ZUCIYA KOWA DA IRIN TASA Page 31 to 40

Little jiki a sanyaye ta fito daga d'akin Mumy tai b'agarensu.

   A zaune taga Nafi kan sallaya, Little ta karasa gunta tare da sama a kusa da ita, Nafi ta kalleta sannan ta kakaro murmushi tace " Little nayi dana sanin zuwa bikin nan."

  Dafata Little tai tace " Laifinane dana d'aukoki duk da banga alamun kinasan zuwa ba."

  Kai Nafi ta girgiza alamar a'a kawai zatai magana taji kamar intai magana kuka ne zai kufce mata.

 Little ta d'au waya ta kira Ashraf, sai da ta kusa katsewa sannan ya d'aga tace " Yaya."

  Daga can Ashraf dake zaune kusa da Habib yace " uhm ya akai? "

   Kasancewar a kusa suke yasa Nafi tana iya jiyo maganar Ashraf, Little tace " dama fadama zanyi gobe Nafi zata koma inji Mumy."

   D'agowa Nafi tai ta kalli Little, jitai Ashraf yace " to Allah ya kiyaye."

  Little taso ya hana Nafi tafiya jin ya fad'i haka yasa jikinta yai d'an sanyi tace " Yaya wa zai maidata?"

  A zuciye yace " da wani karambanin ne ma yasa ku d'auko yarinya tana makaranta? Sai kuje ku sami wanda ya saku ku tambayeshi."

  Little zatai magana taji ya katse, jiki a sanyaye ta kalli Nafi wacce ke wasa da hannunta a zahirin gaskiya kalaman Ashraf sun mata zafi sai dai tasan koma meye ai laifin ta ne.

Ta kalli Little tace taimakamin dan Allah in kwanta." 

   Little ta kalli kafarta tace " Nafi ko muje Chemist? "

  Kai Nafi ta girgiza mata alamar a'a tace "bafa wani serious bane. " a zahiri kuwa tanajin zafin gun sai dai bataso a cire handkerchief d'in Ashraf daga kafarta. 

  Little ta mike sannan ta shiga taimaka mata ta kwanta, idanu ta rufe kamar mai bacci, hakan yasa Little ta fito daga d'akin.

 

   Tana fita Nafi ta fara zubar da hawayen dake cinta, Ashraf ta tuno sanda ya d'auketa, idanu ta runtse kalaman Ferry ta tuna data cemata san Ashraf take, Nafi ta share hawayenta sannan a fili tace " Ina na isa? In kuwa har haka ne lalai ina cikin gararin rayuwa."

  Kalamansa na mota ta tuna dayace mata zai saketa in ta samu wanda takeso.

  Ta dad'e tana hawaye kafin bacci ya d'auketa.

  Washegari da sassafe kuwa Drivern Mumy ya mai da ta makaranta, ko Ashraf bata sa a idanta ba.

   Nafi ta dage sosai da ta koma makaranta, ba wai a kan karatu kad'ai ba sai dai kullum suna tare da Ferry tana kokarin canza halayenta. 

   A wannan zuwa gidan datai lalai ta fahimci abu biyu, na farko Ashraf wasa kawai yake da ita da jawo mata tsana agun mutane bayan ba santa yake ba, na biyu kuwa lalai in har tanasan Ashraf ya fara santa sai ta zama mace daidai shi.

   A can kuwa an gama biki lafiya ankai Amarya d'akinta, sannan kowa ya watse.

   Anyi hutu amma Nafi ta kira Habib akan zata zauna a gidan Principal ya tambayar mata ita, saboda a lokacin hutun ta samu isashen lokaci na karatu, wannan jarabawar ita tazo ta karshe a aji batajin kuma za ta iya nunama Ashraf wannan dakikantar datai.

 Habib ya tambaya, ba tare da wani dogon Nazari ba ta amince, bayan kowa ya tafi gida itama ta koma quaters.

  Little taji ba dadi sai dai bayan Nafi ta mata bayani ta waya yasa ta gamsu.

  Nafi ta dage sosai......

   Shekararta d'aya kenan a makaranta, duk hutu ba ta wani zuwa gida, sai dai duk cikin hutu Little na zuwa ganinta da sakon Provision daga Mumy da kud'in kashewa.

   A iya wannan Shekara d'aya ba shakka Nafi ta canza sosai da sosai, ita da Ferry kam sun zama Aminai sosai, sai dai in a b'angaren karatu ne kuma da Jibiya sukeyi.

  Yanzu suna S1 Nafi ta canza sosai, bata tunani ko sha'awar zuwa gida duk da kuwa yanda zuciyarta take tsananin rashin Ashraf kamar ranta.

  Yanzu sun shiga Ss 2 a a wannan lokacin ne kuma Nafi ta shirya dan zuwa gida, Little tace "wannan karan kam gaskiya sai Nafi tazo gida, dan akwai bikin kawar Little ko ince Aminiyarta da za'ai.

  A wannan lokacin shekarun Nafi 18, duk da ba kiba gareta ba sai dai kirjinta ya cika da dukiyar fulani, Nafi ta goge sosai, kamar ba makarantar kwana take ba, komai nata tsaf dan in Little zata kawo mata kaya har da mayuka masu kyau take cewa ta had'o mata.

   Nafi tana tsaye kusa da Ferry ga Jibiya a gefensu, Nafi ta kalli Ferry tace " Na nawa kikai?"

  Ferry tai d'an tsaki tace " Ai Yaya Yusuf ya rainan hankali wai ta 7 dan tsabar rashin mutunci."

  Nafi tasa dariya ita da Jibiya, Ferry ta had'e rai tace " kubarni da abinda ke damuna."

  Jibiya ta sake dariya tace " lalai zakisha Fada'a gun Abba dan ni na 2 nai."

  Idanu Ferry da Nafi suka zaro, Nafi ta kalleta sannan ta had'a hannayenta ta tafa mata tace " wow! Jibiya kina kasheni."

  Ferry ta harareta tace " Zama ta raya ki, ke Feena na nawa kika ci?"

  Nafi ta juya kai tace " Secret."

  Ferry tai dariya tace " badai irin na last term ba na 12 ba?"

  Nafi ta d'an rangwad'a kai cikin tsokana tace " na 8 nai."

  Ferry cikin d'aga murya tace " WHAT?"

  Nafi tai murmushi tare da ware takardar, murna suka shiga yi sosai, can Ferry tace " Kai naji dadi kin daina cin double number, amma da alama sai na dage kar next term ki dawo gabana."

  Suka sakeyin dariya.

 Ferry ta kalleta tace " Feena zakizo d'in ko?"

  Nafi ta d'an juya ido tace " zanzo insha Allah amma banasan zuwa yayanki nanan."

  Ferry ta harareta tace " Gaskiya Feena bazan juri wulakantamin yaya da kike ba, tunda yazo visiting ya nuna yana sanki amma kike wani disgashi, in bakiyi wasa ba har gidanku zan kawoshi."

  Nafi ta zare ido tace " wa? Rufan asiri."

  Jibiya tace " kema kinsan bazata yarda wani saurayin ya bita gida ba saboda sanda takema yayan nan nata."

  Tsaki Ferry tai tace " wlh Feena in har kika bari ya gane kin mutu akansa haka lalai sunanki sorry."

  Nafi ta tsuke baki tace " Ke nima yanzu ba daina sanshi yaushe rabon ma da inganshi, kila ma ko a hanya naganshi bazan ganeshi ba."

   Ferry ta d'aka mata duka tace " ni zaki maida gara? Kullum fa sai kinyi labarin yayan nan naki."

  Nafi zatai magana ta hango kamar Little ta fito daga wata zukekiyar mota, tana sanye da sun glass tayi kyau sosai da sosai, Nafi tace " anzo d'aukana."

  Nan suka mik'e suka taimaka mata da kayanta, Ferry tundaga nesa tace " Kai Feena gaskiya Little tana kasheni da gayu, ki bari nika inje gida dattin makarantar nan ya fita daga jikina lalai zan tsorata maza."

  Nafi tace " Nima ki bari sai nazo gida kin ganni kiga yanda zan kasheki da nawa gayun."

  Dariya sukai harda tafawa.

  Sun karasa gun, Little ta karaso cikin murna, ta rungume Nafi.

  Sunsa kaya a motar sannan Nafi ta leka dan ganin wanda ya kawo Little.

    Habib ya sakar mata murmushi yace " Tantancewa akeyi ne?"

  Murmushi tamai itama tace " Ai ba sai na tantanceba dama can jikina yaban kai ka kawota."

  Nafi kenan ba shakka kim canza wato yanzu bakya kunyar maidamin kalamai na."

  Ta d'aga kanta batare da ta amsa mai ba, sannan sukai sallama dasu Ferry ta amshi number Ferry da jibiya tasa a wayar Little.

   Nan suka shiga mota, Habib jefi jefi yana kallanta ta glass d'in mota, ba shakka yarinyar nan ta girma, ganin haka yasa Nafi ta matsa daga setinshi ta koma ta can b'an garen.

  Little ce tace " Nafi yau ji kad'ai nasan farin cikin danakeyi, nayi missing d'inki sosai."

  Nafi tai murmushi sannan tace " nimafa kawai daurewa nakeyi jinake kamar na biyoki inkika zo ganina."

  Little ta harareta tace " ba wani nan kedai kawai kinzama 'yar college tafi gida dadi."

  Dariya suka d'anyi Nafi ta juya tan kallan window.

 Little ta juyo ta kalleta tace " Nafi au Feena baki tambayi ina yaya ba, ko visiting nazo bakya tambayarsa."

  Habib ne yai katsal yace " ita meya dameta dashi bayan yayi aure yamanta da ita."

  Har cikin ranta Nafi taji haushin maganar Habib amma sai ta daure tace " Ya Habib kenan, dama can ba wani shiri muke dashi ba balle ya nemini."

  Little ta kalleta tace " Nafi yanzu kin daina shigar ma yaya ne?"

  Ta tab'e baki tace " ni a wa? Dama can bawai shigar mai nake ba kece baki fahimceni ba, ai Yaya Neesa itace zata shigar mai bawai ni ba."

  Habib ya saki dariya yace " Gaskiya ne Feena gwara ki fara bayyana musu komai."

  Nafi ta kwantar da kanta akan window tare da lumshe ido, tace " Little bacci."

  Little ta d'an had'e rai tace " shikenan nayi shiru."

  Habib ya kalli Little yace " Ai cewa tai bacci bawai kiyi shiru ba."

  "Hmm ai tun da dadewa na gane Nafi au Feena in batasan magana sai tace wai bacci."

  Habib ya juyo ya kalli Nafi sannan yace "yarinyar nan ta canza dayawa."

    kai little ta jinjina tace " ai naji dadin makarantar nan."

 Haka sukai ta maganganunsu itakam tana kwance tana jinsu a cikin zuciyarta take magana " Yaya ba sai ka basar da ni ba, nafi kowa sanin rashin matsayi danake dashi agunka, kila ma inya ganni bazai ganeni ba, ba komai Allah ya kawomin wani mai sona nima inyi kokarin ganin na yakece wannan soyayyar da take one_side."

    Nace Uhmmmm zaki iya????.

   *THE INNOCENT TEAM*

*ZUCIYA*

       _ĸowa da ιrιn тaѕa_

©

*na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 { *32*}

    Sun isa gida Habib ya gangara yai parking, sannan suka fito, Nafi ta rataya jakar bayanta uta kuma Little ta ja wo trolly d'in ta. 

  Habib ne ya matso kusa da ita yace " Gimbiya Feena kawo in tayaki mana. "

  Ta kalleshi sannan ta kalli kanta tace " da me fa? "

  Nuna mata jakar bayanta yai, tai murmushi sannan tace " ni ai ba kaya na d'auka ba Little ce mai kaya, da alama baka kula ba. " tana fad'a tai gaba. 

  Habib ya bita da kallo, gaskiya yarinyar nan tayi, shi dama tun tana yar kauyenta burgeshi takeyi. 

   Little ce ta karaso tace " yaya mun gode."

  Ya rufe ido tare da yin mika yace " Princess na gaji. "

  Ta kalleshi cikin kulawa sannan tace " yaya kaje b'angaren su Asim ka kwanta. "

 Kai ya girgiza mata yace " a'a gida zan wuce, ai tunda Ashraf yai aure na daina kwana a nan gidan. "

  Kanta ta sunkuyar kasa alamar rashin jin dad'i ya matso tare da sa yatsar sa ya d'ago kanta yace " sai munyi waya."

  Kai ta d'agamai, ya mika mata key yace " Ungo kiba Ashraf zan d'auki motata nai gaba nima."

  Ta d'agamai kai, tana kallo ya koma ya shiga motarsa yai gaba. 

  Nafi kam tana shiga d'akinsu tai wani ajiyar zuciya tace " Kai nayi Missing d'akin nan. "

  Kaya ta shiga cirewa ta d'aura karamin towel sannan ta fara ninke kayan makaranta. 

 Little ce ta shigo, ta kalleta cikin shagwab'a tace " kina gani Feena har Ya Habib ya tafi? "

   Nafi ta karasa ninkewa sannan tasa agun kayan datti ta kalleta tace " Little wani irin so kikema Ya Habib? "

  Little tace " so mai yawa wanda yanzu ya zama jinin jikina."

  Nafi ta tab'e karamin bakinta tace " Shifa? "

 Little ta fad'a kan gado, ta d'an mirgina tace " Shifa haryanzu a kanwa ya d'auken."

