ZAGON KASA Page 101 to 110 (The end)

FIVE YEARS LATER...

“Happy birthday to you, happy birthday to you, happy birthday dear Izzah Happy birthday to you”

Tana yanka birthday Cake ɗin suka saka ihu.

“EyyyyyPpppppppp”

Sai kawai tasa dariya ta yanki wani abu daga cake ɗin ta sakawa Kalsoom a baki, Kalsoom ma ta yanka ta saka mata a baki, sannan ta bi sauran mutanen da suke gurin tana feeding the ɗinsu suma suna bata, bayan an yi musu hotuna Kalsoom ta basu guri ita da ƙawayenta su cashe...

Kalsoom ta shigo falo ɗauke da ƴarta Amatullah da ke ta kuccekuccen a barta can ta yi wasa.

“Ba zan barki can ba Amatullah su ture min ke na koma zaune”

Faɗuwa ta yi ƙasa ta fara shureshure da ƙafafunta tana kiran sunan Ezzah.

“Ijca ijca....”

“Easy girl, Ijca yau bata da time ɗin ki casu suke”

Haka ta cigaba da kuka, Kalsoom ta share ta a gurin, ta hau whatsapp tana saka hotonsu a status. Sai ga Rafiq ya shigo da gudu ya shiga kitchen ya ɗauko plate ya fito.

“Kai Plate ɗin nan na Dadyn ku ne, karka fasa min kaya”

“Cake za a sa mana ni da Amatullah”

“Kai mata wayo ka cinye ko..?”

Yasa dariya har da ƙyalƙyatawa, ya saba duk abunda za a saka masa sai yace shi da Amatullah za a saka musu saboda ya cinye ya barta. Sai ga Ezzah ta shigo idonta tab da hawaye kamar ta fasa kuka.

“Anty kin ga Husna wai sai an bata wannan cake ɗin ɗayan, gaba daya, kuma bamu gama hotuna ba”

Kalsoom ta aje wayar hannunta ta riƙe baki.

“Yanzu Husna ce zata riƙa saki kuka gaban abokanki? Ke baki jin kunya su ga idonki ya cika da hawaye? Shekara goma sha hudu ace ƴar shekara uku tana saki ƙwalla gaban friends ɗin ki? Wallahi Izza ki rage wannan shagwaɓar”

Ta turo baki tana matsar ƙwalla.

“Je ki kirata ki ce tazo ga wayata ta yi game”

Ta amsa da to ta fice ita da Rafiq. Tana fita Ulfah ta shigo.

“Anty Momie ta kira?”

“Eh tace ba zata samu damar zuwa ba, yanzu suka taso daga Abuja”

“To Anty ki ce Ezzah ta ba mu cake ɗin mu ai Dady yace saboda mu yasa aka yi cake da yawa”

“Ku ara mata ta yi hoto, ku bari a gama nama, ai ba gudu zai yi ya barku ba”

Ta buga ƙafa tana son kuka.

“A'a ni dai ta bamu abun mu, ko na kira Dady na faɗa masa”

“Duk kika faɗa masa sai na ɓata miki miyasa baki da nasiha ne ke? Kullum ke ce cikin rashin jituwa da ƴar'uwarki haba Ulfah”

“Ai itama bata raga min”

“To bari na ga kin ɓata mata party wallahi na ɓata miki rai”

Ta faɗa saman jikin Kalsoom tana kukan shagwaɓa.

“Yi ta kuka yarinya ki ɓata kwaliyarki”

Sai kawai ta zabura ta kaɓe rigarta ta koma gurin party. Amatullahi ta miƙe da saurinta ta bisu tana tafiyarta ta ta-ta-ta...
[7/27, 9:54 PM] Khadeeja Candy♥: *90*

On Sunday Amarya da muƙarrabanta suka kama hanyar Katsina, ta rigasu isa saboda ta jirgi suka je ita da Maryam da ƴan'uwan Anty Amarya su biyu.

A wani gidan Abdool da ke can bypass suka sauka daman tun kamin su zo Ummi ta yi masa wannna shawarar na su sauka a gidan saboda su samu damar sakewa su huta.

Tun lokacin da Abbah da Anty Amarya da Hajiya Barau suka saka ta gaba suna mata nasiha kan aure, ta fara kuka, sai duk ta ji wani yanayi na daban, kamar lokacin da za ayi aurenta na farin, banbanci wannan ba irin wacan auren ba ne.

Yasa an kawo musu komai daga hotel kama daga abinci har abun sha. Misalin ƙarfe uku Yarima ya kira wata ƙanwar Abbah wacce gwaggo ce gurin Namra ya faɗa mata zai aiko da motocin da zasu shiga ita da Namra da wasu mutun uku aje faɗar Mai Martaba. 
 
Namra na zaune a ɗayan bedroom ɗin tare da Maryam da wasu Cousins ɗinta da Aysha da suka zo tare, gwaggo Ramatu ta shigo tana faɗin.

“Ki shirya angon zai aiko da mota a ɗauke mu muje faɗar mai martaba”

Maryam ta daka tsalle.

“Yeeee kaga daɗin abun malam, mu shiga cikin masarauta muna tinƙaho kowa yayi mana iskanci musa a tsire shi a gari”

Sai duk suka sa dariya, har Namra dake leƙa duniyar gizo. Gwaggo Ramatu ta juya ta fice tana jinjina kai.
Maryam ta nufi babban akwatin Namra da aka zo da shi ta buɗe tana duba irin tufafin da Namra zata saka. Wani tsadadden lace ta ɗauko red color da mayafi ta aje saman gado.

“Raihanatu duba min wannan lace ɗin yayi”

Wacce aka kira da Raihanatu ta miƙe tsaye tana duba lace ɗin.

“Kai wannan ai sai ace matar president ce gaba ɗaya”

“Gaskiya kam wannan lace ɗin yayi kyau sosai”

A gajiye Namra ta miƙe ta shiga wanka ta shirya cikin lace ɗin sai suka gyara mata fuskarta, ana cikin ɗara mata ɗankwali wayar Namra ta yi ringing.
   Tana ganin Number Abdool ta yi dariya.

“Ango ango”

“Maryam ya gajiyar biki? Ina Amaryata? Na kira wayarta ta ƙi ta ɗaga ki ce ina gaidata kuma ki ɗaukar min pictures ɗinta”

“An gama ranka ya daɗe”

Ya sauke wayar tana dariya tare da amsa sallamar Gwaggo Ramatu.

“Ku fito ga motoci can an zo da su, Maryam ke kaɗai kin isa ni da Talatu zamu je sai a samu wasu cikin ƙannen Anty Amarya su biyu kuma suje tun da ance mutum biyar sun isa”

Raihanatu ta mike tsaye tana kare ɗankwali.

“Haba Baba Ramatu wane irin Maryam kuma ita da take da aure, ai ƙara dai ki ce ni ko zan samu ɗan saurayi da zai ɗauke cikin ƙannen Yarima”

Sai duk suka bushe da dariya Gwaggo Ramatu ta ce

“To shirya har ke aje da ke”

Motocin dake waje guda biyu sun kusan awa ɗaya sannan Namra ta fito tare da Gwaggo Ramatu da su Maryam da Raihanatu suka shiga motocin.
   A tunaninsu za a wace ne gidan sarkin kai tsaye sai suka ga ya kai su gidan Ummi. Kunya sosai Namra ta samu kanta da ji lokacin da motar ta faka a bakin ƙofar shiga falon Ummi. Meesha da Fauza suka fito da wayoyinsu a hannu suka ɗaukarta video, Amal kuma ta zo da gudu ta rumgume ta.
  Sam Amal bata gane wace Namra ba, sai dai ita Namra ta gane ta tun a wayar Abdool da take kallon hotunan family ɗin ƴan gidansu. Cike suka tarar da gidan da mutane  tana saka ƙafarta cikin falon aka ɗauki guɗa. Ɗakin Ummi aka wuce da ita yayinda su Maryam da Gwaggo suka tsaya a waje a falo suna gaisawa da jama'ah dan basa iya tantance Ummi balle ma bata falon. Namra na shiga Ummi ta shigo sai ta yi saurin yin ƙasa tana gaishe da Ummi. Domin sarai ta san ita mahaifiyar Abdool ga kamanin Abdool nan xube a fuskarta kuma tana ganin ƴadda yake koɗa mahaifiyar ta shi a instagram. Da Murmushi Ummi ta zauna saman gado tana dafa Namra.

“Tashi Tashi Ƴata Allah yayi miki albarka”

Sai Namra ta ɗago sai dai bata yarda ta koma saman gadon ba sai ta zauna ƙasa fuskarka rufe da mayafinta.
  Amal ce ta turo ƙofar ɗakin ta shigo cike da zumuɗin ita ƙanwar ango.

“Ummi kin ga fuskarta? Mu bata buɗe mana ba”

“Ai zata buɗe muku har sai kun gaji da ganinta”

“Ni dai ba zan iya haƙuri ba”

Ta faɗa a shagwaɓe. Ummi ta miƙe.tsaye tana gyaɗa kai ta nufi wata dorowa ta buɗe ta ɗauko wasu robobi guda huɗu ta dawo ta zauna.

“Ungo wannan shanye duka”

Hannu biyu Namra tasa ta karɓa ta kafa kai ta shanye abunda yake ciki tas sannan ta sake amsar na biyu ta shanye a na ukun ma shanyewa ta yi sai a huɗu ne Ummi tace karta shanye ta raga. A nan Amal ta samu damar ganin fuskarta har ta yi mata hoto da wayar Ummi.

Bayan Namra ta gama sha Ummi tasa Amal ta ɗauke robobin ta fitar, sai mai Makeup ta shigo da kit ɗinta ta yi zaman dishin a gaban Ummi tana miƙa mata gaisuwa.
  Meesha ce ta shigo ɗakin ɗauke da wani koren lace ta aje saman gado.

“Ummi ga shi”

Ummi ta kalli Namra tana nuna mata wani ƙaramin ɗaki dake gefen bathroom ta ce

“Ƴata shiga can ki shirya da wannan kayan” 

Meesha ce ta riƙa ta sai suka nufi gurin tare Amal na gaba tana cigaba da leƙen fuskarta.

“Ummi hancinta dogo ne.. Kuma tana da manyan ido.. Fuskarta ma mai D ce”

Ummi ta riƙe baki tana kallon ikon Allah, gulmar mutun a gaban idonshi, wannan ƙulalaici ma Amal har ina!

Bayan ta saka lace ɗin ta fito sai duka suka fita suka barta da mai makeup ɗin,   ta zauna saman kujera Mai Makeup ta fara mata fentin fuska amman mai ma'ana, bayan ta gama ta ɗaura mata ɗankwali. Ita kanta wacce ta yi mata kwaliyar sai da ta ɗauke ta a hoto saboda kyau da tayi. Three later Ummi da Fauza da Meesha da Amal suka dawo ɗakin

“Wowwwwwwwwwww”

Shine abunda duk suka faɗa ban da Ummi da ke murmushi. Ɗaukarta suka shiga yi hoto suna selfie. Farar Alkyaba Ummi ta ɗauko miƙawa mai Makeup ɗin ta saka mata. Sannan ta ɗauko fararen takalmi ta aje mata, sannan ta ɗauko akwatin turarenta ta buɗe sisters ɗin Abdool suka shiga fesa mata. Ummi da kanta ta kamo hannunta ta saka mata awarwaro, a ɗayan hannun kuma ta saka mata agogo.
Sannan ta miƙe tsaye, yayinda Namra take ƙasa risine ta saka mata sarka, sai ta miƙawa mai makeup ɗin ta manna mata ƴan kunne.

“To ku fita ku bamu guri”

Kamar umarni suke jira duk suka fita daga ɗakin aka bar Ummi daga ita sai Namra. Ummi ta kama hannayen Namra biyu ta riƙe.

“Ƴata ke tauraruwace, yanzu kin shigo cikin wani sabon shafi, ki haƙuri da duk abunda zaki ji, ba kowa ne zai faɗa miki magana ki mayar masa ba wanna ba tarbiya ba, ki zama mai riƙe sirrin mijinki da iyalansa, idan yayi miki ba dai-dai ba ki fara kawo ƙararsa a guna kamin ki kai ko ina.

Sannan yanzu zaku je gidan Mai Martaba ne wato mahaifin Abdallah, zaki gaishe da shi da iyalinsa, idan kin shiga a tsakiyar falon zaki zauna, karki raɓi kujera, idan kuma kika fito Amal zata ɗauki takalmin ta juyo miki da su ki saka, karki yarda idonki ya haɗu da na matan mai martaba balle ma mai martaba da kansa, karki yarda ki ci abunda za a baki za a miki kallon rashin kunya ko marar tarbiya.

Da misalin ƙarfe tara zaku fita gurin walimar cin abinci da Mai martaba ya shirya muku, Sai dai kamin kuje gurin walimar uwargidan Mai Martaba nasan  zata nemi canja miki tufafi, zata aiko barorinta su canja miki kaya, karki yarda su canja miki komai, zan bawa Meesha da Fauza kayan da zaki canja anjima kuma kai makeup zata iso ƙarfe bakwai ta gyara miki fuska. Sai dai karki yarda lokacin Sallah yayi baki yi ba, Allah ya miki albarka”

“Na gode Mama na gode”

Ummi taɓshafa kanta tana murmushi sai ta miƙe tsaye ta fita. Bayan few minutes gwaggo da Maryam suka shigo suka riƙa Namra suka fita tare.

Mashallah shine abunda duk wanda ya kalli fuskar Namra da tufafinta yake faɗa.
   Motar da Namra ta shiga daban ita kaɗai ake driving su kuma suka shiga wasu motocin.

Suna isa Faɗar Mai Martaba, aka ɗauki busa ana zuba musu kirari, sai barori suka sheƙo da gudu suna guda aka shimfiɗawa Namra carpet mai sunan Masarautar, sai wani ƙaton mutum cikin kayan dogarai yazo ya buɗewa Namra mota.

Hasbunallahu Namra ta karanta a zuciyarta sannan ta saka ƙafarta ta sauko daga cikin motar. Sai barorin suka rufa mata baya, wasu kuma suka wuce gurin tawagar da suka zo tare da Namra aka musu iso zuwa cikin gida.

Cike da hankali da natsuwa Namra take takawa barori suna take mata baya har suka isa gaban wata ƙatuwar ƙofa. Bakin ƙofar barorin suka tsaya sai Dogarai suka wangale mata ƙofar suka bakin ƙofar suna zuba mata kirari.

“shiga da ƙafar dama yar gidan girma, ƴar da tafi ko wace mace sa'ah a duniya, an gaishe ki gimbiya matar yarima, Allah ya ƙara miki lafiya da nisan kwana”

Kunna kai ta yi cikin faɗar, tana wuce carpet na farko ta cire takalminta saboda ta ga jerin takalmi a gurin. Wani irin maryaba da girma ta ji ya kamata musamman ta ta risina gaban mai martaba tana gaishe shi.

“Sarki ya amsa kuma ya gaishe ki”

Shine abunda mafadawan suke faɗi, sannan mai martaba yayi musu hannu suka tashi suka bar shi da Namra. Nasiha sosai yayi mata akan rayuwa da kuma zaman aure sai kuma kan haƙuri da iya kula da mutane.
   Sai da Mai Martaba ya tabbatar Nasihar ta shiga jikinta sannan ya sallame dan ta shiga cikin gida ta gaishe da matansa.

ASIM POV.

Tun bayan da ya saka ƙarin aure a gabansa be waiwayi kowa ba, duk da da irin kuka da magiyar da Mardiya ta riƙa masa akan karka ya ƙara auren. Sai dai be ji ba sai da ya auro ƴar manyan mutane wato Balkisu.
  An kashe dukiya sosai gurin auren daga duka ɓangarorin guda biyu, domin ko gidan da ya sakata mai tsada ne sosai.
   Gida ne mai part biyu a ɗayan part ɗin ya saka Mardiya ta ƴar tabarmarta ta shinfiɗa saboda bata katifa kuma malamin da suka je gurinsa ya faɗa musu karta yarda ta saka katifa ko gado a gidan, abun shinfiɗa kawai zata je da shi sai kayan abinci.

Haka ta riƙa zama har tsawon wata tara duk wanda ya leƙa part ɗinta sai ya sha mamakin ganin babu komai a ciki, part ɗin Balkisu kam Aljannar duniya. Wannan matsalar ta damu Mardiya sosai har ta kai bata da wani sukuni a rayuwarta, ga mafarkin wutar da take bata daina ba, sau da dama zata zauna ta yi da kuka, wani lokaci kuma ko da tana cikin mutane zaka ganta ta koma wata iri kamar wacce aka ɗauki tunanin duniya aka ɗora mata. Ita da tayi aure dan jindaɗi abu ya zame mata ɗan zane, ta san matsalar daga gareta ne saboda yawan mafarkin wutar da take kuma gashi ita Balkisu wutar ba kama ta ko da sau ɗaya.

   Ba ko wace ranar girkinta ba ne Asim yake kwana part ɗinta saboda bata da katifa balle kuma gado, sai a lokacin da yaji yana buƙatarta. Yau ma part ɗin Balkisu ya kwana, bayan yayi wanka ya shirya ya leƙo part ɗinta suka gaisa, duk ta yi wani zurun-zurun gwanin tausayi kamar marar lafiya, bayan sun gaisa ya dawo part ɗin Balkisu da yi mata sallama, sai ya samu tana tsaye jikin ƙofa tana jiranshi.

“Sai ina?”

Ta faɗa ta wani langaɓar da wuya tana kaɗa jiki, kamar wata tsohuwar karuwa.

“Gari zan shiga, amman zan dawo ajima saboda zamu je wani biki da za'ayi a faɗar Mai Martaba, kuma an gayyace mu kinsa ɗansa abokina ne”

Ya faɗa irin yana alfahari ɗin nan.

“Okay to a dawo lafiya, kar dai aje ayi gane-gane”

“Ni wa zan gani, ga ni da ke cikin gida”

Matsowa ta yi ta masa kiss, sannan ya juya ya tafi tana ɗaga masa hannu.

WHAT DO YOU EXPECT NEXT...?

[7/28, 10:15 PM] Khadeeja Candy♥: *91*

Kamar yadda Ummi tace mata a duk ɗakin da ta shiga ta kan zauna a tsakiyar ne har ta gama gaisuwar ta tashi, bata yarda ta haɗa ido da matan mai martaba. Sai dai a yadda take tararda ko wanne falo tana auna yawan family da mai martaba yake da su a gidan, wata ƙila kuma saboda tana amarya ne suke zuwa ganinta.
   Bayan ta gaishesu aka kaita ɗakin Hajiya Shafa, sai aka kawo musu abinci da drinks. Bata ci komai ba duk kuwa da irin matsa mata da suka riƙa yi. Ana yin sallah magariba duk suka shiga shiryawa, wasu motocin Abdool ya aiko aka ɗauki su Maryam aka mayarda masaukinsu domin suma su shirya.  Bayan sun wuce wata cikin ƴaƴan Hajiya Shafa ta shigo tana faɗin.

“Hajiya tace Mai Makeup zata zo ta gyara miki fuskarki, kuma za a kawo miki kaya ki canja”

Namra ta amsa da to. Har Amal ta buɗe baki ta gatsawa yarinyar magana sai Meesha ta riga ta.

“Ai ko har Ummi ta yi magana da mai Makeup zata zo yanzu ta mata”

“Auoak”

Yarinyar ta faɗa sai ta juya tana tafiya cike da isa ta fice. Amal taja tsaki tana binta da harara.

“Wai yarinyar nan tun ɗazu nake ganin tana ta wani shauƙi”

Meesha ta zaro ido.

“Ina ruwanki? Amal me yake cikin kan ki?”

“Aljanuna akai na”

“Ƴar gadon baƙar magana duk abunda kika yi sai na faɗawa Ummi”

Ta tsuƙe baki ta juyarda fuska. Around eight o'clock mai Makeup ɗin ta iso. Namra bata yarda an mata makeup ɗin ba sai da ta yi sallah isha'i.

Ƙarfe tara dai-dai Abdool ya aika aka kwaso ƴan'uwan Namra aka kaisu tsohuwar faɗar Mai Martaba inda aka shirya taron.

  Sai tara da kwata Amarya ta iso barori na take mata baya, farin lace ne mai shegen kyau da farar Alkyaba, fararen takalmi da farar sarƙa, mai video na biye da iya ita yana ɗauka har aka ta kai zamanin da aka tanadar mata dan ta zauna. Bayan kamar minti biyar da zamanta Abdool ya shigo shi da abokaninshi, farar shadda ce jikinshi da fararen takalma sai farin rawani da farar alkyaɓa, kallonsa take kamar yadda kowa yake kallonsa, ita kanta ta san ta yi sa'ar miji, yadda yayi mata kwarjini da haiba ga fuskarsa sai annuri take, ɗaya bayan ɗaya yake tafiya ana masa kirari ana koɗashi. A kujerar da Namra take zaune ya zauna sai masu busar suka koma gefe suka cigaba da busar. Ko ina ka duba masu kaki kake gani sun cika gurin wato gayyar Abdool ne kawai sai kuma na ƴan'uwansa. Saboda Mai Martaba be gayyaci kowa ba walima ce da ya shirya a cikin gidanshi domin addu'ah kawai da kuma son tara family ɗinsa guri ɗaya, wannan walimar ta al'ada ce da ya saba shiryawa a duk lokacin da ya aurar, ko da kuwa mace ce zai gayyato mijinta azo gidan ayi walima.

Yara da rabi Mai Martaba ya iso, daman matanshi sun daɗe da isa gurin tun kamin amarya da ango su isa. Karatun alqur'ane aka buɗe filin da shi sannan Hajiya Shafa ta miƙe tsaye ta karɓi microphone tana yi ma kowa barka da zuwa.

ASIM POV.

Tsaki yake ja lokaci zuwa lokaci kamin ya kalli wanda ya shigo motar yanzu ya ce.

“Kaga Mubarak bana son jira, na tsani jira wallahi, ni da nasan haka zaka ɓata min lokaci ba zan je ba wallahi”

Mutumen ya kalleta yana murmushi.

“Sorry Man ai gani na zo yanzu”

Asim ne yake driving har suka isa Kan wurin sarki, ba a basu damar shiga ba duk da guest pass ɗin da suka nuna, sojoji ne jibge a gurin babu abunda suke sai kai da kawo suna ta ƙoƙarin ganin su bada tsaro agurin. Har Asim yaja motarsa su koma sai Abokinshi ya hana shi.

“Bari na kira shi”

Wayarsa ya fiddo ya kira wayar ƙanen Abdool wanda suke uba ɗaya wato Zayyan.
  Bayan ya faɗa masa abunda ya faru sai ya miƙawa Sojan wayar suka yi waya, sannan aka buɗe musu page ɗin suka shiga. A gate na buyu aka nuna musu inda zasu faka motarsu, sannan suka fito sojoji suka tantance su sannan aka buɗe musu gate ɗin suka taka da ƙafa suka shiga harabar gidan.

