ZUCIYA KOWA DA IRIN TASA Page 21 to 30

    A tsorace Nafi ta mike gabanta sai fad'uwa yake, shikam gogan ko mikewa baiyi ba sai cewa dayai "Little mikomin rigata a kan gado. "

  Nafi ta mikomai sannan ta fito daga d'akin da sauri tare da ja mai kofar, dan ta kula kamar bayasan asan bashida lafiya. 

   Tana fita falo Asim ya karaso tare da jan hannunta da karfin tsiya, Nafi ta d'an turje sai hawaye da takeyi. 

  Asim ya haska mata wani wawan mari yace " banza karuwa, a ido kamar bakauyiya ashe kinfi karuwai iya iskanci. "

   Nafi ta shiga girgiza kai hawaye na zubo mata. 

  Kofa aka bud'e, mamaki ne ya kama Ashraf ganin Nafi, sai dai bai bari mamakin ya fito fili ba cikin isa ya karaso ya sa hannu ya rike hannun da Asim ya rike. 

   Asim ne ya kalleshi cikin masifa yace " Me kenan? Kazo karema karuwarka ne? "

  Nafi kam kanta na kasa, kunyar Ashraf duk ta gama rufeta ta sani sarai bai san ita bace sai yanzu. 

  Ashraf ya kalli Asim yace " Saketa ko? "

   Nafi kam hannunta sai zugi yake yi, Asim yace " bazan saketa ba sai munje gaban kawu ta sanar mai abinda kai da ita kuke aikatawa. "

  Ashraf yai wani murmushi ya kalli agogo karfe 6 na yamma, sannan ya kalli Asim yace " ai banaji sai ta bika wajen isar da sakon kai kad'ai ma ya wadatar kaje ka sanar. "

   Asim ya kara cika baki da takaici yace " Me kake nufi? "

 Ashraf ya kalli Asim ya mai alama da ya sakar mata hannu, cikin takaici Asim ya saketa, Ashraf ya kalleta yace " wuce ko? "

  Nafi ta kalleshi idanunta sun cika da kwalla tanasan bashi hakuri sai dai bataga fuska ba, da kai ya mata alama ta wuce mana, jiki a sanyaye tai gaba tana yi tana waigensa. 

  Tana fita Ashraf ya kalli Asim yace " D'an sako mai kake jira? "

  "d'an sako? Nine d'an sakon? "

 Ashraf yai wani murmushi yace " Au na d'auka danace kaje ka sanar ai zaka wuce da sauri ka gurfana agaban kawu ka sanar mai. "

 A zuciye Asim ya kama wuyan Ashraf cikin masifa yace " Ni kake fada ma haka? "

  Ashraf yad'an juya ido kad'an yace " inmu uku ne to dana ukun nake."

  Ya ja jikinsa ya koma d'aki dan yin alwala. 

   Asim ya naushi iska cikin tsananin takaici yai waje jiyake kamar ya lumama Ashraf wuka hankalinsa ya kwanta. 

   Ashraf kam alwala yai sannan ya fito waje. 

   Nafi kam d'aki tai tana kuka, Little ta gani ta fito daga wanka, da sauri Little ta karaso tace " Nafi menene? Wani abin ya miki? Laifi kikama yayan? "

  Kai kawai Nafi take girgizawa, Little tace " to menene?"

 Nafi ta kalleta tace" me karuwa yake nufi dan Allah? "

  Little da mamaki ta kalleta tace " Yayan ne ya fada miki hakan? "

 Kai ta girgiza alamar a'a sannan tai hanyar ban d'aki da sauri, da alama kalmar bata da dad'i ganin yanda fuskar Little ta canza. 

   Little ta bita da kallo, sannan ta d'au always d'in da Mumy ta kawo mata ta sa, zama tai jiki a sanyaye, waye yacema Nafi karuwa? 

  Asim kam ana idar da sallah ya tari kawu acikin masallacin ma ya fad'amai, ran kawu yayi dubu gurin b'aci, ganin haka yasa Asim ya saki wani murmushin mugunta. 

  Kawu ya fito cikin tsananin masifa nan yace Ashraf ya biyoshi, duk da kasan zuciyarsa yaji ba dadi sai dai bai nuna ba, nan Asim yabi bayan kawu.

   A falo Mumy, Umma, Asim da Ashraf ne a zaune sai kawu.

  Cikin fada kawu ya kalli Ashraf yace " Ashraf meke faruwa? Wani banzan labari nake ji haka? "

   Ashraf ya kallesu kaf sai dai kafin yai magana Aneesa ta shigo cikin tsananin kishi ta karaso kusa da Ashraf tace " Yaya me kenan? Ni zakaci amana? "

  Mumy wacce jikinta duk ya mutu dan ta taba ganinta ta fito daga d'akin, tai shiru yau kam batada halin kare Ashraf. 

  Kawu ya daka mata tsawa yace " Aneesa bakida hankali ne? "

  Ta kalli kawu cikin tsananin takaici tace " Amma Abba..... "

  Hannu ya d'aga mata hakan yasa Umma ta zaunar da ita a kusa da ita. 

  Ashraf wanda ke zaune sai dai duk masifar mutum bazai tab'a gane meke yawo a ransa ba, sam babu b'acin rai ko farin ciki a tattare dashi.

   Kawu yace " Asim fad'i me ka gani. "

 Hankalin Asim a kwance ya sanar da abinda ya gani har da karin cewa wai suna ganinshi suka tura kofar d'akin suka rufe, sai daya dade kafin su fito.

    Mumy ta runtse ido zuciyarta na wani irin zafi, Umma ta shiga tafa hannu tana salati, itakam Aneesa kafe Ashraf kawai tai da ido jitake kamar zata mutu dan tsananin kishi.

 

   Kawu ya kalli Ashraf rai a b'ace yace " Wani irin iskanci ne hakan Ashraf? "

  Ashraf ya mike daga zaunan da yake ya kallesu ga mamakinsu Murmushi sukaga ya saki, ya jinjina kai sannan yace" tunda maganar Asim itace gaskiya banaji inada abin cewa. "

  Yana kai nan ya nemi hanyar fita, Umma cikin kuluwa tace "lalai kuwa Alhaji yarinyar nan dole ne ta bar gidan nan, inshi ba'a isa dashi ba ai ita kam karya take. "

   Ashraf ya juyo ya kalleta sannan ya kalli Aneesa da ta ke zaune kamar gunki ya bud'e baki zaiyi magana yaji Mumy tace " Gaskiya nima Alhaji yarinyar nan bata kwanta min ba."

   Fuskar Ashraf ce ta canza, yanzu kam ransa ya b'aci sosai, bai damu inkowa ya mai abu ba amma ya tsani yaga mahaifiyarsa na goyon bayan masu mai abu. 

   Kawu ya kalli Asim yace "Ai ba sai anja da tsauri ba, yanzu nan za'a kirata tabar gidan nan. "

  Ashraf ya had'iyi wani abu sannan ya d'auke idansa daga kan Mumy ya maidashi kan kawu, ya kalli Kawu yace " Kawu banasan abu yaji da zafi sai dai in aka kaini bango banajin kowa zaiji da dadi a gidan nan. "

  Yana kai nan yai waje, Mumy ta dafa kanta, tanaji Umma na cewa " Allah wadaran nakaa ya lalace, sam yaran nan yafi karfin kowa a gidan nan? "

  Kawu yai shiru shikansa ya kasa magana.

  Ashraf kam yana fita ya kira number Habib, bugu biyu Habib ya d'aga yace " Buddy yau kuma soyayyarce ta tashi? "

  Ashraf yai tsaki yace " Habib dan Allah makarantar Abbanka wace iri ce? "

  Da mamaki Habib yace "lalai Ashraf kana nufin bakama san me Abbana yake ba? "

  Ashraf yace " Malam dole ne sai na sani? Ba gashi ina tambayarka baa yanzu? "

   Habib wanda baiji dadin kalaman Ashraf ba yace " Primaryce da secondary."

  Ashraf yace " day ce ko boarding?"

 Day ce mana. 

  Ashraf yad'an shafi kansa sannan yace " Habib boarding school nakesan asa Nafisa gashi kasan tayi girma ba ilimi na rasa ya zanyi. "

  Habib yai shiru can yace " karka damu Aminin Abba matarsa itace principal ta makarantar kwana dake nan minjibir, sai a d'an yi mata ciwa ciwa ko Js3 ne a sakata. "

  Ashraf ya d'an saki fuska yace "yauwa Habib hakan yayi."

  Habib yai dariya yace " bazaka gode min ba? "

 

  Ashraf yace " in komai ya kammala zan gode ma, but please ka tambayi Abban yanzu dan inasan ta tafi a satin nan. "

  Habib yace Shikenan.

  Yana kashe wayar yai ajiyar zuciya sannan ya makama inda ya fito wani mugun kallo na takaici, yai gaba. 

   ¤¤¤¤¤¤¤¤

   Su kam a ciki sai tada zancen suke yi, mumy kam duk ranta ya gama da gulewa rai b'ace ta fito daga falon tai b'angaren su Little. 

   A zaune taga Little a kan gado ta zuba tagumi, Nafi kuma ta ra kub'e a gefen gado ta cusa kanta cikin cinyoyinta, abu d'aya ke yawo a ranta tajama Ashraf fada ita abinda ke damunta kenan. 

    Muryar Mumy ce tasata ga d'ago, mumy ta tsaya a kusa da Little tace " Nafi ta fadamiki abinda ya faru? "

  Jikin little a sanyaye tace " Mumy bakisan Nafi bane, kome ke damunta bazata taba fad'amin ba. "

   Mumy cikin fada tace " ai kuwa yau dole ta fada tunda gashi can ta jama Ashraf cin mutunci. "

   Nafi wacce jin hakan yasa ta mike cikin tsoro ta matso kusa da Mumy ta tsugunna a gabanta tace " wlh Mumy ba abinda Yaya ya sani, bai ma san nice naje d'akin ba. "

  Mumy tace " mene? "

Nan little ta fad'a mata ita yace taje ita kuma batada lafiya shine Nafi taje, jikin mumy ne yai sanyi ta kalli Nafi tace " to akace kina d'akinsa? "

   Nafi ta share kwalla tace "Mumy bashida lafiya fa? "

 Idanu mumy ta zaro ta kalli Nafi jiki a sanyaye, Nafi wacce idanta ya rufe dasan kare Ashraf tacigaba " Mumy wlh tun safe bashida lafiya kuma wlh yana jin jiki, ni a ganina bai kamata ma ace kaf gidan nan ba wanda yasan halin da yake ciki ba........"

  Hannu tasa ta rufe bakinta, me take fada? A ranta tace " amma ai Anisa ta sani. 

  Mumy tai shiru a hankali ta juya tai waje batace komai ba, little ta kalleta tace " lalai Nafi dama kin iya zakewa haka? "

  Nafi ta kalleta tace " Maryam bakisan halin da yaya yake ciki bane sannan ace dake kanwarsa da mahaifiyarsa ba wanda ya sani? Na d'auka in bashida lafiya Mumy ya kamata ya fara sanarwa? "

   Little tai wani sansanyan murmushi tace " Nafi kenan, bakisan komai ba a kan harkar rayuwar gidan nan. "

  Nafi ta mata kallan mamaki, little tace " karki damu zan sajar dake komai gobe, in kikaje zaki gane dalilin dayasa Yaya baya shiga harkar Mumy. "

  Nafi tai shiru batace komai ba.... 

  *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

2⃣2⃣

      Mumy ta fito jiki a sanyaye kanta sai sara mata yake yi, a waje ta hango Aneesa ta taho kamar zaki rike da wata zungureriyar waya tana tafe Umma na mata magana amma da alama bata ma jin me ake cemata, Mumy tana tsaye a kofar su Little har Aneesa ta karaso, idanunta sun canza.

   Da mamaki Mumy ta kalleta tace " Neesah meye hakan? "

  Aneesa wacce sai hucci take ta kasa magana sai neman cusa kanta ciki take, Mumy tasa hannu ta riketa tace " Neesa meye hakan wai? "

  Umma ce ta karaso cikin kinibibi tace" Yauwa gwara da kika riketa wai Nafi zataje ta zane. "

  Mumy takaici ya kamata tace " in kuma Ashraf d'in yajiki kice me? "

  kallan Mumy tai kamar mai shirin kuka tace" Mumy amma kina ganin..... "

  Mumy tace " Laifinkine, in har Nafi ta fiki sanin meke damun Ashraf, ke da zai zama mijinki amma ace ba kece ke kula da shi ba. "

   Umma tace " wace irin magana kikeyi haka? Haba Amina ya zakisa yarinya a gaba wacce ranta yake a b'ace ki kara b'ata mata."

  Mumy ta kalli Umma sai dai takaicin abinda yake faruwa yasa ta kasa tanka mata. 

  Umma ta juya kai tace " haba Amina _wace irin zuciya gareki?_ace ke kawai d'anki kika sani? "

   

  Mumy ta juya batare da ta sake magana ba. 

  Aneesa ta kara zuwa wuya gani take kamar saboda Nafi itama Mumyn take mata haka. 

 Hannunta ta fizge daga gun Umma tai ciki a zuciye. 