   Nafi ta girgiza kai a ranta tace " Little nima matsalar dake damuna kenan, gwara kema banaji kinajin rad'ad'in da nakeji in na tuna Ashraf fa mijina ne sai dai yamin nisa. "

  Toilet kawai ta shige batare databa Little amsa ba tai wanka. 

Ta dad'e tana gurza jikinta a cewarta dattin makaranta ya fita. 

  Sannan ta fito, bataga Little a d'akin ba hakan yasa ta zauna a gaban madubi ta fara goge fuskarta da cleanser. 

   Hoda kawai tasa batai wani kwalliya ba, sai dai tayi kyau sosai, ta mike kenan sai ga Little ta shigo ta tiren Abinci, Nafi ta kalleta tace " Little ina kayana? "

  Little ta bud'e mata inda ta jera mata nata kayan, Nafi tai murmushi ta sani sarai daba dan Little ba lalai da zaman gidan nan ya gagareta, nan ta zab'o wata atamfa riga da siket, mamaki tayi dataga tana sa kayan da kyar, Little tai dariya tace " ai dole kigafa dad'ewar da kikai bakizo ba, ga yanzu kin kara girma bawai kiba ba ina nufin kin girma ta sama da kasa. "

  Nafi ta harareta tace " lokacin girman ne yazo, da alama Little sai kin ban aran kayanki inyaso sai mukai a bud'amin nawa anjima. "

  Little tace " ki d'auka mana, sannan kinsan fa yau da yamma zamu kamun Yusra sai ki gwada kayan ko da yake cewa nai a kiki daidai ni kawai dai karya kai nawa fad'i ne saboda nad'an fiki kiba. "

  Nafi ta saka wata doguwar rigar material sannan ta zauna suka zuba abinci suka faraci. 

  Nafi ta kalleta tace " Little ya gunsu Amarya?"

  Little ta tab'e baki tace " hmm ke dai bari Nafi bayan kin tafi biki an gamashi lafiya sai dai a ranar da aka kaita sukai fad'a kaca kaca. "

  Cikin mamaki Nafi tace " fad'a kuma? "

  Little taja wani tsaki tace " Ita wai a dole a daren takesan ya bata wasiyyar mahaifinsa shikuma yace ba wanda ya isa ya sashi ya bada abinda baiyi niyya ba. "

  Nafi ta tab'e baki tace " ya suka kare to? "

"Hmm kedai bari Dady ne yaje da kansa ya sasanta yace Yaya yai hakuri gobe ya bata tunda dai hakkinta ne, ita kuma karta kuskura ta sake tambayarsa. "

  Nafi ta d'an juya kai tace " Na d'auka tanasan shi dayawa, meye nata na damuwa da abinda baiyi niyyar bata ba? Indai har tana gudun b'acin ransa? "

   Little tace " Zigata akai ya Asim da Umma."

 Nafi ta d'anyi karamin tsaki tace " san da takemai baiyi nisa dayawa ba kenan indai har za'a zigata akan dukiyarsa."

  Little tai ajiyan zuciya, Nafi tace " yanzu fa? An bata ai nasan hankali ya kwanta. "

  Little tace "Hmm Yaya wai cewa yai wasiyyar dama mahaifinsa ne yace aba matar sa ta farko million d'aya ko ince wai ya ajiye kud'in a banki, to Yaya yabata kud'in sai dai Umma tace itakam gaskiya bata yarda wai kud'i kawai akace ba."

  Nafi ta had'e rai tace " shi kuma yayan me yace? "

 "Uhm bai kulasu ba kinsan shi ai. "

 Nafi ta kara tab'e baki tace " Allah ya sauwake. "

  Little ta amsa da Amin sannan ta d'aura da cewa " kigama muje ki gaida Mumy sannan kije kiga b'angaren Amarya. "

  "wa? Bada ni ba, inje in musu me? " sukasa dariya a tare. 

¤¤¤¤¤¤¤¤

   A b'anagren Ashraf kuwa ya nemi aiki yanda kowa yake nema ya kuma samu ba babban aiki bane sai dai yanajin dad'in yanda yake fahimtar matsalolin ma'aikatansa tundaga kasa, yana kuma fahimtar abinda ya cancanta da zai musu bayan ya amshi company d'in. 

 Sai dai su Asim da Kawu kam shar take a gunsu, Asim kam gani yake kamar saboda Aneesa ne ya hakura da mukaminsa, sai dai shi kawu haryanzu yana tunanin da wani abu a kasa.

     Kamar kullum yau ma ya dawo gida daga gun aiki, yana zuwa daidai saitin kofa yaji maganar mutane da karfe, da alama ma musu sukeyi, kai ya dafe cikin tsananin takaici sannan ya kwankwasa tare da murd'a kofar. 

  

  Aneesa ce zaune cikin kawayenta su uku, sallama yai sannan suka kalli inda yake, Aneesa cikin kissa ta taso da sauri tazo ba kunyar mutane a falon ta rungumeshi tare da manna mai kiss a kunci, Ashraf ya d'an zareta kad'an sannan yace " Bari in shiga ciki.."

  Hannunta ta sakala cikin nasa sannan suka fara tafiya, shidai takaici ma hanashi magana yai. 

  Yana shiga d'akinsa ya kwace hannunsa sannan ya kalli d'akin yanda ya tafi ya barshi haka dai ya dawo ya sameshi, ya kalleta cikin takaici yace " Anie mekenan? Ba nace ki gyaramin d'aki na ba? "

   Ta shagwab'e tare da kwantowa jikinsa tace " kana fita su Laila suka zo ni ko tunawa ma banyi ba. "

  Ya kalleta cikin takaici yace "yau kwanan d'akin nan uku kenan a haka kullum da abinda kike cewa, wasa wasa ma falo da mai aiki bata zuwa ta gyara haka nan zaki barshi da sunan kinada abinyi ko? "

   Aneesa ta kara shagwab'ewa tace " Hubby kayi hakuri zan gyara. "

  Wani mugun kallo ya mata yace " banaso fitarmin daga d'aki. "

  Zatai magana ya nuna mata kofa da yatsarsa sannan ya had'e rai sosai, jiki a sanyaye ta fito, sai dai dankar kawayenta su gane ta saki fuska. 

 Shikam tana fita ya sawa kofar makuli tare dajan wani tsaki yabi d'akin da kallo, ko sanda yana shi kad'ai baya barin d'akinsa haka amma yanzu ji d'akisa? 

 Gadon ya gyrara sannan yai wanka ya kwanta a kai, bai dade ba bacci ya d'aukeshi. 

  Bacci yai sosai harya makara sallar la'asar sai karfe 5 ya tashi, da saurinsa yai alwala ya fito masallaci.

  Sukam su Nafi ganin anyi sallar la'asar suka shiga yib kwalliya dan tafiya gidan biki, saboda kawar Little ce sosai, sunaso suje da wuri dan a gamama Amarya kwalliya su tafi da ita gun biki.

   Anko suka saka, light purple d'in wani yadi ne, shiba lace bane sannan ba material bane, riga sukai da siket sannan sai head shima kalar kayan, sunyi kyau sosai da sosai, balle abin kan nasu Little ce ta d'aurama Nafi sannan ta d'aurana kanta, Nafi tace " amma ankon yayi kyau. "

  Little tai murmushi tace " kawayenta ne kawai zasu sa wannan ragowar atamfa ce. "

 Nafi ta jinjina kai sannan tace " Farin mayafi zamusa? "

  Little ta girgiza kai tace " a haka zamu. "

  Nafi ta kalli kanta sannan ta kalli Little tace " taya zamu fita a haka? "

 Little tace " haka ake yi ai in ma mun d'au mayafin sai dai mu rike a hannu. "

  Nafi ta jin jina kai sannan ta zaro wani mayafinta karami golden color tace "ni dai da wannan zani. "

  Little tace " to. "

 Sun fito abin sha'awa dan hatta takalminsu iri d'aya ne, sai dai ba kyan kwalliya ba duk wanda ya kalli Nafi sai ta birgeshi, kamar yanda nace Nafi ba fara bace can sai dai tana da kyau gashi batada jiki. 

  Sun fito suka wuce gun Mumy dan amsar kud'in liki inji Little. 

   A lokacin shi kuma Ashraf bayan ya idar da sallah yaga kiran Mumy hakan yasa ya karasa gunta, yana zaune a kasa ta kawomai tiren abinci ya bud'e cikin mamaki ganin ba anan yake cin abinci ba. 

  Ganin d'an wake yasa ya gane dalilin kiran, zubawa yai yafara ci kenan, Little tai sallama, amsawa yai saidai bai d'ago ba, lokacin Mumy ta tashi daga falon, wata sallama ya sakeji bayan ta little sai dai wannan muryar cikin sanyi take.

   Ya amsa sai dai yanasan juyawa kasancewar hali irin nasa yasa ya d'auke kai sai dai bai cigaba da cin abincin ba. 

  Little ta karaso cikin murna tace " Yaya kaine anan? "

  Nafi ta kalleshi ta baya gabanta yai wani fad'uwa yaushe rabon data ganshi, Ashraf ya kalli Little yace " ke wato kin girma ko? Sam bakya ma zuwa ganina sai dai inmun had'u a wani gun. "

  Ta rike hab'a tace ina na isa yaya? Kana gani Yaya Neesa sam batasan muje mata wai muna takura muku nikuwa ina zaka ganni? "

  Baiyi magana ba, tace"Mumy fa? "

 Ya ce tana ciki, da sauri Little tai ciki. 

  Nafi ta karaso jiki a sanyaye ta tsuguna daga ta bayansa tace " Yaya ina wuni? "

  Juyowa yai dan ganin mai magana, kallan mamaki yake mata lalai yasan fuskarnan sai dai wacce ya sani inaa.... She can't be. 

   Nafi ta mike ganin yaki amsawa sai wani kallo da yake mata, tai hanyar waje, dasauri yace " Ke! "

  Ta tsaya sai dai bata juya ba, ya mike tsaye sannan yace " ke! "

  Nafi dai tana tsaye bata juyo ba, a hankali ya tako zuwa inda take cikin fad'a yace " ba dake nake ba? "

 Nafi ta juyo fuska a had'e duk da tana shakkarsa amma ta daure tace " ganinai ba sunana kenan ba."

  "mene? "

 Nafi tad'an burtso baki, kallan mamaki ya mata yace " Ba Nafisa bace? "

 Ta kara had'e rai ta kalleshi tace " au kama mantani? Ka d'aukoni daga garin mu amma kama manta da sunana? "

  Ta juya cikin takaici zata wuce, da karfi ya fizgo hannunta ya jawota, kallan tsoro tamai, tace " Yaya mai kake yi? "

  Kallanta ya karayi yace lalai itace ya fad'a a ransa, a fili yace " ancemin kun kusa hutu ashe har kunyi. "

  Ta d'ago ta kalleshi sai dai batai magana ba, yace " wato yanzu makaranta ta maidake mara kunya ko? "

  Tace " menai kuma? "yanda tai maganar yasa yace "Lalai yarinyar nan. "

  Kokarin kwace jikinta tai tace " ni ba yarinya bace. "

  Ya saketa tare da cewa " ke ya hanaki dawowa har kusan 2yrs. "

  Ta juya kanta gefe tace " nemana akeyi?"

  Ya koma ya zauna yace " ina zaku haka? "

  Biki zamuje. 

Ya fara cin abincinsa, ya juyo da niyyar magana yaga batannan. 

  Mama ne ya kamashi yace " lalai yarinyar nan, yaushe ta girma haka? Gaba d'aya tama canza kamar ba Nafin riga ba."

  Itakam tana fita tai d'akinsu, a falo ta zauna ta matse hannayenta, jikinta sai rawa yakeyi, meyasa suka had'u? 

*THE INNOCENT TEAM*

*ZUCIYA*

       _ĸowa da ιrιn тaѕa_

© *HWA*

*na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 { *33*}

   A can Little ta ganta falo zaune ta kifa kanta, ajiyar zuciya Little tai tace " Feena meye hakan? Mun taho tare shine zaki taho nan ki barni. "

  Nafi ta d'ago ta kalleta sannan tace " Sry My Little wlh jinai kaina na d'an sarawa. "

  Cikin damuwa Little tace " ayya! Sannu, ko zaki hakura da zuwa? "

  Kai Nafi ta girgiza tace " Muje nima ina san zuwa ai, kuma kan yama daina. "

  Nan suka mike Nafi ta kara gyara fuskarta sannan suka fito, sunzo shiga mota shikuma ya fito daga b'angaren Mumy, yana kallansu har suka shiga ya d'an yi wani smiling yace " lalai yara sun girma." abinda ya fada kawai kenan yai gaba. 

  Su kuma suka shiga motar Little 'yar karama wanda Kawu ya sai mata wai murnar gama secondary.

¤¤¤¤¤¤¤

  Umma na zaune kusa da Asim acan kuryar d'aki, Asim ya nisa yace " Umma tanashan maganin nan kuwa?"

  Umma tai murmushi tace " Ai tunda muka bata magani tai b'arin nan na tsoratar da ita akan in har ta haihu yanzu da Ashraf to fa lalai wulakantata xaiyi dan kuwa maza basasan mace mai saurin haihuwa."