  Ba Zayyan ne kawai a gurin ba, domin yasam abokansa da yawa sun je bikin dan haka ya kira wani abokinsa yayi directions ɗinsu inda ake bikin saboda gidan ya kasu kashi kashi. Fitowa yayi ya shiga da su saboda yasan duk yadda zai faɗa musu ba ganewa zasu yi ba.

  Wani kalar baƙauye Asim da abokinshi suka zama tun a bakin ƙofar shiga, a takw ya manta da a katsina yake, saboda gurin ya koma kamar sabuwar Abuja, daman tun farkon shigowarsa gidan ya gane shi ɗin ba kowa ba ne a cikin masu kuɗi, dan ya fahimci ko akaifar Mai Martaba be kamo ba indai akan dukiya ne. A bakin ƙofar faɗar ma sai da aka tantance su sannan aka basu guri suka sshiga. Ko da suka shiga Malama Hauwa na tsaye tana gabatarda ƙasida akan haƙoƙin mijin aka mata. Har Asim ya zauna be gane Namra ba ce saboda ta canja gaba ɗaya ta koma kamar ba ita ba, sai da ya gama gaisawa da waɗanda ya sani a gurin sannan ya zauna ya natsu tare ta tattara hankalinta gaba ɗaya ya mayar gurin mai wa'azin. Kama da Namra yake gani a fuskar Amaryar sai dai wannan kamar ta fi Namra kyau da haske, baya iya ganin angon saboda rawanin da ya rufe masa fuska.

“Kamar Namra wallahi”

Ya faɗa a fili yana kallon abokin na shi, fuskarsa with so much confused.

“Wacece Namra?”

“Matata mana”

Har abokin yasa dariya sai yayi saurin rufe bakinsa tunawa da inda suke.

“Haba Asim kamar wanda ya sha wani abu, matarka ɗan sarki zai aura? Look at you”

Ya ciro wayarsa ya kira yaron daya saba bashi labarin halin da Namra take ciki sai aka yi rashin sa'ah be ɗauka ba. Sai kawai ya kira wani abokinsa da ke sokoto dan gaba ɗaya natsuwarshi ta bar jikinshi. Miƙewa yayi tsaye da zimmar fita daga gurin saboda ƙarar loudspeaker ba zata bar shi yayi magana yadda yake so ba, miƙewarshi ke da wuya ya hango Maryam ta je tana magana da Namra a kunne.

“Wallahi wannan Matatace, Namra ce Wallahi”

Abokin yayi saurin riƙo shi ya zaunar domin shi kaɗai yake jin abunda Asim ke faɗa, hankalin kowa yana can gurin amarya da ango.

“Matata ce wannan wallahi”

“Na ji matar ka ce muje gida”

Ya faɗa dan yana ganin kamar Asim baya cikin hankalin kansa.

Asim ya fisge hannunshi zuciyarsa na mugun bugawa da ingizashi yayi duk abunda zai yi.

“Baka yarda da ni ba?”

Biyu daga cikin mutanen da suke gurin ne hankalinsu ya dawo gurin Asim, har ɗayan ta tambaya ganin yadda Asim ke hucin hanci.

“Wai miya faru ne?”

“Wannan matar yake cewa Matarshi ce”

“Asim ko ka sha wani abu?”

Ɗayan ya faɗa yana kallonshi.

“Babu abunda na sha gaskiya na ke faɗa wallahi, matatace wannan”

“Ka rufa mana asiri mu fita gurin nan lafiya, wane irin matarka wai? Matarka zata fita daga gidan ka ta auri wani?”

“Tana gidansu ai tana gidansu, ita ce matata ta farko da na fara aure”

“Ka sake ta ko? Shi kuma ya aura ai daman na ji ance bazawara ce ya aura”

“What...? Wallahi wannan Namra ce”

Zayyan ne ya juyo yana kallon Asim dake kumfar baki, yana sauraren abunda yake faɗa, sai ya baro mazauminsa ya dawo kusa da Asim ya zauna yana faɗin.

“Ina fatar dai lafiya”

Da lafiya ƙalau duk suka amsa mashi suna murmushi, sai Asim ya girgiza kai ya ce.

“Ba lafiya ba, wannan matar matatace wallahi”

Wani wawan kallo Zayyan ya aika masa.

“Baka da hankali Asim wallahi, ƙa fara shaye-shaye ban gayyace ka a nan dan ka ɓata min rai ba, tashi ka bar gurin nan”

“Kana tunanin bana da hankali ko?”

Asim ya nuna kanshi yana ƙoƙarin tashi tsaye..
[7/30, 7:12 PM] Khadeeja Candy♥: *92*

Zayyan yayi saurin riƙe shi

“No karka ja kanka wahala a gurin taron nan, muje waje na saurareka wata ƙila kana da hujja”

Yana faɗar haka, ya miƙe tsaye suka fita daga faɗar suka nufi wani ɓangare na masarautar sai ga wasu abokansa sun biyo bayanshi.

“Faɗa min taya wannan matar ta zama matarka?”

Asim ya natsu sosai yana tsara irin ƙaryar da hankali zai ɗauka.

“Wannan yarinyar sunanta Khadija amman Namra muke kiranta, sunan mahaifinta Manjo Usman Zamau a sokoto yake da zama, ni kuma ai kasan ɗan sokoto ne ko? A can muka haɗu da ita a makaranta iyayenta basa so na a haka muka yi aure daga baya itama ta fara tsanata sanadin hakan ta gudu da cikina kuma ba gidansu ta koma ba sai taje wani gurin daban domin na aika nemanta a gidansu aka ce bata zo ba, daga lokacin ban sake sakata a ido ba, sanadin hakan nayi aure na auri Mardiya yanzu kuma ga wannan amaryar da na yi, kuma ta inda na tabbatar da wannan itace tana da ƙanwa Maryam wacce ta yi magana da ita a yanzu”

Zayyan yayi shiru yana nazari, tabbas ɗan'uwansa bazarawa ya aura kuma ƴar sokoto idan be manta ba kamar Mai Martaba ya taɓa faɗa masa ƴar tsohon soja ce bayan haka kuma sunanta Namra.

“Amman kai baka sake ta ba?”

Abokinshi ya tambaya.

“Idan na saketa mi zai sa na zo yanzu na ce matatace”

“Lallai akwai jan aiki, ta yaudari Abdallah kenan”

Zayyan ya faɗa yana zuba hannayensa a aljihu.

“Ka min wani lamani mana Asim, ka haƙura har a gama walimar nan sai na samu Mai Martaba na faɗa masa”

“Na aminta”

Ya faɗa zuciyarsa na mugun bugawa. Daga Zayyan ɗin har Friends ɗinsa ruɗani suka shiga da tunanin yadda haka zai faru da kuma halin da ko wannensu zai shiga idan ya samu labarin abunda Asim yace.
 
Ko da suka koma ciki wani malami ne yake wa'azi akan haƙoƙin mace akan mijinta. Zaunawa suka yi kowa da abunda yake saƙawa a zuciyarsa, ta ɓangaren Asim kuma yana jin zai yi ganganci idan har ya kuskura cewa Namra matarsa ce tun da yasan har ga Allah ya sake ta, sai dai what yasan tana da cikinsa ta bar gidan, and yana ganin kamar wayo ne Zayyan zai masa a zasu iya taushe maganar idan babu wanda ya sani amman idan aka ji dole a tsaya a bincike.
Wani irin abu ne ya fisgi zuciyarsa sai kawai ya miƙe tsaye ya ɗaga kujera da yake zaune ya jefar dan kawai hankalin kowa ya dawo gurinsa. A take kowa ya juyo yana kallonsa kasancewar yana can baya ne, sojoji kuma suka yo kansa da gudu, sai ya kware baki yana ihun.

“Wannan matar ta yi aure kan aure ne, matatace Namra matatace”

Ba kowa ba ne yake jin abunda yake faɗa sai waɗanda ke kusa da shi, sai dai kowa zai iya fahimtar faɗa ne yake, kamin sojaji su buga masa bindiga a ƙwari (knees) ya faɗi a gurin sai wani ya aika masa wani mugun shuri a ciki kamin su miƙar da shi tsaye su banƙareshi su fita da shi, babu wanda yace uffan har Zayyan da yake abokinsa.
   Bayan an fita da Asim, Zayyan ya miƙe tsaye ya ƙarasa gaban Mai Martaba ya kai bakinsa dai-dai kunnensa yayi masa raɗa.

NAMRA POV.

Kaganin komai take kamar a mafarki, a kujerar da take zaune kawai a abar kallo ce, yau itace ake yi ma walimar aure da ɗan sarki, kuma sarkin yana zaune yana kallonsu. Wasu hawaye ta ji sun zubo mata masu sanyi, kamin hankalinta da dubanta ya karkata kan hayaniyar da take hangowa.

Wani irin mugun faɗuwa gabanta yayi, tasan yana nesa da ita amman idonta ba zai mata gizo ba, tabbas Asim take hangowa, sai dai bata iya jin abunda yake faɗa.

‘Miya kawo shi a nan?’

Itace tambayar da ta fara zuwa mata a zuciya. Sai kawai ta ji hannun Abdool cikin nata yana ƙoƙarin luma yatsunsa cikin nata,  matse mata hannu yayi gam kamar za a ƙwace masa ita, be wayancin Asim sosai ba kasancewar gani ɗaya yayi masa lokacin da zai bata kyautar gida, gashi kuma yana nesa da su balle ya iya tantancewa, sam be kawo zuciyarsa Asim zai so gurin ba, a tunaninsa wani ɗan shaye-shaye ne a cikin ƴaƴan manya maybe wani abokinsa ko ƴan'uwansa suka gayyato shi.

Hawayen da ya tsinkaya a idon Namra ne yasa shi zira hannunshi ya kama nata, domin idan akwai abunda ya tsana a duniya a yanzu zubar hawayenta ne.

A tsanake aka yi komai cikin kwanciyar hankali da lumana, yadda aka gabatar da walimar kowa sai yabawa yake, babu ƙaryar kuɗi kuma komawa ya samu takeaway, abinci kuma sai wanda ranka ke so zaka je ka ɗiba.

Nasiha mai ratsa jiki da kunnuwa Mai martaba yayi ma duka ma'aurantan guda biyu, sannan kuma yayi jawabin godiya. Bayan anci an sha sai wani babban malami ya miƙe tsaye yayi addu'a akan ma'auratan da kuma Mai Martaba gaba ɗaya.

Sai a lokacin da za a tashi sannan Abdool ya sake hannun Namra suka miƙe tsaye a tare ana musu busa da kirari a lokaci ɗaya.
  A tare suke aje ƙafa, su ɗauka a lokaci ɗaya har suka kai bakin ƙofar faɗar. Anan sojojin da aka jera a gurin suka fara tasu busar suna sare masa barori na watsar jar fulawa wasu kuma na fesa turare. Mai Video Camera na gaba yana ɗauka, ɗayan kuma yana a baya yana nashi ɗaukar, masu ɗaukar hoto kuma suna aikinsu.
  Bayan Ango da Amarya sun wuce ƙannen Abdool mata suka jera ɓangaren dama kowa da sari ja, mazan kuma suna ɓangaren hagu da farar shadda, haka suka jero suka biyo hanya gwanin ban sha'awa suna wucewa. Mai Martaba ne na uku bayan sun wuce, masu busar suka biyo shi suna masa busa dogarai na tare shi dama da hagu har ya wuce.

A harabar Masarautar suka tsaya suna hoto tare da ƴan'uwa, Mai Martaba kuma suka isoshi faɗarshi aka ɗauke su hoto.
     Ɗakin Hajiya Shafa aka Mayardar da Namra, yayinda Abdool kuma ya nufi ɓangarensa da ke cikin gidan.
  
A lokacin ne Meesha ta cirewa Namra Alkyabar da ke jikinta ta miƙa mata abinci domin ita da Abdool basu ci abinci ba a gurin walimar.

“Bana jin yunwa”

Hankalinta gaba ɗaya yana gurin Asim, ta kasa gano dalilin daya kawo shi gurin.

“Dan Allah je ki kira min Maryam”

Amal ta aje wayar da ke hannunta ta miƙe tsaye da sauri.

“Adda Namra bari na kira ta”

Meesha ta taɓe baki.

“Ƴan ƙwaran suna nan kenan”

Bata ɗauki lokaci ba sai gata ta dawo tare da Maryam ɗin. A nan Meesha ta miƙe tsaye ta kama hannun Amal suka fice saboda ta san komai yana buƙatar sirri.

“Anty Namra ga ni”

“Maryam kin ga wanda ya tada rigima ɗazu?”

“Eh amman ban ga ko waye ba”

“Asim ne fa”

“Asim?”

Ya amsa da ƙarfi.

“Miya kawo shi a nan? Ko ganin ƙwan ya zo zuciyarsa ta kasa ɗauka shi ne ya tada rigima, yaso ya ɓata bikin ne Allah be bashi dama ba”

“Tsoro nake ji Maryam idan ba wani abun ya zo yi ba, idan ba haka ba to me zai kawo shi nan?”

“Ya zo yaga abunda za a yi ne, babu wani abunda zai yi rigima ce kuma ya samu dai-dai shi”

Maryam bata gama rufe baki ba wata mai kama da Abdool ta shigo ɗakin cike da ladabi ta ce

“Adda Namra Mai martaba na son ganinki yanzu”

Gabanta ne ya yankeya faɗi, cikin rawar muryar tace

“Maryam ɗauko min mayafina”

Maryan taƙe tsaye ta ɗauko mata farin mayafin da dake saman gado ba tare da ta kawo ma kanta komai ba.
Sai da ta yafa mayafin sannan ta miƙe tsaye yarinyar ta kama hannunta suka fice.

Ɓangaren Mai Martaba Yarinyar ta nufa wato turakarsa, wani ɗan ƙaramin falon Mai Martaba yarinya ta kaita, cike da ladabi Namra ta shiga kanta a ƙasa, sai dai hakan be hanata ango Abdool dake gaban Mai Martaba kamar mai neman gafara ba.
  Ita ƙasa ta zauna, sai Yarinyar ta juya ta fice tare da rufo ƙofar.

Sun daɗe a haka, baka jin sautin komai a ɗakin sai sanyin ac dake tsara jikinsu. Zuwa can Mai Martaba ya ɗora ƙafarsa ɗaya saman ɗaya ya soma magana a tsanake.

“Namra kin san Asim?”

“Allah ya taimaki mai martaba, tsohon mijina ne”

“Taya zamu iya tabbatar da ya sake ki?”

“Ya sake ni a shakarar da ta gabata, kuma iyayena sun san da hakan”

“Akwai takardar saki a hannunki?”

“Be bani ba, da baki yayi furucin Mai Martaba, Allah shine shaidata”

“Mutumen da ya ɗauki hankalin mitane a ɗazun tsohon mijinki ne, kuma yana da'awar be sake ki ba har ma akwai akwai ɗa a tsakanin ku...”

Da sauri Namra ta ɗago kai ta kalli Mai martaba for the first time, idonta har ya kawo ƙwalla, kai ta girgiza.

“Ƙarya yake yi Mai Martaba, Wallahi ya sake ni”

Sai hawaye suka fara mata zuba. Kan Abdool na ƙasa saboda Mai Martaba be bashi damar magana ba.

“Babana!”

Mai Martaba ya kira sunanshi. Sai.ya ɗago da idonshi da suka rine suka canja kala saboda ɓacin rai ya ce

“Wallahi ya sake ta Mai Martaba”

“Kana da takardar sakin ne?”

“A'a amman nasan ba zata min ƙarya ba, kuma na san babban mutum kamar Manjo ba zai yarda ƴarsa ta yi aure kan aure ba”

Mai Martaba ya ɗauki wayarsa ya kira wata number. 

“A shigo da shi”

Yana faɗar hakan ya sauke wayar. Ko minti uku ba a ƙara ba, sai ga Asim an shigo da shi yana tsingilta, gaba ɗaya kammaninsa sauya jini sai zuba yake a kansa.
Dogarawa suka durƙusar da shi gaban Mai Martaba.

“Me aka masa haka?”

“Allah ya taimake ka dukan da sojoji suka masa ɗazun ne”

Kai kawai ya ɗaga musu suka juya suka fice.  Mai Martaba ya kalli Asim da kyau ya ce.

“Wannan ita ce matarka?”

Sai kawai ya fashe da kuka ya girgiza kai.

“A'a ba ita bace ƙarya na ke”

“Karka ji tsoro kar dukan da aka maka ya tsoratar da kai, na maka alƙawari babu wanda zai sake sa maka hannu, faɗa min gaskiya wannan itace matarka?”

Mai Martaba ya faɗa a natse. Da idonsa ɗaya ya kalli Namra saboda ɗayan ya kumbure, sai kuma ya maida dubansa gurin Abdool, sai a yanzu ya iya tantance Abdool.saboda ɗazun be san ko waye ba.

“Itace ranka ya daɗe. Namra ina ɗa na? Da cikina ta gudu, kuma sanadin wannan mutumen ta gudu, saboda yana tare da ita har yayi mata kyautar gida sanadin hakan na daketa sai ta gudu ta bar gidan, gidan yana nan a unguwar nasarawa”

Kai kawai Namra take girgizawa hawaye na mata zuba. Abdool kuma zuciyarsa ta yi mugun kawowa sai dai babu yadda zai yi tun da a gaban Mai Martaba suke, kuma duk wani unƙuri da zai yi zai ƙara ɗaure kansa ne kawai. Can ciki ya jiyo muryar Mai Martaba na jefo masa tambaya.

“Ka taɓa mata kyautar gida kuma tana da aure?”

Sai da ya taushe fushin da ke zuciyarsa sannan ya iya furta.

“Na taɓa Mai Martaba, amman ba da wata niyar na yi ba, a lokacin basa da kuɗin biyan hayar ne kuma Ummi ta basu lokacin tashi, saboda gidan Amal ne wanda gobara ta ƙone, a lokacin za ayi gyaransa ne”

Mai Martaba yayi shiru yana nazari a zuciyarsa, yasan ɗansa ba zai masa ƙarya ba, kuma baya daga cikin ƴaƴanan mazinata balle har ya zarge shi, kuma yasan lokacin da ya kawo masa labarin Namra, sai dai ɗan yau ba a shaidunsa, kuma zai iyayuwa ita Namra ɗin ta yaudari ɗansa.

“A wani guri kake zaune?”

Mai Martaba ya tambayi Asim a take ya amsa masa ya faɗa masa.

“Tashi ka yi tafiyarka”

Har ya miƙe tsaye sai kuma ya ce

“Mai Martaba kar naje gida wani abun ya same ni”

“Babu abunda zai same ka, indai ni na haifi Abdallah ko hararka ba zai sake yi ba”

Da tsinginta ya fice. Sannan Mai Martaba ya kalli Namra ya ce.

“Za a maidaki gurin Ummi ba zaki tare a yau ba, zan yi magana da mahaifinki”

Cikin wani irin nauyin jiki da zuciya Namra ta miƙe tsaye jiri na ɗibarta, aiko tana kaiwa bakin ƙofa ta sai tayi baya-baya ta faɗi ƙasa sumamamiya.
  A take Abdool ya manta da agaban Mai Martaba yake, a guje ya ƙarasa inda take yasa hannunshi ya ɗauke yana kiran sunanta amman ina ta riga tayi nisa.
A firgice ya fita da ita a falon kamar wanda ya tallaɓo jaririya. Mamaki da aljab ya hana kowa magana sai kallon ikon Allah suke, Abdool ya talloɓo Namra sai gudu yake ya nufi parking space da ita. Sojojinshi na hango halin da yake da sauri suka buɗe mota ɗayan ya shiga a driver seat yayi ma motar key, Abdool na isa ya saka Namra gidan baya, sannan shi ma ya shiga.
Wasu sojojin suka shiga wata motar suka rufa masa baya.

@360 suka isa asibiti kai tsaye aka wuce da ita emergency, likitoci suka shiga bata taimakon gaggauwa.
Yana gurin zaune ya dafe kai wasu ƴan gidansu suka iso, cikin har da Hajiya Shafa.
  Bayan kamar mintuna talatin likitocin suka fito, ɗaya daga cikinsu ne ya tsaya yana yi ma Hajiya bayani wai a barta ta samu bachi sun mata allura saboda akwai gajiya sosai a tare da ita.

Abdool na zaune a gurin har su Hajiya Shafa suka shiga suka fito, tare da sisters na shi.

“Babangida (Sunan da take kiransa da shi kenan kasancewar sunan mahaifin Mai Martaba ne aka sakaasa) Mu zamu tafi tun da abun da sauƙi, kuma likita yace ana buƙatar ta huta, Hajiya kilishi zata tsaya nan ta kwana, kuma ka faɗawa sojojinka kar su bar kowa ya shigo, ga kuma dogarawa nan Mai Martaba ya iko maka in case of...”

Kai kawai ya iya ɗaga mata, sai sisters ɗinsa da waɗanda suka zo tare suka masa Allah ya sauwaƙe.

Sai da suka fice sannan ya miƙe tsaye yana faɗawa sojan da ke kusa da shi cewar kar ya bar kowa ya shigo gurin, yana rufe baki sai ga Asiya Sister shi ta dawo da gudu ta miƙawa sojanshi carpet da hijab.

“Wai ance a bawa Gwaggo”

Da kanshi ya karɓi sallayar da Hijab ɗin ya nufi ɗakin. Wani abun burgewa sai da sojan ya sare masa sannan ya miƙa nasa.

Yana tura ƙofar ɗakin ya hango Namra kwance gefen gadon an ɗaura mata drip. Hajiya Kilishi kuma na zaune saman kujera sai amsa waya take. Tana ganinshi ta miƙe tsaye ta fice, ƙarasawa yayi ya aje carpet ɗin ya zauna saman gadon ya kai hannunshi ya shafa fuskarta. A hankali ya sauke ajiyar zuciya sai ya sauka ya zagaya ta bayanta ya hau saman hagon ya rumgumeta ya luma yatsunsa cikin nata, sai hawaye suka gangaro daga idonshi suka sauka saman ƙananan kitson da ke kanta.
   Jin wayarsa na ringing yasa ya fiddota daga aljihun wandonshi ya kashe ta gaba ɗaya, ya lumshe ido yana ƙara janta jikinsa.

A wani ɗakin Hajiya Kilishi ta kwana, domin be sauka daga kan gadon ba sai da aka kira sallah asuba. Sannan ya sauka saman gadon ya shiga banɗakin dake room ɗin yayi alwala ya fito shi da sojojinsa suka nufi masallaci yayinda aka bar dogarawa suna cigaba da gadinta.

Bayan ya fita ne Hajiya Kilishi ya dawo ɗakin ta yi sallah asuba, bayan ta gama ya hau amsa wayar da ake mata dan tambayar jikin Namra. Sai ga Abdool ya dawo ɗakin a dole ta miƙe tana amsa gaisuwarsa ta fice daga ɗakin.
Wannan karon saman kujera ya zauna ya matsa can kusa da fuskarta ya ɗora tashi saman gado ya kwantar, sai hancinshi ya riƙa gogar nata, numfashinsu na taraiyya da juna.

