BALLAGAZAR MACE Page 21 to 30

Cikin d'an k'ank'anin lokaci soyayya da
shak'uwa ta shiga tsakanin Faruk da Fateema,
ta yanda in dai suna tare da junansu ba sa
kallon kowa sai kan su, soyayya tsaftatatciya
mai cike da ganin k'ima da daraja juna.
Ba a d'auki wani dogon lokaci ba, Faruk ya
bijirowa Fateema da maganar aure, don baya
son dogon zance a yanzu ya fi buk'atar a ce
Teeman ta zama mallakinsa, Umma ce ta so ba
shi matsala, don cewa ta yi bata amince ya
k'ara aure yanzu ba, dududu auren nasa da ko
shekara biyu bai kai ba har zai tattago wani
auren.
Amma cikin taimakon Allah Faruk ya shawo
kanta har ta amince, a dole ita ma Fateema ta
amince aka saka ranar aurensu nan da wata uku
masu zuwa, don ta gaji da magiyar da Faruk ke
mata akan ta taimaka masa ta amince, uwa uba
ga shi Faruk ya samu kar6uwa gurin iyayenta,
don ta so ta kaucewa buk'atarsa don ta fiso ta
d'an yi nisa a karatun ta, in son samu ne ma ta
gama, amma k'ememe Abban ta ya amince da
buk'atar Faruk.
Don haka itama ta watsar da makamanta, ta
amince ta kar6i Maganar auren da hannu biyu,
don ummyn ta ta sha gaya mata karatu baya
hana aure.
Sai dai damuwarta d'aya da Faruk ya sanarda
ita yana da mata, don ko a labari faty bata ta6a
gaya mata yana da mata ba, tambayoyi ne birjik
a ranta, to me zai saka shi k'arin aure da wuri
haka, ga fargaba da ta cika zuciyarta, kar ta je
ta tarar da matarsa ta fi k'arfin ajinta, don
Faruk bai gaya mata komai ba dangane da
abinda ya shafi Nadeeya.
Bare faty da Umma ta mata kashen kada ta
sake ta sanar da Fateeman halin Nadeeya, don a
cewar Umman ba k'aramin raini zai jawo mata
ba.
*******
Fateema ce kwance a kan gadon d'akin ta ta yi
rigingine tana kallon fan da ke juyawa, wanda a
zahirin gaskiya ba ita take kallo ba, idonta ne
kawai akanta amma zuciyarta ta tafi bulayi
wata duniyar.
Sallama Ummy (mahaifiyar Fateeman) ta yi tare
da k'urawa 'yar tata ido wadda har a lokacin
bata san ta shigo ba.
Zama Ummy ta yi akan gadon tare da janwo
fateema zuwa jikinta, cikin sigar rarrashi Ummy
ta fara magana
"haba mamana me ke damunki haka???
Na shigo ina ta magana hankalinki kwata -
kwata baya tare da ke, na fuskanci kwana biyu
ki na cikin damuwa gaya mun meye damuwarki
kin ji mamana " ta k'arashe maganar tare da
shafa dogon gashin Fateeman wanda ya sha
gyara, ya kwanta luf zuwa gadon bayanta.
Gyara kwanciyarta ta yi akan cinyar Ummy ta
ce" Ummy ni fa kishiya ce bana so??
Ta k'arasa maganar da d'an turo baki.
Murmushi Ummy ta yi tare da d'an zaro
idanunta waje ta ce
"haba Azzarah a irin tarbiyyar da na ba ki ai bai
kamata ki ji tsoron kishiya ba, sanin kan ki ne,
tun kafin ki kai haka nake koyar da ke, duk wasu
dabaru na zamantakewa a gidan miji,don haka ki
daina Jin shakkar zama da kishiya in dai kin bi
kan turbar da na d'oraki, duka lamuranki ki
mik'awa Allah shi zai ji6inci lamarinki.
Ummy ta dad'e tana yiwa Fateema nasiha,
yanda zata bi mijinta har ma da abokiyar
zamanta don Ummy ba ta da duhun kai irin na
wasu iyayen, ita ke gayawa Fateema duk abinda
ya kamata ta sa ni, matukar shekarunta sun kai
ga matsayin sanin abun.
Tabbas Fateema ta ji ta samu kwanciyar hankali
da kuma k'warin guiwa, shi yasa take matukar
son Ummyn ta don tun tasowarta, ita ce
k'awarta kuma mahaifiya don duk matsalar da
ta shiga ita take fara gayawa cikin yardar Allah
ummy za ta lalubo mata mafita cikin sauk'i.
Dama hausawa sun ce duk abinda babba ya
hango yaro ko ya hau rimi......
Let us look back .... Fateema haifaffiyar garin
Kano ce, mahaifanta uwa da uba, fulanin garin
Garko ne, su shida ne ras a gurin iyayensu, guda
biyar duk maza ne, sai a haihuwa ta shida aka
haifi Fateema wadda ta ci sunan mahaifiyar
Ummy, shi yasa sun fi kiranta da Azzarah
musamman Abbansu, Ummy kuma ta fi ce mata
Mamana, sauran yayanta kuwa sun fi ce da ita
Fateema ko AZZARAH, shi yasa duk wanda aka
gaya mata amsawa take yi.
Fateema ta taso cikin kulawa ta iyaye da yayye
dukansu k'aunarta suke yi kamar su had'iyeta
musamman Abba,ko don ta kasance ita d'aya ce
a cikinsu??? domin ba don Ummy a tsaye take
ba, da shagwa6awar da Abba zai yiwa Fateema
sai ta zarce misali, to da ta ga za a kwacewa
daidai za ta yi magana, don ita har ga Allah
tana son 'yar ta samu cikakkiyar tarbiyya,
wadda take burin ta zama mace tagari a gidan
aurenta anan gaba, wacce ko wani miji ke burin
samu.
Don haka soyayyarta ba ta hana ta yi mata
fad'a idan ta yi ba daidai ba, ta kuma nuna
mata tsananin 6acin ranta gudun k'ara afkuwar
hakan anan gaba........