  Nafi kam ta d'auro alwala isha'i kenan, ta zauna a bakin gado ta rasa abinda ke mata dadi, taji an banko kofa da karfi kamar za'a b'ala, da sauri ta kalli kofar. 

  Little dake zaune akan kujera ma ta d'ago da sauri. 

  Aneesa a zuciya ta shigo d'akin, Nafi dake tsaye ta shiga kallanta cikin tsananin tsoro, Little ta mike tace " Ya Neesa meye kuma hakan? "

Aneesa ta buga mata wata muguwar harara sannan ta nufi kan Nafi gadan gadan Umma kuma ko kunya tana tsaye a baya. 

  Da karfi Little tace " Wlh Ya Neesa kika daketa sai na fadaki da Yaya. "

  Cikin kuluwa Aneesa ta wurga mata kallo, Little ta kalleta tare da d'aukan wayarta tace " Wlh kika daketa yanzu zan kirashi."

   Aneesa kam ta kulu fam kamar zata fashe, Umma ta matso ta gaurama Nafi mari iya karfinta sannan ta kalli Little tace" ni ki tabbatar kin fadamai inyaso ya zo ya rama mata. "

 Tana kai nan ta fizgi hannun Aneesa tai gaba. 

   Nafi kam ko kuka batai ba dan ganin zabgegiyar bulalar dake hannun Aneesa yasa batama ji zafin marin sosai ba. 

   ¤¤¤¤¤

Mumy kam ana idar da sallah tai b'angaren Ashraf, a hanya suka had'u da Mumy baice mata komai ba sai dai yasan gunsa tazo, nan ya bud'e ya shiga tare da kunna kwan wuta. 

  A bud'e ya bar kofar hakan yasa Mumy ta shiga.

  Shikam d'aki kawai ya wuce, ya d'au ruwan da Nafi ta gasa mai gun ciwon ya zubar a toilett, sannan ya matse towel d'in ya shanya sannan ya fito. 

  Mumy na zaune hakan yasa yaje d'an nesa kadan da ita ya zauna a kasa, Mumy ta kalleshi jiki a sanyaye tace " Ashraf abinda ya faru d'azu kayi hakuri....."

  D'agowa yai ya kalleta idanunsa sunyi jaa jikinta ya kara yin sanyi, cikin wata irin murya wanda mai sauraro shi kad'ai zai fahimci abinda ke zuciyar me maganar Ashraf yace " Kin taba yadda dani Mumy? Ko me aka fada a kaina tun ina karami kin taba yin bincike kafin kimin fada? "

   Mumy idanunta suka cicika da kwalla sai dai tsananin tausayin Ashraf dake yawo a ranta.

  Hannu yasa a bugi inda zuciyarsa take da karfinsa wanda kana iya juyo karar dukan ya cigaba " Kinsan ya nakeji a raina? A duk sanda kika zargeni da abinda banyi ba?....."

  Kasa karasa kalamansa yai saboda wani rad'ad'i da zuciyarsa take mai, Mumy wacce ganin yanayin d'anta da bata taba gani ba yasa hawayen datake b'oyewa suka zubo ta gefen idanta.

  Kallansa tai cikin dauriya tace " ba haka bane Ashraf. "

 Ya kalleta sannan yai wani murmushin takaici yace " Nafi zata tafi makarantar kwana a satin nan insha Allah. "

 Mumy bata d'auke ido a kanshi ba tace " amma naga kamar ba tada karatu? "

 Ya sake yin wani murmushin wanda itakam mumy sam batasan taga yayi saboda bata sani me yake nufi yace "eh hanya za'a mata ta shiga Js ko 3 ne inyaso sai a dinga mata lesson kuma a makarantar. "

  Mumy ta jinjina kai tace " hakan yayi sai dai baka ganin karatun zai mata wahala? "

  Ashraf ya d'an tab'e baki yace " wannan kuma ruwanta. "

  Mumy tace " shikenan in makarantar ta fito sai ka fadamin sai muje a mata shopping Allah ya baka lada ya kuma yi albarka. "

  A cikin ransa yace Ameen, ta mike tace " bari inje. "

 Bai amsa ba ko ince tasan ma bazai amsa ba, tana fita yabi bayanta da kallo sannan ya koma d'aki ya d'auko diary d'in mahaifin sa wanda wasiya ce kawai ya barmai. 

  Shafin farko wanda a kullum sai ya karantashi yau ma shi ya karanta " _Ashraf kada ka kuskura kabar mutane susan abinda ke zuciyarka,_ _ka dinga kokarin b'oye bakin ciki ko farin cikin dake ranka, kar ka bari wani yasan sirrinka, wannan ita kadai ce hanyar da zaisa ka kare kanka...ko da kuwa 'yan uwanka ne na jini..._"

   Ashraf ya share zufar data keto mai duk da sanyin AC d'in da ke d'akin, Murmushi yai wanda kana ganin kasan na bakin ciki ne a fili yace " Dad zan iya jure hakan kuwa? I am really lonely."

   Ya kwantar da kansa kan gado, kafad'ar sa na masa zugi sai dai zugin dake zuciyarsa tafi karfin wannan....... 

  

    ¤¤¤¤¤¤

  Habib kam da kansa ya samu Abbansa ya mai bayani, Abban Habib na tsananin san Ashraf a lokacin ya kira wayar abokinsa ya sanar dashi, sunyi rashin sa'a matar tashi an mata transfer zuwa Rumfa Collage sai dai ya sanar dasu ai kanwarta ma principal ce ta FGC na kazaure, nan ya sanar musu in suna san can d'in to a yanzu zai kira kanwar matar tasa ya fada mata. 

  Nan Habib ya ma Abba alama da a yadda, sunyi sallama akan zai kira anjima. 

  Ba'a dade ba ya kira tare da sanar dasu ba matsala duk sanda suka shirya ko gobe ne su kaita.

   Nan Habib ya kira Ashraf yamai bayani.

 ¤¤¤¤¤

   A b'angaren D'an litti kuwa yan sanda sun gaji da ajiyarsa gashi abin haushi bashida alamar sanar dasu Inda Ashraf yake, duk kuwa da dukan da sukamai, hakan yasa haushi ya kamasu suka cilloshi waje tare da kwace wukar dake jikinsa. 

  D'an litti ya sha kuka wiwi gashi ko ficika bashida shi, ga wunya datake damunsa. 

  Dakyar ya mike ya dingisa ya shiga gari, yayi sa'a ya sami wani mutum ya bashi naira d'ari. 

  Nan ya gangara yasai wainar gero kan kace me ya cinye, ta gumi ya baza yace " Oh Ni D'an litti haka rayuwata ta koma? Daga boko sai a nemi halakani? Yanzu ni ina zan nufa in nemo Ashaf d'in? "

  Ya jingins kansa da bango zafin rana na damunsa. 

  Nace wayyo🤦🏻‍

 *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

*Fatie Shafi'u ina tayaki murnar kammala Jarabawarki. May Almighty Allah help and protect u.... ILYSM*

    Washe gari da safe Habib yaje makarantar mahaifinsa yama Nafi takardun karya na primary da kuma Js 1 and 2, sai dai takardun sun nuna sam batada kokari. 

 

   Nan ya taho da shi gidansu Ashraf. 

   Yau gidan an tashi kowa zuciyarsa ba dadi musamman ma Umma da Aneesa, Little kam ta fita makaranta.

 Itakam Nafi tana kitchen ta zake sai aikin girki take, sunayi suna 'yar hirarsu da Goggo.

  Suna gamawa ta fito duk jikinta ya d'an baci Amra ce ta karaso gunta da gudu tace " Wai kizo inji yaya. "

  Nafi ta kalleta cikin zak'uwa tace " Ya Ashraf? " kai Amra ta d'aga mata ai kam Nafi da sauri ta nufi b'angarensa tana tafe tana gogee fuskarta da hannu, tun jiya takesan ganinshi sai dai ba yanda zatai. 

   Fuskarta a sake ta kwankwasa kofar, ta saba in yana ciki sai dai yace ta shigo in dai har ba makulli yasa ba, sai dai yau gani tai anzo an bud'e da fara'arta ta kalli mai bud'ewa tace " Yaya ina kwa...... "kalamanta ne suka tsaya ganin Habib a tsaye yana mata murmushi.

  Jin ta tsaya da magana yad'an kanne ido cikin salonsa yace " Haba Nafi ba ni kika so gani bane? "

  Da sauri ta girgiza kai alamar a'a sannan ta d'ora da cewa " ba haka bane Ya Habib. "

  Habib ya d'an matso kad'an hakan yasa ta d'an kara matsawa, kara matsowa yai itama ta kara matsawa, sam bata kula tazo karshe ba tayi baya zata matsa kawai taji zata fad'i, da sauri yasa hannu a kugunta ya tarota.

   Nafi kam har ta runtse idanta kam, jin an riketa yasa ta bud'e ido a hankali, Habib ya sakar mata wani lalausan murmushi, sannan ya matso da fuskarsa yace " Me yasa kika tsaya da maganar ki to? "

  Yawu ta had'iya da karfi sannan ta d'an motsa baki tace " Ya Habib d'an sakeni. "

  Jin ta waske bata bashi amsa ba yasa ya d'agota tare da sake cewa " Shikenan na hakura da gaisu.... "

 Bata jira ya karasa ba tace ina kwana? "

  Dariya ya d'anyi sannan yace " Nafi kina burgeni na rasa me yasa. "

  Kasa tai da kai dan itakam tasan wasa ne ace tana burge wani. 

  Ashraf dake zaune a kujera duk yana kallan me sukeyi kasancewar kofar a bud'e Habib ya bata yaja wani karamin tsaki tare da girgiza kai yace " in kun gama sai ku shigo, dan ni inada abinyi. "

  Nafi ta kalli inda Ashraf yake haka kawai taji gabanta ya fad'i tare da tsananin takaicin ganin ta dayai. 

Habib ya matso da niyyar rike mata hannu da sauri ta b'oye hannun a baya kallanta yai fuska a sake sannan ya d'anyi gaba yace " Ki shigo. "

  Da sauri ta shige jikinta duk yai sanyi. 

  Ashraf na zaune yana kallo ta karasa tare da zama a kasa, Habib ya kalleta yace " zauna a kan kujera mana? "

  Ashraf ya bugamai wani mugun kallo yace " Mu sa'aninta ne? Kai meyasa kake kokarin zubar mana da mutunci agurin yara kanana? "

  Nafi wacce ko alamar tashi dama batai ba ta d'ago ta kalleshi sai dai zuciyarta ta d'anji ba dadi. 

  Ashraf ya d'auke idansa, Habib ma kasa magana yai, Shiru ne ya d'an biyo baya kafin Ashraf yace " Nafisa! "

  Gaba d'aya tun daga kan yatsar kafarta har zuwa kanta sai dataji wani abu ya wuce mata, d'agowa tai a hankali ta kalleshi. 

 Ashraf kam ko a jikinsa yace " yau zuwa gobe zakuje da Little da kuma mumy xakuje siyayyar kayan makarantarki. "

  Kallonsa tai cikin mamaki batasan sanda tace " naam? "

 Ya had'e fuska sosai yace " bakiji me nace ba? "

  Tace " Naji kace makaranta. "

 Yace " eh, in kun gama siyayya da komai zuwa jibi zaki wuce makarantar kwana dake kazaure. "

  Nafi kam idanunta ne suka ciciko, wani irin farin ciki ne wanda ita kanta batasan irinshi ba yake ratsata, Ashraf yace " meye hakan? "

  Hawayenta ta goge wanda suka zubo, ta girgiza kai tace ba komai. 

 Habib cikin damuwa yace " Bakyaso ne? "

Kai ta girgiza da sauri tace "a'a ba haka bane. "

  Ashraf ya d'an kuraa mata ido kamar yanasan gano wani abun, idanunta tai saurin yin kasa dasu tace a hankali tace " Yaya babana fa?"

  Jiyai ransa ya b'aci ya ce " Bansan inda yake ba, kuma bana fata insani, sannan in har da haka kike tunanin yin karatun to gwarama karkije, dan ni na tsani mutum mai raunanniyar zuciya. " ya mike yai ciki. 

  Kallo ta bishi dashi zuciyarta tana dana sanin tambayar datai, sai dai duk yanda taso da daurewa ai dole ne tai rashin mahaifinta. 

 A ranta ta maimaita Raunanniyar Zuciya? Me kenan? 

Kamar Habib yasan meke ranta yace " karki damu da fadan Ashraf dan shi yawancin maganarsa haka take. "

  Nafi tabi d'akinsa da kallo tanasan ta bashi hakuri ta kuma tambayeshi ciwon sa, daurewa tai ta kalli Habib tace " Ya Habib meye raunanniyar zuciya? Ma dai san me zuciya take nufi"

  Dariya yai yace " rauni fa? "

 Tace " na sani. "

 Ya sake dariya yace " to sai ki had'asu guri d'aya ki gani. "

 Tace " Rauni Zuciya? "

  Wannan karan dariya sosai Habib yai yace " lalai Nafi inkinje makaranta cikin mutane a hankali zaki fahimta. "

  Tace to, sannan ta sake kallan d'akin Ashraf sai dai ba yanda zatai, mikewa tai zata fita, Habib yace " aiki kikai ne? Naga kayanyi sun b'aci kamar daga kitchen kika fito. "

  A'a kawai tace tai saurin fita.