A hankali ta buɗe ido karaf cikin nashi, bakinta da ke saitin nashi yayi ma kiss sannan ya tashi zaune daidai yana riƙa hannunta, sai itama ta tashi tana cigaba da kallonshi idonta sun yi wani fari.
  Har cikin jininshi yake jin tsanyin dake cikin hannunta, zuciyarsa cike da tausayinta.

“Sannu”

Ya faɗa yana kai hannu ya shafa gefen fuskarta.

“Sallah”

Ta ce a kasale. Miƙewa yayi tsaye ya shiga bathroom ɗin ɗakin ya ɗauko ƙaramin bokin da ke ciki ya fito sai ya buɗe ƙofar ɗakin yayi magana da boys ɗinsa da suke gurin, sannan ya dawo ya zauna a kusa da ita.

“Za a kawo ruwa yanzu, muje ki yi fitsari”

Ƙoƙarin saukowa ta riƙa yi sai kawai ya ɗauke ta ya nufi bathroom ɗin da ita.
Ƙoƙarin ɗaga mata saket ɗin ya riƙa yi sai ta riƙe, ya kalleta.

“Baki da ƙarfi Abnam”

“Zan iya”

Baya son musa mata, sai kawai ya fito yaja mata ƙofar. Da dafe dafen bango ta yi fitsarin ta fito, sai ya sake ɗaukarta ya maida saman gadon.

“Allah ya baki lafiya”

Ya faɗa yana kwantarda kanta saman kafaɗarshi. Cikin ƙanƙanen lokaci aka buga ƙofar ɗakin sai ya ɗagarda kanta shi kuma ya tashi ya buɗe ya karɓo robar da carton ɗin ruwan faro, sai da ya buɗe ruwan sannan ya zauna kusa da ita ya kama hannayenta ya wanke mata su sau uku, sai ya zuba ruwa a hannunshi ya kai mata a baki ta kurkure bakinta ta zuba cikin robar sai yasa yatsansa ya wanke mata haƙora, sai ya sake zuba ruwan a hannunshi ya kai mata a baki ta kkurkura har sau biyu sannan ya shaƙa mata hanci sai kuma ya riƙa mata hancin ta face, ya wanke mata fuskarta sannan ya wanke hannayenta zuwa murafiƙai, ya shafa mata kai ya ƙwaƙwala mata kunnuwa sai ya saukar da robar ƙasa ƙasa ya kama ƙafafunta ya tsattsafe ya wanke su tas, sannan ya ɗauke robar ya kai bathroom ya fita ya karɓo mata carpet da hijab.
  Sai da ya shinfiɗa mata carpet ɗin sannan ya saka mata hijabin, ya sauƙo da ita saman gadon ya tsayar, ganin jikinta rawa yasa ya zaunar da ita, ya tattara hankalinsa ya miƙa mata yana kallon yadda take sallah a zaune cike da tausayawa. Tana ƙarewa ya dawo kusa da ita ya zauna, sai ta kwantar da kanta saman kafaɗarshi tana hawaye. Hannayensa biyu yasa ya ɗago fuskarta ya kai bakinshi daidai hawayenta yayi mata kiss.

“Babu wanda ya isa ya shiga tsakanin mu Inshallah”

Ya faɗa kamar mai raɗa, sai kawai ta fashe da kuka shi kuma ya rumgumeta a ƙirjinsa, ya lumshe ido yana sauraren sautin kukanta dake tashi a hankali.

RASHIDA FINAL POINT OF VIEW (POV).

Ita ce ta biyu wacce ta miƙe tsaye ta yi jawabin bayan shugabar ƙungiyarsu ta gama, kasancewar yanzu ita ce mataimakiyar shugaba, a duk inda za a je da ita ake zuwa cikin da wajen garin kaduna, har South west, south south suke zuwa gurin wayarda kan al'umma akan a daina ƙyamar masu ɗauke da cutar hiv, suna kuma wayarda kai akan masu cutar su daina takura kansu da ganin kamar mutuwarsu tana kusa da su.
   Har ƙauyuka suna shiga su wayarda kai, abun yanxu yayi gaba har nijar da sudan ghana sukan leƙa wani lokacin domin halartar taron ƙarawa juna sani ko kuma na ƙungiyoyin duniya qani lokacin ma.har.

   Ta tattara rayuwar aure ta aje gefe, duk kuwa da irin tayin da Alhaji bashir da kuma wasu mazan suke mata, bata son abunda zai sake ɗaga mata hankali a yanzu, shiyasa bata kawowa kanta zancen aure a kusa.
   A duk lokacin da ta tuna da Kalsoom ce take riƙe da ƴaƴanta sai ta yi ma Allah godiya, domin bata san Kalsoon ƴar'uwa ba ce sai a yanzu, tana ƙoƙari gurin ganin ta bawa yaranta tarbiya, basa mata complain ɗin sun rasa wani abu ko an musu wani abun sai ɗan abunda rai ba zai rasa ba, sai yanzu ta tabbatar good people are still exist, ba ko wace abokiyar zama ce kishiyaba wata kan ƴar'uwa ce.

Bata da matsala ta ko ina a yanzu, sai dai tana nadamar abunda duk ta tuna sai baƙinciki ya rufeta, wato sanadin wannan ciwon nata, a duk lokacin da aka tambaye ta dalilin wannan ciwon nata ta kan ce ta same shi ne ta hanyar ƙarin jini da aka mata, domin kawai ta kare kanta.
 
Shekara biyar da shiga ƙungiyar zuwa yau rayuwarta ta zama abar kwatance, rayuwarta darasi ce ga duk mace mai irin rayuwarta, ko kuma halinta, ita kanta yanzu ta koyi abubuwa da yawa na rayuwar duniya da kuma zama da mutane.

Ko da aka yi birthday ɗin Izzah tana Abuja gurin wani taro, washe garin ranar da ta dawo taje gidan ta kai musu tsarabarsu da kuma  birthday gift ta bawa Izzah.
Ta jidaɗin yadda ta same su, baka iya banbance tsakanin Ƴaƴan Kalsoom da nata a gurin Kalsoom wato Amal da Rafiq da Husna, sam mutum ba zai iya cewa su ne ƴaƴan Kalsoom ba, sau da dama zata bawa su Izza abu ta hana ƴaƴanta.

Bata daɗe a gidan ba duk da ƴaran sun so haka, amman ta ƙi a duk lokacin da taje gidan haka take bata daɗewa take fitowa.
   Ko da iso gidanta uku da rabi yayi, dan haka tana shiga bathroom ɗinta ta yi alwalar la'asar ta fito ta shimfiɗa sallaya ta saka hijab taja carbi tana la'zimi kamin lokacin tada sallah yayi.
Wayarta ce tayi ƙara daman ta ji tsayawar mota a harabar gidanta, sai kawai ta miƙe tsaye ta nufi falo ta buɗe masa ƙofa.

“Hajiya...”

“Alhaji Bashir”

Shigowa yayi yana faɗin

“Aiko na taki sa'ah dan ban tsamaci kina garin ba”

“Jiya na dawo”

“Mashallah ya Abujar?”

Ya tambaya yayinda yake ƙoƙarin zaunawa.

“Abuja sai hamdallah, ya aikin naku”

“Aiki da godiya, iv na zo na kawo miki”

“Ba dai na aurenka ba ko?”

“Shi mana ba kin ƙi ni ba”

“Dana ƙi ka ya hana dubu su soka ne?”

“Cikin dubun ai na ƙawo ƙoƙon barata a gareki amman kika ƙi yarda, kuma ni wallahi ko a yanzu kika yarda zan aure ki”

Ruwan tsanyi ta dire masa tana dariya tare da kai hannu ta karɓi iv ɗin.

“Lallai mutumen da gaske kake, budurwa ce ko bazawara”

“Budurwa ce yarinya ce ba zaki sha wahala gurin kishi da ita ba”

“Ai ni na yafe kishi da kowa, sai dai ina fatar tasan halin da kake ciki”

“Ta sani kan, sai dai bayan ke da ita da kuma Asmee babu wanda ya san da wannan maganar”

“To ita mai cutar ce kenan”

“Ai kema kin sani baƙya buƙatar na faɗa miki”

“Amman Asmee ta ji?”

“Ta ji mana, to me zata yi?”

“Ba komai kawai ina tuna lokacin da take cewa ba zaka taɓa aure ba ne”

“Ni kaina ina tuna wancan lokacin da ina son aure amman sai na kasa yi sanadin hakan muka faɗa hallaka ni da ke, sai dai kin san komai lokaci ne da shi, ko magani kika yi kika ga ya kama to daman can Allah ya rubuta zai kama ɗin”

“Na yarda da hakan ai ni sai dai na faɗawa wani, kuma ina fatar idan ka yi wannan auren zaka ɗaga min ƙafa, saboda mutane suna ta zargin muna tare ne, kuma zaka iya tonawa kanka asiri indan kana cigaba da ziyarta na, saboda kai ma za a iya gano kana ɗauke da cutar, abu na uku kuma kasan ance idan mace da namiji suka kasance su biyu sheiɗan ne na ukunsu, dan haka bana son wata alaƙa ta saɓon Allah ta sake shiga tsakanina da kowa”

“Nima bana nufin wani abun makamancin wannan saboda i realized that duk abunda ka yi wa ɗan wani sai an yi ma naka, tun bamu je ko ina ba a scul wani malami yayi raped ƴata, ban taɓa faɗa miki ba ne saboda ba labari ne mai daɗi ba, amman a lokacin na samu kai na a wani irin kalar mutum, abun da ciwo sosai Rashida, sai na dinga jin kamar na kama duka familynshi nayi musu yankan rago, but a dole na rufe magana domin idan na buɗe yanzu ne zata shiga duniya kowa yasan abunda ya samu ƴata bayan kuma nine sila saboda ban tsare kaina ba, kuma zan jawa ƴata abun faɗi ne kawai”

Ya share guntun ƙwalla da suka zubo masa.

“Ki dubi Family Hilal ki gani da yake ya tsare kansa, sai Allah ya tsallakar da shi, duk da kina a cikin gidanshi Allah ya tsare ƴaƴansa da matarsa da shi kansa mu kaɗai muka kwashi abun, dubi rayuwar gidansa ki gani gwanin sha'awa, ni ko rayuwa baƙinciki ne da kuka, saboda halin da muke ciki, ko wannan ciwon da ke jikinmu tawace gashi kullum muna cikin kafakafa kar ƴaranmu su ɗauka, muka tsoron mu kai su wani gurin riƙo asirinmu ya tonu”

Rashida ta girgiza kai cike da tausayawa.

“Ba ku kyautawa rayuwar ƴaƴanku ba, ku ɗauke su ku kaisu gurin ƙaƙaninsu mana, ko karka yi sake yaranka suma su kwasa su girma suna nadamar da kasancewar ƴaƴanka, karka ɓata rayuwar ƴaran ka tun suna da ƙurciya, ka taimaki future ɗin su, kai taka ta ƙare su kuma ka yi tattalinsu...”

Ajiyar zuciya ya sauke yafi sau goma sannan ya miƙe tsaye jiki a mace ya fice ba tare da ya ce da ita komai ba.
    Rayuwa kenan sau da yawa Allah yake maka talala kayi ta iskancin da zarar ya tashi kama ka ba zaka ga da kyau ba, kuma matuƙar be yafe maka ba, zaka je lahira ka tararda abunda ka aikata. Duk magane-magane da Asmee ke yi tana ganin kamar ta ci riba wajen hana mijinta aure ashe ba riba bace lokacin auren ne be yi ba sai yanzu, tun da gashi yanzu zai yi auren,garin neman gira an rasa ido ta kwaso musu cuta tana nadamar da babu ranar daina kukanta. Ita kanta Rashida dake yi wa Kalsoom magani a dole ai yanzu ta saka mata ido ta ɗauke ta ƴar'uwa tun da taga addu'ah da tsarin Allah yana tare da wanda duk ya nemi taimakon Allah, tayi iya yinta amman bata raba Kalsoom da gidan mijinta ba saboda Allah ya riga ya rubuta ita ɗin ce dai.
Mata da yawa suna shiga haƙƙin mazajensu wajen ganin sun hanasu aure ko kuma sun mallake miji da kishiya, bayan kuma sun san Allah zai tsayar da su a gabanshi yayi masu shari'ah ranar da baki baya iya magana.

Jiki a mace ta miƙe ta yi nafila wato ƙabli asri sannan ta ɗora da la'asar ɗin, tasbihi da hailala da hamdala ne suka biyo baya tana gode Allah da ya nuna mata kuskurenta tun a nan duniya da ake karɓar tuba, kuma ya bata ikon tuban, kana ya tsare mata yaranta kuma ya basu uwar da zata riƙesu ta tarbiyantar da su, tabbas yanzu ta tabbatar Ubangijinta yafi kowa sonta, shi ta tsaɓawa kuma ya yafe mata har ya musanya mata ta wani ɓangare.
[7/31, 9:26 PM] Khadeeja Candy♥: *93*

Lafewa ta yi a ƙirjinsa tana sauraren yadda zuciyarsa ke bugawa, sai ƙara shigar da kanta take tana shaƙar ƙamshin turarenshi.

Hannu yasa yana shafa bayanta, idanuwansa a lumshe. Wani abu yaji yana sauko masa marar misaltuwa, be taɓa hugging wata mace kamar yadda yayi a yanzu ba, wata mace kuma bata taɓa kwantawa a ƙirjinsa kamar haka ba, ɗayan hannunta dake cikin hannunshi ya soma matsawa a hankali yana lume baki.

Jin shafar da yake mata ne ya sauya salo ne yasa ta ɗago kanta ta kalleshi, idonsa har yanzu kulle yake, hakan yasa ta ɗaga daga jikinsa gaba ɗaya ta zare hannunta daga nashi.
Sai ya buɗe idonsa yana kallonta, fararen idonsa sun fara rinewa zuwa ja ga wani ruwan hawaye da ya kwanta masa. Hannyensa yasa ya riƙa fuskarta.

“I Love you so much Abnam”

Kallonshi take kamar yadda shi ma yake kallonta, sai hawaye suka zubo mata.

“Ban san mi Asim yake nufi da ni ba, ban san miyasa ya ɓullo ta wannan hanyar ba, na masa iya hallacin da zan iya, saboda shi na rabu da iyayena, na bishi na zauna da shi a inda ban taɓa mafarkin zan zauna ba, lokacin da arziki ya zo masa sai ya guje ni, yace min baya son haihuwa, da cikin ya kure na je garin kaduna ba tare da na san kowa ba, Lamido yayi min masauki a gidansu, a gidan cikina ya zube.

Wallahi tallahi ya sake ni Abdallah, ban san miyasa ya canja min ba, har yana tambayar ɗan sa”

Hawaye na bin fuskarta take maganar zuciyarta cike da rauni. Fuskarta ya saki ya kama hannayenta ya riƙe gam.

“Na yarda da ke Abnam, Asim yana son shiga tsakaninmu ne, saboda yana tunanin zamu fara sabuwar rayuwa mai kyau, karki saka ranki cikin matsala nasara bata zuwa ba tare da wahala ba”

Ƙofar da Hajiya Kilishi ta buga ne yasa shi kallon ƙofar sannan ya kai hannu ya share mata hawayenta. Sannan ya miƙe tsaye ya buɗe ƙofar.

“Hajiya...”

“Na'am, Abdallah ya mai jikin”

“Ta ji sauƙi”

“Ga breakfast nan Hajiya ta aiko su Amal su kawo ance wayarka na kashe”

“Oh Okay bari na kunna”

“Okay ka gaishe da ita”

Ta juya shi kuma ya rufe ƙofar ya dawo yana ciro wayarsa da ke aljihu ya kunna, sai ya kira Ummi.

“Abdallah na kira wayarka kashe”

“Na kasheta ne saboda Doc yace min ana bukatar ta samu bachi, barka da safiya”

“An tashi lafiya ya jikinta? Miya same ta? Meesha tace min kawai sun ga ka fito da ita a sume”

“Ummi labari ne mai tsawo da rikitarwa zan zo anjima”

“Okay ga abinci nan na aiko muku nasan zata buƙaci abincin a yanzu, amman dai ka faɗa min ko minene”

A nan ya soma labarta mata abunda ya faru. Ta kiɗima sosai abun ya zo mata kamar almara, sai dai ta kwantarda hankalinta saboda kar hankalin ɗanta ya tashi.

“Allah zai muku mafita Abdallah”

“Na gode Ummi I love you”

“Allah ya maka albarka”

Yana sauke kiran wayar Mai Martaba ta shigo, cike da ladabi yayi picking.

“Assalamu Alaikum Mai Martaba”

“Wa'alaikassalam, Babana ya mai jiki”

“Alhamdullillah ta ji sauƙi fatar ka tashi lafiya”

“Alhamdullah, Babana bana son ka tashi hankalinka na san kana sonta sosai, sai dai  bana son da kake mata ya iya rufe maka ido ka tsallake gaskiya, kai ɗana ne nafi son komai za'ayi ka tsaya kan gaskiyarka”

“Mai Martaba kafi kowa sani na, ba zan taɓa aikata abun assha ba, kuma zan saurareshi matuƙar yana da hujja”

“Allah ya maka albarka”

“Amin Mai Martaba Allah yaja kwananka”

Daga haka ya sauke wayar sai ga kiran sisters ɗinsa ya shigo sai kuma na Maryam, sai dai be ɗaga ba sai kawai ya kashe wayar. Ya miƙe tsaye ya fita. Sojojin da ke gurin da dogarai ya sallama sai dogara ɗaya ya bari, sannan ya dawo ɗakin.

Wannan karon jikin windo ya same ta tsaye fuskarta na kallon ƙasa kasancewar inda suke gidan sama ne. Ƙarasawa yayi ya riƙe kunkurunta ya ɗora kansa saman wuyanta.

“Jiya ya kamata ace na tare, amman hargitsin da ya faru jiya ya hana hakan, dare biyu kenan na amarci ina kwana ba cikin daɗi ba, a wacan daren fargaba da tunanin halin da na bar mahaifina da kuma tunanin makomar aurena, yanzu kuma wannan hargitsin ya taso, Ina roƙon Allah ya tsayar a nan kar wannan abun ya shafi rayuwar auren da zanyi nan gaba”

Ɗayan hannunshi yasa ya zagaye cikinta.

“Wannan rigimar ma na ɗan lokaci ne, kar zuciyarki ta sake irin wacan tunanin, ko kaɗan Abdallah be yi kama da Asim ba, a halitta balle kuma a hali da ɗabiyu da halaiya, Wannan karon da Abdalla aka ɗaura miki aure ba Asim ba, kar ki sake irin wacan mafarkin”

Juyowa tayi ta riƙa fuskarsa tana hawaye.

“Zuciya bata iya tantance gaskiya da ƙarya a yanzu, shi ma haka yayin ya yaudare ni da daɗaɗan kalamai, da su ya siye ni har na rufta a duniyarsa mai cike da duhu da kuma hayaƙi”

Jin an buga ƙofa yasa tayi saurin janye hannunta daga fuskarsa ta zauna saman gadon tana share hawaye. Haleema ce da Fauza sai Shukura mai aikin Ummi.
   Sai da suka fara gaisawa da Abdool sannan ta ƙaraso kusa da Namra tana mata ya jiki.

“Senu senu Ajiya, Allah kew wo sauƙi, Allah baka lafiya get well soon”

“Thank you, ya Mama?”

“Lafiya ƙalau yace a agaise ki”

Haleema ta matsa tana ƙare mata kallon tare da yi mata ya jiki.

“Sannu adda Namra Allah baki lafiya”

Sai Fauza ta ɗora da nata

“Ummi tace a gaishe ki, Allah ƙara sauƙi”

“Amin amin na gode”

Bayan sun dire mata kulolin abinci suka tafi. Da kanshi ya ɗauki plate ya zuba mata abincin da aka kawo ya soma bata da kanshi sai da ya tabbatar ta koshi sannan aje plate ɗin ya ɗauki ruwa ya bata, yana dire kofin sai ga Sisters nashi sun shigo tare da Maryam sun kawo abincin cikin manyan kuloli na alfarma masu mugun tsada.
Da sauri Maryam ta zauna kusa da ita tana mata ya jiki cike da tausayin ƴar'uwarta.

“Na ji sauƙi kin yi waya da Anty?”

“Eh tun ɗazu take son ta yi magana da ke wayarki na hannuna shi kuma wayarsa a kashe, tace mun ma sun kamo hanya ita da Abbah da asubar nan”

“Kin faɗa musu abunda ya faru”

“Eh Abbah ma yace Mai Martaba ya kira shi, Namra karki saka ranki a damuwa Asim yana son ya saka ki cikin matsala ne kawai kuma yana son ganin zubar hawayenki saboda yasan a yanzu ba zaki taɓa dawowa gareshi ba”

Abdool ne yayi saurin katse musu fira saboda baya son sisters ɗinshi su gane inda matsalar take, duk da bashi da tabbacin ko Mai Martaba ya faɗa a masarauta.

“Maryam ku zo ku tafi Doc yace ana buƙatar ta huta sosai”

“Okay Allah ya baki Lafiya”

Maryam ta faɗa idonta cike da ƙwalla ganin hawayen da ke zuba a idanuwan ƴar uwarta. Tare da Sisters ɗinsa suka fita sai ya sake buɗe kulolin ya zuba mata abincin da aka kawo amman bata ci ba shi ma kuma baya jin cin abincin sai kawai ya aje. Yana kallon Likitan da ya turo ƙofar ɗakin ya shigo, murmushi suka yi ma juna shi da da Abdool kamin ya miƙa masa hannu su gaisa.

“Ango Ango daya tare a asibiti, ina fatar dai ba ƙarfin amaryar mu ka ci ba har ka kawo mana ita asibiti, kasan baƙauye be iya sintar agogo ba”

Abdool yayi murmushin ƙasaita Hafiz abokinsa ne tare suka yi karatu a waje.

“Ni dai duba min matata please bana son ƙananan magana”

“Ai yanzu kana da baki jiya da na tsaya iya bayani ai ko kallon inda nake baka yi ba”

“Ai ban ma san da kai ba”

“Ai ba zaka sani ba, hankalinka yana tashe”

Ya shiga duba hannun Namra da Abdool ya cire mata drip. Sannan ya tambayi Namra abunda take ji.
   Magani ya rubuta mata sannan ya faɗi yadda za a bata shi ya kuma rubuta musu takardar sallama, daman ba wani ciwon ba ne sai gajiya da kuma iɗima a lokaci ɗaya.

Sai basu bar asibitin ba sai da an gidansu Abdool ta ɓangaren Mai Martaba suka cika motoci suka zo ganin Namra, hakan kuma ba ƙaramin faranta ran Namra yayi ba, at least tasan ta shigo familyn da ake marhabun da ita kuma ake sonta da ɗaukinta ta ko wane ɓangare.

Sai ƙarfe goma sha ɗaya har da rabi sannan suka bar asibitin, Abdool be nufi gida da ita ba kasancewar shi ne yake tuƙin motar sai Sis ɗinsa ɗaya da ke gaban mota yayinda Namra da wasu ƴan gidansu suke baya su uku.