[8/23, 4:52 PM] Phatyma: 鈻狟ALLAGAZAR
MACE 鈻�
漏MRS SAIF
Don haka fateema ta taso da nutsuwa da
hankali, sam bata da rawarka irin na wasu 'yan
matan wannan lokacin, komai nata mai san yi
ne wannan kenan...
****
Faruk kuwa tun bayan, saka ranar auren su da
Fateema, ya tashi maganar ginin gidansa da ya
fara ya ajiye, don shiri sosai yake wa bikin,
tamkar shine na farko duk da ya ce, wannan
bikin ya fi masa na farko sau dubu.
Nadeeya kuwa tun da ta fuskanci da gaske
Faruk aure yake shirin yi, ta ce
"ita ba za ta iya zama da kishiya ba, sai dai ya
za6a ko ita ko amarya, kun ji fa... Ni dai a nawa
hangen sai nake ganin ai sai macen da ta amsa
sunan ta na mace a gun miji take ba da wani
options a bi ta kanta ba irin su Nadeeya ba...
Lolx.
Kallon uku saura kwata Faruk ya bita da shi,
sannan ya yi wani malalacin murmushi ya ce
"wato har wani xa6i ki ke ba ni?? Amma da a ce
ke mai tunani ce da baza ki ba ni wani za6i ba,
don kin san bazan za6eki ba, don haka abinda
zan iya cewa dake, idan kin ga za ki iya zama ki
zauna idan ba za ki iya ba, ban d'aure ki ba, it's
up to you."
Wata k'atuwar k'wafa Nadeeya ta saki sannan
ta shige d'akinta tana had'a kayanta tana kuka,
don ta sha alwashin daga nan sai dutse, don ko
gidan su Faruk ba za ta biya ba, don ita kanta
Umman haushinta take ji.
Trolley d'in ta jawo zuwa parlour da niyyar
ratsawa ta gefen Faruk ta wuce.
Sai Faruk ya ce da ita
"Ansar kuma fa, na ga kina neman shigewa ki
bar shi".
Kallon banza ta watsa masa, sannan ta ce
"Ai ka san da shi na zo, da zan tafi da shi, kai
dai da ka ke da jarabar son 'ya' ya sai ka rik'e
abunka don ni ko ba shi, zan iya rayuwa".
Daga haka ba ta k'ara ko kqllama d'aya ba ta ja
trolley d'in ta tai gaba.
Tsayawa ya yi rungume da Ansar a jikin sa
yana tunanin hali irin na Nadeeya, ya d'auki
kusan 5mnts a haka, daga k'arshe ya ga hakan
ba zai fitar da shi ba, ya nufi toilet da yaron,
wanka ya masa ya shiga d'akin Nadeeya don
d'auko masa kayan sawa, sai dai kaf kayan sun
yi daud'a, ya rasa mai zai yi, sai can ya tuna da
bai dad'e da siyo masa wasu sabbin kaya ba ya
manta bai bawa Nadeeya ba, don haka ya koma
d'akin sa ya d'auko set d'aya a ciki ya saka
masa, sannan shi ma ya shirya, ya rufe gidan ya
nufi motorsa rungume da Ansar a k'irjinsa.
Kaitsaye gidan su yana nufa don ba shi da wani
za6i da ya wuce ya kai shi can...
Mum Twins 馃槝
[10/16, 4:23 PM] mrm kd: 鈻狟ALLAGAZAR
MACE 鈻�31
漏MRS SAIF
Umma na kwance a d'aki ta d'an kishingid'a ta
jiyo sallamar Faruk da sauri ta yo parlour tare
da fad'in "muryar wa na ke ji da safen nan
kamar Faruk"??
Sosa k'eya ya yi tare da cewa" ni ne Umma, an
tashi lafiya"?
Lafiya qalau Umma ta ce "tare da kai hannu ta
kar6i Ansar, sannan ta ce" ina maman ta sa, ba
ta fito daga mota ba ne"??
Hannu ya sa ya shafo sumar kansa, sannan ya
ce wallahi Umma da ma a.... Sai kuma ya yi
shiru, cikin zaro ido waje Umma ta mik'e tana
cewa "dama me, mai ya samu Nadeeyan, na ji
ka fara magana ka yi shiru".
Kwantar da muryar sa ya yi, ya ce "ba abinda
ya same ta Umma, kawai dai ta kasa fahimta ta
ne akan zancen auren nan, shi yasa yau tun
safe ta shirya ta wuce dutse, don ta ce sai dai
na za6a ko ita ko amarya".
Ajiyar numfashi Umma ta sauke tare da cewa
"kai kuma sai ka ce da ita ka za6i amarya ko"??
Sosa kai ya yi tare da fad'in" Umma ni fa ta
kasa fahimta ta na ne kawai, amma ba nufi na
wu......"yi mun shiru ni na nemi mafia, dama
idan dai namiji ya so k'arin aure ai dole ta gida
ta yi hak'uri, bare Nadeeya da take a lanjare".
Umma ke fad'in haka ta hanyar katse maganar
Faruk.
Waya ta d'auka ta kira layin Nadeeya sai dai
number'n x not reachable, don haka ta lalubo
number'n maman Nadeeyar itama x switched
off. Wulli ta yi da wayar kan kujera tana kallon
Faruk ta ce ga shi wayoyin na su duk ba sa
shiga".
Murmushi Faruk ya yi tare da fad'in "Umma ki
daina wahalar da kan ki, ita ce mai dawowa da
kanta, duk wannan na san barazana ce".
Harararsa Umma ta yi sannan ta ce "wato na
k'yaleta tunda kai ba ka da hasara wani auren
za ka yi, ni kuma ka lalata mun dangantaka ta
da aminiyata, ko da yanzu za ta dawo, dole na
cigaba da bibiyarta ita da mahaifiyarta, don
gudun samun matsala, idan ka kawo tsiya
yanzun za ka ajiye duk abinda ka ke yi mu yi
shirin zuwa dutsen".
Ai ba shiri Faruk ya tsuke bakinsa, don idan
umma ta ce a je dutse yau, ai duk ta rusa masa
schedule d'in sa na yau. Saboda haka ya ce
"Umma ki yi hak'uri don Allah, bari na ajiye
Ansar na wuce wurin aiki nan ma ba dadewa
zan yi ba zan nemi excuse na je duba aikin ginin
da ake yi".
