BALLAGAZAR MACE Page 51 to 60 (The end)

Fitar su ke da wuya Nadeeya da ke la6e tana
kallonsu, ta yi wuf ta fito daga ma6uyarta, ta
fara wani tsallen murna har da rawa, ta d'auki
tsawon lokaci tana rawar har da juyi
kasancewar ba kowa a gidan, don su Raleeya
sun je ganin gida, Ansar kam ya zama d'an
dutse don bai fiye zama a wurin Nadeeya ba.
Sai da ta yi mai isar sannan ta nufi part d'in ta,
cikin sauri ta janyo wani trolley ta fara loda
kaya a ciki, sai da ta zuba duk abinda ta ke
buk'ata, sannan ta saka hijabinta ta yo waje
jaye da trolleyn.
Fateema kuwa tunda suka fito gabanta ke
fad'uwa, dama tun jiya ta yi wani mafarki mai
ban tsoro wanda ta kasa gayawa kowa, sai
yanzu da gabanta ya tsananta fad'uwa take
gayawa Farouq.
Juyawa ya yi yana Kallonta cikin kulawa ya ce
"Fatyna ki cigaba da addu'a duk da na san kina
yi, idan Allah ya yarda ba koma sai alkhairi".
"to, ni dama addu'a na bai wuce Allah ya k'ara
tsare mun ita ba, don idan wani abu ya same ta
ban san ya rayuwata za ta kasance ba". Ta
k'arasa maganar tare da gangarowar hawaye
daga idanunta.
"Ya Salam, Teema mai yasa kuka wallahi bana
son kukanki ko na second, ki yi hak'uri ki yi
shiru Insha Allah ba abinda zai faru da ita kin ji
Fatyna". Ya k'arasa maganar cikin sigar
rarrashi.
*****
Daidai lokacin su ka k'arasowa gate d'in BUK,
bayan ya ajiyeta daidai faculty d'in su, ta fito ta
zagaya bayan motar tana k'ok'arin fiddo Basma
da ke bayan... Farouq ya ce "haba Fateema ina
kuma za ki je da ita bayan kin san kwanan
wurin Umma ki ke kai ta in dai za ki zo school
kasancewar su Habi ba sa nan".
Ajiyar zuciya ta sauke ta ce
"Ni kam yau da ita zan je, don bana son barin ta
a wani wuri".
K'uri ya yi yana kallonta don yau ya fuskanci
tana cikin wani yanayi.
Cikin tattausan lafazi ya fara magana
"Babe ki yi hak'uri, ki bar ta na kai ta gun
Umma kin ga test ne kawai za ki yi, don haka
kina gamawa ki yi kirana zan zo na d'auke ki
sai mu je mu d'aukota na wuce da ku gida, kin
ga yanzu idan kin je da ita da wane za ki ji ga
ta ga test ga ki ke kanki ba ishasshiyar lafiya
ba, don Allah ki yi hak'uri kin ji Fatyna".
Da k'yar dai Farouq ya shawo kanta, ta amince,
amma har ta shige hall d'in tana jiyowa tana
kallon Basma.
Mum Twins
[9/20, 9:26 PM] Phatyma: 鈻狟ALLAGAZAR
MACE 鈻�65
漏Mrs Saif
Nadeeya na fita ba ta zarce ko ina ba sai gidan
su Farouq, tun daga gate ta bawa mai gadi
ajiyar trolley'n ta, ta ce "ya ajiye mata yanzu za
ta fito ba ta son ta yi ta gayansa".
Ba tare da komai a ransa ba ya kar6a ya ajiye
mata, tunda yasan wace ita a gidan.
Ko da ta shiga Basma na cinyar Umma tana
mata wasa, da yake har ta saba da ita 'yan
kwanakin nan.
Cikin mamaki Umma ta fara magana
"yau ke ce a gidan na mu Nadeeya"?
Cikin kunya Nadeeya ta ce "eh Umma".
Don ba za ta iya tuna dogon lokacin da ta
d'auka ba ta je gaishe da Umman ba.
Umma ba ta nuna mata komai ba, ko a fuskarta,
don haka suka cigaba da hirarsu kamar yadda
suka saba a lokutan baya.
Har agogon dake manne da bangon parlourn ya
buga k'arfe d'aya dai_dai, adaidai wannan
lokacin ne masallacin da ke jikin gidan suka fara
kiran Azahar, saboda haka ne Umma ta mik'e ta
ce
"barin je na yi sallah".
Murmushi Nadeeya ta yi cike da zumud'i ta ce
"to Umma sai kin fito kawota na rik'e miki har
ki fito".
Kallonta Umma ta yi sosai sannan ta ce
"ke fa ba sallar za ki yi ba"?
Cikin Jin kunya ta ce "a'a ba yi zan ba".
Kamar Umma kar ta mik'a mata ita sai kuma ta
ba ta, ta ce "Ai ni ma ba dadewa zan yi ba
yanzu zan fito".
Tana shigewa d'aki Nadeeya ta bi bayanta da
harara, sai da ta tabbatar ta fara Jin k'arar
ruwa alamun an shiga toilet sannan ta fito a
sukwane d'auke da Basma, lokacin mai gadi
yana masallaci shi ma, don haka trolley'n ta
kawai ta ja ta fice daga gidan.
*******
Kaitsaye adaidaita sahu ta tara straight Kano
line ta nufa don shiga mota, don ta k'udurce a
ranta sai ta kar6i 'yar ta shi yasa ta dad'e tana
shirya wannan ranar sai yau burinta ya cika, don
ta sawa ranta ba za ta nufi Dutse ba, domin
Mama ba za ta goyi bayanta ba, Kazaure za ta
nufa gidan wani Baffanta kasancewar ba zuwa
wurin sa suke yi ba, ba wanda zai kawo tana
can, sai dai ita za ta rik'a neman su a waya
idan har sun amince mata ta rik'e 'yar ta sai ta
dawo, idan ba su amince ba kuwa har court ta
iya kai su , don yadda take Jin Basma a ranta
yanzu za ta iya asarar komai domin ta.
Ba su k'arasa tasha ba, ta ga wata mota k'irar
Gulf a gefen hanya ana lodi, ga dukkan alamu
hanyar su za ta yi ga shi ta kusa cika, saboda
haka ta sa d'an sahu ya ajiyeta anan.
Illai kuwa mutum biyun gidan gaba suke nema,
nan da nan Nadeeya ta biya kud'in ta shige
gaba, kafin k'yaftawar ido sun chilla kan titi
kamar walk'iya haka drivern ke gudu, Nadeeya
sai murna ta ke yi ta samu abinda ta ke so don
bata son su ja wani dogon lokaci har a biyo
sawunta.
Gudu ya ke ba na wasa ba nan da nan suka gan
su a D'anbatta, sai dai me?? kafin su shiga cikin
garin D'anbattar motar ta k'wacewa drivern da
ya zo shan kwana saboda tsananin gudun da
yake yi, haka motar ta rik'a sama da k'asa tana
lolli da su, kafin daga bisani k'ofar da ke gefen
su Nadeeya ta bud'e, ba ta an karaba, Basma
da ke hannunta ta su6uce ta fad'a saboda
k'arfin iskar da ke fizgar su, cikin tashi hankali
Nadeeya ta saki wani razanannen ihu da
zummar fad'awa ta d'auko Basma da k'arfi
wani mutum ya sa hannu ya janyota, idan ban
da salati ba abinda ake yi a cikin motar, cikin
taimakon Allah motar ta tsaya da gudu Nadeeya
ta fito kamar mahaukaciya tana neman Basma,
hango ta yi a hannun wani mutum da gudu da
k'arasa in da ya ke tsaye, sai dai sau d'aya ta
kalli yarinyar ta kau da ganta tare da fashewa
da wani kid'imammen kuka, gaba d'aya kayan
jikin yarinyar ya koma Jan jini, don duk ga6o6in
jikinta zuba yake da jini duk da ka na ganinta
ka san ba ta da rai, kusan duk mutanen da ke
wurin hawaye suke yi baya ga masu kuka
wiwi.....
