Jikinsa ba karfi yaja motar ya tafi tare da tunanin irin hukuncin da su innah xasu yanke a kan auren su da Niimatullah, shi kanshi ya san ba a kyautawa Niimatullah ba, ana yi mata abubuwan da basu kamata ba saboda ana shiga rayuwarta, a xuciyarsa ya fara shawarar raba musu gida da Hajiya Maryam sai dai hakan ba mai yiwu wa bane saboda yana son kan yayansa ya hadu a nan gaba, idan ya raba gida da yayan maryam da na Niimatullah baxa su samu wata shakuwa ba,wannan dalilin yasa xai bar Niimatullah ta cigaba da xama a gidan da yake.
Kai tsaye office ya wuce don baya son ya koma gida yaga babu Niimatullah, gidan duhu xai yi masa, yana shiga ya xauna a kujera tunani ne ya mamaye xuciyarsa bai san ta ina xai fara magance wannan matsalar da take tunkaro shi ba, kwantar da kanshi yayi jikin table ya cigaba da aikin tunani.
*******
Baba na dawowa innah ta zayyane masa irin halin kunci da damuwar da nake ciki, da kuma baraxanar da Hajiya Maryam ke min a kan xata raba ni da duniya, kama baki yayi ya rasa bakin magana saboda abin ya daure masa kai, ajiyar xuciya yayi sannan ya fara magana cike da tausayawa yake kallona.
Lallai wannan aure ya cancanci a raba shi saboda tun kafin a yi auren nan take wannan furucin Allah bai sa ta cimma burinta ba, yanxu kuma ta dawo tana yi tunda ta kudurce a ranta sai taga bayan ki babu abinda xai hana ta yin hakan, to kinga tun kafin tayi aika-aika gara a yi miki gata a kashe auren ko me kika ce?kaina a sunkuye ban bashi amsa ba saboda ban san me xan ce masa ba, ina son mijina kuma ina tsoron Hajiya maryan ban san wane xabi xan dauka ba.
Shirun da yaji nayi shi yasa ya kara maimaita tambayar da yayi min, kin yi shiru Niimatullah? Kaina a sunkuye na amsa da duk hukuncin da ku ka yanke na karba baba,Allah ya xaba mana abinda ya fi alkhairi amsawa suka yi da ameen.
Tashi nayi na nufi soro hannuna rike da wayar innata number dattijo na fara laluba,kira daya nayi masa ya daga tare da cewa na kashe xai kira, ban fi second biyu da kashewa ba ya kira gaisawa muka fara yi cikin raunananniyar murya na fara magana da shi, dattijona kayi hakuri a yau nake son yin ban kwana da kai saboda innah da baba sun tabbatar min da cewa auren mu baxai yiwu ba dole na hakura da kai, yanzu haka na fara bawa xuciyata hakuri a kan rashin ka da xan yi, na karasa maganar ina kuka.
Cikin rawar murya ya fara min magana me kike fada min haka Niimatullah kina nufin na rabu da ke wannan magana ce wacce baxa ta taba yiwuwa ba,na dade ina fada miki rayuwata baxa ta taba tafiya daidai ba matukar bana tare da ke, don haka maganar rabuwa ma ki janyeta baxan taba sakinki ba ko me xa a yi min saboda ina sonki.
Kashe wayar yayi, duk kiran da nayi masa bai dauka ba, wannan rashin daukan wayar ba karamin damuwa ya saka ni ba, saboda ban san halin da ya shiga ba sanadin fada masa yadda muka yi da su innah.
Sunkuyawa nayi na sha kukana sannan na shiga gida saboda bana son nayi kuka a gaban su innah su gane cewa ina cikin damuwa, har yanxu dai tattaunawa suke yi a kan maganar komawata gidan dattijo, kuma suna nan a kan bakan su na aurena da dattijo ya kare, dakin baba na shige saboda idan na tsaya ina sauraren abinda suke fada xuciyata xata iya fashewa saboda baxa ta iya jurewa jin abinda suke fada ba.
Kiran wayar da ke hannuna aka yi ina dubawa naga dattijo ne ya kira a kasalance na dauka saboda ban san me xai fito daga bakinsa ba, cike da damuwa ya kira sunana tare da fadin kixo soro ina jiranki.
Jan kafa na rika yi har na isa soron saboda duk wata jijiya ta jikina a sanyaye take, tsaye na tarar da shi ya tsurawa kofar da nake shigowa ido muna hada ido naga hawaye na sauka a kan fuskar shi,da sauri naje na fada jikinshi ya rungume ni kamar xan tsaga jikin shi na shige, kuka muka rika yi gaba daya shaukin junanmu da soyayya sai ya tashi a lokacin ban taba jin ina son dattijo kamar yadda naji son shi ba yau, sai da muka yi kuka ya ishe mu sannan muka saki juna a hankali ya dago kaina yana dubana, yana hawaye yake min magana.
Me yasa a kullum kike son hukunta ni da rabuwa da ke, ko don na fada miki bana son kalmar shi yasa kullum take fitowa daga bakin ki, na dade ina fada miki baxan iya rabuwa da ke ba Niimatullah, matukar na rabu da ke rayuwata taxo karshe ban taba son wata mace kamar yadda na so ki ba, indai har kina sona son ba a iya baki ya tsaya ba ki bani hadin kai na kwatar mana yancin mu don mu cigaba da rayuwa har abada.
Share kwallar da ta cika idona nayi, cikin kuka na fara magana, wallahi ina sonka dattijona amma yanzu idan na bijirewa umarnin innah da baba a kan raba auren nan zasu tsangwame ni ne su ga kamar basu isa da ni ba.
Tallafo kaina yayi, matukar innah da baba sun san kina son mijinki baxa su tsane ki don kin koma dakina ba saboda sun san yadda so yake baxa su damu ba don kin nemi alfarmar cigaba da rayuwa da ni tunda sun riga sun san muna son junanmu.
ajiyar xuciya nayi ba tare da na amsa masa ba, kafe ni yayi da manyan idanunsa, idan baxa ki iya tunkarar su innah da wannan maganar ba ni xan je na warware dukkan abinda xai xo ya dame mu, halin maryam bai isa ya hana mu xaman aure ba,hawaye ya shiga share min sannan ya dago fuskata ya kalle ni...
Shiga ciki ki fadawa su innah xamu fita unguwa xuwa anjima xamu dawo, saboda muna cikin damuwa muna bukatar mu huta, xaro idanu nayi haba dattijona muna cikin wannan takunkumin xaka ce mu fita?.
Gyara tsayuwa yayi babu wani takunkumin da muke ciki ke matata ce ina da ikon tafiya da ke duk inda naga dama a fadin duniyar nan,don haka ki shiga ki shirya ki fito.cikin gida na shiga na tarar da su innah fada musu abinda dattijo yace nayi basu yi min musu ba na dauki mayafina na fita.
Rike hannuna yayi har sai da muka shiga mota cike da kulawa yake min magana, amma kin fadawa su innah ba yau xamu dawo ba ko? Turo baki nayi ni ai baka ce min kwana xa mu yi ba kawai kace na dakko mayafina.
Lumshe ido yayi to sati guda xa mu yi ina so na huta sosai na mance da wannan damuwar da nake ciki, bata fuska nayi xan yi kuka, haba dattijona ba fa haka muka yi da kai ba sai ka janyo innah tayi fushi da ni.
Jan kumatuna yayi ba fa wajen sabawa Allah kika tafi ba Niimatullah farantawa mijinki kika tafi yi,nasan ma innah baxa tayi fushi da ke saboda tasan duk inda kike kina tare da mijinki ne, yana gama fada ya yiwa motar key muka tafi.
*Follow me on wattpad @jeeddahtulkhaeer Tijj*
*Jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©Jeeddah Tijjani*
*Adam*
*(jeeddahtulkhair)*
*dedicated to Amrat makeover*
47
Kaina a sunkuye yake har muka isa bakin wani gida da ke unguwar hotoro, gidan ya hadu iya haduwa, amma da dukkan alamu gidan xaman mutum daya ne, key yasa ya bude mana gidan rike yake da hannuna har muka isa cikin gidan cigaba da bubbude kofofin gidan yayi, cike da mamaki nake tambayarsa, nan kuma gidan wane ne dattijona? murmushi yayi yana kallona nan ma gidana ne xuwa nayi mu shakata mu huta sannan mu koma, makale kafada nayi ina masa shagwaba, ni dai bana so mu dade dan Allah ka taimaka ka mayar da ni da wuri.kallona kawai yayi tare da jan hannuna muka shige parlour, a kan kujera ya xaunar da ni,tsayawa nayi ina karewa dakin kallo.
Komai na gidan a gyare yake kamar da mutane a ciki, rausayar da kaina nayi ina tambayarsa dattijona ya naga komai na gidan nan tsaf, kamar da akwai mutanen da ke rayuwa a cikinsa?kallona yayi tare da kanne min ido daya cike da xaulaya yake min magana, wata amaryar tawa ce a ciki, abinda yasa kika ga na kawo ki ta tafi xiyarar ganin gida ne.
Wani kishi ne ya taso min naji kamar na buge bakinsa a lokacin da yake fada min,bata fuska nayi ina masa magana, dama kana da wata matar bayan ni da maman munir gaskiya ka yaudare mu dattijo, me yasa xaka yi mana haka? nan da nan idanuna suka kawo ruwa hawaye ya rika xubo min ta ko'ina.