Sai da ta kara waya a kunnenta don k'ara
neman layin maman Nadeeya, ta ce masa Allah
ya taimaka, amma Ansar yana cin abinci kuwa??
Faruk ya ce "sosai ba abinda baya ci".
Umma ta ce "oho! To ai da sauk'i, kasan yaran
yanzu sai su k'i bawa yara abincin mu na asali
sai na gwangwanaye, sai ka ga yaro ya fi
shekara amma baya iya cin abincin gargajiya".
Dariya Faruk ya yi ya ce
"Umma sai na dawo ina makara ".
Umma ta ce to, Allah ya kiyaye hanya".
Ya ce "ameen tare da ficewa daga parlourn.
*****
DUTSE
Nadeeya ce zaune ta yi jugum, tana tunanin
wannan wacce irin masifa ce, gidan aure ba
dad'i ta zo gidan su don ta ji sanyi nan ma ta
tarar da wata masifar, ba ta k'arasa tunanin da
take yi ba ta tsinkayo muryar mamansu tana
cigaba da fad'in
"to don ma ki ji na gaya miki, ba ki da wurin
zama a gidan nan, idan dai ba so kuke ku kashe
ni da raina ba,ga yayyanki can guda biyu watan
da ya wuce duk aka sako su, har an fara
zund'en mu a unguwa, a haka ke ma ki ke so ki
kashe na ki auren ku zo duk mu zauna taron
zawarawa, to ahir ki fita a idona, tun muna mu
biyu ki kwashi kayanki k koma".
Kuka sosai Nadeeya ke yi tana yiwa mama
magiya akan ta k'yaleta ta zauna, amma
k'ememe maman ta k'i.
Cikin kuka Nadeeya ke cewa "haba mama yanzu
ina komawa kano a yau ai zai zamemun abin
gori har zuwa k'arshen rayuta, a ce gidan na mu
ma sun kasa rik'eni sun koroni".
Cikin tsawa mama ta ce
"su fad'i ko ma meye amma ba zan goyi bayan
ki kashe aurenki, ki zo gida ki zauna ba".
Amma mama ai kya bar ni ko zuwa sati ne na yi
kafin na...... Ringing phone d'in ta shi ya katse
maganar da take yi, ganin sunan Umma ne ya
saka ta daidaita nutsuwarta kafin ta d'aga.
Bayan sun gama gaisawa ne, ta ce ta bawa
mama wayar, ba musu ta mik'a mata, sun dad'e
suna tattaunawa kafin daga bisani su yi
sallama.
Juyo da dubanta ta yi ga Nadeeya ta ce "kin ci
arzikin sirikarki, da ta biyo sawu don ko ba
komai nasan maganar aurenki tana nan, tunda
tana ta ba da hak'uri ga shi ta ce a jira Faruk
zai zo da kan sa ya tafi da ke".
Wata k'atuwar ajiyar zuciya Nadeeya ta sauke
don ko ba komai ta ji kashi hamsin a cikin d'ari
na daga damuwarta ya yaye....
Mum Twins 馃槝
[10/16, 4:23 PM] mrm kd: [8/26/16, 9:53 AM]
phatyma鈻狟ALLAGAZAR MACE 鈻�32&33
漏MRS SAIF
Kwanci tashi ba wuya a wurin Allah, yau bikin
Fateema da Faruk ya rage saura 3wks, shiri
sosai suke yi ta 6angarorin guda biyu.
Yayin da Faruk ya gama gininsa tsaf, gida ya
tsaru ba'a magana.
Fateema kuwa har an fara mata gyaran jiki don
musamman Ummy ta d'auko mai gyaran jiki 'yar
Maiduguri, cikin' yan kwanakin da aka fara mata
gyaran ta koma tamkar wata tauraruwa, lungu
da sak'o duk gyara ake mata don matar ta san
aikinta sosai.
Nadeeya na gefe, duk takaici ya cikata, don tun
dawowarta ta rasa yanda zata 6ullowa lamarin,
musamman yadda ta ga Faruk na masifar rawar
kai akan auren, har mamaki ta ke yi kamar ba
Faruk d'in da ta sa ni ba,dama akwai macen da
zai rik'a rawar kai akan aurenta, idan har ta
kwatanta da lokacin bikin su yanda ya nuna
ko'in kula akan auren a wancan lokacin lallai
tana son ta ga wannan yarinyar ta ga da me ta
fita,yake wannan uban rawan jiki akanta.
A zaune take parlour ta rafka uban tagumi,
yayin da ta saka TV a gaba kamar mai kallo,
amma sam zuciyarta ba ta kai, tunanin mafita
kawai take duk da ta san ba makawa sai an yi
auren, sallamar da maman Deedat(mak'ociyarta)
ta yi ne ya katse mata tunani.
Tace "lafiya maman Ansar ina ta sallama amma
sai yanzu ki ka jiyo ni"???
Hmm! Bari ke dai, ina cikin wani yanayi ne shi
yasa kwata_kwata ban ji motsin shigowarki ba,
cewar Nadeeya.
Maman Deedat ta ce" Subhannallah! Me ya faru
ne"??
Murmushin yak'e Nadeeya ta yi, tare da cewa
"akan zancen auren nan mana, yanzu haka
dududu bikin bai kai wata d'aya ba".
Neman wuri ta yi ta zauna sannan ta fara
magana da cewa "maman Ansar na sha gaya
miki abinda ki ke yi ba kya kyautawa, yanzu don
Allah kalleki kalli gidanki, ta yaya namiji zai
shigo ya tarar da matarsa a haka ki ce zai samu
farin ciki, ki na ganin dai wasu mazan ki'ris su
ke nema, su k'aro aure, amma ke tsakani da
Allah Faruk ya baki lokaci amma kin k'i ki
gyara, to ya kike so yayi
Idan bai k'ara aure ba, sanin kan ki ne ya.... A
zafafe Nadeeya ta d'aga mata hannu tana fad'in
"ya ishe ni haka, ke wace da har za ki shigo har
cikin gidana ki ce za ki ci mun mutunci, to
wallahi kin yi kad'an, kaitsaye ke ma ki fito ki ce
mun k'azama, kamar yadda wasu suka saba
fad'a, ya fi wannan lunku - lunkun da kike yi".
