BARA A KUFAI Page 11 to 20

Zazzafar bincike ake yi ga duk motar da zata shiga cikin garin Kano, musamman motar da aka tabbatar ta haya ce, yanda suke binciken da zafi zafi shi ya k'ara tabbatarwa da masu wucewa lallai ko me 'yan sandan suke nima abu ne mai muhimmanci.

Yana zaune a kujerar can baya, ya rungume jakarsa a cinyarsa, sannan ya d'ora kanshi a saman jakar yana barci, duk cakwakiyar binciken da ake yi bai sani ba, saida binciken yazo kan motar da yake ciki, yaji yanda 'yan sandan suke bubbuga jikin motar da tsawa suna fadin kowa ya fito, sannan ya farka.

Mamaki ne ya kama shi, domin bai ta6a ganin check point a hanyar ba, ko kwanaki biyu da ya wuce babu 'yan sanda a hanyar, a yanzu ko me ya kawo su?

  'Oho'

Ya ba kanshi amsa sannan ya yunk'ura ya fito bayan duk mazauna kujerar gabanshi sun gama ficewa.

Yana fitowa hankalin 'yan sandan guda uku ya koma kanshi, cikin minti biyu suka damk'i gefen rigarshi kamar sun kama 6arawo, sannan suka d'auko waya suna k'ara duban hotonsa shine ko ba shi bane?

Ganin shine yasa suka k'ara damk'e shi dan kar ya samu damar zillewa, suka nufi motarsu dashi, turjewa ya fara yi yana tambayarsu lafiya? Me yayi da zasu tafi dashi.

Ganin yana neman 6ata musu lokaci yasa d'aya daga cikinsu ya kifa mishi mari da kafcecen hannun sa, take ya d'auke wuta na wasu dak'ik'u, da wannan damar suka samu suka tura shi cikin motar, sannan suka figeta da matsiyacin gudu suka harba titi.

   "Oga! Mun same shi"

Abinda yaji d'aya daga cikinsu yace kenan a waya.

Hankalinshi ne ya k'ara tashi, domin baisan ina ake nufin zuwa dashi ba, ganin daji suka nufa dashi, sun bar hanyar da zata sada su da cikin gari gaba d'aya yasa hankalinshi ya kara dugunzuma.

Daga can 6angaren murmushi yayi, bai tsammaci aikin zaizo mishi da tsananin sauk'i kamar haka ba, tunda ya tabbatar Kamaluddeen yana Kaduna kamar yanda wan mahaifinsa ya sanar dashi, sannan ya k'ara mishi da cewar sunyi waya dashi ma a ranar kuma ya tabbatar mishi da a yau zai dawo.

Shi yasa yayi tunanin ya tura amintattun yaranshi su ringa binciken motocin haya masu shiga garin Kano, ko Allah zaisa suyi katarin samun shi, sai gashi kuwa Allah ya gajarta mishi wahala, an same shi cikin sauk'i.

Tafiya mai nisa suka yi a cikin daji sannan suka iso inda Ogan yake jiransu, suna zuwa suka faka motar can gefe, suka cakumo wuyar rigarsa suka fito dashi, watsar dashi sukayi a gaban DPO kamar wani kayan wanki a wulak'ance.

   "Wato kai baka ji gargad'in da muka yi maka akan iyalin Ciyaman ba ko? Saboda kai shege ne shine ka lalla6a ka kashe mishi d'a kisa mafi muni ko?"

Ya tambaye shi yana zaro mishi ido, da yake a wancan lokacin bisa jagorancinshi ne suka kama Kamaluddeen din a gidan Ciyaman har saida ya kwana uku a gurinsu.

Shiru Kamal yayi mishi, sai a yanzu ya fahimci dalilin da yasa suka kamo shi.

Farin ciki ne ya lullu6eshi, jin cewar Ado ya mutu, anyi d'aya da d'aya kenan. Kowa ya rama, babu bashi a tsakaninsu.

   "Friday"

   "Yes sir"

Daya daga cikin 'yan sandan da suka kamo shi ya amsa da hanzari muryarsa cike da biyayya.

   "Kuyi mishi d'aurin talala a jikin bishiyar can"

Ya basu umarnin haka yana tsaye jingine da motarsa.

   "Ok Sir"

A cikin mintuna k'asa da goma sukai mishi wani mugun d'auri a jikin bishiyar.

   "Yauwa! To kuyita dukanshi har sai ya manta sunanshi"

 

   "Ok Sir"

Nan take suka fara mishi rubdugu da dukkan karfinsu, shi kuma DPO ya d'auko wayarsa yana Vidio recording din duk abinda yake faruwa.

Basu dad'e suna dukanshi ba ya langabar da kanshi k'asa, alamun ya suma.

Ruwan swan ya dauko a motarsa mai sanyi tarara ya watsa mishi, wata nannuyar numfashi yaja sannan ya farfad'o a firgice.

Umarni ya basu akan su rike mishi kan Kamal din, wata 'yar karamar wuka ya dauko a cikin motarsa, ya zaro ta daga cikin gidanta, ya nufi Kamal din gadan-gadan, ya damki kanshi ya daga sama, sannan ya fara yayyaga mishi fuska cike da rashin imani da tausayi, tun Kamal yana iya ihu saboda tsananin azaba da radadi har ya daina, sai sauke wata wahalalliyar ajiyar zuciya yake yi, saida yayi mishi kaca-kaca da fuska yanda ko ya rayu fuskar tayi dameji kenan har abada, sannan ya d'auko gishiri ya barbad'a mishi.

Tsananin azaba da rad'ad'i yasa Kamal ya kara sumewa, nan take yasa suka kwanceshi suka watsar dashi a kasa.

Dukanshi suka ci gaba da yi suna tattakashi da kwafta-kwaftan takalman kafafunsu, tamkar sun samu kayan wanki, dakatar dasu yayi, ya bude boot din motarshi ya dauko wani katon karfe dogo mai matukar tsayi, mikawa Friday wayar yayi ya umarceshi da ya ci gaba da d'aukar Vidion, ya k'arasa kusa da Kamal din ya ringa buga mishi karfen nan a kanshi da duk wasu sassa  na jikinshi, tsabar duka yasa keyarshi ta fashe, take jini ya fara biyowa ta gurin, kusan duk jikinshi ba inda jini bai fita.

Tatta6a shi yayi yaji sam babu alamar rai a tattare dashi, duk wani inda ake ta6a a gane in akwai sauran rai a jikin mutum ya ta6a amma baiji alamu ba.

Shi kanshi ya tabbatar wannan mugun dukan da sukai mishi da irin azabar da ya gana mishi duk taurin ranshi dole ya mutu. Mikewa yayi ya kar6i wayarsa ya tsaida Vidion ya saka wayar a aljihu.

Sannan ya kalli yaran nasa yana sauke numfashin gajiya yace.

   "Ku dauki gawarsa ku je can hanyar Kaduna ku yasar dashi a cikin daji, inda babu wanda zai tsinci gawarsa balle har ayi mishi sutura, so nake ya ru6e a haka, tsuntsaye su sami abin kalaci"

Dariya suka fashe dashi gaba dayansu. 

Motarshi ya nufa, ya dauko daurin dubu hamsin guda uku ya mika musu, kowa dubu hamsin kenan, sannan yaja motarsa a guje yabar gurin.

Suma d'aukar gawar sukayi suka jefa shi a motarsu, figar motar suka yi a guje suka bar gurin.

   "Gaskiya Oga mugu ne, ka duba yanda ya kashe gayen nan ba tare da wani tausayi ba"

Friday ya fadi haka yana kara 6ananawa motar wuta.

   "Kai! Aikin Ciyaman ne fa, Allah kadai yasan miliyoyin da zaija akan aikin nan, amma ya rasa abinda zai bamu sai dubu hamsin"

Lawan ya fadi haka cikin 6acin rai, ganin kashi saba'in na Wahalar aikin su suka yi.

   "To ya zamu yi? Mun gode ai, wannan abinda ya bamu kake rainawa Albashinmu na wata biyu kenan fa.."

   "Kai Lawan fa ya fadi gaskiya, mune da shan Wahalar aikin nan, gaskiya dubu hamsin yayi kadan"

Friday ya katse maganar da James yake yi, shima ranshi a 6ace.

   "Kunsan yanda za'a yi ne?"

Lawan ya tambaye su, girgiza kai suka yi alamar A'a.

   "Mu yarda gawarnan kawai muyi tafiyarmu, ko yanzu ai munyi nisan da baza a same shi ba"

Amincewa sukayi da wannan shawarar, dan haka Friday ya gangara da motar gefen titi ya dan shiga daji kadan, saida suka tabbatar babu mota mai tahowa sannan suka yarda gawar a jikin wata bishiyar mangwaro, suka dauki jakar kayan Kamal din suka jefa a jikin gawar, sannan suka figi motarsu suka k'ara gaba da matsiyacin gudu, kamar masu gudun ceton rai.

[15/03 1:14 PM] fareedah: *BARA A KUFAI*

*13)*

Daga nan bai koma Ofis ba gida ya nufa kai tsaye, zuciyarsa cike da matsanancin farinciki da nishad'i. Labarin zuciya a tambayi fuska, ko daga yanda yayi sallama a gidan ya isa ya baiyana yau a cikin walwala yake.

Amsa sallamar tayi a wulakance ba tare da girmamawa ko mutuntawa ba. Tana tsugune bakin rijiya tana wanke robobin da take sakawa kajin da take kiwo ruwa, ranta a 6ace yake dashi, shiyasa ta tsuke kumbutson bakinta tak'i mishi ko sannu da zuwa, jira take ya ta6o ta ta zazzage bala'in da zaisa dole sai ya biya ta bashin dubu biyar din da take binshi.

Sati biyu kenan da yazo afujajan ya kalallameta da dadin baki ta bashi aron dubu biyar, bayan yayi mata alk'awari tare da rantse mata da girman Allah ana musu albashi zai biya ta kudinta, har ma yace zai k'ara mata da dubu uku kyauta.

Kwadayin dubu ukun yasa tayi k'umajin bashi dubu biyar din, a lissafinta yana bata zata dauki dubu takwas din ta siyo abincin kaji, to yau kwanaki uku da yi  musu albashi ba dubu biyar babu dubu ukun, sai yawo da hankali yake mata, tayi rarrashi, tayi mita, tayi tsiyar amma duk basu saka ya bata kudin ba.

   "Dije yau ko arzikin sannu da zuwan bazan samu ba kenan?"

Ya tambaye ta a lokacin da yake k'ok'arin cire takalmansa a k'ofar dakin.

Sama da k'asa ta kalleshi ta watsar ta ci gaba da aikin da take yi, ji take idan har ta bud'e baki da nufin tanka masa to tabbas ashar zata tuttura masa, shiyasa taba banza ajiyarsa.

   "Idan kin gama shigo ki kar6i kudinki, nasan dai duk a kanshi ne kike wannan ciccijewar kina huci kamar kububuwa.." 

Ai kafin ya rufe baki tsulum ya ganta a gabansa, fuskarta k'unshe da murmushi tana sussunkui da kai, ita a dole tana kunyar masoyi abin k'auna🤪

Dariya yayi ya kalleta 'Yar cukul a gabansa, da yake gajeruwa ce bata da tsawo.

Dakin ya shiga ta bi bayansa, ko zama ta kasa yi tsabar zumud'in ya biya ta ta siyo abincin kaji, ita ta dubu biyar din ta take yi ma ta hakura da k'arin dubu ukun.

Dubu ashirin ya dauko a aljihun gaban rigarsa ya kirga ya mika mata su gaba daya, warcewa tayi kamar kura ta ga nama, idanunta a zazzare take kallonshi alamun neman k'arin bayani.

   "Ki kara jarin kiwon kaji"

Yace mata a takaice. 

Tsabar murna da farin ciki tsalle tayi ta haye jikinsa ta rungume shi tana godiya, k'ok'arin lalubar bakinshi ta sunbace shi take yi shi kuma sai kauda fuskarsa yake yi, banda hamami da warin d'akin kaji babu abinda jikinta yake yi, dama dai ita k'azama ce ta bugawa a jarida, idan ba dare ne ya kawo jiki ba bata yin wanka, a wasu dararen ma idan ta gaji sosai barin wankan take yi su hadu washe gari.

   'Ai ba ibada bace da kullum sai nayi wanka'

Amsar da take yawan bashi kenan idan ya nemi kusanci da ita akan shinfidarsu ya fara mata korafin batai wanka ba.

Da wayau da dabara ya zare ta daga jikinsa, ta nutsu a gefensa fuskarta da murmushi, wani d'an tunani tayi ta kalleshi tana far-far da gashin ido dan ta burge shi.

   "Masoyi baka biya ni bashin dubu biyar dina ba fa"

Baki da hanci bude yake kallonta yana mamakin masifaffen son kud'i irin na ta.

Nan take ya had'e girar sama da ta kasa yace

   "Cire dubu biyar dinki a kudin nan ki dawo min da dubu sha biyar dina, na fasa k'ara miki jarin"

Da sauri ta tashi a gefensa tana k'ara damk'e kudin

   "Haba Masoyi daga wasa? Na gode Allah ya kara bud'i. Barin je in siyo abincin kaji a kasuwa yanzu zan dawo"

Hijabinta ta figa a jikin kofa ta fi ce da sassarfa, tana jinshi yana ihun ta dawo ta ja mishi ruwan wanka tayi biris dashi, gani take tsayuwar minti goma da kudinnan a hannunta zai sa ya canja shawara ya kwace kudinsa.

Ruwa yaja a rijiya ya sallo wanka, ya shirya fes dashi ya dibi kaya kala biyu ya zuba a cikin jakar matafiya.

A zuciyarsa yake tunanin lallai dole yayi kwana biyu da zazzafar karuwarsa Neela baby, daman ita take cinye duk wani tattali da tanadin duk albashinsa.

Yana masifar son yarinyar saboda in dai zai saki kud'i da muninsa da komai take had'awa ta nuna mishi matsananciyar kulawa, aduk cikin kwanakin da ya biya kamar sarki take tafi dashi, ga wani fitinanne kuma sihirtaccen kamshi da zaka ji ako wane lungu da sako na jikinta.

Bai nufi gidan Ciyaman ba a ranar, sai washe gari da safe ya iske shi da daddad'an labarin.

   "Yalla6ai aikinka ya kammala fa, labarin Kamal ya 6ace 6at daga doron kasa kamar yanda ka buk'ata"

Baki bude Ciyaman yake kallonsa, da mamaki fal fuskarsa

   "Ah haba dai, da wurwuri haka?"

Ya karasa tambayar fuskarsa na baiyana murmushin jin dadi.

   "Kwarai kuwa, ai zazzafar bincike nayi wajen neman inda ya shiga, sai daga karshe na k'wamuso shi a Kaduna. (Ya k'ara da k'arya dan kambama aikinsa)

Bari dai ka gani dan kore duk wata shakka da kokwanto a zuciyarka"

Nan take ya d'auko wayarsa ya kunna mishi Vidion da ya d'auka lokacin da suke gana mishi azabar, har zuwa inda ya ringa tatta6a gawar dan tabbatar da ya mutu ko yana da sauran rai?