Ya tararda gidan cike da mutane kasancewar har yanzu ƴan biki basu gama watsewa ba, balle ma yau Ummi take da niyar yin nata walimar sai dai wannan abun daya faru ya kashe mata jiki, ganin hakan yasa be shigo ba, sai su Meesha da Ƴan Gidansu wato Maryam da Raihanatu da Gwaggo Ramatu, ba laifi tana iya tafiya dan ta samu ƙwarin jiki sosai tsaɓanin jiya da bata da wani kuzari sosai.
  Da kanta take takawa har suka isa bacony ɗin, sannu mutanen da ke cikin falon suka riƙa mata har aka nufi ɗaƙin Ummi da ita saboda Ummi tace a shigo da ita cikin.
Kanta a ƙasa ta shiga ɗakin, dan haka bata iya gane mutanen dake cikin bathroom ɗin sai dai taɓa jin ba Ummi bace kaɗai a ɗakin.

Da ɗai-ɗaya Ummi ta riƙa nuna mata su tan gaishesu a nan Namra take ɗan ɗaga ido ta kallesu saboda ta tantancesu.
   Sai sannu suke mata suna tsinewa Asim Albarka duk da basu san shi ba, domin Ummi ta faɗa musu komai, ganin ƴan'uwanta babu abunda zata ɓoye musu.

“Tashi ki zauna saman gadi magana zamu yi”

Ummi ta faɗa fuskarta da murmushi kamar babu damuwa cikin ranta. Sai duk suka tashi suna dariya tare da cewa basu su bata guri, daman ana ta kiransu su zo su duba Donuts ɗin da ake haɗawa idan yayi. Namra na zaunawa saman gado Hajiya Sadiya ta buɗo ƙofar Bathroom ta fito ta fito.
  Suka haɗa ido da Namra sai ta yi tsaye jikin ƙofar kamar marar gaskiya, Namra kan saurin kawar da idonta tayi saboda bata gama yarda ita ɗince ba ko a'a idan ɗince miya kawo ta nan? Anya ma itace wannan ta rame sosai kamar ba ita ba, duk jikinta nan ya zube ta koma siririya sosai.

“Hajiya Ƙaraso ku gaisa da ƴar ta ki”

Ummi ta faɗa ba tare da ta lura da halin da take ciki ba, cikin kasala da rashin kuzari ta ƙarasa tana kawarda fuska kamar mai jin kunya. Sai Ummi tace

“Kin ga ɗayar nan itama ƙanwata ce”

Cikin nuna ladabi Namra ta gaisheta.

“Ina lafiya wuni”

Ta amsa murya na rawa idanuwanta kuma na cika da ƙwalla.

“Lafiya Ƙalau ya jikin na ki?”

“Alhamdullah”

“Daman ita ce wacce Abdallah ɗin ya aura?”

Ta tambaya tana kallon Ummi.

“Eh itace”

“Yayi sa'ar mata Allah ya baku zama lafiya”

Ummi ta amsa da Amin, sai Namra ta ɗago kai ta kalleta, Hajiya Sadiya ta sakar mata murmushin da yafi kuka ciwo ta juya ta nufi ƙofa.

KU SANI A CIKIN ADDU'AN KU, ALLAH YA BIYA MIN BUƘATUNA KUMA YA YAYE MIN DAMUWA😭🙏Wallahi I'm not in the good mood today, na yi typing ne kawai saboda nasan kuna jira. Pray for me please included me in your addu'ah ba a rubuce nake so ba a cikin five daily prayers naku nake son ku saka ni Alfarmar Annabin Rahama rasululliah salallahu alaihi wassalam 🙏😭
[8/1, 10:44 PM] Khadeeja Candy♥: *94*

“Ƴata Abdallah ya labarta abunda ya faru, nasan ba komai ba ne wannan sai hassada da neman fitina, komai zai wuce karki saka ranki a damuwa, ni dai nasan ni na haifina nasan halinsa kuma nasan abunda zai iya yi da wanda ba zai iya ba, nasan ɗana ba xai aikata irin wannan abun ba, dan haka na yarda wannan tsohon mijin na ki na neman fitina ne kawai”

Namra ta share hawayen daya zubo mata yana kallon Ummi dake mata magana cike da natsuwa da kuma nuna kulawa.

“Allah na miƙawa almurrana, kuma ni dai nasan a kan gaskiya na ke, wallahi ya sake ni kawai yana neman tayar min da hankalin ne kawai”

“Karki damu Allah baya bachi zai shiga a cikin wannan lamarin, Allah ya miki albarka”

“Amin”

“Ɓari naje na duba aikin da ake kar a min ba daidai, ki kwanta ki hutu”

Kai kawai ta iya ɗagawa, sai Ummi ta miƙe tsaye ta fice. Harabar gidan ta fita gaba ɗaya ta duba yadda ake kwaɓa donuts ɗin, sai Hajiya Sadiya ta kamo hannun Ummi suka nufi can ɓangaren garden inda babu mutane.

“Zuwaira na ce ko Namra tace miki wani abu?”

“A'a magana ce kawai muke akan lamarin auren nan da tsohon mijinta ya ɓullo da wannan lamarin”

“Ok na ɗauka ko tace miki wani abun ne, naga kamar zata yi wata maganar”

“Akwai abunda ya kamata ta faɗa min ne? Ita fa lamarin nan gaba ɗaya ya hanata sukuni”

Shiru Hajiya Sadiya ta yi tana sauke ajiyar zuciya.

“To yanzu ya za'ayi wannan lamarin Zuwaira?”

“Shine abunda nake tunani tunda ya tsaya kai da fata shi be sake ta ba”

“Wallahi yaron nan macuci ne, azzalumi ne kuma mayaudari, maƙetaci ne so yake ya shiga tsakaninsu so yake ya raba su, Asim mugun mutum ne wallahi, a lokacin da ka yi masa hallacin a lokacin yake ƙoƙarin cutar da kai”

Sai kawai ta fashe da kuka ta durƙushe, Ummi mamaki ya hanata cewa komai ga sunanshi da ta ambata, duk da bata da tabbacin sunan ne saboda bata taɓa jin sunan ba.

“Hajiya Sadiya kin sanshi ne?”

Ummi ta faɗa tana dafata. Kamar wacce ta tuno wani abu sai tayi saurin tashi tsaye tana share hawaye.

“Eh na taɓa taimakonsa a lokacin baya da lafiya Wallahi yarinyar nan ita tayi ta wahala da shi, kuma ya taɓa min aiki a lokacin ne ma yake faɗa min ya sake ta”

“Alhamdullilah Allah mun gode maka, kema ai sheida ce”

Ummi ta faɗa cike da farinciki. Sai Hajiya Sadiya ta daki ƙirji ta zaro.

“Ni kuma? Dan girman Allah ki rufa min asiri kar ma ki kawo zance na a gaban kowa, wallahi babu ruwana”

Bata tsaya jiran abunda Ummi zatace ba ta nufi gurin mutane gudun kar Ummi ta sake mata wata maganar, ta tsorata sosai ba kuma dan tana tsoron Asim ba sai dan gudun tonuwar Asirinta, ba dan hakan ba babu abunda zai hana ta ballasawa Asim asiri saboda ya cutar da ita.

ASIM POV.

A tsorace abokaninsa suka kai shi Pharmacy aka bashi magani aka saka masa bandeji a wani gurin sannan aka masa allura, sai suka dawo da shi gidansa saboda baya iya tuƙa motar ma, lokacin da suka sauke shi be shiga part ɗin Amaryarsa ba gudun kar taga halin da ya ke ciki sai ya sauka part ɗin Mardiya. Hankalinta ya tashi sosai ganin mijin a cikin irin wannan yanayin mutumen da ya fita lafiya ƙalau ya dawo haka.

Lokacin da ke labartawa Mardiya abunda ya aikata ta cika da tsananin mamakin da al'ajan ita kanta idan bata manta ba ya taɓa faɗa mata ya saki Namra.

“Amman Asim ba ka sake ta ba?”

Ya warga mata wani mugun harara.

“Uban waye ya saketa? Na sake ta zan dawo na ce matatace? Ko da na na sake ta a dole ta bani ɗa na domin da cikina ta gudu, wallahi duk abunda za'ayi sai dai ayi amman sai na dawo da Namra gidana”

“Taya zaka dawo da ita gidanka bayan ta zama matar wani? Ya kake magana kamar wanda baya cikin hankalin kansa”

“Hankalinki na ara na ke amfani, sakaryar banxa a duk ta fiku dan ita ba kuɗi na take so ba ni take so, kuma tana zuwa nan ta samu ciki ku fa kin je ki ɓarar da mahaifarki kin zubar da yaranki tun kamin ki shigo gidan ni nayi nadamar aurenki Wallahi”

Magana yake kamar zai cire haushin dake ransa a kanta. Ita kan zuciyarta ya kawo sosai dan me zai aibantata.

“Karka so ma min maganar banza kana son matarka ka sake ta ka auro ni, ba nan kake faɗar laifinta ba, sai yanzu dan ka gama more jikina sannan zaka ce kayi nadamar aurena? Ai ni ƙara ma da Allah yasa ban haihu da kai ba, mutum kullum sai kusanceka sai dai yabi ta bayanka ba ta inda Allah ya hallata masa ba”

“Ai dan kuɗina kika auri ne ba dan kuɗi na ba zaki aure ni ba, ƴar iskar banxa mai bin mazan waje”

“Ai ni wallahi allura ce cikin ruwa ko da kuɗinka sai da rabonka, yanzu ai ka auro wacce ta fini ko? Gata nan na gani”

“Namra dai zan dawo da ita sai dai ki mutu, ai ga alhakin mutane nan saman kanki kullum cikin gobara kike, ɓarauniyar banza ko ɓera be kaiki sata ba, duk inda nayi ajiya a gidan nan sai kin ɗauka, jahilar banza ashe ma ko karatu baki yi ba, shiyasa kike nan kamar dabba”

Ƙyalƙyalewa tayi da dariya.

“Mahaukacin banza Namra kan ta maka nisa sai gani sai hange daman can ba ajinka ba ce nice daidai kai, Namra kan ta yi gaba shine kake mata hassada ko? To Wallahu kayi kaɗan kai da dawo da Namra a gidan nan sai dai mai sunanta, ko kuma a mafarki daman can baka san tana da martaba sai yanzu”

“Wallahi kika sake wata magana marar daɗi sai na sakeki a cikin daren nan, kuma ki zuba ido ki gani kina cikin gidannan zan daqo da Namra sai dai ki mutu, wallahi ko zaki ran rasa raina ne sai na dawo da ita, ita ai nasan tana so na”

Tsire baki tayi ta tashi ta bar masa gurin zuciyarta cike da ɓacin rai. A daren daga shu har ita da tsoro suka kwana saboda tunanin ko sojojin zasu sake biyoshi su zo gida su hallakashi.

Da safe jikinsa sai ya ƙara yin tsami har idon ɗaya ya kumbura, ɗayan kuma daman tun jiya ya kumbura. Ƙafar da yake tsingilta da ita sai ma ya kasa takata gaba ɗaya.
   Yana son yace Mardiya ta ɗora masa ruwan zafi ya gasa jikinsa amman babu dama tun da sun yi faɗa tun jiya da dare. Haka ta riƙa mulmula saman tabarmar dake falon sai tunanin yadda zai ɓullowa lamarin yake. Yana haka sai ga dogaran Mai Martaba ya aiko a tafo da shi, babu ruwansu da uzuri balle su tausaya masa umarnin Mai Martaba suke bi kuma ya zame musu dole su cika shi. Da aka je da shi can ne Mai Martaba yasa ya kira ƙanen Mahaifinsa da na mhaifiyarsa ya sanar da su halin da ake ciki, sannan ya kira waɗanda suke bakori
ya sanar da su halin da ake ciki. Mai martaba da kansa ya aika da Mota aka ɗauko na bakori sannan ya aika ɗayar a sokoto dan a ɗauko wasu daga cikin familynsa.

LAMIDO POV.

Tun da ana sauran kwana uku a fara bikin Namra ya bar gidan saboda baya son wani abun da zai kusantarda shi ga bikin. Sai dai a gida su Neina basu yi mamakin hakan ba, daman sun sa ran haka zai faru, tausasa masa zuciya kawai neina ta riƙa tana faɗa masa ita da shi ɗin basu dace ba, sai dai ta nuna masa jindaɗinta akan kyautar da Abbah yayi masa na kuɗi yace a kawo musu, ga kuma aikin da yace an samo masa, sai duk suka riƙa murna suna faɗin zaman Namra yayi musu amfani a gidan.

Uwani ce ta riƙa cewa ta so ta ga Namra amarya, daman komai yana da lokaci gashi ya wuce har suke ɗauko zancen zaman da tayi a gidan suna yaba tarbiyarta da kuma irin haƙuri da tayi da zama da Asim duk da basu sanshi.

A duk dare Lamido yana kwantawa da tunanin Namra a ransa, har ga Allah yana son Namra kuma ya so ya aureta saboda kawai ya nuna mata ba duka talaka ne azzalumi ba, kuma yaso ya tarairayeta ya muna mata rayuwar jindaɗi sai dai Allah be nufa ba a dole ya barwa Allah komai. Ko da yaushe yana ƙirga kwanakin da aka ƙara na bikin har aka kai asabar ranar da aka aka ɗaura mata aure, ranar wuni yayi kamar marar lafiya gaba ɗaya yaƙi ya sake ko abinci kasa ci yayi,Neina ta lura da hakan ta saka shi a gaba tana nuna masa halin rayuwa tare da ƴi masa tambihi akan abunda duk Allah be rubuta naka bane ba zai zama naka ba, tayi masa nasiha sosai wacce ta shiga jikinasa kuma ya yarda da hakan ɗin Allah ya ƙaddara babu yadda ya iya.

Ranar Monday da safe Abbah ya kira shi bayan sun gaisa Lamido yake tambayar ya hidimar biki, sai Abbah ya roko masa da zancen yana son su haɗu a Katsina yau.

“Lafiya Abbah”

“Lafiya ƙalau, ina son mu haɗu da kai acan kuma bana son ka rigani isa dan haka ina son ka tashi tun yanzu”

“Ok inshallah, amman a ina zan sauka?”

“Idan ka shiga Katsina ka kira ni”

“Okay Abbah”

Daga haka ya katse kiran zuciyarsa cike da ruɗani, yasan Abbah ba zai nemi ganinsa haka kawai ba, amman kuma me yasa yake son su haɗu ɗin kuma a Katsina? Haka yaƴi ta saƙe-saƙe har yaje ya gaishe da Neina ya faɗa mata sai kawai tayi masa addu'ah ta kuma bashi ƙwarin guiwar zuwa.

Ɗumamen da Uwani ta yi yaci ya kora da ruwan tea sannan ya shiga yayi wanka ya shirya cikin ƙanƙanen lokaci ya kama hanyar Katsina zuciyarsa cike da zullumi, sai dai hausawa sunce karka ji tsoron kira kaji tsoron laifin da ka aikata.

NAMRA POV.

Ummi na fita sai ta ɗalle gadon ta lumshe ido tana da shakar ƙamshin turaren Abdool dake jikinta saboda rumgumar da yayi mata ɗazu da safe. Meesha ce ta turo ƙofar ɗakin ta shigo sai ta shiga bathroom ta haɗa mata ruwan wanka mai ƙamshi da ɗumi, bayan ta haɗa ta fito ta nufo gurin da Namra take ta ɗan taɓa ta kaɗan tana murmushi.

“Adda Namra zaki yi wanka za a maida ƙe gidan Mai Martaba, kuma ga wasu nan zuwa su ganki”

Namra ta buɗe idonta dake cike da hawaye ta miƙe tsaye, sai Meesha ta ɗauko mata tawul sai dai Namra bata ɗaura tawul ɗin ba ta sai da ta shiga bathroom ɗin. Ta samu ƙarfin jiki sosai lokacin da tayi wanka ruwan zafin ya gasa mata jiki sosai, ga ƙamshim turare kamar karta fito.

Ko da ta fito ta samu shadda ash color saman gado aje da mayafi ja kamar yadda aikin shaddar yake, sai kuma kayan ciki wato underwears. Bata shafa mai ba dan bata jin yin wani kwalliya gaba ɗaya hankalinta baya jikinta, sai kawai ta ɗauki shaddar ta saka ta ɗaura ɗankwalin ta ɗauƙi jan mayafin ta yafa ta zauna gefen gado tana murza yatsun hannunta. Sai ga Haleema ta shigo da turen abinci Meesha kuma ɗauke da drinks.

“Ummi tace ki ci abinci Mai Martaba ya aiko kiranku tare zaku je”

“Ba da ita zamu yi walima ba?”

Meesha ta tambaya

“Haka Ummi tace wai ko basa nan za ayi walima”

Tashi suka yi suka bata guri yadda zata samu ta ci abinci. Amman har suka dawo yadda suka bar abincin haka suka tararda shi, Meesha ta lallaɓata akan ta daure ta ci abinci amman ta ƙi ita yanzu ba abinci ne a gabanta ba.

Sai da aka fita da ita aka sakata cikin mota sannan Ummi ta dawo ɗakin ta sake wani shirin ta fito tana kiran Hajiya Sadiya da wata ƴar'uwarta guda ɗaya wacce zasu je tare. Amman sai Hajiya Sadiya ta ƙeƙasa ƙasa ta ce ba zata je ba, aka yi aka yi tace ba zata je, har sauran ƴan'uwanta suka ce a canja aje da wata mata sai kawai Ummi ta kashe ƙafafunta da cewar ai ƙara ita dai tun da Asim ya taɓa mata aiki kuma har tasan da sakin Namra. Ba su ba har Namra sai da tayi mamakin jin kalamin Ummi, domin Asim be taɓa faɗa mata cewar yayi aikin a gurin Hajiya Sadiya ba, sai a lokacin ta tuna da ya taɓa faɗa mata uwar ɗakinsa ai macece. A nan kowa ya saka baki akan ƙara ita taje ɗin saboda tasan shi, sai ta sake nuna ƙin son zuwa ɗin a nan wasu kecewa ko dai tasan da wani abu ne idan ba haka be mai xai haka taje bada shedan akan matar ɗanta tun da Abdool zama ɗa yake a gareta.

“Bama fa lallai Asim ɗin yaje ba saboda Mai Martaba ne ya kira ni yace na zo da ita da kuma wasu ƴan'uwana ba lalle bane ya zama Asim ɗin yana nan, wata ƙila ma wani zancen ne zai yi daban”

Cewar Ummi tana ƙoƙarin kawar da Hajiya Sadiya tunani, sai dai hakan be hana ƴan uwanta tursasa taje ɗin ba. Babu yadda ta iya a dole ta shiga motar aka je da ita, uta kanta ba dan tana gudun abunda zaije ya dawo ba da babu abunda xai hana ta faɗi gaskiya game da Asim.

Suna isa cikin gida sai Ummi tasa direban yayi parking a ɓangaren Mai Martaba dan bata buƙartar shiga cikin gida, daman ita tama manta when last ta ganta a gidan, ba kasafai taje zuwa ba sai idan za ayi wani babban abu. Direban na fakawa ta kira Mai Martaba ta sanar masa data iso, sai yace ta shigo tun da gidan ba baƙonta ba ne.

Suna gaba ita da Namra su Hajiya Sadiya da Hajiya Mairo da Anty Farida suna biye, gaban Hajiya Sadiya kamar ya faɗo ƙasa saboda fargaba da tsoron abunda zata tarar.  Wani Babban falo ne na Mai Martaba wanda ba kasafai yake shiga da mutane ciki ba, a cike suka tararda falon da mutanen amintatun Mai Martaba sai kuma Abbah da Anty Amarya dake zaune a kujera ɗaya, yayinda Abdool yake zaune a kujerar dake kusa da ta Mai Martaba, sai kuma Asim da ke zaune ƙasa shi da Lamido, sai kuma ƴan'uwan Asim.da ke gefe ɗaya zauna, wato yayar mahaifiyarsa da kuma ƴan uwan ubansa su huɗu.

Mai Martaba kuma yana zaune a wata ƙasaitacciyar kujera Mai Kyau da Haske irin da manyan sarakuna. Namra na haɗa ido ta Anty Amarya sai ta fara hawaye, Anty kuma ta sakar mata murmushi kamar ba komai.

   Ummi ta zauna a kujera zaman mutun uku sannan Hajiya Mairo da Anty Farida suka zauna a saman kujerar Hajiya Sadiya kuma ta zauna ɗayar kujerar ta noce kai ƙasa, Namra kuma ta zauna ƙasa.

Asim na ganinta gabanshi ya faɗi, ya rasa yadda akayi ta haɗu da Ummi duk da bsan wacece Ummi sai dai yasan bata rasa nasaba da Namra saboda yaga tare suka shigo, zance ɗaya zuciyarsa ke nanata masa, wata ƙila Namra ce ta faɗi inda take akaje aka ɗaukota, sai kuma wata tambayar ta sake faɗo masa a rai ya akayi Namra ta san yayi mata aiki?

Waziri ne ya miƙe tsaye yana yima kowa sallama sannan ya kalli Mai Martaba ya sake kallon mutane ya ce.

“Muna saba data tara mu a wannan guri saboda jayayyar aure ne, ɗan wannan masarauta wato Yarima Abdool ya auro wata yarinya daga sokoto, kamar yadda kowa ya sani wannan yarinya bazawara ce, kuma sai da ta shekara ɗaya a gudansu har da wata uku sannan aka ɗaura mata aure da Yarima, bayan an taho da ita a nan Katsina sai Tsohon mijinta ya taso da zancen cewar shi be saki Matarsa ba, kuma har yana iƙirarin akwai ɗa ɗaya a tsakaninsu, a bisa wannan ne Mai Martaba ya tara mu saboda aji bakin kowa”

Waziri ya koma ya zauna, sai Mai Martaba ya kalli Asim ya ce.

“Ko zaka iya faɗa min dalilinka na cewar kai baka saki matarka ba?”

Asim babu kunya babu tsoron Allah ya soma magana ko tsoro baya ji.

“Allah ya taimakeka ni ban saki matata ba, idan har na sake ta dole ne na mata takardar sakinta, kuma babu yadda za'ayi na saketa bayan tana ɗauke da cikina kuma ni mai tsananin son haihuwa ne, ni dai nasan rigima ta shiga tsakani da ita har na dake ta kuma na ta gudu amman ni ban sake ta”

Malamin faɗa ya ɗaga hannu. Sai Mar Martaba ya bashi izinin magana, daga inda yaƙe zaune ya aikawa da Asim da tambaya.

“Yaro karka ruɗi kanka kar kuma kayi wasa da hankalinka, idan har ta gudu miyasa baka bita ba har tsowon wannan lokacin ka ƙyaleta”

“Saboda na san iyayenta basa so na ko naje masan ba zasu bani ita ba”

Kowa sai ya girgiza kai. Malamin ya kalli Namra ya ce.

“Allah shi taimakeki ɗaga baki ki yi magana”

Namra ta ɗago hawaye na bin idonta.