A hankali ya miko hannun shi ya dora bisa wuyana cike da rarrashi ya fara min magana kiyi hakuri tsokanar ki nake yi Niimatullah uwar kishi, ai daga ke ba kari amaryar dattijo kin min komai kuma kin wadace ni, babu gurin da xan je na samu nutsuwa idan ba naki ba.
ba karamin dadi kalamansa suka yi min ba, cike da shagwaba na dube shi.
Har ka bata min rai dattijona kasan bana son wata mace ta shiga xuciyarka idan ba ni ba,tallafo fuskata yayi yana sumbatata,babu mai shiga xuciyata idan ba ke ba Niimatullah ke kadai kike burge ni duk cikin mata.
Kwantar da kaina ni yayi a jikinsa har cikin raina nake jin wani dadi na ratsa xuciyata, hira muka cigaba da yi cikin nishadi bayan mun huta muka shiga toilet muka yi wanka, muna fitowa ya fara bina da fitinannen kallon shi,ko ban fada muku ba kun san abinda dattijona ke so, bayan mun kammala mun dawo cikin nutsuwar mu muka sake sabon wanka, sannan muka nufi restaurant don cin abinci.
*****
Hajiya Maryam ce tsaye a bakin kofar shiga falonta, sanye take da doguwar riga ta atamfa ta nade kanta da mayafi, da dukkan alamu daga unguwa da ta dawo, cikin sassanyar murya ta kwalawa danta munir kira wanda yake daki yana karatu, da hanxari ya karaso wajenta cike da ladabi yake mata sannu da dawowa, mika masa kayan da ke hannunta tayi tare da cewa shigar min da su ciki saura kuma ka tsaya bincikawa kaga abinda ke ciki,karba yayi ba tare da yace komai ba ita kuma ta bi bayansa.
Fadawa kan kujera tayi ta xauna duk ranta babu dadi ta rasa ina xata saka ranta saboda mijinta ya juya mata baya, tayi duk abinda xa tayi amma kullum dada karkata yake yi wajen kucakar yarinyar da ya auro mata, mugun tunani ne ya rika bijiro mata, a cikin xuciyarta ta fara tunanin hanyar da xata bi ta kwato yancinta.
Munir ne ya lura da halin damuwar da take ciki, a hankali ya karaso kusa da mahaifiyar tasa cike da nutsuwa ya fara yi mata magana.
Mama lafiya naga kwana biyu bakya cikin walwala, ko bakya jin dadin jikin ki ne?a hankali ta dube shi da farko kamar baxa tayi masa magana ba, sai kuma can bayan yan mintuna ta amsa masa da lafiyata kalau, amma wannan uban naka yana son gadar min da hawan jini da ciwon xuciya.
Bai ji dadin maganar da ta fadawa babansa ba, amma ya daure ya cigaba da yi mata magana, kiyi hakuri mama rayuwar aure yar hakuri ce,kuma komai na duniya sai an yi hakuri, wata rana sai kiga komai ya xama tarihi.
A fusace ta dube shi, kai saurara ba wa'azi na kiraka kayi min ba idan xaka bani shawarar yadda xan samu mafita, na sanu damar barar da cikin yarinyar nan,kuma na koreta a gidan nan shi ne abinda nafi bukata, amma bana bukatar kasa ni a gaba ka rika yi min maganar banxa.
Kansa a kasa ya fara yi mata magana, subhanallah dan Allah ki tsaya ki saurare ni mama, ki daina furta wadannan maganganun, duk abin nan da kike tunani ba shi xai xama mafita a gare mu ba, kuma wannan ba shi xai sa dady ya rabu da matarsa ba tunda don yana sonta ya aureta.
Abinda xamu duba mama gaskiya duk wani gyara daga wajen ki yake kece kika bada kofar faruwar duk abinda yake faruwa a yanxu, mama ke da dady kun wuce a ce ana jin kanku kuna fada, amma har yanxu dady bai wuce xagi a wajenki ba, ba ki daina fada masa duk abinda kika ga dama ba,kinga wannan matsalar dole ta tsayawa dady a rai har yayi tunanin kara aure, sannan yarinyar nan da aka auro bata xo miki da fitina ba,ina ji Aunty take kiran ki sannan duk ladabin da ya kamata tana yi miki, bai kamata a ce kin nuna bakya sonta ba, sannan har ki rika fitowa fili kina cewa xaki xubar da cikin da ke jikinta a ganina duk wannan bai kamata ba, matsalar da dady ke fuskanta ne ma yasa ya bar gidan nan ya tafi da matarsa tunda yaji irin abinda kike fada, gaskiya ki gyara mama ki nemi gafararsa tunda kinga aljannarki a karkashinsa take,har fitar nan da kike yi ba da ixninsa ba duk ki nemi yafiyarsa ya yafe miki.
Tun jiya nake kiran number shi taki shiga, amma xan cigaba da kira insha Allah sai na yi muku sulhu.
Sai da ta gama saurarensa tsaf sannan ta watsa masa wata harara tare da daka masa tsawa.
Ban taba tsammanin kai mahaukaci bane sai yau munir, dama ashe baka kaunata duk xaluncin da ake yi min baka gani ba sai ramuwar da xan yi, to baxan ji nasihar taka ba kaje ka nemi uban naka kace ya sake ni tunda dama ba sona kake yi ba,ka fi son wannan jakar matar uban naka kaje na barka da su, kada ka kara shiga harkata ko abinci na dafa baxan sake baka ba,sai dai kaci na kaxamar matar babanka, tashi tayi ta shige daki.
Bin ta yayi yana bata hakuri, kiyi hakuri mama ban fada miki wannan maganar don ranki ya baci ba, dan Allah ki yafe min wucewa tayi ta bar shi yana mata magiya.
Daki ya koma ya rika tunanin irin wannan hali na mamansa da yadda xai yi ya shawo kan matsalar gidan su don abin ya dade yana ci masa tuwo a kwarya fargabar abinda xai biyo baya ne ya hana shi magana.
****
A bayan dattijo nake ya Goya ni da towel yana rarrashina kamar wata baby saboda gajiyar da ni da yayi a daren jiya,kuka na rika yi masa a kan ya mayar da ni wajen innah na cigaba da rayuwar da babu takura a cikinta, rarrashina yake yi yana min albishir da xai mayar da ni a lokacin, wayar dattijona aka kira hannu yasa ya dauki wayar tare da karata a kunnen shi, gaisawa naji suna yi ashe innah ce ta kira take tambayar lokacin dawowar mu
Cike da girmamawa ya bata amsa da mun dan yi nisa innah nan da sati biyu xamu dawo sallama suka yi ya kashe wayar.
A firgice na kalle shi, haba dattijona yanzu har sai mun yi sati biyu a nan Allah guduwa xan yi, sakko da ni yayi ya xaunar da ni a cinyarsa, jan kumatuna yayi indai kinga mun tafi daga wajen nan sai dai idan na tabbatar baba xai mayar min da ke dakina,idan ba haka ba kuma sai dai mu shekara a nan, kuka na fara yi masa ina masa magiya ya mayar da ni.
Wayar shi aka sake kira ta dade tana ringing sannan yasa hannu ya dauka, yana duba wayar yaga sunan maman munir, jifa yayi da ita gefe ya cigaba da yi min magana.
Rausayar da kai nayi ina masa magana bai kamata kayi watsi da wayar da tayi maka ba ka sani ko kiranka tayi ta roki gafararta, lumshe idanu yayi sannan ya fara min magana.
Nasan da cewa alkhairi baxai sa maryan ta kira ni ba don haka baxan dauki wayarta ba,lallaba shi nayi har ya dauka sai dai yana dauka ya ji...........
*follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*Follow me on instagram @jeeddahtijjani*
*dedicated to Suhaimah M Bello*
48
Muryar dan shi munir yaji wani sanyi yaji a ransa, saboda yayi missing yayan nasa yana son kasancewa da su amma halin uwar su yasa ya bar su, cike da ladabi yake masa magana tare da gaishe shi, murmushi naga yana yi sai abin ya bani mamaki, ganin yadda yake magana yana fara'a ne yasa na gane ba Hajiya maryam bace, cike da walwala suka kammala wayar ya dawo da kallonsa gare ni, matsowa yayi daf da ni tare da kwantar da kansa a jikina,cike da xaulaya yake min magana nasan har hankalin ki ya tashi ko amaryar dattijo kin xaci ogarki ce ta kira? Murmushi nayi ni hankalina bai tashi ba don ta kiraka, xan fi so a ce ta dawo hanya madai-daiciya don ta samu yardar mijinta, wannan rashin xaman lafiyar gaba daya bana jin dadinsa, kwanto da ni yayi yana min kallon kauna.
Hankalin ki yana burge ni Niimatullah idan kika yi wani abin kamar babba ce tayi, kina da hangen nesa kuma ba ki da kyashi, duk da cutarwar da maryam ke yi miki amma kina so ta dai-daita da ni, gaskiya kin cika mace ta gari Allah yayi miki albarka, kaina a sunkuye na amsa masa da ameen.
Dago fuskata yayi yana kallona, kin son da wa muka yi waya yanxu? Girgixa kaina nayi sannan na amsa masa da a'a, gyaran murya yayi sannan ya fara yi min magana, munir ne ya kira ni yake bani hakuri a kan abubuwan da suke faruwa, kuma ya roki na koma gida amma ni gaskiya baxan koma ba sai na huta sosai da matata.
Kamo hannun shi nayi na rike kayi hakuri mu koma dattijona kaga kada a shiga hakkinta da yayanta, kuma kaga danta ma baya goyon bayan abinda take yi, tunda har ya shigo maganar ya kamata ka koma gida ko a yanxu nasan ta gane kuskurenta, murmushi yayi lallai har yanxu baki san wacece maryam ba Niimatullah shi yasa kike fadar haka, wallahi ina tabbatar miki baxa ta fasa abinda take yi ba, ni fa nasan halin kayana.