Murmushi Ciyaman yake ta yi har zuwa k'arshen Vidion, tsabar farinciki yasa ya k'ara danna play ya sake kallo har k'arshe, ya sake kunnawa a karo na uku ya kalla, daga nan ya mik'a mishi wayar.

   "Yayi kyau DPO, amma ka tabbatar ya mutu?"

Ciyaman ya tambayeshi yana k'ure shi da ido, tamkar yana tsoron kar yayi mishi k'arya ko ya yaudare shi.

   "Kwarai kuwa Yallabai, irin wannan azabar da na gana mishi ai ko rai goma ke gare shi duk sun mutu"

Dariya suka yi gaba d'ayansu, sannan shiru ya biyo baya.

   "Amma dukda haka na so ace ka yanke mishi mazantakarsa kafin ka kashe shi"

Ya fad'a cike da rashin imani da tausayi muraran a muryarsa, a zuciyarsa babu abinda yake tunani sai irin yanda aka dandak'e Ado kafin ya bar duniya. Gaskiya wannan yaro sai Allah ya musu hisabi tsakaninsu, ya cutar dashi ba kadan ba, ko yanzu da zaiga gawarsa tabbas sai yayi gunduwa - gunduwa da duk sassan jikinsa.

Shiru yayi yana muzurai, dan kar Ciyaman din ya nemi hana shi cikon kudinshi, ya manta shaf da batun dandak'ar, da tabbas sai ya aikata wa Kamal din.

   "Yanzu saura cikon kudin ka koh?"

Nan take ya saki fuskarshi, sannan ya gyad'a kai alamar hakane.

Wannan karon ma cheque ya rubuta mishi na naira miliyan daya, sannan suka rabu, dukkansu suna farin ciki.

Shi Ciyaman yana farin cikin d'aukar fansar kisan da aka yiwa Ado ne.

Shi kuma DPO yana murnar samun mak'udan kudaden da idan ta albashinsa zaibi sayya shekara biyu bai samu ba, amma cikin kwana daya ya same su, lallai wannan abin farin ciki ne a gare shi.

Shi kenan ya sha kwana, ya fita daga sahun masu rufin asiri ya koma sahun masu arziki.

Sake dafe check din yayi yana jin sassanyar nishad'i na kwaranya a cikin mak'wallaton zuciyarsa.

******

Da mugun gudu take tuk'a motar tana bin tattausar muryar Umar M. Shariff da ke fita a cikin sipikar motar, a cikin wakarsa ta rariya.

So take ta shiga garin Kaduna kafin a kira sallar magrib, shiyasa ta rare motar tana bata wuta a dari da sittin tana wuce duk motar da ta sha gabanta.

Ziyara ta kaiwa babbar kawa kuma aminiyarta da take aure a garin kano, tun jiya da yamma ta isa kano, ta fito yau da rana, taso tayi sammakon dawowa saboda yanayin aikinta amma dole saida ta kai karfe biyu na rana kafin ta samu fitowa, a hakan ma ba da son ran Firdausi da mijinta ba.

 

Al'amarin karfen nasara da baida tabbas a hankali motar take rage gudu ba tare da ta tsaida ta ba, dan haka tayi hanzarin gangarawa ta gefen titi, a hankali take tafiya har motar ta tsaya da kanta ba tare da ta kashe ba.

Kallon sikiyarin tayi tana mamaki, shekaran jiya ta d'auko motar daga gurin bakanike, amma yau kuma ta sake tsayawa?

Tsaki taja, ta kashe motar ta zare key din, ta bude kofar ta fita waje, bayan ta dauki wayarta da jakarta. 

Jingina da motar tayi tana tunanin wak'ar farawa, ga yau hanyar babu zirga-zirgar motoci sosai, ga rana da ake tsananin kwalawa kamar ba la'asar ba.

Bakaniken da yake mata gyaran mota ta kira tana sanar dashi abinda ya faru

   "Hajiya yanzu kina ina ne?"

Ya tambaye ta daga can 6angaren.

   "Ina hanyar dawowa daga kano ne fa, na kusa shiga Zariya. Ko kana da wanda zaka kira a Zariya yazo ya duba min ita in samu in k'arasa gida...?"

   "Ai Hajjaju kayanki ya tsinke a gindin kaba, nima gani nan a Zariya, gani nan zuwa yanzun nan"

Ya katse ta da fadin haka.

   "Ok tam! Ina jiran ka. Kayi hanzarin tahowa dan Allah"

Tana gama fadin haka ta katse wayar, har zata koma cikin motar ta zauna sai kuma tayi tunanin ta d'an mike k'afa zuwa farko farkon daji kafin bakaniken ya karaso, jakarta ta d'auka ta rataya a kafad'a, ta kulle motar ta gangara ta sauka daga kan titin dan ta mike kafa.

Mugun gamon da tayi yasa ta kwalla ihu a gigice, tayi diri-diri tayi gabas tayi yamma sannan ta dawo ta k'ame guri daya.

Numfashi taja a tsorace tana k'okarin daidaita kanta, tuna a inda take tayi, a sanyaye kuma cike da tsoro ta k'arasa kusa da gawar mutumin tana kallonsa,  tausayi fal da fuskarta.

'Yar k'aramar camera ta d'auko a cikin jakarta ta d'auki hotunan gawar har kala hud'u, sannan ta maida cameran cikin jaka.

Tsugunawa tayi tana kallonsa, a zuciyarta take tunanin ko su waye suka yi mishi haka? Sanin gaibu sai Allah.

Bata san iya tsawon mintunan da ta d'auka tana kallonshi ba, sai k'arar wayarta ne ya dawo da ita cikin hayyaci da nutsuwarta.

   "Ga ni na iso gurin motar kuma ban ganki ba?"

Abinda bakaniken yace mata kenan daga 6angarenshi bayan ta d'aga wayar.

Gangarawa tayi zuwa gurin motar, da yake babu nisa daga inda gawar take zuwa bakin titin.

   "Hajjaju lafiya kuwa?"

Ya tambaye ta bayan ya lura kamar a hargitse take.

   "Babu lafiya Mal Isa" 

Ta amsa dak'yar sannan tayi mishi umarnin ya biyo ta, ta jagorance shi zuwa gurin gawar.

Lokacin da ta nuna masa gawar da ta gani matsawa can gefe yayi a tsorace, ya dafe kanshi da hannu bibiyu kamar ba namiji ba.

   "Hajiya Khadeeja wannan fa?"

Ya tambaya yana nuna mata gawar da yatsarsa manuniya. 

   "Yanda ka ganshi haka na ganshi. Kayi sauri ka gyara motar mu wuce dashi zuwa asibiti, ayi binciken dalilin mutuwarshi"

   "Haba Hajjaju, da  ganin gawar mutum baki san daga inda yake ba, baki san wa ya kashe shi ba kice zaki tafi dashi? Ki barshi kawai ya k'araci warinsa ya ru6e..."

   "Ya isa dan Allah, yanzu kai idan gawarka ne zaka so a barka a haka har ka ru6e?"

Ta tambaye shi ranta a 6ace.

Girgiza kai yayi, jikinsa a sanyaye.

   "To Imanin dayan mu baya cika har sai mun so ma 'yan'uwanmu abinda muke so ma kanmu. Hadithi ne ingantacce"

[16/03 8:43 PM] fareedah: *BARA A KUFAI!!*

*14)*

Gyada kai yayi alamar gamsuwa da abinda tace

   "Wannan gaskiya ne, kiyi hakuri Hajiya, barin je in duba motar"

Ya bata hakuri sannan ya gangara gurin motar ya fara duba ta. Shi dai kam har wannan lokacin zuciyarsa bata nutsu da su dauki gawar ba, da yana da iko da ita tabbas baza su dauke shi ba, sai dai su wuce in Allah ya kawo wani mai tsananin tausayin ya dauke shi. Amma ya ya iya da abinda ya gagari wuta? Baida iko da ita kuma motar ba tasa bace.

Daga yanda yake gyaran yana satar kallon gurin da take za'a tabbatar a tsorace yake, kamar ace kyat ya zura da gudu.

Cikin kankanin lokaci ya gyara motar, ashe ma ba wani gyara ne mai yawa ba.

Lokacin da ya sanar da ita ya kammala gyaran rasa yanda zasu yi su dauki gawar zuwa mota sukai, domin duk jikinsa damalmale yake da jini, ita Khadeeja da take a halittar jikinta kamar a hure ta fadi baza ta kama kafarsa shi kuma ya kama hak'ark'arinsa har zuwa mota ba.

Shiru yayi yana tunani, ganin idan ya sa6e shi a kafad'a zuwa motar tabbas jikinsa zai 6aci da jini, kuma cikin gari suka nufa, zai zama abin tuhuma idan aka ga jikinsa duk jini.

Rigarsa da singileti ya cire ya kinkimi gawar ya saka a kujerun bayan motar, boot din ta bude ta dauko mishi jarkar ruwa ya shiga can cikin daji domin ya wanke jikinshi.

Kallon fuskarsa tayi zuciyarta cunkushe da tausayi, fuskar gaba daya ta zama abar tsoro, kusan ko ina a tsage take.

   "Ya Allah kaga zuciyata, kasan dalilin da yasa zan tafi da gawar wannan bawa naka, duk wani sharri da yake tare da shi ya Allah ka tsare ni, alkhairin da yake tare dashi Allah ka datar dani"

A zuciyarta tayi wannan addu'ar tare da yunk'urin koron duk wani tsoro da ya rage a tare da ita.

A daidai wannan lokacin ya dawo gurin motar ya wanke jikinsa tsaf ya mayar da rigarsa.

Bude motar yayi ya shiga mazaunin direba ita kuma ta dauki jakar da yake jikin gawan ta jefa a boot, sannan ta zauna gefen mai zaman banza ya figi motar da gudu suka nufi asibiti mafi kusa da ke cikin garin zariya.

Suna hanya ta kira mahaifiyarta tana mata bayanin duk abinda ya faru, ita ta umarce ta da lallai su wuto da gawar zuwa Kaduna hankalinta a tashe.

Da yake mahaifiyarta babbar likita ce, tana da asibiti nata na kanta.

Nan take kuwa Mal Isa bakanike ya sake bud'e wuta ya take motar suka nufi cikin garin Kaduna, a zuciyarsa yake jinjina kokari da tausayi irin na Khadeeja da Mahaifiyarta.

Suna isa Kaduna asibinsu ta wuce dashi kai tsaye, bayan Bakaniken ya sauka a hanya, naira dubu biyar ta bashi saboda jin dadin k'ok'arin da yayi mata.

Godiya yayi mata sosai sannan yai mata fatan alkhairi ya k'arasa gurin gyaran motarsa.

Tana isa asibitin  aka wuce dashi d'akin taimakon gaggawa, abinka da mai uwa a gindin murhu, nan take likitoci suka rufu a kanshi don ceto rayuwarsa, bayan sun lura da wata jijiya a babbar yatsar k'afarsa da take motsawa, wannan shi ya tabbatar musu da yana da rai, idan aka yi sa'a za'a iya ceton rayuwarsa.

Injin da zai taimaka masa gurin janyo numfashi (Oxygen) suka mak'ala masa, sannan suka sa auduga suka goge jinin ciwukan da suke jikinshi, zuwa na fuskarshi. aka gyara duk ciwukan da suke jikinshi gaba d'aya, yanda fuskarshi ta lalace gaba d'aya ne yasa duk likitocin suka kara shiga matsanancin tausayinshi. 

'Dakin hoto aka tura shi don ayi hoton kanshi, domin yanda suka ga k'eyarshi a fashe, da alamun wani abu ya bugi kanshi, suna tsoron ko wani abu ya ta6a kwakwalwarshi.

Cikin awa biyu da rabi suka gama bashi duk taimakon da ya dace, amma baisan inda kanshi yake ba, yana cikin doguwar suma (Comma)

Sai a wannan lokacin hankalin Dr. Abida mahaifiyar Khadeeja ya d'an kwanta, ta nufi gida, bayan sunyi sallama da sauran likitocin tayi musu godiya.

   "Mummy ya jikin nashi?"

Khadeeja ta tambaye ta cikin kulawa bayan tayi mata barka da zuwa.

   "Jikinshi da sauki Baby, amma yana cikin Comma. Sannan fuskarshi ta riga tayi dameji gaba daya, dole in tuntu6i Dr. Taheer"

Shiru tayi kamar bata fahimci me take nufi ba, can kuma tace

   "Amma Mummy kina ga zai tashi? Ni fa wallahi na gama sakankancewa gawa na dauko, na dauko shi ne dan ayi masa sutura a sallace shi a kaishi makwanci"

   "Eh to rayuwa da mutuwa ai duk a hannun Allah take Iman, idan Allah yasa yana da sauran shan ruwa a gaba sai kiga ya warke kamar ba shi ba"

Dr. Abida ta fadi haka cike da kwarin gwiwa.

   "Ayya.. Allah ya bashi lafiya"

   "Ameen Baby.

Dazu munyi waya da Amatullahi fa, tace gobe zasu shigo ita da mijinta"

Dariya tayi cike da jin dad'in labarin tace

   "Oh Aunty Ama aure dad'i sai yanzu za'a kawo mana ziyara bayan kwana arba'in da amarcewa"

    "Wannan kuma ke da ita idan sunzo kya yi musu maganar"

Ta fad'i haka a daidai lokacin da take k'ok'arin shiga dakinta. 

Dariya tayi tabi bayan mahaifiyarta da kallo, daga bisani kuma ta mike ta nufi kicin dan had'o mata abinci kafin ta fito.

*****

Kwanci tashi babu wuya a gurin Allah indai da rayuwa.

Kwanaki na tafiya kamar wasa saida Kamal ya kwashe tsawon watanni biyu yana cikin halin doguwar suma.

Wani abin ban sha'awa da burgewa shine yanda ko sau d'aya Dr. Abida bata ta6a gajiya da bashi kulawar da ya dace ba.

A kullum tana sawa a goge mishi jiki a gyara shi tsaf, sannan a canza mishi kaya, abinci da magunguna da duk abinda ya kamata ta hanci ake bashi, duk ciwukan jikinshi sun warke, fuskarshi ce dai ta riga ta 6aci, dole sai anyi mishi aiki an gyara ta.

Duk k'asar nan likita d'aya muke dashi wanda yake irin wannan aikin, a yanzu kuma baya k'asar, nemanshi ake yi k'asa -k'asa ido bud'e kamar kud'i.

Dr. Abide ta nemi Dr. Taheer din a waya ta roki al'farmar ya saka lokacin ganin mara lafiyarta, dukda tarin ayyukan da suke gabanshi yayi mata alkawarin su zuba idon ganin shi a cikin wannan watan tsakiya ko k'arshe in Allah ya yarda.

Kamal yayi shar dashi saboda kulawar da yake samu, ga hutu da ya ratsa jikinshi, domin a d'aki na musamman aka kwantar dashi, kuma shi kad'ai ne a dakin.

