RUWAN KASHE GOBARA Page 71 to 80 (The end)

~~D'agowa da kanta tayi ta kalleshi yanda ya rank'wafo kusa da ita har tana jin fitar numfashinsa,

Matsawa tayi ta koma gefen gadon ta zauna tana kallonshi, ko shakka ba tayi abinda ya fad'a mata d'azu gaskiyane har cikin ranshi sai dai bata son ta karbi ban hakurinsa cikin gaggawa gudun kar asake maimata gidan jiya,

"Kazo ka mayar dani gida..." Tace dashi ahankali bayan ta dauke idonta daga kallonsa,

Kusa da ya ita ya matsa ya zauna yana mai kallon kwayar idonta,

"Preety... Kece fa da bakinki kikace in baki hakkinki kamar yadda nake bawa kowacce mace acikin Gidana, to yanzu na shirya baki hakkin naki harma da sauran bashin da kike bina..."

Ji tayi kamar k'asa ta bud'e ta shiga dan kunya domin lokacin da ta furta masa hakan hankalinta ya gushe ne shiyasa, saurin kawar da kanta daga barin da yake tayi tana jin zuciyarta tana bugawa ahankali ahankali,

Binta da kallo ya fara yi wanda da bai samu zarafin yiba sai yanzu, idonshi ne ya kai kan jan lallen dake zane a tafin hannunta kasancewar ana igobe sunan matar yaya hassan anyi musu kunshi itada mai jego, ahankali ya mika hannunshi ya kamo nata ya soma bin kunshin da kallo,

"Woww.." Ya fad'a ahankali, hannunta ta fara k'ok'arin k'wacewa amma ta kasa saboda ya rik'eshi gam acikin nasa,

"Ka sakar min hannuna" tace dashi ba tare da ta jiyo ba,

Murmushi Lamido ya yi ya sake matsawa kusa da ita hadida rungumeta ta baya ya d'ora kanshi akan kafad'arta,

"Ikhlas banida bakin da zan baki hakuri domin nasan laifina mai girman gaske ne agareki amma duk da haka zance kiyi hakuri ki yafe min wallahi ina sonki, so mai tsanani"

Zoben hannunta ya kamo yana murzawa "kinga wannan zoben? Nine na saka miki shi bayan na cire wanda yake jikin dan yatsanki.."

Jikin ikhlas ne yayi sanyi aranta ta fara tunanin ashe kenan Lamido shine silar warkewarta domin tabbas shine mutumin da ya rabata da zoben da anty nafi ta bata ta saka acikin yatsanta wanda sakamakon haka ciwon hauka ya kamata,

Lumshe idanuwanta tayi ta yi luf ajikinsa tana sauraron kalaman da yake sanar da ita,

"Ina rokonki da ki yafe min duk abubuwan da suka faru, duk abubuwan da nayi miki laifinki ne saboda kece kika tilastani yin hakan amma wallahi ba dan bana sonki nayi miki ba"

Juyowa yayi da ita tana fuskantarsa, "nasan abinda nayi miki da ciwo da zafi da bacin rai amma ki daure ki yafe min please, ina sonki ikhlas, ina sonki fiyeda kowacce mace a duniya ki rike wannan a ranki kece macen da na fara so a duniya kuma har gobe baki sauya min ba dan haka ki daure ki yafe min..."

Hannuwanshi yasa ya tallafo kumatunta yana kallonta,

"Kin yafe min? Uhmm?"

Lumshe idanuwanta tayi tana jin lauassasun hannunshi bisa kuncinta ba tare da tayi magana ba,

"Ko baki yafe min bane..?" Ya sake tambayarta,

D'aga masa kanta tayi alamun ehhh,

Murmushi yayi ya dauketa cancak ya d'orata ajikinshi ya rungumeta tsamtsam yana jin wani irin farin ciki yana ratsashi,

"To me kike son inyi miki ki yafe min? Ko sai na biyaki bashinki sannan zaki yafe min?" Ya rada mata acikin kunnenta,

Kunya yasata ji dan haka tayi gaggawar cusa kanta cikin kirjinshi,

"Hakika yau ina cike da farin ciki domin na dade ina burin zuwan wannan ranar, ranar da zamu fuskanci juna nida ke ikhlas, babu shakka Allah ya soni da rahama shiyasa ya cika min burina ya mallaka min ke a matsayin mata"

Ikhlas dai lukus tayi acikin jikin Lamido ta kasa koda kwakkwaran motsi,

"Ka maida ni gida kaga yanzu sadiq ya tashi"

"Ai keda komawa gida sai gobe garama ki kirasu awaya ki fada musu"

"Yi hakuri dan Allah, daga fitowa sai ajini shiru ban koma ba?" Tace dashi fuskarta a shagwabe,

Wayarshi ya ciro daga cikin aljihun wandonshi ya mika mata,

"Ungo ki kirasu ki fada musu" ya dagota daga jikinshi yana mika mata wayar,

Fuskarta ta kawar taki amsar wayar, "kinga idan baki karba ba har na kashe wayar nan ba sake kunnawa zanyi ba sai gobe"

K'in karb'a tayi ta sake d'auke kanta hakan da tayi ya sake bawa Lamido sha'awa,

"Idan na k'irga 10 baki karb'a ba kashe wayata zanyi kuma babu ruwana tunda laifinki ne..."

Nan dinma shirun ta sake yi dan haka ya fara k'irgawa "1...,2..3...4...5...6...7...8..9..."

Kafin yace 10 tayi saurin mik'a hannunta ta kamo phone din,

Murmushi yayi ya rik'e hannunta wanda baya gajiya da kallonsa akoda yaushe domin kyaun da yayi,

"Ashe kina ji ai na dauka bakya ji"

Damk'a mata wayar yayi acikin hannunta yana kallon fuskarta,

Anty Farida matar yaya Hussain ta kira amma shiru bata daga ba hakan yasata tura mata text massage, massage din yana tafiya ta mika masa wayar idonta yana kallon k'asa,

Lollypop din da yake sha ya mik'a mata zai saka mata acikin bakinta,kawar da kanta tayi,

"Ni bazan sha kayan yara ba.." Ta fadi cikin shagwaba,

"Ni naji ni yaronne, nagode"

"Ni ai ba da kai nake ba saboda ban isa na cewa mai mata hud'u yaro ba" 

Murmushi yayi ya riko hannunta "ni mata na uku ai banyi ta hudun ba ko?"

D'auke kanta ta sake yi bata amsa masa ba,hakan ya sashi sakar mata da dan malalacin murmushi,

"Nagaji sosai saboda driving din da nayi daga yola zuwa nan pls taimaka min nayi wanka kinji"

Kallonshi tayi saboda yanda ya langab'ar da kanshi kamar wani k'aramin yaro,

"Please pretty na" ya sake fada yana sake langab'ewa, kwayar idonta ta sauke akasa domin yau ta fuskanci Lamido shagwaba yake ji ba kad'an ba, yau yarintarshi ce ta tashi,

"Ko naje na hada ruwan da kaina?" Ya sake tambayarta, tashi tayi ba tare da ta sake kallonshi ba ta nufi cikin bathroom din kafin ta fito har ya cire kayanshi ya rage daga shi sai gajeren wando, tana fitowa suka yi karo a kofar toilet din yana kokarin shiga, dafe goshinta tayi,

"Washhh..!" Da sauri ya rikota jikinshi yana kallon goshin nata,

"Am sorry my dear..." Yace da ita ahankali, harararshi ta danyi tafara kokarin barin wurin,kunnuwanshi ya kama da hannunshi,

"Double sorry preety"

Juyawa tayi fuskarta dauke da murmushi....

   _masu karatu kuyi hakuri na yau babu yawa kun san jiki da jini kwana biyun nan lafiya bata isheni ba ina fata zaku yimin uzuri._

