BALLAGAZAR MACE Page 41 to 50

washe garin ranar da ta haihu aka sallamo
musu daga asibiti, Nadeeya ta warke ras kamar
ba ita ba, ko da ta isa gida ta tarar da 'yan
uwanta sun iso daga dutse.
Duk wanda ya kar6i babyn sai ya ya ba da
kyawun da ta ke da shi.
Fateema dai tsakaninta da baby sai hange daga
nesa don yadda Nadeeya ta fuskanci tana son
yarinyar yasa duk wata hanya da zai sa babyn
ta kai hannun Fateema ta datse, k'iri-k'iri idan
ta zo d'aukan ta za ta ce bacci take yi, ko kuma
yunwa take ji da dai sauran dalilai, idan ma fa
da idon jama'a a wurin take mata wannan
kawaicin, idan kuwa ba kowa sai dai ta ce ba za
ta ba ta ita ba idan ta yi zuciya ta haifi ta ta.
Farouq ya sha yi mata fad'a akan hakan, yana
nuna mata duk wanda ya ce yana son naka ya
gama maka komai sai dai hausawa sun ce
"wanda ya yi nisa ba ya Jin kira". Don kuwa
Nadeeya ko a gefen gyalenta.
A wani bangare na zuciyarsa yana mamakin son
yara irin na Fateema, ya ci ace zuwa yanzu ta
yi watsi da shiga shirgin yaran Nadeeya amma
ina wata rana har kuka take masa ya d'auko
mata baby ta gani,a dole ya ke zuwa ya
d'aukota don shi kansa babyn ta shiga ransa
fiye ma da Ansar.
Sai dai k'aunar da take nunawa yaran, ba
k'aramin rura wutar soyayyarta a zuciyarsa yake
yi saboda ko banza yaran jininsa ne kuma duk
wanda ya so yaransa dole ya k'auna ce shi bare
kuma Fateemansa.
****
Yau ya kama kwana bakwai cif da zuwan baby
duniya, saboda haka tun asubar fari aka fara
hidima don daga ganin alama taro za a yi ba na
wasa ba.
K'arfe biyun rana gidan ya cika taf da jama'a
'yan taron suna, mai jego da baby an sha kyau,
Fateema ma ta yi kyau sosai abun ta kamar
sabuwar amarya, sai kai da kawo take yi don
ganin komai ya tafi dai_dai duk da' yan uwan
Nadeeyar sun cika gidan da dangin su Farouq
amma duk da haka bai sa Fateema ta zauna ba.
Wasu mata ne suka shigo su biyu yanzu, bayan
sun shiga wurin maijego sun mata barka, sai aka
mik'o musu baby d'aya ta ce
"babyn TubarakallAllah! Me ye sunan ta ne "??
Sai ko wace ta mik'o musu babyn ta ce" ni
inama na san sunanta na zo sai kwasar sinasir
na ke yi amma ban San sunan 'ya ba, barin in
tambayo muku".
A haka ta rik'a bin jama'a tana ratsawa tana
wucewa kuma duk wanda ta ga ni sai ta
tambaya ya sunan baby ya ce "Ai bai sa ni ba".
Tun tana ganin abun kamar wasa har kuma ta
fara mamaki, daga k'arshe ta dangana da wurin
maijego.
"Nadeeya wai ya sunan baby kowa na tambaya
sai ya ce bai sa ni ba".
Jim ta yi alamun tunani, ganin kowa ya zuba
mata ido yana jiran amsa, yasa cikin takaici ta
ce "ni kai na ban San sunanta ba".
Gaba d'aya d'akin suka d'au salati.
Wata tsohuwa dake gefe ta ce "garin yaya haka
ta faru 'yar nan"??
Yak'e ta yi ta ce" sha'afa na yi har maigidan ya
fita ban tambaya ba".
Waya ta d'auka ta kira Farouq, yana d'agawa ta
ce "wai an sawa yarinyar nan suna kuwa ga
jama'a nan sai tambayan sunan baby suke yi,
ko ka manta ne ba ka rad'a mata suna ba"??
Ya ce" suna ai tun ranar da ta zo duniya na
rad'a mata ke ce dai ba ki nemi sani ba".
"meye sunan"??
Nadeeya ta tambaya cike da Jin haushin
maganarsa.
"FATEEMA" Farouq ya fad'a kaitsaye ba tare da
shakka ba.