Kasancewar Kadeejatul Iman A. Sa'eed cikakkiyar 'yar jarida yasa tayi niyyar yad'a bayaninshi a media, da cikin jaridu, amma mahaifiyarta ta dakatar da ita, ko da ta nemi sanin dalilin 6oyewar ce mata tayi

   "Bamu san musabbin abinda yasa aka yi mishi haka ba, ko wasu ne suke da nufin kashe shi amma Allah yasa yana da sauran shan ruwa a gaba, dan haka yad'a bayanan yana raye, tamkar mun sanar da masu son kashe shi bai mutu bane, zamu sake jefa rayuwarsa a had'ari, sannan mu ma zamu sake jefa tamu rayuwar a cikin had'ari.

Labarin kin tsince shi ma sam bana so ya fita, mu barshi a iya mu da muka sani. Ina fatan kin fahimce ni Baby?"

   "Na fahimce ki kwarai kuwa Mummy, Allah ya bashi lafiya muji daga inda ya fito"

Ta fad'i haka cike da tausayinsa.

   "Ameen"

Ta amsa da kwarin gwiwa, a zuciyarta take tunanin yanayin lafiyarsa. Da kuma yanayin da zai iya farfad'owa a ciki.

Wata ranar talata ta dawo daga gurin aikinta da yamma, ta yanke shawarar wucewa asibitin dan sake duba yanayin jikinshi.

A zuciyarta take addu'ar Allah ya kawo lokacin farkawarsa. Domin ta kosa kwarai taji labarinsa daga bakinshi. 

Saida ta biya Ofis din mahaifiyarta sannan ta nufi dakin da yake, tana shiga ta ganshi yana ta motsa yatsun hannunshi na dama, Idanunwanshi a rufe.

Can kuma ya fara k'ok'arin bude idanunsa kad'an kad'an, daga karshe ma sai ya fara yunkuri kamar zai tashi daga kwanciyar da yake, yana kokarin tuge abin da ya rufe mishi hanci da baki.

Ganin haka yasa da gudu ta koma kiran mahaifiyarta.

A lokacin da suka shigo har ya tashi zaune, ya cire duk wasu igiyoyi da suke jikinshi, yana rarraba idanu lungu da sako na cikin d'akin.

Da matsananciyar fara'a Dr. Abida ta k'arasa gareshi tana fad'in

   "Alhamdulillahi. MashaAllah"

[17/03 9:09 PM] fareedah: *BARA A KUFAI!!*

*15)*

Kallonta yayi da alamun rashin sani a fuskarsa, dakin ya fara bi da kallo lungu da sako, sai kuma ya maida kallonshi kan khadeeja da ta kafe shi da idanunta dara-dara itama tana godiya ga Allah, ga wani kyakkyawan murmushi da yake fita a kyakkyawan fuskarta.

Ya kalli wannan ya kalli wancan, kamar wanda ya warke makanta. Ita dai Dr. Bakinta yaki rufuwa tsabar murna da farin ciki, a kullum addu'arta Allah yasa ya farfado kafin Dr. Taheer ya shigo Nigeria, sai Allah ya karbi addu'arta.

Kusa dashi suka kara matsawa suna sakar mishi matsanancin fara'a.

   "Sannu! Ya jikin naka? Yanzu tsawon wata biyu kenan kana cikin doguwar suma.

Ni ce na tsince ka a daji na d'auko ka dan ayi maka jana'iza, a lokacin na zaci ka rasu. Sai Mummy na tace in kawo ka asibiti su fara duba ka, a lokacin sai suka fahimci kana da sauran rayuwa.

Munyi matukar farin ciki da muka fahimci kana raye, dan haka muka ci gaba da kulawa da kai, muna jiran ranar da Allah zai sa ka farfado.."

   "Haba Baby.. Wad'annan maganganun ai sunyi yawa.

Baki ga yanzu ya farfad'o ba? Yana buk'atar ya k'ara hutawa, kwakwalwarsa ta dawo daidai ya fahimci a inda yake"

Mummy ta fadi haka tana k'ara nazarinshi, tana karantar yanda yake kallonsu wani galalau.. Kamar ma bai fahimci mai suke magana akai ba.

Khadeeja kuwa kwa6e fuskarta tayi alamun shagwa6a kamar zata yi kuka, ita dai kam ba haka taso ba, so tayi da zafi-zafi taji tarihin rayuwarsa, da wad'anda suka aikata mishi wannan rashin imani da rashin tausayin.

   "To amma ko sunanshi ai ya fad'a mana koh Mummy?"

Ta fad'a tana kallonshi, fuskarta cike da shagwa6a.

   "Kai dai Bawan Allah sai kayi hakuri, yau ka gamu da tambayar k'wak'waf, irinna 'yar jarida.

Daure ka fad'a mana ya sunanka?"

Mummy ta fad'a a tausashe, bayan ta k'ara matsawa kusa dashi, tana sake karantar yanayinsa.

Nan ma dai bin ta da kallo yayi, kamar wani sauna, shi sam bai fahimci me suke magana akai ba.

   "Ya suna na?"

Ya tambaye su, bayan ya 6ata lokaci mai tsawo yana kallonsu. Muryarsa a sanyaye ya fadi hakan.

Baki bude Khadeeja ta bishi da kallo, tana mamakin wannan tambayar tasa, mai kama da ta rainin hankali, kauda fuskarta tayi daga kanshi, domin bata cika son kallon mummunar fuskar tashi ba, wacce dukda ciwukan da aka ji mishi sun warke, amma fuskar ta zama abar tsoro, bata da kyan gani ko kadan.

Zuwa wannan lokacin Mummy ta tabbatar akwai matsala, matsalar da daman sunyi hasashen zai iya faruwa, dan haka taja hannun Khadeeja da sauri suka fice daga d'akin, suna hanyar zuwa Ofis dinta ta daga wayarta ta kira Dr. Mansur, ta sanar dashi daddad'an labari da mummunar labarin duk a lokaci guda.

   "Mara lafiyar da muke ta jiran ya farfad'o to ya farfad'o, amma kuma akwai matsala a kwakwalwarshi kamar yanda muka yi hasashen zai iya faruwa"

Nan take yace mata ga shinan zuwa. 

Suna gama waya da ita ya kira Dr. Faisal, kwararren likitan kwakwalwa, ya sanar dashi su had'u a asibitin Dr. Abida.

Har akayi sallar Isha'i suna asibitin, zuwa wannan lokacin sun gama tabbatar da abinda yake damunsa, yayi loosing memory, ma'ana ya manta da duk wani rayuwa da ya taba yi a baya. 

Zai fara sabuwar rayuwa ne da sabbin mutanen da Allah ya had'a shi dasu.

Kafin ya warke zai iya daukar kwana daya har illa mashaAllahu. Lokacin da Ubangiji yayi nufin zai warke ya dawo cikin hayyacinsa.

Haka suka isa gida, duk zuciyoyinsu babu dad'i, wannan shine ga k'oshi, ga kwanan yunwa. 

Sun d'an zauna jigum-jigum a falo, ko abincin da mai aiki ta dafa tsakura kawai suka yi, suna ci suna k'ara jajanta al'amarin, sannan suka nufi d'akunansu don yin wanka da shirin kwanciya, bayan sunyi wa juna saida safe.

Har ta kwanta ta tuna da jakar da ta tsinta a jikin mara lafiyar, jefa jakar tayi acan cikin tarkace tana jiran duk ranar da ya farfad'o ta bashi abarsa, sai kuma ga da yanda farkowar tasa ta kasance.

A wancan lokacin bata ta6a tunanin ta binciki me ke a cikin jakar ba, yau kam dole ta bincika, ko Allah zaisa su tsinci abinda zai ganar dasu daga inda ya fito.

Dakin Mummyn ta nufa a hanzarce, a tsakar d'akin Mummyn suka zazzage duk kayayyakin cikin jakar, kayan sakawa ne kala uku na maza, sai kuma wani littafin rubutu 40 leavs da biro a tsakiyarshi, da wata karamar wuka, sai karamar wayar Nokia.

Wuk'ar ta fara d'auka tana jujjuyawa, suka had'a ido da Mummyn, a zukatansu suke addu'ar Allah yasa ba d'an ta'adda suka taimaka ba.

Rubuce a cikin littafin nan tarihinsa ne gaba d'aya, tun daga gwagwarmayar karatunsa, har zuwa sace Fatima, fyad'en da akai mata, rasuwarta da rasuwar mahaifiyarsa, irin fansar da ya dauka, sannan ya rufe tarihin da cewa

   "Nishad'i ya sanya na rubuta labari na, domin ina cikin farin ciki, farin cikin d'aukar fansar mutuwar k'anwata fatima.

Mutane har suna wani cewa inyi hakuri.. To taya ma zanyi hak'uri? Bayan nasan mutuwarta ba ta Allah da Annabi bane, in bar Ado d'an gidan Ciyaman yaci bulus kenan?

 Ina... Ni kam bazan iya ba. Na d'auki mataki a kanshi yanda bazai k'ara marmarin yiwa wata yarinya fyade ba"

Dago kanta tayi daga karatun littafin domin Iyakar abinda ya rubuta kenan, Idanunta jagab da hawaye take kallon Mummy, itama kukan take yi, saida suka natsa sannan suka fara tattauna al'amarin, zukatansu cike da tausayin labarin Kamal.

[18/03 6:14 PM] fareedah: *BARA A KUFAI!!*

*16)*

'Dago kanta tayi daga karatun littafin, domin iyakar abinda ya rubuta kenan, Idanunta jagab da hawaye take kallon Mummynta. 

Ita ma kukan take yi, saida suka natsa sannan suka fara tattauna al'amarin, zukatansu cike da matsanancin tausayin labarin Kamal.

    "Gaskiya na jinjinawa Kamal, dukda ya sa6a dokar k'asa ta hanyar d'aukar hukunci a hannunsa tabbas ya cika namijin duniya!!

Da ace mutane suna d'aukar matakin da ya dace akan masu yiwa yaransu fyad'e tabbas da an samu sauk'in al'amarin.

Tunda ako wane lokaci lamarin fyad'e a k'asarnan k'ara yawaita yake yi.

A matsayina na 'yar jarida muna buga rahotanni akan case din fyad'e da matuk'ar yawa, ako wace rana ta duniya muna samun labarin fyad'en da aka yiwa wata yarinyar a gurare daban-daban.

Farkon Shekarar nan zuwa yanzu da muke watan goma sha d'aya, bisa bincike da k'ididdigan da akayi a jihar nan kad'ai, k'ara akan fyad'e dubu hud'u da d'ari biyu aka shigar a mabanbantan gurare, kama daga kan fadar mai Unguwa, fadar Dagaci, fadar Hakimai, zuwa fadar Sarakuna, masu d'an wayewa ne suke mik'a case din a hannun 'Yan sanda daga bisani a tura su zuwa kotu.

A ko wace rana ta duniya ana samun k'ara akan fyad'e ak'alla guda ashirin, ako wani awa guda ana yiwa 'yan mata biyu fyad'e.

Tunanin hakan wallahi ba k'aramin k'unar zuciya yake sakani ba.

Kuma dukda hakan ma fa ba duka bane ake sani, akwai da yawa wad'anda suke 6oyewa saboda suna jin kunyar ace anyi wa 'yaransu mata fyad'e, sunfi san su rufawa kansu asiri.

Banda wad'anda ake musu barazanar kar su fad'a, idan suka fad'a za'a dauki mummunan mataki a kansu.

Babban abin bak'in cikin ma shine, a cikin masu aikata laifin kashi uku kashi d'aya kawai hukuma take iya hukuntawa, sauran kashi biyu ko an shigar da k'ara a kansu aikin banza ne, da tafiyar k'asaita suke barin kotu.

Matukar mai laifin d'an babban gida ne, sai kaga an d'auki babban lauya wanda zai kare shi, a gama buga shari'ar a k'arshe ya fito yana k'yalk'yala dariya, yaci nasara! an sake shi ba tare da an hukunta shi ba!! kuma wannan ba shi zaisa ya bar aikata mummunar d'abi'ar shi ta fyade wa 'yan mata ba, musamman 'ya'yan talakawa, da k'ananun yara wad'anda basu ma san me duniyar take ciki ba"

Khadeeja ce take fad'in haka ranta a 6ace, zuciyarta na k'una, na yanda kullum al'amarin k'asarmu ke k'ara ta6ar6arewa. Wasu zafafan hawaye  suna ci gaba da tsiyaya a idanunta.

Ita kuwa Mummy tsai tayi da ranta tana tunani tana kokawa al'amarin, wasu sabbin hawayen suna sake zubowa daga idanunta.

Ko su a asibiti suna yawan samun kesa-kesai akan fyad'e masu matuk'ar yawa, kama daga kan k'ananan yara, zuwa manyan 'yan mata, a watan da ya wuce ma an kawo wata yarinya 'yar shekara biyu da wani babban mutum makwafcinsu ya lalata ta, yayi mata kaca-kaca, a matsayinta na likita tana aiki wa yarinyar tana zubar da hawaye, saboda tsabar tausayi.

Kuma ko da ta nemi iyayen yarinyar su shigar da dattijon banzan k'ara k'i sukai, musamman mahaifin yarinyar da yake ta goggocewa maganarta yana nunar mata wai akwai zumunci mai karfi tsakaninsu da wanda ya aikata laifin.

Uwar yarinyar kuwa tana kuka take fad'in ta barshi da Allah, Amma ita ma bata goyi bayan zuwa kotun ba, hujjar da ta bada shine wai za'a 6ata future na yarinyar, daga nan zuwa shekara dari za'ai ta nuna ta ana kwatance da bada labarin an ta6a yi mata fyad'e tun tana 'Yar karamar yarinya. Kila ma ta rasa mijin aure a dalilin haka.

Shiyasa suka sakaye zancen a tsakaninsu.

Addu'a Mummy ta shiga yi a fili, tana rok'on Allah ya tsare zuri'a, ya tsare duk wata 'ya mace musulma daga afkawa sharrin fyad'e.

********

A washe garin ranar da daddare, Dr. Taheer ya sauka a kasar Nigeria, sannan ya kira Dr. Abida ya sanar mata da dawowarshi, ya kuma umarce ta da su kawo mara lafiyar babban asibitin shi da yake birnin tarayya Abuja.

Bata yi k'asa a gwiwa ba ta shirya komai suka bi jirgi zuwa Abuja, ita da Kamal din, wanda ya zama kamar wani sauna, sai abinda aka ce mishi yayi yake aikatawa,  kuma sam magana bata dame shi.

Domin idan za'a yini ba'a ce mishi ba to bazai ce uffan ba.

Dr. Taheer ya duba shi sosai, yaga abinda ya dace yayi mishi, sannan ya buk'aci ta bashi hoton fuskar Kamal d'in kafin ya samu wannan matsalar.

Toh fa!! Nan ake yinta, domin bata da hoton fuskar Kamal kafin ya samu hatsarin nan, kuma ko cikin kayanshi babu.

Wani dan tunani tayi tace mishi tana zuwa, fita waje tayi ta kira yaranta Amatullahi da take aure a Gombe da kuma Khadeeja da take kaduna gurin aikinta.

Abin mamaki duk tunaninsu yazo d'aya da nata, shiru tayi tana nazarin abinda take shirin yi, anya ya kamata tayi haka kuwa?

   "Mummy pls... pls Mummy ki taimaka ayi hakan, babu wata matsala da zata biyo baya in Allah ya yarda"

Amatullahi ce take ta mata magiya tana rokonta kamar zatai kuka.