_Gaisuwa mai tarin yawa gareku Hajjaju & fa'iza nagode sosai da kulawarku._

*_Ummi Shatu_*👌🏻

*RUWAN KASHE GOBARA...!*🔥

  _(Labari mai tab'a zuciya)_

   *_NA_*

*_UMMI A'ISHA_*

    _Sadaukarwa ga k'awata *KHADIJA SIDI*_

 aishaummi.blogspot.com

   *_74_*

~~~Cikin sauri ya kamo hannunta ya janyota baya yana murmushi, ita dinma murmushin take yi tana kallonshi,

"Ke ba zaki yi wankan bane?"

Kai ta daga masa,

"Why?" Ya tambayeta yana kokarin saka kwayar idonshi cikin nata,

"Ni nayi wanka dazu.." Ta bashi amsa, sakin hannunta yayi ya wuce cikin bathroom din yana murmushi kamar wanda aka yiwa bushara da aljannah yau haka yake jinsa,

Bakin gadon ta koma ta zauna tana jiran fitowarsa amma kuma duk atakure take domin bata taba zuwa hotel ba sai yau gashi ta taho su ammi basu sani ba yanzu idan ta koma ko me zatace musu? 

Tana cikin wannan tunanin Lamido ya fito ya zauna a bayanta, juyawa tayi ta kalleshi yanda ya matseta sosai,

"Ya akayi?" Ta tambayeshi,

"Kije kiyi wankan" ya mayar mata da amsa,

"Ikon Allah nifa nace maka nayi wanka.."

"Allah sai kinyi wankan nan kinji dai nace Allah" ya fada tareda fara kokarin cire hijabin jikinta,

"Yau naji ikon Allah, wai jikinka ko nawa?"

"Nawa" ya fada yana kashe mata idonshi guda daya,

"Ko ni zanyi miki?"

"A'a nagode" ta fada da sauri,

"To tashi kije kiyi"

Mikewa tayi ba dan taso ba ta nufi cikin toilet din tana cicccije lebe domin bata so,

Rigarshi yasaka ya fita yaje motarshi ya dauko yar karamar jakar kayanshi da ya zo da ita ya koma dakin, towel ya ciro ya nufi bathroom din domin kai mata,

"Abban sadiq nidai gaskiya ka fita..." Ta fada cikin shagwaba,

"Towel fa na kawo miki, shikenan na fita" lankaye mata towel din yayi ya fita ya koma cikin dakin ya kishingida akan gado yana sauraren fitowarta.

 Ta dade acikin bathroom din kafin ta fito tana daure da towel dinshi tasaka hijab tana rikeda kayanta a hannu, bakin gadon taje ta zauna tana goge jikinta da dan kwalin kayanta,

Tashi zaune Lamido yayi ya matsa kusa da ita,

"Kawo na tayaki.."

Kafin tayi magana har ya cire hijabin jikinta, bakin gashin kanta ya zubawa idanu yana kallo domin yana mutukar burgeshi, man shafawarshi ta dauka zata shafa nan yayi caraf ya rike hannunta,

"Ai cemiki nayi zan tayaki"

Kwace man yayi ya fara shafa mata ita kam duk yabi yasata jin kunya wanda shi kanshi ya lura da hakan domin kunyarta tana mutukar sake rikitashi, ahankali ya sake matsawa jikinta yace,

"Shy girl..."

Kasa jiyowa tayi domin salon shafa man da yake yi mata dabanne.

  Tashi zaune tayi tana bin dakin da kallo amma babu lamido, kasa kunne tayi sosai nan ta jiyo motsinshi a toilet, murmushi tayi ta shafi kumatunta da hannunta domin yau Lamido ya sakata tayi rayuwa mai dadi mai dauke da tsantsar nishadi aciki wacce bata taba yin irinta ba,

Motsin fitowarshi taji ta dan daga idonta ta kalleshi daga shi sai farin gajeren wando yana sharce ruwan dake jikin sumar kanshi,saurin dauke idonta tayi daga kanshi,

Gaban dressing mirror ya karasa ya fara kokarin shiryawa, babu zato ya hangota ta cikin mirror din tana zaune ta kura masa ido tana kallonshi,

"Yaya dai?" Ya tambayeta bayan shima ya bude manyan idanuwanshi akanta, girgiza masa kai tayi alamun babu komai,

"To ki tashi mana, ko kina sone na fita na barki ke daya a dakin?"

Cikin sauri ta tashi tana girgiza masa kanta ta shiga cikin bathroom tayi wanka ta fito lokacin Lamido yana tsaye yana salla, wuceshi tayi taje ta bude jakar kayanshi ta dauko farar t shirt mai gajeren hannu da blue din jeans ta saka ta dauki hijab itama ta fara sallar, domin sun makara sosai,

Lokacin data idar Lamido yana zaune ya kafeta da ido yana jiran ta, koda tayi sallama suna hada ido ya sakar mata hararar wasa,

"Kinga kin sakani banyi salla akan lokaci ba..."

Dauke kanta tayi daga kallonshi ta mike tsaye, "tunda ni na hanaka to kazo ka mayar dani gida saboda karka rasa ta isha kamar yadda ka rasa ta magrib"

Tashin shima yayi ya isa inda take ya kamo hannuwanta yana kallon kyakkyawan bakinta mai dauke da fararen hakora sosol hadida zagayayyen lips jajaye,

"Idan kin tafi dawa zan zauna?" 

"Sai ka zauna kai kadai"

Murmushi yayi ya dauki key din motarshi  yaja hannunta,

"Kayan nan sunyi miki kyau ko nabar miki ne?" Ya fada cikin zolaya,

"Babu wani kyau kawai dai kana zugani ne" tace dashi a shagwabance,

"To naji kibari yanzu muje mu dawo inyaso sai kiyi min shagwabar"

Langabe kai tayi "kai abban sadiq dan Allah nidai na yafe"

Kokarin rufe dakin yayi bayan sun fita ya juyo yana kallonta "see you idle girl har kin fara k'orafi?"

"Ehh na yarda, nidai ka kaini gida yanzu nasan sadiq yana can ya tashi yanata kuka.."

"Babu wani kuka,bayan kin koya masa shan madara saboda rashin kirki"

Hannunta ya kama suka fita har inda ya ajiye motarshi ta shiga suka tafi wurin cin abinci,

"Preety ya kamata ki sakeni haka fa saboda gaskiya na jigatu"

Kawar da kanta tayi gefe "ni na isa na rikeka kai da kake da mata 3 kana niyyar yin ta hudu"

Murmushi yayi ya riko hannunta "inada mata uku amma kuma duk ciki nafi ji dake..."

"Ni kar kayi min dadin baki, idan kaje wurin wata matar taka ma nasan abinda yafi haka zaka fada mata"

Shiru yayi yaci gaba da driving din yana nazarinta, a dan zaman da suka yi dashi ya fuskanci cewar ita mace ce mai kishi sai dai tanada kokarin boye hakan amma wani lokacin kuma yanayin furucinta yana bayyanar da abinda yake cikin zuciyarta,

Murmushi mai sanyaya zuciya yayi "kenan tana kishina?" Ya tambayi kanshi acikin zuciyarshi,

"Pretty kenan! Ko da wasa karki sakawa ranki cewar zan iya fadawa wata mace maganganu masu kama da wanda na fada miki, ki yarda dani"

Daidai lokacin yayi packing agefen titi daidai wani wurin sayar da abinci da kayan makulashe,

"Ki zauna anan bari naje na siyo mana abinci"

"Ka taho min da ice cream"

Bakinta ya kaiwa kiss yana fadin "ai wannan bakin naki yana son ice cream,duk abinda kike so yau zan samo miki domin banida abinda zan iya biyanki farin cikin da kika bani"

 Hannunta ta saka ta kare fuskarta, zame hannun nata yayi, "kin san how many marks kika samu?"

Sake rufe fuskarta tayi tana murmushi, ahankali ya rada mata,

"100/100 is your marks"

"Dan Allah ka bari" tafada tana murmushi,

"Shikenan tunda bakya so" yace da ita ahankali,

Sakinta yayi ya fita  daga cikin motar yana murmushi kamar yadda itama take murmushi, binshi tayi da kallo har ya shige cikin shagon, mintuna kadan sai gashi ya fito rikeda ledodi, cikin motar ya shiga ya mika mata kayan, ledar farko ta bude shawarma ta gani,hannu yasa ya gutsuro ya mika mata,

"Bude bakinki kici pretty" yace da ita yana kokarin saka mata acikin bakinta,

Bude bakinta tayi tareda lumshe idonta take Lamido yafara ciyar da ita abincin har sai da kawar ta kanta tace ta koshi, dayar ledar ya bude ya ciro robar ice cream ya mika mata,

"Zaki sha..?"

Cikin sauri ta daga masa kai alamun ehhh, mika mata yayi ya tsaya yana kallonta yana jiran yaga ta fara sha, tunanin ranar da suka sha soyayya a yola ya fara yi ranar da ya kaisu shan ice cream sam ya kasa mantawa da wannan ranar domin ranace wacce bazai iya mantawa da ita ba, gaba daya ya gama shagala da tunanin da yake yi babu zato yaji ikhlas na shafe masa kumatunshi da ice cream din hannunta,

Murmushi yayi ya riketa "kema kina son mu maimaita yanayin rannan ko? Nima ina bukatar hakan pretty, ina son hakan ta sake faruwa.."

Kankameta yayi suka fara kokawa ya kwace ice cream din hannunta ya fara Shafa mata a fuskarta, sun dade acikin wannan yanayi kafin daga bisani ya dauketa zuwa inda suka fito suna zuwa kan gado ya fada ya kwanta ya lumshe  idanuwanshi. Kusa dashi taje ta zauna tana jin sonshi yana yawo acikin jinin jikinta,

"Abban sadiq bacci zakayi?" 

Mirginawa yayi ya zagayeta da hannuwanshi yana kallonta,

"Bacci yanzu? Ai yau babu baccin da zanyi"

"Idonka biyu zaka zauna har gari ya waye?" Ta jefa masa tambayar bayan ta zuba masa ido,

"Zancen kike so amma harke a rashin baccin" ya fada tareda sakinta ya koma ya kwanta, bathroom ta tashi ta shiga saboda batayi sallar isha ba, yana daga kwance yana kallonta har ta idar da sallar tazo kusa dashi ta kwanta.

  Har gari ya waye rana ta fito lamido yana manne da ita ya kasa matsawa daga kusa da ita ga wani dan malalacin zazzabi dake rinjayarshi daga shi har ita jikinsu ya danyi zafi kadan, wurin karfe 8 ya mike ya shiga toilet  yayi wanka ya fito ya shirya ya saka coffee colour din t shirt da bakin wando, agefen gadon ya zauna ya kunna wayarshi yana duba sakonnin da suka shigo wanda na matanshi ne sai xahar wacce itama ta turo nata sakon,

Ahankali ikhlas ta bude idonta tana kallonshi, ba karamin kyau taga yayi mata ba domin fuskarshi har wani irin sheki take yi,

Zuba mishi ido tayi taci gaba da kallon kyakkyawar fuskarshi wanda ko kadan shi bai san tana yi ba domin duk a tunaninshi bacci take yi, kallonshi take yi sosai acikin zuciyarta tana tunanin duk wanda yaga lamido kallon saurayi zai yi masa domin babu wanda zaiyi tunanin cewar yayi auren fari balle har ace yana da mata uku,

Babu zato caraf suka hada ido dashi, saurin dauke kanta tayi daga kallonshi, ahankali ya matsa kusa da ita ya kamo hannunta yana kallon beautiful face dinta,

"Pretty kin tashi?" Yace da ita yana bin kunshin dake tafin hannunta da kallo,

Kai ta daga masa alamun ehh,

"Sorry ki tashi kiyi wanka" 

Juyar da kanta ta sake yi, murmushi yayi ya juyo da fuskarta da hannunshi,

"Ki tashi ki shirya, kinji?"

"To ka daina kallo na" ta fada cikin shagwaba,

"To na daina" ya bata amsa bayan ya juya mata baya, tashi tayi ta sauka daga kan gadon tana cewa,

"Kar ka bude idonka please"

Hannuwanshi ya saka ya rufe idanuwanshi yana murmushi,

"Bazan bude ba wuce"

Sauri tayi ta shige cikin toilet din tana lekenshi, sai da yaji shigarta cikin bathroom din sannan ya bude fuskarshi, order din abinci yayi musu kafin ta fito daga wanka har an kawo abincin ajiyewa yayi ya fita domin sauran wayoyinshi suna cikin mota.

Fitowa tayi ta shirya ta fesa turarenshi ta saka kayanta, dan karamin tsaki tayi domin babu kayan kwalliya ita kuma tana son tayiwa lamido kwalliya domin ya taba fada mata cewar yana so,

Ranta a dan bace tana daura dankwali ya shigo cikin dakin, agabanta ya tsaya yana kallonta,

"Menene ya batawa pretty na rai?"

"Babu komai" ta bashi amsa tana girgiza masa kanta,

"Da akwai pretty, ki fada min ko inyi miki kuka.."

Hakan da yafada ne ya sata yin murmushin da bata shirya ba "saboda baka gajiya da kuka?"

Ta tambayeshi tana murmushi, hannunta ya kama zuwa wurinda ya ajiye musu abincin da aka kawo musu,

"Naji dadi tunda na ganki kina murmushi, kici gaba da yin murmushi domin yana yiwa fuskarki kyau"

Wani murmushin ta sake yi, zaunar da ita yayi ya bude breakfast din ya fara bata a baki, shine ya ciyar da ita har sai da ta koshi sannan ta tashi ta koma kan gadon ta kwanta babu jimawa bacci ya dauketa, komawa yayi ya zauna ya dan ci abincin kadan sannan ya koma kusa da ita ya kwanta, wunin ranar sunyi shine manne da juna har sai da yamma tayi sannan ta saka masa darun sai ya mayar da ita gida, ba dan yaso ba haka ya dauketa suka nufi gidan,

Yana rike da hannunta yana driving da daya hannun sai labari yake bata wai wani lokaci sunyi dare shida bash police suka taresu zasu tafi dasu police station wasu karnuka suka fito sunfi guda talatin nan police din suka baje suka barsu shida bash,

Dariya sosai ikhlas take yi domin labarin yayi mutukar bata dariya sannan bata taba tsammanin lamido ya iya surutu haka ba sai yau domin baya yi, har sukaje kofar gidan yaya hassan dariyar take yi, amma sai dariyar tata ta yanke saboda ganin yaya Hussain tsaye fuskarshi a murtuke sai muzurai yake yi,

Jiki asabule ta fito daga cikin motar, shima lamido fitowar yayi ya nufi yayan nata wanda daga gani babu tambaya domin kamarsu kusan daya da ita,

"Ke daga ina kike? A ina kika kwana? Dama ashe ke sokuwace shashasha ban sani ba?" Yaya Hussain ya fada cikin masifa,

"Um yaya dama, dama abban sadiq ne yazo shine...." Ta bashi amsa cikin rawar murya,

"Shine kika bishi ko? Saboda bakida zuciya baki san ciwon kanki ba, mutumin da ya gama wulakantaki agidanshi ya nuna miki cewar bai damu dake ba shine har yanzu zai zo yayi miki dadin baki ki yarda? To bari in fada miki kiji irin wadannan yan duniyar sun wuce duk inda kike tunani kuma wallahi ko bana nan ban yarda ki sake kulashi ba balle har ki bishi kinji dai na fada miki, dalla wuce ciki kibar nan ko na bugeki.."

Juyawa yayi ga lamido wanda yake tsaye yana kallonshi,

"Kai kuma ina mai gargadinka da ka fita daga harkar yarinyar nan domin muddin ina raye to bazata koma gidanka ba garama ka saketa ka daina batawa kanka lokaci idan kuma baka saketa ta dadin rai ba to kasani zaka saketa ta cikin bacin rai da tashin hankali"

Yana kaiwa nan ya juya yabar lamido awurin ya nufi cikin gida wurin ikhlas....!

_*Ummi Shatu*_👌🏻

*RUWAN KASHE GOBARA...!*🔥

  _(Labari mai tab'a zuciya)_

  *_NA_*

*_UMMI A'ISHA_*

    _Sadaukarwa ga k'awata *KHADIJA SIDI*_

   aishaummi.blogspot.com

   *_75_*

~~~Tsayawa Lamido yayi a k'ofar gidan yana jiran fitowar yaya hussain amma acikin zuciyarsa yana jin radadin maganganun da yaya hussain ya jefeshi dasu,

A fusace yaya hussain ya shiga cikin gidan inda ikhlas ke tsaye a tsakar gida ta kasa karasawa cikin falon domin maganganun da yaya hussain ya fadawa lamido sunyi mutukar girgiza ta,

Tana jin tahowarshi tayi saurin shigewa cikin falon kamar an jehota,

"Lafiya..?" Farida matarshi ta fada tana kallon ikhlas,

"Wannan yarinyar ban san cewa shashasha bace sai yau, in banda rashin hankali meye nata na bin shi..?" Yaya hussain ya fada yana huci,

"Kayi hakuri dai dan Allah, abi komai a sannu" farida tace dashi cikin sanyayyiyar murya, juyawa yayi ya fita a fusace, nan farida ta juyo tana duban ikhlas,

"Haba ikhlas meyasa zaki bishi kamar baki da wayo? Kefa kike bani labarin irin wulakancin da yayi miki agidanshi, meyasa bazaki tsaya kija ajinki ba a matsayinki na ya mace ai ya kamata ace kinja masa aji bawai daga baki hakuri zaki hakura ba.."

Kallonta ikhlas tayi idonta cike da kwalla "anty farida ya kuke so nayi ne dan Allah? Yazo ya bani hakuri kuma har kuka ya tisani agaba yana yimin idan ban kulashi ba yaya zanyi..."

"Babu wani kuka kedai kawai kinyi missing din mijinki shiyasa kika bishi"

Juyawa tayi ta fita domin tasan idan ta zauna farida ta rinka tsokanarta kenan. Lamido kam yana nan tsaye har yaya hussain ya fito ya wuceshi fuskarshi babu fara'a, bin bayanshi lamido yayi har zuwa gidan ammi, babu alamun tsoro ko fargaba yasaka kai ya shiga cikin gidan, yaya hussain na zama shikuma yana shigowa, mikewa tsaye yaya hussain yayi yana huci,

"Waye ya baka izinin shigo mana cikin gida? Ka gaggauta fita mana daga gida"

Ammi ce ta fito daga cikin daki saboda jiyo maganar Hussain da tayi,

"Hussain me yake faruwa ne...?"

Ganin lamido da tayi ya sata janyo tabarma ta fara kokarin shimfida masa tana cewa,

"Bako muka yine?"

"Ammi karki saurareshi domin ikhlas ba zata koma gidanshi ba"

"Haba hussain ya isa haka mana, kayi hakuri muji abinda ke tafe dashi"

Zama Lamido yayi amma ranshi ya fara baci da maganganun da Hussain ke yaba masa, zama ammi tayi suka fara gaisawa da lamido, hussain kuwa har lokacin sai masifa yake zubawa har hajiya ta shigo dauke da sadiq a hannunta ai sadiq yana ganin lamido ya fara tsalle kamar zai fado,

Karbarshi lamido yayi yana murmushi, zama hajiya tayi ammi ta fara kora mata jawabin abinda ya faru nan hajiya tace to sai abawa lamido matarsa su tafi tunda gashi har yazo  biko da kansa, fada hussain ya tayar shi a lallai ikhlas ba zata koma gidan lamido ba, da kyar hajiya da ammi suka shawo kanshi suka bashi hakuri ya yarda cewar ikhlas zata koma amma da sharadin ko yaya lamido ya sake yi mata wulakanci ko ya fifita matanshi akanta to ta dawo gida kuma wallahi ba zata koma ba har abada, akan wannan sharadin hussain ya amince da komawar ikhlas, suna nan zaune bayan an sasanta ikhlas ta shigo sai rrrakubewa take yi domin kunyar su ammi da hajiya take yi saboda bin lamido da tayi,

"Ke idan zaki shigo ki shigo ba ason munafurci, kizo ki tattara kayanki kibi mijinki kuje can ku karata" hajiya tace da ita cikin daga murya,

"Hajiya munafurcin me nayi kuma" ikhlas ta fadi cikeda kunya bayan ta shiga cikin dakin,kukan da sadiq ya fara yine saboda ganinta da yayi ya sata juyawa ta karbeshi daga hannun lamido ta shige cikin dakin ammi ta zauna tana yiwa sadiq magana,

"Saddiqun abba jiya na barka acikin maraici ko? Allah sarki yarona kayi hakuri abbanka ne ya jawo maka..."