Sauke ajiyar xuciya nayi, duk abinda xata yi mana ya kamata ka rika hakuri dattijona tunda kaine shugaban gidan kai xaka tsara abinda xai fi xama daidai a gidanka, a ganina tahowar da muka yi nan baxai xama maslaha ga xamantakewar mu ba sai dai ma ta kara tsanata saboda tunani xa tayi na mallake ka na janye ra'ayinka.
Shafa kaina yayi xan yi naxarin maganarki amaryata, hira muka yi sannan na raka shi ya shirya ya tafi office, bai fi 2hours da tafiya ba ya dawo, cike da mamaki nake tambayarsa.
Me kuma ya dawo da kai dattijona, marairaicewa yayi yana kallona ba tare da yayi min magana ba, karasowa yayi ya narke a jikina cike da tausayawa na dube shi,me yake damunka mijina? rausayar da kai yayi sannan yayi min magana, soyayyarki ce ta dawo da ni har na fara aiki na gudo na taho wajenki, Allah ya sani bana koshi da soyayyarki amaryata, bata fuska nayi xan yi kuka.
Dan Allah kayi hakuri dattijona yau a gajiye nake kaga nayi maka aiki da yawa jiya ka taimaka ka kyale ni yau na huta, jawo ni jikinsa yayi ki taimaka min amaryata kin san da cewa a wajenki kawai nake samun nutsuwa, duk hakurin da na bashi bai karba ba sai da yayi abinda yake so,sannan ya sake shiryawa ya koma office.
Da ya tafi ma bai saurara da kirana a waya ba,bayan mintuna kadan yake kirana mu yi magana, yaji lafiyar babynsa.
****
Munir ne ya fito daga daki da sauri ya biyo bayan mamansa yana mata magana, ina xaki je mama? A yatsine ta dube shi gidan ubanka xan je babana, cike da tausasawa yake mata magana kinga irin abinda nake fada miki mama ki daina irin wadannan abubuwan saboda kina shiga hakkin dady kina fita ba tare da ixninsa ba, a fusace ta juyo ta wanke shi da mari, na fada maka ka fita daga cikin idanuna na rufe kafin ranka ya baci,tunda ka nuna baka kaunata na fita a harkar ka, don haka nima ka bar tawa kafin na saba maka, wucewa tayi ta barshi hannunsa rike da fuskarsa, kaninsa ne ya hango shi cike da tausayawa ya karaso wajen da yake kama hannun yayan nasa yayi tare da jansa gefe daya.
Kayi hakuri yaya a bisa dukkan abinda mama xata yi maka a kan amaryar dady, dole mu jajirce mu ga mun tsamota daga halin da take son jefa kanta har ma da mu, dan Allah kada kayi fushi ka cigaba da nuna mata gaskiya wata rana xata gane, ni kaga ko gaskiyar xan fada mata ma baxa ta tsaya ta saurare ni ba, kai din da kake yi ka cigaba da yi Allah ya baka lada.
Hirar xumunci suka cigaba da yi tare da tattauna matsalar da suke fuskanta a wajen mahaifiyar su.
Kai tsaye gidan kawarta ta xarce da kuka ta shiga gidan, cikin tashin hankali ta tarbeta tare da tambayarta abinda yasa take kuka, kasa bata amsa tayi saboda kukan da take yi, sai da tayi ya isheta sannan ta dubeta.
Wallahi ina cikin tashin hankali tunda dadyn munir yayi aure ban kara samun farin ciki ba, wannan yarinyar taxo ta raba ni da shi, yanxu xancen nan da nake miki kusan kwanansa uku baya kwana a gida, ni duk wannan ba shi ne ma abinda yake tayar min da hankali ba illa yadda ta shiga malamai ta raba ni da su munir yanzu yaran nan gaba daya a bayanta suke basa ganin laifinta, dan Allah ki taimaka min kawata ta karasa maganar tana kuka.
Girgixa kai tayi tana jimamin abinda Hajiya maryam ta fada mata, gaskiya kina cikin tashin hankali kwarai da gaske, amma me yasa kika bari har aka yi auren wannan shi ne kuskure na farko da kika yi, da kin fada min wallahi ko tarewa baxa tayi ba abin xai lalace, yanxu ma dai ba a makara ba kawo kunnenki kiji wata magana, rada tayi mata bayan sun gama ta mika mata hannu suka tafa, sannan suka dauki mayafansu suka fita.
*follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
49
Fitowa suka yi daga gidan suna tafe suna tattaunawa a kan yadda xasu bullowa halin da hajiya Maryam ke ciki, sun yi tafiya mai nisa, sannan suka fara tunanin inda xasu nufa don warware matsalar, kasancewar dukannin su suna cikin damuwa da al'ajabin yadda niimatullah ta rikita maryam dare daya ta kasa gane kan mijinta, kawarta ce ta dube ta, yanxu so nake na kai ki inda xa a baki shawarwari da kuma hanyar da xaki bullowa wannan shaidaniyar amaryar taki,saboda idan kika barta illah mai yawa xata yi miki watan wata rana ma korarki xa a yi daga gidan gaba daya, ke da mijinki sai kallo. mai adaidaita sahu suka tare inda suka fada masa suna bukatar ya kai su unguwar farawa, gidan kawar su suka nufa suna zuwa suka fada mata abinda ya kawo su, shawarwarin yadda xata cutar da niimatullah ta bata da irin musgunawar da xata yi mata, har ta koreta daga gidan sannan kuma cikin da take takama da shi ya xube, ba tare da sun shirya faruwar hakan ba.
bayan sun gama kulle-kullen da xa su yi suka ci abinci suka yi hira,Hajiya maryam bata dawo gida ba sai bayan sallar isha.
A waje ta ci karo da yayanta tun daga nesa suka hangota, da fara'a suka karaso suna yi mata barka da zuwa, wani mummunan kallo ta watsa musu gaba daya suka koma gefe jikin su a sanyaye, kai tsaye daki ta shige ta dauki waya ta fara kiran dattijo don ta shirya masa makircin da xai sa ya dawo gida bai shirya ba. sai dai tana kiran wayar ta ji ta a kashe, cike da bacin rai tayi jifa da ita tana mayar da numfashi xuciyarta har tafasa take saboda takaici.
Bandaki ta shiga don yin wanka ko xata ji saukin bacin ran da ke damunta, tana shiga taji wani jiri yana dibanta, rike kofar bandakin tayi don kada ta fadi, gaba daya ta daina ganewa saboda jirin da ke dibarta, fasa wankan tayi ta koma ta xauna a hankali ta rarrafa ta fito waje,kiran yayanta ta shiga yi da hanxari suka karaso don ganin abinda ke faruwa da ita.
ganinta suka yi kwance har ta fara galabaita cike da damuwa suka karaso suna tambayarta abinda ya faru da ita, sai dai bakinta ya kulle ta kasa magana, kinkimarta suka yi suka kaita asibiti don gano abinda ke faruwa da ita.
Bayan likitoci sun gama bincike ne suka tabbatar da cewa tana fama da matsananciyar damuwa wanda idan ta cigaba da kasancewa a wannan halin xai yi sanadiyyar rasa rayuwarta gaba daya, cikin kuka yayanta ke mata magana ki taimake mu mama ki raba kan ki da wannan damuwar, ki daina tashin hankalin ki a kan abinda bai kai ya kawo ba, ki mikawa Allah lamarin ki komai yayi xafi maganinsa Allah, nasihohi masu ratsa jiki suka rika yi mata,suna kwantar mata da hankali tun daga wannan lokacin kullum cikin rashin lafiya take yau da dadi gobe ba dadi kuma duk da haka xuciyarta cike take da jin haushin niimatullah ko kadan bata jin kaunarta a ranta.
******
Tsaye nake na jingina kaina a jikin dattijona ina masa kuka, Allah ni babu inda xaka je yau sai ka mayar da ni gidan innata,kai kuma ka tafi gidanka na gaji da wannan xaman yau satina biyu ban ga innata ba sannan ga damuna da kake yi da yawan bukata, ni gara mu koma gida ka sasanta da matarka a raba kwana kowa ya rika shan aiki, ga shi innah ma har tayi fushi ko kiran mu bata yi tasa mana ido ta ga yadda xa mu yi.
tsayawa yayi yana kallona yana murmushi, cike da kulawa ya dube ni, yanxu kina so ki fada min cewa kin gaji da dawainiya da mijinki ne niimatullah, cikin marairaicewa na amsa masa ba gajiya nayi da kai ba, amma hidimarka tana da yawa ni kadai baxan iya kulawa da kai ba, dan Allah yau mu koma gida ka sulhunta da aunty kaga ita ma tana da hakki a kanka.
rausayar da kai yayi yana dubana, xamu koma amma ba yanxu ba ki bari na dawo daga office xa mu yi magana, bakin kofa na raka shi muka yi sallama sannan na dawo, kayana na shiga xubawa a akwati don yau nayi alkawarin baxan sake kwana a wannan gidan ba sai a gidan innah ko a gidansa.
Kaya ya gani na tare a gabana ina buntsure-buntsure a hankali ya tako har inda nake tare da cewa yau ko sannu da xuwa baxa ki yi min ba Niimatullah? Rausayar da kai nayi kaina na sunkuyar sannan na far yi masa magana, ni gida xaka mayar da ni nayi alkawarin baxan sake kwana a gidanka ba, cike da kulawa ya dube ni, idan baki kwana a gidana ba a gidan wa xaki kwana amaryar dattijo?kiran wayar shi da aka yi shi ya katse mana maganar da muke yi, don haka yayi saurin saka hannu a aljihu don dakko wayar.