 Tana gaba kad'an sai ga Aneesa wacce tasha kwalliya tana tafe kamar sarauniya.

 Idanunsu ne suka had'u, gaban Nafi ne ya fad'i bawai dan tsoro ba a'a sai dan ganin kyan datai, a cikin zuciyarta tace " Dole Ya Ashraf yasoki. "

   Tun datazo gidan bata taba ganin Aneesa ta d'au kwalliya irin haka ba, ba namiji ba ko mace ce ta wuce dole ne ta kalleta dan tayi kyau sosai, Aneesa wacce takura ma Nafi ido cikin tsananin takaici ta karaso. 

  Kwalliya tai dan taje su shirya da Ashraf amma me take gani haka? 

 A zuciye ta karaso tare da kallan Nafi cikin tsananin takaici tace me kike anan? "

  Nafi ta kalleta sai dai ta kasa cewa komai, Aneesa ta sake kuluwa tace " ke dan gidan ku ba magana nake miki ba? "

  Nafi ta daure kawai jitai ta sami kanta da cewa" Ya Habib ne ya kirani. "

  Aneesa wacce bata gamsu da zancen ba tace " Nafi karkiga jiya nazo da niyyar dukanki ki d'auka wai ko kishi nake dake ko wani abun. "

  Ta d'anyi dariyar kissa tace " Tausayi kike bani, kinfi kowa sanin ni dake ba d'aya bane sannan ke da kanki zaki iya warewa kisan wa ya dace da Ashraf ko ince wa Ashraf yake so, dan haka ina baki shawara in ma da wani shirme ko yarinta akanki gwara tun wuri ki cireta dan kinsan wutsiyar rakumi tayi nesa da kasa, ke ko masu aikin gidan nan sun fiki daraja. "

 Ta bangaje ta tai gaba, jitai ranta yayi sanyi ta tuno maganar Umma datace " ki nuna mata ita ba komai bace ta hakan ne inma da wani munafircin a ranta zai sa ta shiga hankalinta."juyowa tai ta kalli Nafi tana nan a inda ta barta, ta sake dariya sannan tai gaba. 

  Nafi kam sai juya kalamun take a ranta, tafi kowa sanin Ashraf yafi karfinta, ta kuma sani ko kata sun kare ba abinda zaiyi da ita sai dai meyasa takejin zuciyarta ba dadi? Wata zuciyar tace kema Nafi kina ganin mai mace kamar Aneesa me zaiyi dake? Jiki duk a rame? Gaki yar kauye wacce ake neman biyan bashi da ita? "

 

   Da kyar ta karasa d'aki tai wanka sannan tasa abinci a gaba, da kyar takeci ta rasa me yasa batajin dadin abincin sam.

    Aneesa kam tana shiga taga Habib zaune a kan dinning yana cin abinci, tai murmushi tace " Yaushe a gari d'an uwan Ango? "

  Habib ya kalleta yace " Amarya irin wannan kwalliyar kamar yauce ranar? Ko dai anzo seducing d'in d'an uwa nane? "

  Aneesa ta d'anyi dariya har hakoranta suka fito ta d'an karkace kadan tace " me? Kana tsoro ne? Ko kuwa kishi kake ba kada me ma?"

  Habib ya rike haba yace " tab lalai d'an uwana yana cikin tashin hankali gwara muyi sauri mu kawoki kafin ki burkice mana d'an uwa."

  Aneesa ta d'an fara tafiya cikin salo tare da cewa " ah to wayace kukai bikin da nisa?"

  Habib ya bita da kallo yana murmushi.

  D'akin Ashraf ta murd'a, kai tsaye ta shiga, Ashraf wanda ke kokarin shiga wanka ya kalli kofar kansa tsaye ya d'auka ko Habib ne, ganin Aneesa yasa ya had'e fuska tamau, ta sakar nai wani murmushi tace " Sorry Hubby ashe wanka zakai. "

  Ya kalleta yace " Aneesa bakisan ya ake sallama ba ko kwankwasa kofa ba? "

  Ta shagwab'e tare da shiga ta zauna a bakin gado tace " nida d'akin mijina? "

  Ya girgiza kai cikin takaici yai hanyar toilet sannan ya tsaya ya kalleta tare da cewa " nine mijin kuma banaji na bada sadaki bare a shafa fatiha, dan haka ki kiyaye shigomin d'aki kai tsaye." yana kainan ya shige toilet.

  Aneesa ta turo baki cikin jin haushi sai dai ta kasa cewa komai sannan tana kunyar fita kar Habib ya mata dariya...... 

 

  *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

*Hajja ce! I Sincerely Dedicate This Page to You... ILYSM😍*

 *24*

    Tana nan a zaune jugum har ya fito daga wanka, daga bakin kofa ya kalleta fuskar nan a had'e tam yace" me kikeyi har yanzu? "

  Mikewa tai ta d'anyi rau da ido tace " Haba Hubby na taya na ciwo kwalliya dan in birgeka zaka dinga wulakantani haka? Tunda kaga nazo ai kasan hakuri nazo in baka. "

   Ashraf ya wani saki murmushin rainin hankali sannan ya mata wani kallo wanda ita da akawa ita kadai tasan me yake nufi yace " Ko? "

  Tace " bangane ba? "

 Ya d'an juya kai gefe yace " ke kina tunanin har kinkai matsayin da zaki tozartani a gaban mutane sannan ki biyo ta baya kice zaki ban hakuri? "

  Aneesa ta d'an canza fuska kad'an tace " Amma Yaya kasan dai ko waye dole yaji haushi, ko bakasan na dinga kishin ka? "

  Kallanta yai sannan yad'an girgiza kai na takaici hanyar waje ya nuna mata da yatsarsa yace " yi nan. "

  Ta kare lagub'e fuska, yace " kinfi karfi? "

  Juyawa tai a hankali tai waje tana fita yasama kofar makuli, tare da jan tsaki. 

  Nan ya shafa maganinsa sannan ya shiga kokawar sa kaya, bayan yasa ma kwanciyarsa yai a kan gado. 

    Itakam Aneesa tana fita Habib ya kalleta tare da guntse dariyar datake kokarin tahomai yace " Badai fada kukai ba? "

   Ta kalli Habib kamar zatai kuka sai kuma ta daure tace " a'a kaya zai sa. "

  Habib ya jinjina kai, zama tai a kan kujera shikuma ta mike yai waje, Aneesa ta dade a zaune tun tana irgaminti har ta dawo hour, ganin hour din Ashraf biyu a ciki gashi har bacci yana neman d'aukan ta yasa ta mike kamar ta kurma ihu. 

  Abin haushi taje tana kwankwasa kofar Ashraf sai ga Habib ya shigo, yana ganinta baisan sanda dariya ta zo mai ba. 

 Aneesa takalleshi cikin kuluwa tace " Abokin Ango meye hakan? "

  Habib ya had'e hannayensa biyu alamar ban hakuri yace " Tuba nake Amarya amma naga kamar fada kukai da Angon."

 Aneesa wani takaici ya kara kamata ta kalli kofar Ashraf sannan ta kalli Habib dake juya kai yana d'an dariya haushi yakamata kawai ta tsugunna a gun tasa kukan shagwab'a.

  Kuka take sosai Habib ganin haka ya kara komawa waje.

 Ashraf kam wanda kukan duk ya dameshi ya mike jiki a sanyaye ya bud'e kofar, Aneesa tana jin ya bud'e ta kara sautin kuka.

   Ashraf ya tako a hankali, ya tsugunna shima tare da sa hannu akan kafad'arta, kamar jira take dama ya tab'a ta kawai ta kankameshi tana kuka, Ashraf ya shiga kokarin zare jikinsa amma ta kankameshi tamau sai kuka take. 

   Ganin bata da niyyar sakinshi yasa ya mike da karfi, Aneesa ta d'ago fuskarta wacce duk ta b'aci kaca kaca sakamakon kwalliyar datasha, Ashraf ya dafata yace " Anie na fada miki ba sau d'aya ba kidaina kankameni haka."

  Ta turo baki tace " kai fa mijinane. "

  Ashraf yace " banzama ba tukunna, sai an d'aura mana tukunna, sau nawa ina sanar dake hakan? "

  Aneesa ta kara share hawaye tace " Yaya naji to zan daina amma d'an Allah kadaina wahalar da zuciyata. "

  Mikewa yai batare da ya amsa ba ya bud'e kofar d'akinsa yace " zo ki wanke fuskarki. "

  Ta turo baki tace " bakasan kwalliyar? "

  Kai ya girgiza alamar a'a yace " ki shiga kya gani "

  Ta mike zuciya ba dadi tai toilet. 

  Tana shiga taga fuskarta a madubi kamar dodo, da sauri ta matso liquid soap ta shiga wanke wa tana yi tanajin haushin ganinta a haka da Ashraf yai. 

      ¤¤¤¤¤¤

  Da yamma bayan little ta dawo Mumy ta sasu a mota suka fita shopping, sunyi siyayyar kayan abincinta sannan aka sai uniforms, da house wear sannan suka wuce gun mai d'inki, nan suka bashi sannan suka amshi ragowar sababbin d'inkunenta, wannan kuma akan gobe za'a mata tunda uniform ne bawai style za ai ba. 

   Nafi kam kana kallanta zakasan tana cikin farin ciki dan little ma sai tsokanarta takeyi.

  Sun gama komai kafin su nufi hanyar gida, Little ta kalli Nafi tace " Nafi kinsan Ice cream?"

   Kallan mumy tai wacce tai kamar batajinsu sannan ta kalli Little ta girgiza mata kai alamar a'a. 

  Little ta zunguro kusa da Mumy tace " mumy asai mana Ice cream. "

  Murmushi Mumy tai tace " to. "

 Nan suka karkata suka gangara 212, Little ta kama hannun Nafi suka shiga ciki, Nafi kam sai sadda kai kasa take, dama Mumy bata bisu ba tana zaune cikin mota sai dai tabi Nafi da kallo wacce ta ke kula da nutsuwarta tunda suka fito. 

 Tana jinta sanda suna siyayya tana tab'a Little akan wai duk kayan na makaranta ne? Ai sunyi yawa ina zata kaisu? Tanaji sai dai Little tai dariya tace "ke dai me ya dameki? "

  Mumy ta saki fuska tabi bayansu da kallo.

  Sukam suna shiga Little ta shiga zab'an abubuwan da zasu siya da yake duk sunayen da turanci take fada yasa Nafi kawai ta zura mata ido tanaji inama itama tasan ke ake cewa? 

 Sunyi siyayya sosai kafin su fito, Nafi ta kalli Little tace " ku kam wani irin kud'i gareku? Na ga sam bakwajin wahalar kashesu. "

  Little ta d'an harareta tace " Ke dai in an miki abu kawai kiyi godiya ki daina cewa ya miki yawa. "

  Nafi bata amsa ba sai dai ta bita da kallo, nan suka koma mota.

   Mumy ta ja mota suka tafi, sun isa gida mumy tai parking zasu fito Nafi tace " Mumy angode Allah ubangiji ya kara bud'i."

  Murmushi Mumy tai sannan ta amsa da Amin. 

  Zasu fita sai ga Habib da sauri ya karaso, shiya rike musu kofar motar, Little kam wani shaukin farin ciki ne ya ziyarci zuciyarta tace " Ya Habib? "

  Yakwantar da kansa a jikin kofar kad'an yace " My Little Princess i really miss u"

   Little wacce zuciyarta ta kara yin haske ta juya fuska cikin shagwab'a tace " bayan yaya ya daina damuwa dani? "

  Habib ya kalli Nafi ba tare daya ba Little amsa ba yace " Nafisa ba magana? "

   Ina wuni ta fad'a cikin sanyin muryarta, Ya amsa tare da kallan cikin motar yace " Mumy sannu. "

 Mumy ta fito tare da cilamai makulli tace " akwai kaya a boot ka tayasu kwasa zuwa b'angarensu. "

  Ya chafe tare da yi mata salute yace " yes maa. "

  Mumy tai gaba, Little ya kalla yace " Little Princess ba a huce bane? "

   Tace " Yaya Allah kuwa..... "

  Ya katseta tare da had'e hannayensa biyu alamar ban hakuri, hakan yasa ta kasa karasawa, itakam Nafi dama tad'an matsa nesa da su kad'an, jitai Habib yace " To gimbiya sai ki matso mu kwashi kayanki ko? "

  Da mamaki ta juyo tace " Ba dai nice Gimbiyar ba ko? "

  Habib yai dariya yace " me? Bakyasan sunan? "

 Zatai magana Little tace " Ni Princess ita Gimbiya? Ya Habib to meye marabarsu? "

  Ya saki dariya yace " Princess ba dai tana kishi ba? "

  Da sauri tace " ni dai bance ba. "

  Nafi itakam ta karaso ta d'au ledoji manya manya ta nufi hanyar ciki, Habib da sauri ya sha gabanta yace " ta ina mace yarinya kamarki zata iya d'aukan kayan nan? "

  Nafi ta kalleshi tace " zan iya, kai dai kaba Maryam hakuri. "

   Ya kalli Little sannan ya juyo da niyyar yima Nafi magana sai dai can ya ganta tayi gaba, ya saki murmushi tare da shafar keyarsa sannan ya koma gun Little. 

