UKU BALA'I Page 51 to 60

BABI NA HAMSIN DA DAYA.

Sosai Baffa ke kallon yanayin cikin takaici da tsananin mamaki abin da bai taba zato ko tsammani ko a mafarkinsa bai yi tsammanin zai sake tuna shuɗaɗɗen wannan lamarin ba amma bisa akasi wai yau Bello ne a gabansa shi ya tsinta shine har yayi masa magani kaico mutumin da ya tsana tsana mai ansa suna tsana a filin duniyar nan bai taba tsanar wani bawa kamar Bello ba amma wai yau shi ne a gidan sa yake zaune har yake tattalin sa yake kula masa da rayuwa ya ajje komai nashi ya bata lokacin sa mai tsayi wajan bautawa wanda ya tsana a filin duniyar nan kaico.

Wani irin maƙaki ne na takaici yake ji yana tunkodo masa zuciya ji yake yi ko wani sashi na zuciyarsa da ruhinsa suna shiga wani halin kunci mai tsanani.

 Kai kawo kawai yake yi cikin dakin zuciyarsa na tunzurashi tana tuno masa da abin da ya faru sama da shekaru ashirin wanda ya ɗaɗe da binne wa ransa ba zai taba waiwaye ba amma yau rana daya ciwon da ke cin zuciyarsa ya tashi.

Runtse idanu yayi ji yake yi kamar ya kurma ihu don takaici da bakin ciki bai san ya zai yi ba bai san abin da zai yi wa Bello domin daukar fansa ba zuciyarsa ta shiga tunkodarsa akan ya dauki hukunci mai girma akansa wanda zai warkar masa da ciwon da ya haifarsa ba ma wannan ba 'yarsa yake tunawa 'yarsa mai biyayya a gareshi amma AKAN SO ta ajje duk wani girmamawa da biyayya da take masa ta shiga yiwa so biyayya ta rabu dashi ta rabu da kowa nata ta guje su duk akan so ya yafe ta tuni ya yafe ta cikin zuri'arsa ya sallamawa duniya ita amma yau daya yaji zuciyarsa na tuno masa da zaman da yayi da ita da kyautatawa da take masa.

Numfashi yaja mai karfi idanuwansa lokaci guda suka kawo kwalla komai ya faru dashi a filin duniyar nan Bello ne Sanadi ya raba shi da inda ya zauna zaman shekaru masu yawa ya rabashi da farin ciki ya raba shi da 'yarsa duk wani tashin hankali da kuncin rayuwa da suka shiga shine sila komai ya faru da su shine sila.

 Dafe kan sa yayi zuciyarsa na kara rura wutar kiyayyar da yake yi masa ji yake yi kamar ya kashe shi abin da zuciyarsa take sanar dashi kenan amma yana gudun haka tunanin 'yarsa yake yau daya ya tuna da ita yau daya yana son ganinta bai san a wani hali take a yanzu ba bai sani ba ko tana raye a duniyar nan ko ta mutu duk bai sani ba ansar tana wajan Bello wanda shi kuma a duniyar ba wanda ya tsana ya sake gani kamar shi.

 A hankali ya fara jan kafafuwansa da sukayi rauni sosai gabadaya jikinsa ya saki sosai tafiya yake yi yana bin kowa da kallo har lokacin da ya isa in da ya baro Bello zaune bayan ya gama fahimtar wanene shi tun daga nesa yake hangen sa yana jin yarda zuciyarsa ke kara narkewa da bakin ciki da Bello ya zama sila ji yake yi kamar yana isa ya dauke shi da mari.

 A wajan Bello abin da yake ta nazari kenan akan Baffa sosai ya shiga tashin hankali sosai ya shiga cikin firgici da razana sosai yake hango yarda Baffa zai dauke shi da irin hukuncin da zai yi masa in ya gane shi wanene lokaci guda zuciyarsa ta karya ba wanda yake tausayi sai matarsa ya sani komai ya faru da ita shine sila AKAN SO komai ya faru a tsakanin su domin tayi wa so biyayya ta rabu da komawa nata tace sai shi sosai kalamanta suke masa yawo kai a can lokacin baya bayan iyayenta sun sallamata gareshi sunyafe ta gareshi...

  "Bello kai kadai nake dashi a duniyar nan kai ne gata na kai ne komai nawa saboda so na rabu da kowa saboda so na rabu da komai nawa don Allah ka rikeni da amana karka sa nayi kuka A DALILIN ƊA NAMIJI ina tsoro...ina tsoron abin da zai je ya dawo Bello in har ka ci amanata ka tabbata ba zan taba yafe maka ba ni kaina ba zan yafewa kai na ba na roke ka".

Wani hawaye ne suka gangararo masa lokacin da ya tuno kalamanta tana zubda hawaye cikin tsananin firgici da yanke tsammani komai na rayuwa sai BIYAYYAR SO da take tsammanin tayi kuma take tsammanin zata samu kulawa akan wanda tayi wa so din.

 Saukar hucin da yaji ne akan sa ya sanya shi saurin dawowa hayyacin sa yana waigawa Baffa ya gani fuskarsa ta haɗe kamar bakin hadari idanuwansa sun kaɗa sun yi jajir sai faman hirji yake yi kamar wanda zai ci babu shi kan sa Bello ya tsorata da yanayin da ya gan shi a ciki.

Zuciyarsa ce ta shiga bugawa da sauri-sauri kamar zata faso kirjinsa ta fito saboda tsananin firgita ba abin da yake hangowa cikin idanun Baffa sai kiyayya da rashin so kallon da yake yi masa na tsana da takaicin ganin sa sosai yake tuno waye Baffa sosai yake tuno irin DAMBARWAR da suka kwasa a tsakaninsu akan ya rabu masa da 'ya har fada Baffa ya ja shi suyi ya sha jibgarsa ya sha yi masa rotse da sanda amma duk wannan bai saka ya guje 'yar sa ba sosai yake hango irin ikirarin da Baffa yayi a ranar da ya sallama Habeeba gareashi a ranar da aka daura mata aure a ranar da suka kwashe komai na su suka bar garin.

 "Ba zan taba yafe maka ba Bello ka cuce ni ka dasa min ciwo a zuciya mai girman gaske amma ka sani wallahi wallahi kaji na rantse zan sallama maka Habeeba ka je ka aure ta amma ka tabbata babu ni babu ku har abada bana kaunar na sake haduwa da daya daga cikin ku".

Runtse Idanu Bello yayi jin zantukan Baffa suna maimaita kan su a cikin kwanyarsa tsoro na kara ziyartarsa sosai a zuciya ya sani Baffa ba zai taba kyaleshi ba ya sani dole ya dau hukunci akan sa tun da yau ALKALAMIN ƘADDARA ya hada su har suka zauna waje daya a lokaci mai tsayi wanda shi a akaran kansa ba zai iya cewa ga adadin lokacin da ya kwashe a tare da su ba.

Kawai ji yayi tum akasa da sauri ya waigo Baffa ya gani ya fadi yana faman numfarfashi kamar wanda rai ke kokarin fita daga jikinsa zaro idanu yayi sosai cikin tsananin firgici ya isa gareshi yana kokarin tallabo shi amma duk da halin da Baffa yake ciki bai hana shi kokarin janye jiki daga gareshi ba hakan ya kara rikita Bello sakin baki yayi yana kallonsa gabansa na tsananta bugawa.

A daidai lokacin su Iro suka dawo daga kiwo ganin abin da ke faruwa da gudu suka iso suna kiran sunan Baffa Ja'e ya rungumo shi yana mai duban Bello da hawaye suka balle masa suna ta kwarara kamar wani karamin yaro.

 "Na...ts.a..na she bana...son...ganinsa".

Cikin sarkewar muryar Bafffa yake fadin haka da sauri suka shiga duban sa domin ba su gane in da ya dosa ba ba su gane mai yake nufi da kalmar da yake fadi ba sosai suka rikice suka shiga kokarin daukarsa domin kai shi daki amma idanuwansa na kan Bello da yayi kasa ke yana kallon ikon Allah iya tashin hankali ya shiga a wannan lokaci zuciyarsa sai faman zillo take tsoro yake yi kar ya zama ajalin Baffa don ya lura yanayinsa ya tabbatar ya gane ko shi waye da sauri ya mike ya bi bayan su daidai bunkar da suka shigar da Baffa ya tsaya tsoron shiga yake don bai san abin da zai faru ba ya sani Baffa ya tsane shi in da ya san ko shi waye tun farko ba zai dube shi har ya taimaka masa ba.

 A cikin Bunkar kuwa kokarin taimakawa Baffa sukayi har ya fara dawowa hayyacin sa sai faman magana yake saki wanda su dukkansu ba su gane abin da yake nufi ba idanuwansa sun kara kaɗewa sosai.

 "Bana son na sake hade idanuna dashi bana kaunarsa na tsane shi ku fitar min dashi daga cikin zuri'a annoba ne shi bala'i ne komai da ya faru dani shine sila shi ne ya dasa min ciwo mai girma a zuciya shi ya raba ni da farinciki na a dalilin sa na rasa matata a ta dalilinsa ne komai nawa ya kasance da kunci a cikinsa".

Magana yake yi idanuwansa na kawo hawaye suna zuba sosai su Ja'e suka firgita da ganin tsohon na su cikin wannan yanayin abin da ba su taba gani ba kenan tsayin rayuwarsu kukan mahaifin su lokaci guda suma zuciyoyinsu suka karye kwalla ta cika masu idanu Iro ne yayi kokarin duban Baffa a dan firgice.

 "Baffa wai me ke faruwa ne me ya same ka kuma waye kake cewa ka tsana?".

Runtse idanu Baffa yayi zuciyarsa na zafi kafun ya buɗe su yana duban su daya bayan daya yana faman ajiyar zuciya.

 "Mutumin da na taimakawa mutumin dana bata lokaci na ina jigilar ganin yana dawo mutum mutumin da na shafe tsayin lokaci ina jinya mutumin da duk na wahala akan shi ashe ban sani ba mikiyi nane ashe ban sani ba annoba ne annobar da ta lalata komai nawa ta hanani farinciki tana hanani kwanciyar hankali ta raba ni da masauki dana kwashe shekaru ni da zuri'ata amma a ta dalilinsa na bar komai na dawo nan da zauna".

Duban junansu sukayi kafun su sake duban Baffa cikin rashin fahimtar maganganunsa murmushi mai ciwo ya saki kafun ya dauke hawayen da suka zubo masa nan ya shiga ba su labarin komai dake faruwa wanda ba su sani ba don lokaci ba su wuce shekara biyu ba.

Mamaki sosai ya cika su lokacin da ya gama ba su labari duban sa suka shiga yi cike da mamaki da al'ajabin lamarin domin duk wannan lamarin ba su san dashi ba Ja'e ya kokarta duban Baffa cikin yanayi na tausayi.

 "Amma Baffa kana ganin wannan matakin daka dauka shi ne daidai?".

Wani irin duba Baffa yayi masa kafun yaja numfashi.

 "Me kake nufi Ja'e? Kana nufin hakan da nayi ba daidai bane ko me?".

Girgiza kai ya shiga yi cikin kunar zuci sosai yake jin takaicin lamarin da kuma haushin Bello.

 "Ba wai nace baka kyauta bane amma kana tunanin abin da kayi wa Yayah Habeeba daidai...".

 "Dakata min Ja'e me kake son sanar dani kana nufin ban yi mata adalci ba ko me kasan Allah ko ita ce 'YA DAYA TAK! dana haife zan iya rabuwa da ita tunda har ta fifita wani a kai na balle kuma ina da wasu 'ya'ya mahaifiyarku da sunan Habeeba ta mutu a bakinta tun lokacin da muka baro inda muka ta so shikenan ta rasa kwanciyar hankalinta har zuwa lokacin da ta rasu ta yaya kake zaton zan yafe ko zan dauki lamarin da sauki".

Ya karashe cikin zafin rai da tsananin fushi mikewa yayi cikin hanzari yayi waje Bello na tsaye kikam tun dazu zuciyarsa da kwanyarsa duk sun tsaya cak! da aiki ya rasa mai ke yi masa dadi saukar duka yaji da sanda a tsakar kai hakan yayi matukar firgita shi Baffa ya hango sai faman Hirji yake yi bai ankara ba ji dumin jini na sauko masa zuwa fuska duban Baffa yake yi cikin wani irin yanayi yana hango kiyayyar da yake yi masa a karo na biyu yana daga sandar yana kokarin sauke masa da sauri Ja'e ya rike wanda ya fito a daidai lokacin ya shiga duban Baffa yana duban Bello dake tsaye jini duk ya wanke masa fuska lokaci guda.

 Wani irin duba Baffa yayi masa kafun ya fizge sandar yana nuna Bello da ita.

 "Tun wuri ka fice mani daga cikin ruga tun kafin nayi ajalinka na fada maka dama duk ranar da muka sake haduwa da juna sai na yi ajalin ka don haka tun kafin na kashe ka na mai da kai in da na tsinto ka ka san in da dare yayi maka".

Sake duban Baffa yayi zuciyarsa na zafi da raɗaɗi a hankali ya shiga takowa yana iso wa gareshi da sauri Baffa ya daga sandar jira kawai yake ya iso ya dauke masa a jikinsa sai faman ɓari yake yi kamar wanda ya sha dukan ruwa su Iro kam lamarin ya fara shallake tunanin su ba su taba zaton haka Baffa yake ba ba su taba zaton yana da zuciya haka ba tunda suke dashi ba su taba ganin ya aikata makamancin wannan halin ba gani suke yi kamar a mafarki ba gaske ba.

 "Na tsane ka karka sake ka iso inda nake wallahi zan yi ajalinka".

Duk ikirarin da Baffa yake yi bai hana Bello isowa gareshi ba haka shima Baffa yana isowa ya sauke masa sandar a tsakar kansa wanda tayi sanadiyar zubewarsa kasa warwas sumamme da gudu su Ja'e sukayi kansa shi kuwa Baffa jikinsa ɓari kawai yake yi gaɓadaya ya shiga wani yanayi na rashin hayyaci.

[10/4, 10:25 AM] DEENY MINNA🙋‍♂: UKU-BALA'I

NA

KAMALA MINNA

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

 

BABI NA HAMSIN DA UKU.

 *_My Kawa Amra ina tayaki murnar kammala labarin ki mai taken AMRAH NAKE SO Allah ya amfani al'umma da ilmin da kika nuna a ciki da fadakarwa ya kara miki basira da hazaka....Makarantar Uku bala'i yasin laifin Amrah ne da kuka jini shiru 2days kurciya tayi mani_*😁

  *_Milk Candy Happy Bizday Allah ya karo shekaru masu amfani ya inganta rayuwa sai mun zo cin Cake_*😁😁😁

haka kawai taji zuciyarta na tashi kamar wanda taci abun da ranta bai so ba tunda aka kawo ta cikin gidan Dr.Erena gabadaya ta rasa gane kanta sosai take jin zuciyarta na raɗaɗi da zafi ga wani kunci mai girma da take jin yana ta faman kai kawo a ko ina na zuciyarta da ruhinta.

 Numfashi take faman saukewa kamar wacce tayi gudun fanfalaki a hankali ta sauko daga kan gadon jikinta sanye da wando da riga wanda suka kamata sosai bayan su ga rigar barci da ta sanya a sama sannan ta daura zani akai duk wannan abin da tayi ta yi ne saboda kar Dr.Erena ya shigo mata daki duk da ta kargame da key amma duk hakan bai kwantar mata da hankali ba barci ma gagararta yayi a hankali ta shiga takawa har ta isa toilat din tayi abin da zata yi ta fito haka kawai take ji wani iri gabadaya ga wani kamshi da take shaka yana tayar mata da zuciya tun ranar da aka kawota gidannan take jin haka amma ta rasa dalili isa kofar dakin tayi ta buɗe da key sannan ta leka ganin ba kowa ya sanyata sakin ajiyar zuciya ta nufi F

falon gidan a hankali tana dube dube cikin yanayi na dan tsoro don bazata manta arangamar da tayi da Dr.Erena aa a daren ta na farko inda suka kwashi rigima tun ranar bata haduwa dashi ba sai dai taji shigowarsa da fitarsa amma ko sau daya bata taba gangancin fitowa yana gida ba.