Wata irin zabura Nadeeya ta yi tare da lailayo
wata ashar ta danna, wadda ta yi sanaddiyar
jawo hankalin duk wanda ke d'akin.
Tuni Faruk ya kashe wayarsa don dama ya san
za a yi haka, sai dai duk abinda zata yi sai dai
ta yi ba zai ta6a chanza k'udirinsa ba.
Nan da nan Nadeeya ta fita daga hayyacinta sai
maganganu take yi "ba zan ta6a yarda a saka
mata sunan wadda na fi tsana a gaba d'aya
duniyar nan ba, dole a sauya sunan nan ko da
hakan zai yi sanaddiyar bari na duniya, ba zan
taba lamuntar 'ya ta amsa sunan FATEEMA ba
muddun ina numfashi...
Mum Twins 馃槝
[10/16, 4:46 PM] mrm kd: 鈻狟ALLAGAZAR
MACE 鈻�51
漏MRS SAIF
Farouq ne ya d'aga kan sa ya kalleta cike da
mamakin kalamanta don sautari idan ta yi
magana sai ya ji maganarta ta kamar ta marasa
ilimi, sai da ya kur6i sanyayyen lemon pineapple
& yoghurt ice da Fateema ta had'a ya ce
"tunda an gaya miki ni ke ba da haihuwar ba, ko
kuma ke da kika samu k'arfin ki ne ya baki".
Ta6e baki ta yi ta ce
"Ai na tabbatar da ba kai ke bayarwa ba, don da
kai ke bada haihuwa da ba wannan cikin a
jikina, don nasan ba k'aunata ka ke yi ba, sai
dai ka bawa wacce kullum ka ke so ka ke kuma
riritawa".
Ta k'arasa maganar muryarta na rawa alamar
kuka na son taho mata.
"Ya ILLAH!", Ya fad'a tare da mikewa zuwa inda
Nadeeya ke zaune, kujerar dake fuskantarta ya
ja ya zauna sannan ya fara magana
"duk lokacin da kika furta irin wad'annan
kalaman sai ki saka zuciyata cikin tararrabin
anya kuwa ina adalci a takaninku"??
"Duk da na gama amincewa zuciyata da ina
adalcin tsakininku don wallahi Allah ne shaidana
ba ni da burin danne hakkinki duk abinda ya
rataya a wuya ina k'ok'arin saukewa kamar
yadda na ke wa Fateema ko da kuwa hakan zai
yi sanadiyar rasa farin cikina."
Ajiyar numfashi ya yi sannan ya cigaba da cewa
"sai dai kin manta abu d'aya, domin hadisin
Annabi Muhammad (S.A.W) yace
"An halicce zuciya da son mai kyautata mata."
Saboda haka ba zan iya hana zuciyata k'aunar
Fateema ba, don kuwa ita ta yi k'ok'arin gina
soyyatar a cikin zuciyata ginin da ba abinda zai
iya rusa shi, saboda da haka ki yi k'ok'arin gina
naki 6angaren ke ma, ba wai ki zauna kina
haukan kishi akanta ba, da za ki yiwa kan ki
fad'a da kin gyara halayenki, ki ga in akwai
wanda zai kuma Jin kanmu".
Wani mugun tsaki ta ja tare da cewa
"kai kullum maganarka na gyara halayena me na
ke yi wanda ba shi da kyau".
Zuba mata ido yi yana nazarin maganar ta
sannan ya ce abubuwa da dama wanda in zan
fara k'irgo sai mun ci dogon lokaci ba mu gama
ba, yanzu ki kalli dogon tsakin da kika mun a
matsayina na mijinki, don Allah ki na ganin
Fateema na yi mun ko makamancin haka??
Me yasa ba za ki kwaikwayi kyawawan
halayenta ba, domin ki ci ribar zama da ita".
A zafafe ta mik'e tsaye har tana bige d'an
cikinta da ya fara fitowa ta ce
"ba zan ta6a kwaikwayonta ba, domin ni ban ga
abin kwaikwayo a gareta ba, ka ma raina mun
hankali yarinyar ta zo bayan bayana sannan don
komawa baya na zo ina kwaikwayonta, ba zai
ta6a yiyuwa ba, don da na kwaikwayi abinda
take yi gwanda mu mutu a yanda muke".