Ita ma dai Khadeeja rokon da take ta mata kenan har daga bisani ta yadda dole hakan za'ayi tunda babu wata mafita bayan wannan.

Cikin Ofis din likitan ta koma ta bashi hoton da ta ce na Kamal ne. 

Ya gama shirya komai da zaiyi yace in Allah ya yarda  zasu yi mishi aiki washe gari, a taya su addu'a. 

Ya kara da ce mata

   "Ba lallai ne fuskar ta koma kwabo da kwabo kamar yanda take a da ba, amma zamu yi k'ok'arin  gyara ta tayi kyau ta daina ba mutane tsoro"

Farin-ciki ne fal da fuskarta take yi wa likitan godiya kamar ma har yayi aikin ya gama, da zuciya daya taje ta biya mak'udan kud'ad'en da aka nema dukda yayi mata sauk'in kashi talatin bisa d'ari saboda mutuncin da yake tsakaninsu.

Tsawon awa hud'u suna cikin d'akin tiyatar, ita kuwa tana can tana nafilfili tare da rokon Allah yasa ayi aikin a sa'a.

A kan idanunta suka fito daga d'akin tiyatar shi da wasu abokan aikinsa turawa guda biyu.

   "Dr. Anyi aiki cikin nasara, sai fatan jiran ranar da za'a warware dan ganin ko komai ya tafi daidai kamar yanda muke saka rai"

Abinda ya tabbatar mata kenan da murmushi a fuskarsa.

Sati guda yace za'a warware aikin, sai fatan jiran lokacin.

Bayan ta gama settling din komai tayi sallama da likitan cewar sai ana gobe za'a warware fuskar zata dawo, ta koma gurin aikinta. Dan a asibitin ma basa buk'atar mai jinya, had'adden asibiti ne wanda ya tara kayan aikin da ko a turai iyaka kenan.

Saidai akwai masifar tsadar da ba kowa ke iya bin hanyar asibitin ba. Amma fa akwai biyan buk'ata in Allah ya yarda.

Ranar alhamis wanda ya kama gobe juma'a za'a warware fuskar Kamal suka sauka Abuja, ita da Khadeeja da Amatullahi wacce ta sakawa mijinta rigima dole ya barta ta isa Kaduna ranar laraba da yamma lis.

Washe garin juma'ar da misalin karfe bakwai na safe Dr. Taheer yasa almakashi ya fara warware d'aurin da suka yi wa fuskar bayan ya dad'e yana addu'o'i kafin ya fara, yana yi yana yanke bandejin, yana zubawa a cikin wani kasko da wata ma'aikaciyar jinya take rik'e dashi, har aka warware bandejin gaba-daya.

Wata kyakkyawar fuska ce ta bayyana idanunsa a rufe, tsawon mintuna biyu idanun suna rufe, saida likitan ya umarceshi da ya bud'e.

A hankali ya fara bud'e kyawawan idanun farare tas har daga karshe ya bude su gaba d'aya ya zube su akan Dr. Taheer.

Daga nan kuma ya ringa rarraba idanu a tsakanin mutanen d'akin, yana binsu da kallon rashin sani.

[18/03 11:54 PM] fareedah: *BARA A KUFAI!!*

*17)*

Tafi sauran turawan likitocin suka fara yiwa Dr. Taheer, domin kashi saba'in cikin d'ari na aikin shi yayi, su taimaka mishi kawai suka yi. 

Fatan alkhairi suka fara mishi da harshen nasara fuskokinsu na fidda fara'a, domin aikin yayi kyau kwarai fiye da yanda suke tsammani.

Shima likitan sai murmushi yake yi, yana ce musu

   "Ya gode. Nasarar aikin tasu ce gaba daya" 

A zuciyarsa kuwa yana ta godiya ga Allah da tasbihi a gare shi, domin yasan ba wayau ko dabararsa tasa Allah ya bashi sa'a da fikrar aikin ba, taimako ne kawai da baiwa irin ta Ubangiji, yakan bada ga wanda yake so ya kuma hana wanda yake so. 

Dan haka Alhamdulillahi bata yanke wa kusan ko wane lokaci a bakinsa.

Da kanshi ya d'auko wani faskeken madubi ya haskawa Kamal yaga sabuwar fuskarsa, farin ciki ne ya lullu6eshi da yagan shi a madubi, ba wai dan ya fahimci me aka yi mishi ba. 

Sai murmushi yake fitarwa yana shafa fuskar da tafin hannunsa na dama.

Dr. Abida, Khadeeja da Amatullahi kuwa kamar sunfi kowa murnar wannan nasarar da aka samu, Kamal din ya fito a wani kyakkyawan gaye mai cike da kwarjini da ban sha'awa, kamar yanzu aka 6areshi a laida, ya zama sabon mutum gaba d'aya, kamar yanda kwakwalwarshi take sabuwa dal.

Khadeeja kallonshi take yi da dara-daran idanunta, yayi mata kyau kwarai da gaske, bata san lokacin da wasu siraran hawaye suka fara biyo wa kumatunta ba, kallonsa take yana tuna mata wani tsohon al'amari da ya ta6a shud'ewa acan baya cikin wani babi na rayuwarta. 

Da ta kalli mahaifiyarta da Amatullahi suma duk hawayen suke yi, bata rarrashe su ba domin duk ya kamata su koka.

Kusa dashi ta matsa, ta fiddo wayarta ta dauke su hotuna har kala har kala biyar, sannan tayi mishi wasu guda hudu shi kadai.

   "Put a smile mana ka wani d'aure fuska kamar ba Yayanmu mai fara'ar nan ba"

Ta fadi hakan cikin shagwa6a tana kallonshi, take kuwa ya washe baki yana dariya ta dauke shi wasu hotunan kala uku.

Shi kuwa yanda tayi da fuska ne kamar wata baby ya saka shi dariya.

  "Oyoyo Yayanmu. Barka da dawowa cikin rayuwarmu ayau"

Amatullahi ta fadi hakan da murmushi a fuskarta bayan ta rarrashi zuciyarta. 

Matsawa tayi suka ci gaba da daukar hotuna sun saka shi a tsakiyarsu suna dariya.

Mummy ma ba'ayi babu ita ba sun dauka da ita gaba dayansu, kuma sun dauke su su biyu kala daban daban ita da Kamal din.

Sun kara kwanaki biyu a Abuja da yake ya kama week end ne, ranar litini da safe suka bi jirgi gaba d'ayansu zuwa Kaduna, har da Kamal, domin likitan ya sallame shi, bayan ya bashi wasu magunguna na aha da shafawa a fuskar.

Biye yake biye dasu kamar rakumi da akala.

A gida suka sauka, babu 6ata lokaci suka fice zuwa wurin aikinsu tunda ranar ta kama monday tushen  aiki.

Amatullahi ce kawai a gidan, shi kuma Kamal aka bude mishi dakin baki. 

Amatullahi da Khadeeja ne suka zage suka gyara dakin tas! , sai kamshi yake tashi.

Karfe biyu Khadeeja ta dawo gida, saboda sanin sun bar mara lafiya a gidan, Aunty Ama kuma sarkin barci ce watakila tana can tana barci yunwa ta ishe shi.

Tana mota take wannan tunanin dan haka ta kara take mota tana fatan isa gida lafiya.

Dakin da yake ta fara dubawa bayan tayi sallama ta kwarkwasa kofar shiru, dan haka ta murda hannun kofar ta shiga.

Wayam babu Kamal ba alamarshi, hankalinta ne ya fara tashi ta shiga cikin gidan tana nemanshi.

Cikin kankanin lokaci sun neme shi sama ko kasa an rasa, ko da suka  tambayi mai gadi ko yaga fitarshi yace gaskiya bai gani ba, saidai in bayan tafiyarsa masallaci ne ya fita.

Hankalinsu a tashe suka kira Mummy, cikin kuka ta sanar da ita abinda yake faruwa.

Nan take Mummy ta nufo gidan, amma dukda haka basu ganshi ba, maigadi ya ringa safa da marwa yana nemanshi a Unguwar, amma ba'a ganshi ba, dole suka hakura ba dan sun so ba.

Amma sunji takaicin tafiyarsa kwarai, sunsha kuka kamar an sanar dasu mutuwarsa.

Dr. Abida wacce ta d'auke shi tamkar dan cikinta tun da taji labarin rayuwarsa ta baya, tasha alwashin dukda ya manta kowa da komai zata rike shi a matsayin d'anta, amma sai gashi ya tafi, sun neme shi sun rasa, abinda bata ta6a tsammanin zai faru ba

Al'amarin Kamal kuwa gararanba kawai yake tayi daga wannan titin zuwa wancan titin, kamar mahaukaci sabon shiga, kallo daya za'a mishi a tabbatar ba lafiya yake ba.

Yana cikin tafiya a tsakiyar titi wata mota da ta kwaso a guje ta banke shi, da farko har motar ta wuce, sai kuma ta dawo da baya, wasu matasa su biyu suka fito daga cikin motar suka dauke shi zuwa cikin motar tasu, sannan suka harba kan titin a guje tamkar walkiya, a lokacin yana cikin halin suma, baisan inda kanshi yake ba.

*****

[20/03 10:06 AM] fareedah: *BARA A KUFAI!!*

*18)*

"Ako wane lokaci daga yanzu zai iya farfad'owa, ba wata buguwa ne sosai yayi ba, tsananin tsoro da firgitar da yayi ne yasa ya suma. Sai kuma d'an kukkujewa da yayi"

Dan tsamurmurin likitan ne ya fadi haka yana k'ara daidaita zaman alluran k'arin ruwan da yake mak'ale a hannun Kamal.

   "Ok mun gode sosai likita, idan ma da akwai wata matsalar zamu sake nemanka"

Daya daga cikin matasan ya amsa da haka idanunsa suna zube akan mare lafiyar da yake kwance d'ai-d'ai akan gadon.

   "Ok babu damuwa. Ina sauraren kirar ku. Ko yaushe kofa ta bude take gare ku"

Sallama yayi musu bayan ya gama fadin haka, ya dauki jakar kayan aikinshi ya nufi hanyar fita daga d'akin, d'aya daga cikin matasan ya bishi a baya dan ya maida shi gurin aikinsa kamar yanda suka d'auko shi.

Shi kuma d'ayan ya zauna a gefen gadon d'akin yana shan sigari, lokaci zuwa lokaci yana d'aga idanunsa ya kalli Kamal, sai kuma ya maida hankali kan hayakin da yake busawa.

K'arfe takwas na dare ne a lokacin, suna zaune dukkansu su biyun a tsakar d'akin, sanye suke da kananun kaya na shan iska.

Caca suke yi,  ga karar sigari a hannun kowa daga cikinsu, suna buga karta suna busa hayaki, hankalinsu sam bashi akan Kamal. 

Tarin da suka ji yayi yasa hankalinsu ya koma kanshi, yunkurin tashi da yake yi yasa nufi gadon dukansu, lokaci guda ya bude Idanunshi ya sauke su a kansu.

Tsawon lokaci yana kallonsu, sannan ya bud'e baki dak'yar yace

   "Wai wanene ni?"

A tsorace suka d'aga kai suna kallonshi, wannan wace irin tambaya ce?

Allah yasa dai ba mahaukaci suka d'auko ba, tunanin da suke yi kenan a zukatansu, har ya sake maimaita musu tambayar wanene shi? Sun rasa amsar da ya kamata su bashi, to me zasu ce?

   "Kaine Usher"

'Daya daga cikinsu ya amsa mishi da haka, ba wai dan ya san sunanshi ba kawai dan yaga iya gudun ruwanshi.

   "Ku kuma su waye?"

Ya sake tambayarsu, bayan ya yunkura ya mike zaune daga kwanciyar da yake a kan gadon.

   "Mu abokanka ne, wannan sunanshi Guru, ni kuma sunana Killer"

Wanda ya kira shi da suna Usher ne ya sake fadin haka, shi dai Guru ba baka sai kunne.

   "To ina ne nan?"

Ya sake jefa musu tambayar yana kure su da kallo kamar maison gano gaskiyar zancen su.

   "Nan gidan mu ne ni da Killer.

Kai kuma ina ne gidan ku?"

A wannan karon Guru ne ya tambaye shi.

   "Gidanmu? Nima ban sani ba"

Ya amsa musu kai tsaye, a zuciyarsa yake tunanin to ina ne ma gidansu? Ko dai wannan gidan matar nan mai 'yan mata biyu ne gidansu? Yayi shiru alamar ya fara nisa gurin tunani.

Kallon kallo suka yi a tsakanin su biyun, kowa da irin tunanin da yake a zuciyarsa.

   "Ina ne garinku?"

Suka had'a baki gurin tambayarsa.

   "Garinmu? Nima gaskiya ban sani ba"

Ya basu amsa kai tsaye, ya saukar da idanunsa kan alluran karin ruwan da yake hannunsa.

Kya6e fuska yayi kamar zai saka kuka.

   "Wannan abin ya dame ni, ku cire min"

   "Zamu cire maka amma ka fara fad'a mana sunanka"

Guru ya tambaye shi a tausashe.

   "Suna na? Yayanmu. Usher. Duk suna na ne"

Ya amsa kai tsaye da murmushi a fuskarsa, tuna lokacin da Amatullahi ta kira shi da Yayanmu yayi, sai kuma ya had'a da sunan da Killer ya rad'a mishi.

Hannun Guru yaja suka fice daga cikin dakin zuwa falo, ransa a bace ya fara fad'a

   "Ka ga irin abinda nake fad'a maka ko? Shiyasa tun farko banso muka tsaya d'auko shi ba, kai kuma ka dage da cewa mu d'auko shi da ganin suturun jikinsa d'an gidan masu kudi ne, zamu ja kaya kafin mu mik'a shi gare su. Har kana ikirarin mun tsinci dami a kala, to ashe ma mahaukaci ne, shi kanshi baisan wanene shi ba balle ya tuna da wani nashi. Dan haka sai kasan nayi dashi"

   "Ka kwantar da hankalin ka mana Killer, haba! Ni banga wani abin tada hankali a nan ba, sai kawai mu fita cikin gari mu yasar dashi. Can wani mai rabon shan wahalar ya kwasa"

 

Da wannan maganar ta Guru suka sami matsaya, amma sun yanke shawarar sai bayan kwana biyu zasu fitar dashi idan ya k'ara warwarewa.

A cikin kwanaki biyun da sukai dashi sun gama hakikance ko shi wanene, ya manta da kowa da komai da ya ta6a sani a baya, kuma sun fahimci mutum ne shi mai matukar sanyin hali da saurin shiga rai.

Duk abinda suka ce mishi yayi shi yake yi, ko abinci sai sun d'auko sun bashi sannan zai kar6a yaci, sam bashi da hayaniya.

Da yake su d'in ibada ba wai ya damesu bane shiyasa basu cika ankarar dashi akan ya tashi yayi sallah akan lokaci ba, har gara ma Guru akan Killer, Guru duk yana sallolinshi biyar a rana, amma a kurarren lokaci, wata rana ma tun asubah zai had'e su gaba daya salloli biyar din yayi.