Innalillahi Wa'inna'ilaihirraji'un! (ni kai na
maman Twins hawaye ya hana ni typing ku biyo
ni zuwa gobe don Jin yadda za ta kaya)..........
Mum Twins 馃槝
[10/16, 4:46 PM] mrm kd: [9/21, 7:17 PM]
Phatyma: 鈻狟ALLAGAZAR MACE 鈻�66
漏Mrs Saif
Nan da nan aka kira police ba da jimawa ba aka
kwashesu don zuwa asibiti domin da yawan
mutanen da ke ciki sun d'an samu raunuka,
Nadeeya ma ta samu tarkad'e a hannu lokacin
da take k'ok'arin fita d'auko Basma, jawowar da
aka mata da k'arfi ya yi sanadiyyar samun
tarkad'enta.
Cikin garin Kano aka dawo da su direct AKTH
aka wuce da su 6angaren A&E, Doctors da yawa
suka yo kan su musamman Basma sai dai
gwajin farko ya nuna musu yarinyar ba ta da rai,
ban da wani azababben kuka ba abinda
Nadeeya ke yi don gaba d'aya ta kid'eme,
tunani take yi ina ma a mafarki ta ke ganin
wannan abun da ke faruwa da tafi kowa murna
a wannan duniyar,sai dai ina zuwa lokacin da
likita ya tabbatar mata da mutuwar Basma ta
tabbatar da ba mafarki ba ne a zahiri komai ke
faruwa.
Fateema na rubuta test amma sam ta kasa
nutsuwa kaf hankalinta ya kasa kwanciya, a
gurguje ta gama rubuta test d'in ta yi
submitting ta fito, ko tsayawa jiran Faty ba ta yi
ba,hatta Farouq da ya ce ta kira shi idan ta
gama ba ta bi ta kansa ba ta nemi keke napep
ta hau sai gidan su Farouq.
Umma kuwa bayan ta idar da sallah ta fito
zuwa parlour in da ta bar Nadeeya da Basma a
zaune, sai dai wayam ba kowa, sai ta d'auka ko
ta shiga toilet nan ma dai shiru, daga baya take
tunanin ko da toilet ta shiga ya kamata ta ga
Basma tunda ba da ita zata shiga ba.
Wasa - wasa sai da Umma ta duba ko'ina cikin
gidan ba alamar su Nadeeya, ba shiri ta nufi
bakin gate.
"Iro! Iro!! "
Umma ke k'wala kiran maigadi a hargitse ya fito
daga cikin d'akinsa dake daf da k'ofar gate d'in
gidan.
" na'am Hajiya, Allah ya sa lafiya".
"ina fa lafiya, ka ga Nadeeya ta fita d'azu"??
Umma ta fad'a tana haki kamar wadda ta yi
gudu.
"A'a ban ga fitar ta ba, don akwatin da ta ba ni
ajiya ma ina masallaci ta d'auki abin ta, don ko
da na dawo ban ganshi ba, ina ma shirin zuwa
yanzu na tambayi ko ta d'auka ne, domin na
tabbatar gudun samun matsala sai ga ki kin
fito".
Salati Umma ta saki tare da tafa hannu,sannan
ta ce
"wato har da akwati ta zo?".
kafin Iro ya bata amsa suka ji tsayuwar d'an
sahu a waje, ba d'auki wani dogon lokaci ba
Fateema ta kunno kai cikin gidan.
Yanayin da Fateema ta tarar da su Umma ne ya
sa gabanta mummunan fad'uwa, da k'yar ta
k'arasa ciki.
Cikin nauyin baki ta ce
"Um...Umma lafiya na gan ku a tsaye anan kun
yi jugum-jugum"??
Kasa magana Umma ta yi illa hannun Fateema
da ta kama suka shiga ciki...
[9/21, 7:17 PM] Phatyma: 鈻狟ALLAGAZAR
MACE 鈻�67
漏Mrs Saif
Anan Umma ta juyewa Fateema duk abinda ya
faru, tuni hawaye ya wanke ma Fateema fuska
tana fad'in
"shi kenan na rasa Basmana, ni na san na
rasata ba zan kuma ganin kyakkyawar fusk.....
Sai kuma kuka ya ci k'arfinta ta kasa k'arasa
maganar.
Rungumeta Umma ta yi, cikin sigar rarrashi ta
fara magana "ki yi hak'uri Fateema, gudun
Nadeeya ba zai rage ki da komai ba don kuwa
dole ta dawo, domin duk in da za ta je na san
ba zai wuce Dutse ba, don haka wannan ba
wata babbar matsala ba ce, yanzu zan kira
Farouq sai a san yadda za a 6ullowa lamarin".
Ba a d'auki dogon lokaci ba Farouq ya iso
sakamakon kiransa da Umma ta yi zuwa lokacin
ita ma Faty ta dawo nan da nan Umma ta fad'a
musu abinda ke faruwa, idan Farouq ransa ya yi
dubu to duk sun 6aci, ba tare da 6ata lokaci ba
ya yanke shawarar bin bayan su Nadeeya.
Saboda haka Umma ta ce
"a tafi har da ita, tunda ba su San yadda za ta
kaya ba idan an je can ba".
Fateema da Faty suka ce suma za su je, adole
dai aka shirya tafiyar dukan su.
******
Suna daf da shiga mota wayar Farouq ta hau
ringing alamar call ya shigo, hannu yasa ya
d'auko wayar duk da bai san number ba haka ya
d'aga.
A d'ayan 6angaren wanda ya kira shi ya ce
"don Allah da Farouq na ke magna?".
Da sauri Farouq ya ce "eh".
"okay, idan ba damuwa ka zo Aminu Kano
yanzu 6angaren A&E".
Cikin rashin k'warin jiki Farouq ya ce
"me zan zo na yi Accident and Emergency
kuma"??
Mutumin ya ce
"ba wani abun tashin hankali ba ne, matarka ce
suka d'an samu matsala a hanya, amma ka
kwantar da hankalinka ga ta ma ku yi magana".
Bai jira abinda Farouq zai ce ba ya mik'awa
Nadeeya wayar, duk da muryar ta ba ta fita
sosai sakamakon kukan da ta ci, amma hakan
bai hana shi tambayar Basma ba tunda ya ji
tata lafiyar, kukan da ta 6arke da shi yasa ya
katse wayar a gurguje ya yiwa su Umma bayani,
sannan suka shiga mota don zuwa asibitin,
kowa zuciyarsa cunkushe da damuwa barin
Fateema idan ban da kuka ba abinda take yi.
Innalillahi Wa'inna'ilaihirraji'un kawai suke
maimaitawa sakamakon ganin gawar Basma da
suka yi, gaba d'aya kuka suke yi har Umma idan
ka cire Farouq da Nadeeya don ita Nadeeya ta
yi kukan har idonta ya bushe sai na zuciya
kuma, shi kuma Farouq hawayen ma ya kasa yi,
sai tafasa da zuciyarsa ke yi tamkar za ta huda
k'irjinsa ta fito, idonsa ya yi ja jajur addu'a yake
yi Allah ya sa ya samu ko da d'igon hawaye ne
ya fito daga idonsa ko ya samu ragin rad'ad'in
da ya ke ji a zuciyarsa.
Fateema ce ta yi kukan kura ta cafko wuyan
Nadeeya ta fara magana cikin ficewar hankali
"tunda kika kasheta nima sai na kasheki, kowa
ya huta sai da na gayawa Farouq kasheta za ki
yi ya ce mun ba haka ba wai mafarki ne, ai ga
shi nan ya faru a zahiri".