 Tunda ta tunkaro falon take jin warin na daɗuwa sosai har sai da ta toshe hancinta sosai ta shiga zare idanu gabanta na tsananta bugawa yawatawa da idanuwanta ta shiga yi cikin falon amma bata ga kowa ba hakan ya bata mamaki matuka cikin yanayi na tsoro da fargaba ta tsaya tsakiyar falon tana dube dube sam bata lura da mutumin dake kwance saman kujera ba bata san ya taso ba sai dai kawai taji an danko mata kugu wata irin razananniyar kara ta saki tare da toshe hancinta da take jin warin ya dadu nan ta shiga kiciniyar kwatar kanta amma ina rikon da yayi mata ba na wasa bane ji tayi kamar zata mutu numfashinta sai faman fizga yake yi runtse idanu tayi gami da yin wani yinkuri sosai taji karfi ya zo mata wanda bata san tana dashi ba ta fizge kanta ta daka tsalle can gefe guda sai faman numfarfashi take yi.

 Kallo ta bishi dashi da idanuwanta da suka gama razana da tsoro sosai ta firgita da yanayinsa gani take kamar ba Dr.Erena da ta sani ba gabadaya ya canza suffarsa take ganin tana riketa mata kamar ba nashi ba da sauri-sauri ta shiga ja da baya kafun lokaci guda ta kwasa da gudu tayi dakinta ta mai da kofa ta rufe zamewa tayi ta zauna jikin kofar ta runtse idanu cikin wani irin yanayi zuciyarta sai zillo take yi kamar zata faso kirjinta ta fito.

Ta dauki lokaci mai tsayi a wajan zuciyarta da kwanyarta sai kai kawo suke yi mamaki take yi yarda take jin warin nan da ya jima tana jinsa bata taba zaton a jikinsa yake ba sai yau Allah kawai ya kwaceta amma ta tabbata in ba don haka ba da tuni ta mutu don sosai take jin warin na ratsa mata hanci yana samun masauki a cikinta.

Wani kuka ta saki mai ciwo ita kam! taga ta kanta ba ta san kaddarar da ta jayota wannan gidan ba bata san mai yasa tayi wannan AUREN ƘADDARA din ba ita kam bata ga amfanin wannan auren gareta ba illa bala'i da zai jaza mata.

*****

Abu kamar wasa Gabadaya Areefa ta rasa gane kanta tun ranar da wannan lamarin ya faru tsakaninta da Dr.Erena sosai ta firgita yau kimanin wataninta biyu kenan a gidansa amma ta rasa kwamciyar hankali da natsuwa.

 "Maama don Girman Allah ki zo ki fiddo ni daga cikin wannan gidan zan mutu".

Cewar Areefa a wani talatin dare da tayi wani mugun mafarki da yayi matukar tsorata ta.

 "Wai me ke damunki ne Areefa eyee ba na ce miki ina nan zuwa ba amma kin ki kwatar da hankalinki ki natsu mana ina nan zuwa gobe da safe".

Wani kuka ta sake rushewa dashi matsanancin sai faman zarya take yi a tsakiyar dakin daga ita sai kayan barci kanta duk a hargitse kamar sabuwar mahaukaci.

 "Allah Maama mutuwa zanyi ba zan iya jira har gobe da safe ba don Allah ki zo ki fiddo ni daga bakin gidan nan...".

Bata karasa maganar da take yi ba taji an hau dukar kofar dakin nata kamar za a karyata wani tsalle tayi ta ɗane saman gado idanu a warwaje.

 "Maama kina ji ko kin gan shi nan fa ya zo yana dukar min kofa wayyo Allah na zai kashe ni".

 "Innalillahi wa inna ilaihr raji'un".

Hajiya Layla ta fadi cikin sauti don tana jiyo sautin bugun kofar da ake yi sosai ta firgita ita kanta ta fara tsorata da yanayin da take jin Areefa a ciki sosai take fargarbar abin da zai je ya dawo kai kawo kawai take yi tsakiyar falon tun lokacin da Areefa ta bugo mata waya tana kuka gabadaya ta fice hayyacinta bata son abin da zai cutar da Areefa bata so a kuma yin na biyu bata so ace ta dalilinta Areefa take fadawa cikin kunci da bala'in rayuwa.

Hannayenta ta saka ta dafe kanta tana jin yarda yake juya mata a hankali ta ja kafafuwanta da take jin sun yi mata nauyi sosai ta zauna bakin kujera jikinta sosai yake rawa.

 "Areefa kina jina".

Ta fadi cikin kwantacciyar murya mai cike da rarrashi.

 "Ina jinki Maama ni dai don Allah ki zo ki fidda ni daga cikin gidan nan na roke ki".

Ta fadi tana mai sake rushewa da kuka a daidai lokacin kuma ya balla kofar ya shigo habawa ba ta san lokacin da tayi cilli da wayar ba ta yi hanyar toilet da gudu tana shiga ta mai da kofa ta rufe.

 "Areefa!!".

Taji ya ambaci sunanta cikin wata murya wacce ta tabbatar bata sa bane gabadaya sautin ta ya cika mata kunnuwa yake yi kamar gidan ma rawa yake yi gabadaya lokaci guda ta sake rikicewa sosai.

Kara kankame jikinta tayi sosai idanuwanta a runtse ba abinda take ambata sai sunayen Allah hawaye sai faman sauka suke a kuncita zuciyarta na kara rikicewa.

  A kunnuwanta take jin taku wanda yake ansawa a dukkanin bangwayen gidan ko ta ina kasa da sama zubewa tayi ta zauna kasa cikin yanayi na yanke tsammani abin da yake kokarin faruwa da ita.

 Bata san mai ya kai ta yarda da auren nan ba, bata san wani tsautsayi bane yasaka ta amincewa dashi, tana cikin bala'i. wanda bata san ya za ta fidda kanta ba tsoro take kar abin yayi yawa ga duka ga mari gami da tsinka jaka.

Wasu hawaye masu zafi suka zubo mata daidai lokacin da taji takun kafafuwansa na takowa zuwa toilet din fargabarta ta dadu da sauri ta shiga ja da baya domin kafafuwanta take jin suna kokarin kasa daukarta handle din kofar da aka rike hakan ne ya sanyata dauke numfashi gabadaya na dan lokaci kafun ta ji an saki a juya kuma an fara tafiya a hankali jin shirun da tayi na ɗan lokaci ya sanyata sakin gwauron numfashi tana dafe kanta da yake faman sarawa kamar zai rabe gida biyu numfashi take fizga zuciyarta na kara rikicewa da wannan lamarin wanda bata san yarda zata kwatantashi ba.

 Haka ta cigaba da zama cikin wannan talatin daren har zuwa wani lokaci wanda ita akaran kanta ba zata iya cewa wani lokaci ta dauka ba domin barci a lokacin bata san ina ya nufa ba idanuwanta sun kekeshe kiran sallar assalatu ne ya fargar da ita daga duniyar tunanin da ta lulaka cikin kasalallan yanayi ta mike tana jan kafafuwanta da take jin su kamar zata zubda ita kasa ta isa wajan famfon Toilet bayan ta yi tsarki ta daura alwala zuciyarta na ta nazarin ta yarda zata fice daga dakin don gabadaya ta gama firgicewa bata san abin da zai faru ba in ta fita daga toilet din nan bata so ta hadu dashi ta tsane shi sosai take jin tsanarsa na kara samun gurbi a zuciyarta sosai take ganin wautar kanta da ta yarda har ta amince akayi wannan auren gashi yanzu tana cizon yatsa.

 Sai da ta gama tsalle tsalle da zuciyarta kafun ta tunkari kofar jikinta na faman bari ta buɗe kadan ta leka ganin ba kowa a hankali ta shiga takawa ta fito ganin tabbacin ba kowa ta karasa kusa da kofar ta mai da ta kulle gami da sargafa key wani irin numfashi ta ja gami da jingina da kofar ta runtse idanuwanta zuwa wani lokaci kafun ta buɗe ta ja kafafuwanta sallaya ta dauko ta shimfiɗa gami da saka hijab ta shiga bada nafilfili zuwa wani lokaci tana kai kukanta wajan Allah ya rabata da wannan mugun mutumin ya tsare mata rayuwa ya kare ta sosai take zubda hawaye zuciyarta na kara karaya da tashin hankalin rayuwar da take ciki a yanzu faragaba take bata san abin da zai faru ba tana tsoron abun da zai faru ya hada har da ita shiyasa tun farko ta so Maama ta fada mata komai da zai faru da ita a wannan gidan domin ta shirya amma bata yi haka ba ga shi yanzu tana ganin bala'i....

Ringing din wayar tace ya katse mata dogon tunanin da ta zauna tana ta faman yi bayan ta sallame da gudu ta mike don har ta tsoro amma jin wayarta ne ya hakan ya sanyata shiga dubanta in da ta cillar da ita jiya can ta jiyo sautin bayan loka din gadon ta da hanzari ta isa ta rarumo ta ganin Maama ne ya hakan ya sanyata sauri daga kiran muryarta na rawa.

 "Maama kin taho ne kina ina yanzu?".

Ta fadi da ɓarin jiki numfashi Hajiya Layla ta ajje jin muryar Areefa alamu ya nuna ba abin da ya same ta.

 "Areefa dafatan dai kina lafiya ba abin da same ki?".

 "Ni dai kawai ki taho Maama don Allah ki zo ki fiddo ni daga cikin gidan nan...".

Da sauri Hajiya Layla ta tare ta.

 "Ba maganar zuwana Areefa in har na zo Dr.Erena zai gane ke wacece kuma zai gane ni kin ga kuwa in ya san waye ke ai da matsala...".

 "A,a Maama ni ba damuwa ta ba ce ya san ko ni wacece in har zan fice daga cikin gidan ba zan iya zama ba ki zo ki cece ni".

Ta karashe muryarta na kara karyewa da kuka sosai durkushewa tayi a wajan jin Hajiya Layla ta ce ba za ta zo ba kenan duk abin da zai faru da ita sai dai ya faru kenan.

 "Areefa".

Hajiya Layla ta fadi amma Areefa bata ansa ta ba sake kiranta tayi nan ma bata ansa ta ba sai ma kashe wayar da tayi ta cillar da ita kan gado zuciyarta ta shiga hasaso mata wani lamari mai girma wanda take kokwanto akan sa tsakaninta da Hajiya Layla tana SHAKKA akan kalaman da take furta mata tana shakka anya ba yaudararta tayi ba domin wani kudiri nata anya kuwa ba GADAR ZARE ta saƙa mata ba ta rufta ciki.

Girgiza kai ta shiga yi kamar wata kadangaruwa cikin tsayin lokaci kafun ta mike tana kai kawo cikin falon da matsanancin tashin hankali mai girman gaske sosai take jin zuciyarta na son gasgata abin da take sanar da ita sosai take jin girman lamarin a ko ina na sashin jikinta.

Bata son hasashenta ya tabbata bata son maganar zuciyarta ya zama gaskiya tana tsoro akan abin da zai je ya dawo in har hasashenta ya tabbata to tabbas da matsala wanda bata san ya zata fuske ce ta ba.

Zame jikinta tayi ta zauna bakin gadon hadi da zabga tagumi zuciyarta da kwanyarta sai faman hayaniya suke yi suna kokarin kamawa da wuta domin gabadaya ji takeyi komai ya rikice mata ta kasa samun tunanin da zata yi.

Ihu taji gami da tsayuwar mota a lokaci guda bata san lokacin da ta zabura ba tana kokarin kwasa da gudu tayi hanyar bayi taja tunga ta tsaya tana faman rarraba idanu bata san gari yayi haske haka ba daga kai tayi daidai inda agogon dakin yake karfe bakwai har da minti hamsin 7:50 mamaki hakan tayi domin bata san lokacin ya ja haka ba nan tsaye take tana jiyo sautin ihun nata shi yana kusantowa cikin gidan sosai daidai lokacin da ka buɗe kofar falon aka shigo ta tsinkayo faduwar abu mai karar gaske har sai da ta sanya hannu ta toshe kunnuwanta gami da runtse idanunta...

 *_KAMALA MINNA_*😘

[10/16, 10:12 AM] DEENY MINNA🙋‍♂: UKU BALA'I

   NA.

    KAMALA MINNA

  

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA HAMSIN DA HUDU

Cikin hanzari ta fito daga cikin Toilet din jikinta daure da ta shawul kallo daya zaka yi mata ka hango tsantsan tashin hankalin da take ciki idanuwanta sun kaɗa sun yi jajir kamar wacce tayi KUKAN DOLE kai kawo kawai take yi gabadaya kanta ya gama kullewa ta rasa me ya kamata tayi a yanzu wanda ya dace a daidai wannan lokaci amma ta rasa gaɓadaya gaboɓin jikinta ji take yi kamar an lakaɗa mata duka ta ko ina.

Da hanzari ta isa bakin gadon dakin nata ta zauna tana mai da numfashi kamar wacce tayi gudun fanfalaki wayarta da ke yashe gefe guda ta janyo tana mai dubanta tana jujjuyawa har na tsayin dakiku kafun ta shiga latsata tana binciko lamba ta danna mata kira amma ina! Wayar akashe taji ta hakan ba karamin kara rikita mata kai yayi ba mikewa tayi da sauri ta nufi sif din dake dakin buɗewa tayi ta janyo doguwa riga baƙa ta zurawa jikinta gami da yin rolling da mayafin ta janyo flatshoes ta sanya key din motarta da ke kan Mirrow ta dauka tare da dauko wayarta sai da ta karewa dakin kallo kafun ta fice cikin hanzari zuciyarta na kara tsinkewa da tashin hankali mai girman gaske.

Cikin hanzari ta fice zuwa tsakar gidan motarta kirar 406 mai launi ruwan toka ta shiga tare da yi mata key bayan ta buɗe get din gidan ta fice ziciyarta na kara rikicewa ba abin da take jiyowa sai sautin muryar Areefa da yarda take kuka tana ihu akan ta zo ta taimake ta zata mutu bata san mai za tayi mata ba ba ta san abin da ya kamata tayi a daidai wannan lokacin ba tana tsoron Dr.Erena ya sake maimaita abin da ya zama shine sanadi a yanzu tana tsoron a sake komawa gidan jiya za tafi kowa bakinciki zata fi kowa takaici a duniyar nan domin komai ya faru da Areefa a yanzu da lokacin baya duk ita ce sila ta hanyarta komai ya ke tabbata.

Wasu hawaye ne ta ji sun sauko mata da sauri ta sanya hannu daya tana dauke su tana mai tuki jikinta a sanyaye zuciyarta ne ta shiga kai kawo tana so ta samo wanda zai taimaka mata da abin yi sosai kwanyarta take hayaki tana kokarin kamawa da wuta.

'Alhaji Abdulwahaab'

Sunan da ya zo mata kai kenan da sauri ta runtse idanunta kafun ta buɗe su tana jin wani irin yanayi a zuciyarta mai girma gaske da sauri ta gangara bakin titi tayi parking tana mai hada kanta da sitiyarin motar na dakiku sai faman sauke numfashi take kafun ta dago ta dubi wayarta lambarsa ta binciko jikinta har rawa yake yi ta danna masa kira gami da karawa a kunne cikin kankanin lokaci ta shiga ruri amma ba a daga ba har ta katse sai da tayi haka sau uku a na hudu Allah ya taimaka ya dauka wani irin ajiyar numfashi tayi mai karfi tana mai cewa.

 "Don Allah kana ina Alhaji Abdulwahaab akwai matsala fa sosai ina bukatar ka yanzu yanzun nan ko ina kake ina kan hanyar gidan Dr.Erena mu hadu acan".

Mamaki sosai ya cika shi jin abin da take fadi.

"Ban fahimce ki ba Hajiya Layla meke faruwa ne?".

Dafe kai tayi kafun ta sake nisawa.

 "Ba mu da lokaci don Allah ka zo yanzun nan akwai matsala ce".

numfashi ya sauke cikin wani yanayi.

 "Amma Hajiya Layla kin mata yanayin da muke ciki ne da Dr.Erena kin san za a samu matsala in har ya gane mu din ne muke tare da Areefa...".

 "Alhaji Abdulwahaab!".

Hajiya Layla ta kira shi tana mai katse shi zuciyarta na kara hargitsewa.

 "wannan lokacin ya dade da shafewa na manta dashi yarinyata nake bukata Abdulwahaab duk wani boye-boye ya kare tsakani na dashi zan fuskace shi komai zai faru zan tunkare shi sai dai duk abin da zai faru ya faru".