Sannan ta juyawa wurin da Fateema ke zaune
tun d'azu tana bin su da ido ta ce "ke kuma mu
zuba ni da ke shege ka fasa, sai ki wani zubowa
mutane ido kamar na mujiya kina kallon mutane
ba za ki ce komai ba, wai ke ga ki saliha, bacin
na tabbatar ba haka abun yake a zuciyarki ba,
Allah kad'ai yasan mugun abun da ki ke
shiryawa to ni dai na fi k'arfinki komai ki ke yi
sai dai ya koma kanki.....
*******
Daga haka ba ta kuma cewa k'ala ba ta nufi
part d'in ta.
Fateema da ke zaune sai juya spoon d'in
hannunta take yi ta kasa k'ara kai ko loma
d'aya bakinta, ba ta san sanda ta ji wani
hawayena bin kuncinta ba, don takaicin Kalaman
Nadeeya.
Ya salam! Farouq ya fad'a tare da janyota zuwa
jikinsa, "Fatyna why are you crying, ba dai
maganar Nadeeya ne yasa ki kuka ba"??
Ba ta yi magana ba illa sautin kukanta da ta
k'ara.
Sosai Farouq ya shiga damuwa ganin ta k'i yin
shiru.
" please stop crying babe, kukan ki ba k'aramin
ta6a mun zuciya ya ke yi ba, in dai don ta
maganan Nadeeya ne ki share ba wani abu ba
ne idan kika yi la'akari da yanayin da take ciki".
Still ba ta yi shiru ba sai dai ta rage sautin
kukan, "don Allah ki yi hak'uri ki share
hawayenki Teemana ki yi mata uzuri ko don
cikin dake jikinta, kin sa fa ko shi yana iya sa ta
yawan masifa, ina yabonki Fateema fili da
bad'ini kyawawan halayenki suna burgeni ba
don ke Nadeeya ta samu a matsayin kishiya ba
da ta gane kuskuranta, da ko wannan abun da
take yi baza ta yi ba, ina rok'onki alfama ki
cigaba da hak'uri da ita sakamakonki sai a
wurin Allah don ko ni ba ni da abinda zan saka
miki da shi, sai dai ba zan gushe ina nema miki
ki rahmar ubangiji ba, Allah ya miki albarka ya
kuma nuna min lokacin da zan d'auki babyn ki
da hannuna, huh!! ranar ban san inda zan tsoma
kai na ba don farin ciki ga Fatyna d'auke da
gudan jinina, musamman baby girl kyakkyawa
like yhu".
Fateema ba ta san lokacin da ta saki wata
dariya ba tare da rufe idonta ita a dole ta ji
kunya.
Sai kuwa Farouq ya d'aga cak ya sa6ata a
kafad'arsa ya nufi part d'in sa yana cewa ba dai
kunya ki ke ji ba bari mu je sai na sauke miki
ita".
Ita kuwa sai wutsil-wutsil take da k'afa tana
dariya kamar za ta fad'o ,sai dai Farouq ya
rik'eta tamau a dole ta hak'ura ta ce "ni kam
Qalby ka mai da ni kamar 'yar tsana d'aukana
kwata-kwata baya ma wahala".
Murmushi ya yi ya ce kamar ko kin sani don
idan na d'auke ji nake kamar na d'auki baby
sabuwar haihuwa".
Dai_dai lokacin Nadeeya ta saki labulen parlourn
ta don ganin sun wuce ba suma lura da k'urar
da ta kwasota ba, zuciyarta cike da k'una ta
shige cikin d'aki.....
Mum Twins 馃槝
[10/16, 4:46 PM] mrm kd: 鈻狟ALLAGAZAR
MACE 鈻�54
漏Mrs Saif
Nan da nan wurin ya hargitse da hayaniyar
jama'a sakamakon gaya musu da Nadeeya ta yi
yanda suka yi da Farouq, daga masu cewa ba
kyauta ba sai masu cewa ai ba wani abu ba ne,
saboda ba sunan kishiyarta za ta duba mai
asalin sunan shi ne abun duba.
Nadeeya duk ba ta ma fiskantar mai suke cewa
daga k'arshe ta fito daga d'akin ta nufi part d'in
Fateema sai dai wayam ba ta nan, don kuwa
tun lokacin da Faty ta zo suka fita don dama ta
gayawa Farouq za ta lek'a bikin wata k'awarsu
da ake yi.
Haka dai taron suna ya watse ba wani armashi,
sai 'yan tsirarin dangin Nadeeya da ba su tafi
ba, sai jibi.