   "Allah ka haliccemu dan mu bauta maka ne gasu nan nayi su tun da wuri kar a bini bashi"

Addu'arsa kenan idan ya had'e su tun asubah.

Wata rana kuma sai isha'i zai hade gaba daya yayi, a fad'arshi jinkirtawar ba yawa bace tunda dai ya sauke su duka.

Kuma a duk lokacin da zaiyi sallah zai umarci Usher ya tashi suyi sallah, a hakan nan har shine liman da yake jan Usher sallar.

Shi kuwa Killer idan yayi sallar asubah to sai kuma magrib da isha'i ya hade yayi su da karfe goma na dare.

Guru shi ya koyawa Kamal alwala, da yanda zayyi sallah, sannan ya koya mishi fatiha, kul'azu bi rabbil falaq, da kul'azu bi rabbin nass.

Shi kam Guru tsananin tausayin Kamal yake ji, tunaninshi idan suka rik'e shi zai zame musu nauyi ne duba da irin sana'o'in da suke yi.

Kwananshi hud'u tare dasu sannan suka d'auke shi a motarsu suka fita dashi, bayan sun ce mishi zasu je unguwa.

Saida sukayi tafiya mai nisa, sukaita sha tale-tale a garin Zariya sannan suka sami wani guri suka ajiye shi, da cewar ya zauna a gurin ya jira su, zasu je su dawo su dauke shi, sukai tafiyarsu.

Tsawon awa biyu, uku hudu, tunanin Usher ya tsayawa Guru a zuciya, haka kawai yake jin kaunar gayen a ranshi.

Killer yana barci ya dauki mota yaje gurin da suka ajiye shi, dukda a ranshi yana tunanin sam bazai same shi ba.

Abin mamaki yana zaune a gurin, ga zafin rana da take ta gasa shi, amma sam bai tashi ba.

Da matuk'ar tausayi yaje ya rungume shi, sannan yaja hannunsa zuwa mota, suka nufi gida.

Sai farkawa kawai Killer yayi yaga Kamal a gidan.

Sunso kai ruwa rana a tsakaninsu, cacan baki suke yi suna zagin junansu da gore-gore. Kamar zasu ba hammata iska sai suka share, ko damben sukai dukkansu ne suke jin jiki, gida kuma hada kudi sukai gurin biyan haya, babu wanda ya isa ya kori wani a tsakaninsu. 

Daga karshe dai dole suka sasanta, suka ci gaba da zama dashi a gidan ba da san ran Killer ba.

Asalin Killer haifaffen jihar katsina ne a wani k'aramin kauye mai suna tashan fulani. Almajiranci aka turo shi jihar kano daga gardi sai yayi gardama, ya zama d'an jagaliya da yake bin 'yan siyasa, daga wannan gari zuwa wancan gari, idan ta kama a kashe ya kashe, idan na karyawa ne ya karya a biyashi, kuma tantirin d'an shaye-shaye ne na bugawa a jarida.

Babban Ubangidanshi a siyasa shine Honorable Sumaila, dan majalisar jiha, tun Honorable yana a matsayin kansila yake hidimta mishi, har yakai matsayin Chairman zuwa dan majalisar jaha, wani abin ban takaicin shine abin naira dubu ashirin a dunk'ule Honorable bai taba tsinana mishi ba, har yakai matsayin d'an majalisar Jiha, amma dukda hakan yana nan nanik'e dashi. 

Sam baya ma nemanshi idan ba so yake a gyarawa wani zama ba, ko kuma idan lokacin za6e ya matso, to a lokacin ne fa duk fita idan Honorable zaiyi dole yana biye dashi a motar baya, idan an dawo kuma baifi ya sallameshi da dubu biyar zuwa goma ba.

Shi kuwa Guru haifaffen garin kano ne, tun a gaban iyayenshi ya fara 'kananun sace-sace da shaye-shaye har ya fara bunk'asa zuwa manyan sace-sace, a wannan lokacin ne kuma yabar gida.

A yawonshi ne Allah ya had'a shi da Killer suka zama abokai na kusa.

Akwai kungiyar 'yan daba da Guru yake bi, da suka kara bunkasa ne suke d'an ta6a garkuwa da mutane a basu makud'an kudade. 

Dukda dai wannan harkar ta garkuwa da mutane suna yi ne k'ark'ashin wani babban attajiri, shi yake fad'in wanda yake so su sato, kuma shi yake basu manyan makamai, idan aka biya kudin ya sallame su.

To ga dai Kamal ya fad'o tsakiyar rayuwar wad'annan tantirai guda biyu, a lokacin da ya manta kowa da komai, baisan kowa ba a sabuwar duniyarsa ta yanzu sai Killer, da Guru. 

Sai kuma Dr. Da 'yanmatanta guda biyu wadanda har ya fara mantawa dasu a sabon babin rayuwarsa.

Kwanci tashi ba wuya sai ga Kamal ya zama d'an gari a harkar komai da suka k'ware, kama daga sace-sace zuwa shaye-shaye, har yana neman ma ya zarce su a komai, duk inda zasu je suna tafiya ne tare da dashi.

Yana ganin komai kuma yana gane yanda suke gudanarwa, idan baku manta ba daman Kamal din ba baya bane gurin kwanya, duk wani abu idan suka nuna mishi sau daya ya shiga kwakwalwarshi kenan.

Saidai ra'ayin shi yafi karkata akan harkokin Guru, jagaliyancin siyasa sam bai cika burge shi ba.

Wata rana sun sace diyar wani attajiri a kano ya biya su miliyan biyu dakyar, tsohon mai kudi ne wanda aka sanshi a da, shiyasa dakyar ma ya iya biyan miliyan biyun bayan ya saida wasu kadarorinshi.

A wannan lokacin Alhaji Musa Maliya  dakyar ya cire dubu dari uku a ciki ya basu su goma sha biyu, yana ta masifar wai kudin sunyi kad'an, me yasa basu kashe yarinyar ba?

   "To Alhaji ko dai zaka ringa fita harkar nan da kanka ne?"

Usher ya fadi hakan ransa a bace, ya tsani mulkin mallaka.

A zafafe ya d'aga idanunsa yana kallon Usher, tsawon shekaru shida da yake harkannan duk cikin yaransa babu mai masa musu akan abinda yace, sai yau wannan tsageran yaron da bai wuce wata goma tare da shi ba zai nemi mayar masa da magana?

Sauke idanunsa yayi akan Guru da shi ne yakai Usher gurinshi, dakyar ya karbeshi bayan ya mishi kwakkwaran kashaidi da jan  kunne, kuma ya fada masa duk ranar da aka samu tangarda duk su biyun sai ya kashe su.

   "Wannan shi ne gargad'i na karshe da idan ina magana zaka samin wawwaran bakinka? Ina fatan ka ji ni da kyau?"

Gyad'a kanshi yayi ransa a 6ace, a ciccije ya daure ya bashi hakuri ba don kowa ba sai dan Guru, baya so ya janyo mishi matsala tsakaninsa da maigidansa.

Tun daga wannan lokacin yake ta hure ma Guru kunne akan me zai hana ya zama Ubangidan kanshi? 

Tunda dai ya dad'e a cikin harkar yasan duk yanda suke gudanar da komai.

Su biyar suka gwada satar wani Alhaji mai mugun arziki a Abuja. miliyan goma aka basu sannan suka sake shi.

Tun daga wannan lokacin suka zama manyan masu garkuwa da mutane, Guru ya had'a manyan yara a karkashin shi, shima yana cin gashin kanshi.

Alhaji Musa Maliya yayi bak'in cikin wannan tawariyya da sukai mishi, kuma yasha alwashin sai yaga bayan Usher da Guru, yana ta tura mutanenshi a kashe su amma bai samu nasara ba, da yake yawancin yaran akwai aminci tsakaninsu da Guru, ko da baya tare da su kark'ashin Alhaji Maliya yana musu manyan kyautukan da baza su iya kashe shi ba.

Sunan 'Usher' shi yaci gaba da bin Kamal duk inda ya shiga, ga farin jinin mutane da yake dashi kamar yasha Hatimin Annabi Yusuf, duk inda suka shiga shi yake zama tauraro.

Shi Killer da yake yafi jin dad'in harkar jagaliyar siyasa duk da ba dan kudi yake yi ba, sai hankalinshi yafi karkata ga Jagaliyancin Siyasar, balle ma da Honorable Sumaila ya samu nasarar d'arewa kujerar Sanata, ai sai likkafarshi ta ci gaba, suka cilla zuwa birnin tarayya Abuja.

Wani ziyara da Usher ya kaiwa Killer ne ya d'auke shi ya kaishi gurin Honorable, take kuwa Honorable yaji Usher ya kwanta mishi a rai. 

Da kulawa yake kallonshi lokacin da yake shan lemu

   "Usher wani irin  sana'a kake yi ne?"

Murmushi yayi fuskarsa cike da kwarjini, ya kalli Killer da yake zaune akan tattausan kafet din da ya malali tsakiyar falon, kanshi a kasa tsabar biyayya.

Shi kuwa tunda suka shigo ya nemi daya daga cikin kujerun falon ya zauna akai.

   "Buge - buge ne kawai Honourable dan neman na rufin asiri"

Dariya yayi, domin tun kafin zuwansu Killer ya sanar dashi komai a kanshi, shiyasa ma ya amince ganawa dashi.

   "Kaga ko ina da sana'ar da zan baka idan zaka iya"

Da mamaki ya kalli Killer, sannan ya maida kanshi gurin Honourable

   "Wane irin sana'a ne?"

   "Killer d'an bamu guri..."

   "Karka damu Honourable, tare muke da shi, shi ne ma ya kawo ni gurinka, shi dan uwana ne, ko mene ka fada a min a gabansa"

Kallonsa yayi ya kara, kwarin gwiwa da rashin tsoron da ya gani a tattare dashi yasa ya k'ara burge shi.

   "Safarar miyagun kwayoyi ne a manyan jihohin arewacin Nigeria. 

Zaka iya?"

   "Zan iya! Amma nawa ne kaso na a ciki?"

Ya tambaye shi da murmushi a fuskarsa.

   "Kaso goma bisa dari..."

   "Ban amince ba, saidai in zaka bani kashi arba'in"

   "Wannan harkar da kake gani ba tawa bace ni kadai, mu uku ne a ciki. 

Kayi hakuri da kashi goma sha biyar.."

   "Gaskiya yayi min kad'an, hatsarin da yake tattare da harkar zaka duba.

Idan ka amince da kashi ashirin da biyar mu tsaida magana"

Wani dan tunani yayi sai yace ya amince. 

Kamar wasa ya fara harkar, cikin k'ank'anin lokaci kuwa ya zama babban dila na miyagun k'wayoyi, yau bashi a wannan jiha, gobe bashi a wancan jihar.

***

[21/03 6:16 PM] fareedah: *BARA A KUFAI!!*

*19)*

****

Saida ta waiga gefe da gefe ta tabbatar babu mai wucewa a hanyar ta fito daga cikin napep d'in da matsanancin sauri ta afka cikin shagon, daman tun kafin su k'arasa unguwar ta ba mai keken kudinshi.

Ajiyar zuciya ta sauke mai nauyi hannayenta duk biyu dafe da kirjinta, a zuciyarta take  godiya ga Allah da ya kasance unguwar ba mai yawan jama'a bace, shiyasa babu wanda yaga shiganta cikin shagon balle har wani zargi ya d'arsu a zuciyarsu game da ita.

Da kallo mai keken ya bita har zuwa lokacin da ta shige cikin shagon, a ranshi yake aiyana duk yadda akai bata da gaskiya. 

Ta6e baki yayi ya d'age kafad'a alamun ko a jikinsa, yaja napep dinshi yai gaba. 

A zuciyarshi yake ta tunanin ko me ya kawo kyakkyawar yarinya kamar ta irin wannan surkukin lungun cikin wani 6oyayyen shago?

Rashin samun amsar yasa ya watsar da tunanin yana sake d'auko gudan dubun data bashi dan tabbatar da na gaske ne ba jabu ta bashi ba.

Tafiya ce da bata wuce ta dari biyu ba ta bashi naira dubu tace yabar canji, shiyasa yake ta mamaki da wasu- wasi. 

Ganin dubun ta gasken ce bata ganye ba yasa shi sakin murmushi. Lallai yau dole Arma mai shayi yayi mishi had'in kauri ya kwashi lagwada, dan yau kakarshi ta yanke saka.

A tsorace suka d'ago kawunansu dan ganin wanda ya shigo sai sukai kici6is da ita, ajiyar zuciya suka sauke a tare, murmushi suka yi mata suka ci gaba da abinda suke yi. 

Matasa ne su hud'u zaune akan tabarma, a tsakiyarsu tulin garin hodar iblis ce a cikin wani baho dan madaidaici. 

'Daya daga cikin matasan yana ta zuba garin a takarda cikin hanzari yana mik'a ma 'yan uwanshi suna nad'ewa kamar d'aurin maganin basir, cikin sauri suke nad'ewar cike da gwanancewa sai su saka a wata bakar leda da take bud'e a gabansu.

  "Fatima kinso ki makara fa.. da baki zo ba har aka gama nad'ewa tabbas bazan baki ba wannan karon, na lura kamar kin fara gajiya da *abar*, baki san da yawan mutane neman ta suke ido rufe basa samu ba, duk karshen sati masu rokon in kawo musu kaya yawa suke da, amma dukda haka ba kowa ke samu ba, ke kuwa tsabar gata da damuwar da nayi dake tun kafin in gama rarraba kaya nake fad'a miki ta iso, amma ko wane lokaci sai kin nemi ki yank'wana ni..."

   "Haba mana Moses, dad'i na dakai mita kamar cin k'wan makauniya, yanzu dai ba gani na iso ba? 

Kasan yawan 'yan matan da suke jira na in kai musu kayan nan kuwa? Ba wasu wadatattun kudi ne a hannuna lokacin da ka kira ni, kuma ina islamiya a lokacin, dole saida na koma gida a gurguje na yiwa Hajiyata kwalemar d'aki sannan na taho. Dan wannan satin tsoho yayi dungun hannu"

Daga idanunta tayi ta kalli sama da k'asa gefe da gefe na shagon, kya6e baki tayi alamarc k'yama sai kuma tayi dariya.

   "Moses baka da kyau! Shi kuma nan akurkin waye? Kasan dak'yar mai napep ya gane kwatancen da kayi min? Me ya faru da wancan shagon naka?"

   "Ke manta kawai, mutane sun fara samin najiyamu shiyasa na canza shek'a, kar kiyi mamakin nan gaba ki sake ji na a wani ma6oyar.

Yanzu dai kawo kudi ga kaya ki ware"

Ya mik'a mata wani babban kullin bakar leda yana kallonta da jajayen idanunsa.

Jakan da ke rataye a kafad'arta ta janyo, bandir din dari biyu na dubu goma ta ciro ta mika mishi guda biyu, ta d'auko wasu kyawawan  awarwaro na gwal guda biyu ta mik'a mishi

   "A kwalemar da nayi wa Hajiyata na samo wad'annan, a ci gaba da hakuri dani, sati na sama zanyi tanadin isassun kudi kafin kaya su iso"

Murmushi yayi yana kallon awarwarayen yana k'issima kudadensu a ranshi.