 "Hajiya Layla da kin yi hakuri man...".

Katse wayar tayi jin yana kokarin bata mata lokaci wani kuncin taji ya tokare mata wuya mai Alhaji Abdulwahaab yake nufi da nuna halin ko in kula akan wannan lamarin da ta sanar dashi anya kuwa ya san abin da yake yi anya kuwa ya ji abinda ta fada masa sosai dafe kai tayi na dan lokaci kafun tayi wa motar ki ta fizge ta da karfi zuciyarta cike da zullumi.

 Tafiya sosai tayi sannan ta isa unguwar da Dr.Erena yake nesa da gidan tayi parking zuciyarta ta na bugawa da sauri sauri bata san mai zata yi ba sosai take fargaba da tsoro a zuciyarta Areefa take so ta gani so take yi ta ga halin da take ciki runtse idanu tayi gami da kashe motar ta fito ta mai da kofar ta rufe a hankali ta shiga takawa zuciyarta na kara sautin bugu har ta isa bakin get din gidan lekawa ta shiga yi ko zata hango cikin gidan amma ba ta hango komai ba gefe ta ja kadan tana duban layin amma ba kowa sit kake ji kamar mutuwa ce ta gifta hakan ya dan kara tsorata ta amma cikin karfin hali da nuna rashin tsoro ta shiga kwankwasa Get a hankali idanuwanta na saitin karamar kofar zuciyarta na kara sautin bugun ta.

 "Waye a nan?".

Ta ji an fadi da sauri ta juya don jin muryar tayi kamar daga sama domin gabadaya a firgice take sai da ta saita kanta sannan ta lura ashe Maigadi ne wanda ya buɗe kofar a daidai wannan lokacin.

Yak'e ta shiga yi shikuwa sai faman gaisuwa yake watsa mata ganin Babbar mace ce mai suffar naira.

"Yawwa Alhaji na ciki kuwa?".

Ta fadi tana mai kokarin saita kanta sai da ya kare mata kallo don ya so gane rikicin da ke idanunta kafun ya gyaɗa kai alamun eh wani rugugin tashin hankali ne ya dirar mata a zuciya amma ta danne tana mai kara faɗaɗa yak'enta kafun ta numfasa.

 "Ok ni mahaifiyar matarsa ce Areefa".

Da sauri ya kara ladab yana mai bude mata kofar domin ta shiga sai da tayi addu'a kafun ta saka kafafuwanta cikin gidan tana takawa tana bin ko wani sashi da lungu na gidan tana kara tsorata da Dr.Erena irin dukiyar da ta ga an zuba a gidan ta fitar hankali ba ta lura da motar dake gabanta ba har ta kusan cin karo da ita san nan tayi baya da sauri motar tabi da kallo ganin yanayin da take da sauri ta zaro idanu waje ganin yarda motar tayi gilashin fitilun duk sun fashe mamaki ne ya cika ta da tsoro a zuciyarta tana tambayar mai ke faruwa Allah yasa ba Areefa ba ce tayi accident wani irin bugawa taji gabanta yayi da sauri ta yi cikin falon tana zuwa ta tadda shi a bude ba tare da fargabar komai ba ta fada ciki baje ta hango mutum tsakiyar falon sai faman murkususu yake yi idanuwansa a kankafe da sauri ta ja baya tana mai kiran Areefa da karfi gidan gabadaya ya dauka sautin muryarta.

Hancinta ta toshe jin irin warin dake tashi a tsakar falon gabadaya taji zuciyarta tana sama da kasa kamar zata yo waje rarraba idanu ta shiga yi tana faman kiran Areefa ganin ba alamunta hakan ya sanyata nufar cikin falon sosai tana buɗe daku har ta haye saman benan dakunan da ta gani ajere guda uku ta nufa tana kiran Areefa kamar wacce makoshinta zai yo waje.

Ita kuwa Areefa da take can kulle cikin daki kamar daga sama ta tsinkayo Muryar Hajiya Layla bata gasgata ba ta dauka kawai halin firgicin da take ciki ne take jiyo sautin kamar na ta amma kuma sai taji sautin na daduwa da sauri ta mike ta buɗe Toilet din kamar daga sama ta ji ana kwankwasa kofar dakin da take muryar Hajiya Layla na tashi da gudu ta fito har tana tuntuɓe ta nufi kofar ta buɗe da sauri Hajiya Layla ta gani a tsaye da sauri ta isa gareta ta rungume ta tana faman sakin ajiyar zuciya mai karfi idanuwanta sai zubda hawaye suke.

"Areefa me ke faruwa ne haka?".

Dago kanta tayi daga kafaɗarta ta dube da jajayen idanuwanta.

 "Maama Dr.Erena zai kashe ni ba zan iya zaman gidan nan ba wallahi na hakura ba zan iya zaman aure dashi ba don Allah ki fidda ni daga cikin gidan nan ji nake kamar numfashi zai katse".

Dubanta take yi sosai ta na hango rashin hayyaci a idanuwanta gami da firgice janta tayi cikin dakin gami da mai da kofar ta rufe bakin gado suka zauna Hajiya Layla tana dubanta kafun ta nisa lura da tayi ba abin da ya same ta.

 "Amma me ke faruwa dake haka duk na ganki a wannan matakin AREEFA?".

Runtse idanu tayi hawaye suka zubo.

 "Maama baki jin warin da nake ji ne?".

Ta fadi muryarta da rauni a ciki tana faman girgiza kai.

 "Tun ranar da na zo gidan nan nake jin wannan warin har izuwa yau kuma wallahi daga jikinsa ne warin nan ke fitowa da farko nayi zaton wani mushe ne a cikin gidan amma ban gani ba sai jiya da muka hadu dashi a falo nake jin warin na fitowa daga jikinsa zuciya ta dinga tashi".

Kure ta tayi da idanu kafun ta saki murmushi wanda ya jefa Areefa a wani mataki na mamaki.

 "Mai ya same shi na ganshi baje a falo yana faman murkususu".

Zaro idanu Areefa tayi gami da mikewa.

 "Wallahi ban sani ba ni dai dazu naji faduwar abu gami da ihu to a tsora ce nake ban fita ba".

Mikewa tayi ita ma ta ja hannunta suƙa fito ganin sun nufi falon hakan ya sanya Areefa turjewa tana duban Hajiya Layla.

 "Maama..".

Daga mata hannu tayi gami da nuna mata alamun tayi shiru ba ta sake magana ba ta bi bayanta gabanta na bugawa ga warin da take ji yana karuwa sosai hannu ta saka ta rufe hancinta har suka isa falon zaune suka hango shi ya jingina da kujera sai gumi yake yi kamar wanda aka watsa wa ruwa hannayensa duk biyun dafe da kai sakin Areefa tayi ta isa gareshi tana mai yi masa wani irin matsayacin kallo kafun ta saki wani murmushi wanda shi kuma a daidai lokacin ya dago kansa ya sauke a saitin ta.

Kallo yake binta dashi na alamun na sanki sosai yake maimaita kallon nasa akanta zuciyarsa da kwanyarsa suna kwaso masa abubuwa da suka shuɗe na shekaru masu yawa runtse idanu yayi ya buɗe su bakin sa ya shiga motsawa a hankali yana mai runtse idanuwansa shi kadai ya san wahalar da yake ciki.

 "Hajiya Lay...".

"A kul! din ka karka sake kar ka so ma ambatar sunana da wannan bakin naka".

Ta nuna shi da yatsa kafun cigaba da fadin.

 "Ashe ka gane ni ai na dauka ka mance fuskata a duniyar rayuwarka".

Sosai yake cikin tu'aji da daurewar kai tashi yayi sosai daga jikin kujerar ya juya ya dubi inda Areefa take tsaye kallon ta yayi kafun ya juyo ya dubi Hajiya Layla.

 "Me ya kawo ki gidaɓaa me kika zo yi ba na ce miki karki sake na sake haduwa da ko mai kamar ki bane".

Ya fadi yana mai cizon labbansa idanuwansa na kara kaɗawa sosai kwaɓe baki tayi kafin ta nuna shi da yatsa.

 "Dr.Erena kenan kana tunanin zan bar rayuwarka ne ai duk wanda ya dama dani to wallahi tare zamu shanye na san zakayi mamakin ganina a gidan ka ko?".

Ta fadi tana mai murmusawa.

Mamaki ne ya sake cika shi tare da firgice mai girma domin shi dai ya mance da wata Hajiya Layla a duniyarsa tun da kuwa ya ganta a yanzu akwai wani abu tattare da ita.

 "Dr.Erena Attajirar duniya".

Ta fadi tana barkewa da dariya wanda sosai ta kaɗa cikinsa amma ya ki nunawa ya shiga kokarin tashi amma ya kasa rikewa yaji bayansa yayi ji yake yi kamar ana doka masa guduma.

 "kar fa ka damu kan ka ba wani abu bane Malam Nata'ala ne ya bani sako in ba ka ai na san ba zaka mance sunan ba ko?".

Ta fadi cikin yanayi na izgilanci.

 'Malam Nata'ala'.

Can kasar makoshi yana tunanin inda ya san sunan kwanyarsa ne ta fara shawagi da sunan amma har ta gama bai canko ba illa idanu da ya zubawa Hajiya Layla da take ta faman sakin murmushi.

 "nayi mamaki da naga komai naka ya fara sauyawa wai yau kai ne da yin aure da alamun dai komai dake faruwa kwanyarka bata daukar sa da alamun kuma tarihi zai maimaita kan sa".

Duban Areefa tayi kafun ta dubi Dr.Erena da yaje ta faman cizon laɓbansa kamar zai cizge su daga jikinsa.

 "wannan ita ce matar taka?".

Ta fadi cikin yanayi na rainin hankali a hankali ta taka ta isa wajan da Areefa take tsaye ta dafa mata kafaɗa kafun ta sake ta dawo ta zauna cikin daya daga kujerun falon tana dora kafa daya kan daya gami da duban Dr.Erena da kan sa ya shiga wani mataki na rashin aiki komai yake ji yana cinkoshe masa ya kasa tuna komai a daidai wannan lokacin.

 *Afuwan naji na shiru kwana biyu kusan yanayin garin sai a slow yau fari gobe baki haka rayuwar take dafatan ba kuyi fushi ba😎😎 ina tare da ku ina irin mugin kaunarku din nan*👏👏👏

 *Kamala Minna*😘😘

.UKU BALA'I

   NA.

KAMAL MUHAMMAD LAWAL.

    (KAMALA MINNA.)

  07039355645

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร

  BABI NA HAMSIN DA BIYAR

Dubanta yake yi cikin wahalallan yanayi zuciyarsa na ta faman kokarin bankado masa abin dake boye amma kwanyarsa sai hayaki take yi masa ji yake yi kamar ya mike ya shaƙo Hajiya Layla don ya tabbata akwai wani boyayyan al'amari game da ita zai iya cewa ma halin da yake ciki a halin yanzu ita ce sanadi ba kowa ba runtse idanunsa yayi gami da sakin wani nishi mai karfi kamar macen da ke nakuɗa.

 "Hajiya Layla mai ya dawo dake rayuwata a daidai wannan lokacin kuma meye hadinki da MATATA?".

  Ya fadi cikin yanayi na azaba da raɗaɗi da yake jin ko ina na jikinsa ya dauka numfashin sa sai sama da kasa yake yi.

  "Dr.Erena kenan kana tunanin akwai abin da zai sake dawo dani rayuwarka a wannan karnin kar kayi zaton wani abu amma abu daya nake so ka tuna a rayuwarka shi ne Sharri dan aike ne duk in da aka tura shi zai je ya dawo abu daya nake so ka kuma tunawa shine Malam Nata'ala".

  Areefa da ke tsaye tun dazu idanuwanta na tsiyayar da hawaye Hajiya Layla ta dube ta sosai kafun tace da ita.

 "Zo ki samu waje ki zauna mana kin tsaya a tsaye in har kika ce kallon wannan mutumin za ki din ga yi kina zubda hawaye kina da aiki sosai a gabanki hawaye ya kamata ace ya tsaya miki a wannan matakin da kike".

  Girgiza kai tayi tana mai sake watsawa Dr.Erena wani matsiyacin kallo ji take yi kamar ta shako shi ta kashe shi don wata tsanarsa take jin na sake buɗe fili a zuciyarta mai girman gaske.

  A hankali ta shiga takowa tana isowa gareshi warin da take ji yana tashi daga jikinsa shi yafi komai tayar mata da hankali idanunta ta runtse gami da rike numfashinta idanuwanta akafe akan sa ba abin da ke cikin su sai zazzafar kiyayya mai girman gaske shi kansa sai da yayi mamaki kan irin kallon da take masa kau da kai yayi yana tambayar kan sa mai ke shirin faruwa dashi ne tun da ya tashi yau ya rasa gane kansa tun kafin ya isa wajan aiki ya samu tsautsayin haduwa da yan fashi ko makasa zai ce masu oho suka yi masa dukan shan gishiri gami da kwace jakar makuɗan kudaɗen da zai je da su Company din sa domin zubawa ga wata harkalla da akayi masa tallarta ya amince zai yi ta.

  Bayan sun dake shi sun fasa masa mota sun kwace kudaɗen kuma wanda hakan bai dame shi ba akan yarda yake jin jikin sa a yanzu sosai ya fara fargabar abin da yake kokarin faruwa dashi a yau din fuskar Hajiya Layla da ta bayya a gareshi akanta ya diga ayar tambaya.

   Kofar da aka turo aka shigo ne ya sanya shi tsinke zaren tunanin sa sosai yake bin kofar da kallo a daidai lokacin yayi arba da Alhaji Abdulwahaab suna kallon junansu ido cikin ido mamaki al'ajabi ya sake narkar dashi kau da kai yayi tare da runtse idanuwa yana mai tambayar kansa mai ya kawo Alhaji Abdulwahaab gidan sa a daidai wannan lokacin ganin abin yake yi kamar a mafarki ba gaskiya ba sai faman jan numfashi yake wanda yaji yana kokarin kwace masa.

  A hankali ya shiga takowa tsakiyar falon yana dubansu su duka cikin wani irin yanayi musamman yarda ya ga Dr.Erena aciki abin ya bashi mamaki gefe ya koma ya tsaya yana duban Hajiya Layla da ita ma shi take duba.

 "Ka zauna mana".

Ta fadi tana nuna masa kujera, gyaɗa kai yayi tare da zama bakin sa cike da tambayoyi masu yawan gaske amma ya rasa ta ina zai fara ko da yake akwai abin da yake hasashe akan faruwan haka...

 Muryar Hajiya Layla ce ta katse masa tunanin da yake yi.

 "Lokaci yayi sakon Malam Nata'ala zan isar kamar yarda ya bani shi amma bisa mamaki shi ya manta da waye ma Malam Nata'alar".

  Ta karashe tana sakin wani mugun murmushi kafin ta mike kan kafafuwanta da hanzari ta shiga kai kawo a tsakar falon hannayenta goye a bayanta.

 ****

   A hankali take jan motar cikin yanayi na fargaba da tsoron yanayin wajan haka kawai take jin zuciyarta na gargaɗin ta akan ta koma kar taje amma wani sashin na kara mata kwarin gwuiwar zuwa din runtse idanu tayi tana kara kurɗawa cikin dajin da tun da take a filin duniyar nan bata taba zaton akwai wannan dajin ba.

  Tafiya tayi sosai har ta fara yanke tsammani da rabon samun abin da ta zo nema ji take yi kamar kwatancen da Areefa tayi mata ba haka bane domin ta fara sarewa da tafiyar nan da ta kwasa kamar wacce zata bar duniya.

  Burki ta taka da sauri ganin uban tafiyar taki karewa gashi wani abun da take shirin gani ta baro surkukin daji amma nan kuma ta fara hango filin Allah kamar an share shi hakan ya fadar mata da gaba ba tare da ta karasa shiga filin ba don zuciyarta sosai ta tsoratar da ita akan ko wani mugun abun ne a shimfiɗe a wajan.

  Shiru tayi tana tunano labarin da Areefa ta bata akan zuwan su gidan Malam Nata'ala sosai ta fara gano komai da sauri ta sakeyi wa motar key ta fizgeta bayan ta nemi tsari wajan Allah da ya kareta daga duk wani abun ƙi da yake tattare da wannan wajan ba ta gama wannan tunanin ba ta fara hango wani farin gida daga can tsakiyar filin wanda ya kasance shi kadai hakan ya tabbatar mata gidan kenan.