Sosai Fateema ta shak'e wuyan Nadeeya tana
wasu suratai tamkar ta6a66iya kuma duk cikin
gunshek'ar kuka.
Jin Nadeeya ta fara wani kakari yasa Umma da
Faty suka ruga kansu dan jaye hannun Fateema
daga wuyan Nadeeya, da k'yar da taimakon
wasu Nurses guda biyu suka 6an6are hannun
Fateema daga wuyan Nadeeya.
Wani kuka Nadeeya ta saki wanda daga Jin fitar
kukan ka san yana tattare da nadama da tarin
bak'in ciki, cikin kukan ta fara magana
"Umma na cuci kaina na yiwa kaina gi6in da ba
zai ta6a cikewa ba a rayuta, na yi nadama na yi
danasani marar misaltuwa, da kun bar Fateema
ta k'arasa ni da na fi farin ciki, don na san zan
huta da wannan azababben rad'ad'in da
zuciyata ke mun... Don Allah Fateema ki
kasheni... Ki kasheni na huta kin ji.... Sai kuma
ta zube a wurin tana wani irin kuka tare da fitar
wani wahallallen numfashi kad'an-kad'an.
Da sauri Nurses d'in dake gurin suka yi kanta
don ganin numfashinta na k'ok'arin d'aukewa,
ashe ba su sa ni ba ita ma Fateema tuni ta
suma anan, don tun lokacin da aka 6an6are
Nadeeya daga hannunta, ta ji wani mugun jiri na
d'ibanta wanda ya hana ta aiwatar da komai illa
zubewa da ta yi anan.
Cikin tashin hankali aka bawa Nadeeya gado
kafin daga bisani aka bawa Fateema na ta
gadon, kuka kam kala_kala ba wanda Umma da
Faty ba su yi ba.
Faruk kam rasa duniyar da yake ya yi, don wani
irin juyawa kan sa ke yi, wanda bai ta6a Jin irin
sa ba a rayuwarsa, da k'yar ya sa hannu ya
dafe bangon wurin tare da lumshe ido, tuni
hawayen da yake muradin zuwansu, suka wanke
masa fuska......
Mum Twins 馃槝
[10/16, 4:46 PM] mrm kd: [9/22, 10:47 PM]
Phatyma: 鈻狟ALLAGAZAR MACE 鈻�68
漏Mrs Saif
A dole aka yi wa dangin Nadeeya waya aka
sanarda su halin da ake ciki, haka ma Fateema
sai waya aka yiwa su Ummy aka sanarda su
Fateema ba lafiya tana kwance a asibiti, ba su
d'auki dogon lokaci ba suka iso hankali a tashe,
daidai wannan lokacin ne aka ba da gawar
Basma don yi mata jana'iza kamar yadda addini
ya tanadar.
Bayan kwana uku da mutuwar Basma aka
sallamo su Fateema daga asibiti, zuwa lokacin
Fateema ta dangana don likita ya tabbatar mata
tana d'auke da juna biyu, saboda haka ya ba ta
shawarar ta rage yawan damuwa don samun
ingatacciyar lafiyarta tare da ta d'an da ke
cikinta.
Kaitsaye gida Ummy ta wuce da Fateema don ta
samu kulawa sosai tunda har yanzu jikin na ta
da saura.
Nadeeya ma tun ranar da abun ya faru,
Mamansu ta iso, ranta ba k'aramin 6aci ya yi
ba, akan abinda Nadeeya ta yi, fad'a sosai ta yi
mata, don ma Umma na ta ba ta baki.
Ta ce "duk da Nadeeya ce sila amma Allah ya
riga ya k'addaro hakan sai ya faru, don haka
babu tsimi babu dabara".
Har kawo yau da aka ba su sallama, Maman ba
ta wani saki ranta ba, sai haushin Nadeeya ta
ke ji.
Sam Nadeeya ba ta Jin ciwon abinda Maman
take mata don ita kanta haushin kanta take ji,
duk ta wani rame ta rafke lokaci guda kamar
wadda ta shekara tana cuta.
******
Zaune suke sun yi jugum-jugum, kowa da
abinda yake sak'awa a ransa, tun d'azu da aka
ba su sallama suke jiran Farouq ya zo ya biya
kud'i su san tudun dafawa.
"ni kam Farouq ina ya je har zuwa yanzu bai
k'araso ba"?? Umma ce ke wannan maganar
bayan ta duba lokaci a agogon wayar da ke
hannunta.
Murmushi Mama ta yi ta ce
"Halimatu kenan kin san fa yau akwai sabga a
gabansa tunda yau ne uku, da yawan mutane
sai yau za su zo masa gaisuwa".
Umma ta ce
"haka ne amma na ga su Fateema sun tafi tun
d'azu".
Kafin Mama ta ce wani abu suka jiyo sallamar
Farouq daga bakin k'ofa.
Bayan ya shigo ya gaishe da su Umma, Mama
ta dad'a masa gaisuwa, sannan ya kalli Umma
ya ce
"Umma don Allah ki yi mun gafara ki yafe mun,
don na yanke wani hukuncin da na san ba zai
miki dad'i ba, amma ni hakan shi zai samar
mun da nutsuwa, don duk lokacin da na ganta
zan na tunawa da abinda ya faru da Basma ta
sanadinta".
"Farouq wai me ka ke son ka ce ne?,ka fayyace
mun manufarka don ban fahimci bayanin ka ba".
Hannu ya sa a aljihu ya ciro wata farar takarda
mai d'auke da rubutu ya mik'awa Nadeeya.
Jiki na rawa ta kar6a ta bud'e ta fara
karantawa abinda ke ciki kamar haka :Ni Farouq
na SAKI matata Nadeeya saki d'aya kamar
yadda shari'ah ta ba ni dama, idan ta samu miji
ta yi aure.....
[9/22, 10:47 PM] Phatyma: 鈻狟ALLAGAZAR
MACE 鈻�69
漏Mrs Saif
Kukan da Nadeeya ta saki shi ya dawo da
hankulan su Umma kanta, da sauri Umma ta
kar6i takardar ta karanta, cikin razana ta yi kan
Farouq idonunta cike da 6acin rai.
Da hanzari Mama ta sha gabanta tana fad'in
"wai me ya faru"??.
" sakinta fa ya yi, bayan ban ba shi umurnin yin
haka ba".
Murmushin takaici Mama ta saki ta ce
"akan wannan ki ke tada jijiyoyin wuya?, ki ma
daina damun kan ki, domin abinda Farouq ya yi,
yayi dai_dai sakamakonta kenan, dama ta dad'e
tana neman sakin,
sai ta kai dubanta zuwa inda Nadeeya ke zaune
ta cigaba da fad'in yau burinki ya cika sai ki
d'ebi kayanki mu tafi".
Sosai Umma ta nuna damuwarta sai dai Maman
Nadeeya tana ta nuna mata ba wata matsala
har zuciyarta ta ga dacewar abinda Farouq ya yi
don hakan da ya yi zai sa Nadeeyar ta k'ara
koyon darasi akan rayuwa.,, duk da zuwa yanzu
ta fahimci Nadeeyan na cikin tsananin nadama
tare da datasani akan abubuwan da ta akaita,
amma wannan ba zai zama hujjar da za ta
nema mata afuwa ba gun Farouq, gwanda ta
barta ta d'and'ani d'acin zawarci ta ji yadda ya
ke, domin ko nan gaba idan ta yi wani auren ya
zamar mata Izina.
Haka suka tattara yanasu - yanasu suka wuce
tasha don zuwa Dutse.
Sai da Farouq ya je ya biya kud'ad'en da ake bi
, sannan ya d'auki Umma a mota don maidata
gida, a hanya ban da fad'a ba abinda Umma ke
yi, shi dai Farouq ba shi da bakin magana, sai
hak'uri ya ke ba ta don dama yasan dole za a yi
haka, da k'yar ya shawo kanta ta daina mita,
har ya d'an samu ta saki ranta kafin ya tafi.