   Asim yace " to kidai tabbatar tanasha dan kuwa in har ta haihu da Ashraf to fa komai bazai yiwu ba, bazata taba bamu hadin kai ba, sannan muma in muka halaka Ashraf bayan mun amshe company d'insa da sauran dukiyarsa in har abinda aka haifa ya girma ya gano nan ma kinga akwai matsala. "

  Umma ta jinjina kai tace "karka damu da wannan amma nikam har yanzu fa hankalina bai kwanta da wannan wasiyar da ya bata ba. "

  Asim ya kurawa kasa ido, sannan can yace " karya yakeyi ai ni da farko na yarda sai da naga wani murmushi da Kawu yai bayan ta kawomai haka kawai jikina yaban ba haka bane, sai daga baya nai tunani ta ina mutumin da zai mutu zai bar wasiyar kud'i kawai???? "

   Umma ta jinjina kai tace " nima yanda naga babanka nayi ne yasa nasan ba haka bane sannan nasan halin Yaya sarai bazai bada kudi kawai haka ba. "

  Nan suka cigaba da kule kulensu....Nikam nace Allah ya kyauta dama ita zuciya kowa da irin tasa. 

  ¤¤¤¤¤¤¤¤

   Su Little kam an d'auko Amarya suka wuce inda za'ai event d'in, suna tafe ana hira saboda duk kawayene, Nafi ma yanzu bata kunyar shiga hira, har suka isa. 

   Guri yayi kyau bayan Amarya tazo ne aka fara gudanar da shagalin biki, Nafi tana zaune daga gefe ganin yanda 'yan mata keta rawa su Little ma an zake sosai, Nafi dai tana gefe rike da wayar Little tana dadanawa, tunanin kiran Ferry ne yazo mata, nan ta mike ta d'an matsa kadan daga inda ake shagalin. 

  Daga can ferry ta d'auka nan suka shiga hira, tana nan a tsaye suna waya sai dai suk sanda ta kalli gun idanunsa na kanta, hakan yasa ta fara tsarguwa, daga gani shima gun bikin yazo yana zaune akan motarsa. 

  Ganin kallan ya fara isarta yasa ta matsa daga gun, bayan sun gama waya Nafi ta juya da shirin komawa. 

   Ganin mutum tai kawai a bayanta tana juyawa suka hada ido, Nafi ta zaro ido cikin mamaki tace " Malam lafiya? "

  Wani lalausan Murmushi ya sakar mata sannan yace " Aminci Allah su tabbata a gareki. "

  Ta kalleshi cikin mamaki sannan ta d'an motsa baki a hankali tace "tare da naka, amma..... "

 " Shiiii dan Allah karki koreni kar kuma ki nuna bakya sona daga gani na yau d'aya."

  Nafi cikin mamaki ta kalleshi, sai dai har kasan ranta yaso sata dariya yanda yai, ya cigaba da cewa " Sunana Al-Amin masoyin wannan yarinyar. "

  Juyawa tai bayanta dan ganin wace yarinyar, ya sakar mata murmushi yace " ina kike dubawa bayan gatanan a tsaye. "

  Nafi ta harareshi yanzu kam ta gane da ita yake, ya d'an rike kunnuwansa yace " Tuba nake ranki ya dade da alama na b'ata miki rai. "

  Nafi batasan sanda tai murmushi ba tace " ba wani b'ata rai sai dai kayi hakuri ni matar aurece. "

  Gani tai ya hau dariya, ya kalleta yace " matar aure? Wow na gode da alama da wuri zamuyi aure in killeceki a d'aki."

  Nafi ta makamai harara, da sauri ya kara rike kunne, yace " Taya zakice min ke matar aurece? Ina mijin? "

 Shiru Nafi tai a ranta ta ce " inafa yake? Yana can gun matarsa. "

  Al-Amin yai murmushi yace " please ki amince dani, zan kula dake yanda bakya tunani, ni d'an Katsina ne, sannan kanwar maman yarinyar da ake aurenta ne. "

  Nafi ta kalleshi sannan tace " lalai yayi kyau."

  Hannunsa ya had'e guri d'aya yace " Dan Allah sunanki?????? "

  *FEENAH* abinda ta fada kenan, yace "wow nice name, a ina kike? "

  Ta juya kai tace " zan koma ciki. "

 Bata jira amsarsa ba ta fara tafiya, Biyota ya fara yi sai data juyo tace " dan Allah Al-Amin ka kyaleni. "

  Kansa ya shafa yace " kai!!! Naji dadi dan sake ki kiran sunana." ta kara harararsa sannan ta juya. 

   Taji dad'i sosai dataga bai biyota ba, haka kawai taji ta saki murmushi.

  Sai da aka gama, wajen isha'i sannan suka fito zasu tafi, suna fitowa ya taso ya karaso gunsu tare da musu sallama, Little ta amsa tana mai kallan sani sai dai ta rasa a inane, yace " Little manya, can na ganki ai kinata rawa ana bikin Aminiya. "

    Little ta nunashi da yatsa tace " Ya Al-Amin."

  "Bingo!" ya fad'a yana murmushi, itama murmushin tai tace " Ya Al-Amin ace kaine, nifa ince na rasaka sam ashe ka zama babba ko a hanya na ganka zanyi wahalar ganeka. "

  Ya harareta yace " Haba Little a gaban Swt Feenah kike fadar hakan? "

   Ta kalleshi sannan ta kalli Nafi data juya kanta, tace " yaushe ka ganta?"

  Yace " gatannan sai wulakantani take ashe kawarki ce."

  Little ta kalli Naf tace " Feena d'an uwan namu kike wulakantawa? "

  Nafi ta kalli Little kamar zatai kuka, yace " wlh ina zuwa na ajiye su Hajiya na dawo dan in kaita gida "

  Nafi ta harareshi tace "cewa nai zan bika? "

 Ya kara had'e hannayensa yace " Little please."

  Little ta juya da sauri ta shige motarta taja tai gaba tana dariyar mugunta. 

  Nafi ta saki baki tana kallan Little cikin mamaki, Al-Amin ya kalleta yace " Cwt Feena da alama dai nid'in nan nine zan kaiki. "

  Ta juya kai cikin takaici tace " da wayace kazo nan ma. "

  Yace " Matata tana guri ba dole inzo ba?"

 Nafi ta kalli agoggon hannunta karfe 8 ga gun duk ba mutane, katseta yai da cewa. " Please Cwt Feenah ki taimaka, ai indai gidansu Little ne na sani. "

  Nafi ba dan ranta yaso ba ta karasa gun motar ta shiga rai a b'ace, tana shiga ya zuge glass tare da kunna mata AC, itakam kanta ta maida gefe tana kallan waje. 

   Sun fara tafiya shi kad'ai yake mata magana, ganin batada niyyar kulashi yasa yai shiru. 

   A daidai kofar gidan yai parking, a wannan lokacin kuma, Ashraf ya fito kenan zai fita, kallan motar yai cikin mamaki, har zai wuce sai yaga alamar mace ce a ciki, badai Little bace? Abinda yazo mai kenan, hakan yasa ya ja motar yai parking a gefe. 

  Itakam Nafi tazo fita yasa lock cikin mamaki ta kalleshi ya kashe mata ido sannan yace " Cwt Feenah shikenan bako sallama?? "

  Nafi ta d'an turo baki tace" in na fita ai zan ma. "

  Kai ya girgiza alamar a'a sannan ya mika mata wayarsa yace "a'a na yafe numberki kawai nakeso. "

  Ta d'anyi murmushi tace " sry Al-Amin sai dai banida waya. "

  Kallan mamaki ya mata yace " mene? Shikenan wato dan bakyasan ki bani mumber ki shine zaki fad'i haka? "

  Kai ta girgiza alamar a'a tace "wlh ba haka bane, banida itane. "

  Kallan mamaki ya mata, shikam Ashraf ya cika fam, me Little take a cikin mota har yanzu? A zuciye ya fito yazo kofar da take shikuma daidai lokacin Al-Amin ya cire sim d'insa na Mtn ya bar glo ya mika mata wayar yace " ga tawa akwai sim a ciki ba wanda yasanni da sim d'in ni in na fita nasai wani..... "

 Kallan mamaki takemai, zatai magana sukaji an kwankwasa glass d'in motar, inda take, Al-Amin ya zuge cikin mamaki. 

 

  Cikin tsananin mama ki Ashraf ke kallan Nafi, ransa yakai kololuwa gun b'aci, itakam tunda ta ganshi gabanta ya shiga fad'uwa.

  Al-Amin ne ya katse mugun kallon da yake mata yace " Yaya Ina wuni? "

   Wani kallo ya bugamai batare da ya amsamai ba, ya kalli Nafi cikin tsananin takaici yace " kin fito ko sai na karya ki? "

  Motar ta bud'e zata fita Al-Amin ya sake cewa " Cwt Feenah gashi. "

  Juyowa tai ta kalleshi haka kawai taji tanasan ansar wayar yanzu a gaban Ashraf, hannu tasa ta amsa sannan tace " Nagode kawai tai waje. "

   Ta gabansa ta rab'a ta wuce haryanzu gabanta fad'uwa yake, Ashraf ya bita rai a b'ace, hannu yasa ya riko ta da karfi yace " abinda aka koya miki kenan a makarantar??? "

   Idanunta ne suka dan ciciko ta daure tace " me nayi yaya? "

  Yai wani murmushin takaici yace " me kikai? Ke harkin kai ki zauna a motar namiji ku zuge glass? Ku kuma dade a ciki? "

  Nafi wacce hannunta ke mata rad'ad'in rikon da ya mata tace " kawoni yai daga gun biki."

  Xaiyi magana yaga hawaye sun zubo mata cikin rawar murya tace " Yaya hanuna. "

  Kallan hannunyai sai a lokacin ya kula da yadda ya matse mata hannu sosai ga agogo agun, nan ya sake mata hannu, agoggon kuwa har ya ji mata ciwo, mamakin kansa ya shiga yi. 

  Ya juya da sauri ya shiga motarsa ba tare da ya kalli inda take ba, Nafi kam agoggon ta cire tabi ciwon da kallo lalai ta yarda Ashraf baya ko digon santa wasu zafafan hawayene suka zubo mata, ta juya a hankali tai ciki. 

  Tana shiga ta cilar da wayar akan gado tana kallan Little tana mata dariya, ta wuce toilet.

    A gaban madubi ta tsaya bayan tayi alwala ta kalli kanta a cikin ranta tace "dama kema kinyi laifi tun farko, kinfi kowa sanin Ashraf yafi karfinki meya kaiki???? "

  Hawayenta ta share sannan ta fita jiki a sanyaye.....

Bayan tayi sallah little ta dameta da zancen Al-Amin itakam shiru kawai tai, dama bata kunna wayar ba balle ma ya kirata.

   Ganin taki kulata yasa itama Little d'in tai shiru, itakam Nafi kwanciya tai kamar mai bacci sai dai ranta fal yake da tunani kala kala. 

    Shikam Ashraf yana shiga mota yai wani huccin takaici, meye nashi na zakewa haka? Wata zuciyar tace to yarinyace karama ko karatu bata gamaba ko kunya ace tana xama da saurayi a mota? Ai amanace ita agunsa shi ya d'aukota daga wani garin dolene ya kulada ita kafin mazan zamani su hure mata kunne. 

  Ya d'an bigi sityari kadan yace " me yasa nai haka agaban wannan yaron? Salan ya rainani? Ya kara jan tsakin takaici, haka ya gangara gun abokinsa nagun aiki dazai amshi takardu ransa duk a jagule....... 

    Washe gari Nafi bayan ta tashi daga bacci ta fita zuwa kitchen nan suka gaisa cikin farinciki da kewar juna, ta zake ta shiga tayasu aiyukan girki. 

  Sun gama ta fito kenan sukai kicibis da Umma, had'e rai Umma tai tace "ke wacece a kuma wani dalili kiika shigo mana kitchen? "

 Nafi tad'an rusuna kad'an ta gaisheta sannan ta mike tsaye tace "Umma baki ganeni ba? "

  Umma ta kar had'e rai, Nafi tace " nice fa Nafi. "

  Umma ta kara kallanta ba shakka itace, ta d'an harareta tace " uban me kike anan ba dama kina makaranta ba?? "

  Nafi tace " ai dama ana hutu nice dai kawai ban dawo ba. "

  Umma ta kara had'e rai tace " to yanzu gulma ce ta dawo dake ko me? "

  Nafi kam murmushi ta saki dan itakam bataji haushin kalaman Umma ba ta kalleta tace " Umma na shiga ciki. "

   Ran umma ya b'aci ganin yanda yanda yarinyar ma ba a kula ba, gashi tasan yarinya da take 'yar riga yanzu ta girma? Gashi dai ba wanka tai ba amma gata tsaf, ba kamar wannan kucakar tada ba.

 *Anan ne zan dakatar da wannan littafin nawa mai taken Zuciya kowa da irin tasa, ina fatan zaku jirani zuwa bayan sallah in Allah ya kaimu.*

  *Yanda zamu fara azumi lafiya Allah ubangiji yasa ku gama lafiya, ya kuma bamu ikon yin ibada batare da gajiyawaba, ya karemu daga duk wani abu dazai d'aukemana hankali agun ibadaunmu, ya yafemana kura kuranmu, ya kuma sa mu gama da duniya lafiya.*

   Ameen suma Ameen..... 