“Idan har yasan ina ɗauke da cikinsa miyasa be bini ba har aka shekara be binciki inda ɗansa yake ba? Taya zan haihu ba a neme shi ba bayan kuma cikinsa ne? Tabbas Asim ya sake ni sanadiyar cikin da naƙe ɗauke da shi saboda yace na zubar na ƙi sai ya sake ni yana faɗa min shi be tashi haihuwa yanzu ba, a sanadin hakan na bar garin Katsina na koma kaduna da zama duk da yake bana da kowa a can, amman sai Allah ya haɗa ni da mutanen ƙwarai wato iyayen Lamido agidan cikina ya ɓari, kuma Lamido gashi nan zaune zai iya bada sheda”

Lamido yayi shiru har sai da idon kowa ya dawo kansa.

“Gaskiya ne wannan, a gidanmu cikinta ya zube, kuma mahaifiyarta ita ce tayi mata komai, na rantse da Allah cikin Namra ya ɓare a gidan mu, na fi tsoron Allah da kowa”

Namra ta lumshe ido tana jin wani rin sanyi a ranta. Ummi ta ce.

“Mai Martaba wannan ƙanwata ce Hajiya Sadiya kuma ka santa, itace wacce wannan yaron yayi aiki a gurinta kuma ita ma tace tasam lokacin da ya saki Namra”

Hajiya Sadiya ta kar da ido tana kallon Asim shi ma yana kallonta kallo-kallo akuya kallon kura.

“Tabbas ya sake ta saboda ya faɗa min a lokacin, har ma na nemi ya dawo da ita amman yaƙi”

“Ke macuciya karki soma samin bakinki a nan, Mai Martaba wacan Matar da ka gani ba musulmar ƙwarai bace, a cikin ƙungiyar asiri take kuma tace Maida Namra ne sabosa tana son ta bada jininta”

Subhanallah kowa ke ta faɗi ana masa kallon marar hankali. Ita kuma ta soma haukace masa.

“Saboda na faɗi gaskiya sheri zaka min? Amman Asim baka da mutunci duk hallacin da na maka?”

“Hallacin me kika min? Kika haɗani da ƴan luwani ko kuma jinin mahaifiyarta da kika shanye, Mai Martaba wannan matar da ka gani itace ta bani apple tace na bawa Namra sai gashi mahaifiyata ta ci ta mutu, kuma ta sake bani wani ni kuma na bawa ƴarta Nabila ta mutu, kuma Wallahi ba ƙarya na ke mata ba, sanadin hakan ta rasa lafiyar jikinta, kuma tiyatar da aka mata saboda maɗigon da take aikatawa ne tana shan Sperm sai ya zame mata kamar ƙanƙara sai da aka mata aiki aka cire shi, wallahi ƴar ƙungiyar Asirice duk ta cinye ƴaƴanta, dan haka ni ban yarda da ita ba”

Mai Martaba ya ɗaga masa hannu.

“Ba shi ya tara mu a nan ba, ko minene acan yake tsakaninku”

Kowa a falon ya cika da mamaki, wasu na masa kallon marar hankali, Hajiya Sadiya kam kuka kawai take tana cewa sai ta yi ƙararsa, Ummi da Mairo kuma mamaki suke, saboda akwai ƙamshin gaskiya a maganarsa. Wata muguwar harara Abdool yake watsawa Asim kamar ya tashi ya shaƙe shi.

Malamin faɗa ya gyara zama yana kallon Asim ya ce.

“Kasan idan aka samu irin wannan matsalar ana zartarda hukumcin rantsuwa ne, saboda haka zaka rantse da alƙur'ane akan kai baka saki matarka ba, saboda kai ne kake jayayya”

Ba shiri Asim ya saki baki yana kallon Malamin.
[8/3, 9:06 PM] Khadeeja Candy♥: *95*

Kallon Malamin yake kamar wanda be fahincin abunda yake faɗa ba, taya zai rantse bayan yasan rantsuwa zata iya kama shi, musamman idan da ƙur'ane ne dama ace ba da alƙur'ane ba da zai iya rantsewa da wallahi ko billahilazin saboda yana tunanin kamar su ba zasu ci shi ba.

“Ni ba zan rantse ba sai dai Namra ta rantse...”

Duk kallonsa suka yi suna mamakin kalaminsa, Abdool ya katsa masa tsawa cikin wani irin zafin rai.

“Karka rainawa mutane hankali a nan gurin, Mai Martaba zai ce ka yi abu kace sai dai wani yayi, wani irin mahaukacin mutun ne kai, idan har kana da gaskiya miya hana ka rantse, idan baka rantse a nan ba zaka rantse a kotu saboda hukuncin da aka maka a nan shi za a maka a can”

Waziri ya ɗaga masa hannu.

“Allah ya huku zuciyarka Yarima Allah ya baka haƙuri”

Ba jikin Asim ba har anta cikinsa rawa take saboda tsawar da Abdool yayi masa ga fuskarsa babu annuri. Sai a yanzu ya gano kuskuren da yayi na saka kansa cikin wannan matsalar, idan har ya ƙaryata kansa yasan dole ayi masa hukunci saboda yayi wasa da hankalin Sarki ne da kuma ɗan sarki har ma da jama'ar faɗa gaba ɗaya, sannan za a tukume shi da laifin tada husuma a gurin walimar babban mutun kamar Abdallah, bayan kuma kuma Namra zata nesance shi har a bada.
  Idan kuma ya rantse yasan Allah ba zai barshi ba, sai dai yasan Allah gafurun rahimun ne zai iya yafe masa idan har yayi rantsuwar idan ya koma gida sai ya tuba, shine abunda yake ta saƙawa a zuciyarsa.

“Kai ɗan takalawa, buɗe ka yi magana ko kuma faɗa ta hukunta ka yanzu”

Cewar ɗaya daga cikin manyan faɗar a tsawace yana kallon Asim.

“Ni ba zan rantse ba, sai dai ita ta rantse saboda ita tayi jayayyar cewa na sake ta, bayan kuma ban sake ba, har taje ta yi wani aure, ni dai a iya yadda nake jin labarin faɗar nan ance min Mai Martaba mutun me mai adalci da kamanta gaskiya, shiyasa nayi iƙirarin gaskiyata saboda nasan za a ƙwatar min haƙƙina, da ace wani sarkin nin tsaɓanin wannan babu abunda zai ya fito nayi wannan maganar sai dai na barta da Allah”

Ya faɗa yana ƙoƙarin kwashe ƙafafun Mai Martaba, saboda yasa Namra ta rantse ba shi ba. Abdool ya buɗe baki yayi magana Mai martaba ya ɗaga masa hannu.

“Wannan maganar ta tsaya a haka, idan har muka cilasta wannan yaron yin abunda be tashi ba to mun shiga haƙƙinsa, dan wannan faɗa mai adalci zata bashi damar shigar da ƙara kotu domin tantance wanda yake da gaskiya tsakaninsu”

Abbah ya ɗaga hannu, sai waziri ya ce

“An baka dama farin mahaifi uba ga Gimbiya Namra”

Abbah ya kalli Namra dake kusa da Ummi zaune ya ce.

“Mamana tashi ki yi alwala ki rantse”

Babu wanda be yi mamaki furucin Abbah ga Namra ba, sai dai hakan ya karantar da kowa cewar gaskiya ce Abbah yake son ya buɗe. Namra kamar daman jiran Umarni kawai take sai ta miƙe tsaye ta nufi hanyar fita duk da bata san hanyar da zata sadata da banɗaki ba ko kuma wani gurin makamancin wannan. Hanyar da Ummi ta biyo da ita ta bi tana tafiya har ta fito part ɗin ba, sai barorin dake tsaye habarar gidan suna shanya tufafi suka rugo da gudu suka zube ƙasanta suna kwasar gaisuwa.

“Allah ya taimaki gimbiya ko da wani abun da kike buƙata ne”

Ɗaya ɗaga cikinsu ta faɗa.

“Banɗaki za a kai ni alwala zanyi”

Ta faɗa tana share hawayen da bata san sun zubo mata ba sai a wannan lokacin.

“Yana ta nan Gimbiya”

Sai suka shiga baga tana biye har suka shiga part Hajiya Shafa, a nan wasu Barorin ne suka zube suna ɗubar gaisuwa, Namra zata buɗe baki ta yi magana sai wata daga cikin barorin ta rigata.

“Allah ya taimaki Gimbiya Farida, Gimbiya Namra zata shiga banɗaki ne”

Gimbiya Farida ta miƙe tana aje wayar dake hannunta ta riƙa Namra.

“Muje ta nan”

Tare suka shiga wani ƙaton ɗaki Mai cike da kayan more rayuwa sannan ta kaita bakin ƙofar Bathroom ɗin ta buɗe mata.

“Bilmillah Amaryar mu”

Ta faɗa fuskarta da murmushi Namra tayi bismillah ta shiga, sai da ta fara tsarki sannan ta yi alwala ta fito, a bakin gadon ta samu Farida zaune tana kallon ƙofar ɗakin kamar mai nazari.
  Zuwa tayi ta riƙa Namra suka fita tare, ita ta rakata har part ɗin Mai Martaba sannan ta juya ta koma, sai waiwayen Namra take.

Hasbunallahu wani'imal wakil Namra ta karanta sannan ta saka ƙafarta ta shiga falon.
Duk kallon sai ya koma kanta, ita kuma dubanta yana gurin Malamin faɗa dakw riƙe da ƙur'anen fuskarsa da ruwa da alama shi ma alwalar yayi, ƙarasawa tayi ta karɓi alƙur'ane ta riƙe tana kallon Asim ido cikin ido, kamin ta kawarda fuskarta ta kalli Malamin dake karanto mata yadda zata faɗa. Ƙur'ane ta ɗaga sama ta soma ƙaranto rantsuwar kamar yadda Malamin ya faɗa mata, sai da ta rantse sau uku sannan ana ƙarshen tace.

“Ya Allah ka nuna mai gaskiya tsakanin ni da shi”

“Allahu akbar Innalillahi wa'inna ilaihi raji'un”

Shine  abunda kowa ya faɗa yana girgiza kai, Asim kan idonsa tsaya dake laƙe suka ƙara fitowa gumi ya soma keto masa ta ko ina.

“Amman Namra baki tsoron Allah da gaske baki so? Yanzu sai da kika rantse? Ni ban sake ki Amman tun da kika rantse amana zata kama ki”

Abunda Asim ya faɗa kenan muryarsa na rawa kamar wanda ya ruɗe. Sai Yayan Mahaifinsa ya soma masa faɗa tana Allah wadan da halinsa. Sai kawai ya soma rantse-rantse.

“Wallahi Baba ban sake ta, idan kuma har na sake ta kada Allah ya tayar da ni a nan gurin lafiya”

Kowa sai mamaki ya kamshi tsakanin ita da shi waye mai gaskiya, ita tayi rantsuwa da Alƙur'ane akan hakan shine gaskiyarta, shi kuma yace idan ƙaryar yake kada Allah ya tayarda shi lafiya, sai dai kowa yasan dole akwai wani abu ya faru da ɗayansu wanda baya kan gaskiya.

Tun da Namra ta soma rantsuwar Abdool ya rumtse idonsa yana saurarenta muryarta, zuciyarsa kuma cike da tsanar Asim. Maganar da Malam ya fara ne yasa shi buɗe ido.

“Tun da har Namra ta rantse akan ka saketa, ya tabbata aurenta da Yarima Abdallah yana nan, idan kuma har akan ƙarya ta rantse to Allah zai nuna mata isha dan Allah ba abun wasa ba ne, daman ana samun irin wannan matsalar idan har miji yayi jayayyar shi akan sashi rantsuwa ne, idan kuma mata tayi musun haka akan sata ra rantse ne, duk wanda yake akan gaskiya Allah ya sani kuma zai masa hukunci. Saboda haka akwai aure tsakanin Yarima Abdallah da kuma Gimbiya Namra, idan kuma har yana da ja akan hakan zai iya zuwa kotu saboda tabbatar da gaskiyarsa”

Allahu akbar suka faɗa. Asim kuma ya girgiza kai yana kallon Namra hawaye na bin idonsa ya ce.

“Da gaske ba zaki dawo gareni ba kenan! Ko da ke kika rantse, shikenan na rasa ki har a bada”

Cikin wani irin zafi rai Abdallah ya miƙe tsaye sai Mai Martaba ya ɗaga masa hannu alamar kar yace komai ko ya aiwatar da wani abu.
Mai Martaba yayi gyaran murya yana kallon Asim.

“Yaron ka gamsu da wannan hukuncin da akan yanke?”

Ya gyaɗa kai hawaye na masa zuba.

“Na gamsu ranka ya daɗe, tabbas na yi kuskure”

Ya maida dubansa gurin Namra da itama hawayen ta ke.

“Ina son ki faɗa min gaskiya tsakanin ki da Allah, zubar da cikin nan kika yi ko kuma ɓarewa yayi?”

“Babu dalilin da zai sa na zubar da ciki Asim, da ace zan zubar da na yarda na zaɓi zama da kai na zubar da cikin kamar yadda ka buƙata, cikin ya zube ne ta dalilin matsalar da nake da ita a mahaifata na rashin tsayawar ciki”

Murmushi yayi tana tuna lokacin da ya cilasta mata zaɓen cikin ko kuma aurenta, lokacin da yake iƙirarin be shirya haihuwa ba, yanzu kuma yana kan nema Allah be bashi ba, a tunaninsa idan har Namra ta rantse to za'ace ta koma ɗakinta ne, yana tunanin kamar yayi mata wayo yadda rantsuwar ba zata kama shi ba.

“Na gode Mai Martaba da ka saurareni Allah ƙara maka lafiya”

Ya faɗa kamar ba shi ba, gaba ɗaya jikinsa yayi la'asar ya saduda da lamarin dan yasan ya rasa Namra har a bada, bayan kuma yanzu ne yake jin mashin son ta na sukar zuciyarsa, yasan nan Mai Martaba yayi masa da sauƙi ne idan aka je kotu shi za a saka ya rantse, duk da yasan Abdool ba zai ƙyale shi ba.

“Baba ku tashi muje”

Ya faɗa yana fashewa da kuka. Sai duk suka miƙe tsaye jikinsu na rawa suka yi ma Mai Martaba sallama suka bi bayan Asim da ya rigasu fara tafiya. Kamar jira ake ya kai bakin ƙofar fita falon sai gashi yayi waɓi mugun faɗuwa kamar wanda aka kwashewa ƙafafu, Subhannallahi ƴan uwansa suka riƙa faɗa suka ƙarasa da sauri suka mashi suka tayar tsaye, amman sai ya kasa tsaye ƙafafunsa suka murɗe kamar an shanyesu, a nan kowa ya ƙara girmama Allah a take ishara ta bayyana iƙirarin da yayi na cewar idan ƙarya yake kada Allah ya fitar da shi lafiya ya kama shi, da ace ma shine yayi rantsuwa kamar yadda Namra ta yi da take zai faɗi ya mutu saboda bashi da gaskiya, da kama-kama suka fitar da shi.

Falon yayi tsit kamar ba kowa sai lamarin Allah suke jinjunawa, bayan kamar mintuna goma Mai Martaba ya ɗaga kai ya kalli kowa da ke cikin falon ya ce.

“Allah kenan ba a masa wasa, wani lokacin ɗan'adam muna da rauni da gazawa, da kuma isgili da gajin haƙuri, bayan ba mu wuce Allah yace mana ku mutu mu faɗi mu mutu ba, ko da beyi wannan isgilin ba dole ne yaga ba dai-dai ba saboda ƙoƙarinsa na raba auren sunna da kuma ƙoƙarinsa na saka auren cikin rikici.

Nasan hakan zai faru, dole ne a cikinsu akwai mai gaskiya, walau ita ko kuma shi yana ɗaya daga cikin dalilin da yasa na hana Abdallah yi masa komai saboda za ayi duban kamar shi Abdallah baya da gaskiya ne ko kuma an zalumce amman yanzu shi kansa ya san tsakaninsa da Allah ne ba da mu ba, ƙara Allah yayi masa sakamako da ace nan aka cutar da shi, nasan zuciyarka ta kawo Abdallah zaka iya masa komai ido a rufe, sai dai ko da yaushe ina yawan faɗa muku da ku cuci mutum ƙara ka bari shi ya cuce ka, kar ka yarda ka ɗauki haƙƙin wani ko kuma ace haƙƙin wani yana kan ka, Ubangiji yana yafiya, amman baya yafe laifin wani akan wani, kuma duk lokacin da kaci amana ko haƙƙin wani ya hau kanka zaiyi ta cinka ne a dukiyarka ko lafiyarka sannan kuma idan kunje lafiya Allah ya karɓa masa haƙƙinsa.

Ko wace rayuwa tana zuwa da jarabawa, wani lokacin aka gwada mutun dan a auna imaninsa, kuma aga iya tawakkalinsa da haƙurinsa, abunda duk haƙuri be baka ba to rashinsa ba zai baka shi ba, da ace ba ayi haƙuri ba da yanzu ba kawo nan ba, kuma daga ƙarshe ba za a ga abunda ake so ba. Ina addu'ah wannan aure Allah yasa masa albarka kuma ya kawarda duk wata fitina da zata zo nan gaba, Allah ya muku albarka, kuma yau Namra zaki kwana ɗakinki da yardar Allah”

Nasihar Mai Martaba ta ratsa zuciya da jikin duk wanda ke cikin falon, tabbas mai martaba yayi musu nasiha mai haɗe da wa'azi a lokaci ɗaya.

Hajiya Sadiya ce ta riga tashi ta fice daga falon, sannna Ummi ta tashi tare da Namra suka yi ma Mai Martaba sallama, sannan suka fito, jingine da mota suka samu Hajiya Sadiya tana hawaye, har sun buɗe motar sun shiga sai Ummi tace a ɗan jira kamar tasan Mai Martaba zai aiko kiran Namra, sai ga Waziri da kansa ya zo ya faɗa ma Ummi cewar Mai Martaba yana kiran Namra, sai Ummi tace ta buɗe mata motar ta fito ta bi bayan waziri. Falon da suka fito suka koma sai dai wannan karon babu kowa sai Anty Amarya da Abbah, da alama Mai Martaba ya basu dama su tattauna ne, waziri ma yana kawowa bakin ƙofa ya kama gabansa.

Ƙarasa Namra tayi cikin kuka ta faɗa jikin Anty Amarya da ke murmushi ta rumgume ta.

“Mamana kenan kin ga rayuwa, wannan duka sharar fage ne alamu ne na rayuwar jindaɗi da farinciki tana nan tafe, Allah ya miki albarka”

Bayan abunda Abbah ya faɗa sai Anty ta ɗora da nata nasihar akan rayuwa da kuma zaman aure kamar yadda tayi mata a can gida. Abbah ma sai da ya kara mata da wani abu, sannan suka mata sallama saboda yau zasu koma, aiko nan Namra tasa musu kuka kamar zasu yi rabuwar har abada har Anty sai da tayi kuka, sai da Ummi ta shigo.ta fita da ita sannan ta tsagaita kuka da take. Sai dai Hajiya Sadiya kan har aka koma gida kuka take, a motar Hajiya Mairo ke ce mata ta barsa da Allah ai ga amana nan ta fara kamashi, a tunaninta Hajiya Sadiya tana kuka ne saboda ƙazafin da Asim yayi mata.
  Ko da suka isa gidan ana shirye-shiye fara walimar da Ummi ta shirya zata yi, wasu tufafin Ummi ta ɗauko ma Namra sanna aka kora Mai Makeup cikin ƙanƙanen lokaci da canja mata kamanin zuwa na amare, sannan ta ɗaura mata ɗankwali.

Fauza da Haleema ne suka riƙa hannun Namra suka fita da ita gurin walimar suka zaunar da ita a muhallin da aka tanada na zaman Amarya. Kowa ya fita zuwa gurin Walimar banda Hajiya Sadiya da ke ƙunshe cikin ɗakin tana aikin kuka, sai kuma Ummi dake cikin gida tana gyara wasu abubuwan, sai da Hajiya Sadiya ta tabbatar hankalin kowa yana can gurin walimar sannan ta suɗaɗa ta fita ta bar gidan gaba ɗaya.

Anyi walima lafiya, kuma an tashi kowa na sam barka da yabawa. Bayan mutane sun watse ne Ummi tasa Namra a mota ita da su Maryam da Raihanatu da kuma Gwaggo Ramatu aka maida su masaukinsu tare da sauran mutane da suka zo walima, bayan sun koma gida ne Namra take labarta musu abunda ya faru.

ASIM POV.

Babu mai mota a cikinsu kasancewar Mai Martaba shi ya aika aka ɗaukosu hara Asim ɗin, a dole tasa sai da suka fita masarautar gaba ɗaya sannan suka samu Napep suka hau, sauran kuma suka hau wata Napep ɗin ana shawarar inda za a kai shi, wasu su ce asibiti wasu kuma su ce gida ya kamata a barshi albashi sai a fidda masa konon rantsuwar da yayi. Daker aka shiga Napep ɗin da shi saboda ƙafafunsa da basa tafiya, ko da suka isa fida a wahale yake saboda shi kaɗai yasan abunda yake ji a jikinsa.

A falon Amarya aka aje shi a take ta bada kuɗi aka je aka siyo gero aka cire masa kono sai dai abunda basu gane ba ai ba shi yayi rantsuwarba, shi isgili yayi na cewar kada Allah ya tashe shi lafiya idan har ƙarya yayi. Babu irin kuka da Mardiya ba tayi ba sai nanata zancen take wai daman tasan haka zai faru tun da yace be sake ta bayan kuma ya san ya sake ta.
Ganin har rana ta faɗi babu wani sauyi, yasa suka ɗauke shi zuwa asibiti, ana kiran magariba aka bashi gado, likitoci suka shiga bashi taimakon gaggawa, sannan suka tura shi ɗakin hoto. Allura suka masa a nan ya samu bachi.

***

Ƙarfe tara dai-dai aka jera motoci ƙofar gidan da su Namra suke wato masaukinsu. Hajiya Shafa da wasu family na mai Martaba suka shiga ciki suka yi bikon amarya da kuɗi da kuma siyayya.
Ana guda aka fito da Namra tana cikin lifaya  fuskarta a lulluɓe, sai ƙamshin turare take.
   Barorinta suka buɗe mata mota ta shiga sai aka maida ƙofar motar aka rufe, sai sauran suka shiga sauran motocin, aka akama hanyar gidan Mai Martaba da ita, lokacin da aka shiga da ita faɗar Mai Martaba na shaƙe da mutane da kuma talakawa, sai ta yi gaisuwar ban girma Mai Martaba yayi musu addu'a sannan aka shiga ɗakin ɗayar matarsa tayi musu addu'ah sannan aka yi canji mutane da wato mutanen da suka je bikonta ba su zasu raka ta ɗakinta ba.