  Tsayar da motar tayi gami da kasheta baki daya ta shiga kallon gidan yana yarda Areefa ta kwantata mata ba abin da ya sauya daga cikin sa mamaki ne ya cika ta dama a duniyar nan a irin wannan dajin har za a samu wanda zai iya rayuwa a cikinsa shi kadai ba tare da wani ba girgiza kai tayi gami da buɗe murfin motar ta fito a hankali ta fara takawa cikin yanayi na tsoro bayan ta rufe motar tana tafiya tana waiwaye don gabadaya tsigar jikinta ji take yi tana tashi kanta yayi mata nauyi sosai.

Gidan taga kamar yana sauyawa a idanuwanta tsoro na kara shigarta amma duk da hakan bata daina kusantar gidan ba a haka har ta isa kofar gidan a buɗe yake hakan ya bata damar shiga ba tare da wata fargaba ko tsoron da take ji zuciyarta na kawo mata ba lokaci guda taji duk wata fargaɓar na raguwa sosai.

A tsakar gidan ta tsaya tana mai kallon cikinsa komai tsaf-tsaf kamar gidan sabuwar amarya.

Daki guda ta hango wanda labule ke sake wajan ta nufa tun da ta tunkari wajan take jin wani wari na kawo wa hancinta farmaki da sauri ta buɗe jakartaa ta zaro farin hankicif ta toshe hancinta amma duk da hakan ba ta daina jin warin ba.

Hannunta daya ta saka ta buɗe labulan da sauri ta saki gami da ja da baya idanuwan ta a warwaje abin da ta gani yayi matukar faɗar mata da gaba nan ta shiga ambaton Allah da neman tsari sai da ta kwashe mintina kafun tayi kundunbalar sake buɗewa hango shi tayi kan buzu a takure sai ka rantse ba mutum bane a wajan fuskar nan tayi kaca-kaca da kasumba zallar fuskar tashi ba ka gane wa kafarsa kuwa guda daya sai faman wari take yi kana hango tsutsuni na yawo a cikinta.

Runtse idanu tayi lokaci guda taji wani tashin hankali ya ziyarce ta zuciyarta ta karye hawaye ya shiga zubo mata lokaci guda a hankali ta jingina da bango tana jin yarda kanta ke juyawa kamar zata zube a kasa numfashinta na sama da kasa.

 "Baiwar Allah".

Kamar daga sama ta tsinkayo muryarsa wanda hakan yayi matukar bata mamaki jin muryarsa raɗau kamar ba wanda yake cikin mawuyacin hali ba dubansa ta shiga yi da buɗaɗɗun idanuwanta zuciyarta na tsalle da tsoro.

 "Me ya shigo dake wajan nan kin san bala'in da ke cikin nan kuwa kinsan masifar dake tattare da wannan wajan kuwa kiyi wa kanki fada in ma wani abu ki ka zo nema to kiyi maza ki fice tun kafin wani abu ya same ki".

Kalamansa taji suna yi mata yawo a kwanya da sauri ta durkushe tana dubansa kafun daga bisa tayi kokarin yi masa sannu bai ansa ta ba illa kau da kai da yayi wani hayaki ne ta ga yana fitowa daga bangon dakin na hagu yana shawagi a tsakar dakin yana murɗewa hakan ba karamin kara rikita Hajiya Layla yayi ba da sauri ta fara ja da baya tana kokarin ficewa daga dakin.

 "Na san abin da ke tafe dake kuma nayi murna sosai da kiƙa zo a daidai wannan lokacin Dr.Erena ko na san akan sa kiƙa zo nan ba zan boye miki ba na san na cuce Khairiyya a rayuwarta nayi dana sani domin tun daga kanta na fara fuskartar matsalolin rayuwa har zuwa wannan lokaci da nake wannan halin...".

Tari ne ya sarke shi wasu abubuwa su ka shiga zubowa daga bakin sa kamar tsutsotsi sai motsi suke yi Hajiya Layla gabadaya ta rikice ji tayi fitsar na kokarin kwace mata.

 "Ki tashi ki tafi lokaci na nan zuwa kuma Dr.Erena shima sai ya dandani bala'in da nake ciki banta taba mugun aiki ba kamar yarda nake yi wa Dr.Erena shine mutumin da naƙe yi wa aiki wanda ni akaran kaina ina tsoro da fargaba in ina yin sa sannan ina kara jinjina rashin imani irin na Dr.Erena domin kuwa a duk sahun mutanan da nake yi wa aiki shine yafi kowa kawo mani mugun aiki".

Shiru yayi yana jan numfashi kafun ya sake fadin.

 "yace zai yi aure ko kuma tsarin aikin da nayi masa babu zancen aure har gaban abada to wannan auren shi zai zama SILAR AJALI gareshi duk ranar da aka daura auren to tabbas shima yarda na zama shima haka zai zama yarinya ta shi ki tafi tun kafin wani abu ya same ki sannan karki sake ki hana Khairiyya aurensa ki bari a yi ko da na rana daya ne na tabbata daga wannan ranar salo zai sauya".

Mamaki ne ya cika ta zuciyarta na kara karyewa da tashin hankali mamaki take yi sosai da maganganun Malam Nata'ala tun da take a rayuwarta yau ne rana ta farko da ta ji ta tsani duniyar nan gabadaya taji ta tsani zama cikin ta...

 "Da hannu na nake amfani da ayar Allah tsarkakankiya domin biya masa bukata ina amfani da jinnu a nan Dr.Erena ya sha cin naman jarirai wanda aka dafa su da ayar Allah da wani suddabaru na jinnu ya sha zuwa da mace mai dauke da ciki wanda bai haura wata biyar ba in saka jinnu su barar dashi tare da yi masa magani don kawai yana so ya zama daya daga cikin ATTAJIRAN DUNIYA nayi da nasani nayi kaico da rayuwata da ta kasance a haka na san ko a lahira bani da wani amfani hukunci na mai girma ne domin tawa ta kare amma ki sani yarda na shiga bala'i shima sai ya shiga nan kusa kadan Sharri dan sako ne ya na nan tafe gareshi".

Yana gaman fadin haka nan ya shiga tari wannan abubuwan masu kama da tsutsotsi na sake zubowa kamar an buɗe wani matattarar su tana kallo wannan hayakin ya shiga wuce ta cikin hancin sa jikinsa lokaci guda ya shiga canzawa yana baƙi gami da ruwan toka kansa da duk wani gashi dake jinsa yana canzawa zuwa fari gami da fidda wani hayaki da sauri ta rarrafa ta fice daga daki gabadaya ta gama rikicewa ta fice daga hayyacin ta tashin hankalinta ya kara ninkuwa duniyar gabadaya tana tsoron ta cikin yanayi na ɓarin jiki da rashin hayyaci ta fice daga gidan idanuwanta a rufe kawai jefa kafafuwanta take yi har Allah ya kaita inda motarta take..

 ****

Hawaye ne ke zuba sosai a idanuwanta zuciyarta na kara karyewa bata so tuna wannan labarin ba amma ba yarda zata yi domin ta gama tsorata da halin da ta tsinci Malam Nata'ala a ciki wani tsoron Allah take ji yana samun gurbi a zuciyarta duniyar take ji gabadaya ta fice mata daga rai duban sa tayi kafun ta dauke hawayen da suke zuba mata.

 "nasan yanzu zaka tuna labarin da ya shuɗe sama da shekaru ashirin da doriya a duniyar ka na san zaka tuna yarinyar da ka lalata mata rayuwa yarinyar da kayi amfani da ita don kawai cikar burin ka Khairiyya da kasani to ita ce wannan Areefa da ka aura da sunan matar aure na san kuma zaka tuna waye Malam Nata'ala".

Kuka ne ya ci karfin ta da sauri ta toshe bakinta da hannayenta tana duban Areefa wacce gabadaya kukan take yi da shassheka kamar numfashin ta zai dauke.

Wani irin tari ne suka ji ya sarke dashi hannunsa daya a saitin Areefa idanuwansa lokaci guda suka shiga sauyawa fizga yaji numfashin sa nayi kamar ransa zai fita gabadaya ya gama rikicewa da labarin da yaji domin ya manta da wani mutum wai shi Malam Nata'ala..

*Kamala Minna*😍😍

Gaskiya Shafin nan fa ya burgeni 

Ko ya kuka ce makaranta kuma.kuce wani abu🤷‍♂🤷‍♂🤷‍♂🤷‍♂😆😆😆😆

[10/17, 9:39 AM] DEENY MINNA🙋‍♂: UKU BALA'I

   NA.

    KAMALA MINNA.

 

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA HAMSIN DA SHIDA.

Tsaye yake jikin motarsa ya harɗe hannayensa saman kirji idanuwansa sunyi mici-mici alamun bacin rai duban ta yayi a karo na ba adadi ya na jan tsaki kamar harshensa zai tsinke.

 "Baki da hankali Hafsat na lura kan ki rawa yake yi dakikanci da jahilci su ne suke karanta miki karatun hauka kika zo kina sauke mani to ba zan dauka ba don na rantse da Allah na fiki tashanci duk akuyancin ki".

Ya fadi yana mai kara tsuke fuska Hafsat dake tsaye sai faman jinjiga take yi kamar wacce ake kaɗawa gangi duban sa tayi sosai cikin takaici da rashin abin yi.

 "Huzaif haka ma zaka ce dani ga mari ga tsinka jaka to wallahi ba ka isa ba kayi kadan an gaya maka zan dauki rainin wayon ka ne duk wani ihukan banza da zakayi mani wallahi ba za suyi tasiri akai na ba".

Tun daga kasa ya fara kallon ta yana yatsine fuska kamar wanda ya ga sabon kashi sai da yayi mata kallon tsaf! Sannan ya tsartar da yawu ya juya yana kokarin buɗe motarsa ya shi gami da fadin.

 "In da na san wannan haukar zakiyi mani da kika kira ni wallahi ba abin da zai kawo ke na rantse da Allah da ga yau zamu raba jaha don ba zaki dauko kamayamaya ki jona min ba ina zaune kalau ki jaza min salalar tsiya an gaya miki ban san halin da kike ciki bane ban san abin da kike yi bane wato gani karkatacciyar kuka mai dadin hawa ko to kin yi kadan Huzaif daban yake ba irin mazajen da za ki wanke tas! bane".

Ganin da tayi yana kokarin faɗawa cikin motarsa da sauri ta zabura ta isa gareshi gami da rike murfin motar da ya buɗe kallon ta yayi ido cikin idanu itama kallon shi take yi kafun ta kau da kai.

 "Kasan Allah Huzaif yarda muka dama tare da kai wallahi sai mun shanye shi a filin duniyar nan ba wani na miji da nake hulda dashi sama da kai kaima kasan haka amma saboda tsabar ka raina mani wayo shine zaka nuna min halin-ko-in-kula gaskiya da sake".

Kallon ta yake yi sosai cikin tsana da takaici wai har wannan kucakar yarinyar ce za ta dubi tsabar idanunsa tana masa rashin kunya shi kam! bai san tsautsayin da ya hadashi da wannan mahaukaciyar yarinyar ba har sukayi tarayya bai san ina tunaninsa ya shiga ba bai san ina hankalinsa da lissafin sa suka fada ba har hakan ta faru a gareshi.

Daga hannu yayi kamar zai kwaɗa mata mari da sauri ta ja da baya tana mazurai hakan da ya gani ya bashi daman faɗawa cikin motar da sauri yana kokarin rufewa ita kuma tayi hanzarin riko murfin saura kadan ya datse mata hannu kallonsa take idanuwanta sun kada sunyi jajir kwalla sai surnano mata suke yi kau da kai tayi cikin raunanniyar murya.

 "Huzaif bai kamata kayi mani haka ba kai kan ka ka sani ba ni da wani wanda muke hulda dashi sai kai amma na ga kana kokarin baɗa min kasa a ido kana kokarin bari na da masifa da bala'i ya kamata kayi tunani mana...".

Wata tsawa ya daka mata gami da zaro idanuwansa waje da sauri ta saki murfin motar ta ja baya fitowa yayi gabadaya yana nuna ta da yatsa bakin sa sai rawa yake yi kamar wanda zai ci babu.

 "Karki sake karki soma don wallahi in har kikayi kokarin laƙa mani wannnan abin kin ji na rantse danginku gabadaya sai na daure su har igiya tayi rara don ba zan dauki Nosense things din nan ba".

Kallon sa take yi cike da mamaki maganganunsa ne suke mata yawo a kwanya ji take yi jiri na kwasarta kamar zata watse a kasa runtse idanu tayi don ba ta gasgata wai Huzaif bane ya daka mata tsawa har yake fada mata wadannan kalamai ina ba zai taba yuwuwa bane.

Buɗe idanuwanta tayi sosai akan sa tana dubansa.

 "Kasan Allah Huzaif baka isa ba"..

Ta fadi tana takowa gareshi wuyar rigarsa ta cafka ta rike gam! ta shiga zazzaga masa rashin mutuncin tana faman firirita da girgije-girgije takaici ya kule shi bai san lokacin da ya dauketa da wani wawan mari ba wanda ya sanyata sakin kara ta runtse idanu wasu taurari ta ga su na yi mata yawo a saman kai gabadaya ji tayi duniyar na juya mata buɗe idanunta tayi hannayenta dafe da kunci kallonsa take yi da wani irin yanayin wanda bata taba zaton zata samu kanta a cikin ba wai Huzaifa ne ya mareta ina mafarki ne wannan ba gaskiya ba zata so ta farka daga wannan dogon malalacin barcin da take yi laɓɓanta ta tura cikin baki gabadaya cizawa tayi jin zafi ya sanyata tabbatar da cewa eh da gaske ne komai ke faruwa.

Juyawa tayi tana duban layin nasu mutanan da suke kai kawo ta hango suna kallonsu hakan yayi matukar bata mata rai ba ta san lokacin da ita ma ta fidda hannu ta zabga masa mari ba tana faman huci kamar wata kububuwa idanuwanta sun kaɗa sun yi jajir kwallar da take makale da ita ta sake zubowa.

 Shikam! A bazata yaji marin hakan ba karamin rikita shi yayi don sosai ya ji marin hannu ya saka da sauri ya shafi kuncin nasa sannan ya dubi hannun nasa mamaki ya turnuke shi tare da bakin ciki da takaici yau karo na biyu kenan a duniyar nan 'YA MACE na daga hannunta ta na marin sa bai san mai ya sa ba kuma abin takaici kananan yara kamar wadannan kuma yan gida daya runtse idanu yayi zuciyarsa na shiga wani irin kunci hannunsa ya sake kai wa fuskarsa ya shafi wajan da ya ji marin kafin ya buɗe lokaci guda ya cafko wuyan ta ba tare da tayi zato ba sosai ya rike mata makoshi ta shiga kakari idanunta sukayo waje sosai dukansa tashiga yi amma ina ko a jikinsa sai ma idanunsa da ya saka cikin nata cikin tsantsar bakin ciki da jin haushi.

 Sai da ya ga numfashin ta na kokarin kufce mata sannan ya watsar da ita akasa ta baje tana faman rike wuyanta sai murkususu take yi da sauri ya fada cikin motarsa ya ja ya bar layin.

Izuwa lokacin sosai mutanan layin sukayi cincirindo suna kallon ikon Allah ba wanda yayi kokarin zuwa ya kwace ta domin sun jima da sanin halin rashin kirki irin na Hafsat kuma akan idanunsa mafiya yawan lokaci Huzaif yake zuwa ya dauke ta ya fita da ita ba irin bakin halin da ba su sani ba da rashin mutunci da suke yi ita da Huzaif.

Mariya dake tsaye tun dazu bakin kofa idanuwanta na faman tsiyayar da hawaye takaici duniya duk ya gama cika mata zuciya hawaye sai faman safa da marwa suke yi takaici take yi yarda ɗa namiji yake wulakanta mata yar'uwa a gaban idanunta girgiza kai ta shiga yi abin na ci mata rai ba ta son abin da zai sake daga mata hankali a wannan matakin wanda take ciki ma ya ishe.

 Ba tayi mamakin abin da Huzaif yayi ba don kadan daga aikin sa sosai take tuna kalamansa a ranar farko da suka fara haduwa sosai take tuna yaudararsa da yayi mata baza ta taba mantawa ba hannu ta sa ta shafe fuskar ta a hankali ta shiga takowa zuciyarta na kara curewa waje guda har ta iso wajan da Hafsat take durkushe tana ta faman rusar kuka dafa kafaɗar tayi.