Ko da ya koma gidansa sai ya ga gidan ya
masa tangameme, ba ka Jin motsin kowa, nan
da nan kewar mutanen gidan ta cika shi,
saukowa ya yi daga saman sa ya bud'e side
d'in Fateema ya shiga, yana shiga parlourn
manyan toys d'in Basma tare da sauran
tarkacen kayan wasanta suka yi masa welcome,
wanda ko shi ko Fateema ke siya mata, wanda
da yawa daga cikin kayan sun fi k'arfin
watanninta.
Teddy d'aya ya d'auka ya rungume, sai ya ke ji
kamar Basman sa ya rungume tuni mutuwarta
ta dawo masa sabuwa fil, bai yi aune ba ya ji
hawaye na bin kumatunsa, a fili ya ce
"ba zan iya rashin dukanku ba, Fateema ki yi
hak'uri ki dawo gareni nima zan kula da ke
kamar yadda Ummy za ta yi, tabbas idan na
cigaba da zama ni d'aya na tabbatar da ciwon
rashinku zai mun mummmunan kamu....
Mum Twins 馃槝
[10/16, 4:47 PM] mrm kd: [9/23, 9:53 PM]
Phatyma: 鈻狟ALLAGAZAR MACE 鈻�70
漏Mrs Saif
Kuka sosai Farouq ya ke yana sambatu shi
kad'ai har sai da ya fara Jin kansa na wani
mugun sarawa sannan ya rarrashi kansa ya yi
shiru, ya fi k'arfin 30mnts zaune a wurin daga
k'arshe ya ga zaman na shi damuwa kawai ya
ke k'ara masa saboda haka ya zari key d'in
motarsa ya fita da zummar zuwa gidansu
Fateema.
Ko da ya isa gidan Fateema ta yi barci, sai
Ummy ya tarar, bayan sun gaisa ya ke sanarda
ita buk'atarsa na son a maida masa da matarsa,
don yana tsananin buk'atarta a kusa da shi.
Guri Ummy ta nema ta zauna sannan ta ce
"Farouq ka yi hak'uri Fateema ta d'an k'ara
warwarewa ka san har yanzu akwai damuwa a
tare da ita,tana buk'atar kulawa ta musamman,
zamanta anan ina kyautata zaton zai taimaka
mata wurin saurin mantawa da mutuwar Basma,
ka yi hak'uri har a kwana biyu sai a dawo maka
da ita, tunda ga Nadeeya.
Girgiza kai ya yi sannan ya ce
"Ummy mun rabu da Nadeeya".
"Subhannallah! Ummy ta fad'a cikin mamaki.
"Ai da ba ka saketa ba, komai ai muk'addari
ne,dama haka Allah ya tsara bai mai nisan
kwana ba ce yarinyar".
Farouq dai bai ce komai ba illa bin ummy da ido,
don shi kad'ai yasan irin halin da yake ciki a
yanzu.
Shiru ita ma Ummy ta yi tana nazari domin duk
wanda ya ga Farouq dole ya tausaya masa
musamman yanzu da ta ji sun rabu da Nadeeya
ta tabbatar shima yana da buk'atar mai
rarrashinsa, amma kuma idan ta amince masa
Fateema ta koma a yanda take gaskiya akwai
matsala don a yarda take aiki ko na kitchen ne
ba kamata ta yi ba don cikin jikinta bai yi k'wari
ba, ga shi likita ya ja musu kunne sosai akan
kula da yanayin motsinta don ana son ta samu
hutu sosai, don Allah ne ya kiyaye ba ta samu
miscarriage ba,don haka gaba d'aya kan Ummy
ya kulle ta ma rasa mai za ta ce da Farouq.
Kamar ya san abinda ta ke tunani ya ce
"Ummy kar ki sawa kan ki damuwa wallahi zan
kula da Fateema sosai, duk wani abu da ya
kamata a yi mata zan yi kokarin yi, kuma ba zan
bar ta ta yi ko wane irin aiki ba, sannan zan kira
Faty ta dawo gidan da zama har zuwa lokacin
da za ta warware, zan kuma yiwa Umma
magana ta tuntu6i su Raleeya idan ba yanzu za
su dawo ba, a nemi wasu kawai".
Ajiyar zuciya Ummy ta sauke ta ce
"shi kenan ba matsala sai ta koma, amma sai
zuwa gobe tunda ka ga yanzu ta yi barci".
Murmushi Farouq ya yi ya ce
"ba komai na gode Allah ya k'ara girma".
Har ya mik'e da zummar tafiya, Ummy ta ce
"Amma Farouq kafin ta dawo ka yi k'ok'arin
kwashe duk wani kaya da ya shafi Basma a
wurin da za ta iya gani, za ka iya kai su ko part
d'in Nadeeya ne ka kulle".
"okay, to Ummy dama nima na yi wannan
tunanin, insha Allah zan yi yadda kika ce".
Yana gab da fitowa daga parlourn, Abbansu
Nadeeya ya dawo tare da yayyanta guda biyu,
anan ya tsaya suka gaisa tare da k'ara masa
gaisuwa, sannan ya fito daga gidan...
[9/23, 9:53 PM] Phatyma: 鈻狟ALLAGAZAR
MACE 鈻�71
Kwanaki na k'ara shud'ewa lokaci na tafiya,
cikin Fateema yanzu har ya kai wata bakwai
zuwa lokacin sun rubuta final exams d'in su,
don haka yanzu ba su da wani lokaci da ya
wuce na rainon cikinta, kullum Farouq na
mak'ale da ita, idan har yana nan baya barin
Fateema yin komai, da zarar za ta yi wani aiki
zai kar6e ya ce shi zai yi ita ta zauna ta huta,
ba yanda ta iya dole ta hak'ura ta bar masa ya
yi.
Fateema ce zaune a parlourn Farouq akan rug
ta mik'e k'afarta Farouq na matsa mata k'afar
da ta d'an fara kumbura.
Dariya ya saki sannan ya ce
"babe an ya cikin nan ba 'yan hud'u ne a ciki ba,
na ganshi wata bakwai amma kamar yau za ki
haihu yayi wani k'atoto". Ya k'arasa maganar
yana kwatanta girman cikin da hannunsa.
Pillow ta janyo daga kan kujera ta jefa mishi
cikin sigar wasa ta ce
"wallahi ban ji bakin ka ba, duk son yarana
hud'u sun mun yawa ni kam".
Dariya sosai Farouq ya yi ya ce
"ni dai in har ke za ki haifa mun ko goma ne ina
so".
Dariya itama ta yi ta ce
"ni ban ma ta6a Jin d'an Adam ya haifi yara
goma ba, sai ka ce Tinkiya"
Ai kuwa Farouq Me zai yi idan ban da dariya
haka yai ta dariya Fateema na taya shi.
*****
DUTSE
Nadeeya ce a kitchen ke kiciniyar had'a girkin
rana, don tun safe da ta tashi ba ta zauna ba
ita ta yi share-sharen gidan da goge-goge,
dama tun zuwanta ita Mama ta sakarwa aikin
gidan, da kafin zuwanta yayyen ta ke yi
wad'anda aka sako, to su yanzu Allah ya
tarfawa garinsu nono don kuwa sun samu
mazan aure sun d'aga sun bar Nadeeya.
Ga shi yanzu ba irin da ba ne don komai tsaftsaf
suke yin sa, domin Mama ta d'auki darasi yanzu
ba ta ta6a barin yaro ya zauna haka nan
sasakai musamman Nadeeya da gayya take
sakata ayyuka masu wahala don ta gane
kuskuranta.