K'arfe 8:10pm Farouq ne ke driving Fateema na
gefensa don tunda suka yi dare ya ce su yi
zaman su idan ya gama abinda yake yi zai zo
ya d'aukesu sun baro sultan road kenan
Fateema ta juya tana kallon Farouq ta ce
"ni kam wai ya sunan baby ne sai fa da muka
fito Faty ke tambayana, na ce ban sa ni ba,
kamar mu koma mu tambayo kawai kuma sai
muka share don ba kowa ya ga fitar mu ba".
"Faty da ke baya ta ce wallahi fa, sai ka ce an
shafewa kowa tunanin tambayar sunan".
Murmushi Farouq ya yi ya ce sunan Ku d'aya ai,
Fateema".
A tare suka zaro ido alamun mamaki, Fateema
ta ce
"what a pleasant surprise, wai da gaske ka ke yi
Qalby"??
"sosai kuwa da gaske na ke".
Faty ta saki wata dariya mugunta tare da cewa
"lallai ka ce Aunty Nadeeya za ta sha poison ta
mutu don bak'in ciki".
Murmushi Fateema ta yi tare da cewa
"huh! Thanks sooo much babe da Namesake da
ka yi mana, we really appreciate".
Faty ta kar6e "millions thanks to you bros, duk
da ba mu da bakin godiya".
"my pleasure darlings, kun zarce haka a wurina,
ina masifar son sunan dama can ina da ra'ayin
sa ma 'ya ta Fateema".
***********
Tun kafin ya yi parking ya ke jiyo ihun yarinya
kamar za ta tsaga gidan, a hanzarce ya yi
parking ya fito ko kulle matar bai yi ba, Fateema
ce ta tsaya kullewa, sannan ta shiga cikin gidan.
Wata k'anwar Nadeeya ce rik'e da babyn dama
daga ita sai wata gwaggon su Nadeeya suka
rage, yarinyar sai kuka take yi, buduwar da ke
rik'e da ita sai jijigata take yi ta k'i yin shiru.
Nadeeya na gefe sai cika take tana batsewa ko
kallon in da suke ba ta yi.
Yana shigowa kaitsaye part d'in Nadeeya ya yi,
yana shiga ya ci Karo da su, hannu ya sa ya
karbi babyn yana cewa "ina mamanta ta je take
wannan kukan ha.....
Ba k'arasa rufe baki ba ya hango Nadeeyan
" wai mai ya faru yarinya na kuka irin haka kin
k'yaleta"??
Shiru ta masa, sai k'anwarta ce ta ce
"tun d'azu yarinyar ke kuka tana Jin yunwa,
amma ta k'i kar6anta ba irin bakin da ba a bata
ba amma ta k'i bawa yarinyar abincinta". Ta
k'arasa maganar tana kallon gefan da Nadeeya
ke zaune.
Mum Twins 馃槝
鈻狟ALLAGAZAR MACE 鈻�55
漏MRS SAIF
Kallonta Farouq ya yi ya ce
"akan wani dalili ne ki ka yanke mata wannan
hukuncin"??
A tsawace ta ce
"akan sunan da ka saka mata muddun ba ka
cire mata wannan sunan ba sai dai kai ka
shayar da ita, ko kuma ita wadda ka sa sunan
na ta ta shayar da ita".
Ran Farouq in ya yi dubu ya 6aci cikin zafin rai
ya ce "yanzu me ye na ta a ciki da za ki d'auki
alhakinta har haka an ya Nadeeya ki na da
hankali??
To tun muna cike da juna ki kar6i yarinyar nan
ki ba ta abincinta".
Ya k'arasa maganar tare da d'ora mata yarinyar
a cinyarta, zunbur ta mik'e ba don Allah ya sa
Farouq ya yi zafin naman kai hannu ya tare
yarinyar ba da tuni ta sha k'asa.
Rungume yarinyar ya yi tsam a k'irjinsa sannan
ya d'aga hannu ya zabgawa Nadeeya wani uban
mari har sau biyu gefen hagu da dama har sai
da Nadeeya ta ga wasu stars sun gilma ta
idanunta.