  A falo Nafi ta tadda Aneesa da kawarta a zaune suna hira, Nafi ta tsugunna ta gaidasu sannan ta nufi hanyar d'akinsu, Aneesa ganin manyan ledoji yasa tace " ke zo nan."

 

  Nafi ta juyo ta kalleta sai dai bata karasa ba, Aneesa tace " ke munafuka ba dake nake ba? "

  Nafi ta ajiye kayan a bakin kofa ta nufi gunta, cikin masifa Aneesa tace " da ke da kayan nakesan ganinki. "

 Nafi ta koma ta d'auko kayan ta karasa gunta, gyara zamanta tai sannan ta fizgi Ledar da karfinta ta shiga bincikewa, Nafi kam yau ta kulu, har ranta sai dataji haushin wannan abun, tana kallon Aneesa ta juye ledar ma gaba d'aya akan carpet dai dai nan Little ta shigo falon, mamaki ne ya kamata tace "me kenan? "

  Habib ya karaso shima ya kalli wannam cin mutuncin, ga Nafi a gefe ta tsugunna, Aneesa ta bugama Little harara idanta ya rufe ko Habib bata gani ba tace " Little wa aka saima kayan nan? "

  Little ta kalleta rai b'ace tace " Ya Neesa me ya dameki da wanda aka saiwa? "

   Aneesa ranta ya b'aci ga kawarta a zaune a kusa da ita, tace " mene?"

  Little a zuciye ta karaso tace " Ya Neesa wai meke damunki ne? Taya zakiga kayan mutane kawai ki zubar a kasa? "

  Kawar Aneesa ta kalli Little tace " lalai Little yaushe kika zama mara kunya haka? Aneesa ba yayarki bace? Sannan yanzu da kika ganni anan tsara shirye shiryen da za'ai da bikinta da yayanki mukeyi ai ko bata zama matarsa ba ai yayarki ce bare an kusa. "

  Little ta kalleta a kule sai dai ta kasa magana ta kalli Nafi cikin takaici ta wani takure kanta a kasa zatai magana kawai sukaji ance "Tsugunna ki kwashe kayan da kika zubar. "

  Gaban Aneesa ne ya fad'i ta juyo a tsorace, ba ita ba Little da Nafi ma kofa suka kalla haka ma kawar. 

  Ashraf ne a tsaya kana ganinsa kasan ba wasa a fuskarsa, Little ta kalli Habib wanda ke tsaye daga kofa, a ranta tace " yaushe ya kira shi? "

  Aneesa ta kalleshi tace " Yaya.... "

  Wani kallo ya mata wanda yasa ta had'iye maganar ta cikin tsawa wacce ta razana kowa dake falon yace " Kowa ya fita."

  Nafi kam jikinta rawa ya kauri dashi, bata tabajin yayi tsawa haka ba, Little ta kamata sukai waje a sukwane itama kawar Aneesa da sauri tai waje ta nufi d'akin Umman Aneesa. 

  Ya rage daga Aneesa sai Ashraf a d'akin, ya kara kallanta yace " ba dake nake ba? "

  Idanunta na kansa kallan mamakin dizgata dayai take, ta daure tace " Yaya ni zaka wulakanta akan Nafi? "

Shi baimasan a hannun Nafi aka anshi kayanba, shidai Habib yace yazo akwai matsala a b'angaren su Little, da ya iso shine yake cemai Mumy ta siyo kaya Aneesa ta zubar. 

   Ashraf ya kara kallanta, idanunta suka ciciko tace " Yaya kana san ka nunamin ka fifita Nafi akaina kenan ko me? "

  Ashraf ya kalleta cikin tsananin takaici zaiyi magana kawai sai ga Asim da Umma sun shigo cikin masifa........

 *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    

*25*

    Nafi wacce little ke janta akan su tafi b'angaren Mumy tana ganin Umma da Aslam sunyi b'angarensu a fusace yasa ta turje tare da kallan Little tace " Maryam wannan abun duk laifinane, kina ganin abun nan yana neman ya zama babba? Sannan ni kuma in gudu?"

   Little ta tsaya itama tare da cewa " Laifinki? Ta ina ya zama laifinki?"

 " laifinane mana tunda dai a hununa aka amshi kayan."

 Haushi ya kama Little ta rasa Nafi wace irin yarinya ce, ta kalleta tare da dafata tace " Naji a kaddara laifinki ne mai zakiyi in kika koma?"

  " Hakuri zan bada mana kina ganin su Umma sun tafi nasan kowa laifin yaya zai gani." Ta karasa maganar cikin rawar murya.

  Little ta kalleta sai dai ta rasa me ma zata ce mata, gani tai Nafi ta fara tafiya nan ta bita tana mata magiya akan su tafi sai dai itakam gani take gwara taje kawai.

  A falo kuwa Ashraf ne ya had'e rai kamar zai dake Aneesa ita kuma tana tsaye kyam kusa da kaya, ta kalleshi tace " Yaya nice fa?"

 Ya buga mata wani kallo yace " kece wa? Ko dama a duniya akwai wanda ya isa inyayi ba daidai ba a kasa hukuntashi?"

  Daga bayansa yaji ance kwarai kuwa, Asim ne yai maganar ya sani shiyasa kuma bai juya ba, Asim ya karaso rai b'ace sannan ya sa hannunsa ta bayan Ashraf iya karfinsa da niyar kai mai duka, Umma tai saurin rike hannun tare da balamai hararra.

   Ashraf ya kalli Aneesa yace " idan kika bari na irga uku acikin raina wlh sai kinyi dana sanin wannan ranar."

  Umma tai charaf tace " ai kuwa sai dai tayi dana sanin dan kaf duniya ba wanda ya isa ya sa 'yata ta kwashi kayan wannan yar kauyen."

 Ashraf bai kalli Umma ba haka kuma bai bata amsa ba sai Aneesa da yake kallo yace " kin amince da abinda aka ce?"

  Aneesa ta goge kwallarta tace " yaya me zakayi in na ki kwashewa? Badai cewa zakai ka fasa aurena akan wannan shirman ba?"

  Ashraf ya saki wani mugun murmushi yace " me? Kina ganin bazan iya ba?"

  Kallan mamaki sukamai su duka ukun, Aneesa wacce duk ta gama rikicewa tace " Ya Ashraf me kake fada haka?"

  Ya kalleta yace " in kina tunanin bazan iya ba ki bar kayan nan har na karasa bakin kofa, ni kuma zan nuna miki magana d'aya nakeyi." Nan ya juya

  Aneesa ko kara wata maganar batai ba ta shiga saurin kwashe kaya kamar zata kifa kansu, Ashraf kam ko a jikinsa ya wuce ta jikin Asim ba tare da ko kallan su yayi ba, bai kuma kara duba Aneesa ba dan yasan tabbas zata kwashe kayan nan.

   Ana kai kofa, Nafi wacce ke tsaye jikinta sai rawa yake ta kalleshi a tsorace, bai kulata ba yai wucewarsa, Little ta dafa Nafi tace " Nafi jikinki rawa yake."

  Juyowa Nafi tai cikin tsananin tsoro tace " Maryam wani irin mutum ne yayanki? Da gaske sai ya raba auren nan a dalilin da baikai ya kawo ba?"

  Little tai shiru dan itama abin ya bata tsoro, Nafi ganin haka yasa ta girgiza kai tace " Maryam yayanki na bani tsoro dan ko Baffa banajin tsoronsa kamar yanda nake jin na yayanki."

 Little ta dafata tace " yayana yaga rayuwa wanda itace ta maidashi haka, baya tausayin kowa ba kuma ya shakkar kowa, abu d'aya ya tsana kuka bayan wannan banaji akwai abinda ke tab'a mai rai."

  Nafi tabi bayan inda Ashraf yabi da kallo, ace wacce zaka aura kuma kake so ita zaka dizga haka agaban iyayenta da yayanta? Kuma ya juya ya fita kamar ba abinda ya faru?

   Little ce ta katseta da cewa "Nafi ina zuwa."ta juya da sauri.

   A falo kam Aneesa tana ganin fitarsa bayan ta gama kwashe kayan ta tsugunna agun tare da fashewa da wani irin kuka mai ban tausayi, Umma ta karaso kusa da ita jikinta itama a sanyaye ta jawota jikinta.

  Kuka sosai Aneesa takeyi, Asim ya kalli Umma cikin takaici yace " Umma haka zamu zauna yaron nan yqna ci mana mutunci?"

  Umma ta kalli Aneesa tace " da kinsani baki kwashe ba inga ta karyar iskanci."

 Aneesa ta mike daga jikin Umma tace " Umma kamar bakisan Ashraf ba? Kin manta abinda ya faru shekarun baya da suka wuce? Kina sane da ciwon danai tayi a lokacin dayace bazai aureni ba, ya kuma daina kulani."

  Umma tai shiru, Aneesa cikin kuka tace" alokacin bansan ciwon kaina sosai ba, kina tunanin inya fasa aurena yanzu zan iya rayuwa?"

  Asim a kule yace " Dalla yima mutane shiru, sai ki kasa rayuwa dan an rabaki da Ashraf?"

  Aneesa ta harareshi sannan ta mike cikin fushi tana kuka tace " kana tunanin in Ashraf bai aureni ba zai barka a matsayin da kake ne? "

  Asim yai shiru, Umma tace " ya isa, taya za'ai ma muso auren ya rabu ba, kinsan dalili shima Asim d'in ya sani, mu tabbatar mun rufe maganar nan ma kafin Abbanku ya sani."

  Nafi wacce ke tsaye duk taji me suke cewa tai shiru jikinta duk yai sanyi, ta fahimci wani abun amma bata gane wani abun ba.

  Jin alamun zasu fito yasa tai saurin lab'ewa, Umma har tazo kofa ta juya tare da kallan Aneesa tace " karki kara yadda kuyi fada da Ashraf akan wannan kucakar yarinyar wacce riga ma bata fara zama mata ba bare...."

  Ta juya, Nafi ta kalli rigar jikinta cikin ranta tace " bai fara zamamin ba?" 

   Ashraf kam yana shiga d'aki ya d'au littafin dake kunshe da wasiyar mahaifinsa ya bud'e wani shafi da mahaifin yace " Babban burina a rayuwa bai wuce na hada aure tsakanin d'ana da 'yar Kanina ba."

  Sannan a kasa aka sa" Ashraf ka taimakeni ka cigaba da kula da zumuncin nan ko bayan raina."

  Kai ya dafa, a cikin ransa yace " Abba meyasa kakesan wad'anda ba sanmu suke ba? Kasan yanda nakeji a raina in na tuna mahaifiyar Aneesa da tawa Mahaifiyar wai kishiyoyi ne?"

  Ya kwantar da kansa a jikin gado, a da bai d'auki wasiyyar nan da wahala ba amma yanzu ya gane tafi komai wahala a rayuwar duniya.

  ☆☆☆☆☆☆☆

   A can garin kachako kuwa D'an litti yana kwance a wani kango duk kayansa sun fara yagewa sai ga wani babban mutum yazo wucewa, ganin mutum kwance a kango cikin rana yasa ya karasa inda yake, hannu yasa ya tab'ashi yace " Bawan Allah me kake anan?"

 D'an Litti ya mike zaune a zabure, yace " Wlh I am the one."

  Kallansa mutumin yai sannan yai dariya yace " me kayi kuma?"

 Ganin mutum yasa yasan ba mafarki yake ba, ya kalleshi baice komai ba, Mutumin yace " Sunana Malam Kabiru, ina zaune akarshen layin can, kai fa dan naga kamar ba daga nan kake ba."

  Nan D'an litti ya kwashe komai ya fadamai, wani gurin yai dariya wani gun ya tausaya mai, nan yace yazo su tafi gidansa inya tara wani d'an kudin sai ya tafi kano ya nemi Ashraf d'in.

  Sosai D'an litti yaji dadi ya kalleshi yace " Amma ta ina zan tara kud'in?"

  Malam kabiru yai dariya yace " bakace kana tuka babur ba? Sai muje in baka babur d'in yarona wanda yai tafiya ci rani sai ka d'an tara."

  Murna sosai d'an litti ya shiga yi cikin tsananin murna nan suka tashi suka tafi.....

  ☆☆☆☆☆

  An anso d'inkunan Nafi sannan Littl da kanta ta zauna ta dinga mata bayani akan yanda zatai amfani da kayayyakin, sun dad'e sosai a daren ranar suna hira dan gobe akesa ran tafiyar ta, murna kuwa agunsu Aneesa da sukaji ba'a magana.

  Sun nitsa cikin hira Nafi tace " Maryam in na tafi kuma shi kenan ko?"

  Little ta kalleta cikin mamaki tace " shikenan me?"

  A ranta tace " kafin in dawo Ya Ashraf yayi aure mana."

  A fili kuwa sai tace " zamu dade wai bamu had'u ba."

  Little tai dariya tare da gyara zama tace " Nafi inza'ai bikin yaya inzo ni da Ya Habib mu d'aukeki?"