Ko da aka isa da ita ɗakinta shaɗaya har ta gota, babu wanda beyi mamakin ganin irin gidan da aka kaita ba duk kuwa da kasancewar dare ne, baka iya banbance shi da rana saboda hasken da gidan ke da shi, yanayin gidan zuwa fenti da kwaliyar gidan duka irin na masarautarsu ne yayi, wani abun burgewa kuma yadda aka ƙawata gidan da komai fari kamar fentin gidan, wato furnitures da aka zubawa Namra komai fari ne har labulayenta, da center carpet, kai har agogon bangonta fari ne, duk inda suka yi masu camera na biye suna ɗauka, tun farkon fitowarta har zuwa gaisuwa da kuma kawo ta gidan.

A ɗakin da yafi ko wannne haɗuwa aka kaita, kasancewar ɗakuna biyar ne a gidan kuma ko wanne sai da aka saka masa kaya, sai ta hau tsakiyar gadon ta zauna, kanta lulluɓe da mayafi. 
Wasu daga dangin ango suka mata Allah sa albarka suka fice, sannan wasu daga ƴan'uwanta suka kama hanya, sai aka bar Maryam kawai sai Raihanatu da kuma wata ƴar'uwarsu Husaina.

Bayan kamar minti talatin sai suka soma jin busa da algaita da kirari irinta ta ƴaƴan sarakuna, shi ma mai nasa video yana biye da shi yana ɗauka. Har aka shigo da shi cikin ɗakin, sai ya zauna bakin gado yana ƙamshin turare, fuskarsa ta sha rawani kamar Mahaifinsa.  Abokaninsa sai zolayarasa suke shi ko bakinsa har kunne.

Nasiha suka musu akan zamantakewar aure da kuma haƙuri, masu auren cikinsu sai zolayar samarin suke, wasu kuma na zolayar Abdool wai ango sai sha mai. Sai da suka ga shabiyu ta gota sannan suka musu addu'ah da fatan alheri, sannan suka saka Maryam da waɗanda suke tare gaba, har wasu na cewa suna son Maryam a zatonsu budurwa ce.
[8/5, 7:03 PM] Khadeeja Candy♥: *96*

Bayan abokansa sun wuce Abdool ya tashi ya rufe ƙofor falo ya dawo ɗakin fuskarsa da murmushi, rawanin kansa ya fara cirewa ya aje sannan cire babbar rigarsa.

“Amaryata wacce ta wacce amarya tsada”

Ya kai hannu zai yaye gyalenta, sai ta matsa baya ta ƙara jan gyalen ya sauko. Matsawa yayi kusa da ita ya sake miƙa hannun sai ta kauce hannunta mai zanen lalle ta ziro masa. Murmushi yayi yasa hannunsa aljihu ya ɗauko wani ɗan ƙaramin box ya ɗora mata saman hannu, sai ya miƙa hannun ya yaye mata mayafin. Idonta a rufe fuskarta ɗauke da murmushi

“Har da idon sai na siya...?”

“Ai kace wannan amaryar ta fi ko wace Amarya tsada”

Murmushi ya sake yi sai ya cire tsadadden  agogon hannunsa ya ɗora mata saman hannu, sai a lokacin ta buɗe ido ta saka su cikin nashi haƙoranta a washe.

“Kin manta ban siye murmushin ba”

“Maganar ma ai baka siya ba an yi maka nasiha ne kawai”

Hannu ya kai ya riƙa gefen fuskarta yana shafa shi da babban yatsansa.

“Godiya ga Ubangijin da ya mallaka min wannan halittar, lallai na fi ko wane Namiji sa'a a duniyar nan”

“Kana koɗa Namra da yawa, har kana sa tana jin kamar ta fi ko wace mace zama sarauniya”

“Na haɗu da mata da yawa ciki da wajen ƙasar nan amman babu wacce ta sace min zuciya sai Namra, she ko ma ƙaramar sarauniyace ba”

Lumshe ido tayi tana murmushi. Box ɗin ya amsa ya buɗe ya fiddo zobe mai kyau ya kama hannunta ya saka mata.

“I Love you so Much Abnam”

“Na gode sosai”

Matsawa yayi kusa da ita.

“Godiya kawai? Ai hausawa na cewa yaba kyauta tukuici”

Ta rufe fuskarta domin ta gano ma'anar zancensa. Shi ma dariyar ya yi, ya jata ƙirjinsa ya rumgume, a hankali ya sauke numfashi ya ɗora kansa kaman nata.

“Gani komai nake kamar a mafarki, ina tuna lokacin da na fara ganinki irin halin rayuwar da na shiga saboda ke kuma gashu yanzu komai ya zama tarihi, inshallah ni ne mijinki ke kuma matana har Aljanna”

Lafewa ta yi a ƙirjinsa kamar babu wanzuwarta a doron ƙasa, gudun zuciyarsa take sauraren tana auna yada nata zuciyar yake hawa da sauka tare da ta shi.
  Sun daɗe a haka sannan ya ɗagota ya mata kiss saman ido.

“Karki min bachi saman jiki kisa na ƙarye”

Tayi dariya tana bugar masa chest.

“Ouuuuch”

Ya faɗa yana kanne mata ido ɗaya. Shi ya fara sauka saman gadon sannan ya miƙa mata hannun, ta riƙa hannunsa ta sauƙo suka shiga bathroom ɗin tare, shi ya fara alwalar sannan ya taimaka mata ita ma tayi suka fito. Sallaya biyu ya shinfiɗa ɗaya a gaba ɗayar kuma tana baya da shi kaɗan.
  Mayafinta ya ɗauka ta rufe jikinta kasancewar fafaɗa ne kuma mai kauri. Yana gaba tana biye har suka yi raka'ah biyu, sannan suka sallame. Hannunsa ya ɗaga masa ya riƙa kwaroro musu addu'ah tana amsawa da amin sanna suka shafa, sai ya juyo ya kalleta.

“Hajiya Akwai wata sunnar bayan wannan?”

Ta zare masa ido. Sai ta gurgiza masa kai alamar a'a. Dariya yayi ya tashi ya ɗauko ledojin da gefen gadon ya kawo gabanta ya aje, sannan ya fita daga ɗaga ɗakin gaba ɗaya. Be ɗauki dogon lokaci ba sai gashi ya dawo da plate da cup ta aje a gabanta sannan ya zauna yaja ledar ya buɗe ya fido ƙatuwar kaza ta ɗora saman plate ɗin sai ya mayardar ragowar gajin a gefe ɗaya, ya buɗe madara ya zuba musu a cup ɗaya sannan yasa hannu ɓare kazar ya soma kai mata a baki. Kawar da fuska ta yi tana murmushi.

“Ki taimaki bawan Allah nan ki bar shi ya ciyarda dake a wannan daren da yafi ko wane dare muhimmanci da daraja a gareshi”

“Na hutar da kai, zan iya wannan aikin”

“Ai bana son hutun ne, idan dare ya lula ke da kanki zaki min kukan gajiya ki neman na hutar da ni, amman ba yanzu ba yanzu ai ai ba aiki na ke ba”

Ta ɗan fiddo ido tana kallonsa, sai ya kanne mata ido ɗaya, ba shiri ta buɗe baki tana mamakin yadda yake ƙoƙarin faɗar maganganu kai tsaye. Hakan ya bashi damar saka mata naman a bakin.
  Cikin so da ƙauna yayi feeding ɗinta, sai da ya tabbatar ta ƙoshi sannan ya cilasta mata ita ma ta yi feeding ɗinsa a dole ba dan ranta ya so ba, bayan sun ƙare ya kwashe plate ɗin ya buɗe wardrobe ya fiddo kayan bachi kala ɗaya amman na maza da mata, na matan ya miƙa mata shi kuma ya shiga ƙoƙarin zame kayan jikinsa ya canja zuwa na bachin sai ta zaro ido.

“Wai nan zaka canja su?”

“To miye? Naga an zama ɗaya”

“A'a da saura, bari na baka guri ka canja”

Wani shu'umin murmushi yayi har da cije baki.

“No ba sai kin fita ba, bari na baki guri ki canja nima kuma sai na canja a wani ɗakin ko, ƙina da gaskiya ai ba mu zama ɗaya ba amman mun kusa raba gari”

Ya fice yana dariya kamar ba shi ba. Yana fita ya ɗauki kayan bachi da zimmar canjawa sai ta ga ɗan ƙaramin wando sai wata fikicar riga iya cibiya sai kuma babbar mai kamar rariya wacce zata rufe jikin gaba ɗaya. Mayardar kayan ta yi ta aje taja gyalenta ta ƙara rufe jiki.

Shima irin kayan bachinta ne jikinsa bancanci shi baya da wannan ficikar rigar ƙirjinsa a sake yake. Tana kallonsa gabanta yayi mugun faɗuwa, ta razana sosai kamar bata taɓa ganin ƙirjin namiji a waje ba, yana doso inda take ƙanshin turaren da ya saka ya riƙa dukan hancinta, ko da ya ƙaraso kusa da ita ta rufe idonta gan numfashinta har rawa yake.

“Baki canja kayan ba?”

“Da wannan zan kwanta”

Ta faɗa ba tare da ta buɗe idon ba.

“To tashi ki hau gadon ki kwanta”

“Na fi jindaɗi a ƙasan”

“Ƙasa zamu kwanta kenan”

“A'a kai ka kwanta saman gadon, ni na kwanta a ƙasa”

Duk maganar da sukw bata yarda ta buɗe idonta ba. Shi kuma ya lura da hakan.

“Look Abnam karki tauye kan ki, ni ba baƙon tsanani ba ne, ma zan zo na takurawa masu gida ba, idan kina son kwantawa saman gadon kawai ki kwanta”

Ta yi saurin kwantawa a gurin.

“Ni ko gida ƙasa na ke bachi”

Ya ɗaga gira ɗaya like serious. Ya sauko da bedsheet ɗin ƙasa.

“Tashi a shimfiɗa”

“Dan Allah Abdallah ka bar ni nan”

Ta faɗa kamar mai shirin yin kuka. Sai kawai yayi murmushi ya mayardar bedsheet ɗin ɗale saman gadon ya jefo mata matashin kai.

“Gashi nan kar na matso kuma ki ce wani abun zan miki, amman kin san shure-shire baya hana mutuwa ko?”

Sai a lokacin ta buɗe ido ta ɗauki filon ta tare kanta ta yi rufa da gyalenta. Hannu ya kai gurin kan bed ɗin ya kashe wutar ɗakin.  Wani tsoro ne ya ƙara baibayeta, kwatakwata ta manta da irin rayuwar da ta yi a gidan Asim, ta fi jin sakewa da shi fiye da Abdool wata ƙila saboda yanayin hallitarsu ba ɗaya ba.

“Ka kunna wutar man...”

Bata ƙarasa rufe baki ba taji mutun a bayanta yasa duka hannayensa yajata jikinsa ya rumgume ta. Sai ya kawo bakinsa dai-dai kunnenta.

“Shiiiiiiii ba wani abun zan miki ba, kawai dai ba zai yayu nakwana da mace ɗaki ɗaya ba kuma ace mu kwana a rabe ba, kawai ina son jinki ne a jikina that's all”

A dole ya gunɗe bakinta ta rumtse ido, tana jin yana ɗan taɓa ta amman ta haƙura har bachi yayi gaba da ita. Washe gari ta rigashi tashi saboda bachin rabi da rabi tayi ko da aka kira assalati idonta huɗu ba ma biyu ba. Tana unƙurin tashi sai shi ma ya tashi saboda tana a ƙirjinsa ne duk wani numfashinta yana ji balle kuma motsinta.

Sai da ya fara shiga bathroom ɗin yayi wanka da alwala sannan ita ma ta shiga ta yi alwalah, tare suka yi sallah sannan ta koma bachi, shi kuma ya buɗe ƙur'ane dake cikin wayarsa ya soma karatu, ba shi ya tashi daga gurin da yake ba sai da aka buga masa waya aka sanar masa an aiko musu da abinci. Wannan karon Ummi bata aiko masa ba saboda ta san za'a  aiko masa daga gidan Mai Martaba.

Sai da ya zuba abinci sannan ya shiga ɗakinta. Zaune ya sameta a gurin da ta yi bachin tana kallon ƙofa.

“Acici daga jin motsin ƙuloli har kin tashi”

Dariya ta yi

“Ai ba kai aka kawo ma abincin ba ni aka aiko ma”

“Ai ba kai aka kawo ma abincin ba ni aka aiko ma, yanzu ai kin kina da baki ko?”

Ya kai kayeta yana wani girgiza kai da kashe murya. Ya miƙa mata hannunsa

“Zo nan muje ki wanke bakin ki”

Kamar wata ƙaramar yarinya haka ta miƙa masa hannun ya tasota, da kanshi ya wanke mata bakin bayaɓ sun gama ya ɗauke ta ya kaita dinning.

“Kai a she nauyi ne da ke, na ji kamar jijiyoyina zasu katse”

Ya faɗa yana dariya. Shi yayi feeding ɗinta sannan yayi feeding kansa. Ko da aha biyu ta yi daga ita har shi duk sun shirya cikin fari yadi mai kamar shadda sky blue. Tana gaban madubi tana kwaliya ya ƙaraso kusa da ita ya ɗauki sarƙa ya saka mata sannan ya juyo da ita ya kalleta.

“Kin yu kyau Abnam”

“Faɗa min ma'anar sunan nan”

Bakinsa ya kai dai-dai nata ya haɗe ya tsotse jan bakin da ta sha sannan ya ɗauke bakinsa ya mayar gurin hancinta idonsa kamar mai jin bachi. Ita kan nata a lumshe.

“A-B Abdallah N-A-M Namra = ABNAM”

Murmushi ta yi ta buɗe ido tana jin yadda danshin yawunta ke zaga ko ina na bakinta, shi ma murmushin ya mayar mata yasa yatsunsa ya riƙa lips ɗinta yana murzawa a hankali, cikin hikima ya zura mata manuninsa cikin bakinta ya riƙa wasa da halshenta.

“Zan je na gaishe da su Mai Martaba da Ummi”

Ya faɗa yana kallonta, sannan ya zare hannun daga bakinta ya miƙe tsaye yana saka yatsan cikin bakinsa ya tsotse yawun.

“Allah ya tsare”

Ta faɗa tana tsotsa halshen nata. Sai kawai yasa mata dariya ya zuba hannayensa aljihu ya fice zuciyarsa cike da farincikin.

Bayan fitar da ƴan mintuna su Maryam suka dawo saboda yi mata sallama,ragowar kajin da suka tarar suka cinye suna zolayar Namra da ke ta aikin kuka wai zasu je su barta.

Sai da ya fara biyawa gurin Ummi ya gaisheta sannan ya wuce gurin Mai Martaba, Wannan karon har da Mai Martaba gurin jansa.

“Ango ango”

Wata kunya ce ta kamashi sai ya zauna ya kasa haɗa ido da Mai Martaba. Cikin girmamawa suka gaisa, sannan Mai Martaba ya ce

“Ɓan sani ba ko matarka bata da buƙatar barori shiyasa ban aika mata da su ba, idan ka yi shawara da ita tace maka tana buƙata sai ya faɗa min”

“Godiya muke Mai Martaba Allah ya ƙara lafiya, amman ina tunanin ba sai an kawo mana su ba, saboda ba nan zamu zauna ba, hutun da suka ba ni ma na sati biyu, dole Abuja zan koma da ita, kuma ga karatun da take a sokoto sauran wata bakwai ta ƙare diploma”

“Hakan na da kyau, amman kasa ido kan rayuwa, Babana kana da maƙiya da yawa matarka ma sai ta yi taka tsantsan, ni kaina a yanzu hankalina zai fi kwanciya idan kana abujar fiye da ace kana kusa da ƴan uwanka, saboda za a iya amfanin da su a cutar da kai ko kuma a cutar da matarka, duk da bana jin akwai wanda zai sake wani unƙurin sake aikata abunda Hajiya ta yi Unƙurin aikata maka”

“Wace Hajiya Mai Martaba?”

“Hajiya Karima, (Matar ƙanensa) itace tasa waɗanda ƴan bindigar unƙurin hallaka ka, saboda ita da mijinta suna tunanin idan bana raye babu wanda ya dace ya hau sarautar Katsina sai mijinta, ni kuma ina tutuyar kai ne zaka yi milkin garin Katsina ko da bana raye”

“Mai Martaba ina ka samu wannan labarin?”

“Abdallah kenan, ai ko babu komai na kan aa ido akan ƴaƴa balle kuma kai da mahaifiyarka bata cikin gidan nan, tun daga lokacin da aka maka wannan aika aikar tunani ya bani ba daga waje ba ne, sai dai ko daga nan cikin gida ne, saboda bana tunanin ina da wasu maƙiya bayan na cikin familynmu kuma akan sarautar mu, hakan yasa na zurfafa bincike ta ƙarƙarshin ƙasa sai gashi wanda aka aika gurin yin abun ya same nan a cikin faɗar nan ya faɗa min komai, wannan yasa ya tara su ita da mijin nata da duka family mu na gargasu a lokacin hankalinka yana gurin Amaryarka shiyasa ban taɓa labarta maka wannan ba”

Abdallah yayi murmushi yana auna irin son da Mai Martaba yake masa.

“Babana idan na kalleka na kan jidaɗi nasan ko bana raye kai mutum ne zaka iya riƙe gidan nan kuma ka riƙe ƴan'uwanka, iyakar soyayyar da zan nuna maka na tarbiyantar da kai na baka ilimi kuma na baka duka, yanzu addu'a ce kawai zan binka da ita, Allah ya maka albarka”

“Amin Mar Martaba na gode, Allah ƙara maka imani da lafiya”

“Amin”

Daga haka suka ɗauko wata fira, na familynsu da kuma sarautar Katsina, be bar gidan ba sai la'asar.

***

Bayan sun yi sallah azahar suka yi shirin tafiya aiko Namra ta ƙara tsaresu da kuka tun suna juriyar sai da ta saka Maryam ma ta yi kukan, isowar familynsu Abdool waɗanda suka zo ganin Amarya ne tasa ta tsagaita kukan har suka samu suka tafi. Mota mota suka riƙa zuwa ganinta kasancewar wasu yau zasu tafi wasu kuma gobe har na ɓangaren Ummi wasu ma nan suka yi sallah magariba ana kiran isha'i sannan suka fice.

Ko da Abdool ya dawo ya tarar bata cikin daɗin rai, shi ma kamar jira take yana taɓa fuskarta ta faɗa jikinsa ta fashe masa da kuka, daman yasan za a rina, saboda ya samu labari a faɗar mai Martaba cikin mutanen da suka kawo kara suna cewa tare zasu koma gaba ɗaya.

“Ooo an tafi an bar ƴar Mamarta”

Ya faɗa yana zama saman kujera riƙe da ita.

“Bari na kira miki mamanki”

Ya fiddo wayarsa ya kira Ummi ya miƙa mata ba ko kunya har da faɗa nata wai kuka take masa su Maryam sun tafi su barta. Ummi ta yi dariya

“Aure ai haka ya gada yi haƙuri kinji ƴata, duk abunda yayi miki ki faɗa min”

“Toh Ummi, na gode”

Abdool ya karɓe wayar.

“Mai Martaba ma haka ya faɗa mata wai idan na mata abu ta zo ta faɗa masa, ni idan ta min wa zan faɗawa”

“Ai mata basa laifi kuma su ƴan gata ne shiyasa, kai duk abunda ta yi maka sai ka yi haƙuri ka haɗiye”

Namra ta masa gwalo, shi kuma ya kama kunenta ɗaya ya mirɗe.

“Ummi sai da safe tun da ƴarki kika shigarwa”

“Ato da kai zan shigarwa? Dan baka da kunya ƙato da kai, Allah ya shirya ka”

Ta katse kiran. Shi kuma yasa ɗayan hannunsa ya riƙe kunnen nata ya ƙara mirɗewa.

“Wallahi da zafi”

Ta faɗa cikin shagwaɓa, sai ya saki kunnen yana dariya.

“Gobe ma bakinki ya sake min gwalo”

Dariya tayi ta unƙura zata tashi sai ya jata ta faɗa jikinsa. Hannunsa yasa cikin ɗigarta tana ƙoƙarin taɓa ƙirjinta da ke tada mishi hankali tun jiya.

“Ina zaki je?”

Tayi shiru bata amsa shi ba, shi kuma be fasa abunda yake ba, natsuwa tayi tana karɓar saƙon da yake aika mata, har ga Allah tana jin daɗin yadda hannunsa ke zagaye rigarta, kamin ya ɗago fuskarta ya haɗe bakinsu.
  Yadda ya riƙa tsotsa mata halshe yasa ta sake jikinta gaba ɗaya, tana sauke numfashi a hankali, kamar wacce ta tuna wani abu sai ta zabura ta miƙe tsaye. Wani kallo yayi mata idonsa sun kaɗe kamar ba shi ba, jikinsa har rawa yake, yana mikewa tsaye ta matsa baya.

“Ba a taɓa min irin wannan wasan ba karki soma yanzu Abnam please”

Ya faɗa a wahale, sai ya ƙara matsawa ta matsa, baya tana murmushi.

“Ban yi sallah isha'i ba kuma wanka zanyi”

Rumtse ido yyi ya faɗa saman kujerar yana cizar baki. Da dariyar ƙeta ta wuce ɗakinta ta yi wanka sannan ta yi sallah.

Wasu kayan bachi ta fiddo masu abun arziki ta saka sannan ta ƙarasa gaban madubi ta soma shafa mai. Tana cikin shafa man ya shigo sanye da nasa kayan bachin, kamar na jiya sai da waɗannan fararene. Kallo ɗaya tayi masa a madubi ta ɗauke kai, maida ƙofar ɗakin yayi ya rufe, sai ya karaso gabanta ya durƙusa har ƙasa ya kama ƙafarta yayi mata kiss, tun daga kan ɗan yatsanta taji abu ya tsikareta har cikin gashin kanta, a take gashin jikinta ya tashi ba shiri ta rumtse ido. Hakan ya bashi damar luma babban farcen ƙafarta cikin bakinta ya tsotsa kamar mai shan sweet candy, ji tayi kamar ba zata iya bashi abunda yake buƙata a yanzu ba, kuma ba zata iya hanashi ba. Sai kawai ta miƙe tsayw da sauri duk da idonta a rufe yake, sai kawai taji ya rumgumeta yana ɗaukar numfashi. Zafin jikinsa ne ya rika ratsa nata jikin, a hankali ya ɗauketa ya kwantar saman gadon ya saka bakinsa cikin nata yana shafa fatar jikinta, tana ji tana gani ya tabata da kayan jikinta yana arba da chest ya sauke wani irin ajiyar zuciya sai ya kai hannu ya kai ya kashe wutar ɗakin, sannan zame nasa kayan bachin.

Sun makara gurin sallah asuba kasancewar basu yi bachi da wuri ba, more especially ma Namra da bachi be mata daɗi ba gaba ɗaya, da asubar ma sai da taimakonsa ta tashi azabar da taji a gurin Abdallah yafi wanda ta ji a darenta na farko da Asim, cikin ruwan zafi ya zaunar da ita ya riƙa gasa mata jiki sannan ya ciƙa mata buta ya riƙa mata tayi wankan tsarki, sannan ya naɗata cikin tawul suka fito, ba tare da shi ya ɗaura tawul ɗin ba kasancewar ɗaya ne na bathroom ɗinta, sai da ya aje ta saman gado sannan ya ɗauki rigar bachinsa ya ɗaura ya nufi ɗakinsa.