    "Karki damu Hajjaju, kinsan sana'ata sassauk'a ce, kudi ko kayan kudi babu wanda bana kar6a. Balle ke ai an riga an zama d'aya. Ko babu kudi zan iya baki kaya"

Ledar ya mik'a mata, ita kuma tasa hannu biyu ta kar6a kamar ta amshi wani abu mai matukar daraja, ta sauke jakar kafad'arta ta saka Ledar a ciki.

   "Gwaska ga wata leda can d'auko mata ta had'a da ita"

Wanda ta kira da Moses ya sake fadin haka.

Gwaska ya kalli inda hannun Moses yake nuni sannan ya mike yana layi wandonsa rabin uwawu a sauke ya d'auko ledar yana tangad'i kamar zai kifa a jikinta ya mika mata.

   "Hajjaju asha lafiya.. indai kika rik'i wadannan kayan da kyau kina sha akan lokaci to tabbas 

*duniya duka lebur zaki ganta*"

Dariya tayi ta kar6i ledar a hannunsa, a cikin jakar ta sake tura ledar. 

Ta rufe zip din jakar ta rataye a kafadarta, gyara zaman gyalen jikinta tayi ya zauna tsaf! godiya mai yawa tayi mai kamar ya bata kayan kyauta sannan tayi musu sallama.

Saida aka lek'a mata dan ganin babu jama'a a wajen sannan ta fice daga shagon da sassarfa, ko waige bata yi har ta samu wani mai napep, yana tsayawa ta fad'a ciki ko ciniki basu yi ba ta umarceshi su tafi da sauri.

   "Hajjaju lafiya kuwa?"

Mai napep din yai azar6a6in tambayarta da murmushi a fuskarsa, yana satar kallonta ta madubi, bayan ya lura da yawan mutsu-mutsun da take yi tana sake dafe jakar hannunta.

Harara ta galla masa cike da tsiwa, ta murguda baki gefe da gefe tace 

   "Lafiyarce ta kawo haka"

Gum yayi da bakinsa ya ci gaba da tukinsa, kamar bazai sake tanka ta ba sai can kuma yace

   "Ina muka nufa?"

   "Sharad'a phase 2"

Ta amsa a yangace sannan ta janyo wayarta a cikin jaka ta fara daddanawa.

Data ta bude ta hau what'sapp, nan take kuwa sakonni suka fara tururuwar shigowa.

Da yawan sakonnin kawayenta ne suke tambayarta ta PC har yanzu ba bayani ne?

Bata tsaya basu amsa ba ta bude group dinsu na 

   *HA'DA'D'DUN MATA* tayi posting

  *Hi ladies, zafafan kaya sun iso fa. Inji alert gobe mu had'e a school ku karbi kaya, masu tsohon bashi su kokarta biya dan wannan karon BS-BS (Ba sani-ba sabo)*

Sakon yana shiga ta kashe datar ta maida wayar cikin jaka ta ci gaba da kallon hanya.

Suna shiga farkon layin ta bude jakarta ta dauko babban hijabi ta sanya ta nade gyalen ta maida cikin jaka. 

Ta sake ciro wani siririn farin gilashi ta kwama a idanunta.

Ta dauko madubi ta duba fuskarta tayi murmushi.

Tsaf ta fito a kyakkyawar yarinya mai cike da nutsuwa, kamar matashiyar d'alibar islamiya. 

Kallo d'aya saurayin da yake neman nutsattsiyar matar aure zai mata ta gama burgeshi da kayatar dashi.

Mai napep al'amarin ya girma tunaninsa, ya ma rasa ta cewa, sai ta'awizi kawai yake a zuciyarsa. Yana neman tsari da hatsabibiyar mace mai fuska biyu.

'Dan nesa da gidansu kad'an ta umarceshi ya tsaya, d'ari uku yace ta bada kudin napep ta mika mishi dari biyar, bata jira canji ko godiyarsa ba tai gaba, tana taku a nutse, tana k'ara rungume jakarta a kafadarta, kanta a kasa har ta k'arasa k'ofar gidan. 

   "Hajiya Fatima barka da dawowa"

Maigadin ya fada da fara'arsa, har yana dan rankwafawa saboda biyayya.

Da murmushi a fuskarta ta kalleshi, ta amsa gaisuwar da yake mata da kulawa.

   "Baba Maigadi Daddy ya shigo ne?"

Ta tambayeshi bayan ta lura da k'atuwar motar mahaifinta da wata bak'uwar mota da suke fake a cikin harabar gidan.

    "Eh ya shigo, kasa da mintina talatin da suka wuce"

Gyada Kai tayi, ta k'ara shiga cikin nutsuwarta ta nufi cikin gidan, sauke kanta k'asa tayi ba inda take kallo sai gabanta.

Sama-sama take juyo muryar mahaifinta daga bangaren falon baki yana ta 6a66aka dariya. 

A hankali ta daga kanta ta saci kallonsa sai ta hangeshi tsaye shi da wani matashi, daga yanayin kananan kayan da suke jikinsa ta gane matashi ne. 

Wurinsu ta nufa kamar wacce wutar lantarki ke ja, haka kawai taji a ranta ya kamata taga ko shi da wa yake dariyar nan, tayi mamakin dawowarsa yau ma dan sam ba ranar dawowarsa bace.

Ta k'ara gyara rikon jakar da yake rataye a kafadarta tayi kasa-kasa da murya bayan ta isa gare su tace

   "Daddy barka da dawowa. Ina yini?"

Ta gaida bak'on da yake tare da shi wanda gaba daya rabin hankalinta ya tafi gare shi.

A sace ta sake kallonshi taji kirjinta ya buga dam! Da sauri ta sadda kanta k'asa kirjinta na ci gaba da bugun tara tara.

Lokacin da taji tattausa kuma daddad'ar muryarsa yana amsa gaisuwarta kuwa ji tayi kamar ta rungumoshi jikinta.

   "Kin yini lafiya?"

Kyakkyawan matashin ya sake tambayarta yana kallonta a kaikaice yana karantarta duk a lokaci guda, murmushi ya sakar mata a lokacin da ya lura d satar kallon da take mishi.

   "Lafiya kalau"

Ta amsa tana yauk'i da faree da idanu, kamar ta manta a gaban mahaifinta take.

Had'e girar sama da k'asa yayi yai murtuk! ya watsa mata muguwar harara idanunshi kamar zasu fad'o k'asa

   "Wuce cikin gida ki bamu wuri idiot"

Ya bada umarnin hakan cikin fada da tsawa. 

Firgigit ta dawo cikin hankalinta ta juya ta nufi cikin gidan da sassarfa, tana daf da shigewa ciki ta waiwayo ta sake kallonshi, a daidai lokacin da shima ita yake kallo, a zuciyarsa yana mamaki.

Ido d'aya ya kashe mata irinna gogaggun 'yan duniya ita kuwa ta jefeshi da wani mayaudarin murmushi tayi wani luuu da idanunta kasa kasa cike da salo, sannan ta bud'e kofar falon ta shige cikin gidan.

Tunda ta shiga ciki fuskarshi ba walwala yake kallonsa, duk abinda suka yiwa juna akan idanunsa ya faru. Ransa ya 6aci kwarai da gaske, Shi kam yak'i jinin irin wannan rainin wayan, In za ayi wasa ayi wasa amma banda tsikarin Uwar miji da ta6arya🤪😂😂,

Iyalinshi ya d'aukesu da k'ololuwar daraja, Kuma yana sonsu yana tsananin kishinsu. Ga wata martaba ta daban da suke dashi a gurinshi.

Shiyasa duk yanda zaiyi ya kare martabarsu da mutuncinsu yana yi, tabbas yasha alwashin cin uban Fateema idan ya shiga cikin gidan, Idan ba iskanci ba me ya kawo ta gurinshi tunda ta ganshi da bako?

 K'ok'arin daidaita 6acin ransa yayi ya dafo kafad'unsa domin d[23/03 2:02 PM] Maman Raudah: *BARA A KUFAI!!*

*20)*

A nutse ya waigo da fuskarsa yana kallonshi, wani abin da ya kara k'onawa Honourable rai shine ganin fuskar Usher dauke da lallausar murmushi, sai shafa sajen gefen fuskarsa yake yi alamun yana cikin yanayin nishidi.

K'ara tamke fuskarsa yayi tamau alamun ba wasa, kuma duk abinda zai fada daga cikin kololuwar zuciyarsa take.

   "Wannan yarinyar da kake gani 'Yata ce! Ina nufin 'Yata wacce aka haifa min ita ta hanyar halak! 

Fatima sunan da na rad'a mata.

A bayan ita na dad'e ban kara samun haihuwa ba sai kwanaki can Allah ya sake ba mahaifiyarta ciki ta haifi yara maza guda biyu.

Na rad'a musu suna Adam da Affan..."

Tunda ya fara zancen yake ta kallonsa da matukar mamaki a fuskarsa, ya gaza hakuri dai har saida ya katse shi

   "Honourable wannan bayanin duk na menene?"

Wani mugun kallo ya watsa masa na *Karka nemi ka raina min wayau*

   "Mun dad'e muna gudanar da hark'alla tare ina ga ya kamata musan tarihin juna.

Dan haka ka ci gaba da saurara ta kawai, wannan tarihin iyalina nake baka"

Ya watsa masa bakar magana mai kama da gatse.

Gyada kai kawai yayi ba dan ya fahimci manufarsa ba, saidan kawai yaji iya gudun ruwansa.

  "Ita wannan yarinyar Fatima da kake gani tana karatu ne a Bayero University Kano, yarinya ce mai matukar kokari da maida hankali akan duk abinda nasa ta fuskanta.

Ako wane lokaci tana fifita za6ina akan nata za6in, shiyasa nake matukar kaunarta.

Nutsuwa da kamun kan da take dashi shi yake k'ara sakani jin alfaharin samun 'ya kamarta.

Tabbas ina alfahari da ita a duk cikin yarana.

A kokarina na kare ta daga sharrin mayaudaran samari da miyagun kawaye na nemi zakwakwuran masu gadinta kuma matasa masu jini a jika suna kewaye da ita ako wane lokaci.

Dan in k'ara tabbatar da ita a nutsuwarta yasa na nema mata islamiya mai matukar kyau da tsada tana karatu a ciki. 

Ko yanzu da ka ganta daga islamiya take!!

Fatima ita ce babbar 'Yata, sai kannanta maza kanana guda biyu kamar yanda na fada maka, shiyasa nake iya kokarina gurin kiyaye tarbiyarta, kuma ina iya kokarina gurin kareta daga sharrin samarin zamanin nan 'yan karya da yaudara.

Idan lokacin da nake bukatar in aurar da ita yayi zan nemi nutsattsen yaro kuma masanin addini in aura masa ita. 

Ina kara jaddada maka wannan maganar ne ba dan komai ba sai dan ka kiyaye!

Zan iya yin komai akan duk wanda ya nemi ya ta6a min mutunci na!!

Iyalina mutunci na ne, duk wanda ya nemi shiga harkarsu ko neman kusanci da mutunci na tabbas zaiga abinda bai ta6a tsammani ba.."

Wata dariya Usher yayi mai kama da na rainin hankali, wannan shine kura da kallabin fatar akuya, mamaki ne fal da zuciyarsa, ya waiwaya ya sake kallon kofar falon da tabi zuwa cikin gidan.

Murmushi yayi sannan ya maida hankalinshi kanshi yace

    "Karka damu Honourable. 

Hakan da kayi yana da kyau, kasan ance kula da kaya yafi bada cigiya. Na taya ka murnan samun 'ya nutsattsiya.

Amma barin sake tunatar da kai wani abu"

Ya matsa daf dashi yanda har numfashinsu ke bugun juna.

   "A shawarce ya kamata ka k'ara tsaurara tsaro a kanta, hakan zai kara taimaka maka matuk'a, saboda....

Ko da yake ba saina bude maka komai a fili ba.

Wannan shawara ce kyauta na baka. Ka dauka in kana so"

Furzar da iska yayi daga bakinshi, ya shafi kwantaccen suman kanshi da yake kwance luf gwanin ban sha'awa. Ya sha gyaran gashi irinna zamani wanda manyan gayu ke yayi, idan ka matsa kusa dashi kamshi kawai yake fitarwa ta ko ina a jikinsa.

   "Ni bari inci hanya, sai ka ji ni zuwa gobe da yamma"

Har ya fara takawa zuwa gurin motarsa dawo da baya, ya kalli Honourable da yake tsaye kikam kamar wanda aka zarewa laka.

   "Daga nan fa mahad'a zan nufa, nasan duk yara suna can suna jira na. 

Shekaran jiya na  rarraba kayan nan nasan zuwa yanzu kayan sun isa duk inda ya dace su isa a sassan kasar nan. Zan had'a kud'ad'en gaba daya in tura maka cikin account d'inka"

Ajiyar zuciya mai nauyi ya sauke, kamar mai ciwon baki ya amsa da kyar

   "Ok hakan yayi, Allah ya tsare. Sai na ji ka"

Ya amsa fuskarsa babu walwala.

Yana isa gurin motarsa ya shiga ya bata wuta, mai gadi yana bud'e get din gidan ya fice a saba'in. 

Honourable yabi bayan motar da kallo zuciyarsa cike da sak'e-sak'e.

Ransa a matukar 6ace yake, ya ma rasa irin tunanin da ya kamata yayi.

Lallai dole ne ma yaci Uban Fatima idan ya shiga ciki, ko wane iskanci ne ma yasa taje gaishe shi bayan ta ganshi da bak'o?

Kai shikam wannan zuwa kano bai yi ta a sa'a ba.

Babban abinda ya kawo shi daga yau daga Abuja wani ganawa ne da zasu yi da mai girma gwamna a daren yau, amma bacin haka yana sati biyu kafin ya shiga kano, kuma bai ta6a ganawa da Usher a gidanshi na kano ba sai dai a Abuja.

Da siririyar sallama a bakinta ta murda hannun kofar falon, bata damu da sai an amsa mata sallamar ba ta kutsa kanta cikin falon tana 'yan wak'e-wak'e.

Haka kawai take jin wani nishadi yana kwaranya a zuciyarta, a dan tunanin da tayi saita danganta hakan da had'uwa da Usher, wanda ya kwanta mata a rai farat daya.

Hijab dinta ta d'age zuwa kafad'arta, sai a lokacin ta lura da tsayuwar matar gidan a jikin d'aya daga cikin windunan falon, ta ba kofar falon baya. hannunta d'aya rike da gefen labulen, da alamun wani abu take kallo a waje, daga ganin yanda hankalinta ya koma ga abinda take kallo ne yasa taji tana sha'awar ganin abin kallon.

Dan haka da  sassarfa ta k'arasa gurin windon ta leka dan ganin me ya d'auke mata hankali har ta gagara amsa sallamarta?

Usher ta hango a daidai lokacin da ya nufi gurin motarsa, yana tafe yana bouncing cike da kwalisa. Kyakkyawan matashi mai matukar kwarjini da cikar zati mai d'aukar hankalin duk wata cikakkiyar mace.