Adalilin k'azantar da suka tafka yasa, sai da
suka saida gidan su, suka siye wani a wata
anguwar daban, saboda ba k'aramin tambari
mutanen unguwar suka musu ba, takai ko zuwa
neman auren 'yan gidan ba a yi, saboda
tsegumin da ' yan unguwar ke kaiwa duk wanda
ya fito neman aurensu, daga k'arshe suka yanke
shawarar tashi daga unguwar.
"Mama don Allah khadija ta zo ta k'arasa soya
funkasun nan, bayana har ya k'age ga shi ina
son na je na yi wanka don duk na yi gumi".
Nadeeya ce ke maganar daga cikin kitchen.
"wai sau nawa zan gaya miki sai kin gama aikin
nan tsaf kin wanke kwanikan da aka yi amfani
da su kin share kitchen d'in kin goge sannan ki
yi maganar fitowa, gwanda ma ki yi sauri kafin
lokacin zuwa makarantarki ya yi".
Sai da Nadeeya ta gama aikin nan tsaf ta yi
shirin zuwa makaranta, da yake tana zuwa
makarantar islamiyya mai suna Mar'atussaleh,
ba abinda ba koyarwa ta fuskar addini sannan
ana koyawa mata duk wasu sirrika na mallakar
miji a sauk'ak'e ba boka ba Malam.
Sai a sannan Nadeeya ta fuskanci ta yi babban
kuskure a baya da take tunanin shan maganin
mata ne kawai zai sa miji ya so ka, sai yanzu
ta gane ashe sam abun ba haka ba ne, shi yasa
ta k'udire a ranta duk mijin da ta aura nan gaba
za ta zame masa salihar MACE mai biyyya ga
miji, ta kuma bi duk wasu matakai da ta koya na
siye zuciyarsa miji.
Tunda ta jefa k'afarta cikin gidan ta ji
mayataccen k'amshin turarensa, ko kallon gefen
da yake ba ta yi ba, ta yi hanyar shiga d'akin
su.
Shi ko sai d'ashe baki ya ke yi a dole ya ga
masoyiyarsa.
"Nadeeya! Nadeeya!"Mama ke k'wala mata kira
lokacin da ta hango shigewarta.
[9/23, 9:53 PM] Phatyma: 鈻狟ALLAGAZAR
MACE 鈻�72
漏MRS SAIF
Dawowa ta yi ta tsaya ba tare da ta juya ba
Ta ce "ga ni mama".
"au yanzu wulak'ancin na ki ya kai ki na ganin
mutum ki share shi ki wuce".
"ni fa Mama ban gan shi ba". Nadeeya ta fad'a
tare da d'an turo baki.
"to barin in gaya miki ki shiga hankalinki, idan
ba haka ba zan mugun sa6a ki, a wannan
zamanin 'yan mata ma ya suka cika bare ke
bazawara, don kin samu mashinshini shine har
kike masa wulak'anci, to ahir na san hankalinki
duk yana wurin tsohon mijinki, dama hak'ura
kika yi da shi don na tabbatar zuwa yanzu
Farouq ya manta da wata halitta ki, yana can da
matarsa hankalinsa kwance, ko Ansar watansa
nawa bai zo ya gan shi ba, ki na gani sai dai
kakarsa ta zo duba shi, amma ni ban ga laifinsa
ba, don duk ke ki ka jawo, don bahaushe ya ce
na ji dad'i shine gari ba na saba ba".
Tunda Mama ta sako zancen Farouq Nadeeya ta
fara share hawaye, don yanzu kuka akan Farouq
ya zame mata jiki, ba ta da wani buri a duk
duniyar nan da ya wuce ta kuma auren Farouq a
karo na biyu, sai dai ita kanta ta san ya mata
nisa, nisan da ba za iya tarar da shi ba.
Mama ce ta katse mata tunani ta hanyar fad'in
"yanzu haka maganar sa rana ya zo yi, kuma ni
na ba shi damar gobe ya je gun baffa babba su
yi magana yasso daga baya ya turo wakilansa
kawai a d'aura aure ba wani abu da za a tsaya
jira".
Ai kuwa tuni kukan Nadeeya ya tsananta fiye da
d'azu.
"eh lallai! za ki wuce ki je ki same shi ko
kuwa"?
"to " kawai ta ce, ta shiga d'akin su jaka kawai
ta ajiye ta fito fuskarta duk ta kumbura alamar
ta yi kuka, ta nufi inda bak'on na ta ke zaune.
Ko da ta gama tad'in ba ta kwanta ba sai da ta
wanke tulin kayan wankin Mama sannan ta
kwanta cike da gajiya da tsantsar tunanin
abinda ke shirin faruwa da ita.
Yanzu ba ta da wani buri da ya wuce ta ganta
gidan Farouq a matsayin matarsa, yanda ta ke
Jin kaunar Farouq a yanzu ko rabinta ba ta ji ba
lokacin aurensu, tana matuk'ar son ta koma
auren Farouq a karo na biyu ko don ta gyara
kurakuran da ta yi, sai dai ina har yanzu
zuciyarta ta kasa hasko mata mafita, dole tana
ji tana gani za ta auri mutum da ba son sa ko
d'igo a zuciyarta.
Wani hawaye ta ji yana bin fuskarta wanda ba
ta damu da ta goge ba, Ansar da ke gefenta a
kwance ta rungume tana Jin tsananin k'aunar
mahaifinsa na ratsa ko ina na sassan jikinta.
Ta d'auki tsawon lokaci a haka, kafin daga
bisani ta kwantar da shi, ta d'auro alwala ta
tayar da Nafila, ta dad'e tana jera nafifili sannan
ta yi sallama ta d'aga hannayenta sama cikin
kuka ta fara addu'a.
"Ya Allah, ya mad'aukakin Sarki, ya mai amsa
buk'atun bayinsa ya Allah ka fini kusa da jijiyar
dake wuyana ya Allah ka san na yi nadamar
abun da na aikata ya Allah ka kawo mun mafita
mafi alkhairi, idan har komawa Farouq alkhairi
ne ya Allah ka tabbatar mun, idan ba alkhairi ba
ne ka sauya mun da mafi alkhairi".
Ta shafa addu'ar tare da sakin wani irin kuka
mai ban tausayi...
Mum Twins
[10/16, 5:08 PM] mrm kd: [9/26, 7:24 PM] Mum
Twins : 鈻狟ALLAGAZAR MACE 鈻�73
漏Mrs Saif
Da sauri - sauri ya ke shirin kasancewar ya d'an
makara zuwa office, Fateema da ke zaune a
gefen gadon d'akin tana kallonsa, sai wani
ciccin magani take, yanda ta wani had'e fuska
abun har ya so ya bawa Farouq dariya sai dai
ya daure don kar ya tsokano wa kansa rigima
don yasan k'iris take jira.
Sai da ya gama shirin tsaf, ya juya da kallonsa
gareta ya ce
"Fatyna zan tafi, sai na dawo"?
K'ara tsuke fuska ta yi ta ce
"uhmm".
D'an zaro ido waje Farouq ya yi cikin mamaki
ya ce
"yau ko daddad'ar addu'ar nan ba za a mun ba,
bare kuma rakiya"??
Gyd'a kai ta yi alamar eh.
Murmushi Farouq ya yi ya ce "lallai yau sarautar
ta motsa, tunda haka ne na fasa fitar nima," ya
k'arashe maganar tare da ajiye briefcase d'in
hannunsa ya fad'a kan gadon ya yi lamo kamar
wanda zai yi barci.
Shirun da ta ji ya yi yawa ne yasa ta kai hannu
ta juyowa da fuskarsa, ba barci yake yi ba
amma idonsa a rufe yake, cikin muryar
shagwa6a ta ce
"don Allah ni ka tashi ka tafi aikinka".
Bud'e idonsa ya yi ya d'ora akan fuskarta ya ce
"ba zan je ba har sai kin gaya mun dalilin
wannan fushin".