Cikin k'unan rai ya fara magana
"sai yau na tabbatar da rashin hankalinki ko na
ce rashin imani to kin yi kad'an ki wulak'anta
mun 'ya a gabana, kina tunanin sai da ke za ta
rayu ki rubuta ki ajiye ba ke ba ita har abada
zan kai wa wacce kika ce akaiwa ina da
tabbacin za ta rik'eta da amana kuma cikin
kulawa fiye da ke kanki da kika haifeta, a gurinki
idan ban da k'azanta da munanan halaye mai
zata koya, tsayuwata anan ji nake kamar amai
zai taho mun idan ban da k'arni ba abinda ke
tashi, ana miki kawaici ana rangonta miki
saboda wasu dalilai amma ba ki san haka ba,
gani ki ke kamar tsoron ki ake yi, to daga yau
na shata layi duk irin rayuwar da ta kama ita
zan yi da ke a cikin gidan nan, baby kuma ko ki
na so ko ba kya so sai ta amsa sunan FATEEMA
sai ki shirya barin duniya ko ki had'iye zuciya ki
mutu don bak'in ciki".
Daga haka bai kuma cewa komai ba ya fice
daga d'akin, kaitsaye wurin Fateema ya nufa bai
rufe mata komai ba ya gaya mata duk abinda ya
faru.
Fateema tuni tausayin yarinyar ya kamata har
da hawayenta a ce baby kamar wannan rabonta
da abinci tun bayan Azahar kai gaskiya Nadeeya
ba ta da imani akan wata hujjar banza ta yiwa
'yar cikinta haka.
Kai dubansa ya yi ga babyn da wahala ta sakata
baccin dole ya ce
"ina ga fateema zuwa kawai za ki yi mu je
asibiti mu nemi shawarar doctors akan yanda ya
kamata a kula da ita musamman ta 6angaren
abinda za ta ci".
Fateema da ke rungume da little Teema ta ce
"sosai nima tunanin da na ke yi kenan".
A cikin daren nan suka nufi PREMIER
kasancewar akwai wani Dr. abokin Farouq da ke
aiki acan, ba su fita ba sai da ya sanar da shi a
waya.
Ba su sha wahala ba suna zuwa ya had'a su da
wata consultant a pediatric Dr Amisha, da yake
matar akwai kirki ta yi musu bayani dalla - dalla
yanda za su kula da babyn daga k'arshe ta ce
su gwada ba ta madara NAN1 insha Allah za a
dace ta kar6eta amma sai dai su rik'a ba ta
ruwa akai-akai,suka yi mata godiya suka fito.
Nadeeya kuwa tun fitar Farouq ta durk'ushe
tana wani irin kuka da na kasa tantace na me
ye, ba abinda yake mata yawo a k'wak'walwa
irin kalamansa, ta ji ciwon Kalamansa ba kad'an
ba, sai dai ta saka a zuciyarta ba ita ba yarinyar
har abada kamar yadda ya ce, gidansa ma za ta
bi duk hanyar da za ta bi ta bar masa kayansa
kawai don tana shakkar mamansu ne da ba
abinda zai hana ta barin gidan a yau d'in nan
.....
Hehehe! masu cewa Fateema ta yi yawa a buk
d'in nan, ku yi hak'uri saboda I dedicated this
buk to all my namesakes (FATEEMA'S) so fagen
namu ne sai sorry akwai wasu ma anan gaba
lol.
Asma'u (Husna), Aysha & Hafsat Birum, kun san
ina son sunayenku cox akwai sunan my mum &
my elder sister a ciki so duka sunayen suna da
daraja a wurin, da duk wani sunan d'an musulmi
mai asali ina alfahari da shi wallahi.
Sai mun had'u a happy Sallah idan Allah ya nufe
mu da gani 鉂ゐ煈岎煆�
Mum Twins 馃槝
[10/16, 4:46 PM] mrm kd: [9/17, 5:17 PM]
Phatyma: 鈻狟ALLAGAZAR MACE 鈻�60
漏MRS SAIF
THREE MONTHS LATER
Har zuwa lokacin Nadeeya ba ta samu tudun
dafawa ba, duk abubuwa sun cakud'e mata, ta
rasa me ke mata dad'i cikin fad'in duniyar nan,
yanzu har Mamanta ba ta jindad'in yadda ta ke
mata, don ita ma yanzu goyon bayan Farouq
take 100%.
Tana ji tana gani Farouq ya siya musu motoci
masu masifar kyau ita da Fateema, amma
Mama ta ce "ya siyar da tata ya aiko mata da
kud'in ta ajiye har sai lokacin da ta yi hankali
sannan a koma siya mata wata".
Da yake yanzu Farouq sun had'a business
tsakaninsa da abokinsa Abbas suka bud'e
k'aton wurin sayar da motoci, dama shi Abbas
sana'arsa kenan, sai dai yanzu da suka had'a
hannu da Farouq Allah ya k'ara sawa wurin
albarka don a 'yan watannin da suka yi suna
kasuwancin ba k'aramar riba suka samu ba.