Maman Deedat ta ce "ni fa shawara ce na ke
ba..." ki rik'e abar ki bana so, taso ki fice mun
daga gida", cewar Nadeeya.
Ba musu maman Deedat ta shure takalminta ta
fita.
Nadeeya sai wani cika take tana batsewa ita
alallai an 6ata mata rai, Ansar ta sa6a a baya
ta saka hijabinta, ta kulle gidan ta nufi hanyar
gidan maman Nabeela.
*******
Kallo d'aya maman Nabeela ta mata ta fuskanci
damuwa tattare da ita, da sauri ta nufo inda ta
ja birki ta tsaya zo ta tana fad'in "aminiya me
ya sameki na ga ranki a 6ace"??
Tsaki Nadeeya ta ja, sannan ta ce" kin san dai
damuwata ba sai na kuma maimaita miki ba, to
wata aka kuma dora mun akan wata , yanzun
maman Deedat ta bar gidana, wai har ni za ta
kalli tsabar idona ta ce wa k'azama".
Shiru maman Nabeela ta yi, don ko ita har ga
Allah tana son ta yiwa Nadeeya magana akan
wasu halayenta ta daina musamman k'azantar
ta tayi yawa, amma tana tsoron ta fara gaba da
ita, tunda ta ga duk wanda suka yi gigin nuna
mata hakan sun dawo abokan gabarta.
Yana ga Kin yi shiru, cewar Nadeeya,
murmushin da bai kai ciki ba, maman Nabeela ta
saki tare da cewa "uhmm! Ai mutane ba a iya
musu, kana barci ne ana Maka minshari".
Wata doguwar k'wafa Nadeeya ta ja, wanda ya
yi daidai ta shigowar mai kayan Mata.
Ta ce "lafiya kuwa na ganku kowa fuska a
murtuk'e"??
Anan suka kwashe duk abinda ake ciki suka
gaya mata wata dariya ta saki, sannan ta je
gurin da Nadeeya ke zaune ta dafa kafad'arta ta
ce 'yar uwa kwantar da hankalinki, in dai za ki
saki kud'i zan had'a miki magungunan da sai
kin sha mamaki a gun mijinki, don kuwa idan
har kika yi amfani da su, zai manta da duk
wata' ya mace sai ke, za ki zama super star a
wurin sa,kishiya sai ta tattara kayanta da kan
ta, ta bar miki gidanki don baza ta jure
wulak'ancin da zai rik'a mata ba, don yanda
kika san kaza wadda ta sha maggi da sauran
sinadaran d'and'ano haka za ki koma, ita kuma
yanda ki ka san kazar da aka dafa da zallar
ruwa ba tare da an gwaraya shi da ko d'an
gishiri ba, haka zata zama a gunshi, amma fa
akwai tsada sai dai za ki ga aiki da cikawa".
Wani murmushi Nadeeya ta saki na jindad'i ta
ce
"kud'i ba matsala ba ne ko nawa ne zan ba da,
don na mallaki mijina ni kad'ai, domin bai dad'e
da ba ni kud'in kayan fad'ar kishiya ba, don da
ya ce zai had'o mun kaya na ce bana so ya ba
ni kud'in domin ina da kaya, yanzu haka zancen
da na ke yi akwai kaya tun na lefena wanda ban
ta6a sakawa ba, to me zan yi da wasu, tunda ni
ba wani bari na fita yake yi ba, bare idan zan
fita na saka, don haka na ce gwanda ya bani
kud'in, yanzu ba ga shi kud'in zai mun amfani
ba".
Sosai kuwa mai magani ta fad'a tare da cigaba
da cewa "gwara ki gyara jikinki, yanda za ki
kaucewa duk wani SABON SALO IRIN NA D'A
NAMIJI (Lubiee's buk),da zai bijiro miki da shi
lokacin da amaryarsa ta tare".
Ni kam (Mum Twins) na ce anya kuwa maganar,
mai maganin mata haka ne???
Don dai na san kaucewa duk wani Salo irin na
d'a na miji hanyoyi ne da dama, ba wai sai ta
hanyar d'irkar maganin mata kawai ba.
Shewa suka saki don Jin furucin mai maganin
mata tare da cewa "gaskiya maganarki haka
yake, don wasu mazan zuma ne a sha zak'i a
kuma sha harbi lolz......
Sai Monday kuma, ku yi mun uzuri please 鉂ゐ煈岎煆�
Mum Twins 馃槝
[10/16, 4:23 PM] mrm kd: [8/29, 11:57 AM]
Phatyma: [8/29,16,11:32 AM] Phatyma:
鈻狟ALLAGAZAR MACE 鈻�34
漏MRS SAIF
Yau ta kasance ranar alhamis, kuma yau ne aka
fara gudanar da shagalin biki, a yau d'in ne a ke
saran yin kamu da k'arfe 4:00pm.
Faty ana can ana faman shiri, kamar ta cire
kanta don murna da zumud'i, ku kuwa ba dole
ba, ita ce babbar k'awar amarya kuma k'anwar
ango tilo, don haka ita abubuwan ma har sun
mata yawa, bata nan bata can.
****AMNEEF PALACE a k'arfe hud'u da mintuna
arba'in, Wurin ya cika ya kuma tsaru ba k'arya,
duk mutanen dake gurin suna dakon zuwan
amarya ne,yayin da Ali jita da muk'arabansa ke
cashewa a tsakiyar filin gurin da wak'ar AURE.
5:5pm convoy na motocin amarya suka danno
kai harabar wurin, nan da nan MC ya fara
sanarwa ga amarya nan, cikin k'warewa a
harkar suka chanza salon wak'ar zuwa ta
bikin... Mai taken :Alk'wari ya cika auren so
k'auna tsakanin Faruk da Fateema.