"Ai ka fi ni sanin dalilin, wata nawa ina binka da
magana d'aya amma ka k'i saurarata".
Ajiyar numfashi ya yi sannan ya ce
"Fateema ki share zancen na dawo da Nadeeya,
kimanta da maganar don ba ya cikin tsarina
gaskiya, haka kurum muna zaman zaman mu ki
jaji6o mana ita ta zo ta wargaza mana jindad'in
rayuwa, ba zan iya ba gaskiya".
"Haba Farouq ka yi hak'uri ka yafe mata tunda
ta yi nadama, ta rok'i afuwa ba sai a mata ba,
Allah ma fa muna masa laifi kuma ya yafe
mana, yawan nacin kirana da take yi ba dad'i
sai ta ga kamar nima bana son ta dawo shi
yasa na k'i mata kokarin shawo kan ka, tun
tana kiranka ka na mata wulak'anci har ta
hak'ura ta dawo kaina, don tabbacin da ta da
shi na zan taimaka mata".
"ke ma yanzu idan ta kiraki ki ce kar ta kuma
kiranki, don na k'i amincewa faqat, kin ga sai
kuma ta nemi wani tunda aikinta kenan bibiyar
dangina".
"gaskiya ni kam ba zan iya cewa kar ta kuma
kirana ba, ai sai ta ga kamar na mata
wulakanci".
"Okay, amma don Allah ni ko ta k'ara kiranki kar
ki kuma gaya mun don bana son maganarta
kwata_kwata don tuni na rufe shafinta a cikin
rayuwata".
"Amma ai..... Farouq ya saurin katseta ta
hanyar d'ora hannunsa akan lips d'in ta ya ce
"shhhhhhh! Babe yaushe ki ka fara musu ne?
Bana son maganar nan abarta haka."
"alright, yanzu tashi mu je na rakaka domin
lokaci sai tafiya ya ke".
Murmushi ya yi ya ce
"ko kefa, dama na san maganar duk ta k'arfin
hali ce kike don dai Farouq na Fateema ne ita
kad'ai".
Dariya Teema ta yi sosai don ko Farouq ya
harbo jirginta, a ranta ta ce
"dama wa zai so kishiya sai dai idan ta zame
ma dole ba yanda za ka yi".....
Mum Twins
[9/26, 7:24 PM] Mum Twins : 鈻狟ALLAGAZAR
MACE 鈻�74
漏Mrs Saif
Three weeks later
******
Zuwa lokacin Nadeeya ta zama abin tausayi,
don duk ta fige ta lalace, don ciwo take yi ba na
wasa ba, kuma ba abinda ya yi sanadinsa irin
damuwa da tunani, don bikinta da Alh Sani
saura sati biyu kacal, tun Mama na shareta har
ta fara tausayinta, kun san tsakanin d'a da
mahaifi, sai dai ta san ciwon Nadeeyar ba na
komai ba ne illa na son Farouq, kuma ga shi ta
yi rantsuwa ba za ta kuma shiga maganar
aurenta da Farouq ba.
Wasa - wasa ciwo har sai da ya kai ta da
kwanciya asibiti,a lokacin gaba d'aya ta saduda
da rayuwar kira kawai take a kira mata Farouq
ta nemi afuwarsa kafin ta mutu.
Sosai Mama ta shiga damuwa ba shiri ta kira
Umma a waya ta sanarda ita duk halin da ake
ciki.
*******
Don haka ne yau tunda safe Umma ta kira
Farouq ta ce "idan ya tashi daga aiki ya je tana
nemansa".
Bayan sun gaisa ne Umma ta fara magana
kamar haka
"Farouq ba komai yasa na kira ka ba sai don
maganar Nadeeya, bana son takura maka a karo
na biyu, shi yasa ka ga duk tsawon lokacin nan
ban yi ma maganar ka dawo da ita ba, amma
jiya labarin da na ji akanta abin ya girgiza ni
matuk'ar gaske".
Anan ta kwashe labarin komai ta gaya masa,
sannan ta cigaba da cewa
"don haka na ke nema mata alfarma ka yi
hak'uri ka dawo da ita, ka manta da duk abinda
ya faru a baya, insha Allah dawowarta zai zama
alkhairi gare mu baki d'aya".
Ajiyar zuciya ya sauke tare da fad'in
"Umma ba na tunanin akwai wanda za ki
nemawa alfarma a wurina na kasa yi miki
matuk'ar abin bai fi k'arfina ba, don haka na
amince da auren Nadeeya a karo na biyu Allah
ya sa hakan ya zama alkhairi."
"ameen "
Umma to fad'a cikin jindad'i, sannan ta shafa
kan sa ta ce" Allah ya maka albarka Omar
Farouq, yasa ka samu yara masu maka biyayyya
fiye da yanda ka ke mun".
"ameen, ameen Umma " ya fad'a tare da
mik'ewa tsaye don tafiya.
Cikin d'an k'ank'anin lokaci aka sa tafiya dutse,
da Faruk ya so ya waske ya k'i zuwa Umma ta
ce dole ya je, ba yanda ya iya dole ya ajiye
ayyukansa ya tafi.
Tabbas shi ma ya ga canjin da ake cewa
Nadeeya ta yi, don ta koma wata saliha ga
nutsuwa har wani kunyarsa ta ke ji abun har
mamaki ya bawa Farouq.
Matsala d'aya suka samu ta Alh Sani don ya
tsaya kai da fata ba zai janyewa Farouq ba,
tunda an riga an sa musu rana, da k'yar da
sud'in goshi ya amince ya jaye.
Daga k'arshe aka yanke shawarar sati mai zuwa
za a d'aura aure a yi bikin da ya sawwak'a
amarya ta tare a gidan angonta.
[9/26, 7:24 PM] Mum Twins : 鈻狟ALLAGAZAR
MACE 鈻�75
漏Mrs Saif
Haka aka yi kuwa sati na zagayowa aka d'aura
aure aka sha biki amarya ta tare, daren farkon
su Farouq ya k'ara tabbatar da chanzarwa
Nadeeya, don sam ko alamar warin da take yi
ada bai ji ba,,idan ban da k'amshi dake tashi
daga kowacce ga6a ta jikinta ba abinda ya ke ji,
dama gashi ta samu ingattatun magungunan
mata ta yi amfani da su tsaf ta d'inke abinta
kamar sabuwar budurwa.
Ai kam Farouq ya sha mamaki a daren ranar sai
yake ji kamar wata Nadeeyar ce ta daban aka
kawo masa ba wadda ya sani ada ba.
Washe gari ko da ya tashi sai ya tsinci kan sa
cikin annushuwa, wacce ko a daren farkon auren
su na fari bai yi ba, har Fateema sai da ta
fuskanci haka.
Nan da nan ta ji wani kishin Farouq na
nuk'urk'usarta,kun san an ce
"kishi kumallon mata".
Sai dai da ta yi tunanin duk abinda Nadeeya za
ta yi daga baya ne, don ita ta riga ta wuce
wannan shafin, ta riga ta wa Nadeeya nisa a
zuciyar Farouq, nisan da duk gudunta ba za ta
iya tarar da ita ba, sannan ita ma ai ba zama za
ta yi ba, za ta d'ora ne a inda ta tsaya don ta
riga ta gama sa nin Farouq cike da bai, saboda
da haka hanyoyin mallakarsa a tafin hannunta
suke, don haka me zai sa ta rik'a kishi ma da
Nadeeya da sai yanzu ne take gane waye
Farouq, da wannan tunanin ta watsar da duk
wani abu da shaid'an ke bijiro mata da shi a
zuciyarta.