A jiyar zuciya mai nauyi suka sauke a lokaci guda, kallon-kallo suka yi a tsakaninsu, fuskokinsu na bayyana tsananin kiyayyar da suke ma junansu. 

Harara Fatima ta watsa mata, cike da takaici da bakinciki tace

   "Ke dai kam kin shiga uku, Amma wallahi anyi asarar kudin islamiya, mace da auranta bata daina shinshinar mazan waje ba. Wannan masifa da me tayi kama? Ki roki Allah ya shirye ki idan ba haka ba Wallahi wutarki daban ce"

Wani banzan kallo Halima ta watsa mata, sannan taja dogon tsaki kamar bakinta zai fad'o kasa, a zafafe ta fara magana

   "Wallahi karki sake kiyi min rashin kunya. Idan wutar taki ce ba saiki saka ni ba?

Kinsan halina tsaf! Zan iya warware duk wani boyayyen mugun halinki a gaban idanun mahaifinki, Idan yaso yayi miki baki kibi 'ya'yan kaji ki d'ai d'ai ce..."

   "Hehehe! Wallahi har kin bani wata 'Yar budurwar dariya"

Tayi dariya da shewar rainin hankali.

Ta matsa daf da kunnenta ta rage muryarta k'asa-k'asa yanda ko kusa dasu kike in ba kin kasa kunne sosai ba bara kiji mai take cewa ba.

   "Dan Allah ki bada himmar fada masa Aunty Halima, kiyi sauri kar k'uda ya riga dogon bakinki mai shegen gulmar tsiya.

Amma kafin nan ina so ki tuna da naki 6oyayyen sirrin da yake a tafin hannuna..."

Tayi wata dariya mai kama da ta rainin hankali, ta cije gefen bakinta alamun mugunta ta ci gaba da cewa

   "Ba gara ma ni ba ko an tsine min zan ci gaba da zama a cikin daular gidan mahaifina ba? Wata kuwa idan aka dankara mata jar Kati saidai ta tattara kayanta ta koma gidan Malam Shehu wanda bai aje ba bai ba wani ajiya ba, a ci gaba da shar6ar arniya mai shocking  (miyar kuka)"

Dariya ta kyalkyale dashi bata saurari amsar da zata bata ba ta nufi hanyar da zai sada ta da bangaren da dakinta yake.

   

   "Ke Fatima! keh Fatima..."

Mahaifinta ya shigo cikin falon yana kwala mata kira cikin fushi da hargagi.

[24/03 6:51 PM] Maman Raudah: *BARA A KUFAI!!*

*21)*

Zaro idanu tayi ta dafe kirjinta da hannu bibiyu, da sauri ta waiwayo tana kallonsa, ganin fuskarsa babu annuri da tausayi ko kadan yasa a tsorace ta k'arasa gabansa ta zube a kasa kamar mai rokon gafara, kirjinta sai bugawa yake fafafat! A wannan lokacin da za'a auna jininta tabbas yayi mugun hawa.

A zuciyarta addu'a take ta zabgawa Allah yasa ba maganganun da suka yi da Aunty Haleema yaji ba, da ta gama kad'ewa har ganyenta. 

Ta kamo wannan addu'ar ta saki wancan sai kikkifta idanu take yi alamun rashin gaskiya a fili.

Tsawon dakiku sittin yana kallonta da nazartar yanayinta, duk yanda yake tsananin kaunarta sam baya mata da sauk'i idan ta kuskure a gabanshi, zagewa yake yayi mata kaca-kaca kamar baisan daga inda ta fito ba.

Ansha shi ya warke, kuma anyi mishi na daya sam ko da a mugun mafarki baya fatan ai na biyu...

   "Ga.. gah... gani Daddy.."

Ta fad'a da rawar murya cike da fargaba idanunta a k'asa tana k'ara mak'ale Jakarta a hammata.

Zazzare mata idanu yayi kamar zaici babu, da zafin rai  muryarsa a kausashe yace

   "Uban me kika je yi a gurina bayan kin ganni tsaye da bak'o?"

Cikin tsawa yayi mata tambayar kamar zai rufe ta duka.

6oyayyen ajiyar zuciya ta sauke a zuciyarta take hamdala ga Allah da yasa ba abinda take tunani bane, ta sanyaya muryarta kwarai kamar zata fashe da kuka. 

   "Ba komai wallahi, kayi hakuri, bazan sake ba in Allah ya yarda Daddy"

   "Wannan shi ne kashaidi na farko kuma na karshe da zanyi miki akan shiga harkar abokan sana'a ta. Kika san ko da wani irin mutum nake tsaye? In banda iya shege kece har kinsan ki ringa kashewa namiji idanu? To idan aure kike so ki fada min tun wuri in nemo miki mijin da ya dace dake"

Fad'a ya ci gaba da yi ta inda yake shiga ba tanan yake fita ba, akan muddin ta bari ya sake kamata da aikata mishi irin wannan laifin sai yayi mugun sa6a mata.

   "Bazai yiwu ina iyakan kokarina akan tarbiyarki da tsare rayuwarki ki janyo min abinda zai zubda mutunci na ba.

Ke daga ma na yanke shawarar ko islamiyar zaki je ban yarda ki ringa tafiya ke kad'ai ba, zan fadawa su Nura su ringa bibiyarki duk inda kika nufa, sai kin dawo gida sannan su tafi harkokinsu.

Samarin nan 'yan k'arya 'yan yaudara bazan ta6a Bari su lalata min ke ba, ina nan ina shiri na musamman a kanki ina gamawa zan nemi nutsattsen yaro in aura masa ke. Idan kuma kin matsu da auren ne tun wuri ki sanar dani"

Idanu da kanta yana k'asa har ya gama surutan da ta dauke su na banza da wofi, maganganu masu kama da busar sarewa a gurinta.

Ko da ta fahimci ya gama kaskantar da kai tayi ta sake bashi hakuri, ta mike ta kakka6e mishi zantukanshi anan inda yayi su ta shige d'akinta.

   "Ke kuma tsayuwar me kike yi a jikin window?"

Ya tambayeta yana mata wani kallo mai  kama da na zargi.

Luuu... tayi da dara-daran fararen idanunta ta saki labulen windon a hankali ya rufe gaba daya, tattausan murmushi take jifansa dashi tun daga nesa kafin ta fara takowa zuwa gare shi da tafiyarta na cat walk.

Kusan suma yayi a tsaye yana kallonta, tuni ta tafi da kashi saba'in na imaninsa. 

Irin wannan tafiyar mai karkad'a duk sassan jiki ana shigar da kafa d'aya ta cikin d'aya yana masifar daukar hankalinshi, yana d'aya daga cikin abinda yaja hankalinsa zuwa gare ta ranar da ya fara ganinta a unguwa uku da suka je yawon kamfen, ga ta da k'irar jiki komai yaji zam-zam a jikinta tubarkallah, gaba da baya ta cika dam! shi yasa ya nace har saida yaga abinda ya ture wa buzu nad'i ta hanyar  auren ta.

   "Baby Booo gani nayi yamma tayi shiyasa naje gurin dan in saki labulen saboda sauro. 

Daddad'ar iskar yammaci mai cike da lafiya da k'ara ni'ima da shauki a jikin d'an Adam da naji yana busowa ta cikin windon yasa na tsaya na shak'i kad'an.

Amma tunda baka so kayi afuwa Baby Booo"

Tana gama fad'in haka da murya mai cike da sanyi da kwarkwasa ta matsa jikinsa sosai cike da shauki tana bank'aro mai kirjinta.

Tasha kwalliya cikin k'ananun kayan da sukai masifar kar6ar jikinta, wata fingilar riga ce wacce da kad'an ta wuce cibiyarta, ta saman wuyan rigar a wawake yake, hakan yasa kusan rabin kirjinta sun burtso ta saman rigar.

Wandon jikinta gajere ne da kad'an ya wuce gwiwarta, ya kama ta tsam-tsam, da yake mai yalwar mazaunai ce sun ciko dam a wandon har ana ganin sashin farin dan pant din da yake jikinta.

Lokacin da Honourable ya isa gidan da yake zuwa ne na bazata tarar da ita yayi sanye da yaloluwar rigar bacci tana kwance akan kujera tayi d'aid'ai tana chatting da samarinta.

Ganinsa yasa tayi saurin danna wayar ta shiga key taje da sassarfa ta mak'ale shi tana fad'a mishi irin yanda tayi kewarshi.

Baiyi minti biyar cikakku da shiga gidan ba Usher ya kira shi kan cewa gashi nan a harabar gidan.

Tana tsaye a jikin window tana lekensa tayi tozali da fuskar Dan kwalisan matashin da ya tafi da imani da nutsuwarta gaba d'aya.

Ko da suka shige cikin falon bakin a gurguje tayi wanka da kwalliya sama-sama ta koma jikin window ta ci gaba da lekensu. 

Watsi tayi da tunanin da take tayi ta shafo gefen fuskarsa har zuwa gemunsa tana kara had'e jikinsu guri d'aya.

   "Bansan zaka shigo yau ba Baby Booo shiyasa banyi shirin tarbarka na musamman ba. Amma ka fara da wannan"

Had'e bakinsu tayi guri d'aya tana mishi wani wawan sumbata cike da salo da gwanancewa. Lokaci k'alilan ta mantar dashi fad'an da yake yiwa Fatima balle kuma kallon tuhumar da yake mata.

   "Wai ni kam Baby Boo wane bako kayi ne da ko Lemu baka ce a kai mishi ba? Ina shirin fa in aiko Fatima ta kawo muku snacks da lemu naga kuma ya tafi"

Ta tambayeshi tana shafa kirjinsa da yake sangam babu ko digon gashi.

   "Karki damu, Usher baida damuwa, daman ba dadewa zaiyi ba"

Ya amsa yana lumshe idanu cike da jin dadin abinda take mishi.  

Tsabar murnar jin sunansa wanda daman abinda take bukata kenan yasa ta rungume kansa a kirjinta tana kara haukata shi, lokaci daya ya fara gurnani.

Ita daman 'Yar soyayya ce, a kullum kuma a ko wane lokaci cikin shauk'i take. Wannan yana d'aya daga cikin dalilin da yasa yake k'ara sonta. 

Ta iya tafiyar dashi kamar matashi d'an shekaru ashirin da bakwai.

Matukar yana kano to tabbas yana ganin gata kuma yana kwankwadar zallar madarar soyayya mai kama da ta indiyawa.

Har wani manta tsufanshi yake yi domin indai yana kano tana had'a mishi kayayyaki da magunguna masu kara kuzari da motsa sha'awa.

A tsarin halittar Haleema Allah ya halicceta ne cikin mutane masu matukar sha'awa, tun tana 'yar karamar yarinya bata da littafan karantawa saina batsa.

Tana karatun tana jin wani shauki da dad'i yana kwaranya a cikin zuciyarta.

Lokacin da ta kai shekaru goma sha biyar kuwa tana karatun tana aiyana yanda idan ta kara girma za'a ringa aikata mata haka a zahiri ne, har wani danshi danshi take ji yana fita a jikinta a wancan lokacin.

Babban abinda ya kara ta6ar6ara rayuwarta shine rashin mahaifiyarta a gurin mahaifinta, sun rabu tun tana yarinya karama sosai.

Fushin irin sakin wulakancin da ya yi mata yasa tayi watsi da rayuwar Haleema kamar ma ta manta da ita a babin rayuwarta.

Mahaifin kuwa babu abinda ya shalleshi da ita, baya saka mata idanu akan tarbiyyarta. Ya kaita gurin mahaifiyarta kuma yak'i.

Ita kuwa matar uban ba sawa ba hanawa, ta zura mata idanu kawai tayi abinda taga shine mata dai-dai a rayuwarta.

Aunty Bola wata bayarabiyar amarya ce da mijinta ya kama haya a gidan da suke haya, Allah ya hada jininta da na Haleema kuwa taita janta a jiki, ita take mata kyautar kwancen kayayyakinta, babban abinda ya kara cutar da Haleema a taraiyarta da Aunty Bola shi ne: Ita bata da wasu fina-Finan da take kallo sai na batsa tana k'ara koyon salo-salo da nau'in soyayya dan ta burge mijinta Kayode, aduk sanda take kallon kuma bata cewa Haleema ta tafi saidai su kalla tare, duk munin guri idan aka nuno tare suke kallo, ga kuma yanayin halittar da take dashi hakan ya k'ara tsumar da ita.

Kusan kullum tana barci ne yatsarta yana cikin gabanta ko kuma taita lilaya kirjinta har sai ta ji dama dama sannan zatai barci.

Kwalliya da gayu take yi sosai domin Bola bata zama da kazami, kuma tana bata kwancen kayayyaki riga da sket da kananun kaya.

Bangis yaron makwafcinsu shi ya fara lalata mata rayuwa bayan ya nuna mata wani blue film a wayarshi, tun tana kallo tana matse-matsen jiki da kafafu har dai ta matsa jikinsa ta lafe, shi kuwa kura ta samu nama ai baiyi sanyi ba gurin biyan bukatarsa.

Tun daga wannan lokacin fa ya bude mata ido da abin duniya ita kuma ta saida mishi da tsakanin cinyoyinta.

Lokaci daya ta zama wata babbar mace mai aji, taci abinda take so a lokacin da take so, tayi yadda taga dama babu mai ce mata 'don me?'

A wasu lokutan ma ita take daukewa Mahaifinta cefanen gida su ragargaji kaji bai ta6a tambayarta menene tushen samun kudad'enta ba, a haka take rayuwarta har Allah ya had'a ta da Honourable Sumaila suka yi aure.

Babban kuskuren da Honourable ya kara tafkawa a gurin rikon aurenta shine yanda yayi sako-sako da rayuwarta da yanayin halittarta, ya dauki Uwargidansa ya maida ta Abuja tana tare da shi.

Ita kuwa Amarya Haleema da 'yarshi Fatima ya barsu a kano, a cewarsa rayuwar yaran Abuja musamman 'yan mata da irin tarbiyyarsu sai wanda Allah ya tsare, shiyasa ya sakar musu duk abinda suke bukata ya barsu a kano. 

Ya debi masu gadi ya zubawa Fatima, ita kuma Haleema tsabar kishi da kallon zargi-zargin da yake mata yasa yai kudurin bazai koma da ita Abuja ba, balle har idanunta Sufi haka budewa tafi karfinshi.

Shiyasa dukkansu suke bushasharsu yanda suke so, Haleema ta kakka6o tsohon sim card din ta suka ci gaba da chatting da samarinta, a wasu lokutan ma har gurinsu take zuwa.

Idan zata fita kuwa irin kwalliya da shigan da take yi idan Honourable baya nan zaka rantse ba matar aure bace, shiyasa a kullum bata rasa sabbin samari masu jini a jika.

Ita kuwa Fatima kura ce da kallabin fatar akuya, buga shaye-shaye suke yi da kawayenta a makaranta da gida, ranarda bata da kudi kuwa ta shiga bangaren mahaifiyarta ta dauki wani abun mai daraja ta bada a bata kayan maye, da kadan da kadan har ta zama dilar kayan mayen a gurin kawayensu, duk sati Musa wanda aka fi sani da Moses da ya kawo kaya zai ware mata ya kirata ta karba ta bashi kudadensa.

