kamar
kar ta daina magana, don ji yayi kamar tana rera
wata daddad'ar wak'a yanda salon maganar ta
ta ke fita, dafe ha6arsa ya yi tare da ce wa
"ya ILLah!me yasa yarinyar nan komai ta yi
burge ni take yi, duk da ya riga ya gama
yarjewa kan sa ya fad'a dumu - dumu cikin
k'aunarta.
Ajiyar zuciyarsa, ta yi dai dai da fara tafiyar su
don barin gurin gaba d'aya, da saurinsa ya ce
"Fateema"!!
Cikin mamaki Fateema ta jiyo don Jin muryar,
yayanta da hanzarinta ta k'arasa gurin da ya ke
tsaye tare da cewa
"what a wonderful surprise! Bro kwata_kwata
ban lura da kai ba."
Murmushi Faruk ya yi sannan ya ce ni kai na, na
san da haka, don na dad'e a tsaye ina kallonku
ke da k'awarki, amma ba ki lura da ni ba".
Cikin murna ta koma in da k'awarta ta ke tsaye
ta Jawo hannunta tana fad'in
"bro meet my eponym, sweetest,finest friend".
Ido Faruk ya d'an zaro alamun mamaki ya ce
"wow! Yhu mean Fateema is her name too"????
Gyad'a kai Fateema ta yi cike da k'warin gwiwa
alamar hakan take nufi.
K'arasawa Fateeman ta yi gun faruk tana gaishe
shi, tare da fad'in "ya Faruk, am I right???
Yes! Yes!! Faruk ya fad'a cike da jindad'i, yana
tunanin ashe ma ta san shi, har faty k'anwarsa
sai da ta fuskanci hakan.
Ta ce
" bro ai ba ka san wani abu ba duk wan da ya
zauna tare da ni ko na second ne sai ya san ya
Faruk a bakina".
Murmushi Faruk ya ke yi yana Gyad'a kai cike
da gamsuwa da maganar k'anwar tasa.
Sai kuma ya ce "ku zo mu tafi ko, kun ga
yamma sai dad'a yi take yi".
Fateema ta ce ai kuwa dai bro, sai mu fara
sauke friendy a gida sai mu wuce ko"???
Sosai ma kuwa Faruk ya fad'a tare da satan
kallon Fateeman.
Dan basarwa ta yi kamar ba ta ji abinda suke
cewa ba, sai da faty ta ce da ita
"friendy mu je ko???
Fateema ta ce
"namesake ku yi tafiyar ku kawai na gode, ina
ga yaya mus'ab yana hanya za mu tafi tare da
shi".
6ata rai teema ta yi ta ce
"haba ta yaya ki kasan yana hanya bacin ban ji
kun yi waya ba".
Har fateema xa ta ce wani abu, sai faty ta
katseta da cewa
"to wallahi sai kin shiga shi kenan"
Dariya suka yi gaba d'ayan su, saboda fateema
tasan halin k'awarta ta idan ba haka ta mata
ba, ba lallai ta shi ga ba.
Faruk haka kurum ya tsince kansa cikin farin ciki
yayin da ya ke driving, ji yake kamar kar yakai
Fateema gida, su yi ta zaman su a haka suna
zaga gari, sai dai k'asan zuciyarsa yana
mamakin yadda soyayyar yarinyar ta kama shi
lokaci d'aya...
Ku yi hak'uri rashin posting jiya yarona ne, ba
lafiya amma insha Allah idan na samu kai na, za
ku kuma jina 鉂ゐ煈岎煆�
Maman Twins 馃槝
[10/16, 4:23 PM] mrm kd: 鈻狟ALLAGAZAR
MACE 鈻�26&27
漏Mrs Saif
Bayan sun ajiye teema a gidansu ne, Faruk ke ce
da Fateema "dama k'awarki ce amma ban ta6a
saninta ba"???
Faty tace" ah, ai da yake gaskiya ba ta cika
yawo ba, daga gida sai school, amma Umma
tasanta, don mun ta6a zuwa sau d'aya da ita ta
gaisheta, kuma ina yawan ma Umman hirarta".
Murmushi ya ke yi sosai ya ce
"k'anwata a tsakanin mu ba 6oyeye, so zan
gaya miki iya gaskiya ta, ina son k'awarki, ban
ta6a tunanin k'arin aure ba, a nan kusa ba, duk
rashin cikar da burina bai yi ba ta fuskar auren,
sai dai ganin k'awarki nan da na yi, na ji ina son
k'arin aure nan ba da jimawa ba, fatana Allah ya
sa wani bai riga ni ba".
Ya k'arasa fad'ar maganar da tausayawa kan
sa, idan har fateema tana da wanda take so to
lailai ya San ya rasa farin cikin rayuwarsa.
Ihun murnar da faty ta saki, shi ya dawo da
Faruk daga duniyar tunani, tace "yaya ni dai a
iya sani na friendy bata kula kowa, don a cewar
ta 6ata lokaci ne, don ita yanzu karatu ta sa a
gaba, ka ga kuwa na samu damar kafa
gwamnatin yaya na, hankali kwance".
Damk'e hannunta Faruk ya yi sosai cikin farin
ciki ya ke fad'in "thank you so much k'anwata,
I'm proud of you, don na tabbatar da cewa farin
ciki na shi ne na ki".