 "Bai kama ta ki zauna kan layi kina kuka ba wannnan ba mutuncin ki bane sannan bai kamata ki zauna kina fada da namijin da kika san yafi karfin ki ba...".

Wata irin tsawa ta daka mata gami da bige mata hannu da sauri Mariya ta ja baya tana dubanta cikin mamaki dago idanuwanta tayi wanda suka gama kaɗawa sukayi jajir ta watsa mata wani mugun kallo.

 "Ina ruwan ki ko gayyarki nayi tsohuwar munafuka duk ba dake aka hada baki aka kashe mani rayuwa ba kuma wallahi ki rubuta ki ajje yarda na gamu da bala'in nan ke ma ki tsumayi naki don ba zan shiga duniyar takaici ni kadai ba".

 Da sauri Mariya ta waro idanuwa waje tana ambatar 'Innalillahi wa inna ilair raji'un'. juyawa tayi ta dubi mutanan da sukayi cirko-cirko suna kallonsu wani takaicin ya sake kular da ita da sauri ta bar wajan idanuwanta na zubda hawaye ta fada cikin gida sai faman jan numfashi take yi kamar ranta zai fita.

Umma dake zaune ta dube ta ganin yanayin da ta shigo ya sanyata mikewa ta nufi cikin dakin zube ta hangeta saman katifa sai faman numfarfashi take yi.

 "Lafiyar ki kuwa Mariya me ke damun ki ne haka?".

Dago jajanyen idanuwanta tayi ta dubi Umma tana faman cizon laɓɓa.

 "Hafsat ga ta can a waje suna dambe da namiji Umma mutane sun hadu sai kallon su suke yi".

Gaban Umma ne ya yanke ya fadi tana ambato innalillahi gami dafe kirji idanuwanta a waje.

 "Fada fa kika ce?".

Kai ta daga mata gami da komawa ta kwanta zuciyarta sai nukurkusa take yi kanta na faman juya mata.

Jikin Umma sosai yayi sanyi a hankali taja jiki ta koma ta zauna gefe guda gami da zabga tagumi abin duniya duk ya damu yayi mata yawa tausayin Hafsat take yi tun lokacin da ta lura da halin da take ciki duk da Goggo bata fada mata ba amma ita ta gane ai irin wannan abun ba ya buya koman daren dadewa sai ya bayya abu daya take gudu shine Abulle ta sani don sai ta fi kowa shiga tashin hankali.

 "Wai Umma me ke damun Hafsat ne yanayin da naji suna hayaniya da Huzaif kamar akwai abin da ya shiga tsakanin su ne wanda shi kuma bai yarda shine mai laifi ba...ko dai Hafsat...".

Sai kuma tayi shiru ta kasa fadin abin da tayi niyya ganin irin kallon da Umma ta watsa mata na gargaɗi.

 "Ba ruwanki Mariya ki kame bakin ki ban son abin tashin hankali wanda nake ciki ma ya ishe ni kin san dai halin Goggo yanzun nan ta sauke miki laifin..."..

Dago labulan da akayi ne ya sanya Umma saurin tsuke bakin ta Goggo ce ta fado dakin tana zuwa ta damki Mariya ta shiga jibga sai da tayi mata duka sosai Umma na kallo ba tare da ta ce da ita komai ba itama Mariya bata ko motsa ba.

 "Wato ke saboda kin dauki mugun abu irin na dangin uwarki shine zaki saka saurayi yayi wa Hafsat cin mutunci akan titi haka ko to wallahi ba ki isa ba yarda kika sanya aka ci mata mutunci to wallahi ke ma sai kin samu daidai dake...".

 "A,a kam Allah ba zai taba daura mata laifin da bata san dashi ba ai duk tsuntsun da ya ja ruwa shi ruwa kan dako".

Kamar daga sama suka jiyo muryar gabadaya suka juya da sauri Abulle ce tsaye idanuwanta sun kaɗa sun yi jajir kallo daya zaka yi mata ka gane tashin hankalin da take ciki mai girman gaske duban su tayi daya bayan daya kafun ta ja wani numfashi mai zafi ta dubi Goggo.

 "Meye laifinta Goggo akan me zaki dake ta ai ba ita ce sanadi ba komai ya faru ita waccen maras hankalin wacce bata san darajar kanta da kimar ta ba ita zaki je ki daka saboda tsakaninku ne ku kukayi kidin ku kuma ku zakuyi rawar ku".

Hawayen da take makalewa suka zubo zuciyarta take ji tana harbawa kamar zata faso kirjin ta ta fito ga wani irin nauyin da kanta yayi idanuwanta suna lumshewa a hankali taji duniyar na juya mata kokarin juya tayi domin fice wa amma ina lokaci guda kafafuwanta suka lauye suka watsar da ita akasa da hanzari umma ta isa gareta cikin tashin hankali bata san lokacin da ta fashe da kuka ba dama ta san za ayi haka.

Jinjigata ta shiga yi amma ina ba alamun motsi a jikinta da sauri Mariya ta mike tayi waje da gudu ta kamfato ruwa ta kawo Umma ta watsa mata amma ina ba alamun motsawa duban Goggo tayi dake tsaye kamar wacce aka dasa sosai jikin ta yayi sanyi amma ta kasa tabuka komai.

Sake sheka mata ruwanta yi sosai wani numfashi ta ja kirjinta yayi wata irin harbawa da sauri Umma ta dagota idanuwanta da suke rufe ta buɗe su kadan hawaye masu tsananin zafi suka zubo mata laɓɓanta taa ciza cikin yanayi na takaicin zuci da ciwon rai ta shiga fadin.

 "Allah na tuba Allah ka yafe mani laifinukana in har sanadin haka ka jarabe ni da wannan kaddara na gode Allah ka yafe mani". 

Wani kuka ne ya kwace mata ciki karfin hali ta shiga kokarin mikewa amma ina ta kasa komawa tayi ta zauna gami da jingina da bango tana mai runtse idanu zuciyarta take ji tana kartawa kanta na sarawa cikin wani irin tashin hankali wai ita ce yau 'yar cikinta ta dauko mata abin magana abin da za ayi tur! da ita da zuri'arta abin da zai bi duk wani nata ana tsine musu ita kam! ya zatayi da wannna rayuwar Hafsat ta gama da ita ta gama kashe mata rayuwa.

 "Kiyi Hakuri Zainabu ki dauki komai a matsayin rubutun ALKALAMIN KADDARA a gareki".

Wani murmushi tayi mai ciwo tare da duban Goggo da tayi wuki-wuki kamar wacce tayi wa sarki karya ta kau da kai.

 "Umman Mariya in ban yi hakuri ba ya zan yi cuta ce an gama cuta ta ba yarda zan yi wai ace ni ce yau 'yar cikina ta dauko min magana ni dai na san ban yiwa iyaye na haka ba sannan ban cutar da 'ya'yan wasu ba ban zalunci mijina ba".

Girgiza kai ta ke yi domin ita kadai ta san tashin hankalin da take ciki ji take yi kamar ta hadiyi zuciya ta bar duniyar nan..

   *Kamala Minna*😘😘😘

[10/18, 3:06 PM] DEENY MINNA🙋‍♂: UKU BALA'I

   NA.

    KAMALA MINNA.

  

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA HAMSIN DA BAKWAI.

Takure take waje daya sai fama rusar kuka take yi idanuwan nan nata sunyi luhu-luhu kamar wacce aka watsawa barkono zuciyarta take ji tana zafi gami da raɗaɗi wai ita ce Huzaif yayi wa haka mutumin da ta baiwa duk yardarta da kaunar ta ta mika masa duk wata ragama ta rayuwarta ta amince dashi ta yarda dashi amma yau ita ce yake daga hannu yana mari yana kiran ta jahila mahaukaciya kaicon wannan rayuwar.

Kuka ta sake rushewa dashi tana dukan cikin ta kamar wata sabuwar hauka Goggo ce tashigo a daidai wannan lokacin ganin abin da take yi ya sanya ta kurma ihu ta isa gareta tana rirrike ta.

 "Haba Hafsatu kalau kike kuwa me ye haka kikayi?".

 "Goggo ki bar ni kam ki kyale ni wai ni Huzaif zai ciwa mutunci har da duka akan layi akan gaskiya".

 "Kiyi shiru nace miki ki kyale shi wallahi Allah sai ya gane bashi da wayo sai ya shaki bakin ciki kamar yarda ya shaka miki...".

 Abulle ta dago labulan dakin ta shigo fuskarta da wani murmushi wanda yafi kuka ciwo hannu ta harɗe a kirjin ta sai da ta kare musu kallo kafun ta nisa zuciyarta na kara suya.

 "ai in har mutum yace son zuciya zai biyewa to tabbas yana tare da tsintar kan sa cikin takaicin rayuwa Goggo da ma kin dai cewa zaku dauki mataki ai aikin gama ya rigaya ya gama mai yayi saura sai ta zauna a yarda take so ba dai haka ta zabawa rayuwarta ba ita ba wanda ya isa yayi mata magana ta dauke shi mutumin kirki ita sai dai ta zauna tayi son ranta to ai gashi nan ta gani a kwanon ta ba zan yi miki baki ba Hafsat amma za ki ji a jikinki da kuma duniyar rayuwarki ai duk wanda ya dama haka zai sha".

Rushewa da kuka Hafsat ta sake yi tana rike kanta da take jin yana barazanar tarwatse wa ba abin da ke ci mata rai da tura mata bakin ciki sai yarda Huzaif yayi mata sosai zuciyarta take suya da kuna sosai take jin zuciyarta na sake buɗe wani fili mai girman gaske wani irin mahaukacin so taji na kawo mata farmaki a zuciyarta mikewa tayi idanuwanta a runtse sai faman tagaɗi take yi kamar wacce ta kora kayan maye.

Da sauri Goggo Marka ta mike ganin tana kokarin ficewa daga dakin riko ta tayi tana mai cewa.

 "Ina kuma zaki cikin wannan yanayin..".

Bata idar da maganar ta ta ba ta fizge hannunta tana mai duban Goggo bayan ta buɗe idanuwanta hawaye sai ambaliya suke yi.

 Hakan ba karamin kara batawa Abulle rai yayi ba ganin yarda Hafsat din tayi wa Goggo kamar wata tsaranta mikewa tayi cikin tsananin bacin rai lokaci guda ta fidda hannu ta dauke ta da mari ji kake tas! ta sake kifeta da wani barin tayi tangal tangal tana kokarin faduwa dafe da kuncinta.

Duban Abulle ta shiga yi idanuwan ta buɗe sosai zuciyarta take zafi da wani irin raɗaɗi ga wani abu mai girma da taji ya tokare mata makoshi.

 "Banza maras hankali wanda bata san ciwon kan ta ba Allah ya wadaran naka dai ya lalace wallahi ki ko kunya ba kiji ba ko nadama ba za kiyi ba akan abin da kika dauko wa rayuwarki...ko da yake na lura har yanzu ba ki san ke wacece ba shiyasa amma akwai rana na nan zuwa zaki san Annabi ya faku".

Bata tsaya sauraron jin kalaman Abulle ba ta bankaɗe labulan dakin ta ficewarta cikin tsananin tashin hankali mai girman gaske.

Kuka ne ya kwacewa Abulle da baya da baya ta ja ta jingina da bango zuciyarta sai faman kartawa take yi gabadaya al'amarin Hafsat ya bata tsoro yanayin da ta ga tana kallon ta yayi matukar caza mata kwanya ba ta san ya akayi ba bata san har yaushe Hafsat ta zama haka ba tana mata magana amma yanayin kallon da take mata gabadaya ba wani alamun tsoro ko runsunawa a matsayin ta na mahaifiyarta anya kuwa ba laifi tayi wa Allah mai girma ba ya jarabe ta da Hafsat?.

Girgiza kai ta shiga yi ranar da take tsoro kenan a rayuwarta ranar da Hafsat zata so fin karfin ta a duniyar nan ba abin da ke daga mata hankali ya hanata natsuwar rayuwa kamar Hafsat duk cikin 'ya'yanta ita ce kangararriya kuma Allah na gani ba wacce ta zama sanadin komai sai Mahiafiyarta sosai abin ke taba mata zuciya tayi fadan tayi rarrashin amma ina ta nuna bacin ranta sai ma ake nuna tsanar 'yarta take yi kaicon wannan rayuwa.

Dago kai tayi ta dubi Goggo dake zaune bakin gado ta zabga tagumi kallo daya zaka yi mata ka gane kamar abin bai wani ɗaɗata da kasa ba amma akwai alamun sanyi a jikinta musamman yarda ta ga Abulle ta shiga yanayin tashin hankali.

 "Abin da nake ta faman tunasar dake kenan Goggo amma kin kasa gane wa Hafsat mace ce abu kalilan ne zai bata mata rayuwa sangartar da kike nuna mata da wai sunan so ne wallahi BA SO BA NE domin ba in da zai kai ta yanzu mai gari ya waya don Allah Goggo yanzu in wannan abin yafita mai kike zaton zai faru na rantse da Allah ko ruwa gagararmu sha zai yi".

Gyaɗa kai kawai Goggo take yi tana faman turo baki gaba.

 "Ai da rufe ni da duka kikayi shine zan san na bata miki rai ko kuma ni na saka Hafsat dauko mana magana a duniyar nan ai ba wanda ya kai ni bakin ciki kan wannan lamarin kuma ai ba kanta farau ba balle ta zama karau uban kowa yana da nashi kashin a gindin sa don haka ban ga wanda zai takura wa Hafsat ba akan abin da tayi ai ba da gangan tayi ba Yaudaren ɗa namiji ne ta gamu da ita da kuma makircin wadancan mutanen...".

 "Goggo!".

Abulle ta fadi da muryar sauti don maganar tayi matukar tunzura mata zuciya da sauri ta mike ta dubi Goggo ji take yi kamar ta daura hannu akai ta kurma ihu ko ta samu saukin wahalar zuciya da zafin ruhi da take ji.

 "Goggo ni ban ga amfanin daukar hakkin wanda ba su da laifi ba kuma na rantse da Allah in har kika ci gaba da tsanar su Mariya da uwarta wallahi sai hakkin su ya kama ki domin na lura a duniyar nan ba wacce kika tsana kamar ita duk biyayyar da take miki da cin kashin da kike mata ba ta taba daga kai ta dube ki ba tunda ta shigo gidan nan abun dai daya ne matsalar ki take fama da ita kullum ba ta da sauki anya kuwa rayuwa za ta yuwu a haka".

Tana gama fadin haka ta juya da sauri ta fice daga cikin dakin cike da tashin hankali mai girman gaske bata san ya za tayi yanzu ba bata san mai ya dace tayi ba ta san dai Allah kadai ne zai yi mata maganin matsalar ta Allah na gani bata da laifi ta san ƙaddara ce kuma ta ansa da wannan tunanin zucin ta fice daga cikin gidan zuciyarta na harbawa da yarda zata tunkari mijinta da wannan al'amarin domin kuwa ya jima yana cewa Hafsat ta dawo gida amma ba yarda ta iya ta nuna masa yayi hakuri ba wani abu tun yana hakurin har yawan maganganun da ake yi akan Hafsat ya fara tunzura shi to ina ga yanzu yaji wannan bakin labarin.

****

Hafsat kuwa tun da ta fice daga cikin gidan ta dau hanya zuciyarta sai an gizata take yi akan kawai ta tafi gidan su Huzaif domin ba za ta iya zama ba a halin da ake yanzu dole ta je ta same shi duk wacce za a yi sai dai ayi domin kuwa sosai take jin wani mahaukacin son sa na kara nakarkar mata da zuciya yana bubbuɗe mata duk wani sashi na jikin ta yana samun matsugun ni sosai take ta jin ta a tashin hankali wanda tun da take a rayuwarta ba ta taba zaton haka ba yau rana daya gabadaya komai ya kwance mata.

Kuka sosai take yi na zuciya domin hawayen sun ki zubowa tashin hankalin dake kara rikita ta shine yarda mahaifiyarta take kallon ta ta tabbata in kowa zai yi mata uzuri ban da mahaifiyar domin ita kadai ne ta san halin da ta tsinci kanta a ciki a daidai wannan lokacin.