Hankalin kowa ya raja'a ga hanyar shigowa
wurin, don bawa idonsa abinci, 'yan mata
amarya ne a gaba don haka su suka fara
shigowa ciki kuwa har da fatyma, ta sha kyau
har ba a magana, cikin wani lace dark green,
mai adon orange riga da skirt ne, d'inkin ya
zauna das a jikinta, komai orange colour ta yi
amfani da shi ta yi kyau sosai.
K'arasowar amarya ne ya sa na manta kyan da
faty ta yi, wohoho! Ku zo ku ga amarya yanda
madarar kyau ke zuba, Abun ba a cewa komai
sai dai na ce Masha'Allah TubarakallAllah! Don
amarya Teema ta yi kyau tamkar ka sureta ka
gudu.
Su Nadeeya ma ba a bar su a baya ba don sun
zo ita da gayyar mutanen dutse, da mak'otanta
irin su maman Nabeela, itama ta yi kyau sosai,
sai dai ganin Teema yasa ta raina kanta, don
nan da nan zuciyarta ta cunkushe da wani
azababben kishi, wanda take ji kamar ta je ta
shak'e teeman sai dai ba hali, daga k'arshe ma
ji take kamar ta yi tafiyarta ta bar wurin don duk
mutanen dake gurin haushin su take ji, amma a
dole ta cize ta daure ta zauna har zuwa lokacin
da za a tashi gudun tsegumin mutane.
An ci an sha an kuma yi lafiya an gama lafiya,
k'arfe takwas na dare aka watse ko wa ya nemi
hanyar da zata sada shi da mazauninsa.
[8/29,16,11:32 AM] Phatyma: 鈻狟ALLAGAZAR
MACE 鈻�35
漏Mrs Saif
K'arfe goman dare Faruk ya nufi tamfatsetsen
gidansa, wanda suka koma shi da uwargida
Nadeeya, kafin isowar amaryarsa Teema, duk da
bai so hakan ba shi yaso ne sai an kawo
Fateema sannan Nadeeya ta tare Umma ta ce
"sam ba ta san da haka ba, idan ya yi haka
tamkar ya ciwa Nadeeya mutunci ne.
Amma duk da haka sai da yasa Umma ta nemo
masa 'yan aiki dattijuwa d'aya da yarinya, duk
da kowa da part d'in sa amma gaskiya shi ya
tsorata da k'azantar Nadeeya, duk da kwana
hud'u kachal za su yi a gidan Teemansa ta tare,
amma ji yake kamar zata chanza kalar gidan
kafin lokacin, don da yana da dama har ita
kanta da ya chanza tunaninta kafin dawowarsu,
don tsohon gidansu gaba d'aya ta gama
condemning nasa.
Gama tunaninsa ya yi daidai da k'arasowarsa
gate d'in gidan, horn ya dannawa mai gadin,
cikin azama ya ja gate d'in, Farouq ya danna
hancin motarsa zuwa wurin da aka tanada don
motoci.
Bayan ya yi parking kaitsaye main parlourn
gidan ya nufa, sai dai wayam ba kowa a ciki sai
TV da ke 6a6atu ita kad'ai, juyawa yayi da
dubun sa 6angaren dama inda part d'in Nadeeya
ya ke, anan ya jiyo tashin hayaniyarsu ita da
'yan uwanta, da alama ba a parlourn ta suke ba,
suna can cikin d'aki ne, don maganar ta su can
nesa yake jiyo su.
Don haka ya sauke k'wayar idonsa a part d'in
Fateema wanda ke kulle, murmushi ya yi, kafin
daga bisani ya haura sama don zuwa nashi part
d'in.
Kayan jikinsa ya fara ragewa sannan ya shiga
toilet ya yi wanka, sannan ya samawa kansa
kaya marasa nauyi, dama ya ciko cikinsa daga
gidan abokinsa Abbas, don haka bai ma yi
yunk'urin kiran Nadeeya ba, don ko ya kirata ba
lallai ta zo ba, domin fushi take yi da shi ba na
wasa ba,idan kuwa ta zo yasan ba za su rabu
cikin arzik'i ba, don haka ya shareta.
Wayarsa ya janyo ya danna kira a lambar
Fateema, a lokacin Fateema na zaune ta saka
wata k'atuwar gora mai d'auke da ingantaccen
tsimi a gaba, tana faman ya tsine fuska, tana
cewa "Ummy ni dai na gaji da shan wad'an nan
kayan kusan sati nawa ina fama da su", ta
k'arashe maganar tare da kwa6e fuska kamar
zata yi kuka.
Ummy har za ta yi magna sai wata yarinya ta
shigo da gudu tana cewa "Aunty Fateema ana ta
kiranki a waya, ga shi har ta kuma tsinkewa".
Kar6ar wayar Fateema ta yi ganin sunan Farouq
da ta yi saving da QALBY ya bayyana a fuskar
wayar d'auke da 3 missed calls, ya saka ta wani
tattausan murmushi tare da mik'ewa.
Ummy ta ce
"ina zuwa kuma ??? kin bar abun na ki anan".
Dawowa Fateema ta yi tare ta d'aukan goran da
cup, ta fita don itama ana so ne ana kaiwa
kasuwa don sarai ta san mazan yanzu sai ana
had'awa da 'yan sinadarai musamman ita mai
kishiya.
Side d'in Abbanta ta nufa don gidan na su cike
yake da'yan uwansu wanda suka zo don biki
musamman mutanen Garko,don har d'akinta
cike yake taf da' yan mata.
Guest room dake part d'in Abba ta bud'e ta
shiga, daidai lokacin kiran Farouq ya kuma
shigowa wayarta, don ji yake idan bai ji
muryarta yau d'in nan ba, ba zai iya barci ba.
Can k'asan murya ta ce
"hello"
Wani sanyi Farouq ya ji tare da fad'in "Fatyna
wai ina ki ka shiga tun d'azu na ke kira ba ki yi
picking ba"??
Cikin siririyar muryarta ta fara fad'in" na ajiyeta
a parlor ne, ni kuma ina d'akin Ummy".
Ajiyan zuciya Farouq ya yi, sannan ya ce "please
Teemana ki rik'a yawo da phone d'in ki,, kin san
fa yau kusan sati kenan ban ganki ba, kin hana
ni ganin kyakkyawar fuskarki wai sai ranar da za
a kawoki sannan zan kuma ganinki, amma ai ya
kamata ko muryar ki na rik'a ji akai-akai ko na
samu sauk'i".