Juyi ta kuma yi don tuna yadda Fateema ke
hawa tata motar hankali kwance, da
kyaututtukan da take samu wurin abokan harkar
Farouq duk ta sanadin Fatyma (Basma), a' yan
kwanakin nan kawai an yiwa yarinyar kyautan
English gold, ya kai guda uku, kuma duk sun
mata yawa sai ajiyewa Fateema ke yi,kud'i kam
ba a maganarsa don kullum cikin su Fateema
take,ba ya ga kayayyakin da Farouq ke siya
mata, don komai ya samu yarinyar.
Runtse idonta ta yi sosai tana Jin wani ciwo na
shiga cikin k'irjinta wanda ke zarcewa har
zuciyarta, da yanzu 'yar ta na hannunta duk
wani alkhairi ita zata samu, ba wanda zai bi ta
kan Fateema, amma yanzu komai za a yi a
gidan in dai ta 6angaren Farouq ne Fateema ce
kan gaba kowa ma ya fi saninta, don sai a yi
bak'i a gidan su zo har su tafi ba su san da
wata k'urar Nadeeya ba.
Wata zazzafar ajiyar zuciya ta sauke ta ce
"dole na d'auki mataki akan yarinyar nan ba zai
yiwu ta zo a bayan-bayana ta k'wace gida
ba,duk da zuwa yanzu na gane akwai abubuwan
da dama da na yi watsi da su tun farko, wanda
hakan shi ya bata damar samun matsayin da
take kai".
Ta k'arasa maganar tare da Jan wata doguwar
k'wafa, don har yanzu ba ta wani tunanin gyara
halinta, don gani take idan har ta chanza
halayenta tamkar ta fad'o ne, don za a rik'a
ganin kamar ta kwaikwayi Teema ne, ita kuma
girman kan ta, ba zai bar ta ta yi haka ba.
*****
Fateema ce sak'ale da Basma a kafad'arta sun
shirya tsaf da su, sun yi kyau har sun gaji, baby
Basma ta k'ara girma abinta don yanzu tana da
six months, ta daina shan madara frisogold take
sha, ya kar6eta sosai wayonta har ya wuce
watannin ta, don tuni ta fara rarrafe har kama
abu take ta mik'e tsaye.
Rik'e take da handbag da key d'in mota da
alama fita za su yi, suna daf da fita parlourn ita
da Habi don idan zata je school tare take zuwa
da ita, ta rik'e mata Basma har ta gama
lectures sannan su dawo gida.
Mum Twins 馃槝
[9/17, 5:18 PM] Phatyma: 鈻狟ALLAGAZAR
MACE 鈻�61
漏Mrs Saif
Suka ci karo da wasu 'yan mata su biyu, cikin
fara'a Fateema ke musu sannu da zuwa duk da
ba ta gane su ba, ko na ce bata san su ba.
Fuska suma' yan matan suka saki suna amsa
gaisuwar ta.
Ganin haka yasa Fateema komawa zuwa cikin
parlourn suma suka bi bayanta, sai da suka
zauna sannan ta k'walawa Raleeya kira don ta
kawo musu abin ta6awa.
D'aya daga cikin su ce ta fara magana " An ya
kuwa ba mu yi 6atan kai ba"?
Kallonta Fateema ta yi cikin rashin fahimtar
maganar ta ce" kamar ya, wani guri kuke nema
ne"??
"eh, gidan wata Nadeeya nan aka kwatanta
mana aka ce gidanta yake sai dai kuma yanzu
na ke tunanin, kamar ba nan ba ne".
Murmushi Fateema ta yi, ta ce
"ba batan da kuka yi nan ne, Raleeya je ki kira
musu Maman Ansar".
"to,"Raleeya ta fad'a tare da nufan part d'in
Nadeeya.
Kallonsu Fateema ta yi ta ce "bari na tafi dama
school zan je, ku gaida gida".
Da fara'a d'auke a fuskarsu suka ce "yawwa
mun gode".
"ba komai". Fateema ta fad'a tare da nufar
hanyar fita.
Su kuma suka bi ta da ido cike da sha'awar
babyn hannunta.
"lalalalala! Su zee na ke gani yau, ko dai kun yi
6atan kai ne"???
Nadeeya ce ke fad'an haka bayan ta fito.