Tana daga cikin daki tana jinsu suka gama sasantawa da zummar gobe lamido zai zo su tafi, karar shigowar text massage cikin wayarta taji tana dubawa taga lamido ne ya turo mata sako kamar haka,

   _pretty shine ko sallama babu ko? To ai ni ban sallameki ba kika tafi amma shikenan  na tafi,ki shirya da wuri gobe domin da sassafe zamu tafi, sai kinji wayata nagode da kulawar da kika bani, I know zanyi mutukar missing dinki yau, i love you....!_

Murmushi tayi bayan ta gama karanta sakon nashi, sadiq ta kwantar ta tashi ta fara harhada kayanta tana shiryawa acikin akwati har ammi da hajiya suka shigo,

"Kin dawo?" Hajiya ta tambayeta tana rike habarta,

"Ke yarnan wato shine kika bi mijinki ko sallama babu ko? Anata kokarin a kwato miki yancinki amma ke bakya gani, to ai shikenan sai ki shirya ku tafi dama ba mune muka je muka daukoki ba kece nan kika zo da kafarki"

Shiru ikhlas tayi bata tanka ba domin ta fuskanci cewar duk abinda zata fada musu ba ganewa zasu yi ba saboda basu san tsakaninta da lamido ba, sam ba zata iya jurar ganinshi cikin damuwa ba mutukar tanada ikon rabashi da damuwar,itadai ammi na jinsu batace dasu komai ba har hajiya ta gama bambaminta ta tafi,

Har tsawon lokaci ikhlas na zaune ta kasa daga kanta ta kalli ammi, murmushi ammi tayi tai gyaran murya tasoma yi mata fad'a akan idan ta koma yola ta yi hakuri ta zauna da kishiyoyinta da mijinta lafiya sannan ta zama mai rufe sirrin mijinta acikin kowanne lokaci.

 Kammala shirya kayanta tayi wuri daya, acikin daren yaya hussain ya kawo mata abdallah domin suyi sallama, k'in bin yaya Hussain abdallah yayi yace awurin ikhlas zai kwana hakan kuwa akayi domin rungumeshi tayi ajikinta ahaka suka yi bacci.

 Washe gari da safe da wuri ta tashi ta shirya ta shirya sadiq sannan ta shirya abdallah domin akwai school yaya hussain zai zo ya kaishi, su abdallah na tafiya lamido yazo, agurguje suka gaggaisa dasu ammi ya dauki kayan ikhlas da sadiq ya fita, sallama tayiwa su ammi da dukkan mutanen gidan ta fita wurin lamido, dakyar ta lallabashi ya kaita gidan yayunta tayi sallama da matansu ta fito, nan suka dauki hanyar yola lamido sai hira yake yi mata.

Karfe 2 na rana suka shiga cikin garin yola, kai tsaye gida suka wuce, itace ta fara shiga cikin gidan nan ta ganshi babu alamun mutum aciki tasan duk yanda aka yi fadila da ihsan suna makaranta, bedroom dinta ta karasa lamido yana biye da ita dauke da kayanta a hannunshi, ajiye mata kayan yayi yai mata sallama ya fita domin yanada abubuwa da yawa wadanda zai gudanar a kamfaninshi,

Zama ikhlas tayi ta gyara part dinta sosai ta shiga kitchen ta dafa jalop din taliya da kifi, tana kokarin fitowa daga cikin kitchen din fadila ta shigo rikeda littattafai a hannunta,

"Ashe kun dawo? Sannu da zuwa" fadila tace da ita tana yayyatsina fuska,

"Ehh mun dawo, barka da dawowa" ikhlas ta bata amsa daga nan kowa ya wuce sashensa ba tare da sun kara yin wata magana ba.

Tunda ikhlas ta shiga daki bata sake fitowa ba har dare yayi, shi kanshi lamidon shima bai samu damar dawowa gidan ba sai bayan sallar magrib, kansa tsaye dakinsa ya shiga yayi wanka ya fito gashi wata irin yunwa yake ji domin rabonshi da abinci tun safe, salla yayi ya nufi dakin ikhlas,

Tana zaune agefen gado tana turawa yaya Hussain text lamido ya shiga cikin dakin, kamshin turarenshi kawai taji ta gane zuwanshi, dago da kanta tayi ta kalleshi, yasha kyau cikin farar t shirt wacce aka rubuta home boy ajiki da bakin wando,

Murmushi ya sakar mata ya karasa cikin dakin ya je kusa da sadiq yana kallonshi,

"Saddiquna har kayi bacci? Yau ban ganka sosai ba aiki ya rikeni"

Dagowa yayi daga kallon sadiq ya kalli ikhlas, "pretty yunwa nake ji kinada abinci ki bani?"

"Akwai abinci bari na baka" tashi tayi taje ta zubo mishi abincin data dafa da rana tazo ta ajiye mishi, hannunta ya rike yana kallon fuskarta,

"Tsaya ki bani mana..."

Zama tayi ta soma bashi a baki yana ci amma sai shhhhh yake yi alamun akwai yaji a abincin,

"Abban sadiq gaskiya ka fiya raki da yawa naga babu wani yaji sosai"

"Haka dai kika ce" ya bata amsa yana wasa da zoben dake sanye cikin dan yatsanta,

Murmushi tayi ta dauko masa juice ta tsiyaya masa,makale kafada yayi,

"Ni dai wallahi na bakinki nake so.." Lallabashi taci gaba dayi domin ta fuskanci lamido tamkar yaro yake sai da rarrashi, da wayo da dabara ta samu ya gama cin abincin yasha juice,

Cikinta ya shafo, "ki rage cin yaji kinga kinada juna biyu.."

Saurin kallonshi tayi sai kuma tayi murmushi, "wanne irin juna biyu kuma?" Ta tambayeshi,

"Wanda kike dashi"

Yabata amsa yana matsawa kusa da ita, murmushi tayi ta rike hannunshi, 

"To wallahi ni banida wani juna biyu saboda dazun nan ma..."

Bude idonshi yayi sosai yana kallonta "dazu me? Bako kika yi? To wallahi kice masa ya koma,wai ma tsaya yanzu kina nufin duk wannan zazzabin da kika rink'a goga min dama ba ciki ne dake ba...?"

"Na goga maka zazzabi kodai ka goga min..?"

"Kece kike goga min ni kar kiyi min sharri, wallahi kece.."

Dariya tayi ta fara tattare kayan da yaci abincin ta fita, binta yayi ya kama hannunta zuwa babban falo inda su fadila suke zaune suna kallo, 

Agefensu ya zauna ita kuma ta zauna a gefenshi, dukkaninsu sunsha kwalliya musamman ma ihsan wacce taci gayu cikin riga da wando,

Bayani yayi musu sosai akan su zauna lafiya banda fada banda daukar magana sannan girki zasu rinka yin kwana daya daya, nan ya tambayesu ko akwai mai magana acikinsu sukace babu amma yau ya kwana a dakin ikhlas in yaso washe gari sai afara rabon kwanan, ba karamin dadi lamido yaji ba,

Tashi ikhlas tayi ta koma dakinta ta barshi zaune awurinsu fadila suna hira, wanka ta shiga tayi ta fito ta zauna ta fara tsarawa fuskarta kwalliya, jagira, jan baki, kwalli, lip glow, powder, mascara, eye shadow duk sai da ta sakawa fuskarta cikin wannan daren domin tana son yau ta burge lamido, turare kuwa kamar barinshi akayi ajikinta domin ko wanne bangare na jikinta kamshine ke tashi na daban, wata light purple din rigar bacci ta saka mai dan siririn hannu wacce bata da nauyi,gashi ta gyara gashin kanta ta tufkeshi wuri guda,

Tana zaune tana feeding din sadiq ya shigo cikin dakin yana sanye cikin kayan bacci riga da wando,

"Woww..." Yafadi ahankali bayan ya zauna a kusa da ita,

"Kinyi kyau pretty na sai kace wacce zata je dinner"

Murmushi ikhlas tayi ta fara masa idanuwanta batare da tayi magana ba nan yaji ya sake rikicewa, da kanshi ya dauki sadiq ya kaishi cikin dan karamin gadonshi ya kwantar dashi ya koma gareta.

 Tun misalin karfe 8 ikhlas tayi wanka ta shirya tayi kwalliya sosai ta saka wata koriyar atamfa tasha dauri bayan ta game dukkan sassan jikinta da turare, gefen lamido taje ta zauna ta kwantar da kanta akan gadon bayanshi,

Hannunta ya riko ya soma kissing dinshi har lokacin idonshi a rufe yake,

"Abban sadiq ka tashi.."

"Me zanyi idan na tashi?" Ya tambayeta idonshi arufe,

"Shirin office"

"Ba yanzu ba"

"Sai yaushe?" Ta sake tambayarshi,

"Sai 10 lokacin nagama ganawa dake"

Murmushi tayi ta matsa hannunshi "to ka tashi kaje ka gaisa da matanka karsu fita school baku gaisa ba.."

Sai a lokacin ya bude idonshi domin har ga Allah ya manta dasu saboda idan yana tare da ikhlas dinshi mantawa yake yi da kowacce mace,

Zaune ya tashi yana binta da kallo domin ba karamin kyau tayi ba tasha ado sosai gashi har sarka da awarwaro ta saka,

"Kinyi kyau, zo muje ki rakani mu gaisa da su ihsan"

Tashi tayi ta bishi suka fita ita ihsan har ta tafi makaranta lokacin ita kuma fadila ta fito zata tafi, yana jikin ikhlas rungume da ita suka gaisa da fadila ta juya ta wuce ta fita, dakinshi suka shiga acan suka sake bude sabon babin soyayya.

Sai karfe 11 lamido ya samu ya fita wanda ahakan ma da kyar ya iya daurewa ya fice, amma koda yaje office dinma bini bini sai ya kirata awaya yaji muryarta, har ya taso daga office ya dawo gida hankalinsa na ga ikhlas, yau kam a dakin fadila yake dan haka duk sai ikhlas taji ta shiga damuwa amma haka ta daure suka yi sallama dashi ya tafi. Daren ranar daga shi har ita basuyi baccin kirki ba gari yana wayewa ya nufi dakinta tana zaune tana yiwa sadiq wanka tasha kwalliya sosai cikin shadda orange colour wacce tasha dinkin sirfani,dagowa tayi ta kalleshi tana murmushi,

"Abban sadiq har ka tashi?" 

Kiss yayi mata a kumatu yace "dama nazo ganinku ne tunda kuna lafiya shikenan"

"Lafiya lau muke abban sadiq"

Mikewa yayi ya fita ya nufi dakinshi.

 Haka rayuwarsu taci gaba da tafiya cikin farin ciki da kulawa da juna domin ikhlas tana mutukar kulawa da lamido kullum cikin yi masa kwalliya take kala kala, gaba daya ta gama mamaye zuciyarsa da soyayyarta domin duk cikin matanshi yafi sonta yafi kaunarta kowanne lokaci cikin begenta yake,

Tafiya ce ta kamashi zuwa abuja nan ya fara ahiri yaso ya tafi da ikhlas amma taki saboda bata son matanshi su gane tafisu fada awurinshi ko kuma yafi fifitata akansu, tsayawa yayi yaki koda kallonta ya juyar da kanshi yana kallon wani wuri ita ikhlas sai hakan da yayi ya sake burgeta tana tsaye ta jingina da bangon falonta kallonshi kawai take yi yasha kyau sosai cikin jar t shirt mai zagayayyen wuya da bakin wando ya daura jan agogo da jan takalmi sauciki ga kuma lollypop a bakinshi yana sha,sunfi minti biyar a tsaye amma yaki kallonta, juyawa yayi ya shiga cikin dakinta ya yiwa sadiq kiss a kumatunshi ya fito, sai da yazo daf da ita zai gifta tayi saurin shiga gabanshi ta rungumeshi, wata sanyayyiyar ajiyar zuciya ya sauke amma sai bai nuna mata yaji dadin hakan da tayi ba,

"Haba handsome kar kayi fushi dani mana.."

Maimakon ya bata amsa saima kawar da kanshi da ya sake yi,jin yaki kulata ya sata kai masa kiss a bakinshi bayan ta cire lollypop din da yake tsotsa, yana jinta tana kissing din lips dinshi amma bai mayar mata da martani ba, dauke bakinta tayi daga kan nashi tana zumbura baki,

"Mantawa ma nayi nai kissing din bakinka bayan bani kadai ce dashi ba"

Nan dinma shirun yayi mata bai tanka ba amma acikin zuciyarshi dariya yake yi mata sakamakon abinda yaji ta fadi,

"Koda yake ya na iya, babu yanda zanyi dole haka zan daure.."

Bakinshi ta sake kamawa tafara kissing dinshi har na tsawon wani lokaci kafin ta sakeshi, duk wannan abun da tayi da fushi suka rabu dashi saboda yana jin haushin bata bishi ba amma ita sam bata so wannan tafiyar tashi ba domin jikinta yayi sanyi kwatankwacin irin sanyin da yayi ranar da Abubakar sadiq zai bar duniya....