[8/29, 12:09 PM] Phatyma: 鈻狟ALLAGAZAR
MACE 鈻�36
漏Mrs Saif
Murmusawa ta yi tamkar yana gabanta, ta
dad'a kashe murya ta ce "haba Qalby dududu
kwana nawa ya rage na zama mallakin gaba
d'aya, ka kwantar da hankalinka nan da kwana
uku Teema ta zama ta ka kai kad'ai".
Wata ajiyar zuciya ya sauke tare da lumshe
idonsa, ya ce "fatyna kin san hausawa sun ce
aski in ya zo gaban goshi ya fi zafi, Allah kwana
ukun nan da ya rage ji nake kamar shekara
uku".
Dariya Fateema ta yi sosai tare da cewa "ni fa
kana ba ni mamaki idan ka fad'i haka, kai ba
saurayi ba, ba kuma tuzuri ba, ga yayata a kusa
da kai, to saurin me ka ke yi kuma".???
Hmmm! Ba za ki gane ba ne Fateema ni fa son
ki a jinina yake, Allah dai ya kai mu lokacin".
"ameen" Fateema ta ce, suka cigaba da hirarsu
cikin nishad'i kamar ba gobe.
Washe gari Ummy ta had'a k'ayattacciyar
walima ta mata zalla, wadda aka gabatar anan
harabar gidan, malamai da dama sun
wa'azantar tare da nasihohi duk akan zaman
aure.
****
Ranar lahadi Misalin 11:00am dubban jama'a
suka shaida d'aurin auren FATEEMA & FAROUQ
akan sadaki dubu hamsin.
Duk wanda ya kalli farouq ya san yana cikin
tsantsar farin ciki a wannan lokacin,abokan
arzik'i sai zuwa ake yi ana masa Allah sanya
alkhairi.
6:00pm ***
Motocin ango suka dira k'ofar gidan su Fateema
don tafiya da ita gidan aurenta, a lokacin har an
gama shiryata cikin wata dakakkiyar lafaya red
da ratsin black ta yi matuk'ar kyau, sai wani
mahaukacin k'amshi dake tashi daga jikinta, don
ko zama ta yi a guri sai ya dad'e bai daina
k'amshi ba, haka idan mutum ya ra6eta tabbas
shi ma zai kwashi irin k'amshi, don wasu
turaruka ne, na musamman wadda ta mata
gyaran jiki ta mata amfani da su.
In ban da kuka ba abinda fateema ke yi, ta
k'wak'ume Ummy tana fad'in "ita ba za ta je ba,
ta fasa auren ba za tafi ta bar Ummynta ba, duk
dauriya irin na ummy sai da Teema ta sakata
kuka, rungumeta ummy ta yi sosai tana hawaye
tana fad'in
" yi hak'uri mamana, duk 'ya mace ta haka ce,
muma duk haka aka mana, wata rana sai labari,
ina dai kuma nanata miki ki yi hak'uri, zaman
duniya duk d'an hak'uri ne, ki bi mijinki sau da
k'afa, matuk'ar bin bai shafi sa6awa shari'a ba,
ki kuma yiwa abokiyar zamanki biyayya daidai
gwargwado, duka nasihohin dana dad'e ina miki
Azzarah ban yarda ki jefar da ko d'aya ba, Allah
ya miki albarka ya baki zaman lafiya a gidan
aurenki, tare da zuri'a d'ayyaba".
Duk wanda ke gurin sai da ya amsa da ameen,
sannan aka 6an6are fateema da k'yar daga jikin
ummy, aka wuce da ita wurin Abbanta, shi ma
naseeha ya yi mata sosai sannan aka fito da ita
aka sa ta a mota sai gidan Farouq.
Kamar yadda aka saba bisa al'ada akan fara kai
amarya ne wurin uwar gida kafin akaita na ta
d'akin, to haka ce ta kasance da Fateema don
sai da aka fara kaita wurin Nadeeya aka damk'a
mata amana sannan aka wuce da ita
6angarenta.
K'arfe takwas kusan duk 'yan kawo amarya sun
watse, daga amarya sai faty da wasu
k'awayensu guda uku, a dole Fateema ta ware
lafayar ta tashi don d'auro alwala ta yi sallah
Faty sai tsokanarta take yi ganin kayan da ke
ciki, riga da skirt ne na wani rantsatstsen swiss,
d'inkin ya yi kyau sosai tamkar tare aka halicce
shi da jikinta ya yi bala'in fitar da kyakkyawar
surarta, ta yanda ita kan ta sai da ta ji kunya
ganin irin kallon da sauran friends d'in su ke
mata.
Tana idar da alwala ta d'auki lafayar ta mai da,
Faty na mata mitar tana idar da sallah za ta
warware mata lafayar don ba za ta ma yayanta
k'wange ba".
Sauran 'yan matan suka bushe da dariya, d'aya
daga cikin su mai suna safeena tace" ke ma
Fatyma da son zance, yau yayanki ai har...
Wacce ke kusa da ita ta bige mata baki tare da
cewa "ke fa safeena akwai iskanci, ki na so ku
yi fad'a da Faty ke nan don ta sha gaya mana
yayanta ba d'an iska ba ne don haka ki yi shiru
da bakinki."
" uhmm" kawai Fateema ta ce ta koma bakin
gado ta zauna don ita duk Jin su take yi, ita
kad'ai ta san abinda take tunani.
K'arfe 9:40pm Farouq ya shigo gidan shi da
abokinsa Abbas, sai da suka fara zuwa wurin
Nadeeya ya jiye mata irin ledar da ya shigowa
Fateema da ita, Abbas yana ta bata baki ita
kuma sai wani cika take tana batsewa, a haka
dai suka barota suka yo part d'in Fateema.
A bakin k'ofa suka ci Karo da Faty ta za ta fito,
da sauri ta yi wurin yayanta tana cewa "ga
ango, ga ango".
Murmushi ya yi ya ce "Fatyma yau na zama dai
abokin wasanki ko"??