Tafiya sosai tayi wacce akaran kanta ba ta san tayi taba ita dai ta san jefa kafafuwanta kawai take yi a in da taji sun sauka har izuwa lokacin da ta isa inda take zaton gidan su Huzaif ne sosai gaban ta ya shiga faduwa ba ta san mai zata ce ba bata san ya zata kalli mutanan gidan ba shin zuwa zata yi ta ce musu ɗan su yayi mata ciki ko ya ya.

Girgizai kai ta shiga yi zuciyarta na faman harbawa tsoro da fargaba duk suka dire mata lokaci guda numfashi ta ja kafun ta dubi tankameman Get din gidan a hankali ta kai hannu ta shiga kwankwasawa daga can ciki taji motsin ana zare sakata mai gadi ne ya leko ya dube ta sama da kasa ganin ta a hargitse alamun akwai abun da ke damun ta hakan ya sanya shi tambayarta ko lafiya?.

Hawaye ne suka balle mata da sauri ta dauke su sannan ta ce.

 "Don Allah wajan mutannan gidan nan na zo wajan Mahaifiyar Huzaif".

Sake kallon ta yayi sama da kasa kafun ya ce.

 "Ko lafiya kike niman ta?".

Runtse idanu tayi domin ita dai bata san abin da za ta ce da shi ba a halin da take yanzu in zai bar ta tashi kawai ya barta.

Gefe ya ja alamun bata hanya don ya lura tana wani mataki na tashin hankali a hankali ta shiga share fuskarta sannan ta saka kafar cikin gidan tana takawa zuciyarta na kara curewa waje guda tayi tafiya kadan ta ja burki ta tsaya a tsakar gidan tana mai da numfashi tunani kawai take yi ta yarda zata shiga gidan nan ba ta san a wani matsayi zata je ba ita kanta ya gama kulle.

A hankali ta shiga jan kafafuwanta tana mai da numfashi har ta isa babbar kofar da zai sadata da cikin falon Handle din ta rike ta murɗa idanuwanta a runtse gabanta na tsanarta bugu jin kofar ta buɗe ya sanyata tura kanta gaba gadi domin ta sadakar duk abin da zai faru sai dai ya faru.

Zaune suke kowannan su fuskarsa a cure da alamun bacin rai motsin shigowar da akayi ne ya sanya macen dake tafaman sababi ta tsagaita gabadayan su suka juyo suna duban Hafsat da tayi wiki-wiki kamar wacce tayi wa sarki laifi Huzaif da ke zaune can gefe yana ta faman kumbure-kumbure ganin Hafsat da yayi kamar daga sama bai san lokacijln da ya mike ba cikin yanayi na firgici da tashin hankali yana nunata da hannu bakin sa sai rawa yake yi.

 "Ke! Uban me ya kawo ki gidan nan ban ce karki sake kokarin shigowa rayuwa ta b...".

Tun kafun ya idar yaji saukar lafiyayyan mari yayi taga taga kamar zai fadi kasa hannunsa saman kuncin sa runtse idanu yayi kafun ya buɗe su akan mahaifin sa da ke tsaye yana ta faman huci da hannu ya nuna shi bakin sa na rawa magana yake kokarin yi amma ya kasa tari ne ya sarke shi da sauri ya dafe kirjin sa ya koma ya zauna gami da runtse idanu a hankali tarin ya laɓa amma bai buɗe idanuwansa ba zuciyarsa yake ji tana faman zafi bai san abin da ke damun Huzaif ba gabadaya ya rasa gane kan sa sosai yake fuskarta matsala akan ɗa daya tak! da yake dashi.

 "Ya akayi baiwar Allah?".

Maihaifiyar Huzaif ta fadi tana duban Hafsat da izuwa lokacin ta fara dana sanin zuwa gidan su Huzaif idanuwanta su ka kawo ruwa sosai hannu ta saka ta dauke su ta fara kokarin yin magana da sauri Huzaif yayi tsalle ya dire gabanta yana famam tunkuɗata waje ita kuwa ta ki tafiya mahaifiyarsa ce ta iso ta riko hannun Hafsat ta dube ta cikin yanayi na rashin wasa.

 "Na san ɗana zai iya yin komai don ya cutar dake tunda na ganki cikin wannan halin na tabbatar akwai abin da yayi miki ki faɗa min na rantse miki zan bi miki hakkin ki kuma daga kan ki zai gane hakki ba wasa bane da yake ganin daukarsa ba komai bane".

Sosai Hafsat taji wani iri gabanta ne ya shiga faduwa tunanin take yi ta fadi kowa yaji in ta fadi tana da tabbacin zata iya samun abin da take so kuma zata iya rasa wa sannan in taki fadi ta tabbata Huzaif zai yi nasara a akanta.

 Bakin ta na rawa hawaye na mata zuba sosai ta dubi Huzaif girgiza mata kai yake yi yanayin sa lokaci guda ya sauya tsoro sosai ya bayyana a fuskarsa kau da kai tayi jin yarda zuciyarta ke kokarin tausaya masa da yanayin da yake ciki sosai take jin GURBIN SO da ta bashi yana kokarin rinjayar haushin sa da take ji.

 "Uhmm dama...kawai dai".

Sai kuma ta shiga taba cikin ta tana runtse idanu.

Mutuwar tsaye Mahaifiyar Huzaif tayi ta shiga ambaton innalillahi wa inna ilahiri raji'un shi kuwa mahaifinsa da ya buɗe idanu lokacin da ya ji Hafsat ta fara magana ganin abin da take nuna wa ba karamin kaɗa 'yan hancin sa sukayi ba mikewa yayi cikin tsananin bacin rai da kunar zuciya.

 "Ke muje ki kai ni gidanku yanzun nan Hajiya maganar gaskiya Huzaif na lura aure yake so kuma wallahi in har ina numfashi a doron kasar nan wannan lamarin shine na karshe wanda zai dauko mani ya hanani kwanciyar hankali wallahi tallahi kin ji na rantse sai Huzaif ya auri wannan yarinyar ko da kuwa hakan na nufin numfashin sa zai yanke daga lokacin da na saka limami ya daura musu auren".

Yana gama fadin haka ya fizgi hannun Hafsat yayi waje da ita ba Mahaifiyar Huzaif kadai ba hatta shi kasan din mutuwar tsaye yayi domin bai taba zaton hakan ba duban sa tayi fuskarta da murmushi mai tafe da hawaye ta juya cikin sauri tayi sama shi kuwa kwakkwarar motsi kasawa yayi kan sa ya ji yana juya masa lokaci guda yasaka hannayensa duk biyun ya dafe shi gabansa na tsananta faduwa wani firgici yaji shi a ciki musamman akan furucin mahaifinsa wanda ya tabbatar ai iya tabbata....

*KAMALA MINNA*😘😘😘😘

[10/18, 5:01 PM] DEENY MINNA🙋‍♂: UKU BALA'I

         NA.

        KAMALA MINNA

  

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA HAMSIN DA TAKWAS

Ba karamin tashin hankali Hafsat tashiga ba lokacin da taji mahaifin Huzaif yana ta faman sababi tun da suka dauko hanya ko hadiyar yawu ba yayi idanuwansa sun kaɗa sun yi jajir kamar jan gauta ita kan ta tayi dana sanin zuwan ta gidan.

 "Ban dan dakikan ci kina 'ya mace har ki zauna namiji ya yaudareki da banzayen kalaman sa ya nemi kashe miki rayuwa a banza a wofi bayan ke kan ki in mai tunani ce ya kamata tun kafin haka ta faru in son ki yake yi tsakani da Allah sai ya fito kuyi aure duk uwar da za kuyi ba wanda zai hana ku amma da yake kan ki a tukunya yake kika saki baki kika aminci da zancen Huzaif wanda ni kaina mahaifin sa Allah na gani ina fargaba akan sa da halayen sa ban san abin da yake damun ku ba 'ya'ya mata a yanzu da yawan ku maza na amfani da ku wajan saka muku son su wanda zai hana ku ganin laifin su sam! wasun ku basa gane SON GASKIYA da SON SHA'AWA".

Kwaɓa yayi gami da dukan sitiyarin motar sai faman jan tsaki yake yi kamar zai tsinke harshen sa.

Numfashi ta ja gami da haɗiye wani abu da taji ya tsaya mata a makoshi lokaci guda zufa ta shiga karyo mata sosai ta tsorata dashi ji take yi kamar tace ya tsaya ta sauka amma ina ta kasa.

Cikin wannan yanayin da kwatancen da take masa suka iso kofar gidan parking yayi sannn ya juyo ya dube ta ganin tayi wiki-wiki da idanu ya sanya shi galla masa harara domin shi dai ba ya ganin laifin maza kamar yarda yake ganin laifin mata domin ba yarda za ayi kina 'ya mace har ki bari namiji ya yaudare ki ba tare da yardar ki ba in har kika nuna masa ba ki yarda ba ai ba dole zai yi miki ba ai so ba hauka bane.

 "Maza ki je kiyi mani sallama da mahaifin ki".

Ware idanu tayi gabanta ya yanke ya fadi ita a rayuwarta har mantawa take yi tana da wani mutum wai mahaifi sosai taji wani irin yanayi a zuciyarta yau rana daya taji takaici rashin baiwa mahaifinta lokacin sa yau ga ranar sa ta zo shin da wani idanu zata je ta dube shi bata je masa da kayan alheri ba sai na akasin sa ta san dai ba zata fara ba don ta san izuwa wannan lokacin labari ya kai kunnansa.

 "Dake fa nake ko ba nan ne gidan naku ba?".

Mahaifin Huzaif ya katse ta da sauri ciki firgici har tana buge koshin ta a jikin motar ta buɗe murfin ta fito sai faman rarraba idanu ta ke yi sosai ta lura da mutanan layin na ta kallonta da wani irin yanayi ita kanta sai ta ji ba dadi ba yarda ta iya haka ta ja kafafuwanta ta nubi cikin gidan kirjinta na dokawa da tashin hankali.

A tsakar gida ta tadda Mariya na wanki kallo ta bi ta shi kafun ta kau da kai ita kan ta Mariyar kallon ta take amma bata ce da ita komai ba sai yanayim tausayi da ya bayyana a gareta sosai ta lura da abin da take zargi din da gaske din dai cikin ne domin gashi nan har ya fito don ita da duk ba ta lura ba.

Hafsat na shiga cikin dakin ta tadda Goggo Marka zaune tallaɓe da haɓa abin duniya duk yabi yayi mata yawa ganin Hafsat ta shigo ya sanya ta mikewa cikin hanzari.

 "Ke kuma ina kika je cikin wannan halin so kike yi jama'a su fuskanci halin da kike ciki ne?".

Kau da kai tayi tare da cizon laɓɓa ba tare da tace da ita komai ba.

 "Dake nake Hafsat kika yi banza dani".

Turo baki tayi tare da cewa.

 "Zuwa nayi gidan su Huzaif na sanar da iyayensa yanzu haka tare da mahaifin sa nake domin yace sai ya zo ya sami mahaifina".

Gaban Goggo Marka ne ya yanke ya fadi lokaci guda idanuwanta sukayo waje ta daura hannu akai.

 "Mun shiga uku in mahaifin ki ya san wannan lamarin ai mun boni".

Dubanta Hafsat ta shiga yi ganin yanayin da ta shiga takaici ya sake kume ta.

 "Yana waje fa yana jira don cewa yayi nayi masa sallama da mahaifina".

Da hanzari Goggo Marka ta figi zanin dake rataye ta yafa tayi waje zuciyarta da wani kudiri da ta dauka cikin kankanin lokaci har tuntube take yi wajan saurin tana fita hango shi tayi jikin motarsa ganin hakan ya sanyata tsayawa tana tunanin kafun ta canza fuska ta isa gareshi sam bai lura da ita ba sai ji yayi an bubbuga masa jikin mota da sauri ya juyo ya dube ta ganin ta ya sanya shi rinsinawa yana gaishe ta mai makon ta amsa sai ma wani wulakantaccen kallo da ta watsa masa.

 "Ina tsinannan ɗan naka ma ci amana Allah ya wadaran ɗa irin naka".

Duban ta ya shiga yi domin jin maganganun nata yake yi kamar ba gaske ba sai da ya sake dubanta sosai yaga yarda take faman kallon sa a wulakance ya bashi tabbacin kila ita ce mahaifiyar Hafsat sosai yaji ɗacin maganar da tayi a ransa amma sai yaki nuna mata tunda a girme ta girmeshi.

 "Ayi hakuri Baba kin san sha'anin 'ya'yan namu na wannan zamanin ka haife su ne baka haifi halin su ba...".

 "Ni rufe mani baki kaji ko ai dole kace haka tun da ɗan ka ya gama da jikata ya cuce ta maganar gaskiya ba zan yarda ba dole kasan abin yi tun kafin wannan abin kunyar ya bazu a jama'a su sani don wallahi ba zan lamun ta ba".

Duban ta yake yi da mamaki yarda ta hakikance tana ta faman zabga masa magana kamar shine yayi wa 'yarta ta ciki ko ya ce jikarta kamar yarda ta fadi ba zai yi mamaki ba lura da yayi ita tsohuwa ce kuma zai yarda da cewa RIKON KAKA bai yi ba don ya tabbata in da a hannun iyayenta wannan yarinyar take hakan ba zai taba faruwa ba in har sun san abin da suke yi.

 "Ayi hakuri Baba ina mahaifin ta yake".

Wani irin dokawa gabanta yayi jin ya ambaci mahaifin Hafsat yake nema nan da nan jikin ta ya shiga rawa da sauri ta dube shi.

 "Baya nan Allah yayi masa rasuwa...kasan abin da za ayi kawai asirinmu a rufe ni da kai da 'ya'yan namu a zubda cikin nan tun kafin kowa ya sani ina ga haka shine mafita garemu...".

 "Zubar wa kuma bayan laifin da aka aikawa ubangiji sannan a sake yin wani laifin anya kuwa kina tausayin jikar nan taki anya kuwa kina son ku rabauta ke da ita to a gaskiya ba za ayi haka dani ba abu daya zan iya yi muku shine na aurawa jikarki ɗana ni nayi wannan alkawarin sannan ba za ayi auren ba har sai ta haife abin da ke cikinta ina ga wannan shi kadai ne mafita a garemu".

Duban sa Goggo ta shiga yi cikin wani irin yanayi na rashin baiwa maganar tasa muhimmanci.

 "In kuwa haka ne sai dai ta koma gidan ku da zama don Allah na gani ba zan zauna da ita a zo ana zunɗena da gulma ta ba".

Mamaki ne ya sake turnuke shi yau ya kara tabbatar da sakaci da rashin alfanun rikon kakan musamman ga 'ya'ya mata yanzu mai gari ya waya anya kuwa iyayen yarinyar nan sun san halin da 'yar su take ciki kuwa? Sosai yaji haushin yarda take maganganun ta don haka ya dube ta.

 "In har ba zaki yarda da abin da nace ba sai dai kowa ya kama gabansa don ba damuwa ta bace jikar ki ce zata shiga cikin gagarin rayuwa ina ma laifina akan kokarin da nayi".

 Yana gama fadin haka ya fada cikin motarsa ya ja ya tafi ya bar Goggo Marka sake da baki sai faman sababin take yi ganin mutane sun fara dawo da hankalin su gareta ya sanyata juyawa ta na fadin.

 "Aifa na kurya masu gansa kuka a idanu an bazo mani".

*****

Abu kamar wasa lamari sai kara rincaɓewa yake yi a wajan Hafsat tun ranar da mahaifin Huzaif ya zo ko kafarsa ba ta sake gani ba sannan ga Goggo Marka ta saka ta gaba a na cikin haka mahaifinta yayi wa gidan tsinke ba karamin kaɗuwa tayi ba ita da Goggo Marka idanuwansa sun kaɗa sun yi jajir kallo daya za kayi masa ya baka tausayin don tashin hankali iyakar karshensa ya shiga cikin sa duban Hafsat yayi.

 "Ni Mahaifin ki ne amma daidai da rana daya ba ki taba bani wannan matsayin nawa ba Hafsat ni na haifeki amma ni da banza duk daya ni da uwarki ba wanda kike gani da gashi rayuwarki kike yi yarda kike so baki da mai kwaɓa ko ma an kwaɓe kin Goggo gani take yi kamar matsa miki ake yi yanzu wa gari ya waya iyee ke ba ki cikin kwanciyar hankali mu iyayenki da mu ka san kina da hakki akanmu mu ma ba mu da kwanciyar hankali yanzu uwarki na can bata da lafiya kuma ba wanda ya zama sanadi sai ke".