*******
Zaman su suke yi lafiya Lau cike da fahimtar
juna, domin tuni zaman na su ya sauya salo
idan ka gansu kamar ba kishiyoyi ba, sai ka
rantse da Allah ya da k'anwa ne, ko gidan ka
shigo ba za ka ta6a gane mai girki ba don tare
suke shiga kitchen, musamman yanzu da
Fateema ta yi nauyi haihuwa ko yau ko gobe,
Nadeeya ce ta kar6i girkin gaba d'aya ta ke yi,
sai dai fateema ba ta son zaman kawai ba ta
komai, don haka lokaci zuwa lokaci ta kan shiga
kitchen d'in ta taya Nadeeya aiki koda ba mai
wahala ba, Nadeeya ta yi ta mata mitar ta je ta
zauna ta huta amma ta k'i, a dole take
k'yalleta.
Farouq ne ya dawo daga aiki tunda parlour ya
ke jiyo tashin hirarsu a hankali daga kitchen
murmushi ya yi ya nufi kitchen d'in, dukkan suka
jiyo suna masa sannu da zuwa, cikin fara'a ya
amsa musu.
Fateema da ke zaune tana tsige d'ayan zogole a
wani d'an k'aramin bowl ta yi k'ok'arin mik'ewa
don kar6an ledojin hannunsa da sauri ya zaunar
da ita yana fad'in "oh! Fatina ki zauna abin ki
zan ajiye da kaina, ke kanki kamata ya yi na
rik'a d'aukan ki duk inda za ki je,Allah ina
tausaya miki cikin har ya fi ki girma". Ya
k'arasa maganar tare da kai hannunsa kan
cikin.
Dariya Nadeeya ta yi ta ce
"wallahi fa kamar ba na farin ba". Murmushi
Farouq ya sakar mata ya ce
"Amryata wai me kuke dafa mana ne, na ji gidan
ya d'umame da k'amshi".
"mai cikin gidan nan ce yau ke son dambu, ka
ga kuwa dole na mik'e na dafa shi".
"wow! Gaskiya kin kyauta Amryata kin san nima
na dad'e ban ci dambu ba, musamman dambun
amare akwai dad'i". Ya k'arasa maganar yana
kannewa Nadeeya ido d'aya."
Shiru ta masa ba ta amsa shi ba, ganin haka
yasa Fateema kwashewa da dariya don ta san
abinda yasa Nadeeya yi masa shiru.
"Maman Ansar gwanda fa ki hak'ura da amaryar
nan don kin san yanzu ni ce uwargida sarautar
mata sai sorry". Fateema ta k'arasa maganar
tare da sakin wata dariyar mugunta.
Shi ma Faruk dariyar ya ke mata, don haka
Nadeeya ta ajiye ludayin da ke hannunta ta juyo
garesu ta ce
"Abban Ansar da kai da Teema ina tunanin sai
na kai ku court alk'ali ya mana shari'a da ku
sannan kuma ba ni certificate da zai tabbatar da
ni ce Uwargida a gidan nan, ku kuma a saka
muku hukuncin mai tsauri ga duk wanda ya
k'ara kirana da Amarya".
Farouq da Fateema me za su yi idan ban da
dariya, Teema dariya har da hawaye, tana cikin
dariyar ne ta ji mararta ta wani murd'a, tuni
d'an da ke cikinta ta ji yana mata wani mugun
juyi, dama tunda ta tashi take Jin ciwon mara
kad'an-kad'an sai dai na yanzu yayi tsamari, ba
shiri ta cakumo rigar Farouq tare da
ruk'unk'ume shi tana fad'in "Farouq bayan
marata, washhh"!!!
Cikin tashin hankali Farouq ya d'agata ya
sunkuceta sai cikin mota, Nadeeya kanta ta
shiga rud'ani irin yadda ta ga fateema ta fita
hayyacinta lokaci d'aya.
Cooker gas kawai ta kashe ta fito daga kitchen
d'in da gudu ta yi part d'in ta sako hijabi don
bin su.
Sai dai tana fitowa mai gadi na rufe gate alamar
har sun fice.
Cikin gidan ta koma ta shiga part d'in Fateema
ta had'a mata duk kayan da ake buk'ata kama
daga na ta har na baby kasancewar komai an
siya, don dai Farouq ya rud'e ne shi yasa ba su
tsaya d'auka ba......
[9/26, 7:24 PM] Mum Twins : 鈻狟ALLAGAZAR
MACE 鈻�76
Kaitsaye labour room aka wuce da Teema, ko da
aka dubata she's almost 8cm ashe a tsattsaye
take labour, Farouq na tsaye yana safa da
marwa wata Midwife ta fito ta ce
"kai ne ka kawo wadda aka shiga da ita yanzu
nan".
Cikin zak'uwa Farouq ya ce
"eh".
Insha Allah muna sa ran haihuwarta nan da
20mnts, don haka sai ka kawo kayanta a shiga
da shi zan turo a kar6a yanzu".
"to " kawai Farouq ya ce don shi sai yanzu ma
ya tuna da zancen kaya. Cikin sauri ya koma
inda yayi parking mota ya figa sai gida.
Yana isa Nadeeya ta gama shiri har kayan ta
fito da shi zuwa main parlourn su, ta zuba
ruwan zafi a teaflask, da kayan tea duk ta had'a
komai na buk'ata.
Ai kuwa Farouq ya ji dad'i kayan kawai aka sa a
booth, Nadeeya ta bawa su Raleeya Ansar ta ce
"su lura da gida kafin ta dawo".
Fifteen minutes later
*****
Fateema ta haifo santaleliyar yarinyarta, sai dai
abun mamakin Jin da ta yi midwives da ke gurin
na cewa ta yi nishi ga wani kan baby nan tafe.
Cikin kid'ama da rud'ewa baki na rawa ta ce
"wai... wai me... kuke nufi da... sai dai wani
azababben ciwo ne ya hana ta k'arasa
maganar, a dole ta saki wani wahalallan nishi
da ya yi sanadin zuwan wata babyn.
Gaba d'aya midwives d'in suka hau ihun murna,
wasu daga cikin su sai addu'a suke Allah ya ba
su yara kamar babies d'in nan, nan da nan aka
gyara yaran, suka fes identical Twins ba k'arya
kyawawa kuma ajin farko.
1st born d'in aka fara mik'owa Fateema, saboda
da kid'emewa sai da fatyma ta silmiyo daga kan
gadon da take kwance, idonta ta k'ara maidawa
kan yarinyar tabbbas ba idonta ke mata gizo ba,
fuskar Basma ce a jikin babyn sak tamkar
Basma na jaririya, tuni hawayen farin ciki da
jindad'i ya zubo a fuskar Fateema, kwantar da
babyn ta yi a gefe sannan ta kai goshinta k'asa
tana mai yin 'sujudu-shshukur' ga Sarki Allah
mai yanda yaso a lokacin da yaso.
Ba ta k'ara girmama al'amarin ba sai da aka
kawo mata 2nd born, ba bambanci a tsakaninsu
kamar kwabo da kwabo Allah ya so an musu
alama da komai k'wak'war mutum ba zai gane
wadda aka riga haihuwa a cikin su ba.
Wani murmushi ne ya su6ucewa Fateema don
tuna. yadda Farouq zai ji yau ga Basman sa har
biyu Allah ya dawo masa da ita.
[9/26, 7:24 PM] Mum Twins : 鈻狟ALLAGAZAR
MACE 鈻�77
漏Mrs Saif
Suna tsaye shi da Nadeeya don ko zama sun
kasa sai gani suka yi an fito da babies biyu an
nufo inda suke, kan Nurses d'in su k'araso har
Farouq ya k'arasa gun su, da sauri ya ce "Allah
dai yasa ta haihu"
Da murmushi d'auke a fuskarsu suka ce
"ta haihu lafiya k'alau ga ma yaranka".
Cikin zaro ido waje Farouq ya ce "yarana??".
"sosai kuwa, don ko matarka ta haifi Twins
duka mata, suka k'arasa maganar tare da mik'a
masa babies d'in lokaci d'aya.