*********
Fateema tun jiya ta matsu gari ya waye ta je
skul ta fesawa Teema abun da ya faru, saboda
haka da wur_wuri yau ta shirya ta nufi
makaranta, har Umma tana ce da ita ki ka ce
yau sai 9 ku ke da lecture, na ga yanzu ko 7 bai
yi ba ki na neman fita"???
Sai da ta rataya Jakarta ta ke cewa
"Umma akwai abinda ya taso ne daga baya, shi
yasa zan fita yanzu".
Addu'ar dawowa lafiya Umma ta bi ta da
ita,sannan ta sa kai ta fice daga gidan.
Teema ba ta isa makarantar ba sai after 8, cikin
zumud'i fateema ta je tarota, ba a d'au dogon
lokaci ba ta fesa mata abinda ke cin zuciyarta
tun jiya.
Murmushi Fateema ta yi tare da cewa
"haba namesake ke fa kin san alk'awarin da na
d'auka na ba zan kula ko wani namiji ba, har sai
na kammala karatuna,kuma ke kika k'arfafa
mun gwiwa, amma yanzu ki zo da maganar ya
Faruk"????
D'an 6ata rai faty ta yi tare cewa
"haba friendy yanzu me ye matsalan yayana,
wallahi idan ki ka aure ya Faruk za ki ji dad'i,
don na fahimci yana matuk'ar son ki, don ni tun
tasowata ban ta6a ji ya ce yana son wata mace
ba, sai akan ki, kin ga bai kamata ki watsa
masa k'asa a ido ba."
Girgiza kai Fateema ta yi tace "ba ki fahimce ni
ba ne, ni fa karatuna ne ba zan ajiye ba, na yi
aure yanzu, don na san ina amincewa zai fara
maganar aure".
Murmushi faty ta yi, don a maganar da suka yi
da fateema ta fahimci tana son yayanta, kawai
dai ita ta d'auka karatu da aure babban aiki ne
shi yasa ta k'i amincewa, don ta tabbatar da
zancen wani ta kawo mata a cikin samarin da
ke nacin son ta da yanzu sun yi fad'a.
Don haka ta cigaba da nuna mata karatu da
aure ba matsala ba ne, kawai ta sawa zuciyarta
za ta iya kawai, sai Allah ya taimaketa, ba ta
gushe tana bata baki ba, har sai da ta ga ta
d'an sauko daga dokin nak'in da ta hau.
Yau kamar yadda ya saba a lokutan baya, k'arfe
6 na yamma ya shigo gidan d'auke da sallama a
bakinsa, tsayawa ya yi ya d'an kalleta ya wuce,
don inda sabo ya saba, zaune ta ke tana feeding
Ansar, amma gaba d'aya boobs d'in ta a bud'e
suke, ta yanda idan yaron ya sha wannan, sai
ya juyo ya sha wannan tamkar dai akuya na
shayar da d'anta.
********
70:30pm Faruk ya fito cikin shirin sa, da wani
tsadaden yadi golden colour wanda aka yiwa
ado da zare golden brown, yadin shara-shara ne
ta yanda za ka iya hango farar vest d'in sa ta
ciki, sai hular da ya kafa akan sa itama golden
brown, takalmin da ya saka yayi daidai da
kayan, yayi kyau sosai kamar wani sabon ango,
k'amshin turaren da ya zuba ne ya tilasta
Nadeeya lek'owa ta ga ko lafiya, don gaba d'aya
gidan ya k'amshashe kamar wurin kamun
amarya.
Ganin yanda ya yi masifar kyau, yasa ta ji wani
abu ya tokare mata mak'ooshi, wanda ba komai
ba ne, illa kishi, don haka ta sha gabansa tare
da rike k'ugu sannan ta ce
"ina zuwa da daddaren nan"????
Ido cikin ido Faruk ya kalleta ya ce
"zance".
Me ka ce"??? Nadeeya ta tambaya cikin k'araji.
Faruk ya ce
"sarai kin ji abunda na ce, don haka I can't
repeat myself".
Sai kuwa ta yi bakin kofa da sauri ta saka key
ta zare key'n ta cusa cikin zaninta, wanda garin
sauri har d'ankwalinta yana fad'uwa, hakan
kuma shi ya tona asirin cukurkud'ad'en gashin
kan ta wanda ya fi wata ba kitso ba kuma
gyara.
Kallonta Faruk ya yi, ya ce
"wai me ki ke yi haka??? Hauka ko kishi???
Ai duk macen da ta san kanta ba za ta tsaya ta
zama BALLAGAZA ba, irin yadda ki ka yi, har
hakan ya zama sanadin hango wata da na yi,
wadda nake fatan ita ce zata zamemun warkar
cutukan da ke, ki ka sa mun, ki godewa Allah da
nine mijinki, da wani ne, da tuni kin manta da
kin bar gidan, ko ya zama rik'akk'en d'an bariki,
ya kuma kwaso cuta ya ya6a miki".
Yana gama fad'ar haka ya janyota, gaba d'aya
zanin jikinta ya warware, ya ciro key d'in,
sannan ya mika mata, zaninta ya bud'e k'ofar
ya fice daga gidan gaba d'aya.
Nadeeya kuwa dask'arewa ta yi a wurin don
mamakin kalaman Faruk, kafin daga bisani ta
zube a wurin, sannan ta saki wani irin kuka har
da dukan bango kamar mahaukaciya sabon
kamu....

Share this

WhatsApp