  *Nagode kwarai da irin san da kukema littafin nan, banida abinda zancemuku face godiya, Allah yabar zumunci, ya kara mana kaunar junan mu.*

    *Duk wani masoyin wannan Littafin ina mika sakon gaisuwata gare ta/shi, na gode kwarai da kauna.*

   *Sai Allah ya Kaimu Bayan Sallah in Muna da Rai da Kuma Lafiya.*

 ❤💛💛💙💜💜🖤💟💟

*ZUCIYA*

       _ĸowa da ιrιn тaѕa_

*na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 *Dukan Godiya ta tabbata ga Allah Subhanahu Wata'ala, muna kara godiya gareshi da ya nuna mana watan Ramadan lafiya yasa mukai ibadun mu lafiya, sai fatan Allah ubangiji ya karbi ibadun mu...(Ameen)*

    *Inama dukan d'okacin masoyana barka da sallah da kuma fatan alkairi a ko ina suke...*

  Allah Ubangiji ya Maimaita mana Ameen..

 { *34*}

Umma ta juya cikin takaici da niyyar lalai sai ta sa a kori yarinyar nan kafin ta zamar musu masifa.

  Nafi kam har tayi gaba ta tsaya tare da juyowa tabi Umma da kallo, kai ta girgiza ta juya zata wuce ta hango Asim ya nufo Umma da sauri kamar zai fad'i da kasa, kallan yanda yake baza sauri take da alama akwai magana da yake san isarwa cikin gaggawa shi yasa yake wannan saurin.

  Umma tana hangoshi da ganin yanayinsa yasa tai hanyar b'angarenta da sauri itama, Nafi har ta juya zata koma d'aki taji sam hankalinta ya kasa kwanciya, a hankali ta tako tazo wajen b'angaren Umma sai dai ta rasa tayayya zatai karyar da zata shiga?

   Shiru tai ganin ba halin shigan yasa ta juya da niyyar komawa, Asabe mai aiki a kitchen ta hango ta nufo gun rike da tire babba da kuloli akai, Nafi ta karasa gunta da sauri tace " Asabe ina zuwa?"

  Asabe tace " Umma zan kaima kumallon ta."

 Nafi ta amshi tiren tace " Barshi ni bari na kaimata dama ciki zan shiga."

  Cikin rashin damuwa Asabe ta bata tare da kad'a kanta ta koma inda ta fito, Nafi kam da sauri ta nufi kofar Umma, gabanta kam sai dukan uku uku yake saboda tsoro sai dai ta rasa dalilin dayasa zuciyarta keta tunzurata akan lalai ta shiga.

   Murd'a kofar tai a hankali ta shiga da sallaha itama ciki ciki tayi ta.

 Batai mamaki ba dan dama batasa a ranta za ta gansu a falo ba, nan ta wuce cikin tsoro ta ajiye tiren akan dinning sannan ta kalli d'akunan dake falon guda biyu, a ina suke???abinda ta fad'a kenan a ranta.

   Lalab'awa tai ta karasa d'akin farko,tare da sa kanta a jikin kofar kamar munafuka, jin alamun rashin mutum yasa ta karasa d'ayan, zuciyarta sai kara tsananta take da fad'uwa wannan karan bata sa kanta a kofa ba tana zuwa jikin kofar d'akin taji cikin fad'a wanda yasa ta tsorata taji Muryar Asim yace " Umma nikam bakin ciki kasheni zai yi dan nikam indai har na cigaba da ganin Ashraf to fa lalai inaji ni zan bar gidan nan."

  Gaban Nafi ne ya yanke ya fad'i me kenan? Ta fad'a a ranta.

Kafin ta nemo amsar tambayarta taji Umma tace " ni d'in ce maka akai farin ciki nake in na ganshi? To amma ya zakayi....???"

 Cikin fad'a Asim ya katse Umma da cewa " Yanzu sam 'yan gun aikinmu basa karramani magana ma ba yimin suke ba, sannan yanzun nan abokina na gun aiki ya sanar dani cewa shareholders na company d'in sun yi meeting akan a dawo da Ashraf matsayina inyaso ni sai a ragemin matsayi, nifa wlh in bakuyi wasa ba zanyi aika aika."

  Umma ta gyara zama tace "Asim kayi hakuri abi maaganar nan a hankali."

  Cikin zafin rai yace. " a hankalin me? Ni wlh har yan daba na kira kafin nazo nan na sanar dasu inya fito aiki anjima su tareshi su kawar mun da numfashinsa."

   Jikin Nafi kam rawa kawai yakeyi, har tsuma takeyi saboda tsananin tsoro da fargabar abinda yau kunenta yake jiye mata.

  A tsorace ta juya cikin tsananin tsoro da firgici tai waje har kafarta na hard'ewa ta fad'i kasa.

  A d'aki kam Umma ta kalli Asim tace " Asim yau lahadi naga ba aiki?"

  Asim yai wani murmushi yace " ai shi zai je saboda akwai wani project da sukeyi shi da 'yan team d'insa."

  Umma tai ajiyar zuciya sannan tace " baka ganin anyi gaggawa in aka mai illa tun yanzu? Asim yai tsaki yace " Illar me? Shima Abban ai yafi kowa san Ashraf ya mutu."

  Umma ta jinjina kai sannan tace " Aneesa fa?"

  Asim ya kara jan tsaki yace " kyale wannan in ya mutu taji ta cafki dukiyaa a hannu kina ganin zata damu?"

  Umma tai murmushi sannan tace " duk da Neesa na tsananin san Ashraf banaji tana sansa kamar yanda takesan kudinsa dan na tabbata da bashida komai duk sanda takemai bazata tab'a aurensa ba."

  Asim yai kwafa yace " Ni wlh na tsani ma na gansu tare, nifa inaji duk duniyarnan ba wanda na tsana kamar yaran nan."

Umma ma tai tsaki tace " ai nima dashi da uwarsa sune mutanen dana tsana kaf duniyar nan."

  Nan suka zauna suka cigaba da sake sakensu.

  Nafi kam dakyar takai kanta falon b'angarensu, ta zauna akan kujera har yanzu jikinta rawa yake, sam kwakwalwarta ta kasa d'aukan abinda ta jiyoma kanta.

  Dif taji kwakwalwarta ta d'auke sam bata tunanin komai sai da wasu dakiku suka shud'e sannan taja wani dogon numfashi sannan ta mike a zabure tace " Ya Ashraf????"

  Jitai idanunta sun kawo kwalla ace d'an uwanka na jini???wannan wace irin rayuwace???? Sanar dashi zatai?? Zai yarda da abinda zata fad'a??ko Little zata fad'ama??kai ta girgiza tace"kar itama in tada mata hankali..."

  Wata zuciyar tace Mumy fa???kai ta girgiza da sauri tace " Mumy kuma da wani idan zata zauna dasu??"

  Kanta ta dafa dataji ya sara, can tace " Kawu fa???"

  Hucci ta saki cikin damuwa tace " shikuma matarsa ce da d'ansa."

  Kan kujera ta fad'a wasu hawayen suka sake zubo mata, Ya Ashraf me kai ake neman halakamin kai???ta fad'a cikin wata irin murya mai ban tausayi.

  Agoggon bango ta kalla karfe tara, karfa Ya Ashraf ya fita??? Da sauri ta mike kawai ta nufi b'angarensa, hankalinta bai tsaya ba sai da ta isa kofar b'angarensa, me zata cemai??? Shiru tai ta tsaya agun kamar abu mara motsi, dan batada amsar tambayar nan.

  Tana tsaye ba mafita har dakika goma suka shud'e, motsin bud'e kofa ne yasa ta dawo hayyacinta, idanunta ne suka firfito cikin tsoro, ta kalli kofar.

 

  Ashraf ne ya fito, jitai gabanta ya fad'i cikin mamaki ya kalleta, sai dai kafin yai magana sai ga Aneesa ta fito rike da jakarsa, fuskarnan tata a had'e da alama ranta a b'ace yake.

  Cikin mamaki itama ta kalli Nafi, "Malama wacce ce ke? Me kuma kike anan?"

  

  Nafi ta had'iye yawo cikin tsoro ta kalli Ashraf, shima kallan mamaki yake mata, Aneesa ta kara kallantaa yanzu kam kallan rashin mutunci ta mata.

Tace " Ke malama wacece ke? A wani dalilin kikazo min kofar miji??"

 Nafi kam jira take Ashraf yai magana sai dai abin haushi gani tai ya d'auke kansa, tare da amsar Jakarsa zaiyi gaba, jitai idanunta sun fara cikowa ita gani take ai ya kamara Ashraf ya sanar da Aneesa, ganin ya fara tafiya ga tana so ta tsaidashi daga fita waje, sannan ga Aneesa ta tsareta da ido yasa duk ta rikice.

  Shikam Ashraf haushin abinda tai jiya da daddare ne yasa yaki kulata, Aneesa ta bud'e baki zatai magana kawai Nafi tai baya luuu jikake ta zube a kasa, wannan ita kadai ce mafita a gareta abinda ta fad'a kenan a ranta tare da runtse ido.

  Aneesa ta d'anyi kara tare dayin baya cikin tsoro, hakan yasa Ashraf ya juyo da sauri, cikin rud'ewa yasa ya karaso inda take, sannan ya d'agota tare da cewa " Nafeesa!!Nafeessa!!."

   Sai a lokacin Aneesa ta gane waccece, kallan Ashraf tai duk ya wani rud'e haushi da kishi suka kamata a zuciye ta matso tace " Aljanu ne da ita??"

  Ran Ashraf ya b'aci ganin yanda tai maganar cikin rashin kulawa, yace " bishiyar kuka ce a kanta..."

 Ya mike a zuciye ya d'agata ya nufi mota da ita, Nafi kam haryanzu gabanta bai bar fad'uwa ba tanaji ya bud'e bayan mota ya sata a ciki.

  Tanaji ya bud'e gaban mota ya shiga, ya tadata tad'anyi zafi sannan yaja motar suka fita, suna fita daga gate d'in gidan sai taji yace " Will u get up now?"

  Idanunta ta kara runtsewa a ranta tace " badai dani yake ba?"

 Ashraf ya kalleta ta madubi sannan yace " abinda kika koyo a makarantar kenan? Pretending??"

  Nafi kunya da takaici duk suka kamata ta kara danna kanta kujera, gefen titi ya gangara yai parking sannan ya juyo ya kalleta yace " Kin tashi ko sai na fitar dake waje da kaina?"

  Nafi ta mike zaune tare da zunburo baki gaba kanta na kasa, ya kura mata ido yace " me kike san fad'amin?"

  Kallan mamaki tamai, tace " ya akai kasan abu nake san fad'a?"

  Kallanta yai sannan ya kalli window yace " inba abu kikesan fad'amin ba me zai sa kizo b'angarena kinsan inada mata kizo ki tsaya a waje?"

  Baki ta tab'e a ranta tace " da cewa nai bakada mata?"

  Ya kalleta sannan taji yace " da alama kin manta inada mata inba haka ba mezai sa kije b'angaren? Ai sai ki kirani a wayar Little ko ta saurayinki."

  Nafi ta saki baki tana kallan sa tace " to ni menace?"

  Ya juya kai sannan yace " Ki tambayi abinda kika ce a zuciyarki."

  Nafi tai shiru rai b'ace.

Ashraf yace " to fad'amin? Menene?"

  Nafi tai shiru tare da maida kanta kasa.

Ashraf ya kara had'e rai yace "zan saukeki fa inja motata inyi gaba ko ce miki akai banda abinyi??"

  Nafi ta kalleshi jiki a sanyaye, cikin wani irin murya tace "banifa da lafiya, xaka saukeni."

  Wani murmushi ya saki na rainin hankali yace " harda karya kika koyo a makarantar? "

  Ta kalleshi sannan ta d'an shagwab'e murya tace " nifa Yaya ba karyar dana koyo."

  Har cikin ransa sai dayaji wani abu, sai dai ya sake dakewa yace " ke jiranki nakeyi ko?"

  Nafi ta kalleshi tace " Yaya dan Allah kar kaje gun aiki yau."

  Kallan mamaki ya mata yace " bangane ba? Ke harkinkai matsayin da zaki hanani abu?to ko Aneesa bata samu wannan matsayin ba."

  Nafi ta kalleshi cikin wani yanayi tace " Na sani Yaya banida wannan matsayin kuma ban kai kaina wannan gun ba, sai dai ba dan nibaaa ba kuma dan halina ba sai dai ka duba darajar Allah ka hakura da zuwa aikin nan yau."

 Ta karasa magana tare da kawar da kanta alamar idanunta nasan kawo kwalla, kallan mamaki yake mata, sai dai yanzu yasan tabbas da wani abun.......

 *THE INNOCENT TEAM*

🏌🏻

*ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 { *35*}

   Yanda yake kallanta yasa ta had'e rai tare da maida kallanta wajen window, itakam batasan me zata cemai ba, ana san kashe ka? Kuma 'yan uwanka?? Itakam kalaman nan sun mata tsauri.

  Ga mamakinta jitai yace " tunda karyar ciwo kikai yanzu ai sai ki koma gida."

  Nafi ta kalleshi a tsorace tace " Sauka zanyi a haka??"

 Kai ya d'aga mata alamar yes, idanunta ne sukai rau rau ta kalleshi sannan tace " taya zan iya fita ahaka komayafi fa babu a jikina, sannan bani da kud'in da zan tafi da kaina."

   Ya d'aga mata kafad'a alamar wannan kuma ruwanta ne, Nafi ranta ya b'aci a zuciye ta matsa da niyyar bud'e kofa, har ta zura kafa d'aya zata fita sai taji yace " shigo in ajiyeki ba dan halinki ba inada abinyi."