  Nafi ta kalleta cikin mamaki tace " a'a nida na tafi karatu? Sannan shima in yayan yaji ai kinsan fada zaiyi."

  Little ta tab'e baki tace " shi da yaketa hidimar biki inama zai kula dake? Hmm ai ina cin burin bikin nan sosai wlh."

  Nafi ta juya tare da gyara kwanciya tace" hmm."

  Little kam ta zake sai zuba takeyi akan shirin biki, itakam Nafi a kwance kawai take sai eh kawai da take cewa dan itakam ta rasa me yasa batajin dadin hirar ta yanzu......

*THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

*Where are u Maman Shaheed, Jidda Samusa and Classic Feedoh? Ur page is here.... LYSM😍*

 { *26*}

   Yau saura bikin Ashraf da Aneesa wata d'aya da kwana 10, a wannan ranar ce kuma Nafi ta shirya tsaf cikin uniform d'inta, Little tayi kokari wajen koya mata komai, Nafi ta fito fes da ita abin sha'awa ga kayan sunsha guga.

 A wannan lokacin inba fad'ama akai ba ko hausarta kaji ba tabbas bazaka gane daga riga ta fito ba, Little ta jawo a kwatinta tana cewa " Zaki tafi ki barni ni kad'ai. "

  Nafi tai murmushi a ranta tace da ina riga bana fita, yanzu nazo nan kuma shima gashi zan koma wani gun.

  Little ta dafata tace " Muje Ya Habib na jiranmu. "

 Nafi ta kalleta sannan ta d'anyi kasa da kanta tana wasa da hannunta tace " Maryam bazanje inma yaya sallama ba? "

  Little ta d'anyi dariya sannan tace " kije mana, amma bada ni zaki ba, ni zanje gun Mumy inkin gama sai kizo can mu had'u. "

  Nafi ta d'aga mata kai alamar eh sannan ta fito da saurinta, tana tafe tana tunanin me zata cemai, sam bata kula da Asim a zaune akan kujera ba, har ta wuceshi taji ance " ke dan kut**** baki iya gaisuwa ba? Ko dan zaki tafi wata kucakar makaranta kike tunanin kinfi kowa? "

  Nafi wacce tsoro ya rufeta ta kalleshi a tsorace tace " yahkuri Ya Asim wlh ban kula bane. "

  Ya girgiza kai sannan yace " da alama ma kayan sa miki akai. "

  Nafi tai kasa da kanta kawai batace komai ba, ya tab'e baki sannan ya juya kai tare da cewa " sai aje ayi sallama da dadiron ki. "

  Nafi kam bata fahimci me yake nufi sam da dadiro ba shiyasa ma bata damuba, ta juya ta cigaba da tafiyarta a ranta tana mamakin irin zuciya ta wannan mutumin.

B'angaren Ashraf tanufa, a hankali ta kwankwasa kofar, daga ciki Ashraf ya amsa da ashigo. 

 A hankali Nafi ta murd'a kofar sannan ta shiga ciki, yana zaune akan kujera rike da laptop da alama aiki yakeyi, bai d'ago ya kalleta ba bare tasa ran zai tanka mata. 

   A hankali take d'agowa tana kallansa sai dai ganin har yanzu hankalinsa nakan laptop d'in ga lokaci na tafiya yasa ta d'aure tace " Yaya zamu tafi. "

  "To Nafisa Allah ya kiyaye. " abinda ya fada mata kenan har yanzu hankalinsa nakan abinda yakeyi, Nafi ta kalleshi jiki a sanyaye, makullin d'akinsa ta ciro sannan a hankali ta fara takawa har zuwa inda yake, mikamai makullan tai tace " gashi yaya."

   D'agowa yai ya kalleta, idanunsu ne suka had'u gabanta yai wani irin fad'uwa da sauri tai kasa da ido, shikam har yanzu idanunsa na kanta bai kuma amshi makullin ba sai cewa yai "Sanda na baki cewa nai ki dawon da shi in zaki wani gun? "

  Nafi ta d'ago a hankali ta kalleshi, idanunsa na kanta hakan yasa ta karayin kasa dakai tare da cewa " kafin in dawo kayi aure nasan kuma a lokacin baka bukatar aikina. "

   Bai san sanda ya saki murmushi ba sannan ya maida kansa kan aikinsa tare da sa hannu ba tare da ya kalleta ba dan ya amsa, hannunsu ne suka had'u da juna, sai dai abin mamaki ya kasa d'auke hannunsa haka itama. 

  Ganin yanda take mutsu mutsu da baki yasa ya rike hannunta tare da makullin. 

  Yanaji sanda ta d'an zabura kad'an shi dariya ma taso bashi, ta d'ago tare da kafeshi da ido, mamaki ne ya kamata ganin hankalinsa ma baya kanta. 

   Idanunta na kansa sam ta kasa d'aukewa, jitai yace " kallan bai isa ba? "

  Da sauri tai kasa da kanta, yace " ba jiranki ake ba? "

  Kallansa tai da mamaki taya za'ai ta tafi bayan ya rike hannunta? 

  Ashraf ya kalleta cikin mamaki yace " So kike kuyi dare ko da wani abin da zaki fad'amin? "

   Nafi ta d'an yi rau rau da ido tace " Yaya Hanuna fa? "

  Yanda tai maganar ita kanta batasan ta iya ba, ya kalleta sannan ya kalli hannun, sakin hannun ta yai tare da zare makullin, ya kalleta yace "zan ajiye in ko in dawo sai kizo ki amsa. "

  Ta kalleshi da mamakin kalamansa, ta daure kawaj sai cewa tai " Yaya nagode insha Allah bazan baka kunya ba. "

  Ya mata wani kallo sannan yace " kada dai kije ki biyewa kawayen banza, sannan kar ki kuskura kiyi kuka da sunan wai kinyi rashin mahaifinki ko nan. "

  Nafi ta d'aga kai jiki a sanyaye, nan tamai sallama ta juya a hankali take tafiya har ta fita daga kofar.

  Tayiwa Mumy sallama nan Mumy ta bata dubu biyar wai kudin kashewa, itakam Nafi kin amsa tai sai da taga ran mumy ya b'aci tukunna, nan tai godiya suka fito, b'angaren Umma sukaje.

   Tana zaune a falo, Aneesa na gefe itada kawarta suna kallan wasu kaya, da kyar aka amsa sallamar ta, jiki a sanyaye ta shiga sannan ta tsuguna tagaida Umma sannan tagaida Aneesa da kyar suka amsa suna mata kallan uku saura kwata, Umma tace " ai anyi dabara da aka saki boarding dan na gaji da ganin yar rigar fulani tana yawo a gidan nan. "

  Nafi batace komai ba, Aneesa ta harareta tace " Allah ya raka taki gona. "

  Jiki a sanyaye Nafi ta fito daga b'angaren nan ta karasa kitchen tama su Goggo sallama.

  A mota ta taradda Little zaune a gaban Mota kusa da Habib suna hira, tasa hannu ta goge fuskarta sannan ta karasa cikin mota. 

  Habib ya juyo ya kalleta yace " Gimbiya Nafeesa irin wannan jira da aka sani haka? "

  Murmushi ta d'anyi sannan tace " Tuba nake, amma gimbiya ai Maryam ce bani ba. "

  Habib ya kalli Little wacce taji dadin kalaman Nafi, yace " to me kike so indinga ce miki? "

 "sunana mana. "

 Habib yai dariya yace " ai ni bana fadan sunan mutum, kowa da sunan da nake cemai. "

 Nafi ta kalli little tace " Little ki zabarmin to. "

 Su dukansu dariya sukai, nan Habib ya tada mota, Nafi dama tana baya, ita kuna Little na gaba. 

    Sun fara tafiya Little ta juyo tace " Kinje kunyi sallama da yayan? "

  Nafi tai murmushi tare da dg mata kai, Habib ya kalli Nafi yace " me yakeyi? "

 Tace " na daiga yana danna abu irin na Little a falo. "

  Suka sa mata dariya sannan Habib yace " Ashraf kenan, yanada kwakwalwa ga iya aiki amma har yanzu na rasa me yake hanashi yin aikinsa. "

  Nafi ta kalli Habib da mamaki sai dai batasan me zata tambaya ba, jitai Little tace " anya ba abin da bane yake damunsa? "

 Habib yai ajiyar zuciya yace " nima ina tunanin wannan, ai ko waye dole ne abin ya zamarmai Karma. "

  Kai Little ta jinjina tace " Shiyasa bana ganin laifinsa in yana fada, itama Mumyn ai.... "

Sai kuma tai shiru. 

  Nafi kam ta kasa shiru ta kalli Little tace " Me ya sameshi dan Allah. "

  Little tai ajiyan zuciya tace " Nafi ki bari sai kin dawo zan sanar dake."

  Habib ya kalli Little baice komai ba. 

  Har suka isa makaranta zuciyar Nafi fal take da tunani kala kala menene ya faru da Ashraf? Ita kanta tana mamakin Mumy da ta auri kanin babansa kuma harda 'ya a tsakaninsu. 

 

  Sun shiga makaranta nan Principal ta hadata da wata Copper wacce zata dinga nata extra lessons, sunyi sallama Little ta shiga mota duk tausayin Nafi ya kamata. 

  Nafi kam sai data b'oye hawayenta, Habib ya mata alkawarin zuwa d'aukota shida Little in biki yazo, itakam batace komai ba dan bata wani damu taje bikin ba. 

 Tana nan a tsaye har suka shiga mota suka tafi, ta goge hawayenta sannan ta karasa gun House Captain dinsu da aka kira, nan ta kira yara yan Js 1 suka kwashi kayan Nafi. 

¤¤¤¤¤

  A gida kam har yanzu Ashraf bai sakema Aneesa kamar da ba, sai dai yanzu tana iya kokarinta wurin ganin ta farantamai rai, sosai take kula dashi, sai dai wannan ba damuwarsa bace in fact gani yakema ta takura mai bayan shi mutum ne dayakesan ya zauna shi kad'ai. 

 

    Mumy da ita da mahaifiyar Habib suka shiga kasuwan ni kala kala mall da sauransu, suka had'a lefe na gani na fad'a, sunso suje Dubai sai dai Ashraf ya hanasu, yace " shi baiga wani abu da za'a siya da har za'a rasashi anan kasar ba. "

  Kaya kam anyishi, naira ta gurzu, sai dai wannan ba komai bane a kan irin dumbin kud'in da Ashraf yake dasu. 

  

  ¤¤¤¤¤¤

  An ba Nafi d'aki cikin 'yan ajinsu, gaishesu ta shiga yi dan ita a gunta hakan shine daidai. 

 Dariya sosai suka mata, jin hausarta yasa suka san bafulatana ce, d'aya daga cikinsu wacce kana ganinta kaga wayayyiya tana kwance saman up na gado, sanye da vest da wando ta zuro kai tace " lalai da alama mun sami yar kwana. "

  Dariya suka kara kwashewa dashi wata tace " Ferry ashe kin gano? Da alama kan ba komai sai iyaye suka sami kud'in gomnati. " tafad'a tana kallan tulin kayan provision din Nafi. 

  Dariya suka kara sawa, Nafi tana nan tsaye idanunta suka fara neman kawo ruwa, watace ta dafata tace " ki shiga da kayanki, sai ki zauna a up gadan dake kallan na Ferry. "

 Nafi ta d'aga kai alamar to, sannan ta shiga da kayan, daga ganin yanda suke mata kallan wulakanci yasa tasan bazataji dadin wannan zaman ba. 

Sai dai ya zatai?????

  Tana gama jera kayanta aka turo wata yarinya akan ta fito karatu karfe 2 tayi, Nafi tayi mamaki ganin ai yau tazo, sai dai ba yanda zatai sallah kawai tai tafita waje tanaji suna gulmar ta. 

 *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

*Gaisuwa da jinjinar ban girma gareku masoyan arziki, soyayyarku daban take 'yan group d'ina na The Queen Bee da Ayusher Fan Club..... ILYSM💋*

 { *27*}

  Sun fara daga kan farkon karatu wato English Alphabet,Nafi ta zake sosai wajen ganin ta koyi abinda ake koya mata, sai karfe 5 sannan wannan matar ta mike akan sai gobe a daidai wannan lokacin zasu sake haduwa. 

  A galabaice ta dawo hostel yunwa duk ta isheta, ba kowa a d'akin hakan yasa taji dadi, cornflakes ta had'a ta zauna tasha, jin cikinta ya d'auka yasa ta fito tai alwala tai sallar la'asar.

  Tana zaune a kan sallaya tana kara tisa karatunta a ranta sai gashi 'yan d'akin sun dawo. 

  Nan suka mata wani kallo Ferry tace " ke kina nan wato mu muna can an samu wankin toilet ko? "

  Nafi ta kalleta tace " wlh bam sani ba. "

 Wacce ta dafata d'azu yanzun ma ita tace " haba Ferry taya za'ayi yarinya tazo yau d'in nan amma kice tai aiki? "

  Ferryn ta kalleta cikin kuluwa tace " Ke Jibiya banasan salon iskanci, meye naki a ciki? Ko dake nake magana? "

  Wacce aka kira da Jibiya itama cikin fad'a tace " badani kike ba amma hakki nane in fada miki gaskiya sannan ko yanzu kika kara abinda bai dace ba dole ne in fada miki gaskiya koda kuwa zakiji haushina."