 Wasu hawaye masu dumi suka zubo masa kau da kai yayi cikin dauriya.

 "Hafsat tunda kika taso a matsayin ki na 'ya mace mai rauni mai makon ki yi kokarin tsare rayuwarki amma ki ka ki kika nuna ba wanda ya isa dake ke a tunanin ki wannan rawar kai da kike yi shi zai sa an gan ki da mutunci kina tunanin wannnan rayuwar da kika daukarwa kan ki akwai na mijin da zai gan ki da mutunci har yace zai iya zama dake a matsayin matar aure ina! ba wani ɗa namiji da zai auri jahila ko wani namji burin sa ya samarwa 'ya'yansa uwa ta gari ke ba abin kwaikwayo bane ga 'yar uwarki ba abin da ba kuyi mata ba ba abin da ba ku ce mata ba akan neman ilmi da take yi haka kuke jifan ta da mugayen kalamai yanzu wa gari ya waye ke da ita waye yake da nasara a rayuwarsa na tabbata yanzu Mariya duk wani namiji mai hankali mai natsuwa zai so ace ta zama matarsa amma ke fa a yanzu kina tunanin ko wanda yayi miki wannan aikin zai aure ki ne ina! ko ma ya yarda zai aure ki to wallahi ba zai taba ganin ki da mutunci ba ke da banza duk daya zai dauke ku".

Goge hawayen da suka zubo masa yayi gami da girgiza kai.

 "Yanzu kika fara shiga tashin hankalin rayuwa in har kika ce ba zaki sauya ba".

Yana fadin haka yafice zuciyarsa cunkushe da tashin hankali.

Goggo Marka dake can gefe tun dazu tayi wiki-wiki da ita duk abin duniya yabi ya dame ta ta rasa me za tayi maganar tun tana boye wa har an fara ganowa duban Hafsat tayi.

 "Hafsat wai me ya kamata muyi ne yanzu don ni gaskiya na fara tsorata da lamarin ko gidan iyayen naki zaki koma?".

Wani duban rashin fahimta Hafsat tayi mata zuciyarta na zafi me Goggo marka take nufi da wannan maganar ta ta da take fadi girgiza kai tayi cike da kunar rai.

 "Kamar ya na koma gidan iyayena Goggo kina kallon fa abin da Babana yace sannan kuma kice na koma bayan ba a gabansu komai ya same ni ba".

 "To ya kike so in yi ne kowa ya zo kaina zai sauke matsalarsa kamar a kai na ne wannan lamarin ya fara faruwa ni gaskiya na gaji gwanda ki koma gaban iyayenki ko kuma kisan yarda zakiyi ki sami Huzaifa din akan maganar auren ku da mahaifin sa ya zo dashi".

Hawaye ne suka shiga zubo mata cike da takaicin yarda Goggo Marka ke nuna mata ta fara gajiyawa da ganin ta mikewa tayi sai faman tangaɗi take yi ga cikin nata ya bayyana sosai.

 "Ni Goggo kike hantara ni kike cewa kin gaji da ganina kenan dama ba son Allah kike yi mani ba dama kin rabani da iyayena ne don ki bata min rayuwa".

Gyaɗa kai ta shiga yi hawaye na sake balle mata.

 "Shikenan Goggo amma ki sani wallahi ba in da zani domin ba laifin iyaye don haka ba zai je na kara tayar musu da hankali ba a nan zan zauna in ma haihuwar ce sai dai nayi ta a nan sai dai duk abin da zai faru ya faru".

Ta karashe tana galla mata harara cike da takaici Mikewa Goggo Marka ta yi ta iso gareta.

 "Hafsat ni kike fadawa wannan maganar haka?".

 "An fada miki kin cancanta ne shiyasa kuma wallahi takaicin nan tare dake za mu shanye shi".

Mamaki ne ya cikata ganin yarda Hafsat ke mata magana cikin tsawa-tsawa kamar zata kai mata bugu bata gama shan mamaki ba sai da ta ga Hafsat ta tsartar da yawu ta bankaɗe labule ta fice daga cikin dakin.

*Kamala Minna*😘😘😘

[10/19, 9:42 AM] DEENY MINNA🙋‍♂: UKU BALA'I

           NA.

    KAMALA MINNA.

  

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA HAMSIN DA TARA

Runtse idanu tayi daidai lokacin da ya isa inda take tsaye kwankwarar motsi ta kasa yi zuciyarta sai faman harbawa take yi kamar zata faso kirji ta fito waje kwanyarta take ji tana yawo dauke da wani irin hayaniya mai kama da saukar a radu buɗe idanunta tayi a karo na ba adadi ta sauke a saitin inda fuskarsa take sai faman sauke mata wani shu'umammen murmushi yake yi wanda yake kara rikita mata duk wani tunani nata da natsuwarta.

Bata san ya za tayi ba zuciyarta gabadaya ta gama tafiya a duniyar Dr.karami lokaci mai tsayi tayi kokarin kwatar kanta amma abin ya ci turo sai ma abin da ya cigaba sosai take jin zuciyarta na kara matsewa da kaunarsa kaunar da take jin ta tana kara hayayyafar 'ya'ya wanda ba za ta iya cewa ga adadin su ba kaunar ce zallarta ba tare da hadi ba wanda ta jima da AMANNA akan haka kaunar Dr.Karami kamar halitta ce da Allah yayi mata tun lokacin da zai busa mata numfashi.

Wani numfashi ta sake ja a daidai lokacin da taji takunsa na kusantowa gareta yana kara sautin bugun zuciyarta ko wani sashi na jikinta take jin yana narkewa kafafuwanta jin su take yi kamar ba za su dauke taba.

 "Mariya!!!".

Ya fadi da wani irin sautin da ya sanyata sumar tsaye gami da sadakarwa zuciyarta ta tarwatse da sautin zazzakar muryarsa mai dauke da wani sirrin mai kokarin fallasa sirrin dake boye a bayan zuciyarta.

Buɗe bakinta tayi ta shiga kokarin buɗewa domin ansawa amma hakan ya gagara sai ma motsi da laɓɓanta suke yi amma ta kasa furta wata kalma wacce zata taimaka mata domin dawowa hayyacinta.

Idanuwansa ne suka sarke cikin nata a bazata wanda hakan ya sagar mata da duk wata gaɓa ta jikinta wanda za ta taimaka mata wajan kwatar kanta daga barin kallonsa wani maganakisu take hangowa yana zabarin duk wani sirrin dake cikin idanuwansa yana sarkewa da nata.

Wani yin kuri tayi mai tafe da numfashi ta kau da kanta tana faman ajiyar zuciya wani murmushi ne mai girman gaske ya bayyana akan k'yank'yawar fuskarta sai faman kaɗa kwayar idanuwanta take yi.

Ba zato ko tsammani taga mutum ya durkushe a gabanta da sauri tayi kokarin ja baya amma sai taji kamar an kafe mata kafafu ne dago idanuwansa yayi ya sauke a saitin nata tare da kokarin kamo hannunta guda wanda ta rufe rabin fuskarta dashi.

 "Ina son ki Mariya zuciyata ta gama gajiwa so ne kawai a cikin ta yake zarge ko wani sashi da loko na cikin ta GURBIN SO da na baki wanda ya kasance ke kadai ce a cikin sa so nake yi ki bani damar da zan farfaɗo dashi daga sumar da yayi na wucin gani kice dani kina so na zan zamo ABOKIN RAYUWA a gareki".

'Yaa Rabbi!!".

Ta fadi cikin bugun zuciya kankame jikinta tashiga yi domin ta rasa me zata yi ta rasa ma a wata duniyar take a wannan halin ta kasa sarrafa kanta gani take yi kamar ba ita ba gani take yi kamar wata Mariyar ce ba ita ba wai Dr.Karami akan gwuiwowin sa yana neman SO gareta shine yake fada mata kalaman da suke kokarin tarwatsa mata zuciya da kwanya ba zata iya ganin sa a haka ba ba zata iya sakin kunnuwanta taji kalaman da yake fadi kanta yayi kadan ya dauka komai zai iya faruwa zuciyarta zata iya fashewa da kaunarsa kaunar da take hangota tafi duk wata kauna da masoya suke nuna wa junansu.

Bata taba zaton zata tsinci kanta a wannan matakin ba bata taba zaton zuciyarta zata iya sakewa haka ba har ta saurari irin wannan kalaman...

 "Ki ce wani abu mana duniyar nan a yanzu mu kadai ne a cikinta karki bari kunya tayi miki SAGEGEDUWA ki fito fili ba wanda zai ganki ki kalle ni a matsayin ni kadai ne babu kowa ki kalle ni a a matsayin wanda shine a matsayin ABOKIN RAYUWA a gareki".

'Anya kuwa'.

Ta fadi cikin zuciyarta da k'yar.

Dan yatsarta na tsakiya taji ya kama gabadaya ji tayi wani irin Shock ya kamata duk wata kofar dake jikinta runtse idanu tayi tana mai jan numfashi kamar zata shiɗe da sauri ta shiga ambaton 'Yaa Ilahi!'. Kafun ta shiga kokarin kwatar kanta amma ina shigar zobe da taji cikin dan yatsar nata ne ya sanyata sakin jiki sosai ji da tayi ya sakar mata hannu ya sanyata ja da baya da sauri tana mai da numfashi buɗe idanuwanta tayi saitin hannunta da take ji kamar ba nata ba duban hannun nata tayi wani hadadden Zobe ta gani sai k'yalli yake yi ruwan Gold mai tsananin kyau da burgewa sosai taji wani iri a zuciyarta da saurin ta dube shi shima ita yake duba idanuwansa sun yi wani kala kamar ruwan Rose sai sheki suke yi.

"Please My Pretty Say something to me?".

Ya fadi da wata kwantacciyar murya wacce zata iya rantsewa ba tasa bane in ba don ta ganshi a gabanta ba sannan laɓɓansa na motsawa cikin wani irin salo wanda yake kara rikita mata tunanin kwanyarta.

Hannun ta dago mai zobe a ciki ta shiga kallon zoben tana tabawa da dayan hannun nata wasu abubuwa taji kamar sako suna shiga jikinta a duk sa'ilin da ta murza zoben harufan dake jiki suke kara sanyata jin wani iri kyallin da suke a tare ne suke kara sanya zuciyarta son zoben.

"Duniyar nan ina so ta zamo tamu mu kadai ki dubi duk girman ta da fadin ta ki saka a ranki mu kadai ne a ciki ba wani wanda zai fado cikin ta har ya so ba mu wata matsala".

Dam! taji gabanta ya bugu jin furucin sa zuciyarta ne ta mikata wani mataki mai girma da nisa 'Dr.Aqeel' zuciyarta ta bankado mata runtse idanu tayi sosai wani sashi ya shiga kawo mata shi tana kara kamba mashi a gareta kai ta shiga girgizawa a hankali wasu hawaye suka tarun mata a GURBIN IDO bata so ba bata so abin da zai kara rikita mata rayuwa a irin wannan lokacin mai girman gaske a gareta tashin hankali take tsoro bata so a sake komawa gidan jiya so take yi duniyar ace ta cigaba da wanzuwa a wannan matakin da take ciki a yanzu amma bata tunanin haka zata kasance dole ta hakura dole ne...

"Kuka!!!".

Ta ji muryarsa kamar an hura sarewa gabadaya taji kunnuwanta sun dauka kwanyarta ta dau sautin sosai ji tayi tana yawo kamar zata zube a kasa.

"Mariya kukan me kike yi haka...fada min please ko na ɓata miki rai ne?".

Yanayin yarda yake maganar ya kara narkar mata da zuciya a tausayin sa ta sani tana son sa amma bata san yarda zatayi da Dr.Aqeel ba shima yayi mata HALACCI bata so ace ita tayi masa BUTULCI girgiza kai ta shiga yi.

'Ba yarda zaki yi dole ki zaɓi daya don mace bata auren NAMIJI sama da daya'.

Zuciyarta ta fadi mata hannayenta ta saka ta rufe kunnuwanta ji take yi kamar furucin zuciyarta da take kamar a bayyane yake.

'Dr.Aqeel'.

Ta fadi a zuciyarta sai dai abin da bata sani ba shine maganar da tayi a bayyana take.

Dr.Karami da ya tunkaro wajanta don rarrashi jin abin da tace ya sanya shi saurin jar burki yana mai watsa mata wani irin kallo mai cike da tuhuma da zargi lokaci guda ya ji zuciyarsa na harbawa da sauri-sauri runtse idanunsa yayi sannan ya buɗe akanta.

Ita kanta a jikin ta taji yarda kallon nasa ke ɓulata hakan ya tabbatar mata akwai abin da tayi wanda ya sanya shi yi mata irin wannan kallon dago idanun ta tayi ta dube shi da sauri ta kau da kanta zuciyarta tayi wani irin dokawa.

 "Mariya da gaske kike abin da najiyewa kunnuwa na gaskiya ne?".

Ya fadi muryarsa da zafi a cikinta wani iri taji jikinta nayi mata sosai ta gano laifin don haka da sauri ta shiga girgiza kai zuciyarta na rikicewa da tashin hankalin da ta hango a idanunsa sosai taji kanta na cakuɗewa yana mikata wani mataki wanda bata taba jin ta a cikin sa ba.

 "Karki ce mani shine kar ki ce mani zuciyarki na gareshi karki ce mani shine mai GURBIN SO a zuciyarki bani ba don Allah Mariya na roke ki karki buɗe bakin ki ki sanar da ni gaskiya ne na san karya kunnuwa suka jiye mani Please Don't say anything".

Ya karashe cikin jarumtar zuciyarsa da yake jinta kamar zata tarwatse numfashi yake ja a hankali da sauri ya daga hannayensa duk biyun ya dafe kan sa da su wani irin juyawa yake jin kansa nayi kamar zai tarwatse gida biyu.

 Laɓɓanta ta tura cikin bakin ta tana cizawa kuskuren da take ji tayi take son ya zama a mafarki ba gaske ba ba za ta iya cigaba da kallon Dr.Karami a yarda take ganinnsa a yanzu cikin wani irin yanayi da take jin yana karta mata zuciya.

 "kai ne...".

Ta fadi da kyar zuciyarta na yinkurawa kamar zata tarwatse hakan ya hanata karasa abin da tayi niyyar fadi.

 "Ni ne me Mariya fadi nine me don Alalh ki bude bakinki ki fadi naji ko zuciyar tawa zata rangwanta min daga ciwon da ta tsomani a ciki.

 Juyawa tayi da sauri tana kokarin barin wajan da sauri ya riko mata hannu ya matse sosai har sai da tayi kara mai dan sauti dubanta yake yi cikin idanunta da suka kaɗa sukayi jajir.

 "Ba zan sake ki ba har sai kin fada min matsayi na".

 "Ina son ka Dr.Karami kai ne mallakin zuciyata..amma ka sani ina tsoron butulci...".

A hankali ya sassauta mata rikon da yayi mata wani murmushi na bayyana a saman fuskarsa ya shiga girgiza kai.

 "ba a so dole sannan kyautatawa daban so shima daban karki ce don Dr.Aqeel ya taimaka miki a rayuwa haka na nufin sai kin so shi a,a ban ce karki so shi ba amma ba wai wanda zai cutar dake ba ki ajje batun sa a gefe ki anshi SO na mu rayu tare".

Girgiza kai take yi a hankali tana dauke hawayen da suke zubo mata maganar tasa take jin ta wani iri a zuciyarta da kwanyarta laɓɓanta ta shiga motsawa alamun son yin magana amma ta kasa sai murza zoben hannunta take yi.

 "Mariya!!".

Ya ambata cikin wani irin yanayi mai tafe da mamaki da al'ajabi da sauri ta dube shi ganin yana kallon kofar gidan su ya sanya itama ta juya da sauri ware idanu tayi waje ganin Hafsat ta leko ko mayafi babu ga turtsetsen ciki a gabanta runtse idanu tayi kafun ta dubeshi zuciyarta na dokawa da sauri-sauri.

 Kallon tuhuma yake yi musu su dukan biyun kafun ya ja numfashi ya dubi Mariya wacce itama izuwa wannan lokacin ta dawo da dubanta gareshi kwalla ne suka kawowa idanuwanta farmaki da sauri ta hadiye su.