Da Hasbunallahu da Innalillahi ta unƙura ta sauka saman gadon ta buɗe wardrobe ta ɗauko doguwar riga ta koma ta zauna tana dantsar baki.
  Sai ga Abdallah ya shigo ya ƙaraso kusa da ita da sauri ya riƙa rigar ya saka mata.

Bayan sun yi sallah ta koma saman gado ta kwanta, shi kuma ya buɗe ƙur'ane cikin wayarsa ya soma karatu, wannan karon be daɗe yana karatun ba, ya aje wayar ya koma bayan Namra ya kwanta ya rumgumeta. Wani irin daɗi yake ji for the first time in history ya kusanci halalinsa ciwon cikin da yake fama da shi yau ya kau, yana jin daɗi sosai Namra ta kai shi duniyar da be taɓa mafarkin zuwa ba, yaji daɗin ɗa be taɓa ji ba a rayuwarsa.

Basu farka ba sai da aka kawo musu abincin safe kamar jiya, sai dai yau kam basu karya ba sai sha biyu na rana bachi wahala Namra ta riƙa yi, tana farkawa ta fara zuba masa shagwaɓa tana narke masa a jiki, shi ko duk yabi ya susuce sai tarairaiyarta yake.

***            ***            ***

Bayan an kwana biyu abubuwa sun ɗan laɓa Ummi ta shirya ta je gidan Hajiya Sadiya, tun lokacin da abun ya faru ta kasa natsuwa zuciyarta na nuna mata kamar akwai ƙamshin gaskiya a abunda Asim ya faɗa.

Ta yi sa'ar tararda ita gida, sai dai ba cikin yanayin jindaɗi da walwala ba. Sama-sama suka gaisa da Ummi tana wani noce kanta kamar mai jin kunya, Ummi na lura da ita amman sai tayi kamar ba ta kula ba ta ɗora da zancen da ya kawo ta.

“Na kasa natsuwa da maganar nan ne da yaron nan ya faɗa a faɗar Mai Martaba miye gaskiya a ciki?”

“Babu komai Zuwaira ƙarya ce yake min kinsan halin mutanen yau ka saka musu da alheri su maka sheri”

“Ɓana son ki ɓoye min komai Hajiya ni ƴar'uwarki ce, ko zaki ɓoyewa wani ba zaki ɓoye min ba, ba ni kaɗai naji wannan maganar ba amman nafi kowa damuwa, na san ko zai miki kazafi ba zai miki na wannan ba”

Jikin Hajiya Shafa ya mutu sosai tabbas wanda ke son ka ne kawai zai damu da kai, sai dai mi bata tunanin zata buɗe sirrinta a gurin da ake ganin ƙimarta.

“Gaskiya ne, amman bana son labarta miki komai daga abunda baki sani ba, rufe wannan sirrin zai fi buɗe sh alheri”

“Kina tunanin kamar zan labartawa wani abunda kika aikata ne?”

“Idan na labarta miki zaki daina ganina a mutun ne, kuma kwana kaɗan ya rage min a duniyar nan saboda sun faɗa min lokacin da zan mutu”

Hawaye sun soma zirya a kumatunta.

“Mu kaɗai muka rage, iyaye duka sun tafi idan ba mu kula da junan mu ba wa zai kula mana, zumuncin da kullawa daga kan mu zai fara sannan ƴaƴanmu su ɗauka”

“Ba zan iya labarta miki komai ba, saboda babu amfanin faɗa miki komai, nasan Allah ba zai yafe min ba”

“Innalillahi wa'inna ilaihi raji'un, shirka kika aikata Hajiya?”

“Ina ma shirka ce da zan iya tuba na gyara imani na kuma Allah ya yafe min, wannan fa? Allah baya yafe wani kan wani, na lalata da yawa na salwantar da rayuwar mutane da yawa cikin har da na ƴaƴana da miji na wallahi bata yi ba wallahi cul...”

Sai ta ƙasa ƙarasawa ta fashe da kuka. Ummu ta fashe komai duk da bata fili ta faɗa komai ba, jikin Ummi yayi sanyi sosai har ta rasa abunda zata ce mata jiki ba gwari ta tashi ta ɗauki jarka zata fice.

“Ai na faɗa miki faɗin bashi da fa'ida, zaki daina ganina a mutun ne ki riƙa ganina kamar wata dabba ko aljana”

“Ban daina ganinki a mutun ba Sadiya, kowa baya wuce kaddararsa, rayuwa tana zuwa mutun ne ta yadda Allah ya tsara masa da kuma yadda sheɗan ya kawata masa, zan kasance mai miki addu'ah da kuma rike sirrinki, sai dai ina baki shawara ki gyara tsakanin ki da Ubangijinki domin shi mai yawan gafara ne mai rahama”

Daga haka Ummi tasa kai ta fice zuciyarta cike da tausayin ƴar'uwarta. Fashewa Hajiya Sadiya tayi da kuka, tabbas ratuwa tana tafiya ne ta yadda Allah ya tsara da kuma son zuciya, da ace tayi haƙuri da bata shiga wannan rayuwar ba, saboda Allah ya kaddara zata samu abunda zata samu, sai dai ya danganta da imaninta da kuma gajin haƙurinta, abunda duk Allah ya rubuta ka same shi sai ka sameshi sai dai ya danganta da yadda mutun yayi haƙuri idan ka yi gajun haƙuri ya zo maka ta haram idan kuma ka yi haƙuri ya zo maka ta halal amman tabbas abunda Allah ya rubuta naka ne, naka ne no matter what...!
[8/7, 2:47 PM] Khadeeja Candy♥: UZAIR POV.

Be yarda an shiga kotun ba kamar yadda ita Yaamin ɗin ta so ganin ya ƙi ya bata takardar sakinta, tun da Ummu ta ga takardar tasa ya rubuta mata takardar sakin yana kuka ta aika mata, Uzair yana son Yasmin amman babu yadda ya iya tun da ta zaɓi rabuwa da shi, shi kanshi yanzu yasan babu wanda zai zauna da shi sai mahaifiyarsa, wata biyar da faruwar hakan wata lalurar ta sake samunshi, ta yoyon kashi a dubura, daman tun last year ya fara wannan abun maganin da yake sha'ane yasa abun tsaya masa, yanzu kan babu magani kuma ga zaman keke wanda ya zame mata jiki tun da kullum a nan yake zaune. A yanzu ne kowa ya ƙara tabbatar da gaskiyar abunda Namra ta faɗa.

    Ranar da labarin ɗaurin auren Namra ya same shi yayi kuka har sai da idonshi suka canja kala, tabbas yasan ya cuci yarinyar sai dai ba haƙƙinta ne kaɗai ya ke binshi ba har saɓawa Allah da yayi, saboda ya tsallake iyakarsa, ya aikata laifin da Ubangiji ya hana bayinsa tsarkaka su aikata, yasan baya cikin bayin Allah na gari.
  Kaito! Da wata rayuwa dai ƙara babu, yau gashi baya amfanarda kanshi da komai, ga kuma kunyar duniya ta isheshi, ƙanensa ma basa da lokacinshi, mahaifiyarshi ce kawai take kula da shi, ita kanta da taga abun yayi yawa sai ta nemo mai kula da shi ana biyanta duk ƙarshen wata, saboda ragewa kanta wahalar ita kaɗai.

Sai a yanzu ya gane ashe babu riba a cikin tsaɓawa Allah da cin amana, yayi nadanar da babu amfanin tun da yasan Abbah ba zai taɓa yafe masa ba, abunda Matarsa ta yi masa ma ishara ne idan yaronsa idan ya girma ba zai samu labari mai daɗi ba, ji yake kamar ya mutu ya huta, kunyar duniya ta ishashi a family da abokai babu wanda be ji abunda ya aikata ba, yana ji yana gani jindaɗi da kwanciyar hankali ya gagareshi lafiyarsa jikinsa ma ta tafi ta barsa, komai ya zo masa kamar mafarki, haka wani lokacin zai zauna yayi ta kuka idan ya tuna irin rayuwar jindaɗin da yayi yau ga shi ya koma wani kalar mutun da a gidansu ma uwarsa ce kawai ta damu da shi, sai a yanzu ya gane yayi kuskuren aikata abunda ya aikata sai dai lokaci ya ƙura masa babu ta yadda zai gyara komai ko da kuwa zai so haka, duk ya bi ya rame kamar ba shi ba gaba ɗaya halittarsa ta canja a Wheelchair ma idan ya zauna sai yayi kamar zai koma gefe, sai a ayanzu ya gane ashe cin amana da tsaɓawa Allah babu riba a ciki duk romon da yasha yana ganin kamar ya more ashe sakayyah na biye.

KALSOOM POV.

Tana jin kamar ta fi ko wace mace sa'ar miji a duniya, bata da mtsala ta ko'ina, mijinta na nuna mata so da kulawa ƴan'uwanshi ma haka, ga su Ezzah da suka zame mata kamar ita ce ta haifi yaran.

Wani lokacin ta kan zauna ta auna irin rayuwar da tayi a gida zuwa aurenta irin rigingimun da gwargwarmayar da tasha a lokacin da tayi kishi da Rashida amman yanzu komai ya zama tarihi, babu komai a cikin duniyarta sai farinciki jindaɗi komai ya zo kamar a mafarki, addu'ah da ta daɗe tana yi aje an amsa mata tuni jindaɗin na ne yake nesa, tabbas wani jinkiri alheri ne, kuma bayan wuya sai daɗi, rayuwa bata tabbata a guri ɗaya dole akwai canji ɗan adam baya taɓa zama a cikin wahala kullum maruƙar ka riƙe gaskiyarka kuma ka ji tsoron Allah ka yi haƙuri wallahi sai kaga canja domin dukan tsanani yana tare da sauƙi haka Allah ya faɗa.

Ta zama uwar ɗiya bayan ƴaƴanta uku da ta haifa ga ƴaran Rashida da su a yanzu sun tasa sosai. Shi kansa Hilal sai a yanzu ya fahimci irin tasirin da Kalsoom ta keda shi a zuciyarsa da kuma rayuwarsa, domin gudumawwa take bashi ta ko ina, sai a yanzu ya gane mai haƙuri mawadaci lalla yayi dacen mata, a cikin ɗari yayi nasara zarar ɗaya, komai jindaɗi suke yinsa da kwanciyar hankali ga soyayyar da suke nunawa juna kamar Romeo and Juliet.

LAMIDO POV.

Ya girgiza da Asim yadda ya mayarda ƙaryarsa gaskiya, har ya nemi ƙetare iyakar Allah, be yi mamakin abunda ya same shi a tun a falon ba, a tunaninsa ma ya cancanci fiye da haka. Bayan Mai Martaba ya tashi sai yayi ma su Abbah sallama Abbah yayi masa godiya, sannan ya kama hanyar Katsina.

A gida ne yake labartawa su Neine abunda ya faru, su kansu da basu ga yadda abun ya wakana ba amman sun jinjina lamarin suna yaba ƙoƙarin Asim na ketare iyakar Allah duk da basu san shi ba.

Abinci ya siya musu da kuɗin da Abbah ya bashi da kuma ƴan kayan masarufi, sannan ya koma Neine na masa addu'ah da kuma saƙon gaisuwa ga su Abbah.
   Kwana biyu da komawarsa ya fara aikin a kamfanin Abbah wato Zamau Metals Work kamfanine da ke sarrafa ko wane irin ƙarfe da kuma dukan abunda ya shafi ƙarfi hakaɓ yasa ana yawan bashi kwangila saboda yana hulɗa da ƴan siyasa sosai kuma yana cikin mutane da ake damawa da su ciki da wajen jihar sokoto.

A gidan yake zama lokacin aiki ya tafi idan ya dawo kuma baya komai sai ya zauna a gida, hakan yasa wani mugun shaƙuwa da kula juna ya shiga tsakaninsa da Aisha, har ta kai idan bata ganshi ba sai ta kira shi ita ma haka, babu abunda yake ci mata tuwo a ƙwarya kamar tafiyan da yake akan abun hawa idan zaije aiki ko kuma fita wani gurin daban, wani lokacin ta kan ɗauki makullin motar Anty tasa ya kaota wani gurin, ta saka Abbah gaba da zancen ya siya masa mota sai Abbah ya mallaka masa motar da yake jan namra ada wato wacce yake kaita makaranta. A ranar Aysha ji tayi kamar ta haɗe Abbah dan murna tana ta jindaɗi sosai, daga lokacin duk inda zata je shi yake kaita matuƙar ba aiki yake ba ko kuma zaije ba, shi kansa yana jindaɗin fura da kuma sakewa da Aisha, lokuta da dama tana masa yanayi da Namra, yana samun nishaɗi sosai idan yana fira da ita. Kwana biyu ɗa bashi motar Neine da wani ɗan'uwanta suka zo yi ma Abbah godiya, kwanansu ɗaya suka koma, Yadda Aysha ta riƙa kula da Neine ya karantar da Abbah ba iya mutuncin ne a tsakaninta da Lamido ba har da soyayyar da ma ya lura da irin shaƙuwar da ke tsakaninsu, hakan kuma ba ƙaramin faranta ran Abbah yayi ba, a kullun tunaninsa da ina zai farantawa Lamido ya saka masa da abunda yayi masa, tun daga lokacin da yaje ya bada shedar a faɗar Mai Martaba Abbah ya ji daɗin abunda yayi masa.

YASMIN POV.

Tana ji tana gani kuma tana ciki gari aka yi bikin Namra ta ƙi ta leƙa saboda tana ganin kamar idan taje za a riƙa nunata ne, ko kuma mutane su tuna abunda ya faru.

Duk wani tunani na rayuwa da zullumi sai ta tattarashi gefe ta aje ta maida hankalinta kan aikinta, tun bayan abunda ya faru da Uzair sai ta tattara lamarin namiji ta aje gefe ɗaya saboda tana tsoron faɗawa a wacan halin na baya. Sai dai ba tayi nasarar yin hakan ba tun bayan da ta cika idda sai manema suka riƙa fito mata ciki har da abokan aikinta. Hakan yasa mahaifiyarta matsa mata akan ta yi aurenta zai fi mata mutuncin fiye da zaman gida domin mace bata da wata daraja idan ba gidan mijinta take ba, kuma hakan zai taimaka mata gurin da tarbiyar ɗanta, Allah ta riƙa roƙo akan ya zaɓa mata alherin a cikin manemanta.

AMIRA POV.

Mace ko mai mutuncin ta a yanzu tana wahalar samun miji balle kuma wacce mutane ke ganin ta riga ta zubar da ƙimarta, abunda ta aikata yafi damunta a yanzu saboda zantunkan mutane da kuma tsangwa da take samu a duk lokacin da wani ya nuna yana son ta, daga ya kwana biyu yana zuwa munafukan unguwa zasu labarta masa tsawon lokacin da tayi ba a gida ba sai mutun ya gudu wasu kuma daga gidansu ake labarta musu yarinyar ƴar mutunci ba ce dole mutun ya kama gabansa, tun abun baya damunta har yazo yana ci mata rai, bama kamar idan ta duba duka ƙawayenta sun yi aure ita kaɗai ce a haka, karatun ma ta kasa komawa saboda damuwa da ta sawa ranta, lokacin da maganar auren Namra da Abdallah ya same ta tayi kuka sosai har sai da ta raina kanta, domin har gobe tana son Abdallah. Wani lokacin ta kanji kamar ba zata iya auren ƙaramin mutun ba, sai dai ganin babu sarki sai Allah yasa ta fara kula Sani Engineer, wato mai yi ma Mahaifinta gyaran mota a duk lokacin da ta samu matsala, shi ma kansa ba dan arzikin da yake ganin ubanta na da shi ba da babu abunda zai sa ya aureta saboda familynsa suna yawan magana akan su basu yarda da ita ba, duk kuwa da kasancewar ita ce ta uku a cikin matansa.

Duk wani abu da take ji akansa ta kan yi haƙuri ta danne zuciyarta saboda samawa kanta da kuma iyayenta farinciki, duk da tana jin kamar ba zata samu farincikin da take so tun da ba sonshi take ba, kuma gashi yana da mata da ƴaƴa taya zata jidaɗin zama a gidansa, da ta nemi ya kama.mata haya sai ya ce mata bashi da wannan halin kuma wai shi baya son raba kan iyalansa, a dole tasa Mahaifinta ya kama mata haya, domin ƙannenta ma an aurar da su sai ita, kusan rabin hidimar auren ma duk Mahaifinta ne yayi saboda shi ba mai kuɗi ba ne sai rufin asiri duka abunda aka ɗora masa Mahaifinta ne yake yi saboda ya samu dai ta yi auren.

Assabar aka ɗaura aure bayan anyi ahagulgulan biki kamar yadda ake ma ko wacce Amarya, duk da ita Amira bata so haka ba Ammy ce ta matsa ayi wai saboda asan ita ma tana da gata kamar ko wace yarinya, ba kowa ba ne yasan wanene mijinta saboda ɓoyewa ake wasu kuma indan suka ji ance Engineer sai su ɗauka ko wani babban Engineer ne.
  Ranar da aka ɗaura aure aka kaita gidan mijinta unguwar minannata.

ASIM POV.

Kusan hoto kala biyar ana masa amman result ɗaya yake badawa, jijiyoyinsa na ƙafa sun murɗe, akan maganin likitoci suka ɗorashi wai ko za a dace amman shiru babu wani labari, tun da aka kawo shi asibin sau biyu kawai abokansa suka riƙa zuwa suna dubasa, ko su ba dukansu ba, masu ɗan sauran imani domin basa kula mutun idan baya da lafiya ganin suke bashi wani amfani, Ubangidansa be taɓa zuwa duba shi ba sai dai ya turo masa da kuɗi kusan miliyan ɗaya ya siye magani, ganin babu wani canjin a ciwon nasa yasa suka nemi ya fita waje ko Allah zai sa a dace. India ya fara zuwa watansa ɗaya a can shi da Amaryarsa amman babu wani canji, bayan sun dawo naija ne ya sake biyan wasu kuɗin aka fitar da shi ingila nan ma labarin babu wani banbancin, can kan satinsa biyu kawai yayi ya dawo saboda kuɗinsa sun fara ƙasa komai na tsada ne a can. Wata asibitin ya canja da suka dawo nigeria, haka yayi ta kashe kuɗi amman babu wani sauƙi balle ma canji wani lokacin idan abun ya taso masa sai yaji kamar a cire masa ƙafafunsa gaba ɗaya ya huta. Lokacin da Amaryarsa ta fara lura da abubuwa sun yi ƙasa sai ta koma gidansu aka bar Mardiya da jinya.

   A familynsu babu wani mai arziki sosai da zai iya ɗaukar ɗawainiyar Asim, wani lokacin ma zuwa su ganshi yana musu wahala musamman yanzu da suka ji shine dalilin mutuwar mahaifiyarsa sai kowa ya daina tausayinsa, suna cewa shi ya jawa kansa, mai gidansa ma tun yana ƙoƙarin aiko masa kuɗi yace ya siye magani har ya daina ganin ɓba sauƙi zai ji ba, kuma bashi da wani a amfani a gareshi yanzu, daman idan suna sonka to kana amfanarsu ne. Wasa wasa ciwon nan ya jawa Asim hasara da yawa duk abunda da ya tara sai da ya ƙare be ji sauƙi ba, hakan yasa suka tattara suka koma gida.

Daga nan ya fara saida filayensa guda biyu da kuma gidansa guda ɗaya da suka rage masa a rayuwa, ranar da aka kawo masa kuɗin jikinsa ya tsananta sosai har ya bawa  Mardiya tsoro sosai.

“Asim ko asibiti zamu koma ne?”

Kai ya girgiza mata hawaye na masa zirya, ga wani wahalallen numfashi da yake.

“Ni kaɗai nasan irin azabar da nake ji Mardiya, ina zanje da waɗannan kayan?”

Kuka kawai take tana riƙe da hannunsa da yayi mugun zafi, sai shi ma ya kalleta cikin hawaye.

“Na yi hasara na tsaɓi Allah, yanzu gashi zan koma gareshi ina ƙazami, bana da ɗa Mardiya balle na samu mai min addu'ah kaico na!”

Ya damƙe hannunta ƙawai zuciyarsa na wani irin fisgarsa har jikinsa sai ya girgiza.

“Makomata tana jirana Mardiya, kwanciyar ƙabari Mardiya, idan Allah ya tambaye miyasa na aikata luwadi me zan ce masa? Nice silar mutuwar Mama, nine na keta haddin Allah, Mardiya na cutar da Namra, na yi isgili, na tara kuɗin da Allah zai tambaye ta ya na samu naira taya na kasheta, na tara kuɗin da basu tare min hisabi ko azabar ƙabari ba, Allah ya ce kar a kusanci mace ta dubura ni na yi, ina zan je da waɗannan kayan Mardiya zafi nake ji zafi zafi...”

Ya fara tari muryarsa na sarƙewa, a take baƙin idonsa ya ɓata sai farin akwai akw gani, halshensa ya karye, tana son ƙara wata magana amman ya ƙasa sai hawaye ke masa zuba, yana wani irin banƙara yana numfashi daker, zafin fitar rai ya tattara a jikinsa sai karkawar yake yana kallon sama.
    Tashi tayi a gudu ta fita daga ɗakin ta shiga maƙota domin kiran jama'ah a kama mata ta kaishi Asibiti, tana ganin alamun ya fara fita hayyacinsa.

Kusan mutun shida suka shigo mata huɗu maza biyu domin taimaka mata, sai dai yanayin yadda suka tararda shi yasa jikinsu mutuwa, idonsa a kafe kansa ya malguɗe halshensa ya fito.
Dattijiwar cikinsu ce ta duba da kyau tana girgiza kai ta ce.

“Sai haƙuri Mardiya mijinki na amsa kiran mahallincinsa”

Da gudu Mardiya taje tana girgiza gawarsa tana kuka.

“Asim Asim”

Dattijuwar tasa hannu ta shafe masa idonsa tana hawaye kamar yadda kowa ke yi. Kamar wacce ta haukace haka Mardiya ta koma tana tsalle tana direwa tana kirama kanta hallaka, da shiga uku.

“Wayyo Allah na shiga uku Asim ya tafi ya bar ni, na bani na lalace wayyo ni Allah na kaicona ni Mardiya”

Sai da jama'a suka riƙata aka fitar da ita waje. Ba'a masa jana'iza ba sai da ƙanen mahaifinsa dake sokoto suka iso, misalin huɗu da rabi na yammancin ranar talata aka sanya Asim a cikin ƙabarinsa bayan an masa sutura kamar yadda addinin musulunci ya tanada, a saman ƙabarinsa suka tsaya suna masa addu'ar samun sauƙin karɓa tambayar mala'iku kamar yadda Annbi ya koyar. Rayuwa kenan Allah kasa muyi ƙyaƙƙyawan ƙarshen, dukan mai rai dole ya bar duniya😭

NAMRA POV.