Ita ma murmushin ta yi ta ce" yayana ni fa nan
jira nake mu siye baki, sannan mu tafi".
D'an zaro ido Abbas ya yi, ya ce "zamani
k'anwa da siyen bakin wa."
Dariya suka saka gaba d'ayan su, sannan
Farouq ya janyo hannun Fatyma yana cewa
" yanzu mu k'arasa ciki k'anwata akwai kyauta
ta musamman da na kaiwa Umma ta ajiye miki,
don kin taka muhimmiyar rawa ganin na aure
k'awarki, thank yhu so much".
Fatyma ta ce "never mind bros, farin cikinka
shine nawa so dole na ba ka gudummawa don
ganin hak'an ka ya cimma ruwa".
Sakin hannun faty da yayi, yai daidai da
k'arasawarsa, inda fateema ke zaune, yana daf
da K'arasawa saitin fuskarta da ta ja mayafin
lafaya ta rufe... Abbas ya katseshi ta hanyar
cewa "Farouq wooo! Ka na ji ana maka magana
amma gaba d'aya hankalinka ya tafi gun
amaryarka, shafa sajen dake kwance a fuskarsa
ya yi tare da cewa
" am sorry! Me ka ce ne"??
Abbas ya ce
"ba ni nai magana ba k'awayenta ke ta Maka
magana ka share su, "oh! Sannunku
k'awayenmu ban ji ba ne". Cewar Farouq gaba
d'aya suka kwashe da dariya.
Lokacin Faty ta dawo daga part d'in Nadeeya
tana cewa
"to na yiwa Aunty Nadeeya sai da safe, don
haka kuma ku kwaso bags d'in ku mu yi gaba".
Abbas ne ya ce
"ke da kika ce sai kun saye baki, kuma kike
maganar su zo ku tafi".
Dariya Faty ta yi ta ce
"ya Abbas dama da wasa nake yi, kai muke jira
ka kai mu gida, ka ga dare ya rigaya ya yi, don
na san bros ko bai zo da kowa ba, zai zo tare
da kai, shi yasa muka tsaya jiranka, idan ka zo
ka mai da mu."
Haka ne Abbas ya ce tare da ja musu, doguwar
addu'a ta fatan zaman lafiya, su faty suka amsa
da ameen, sannan suka mik'e da zummar tafiya.
Farouq ko irin rakiyar nan da ake yi wa abokan
ango bai yi wa Abbas ba, suna fito ya rufo
k'ofar ya datse da key, ya nufi wurin amaryarsa
zuciyarsa taf farin ciki kamar wanda aka yiwa
bushara da aljanna.
Nima ganin haka na tarkato takarduna na yo
waje, tun kafin su Fateema su wuce, don na
samu su d'an la6ani ko a hanya sa saukeni, don
haka sai dai na ce "asuba tagari Farouq da
Fateema, Nadeeya kuma Allah ya ba da ikon
danne kishi" ...
Mum Twins 馃槝
[10/16, 4:23 PM] mrm kd: [8/30,2016) phatyma
馃尰: 鈻狟ALLAGAZAR MACE 鈻�37-40
漏MRS SAIF
Duk sammakon da na yi, don ganin yanayin da
amaryar ta tashi a banza, don ko da na isa na
tarar Fateema har ta yi wanka ta shek'a
kwalliya cikin dark purple shadda wadda aka
yiwa aiki da zare pink, ta sha English gold mai
kyau yari da sarqa d'aya daga cikin na lefenta.
Ta kashe d'auri ya zauna d'as akanta tamkar
gwaggwaro, fuskarta ta sha maka-up mai kyan
tsari, sai walwali take yi tamkar tauraruwa,
jikinta sai wani asirtaccen k'amshi ke tashi, tana
cikin zira wani flatshoe pink colour mai kyan
gaske, Farouq ya bud'e k'ofar ya shigo, shi ma
ga dukkan alamu bai dad'e da gama shiri ba, ya
yi kyau sosai ka na ganin shi ka ga ango mai
cike da farin ciki da annushuwar halin da ya
tsince kansa a ciki.
A bakin k'ofar ya tsaya tare da kafe Fateema da
ido, fuskarsa d'auke da murmushi ya ce "yhu
look very beautiful, komai na ki burgeni ya ke
fatyna".
"thanks" ta fad'i tare da k'okarin gyara igiyar
takalmin da ya d'an karkace, K'arasawa inda
take sunkuye ya yi,ya d'agata ya zaunar da ita
akan gefen gado sannan ya ce" lemme help
yhu"... Yana k'okarin kai hannunsa kan
takalmin, ya gama gyara takalmin sarai, amma
sai ya kasa sakin k'afar, yana k'arewa
had'ad'd'en Jan lalle da zanen bak'n fulawan da
ke k'afar kallo.
Shirun da ta ji yayi ne ya tabbatar mata ya
gama gyara mata takalmin, don haka ta ce "bari
na je na gaishe da mutanen gidan, kar su jini
shiru".
"hmm"Farouq ya ce tare da lumshe ido sannan
ya jingina bayan sa a kujerar da yake zaune.
Don ko kad'an ba ya son missing k'amshn
jikinta, in dai yana tare da ita sai ya manta
duniyar da yake, rufe idonsa ya yi sosai don
tuna irin farin cikin da ya samu a daren jiya,
sosai yake Jin k'aunar Fateema a ransa, fatan
da yake Allah ya sa ta d'ore a haka, don daga
gani za ta yi sanyin hali.
Bata wani sha wahala ta gano part d'in Nadeeya
don ba wani nisa ne na ku zo mu gani ba a
tsakanin su, kuma tsarin wurin d'aya ya ke da
na ta.
Da sallamarta ta kutsa kai cikin parlourn, sai dai
da alama Nadeeyan ba ta parlourn sai Ansar da
ke zaune ya bud'e gwangwanin madara duk ya
barbazar a gurin, ya kuma d'iba ya saka a jikin
sa, da alama tea suka gama sha ba a kwashe
kayan ba.
Da d'an hanzarinta ta k'arasa gurin yaron ta
d'aga shi tana kakka6esa masa, a ranta ta ce
"wow! Yaron kyakkyawa da shi".