*_Ummi Shatu_*👌🏻

Copied By

HAYATU BABA ZUBAIRU

        (admin

   Arewa hausa novels 

       Novels villa

     Duniyan novels 

   Hayat hausa novels

Hausa novels and fashion

          And 

Cool novel, makeup and cooking) 

      WHATSAPP NO:

    +2347039625239

*RUWAN KASHE GOBARA...!*🔥

  _(Labari mai tab'a zuciya)_

   *_NA_*

_*UMMI A'ISHA*_

   

    _Sadaukarwa ga k'awata *KHADIJA SIDI*_

  aishaummi.blogspot.com

  *_76_*

~~~Cikin d'aki ikhlas ta koma ta kwanta akan gadonta ta rungume sadiq tana tuna Lamido da daddadar rayuwar da suka gudanar acikin kwanaki biyun nan sai dai kuma duk jikinta jinsa take ya gama yin sanyi gashi zuciyarta sai harbawa take yi da sauri,

Lumshe idanuwanta tayi tana jin kamar ta kira lamido tace masa ya fasa yin tafiyar nan saboda hankalinta bai kwanta ba,

Tana nan kwance sai juyi take yi tana tunaninshi da zarar ta rufe idonta babu abinda take gani sai kyakkyawar fuskarshi yana yi mata murmushi, bude idonta tayi ta kalli sadiq wanda ke kwance yana bacci, sake lumshe idonta tayi tana ci gaba da tunanin lamido, duk abubuwan da suka faru tsakaninsu da irin soyayyar da yake nuna mata idan sun kebe su biyu sai da duk kwalwalwarta ta tariyo mata su, fuskarta dauke da murmushi bacci ya saceta.

 Abangaren lamido kuwa driving yake yi amma tunaninsa yana ga ikhlas domin duk wani motsin zuciyarshi itace kwata kwata bai san wanne irin so yake yi mata ba a rayuwarshi,

Murmushi ya saki ya shafi sajenshi domin tunota da yayi da rakin da take nuna mishi idan suna tare hadida shagwabarta da take yi mishi,

"I love you pretty" ya fada ahankali tareda daukar wayarshi wacce ke faman ruri,

"Hello bash.."

"On top ya akayi ne..." 

"Ka ganni a hanya bash idan naje zan kiraka"

"To asauka lfy amma wallahi ba girmanka bane zuwa abuja a mota kamata yayi ka tafi by flight.."

"Ina son tsayawa awurin budurwata ne a Kaduna shiyasa"

Dariya bash yayi yace "wannan maganar kamar a kunnen ikhlas, sai na fada mata idan naje gidan anjima"

"Wohhhh, bash kar ka fada mata dan Allah, ka rufa min asiri wallahi idan ikhlas taji na kad'e tsaf... Wallahi ikhlas ta wuce yanda kake tunani akan kishina"

Dariya bash ya sake yi "ka godewa Allah domin ya baka mata kyawawa tamkar jera maka matan duniya akayi gaba dayansu ka zauna ka zabo kyawawan ciki.."

"Kai bash bari fa, nidai dan Allah karka fada mata kodan nasan maganinka bari ma na kirata yanzu before kaje gidan"

Katse wayar yayi ya fara kiran ikhlas wacce keta faman bacci,

Cikin bacci ta jawo wayar ta dauka ta kara a kunnenta,

"Pretty..." Ya fadi ahankali,

"Washh, abban sadiq ko har ka sauka ne.."

Murmushi yayi ya sake gyara wayar a mazauninta,

"Wai bacci kikeyi ne.."

"Uhmmmm" ta bashi amsa,

"Baccin jiya bai isheki bane?" Ya fada cikin tsokana,

"Uhmm" ta sake bashi amsa,

"Haba?"

Juyi tayi da wayar a kunnenta ta rungume pillow,

"Ba kai bane ka hanani..."

Murmushi yayi mai dan sauti, "to kiyi hakuri nan gaba zan barki kiyi har sai kince kin gaji da baccin"

"Abban sadiq kaine zaka bar mutum yayi bacci? Hmm wallahi ba zaka iya ba"

"To ai ni pretty ke dince rudani kike yi shiyasa bana iya hakuri dake amma ni ke kadai nake yiwa wannan nacin, Allah idan bake bace zan iya yin 1 month ba tare da..."

"Wa fa?" Ta tambayeshi

"Mace,tunda na sameki naji kishin ruwana ta tafi, yanzu bana bukatar kowacce mace bayanki" ya bata amsa yana murmushi,

"Abban sadiq kaga driving kake yi,idan ka sauka za muyi magana"

"To tunda korata kike shikenan, Allah sarki ni, bani da gata" ya fadi cikin kalar tausayi, kafin tayi magana har ya fara kissing dinta ta cikin wayar,

"Nagode abban sadiq" tace dashi tana murmushi saboda har yasa tsikar jikinta ta fara tashi,

"Sai munyi waya" ya fada tare da katse wayar,

Juyi tayi ta ajiye wayar tana murmushi, "abban sadiq rigima" ta fadi ahankali,sake kwanciya tayi nan wani baccin ya dauketa.

  Misalin karfe biyar na yamma a hanyar abuja motar lamido ta samu matsala burki ya tsinke, wani katon rami motar ta nufa taje ta fada, nan mutane suka taru aka fara kokarin fito da ita domin lokacin da abun ya faru anyi sa'a akwai mutane awurin, sai da aka nemo kugiya sannan aka samu damar fito da motar tashi, dakyar aka zaro Lamido wanda yayi dogon suma aka nufi asibiti dashi.

 Baffa aka yiwa waya aka sanar masa da accident din, arude ya nufi sashen innah yaje yace itama ta shirya zasu tafi abuja yanzu,

Babu wanda baffa ya fadawa su biyu suka tafi sai da dare ya raba sannan suka karasa asibitin da lamido yake, jikinshi duk ya yanyanke da glass,

Likita ne ya kira baffa yayi mishi bayanin cewar lamido bai karye ba kuma baiji koda targade ba sai dai amma yasamu babbar matsala domin glass ya yankeshi ya sake masa sabuwar kaciya wanda har suna ganin ba zasu iya yi mishi aiki ba sai dai in a fitar dashi kasar waje sannan glass din ya dan yanyankeshi,

Fitowa daga office din likitan baffa yayi yana goge kwallar idonshi hankalinshi duk ya gama tashi, innah ya samu ya yiwa bayani kamar yadda likitan yayi masa, cikin tashin hankali ya kira bash ya fada masa abinda yake faruwa,

Karshen tashin hankali bash yajishi a wannan lokacin domin dama ya jima yana kiran wayar lamido amma bai sameshi ba, suna gama waya da baffa gidan lamido yaje lokacin da yaje ma duk sun kwanta kowacce tana dakinta,zagewa bash yayi ya rinka kwada sallama iya karfinshi,

Ikhlas ce ta fara fitowa ta amsa sallamar dama sam ta kasa bacci domin hankalinta atashe yake saboda ta kasa samun lamido a waya,

Tunda taga bash tasan akwai abinda ya samu lamido, dakin ihsan ta nufa akaro na farko domin bata taba shigaba sai yau, tasota tayi ta fito ta shiga dakin fadila itama ta tasota, ganin su duk hankula atashe yasa bash kasa magana,

Nan kuma duk hankalinsu ya kara tashi saboda sun fahimci lamido ya mutu kasa fada musu bash yayi, kuka fadila da ihsan suka soma yayinda ikhlas kuma ta shiga addu'a tana hawaye, dakyar bash ya iya dakatar dasu ya fada musu cewar lamido bai mutu ba yana raye amma yana asibiti, ai suna jin haka suka ce basuga ta zama ba tafiya zasuyi a daren, babu yadda bash baiyi dasuba akan su bari sai gobe da safe amma suka ki,

Acikin daren suka kama hanya, bayan sallar asuba suka shiga garin abuja,lokacin da sukaje asibitin innah suka iske tana zaune a reception tana ta faman jan carbi shikuma baffa ya tafi cuku cukun yanda za ayi asamu visa domin fita da lamido kasar India,

Tare suka dunguma da innah zuwa dakin da lamido yake, yana kwance idanuwanshi arufe da alama ma baya cikin hankalinshi, cika dakin su fadila suka yi da kuka in banda ikhlas wacce hawaye kawai take yi tana addu'a acikin rants gaba daya tausayin lamido take ji.

 Sai wurin karfe 9 na safe sannan baffa ya dawo tareda yayan lamido nan suka rankaya wurin likitan suka kara samun bayani dangane da lalurar data samu lamidon.

Kwanan lamido Biyar a asibitin ana jinyarshi su ihsan kuwa kullum cikin kuka suke aranar aka samu visa tafiya India ta tashi, amma visa din ta mutum biyu aka samu dan haka baffa yace da Lamido da fadila ne zasu tafi tunda fadila itace uwar gida, da kuka duk suka rabu bayan sun rakasu airport, daga nan kuma yola suka koma.

Ikhlas dai faruwar wannan lamari yasa ta rasa nutsuwarta amma kullum cikin yiwa lamido addu'a take akan Allah ya bashi lafiya, bacci kuwa rabonta dashi har ta manta duk tabi ta rame ta kanjale kullum kwana take tana salla tana yiwa lamido addu'a, yanzu tsakininta da ihsan zamane na zumunci da mutumci domin tunda wannan abun ya faru ihsan din ta sauke abinda ke kanta.

 Satin lamido uku acan ya warware amma sai dai tunda ya fahimci abinda ya sameshi yaji hankalinsa ya tashi, ikhlas ya kira awayar fadila amma koda ta dauka sai ya kasa yi mata magana hawaye kawai yake yi jin yakasa yin magana sai kuka yasa hankalin ikhlas ya tashi nan itama ta shiga rera kukan, kullum aikin kenan kuka shi kuka ita kuka kafin wani lokaci tuni har hawan jininshi ya sake bunk'asa sai dakyar likitoci suka samu nasarar saukar dashi,

Watanshi daya da sati biyu aka sallamoshi suka tattaro suka dawo gida shida fadila bayan likitoci sun bashi lokacin dawowa domin za asake dubashi, ranar da zai dawo ranar ikhlas kamar za tayi me dan murna, daga ita har ihsan haduwa suka yi suka shirya masa kayan sauka sannan suka gyara gidan, karfe biyu dai dai na rana su lamido suka sauka bash yaje ya daukosu,

Lokacin da suka shiga gidan ikhlas da ihsan suna zaune a falo suna jiran dawowarsu, ai suna shigowa ihsan ta tashi da gudu taje ta rungumeshi, rungumeta yayi yana kallon ikhlas wacce ke zaune ta danyi ado cikin wata brown din atamfa, itama ikhlas din shi take kallo tana murmushi, idonshi guda daya ya kashe mata,sunkuyar da kai tayi ta sake dagowa har lokacin ita yake kallo suna hada idanu yayi mata nuni da ta zo gareshi, kafada ta makale tana murmushi, sakin ihsan yayi dukkaninsu suka nemi wurin zama,

Bayan yan gaishe gaishe su ikhlas suka gabatar musu da abinci, ikhlas ce ta matsa gabanshi tana zuba masa abincin kugunta ya riko yajata jikinshi ya matseta, gaba daya ikhlas ji tayi kunya ta rufeta domin gasu fadila awurin sannan ga bash yana nan, da kyar da dabara ta samu ta zame daga jikinsa ta nufi bedroom dinta domin tana tsammanin sadiq ya tashi,

Tana zama agefen gado lamido na shigowa, abayanta ya zauna ya rungumeta bayan ya dora kanshi akan kafadarta daya,

"Wato shine ko gaisawa ba zaki tsaya muyi ba ko?" Ya rada mata acikin kunnenta,

"Kayi hakuri abban sadiq ai kaga ba mu kadai bane awurin"

"Naki wayon" ya fada yana wasa da jelar gashinta wanda yake tufke akan dokin wuyanta,

"Yaya jikin naka?" 

Ajiyar zuciya ya sauke yasake kwanciya ajikinta "jiki da sauki pretty amma sai na sake komawa next month..."

"Ai babu komai insha Allah zaka samu lafiya"

"Allah yasa pretty"

"Amin" ta bashi amsa tana zame hannunshi,

"Meye haka kuma?" Ya tambayeta cikin shagwaba,

"Abban sadiq daga dawowarka kuma sai...."

Hannunshi yasa ya rufe mata baki, "shhhhh ya isa tunda rowa zaki yimin shikenan bari natafi"

Saurin rikeshi tayi tana murmushi,

"Yi hakuri abban sadiq"

Bakinta ya zubawa ido yana kallon yanda take yi masa magana bata fargaba taji ya dora nashi bisa nata.

 A ranar da suka dawo da daddare su baffa suka zo suka dubashi, sun dade tare har wurin karfe 10 sannan suka tafi, dakin ikhlas ya shiga kai tsaye tana kwance ita da sadiq tana feeding dinshi,

Bayanta yaje ya kwanta ya rungumeta, gaba daya ya gama kanannadeta acikin jikinshi yana shakar kamshin jikinta,

"Abban sadiq..."

"Anan zan kwana pretty, kasantuwa ta dake ne kadai zai rage min radadin abinda ke damuna"

Shiru tayi masa bata bashi amsa ba domin ahaka dai gashi nan zaka ganshi kamar lafiyarsa kalau amma kuma ba lafiya lau din yake ba, wasu zafafan hawaye ta fara yi saboda tsananin tausayinshi, sadiq ta matsar daga jikinta ta juya ta rungume lamido tsam tsam ajikinta tafara shafa sumar kanshi, tana jinshi sai sauke ajiyar zuciya yakeyi lokacin da yana baccin,wani irin tausayinshi taji yana shigarta, kissing din bakinshi tayi ta sake rungumeshi.

 Tunda ya dawo gidan nasu kullum baya rasa mutane yan dubiya har yan maiduguri ma sunzu dukkaninsu sun dubashi, kwananshi Biyar da dawowa ya koma office yaci gaba da harkokinsa, da misalin karfe biyar ya dawo gida yana zaune a babban falo yana aiki a laptop dinshi su fadila itada ihsan suna gefe daya suna shirya wata kujerar hutawa suna daureta da notina ita kuma ikhlas tana kusa da lamido azaune tana rikeda sadiq suna yin hira amma su kadai suka san abinda suke cewa ko su fadila basa jiyo abinda suke fada kawai dai sun ganshi yana murmushi,

"Wallahi kika kuskura kika yaye min yaron nan da wuri ko, hmmm" yace da ikhlas yana murmushin mugunta,

"Ban ganeba, me zaka yi?" Ikhlas ta tambayeshi tana kallonshi,

"Me kuwa zanyi miki? Babu abinda zanyi miki amma sai kinji dama ace baki yayeshi ba"

Murmushi tayi "to ai babu damuwa indai dan hakane yana yin wata goma sha biyu zan yayeshi"

"To ki yayeshi kigani"

"Me zanga? Da ban gani ba sai yanzu?"

Dariya lamido ya fara, "ki fito fili ki fadi abinda kike son fadi, nasan manufar maganarki nufinki da banyi miki ciki ba sai yanzu da banida lafiya ko? Zaki sha mamaki ne pretty ki gama hasashenki akaina daga karshe kuma kisha kunya"

Dariya ikhlas tafara shima lamido dariyar yake yi yana kallon laptop dinshi, shigowar bash ce ta katse musu hirar tasu,

"Ah kaga mijin Mace hudu, mijin fadila da ihsan da ikhlas da amarya mai zuwa xahar" bash yafadi cikin tsokana,

Dagowa lamido yayi ya kalli bash yana cewa, 

"Ban son hadi bash wacece kuma wata amarya me zuwa?" Ya fada yana satar kallon ikhlas wacce tayi kamar bata san abinda suke fada ba,

"Budurwarka mana xahar, wallahi ta kirani jiya saboda tana ta son ganinka to amma tace bata son tazo gidanka"

"Malam ya isheka haka muje na baka sakonka yana cikin mota" lamido ya fada bayan ya tashi yaja hannun bash zuwa waje, suna fita ya daki kafadarshi,

"Kai bash yau ka hada min bomb agidan nan, meyasa zaka yimin wannan tonon asirin agaban pretty, wallahi yau ka jawo min rigima saboda har yau bata san da xahar ba su fadila ne kawai suka santa"

Dariya bash ya fara "kajika ai to menene dan ikhlas taji? Ba aurenta itama xahar din zaka yi ba?" Bash yafadi cikin tsokana,

"Bawani nan malam nidai kawai ka tada min da rigima zaka tafi ka barni da ita batare da nasan ta inda zan fara kokarin kwantar da ita ba..."

Juyawa lamido yayi ya shige cikin gida yabar bash tsaye anan, yana zuwa falo yaga ikhlas bata nan sai su fadila, dakinta yabita a falo ya isketa zaune tana daddanna wayarta,

Zama yayi akusa da ita ya tarairayota jikinshi gaba daya,

"Pretty.." Ya kira sunanta yana kai mata kiss a goshinta,jin bata amsa mishi ba yasashi sake matseta acikin jikinshi

"Wasa fa bash yake yi miki, ni wallahi babu auren da zanyi, wallahi Allah ni babu wata mace wacce nake so bayanke kuma babu wacce zan sake aurowa ku ukun nan kun isheni"

Sai alokacin ikhlas tayi magana "ai ba laifi bane dan ka kara ta hudun"

"Haba pretty sai kace wani inji? Mata hudu fa, tab gaskiya bazan iyaba"

Duka ta kai mishi a kirji tana dariya "kaima fa lazy ne,yanzu dama ba zaka iya kulawa da mata hudu ba?"

Murmushi yayi yai kissing din bakinta "nine lazy din ko? Ki kiyayi ranar gamuwarmu dake acikin gidan nan"

Daukarta yayi a kafadarshi ya nufi falo da ita suna dariya, sai da suka je kofar falon sannan ya direta saboda su fadila suna nan. 

Satin lamido hudu da dawowa ya shirya ya koma India amma wannan tafiyar shi kadai ya tafi, yaje yaga likitanshi sun gana ya dubashi amma kuma binciken da suka gudanar akanshi shine bazai k'ara haihuwa ba duk da cewar ya warke sumul amma kuma akwai abubuwan da suka samu matsala ajikinsa,

Kwananshi uku ya dawo amma bai iya fadawa kowa ba sai ikhlas saboda ita kadai ce baya iya boye mata damuwarshi, adaki suka k'ule ya rungumeta yana kuka, shi kuka ita kuka, tausayinsa ne ya mamaye zuciyar ikhlas,

Dago da kanshi tayi ta soma shafe masa hawayen fuskarshi,

"Abban sadiq ka daina kuka dan Allah"

Sake rungumeta yayi ya dora kanshi a kirjinta yana hawaye,

"Dole nayi kuka pretty, ina son haihuwa ashe banida rabon ganin jinina a duniya sai dai sadiq shi kadai..."

Rufe mishi baki ikhlas tayi itama tana kukan,

"Abban sadiq kaima kana da gudan jininka a duniya, kana da d'anka wanda yake naka ne halak malak,kaima kana da d'a baka daga cikin wadanda Allah ya jarraba da rashin 'yaya...!"

   _Sakon gaisuwa da fatan alkairi ga Zee tareda Takwarar kawata wato Khadija maikano_

[truncated by WhatsApp]

*RUWAN KASHE GOBARA...!*🔥

  _(Labari mai tab'a zuciya)_

  _*NA*_

_*UMMI A'ISHA*_

   _Sadaukarwa ga k'awata *KHADIJA SIDI*_

 aishaummi.blogspot.com

  *_77_*