  Ta koma ta zauna kamar ba taso sai dai ko kallan inda yake batai ba, Ashraf ya tada mota zuciyarsa fal da tunani, har suka isa gida ba wanda ya sake magana, yana parking ta bud'e kofa zata fita sai kuma ta juyo tace " Yaya ina zaka?"

  Kallanta yai yace " banaji wannan yana d'aya daga cikin damuwarki tunda dai baki fad'amin me kike nufi da kar inje aiki ba, kin kuma san halina ba a sani abu."

  Nafi ta kalleshi cikin kulawa tace " Yaya tunda kaga na furta hakan ai kasan da dalili, in ba haka ba meye nawa da zance karkaje aikinka?ni ba matarka ba?"

  Juyowa yai ya kalleta kalamanta na karshe sun tsayamai a wuya, sai dai ya share yace " ke nake jira zan fita ko?"

  Nafi batasan sanda wani takaici ya kamata ba ta kafeshi da ido na takaici, kallanta yai sannan ya juya ya d'au wayarsa, bakin ciki ya hanata d'auke idanunsa daga kansa jitai ya tada mota, alamar zan tafi, takaici yasata ta fito daga motar a zuciye tana kallo yaja motarsa ya tafi, tabi motar da kallan takaici.

  Wannan wani irin mutum ne, duk yanda na damu da rayuwarsa amma shi ko a jikinsa?? Sai ma rashin mutunci ne zai biyo baya?.

  Sam ta kasa d'auke idanunta daga hanyar daya wuce, jitai an dafa ta a firgice ta juyo, Mumy ta gani tsaye itada Little.

   Nafi tai saurin share kwallarta sannan ta kakaro murmushi tace " Mumy ina kwana???" tafad'a tare da risinawa, mumy ta amsa sannan tace " Nafi me kike yi anan? Little duk ta damu tanata nemanki?"

  Nafi ta kalli Little sannan tai murmushi tace " Ayya My Sisto tuba nake."

 Little ta harareta sannan ta juya tai b'angarensu, Mumy ta kalli Nafi databi bayan Little da kallo tace " Nafisa ina kika je???"

  Nafi tai kasa dakai, Mumy tai murmushi sannan tace " shikenan, kije gun 'yar uwar taki dan hankalinta ya tashi."

  Nafi ta d'aga kai sannan tai bayan Little da sauri.

 A tsaye ta ga Little ta cire kaya daga ita sai towel da alama wanka zata shiga, Nafi ta karasa gunta ta zauna akan gado tana kallan Little wacce ta had'e rai.

  Nafi tai murmushi tace " Little bazaki kulani ba?"

 Little ta juya tai hanyar toilet, tanaji Nafi ta kara cewa " My Sisto tuba nake kinji kiyi hakuri."

   Little ta wuce toilet ba tare da ta amsa mata ba, nan Nafi ta mik'e ta gyara d'akinsu ta gama shara kenan Little ta fito, Nafi ta kalleta zatai magana taji Little tace " ki je kiyi wanka Yusra tun d'azu take kira wai dan Allah muje yanzu."

  Nafi ta mike ta karaso gun Little ta rungumeta tare da cewa " Little wlh wani abu ne ya taso min dayai gaba da duk tunanina."

  Little tace " Shikenan Feena ni kin barni anan cikin tsoro tunda na tashi naga banganki ba na kuma fita kaf na zaga ban ganki ba."

  Nafi tace " Sry nayi laifi."

Murmushi sukama junansu, nan Nafi ta saketa sannan itama tasa nata towel d'in ta nufi toilet, har taje zata bud'e kofar ta juyo tace " Little nikam a iya sanina ba wata matsala dake tsakanin Mumy da Umma ko?"

  Little ta kalli Nafi tace " Feena kenan, a haka dai kamar babu, sai dai inaji a jikina kamar da wani abu."

  Nafi ta kalleta tace " kamar me??"

  Little ta d'an tab'e baki tace " kinsan a duniya in har akace kud'i to fa an gama komai, kud'i da kike ganinsu sune matsalolin komai na rayuwar duniyar nan, duk wata matsala inka dubashi daga kasa to fa lalai zakiga kud'i shine silar komai."

  Nafi ta shiru tana mamaki, can tace " Amma dai nan banaji za'ai fad'a akan kud'i ko? tunda dai naga kowa yanada shi."

  Little ta furzar da iska sannan tace " Feena kenan ai a gidan da ake da kud'in anfi samun matsala akan kud'in tun balle in dukiyar da mai ita."

   Nafi ta mata kallan mamaki, Little tai murmushi sannan tace " share kawai."

  Jiki a sanyaye Nafi ta shiga wanka, sam wanka take amma tanata nanata kalaman Little dukiyar da mai ita? Kawu kenan? To in shine meye na neman kashe Ya Ashraf?"

  Ta dad'e kafin ta fito, tana fitowa taga Little ta ciro musu dinkin Less anko ne shima, Nafi ta zauna itama ta fara shafe shafe.

   A b'angaren Ashraf kuwa yana fita daga gidan ya nufi gidan abokin babansa ko ince lawyer d'in babansa, bayan sun gaisa yace " dama so yake ya d'auki mota d'aya daga cikin motocinsa dake gidan.

 

  Nan ya d'auko masa keys d'in Ashraf ya d'au d'aya sannan sukai sallama ya fita.

   Hanyar Company d'insu ya nufa, yasha kwanar karshe ya hango wasu mutane kusan su goma a cikin wata katuwar mota baka kirin sai dai sun sauke glass d'in motar sannan wasu sun zuro kansu suna duba hanya, bakaken kaya garesu haka kuma baza'a ganesu ba saboda tabarau baki dake fuskarsu.

   Ashraf ya rage gudu dayazo kusa dasu, sam sukam sun d'auke kai daga kallan motarsa ganin ba irin ta bace wanda aka basu umarni.

 Hakan ya bashi damar ganin yawan mutanen dake ciki, sannan ya wuce, lalai ya tabbatar shi suke nema saboda yazo giftawa yaji wani yace "wai ya haryanxu banga mota kirar Marcedes_Benz C300, wai ya tabbatar nan zai biyo??"

  Ashraf ya giftasu zuciyarsa fal da mamaki, meke faruwa? Me Nafeesa ta sani? Me taji????

   Ya karasa gun aikinsu nan ya tadda 'yan team d'insa sun dad'e da zuwa, nan ya zauns suka fara abinda ya kawo su.

   Su Nafi ansha kwalliya, suna fitowa Habib na yin parking, tundaga nesa Little ta hangoshi ta saki wani lalausan murmushi na farinciki, Nafi ta kalleta sannn ta kalli inda take kallo ganin Ya Habib yasa tai murmushi itama tace " Little a dinga kokarin dannewa irin wannan nuna soyayya kirikiri haka??"

  Little ta harareta sannan tace " haka nace miki?"

 Nafi ta d'an rangwad'a kai tace " Little kenan."

   Juyowa yai shima ya hangosu, nan ya tsaya tare da kurawa Nafi ido, gaskiya yarinyar nan type d'insa ce ba karya, har suka iso gun yana kallanta, Nafi ta d'an had'e fuska tare da kawar dakai ge.

   Little ta matsa gunsa tace " Ya Habib daga ina haka?"

  Idanunsa nakan Nafi yace " wlh wucewa nazo yi shine na shigo."

   Little ta kalli Nafi dan taga yanda yake kallanta, sai dai bata kawo wani abu ba tace" Nafi tayi kyau ko yaya?"

  Habib yai murmushi yace " Sosai ma kuwa."

  Nafi ta matsa daga saitinsa sannan tace " inafa wani kyau dan kowa yaganki yasan kece kikai kyau."

  Ta fad'a tare da cewa " Ya Habib ko ba haka ba?"

 Ya kalli Little kunya tad'an kamashi yai wani murmushin burin kunya yace " dama ai Princess daban ce."

  Little ta saki murmushin farin ciki.

   Little ta kaleshi cikin kauna tace " Ya Habib yaushe zaka tafi?" yace " zuwa la'assar dan inasan ganin Ashraf."

  Kai little ta d'aga tace "Allah yasa mu dawo mu sameka."

   Yace Ameen tare da satar kallan Nafi.

  Nan sukamai sallama suka shiga motar Little sukai gaba.

 Su Umma kam da Asim suna zaune a falo suna jiran good news tunda sunga fitarsa daga gidan da motar mercedes wanda hakan yasa Asim ya sanar dasu sunan motar da number ta, sai dai jin shiru har shad'aya ba labari yasa Asim ya kira, sun sanar dashi har yanzu motar bata wuce ba, nan suka kara jinkirtawa zuwa azahar, nan ma akace motar bata wuce ba, cikin takaici Asim ya kira wani ma'aikacinsu na company ya tambayeshi Ashraf yazo? Ga mamakinsa jiyai ance tun d'azu yana nan.

  Haushi da takaici suka turnukeshi ya kirasu ya hau su da fad'a sannan yace " su tafi daga gun kafin ma a zargi wani abun.?"

   *THE INNOCENT TEAM*

*ZUCIYA*

       _ĸowa da ιrιn тaѕa_

 *Wannan Shafin Sadaukarwa ce gareku Haske Writers Association*

*©na Ayυѕнer Mυнd*

    ayushermohd.blogspot.com

 *Wattpad As_AyusherMohd*

 { *36*}

   Little ta kai bakin gate wayarta ta fara kuka, Nafi ta zaro wayar daga cikin jakarta ganin Sunan Big Bro yasa Nafi tai saurin mika mata, Little ta amsa tare da gaidashi.

   Nafi duk ta tattara hankalinta kan Little tanasan taji me yake cewa sai dai batajin komai sai amsar da Little ta bashi "Yaya har mun fito fa?" tai maganar tare da had'e fuska, Nafi sai ji tai tace " Yaya dan Allah ka....." da alama katseta akai wanda ta karasa maganar da cewa " To Yaya."

   Tana kashewa ta kashe motar tare da kallan Nafi ranta duk a b'ace, Nafi ta kalleta tace " ya akai?"

   Little tace " wai Yaya ne yace kije ki gyaramai b'angarensa."

 Nafi ta kalli Little da mamaki tace " Ni kuma?"

 Little ta d'aga kai alamar eh, Nafi ta canza fuska sannan tace " Matarsa fa? Ita bata iya gyaran bane ko me yake nufi?"

  Little tai karamin tsaki tace " wannan uwar san jikin me zatayi? Banda chatting."

  Nafi ta d'aure fuskarta tamau sannan tace " Mu tafi kinji?"

  Little ta kalleta cikin mamaki tace " Me kike nufi?"

 " Mu tafi inda zamu."

Little kam tayi mamakin Nafi dan bata taba tunanin zata iya ture maganar Ya Ashraf ba ganin yanda take girmama shi.

   Little ta kalleta tace " Feena....!"

Nafi tai murmushi tace " Mu tafi kinji, wato matarsa bazata gyara musu muhallinsu ba shine ni zanje in gyara musu, sannan ba kunya su shiga suna farin ciki, sannan gobe ma aa kara kirana in gyara, to ba da ni ba."

   Little ta jinjina kai alamar ta gamsu da zancen Nafi sai dai tana jiye mata b'acin ran Ashraf, iya kuluwa Nafi ta kulu wato ita da bai damu da ita ba shine yake neman sata gyara musu b'angaren su a lokacin da suke shirin fita, ta d'anyi kwafa kadan a ranta tace " ni d'azu kamar zan zauce jin wani abu zai sameshi ni kuma wato wannan ne sakayyar da zaimin.

  Bata sake magana ba har suka ita gidan su Yusra sai dai kana kallanta kasan ranta a b'ace yake.

   A bakin gate Al_Amin wanda ke zaune yana ganinsu ya saki wata fara'a tare da mikewa ya nufo su, sam Nafi bata kula ma da shi ba, har ya iso inda suke Little ta mai murmushi sannan suka kalli Nafi wanda sam hankalinta baya gunsu sai ma ci gaba da tafiya da takeyi.

 Hannu Little tasa ta rikota wanda hakan ne yasa Nafi ta juyo ta kalleta, ganin Alamin a tsaye yasa ta mai kallan mamaki.

  Rausayar da kai yai cikin salon soyayyarsa yace " I am disappionted Feena."

 Nafi ta kakaro murmushi sannan tace " Sry wlh ban kula ba, sam hankalina na wani gurin."

  Ya d'an shagwab'e kadan yace " in har damuwarki ba akan wani namiji bane na hakura in kuma har akan namiji ne ba ni ba banaji zan hakura."

  Little ta saketa tai gaba ta barsu ganin Alamin ba kunya agabanta yake wannan sakalcin.

  Nafi ta juya kai gefe sannan tace " just 4get, ya kaje gida jiya?"

  Alamin ya kura mata idanunsa wanda ya kashesu kai kace a haka idanunsa suke, Jitai bazata iya kallansa ba hakan yasa tai kasa da kanta, ya kara matsowa sannan yace " Feena jiya na baki waya amma sam ko kunnata ma bakiyi ba, sannan yanzu kin wuceni ko kallona bakiyi ba, Feena please kar ki wahalar da zuciyar dake tsananin kaunarki." 

  Nafi ta d'ago jiki a sanyaye, ganin yanda har yanzu kallan nan yake mata yasa tad'an kalli gefe sannan tace " Ba haka bane, jiya bayan na shiga gida bacci nai da wuri, yau kuma sam ban ganka ba."

  Alamin yai kasa dakai sannan yace " Ko dai....."