Dama Fateema akwai masifar son yara, duk
wanda ya san ta ya San halinta na son yara.
Da ta ga madarar duk ya manne a jikinsa ya k'i
fita, don da danshin ruwa a jikinsa, sai kawai ta
tu6e masa kayan,ta bar shi daga shi sai diaper
tana cewa "bari mummynka ta fito sai a chanza
ma wani kayan ko"??
[8/30,16,5:16 PM] phatyma :
Ta k'arasa maganar tare da sakarwa yaron
murmushi kamar yasan, me take cewa shima ya
6angale baki yana dariya, sai dai tun da ta cire
masa kayan take Jin d'an wani wari - wari yana
tashi, don haka ta bi jikin yaron da kallo daga
k'arshe idonta ya sauka kan diaper'n yaron
wadda ta cika mak'il har ya fara zuba, da alama
tun jiya yake a jikinsa ba'a cire masa ba.
D'an fito da ido waje Teema ta yi tana kallon
yaron, ta rasa mai za ta yi masa, ga shi har
yanzu mamansa ba ta fito ba, don da alama
tana cikin toilet don ta ji motsin mutum a ciki.
脳脳脳脳脳脳脳脳脳
Daga k'arshe ta yanke shawarar ta tafi da yaron
side d'in ta kawai ta masa wanka a can idan
mamansa ta fito ta dawo da shi a saka masa
wani, don haka ta sunkuya da nufin d'aukan shi
su tafi, ta ji an banko k'ofar toilet da k'arfi an
fito.
Nadeeya ce d'aure da zani da alama daga
wanka ta fito, kana ganinta kasan ba ta fita,
jikinta sai wata walk'iya yake yi na alamar
daud'a ta taso amma ba a samu damar darjeta
ba, tamkar watsa ruwan ta yi ta fito.
Kallo d'aya Fateema ta yi mata ta sadda kanta
k'asa tare da fad'in ina kwana"?
"lafiya " ta bata amsa a tak'aice, Sannan ta
cigaba da fad'in " ya aka yi na ga kin cire masa
kaya, ko kinibibi ne irin na amare masu neman
shiga za ki fara akansa.??
Ja gale Fateema ta yi tana kallonta, a ranta ta
ce "to fa ita na ta salon kishin kenan...??
" kin shigo d'akin mutum kin ga baya nan ba sai
ki fita".
Maganar Nadeeya ta katse mata tunanin.
Nuna Ansar ta yi da hannu, ta ce "yaro na tarar
yana 6arna na tsaya gyara shi, sai kuma daga
baya na ankare da ya cika diaper'n sa, so shine
da zan tafi da shi na yi masa wanka sai ga shi
kin fito".
"To uwar iya zance, na ji na kuma gode kya iya
tafiya, Nadeeya ta fad'a tare da gyara mazaunin
zanin dake jikinta.
Murmushin takaici Teema ta saki tare da kad'a
kai ta yi hanyar fita, dogon tsakin da Nadeeya
ta saki shi ya tilasta mata jiyowa, daidai lokacin
ta kakka6e kayan Ansar dake k'asa tana niyyar
mai da masa.
Mamaki sosai Fateema ke yi tana tunanin,
wannan wace irin mace ce, tana nufin haka zata
maidawa yaron kayan ba tare da ko diaper'n
jikinsa ta cire masa ba.
"Tab" ta ce a ranta lallai akwai magana a gidan
nan, da wannan tunanin ta k'arasa part d'in ta,
in da ta bar Farouq har lokacin yana zaune a
gurin, sai dai yanzu ya mai da hankalinsa ga TV,
yana kallon news na safe.
Sallamar da ta yi shi ya dawo da hankalinsa
gareta, cikin k'ank'anin lokaci ya fuskanci
sauyawar da fuskarta ta yi, a hankali ya taka
zuwa inda take, gaba d'aya ya janyota jikinsa,
cikin muryar rad'a yake cewa
"something troubling yhu babe, what
happened???
A hankali ta girgiza kanta alamar ba komai, don
har ga Allah ba ta so ya gane damuwarta ba,
domin abun da Nadeeya ta mata ba ta d'auke
shi wani abu, don ta shirya d'aukan k'alubalen
da ya fi wannan.
Sai dai Farouq ya santa sosai, fiye da yadda
yasan yunwar cikin sa, ta yanda a kowa ne hali
take ciki zai iya tantancewa.
Cikin son bagarar da zancen ta ce "Qalby ni fa
yunwa na ke ji".
Murmushi Farouq ya yi ya ce
"Ai ke ce na ce zan fita na siyo mana abinda za
mu yi breakfast kin k'i, kin ce sai dai ki girka da
kanki ni kuwa yaushe zan bar amarya ta shiga
kitchen washe garin ranar da ta tare, ki yi
hak'uri baby idan kin k'ara hutawa sai ki mana,
ni kai na zan yi matuk'ar farin ciki da hakan, na
yiwa Umma waya yanzu haka fatyma na hanya
za ta kawo mana breakfast.
Bai dad'e da rufe baki ba suka jiyo sallamar
Fatyman, cikin d'auken ganin juna, suka
rungume juna suna murna kamar wad'anda suka
shekara ba su ga juna ba.
Sannan Faty ta juya tana gaishe da yayanta,
kafin daga bisani su shige kitchen Faty rik'e da
foodflask da ta shigo da shi, Fateema kuma ta
kar6a mata d'ayan teaflask da ke hannunta.
Kunun gyad'a ne mai kyau a cikin teaflask, sai
kuma yam fritters with chicken souce a d'aya
foodflask d'in, bayan sun gama zubawa a plates,
sai suka d'oro akan tray tare da cups, suka
dawo parlourn.
A dining table suka dire kayan sannan suka yi
kiran Farouq, anan suka ba je suna cin
abincinsu cikin nishad'i suna firansu jefi-jefi har
da Farouq, Faty tana son tambayar Fateema
first night amma Farouq ya kasa ya tsare ya k'i
ba su damar su d'an ke6e, kun san 'yan mata
da maitar son Jin ya first night ya
kasance...lolz......

Share this

WhatsApp