~~~Jin maganar ikhlas yayi kamar acikin mafarki, yasan kawai ta fad'i hakane saboda tana son ta kwantar masa da hankali tunda ga yaran yan uwanshi nan suma a matsayin 'yayanshi suke sai dai ai duk kusancinsu dashi bai kai na wanda ya haifa gudan jininshi ba,

Rungumeta ya sake yi yaci gaba da kukan da yake yi,

"Pretty nasan kin fadi hakane saboda kawai kina son kwanciyar hankalina kina son zuciyata tayi sanyi amma ki sani wannan radadin dake cikin zuciyata yanzu bazai taba gogewa ba har na koma ga mahaliccina.."

Murmushi ikhlas tayi ta fara goge hawayen dake sintiri akan kumatunta,

"Abban sadiq abinda na fada maka gaskiyane amma ba zaka gane hakan ba har sai nan da wani lokaci, ka jirani ina zuwa"

Tashi tayi ta fita daga bedroom dinshi ta nufi nata tana zuwa ta dauki wayarta tafara kiran yaya Hussain duk kuwa da cewa gabanta sai faman faduwa yake domin tasan dakyar idan yaya hussain zai yarda ya dawo musu da abdallah sai dai kuma ai wata bukatar tafi wata domin yanzu lamido abin tausayine gashi matashi mai jini ajika kyakkyawa amma Allah ya jarrabeshi da lalura a matsayinshi na d'a namiji,

"Assalamu alaikum" ta jiyo muryar yaya Hussain ta cikin wayar yana yi mata sallama, hanzarin amsawa tayi ta hanyar cewa,

"Wa alaikumussalam, yaya hussain ina yini..?"

"Lafiya lau ikhlas yagida,ya sadiq?"

"Lafiya lau yaya, yasu anty farida?"

"Lafiya lau" ya bata amsa, shiru yaji tayi ta kasa magana saboda gaba daya bata sanma ta inda zata soma yi masa zancen tana son abdallah ya dawo hannunta ba duba da irin halaccin da yayi mata, ya zamewa abdallah uba, ya zama gatansa alokacin da bashi da wani gata sai na Allah,

"Ikhlas lafiya? Kodai wani abune ya faru?" Ta jiyo muryar yaya Hussain yana sake tambayarta,

"A'a yaya, dama dai ba wani abu bane..."

"Ikhlas kiyi magana mana, idan baki fada min damuwarki ba wa kike dashi wanda zaki fadawa bayan nida hassan?"

Daurewa tayi dakyar tace,

"Am yaya dama accident din da abban sadiq yayine ya samu matsala doctors sunce yanzu bazai sake haihuwa ba to kuma ya shiga damuwa sosai shine nace ko zaka dan bamu aron abdallah na dan wani lokaci?"

Murmushi yaya Hussain yayi mai dan sauti,

"Haba ikhlas dama akan wannan ne zaki tsaya inda inda, ni nayi tsammanin ko wani abune ya sake faruwa ai, zan baku abdallah bama aroba kyauta,ai abdallah dankune idan har na hanaku shi to banyi muku adalciba shi kansa yaron shima banyi masa adalci ba, insha Allahu yau dinnan zan aiko akawo muku shi amma dan Allah ku kula da tarbiyarsa sosai, kuma duk karshen term ku rinka kawo mana shi hutu duk da cewar nasan na shaku da shi hakama farida domin tana jinsa tamkar dan data haifa na cikinta amma hakan bazai hanani dawo muku da danku ba kamar yadda kuka nema...!"

K'wallar idonshi ya fara sharewa domin yayi mutukar sabo da abdallah, ita kanta ikhlas sai da taji wani iri amma bata zaci yaya Hussain zai basu abdallah cikin sauki haka ba,

"Mun gode yaya Hussain ubangiji Allah yayi maka sakayya da gidan aljannah"

"Amin ikhlas, anjima za akawoshi"

Yana gama fadin haka k'it ya katse wayar, tashi tayi duk jikinta yayi sanyi ta fita, fadila ta gani cikin shirin tafiya makaranta, sallama suka yi ta wuce dakin lamido, tareda ihsan ta samesu ihsan na zaune akan kafofinshi suna dariya amma da alama ita dinma ihsan din fita zata yi,

Juyawa tayi zata koma yayi saurin dakatar da ita,

"Zo mana yanmata na..." 

Dawowa tayi da baya ta jiyo amma ta kasa kallon wurin da suke,

"Tunda ga maman sadiq tazo to sai ta dora daga inda na tsaya ni natafi sai na dawo" ihsan tace dashi tareda manna masa kiss a kumatunshi,tashi tayi ta zo ta wuce ta gefen ikhlas ta fita tana murmushi.

Ahankali ikhlas ta nufi gefen gadon taje ta zauna,

"Ai ba zama zakiyi ba ko ba kiji abinda ihsan ta fada miki ba? Kafafuna nake son a daddanna min.." Yace da ita yana kashe mata ido,

 Daddanna mishi kafarshi ta fara yi ahankali shikuma sai faman lumlumshe idanuwa yake yi yana murmushi, kneel down tayi agefen gadon taci gaba da mammatsa mishi kafarshi,

Ahankali ya bude idanuwanshi wadanda suka yi ja ya kalleta,

"Pretty bar matsar kafar nan kizo kiji wani abu..."

Kafada ta makale tafara kokarin tashi zata gudu sai dai amma kafin ta tashin tuni shi ya rigata tashi kafin ta ankara sai jinta tayi kwance cikin fadeden kirjinshi,

"Wato da guduwa zaki yi ko?" Ya fada bayan ya hada fuskarshi da tata,

"Abban sadiq....!"

"Shhhhh" yace da ita tareda dora dan yatsanshi akan lips dinshi,

"Kina tsammanin yau zan kyaleki ne? Wallahi nima yau sai kin biyani bashina dake kanki kamar yadda na biyaki naki bashin rannan..."

"To kuma ai..."

Saurin katseta yayi, "da sanina yau na zauna agida babu inda zanje saboda ina son in baki lokaci sosai, kinga su ihsan ma basa nan"

Bai barta ta kara furta koda kalma daya ba ya dauketa akan kafadarshi.

 Kamar yadda yace mata hakan ce ta kasance domin har azahar suna tare dakyar ya kyaleta ta fito ta shiga kitchen tayi musu girki kasancewar yanzu an daidaita ita dasu fadila kowa ranar girkinta gaba daya gidan zata rinka yi,

Taliya da macaroni ta dafa jalop ta hada da dankali ta hada zobo wanda yasha kayan hadi,akan dining ta shirya abincin ta nufi dakin lamido, yana kwance ya dora sadiq akan ruwan cikinshi yana jijjigashi,

Zama tayi ta karbi sadiq ta daga rigarta ta fara kokarin shayar dashi,tashi zaune lamido yayi ya rike hannunta,

"Yanzu kin daina boye min ko?.." Ya fada cikin tsokana, murmushi tayi ta rufe fuskarta da daya hannunta,

"Yanzu ai babu sauran boye boye domin ko da dinma da kike bobboye min na rigada na gani"

"Yaushe?"

"Lokacin da kina bacci" ya bata amsa yana yi mata dariya,

"Ka tashi kaje kayi salla dai kafin ka makara"

"Ke nake jira ai gimbiya.."

Ji tayi ya matsa da karfi take sadiq ya kware ya fara tari,

"Kagani ko? Ka sakashi ya kware"

"Sorry yarona, laifin mamanka ne"

Murmushi tayi ba tare da ta bashi amsa ba domin tasan neman magana ne kawai.

  Misalin karfe 8:30 mai gadi ya shigo yace ikhlas tayi baki lokacin suna zazzaune dukkaninsu a falo suna kallo, hijabinta ta dauka ta fita tana zuwa taga abokin yaya Hussain ne da abdallah, rungumeta abdalla yayi yana murna, kallonshi ta tsaya yi domin ya sake girma a yan kwanakin nan da bata ganshi ba gashi kamarshi da lamido ta sake bayyana komai nashi iri dayane da na lamido sak,

Katuwar trolley din abdalla ta dauka taja suka bi ta kofar baya suka shiga cikin gidan,ta falon lamido suka bi zuwa bedroom dinta, abakin gado ta zaunar da abdallah tace ya zauna tana zuwa,

Falo ta koma wurinsu fadila ta dauki sadiq, da ido tayiwa lamido nuni da ya biyota, tana tafiya ko minti biyu ba ayiba ya tashi yabi bayanta, bedroom dinta ya shiga amma tun daga falo yake jiyo magana irinta yaro,

"Anty yanzu anan zan zauna ko?, uncle Hussain yace bazan koma gidanshi ba sai dai ina zuwa hutu"

"Ehh abdallah yanzu kaima ka dawo wurin abbanka"

"Anty ina abban nawa?"

Daidai lokacin lamido ya shiga cikin dakin, ganin yaro yayi wanda zai kai shekara 7 a duniya yasha jeans baki da farar yar t shirt amma baya hango fuskarshi kasancewar yaron ya bashi baya,

"Abdalla ga abban naka nan maza jeka wurinshi ka gaisheshi.."