Diriricewa Farouq ya yi ya kalli wannan ya kalli
waccan ya ma rasa wa zai kar6a a ciki, ganin
haka Nadeeya ta mik'a hannu ta kar6i d'aya
cike da tsantsar farin ciki, sai dai fuskar yarinyar
da ta gani sosai ya yi masifar bata al'ajabi don
sak Basma ba maraba da lokacin da take baby.
Tuni son yarinyar ya tsarga zuciyar Nadeeya, ba
ta yi aune ba ta ji hawaye na bin kuncinta don
tunawa da Basman ta da ta yi.
Wohoho! Farouq kam murna kusan zauta shi ta
yi, kar6ar babies d'in ya yi ya had'a su ya
rungume tsam a k'irjinsa, ba abinda ya ke yi da
ya wuce Tasbihi, gaba d'aya kud'in jikinsa sai
da ya rabawa mutanen da ke zaune tsakanin
labour room da postnatal.
Wad'anda suka masa albishir da haihuwar kam
cewa ya yi "su ba shi account number d'in su
zuwa gobe da yardar Allah za su ji alert, haka
suka yi godiya cike da murna suka bar wurin.
Nan da nan Farouq ya fara sanarda 'yan uwa a
waya na ko wane bangare kan ka ce me an cika
asibitin mak'il domin duk wanda ya ji sai ya
cika da mamaki, uwa uba ya zo ya ga babies da
idonsa, tsantsar k'auna kam da kulawa ba
wadda Fateema ba ta gani ba daga kan Farouq
har danginsa, ba a maganar danginta, hatta 'yan
uwan Nadeeya sun mata kara sosai.
RANAR SUNA
*****
Tsayawa fad'in shagalin da aka kwasa ranar
suna 6ata lokaci ne, yara sun ci sunan Fateema
Zahra da Fateema Zuhra.
Tun a daren ranar da suka dawo daga asibiti
Farouq ya ke gayawa Fateema sunan da ya
sakawa yaran.
Cikin mamaki ta ce
"haba Qalby sunan bai yi yawa ba dukan su
Fateema".
Murmushi ya yi tare da cewa
"l like the name, you're more than all the sweet
names in the world."
Murmushin Teema ta mai da masa sannn ta ce
Thanks alots babe really appreciate".
Sai da ya yi pecking babies d'in a goshi sannan
ya yi wa Fateema sai da safe ya ja musu k'ofar
ya fice.
*****
Haka rayuwar su ta cigaba da garawa cikin
kwanciyar hankali ba wani tashin hankali
tsakaninsu kan su a had'e yake tsaf, kun san
Zuhra ma a hannun Nadeeya ta ke, idan ka
ganta a gun Fateema to tabbata ta je cin abinci
ne.
Shi yasa Farouq yanzu ba shi da wata damuwa
kullum cikin nishad'i ya ke, shima yana kokarin
kyautata musu iya kar k'arfinsa don komai ya
samu darlings d'in sa, ba ya nuna wariya
tsakanin su, yana kokarin yin adalci a duka
6angarorin biyu, sai dai so d'aya ne tak, yasan
Fateensa ya ke yiwa shi, sai dai zuwa yanzu
Nadeeya ta zama wani babban jigo daga cikin
rayuwarsa, wanda rashinsa ba k'aramin
barazana ne ga rayuwarsu ba.
One Year later
*****
Yau Twins suke cika shekara d'aya a duniya,
don haka ne Nadeeya ta shirya musu
k'ayataccen birthday party na zallar yara sai
iyayensu, anan dai cikin harabar gidansu za a yi,
an yiwa wurin decoration mai kyau an gyara
gurin sosai, sai k'aton cake da aka ajiye a
tsakiyar wurin da aka k'awata shi fiye da ko ina.
******
4pm wurin ya cika mak'il da jama'a kasancewar
ranar Sunday kusan duk wad'anda aka gayyata
sun samu zuwa, Faty amarya ma (kasancewar
an sa ranar bikinta nan da 3mnths za a yi ita da
masoyinta Naseer) ta zo tun safe da ita ake
hudimar.
Huuuuuuuuh! Twins na hango tare da Mamansu
suna tahowa, yaran kyawawa na bugawa a
jarida sun sha ado cikin wasu dakakkun english
wears riga da skirt pink colour da ratsin silver
color a jiki yaran sun yi matuk'ar kyau ba
kad'an ba, haka Fateema da Nadeeya abun dai
gwanin sha'awa, Farouq ma ba a bar shi a baya
ya cake cikin wani yadi tissue mai matuk'ar
kyau da tsada, tamkar wani sabon ango, duk
wanda ka gani a wurin yana cikin farin ciki.
Gifts kam Twin sun samu ba kad'an ba, don
kyaututtaka na ban mamaki abokan Farouq suka
ba su, duk wanda ka gani a wurin da irin kyautar
da ya ba su....
[9/26, 7:24 PM] Mum Twins : 鈻狟ALLAGAZAR
MACE 鈻�78
漏Mrs Saif
Daga k'arshe Farouq ya rik'e hannun Zahra
Fateema ta rik'e na Zuhra suka d'ora
hannayensu akan wuk'ar yanka cake d'in suka
yanka, nan da nan wurin ya gaure da tafi tare
da wak'ar happy birthday..... Farouq ne ya fara
d'iba ya kaiwa Fateema a baki har ta bud'e
bakin zai sa mata karaf idonta ya had'u da na
Nadeeya da sauri ta kai hannu ta janyota,
hannu suka sa a tare suka d'ibi cake d'in suka
kaiwa Farouq a baki, ba yanda ya iya dole ya
bud'e bakin duk suka saka masa da k'yar ya iya
had'iyewa saboda yanda ya cika masa baki.
Yanda ya ke tauna cake d'in ya bawa kowa
dariya a gurin, ai kuwa mutane mai za su yi in
ba dariya ba, sai da kowa ya yi mai isar shi,
sannan Abbas ya matso daf da su (da yake ya
zo shi da matarsa da yaransa biyu) ya bawa
Farouq hannu ya ce "ina yiwa Twins fatan
rayuwa mai albarka tare da tsawon kwana mai
amfani, kai kuma Allah ya k'ara had'a maka kan
zuri'arka tare da farin ciki mai d'orewa".
"ameeeeeeen"gaba d'aya wurin aka amsa da
shi.
Sannan Abbas ya k'ara damk'e hannu Farouq
ya fara magana cikin zolaya,
"ka ga yayan Fateema mijin Fateema kuma
Baba ga Fateema's... Bai kai ga k'arasa abinda
zai ce ba ya hango Nadeeya sai ya cigaba da
cewa "kuma miji ga Uwargida Nadeeya amma
fa mai retire.....".Gaba d'aya wurin aka hau
dariya tare da tafi raf! raf!! raf!!.
TAMMAT BIHAMDULILLAH
Godiya ta tabbata ga Allah da ya ba ni ikon fara
littafin nan lafiya na kuma gama lafiya, Ya Allah
kurakuran da na yi a ciki a bisa rashin sa ni ko
kuma ajizanci na d'an Adam ya Allah ka yafe
mun.
I dedicated this buk to all my namesakes
(FATEEMA'S)
Bazan ta6a mantawa da ke ba matuk'ar
numfashina yana tare da gangar jikina, beloved
daughter kuma namesake
Fateema Basma Saifullah Allah ya kai rahma
k'abarinki tare da 'yan uwa musulmi, Allah ya
sa ki zama mai ceton iyayenki.
Kin wuce k'awa kin zarce aminiya sai dai na
kiraki da
rabin jiki Fateema Farouq Azzarah, Allah ya bar
k'auna
Namcy dia Teema Cool, you're one of the best
Ku na Raina.....

Share this

WhatsApp