[27/03 10:51 AM] Maman Raudah: *BARA A KUFAI!!*

*22)*

******

Tsaye k'ik'am tayi mata a ka tana girgiza da karkad'a jiki cike da fitsara da rashin kunya.

Tunda ta dago kai ta kalle ta sau daya tayi iskar kare da ita, kamar bata san da wata halitta a tsaye a kanta ba.

Chat din ta taci gaba da yi  hankalinta a kwance, lokaci bayan lokaci tana sakin k'ayataccen murmushi, da yake labarin zuciya fuska ce take fara baiyanawa a kallo daya za'a gane tana cikin matukar farinciki.

   "Aunty Haleema magana nake yi"

Fatima ta fadi haka cikin gatsali bayan taga tsayuwar bazai fissheta ba.

Saida ta gama firirita da yatsina kamar bazata amsa ta ba.

   "Ina jinki, amma kafin nan ki tashi min a kai"

 Harara ta galla mata zuciyarta cike da muguwar tsanarta, wani dan tunani tayi ta matsa gefe kad'an.

   "Dan Allah lambar Usher zaki bani?"

Ta fadi haka da d'an sanyin murya tana k'ok'arin danne zuciyarta.

    "Usher? Waye haka?"

Shiru tayi bata tanka ta ba, wannan ma ai tambayar  rainin wayau ce da rainin hankali.

   "Tunda baki da ta cewa pls ki ban guri insha iska"

Ta fada tana hura hanci ranta a bace.

   "Bakon Daddy na shekaran jiya, wanda na jiki kina waya dashi dazu a band'aki..."

Wani mugun kallo ta watsa mata mai cike da tuhuma, lallai yarinyar nan ta raina ta, wato ma la6e take mata?

   "Tunda har kika iya la6ewa dan kiji da wanda nake waya ai lambar wayar tasa ma kamata yayi ki la6e ki sata, dan haka bazan bada ba. 

Idan kuma kina da karfi ki kwata"

Tana gama fadin haka ta dauki wayarta ta haura sama zuwa bangaren Honourable, dukda baya nan yayi sammakon komawa  Abuja yau da sassafe.

Shiru tayi tana tunani zuciyarta na k'una, ta rasa hanyar da zata bi ta saci lambar wayar Usher a wayar Auntyn ne shiyasa ta karya kwanjinta ta tambaye ta, dan ko ta samu nasarar daukar wayarta a banza, tunda securityn bude wayar kwayan idanun Haleema ne, saboda tsabar rashin yarda da kai, kuma duk wasu applications masu muhimmanci a gurinta tasa musu passwor ta kulle su, saboda tsabar kula da taka-tsantsan.

Tun kafin ta tambaye ta lambar tayi tunanin bazata bata ba, amma irin maganganun da ta caccaba mata sunfi komai bak'anta mata zuciya. 

Wani tunani da ya darsu a zuciyarta yasa ta saki wani kayataccen murmushi, a sukwane ta juya zuwa dakinta ta dauko wani gora da ruwa a ciki kamar zobo, cikin jakarta ta dauko farin gari ta sake gaba daya kullin a cikin goran ta girgiza shi sosai farin ya bace a cikin ruwan maganin.

Saida ta leka falo ta tabbatar babu kowa ta shige kicin da sassarfa, frij ta bude ta dauko wani farin kofi, goran hannunta ta bude ta tsiyaya kadan a ciki ta jujjuya kafin ta maida inda ta dauko  kamar bata ta6a ba.

Da saurin gaske ta fice a kicin din zuwa dakinta, dariya ta kyalkyale da ita bayan ta tuno plan dinta.

Nikakken kankana ce wacce aka juye wa gwangwanin madarar ruwa a ciki ta zubawa maganin maye, wannan shine dad'i kan dad'i.

Rub da ciki tayi akan gado tana ta chatting da kawayenta ta what'sapp, tsawon awa biyu tana abu d'aya.

Tana fita falon ta ganta kwance dai-dai akan kujera tana barci, ga wayarta nan a gefe d'aya kusa da kunnenta.

Tsabar murna da farin cikin ganin tana barci yasa ta buga tsalle tana kyalkyala dariya.

   "Wa yace dani ba ni ba? Sorry Aunty Haleema kin shiga hannu"

Da saurin gaske ta dauki wayar, ta zauna a gefenta ta sa hannu ta gwale kwayar idanunta guda daya, dayar hannun kuma yana rike da wayar saitin idon, nan take kuwa wayar ta bude.

Tattausan murmushi ta sake ta fara lallatsa wayar tana k'ok'arin shiga contact dan ta nemo lambar Usher.

Ganin contact din da password yasa ta shiga gurin kira, a hankali take bin sunayen tana mamaki a ranta, dukda tasan halinta na bibiyar mazan waje tasha mamakin ganin lambobin maza anyi saving dinsu da sunan kalmomin soyayya.

*Usher Durling*

Hannunta ya tsaya akan sunan, tsaki taja dan haushi, sauri-sauri ta haddace lambar a kanta dan tsabar son da take masa.

Aje wayar tayi kamar yanda ta dauka ta shige dakinta tana danna lambobinshi a wayarta.

*******

Cikin nutsuwa ta sanya hannu ta kwankwasa kofar dakin, a zuciyarta tana kissima irin yanda haduwar tasu ya kamata ya kasance.

Saida ta sake kwankwasawa sannan taji alamun ana k'ok'arin bude kofar.

Kallon-kallo ne ya gudana tsakaninsu na wasu seconds, ya sakar mata tattausan murmushin da ya kusa zauta d'an sauran nutsuwar da ya rage mata.

Fari tayi da kyawawan idanunta tana kallonsa kasa-kasa. 

   "In shigo?"

Ta tambayeshi da murya sassanya.

Wani murmushin ya sake haske ta dashi ya saki hannun kofar ya juya zuwa cikin dakin, alamun ta shiga kenan, bayansa tabi da kallo tana jin duk wani lungu da sak'o na zuciyarta na sake cika da kaunarshi.

Yana sanye da vest fara kar da dogon wandon jeans, da ta kalli kafadunsa kirar karfi ne a baiyane duk sun cuccure, kirjinsa da ta hango kuwa cike da gargasa bak'i kirin.

Akan doguwar kujeran dakin ya zauna yana kallonta, har wannan lokacin murmushin fuskarsa bai 6ace ba.

Dogon hijabin jikinta ta cire tayi hurgi dashi a tsakar dakin ainahin shigar kananun kayan da tayi ya baiyana, ta tsuke tsam cikin riga da wando masu baiyana surar jiki, gefenshi taje ta zauna har cinyoyinsu na gogar juna.

   "Naji dad'in sake haduwa da kai a karo na biyu Sweetheart, hope kaji dad'in gani na?"

Mamaki ne ya sake k'ume shi, ya kasa shiru har saida ya magantu.

   "Mahaifinki yana da yarda dari bisa dari a kanki da nutsuwarki kinsan wannan? Amma abinda ya kara bani mamaki shine bayan shaye-shaye ashe ke 'Yar hannu ce"

Ya karasa fadin haka yana janyota jikinsa.

Da mamaki ta dago kanta daga kirjinsa tana kallonsa, sai kuma tayi dariya.

   "Taya akai ka gane ina jin dad'in rayuwata da benelyn?"

   "Idanu kawai na kallah gane halaiyar mutum cikinsa da wajensa nake yi. Dan haka karki damu, naji dad'in haka"

   "Do you love me?"

A bazata tayi mishi  tambayar tana kure shi da kallo da dara-daran idanunta.

Dariya kawai yayi, da salon son basar da maganar yace

   "Kinsan wani abu? Yanzu fa ba lokacinki bane, lokacin matar babanki ne kinsan haka? Ta dame ni da magiyar insa lokacin had'uwa da ita akwai muhimmiyar maganar da zamuyi, sai kuma kema kika nemi gani na.

And ni kuma wannan lokacin kawai ke gare ni shiyasa na baku lokaci daya, akan duk wacce ta riga zuwa ita ce lucky.

 

Sai kika riga ta bayan ta riga ki neman alfarmar, ta ya akai haka my dear?"

Tura baki gaba tayi ta sake cusa kanta cikin kirjinsa tana shakar kamshin jikinsa

   "Ni ce mai sa'a, kuma ma ni ce nafi dacewa da kai.

Pls sweetheart karka ta6a bata damar ganawa da kai ka ji? Dan Allah kayi min wannan alfarmar"

Murmushi yayi idanunsa suka sauka akan agogo da yake manne a bangon dakin.

  "Babe lokacinki ya kare, ya kamata ki tafi"

Da sauri ta kalleshi, tana jin dadin yanda take kwance a kirjinsa zai wani ce lokacinta ya kare? ita kam ba haka ta so ba, ta zaci ko dan sumbata da zafafan runguma da tsotse tsotse zai shiga tsakaninsu sai taga bayan janyota jikinsa da yayi bai ne nemi abinda ya wuce haka ba.

   "Ayya mana Sweetheart tun yanzu? Ni wlh ban son mu rabu yanzu"

Yanayin fuskarsa ne ya canza cikin kankanin lokaci, janyeta yayi daga jikinsa ya mike tsaye baice mata komai ba.

Gogaggiyar rigarsa da take ajiye gefen gadon ya dauka ya fara k'ok'arin sakawa, daman haifi minti biyar da yin wanka ba ta shiga dakin.

   "Zan tafi idan kin gama zuwa yamma ki kulle dakin ki kai musu makullin"

Yana gama fadin haka ya dauki jakar kayansa da wayoyinsa ya fice a dakin, ko kallonta bai sake yi ba.

Baki da hanci bude ta bishi da kallo tana mamaki, shi kuma wannan wani irin mutum ne? Tayi mishi tallan kanta a kyauta ya fice ba tare da ya taya ba?

Abinda bata sani ba Shi Usher harkokin mata basu dame shi ba, ta nan fannin kuma Allah ya tsare shi, bai ta6a keta mutuncin diya mace ba, ba kuma wai dan yasan zunubin hakan ba kawai shi abin bai dame shi bane.

*

Tana tsaye a jikin windon ta dage labulen kadan tana shakar iskar yammacin mai cike da ni'ina, da yake suna saman farko ne tana kallon duk mutanen da suke zirga-zirga a harabar hotel din.

Mijinta Abdullahi yana zaune a gaban laptop dinsa yana aiki, lokaci zuwa lokaci yana juyawa ya kalle ta yayi murmushi yace

   "Idan dai kin gaji ki dawo ciki ki zauna, bana so ki wahala Noory"

Idan ya fadi haka tattausar murmushi take sakar mishi tace

   "Angama Noor, kaidai ci gaba da aikinka"

Kamar a mafarki danunta suka sauka akan fuskar wanda ko a cikin magagin barci ta ganshi bazata ta6a manta kamanninshi ba.

Yana tsaye jikin motarsa yana amsa waya, lokaci zuwa lokaci yana daga kansa ya kalli gabas da yamma na cikin hotel din Kaman yana neman wani.

Da mugun sauri ta sake tura kanta ta jikin windon kiris ya rage ta sulmiya kasa mijin ya riko ta da sauri wanda ya isa gurin a daidai lokacin

   "Amatullahi kinyi hauka ne? me yake damunki?"

Ya tambaye ta kirjinsa na bugawa cike da tsoro, da ta fad'a da ya gama ganin ta kanshi a rayuwa.

   "Yayanmu..! Wallahi Yayanmu ne...!! Ga shi can zai tafi bai ganni ba..!!! Dan Allah ka barni inje gurinsa Noor.."

Ta amsa mishi hankalinta a tashe tana kara cusa kanta ta jikin windon tana lekenshi, ita duk kokarinta ta dira ta nan taje ta dakatar da shi.

Yana rike da hannunta gam ya leka ya hangesa, har a lokacin waya yake yi amma hannunsa daya na rike da kofar mota bangaren mazaunin direba, alamun ako wane lokaci zai shiga yaja motar ya kara gaba.

Hannunta yaja da matsanancin sauri suka fice daga-dakin, gudu gudu, sauri sauri suke taka matakalar da zai saukar dasu zuwa kasa yana gaba tana binshi a baya, tsabar zumudi har hawayen murnar ganinsa ya fara zuba daga idanunta.

Abin takaici da bakin cikin shine ko kafin su sauka kasa, zuwa harabar hotel din bashi ba alamar motarsa, har yaja ya fice daga hotel din.

Turus sukai a tsaye duk su biyun suna waige-waige, da suka tabbatar ya tafi ne sai jikinsu yayi sanyi, daga karshe ma Amatullahi saita fashe da kuka ta fada jikin mijinta Abdullahi.

Rirriketa yayi yana fada mata kalaman kwantar da hankali a kunnenta, ganin hankalin mutane ya fara dawowa kansu yasa yaja ta a kafadarsa suka shige ciki zuwa masaukinsu.

Ta dau tsawon lokaci tana kuka, yana ta rarrashinta cike da kauna da kulawa, ganin hankalin sa ya fi nata tashi yasa ta kwantar da nata hankalin, har ta haske shi da tattausan murmushinta. 

Lokaci kadan sai gasu suna kyalkyala dariya gwanin ban sha'awa. 

   "Hellow Aunty Ama"

Aka amsa wayar daga can bangaren.

   "Baby Iman albishirinki?"

Ta fada da murmushi a fuskarta tana sake gyara kwanciyarta akan cinyar mijinta.

   "Goro fari, k'atoto"

Ta amsa da murmushi a fuskarta. 

    "Wallahi yau naga Yayanmu Kamal, a hotel din da muka yi masauki da Noor a kano.."

'Kuuuu Daga can bangaren Khadeeja ta taka burki da matsiyacin karfi, kiris ya rage motar bayanta ya gwabza mata Allah ya tsare, da sauri ta gangara gefen titi tana k'ok'arin parking mai motar bayanta ko ya dunkule hannu ya bude ya watsa mata damuwa, ko kallonshi bata yi ba ta ci gaba da amsa wayar muryarta na rawa

   "Aunty Ama da gaske kike yi? Ina yake? bani shi pls inji muryarsa.. Ya kika ganshi?"

Tambayoyi take ta watsa mata a rude ta ma kasa nutsuwa balle ta daidaita kanta taji me take cewa, saida ta kashe ta sake kiranta.

   "Iman ina saman bene na ganshi ko  kafin in sauka gurinsa ya wuce"

Amatullahi ta amsa jikinta da muryarta  a sanyaye.

Shiru tayi daga can bangaren hankalinta a tashe, wasu siraran hawaye ne suka silalo mata. Dakyar tayi karfin halin cewa

   "Ba komai, wannan shi ke bamu tabbacin yana raye bai mutu ba, mu ci gaba da addu'a in Allah ya yarda zamu hadu dashi wata rana, akwai lokaci"

Tana gama fadin haka ta katse wayar, kifa kanta tayi a sikiyarin motar tana ta hawaye.awo dashi cikin hayyacinsa, dan ya lura tunda ta shige cikin gidan yabi kofar da kallo har yanzu bai dawo hayyacinsa ba.

   "Usher!!"

Ya kira sunansa a kausashe da sigar murya mai cike da zazzafan gargadi da jan kunne.

Share this

WhatsApp