Ta fada tana yiwa abdallah nuni da lamido, da gudu abdallah ya nufi lamido yaje ya rungumeshi yana murna, kusan suman tsaye lamido yayi, dago fuskar yaron yayi yana kallonshi take zuciyarshi ta shiga bugawa da karfi saboda ganin kamar da yaron yayi dashi tamkar shine lokacin da yana yaro,

"Pretty....waye... Wannan?"  Ya tambayi ikhlas cikin rawar murya, 

"Abban sadiq yaronka ne, gudan jininka ne" ikhlas ta fada tana share kwallar da ta ciko idonta,

Jan hannun abdallah lamido yayi har zuwa wurin da ikhlas take, akusa da ita ya zauna yaja abdallah jikinshi ya rungumeshi tsam,

"Pretty ban fahimci abinda kike nufi ba, me kike son sanar dani?"

"Abban sadiq abdallah danmu ne nida kai.."

Cikin sauri ya juya ya kalleta sai kuma ya dago abdallah daga jikinshi yana kallonshi daga sama har kasa, tabbas sunyi kama da yaron mutuka to amma ta yaya suka samu wannan yaron? Wannan tambayar itace ya gagara nemo amsarta acikin kwakwalwarshi,

"Daddy ina yini... Anty tace kaine daddy na, zaka rinka kaini school ko? Duk abokai na daddynsu ne yake kaisu school nine kadai uncle Hussain yake kaiwa.." Muryar abdallah ta dawo dashi,

Rungumeshi lamido yayi yana shafa kansa duk tausayin yaron yagama mamaye zuciyarshi sannan ga wani son yaron da yake shigarsa kota ina domin ji yake a duniya bai taba son wani abuba kamar yanda yake son abdallah,

"Ehh abdallah insha Allahu kaima daga yau zaka fara ganin gata irin wanda kowanne uba yake nunawa danshi, daga yau kaima nine zan rinka kaika school da duk wurinda kake so..."

Rungumeshi abdallah ya sake yi yana murna "i love you daddy..."

Wasu hawayene suka shiga zarya a kumatun lamido, "i love you too my boy.." Lamido yafada cikin hawaye,

Zamewa abdallah yayi daga jikin lamido ya nufi trolley din kayanshi yaje ya bude ya ciro lollypop ya kawowa lamido,

"Daddy ga sweet na kawo maka"

Karbar lollypop din lamido yayi yana murmushi, barewa yayi ya saka a bakinshi ya soma tsotsa sannan ya cire ya sakawa abdallah a baki yana murmushi,

 Ita dai ikhlas tana zaune tana kallonsu hawaye sai bin kumatunta suke yi na tausayin lamido da abdallah,

"Pretty kar dai fyaden da nayi mik...." Ikhlas ce tayi saurin rufe masa baki da hannunta bata barshi ya karasa abinda yayi niyyar fada ba, girgiza masa kai ta shiga yi saboda bata son abdallah yaji,

Mikewa lamido yayi ya sunkuci abdalla ya fita ya nufi falo, mamakine ya kama su fadila saboda ganinshi da suka yi dauke da yaro,

Zama yayi ya dora abdallah akan cinyarshi yana murmushi, "abdallah baka gaida su anty ba"

"Anty ina wuni, anty ina wuni?",abdallah yace dasu yana kwantar da kanshi ajikin kirjin lamido,

"Fadila, ihsan ga yarona abdallah,nida ikhlas ne iyayenshi amma bata hanyar aure muka sameshi ba, dalilin da yasa kuka ji na fada muku wannan maganar kai tsaye shine saboda bana son kujita awani wuri ko a bakin wani ba niba kunga idan hakan ta kasance zaku ga kamar na rufe muku wani sirri wanda ni kaina nasan dole sai ya bayyana watarana, amma ina son ku sani kaddara ce tayi sanadiyyar da har muka haifi wannan yaron sannan wani nufine na ubangiji wanda shine kadai yasan abinda yake nufi da haka tunda gashi yanzu ya jarrabeni da lalurar da may be har nabar duniya bazan iya sake samun d'a ba"

Ya karasa maganar yana goge kwallar idonshi,daga fadila har ihsan duk sai da suka razana da jin kalamanshi,

"Ba zaka sake haihuwa ba fa kace?" Fadila ta tambayeshi arude,

"Hakane fadila domin haka likitoci sukace, na boye muku ne saboda bana son hankalinku ya tashi amma yanzu ya zama dole na sanar daku saboda bana son na cutar daku domin kunga ku har yanzu yarane daga ke har ihsan babu wacce ta haura 25 ikhlas ma ta girmeku sosai, dan haka kuna bukatar haihuwa so idan har kunga bazaku iya zama dani babu haihuwa ba zan sawwake muku zamu rabu cikin farin ciki da girmama juna saboda ni yanzu kunga naga gudan jinina kuma nasan kuna da bukatar ganin naku gudan jinin dan haka na baku kwana biyu kowaccenku tayi tunani inyaso idan ta yanke shawara sai ta sanar dani.."

Yana kaiwa nan ya mike kwalla cike a idonshi ya kama hannun abdallah suka yi ciki, daga ihsan har fadila suman zaune suka yi saboda jin wai lamido bazai haihu ba, sannan zahiri duk wanda yaga abdallah to yaga danshi saboda tsananin kamar da suke yi,to su yanzu menene mafita agaresu?

 Dakin ikhlas lamido ya shiga yana rikeda hannun abdallah, har lokacin tana zaune a inda suka tafi suka barta amma ta daina kukan da take yi dazu, zama Lamido yayi ya kwantar da abdallah ajikinshi,

"Abdallah zakaci abinci..?" Yace da abdallah yana Shafa kanshi, girgiza kai abdallah yayi

"Daddy na koshi munci abinci tareda abokin uncle, bacci nake ji"

Kwantar dashi Lamido yayi ya dora kanshi akan cinyarshi ya juya yana kallon ikhlas,

"Pretty ki wayar min da kai agameda abdallah dan Allah"

"Abban sadiq lokacin da kayi min fyade nasamu ciki lokacin, ashe har rabo ya shiga batare da kowa ya sani ba har sai da na koma gidan mahaifina...." Nan ta kwashe labarin komai ta sanar dashi da irin wahalar da tasha wajen zubar da cikin abdallah da korarta da mahaifinta yayi daga gidansa har komawarta Maiduguri wurin mahaifiyarta har kawo lokacin data haifi abdallah,

Tashi lamido yayi ya koma kusa da ita ya rungumeta yana jin tausayinta yana ratsata,

"Allah sarki pretty, hakika ni mutumne mai babban laifi agareki, nayi miki fyade, nayi miki cikin shege, na rabaki da mahaifinki sannan na jefa rayuwarki cikin kunci, wahala, da damuwa,tabbas na cancanci dukkan wani horo daga gareki komai girmansa, nasan wannan abin da nayi miki ba zai taba barin zuciyarki ta soni ba.."

Jin saukar hawayenshi akan wuyanta ya sata dagoshi tana murmushi, ido ta zuba mishi tana kallon kyakkyawar fuskarshi mai sanyaya zuciyar duk wani ma'abocin kallonta, hannuwanshi ta kama ta rike cikin nata tana matsasu ahankali,

"Waye yace maka bana sonka?? Nafara sonka tun ranar dana fara ganinka a hoton bikinmu nida marigayi,kar ka kara tunanin wai bana sonka, ina tsananin sonka handsome"

Zuba mata ido shima yayi yana kallonta wani irin shauki yana ratsa zuciyarsa domin bai taba zaton irin wannan soyayyar daga gareta ba sakamakon laifin da yayi mata,

Idonshi ta bushe mishi da iskar bakinta, "meye kake kallona?" Ta tambayeshi tana kallon idanuwanshi, bai iya bata amsa ba illa kallonta da yaci gaba dayi hakan ya sata kaiwa bakinshi kiss,

"Ikhlas kiyi hakuri ki yafe min abinda nayi miki dan Allah, hakika naji dadi da wannan cikin bai zube ba da ace ya zube da yanzu bamu samu abdallah ba da shikenan bani da d'a a duniya.."

"Ya isa abban sadiq, ni na dade da yafe maka, karma ka sake yimin wannan maganar dan Allah"

Murmushi ya soma yi ya matsa tsakiyarsu abdallah da sadiq ya kwanta ya sasu a tsakiya,

"Ban ganeba, ya naga kazo ka kwanta anan? Yau fa ba ranar kwanana bane, kwanan ihsan ne ko ka manta ne?" Ikhlas tace dashi,

Tashi yayi tareda jan dan karamin tsaki domin shi yama manta da batun wani ba kwanan ta bane,

"Kizo muje dakina mu kwana, su ihsan akwai abinda nake son mu tattauna dasu kafin naci gaba da ziyartar dakunansu"

Make kafada ikhlas tayi, "a'a babu ruwana, kaje kawai"

"Ba zakije ba?" Ya tambayeta yana kallon ta,

"Uhmm" ta bashi amsa, tashi yayi cikeda jin haushi ya sunkuya ya dauki abdallah ya fita, binshi tayi da kallo tana murmushi saboda ganin har yayi fushi akan taki binshi dakinshi amma shine bai saniba ita dinma bata bukatar tayi bacci ba tare dashi ba domin akwai wani sirri na musamman dake tattare da yin bacci tareda lamido, murmushi ta sakeyi akaro na biyu ta tashi ta sauya kayan jikinta izuwa kayan bacci ta haye gado ta kwanta.

 Lamido kai tsaye dakinshi ya shiga ya kwantar da abdallah a tsakiyar gadonshi  ya shiga wanka, kayan bacci yasa yaje ya kwanta ya zubawa abdallah ido yana kallonshi kusan komai na yaron irin nashine sak babu banbanci, rungumeshi yayi yana dokin gari ya wa

ye domin yaje yakaiwa su innah shi suganshi sannan ya nunawa bash shi,kasa bacci yayi sai faman juyi yake daga karshe ya tashi ya shiga bathroom ya dauro alwala yazo ya tada salla.

 _Gaisuwa mai tarin yawa ga masoyan ruwan kashe gobara, na gaisheku aduk inda kuke...!_