  Katseshi tai da cewa " Alamin me yasa kake da yawan complain ne? Na fada ma uzuri na why not kai believe da abinda nacema meyas kake neman tursasani akan fadar abinda na shine ba?"

  Tana kai nan ta juya ta nufi hanyar da zata sada ta da ciki, da sauri Alamin yasha gabanta tare da rike kunnuwansa biyu yace " Sry Feenah please!!"

  Nafi ta kalleshi bata cemai komai ba sai kokarin canza hanya tai gaba da takeyi, bai san sanda ya riko hannunta ba, Nafi ta watsa mai wani mugun kallo sannan ta fizge hannunta tai gaba.

  Kai ya dafe cikin tsananin tsoron abinda ya aikata, me zata d'aukeshi? 

  Nafi tana shiga ciki aka nuna mata d'akin da su Little suke nan ta shiga ta taddasu ana ta hira, duk yanda sukaso su jata da hira taki aminta a karshe ma kwanciya tai batasan sanda bacci yai gaba da ita ba.

  Can cikin bacci taji Little na tashin ta, ta bud'e ido a hankali, Little ta kalleta tace " Feena ya zamuyi?"

 Nafi ta mata kallan da me fa?

 Little tace " Ran Yaya ya b'aci yana waje yana jiranki."

 Idanu ta zaro gabanta ya yanke ya fad'i ta mike zaune da sauri tace " Da gaske?"

 Little tace " wlh, yace ki fita yanzun nan, in kuwa kika bari ya shigo sai ranki ya b'aci."

  Nafi ta mike tare da d'aukan mayafinta tai waje.

Little tace " inzo muje?"

 Kai Nafi ta girgiza mata alamar a'a sannan tai gaba.

  Nafi tana fita ta shiga neman motarsa dan itakam bata ganta ba, horn taji an mata wanda yasa ta juya ta kalli inda taji horn d'in, nan ta karasa gun jikinta duk ya mutu ga bacci ga tsoron me zai biyo baya, tana zuwa jikin motar ya zuge glass d'in motar sannan ya mata alama da hannu akan ta shiga.

   Nafi ta bud'e motar ta shiga tare da rufe kofar.

 Bai mata magana ba sai jan motar da yai, sai da sukai nisa ya juyo ya kalleta rai a b'ace yace " wato ni ban isa dake ba ko? Maganar saurayin ki ta fi tawa ko?"

  Cikin mamaki ta kalleshi ta daure tace " ban gane ba."

  Wani irin burki dayaja sai da numfashinta yai gaba na wucin gadi.

 Nafi a tsorace ta kalleshi, ransa a b'ace yace " ban bada sallahu ki gyaramin part d'ina ba?"

  Nafi ta kalleshi tace " ka fada amma gani nai ni meye nawa na shiga part din mai mata?"

  Ashraf mamaki ya kamashi yaushe 'yar nan tai baki haka?

 Yace " to ita kinsan ba 'yar wahala bace dan nace ki taimaka mata shine zaki tafi gidan saurayinki?"

  Wani mugun kishi ne ya taso ma Nafi, ita ba 'yar wahala bace?"

 Kallan mamaki take mai, yacigaba da cewa " sannan ke harkin isa in saki abu ki kama hanya kiyi tafiyar ki??"

   Nafi batasan sanda ta saki wani murmushin takaici ba, ta goge kwaIlar data taho mata, tace " Yaya ba sai ka fadamin magana akan matarka ba, nafi kowa sanin ita ba 'yar wahaka bace, ni da ka d'aukoni daga riga mai shan madara da nono kullum, mai kiwon dabobbi nice 'yar wahala."

  Jikinsa ne yai sanyi, a zahiri shi gidan saurayin ne bayasan taje ya kuma rasa dalilinsa na rashin san hakan, shi yasa yasata aiki bawai wulakantata yakesanyi ba.

  Nafi ta share kwallarta sannan ta cigaba da cewa " Yaya ka maidani garinmu inda nake, na fi kowa sanin banda matsayi a gunka dama sauran mutanen gidan, Little ce kadai mai sona dama can ni haka Allah ya halliceni da bakin jini, ubana ma ba sona yake ba, uwata ta d'auki kanina ta tafi dashi ni da bataso ta barni a riga, ban taba samun wani wanda yake sona tsakani da Allah ba in har ka cire little, gwara ka..........

   Jitai an jawota an rungume ta, kalamanta ne suka tsaya cak, bama su kadai ba duk wata gaba ta jikinta jitai ta daina aiki, shi kanshi sai daya rungumeta hankalinshi ya dawo jikinsa, me ya aikata? Sai dai ya kasa zare jikinsa..........

*THE INNOCENT TEAM*

*ZUCIYA*

  _Kowa da irin tasa_

  © *AYUSHER MUHD*

   37

   Sun dade a haka kafin Ashraf ya d'agota daga jikinsa, kansa ya maida yana kallan gefen titi, a zahiri kunyar kallanta ma yakeyi, Nafi kam anyi dif kamar kazar data fad'a ruwa, kallansa kawai takeyi, Ashraf ya juyo ya kalleta ganin har yanzu bata dawo daidai ba yasa yai saurin cewa " Ke wai yarinyar nan yaushe kika yi baki haka? Sai magana kike ba tsayawa?"

   Nafi ta bud'e baki zatai magana sai shakuwa, jikake heee'i, kanta tai saurin sawa a cinyoyinta tana kokarin maida shakuwar, Ashraf yai saurin tada mota suka fara tafiya, shiru ne ya biyo baya Nafi ta d'ago a hankali ta kalleshi, ganin sun wuce hanyar gida yasa tace " Yaya ina zamu?"

  Kallanta yai sannan ya maida kansa titi tare da cewa " Hotel."

 A tsorace ta kalleshi sannan tasa hannu a kafafunta ta matse jikinta, ya juyo ya kalleta dariya ta kusa zuwa mai, yace " lalai yarinyar nan me kike tunani?" 

  Kallansa tai sannan a hankali tace " bakomai."

 A ransa yace " lalai makarantar nan ta b'ata yarinyarnan, bayaji sanda tazo garin nan tama san me ake nufi da aure amma yanzu aga zancen hotek har tana wani matse cinyoyi? Shi me zaiyi da yarinya karama ma kamar wannan? In ma iskanci zaiyi?"

  Nafi kam aranta abubuwa da dama take ayanawa, ne zai mata a hotel d'in? Tunowa tai da sanda ya rungumeta da sauri ta girgiza kai alamar a'a, Ashraf kam kallanta kawai yake saura kad'a ya bigi wata mota, da sauri yaja burki sannan ya kalleta yace " badai tunani kikeyi ni? Kamar ni Ashraf zanyi miki wani abu ba? Banaji kinkai wannan matsayin ko da kuwa iskancin na keyi."

  Nafi wanda kalamanta suka b'ata mata rai tace " nima ai bance wani abu zakamin ba, sannan ko wani abun ne ai banaji nakai wannan matsayin."

 Kallan mamaki ya mata, sannan ya had'e fuska tamau yace " Da alama raini yafara tasiri a tsakanin mu."

 Juya kai tai batace komai ba sai d'an kunkuni datai, a zuciye ya fizgi motar, lalai yarinyar nan shi take ma kunkuni? Sun isa Hotel din ya karasa gun parking, kallanta yai sannan yasa hannu ya fizgota sam baisan da karfi ya jawota ba wanda hakan yasa ta fad'a kirjinsa, a hankali ta d'ago cikin tsoro, ya kalleta yace " me kika ce d'azu?"

  D'an karamin bakinta ta turo gaba tace " ni me nace?"

 Yai wani murmushi yace " bakima san me kika ceba ko rainin hankali? Da alama ma zagina kikai."

 Idanu ta zaro cikin mamaki ta d'aga jikinta daga nashi tace " ni? Yaushe? Taya za'ai in zageka koda kuwa naman jikina kake yanka?"

  Ya kura mata ido sannan yace " inkinaso in yadda baki zagen ba to ki fad'amin a ina kikaji zancen za'a tareni a hanyar zuwa office."

  Kallan sa tai cikin tsoro, ya matso da fuskarsa kusa da nata yace " what? Bazaki iya fad'a ba?"

   Idanu ta kifta sannan ta had'iyi yawu, ya sa idanunsa cikin nata sannan yace " bazaki iya ba?"

  Idanunta tai saurin maidawa kasa saboda wani abu dataji ya taho mata, komawa yai yazauna tare da d'aukan wayarsa yace " kijirani ina zuwa."

 Yana kainan yai hanyar fita, batasan sanda tasa hannu ta riko rigarsa ba, yazo fita yaji an rikeshi, ya juyo ya kalleta sannan ya kalli rigarsa inda ta rike.

  Nafi cikin tsoro tace " tsoro nakeyi Yaya."

  Idanunsa ya kankance yana kallanta, ta cigaba " Tsoro nake kar na zama silar jawo gaba ko fad'a a tsakanin ku."

  Ashraf yai karamai ajiyar zuciya sannan yace " Nafisa me kika sani? Me kika sani game dani da 'yan uwana? Mutane sun d'auka ganin fara'a a fuskar mutane shi yake nuna suna cikin farinciki sai dai abin sam ba haka yake ba, kowa da kike gani shi kadai yasan wace rayuwa yakeyi a cikin zuciyarsa."

   Nafi tai shiru kanta na kasa bata kuma sakeshi ba, Ashraf ya sa hannu akan hab'arta ya d'agota yace " Asim ne?"

   Kai ta d'aga mai tare da maida kanta kasa, Ashraf yace " sakini inje in dawo lokaci na tafiya."

  A hankali ta saki rigarsa, ya fita.

Kallo ta bishi dashi jikinta duk ya gama sanyi.

 Shikam Ashraf sam baiyi mamaki ba dan dama jikinsa ya bashi hakan, ya sani mutane dayawa ba sanshi suke ba a gidan amma kowa na kokarin b'oyewa banda Asim.

  Yana shiga ya bada takardun dayazo badawa sannan ya fito.

Nafi kam abin duniya ya dameta, Ashraf ya bud'e ya shiga, ganin yanda take kallansa yasa ya d'aga mata gira yace " ya akai kuma?"

   Nafi ta girgiza kai alamar ba komai sannan ya tada mota sukai gidan lawyer d'in babansa, nan ya ajiye wannan motar ya d'au tasa ta da sannan sukai gida.

 B'angarensa suka nufa, yana gaba tana binsa a baya, sunje wuce wa ta b'angaren su Asim sai gashi.

   Ashraf ya saki wani murmushin rainin hankali sannan ya cigaba da tafiya, ba wanda yama juna magana har Asim ya gifta Ashraf kad'an.

  Yaji Ashraf yace " ASIM"

 Ba Asim ba hatta Nafi wanda Asim d'in ke saitin ta ta tsorata da yanda Ashraf ya kirashi, Asim kam tsoro ne karara a fuskarsa, Ashraf ya tako a hankali yazo kusa dashi sannan ya sa hannu ya dafashi yace " ka tab'aji inda kura ta nemi kama zaki?"

  Asim yamai kallan mamaki sai dai bai amsa ba, Ashraf yai murmushi sannan yace " Ita kanta kurar da take tsoron zaki kaga kuwa ta ina ta isa ta kama sarkin dabobbi?"

  Ya kara matsowa kusa dashi sosai yasa bakinsa a saitin kunnensa yace " In har kurar tana neman halaka sarkinta to lalai sai tayi amfani da kwakwakwarta." Ya fad'a tare da nuna tasa kwakwalwar.

 Sannan ya cigaba " in har batai amfani da nan ba to lalai ita zata fad'a cikin trap d'in datai na kama sarkinta."

 Yana kai nan yasa hannu ya bubugamai kafad'a sannan yai gaba.

   Nafi kam a tsorace tabi bayan Ashraf.

 Shikam Asim anan suka barshi sai dayai kusan minti biyar a tsaye kamar abu kara motsi kafin ya juyo da niyyar kallan Ashraf sai dai sam baya gun.

  Sun isa b'angaren sa, Ashraf ya kalli Nafi yace " D'akina nakeso ki gyaramin."

 Ta kalli falon wanda duk yayi kaca kaca ko sanda yake shi kadai baya taba yanda falonsa yai haka bare yanzu.

 Ta kalleshi tace " nifa d'akinka kawai zan gyara."

 Yace "Falon fa?"

 Tace " Wannan kuma matarka sai tayi ai aikinta ne ba nawa ba."

   Matsowa ya farayi ita kuma tana matsawa baya, tsoro takeyi sai dai itakam bazata taba yadda ta gyara musu falo ba wato ta gyara suzo su zauna suyi soyayyarsu a ciki?

 Jin tazo jikin bango yasa ta tsaya tare da kallansa a tsorace, Ashraf ya kalleta sannan yace " Maimaita kalamanki."

 Kasa tai da kanta ba tare data maida ba, ya saki wani murmushi yace " in aka tambayi iyayenki matsayina a gunki me zasuce? Ahh i am really curious."

 Zaro ido tai cikin mamaki tace " ban gane ba."

 Yace " Menene matsayina a gunki?"

 Gabanta ne ya fad'i da sauri tace " Yayana mana."

 Yace " Good." 

 Menene matsayinmu a gun iyayena da 'yan uwana?

 Tace " Wanda ya taimakeni."

 Yace " Bravo!, to menene kuma matsayina a gun 'yan kauyenku da mahaifinki?"

  Baki ta shiga motsawa tana san magana sai dai bazata iya fad'a ba.