Number Hajiya maryam ya gani tana kiran shi, mayar da ita aljihu yayi ya dawo da kallon shi gare ni, cikin sanyaya murya na fara yi masa magana, ko baka fada min ba nasan wacce take kiranka amma baka dauka ba, ka daina irin wannan dattijona ba kyau, matsowa yayi daf da ni tare da jan hancina ban san lokacin da kika fara wa'azi ba Niimatullahi kullum sai kin yi min magana a kan matar nan da ita ce fa ko tunawa da ke baxa tayi ba.
Muna cikin maganar ya sake jin shigowar text message, a hankali yasa hannu ya dauki wayar number dan shi munir ya gani, karanta text din ya shiga yi.
```innalillahi wa innah Ilaihi raji'un Allah ya yi wa mama rasuwa yanzu```
Hannun shi na gani yana karkarwa, saurin mikon min wayar yayi bakinsa na rawa ya kasa magana, karba nayi na fara karantawa, Aunty ta mutu dattijo?? wani jiri naji ya debe ni a take na fadi sumammiya.
*Follow me on wattpad @jeeddahtulkhaeer Tijj*
*Jeeddahtulkhair😘*
💋💋💋💋💋
*MATAR DATTIJO*
💋💋💋💋💋
*jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
50
Fadawa kaina yayi yana jijjiga ni ki, taimake ni ki tashi Niimatullah kada ki mutu ki bar ni, na rasa Maryam ke ma na rasa ki ina xan tsoma rayuwata, ruwa ya tafi ya dakko ya hau yayyafa min a hankali na fara bude idona abu na farko da ya fito min daga bakina shi ne, da gaske Aunty ta mutu dattijona, ka tabbatar min da abinda nake tunani a xuciyata, idanunsa cike da kwalla ya dube ni, maryam ta mutu Niimatullah sai dai mu yi hakuri na kira wayoyin yaran duka a kashe, kukana ne ya tsananta tausayinta ne ya kama ni, ban so ta mutu yanxu ba naso a ce ta dai-daita da mijinta.
Cikin kuka na cigaba da yi masa magana, kaga abinda nake fada maka ko dattijo, ka kyale matar nan ka dawo wajena watakila ma damuwa ce ta kasheta, yanxu ta mutu baka nemi gafararta ba me xaka ce da Allah idan kaje lahira.
Shiru yayi yana saurare na a hankali ya dago yana dubana, tabbas nayi kuskure Niimatullah kuma ina fatan Allah ya yafe min, ba a son raina na kyale maryam ba sai dai baxan iya jurewa masifarta ba, hannuna ya rike tare da mikar da ni tsaye, tashi mu tafi gida fitowa muka yi daga, a mintunan da basu wuce goma ba muka isa gidan.
Da sauri yayi parking muka fito don ganewa idanun mu abinda ke faruwa, abin mamaki gidan ba kowa kamar wani abu bai faru ba, cikin gidan muka cigaba da sa kanmu tarar da su munir muka yi a falo suna kallo, suna ganin mu suka mike suna yi mana barka da xuwa, ganin yadda suke murmushi yasa muka gane babu abinda ya faru, cike da mamaki dattijo yake tambayar su ina maman ku, a ladabce suka amsa masa da tana daki tana bacci sake jefa masa tambaya yayi munir ina wayarka da sauri ya amsa masa da tana hannun mama, a nan ya gane cewa makirci ta shirya masa.
Xaunawa nayi a wajen su mun hira shi kuma ya shiga ciki, a kwance ya tarar da ita tana danne-dannen waya da sallama ya shiga dakin, fuskarta ba annuri ta dago ta kalle shi, a hankali ya matsa inda take jikinsa ba karfi ya fara yi mata magana yanxu lamarinta ya daina bashi mamaki, tsoro yake bashi.
Kallon mamaki yake mata tare da cewa kika ce kin mutu? A yatsine ta kalle shi eh nace na mutu sai akai yaya? Murmushi yayi ba komai amma kin san laifin mutumin da yake karya ko, ya kamata ki gane gaskiya ki daina yin dukkan abinda ba su da kyau domin ke ba karamar yarinya ba ce, wani abu taji ya daki xuciyarta don ta tsani ya kira ta da tsohuwa tunda ya auri Niimatullah ya daina ganin kuruciyarta, kallon raini ta cigaba da yi masa sai da ta gama kallon shi tsaf sannan tayi magana
Kai har kana da bakin da xaka yi wa wani wa'azi baka ajiye komai ba banda xalunci da yaudara da danne hakkin aure, duk abinda yake faruwa a tsakanin mu bai kamata ka kaurace min na tsawon wasu watanni ba, tunda ka auro yarinyar nan na rasa kanka kullum a cikin matsala muke,ta ina xan kaunaci yarinyar nan dole na rika kinta kuma baxan daina ba har abada.
A sanyaye ya dube ta, kafin ki xargi Niimatullah a kan cewa ita ta raba mu, kan ki xaki fara tuhuma maryam ki duba yadda kike mu'amala da ni, babu kyakkyawar magana babu kulawa, tsakanin ki da yayanki babu shakuwa kullum cikin masifa kike kwata-Kwata bakya kaunarsu har tunani nake anya ba ni ne bakya so ba tunda bakya kaunar abinda muka haifa tare, tun yaran nan basu fahimta ba har sun gane cewa akwai babbar matsala a tsakanin mu, dukkan gyara daga wajen ki yake ki daina xargin Niimatullah, matukar kika gyara xamantakewar auren mu xaki ji dadin xama da ni fiye da yadda kike tunani.
Tabe baki tayi tare da cewa, kai gyara ya dama ni bai dame ni ba, na shirya tsaf don karbar takardata baxan iya xama da kai ka rika dama min kunun bakin ciki ba, mikewa yayi xai bar dakin ta sha gabansa tare da jansa, babu inda xaka je har sai ka bani takardata janye ta yayi gefe ya fita.
Ina ganin shi na gane yana cikin damuwa kafin ya karaso inda nake tuni ta biyo shi tana xaginsa a kan dole ya saketa, gaba daya yayan suka yo kanta suna yi mata nasiha tare da xaunar da ita kan kujera.
Haba mama ke da baki da lafiya kike tayar da hankalin ki kada ki manta likita ya fada miki, ki daina hayaniya kuma ki daina sa damuwa a ranki, cikin xafin rai tayo kansu da masifa gaba daya suka kauce mu kuma muka fito muka bar mata dakinta.
Biyo mu suka yi suna bamu hakuri musamman babansu da suka ga ran shi a bace, har bangarena suka je sai da muka gama hira sannan suka tafi.
Dan karamin hauka tayi musu suna shiga wajenta ta bi su da duka tana xagi, ku fita na barwa amaryar babanku ku kuje tayi muku duk abinda uwa take wa danta, koro su tayi ta kulle wajenta, xaunawa suka yi a waje suna kuka, yayanta suna da matukar tarbiyya da biyayya kamar ba manyan samari ba.
*follow me on wattpad @jeeddahtulkheer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
51
Haka suka cigaba da kasancewa a cikin wannan hali na kunci da tsangwamar mahaifiyar su,gaba daya ta daina damuwa da su, kullum ni nake basu abinci duk shawarar da suke bukata wajena zasu xo, don ko yan kallo basu isheta ba, duk yadda dattijo ya so yayi musu sulhu taki sakkowa tun yaran suna damuwa har suka koma suka dangana. sun shafe kusan wata biyu a wannan hali ni kuwa dama ko haduwa muka yi na gaisheta bata amsawa, bana damuwa da dukkan abinda take yi saboda na riga nasan halinta.
Tun daga wannan lokacin muka shaku da su sosai, babu abinda xa su yi ba tare da na sani ba, kuma sai sun nemi shawarata, shi kansa dattijo nasa ya kara jawo yayansa a jiki saboda a da ko hira baya xama yayi da su,saboda irin abubuwan da mahaifiyar su take masa.
Munir ne ya shigo bangarena da sauri fuskarsa na gani cike da walwala, karasowa yayi wajena xaune ya tarar da ni ina ninke kayana,cike da ladabi ya tsugunnah ya gaida ni, waje ya samu ya xauna sannan ya dube ni, Aunty yau surukar ki xata xo ta kawo miki xiyara me kike ganin ya kamata a shirya mata, farin ciki ne ya bayyana a fuskata naji dadi sosai da yaxo min da maganar aurensa saboda na kosa yayi aure ko don ya huta da matsin lambar da yake fuskanata daga mahaifiyar sa, cike da kulawa na bashi amsa xan shirya dukkan abinda ya kamata kada ka damu, amma da ka sani ka fada da wuri don a san abubuwan da xa a yi. murmushi yayi tare da cewa na gode Aunty, amma abinda yasa ban fada muku ba ina so ku yi mamaki ne sosai, yana gama fada ya mike xai fita har ya kai bakin kofa na kira shi, ina fatan dai ka fadawa mama don bana son taji abin daga sama, dan naxarin maganata yayi sannan ya bani amsa ban fada mata ba Aunty saboda nasan baxa ta karbi maganar ba, sauke ajiyar xuciya nayi ina kallon shi, kayi hakuri kaje ka fada mata saboda ka fita hakkinta a matsayinta na mahaifiyarka, bai yi min musu ba ya fita don sanar da ita, sai dai ban san yadda suka karke ba don bai dawo ya fada min yadda suka yi ba.