Harara suka watsa mata ta wasa, sannan suka
ce
"bayan mu kad'ai ke neman ki, ke ba neman mu
kike to ba, ko sanin tashin ku fa ba mu yi ba,
sannan idan mun kira wayarki ba ma samu, sai
da muka je unguwar ku ta da sannan wata
makociyarki ta mana kwatancen nan".
"hhhhmm! Ku dai tashin bana dad'i ba shi yasa
ba wanda ma ya sa ni sai na jiki sosai".
"to me ya faru?, mu tambayoyi ne nan fal cikin
mu, lokacin da za mu shigo mun ga wasu
flowers masu masifar kyau ina ga kamar 'ya da
uwane su waye halan".
Nadeeya da ba ta fuskanci mai suke nufi ba ta
ce
"flowers kuma, ban gane me kuke nufi ba"?
Dariya suka kwashe da ita sannan suka ce
"wata fa kyakkyawa muka gani zata fita yanzun
nan tare da wata kyakkyawar baby a hannunta".
"mtss, wacce ku ka gani ba kowa ba ce sai
kishiyata, babyn hannunta kuma da take fashion
da ita ba kowa ba ce illa 'ya ta da na haifeta da
ciki na...
Mum Twins 馃槝
[9/17, 5:19 PM] Phatyma: 鈻狟ALLAGAZAR
MACE 鈻�62
漏Mrs Saif
Dariya suka bushe da ita, suna mata kallon ko
kin fara shaye - shaye ne.
Cikin takaici Nadeeya ta kalle su ta ce
"wai wannan dariyar ta miye ko ba ku yarda da
abinda na ce ba ne"??
Gyad'a kai suka yi alamar eh.
Hannunsu Nadeeya ta kama tare da fad'in "ku
zo mu je part d'ina na fayyace muku duk abinda
ya faru".
Ba musu suka bi ta, sai dai shigarsu part d'in ta
shi ya tabbatar musu da hali na nan ba abinda
ya sauya,don sai suka fi jindad'in zaman su a
parlourn da suka fara zama akan na Nadeeyar,
amma ba halin komawa dole su hak'ura su
zauna tunda suna son Jin k'wak'waf.
****
Nadeeya ba ta rage musu komai ba dangane da
abinda ya faru, duk ta kwashe ta gaya musu,
cikin ta'ajibi suke jinjina kai.
Zee ta ce
"tunda dai haka ne nima na watsar da makamai
na, na hak'ura da k'udurina, don na tabbatar da
ba nasara saboda ko lokacin da ya ke tare da
BALLAGAZAR MACE bai amincewa buk'ata ta
ba, bare kuma yanzu da ya samu MACE irin
Fateema".
Cikin rashin fatimar inda maganar Zee ta dosa
Nadeeya ta fara magana
"ni fa kin sa ni a duhu gwanda ki fitar da ni, don
ban fahimce ki ba".
Sai da zee ta d'an muskuta sannan ta ce
"yanzu a tsakanin mu ba wani 6oye-6oye zan
gaya miki gaskiyar abinda ya faru, a da na so
mijinki dan kuwa har tallan kaina na kai masa,
sai dai sam ya nuna bana gabansa, ba irin
bibiyar da ban masa ba amma ya wulak'anta ni
amma duk da haka ban hak'ura ba, don yanzu
haka zuwan da na yi don na d'ora in da na
tsaya ne, sai dai labarin da kika ba ni yasa na
zubar da makamaina na hak'ura da shi, zan
kuma ba ki shawarar da ta dace, wata kila Allah
sai ya ga zuciyata ya sauya mun da mafi
alkhairi gare".
Wani kallo Nadeeya ke watsa mata tun fara
maganarta, wanda na kasa tantace na meye.
"hmm! Ke na ke saurare fad'i shawarar ta ki ".
" gaskiya Nadeeya zan gaya miki lokaci ya yi da
zaki daina wannan bak'ar k'azantar ta ki, da
rashin ta idon da kike yiwa Farouq, ki gyara
halinki ki daina wannan ballagazanci, ki rungumi
abokiyar zamanki ku yi zaman Amana don daga
ganinta za ta yi dad'in zama, ki kuma kai
gwiwoyinki k'asa ki nemi afuwar mijinki, na san
ba zai... Nadeeya ta katseta ta hanyar d'aga
mata hannu.