 Ya juya ya fara tafiya sannan yace " in kina san 'yancinki kimin biyayya sai in baki takardarki cikin sa lama ki auri wanda ranki yakeso."

 Cikin takaici tace " in naki fa?"

 Yace " Well! Wannan kuma ya rage naki kinsan dai ba'a aure kan aure ko? Haka nan zakiyi ta zama har ila masha Allah."

 Yana kainan yai hanyar dinning.

 Tabishi da kallan takaici, ba ma zaka zauna dani ba sai dai haka zan ta zama har ila masha Allahu, lalai ma Ya Ashraf.....

  Cikin takaici ta shiga gyaran gida ranta inyayi dubu to fa ya b'aci, takaici duk ya turnuketa, ko inama wannan matar tasa taje? tai maganar ranta a b'ace.

 Hotunsu ta kalla dake manne a falo sunyi masifar kyau kamar me, taja tsaki sannan tace " Aikin kawai ko kyau ma."

 Lol nikam ai dariya ce ta kamani na kara kallan hoton wanda yaune rana ta farko danaji an kushe wannan hoton.....Su Nafi ko me yasa akaga munin hoton da ni kaina na bash A1?????

  *THE INNOCENT TEAM*

*ZUCIYA*

  Kowa da irin tasa

   ©Ayusher Mohd.....

38

    Tsayawa yai cak cikin tsananin mamakin Nafi yarinyar da a iya saninsa sanda ya d'aukota ko dukanta zakai bazatai magana ba illa ma inka gama ta b'uya a wani gun tai kukanta yau kuma itace........

  Katsemai tunani Anisa tai da zanzaro ashar, tace " Lalai yau za'ayi kan babban b*********, ni kika rikema hannu?"

 Nafi ta sake mata hannunta batare da ta tanka mata ba sai neman giftata datai zata wuce.

 Cikin zafin rai Anisa tasa hannu iya karfinta ta hankad'a Nafi, saura kiris ta kifa taji an tareta tare da rungumeta, nan suka karasa kasa su biyu, basai ta tambaya ba tasan waye ko ince zuciyarta ta isar da sakon waye zuwaga gab'obinta.

   Aneesa mamaki ya kamata ta saki baki dalala tana kallan wannan al'amarin shikam Ashraf suna karasa faduwa, ya mike tare da sake Nafi sannan ya kalli Aneesa cikin fad'a yace " kinada hankali kuwa? Yanda kika hankad'ota inta fad'a kan wani abu fa??"

   Aneesa kam cikin mamakin kalamansa tace " Ya Ashraf kana nufin tare mata kai ko me?"

 Ya kalli Nafi cikin b'acin rai yace " wa zan tare wa? Ina miki fad'a akan zakiyi b'arna wata rana in har baki kula da abinda kikeyi ba kina min wani zancen banza."

Aneesa tace " Naji na d'au laifina amma inaso inji me yasa ka tareta kai ka fad'i ita kuma ta fad'i a jikinka?"

  Kansa ya shafa da hannu cikin takaici ya kalli Nafi yace " malama kama hanya ki fita, sannan in sakeji kin raina na gaba dake wlh inbakiyi wasa ba sai jikinki ya gaya miki."

  Nafi kalamansa sunsa gwiwarta tai sanyi ranta kuma ya sosu sai dai ya ta iya? Mikewa tai jiki a sanyeye tai waje.

 Tana fita Ashraf ya kalli Aneesa cikin takaici yace " ke bakiji kunya ba??yarinya karama ita take nusar dake nan d'akin aurenki ne ba wai na wani ba? Akan me zatama gyara miki gun da yazamar miki dolenki?"

   Aneesa wacce idanunta suka ciciko tace " Yaya nikam inaji a jikina kamar ba auren soyayya mukai ba, kamar ni kad'ai ce nake sanka kai kuma sanda kakemin kawai na 'yan uwan taka ne."

  Idanu ya runtse sannan ya kalleta yace " a soyayyar danasan ina miki da, banaji yanzu ina miki ko rabinta sannan bana tsamannin zaki tambayeni dalili ganin ke kikafi kowa sannin abinda ya jawo hakan."

 Yana kai nan ya zari makullin mota yai waje.

  Aneesa ta fashe da wani irin kuka na bakin ciki itama ta fito tai b'angaren Ummanta tana kuka wiwi kamar wacce akama duka.

  *************

  A b'angaren Asim kuwa yana ganin su Ashraf sun tafi yai b'angaren mahaifinsa cikin tsananin tsoro da firgicin kalaman Ashraf.

   Yana isa ya kwankwasa tare da murd'a kofar ba tare da ya jira an bashi izini ba.

 Kawu wanda ke zaune gaban wani karamin akwati (kit) yana duba wasu takardu yanajin motsin mutum yai saurin rufe takardun tare da maidashi cikin kit d'in, yana kokarin tura kit d'in karkashin gado Asim ya fad'o d'akin tare da kallan mahaifin nasa.

 Shikam Kawu da sauri ya karasa turawa sannan ya had'e rai tare da cewa " Kai Asim bakada hankali ne zaka fad'omin d'aki ba sallama?"

  Asim ya karaso kusa da mahaifinsa tare da tsugunawa a gabansa yace " Abba ya zanyi?"

 Cikin mamaki yake kallansa yace " Da me fa?"

 Asim ya share zufa nan ya sanar dashi duk abinda ya faru sai dai ba fad'amai da sanin Umma a harkar ba.

  Kawu ya kalleshi cikin b'acin rai sannan yasa kafa iya karfinsa ya ture Asim, ya cigaba da magana cikin fad'a, Asim me yasa ne sam bakada hakuri? Banine nace kabar komai a hannuna ba?"

  Asim ya rusunnar dakai yace " Abba kayi hakuri wlh ni sam banasan ganin yaron ne."

 Tsaki kawu yaja sannan yace " zancen banza ma kakeyi, yanzu idan wad'anda ka tura sun kama Ashraf kenan 'yan sanda suka zo fa?"

 Kana tunanin bazasu sanar dasu kaika aikosu ba? Daganan sai me? Kamaka zasuyi a banza."

  Asim yai kasa dakai cikin dana sanin gaggawar daya aikata, kawu yacigaba " ni nace kabar komai a guna, akan me zamu halakar dashi bayan bamu gama sannin iya dukiyar dake karkashin sa ba?"

  Asim ya jinjina ma mahaifinsa kai sannan ya bashi hakuri, nan kawu ya sallameshi tare da zama akan gadonsa yai shiru yana tunani, can cikin wata irin murya yace.

" Yaya ya zakayi??? D'an da kakeji duk duniya baya shi gashi a tafin hanuna, ya auri 'yata sannan matar fa kake santa kamar ranka ta dawo karkashina." Wata irin dariya ya saki wanda ni kaina saida tsoro ya kamani, da sauri nabar d'akin ina mamakin dama haka mutumin nan yake??? Lalai wata zuciyar akwai hassada da mugunta a cikinta.

   Asim na fita yai murmushin farin ciki tare da kara kallan kofar d'akin yace " Kai!!!! Amma Abba karshen mugu ne."

 Ya sa dariya sannan yace " ko menene a  akwatin nan???"

 Kad'a kai yai ya nufi b'an garen Umma, ya shiga kenan ya zauna yana jiran ta fito daga b'andaki sai ga Aneesa ta shigo da kuka.

  Cikin kulawa ya mike ya rungumota yana tambayarta menene? Aneesa kam kuka take sosai, nan Umma ta fito ta samesu a haka.

 Itama zama tai suka cigaba da tambayar Aneesa abinda ya sata kuka, Aneesa cikin kuka tace " Umma Ba Ashraf bane ya fifita yarinyar nan a kaina."

 Cikin rashin fahimta Umma tace " Ban gane ba?"

  Asim yace " Malama dalla daina mana kuka ki fad'a mana menene ke faruwa."

 Hawayenta ta share ta shiga sanar da su duk abinda ya faru tun daga farko har karshe."

  Umma ta mike cikin fad'a tace " Lalai za'ayi tashin hankali a gidan nan."

 Asim ya mike tare da cewa " akwai meeting dole ne yau ayi taron gaggawa na gida dan kuwa Ashraf yayi kadan ya wulakanta mana ke."

 A zuciye yai waje......

  *****************

   Nafi kam tana fita daga b'angaren Ashraf ta nufi nasu b'angaren taje shiga taji ance " Yaya Feena."

 Juyowa tai tare da kirkiro fara'a tace " My Amrah kece da kanki?"

 Amrah tai murmushi tace " yaushe kuka dawo?"

 Nafi tad'an jujuya kai sannan tace " ni kadai na dawo."

 Amrah tad'an yi hucci kad'an kamar babba, Nafi tai dariya tace " Yaya Amrah ya akai ne?"

 Tace " Mumy ce tace " in mun dawo daga makaranta muzo gun yaya Little ta mana wanka sannan ta d'auko mana kaya."

  Nafi ta d'an canza fuska kad'an tace "Amrah naji haushi fa! Wato ni bazan iya muku abinda Little zata muku ba ko me?"

  Amrah ta matso kusa da ita tace " Yahkuri Yaya Feenah wlh ba haka nake nufi ba."

 Nafi ta kama hannunta sannan tace " naji muje mu taho da Afrah." 

 Nan suka fara tafiya hannayensu rike da juna.

    ***************

A can kauye kuwa Datti yana cikin tsananin farin ciki da walwala, a 'yan shekarun nan dabobbinsa sun kara bunkasa sosai yazamo kaf kauyen garin ba wanda ya kaishi yawan dabobbi, shi kadai yake rayuwarsa cikin farin ciki ba wanda zai kashema kud'i bare har arzikinsa ya ragu.

   Sam bai damu da halin da Nafi take ciki ba bare kuma matarsa da d'ansa da suka gudu.

  Duk sanda aka tambayeshi gidan Nafi sai yace sai dai a tambayi Dan Litti dan kuwa shi bazai iya gane wa ba, hakan yasa duk 'yan garin sun d'auka da gaske yaje gidan 'yar tasa.

  Sanda Dan Litti yai wata 5 a garin kachako yad'an tara kud'insa ya shiga garin kano neman Ashaf sai dai duk yanda ya nemesu ya kasa samunsu kasancewar garin da girma sannan baisan wani kwatance ba sai Ashaf mijin Nafi, wannan yasa duk inda ya tambaya sai dai amai dariya gani suke kamar shirme yake ko kansa ne ya tab'u.

  Bayan kud'in hannunsa sun karene ya koma garin kachako ya cigaba da achabar sa har ya d'an samu wasu kud'i, ya sanar da uban gidansa akan zaije kauyensu ya dawo.

  Mamaki ne ya kamashi ganin kowa ya ganshi sai ya tambayeshi wai 'yar gidab Datti a wani irin gida akai kaita? Wasu ma cewa suke zasuzo ya kaisu.

   Datti yanajin labarin D'an litti ya dawo ya taho takanas ya tareshi suka keb'e, Datti ya kalleshi yace " ya kaje gidan?"

 Dan Litti ya girgiza kai alamar a'a, Datti yace " ka taimaken duk wanda ya tambayeka gidan Nafi kace musu munje ka taimaka min."

  Mamaki ya kama d'an Litti yace " What u say?"

 Datti yai tsaki yace " malam ni banasan wannan yaren arnan naka kamin hausa."

 D'an Litti yai saurin rufe baki dan yace ya daina turancin shima.

  Nan Datti ya lalaba Dan Litti akan yai karya wai sunje gidan Nafi.

 Shikam d'an litti ko sati baiyi ba ya koma garin kachako ya cigaba da kasuwancinsa, ganin yayi abokai acan ga uban gidansa na sansa sannan can yafi kawo masa kud'i.

   Wannan Kenan....

   To be continue ......

  *THE INNOCENT TEAM*

( _Dan Allah kuyi hakurin jina dakukai shiru wlh Wayatace tad'an same matsala sai do akai resetting d'in d'inta Tukunna.....Thanks 4 ur Love._ )

*ZUCIYA*

  _Kowa da irin tasa_

  

*Na Ayusher Muhd*

  39

    Nafi ta shiryasu tsaf sun zauna a falo sunata hirar su, labarin makaranta kawai suke bata itakam kai kawai take d'agawa amma sam hankalinta ba'a gunsu yake ba, abubuwan da suka faru a d'akine suke dawo mata.

   Ta zarfafa cikin tunani sam bataji shigowar Little ba, sai jitai an dafa ta, ta d'an xabura kad'an sannan tace " Amrah me kika ce?"

 Little ta zagayo ta gabanta tare da harararta tace " Feenah wato baki mayi tunani na ba ko?"

  Nafi ta kalleta sannan tai murmushi tace " My Little tuba nake wlh sam hankalina yayi wani gun ne."

  Little ta zauna kusa da ita tare da cewa " Alamin yau ai karamar hauka yaso min."

  Nafi ta d'an tabe baki tace " Name kuma?"

 Little ta girgiza kai cikin takaici tace " wai shi a dole ke da Ya Ashraf akwai wani abu a tsakaninku."

  Nafi ta zaro ido tace " kamar ya kenan?"

 Little ta d'aga kafad'a tace " ohon masa, shi wai yanda kukeyi keda yaya sam bayaso, hankalinsa bai kwanta da yanayin yanda kuke ma juna ba."

  Nafi tasa dariya sannan tace " lalai da alama baisan Ya Ashraf ba shiyasa, me zaiyi dani?"