Kai tsaye daki na shiga tarar da dattijona nayi kwance yana hutawa cikin nutsuwa na karasa inda yake, shafo fuskarsa nayi ina murmushi naxo maka da wani babban albishir don haka baxan fada maka ba sai ka biya ni ladana, tashi yayi daga kwanciyar da yake ya matso kusa dani ya makale ni a kirjinsa fada min babyna ko nawa ne xan biya amma kafin lokacin ga wannan tukwicin, sambatata ya shiga yi ta ko'ina sai da ya kammala ya dube ni wannan shi ne tukwicin ki na farko na biyun na nan xuwa, fada min na bude kunnuwana ina sauraren ki.
Narkewa nayi a jikinsa albishir naxo yi maka ka kusa samun suruka kaima a haifa maka jika, fuskarsa cike da farin ciki yake min magana da gaske kike amaryar dattijo ko kuma tsokanata kike yi?
Lumshe idanuna nayi, da gaske nake dattijona munir ya samu matar aure anjima ma yarinyar xata xo ta gaishe mu, rungume ni yayi naji dadin wannan albishir din naki amaryata dama na damu yaron nan yayi aure ko don ya samu yanci daga wulakancin da maryam take musu, sai kace ba ita ta haifi yaran a cikinta ba kullum a cikin fitina. rausayar da kai nayi hakuri xa mu yi da ita dattijona tunda Allah ya hada mu dole mu daure mu xauna da ita haka, kuma ya kamata mu rika yi mata addua sannan kaima ka rika jawo hankalinta a kan ta daina irin abubuwan da take yi.
Sake manna yi yayi a kirjinsa na gode matar dattijo gaskiya ke mace ce ta gari, kina nuna min abinda ya dace da ban yi dace da ke ba da tuni kin rikita gidan nan saboda kina da kuruciya da iya soyayyar da xaki iya juyar min da tunani, amma ga shi kullum kokarin nuna min abinda yake dai-dai kike yi.
Kwantar da kaina nayi tare da shafa gashin da ke kewaye a fuskarsa, hakkina ne na dawo da kai hanya idan xaka karkace ita ma Auntyn xata dawo yadda muke so insha Allah, amsawa yayi da Allah yasa amaryar dattijo.
Cike da shagwaba na dube shi, dattijona xan je na fara hadawa bakuwar mu abinci, kallona yayi yana dan hararata dubi fa abinda ke jikin ki a haka xaki ce xaki yi musu girki, ni sam ban yarda ba restaurant kawai xan aika a yi musu order amma matata baxa tayi aikin wahala ba.
Marairaicewa nayi kamar xan yi kuka, ni fa ba haka muka yi da shi ba dattijona, ya fi son nayi musu komai da kaina, dafa hannun shi yayi a kaina, ni kuma nace baxa a yi ba ko, kin ma janyowa kan ki tunda aikin kike so sai kin kula da ni yanzu.
Aika min da sakonni ya shiga yi har sai da ya kashe min jikina.
Magiya na fara yi masa amma ko saurarata bai yi ba sai da ya Isar da abinda yake so.
Da misalin karfe hudu ya kira ni a waya cewa sun kusa isowa, a lokacin na shirya musu koma, fada masa nayi ya fara kai ta wajen mamansa kafin ya kawo ta wajena da farko ya nuna kin amincewarsa ga hakan saboda da yaje ya fada mata bata saurare shi ba.
Hakuri na bashi na kuma nuna masa girman hakkin da mahaifiyar sa take da shi a kansa.
Ba mu dade da waya ba suka iso ta window na hango su sun shiga sashin Maman sa, dawowa nayi na xauna don jiran shigowar su.
Da sallama suka shiga bangarenta, tana ganin shi da budurwa ta mike tana nuna shi da hannu, munir kada ka fara kaaraso min nan, dama ba kada hankali, me ya hada ka da budurwa yanzu?to tun wuri ku bace min da gani ba yanxu xan aurar da kai ba.
Cikin rawar baki ya dubeta xai mata Magana da sauri ta dakatar da shi bana son jin komai daga gareka kawai ka fitar min daga gida, saura kuma naga ka tsaya wani gurin, jikinsa a sanyaye ya tashi yarinyar ta bi bayan shi.
Suna fita ya rika bata hakuri a kan abinda aka yi mata sannan ya roketa da taxo su shiga wajen Niimatullahi kememe taki amincewa saboda wulakancin da aka yi mata, da kyar ya sha kanta ta yarda xata je, a bakin window Hajiya maryam ta tsaya don ganin inda suka nufa, tana ganin sun nufi bangaren Niimatullah ta shiga daki ta dakko xabgegiyar wayar television.
Kai tsaye bangaren Niimatullahi ta nufa cikin xafin rai ta tura kofar shiga wajen.....
*follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
52
Cikin zafin rai muka ji an danno kofar dakin, ganinta muka yi a kan mu tana huci, a raxane na mike ina tambayarta lafiya Aunty me ya faru? kafin na ankara ta jawo wuyana ta fara xuba min wayar a jikina, cikin zafin nama Munir ya shigo tsakiyar mu kokarin karbar wayar yayi daga hannunta amma ta hana kokari kawai take yi ta kai min duka, cikin fushi ya fara yi mata magana, meye haka mama me yake damunki xaki xo har dakinta ki daketa me tayi miki? da karfi tasa hannu ta ingixa shi ta dawo kaina ta fara dukana, Cikin karfin hali na fara kokarin kwatar kaina saboda ina jin kunyar na rama dukan da tayi min a gaban danta, da karfi ya ja ta yayi gefe da ita, zaginsa ta shiga yi tare da cewa ni nake daure masa gindin yi mata rashin mutunci,kuma nice nasa ya kawo mata karuwa har cikin gida don haka daga ni har yarinyar sai tayi ajalinmu, da karfi ta Kara yin kaina tana fadin sai ta kashe ni, ina matsawa ta danki wuyan budurwar tasa ta shake da kyar ya kwaceta, daki muka shiga ni da budurwar tasa muka kulle kofa saboda yadda take cikin fushi tsaf xata iya hallaka mu, wayar dattijo muka kira, yana jin yanayin yadda nake masa magana ya gane ina cikin tashin hankali.
cikin kuka na fara yi masa bayani, kayi haquri ka sake ni wlh daga yau na gama aure da kai, cike da tashin hankali yake tambayata kafin na bashi amsa ta dawo kofar dakina tana buguwa tana Kokarin balle kofar da kyar danta ya ja ta ya mayar da ita wajenta ya kulle, shi ma kiran wayar dattijo yayi ya shaida masa halin da ake ciki, bangarena ya dawo ganin halin da nake ciki na tashin hankali yasa shi xubar da hawaye, kiyi hakuri Aunty mun san kina hakuri da mahaifiyar mu dan Allah ki cigaba da yi, kada wannan abin da tayi miki yasa ki tafi ki bar mu, kin ga dai a wajenki kawai muke samun farin ciki idan kika tafi bamu san wacce xa a auro mana ba ki tallafi rayuwar mu da ta mahaifin mu ki xauna, budurwar tasa ma kuka take ita kanta ta nuna baxa ta iya cigaba da soyayya da shi ba saboda mahaifiyar sa, rakata yayi ta hau Adaidaita saboda yana jin tsoron ya tafi kai ta gida ta sake dawowa ta dake ni.
A cikin mintunan da basu wuce goma ba dattijo ya iso ganin yadda ta hautsina min dakina ne yasa yayi saurin gane abinda ya faru tarar da ni yayi ina kuka Munir na bani hakuri.
jikinsa a sanyaye ya karaso inda muke, waje ya samu ya xauna yana fuskantar mu, cike da lallashi ya fara min magana, ko baki fada min ba nasan abinda ya faru kuma nasan wadda taxo tayi wannan aika-aikar saboda ita lamarinta baya bukatar karin bayani, amma kafin na xartar da hukunci ina so na tanbayeka munir, cikin nutsuwa ya dago ya kalli mahaifin nasa tare da cewa ina saurarenka daddy.
Gyaran murya yayi sannan ya fara magana, ka dubi girman Allah ka fada min gaskiyar abinda ya faru, kuma duk wanda yake da laifi a cikin wannan fadan, ka fada min ko da kuwa mahaifiyar ka ce kada ka duba alaka ka dubi Allah ka fada min gaskiyar lamari ina so na bawa kowa hakkinsa, saboda ina son na yanke hukunci a bisa adalci.
Cike da nutsuwa ya fara yi masa bayani, gaskiya daddy baxan boye maka ba duk abin nan da ya faru laifin mama ne, domin ita ta shigo ta hau aunty da duka saboda na kawo yarinyar da nake son na aura Aunty ta kula ta, wannan haushin ne yasa tazo tana dukanta, tambaya ya jefo masa, ka tabbatar da cewa niimatullah bata yi wa mahaifiyar ka wani abu na rashin kyautawa ba, da sauri ya amsa wallahi babu abinda tayi mata daddy.
A fusace ya tashi ya fita kai tsaye bangaren hajiya Maryam ya nufa, yau ko sallama bai yi mata ba saboda yadda xuciyarsa take tafasa, a kwance ya tarar da ita tana ganinsa ta wani marairaice ta fara kukan munafunci, dakatar da ita yayi tare da daka mata tsawa, da wannan kukan da kike min da Karar generator duk daya ne a gurina, insha Allah yau rashin kirkin da kike min ya xo karshe daga yau kin gama baxa ki sake yi ba, tunda na aure ki ban samu kwanciyar hankali ba nake cikin damuwa da bakin ciki, nayi hakuri da ke sama da shekara talatin amma har yanxu baki yi hankali ba, na kawo yarinya mai share min hawayena tana yi miki biyayya bata xo miki da tashin hankali ba amma kuma kina son sabauta rayuwarta, don haka ni baxa ki xo ki aikata abinda ba shi da kyau a gidana ba, don haka kije na sake ki saki biyu kuma yanxu nake son ki tattara ki bar min gidana.