 Ta ja tsaki a karshen maganarta sannan tai waje a zuciye, Ferry ta bita da harara tace " Yarinyar nan ta gama rainani wlh. "

  Itakam Nafi tana zaune duk jikinta yai sanyi,ba abinda ta tsana irin taga anyi fad'a a kanta. 

  Mik'ewa tai ta kalli Ferry tace " D'an Allah kiyi hakuri." sannan tai waje inda taga waccan ta fita. 

 Ga mamakinta a zaune taganta cikin mutane suna ta hira da dariya. 

  Nafi ta karasa inda take tare da musu sallama, Jibiya ta d'ago ta kalleta sannan tace " new comer ya akai? "

  Nafi ta d'an motsa baki alamar tana san magana, ganin haka yasa ta mike taso kusa da ita, Nafi ta kalleta tace " Banji dadi ba daga zuwana kuna fada akaina, d'an Allah kiyi hakuri. "

  Jibiya tasa dariya sannan ta kama hannun Nafi suka zauna tace " Karki damu da wannan, Ferry yayatace, ubanmu d'aya, indai fad'a ne irin wannan mun saba. "

  Nafi ta kalleta cikin mamaki tace " Ayya bansani ba. "

  Hannu ta mika mata alamar suyi musabaha tare da cewa " Sunana Aisha Isma'il. "

  Nafi tai murmushi sannan ta mika mata hannu itama tace " Sunana Nafisa Abubakar. "

   Murmushi sukama juna, Jibiya ta kalleta tace " a kano kike? "

 Nafi ta d'aga kai alamar eh, fara'arta ce ta kara bayyana tace nima haka. "

  Nafi tai murmushi, jibiya tace " Karki damu da Farida ko ince Ferry kamar yanda ake cemata, a ido ne take haka amma a zuciyarta sam mace ce mai saukin kai. "

  Nafi kam murmushi kawai tai, suna nan a zaune Jibiya na janta da hira sama sama har magrib tayi. 

 Nam suka mike sukai alwala suka nufi massallaci. 

   Washegari bayan sun shirya da safe suka fito aji dukansu 'yan d'akin, Nafi an shiga cikin Uniform ba laifi tayi kyau dagwas da ita. 

 Sunshiga aji malamin Math ne ya fara shigowa, itakam Nafi kawai iya kacinta kallon duk malamin daya shigo dan ko kad'an bata fahimtar kalma d'aya da take fahimta ba. 

 

  Sai dai ta kalli Malami ta kuma kalli alo, haka malamai sukai ta fita wasu na shiga har aka tashi, itadai tasan kawai dumama benci kawai takeyi.

   ¤¤¤¤¤¤¤¤

  Wani mugun kallo Ashraf ya ma wata kawar Aneesa da sauri ta kalli Aneesa a tsorace, Aneesa ta kalleshi tace " Hubby me kake nufi? Events d'in ne bakaso kome?"

  Ashraf ya kalleta yace " Anie kanki d'aya kuwa? Biki kwaya d'aya shine kike neman yin event kusan guda 10? Sannan kina san ni in hallarci guda 8? Akan me? "

  Aneesa ta kalleshi tace " bangane akan me ba?"

  Ya dan rufe ido kad'an sannan yace " tambayar ki ai nake akan me zanje? "

  Kawar Aneesa ta daure tace " Ashraf amma..... "kallan daya mata yasa tajs bakinta tai dif, Aneesa ta mike rai b'ace tace " Yaya meyasa kake min haka?"

  Murmushi ya sakar mata sannan yace " me kuma nai yanzun? "

  Aneesa ta kafeshi da ido ranta duk ya gama b'aci ta daure tace " Ka tab'a ganin mijin daya ce ma matar da zai aura akan me zaije gun bikinsu? "

  Ashraf ya d'an daga kafad'a tare da d'aukan wayarsa ya fara dannawa sannan can yace " kowa da irin zuciyarsa, sannan dama namiji aka sani dayin kyale kyalen biki ko mace? "

  Aneesa idanunta ns kansa ranta yakau kololuwa gun tashi, ta bud'e baki zatai magana tags ya d'au waya ya kira wata number sanan taga yaa mike yai cikin d'aki. 

  Idanu ta bishi da shi sannan tai waje fuuu, kawarta ta mike ta biyo bayanta.

  D'akin Umma ta shiga da gudu ba ko sallama, Umma na zaune tanacin abinci, Aneesa ta fad'o kanta sannan ta saki kuka. 

  Nan Umma duk ta rud'e ta shiga tambayarta abinda ke faruwa, kawarta ce ta sanar ma Umma komai, ran Umma ya b'aci sosaii ta kalli Aneesa rai a b'ace tace " Akan haka ne kike kuka? Ai nasha fad'a miki ki cire san Ashraf aranki kiso kud'insa kawai ba wai shi ba amma nsga alama sam kin kasa fahimtata. "

  Aneesa cikin kuka tace " Umma ya zanyi? Nafa fad'ama friends d'ina zancen events d'innnan. "

  Umma ya shafa kanta tare da kama hannunta sukai d'aki. 

 A bakin gado suka zauna, Umma ta kalleta tace" ki rage events d'in daga goma zuwa bakwai, a wannan lokacin kibar Ashraf ya sami duk abinda yakeso, karki kuskura ki b'ata masa rai har zuwa lokacin da zai aureki ki amshi wasiyyar mahaifinsa. "

   Aneesa ta kalli Umma sai dai batace komai ba, Umma ta cigaba "a sanda kika samu kansa kikasan ya gama mutuwa akanki lokacin ne zamu samu ya barma yayanki company d'insa."

  Aneesa da mamaki tace "Umma taya zanso mijina yabarma Yayana Company d'in mahaifinsa? "

  Umma tai wani tsaki na kulawar tace " Aneesa ke yarinyace bazaki tab'a fahimta ba, alokacin da Ashraf ya amshi aikinsa, dukiya da aiki suka fara mai yawa kina tunanin zai samu lokacin ki? "

  Aneesa ta girgiza kai, Umma ta dafata tace " Aneesa kiyi tunani dakyau a haka ma mutumin da ba aiki yake ba baya ganin wani darajarki bare kunyi aure? Yana ganin shi ke da iko dake? "

  Aneesa tai shiru sai dai Umma ta tabbatar kalamanta sun ratsa Aneesa sosai...... 

   Nan ta mike ta barta a d'akin, shiru Aneesa tai tana tunani kalakala da wulakancin da Ashraf ke mata duk suna dawowa cikin zuciyarta, kwanciya tai akan gadon zuciyarta na mata sake sake kala kala...... 

¤¤¤¤¤¤

  Yau satin Nafi d'aya a makaranta, har a wannan lokacin itadai bata fahimtar me ake a aji, sai dai tana kokari sosai a gun karatun da ake koya mata. 

  Yau aka kawo musu wani sabon malami na Computer bayan yayi introducing d'in kansa ne ya fara tashin mutane one by one dan tabbatar da abinda suka sani a gun waccan malamin nasu. 

  "Ke tashi." abinda Nafi taji malamin ya fad'a kenan idanunsa ns kanta, a tsorace Nafi ta kalleshi sai da ya kara ce mata ta tashi kafin ta mike jikinta duk ya fara rawa, Malamin ya kalleta yace "List 3 input of computer."

  Nafi ta zare ido cikin tsoro, 'yan aji kam gani sukau ba wanda ya samu saukin tambaya irin tata. 

  Nafi tai shiru sai wasa da hannunta data shiga yi, zufa sai keto mata take a cikin jikinta. 

  Ran malamin yakai kololuwa gun tashi gani yake kamar yamata tambayar yara taya za'ai wannan tambayar ta gagari 'yar Js 3?

  Ranshi ya b'aci yace " get out. " ya fad'a tare da nuna mata hanyar waje. 

  Batasan me yace ba sai dai ganin ya nuna da hannu yasa ta had'a hannayenta biyu tashiga bashi hakuri. 

 Dariya 'yan aji suka saka mata, ran Malam ya kara b'aci ganin taki fita, a zuciye ya d'au bulsla ya fara zuba mata, Nafi kam ta daku sannan yace " ya bata nan da sati d'aya zai kirata a gaban class ya mata tambayoyi, inta kuskura ta kasa to wlh ba shakka sai tayi dana sani mai tsanani."

 Nafi kam zama kawai tai tana hawaye....... 

 Ni kaina ganin halin da Nafi take ciki sai dayasa hannuna ya fara rawa wanda na kasa cigaba da rubutun nan...... 

*LYSM MY FANS*😍😍😍😍

*THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

 *Hi Fans please Vote me on Wattpad As_AyusherMohd*

 { *28*}

 Nafi kwance a saman gado, ba shakka taji zafin dukan da aka mata sosai, ita kad'ai ce a d'akin tana kwance Ferry ta shigo, kasancewar ba magana take mata ba yasa Nafi tace " Sannu da dawowa. "

  Kallan da Ferry ta mata yau ba kamar yanda ta saba mata ba, wato kallan banzan data saba ba, yau kallanta tai cikin mutunci, Nafi tai murmushi sannan ta gyara kwanciyarta, jitai Ferry tace " Nafisa ya akai kika kasa bada amsa d'azu? Baici ace duk dakikantarki kinkasa ba. "

  Nafi ta mike zaune sannan ta kalleta fuskarta cikin farin ciki, tace " Bansan amsar na Ferry. "

  Ferry ta shiga cire kayanta tana cewa " to in dai haka ne lalai zakici doka a gun malamai, ya kamata ki samu Jibiya ta koya miki tun kafin a gama raina ki. "

  Nafi ta jinjina kai cikin farinciki tace " Nagode Ferry. "

 Ferry ta harareta tace " karkiyi tunanin sanki nake yanzu, ni bana kawa da wacce bata kile ba, bana kawa mara kwalliya, ba kuma na kawa mara aji. "

  Nafi ta sauko daga sama tace " Ferry nikam kina burgeni wlh, duk da ba kulani kike ba inasan tsarinki yana birgeni. "

  Ferry ta d'aura towel sannan tace " abinda yake b'atamin rai kenan da mata irin ku, sam bakwa abin mace, bakwa kwalliya, yanzu kamar ke sam duk abinda mutum zai miki ban taba ji kin d'aga ma wani murya ba, komai sai dai ki bada hakuri, ke ba dutse ba."

Taja tsaki ta zari kwandon wankanta tai waje. 

   Nafi ta bita da kallo ba shakka abinda ta fad'a gaskiya ne, to amma ya zatai? Bayan haka halinta yake? 

  A satin nan Nafi har sai da ta rame tsabar karatu kala biyu, ga na lesson d'in da ake mata gana computer, a wannan zaman karatun da jibiya take koya mata anan ta fahimci Nafi batai wani karatu ba ganin duk yanda taso tai pronounce d'in kalmomi abun yake gagara, sai dai hakan yasa ta kara tausayama Nafi sannan ta jajjirce wajen kara koya mata. 

   Yanzu kam suna 'yar magana sama sama da Ferry.

  Sati d'aya ya cika, malam ya kira Nafi gaban black board ya shiga zuba mata tambaya, tambaya 5 ya mata da kyar Nafi ta amsa biyu, wannan dalili yasa Malam ya yanke mata hakunci akan ta dawo gaba kusa da Ferry da zama sannan duk karshen week sati biyu zai dinga mata tambaya. 

  Nafi kam duk ta rame saboda karatu, sam bata samun damar tunanin gida ko wani abu, sai dai ta rasa dalili duk sanda ta tashi daga bacci sai zuciyarta ta rage mata kwana d'aya akan kwanakin bikin Ashraf. 

   *A KANO*

 

  An kai lefe sannan anata hidimomin biki, sai dai sam Ashraf abin nan baya gabansa, tabbas yasan a ransa yanasan Aneesa sai dai bayajin wani farin ciki game da wannan auren.

  Ita kad'ai take kid'anta take rawarta, duk dinkunansa sai Habib ta samu sukaje suka siyo, sam Ashraf baya walwala bare farincikin wannan auran. 

  Duk yanda Aneesa taso daurewa karta nunamai jin haushinta sai data kasa tamai magana, sai dai duk sanda tamau magana kanta abin yake komawa, karshe tazo tana bada hakuri.

  Gida ya fara taruwa da mutane, little kam sai rawar kai dinkuna tayi yakai kala 10 ta musu kuma anko da Nafi kala 5, murna kam ba'acewa komai agunsu Umma. 

 

  Yau saura kwana biyu a fara hidimomin biki Mumy ta kira Ashraf zuwa falonta, bayan ya zaunane Mumy ta kalleshi cikin kuluwa tare da tattara hankalinta kansa, ta fara magana cikin kulawa " Ashraf yau saura kwana biyu a d'aura maka aure da 'yar uwarka."

  Ashraf kansa na kasa sai dai baice komai ba, tace " Muhammad! "

 D'agowa yai cikin mamaki dan bai tab'aji ta fad'i wannan sunan ba d'an sunan baban mahaifinsa ne. 