*_Ummi Shatu_*👌🏻

[2/2, 3:14 PM] Itz Ummi A'isha👌🏻: *RUWAN KASHE GOBARA...!*🔥

  _(Labari mai tab'a zuciya)_

  *_NA_*

*_UMMI A'ISHA_*

    _Sadaukarwa ga k'awata *KHADIJA SIDI*_

 aishaummi.blogspot.com

  _*78*_

~~~Daren ranar sam lamido bai samu damar yin bacci ba saboda tsananin farin cikin da yake ciki, koda ya idar da salla zuwa yayi kusa da abdallah ya zauna ya zuba masa ido yana kallonshi,

Sai daf da sallar asuba sannan lamido ya dan samu bacci ya daukeshi kwata kwata baccin da yayi baifi na minti talatin ba ya tashi yayi sallar asuba, yana nan zaune har gari ya waye wurin karfe 7 abdallah ya tashi, kamashi lamido yayi yana kallon fuskar yaron mai dauke da beautiful point irin nashi,

"Abdallah ka tashi? To maza muje kayi alwala kazo kayi salla kaji"

"To daddy" abdalla ya amsa masa yana sake makaleshi, tare suka shiga cikin bathroom din abdallah yayi alwala sannan suka dawo tsakiyar dakin yayi salla,

"Abdallah kayi mana addu'a nida momynka kaji"

"To daddy zanyi muku"

"Yawwa abdalla, Allah yayi maka albarka" lamido yafada yana murmushi, suna nan acikin bedroom dinshi a zaune ikhlas ta shigo saboda tana son taje ta yiwa abdallah wanka, k'in koda kallonta lamido yayi saboda jiya taki amsa gayyatarshi,

"Abdallah zo muje nayi maka wanka ko" ta fada tana murmushi domin ta lura da shariyar da lamido ya fara yi mata,

"Abban sadiq ina kwana?" Sai da ya juyar da kanshi sannan ya amsa mata da "lafiya" daga haka bai kara cewa komai ba ya koma saman gadonshi ya kwanta,

Jan hannun abdallah ikhlas tayi tana murmushi, dakinta suka koma tayi masa wanka ta shiryashi cikin bakar riga da brown din wando nan tayiwa sadiq ma shima ta shiryashi sannan itama ta shiga tayi ta fito, kwalliya ta zauna ta tsara cikin wani blue din material mai zanen flower ajiki, abdallah na zaune yana rike da sadiq yana yi masa wasa,

"Anty zanje wurin daddy.."  Inji abdallah,

"Tashi kaje yana dakinshi, bani sadiq din" karbar sadiq tayi shikuma abdallah ya tafi wurin lamido yana kwance kamar me yin bacci dan haka abdallah yaje bayanshi ya kwanta ya nanuk'a cikin jikinshi ya rungumeshi,rungumeshi shima lamido yayi yana jin tamkar ya mayar dashi cikin cikinsa saboda tsananin so.

Sai da misalin karfe 9 sannan suka hallara akan table domin yin karin kumallo, lamido daukar abdalla yayi ya dorashi asaman cinyarsa ya soma bashi abincin,

Suna ci suna nishadi har suka kammala, suna gamawa lamido ya dauki abdallah suka nufi gidan innah, innahn bata sashenta tana sashen baffa dan haka yabisu can, suna zaune suna tattaunawa bayan sun kammala yin breakfast,

Suna shiga innah ta zabura ta tashi zaune tana kallonsu ita duk a tunaninta ma haydar ne dan marigayi,

"Lamido waye wannan?" Innah ta jefo masa wannan tambayar tana bin abdallah da kallo,

"Innah abdallah ne d'ana.."

Ba innah ba hatta Baffa sai da ya zabura ya tashi daga kishingiden da yake,

"Lamido wanne d'a kuma?" Baffa ya tambayeshi, zama lamido yayi yana murmushi ya dora abdalla akan cinyarsa,

"Baffa wannan yaron d'anane, ikhlas ce mahaifiyarshi..." Nan lamido ya kwashe labarin komai ya sanarwa dasu innah,

K'walla innah ta fara yi wacce ta kasance k'wallar farin ciki,

"Lallai Allah shine gagara misali.." Innah ta fada cikin murna,

"Wannan haka yake domin kuwa gashi munga zahiri da idonmu, Allah ya raya yaronnan cikin kyakkyawar rayuwa, hakika da ace mutane zasu rinka daukar kaddara su daina zubar da ciki da jefar da yara to da ba asamu bata gari dayawa daga cikin yara masu tasowa ba, ya kamata mutane su ringa rungumar yaran da aka samesu bata hanyar aure ba domin ba laifinsu bane,basu da wani hakki saboda basu san ta yanda akayi aka haifesu ba, mudai insha allahu zamu rike wannan yaron irin rikon da har ya girma bazai taba sanin cewar shi ba dan halak bane sai dai idan har ku iyayensa kune kuka yi ra'ayi kuka sanar dashi" baffa ya kammala jawabin yana mikawa abdallah hannu,

"Zo nan abdallah zo mu gaisa"

Tashi abdallah yayi yaje wurin baffa ya zauna,

"Yawwa zaka zauna anan ko?"

"A'a daddy na zanbi" abdallag ya bashi amsa,

Dariya dukkaninsu suka yi cikeda farin ciki, su lamido sun jima agidan har sai da 12 na rana yayi sannan suka tafi wurin bash, lokacin da bash yaga abdallah kuma yaji cewar wai dan lamido ne ba karamin murna yayi ba yace,

"Shege on top ashe kai ka dade da ajiye mai yi maka addu'a ni ka bari acikin matsala"

Dariya lamido yayi "kaima ka kusa ai domin wallahi bash rayuwar aure da dad'i musamman ma idan kayi dace da mace ta gari wacce ta iya kulawa da miji, idan kana da mata komai sai dai ayi maka, kaga ni yanzu komai yimin ake yi tun daga kan wanka, shafa mai, sa kaya, babu abinda nake yi gashi uwa uba....!". Shiru yayi bai karasa maganar ba sakamakon ganin abdallah yana kallonshi,

"Allah ya shiryeka.." Bash yace dashi yana dariya,

"Gaskiya ai na fada maka bash wallahi ka dage ka shiga daga ciki tun kafin hunturun nan ya dawo ya tarar da kai..."

"To gani nan dai kawai, amma wannan yaron babu ta inda ya barka wallahi, photocopy dinkane sak..."

"Dagaske muna yin kama?" Lamido ya tambayeshi cikeda tsokana,

"Ai da gani babu tambaya duk wanda ya ganshi ya ganka yasan danka ne, kai ko? Kai mugun jarababbe ne tsabar jaraba ma dan kamarka ya biyo"

"Ya isheka haka bash.." Lamido yace da bash yana dariya, tashi bash yayi suka fita tare da lamido da abdallah wanda tunda suka fita basu suka koma gida ba sai da yamma tayi,

A falo ya iskesu dukkaninsu sun kammala cin abinci suna hira, zama yayi da alamun gajiya a tare dashi shi kuma abdallah ya nufi wurin ikhlas yaje ya fara kokarin shiga jikinta,

Sannu da zuwa suka yiwa lamido sannan ihsan ta mike taje ta fara shirya masa table shida abdallah,

"Bari nayi wanka sai nazo naci abincin" lamido yafada tareda mikewa ya nufi sashensa, ihsan ce ta dawo ta zauna tana yiwa abdallah magana,

"Abdallah ina da ina kuka je ne?"

"Gidansu daddy da... Da gidansu uncle"

"Iye ashe ka gaisa da su innah ko?" Fadila ta fadi tana murmushi, itama ikhlas murmushin take yi saboda tana jin dadin irin yadda su ihsan ke kula abdallah babu kyamata,

Suna nan zazzaune har lamido ya fito yayi wanka yasaka green din t shirt da bakin wando iya gwiwa, table ya hau ya zauna domin cin abinci, da gudu abdallah yaje ya haye cinyarshi suka soma cin abincin tare,

Ikhlas na zaune tana kallonsu tana ganin yadda lamido yake bawa abdallah abincin sunata faman dariya, suna kammalawa suka sake fita shikenan ikhlas bata sake yin ido hudu dasu ba sai da karfe 9 na dare yayi.

  Dakinta lamido ya shiga bayan yakai abdallah dakinshi ya kwantar dashi, tana kwance ta gama yin shirin bacci cikin milk colour din rigar bacci,

"Abban sadiq ya kamata fa ka daina irin wannan shigar saboda yanzu ka girma.."

Murmushi yayi ya juya ya fita ba tare da yace da ita komai ba saboda dama zuwa yayi yaga kyakkyawar fuskarta kafin ya kwanta bacci.

  Washe gari tunda safe su ihsan itada fadila suka samu lamido a dakinshi suka sanar masa cewar zasu cigaba da zama dashi koda bazai haihun ba domin dama saboda Allah suke sonsa kuma abinda ya sameshi kaddara ce daga Allah wacce babu wanda ya wuce ta sameshi, ba karamin murna lamido yayi ba har sai da yayi hawaye saboda tsananin murna nan yayita saka musu albarka tareda addu'ar Allah yaci gaba da zaunar dasu lafiya.

  Acikin satin duk lamido ya zauna agidane babu inda yake fita kullum yana tareda iyalinsa, wata makaranta mai tsada yaje ya saka abdallah sannan ya siyo masa dukkan abubuwan da zai bukata a matsayinsa na dalibi, ga kayan wasa da ya siyo masa kamar babu gobe banda su biscuit, chocolate, juice, da sauran kayan zaki irin na yara,

Lokacin da ya dawo daga kaishi school din a falo suka tarar da ikhlas tana yanka cabbage,

"Anty daddy na yace yanzu sunana Abdallah Usman, yanzu ba abdallah Hussain bane sunana"

Kallonshi ikhlas tayi tana murmushi ita kwata kwata ma bata san sunan lamido na gaskiya Usman ba sai yau gaskiya fa shiyasa yake da zuciya da fushi ashe sunan mazaje gareshi,

"To abdallah Allah ya bada sa'a" ta fada tana kallon lamido kasa kasa domin tunda abdallah yazo gidannan nan kullum lamido daukarshi yake yi zuwa dakinshi su kwana tare.

 *_79_*

 ~~~Acikin satin abdallah ya fara zuwa school wanda kullum lamido ne yake kaishi yake zuwa ya daukoshi idan an tashi ya dawo dashi gida, komai yawan aiki a office haka yake tsallakeshi da zarar lokacin tashinsu abdallah yayi,

 Haka rayuwa taci gaba da tafiya har abdallah yayi sati uku da dawowa gidan, yau tunda sassafe ikhlas ta samu ta tashi ta shiryawa abdalla abincinshi na tafiya school sannan tayi masa wanka, tana tsaka da shiryashi lamido ya shigo daga shi sai jar t shirt da blue din wando three quarter,

"Good morning daddy" abdallah yace da Lamido yana murnar ganinshi,

"Morning my sweet boy" lamido ya bashi amsa cikin fara'a,

"Abban sadiq yanzu abinda kakeyi ka kyauta kenan?" Ikhlas tace da lamido tana kokarin sakawa abdallah riga,

"Me nayi kuma?" Ya tambayeta yana mai zuba mata manyan idanuwanshi,

"Tunda abdallah yazo gidan nan ka daina kwana adakin kowa kullum sai dai ka daukeshi ka kaishi dakinka ku kwana tare"

"Gani nayi bakuda bukata ta shiyasa, tun ranar da ya dawo ai nace miki ki rakani dakina mu kwana kika k'i basai in kyaleki ba lokacin da kika bukaceni sai ki nemeni..."

Shiru tayi masa saboda abdallah yana wurin, tsallaketa yayi yaje ya dauki sadiq wanda ya tashi daga bacci ya dan fara kuka, jijjigashi ya fara yi yana rarrashinshi,

"Saddiquna.." Sadiq najin maganar lamido ya daina kukan ya bude idonshi yana dariya.

 "Tunda kina son in baki hakkinki sai ki shirya kafin na dawo.."

Ya fada yana kallonta, "wanne hakki kuma? Ni azumi ma nake yi" ta bashi amsa tana harararshi,

"Azumi? Azumin me? Wallahi gara ma ki hada tea mai kauri kisha kafin na dawo idan ba haka ba kuma kece zaki sha wuya.."

Kallonshi ta sakeyi cikeda mamaki, "hmm zancen kakeso"

"Kema kina so kuma wallahi yau dai kam sai na kashe kishin ruwata"

Sake kallonshi tayi "abdallah dai yana jin duk abinda kake cewa"

Kwantar da sadiq yayi ya kama hannun abdallah, "kisha tea dinfa kafin na dawo"

Bai jira amsarta ba ya fita rikeda hannun abdallah, baifi minti 20 ba ya dawo lokacin ta fito daga wanka tana goge jikinta da dan karamin towel,

Wayarshi ce ta fara kara da kamar bazai daga ba ganin xahar ce amma sai ya daga ya kara a kunnensa tareda matsawa kusa da ikhlas ya rike towel din hannunta,

"Hello xahar" ya fadi ahankali gamida kaiwa ikhlas kiss a kuncinta, kokarin zamewa daga jikinsa ta fara dan haka yayi saurin rikota nan ta fara kokarin kwacewa turata saman gado yayi yana dariya,

"Xahar ina zuwa zan kiraki anjima"

Tun kafin ta bashi amsa ya ajiye wayar  yabi ikhlas suka ci gaba da kokawar da suka fara, xahar har lokacin tana makale da wayar tana jinsu har sai da taji abin yana neman wuce saninta sannan tayi maza ta kashe wayar tana hawaye tun daga wannan lokacin tayiwa kanta alkawarin cire lamido daga cikin zuciyarta domin ta fahimci akwai wacce yake so.

Sai da komai ya lafa sannan ikhlas ta tayar masa da boren abinda ke tsakaninsa da xahar, rungumeta yayi yana shafar gashin kanta,

"Pretty na karki sakawa kanki damuwa ni babu auren da zan sake yi,ita wannan xahar dinma so nake yi na hadasu da bash ya aureta tunda kinga shima ya fara aiki a kamfanina amma ya kika gani?"

Sake rungumeshi ikhlas tayi ta yi masa kiss a baki tace "hakan yayi daidai abban sadiq, indai kayi haka to zaka samu lada mai tarin yawa"

"Allah yasa ta sanadiyyar wannan hadin auren da zanyi su abdallah su samu kani nan bada jimawa ba"

Murmushi tayi ta riko hannunshi "ni ai nagama haihuwa.."

"Sauranki tara domin guda goma nake son ki haifa min"

Makale kafada tayi tana murmushi "Idan na sake yin guda biyu ma nayi kokari"

"Sai na kawo amarya ta karasa miki ko..?"

Duka ta kai mishi a kirji tana dariya, kare dukan ya shiga yi ya hada hannuwanta dakyar ya ciccibeta ya nufi bathroom da ita.