Yana gama fada mata ya fita hannu ta dora a ka ta fara ihu, tana rokon ya yafe mata sai yanxu take ganin tayi kuskure saboda irin abubuwan da take yi masa shi da niimatullah, ji take dama ya dawo da ita ta gyara halinta su koma xaman lafiya da kishiyarta, ita kanta tasan niimatullah mutuniyar kirki ce tunda taxo bata taba yin abu don ta musguna mata ba, kuka sosai ta rika yi, tunani ta rika yi ko da wane ido xata dubi iyayenta idan taje tace an saketa saboda duk yan uwanta sun dade da sanin abinda take yi wa dattijo.
Sake dawowa yayi a karo na biyu tana ganin shi ta taho da gudu ta rike masa kafa, ka taimaka kayi hakuri ka mayar da ni mijina wallahi nayi nadama xan gyara halina, murmushi yayi tunda kika yarda na cire ki a raina baxa ki sake cigaba da rayuwar aure da ni ba, hakurina ya kare indai a kanki ne ,ki tattara kayanki ki fita kafin naci miki mutunci kuka ta cigaba da yi tana rokonsa, ganin yadda take kokarin bata masa lokaci ne yasa ya dauketa cak ya ajiyeta a waje ya jefo mata kayanta ya kulle dakinsa.
*dan Allah masu Karatu ku yi hakuri da ganin typing kadan hakan ya faru ne sakamakon lalacewar wayata yanxu ma da kyar nayi muku wannan da fatan xaku yi min afuwa*
*jeeddahtulkhair 😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
53
Da kyar ta kwashi kayanta ta fita sai da ya rakata har bakin gate sannan ya dawo, da sallama ya shigo dakina munir na ganinsa ya Mike ya fita, wajena ya karaso ya xauna yana fuskanta ta, fuskar sa babu wasa yake min magana, yau dai Allah ya kawo karshen xamana da maryam kuma ta tafi har abada baxa ta dawo ba.
A raxane na dube shi, me yasa ka yanke wannan danyen hukuncin dattijo gaskiya ban ji dadi ba,ya kamata a ce ka daga mata kafa ko don dadewar da ku ka yi tare, yanzu da wane ido xaka dubi yayanta idan suka tambayi ba'asin yadda ku ka yi da ita, sauke ajiyar xuciya yayi babu wata fargaba a xuciyar shi ya mayar min da amsa, me yasa basu tsawatar da ita ba a lokacin da take ci min xarafi take kokawa da ni, take xagin mahaifana,take yaga min rigar arxiki a gaban kowane ne, hatta mahaifinta ya bani lasisin sakinta saboda ya gaji da yi mana sulhu tunda na aureta ban samu farin ciki ba,ko kadan ban yi nadamar sakinta ba kuma baxan taba yi ba, kuma indai kina son farin cikina ki daina yi min xancenta don tuni na cireta a raina yanzu ma saukar kur'ani xan sa a yi min Allah ya nisanta ni da ita.
rausayar da kai nayi, ni dai baxan gaji da baka hakuri ba, saboda uwar yayanka ce kuma duk wata gwagwarmayar rayuwa tare ku ka yi, sannan tare na ganku baxan so a ce sai da na shigo rayuwar ku kuka rabu ba. banxa yayi min bai bani amsa ba da alama baya son mu cigaba da xancen don haka nima sai na kyale shi muka canja topic.
****
Da kuka ta shiga cikin xauren gidan su inda ta iske mahaifinta na bawa dalibai karatu, a hankali tasa hannu ta xare takalmin da ke kafarta, cike da nutsuwa ta tsugunnah ta gaida mahaifin nata, kansa a sunkuye ya amsa ba tare da ya dago ya kalleta ba kasancewar yana bada karatu a lokacin, cikin karfin hali ta ja kafa ta shiga cikin gida a tsakar gida ta samu mahaifiyar ta tana ganinta ta mike saboda kallo daya tayi mata tasan tana cikin yanayin damuwa.
Tana karasawa gabanta ta xube a kasa tana kuka tambayarta ta shiga yi me ya same ki Hajiya mero me ya faru da ke, ko alhajin ne ba lafiya? Bata iya bata amsa a lokacin ba saboda kukan da ya ci karfinta sai da tayi ya isheta sannan ta bata amsa, Baban munir ya sake ni hajiya saboda wannan shashashar yarinyar da ya auro.
cike da damuwa ta dubeta kada ki dorawa yarinyar mutane laifi, duk abinda ya faru kece kika jawowa kan ki, na dade ina miki gargadi a kan ki guji ranar da bawan Allahn nan xai juya miki baya saboda iya hakuri yayi da ke, sau nawa mahaifinki ya bashi umarnin ya sake ki duk don irin abinda kike masa, a iya shekarun ki ya ci a ce kin san ciwon kanki kin daina abinda kike yi amma sai kace xuga ki ake yi saboda kawayen ki na dora ko a keken bera,kawai saboda an yi miki kishiya sai ki xama mahaukaciya, gaba daya kin yi wa kishiya mummunar fahimta kin dauketa a matsayin abokiyar gabarki kina mata kallon wacce ta hana ki xaman lafiya da mijinki, alhalin kuma ba haka bane tunda tun kafin taxo dama kin hautsina xamanki da shi kowace mace da halinta take zama a gidan mijinta, mun dade muna baki shawarwari a kan ki gyara xamantakewar aurenki kika yi watsi da mu kika bi xugar kawaye gashi nan sun kai ki sun barki, dama irin wannan ranar muke ji miki tsoro, gashi nan abinda ake gudu ya afku, sai kixo ki xauna tare da mu tunda abinda kike so kenan, a wannan shekarun naki dai ban ga namijin da xai xo neman auren ki ba, kin tsufa ga shi ba ki da kyawun hali, duk garin kowa yasan irin wulakancin da kike yiwa mijinki, mikewa tayi tana dubanta, daga yau kuma kada ki sake zargin kishiyarki a kan ita ta fitar da ke mugun halinki ne ya kore ki, ke kanki da kin samu dama fitar da ita xa kiyi, Allah ne yayi ba tada hakkin ki kuma ba tada niyyar cutar ki. tana gama fada ta shige daki.
ji take xuciyarta Kamar ta tsaga kirjinta ta fito saboda bakin ciki sai a yanxu tasan tayi kuskure da har tayi abinda aka saketa, ita kanta tasan mijinta yayi hakuri da ita, yadda ya dau xafi a kanta ba lallai ne ya mayar da ita dakinta ba, tashi tayi ta shiga dakin don fadan da mahaifiyar ta ma ke yi mata wani sanyi take ji a ranta saboda tana cikin tashin hankali da damuwa.
Bayan mahaifinta ya sallami dalibansa ya shigo cikin gida, tsoho ne mai kamala da addini xai kai kimanin shekara tamanin da biyar, da sallama ya leka kansa cikin dakin tare da cewa yau mero ce a gidan namu, Allah yasa dai lafiya don ke lafiya bata kawo ki sai kin dakko masifa kika san mu iyayenki ne, amma haka kawai baxa kixo ki gaishe mu ba, saboda mu da wannan darajar a wajen ki, kanta a sunkuye yake saboda tana jin kunyar ta dago ta hada ido da mahaifinta ta shaida masa abinda ya kawota.
Sauke ajiyar xuciya mahaifiyar ta tayi sannan ta bashi amsa, ai kuwa dai ba lafiya ce ta kawota ba don banxa bata kawo xomo kasuwa, karasawa yayi ya xauna don jin abinda ya kawota, cike da damuwa mahaifiyarta ta shaida masa cewa sakinta aka yi.
Salati ya fara yi, yanxu mero sai da kika kure Alhaji har ya sake ki, ai kuwa kin yi asarar miji na gari mai sonki, ba baki nayi miki ba baxa ki samu mijin da xai yi hakuri da ke kamar yadda Alhaji yayi hakuri da ke ba, tunda kika yi sanadiyyar da ya sake ki Nima baxa ki xauna min a gida ba, kaf gidana babu wajen xaman baxawara don haka ki tattara kayanki ki tafi baxan xauna da ke ba, tunda kika yi abinda Alhaji Ya sake ki mu ma baxa ki iya hakuri da mu ba, don haka tun wuri ki kama hanya ki tafi kafin na saba miki.
Xubewa tayi a kasa tana rokon gafararsa da kyar mahaifiyar ta ta lallaba shi ya hakura tare da sharadin xai nemi dattijo ya ji daga bakinsa idan ita ce da laifi baxai bari ta xauna masa a gida ba.
*A yi hakuri da kadan masu Karatu*
*follow me on wattpad @jeeddahtulkhaeer Tijj*
*jeeddahtulkhair 😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*Follow me on instagram @Jeeddahtijjani*
54
Dattijo ne xaune a harabar gidansa yana hutawa, sanye yake da farar jallabiya hannun shi rike da news paper yana karantawa, gaba daya hankalin shi a kan takardar da yake dabawa yake, cikin nutsuwa yayansa suka karaso wajen da yake xaune, cike da ladabi suka tsugunnah sannu da hutawa daddy cikin sakin fuska ya amsa musu, sannan suka nemi kusa da shi suka xauna, sun dan taba hira tare da dan barkwanci sannan munir ya fara yi masa magana.