  Mumy ta kalleshi tace " kayi hakuri abinda na maka. "

  Kallan mamaki yake binta dashi, yace "name? "

 

 Ta kalleshi idanunta a raunane tace " Ashraf na sani sarai abinda na maka shekarun baya masu yawa shine yasa ka zama haka, sam bakasan 'yan uwanka, kanka kawai ka sani, ba ka tunanin maganar da zaka fad'a ko zai b'atama wani rai. "

  Ashraf dai kallanta kawai yakeyi, Mumy tai ajiyar zuciya tace " bazaka tab'a fahimtar me yasani na auri kanin mahaifinka ba daga rasuwar Abbanka ba har sai lokacin da kasan komai na gidan nan da kuma abinda ke cikin zuciyar kowa na gidan nan. "

  Ashraf da mamaki yace " Mumy. "

 Ta sakar masa murmushi tace " na sani nayi laifi a gareka, na rashin sanar dakai komai danai har sai sanda aka haifi Little, sai dai inaso ka sani komai nai a rayuwa to tabbas d'an kai nayi shi, ban tab'ayin wani abu dan in farantawa kaina rai ba, a ko da yaushe kai nake fara sawa a gaba akan komai na rayuwata kafin inyi tunanin kaina. "

  Shiru tai sai dai ta kawar dakanta gefe kad'an alamar so take ta b'oye kwallar ta, Ashraf kam kalaman Mumy sun tab'ashi sai dai haryanzu gani yake koma meye dalili shi bai fahimci dalilin auranta da kanin Abbansa ba."

  Mumy ta d'anja hanci sannan tace " Mahaifinka na tsananin san kaninsa, sannan babban burinsa bai wuce yaga ya had'a zuri'a dashi ba, nasani da yana da rai sai yafi kowa farin cikin wannan abun duk da yasan shi kanin nasa ba sanshi yake ba. "

  Ashraf ya kalleta cikin mamaki yace " Mumy me kike nufi da basanshi yake ba? "

 Mumy tai murmushi tace "la ba haka zan fad'a ba subutar harshe nai. "

  Ashraf yai shiru sai dai tabbas yasan da wani abu. 

  Mumy tai saurin wayancewa da cewa " Ashraf kasan me ake nufi da aure ba sai na sanar dakai ba dan Allah ka rike matarka yanda ya dace, Aneesa na sanka kowa ya sani. "

  Ashraf bai amsa hakan yasa Mumy tace " Ashraf maganar aiki. "

  Kallanta yai sannan ya daure yace " Mumy me yasa kike so im fara aiki a company d'in Abba? "

  Mumy tace " saboda hakkinka ne."

  Ashraf yai murmushi yace " idan na fara aiki a wani matsayi kawu zai zauna? Sannan ni a wani matsayi employees na company d'in zasu d'auken?"

  Mumy da mamaki tace " Ashraf me kake nufi? "

  Yai murmushi sannan yace " zan fara aiki a company d'in Abba sai dai bawai a matsayina na magaji ba inasan ne in amshi hakkina da kokarina bawai dan ni d'an Abba bane. "

  Mumy ta jinjina kai tace " kana nufin zaka fara aiki a company d'in daga farko? Tun daga kan interview?"

  Kai ya d'aga Mumy tai murmushi lalai ta yaba da tunanin d'an nata ta sani sarai dama yanada hangen nesa sai dai bata tab'a tunanin zaiyi tunani haka ba. 

  

   ¤¤¤¤¤¤

  Nafi ce zaune tana shafa mai Ferry ta kalleta tace " Nafi yau tunda kika tashi naga kamar bakida lafiya. "

  Nafi ta kalli Ferry tace " Ferry dan Allah tambaya. "

 Kai Ferry ta d'aga mata alamar eh tanaji. 

 "Yayanane zaiyi aure a satin nan, na rasa meke damuna sam duk sanda na tuna sai inji raina yana b'aci. "

  Ferry ta kwashe da wani dariya tace " Innocent Feenah dama haka kike? Oh a ido kamar.... "  

 Nafi tace " ban gane ba, wani abun ne? "

  Ferry ta fara tafi tace " Innocent girl, yayan naki uwa d'aya kuke ko uba? "

  Nafi ta girgiza kai, Ferry ta kara sa dariya sannan tace " gaskiya Feena kin tashi daga Innocent kin koma green snake. "

  Nafi ta mata kallan mamaki tace " ni na tambayeki abu ma baki amsa min ba kin bige da dariya. "

  Ferry tace " Good haka nakesanki in abu bai miki ba ki fito ki fad'i gaskiya, sannan zancen yayanki ai ba komai bane sanshi kawai kike. "

  Da sauri Nafi ta mike ta zura hijab d'inta tai waje tana cewa " Ni? Wacce ni? Ni kaza????? 

 *THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

 *Hi Fans please Vote me on Wattpad As_AyusherMohd*

 { *29*}

   

    Yau ce ranar da za'a fara gudanar da event, da sassafe Little da Habib sukazo suka d'auki Nafi, sunyi murna sosai da ganin juna sai dai Little ta damu da ganin yadda Nafi ta rame sosai, hatta Habib yaga haka, nan suka taho a hanya Little nata tsokanarta akan ta bata labarin makaranta, Nafi kam sai dai tayi dariya kawai.

  Haka sukai ta tafiya, Little duk ta isheta da labarin biki, Nafi kam shiru kawai tai sai yake da takeyi, daga kazaure zuwa kano ba wani nisa ne dashi ba amma saboda Little ta kyaleta da zancen bikin nan sai Nafi ta tsiri yin bacci a hanya, hakan yasa Little ta kyaleta sai dai ta maida akalar hirar tata ka Habib.

  Har suka iso gida Nafi dai idanunta a rufe suke. 

Tunda suka shigo kuwa tasan lalai biki yazo, dan gida ya cika da mutane, nan Habib yai parking su kums suka fito.

   Sun fara zuwa b'angaren Mumy suka gaisheta, cikin farin ciki ta kalli Nafi tace " 'yar makaranta kin iso? "

  Nafi ta d'aga kai, Mumy tace " kije kiyi wanka kice abinci ki huta dan yanzu kinsan da baki dayawa a gidan hutu bazai samu ba anjima. "

  Nafi ta amsa da to fuskarta cikin farin ciki, b'angaren su suka wuce tana isa ta fad'a toilet tai wanka kafin ta fito Little ta d'auko mata kaya a cikin sababin da Ashraf ya mata bata sa ba. 

  Nafi tai murmushi sannan tasa kaya, taci abinci sosai daj gaskiya tayi rashin abincin gida, ta gama kenan Ashraf ya kira Little a waya, Nafi tanaji Little tace "Hello Yaya! "

 Taji gabanta yaa fad'i, jitai Little tace "eh ta dawo." sai kuma taji tace to amma yaya..... "

Jin shiru yasa Nafi tasan ya katse wayar dan shi dama baya jira.

  Little tabi wayar da kallo sannan tace " wai kije ki gyaramai d'akinsa, yaba Habib makullin d'akin sannan inkin gama ki ajiye a gunki zai amsa. "

  Nafi tai murmushi sannan tace " To. "

Little cikin b'acin rai tace " Nafi bakiji haushi ba? "

 Ta kalleta tace name? 

  Little ta ja wani dogon tsaki tace " yau kika dawo bai tambayeki makaranta ba, sai ya saki aiki? "

  Nafi ta d'an harareta kad'an tace " ke kuma menene naki??? "

  Little ta kama baki cikin mamaki tasan Nafi indai abu ya mata ko bai mata ba bata tab'a magana sai dai tai kasa da kai, cikin mamaki Little tace " ba komai nawa. "

  Nafi ta mike tare da wanke hannu tai waje ranta wasai, farin ciki take zataga Ashraf. 

   Da isarta b'angaren taga kofar a bud'e sannan ga kayayyaki nan a waje da alama gyara ma ake, nan ta tsallaka ta shiga falo, mata ta gani su hud'u suna ta jera sababbin kaya a falo, Nafi ta gaishesu, sai dai kowa kallanta yake cikin mamaki, wata daga cikinsu wacce kana ganinta kasan kanwar Umms ce ta d'aure tace " Yarinya ke kuma wacece? Kuma me kikeyi a nan. "

  Kallansu tai sannan tai kasa dakai, a zahirin gaskiya batasan me zatace ba bata kums san me zata kira kanta ba a gidan nan. 

  Jitai ance " me kike anan ba aiki yasa ki ba? "

  Da sauri ta d'ago ta kalli inda ake magana Habib ne tsaye a bakin kofar d'akin Ashraf, a hankali ta wucesu zuwa gunsa. 

  Habib ya mika mata makulli sannan yace " gimbiya meye naki na tsayawa? "

 Ta kalleshi tace " gaishesu nai. "

  Habib ya d'an matso kad'an yace " ki kiyaye kula mutane irin wannan kar abu ya rutsa dake kisani a tashin hankali. "

  Da mamaki ta kalleshi, ita zatai abu to shi kuma meye nashi na shiga tashin hankali??? Ta bud'e baki da niyyar tambayarsa kawai taga ya wuceta ya fita. 

  Bayansa tabi da kallo sannan ta shige d'akin Ashraf ta rufe.

  Ba shakka yan jere sun sha mamaki, wacce wannan zataxo ta shige d'akin Ashraf?? 

  Itakam Nafi tana shiga ta cire hijabinta ta shiga gyara, ba laifi d'akin yayi kura, ta dad'e tana gyara d'akin kafin ta nufi toilet, ta wankeshi tas sannan ta wanke towel d'in dake ciki.

  Tana gamawa taji bayanta yad'an amsa, murmushi tai har hakoranta suka fito tace wato jikinki ya fara sanyi ko? Ai in a riga ne aikin dayaci uwar wannan ma batajin wahalarsa. 

   Air freshener ta fesa a d'akin, sannan ta jawo mai d'akin ta kulle tare da zare makullin, sallama ta musu basu amsa ba itadai tai gaba. 

  Yau Arabian nights za'ai, bayan magrib kowa ya shiga yin kwalliya ta gani ta fad'a, Nafi kam tana zaune tana karatu, Little wacce kawayenta sukazo sunata shiri. 

 Kallanta Little tai tace " Nafi wai meye hakan? "

 Tace " name?"

 "kina ganin kowa yana shiryawa amma ke kina zaune sannan ga kayanki nan na fito dasu banga alamar kinada niyar sa wa ba. "

 Nafi ta kalli kayan, riga ce da wando sai doguwar riga ce baka (after dress) sai dai an bita da kwalliyar duwatso rigar tayi kyau sosai. 

  Nafi cikin mamaki ta kallesu, kowa riga da wando yasa yanata kwalliya, tace " Little kinsan dai bazan iya fita a haka ba. "

 Little tai dariya tace " muma ce miki mukai a haka zamu fita? "

 Ta fad'a tare da ware mata after dress d'in tace "wannan zamusa. "

 Nafi tai ajiyar zuciya tace " zakuyi kyau nikam ba dani ba. "

  Little ta d'aga wayarta tace " shikenan bari na kira yaya nacemai kince wai ke bazaki iya zuwa gun bikinsa ba. "

  Da sauri Nafi ta mike ta kwace wayar, kawayen suka sa dariya. 

Nafi tai ajiyar zuciya tace " naji zan saka kuma zani sai dai ina gefe.

 Little ta d'aga mata kafad'a alamar wannan kuma ruwanki. 

  Little da kanta ta zauna ta shiga yima Nafi kwalliya, itakam Nafi bataso gani take kamar ba mai bukatatarta a guri meye nata na wani kwalliya? Nafi tayi kyau sosai, dan zan iya cewa tun datazo birni bata taba yin kyau irin na yau ba, mayafin abayar Little ta nata rolling dashi, tayi kyau sosai da sosai, ba wani kwalliya na kuzo mu gani bane sai dai inkaga Little lalai bazaka tab'a cewa ba a birni take ba. 

  Dukansu wando Ja suka saka, hakan yasa suka sai takalmi ja flat, sannan yar karamar jakar dake rataye a kafad'arsu ma jaa ce, sunyi kyau sosai dan ankon shigar su kad'ai sukai. 

  Sun fita reras dasu, Little na rike da hannun Nafi, tun a gida ma duk wanda ya kallesu sai ya yaba musu, nan suka shiga d'aya daga cikin motocin da aka kawo na d'aukar mutane zuwa gun da za'ai event d'in.

  ¤¤¤¤¤

  A can b'angaren Aneesa kam tana can gidan Aminiyarta ankira mai kwalliya tana tsantasara mata, ganin an kusa gamawa yasa ta d'au waya ta kira Ashraf.

  Sai data kusa katsewa ya d'aga, cikin salon jan hankali tace " Hubby ka shirya? "

  Yace " ku mata ai kune aka sani da shiryawa ni wani shiri zanyi? "

 Tai murmushi sannan tace " ka taho ta gidan su Abida sai mu tafi. 