 _Gaisuwa mai tarin yawa ga ummu fahad & matar officer_

*_Ummi Shatu_*

[2/2, 3:14 PM] Itz Ummi A'isha👌🏻: *RUWAN KASHE GOBARA...!*🔥

 _(Labari mai tab'a zuciya)_

 *_NA_*

*_UMMI A'ISHA_*

   _Sadaukarwa ga k'awata KHADIJA SIDI_

 _*80*_

~~~Kamar yadda lamido ya kudiri niyyar hada auren bash da xahar hakance ta faru domin bash bai k'i ba haka itama xahar bata musa ba domin ta fuskanci shi lamido sam hankalinsa baya gareta yana ga wata ta daban, babu dogon bayani soyayya ta kullu tsakanin bash da xahar nan aka sanya ranar biki wata uku masu zuwa.

  Akwana atashi haka rayuwa taci gaba da gudana agidan lamido cikin jin dadi da kwanciyar hankali, a lokacin lamido ya shirya musu tafiya zariya shida ikhlas da abdallah batare da ya sanarwa da ita ikhlas dinba domin yana son ya sasanta tsakaninta da abbanta,shiryawa suka yi suka tafi su hudu dashi da ita da abdallah da sadiq,

Tun akan hanyarsu yake bata hakuri sannan yaci gaba da yimata nasihar cewar ba a fushi da mahaifa, duk abinda suka yiwa mutum to haka zai daure yayi musu biyayya,shiru kawai tayi tana sauraronshi domin ita kanta tasan tayi dacen miji mai kaunarta mai kaunar dukkan danginta bama yan uwanta ba duk wanda ya danganceta to lamido yana kaunarshi,

Kasancewar da wuri suka tafi yasa suka isa zariya da wuri, hotel suka je ya kama musu sai da suka ci abinci suka huta sannan suka tasamma gidan abbanta, kamar yanda gidan yake ada yanzun ma haka yake sai dai kuma babu jami'an tsaro kamar da nan ikhlas tafara tunanin to Kodai su abban sun tashi ne?

Da wannan tunanin acikin ranta suka karasa cikin gidan nan suka ganshi tamkar babu kowa aciki amma koda suka karasa shiga sai suka iske goggo kakar ikhlas a tsaye tana rikeda babban fo na yin fitsari ai suna hada ido da ikhlas ta saki fo din ta fashe da kuka mai ban tausayi,

Sakin baki ikhlas tayi tana kallonta yayinda lamido ya razana ya fara tambayar goggo abinda ya faru, kasa basu amsa goggo tayi illah wucewa da tayi cikin daki tana sharar kwalla nan suka mara mata baya suna shiga suka ga abbansu ikhlas kwance barin jikinshi a shanye duk ya rame yayi baki,

Cikin rudu ikhlas ta ajiye sadiq idonta fal da kwalla,

"Goggo meya samu abban?"

"Ikhlas ki yafe mana, hakika abinda mukai mukune keda mahaifiyarki yake bibiyarmu, tun bayan tafiyarki babu jimawa mahaifinki ya yanke jiki ya fadi sakamakon bai yi nasara a zabe ba tun daga wannan lokacin ya haduda lalurar shanyewar barin jiki ita kuma nafi ta hura masa wuta akan cewar dole sai ya saketa nan ya saketa saki daya ta tattare dukkan kudadensa ta gudu, yanzu gashi bamu da komai gidan nan ma da muke ciki mun sashi a kasuwa sayar dashi zamu yi..."

Goggo ta karasa maganar tana kuka,

"Allah sarki ki daina kuka goggo insha Allah zai samu lafiya" lamido yace da goggo, ahankali baban ikhlas ya bude idonsa yana kallonsu yana ganin ikhlas ya fara kwalla,

"Ikhlas ce?.." Ya fadi maganarshi a shawude bakinsa a karkace,

"Ehh nice abba" ikhlas ta bashi amsa tareda matsawa kusa dashi,

"Ikhlas ki yafe min kinji,nasan ban karbi kaddarar da Allah ya aiko min ba nasaki kin zubar da ciki gashi zaben ma ban ciba"

"Abba ai nadade da yafe maka sannan bayan tafiyata na haihu har nayi aure na sake haihuwa"

"Kin haihu? Ina yaran?"

Matso dasu abdallah tayi ta nuna masa su nan ya kamo abdallah da hannunshi mai lafiya,

"Yanzu wannan shine yaron da kika tafi da cikinsa? Lallai Allah shine gagara misali babu shakka bamu isa mun hana kaddarar ubangiji ba, Allah ya rayasu yayi musu albarka.."

"Amin abba" suka amsa gaba dayansu, tashi ikhlas tayi ta ajiye mayafinta ta soma gyara gidan domin ko ina a hargitse yake babu bata lokaci ta kalkale ko ina shi kansa abban nata sai da ta dafa ruwa tayi masa wanka ta debo wasu daga cikin kayanshi ta wanke masa,

Tunda suka zo har dare yayi bata hutaba aiki kawai take yi har karfe 9 na dare, sallama lamido yayi musu ya tafi hotel tare da abdallah, kwanansu uku agidan suna jinyarsa acikin kwana na hudune lamido yazo musu da maganar cewar zai fitar da abba kasar waje domin sama masa lafiya, kuka awurin goggo kamar wacce akayiwa mutuwa domin yau ta yarda ranar wuya sai naka amma ranar dadi kuwa sai dai bare,babu bata lokaci aka fitar da abba kasar chairo, nan su ikhlas suka tattara suka koma gida saboda makarantar abdallah.

  Rayuwarsu haka taci gaba da tafiya kullum lamido hankalinsa yana kan ikhlas bashida wani buri wanda ya wuce ya kyautata mata ita da yaranta ko hira suka hadu suna yi gaba dayansu dasu fadila to yafi mayar da hankalinsa kan ikhlas wani lokacin har kunya yake sakata ji saboda su Kansu su ihsan din har sun fahimci yafi ji da ita acikinsu,

Yauma suna kitchen suna aikin girkin abincin dare ita da ihsan fadila kuma tana falo tana yiwa abdallah home work, lamido ne ya dawo daga office yasha suit bakake wadanda suka karbeshi,

Kitchen din ya shiga ya samesu suna aiki,ihsan yaje ya mannawa kiss a kumatu yace "sannu da aiki my ihsan" ya wuceta ya nufi wurin ikhlas wacce take tsaye ta juya baya tana yanka alayyahu,

Ta bayanta ya tsaya ya rungumeta yadora kansa akan kafadarta,

"Barka da aiki pretty na...."

"Abban sadiq sannu da zuwa" tace dashi tana kokarin tureshi daga jikinta,

"Zo muje kiyi min wanka.." Ya rada mata a kunnenta,

"Aiki fa nake yi" ta bashi amsa,

"Wallahi kizo mu tafi tun kafin na daukeki"

"Kai abban sadiq gaskiya ka cika rigima"

"Ehh na yarda" ya fada yana shafa cikinta,

"To sai ka bari na karasa ai"

Yana nan tsaye yana rungume da ita har ta karasa yanka alayyahun yaja hannunta suka fita ita duk ya gama sata ta tsargu saboda ga ihsan nan a cikin kitchen din a falo kuma ga fadila nan,sai take ganin kamar ba zasuji dadiba duk da cewar ranar girkinta ne,

Dakinshi suka shiga, suna shiga ya jata jikinsa ya rungumeta, dauke kanta tayi ta fara kokarin cire masa kayan jikinshi,

"Haba pretty ki saki fuskarki mana irin wannan tsare gida haka..." Yace da ita yana lakuce mata hanci,

"Ni wallahi abban sadiq..."

Tun kafin tayi magana yayi sama da ita zuwa kan gadonshi,

"Dama tunda naga kanata wannan mammanne min din nasan abinda kake so kenan.." Tace dashi fuskarta a tsuke,

"To meye na bata ran kuma? Ba hakkina bane?"

Kawar da kanta tayi "nidai gaskiya ka daina yimin haka saboda zaka sa su ihsan su rinka jin babu dadi.."

"Wai me nayi ne ?" Ya sake tambayarta,

"Ya za ayi ace kullum sai muna tare dasu sai ka rinka zuwa kana kawoni dakinka bayan kuma duk lokacin da nazo bana komawa akan lokaci kuma nasan suna gane abinda ya faru tunda su ba yara bane"

"Dan Allah ni ki kyaleni nayi abinda zai fissheni.."

"Akan me zan kyaleka ka rinka yin rashin adalci? Duk ranar girkina baka barina acikinsu, da safe da rana da yamma da daddare, ko abincin rana fa kazo ci baka tafiya yanda kazo sai ka kawoni nan kuma saboda iya cin fuska sai ka sake sauya kaya, gaskiya wannan cin fuskar ya isa haka"

"Kin gama?" Ya tambayeta,

"Nagama" ta mayar masa da amsa,

"To wannan maganganun naki dai ba hanani abinda nayi niyyar yi zai yi ba"

Bai barta ta sake magana ba ya fara nuna mata soyayya bayan ya rufe mata baki da nashi, sai bayan sallar magrib sannan suka fito daga sashen nasa ita dai ikhlas duk kunyar hada ido dasu fadila take yi domin tasan ko waye ake yi masa haka dole bazai ji dadiba amma shi lamido babu ruwanshi ko kunya ba yaji wani lokacin ma sai suna zaune suna hira koda rana ko yamma sai yazo ya kira ikhlas kuma da zarar ta tafi shikenan bazasu dawo akan lokaci ba,

Dakinta ta koma ta shirya tayi salla ta fita, su fadila suna zazzaune suna cin tuwon shinkafa suna kallo, ko a fuskarsu bata ga alamun damuwa ba amma tasan acikin zuciyarsu akwai damuwar, zama tayi acikinsu tasa hannu suka ci gaba da cin abincin tare har lamido ya shigo sai faman kamshin turare yake budadawa da sun hada ido da ikhlas sai yayi mata gwalo.

 Watan mahaifinta 3 akasar chairo ya dawo gida ya warke ras nan ikhlas ta shirya ta tafi tayi masa sannu da zuwa, yayunta ma sai da tayi musu waya ta sanar musu da abinda ya faru nan suka taho dubashi bayan ammi ta babbasu baki,lokacin da suka zo kuka abbansu ya shiga yi yana neman gafararsu tareda rokonsu akan su daure su shawo kan mahaifiyarsu ta dawo gareshi,da kyar ammi ta amince da komen nan kowa ya shiga murna, satin ikhlas daya ta koma yola domin bikin bash yazo, tana komawa suka sha bikin bash da amaryarsa xahar,

Bikin bash da sati biyu ammi ta koma gidan abbansu ikhlas bayan an daura musu aure, kudi mai yawa lamido ya bawa abbanta akan yayi jari yaci gaba da kasuwancinshi kamar yadda yake yi a baya.

  Rayuwarsu rayuwace mai dadi kowa yana jin dadin zaman gidan kullum cikin farin ciki suke gashi duk su ukun kansu ahade yake babu fada babu gaba kamar ba kishiyoyi ba,lokacin dasu abdallah suka samu Hutu alokacin lamido ya biyawa fadila da ihsan da abdallah umarah, iya shida ikhlas ne kawai da sadiq bai biya musu ba dalilinsa nayin haka kuwa shine baya son ikhlas tayi nisa dashi, tanaji tana gani su ikhlas suka tafi suka barta,

Zama tayi tai tagumi duk ranta ajagule,lamido ne ya biyota cikin dakin yana murmushi,

"Pretty na.."

Harararshi tayi ta kawar da kanta "ni ai babu abinda zakace min wallahi"

Zama yayi ya dauketa ya dorata akan cinyarshi,

"Kiyi hakuri dama nayi hakane saboda mu samu mu sake musha soyayyarmu kafin su dawo"

Makale kafadarta tayi tana harararshi,

"Haba pretty na, yimin murmushi nagani.."

Dolenta babu yadda ta iya haka ta biyeshi suka fara gudanar da soyayya mai wuyar fassarawa,

Tunda su fadila suka tafi babu abinda suke yi agida domin aikinma ba kullum lamido yake fita ba soyayya kawai yake gwadawa prettynshi,

Ita kanta ikhlas tasan sunyi daddadar rayuwa da lamido acikin kwanakin domin ya nuna mata ita kadaice mace guda daya tilo acikin zuciyarshi.

  Dawowarsu ihsan da watanni hudu shima lamido ya biyawa prettynshi dashi kanshi umarar nan suka tattara suka tafi dama lokacin ta yaye sadiq domin shekarunshi biyu cif, tunda sukaje kasa mai tsarki soyayya kawai suke yi da ibada ikhlas kam ta dage da yiwa lamido addu'a akan Allah ya basu haihuwa duk da abinda likitoci suka fada gameda lamido amma tasan fadar likitoci ba fadar Allah bace kuma Allah yakan iya nuna ikonshi akowanne lokaci, satinsu uku suka tattaro suka dawo,

Allah maji rokon bayinsa dawowarsu babu jimawa ikhlas ta soma zazzabi koda sukaje asibiti aka gano tana dauke da juna biyu, nan gida ya gauraye da murna, cikinta yanada wata biyar itama fadila ta soma nata laulayin, babu jimawa itama ihsan ta fara nata, wai ai murna awurin lamido ba acewa komai saboda ganin abin yake kamar a mafarki lallai Allah shine gwanin iya kyauta,shiryawa yayi ya koma umarah yaje yayi addu'a ya nunawa ubangiji godiyarsa,

Nan ya shiga riritasu ya samo musu masu aiki yanzu babu abinda suke yi agidan sai hidimarsa ikhlas kuwa idan abinda yafi mayen karfe to lamido ya zame mata domin wannan cikin da take dauke dashi manne mata yasa lamido ya sake yi, cikinta yana cika wata Tara daidai ta haifo santaleliyar yarinyarta mai kama da lamido sak nanfa lamido ya dau murna ya shiga nunawa jaririyar gata da ita kanta ikhlas din ranar suna yarinya taci sunan innarshi wato A'isha suna kiranta da humaira.

Duk wanda yaga humaira yasan yar gatace sosai kusan kullum tana cikin kwalliya gata kamarta daya da abbanta, su fadila da ihsan kusan tare suka haihu domin tsakaninsu kwana biyune kowacce ta samu da namiji, rana daya aka hada akayi suna yaran sukaci sunan Aliyu da umar.

  Lamido yanzu kam hankalinshi ya kwanta yayi kyau yayi fes domin babu wanda zai ganshi yace yanada mata biyu bare uku,

Watan humaira goma sha daya ikhlas ta tashi da zazzabi, shima lamido zazzabin yake yi dan haka yace taje asibiti, tunda taje gwajin farko akace tana da juna biyu,

 Hankalinta atashe ta shiga gidan ta nufi dakin lamido yana kwance shida humaira ya lulluba da bargo, bude idonshi yayi yana kallon ikhlas,

Takardar test din da akayi mata ta ajiye masa akan hannunshi,

"Gashi nan daga zuwa sunce cikine dani ni dama nasan wannan zazzabin da kake tayi ba a banza ba"

Murmushi yayi ya lumshe idonsa, "to meye na fushin kuma? Ba kece kika hana zuciyata sakat ba, kece kika hanani son kowacce mace sai ke daya shiyasa kullum nake manne dake.. Allah ya raba lafiya, sai ki yaye Humairaa saboda karta sha ciki ko.."

Tashi tayi ta fita ta zumburo baki,fitowa yayi daga cikin bargon ya fita ya bita, tana zaune a gefen gadonta tana tsotsar goba, zama yayi ajikinta ya rungumeta yana cewa,

"Godiya ta tabbata ga Allah kwanan nan sai haihuwa aketa yi mana kinga xahar din bash itama ta kusa sauke yan biyunta,gaki kema kila yan biyun ne, saura fadila da ihsan"

Murmushi ikhlas tayi ta sake shiga jikinshi sosai,

"Ai gara ayita zube maka 'yayan ko ka tsufa da wuri in huta da amarya..."

Dariya yayi mata yaja hancinta, "tsufa? Ai ko na tsufa zan iya auro yarinya budurwa.."

Dagowa tayi ta kalleshi ganin irin kallon da tayi masa ya sashi rikicewa ya fara inda inda,

"Pretty da wasa fa nake yi miki, haba dai aure,wallahi da wasa nake"

"Kaji tsoro kenan?",tace dashi tana murmushi,

"Ehh naji, ai kin san tsoro wajibine..."

"Kaifa mai sunan mazaje ne bai kamata ka zama mai tsoro ba"

  Murmushi yayi ya rungumeta yana shakar daddadan kamshin turaren dake fita daga cikin jikinta,

"Allah dai yayi miki albarka pretty hakika kin zama wani bangare na rayuwata... I love you"

Murmushi tayi ta rungumeshi itama "i love you too abban sadiq..."

Rungume juna sukayi suna dariya...!

  ALHAMDULILLAH!

Godiya ta tabbata ga Allah mad'aukakin sarki wanda cikin amincewarsa da yardarsa na kammala wannan littafi mai suna ruwan kashe gobara, ina addu'ar Allah yasa ya amfanar damu baki daya.

  SADAUKARWA

Na sadaukar dashi gareki k'awata mai sona mai kaunata KHADIJA SIDI,ubangiji Allah yasa albarka acikin rayuwarki.

Share this

WhatsApp