 Little ta d'an harareta tace " kijiki ke kuma, wai ashe yaje gunsa kafin ki fita yana gaidashi amma yaya wai da kyar ya amsa mai."

  Nafi tad'an turo baki kad'an tace " wannan kuma ai yanayinsa ne ba wani abu ba."

  Little tace " Na fad'amai amma kamar zigashi nake, sam ya hanani zama agun kamun nan shidai wai sai na fad'amai ko kina sansa."

  Tsaki Nafi taja tace " daga had'uwa sai soyayya sai kace wata taxi?"

 Little ta kwashe da dariya tace " Love at first sight yake so ku zama."

 Nafi ta had'e fuska tace " lalai wayaga."

 Dariya sukai a tare.

    Bayan sallar sukaji kararrawar tarawa, Little cikin mamaki tace " Meeting kuma?"

 Nafi tace " Ai nikam kafin ki dawo nayi bacci."

 Mikewa Little tai tace " Bazaki ba?"

 Nafi ta jawo pillow ta kishingid'a sannan tace " Family Meeting."

  Little ta harareta sannan ta mike tai waje.

    Nafi ta gyara kwanciyarta tare da kalan wayar da Alamin ya bata, kai ta girgiza alamar a'a dan zuciyarta na raya mata ta kunna wayar.

   A can falo kuwa kowa ya hallara, Ashraf ne ya shigo daga karshe, ya ja kujera ya zauna.

 Kawu ne ya fara sallama nan ya tambayi dalilin taron?

  Asim ne ya mik'e sannan yace " Abba in anci abinci zan sanar da kowa."

  Anci ansha kafin Asim ya mike yace " A gaskiya Abba bazan juri ganin abinda Ashraf yakema kanwata ba, yau cin mutuncin har yakai ya fifita wata kucakar 'yar kauye akan matarsa."

  Wani murmushi Ashraf ya saki, Mumy kam kallan Ashraf tai cikin damuwa, ganin abinda yai yasa ta fara tsoron karfa ya b'allo wata maganar dan tasanshi sarai.

  Kawu ne ya katseta da cewa " Ban fahimceka ba, Fad'an tsakanin Ashraf ne da Matarsa?"

  Asim yace " Eh."

 Kawu ya kalli Ashraf yace " Ashraf ya akai?"

  Kallan Asim yai ba tare da ya d'auke idansa ba yace " Asim za'a tambaya ai kawu ni me na sani banda sani da akai nazo nan."

 Kalaman sun ba kowa haushi sai dai ya zasuyi? Kawu ya kalli Anisa yace " ke me ya faru?"

  Little kam fatanta Allah yasa ba Nafi ake nufi ba.

 Anisa ce cikin sanyin murya tace " yarinyar nan 'yar kauye ce ta nemi kawomin raini dan na sata aiki shine na mata fad'a akan ni ba sa'arta bace shikuma shine ya shigar mata ya wulakantani a gabanta."

  Mumy ta kalli Ashraf, Kawu ne yace " Ashraf me yasa ka wulakanta matarka akan tana nunama yarinya karama 'yar kauye laifinta?"

  Ashraf ya kalli Anisa sannan ya kalli Kawu yace " wannan kuma itace takeda amsar tambayar, me yasa nabi bayan yarinyar? "

   Mumy ta kalleshi tace " Ashraf me yasa kai haka?"

 Bai amsamata ba sai juya kai dayai, ya sani sarai dama yarda zatai da duk abinda akace mata yayi.

 

  Anisa ta kalleshi cikin sakalcin magana tace " Yaya kaine fa kamin fad'a akanta."

  Ashraf ya mike tsaye cikin takaici yace " fad'a? Ai banaji wanda na miki yau sunanshi fad'a, sannan Umma ki maida 'yarki kusa dake dan banaji tasan me ake nufi da aure, da kuma darajarsa."

  Yana kainan yai waje abinsa.

 Cikin zafin rai Asim ya mike ya sha gabansa yace " ce maka akai mun gama magana?"

Ashraf ya kalleshi yace " Me ya rage?takardar kanwarka? Ko 'yan daban daka turo d'azu?"

  Asim ya kalli Ashraf cikin wani irin yanayi, Ashraf ya bubugamai kafad'a sannan yai gaba.

  Bakin ciki ne ya cikama Asim ciki a zuciye yai wani irin ihu.

  

    An gama taro kowa zuciyarsa ba dadi, Little ta shigo d'aki.

A kwance ta hango Nafi rike da Qur'ani a hannunta.

Ta shiga ta zauna kusa da kafarta.

 Nafi takai aya sannan ta kalleta tace " kun gama?

  Little tace " A kanki ma akai taron."

 A tsorace Nafi tace " ni kuma? Me nai? Nashina."

  Little tai d'an yake nan ta zayyane mata abinda ya faru......

 Asuba ta gari

  *THE INNOCENT TEAM*

  *ZUCIYA*

       _ĸowa da ιrιn тaѕa_

© *na Ayυѕнer Mυнd*

    ayushermohd.blogspot.com

*HASKE WRITERS ASSOCIATION*💡

  *40*

   Nafi ta mike a zabure tace " Haka suka ce? Wow! Lalai na jinjina ma matar Yaya." ta fad'a tare da tafa hannunta. 

  Little tai dan dariya tace " hmm dan ma Ya Ashraf suka samu? "

 Nafi ta koma ta zauna tare da jan tsaki tace " Ni fa gani nake Yaya nada zafi amma baya iya wani abun kuzo mu gani. "

 Little tai murmushi tace " Nafi bakisan halin Yaya bane, yanada masifar zuciya da taurin kai abu d'aya ne yake hanashi yin komai a gidan nan. "

  Da mamaki Nafi ta kalli Little tace " me kenan? "

 "Mumy. " Little ta fad'a fuskarta d'auke da damuwa, sannan tacigaba "Nafi yau zan fad'a miki tarihin gidan nan. "

  Da jin haka Nafi ta gyara zama cikin zukud'in san taji meke faruwa. 

   *TUNA BAYA.*

   " Kakan Ashraf wato Sale ya kasance mutumin wani kauye ne dake garin Kila a karkashin jahar Jigawa, ya taso cikin wahala kasancewar mahaifinsa bashida hali sannan shi kad'ai ne namiji kuma babba agun mahaifinsa. 

   Wahala kam na rayuwa ya shata, dan mahaifinsa ba cikaken lafiya gareshi ba, duk wani arzikin gona iin ya samu akan kannensa da iyayensa yake tafiya, hatta kayan da yake sawa sun jeme saboda tsabar wahala. 

  Sam bai taba tunanin aure ba ganin nauyin dake gabansa sun mai yawa, har Allah ya kawo kanwar mahaifiyarsa ita da 'yarta sukazo hutu gidan. 

  Tunda Sale ya ganta yaji ya kamu da santa sai dai ganin ita daga birni take yasa ya kunshe abinda ke ransa. 

   Fanna wanda take 'yar kanwa ce ga mahaifiyar Sale a garin maiduguri suke, yarinya ce wacce ba ruwanta , tunda tazo gidan ta lura Sale kaya d'aya yake maimaitawa sannan sam ta kula baya zaka kullum aiki yakeyi.

  Ranar yazo fita ta d'au mayafinta tace " zata rakashi. "

Ba musu suka fita tare, wannan fitar itace mafarin soyayya mai karfi data kullu a tsakaninsu, iyayenta sunyi takaici sun kuma so hanata wannan auren ganin ba komai Sale ke da shi ba. 

  Fanna ta dage wanda hakan ya kaisu ga aure. 

  Nan aka gyara mata b'angare anan cikin gida aka mata jere. 

   Shekararsu d'aya da aure Allah ya azurtata da d'a namiji sai dai tana haifarsa Allah ya karb'i ranta. 

   Aka sama yaron Abbas, Sale yayi kuka sam rayuwarsa ta canza kullum yana tare da d'ansa ko gona zaiji haka yake d'aukansa sutafi. 

  Gulmar da ake a kauyen ne yasa mahaifin sa ya d'aura mai aure da Ruma 'yar gidan babban wansu. 

  Ruma na san Sale sosai sai dai shi d'ansa ne kawai a ransa, wanda hakan ne yasa Ruma ta d'au soyayya itama tasama Abbas. 

 Ganin yanda takesan d'ansa ne yasa shima ya fara kulata har Allah ya bata ciki ta haifi namiji itama shine aka samai Mansir. 

   Sun taso cikin kulawar iyaye sai dai kowa yasan sanda Sale yakema Abbas wanda sam baya iya b'oye hakan koda kuwa a gaban waye. 

  Abbas na shekara 8, shikuma Mansir na shekara 5 Allah yama Sale rasuwa. 

  Wannan mutuwa ta girgiza kowa, iyayen Fanna sukazo akan a basu Abbas ya zauna a gunsu.

   Sai dai Abbas ya tubure akan baza'a rabashi da kaninsa ba, hakanan dole suka had'a da Mansir suka taho maiduguru.

   A can kuwa kowa yafi nuna kulawa da damuwarsa akan Abbas, dan yana isa garin aka sashi a makaranta, Abbas na kokarin ganin duk abinda aka mai an ma Mansir sai dai duk yanda yaso abu ya faskara. 

  Makarantar kud'i aka sashi aka sa Mansir ta government, sannan kafin asai ma mansir kaya d'aya to Abbas ya tara 5 dan 'yan uwa ma na aikomai, wani sa'in haka zai dau saban kayansa yaba kaninsa.

  Haka suka taso cikin wannan rayuwa, Mansir yana tsananin kishin kauna da Abbas yake samu ta ko ina, a haka har Abbas ya gams karatunsa ya tafi Buk a kano. 

  Mansir kuma yana aji biyar. 

  Mansir tun yana Js1 ya fara san wata yarinya wacce akama mahaifinta transfer daga kano zuwa maiduguri. 

  Yana tsananin santa sai dai ganin yarinyar bata Shiga harkar kowa yasa ya kasa sanar mata, har shima ya gama secondary ya fara poly dake nan garin Maiduguri. 

    A kullum ya taso daga makaranta sai ya biya ta islamiyar su yarinyar wato Ruma, haka zai tabin bayanta har sai sunje gida ba tare da saninta ba. 

   Kwatsam wani hutu Abbas yazo gida lokacin yana level 4 yaga Ruma, ba tare da gazawa ba yaje gidansu ya sanar da ita soyayarsa, cikin sa'a ta amsa masa, bai sanar da kowa ba saboda Ruma tace bataso a sani saboda mahaifinta yace karatu kawai yakeso. 

   Soyayya mai zafin gaske ce ta shiga tsakanin masoyan biyu, a lokacin da Abbas ya sanar da Mansir akwai wacce yake so shima Mansir din yacemai akwai wacce yakeso sai dai shi kunyar sanar da ita yake. 

  Abbas yai dariya sannan yace " Kanina ai yanzu da zafi zafi ake bugan kirji karka kuskura ka jinkirta soyayyarks kar a maka shigo shigo.... "

   Wannan kalamai na yayansa sun karfafamai gwiwa bayan Abbas yabar gida Mansir ya bugi kirji yaje gidan su Ruma. 

  Sun gaisa kafin cikin fara'a zai fara koro mata abinda ke ransa ta katseshi da cewa " Mansir ko? Kanin Abbas. "

  Mansir ya washa baki yace " Eh nine.

  Ruma ta d'anyi kasa dakai sannan tace "Ai koka yai? "

  Cikin mamaki Mansir yace "a'a. "

 Ta d'ago sannan tace " ba wani nan, yace bazai fad'ama kowa muna soyayya ba amma wai bazai min alkawarin kin fadama ba. "

  Gaba Mansir ne ya fad'i yace " Kinsan yaya ai. "

   Tai murmushi tace " Yana sanka dayawa komai sai ya ambaceka. "

  Mansir kam jiyai kafafuwansa suna neman Kasa d'aukansa hakan yasa yace mata kansa na ciwo ya tafi. 

    Mansir ya rame, sam karatun ma ya kasayi, a lokacin ne Abbas ya gama nashi karatun, yama Mansir fada sosai ganin takardunsa ba abin arziki, duk yanda yai akan ya sanar dashi matsalarsa ya ki. 

   Hakan yasa ya zauna da kansa yake koyamai karatu. 

 Sai dai abin mamaki ya kula yanzu sam Mansir baya yarda suyi wata magana mai tsawo.

  Hankalin Abbas ya tashi, yana tsakiyar wannan kangi mahaifin Ruma aka maidashi kano, sannan mahaifinta yace ta fito da miji. 

  Ruma kam kai tsaye ta gabatar da Abbas, nan aka kai kud'i tare da sa rana."

  Little tai ajiyar zuciya tare da kallan Nafi wacce tai shiru tana sauraranta, tace " Kinsan su waye mutanen nan uku? 

  Nafi tace " Abbas mahaifin Yaya, Mansir kuma Abban ki ko? "

  Little ta d'aga kai sannan tace " Ruma fa? "

  Idanu Nafi ta zaro cikin shakkun abinda yazo ranta tace " Don't tell me???"

  Kai Little ta d'aga tace " Yes! Mumy ce. "

  Nafi ta zaro ido sosai cikin mamaki, Little tai yake sannan tace " wannan shine mafarin komai dake faruwa. "

  Nafi kam baki ta saki tana mamaki wannan sarkakiyar..... 

  Little ta nisa sannan ta cigaba.............. 

   

 *THE INNOCENT TEAM*

Share this

WhatsApp