"ki mun shiru zainab, wato kin gama yawon
dandin ki, za ki zo ki ce za ki mun wa'azi, ai ke
ba ki da darajar da zan tsaya na saurareki, bin
mazan ki ya kai har wurin mijina, sai dai ki ga ni
ki k'yale don kuwa Farouq ya yi k'arfinki, shi
yasa sai fama kuke da hanya kun k'i
auruwa.......
A zafafe zainab ta katseta "ke dabba ke ga ni
kike yi har macece,?? Barin in gaya miki kin ci
darajar kishiyarki ne, don na fuskanci ita
cikakkiyar MACE ce, amma in dai don irin ki ne
kwace miji a wurin ku ba wani abu mai wahala
ba ne, ni shawara ce na ba ki idan ki ga dama ki
d'auka idan ba ki ga dama ba, ki watsar ".
Daga haka ba ta kuma cewa k'ala ba, ta ja
hannun k'awarta suka fice.
Kan kujera Nadeeya ta zube tana mai da
numfashi, a ranta take cewar
" me yasa ne kowa ya d'ebo shararsa ya ke
watsa mun ne, me na yi wa mutane ne haka".
Rashin mai ba ta amsa yasa ta fashe da wani
irin kuka, wanda na kasa tantace ma'anarsa......
Mum Twins 馃槝
[10/16, 4:46 PM] mrm kd: [9/20, 9:26 PM]
Phatyma: 鈻狟ALLAGAZAR MACE 鈻�63
漏Mrs Saif
Haka rayuwa ta cigaba da gudana a gidan
Farouq yayin da Fateema da 'yar ta ke cikin
nutsuwa da kwanciyar hankali, don ba su da
wata damuwa, idan ban da Fateema da ke fama
da kasala da yawan barci a' yan kwanakin nan.
A 6angaren Nadeeya kuwa sam abun ba haka
yake ba, don yanzu ta rasa natsuwarta gaba
d'aya, muradin ta bai wuce ta ga 'yarta ta dawo
hannunta ba, don wata irin k'aunar yarinyar take
yi, wadda yanzu tana ji a zuciyarta ko da za' a
kirata da Fateema za ta amince, burinta kawai a
bata 'yar ta.
Sai dai tun bayan zuwan su Zee gidan take
neman ta yadda za ta 6ullowa lamarin amma ta
kasa samun mafita ga shi lokaci sai tafiya ya
ke, tunda har an ci wata uku da zuwan su,
amma har yau shiru mak'atau, wai an aiki bawa
garinsu.
"Fateema! Fateema!!", Farouq ne ke tashin
Fateema tare da girgiza k'afarta, don ta tashi
daga nauyayyan barcin da take yi tun safe.
Da k'yar ta iya bud'e idonta ta ce "don Allah
Farouq ka bar ni na yi barcin nan ka ji".
Murmushi ya sakar mata, ya ce "haba babe, ke
ma kin san ba don na san kina da test 11 ba, ba
abinda zai sa na tasheki ko da kuwa za ki
kwana ki na barcin nan".
Ai da sauri Fateema ta diro daga kan gadon
tana mutsutstsike idonta, ta ce
"ni ba na manta ba".
Murmushin dai Farouq ya kuma yi sannan ya ce
" shi yasa na had'a miki breakfast, na kuma
yiwa Basma wankan, don na rage miki aiki, sai
ki yi sauri ki shirya, ki k'arasa shiryawa Basma
sai na fara ajiyeki a school sannan na wuce
office don yanzu gaskiya kin daina driving har
sai mun je asibiti na ji dalilin wannan barcin,
gudun kar ki je ki na driving barci ya kwasheki,
ki je ki kaini ki baro ni."
Hararar wasa Fateema ta watsa masa tare da
cewa "haba sai ka ce wadda tsetsefly ya ciza".
Dariya ya yi sosai tare da mik'ar da ita tsaye,
"don Allah yi sauri ki shiga wanka kafin nima na
makara da yawa".
A cikin mintunan da ba su gaza talatin ba ta
shirya ta shiryawa Basma cikin wata doguwar
riga fara k'al sai ratsin red flowers a jikin rigar,
twisting ne akanta ya yi kyau sosai, don idan ka
gani sai ka rantse ba gashinta ba ne attach.ne
domin ya sauko sosai kamar ba gashin 'yar
9mnths ba.
Abinda ya ke k'ara bawa kowa mamaki da
yarinyar saurin iya tafiyarta, don yanzu haka
tafiya take sosai, kamar wadda ta bawa shekara
baya....

Share this

WhatsApp