Dama daddy xuwa muka yi mu kara baka hakuri a kan abinda mama take maka, mun san kana hakuri da halayenta amma ka kara yi, saboda hannunka baya rubewa ka yar daddy, sannan kuma idan tana tare da kai da Aunty tana ganin yadda ku ke mu'amala da kyakkyawar dabi'a ina ganin xata canja wasu dabi'un nata.
A hankali ya dago ya dubi yaran nasa har cikin ransa yake jin kalaman sa na ratsa duk wani jini da tsoka na jikinsa, tabbas shi kansa yasan yayi sa'ar yara masu hankali da xurfin tunani, kuma xai so a ce da mahaifiyar su suke rayuwa amma halinta ya janyo ya rabu da ita, sauke ajiyar xuciya yayi sannan ya bashi amsa.
Tabbas dukkan abinda ku ka fada gaskiya ne, amma lamarin mahaifiyar ku yana bukatar dogon naxari ba abu ne da xa a yi shi da gaggawa ba, naji dadin wannan tunatarwar da ku ka yi min, Allah yayi muku albarka kuma xan duba wannan maganar taku da idon basira insha Allah, amsawa suka yi da ameen sannan suka mike, bin su yayi da kallo har suka shige bangaren su ba karamin tausayi suka bashi ba, amma yana ji a ransa baxai iya cigaba da rayuwar aure da mahaifiyar su ba.
Har ya mayar da hankali kan takardar yana karantawa yaji baxai iya cigaba da karatun ba, saboda tunani da tausayin yayansa, tashi yayi ya nufi wajen Niimatullah.
A kulle ya tarar da kofarta don haka yayi sauri ya tura don ya san bacci take yi indai yaji kofarta a kulle, saka kanshi yayi ya shiga dakin tare da sallama.
Ina jin maganar shi na narke a cikin bargo ina dan numfarfashi, saboda nasan matukar ya shigo ya tarar da ni a xaune tara min gajiya xai yi. Jin ban amsa sallamar bane yasa shi shigowa cikin bed room din, a cikin bargo ya iske ni ina ta faman numfarfashi, maimakon naga damuwa a ransa sai naga yana murmushi, bata rai nayi xan masa kuka.
Kana ganin ba nida lafiya shi ne xaka yi min dariya, karasowa yayi yana murmushi tare da jan kumatuna nasan abinda kike gudu fa amaryar dattijo shi ne xaki shirya min wannan law din ko? to ai na gane nufin ki. Langwabar da kai nayi tare da dora hannuna a jikinsa Allah da gaske nake bana jin dadi dattijona taba ka ji, hannunsa ya dora a wuyana ni ban ji komai ba Niimatullah kawai don kada ki kula dani ne, kuma dole a bani hakkina saboda yanzu ne lokacin da ya kamata mu ci amarcin mu tunda wannan jarababbiyar bata nan.
Kukan shagwaba na fara yi masa ni Allah baxan yarda ba, idan kuma kaje kayi abinda cikin ya xube ba ruwana, cike da xaulaya ya bani amsa to menene idan ya xube sai na kara yin wani tunda dama na farkon ma ni nayi abuna.
Tashi nayi xan gudu da sauri ya riko ni ya manna ni da kirjinsa, ina xaki je amaryar dattijo? Bata fuska nayi wani dakin xan tafi tunda nan ka takura min, murmushi yayi tare da rike hannuna haba Niimatullah me yasa har yanzu kika kasa sabawa da halin dattijon ki, ni fa haka Allah ya halicce ni da tsananin bukatar ki baxan iya rayuwa ba tare da soyayyar ki ba, hawaye na fara yi wlh yau a gajiye nake dattijona babu abinda xan iya yi, sumbatar goshina yayi tunda kin gaji na hakura amma fa ki sani bashi kika ci akwai ranar da sai kin biya gaba daya.
Da sauri na amsa da eh na yarda xan biya, cika ni yayi na koma na xauna wayar shi ce tayi ringing hannu yasa ya dakko yana dubawa ya hasko min kalli number wa kike gani? cikin sassanyar murya na amsa masa da number Aunty ce, ajiyeta yayi a gefe tare da cewa baxan duba ba don ni yanxu na kulle babin rayuwarta.
Rarrashin shi nayi a kan ya dauki wayar amma yaki dauka, sai da tayi masa missed calls sama da goma, tana sake kira na dauka ina yin sallama naji muryar namiji kuma da alama ya manyata, da sauri na mayar da wayar kunnensa cikin ladabi naji yayi sallama magana suka fara yi wani abin yana bada amsa wani kuma naji yayi shiru, bayan sun kammala ya fada masa cewa xai xo yanzu.
Bayan sun gama magana yake fada min cewa baban maman munir ne, yana min magana ne a kan abinda ya hada ni da maryam na fada masa yanxu xan je nayi masa bayani, ;amma wlh baxan dawo da ita ba saboda shi ma yasan halinta.
Lallaba shi na shiga yi don Allah kayi hakuri hubbyna ka dawo da ita dakinta ko yanxu ai ta gane kurenta idan har aka ce xa a yi muku sulhu kada ka vki amincewa saboda sulhu alkhairi ne, kuma na tabbatar da cewa baxa ta kara aikata kuskuren da tayi a baya ba.
Murmushi yayi kina bani mamaki Niimatullah ina rasa wace irin xuciya ce da ke, ke da xaki ce kada na dawo da ita amma ke kike bani hakurin na mayar da ita dakinta, lallai a gaishe ki amaryar dattijo.
Hular shi ya saka, tashi nayi xan masa rakiya ya dakatar da ni yace nayi xamana, sallama muka yi ya tafi addu'a na rika yi wa maryam Allah yasa ya mayar da ita, saboda ina son yayanta su cigaba da rayuwa da ita.
*follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
55
Kai tsaye gidan su Hajiya maryam ya nufa, a bakin kofa ya tsaya ya aika yaro a sanar musu cewa ya iso, da fara'a mahaifinta ya fito ya tarbe shi tare suka shiga har cikin gida, yana shiga ya tarar har an yi masa Shimfida ana jiran isowarsa.
A ladabce suka gaisa da babanta bayan sun dan yi hira ya dubi dattijo, nasan baxa kayi mamakin kiran da nayi maka ba Alhaji, domin tatsuniyar gixo bata wuce ta koki, murmushi dattijo yayi tare da cewa gaskiya ne baba.
Gyara xama yayi sannan ya fara yi masa magana, abu na farko da xan fara cewa shi ne Allah ya baka hakuri Allah ya huci xuciyarka domin xama da Maryam sai an kai xuciya nesa, kayi namijin kokari da har ku ka kai wannan lokacin tare ba tare da kun rabu ba, bana bukatar jin musabbabin abinda ya janyo rabuwar ku domin nasan duk laifin daga wajenta yake, don haka ina kara baka hakuri Allah ya huci xuciyarka, sannan baxan maka dole a kan ka dawo da ita ba, idan kaga akwai matsala kuma xaka fi samun kwanciyar hankali to ka bar mayar da ita.
Duk kunya sai ta kama dattijo ganin yadda mahaifinta yake fadar laifinta da kansa, kansa a sunkuye ya bashi amsa, ina nan ina tunani a kan haka indai ta gyara halinta ba komai sai mu cigaba da xama dama ai sulhu nake so a yi. Cike da farin ciki ya dube shi gaskiya ne Alhaji to idan da alkhairi Allah ya dai-daita, amsawa yayi da ameen suka yi sallama.
Kwance Hajiya maryam take tana tuna irin rayuwar jin dadin da ta yi a gidan dattijo, addua ta fara yi a kan Allah ya gyara tsakaninta da mijinta ta koma dakinta yanzu ta gane muhimmancin da mijinta yake da shi, da duk bata ganin amfaninsa.
Bayan tayi wanka ta shirya ta saka hijabi don yanzu sam ba tada nutsuwar da xata tsaya ta gyara sosai, gidan abokin dattijo ta nufa tunda dama matarsa kawarta ce.
Tana isa bakin kofar gidan hawaye suka cika idanunta, ji take dama ita ma ta koma dakin mijinta ta rika cin gashin kanta kamar kowace mace, da kuka ta shiga gidan hankalinta a tashe ta fara tambayarta dalilin kukanta daki suka shiga saboda kada yara su fahimci halin da take ciki.
Suna shiga ta kara rushewa da kuka, zayyana mata yadda suka yi da dattijo tayi, ta tausaya mata sannan tayi mata nasiha sosai a kan irin abubuwan da take yi masa, ita kanta ta dade tana bata shawarwari a kan ta nutsu ta kama mijinta, wayar maigidanta ta kira ta shaida masa cewa yayi bakuwa, saboda idan ta fada masa kai tsaye cewa ita ce taxo baxai xo ba, saboda shi ma ta taba ci masa mutunci a kan Niimatullah.
Basu dade da yin waya ba ya iso gidan, yana yin ido biyu da Hajiya maryam ya bata rai, fuskarsa ba annuri ya karaso inda suke tare da cewa, kika ce nayi bakuwa ina bakuwar take? Jikinta a sanyaye ta nuna Hajiya maryam.
Fuskar shi a daure ya fara magana dama a kan wannan matar da bata san mutunci ba xaki dakko ni daga wajen aikina? amma baki kyauta min ba wallahi saboda tuni na fita daga shaaninta tunda naga bata san mutunci ba, a fusace ya fita ya bar dakin, bin sa tayi tana bashi hakuri a kan ya dawo amma kememe yaki dawowa.
Ba karamin xafi duniya tayi mata ba, duk inda take tunanin xata ra6a ta samu alfarma a bawa dattijo hakuri ta ci musu mutunci duk a kan auren Niimatullah, da kuka ta fito daga gidan.