 Cikin mamaki yace " ban gane ba? "

 Ta kara shagwab'e murya tace " ba dama kai zaka kaine ba? Ai tare zamuje gun. "

  Yace " So? "

 Tace " so shine nake fad'ama ina gidan Abida kazo mu tafi tare. "

  Yace " ni na kasa fahimtarki, meye zaisa sai nazo mun tafi tare? "

  Mikewa tai ganin yana neman disgata a gaban kawayenta tai d'aki tace " yaya haka fa akeyi. "

  Yai d'an tsaki yace " in haka akeyi sai akace dole sai nayi? "

  Mamaki ya kamata tace "Yaya ka tab'a ganin Amarya taje gun biki daban ba tare da ango ba? "

 Yace " sai a fara a kanki dan ni kam ba driver bane babu kuma dalilin dazai sa inzo in d'aukeki keda kawayen ki bayan inada abinyi. "

  Idanun Anisa ne suka canza kala tace "yanzu dai kana nufin bazaka zo ba kenan Yaya? "

  Yace " ba wai bazan zo ba gaba d'aya, sai dai zaki iya zab'a in har nazo na kaiki to kuwa ina ajiyeki zanyi tafiyata. "

  Aneesa ta furzar da wani iska ta bakin ciki tace " shikenan zamuzo a motar Abida. "

 Bai amsa ba ya kashe wayar, bin wayar tai da kallo ranta a b'ace sai dai dan karsu gane yasa ta fito tana zumbure zumbure. 

  Abida tace " Neesa ya akai? Ko keda Angon ne?"

  Ta kara tab'e fuska tace " wai suna tare da abokansa su kuma shine sukace wai inyi hakuri mu tafi dake akwai abinda zasu bashine da bazai samu damar zuwa d'aukana ba. "

  Sukasa mata dariya, Abida tace "sai kiyi hakuri ai uzuri ne. "

 Aneesa ta harareta sannan ta zauna akacigaba da kwalliya.

  An gama kwalliya suka taso suka taho, Amarya tayi kyau sosai da sosai dan maganar gaskiya Aneesa dama kyakyawace.

 A gun event kuwa, Amarya ta iso sai dai ango shiru, gashi ba dama ta shiga ta zauna ita kad'ai. 

  Duk yanda Aneesa ke kiran layin sa san bai d'aga ba. 

 Little ta taho rai a b'ace ta zauna kusa da Nafi tace " Nafi wlh yaya nema yake ya ja mana magana."

 Nafi tace " name? "

 Little tai ajiyan zuciya tace " an nemeshi an rasa kuma Habib yace " wlh yana cikin gun nan dan tare suka shigo. "

  Nafi da mamaki tace "an kirashi a waya? "

 "tun d'azu ake kiranshi amma shiru bai d'aga ba, gasu Mumy can da Umma kamar zasuyi fad'a. "

  Nafi wacce duk jikinta yai sanyi tace " a nemeshi mana to ko wani abun ne ya sameshi."

 Harararta Little tai tace " yaro ne shi? "

  Nafi ta mike da sauri bata ce komai ba kawai tai baya da sauri. 

  Sauri takeyi tana tafe tana addu'a Allah yasa ba abu ne ya sameshi ba, duk ta gama rikicewa, sai kutsawa cikin kuryar gun ga gun ba kowa sai dai akwai fitilo suma masu d'an duhu. 

  Nafi tana tafe tana waigewaige, saura kiris ta fa d'a kwata, Allah ya taimaketa sai dai takalminta d'aya ya fad'a, zare d'ayan tai ta rike a hannu. 

  Ko kulawa batai ba haka taketa tafiya, yanzu kam har gudu take had'awa d'ashi jikake tim. 

 Kafarta ta bige wani dutse ta fa d'i, mikewa tai batare data dubaba ko kula da kafarta wacce taji ciwo sai jini yake batai ba.

  Daga can bakin wani pool ta hango mutum a tsaye ya kurawa ruwan ido, tana ganinshi ta baya tasan shine, da gudu ta karasa inda yake. 

  Ta tsaya kawai tana hakki, Ashraf ya juyo gabansa jin alamun mutum, Mamaki ne ya kamashi yake kallan Nafi.

  Idanun ta suka zubo da hawaye, tasa hannu ta share da sauri tare da cewa " ba abinda ya same ka? "

 Kallanta yai daga sama har kasa, kayanta duk sun b'aci, yabi kafar ta yabi da kallo duk jini ya b'ata kafar. 

  A hankali ya matso daf da ita har tanajin numfashinsa, yasa hannu kamar zai rankwasheta a kai, da sauri ta runtse idanta kam. 

   Ya girgiza kai batai auni ba taji ya sureta. 

 Idanu ta bud'e cikin mamaki da tsoro, a can kan kujera wacce ake hutawa in anyi wanka ya ajiyeta sannan ya karasa bakin ruwan ya debo ruwa a hannayensa ya fara zuba mata a kafa. 

*THE INNOCENT TEAM*

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 *Gaisuwa gareku Aminan Arziki Mom Hamra, Mom Farhan, Agra, Mom Farouk and Fresh LUSM*

 { *30*}

   Gaba d'aya Nafi ta kasa d'auke ido daga kanshi, har ya gama d'ebo ruwa ya wanke mata duk da rad'ad'in da takeji sai leb'e kawai da take ciza, sannan ya kalli inda ta yanke, sosai gun ya shiga ciki da alama karfe ne ko kwalba ya mata wannan aikin, hannu yasa a aljihunsa ya ciro handkerchief sannan ya d'aure mata gun dashi.

  Mik'ewa yai tsaye sannan ya kalleta yace " zaki iya tashi? "

  Kai ta d'aga mai idanunta subyi tsuru tsuru, ta d'aga zata mike taji wani zugi a kafarta wanda sai da tayi 'yar kara saboda azaba, baya tai kamar zata koma kan kujera da sauri yasa hannu ya taro ta, idanunsu ne suka had'u da juna, Ashraf ya kalleta sannan yace " bakya gani ne? "

  Kallansa tai batare da ta amsa ba, ya girgiza kai sannan yace " taya zaki bari har kiji irin wannan ciwon? "

  Kasa tai da idanunta, saukar da ita yai ta koma ta zauna kan kujerar da ta mike. 

  Harararta yai yace " yanzu ya kike so muyi? "

  Tai kasa da kai sannan tace " kaje kai ai jeranka ake ni zan karaso da kaina."

 Ta d'auka bazai tafi ba ganin ba yanda za'ai ta iya tafiya, amma ga mamakin ta gani tai yayi gaba, kallansa tai idanunta suka ciciko, ta sukunyar da kanta cikin rashin jin dadi. 

  Batai auni ba taji kawai an sungumeta, a tsorace ta bud'e idanunta cikin rud'ewa tace " Yaya saukeni dan Allah. "

 Ya murtuke fuska yace " kina tunanin bazan iya ba? "

  Kai ta girgiza alamar a'a, sannan tace " tsoro nake kar wani ya ganmu a haka."

  Wani murmushin rainin hankali ya mata yace " ke dai kina tsoro kar Aneesa ta miki duka."

  Nafi tai kasa dakai sannan tace " Allah dagaske nake ka ajiyeni please."

  Bai kulata ba ya cigaba da tafiya, sun kusa isa filin gun sai ga Little da Habib sun taho ta gun suna Neman Ashraf. 

   Daga d'an nesa kad'an Little taga alamun kamar sune hakan yasa ta karaso gun da sauri.

  Kallan mamaki ta musu, Habib ne ya karaso gun shima cikin mamaki yace " Ashraf meye hakan? "

  Batare da ya kalleshi ba yace " name fa? "

  Habib ya kalli Nafi wacce tai tsuru tsuru da ita yace " event d'in auranka fa akeyi? "

  Yace " ehen sai me? Abun haramun nai ko me? "

  Habib ya kara kallansu, sai dai amsar Ashraf yasa ma ya kasa magana, Little ta daure tace" yaya yanzu in mutane suka ganku a haka me kake tunani? "

  Zaiyi magana kenan sukaji ana zabga salati daga bayansu. 

  Ashraf ya kallesu Umma ce da 'yan uwanta ga Aneesa a tsaye cikin tsananin mamaki. 

  Ashraf wuce su Little yai ba tare da damuwa ba ya gifta su Umma sannan ya ajiye ta a kan kujera daga baya, sannan ya kalli Umma yace" Umma me kuke anan?? "

   "Kan jakar uba, abinda za ka tambayemu kenan? "

 Ashraf ya kalli Aneesa wacce ta fara hawayen bakin ciki sannan yace" naga kamar abun yara ne ban d'auka manya ma zasu zo ba. "

   A zuciye Umma ta matso tace " me kake aikatawa anan kai da waccan munafukar yarinyar a ranar shagalin bikinka? "

  Ya kalli Nafi cikin salon rainin hankali yace " wacce? Waccan yarinyar? "

  Umma ta kumbura kam, yai murmushi sannan yace" karamin accident ne ya sameta shine na taimaka mata."

  Umma ta kalli Nafi cikin kuluwa sannan ta kalli Ashraf tace " accident? Shi accident d'in bai tashi ba sai a ranar bikinka? Ko dai tsabar kinibibi da muafurci ne hakan? "

  Ashraf bai tanka ba ya kalli Aneesa da take kuka, matsowa yai kad'an sannan yace " muje ko mutane na jira. "

  Hawayenta ta share sannan cikin b'acin rai tace " Duk wayar danake ma baka d'auka ba dan kana tare da waccan ne ko me? "

  Kallanta yai cikin rashin kulawa yace " zakije ko kuwa in tafi? Dan naga kamar lokaci na kawai ake b'atawa anan."

 Wata 'yar uwar Umma ta kalli Nafi wacce tai kasa da kanta hawaye kawai takeyi, tace " waccan munafukar ai d'azu muna jere itace ta shiga d'akinsa ba kunya ta dade aciki kafin ta fito, kun tabbatar ba wani abu na masha'a tsakaninsu? "

   Umma ta kalli Ashraf sai dai gani tai kamar ma baisan me suke cewa ba waya kawai yake danna wa, zatai magana taga kamar tafiya ma zaiyi. 

  Da sauri Habib ya rike hannunsa yace " Ashraf ka jiraya mana. "

  Hannunsa ya fizge sannan yace " zamanta nake? Ita har takai in mata magana taki tahowa? "

  Aneesa ta matso inda yake jiki a sanyaye tace " Yaya amma.... "

  Cikin fada yace " amma me? Ba ki yadda dani ba ko me? "

  Kai ta girgiza sannan tace " ba haka nake nufi ba. "

  Ya kalli su Umma sannan yace " to me kike nufi?"

 Tace " ba komai kawai dai dama. "

  Tsaki yai sannan yace " inzaki wuce muje to, in kuma bazaki ba ni inada gun zuwa. "

  Nan ya fara tafiya, Umma ta maka mata harara alamar kar taje, da sauri Aneesa ta d'auke idanta akan Umma tabi bayan Ashraf da sauri.

  Ran Umma ya b'aci sosai lalai ta kosa Aneesa ta auri yarannan insun samu kan dukiyarsa su salwantar dashi dan kuwa bazata iya jurar bakin cikin yaron nan ba. 

  Kan Nafi suka dawo a zuciye, gashi Habib ya tafi, duk yanda Little ke ba umma hakuri amma inaa idanta ya rufe duka ta shiga yima Nafi ba ji ba gani, itakam Nafi hawaye kawai takeyi. 

 Gaba d'ayawannan ranar mutane dayawa da bakin ciki suka taso daga gun nan.

  Su Nafi suna sauka a mota, Little ta sakala hannunta ta kafa'adarta suka nufi ciki,sai dai me? 

  Suna shiga sukaga cincirindon mutane a tsakiyar farfajiya banda masifa ba abinda akeyi, Little ta kalli Nafi tace"ko me aka sake yi oho. "

  Ji sukai da karfi wata tace " dan kut...... Uban yarinyar ai karyata zakuyi ba barinta zakuyi ba. "

  Nafi kam ta rasa me yasa takejin gabanta na fad'uwa haka, jisukai ance " wai yarinyar ma daga ina take? Akan ke zaku yadda ta zauna a nan gidan? "

 Little ce ta kalli Nafi yanzu kam sun gane inda maganar a dosa, Little ta kalleta tace " mu wuce ciki. "

  Suna shiga ciki Little ta ajiye Nafi sannan ta fito tai gun Mumy.

  A zaune taga Mumy tayi tagumi ga 'yan uwanta suma sunata magana, Little ta karasa ta zauna kusa da ita tace "Mumy wlh ciwo taji a dalilin neman yaya, ganin bazata iya takawa ba yasa ya d'auketa. "

  Mumy tai ajiyar zuciya tace" Little ki fadama Nafi gobe ta shirya da safe a maidata makaranta saboda tsoron abinda mutane zasu mata dan nasan 'yan uwan maman Aneesa sarai bazasu tab'a barin maganar nan ba. "

  Little tai shiru jikinta yai sanyi sosai, sai dai tana ganin hakan ne yafi sauki.

¤¤¤¤¤¤¤¤

  A kachako kuwa d'an litti ya zake sosai yana aikin kasuwancin sa na babur, yana kuma jin dadin yanda uban gidan sa yake sanshi, fatanshi d'aya yai sauri ya kammala kud'insa ya taho kano neman Ashaf........ 

 *THE INNOCENT TEAM*

Share this

WhatsApp