Tun da suka je abuja kullun sai ta yi waya da Anty Amarya da Abbah saboda kewarsu, da gangan Abdool ya hanata zuwa ɗauren auren Yasmin duk da taso zuwa, wai baya son yawan nan zata wahalar masa da baby, haka ta saka shi a gaba ta yi masa kuka amman ya ƙi ya barta taje.
Bata zuwa sokoto sai idan zasu yi jarabawa, shi ma dan babu yadda zai yi ne kawai, aiko tana ƙarewa be sake barin ta leƙo sokoto ba.

Katsinar ma tun aurensu Meesha da Haleema da Fauziya, shi ma dan Ummi ta matsa ne da yaso ba zata zo ba sai ranar da za'ayi ɗaurin aure su zo tare, Ummi ta tirsashi ya kawo ta wai zai koya mata ƙin shiga mutane bayan kuma yasan familynsu suna da yawan hidima.

A falo suke zaune, Namra na saman kujera yayinda shi yake zaune a ƙasa ta ɗora masa ƙafafunta saman kai suna kallon wani series drama ya ɗauki hankalin Abdool sosai, saboda criminal case ne ake. Sai dai duk yadda yake son maida hankali gimbiyar ta hana shi, sai wasa take da kunnensa tana sa kunnensa a babban yatsan ƙafarta ta matse sai ya ture mata ƙafa ta maida ya sake turewa ta maida, can kuma ta saka ƙafarta ta dinga zungurar masa kai, duk abunda tayi masa ƙyaleta yake saboda kawai yana son drama da ake.

“Omri yunwa na ke ji, ka ji? Yunwa na ke ji sosai”

Ya kama ƙafafunta gaba ɗaya ya riƙe yana cigaba da kallon tv.
Be bi ta kanta ba sai da ya gama kallon da yake sannan ya tashi ya zuba mata abincin da ke kan dinning a plate ya kawo mata ya koma ya ɗauko mata lemu da cup ya aje a saman tebur ɗin da take gabanta, shi ya riƙa feeding ɗinta har ta ƙoshi sannan ya miƙe tsaye ya kwashe kayan ya kai kitchen sannan ya dawo ya miƙa mata hannu ta riƙa hannunsa ta miƙe tsaye.

“Ɗazu Anty ta faɗa min wai Maryam bata da lafiya”

“Allah ya bata lafiya, babu inda zaki je”

Ta taɓe fuska kamar ta fasa kuka.

“Wallahi ni na gaji da zaman nan, kullum guri ɗaya”

“Ke kin fi son kullum kiyi ta yawo baki Katsina baki sokoto, haba Abnam ki riƙa tausayin abun da yake cikinki mana, kuma nima ki riƙa tausayina kin san ba son nake kina nisa da ni ba”

“Malam ba wani tausayinku, shikenan sai na kashe kai na ku na raya ku? Haka fa ka hanani zuwa gaisuwar Hajiya Sadiya ƙiri-ƙiri, kuma yanzu Maryam bata da lafiya ace ba zan je ba”

“Bari na kira Maryam ɗin naji yadda jikinta yake, kin san ai rashin lafiyarta ba zai wucw a ce ciki ne ba”

“Ni bance ka kirata ba”

Ta faɗa kamar tayi fushi ɗin nan. Zagayowa yayi ta bayanta ya ɗora hannunsa saman ƙaton cikinta.

“Idan kin haihu sai kije ki gansu ai, Abnam miyasa baki tausayin kan ki ne wai? Yanzu baki ganin ko guntun tafiya kika yi yadda ƙafarki yake kumbura balle kuma babba ace daga nan har sokoto haba Hajiya, a riƙa tausayawa kai mana”

Ta ture masa hannu ta nufi ɗakinta. Binta yayi yana rarraahinta shi kanshi yasan tayi missing ɗin gidan, sai dai shi baya son ta je ko'ina saboda cikin nan nata gani yake kamar da ta ɗaga wani abun zai same shi, hakan yasa indai ba aiki yake ba kullum yana gida saboda yi kula da ita da kuma kama mata wani aikin duk da likita yace ta riƙa ɗan wala jininta.
  Duk ta bi ta motsaye ta tsomaye saboda cikin ya janye ta, Abdool kawai ke ta ƙiba abunsa hankalinsa kwance bashi da matsala ta ko'ina. Ita kaɗai ke ta fama ɗan chat ɗin da take tana rage kewa yanzu duk ta tattara ta watsar komai baya mata daɗin a duniyar nan, cikin ma ji take kamar ta cire shi ta aje. Wani lokacin idan suna fira da Abdool ta kance ashe haka iyaye suke ji shiyasa ake cewa ƴaƴa suna da haƙƙin iyaye, haka zata zauna tana masa kuka kamar ƙaramar yarinya, wai cikin ya haye mata zuciya ko ya taushe mata mara.
  Kusan kullum shi yake daba abinci saboda bata cin abincin kowa sai nasa, ko takeaway yayi musu sai dai ya cinƴe abunsa wai warinsa take ji, ko ita ta girka abincin bata cinsa sai dai Abdallah yayi mata, da wasa-wasa ya ƙware gurin girki saboda yau idan yayi mata wannan gobe wacan zai mata.
[8/7, 2:48 PM] Khadeeja Candy♥: Ranar Monday EDD ta ya cika amman bata haihu ba sai wata assabar a babban asibitin Abuja, murna gurin Abdallah kamar ya soye Namra da yaron da ta haifa ya cinye dan tsabar jindaɗi da farinciki, Allah ya nuna masa ya ga jikansa ta ɓangaren Abdallah.
   Mai Martaba ma sai ya rasa inda zai sa ransa saboda farinciki, tun a waya yasa aka turo masa hoton jaririn ta whatsapp. Ƴan uwan Abdallah babu wanda be saka hoton a  instagram ba, a can sokoto ma murna suke, family Abbah da kuma Mai Martaba da suke Abuja suka ne suka riƙa kula Namra, awarta guɗu a asibiti bayan ta haihu sai da suka sa ta yi bachi sannan suka sallameta. 
   Ko da ta dawo gida yamma yayi a dole ta haƙura ta bi jirgin gobe. Tare da family Abdallah suka sauka sokoto, su sukaje da kansu suka kai Namra har gida, iya gata an nunawa Namra ta ko wane ɓangare.

   An zuba mata kayaɓ barka kamar ba gobe, kayan jariri sai ka ɗauka wani ƙaramin shago za a buɗe na siyar da kayan jarirai, ga shi ƴan uwa sai kawo mata ake ta ko'ina.

Ranar suna yaro ya ci sunan Mai Martaba, wato Ahmad, akayi masa laƙani da Sultan. An kashe naira ranar suna kamar ba a san zafin nemanta ba, duk faɗin gidan sai da ya cika da jama'a, musamman ma da yamma da ƴan'uwansu Abdallah suka zo da kuma na Ummi. An ci ana sha kuma an watse cikin farinciki da kwanciyar hankali, kowa sai yabon bikin yake ana Allah sam barka.

Duk bayan kwana biyu sai Abdool ya zo sokoto ganin ɗansa, kira kan waya kan waya ta safe daban ta rana daban ta dare ma haka. Kamin ta yi arba'in duk ya takura, kunyar Anty yasa ya kasa magana har sai da ta ƙara sati biyu sama sannan aka maida ta Abuja, tare da bayinta guda biyu sabida su taimaka mata hidimar gida.

Komai ya koma musu kamar su suka tsarawa kansu yadda rayuwar zata zo musu, suna bawa junansu kulawa yadda ya kamata, sai dai wani lokacin tana fuskantar matsala ta ɓangare Abdallah saboda zafin kishi da yake da shi. Lokuta da dama yakan hanata zuwa wani gurin ita kaɗai duk kuwa da kasancewar a garin Abuja ne amman ganin yake kamar wani zai mata magana idan ta fita ba tare da shi ba.

Yau ma duk da tana son fitar dole ta haƙura har sai da yawo, ya ci abincin yayi wanka sannan ya ɗauki Sultan ita kuma ta riƙa jakarta suka fita, shi yake driving Sultan na jikinsa rumgume ita kuma tana front seat har suka isa, wani babban Shopping.
Tana gaba yana biye haka suka shiga shopping ɗin. Yana riƙe da Sultan har ta siye abunda duk zata siya aka zo gurin biyan kuɗi ya bada atm ɗinsa aka cire adaɗin kuɗin da ta kashe, sannan suka koma cikin motar ya ɗauki hanyar gidansu Hajiya Umaima, wato Ƙanwar Mai Martaba wacce take nan Abuja.

Ta tarbesu da far'ah daman ta jima tana masa magana akan ya kawo mata Namra. Hannu ta kai ta karɓi Sultan da ke hannun Abdool tana faɗin

“Ai har na yi fushi na ce ba zan sake maka magana ba”

“Ko yanzu ai nice na matsa”

“No.wonder ni nasan sai ƴata”

“Haba Hajiya taya zaki biyeta ni nace ta shirya mu zo fa”

Hajiya Umaimai tayi dariya.

“Duk abunda zaka faɗa ba zan yarda ba. Mardiya kawo lemu kamin abinci ya ƙarasa”

Ta ƙarasa tana ƙwalawa mai aikinta kira, ba a ɗauki tsawon lokaci ba sai ga Mardiya ta fito daga kitchen ɗauke da drinks da cups. Gabanta ya faɗi lokacin da tayi arba da Namra, ita kanta Namra tayi mamakin ganinta sai dai daga ita ha4 Mardiyar babu wanda ya iya yima wani magana, har sai da ta wuce sannan Namra ta kalli Hajiya Umaima ta ce

“Hajiya ina kika san Mardiya?”

“Wallahi daga Katsina aka kawo ta, na ce a nemo min wace zata riƙa taya ni aiki ne sai aka kawo min ita, kin santa ne?”

“Eh a Katsina take shiyasa na yi mamaki ganinta nan”

“Aiki ta zo yau satinta biyu ma”

“Allah sarki”

Umaima ta miƙawa Namra Sultan.

“Bari na duba abincin nan, kar na shiga muku da yaro Kitchen”

Abdool yayi dariya

“Wai ina su Jamila ne?”

“Wlh duk sunje biki kasan halin ƙanen naka sai a hankali idan kunnensu ya ji biki, ba manyan ba ba yara ba”

Hajiya Umaima na shiga Kitchen sai Namra ta miƙe tsaye ta miƙawa Abdool Sultan ta nufi ɗakin da ta hango Mardiya ta shiga. Da sallama ta shiga, amman Mardiya bata iya amsa mata ba saboda bata son ta gano kuka, gyaran ɗakin ta tarar tana yi.  Har Namra ta juya zata fita sai Mardiya ta juyo ta ce.

“Namra Asim ya mutu, Asim ya koma ga Ubangijinsa”

Namra ta juyo tana zaro ido.

“Yaushe? Miya same shi?”

“Rashin lafiyar da ta kama shi a faɗar Sarkin Katsina bata barsa ba sai da ta tafi da ransa”

“Innalillahi wa'inna ilaihi”

Ta faɗa tana dafe kanta hawaye na zubar mata. Mardiya ta risina ƙasa tana kuka.

“Namra ki taimaki Asim ki taimake ni ki yafe mana, amanarki da na ci ta hanani sukuni, duk wanɗanda na yi ma zalumcin na nemi yafiyarsu ke kaɗai kika rage min, na tsorata da irin mutuwar da Asim yayi, bana son na yi irin mutuwarsa”

Namra ta duƙo dai-dai Mardiya tana dafata.

“Miya samu Asim?”

Babu abunda ta ɓoye mata daga rayuwar Asim daga rashin lafiyarsa da kuma mutuwarsa zuwa irin rayuwar luwaɗin da tasan yana yi, ga kuma saduwar da yake yi da ita ta baya.

“Bayan mun gama wanka aka raba mana gadon kuɗin da ya bari na gida da filayen da ya siyar, a take nawa kuɗin suka ƙare gidan da na siya kuma ya ƙone, ga rashin lafiyar da take jikina saboda saduwar da yake yi da Ni ta baya, a duk lokacin da wannan ƙaiƙayin ya taso min sai na ji kamar zan mutu, na kasa daina mafarkin wuta Namra, ada ina tunanin ko wutar da na kunna miki ce gidanki ya ƙone, amman sai nake ganin kamar har da wutar lahira ce take jirana, ki taimake ni ki yafe min Namra, na ci amanarki, na han'ince ki, na cutarda ke”

Wani kuka take marar murya saboda bata son Hajiya Umaima ta ji.

“Na yafe miki Mardiya shi ma Asim na yafe masa, Allah ya masa rahama”

Ta miƙe tsaye tana hawaye.

“Ki rufa min asiri karki faɗawa kowa sirrin, yana ɗaya daga cikin dalilin da ya sa na bar Katsina na dawo nan ga aiki saboda na canjawa kai na rayuwa, kuma na rufawa kai na asiri da abunda zan ci, na taimaki uwata da ƙannena”

“Babu wanda zai ji, na miki alƙawari ba zan taɓa faɗawa kowa ba”

Sai da ta share hawayen sannan ta fice. Sai dai hakan be hana Abdool gane ta yi kuka ba. Tana zaunawa kusa da shi ya kalleta ya ce

“Kin yi kuka saboda kinji Asim ya rasu ko?”

Da sauri ta kalleshi.

“Ka sani kenan?”

“Abnam har gobe kina son Asim”

“No ba haka ba ne, kawai ina tausayinsa ne”

“Tausayi ne silar so”

“Ba irin wacan tausayin ba”

Ya miƙe tsaye tare da ɗansa, ya ɗauki car keys ɗinsa ya fice. Tana zaune a gurin ta ji tashin motarsa. Lumshe ido ta yi ta buɗe sannan ta ɗago tana amsa maganar da Hajiya Umaima ke mata.

“Lafiya Babangida ya tafi?”

“Wai zai ga wani abokinsa ne, yace idan an ɗan jima kisa direba ya kai ni”

“Okay toh taso muje ɗaki ga abincin nan Mardiya zata kawo yau mun ranar girki”

“Wallahi Hajiya na ci abinci”

“Ai nasan kin ci abincin, karki so ma min musu ba tarbiya ba ce”

Da murmushi Namra ta tashi ta bita suka shiga ɗaki. Kamin ta gama cin abinci ayi sallah la'asar har ta tsawwala saboda tunanin Abdool yana can gida cikin ɓacin rai. Tana gama sallah la'asar ta yi ma Hajiya Umaima magana tasa ka direba ya kai ta gida. Bata same shi a falo ba, hakan tasa ta nufi ɗakinsa, kwance ta hango shi saman gado, Sultan na saman ƙirjinsa idonsa a lumshe kamar mai bachi.

Tasan ba bachi yake ba, domin be saba bachin yamma ba, sai dai wannan baya rasa nasaba da ɓacin ran da take tunanin ya sawa kansa akan abunda har ga Allah ba haka yake ba. Be buɗe ido ba har ta ƙarasa kusa da shi ta zauna saman gado.

“Ya Omri...”

“Abnam please, bana son na fara ganin laifinki, bana son zuciyata na ƙonuwa akan ki ina gudun na fara ganin baƙinki, dan Allah ki fita sai zuwa anjima”

Ya faɗa ba tare da ya buɗe idonsa ba. Kwantawa tayi a gurin, sai ya buɗe ido ya kwantar da Sultan gefensa na dama ya juya mata baya. Hakan ya bata damar matseshi sosai ta kurɗo hannunta ta ƙasan haɓarsa ta ɗora shi dai-dai zuciyarsa.

“Namra tana nan Ya Omri kuma tana nan a bayan ka, tun bayan abunda Asim yayi min sai na daina ganin maza a mutane ina musu kallon wani abu daban, amman daga lokacin da na ganka sai na ganka a mutun cikakkensa, kai ne mutumen da ya tsayar da zubar hawaye a lokacin da nake tunanin hawaye ba zasu taɓa tsayawa ba, kai nw ka dawo min da farinciki na da kuma na iyayena, Wallahi na rantse maka da Allah babu son kowa a zuciyata sai kai, ka shiga ka mamaye ko ina na zuciyata, ban taɓa mafarkin samu miji irinka ba, saboda ina tunanin kamar ba ayi ni dan jindaɗin rayuwar aure ba. Sai dai bana ganin laifin zuciyar mai Imani idan har taji tausayin rai da zata koma ga Allah yana kirawa kansa hallaka, irin wannan tausayin na ke ma Asim ba irin wancan wanda kai kake tunani ba”

A hankali ya sauke ajiyar zuciya ya kai hannunsa ya shafa hannunta da ke ƙirjinsa.

“Kinji bugun zuciyata...! Duk ranar da kika so wani ba ni ba mutuwa zan yi Abnam don't ever try it”

“Ina son ka mijina, ina son ka sosai”

Juyowa yayi ya rumgumeta yana sumbartar goshinta, lafewa tayi a ƙirjinsa, hannunta yana gurin kunnenta tana wasa da shi, ɗayan kuma yana cikin yatsunsa.

Basu tashi daga gurin ba sai da aka kira sallah magariba, shi ya fara tashi yayi alwala sannan ya dawo gurin gadon ya sumbance ta ya sumbaci Sultan.

“Tashi ki yi sallah magariba ta yi”

Sai da ya fice sannan ta miƙe tsaye ta shiga banɗaki. Be dawo gidan ba sai da aka yi sallah isha'i, ko da ya shigo ita ta gama nata sallah ta shirya cikin wani shegen riga da ɗan guntun wando, ta kama kalabar kanta ta yi masa tukkuwa wato tayi parking ɗinsa guri ɗaya. Ko da ya shigo tana tsaye gurin dinning tana haɗa ma Sultan madara.

“Wow”

Ya faɗa sannan ya ƙarasa kusa da ita ya zagaye kwankwansonta da hannayensa yasa halshensa yana wasa da kunenta.

“Ba zaki daina bawa yaron nan madara ba ko?”

“Ya cika ci da yawa idan ba a bashi madara ba zai riƙa tsutse ni ne”

Ya juyo ta ita ya ɗagata ya ɗora saman dinning ɗin.

“Ke baki cin abinci ko?”

Ta matso da fuskarta har hancinta na gugar nasa.

“Ni abincin mutane nake ci”

Ɗayan hannunsa tasa ya ɗauke ta cak ya nufi ɗaki da ita.

“Shi kuma yaro na abincin aljanu yake ci?”

Tasa masa dariya hannayenta lanƙame da wuyansa. Ko da wasa Namra bata yarda ta tayarda firar Asim a gaban Abdallah ko da kuwa muagunarwar da yayi mata ne zata faɗa gudun kar ya ce ta tuna da su, yadda yake nuna mata kishi akan Asim baya nuna mata haka akan Lamido, wata ƙila saboda Abbah ya rigaya haɗa auren Lamido da Aisha ne, ko kuma dan yana ganin shi Asim ya taɓa aurenta ne.

  Tayi zaton idan zata je bikin auren Aisha sai ya saka mata dokoki kamar yadda yake mata a duk lokacin da yasan zata je bikin da zata haɗu da wasu mazan ko da kuwa ƴan uwanta ne ko nashi, ko mata ne wani lokacin ya kan cilasta mata rufe jikinta wai hakan ne mutuncinsa da na gidansu da kuma nata, sai ya ɗora mata da cewar baya son tana sakin jikinta ko da kuwa cikin mata ne ƴan uwanta domin a yanzu akwai ɓata gari, wanɗanda siffarki kawai zasu gani sheidan ya ƙawata musu sha'awarki.

Ciki farinciki da annashuwa aka yi bikin Aisha da Lamido, ranar Assabar aka ɗaura aurenta kuma ranar aka kai amarya, a unguwar sama road dake cikin sokoto, a lokacin Sultan na da shekara ɗaya da wata takwas, Namra kuma na ɗauke da wani cikin duk da bata haye Sultan ba saboda Abdool ya hana wai zai cutu.
  Duk wanda ya ga Sultan baya buƙatar tambayar ɗan waye ne, domin kamaninsa ɗaya da Abdool kai baka ce ma Namra uwarsa ba ce kasancewarta black beauty Sultan kuma fari tas kamar ɗan larabawa.

   Family Lamido da kuma na Namra yanzu an koma kamar ƴan'uwa, tun da har auratayya ya shiga ciki, sai dai duk da haka Abdool be taba barin Namra taje Kaduna da sunan gaishe da Neine ba, wai ai zata iya haɗuwa da Lamido tun da yana yawan zuwa akai akai. sai Neine da Uwani sun je Abuja lokacin da ta haifi ƴarta ta biyu wato Fatima, daman suna son zuwa yi mata godiya, ta jidaɗin ziyarar haka ta haɗa musu goma ta arziki lokacin da zasu tafi, har tana waƙen sai ta zo Kaduna idan tayi arba'in duk da tasan Abdool ba zai barta ba.

    Wasa-wasa Namra ta zama uwar mata domin bayan ta haifi Fatima sai ta ƙara haifo Juwuriyya da Mai sunan Ummi wato Zuwaira, wacce ake kira da Nasrin, sai kuma mai sunan Anty Amarya da ake kira da Iman, sai a haihuwarta ta shida ta haifi Muhammad Kabir. Ko da wasa ta dake su Abdallah rufe ta yake da faɗa wai bata san zafin haihuwa ba tana cin amanar ƴaƴansa, duk wani horo da zata musu sai idan baya cikin gidan, domin ji yake yi da abunsa wai ita zata iya gudunsa amman ƴaransa ba zasu guje shi ba, ita kanta yana nuna mata kulawa yadda yake treating ɗinta ba zaka ɗauka ita ce ta zuba masa waɗannan yaran ba, sai idan ka gansu. Babu ruwansa da ta haifi yara da yawa kullum kamar amarya take a gunsa, ita kuma tana kula da jikinta sosai da duk wani abu da tasan mijinta na so.

ALHAMDULILLAH.
Godiya ta tabbata ga Ubangijin da ya bani ikon fara rubuta littafin nan, kuma na kammala. Ina roƙon Allah ya yafe min kuraranda na yi akan ganganci ko rashin sani.

Zan yi amfanin da wannan damar na roƙi yafiyar duk wanda na ɓatawa a cikin rashin sani ko da gangan, mai rai ajizine, masu cewa littafin nan yayi tsawo dole zai zo a haka kasancewar labarin ya kasu gida uku ne, kuma dukan abunda yayi farko zai yi ƙarshe.

Ku yi haƙuri da yadda labarin ya zo muku, fatana dai a ɗauki darasin da ke a ciki, kuma a guji mugun hali ko ɗabi'ar da ba ta ƙwarai ba. Allah ka ɗora mu a dai-dai ka bamu ikon bin gaskiya da tsareta, ka tsaremu daga mugun ji da mugun gani da tsaka mai wuyar sani da aikin inda na sani...

SON SO FISABILILLAHI, godiya ta musamman ga Zagon Ƙasa paid group 1 and 2, da male abroadcast. Sai mun hadu a littafina na gaba *HAFSATU MANGA* _Yarinyar ƙauye_ I LOVE YOU ALL ♥️🌹😍😘❤💜🌷✨

Zan yi missing ɗin ku 😭😭😭

Share this

WhatsApp