 "Me kenan Mariya me ke faruwa ne da Hafsat haka karki ce mani...".

Shiru yayi cikin yanayin tausayi yana girgiza kai don ya tabbatar da zarginsa ganin yarda Mariya ta rikice.

 "Allah ya kyauta".

 ya sake fadi ganin Mariya bata da niyar cewa komai sake kallon Hafsat yayi wacce itama a daidai wannan lokacin idanuwanta na kansa kau da kai yayi cikin faduwar gaba da sauri ya juya ya koma cikin motarsa wata katuwar leda ya fiddo da ita ya ajje gaban Mariya kafin ya juya da sauri ya koma cikin motarsa zuciyarsa nayi masa zafi sosai.

Sakin baki tayi tana kallonsa har ya ja motar bayan ya dago mata hannu ya wuce sannan ta sungumi ledar jiki a sanyaye tayi hanyar gida har zuwa lokacin Hafsat na tsaye bakin kofar ko motsi ba tayi ba.

 "Haba don Allah Hafsat haka da kike yi fa wallahi bai dace ba zubda mutunci ne kike yi duk wanda ya ganki a haka dole yayi miki wani kallo na daban".

Gyatsi ne tayi kafun ta kalli hannun Mariya ta kau da kai.

 "Meye naki a ciki ko kina tsoron kar Dr.Karami yayi zargin duk daya ne".

 'Allah yayi min tsari da aikata mugun abu irin wannan'.

Mariya ta fadi da sauri cikin zuciyarta gami da raɓa Hafsat tayi shigewarta cikin gida zuciyarta da takaicin halin Hafsat duk da abinda ya faru da ita amma har yanzu ba za tayi karatun ta natsu ba ta saita rayuwarta sosai take jin bakin ciki da takaicin halin da Hafsat ta tsinci kanta sosai abin ke taba mata zuciya amma ita Hafsat ta kasa fahimtar ta na daukar da take yi mata na 'yar uwa ciki daya...

*Kamala Minna*

😍😍😍

[10/19, 10:59 AM] DEENY MINNA🙋‍♂: UKU BALA'I

           NA.

    KAMALA MINNA.

  

*ZAMANI WRITERS ASSOCIATION*

​​Wɛ ɑʀɛ ɦɛʀɛ tѳ ɛɗucɑtɛ, Mѳtiѵɑtɛ ɑɳɗ ɛɳtɛʀtɑiɳ ѳuʀ ʀɛɑɗɛʀร​.

  BABI NA SITTIN.

Tunani kawai take yi akan yarda zata anshi Dr.Karami lokaci guda bayan kuma ta san akwai wani akasa ko da yake ya kamata izuwa wannan lokaci ta saukaka wa kanta domin samun natsuwar zuciyarta.

Amma ta yaya hakan zai kasance ta yaya hakan zata faru bata sani ba bata san yarda zata dauki lamarin ba sosai take jin kamar bata kyautawa Dr.Aqeel ba in tayi duba da yanayin dake tsakaninta dashi.

"So daban kyautatawa daban".

Ta jiyo wani sashi na zuciyarta na dauko mata wani sashi na zancen Dr.Karami da ya faɗa mata.

 "Amma ai kyautatawa na haifar da so da kauna ga mutane biyu? Kuma ai kyautatawa na cikin abin da ke haifar da so ga zukatan dangin rai".

Ta fadi tana tura laɓɓanta cikin baki tana cizawa a hankali juyi tayi daga kwance da take ta mai da idanuwanta suna kallon sama sosai take jin zuciyarta da kwanyarta na mikata wani mataki na musamman wanda zata so ace ta rayuwa a cikin sa har gaban abada amma kuma bata zaton haka ganin lamarin take kawai a labarin kanzon kurege ba zai taba tabbata ba.

Numfashi ta ja tana mai da numfashe idanuwanta a hankali ta buɗe su ta dago dan yatsen hannunta wanda yake dauke da zoben da Dr.Karami ya sanya mata kallonsa take yi zuciyarta na kara buɗewa da kaunarsa ji take yi duk wani GURBIN SO na zuciyarta Dr.Karami yana kokarin mamayewa cikin yan kwanakin nan sosai take jin ta a wani mataki na farin cikin zuciya wacce ta cika da kauna zallarta.

Zata so ace rayuwar ta mika a haka za ta so ace rayuwar ta cigaba da tafiya a haka amma ina! akwai wani wajan da za a kin tafiyar ta sani ALKALAMIN ƘADDARA zai iya zano mata wani abu mai girman gaske ya dora mata a matsayin JARRABI izuwa wannan lokaci ta rigaya ta saba sosai da sosai bata tunanin akwai kaddarar da zata fado rayuwarta bata yi kokarin ganin ta cinye ta ba.

 Gabanta ne ya doka da sauri ta mike tana ambatar 'Hasbunallahu wa ni'imal wakil Yaa Hayyu Yaa Kayyum'.

Idanuwanta ta zaro sosai hannayenta saman kirjin ta tana jin yarda BUGUN ZUCIYARTA ke kara tsananta.

"ME KE FARUWA?".

Ta fadi tana jan numfashi da sauri ta shiga kokarin mikewa ji tayi duk ilahirin jikinta ya dauki sanyi kamar an doke mata duk wata gaɓa dake jikin ta a hankali ta shiga taka kafafuwanta kanta ko dan kwali babu yalwataccen gashin kanta ya baje sosai har zuwa fuskarta da sauri ta janyeshi zuwa baya ba tare da ta sanya dankwali ba tayi hanyar waje a bakin kofa ta tsaya tana ajiyar zuciya Umma ta gani zaune ta zabga tagumi da sauri ta isa gareta ta taɓa ta amma ba alamaun ta san ta zo wajan.

 "Umma!".

Mariya ta fadi da sauti a muryarta tana mai jinjigata a hankali taja wani dogon numfashi ta dago idanuwanta da suka dan kaɗa ta dubi Mariya kafun ta kau da su cikin wani irin yanayi na damuwa.

 "Umma lafiya na ganki haka?".

Murmushi kadan tayi wanda da ka kalle ta zaka gane na dole ne girgiza kai tayi tana cizon laɓɓa.

 "Mariya mahaifin ki shi na tuna wani mafarki mara dadi nayi a yanzu a nan zaune ina gangaɗi sosai naji na tsorata".

Ware idanu Mariya tayi jin abin da Umma ta fadi ko dai wani abu na shirin faruwa ne domin itama taji irin yanayin a yanzu zuciyarta ta sake bugawa hannun Umma ta kamo ta danke sosai cikin nata.

 "Anya Umma Abbana ba ya cikin matsala zuciyata sosai take hasashen haka ina tsoro Umma ya kamata ace ko ina yake ya bayyana muna tsananin bukatarsa hakurinmu umma...".

 "Mariya to ya za muyi da ƙaddarar Allah haka ya tsara mana a rayuwa dole hakan sai ta faru fatana dai duk in da yake tsayin shekarun nan Allah ya bayyana mana shi".

Hawaye ne suka kwaranyo wa Mariya a idanu da sauri ta saka bayan hannunta tana shafe su tana mikewa kan kafafuwan ta sosai take ji a zuciyarta mahaifinta duk inda yake baya cikin dadi da farinciki gami da kwanciyar hankali sosai take jin fargaba da tsoro a zuciyarta tana son ganin mahaifinta tana so ta sanya shi a idaniyar ta sosai take kewarsa.

   A kullum sai tayi tunaninsa tana son ta ganshi tana so ya dawo cikin duniyarsu su rayu tare zuciyarta sosai take zafi duk sa'ilin da ta tuna lokacin da mahaifinta ya bar su ciki mawuyacin hali ta sani kaunar da yake nuna musu ba zai sanyashi guje musu ba ta tabbata akwai abin da ya sanyashi barin su ya mika wani wajan tsayin lokaci mai girman gaske...

****

Saukarta kenan daga Napep tana kokarin shiga gidan su Mariya taji anyi mata Horn bata yi zaton da ita ake ba sai da taji ana tayi ba ƙanƙautawa sannan ta juya ta kalli in ta tajiyo horn na tashi ta gefen idanu Dr.Aqeel ne tsaye kafarsa daya a waje daya cikin motar ware idanu tayi gami da juyowa tana duban sa ba tare da ta ce kala ba.

A hankali ya kulle motar ya shiga takowa gareta harɗe hannayenta tayi a kirji tana kallonsa Up and Down cikin wani irin yanayi zuciyarta na suffan ta mata tsarin halintarsa na cikakken namiji wanda ya hada duk wani abu da mace ke bukata a wajan namiji sanye yake cikin kananun kaya suit light blue wanda tayi matukar yi masa kyau hannunsa daure da hadadden agogon Rolex mai tsananin kyau....

 Da sauri ta ja numfashi sa'ilin da taji daddar kamshin turarensa ya daki hancinta da sauri ta kau da idanuwanta daga barin kallon sa.

 "Halin dai naki na nan na shan kamshi Baseera".

Duban sa ta sake yi gami da murmushin gefen kumatu.

 "In dai ba mugun hali bane ai da sauki".

Ta fadin tana kallon wani gefe daban.

 Nishin da taji yayi ne mai sauti ya sanyata duban sa da sauri cikin alamun tuhuma yanayinsa ta ga ya sauya gabadaya kamar wanda ba shi da lafiya laɓɓansa ya tura cikin baki yana cizawa.

 "Ban san mai zai ce miki ba Baseera na san kin fahimci halin da nake ciki akan ƙawarki ina son ta sosai zuciyata take dakon sonta ya kamata izuwa wannan lokaci ace ta bani dama son ta nake yi so zallarsa".

Tunda ya fara magana take kallonsa da mamaki namiji har namiji amma so ya mai dashi wani iri kau da kai tayi zuciyarta na jin haushin yanayin da ta ga yana nunawa AKAN SO.

 "Dr.Aqeel kenan nifa wannan lamarin naku na rasa gane kan sa wallahi abu yaki ci ya ki cinyewa kun saka min ƙawata a gaba sai faman figarta kuke yi kun hanata sakat! bayan kuma ku kan ku kun sani ba yarda za ayi dukkanku ku aure ta dole sai dai daya a cikin ku".

 "Ni nake son ta Baseera amma ta kasa sanin haka".

 "Su ma sauran ai son ta suke yi ko ya dai kamata ace kun kafa teburin Sulhu a tsakanin ku ku barwa daya in kuma ba za ku iya ba gaskiya dole ku rabu da ita wani ya aureta daban tun da kun kasa hakurar da zuciyarku akan sonta".

girgiza kai yayi yana jin yarda zuciyarsa ke kara buɗewa da son Mariya ya lura har yanzu Baseera bata san SO ba shi yasa bata dauki lamarin nashi da girma ba.

 "Zan kama kafa dake".

"Ban yarda ba".

"Saboda me?".

"Ba zan iya bane gaskiya ba zan takura mata ba".

runtse idanu yayi kafun ya buɗe su akan ta da wani rin yanayi kallon ta yake yi sosai da sosai zuciyarsa na mikashi wani mataki mai girman gaske kwanyarsa yake ji ta shiga yawo dashi wani sashi na daban tana buɗe masa shafi-shafin wasu lamuraka masu girman.

 "Zan takura miki".

Ya fadi da wani irin yanayi a muryarsa ita kanta sai da taji tsigar jikinta ta mike numfashi ta ja.

 "Zaka iya takura mani amma bana tunanin takurawar taka za tayi amfani".

"Dole tayi amfani ki rubuta ki ajje daga yau ina tare da ke har ranar da BURINA zai cika".

ya fadi muryarsa da zurfi a cikinta dubansa tayi da murmushi a fuskarta.

 "MU ZUBA MU GANI".

Ita ma ta fadi da murya mai sauti da sauri ta juya ta doshi kofar gidan gabanta na dokawa sosai taji a jikinta kallon ta yake yi sosai take jin kafafuwanta kamar za su zubda ita me Dr.Aqeel ke nufi da ita sosai taji wani iri a jikinta sosai take jin kamar wani abu na faru kwanyarta taji tana yamutsewa zuciyarta na matsewa tana mikata wani mataki mai girman gaske.

Tana shiga cikin soron gidan ta jingina da bango tana mai da numfashi idanuwanta a lumshe sai da ta shafe dakiku kafun ta ja kafafuwanta da taji sun yi mata sanyi ta shiga cikin gidan.

  ba kowa a tsakar gidan hakan ya bata damar zarcewa bangaren su Mariya bakinta dauke da Sallama ba ansa ta ba haka ya sanya ta sake yin sallamar nan ma ba a ansata ba labulan dakin ta daga can ta hango Mariya rigingine a gado idanuwanta na kallon saman dakin da sauri ta zare takalman ta ta shiga cikin dakin ba tare da ta sani ba har ta zauna bakin gadon hannunta ta kalla zoben da ta gani ne ya sanyata ware idanu cike da mamaki ga dariya na kokarin kwace mata da sauri ta sanya hannu ta rufe bakinta sai da ta gama karewa zoben kallo sannan ta daka mata duka.

A firgice ta mike tana shirin zurawa a guje ganin Baseera ya sanyata sakin jiki tayi kasa ta zauna tana mai da numfashi gami da dafe kirji.

 "Mtss Allah ya kyauta miki ai wannan sai ki firgita mutum ya zura da gudu".

Dariya Baseera tayi gami da kamo hannun Mariya mai zobe ta kalla sannan ta daga idanuwanta ta kalle ta cikin tuhuma tana mai sakin murmushi hakan da Mariya ta gani ya sanya fizge hannunta ita ma tana dariya.

 "Mariya!!".

Baseera ta fadi da murya mai zurfi kafun ta dafa kafaɗarta muryarta tayi kasa sosai.

 "Ya kamata zuwa wannan lokacin ki san matsaya a rayuwarki rayuwa baza ta taba daidai a wannan matakin ba da kike kai a yanzu kuruciyarki zaki duba karki yasar da ita a banza a wofi wajan sanyawa kan ki damuwa don Allah na roke ki Mariya ki san abin yi Umma za ki duba nasan ta fiki shiga tashin hankali akan wannan lamarin sai dai ba zata nuna miki hakan ba".

Cikin rashin fahimta Mariya ke dubanta.

 "wai shin me kike nufi ne?".

"Kin fi kowa sani Mariya akan maganar ki da wadannan mutanan ne ya kamata ki tsaida guda daya gwani kin ga yanzu haka Dr.Aqeel yana kofar gidan nan don na tabbata ya dade da zuwa a nan na tadda shi".

Da sauri ta dafe kirji gami da zaro idanu waje.

 "waje fa kika ce Baseera na shiga uku".

"Ba ki shiga uku ba zabi ne naki".

Shiru Mariya tayi tana runtse idanu kafun ta riko Hannun Baseera.

 "Baseera akwai matsala akwai abin da baki sani ba wanda na boye miki maganar gaskiya ina tsoron yanayin nan da muke ciki kisan a halin yanzu Hafsat na nan dauke da juna biyu kuma Huzaif ne sila...".

Fizge hannunta Baseera tayi ta mike tsaye jikinta har ɓari yake yi idanuwanta a warwaje laɓɓanta sai motsawa suke yi alamun tana son yin magana amma ta kasa numfashi ta ja kafun ta runtse idanu ta buɗe su.

 "me ki ke son ce mani Mariya Huzaif din da na sani Yaa Rabbi!".

dafe kanta tayi gami da komawa ta zauna zuciyarta na matsewa da wani irin yanayi.

 "Garin ya ya hakan ta faru Mariya?".

Girgiza kai ta shiga yi kafun ta ciji laɓɓanta.

 "Baseera Alfarma nake nema gareki".

ta fadi tana kamo hannayenta Baseera da jikin ta ya gama yin la'asar ta sarke da nata tana faman matsewa zuciyarta na bugawa da wani irin yanayi mai girman gaske.

 maganar take ji tana yi mata nauyi maganar da take so ta fadiwa Baseera bata san ya zata dauke ta ba tana tsoron taki amincewa ba tana son wani abu na rashin jin dadi ya gilma a tsakaninsu in taji bukatarta ta dago idanunta tayi da suka kaɗa ta dubi Baseera wacce itama izuwa wannan lokacin gabadaya hankalinta ta mai dashi wajan ta idanuwanta na zagayawa a gareta tana jin yarda zuciyoyin su su dukan biyun ke bugawa da sauri sauri....

Share this

WhatsApp