Bayan ta koma gida ta kira wayar Niimatullah domin ta bata hakuri a bisa abubuwan da ta rika yi mata a baya.
sai duk kiran da tayi bata samu ta dauka ba, wannan abin ya kara jefeta a cikin damuwa.
Cikin kankanin lokaci ta canja tayi baki ta rame ga damuwar da take fuskanta na rashin muhalli mai kyau da abinci mai kyau, sannan ba damar tayi kuskure sai mahaifiyarta ta hau yi mata fada da gorin abincin da take ci, wannan dalilin ya kara sawa taji duk xaman gidan ya isheta ta kosa ta koma dakinta.
*follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
56
Ina shigowa daki na dauki wayata na duba, kiranta na gani kusan missed calls biyar ban samu damar bin ta a lokacin ba, kasancewar bana jin dadi ko na kirata baxan samu damar yi mata magana ba.
Kwantawa nayi don baxan iya cigaba da xama ba saboda ciwon da jikina ke yi, tun daga lokacin da ta dake ni ban sake jin karfin jikina ba nayi shiru ne kawai ban fadawa dattijo ba,don kada ya kara daukan xafi yaki dawo da ita, kiran wayar shi nayi na fada masa yanayin da nake ji a jikina, cike da tausayawa yake min magana tare da cewa xai dawo ya kula da ni, dakatar da shi nayi don bana son ya dawo gida ya bar aikinsa, rokon shi nayi a kan ya bari na tafi gidan innah, hana ni tafiyar yayi don baya son ya ga ina xirga-xirga, kiran innah yace nayi taxo taga jikin nawa.
Ina kiranta ta dauka, cike da shagwaba nake fada mata abinda ke damuna a cikin mintuna kadan ta iso, cike da mamaki ta shigo dakina tare da tambayata ina uwar gidanki take naga wajenta a kulle kuma alamu sun nuna babu mutum a ciki.
Sakkowa nayi na dawo inda take xaune, kwantar da kaina nayi a kan cinyarta ina kallon fuskarta nake magana, dattijo ya sallameta innah, a raxane ta dube ni yaushe wannan al'amarin ya faru Niimatullah amma baki sanar da ni mun shiga cikin maganar ba?
Wallahi innah nayi shiru da xancen ne saboda naga baya son maganar shi kansa bai fadawa kowa ba, cike da tausayawa take magana amma ban ji dadin faruwar wannan abu ba idan aka fara tara iyali hakuri ake yi, amma xan same shi nayi masa magana gara ya dawo da ita saboda yayanta.
Hirar da muka rika yi kenan ni kaina ina so ta dawo saboda baxan iya da hidimar dattijo ni kadai ba, yamma nayi ta fara shirye-shiryen tafiya.
Riko kafarta nayi tare da cewa ina xaki je innah? Kallona tayi tana murmushi ya naga kin rike ni Niimatullah ko so kike tsohuwar kafar tawa ta karye? Langwabar da kaina nayi xan yi kuka, ni Allah babu inda xaki je innah a nan xaki kwana kina ganin har yanzu ban warke ba amma xaki tafi ki barni. Kuma ai kin ce xaki tsaya kiga dattijo ku tattauna a kan dawo da Aunty idan kika tafi yanxu yaushe xaku yi maganar?
Dawowa tayi ta xauna, dafa kafadata tayi, ban fadawa malam xan kwana ba Niimatullah idan na xauna kin ga ban yi dai-dai ba.
A shagwabe nake mata magana haba innah indai baba ne nasan baxai hana ki kwana ba, wayarta na dakko bari na kira shi nayi masa magana nasan Allah baxai ki yarda ba.
Kira daya nayi masa ya dauka, fada masa nayi innah xata kwana ai kuwa naci sa'a bai hana ba, innah bata so ya yarda ta kwana ba saboda bata son dattijo ya rika yin rashin kunya a gabanta.
Innata na kalla ina dariya naji dadi baba ya bari ki kwana yau a dakina xaki kwana kuma a kan cinyarki, ture ni tayi tun wuri gara ma ki sani baxa ki kwana tare da ni ba dakin mijinki xaki tafi.
Bata fuska nayi haba innah yaushe rabon mu kwana tare, ni gaskiya da ke xan kwana, tabe baki tayi sai ki kwana mu gani, ni fa idan kika takura min kika ce sai kin kwana tafiya ta xan yi, gara ma tun wuri ki canja shawara shiru nayi tare da kwantawa a kan cinyarta.
Sallama muka ji gaba daya muka mayar da hankali ga mai yin sallamar, Hajiya maryam muka gani gaba daya ta canja wahala ko ta ina ta bullo mata, da fara'a ta karaso inda muke, cike da mamaki nake kallonta ko menene ya dawo da ita?
Karasowa tayi ta xauna gaisawa suka yi da innah sannan nima na gaisheta, hawaye naga yana sauka a fuskar ta cikin kuka ta fara magana, dan Allah kiyi hakuri ki yafe min Niimatullah duka abinda nayi miki kiyi hakuri, insha Allah hakan baxa ta kara faruwa ba.
Cike da tausayawa innah ta dube ta, komai ya wuce Hajiya kuma nima yau naxo gidan nan naga bakya nan nake tambayar Niimatullah ko kina ina sai tace wai kun rabu da Alhaji, gaskiya ban ji dadin faruwar hakan ba, kuma insha Allah xan shiga ciki mu sasanta.
Godiya tayi sannan ta tashi ta tafi, wajen yayanta ta nufa inda ta roke su da su bata mukullin bangarenta ta shiga, da kyar suka bata budewa tayi ta shiga ciki.
Dattijo na isowa yaga wajen Hajiya maryam a bude cike da mamaki ya bude kofar don ganin wanene a ciki.
*Follow me on wattpad @jeeddahtulkhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
57
Saka kanshi yayi cikin dakin don ganewa idanunsa abinda yake xargi, yana dosar dakin yayi saurin ja da baya domin abinda yake tunani dai shi ya gani, cike da tuhuma ya fara magana da iznin wa kika dawo min gida har kika bude daki kika shiga ba tare da amincewata ba, a marairaice ta fara magana.
Na bi Allah na bi ka mijina dan Allah kayi hakuri ka yafe min a bisa dukkan abinda ya faru na aikata ne a bisa kuskure, naje wajen niimatullah ma na nemi yafiyarta kuma ta yafe min, saurin dakatar da ita yayi wannan yafiyar da tayi miki tsakanin ku ne ni bata shafe ni ba, kuma niimatullah ba tada hurumin baki umarnin ki xauna min a gidansa domin ba gidanta bane kuma ba xamanta kike yi ba, xamana kike yi don haka tun wuri ki tashi ki koma gidan ku ki cigaba da cin kwaki da xogale tunda haka kika xabar wa kan ki, yana gama fada ya fice a fusace. kifa kanta tayi jikin kujera tana kuka a xahiri take fadar ta cuci kanta tayi watsi da damarta da har ta kai mijinta bangon da baya jin rarrashinta.
A fusace dattijo ya shigo bangarena ganin yadda ya turo kofar falona da karfi nasan akwai maganganu a bakinsa sai dai yana shigowa ya ci karo da Inna sai kuma jikinsa yayi sanyi, a kunyace ya gaida ita sannan ya tashi ya shiga daki, har na share naki bin shi innah ta harare ni tare da cewa tashi ki bi mijinki, ban so ba na shiga dakin saboda bana son yayi min maganar hajiya maryam, cikin kasalalliyar murya nayi masa sallama a hankali ya dago ya kalle ni ba tare da ya amsa min ba kasancewar ran shi a bace yake, karasawa nayi kusa da shi na sake maimaita masa sallamar da nayi masa a wannan karon ya amsa sai dai bai dago kai ya kalle ni ba.
shiru muka yi na wani dan lokaci saboda ban san ta inda xan fara magana ba, don naga mutumin nawa yau a cikin xafi yake, a hankali na kira sunansa dattijona me yasa na ganka a haka ko wani ne ya bata min ranka? kansa a sunkuye ya amsa min kece kika bata min rai tunda kika sa wannan matar ta xauna min a gida ba tare da iznina ba.
Muryata a sarke na amsa masa wallahi ba ni bace dattijona innah ce taga halin da take ciki shi ne ta tausaya mata tace ta koma dakinta idan kaxo sai tayi muku sulhu, share xufar da ta cika masa fuska yayi tare da cewa babu sulhu tsakanina da Maryam ni kadai nasan irin axabar da na dandana a wajenta don haka har abada baxan so Allah ya kara maimaita min irin wuyar da na sha a hannunta ba.
cike da rarrashi nake masa magana, haba dattijo ya xaka kafe a kan magana daya kamar fadar Allah, tunda tayi kuskure a baya yanxu kuma ta dawo xata gyara kuskurenta ya kamata ka yafe mata, ko don yayan da ku ka haifa tare, mikewa yayi yana kallona da kin hakura kin rike maganarki niimatullah baxan taba jin wannan rokon naki ba, ke kan ki matar nan ta kusa kashe ki amma kokari kike yi a dawo da ita wai ke mai kyakkyawar niyya ko? To ni dai take aure kuma nace bana yi ta tafi ta samu wani mijin mai irin halinta watakila xasu dai-daita ni dai na gama xama da ita, yana kammala maganar ya fita wajen innah yaje don su yi hira.
Tambayarta lafiyar jikina yayi da jaririna cikin sakin fuska ta amsa masa da lafiyar mu kalau, a cikin hirar tasu ta jefo masa tambaya wadda sai da tasa ya dauke wuta gaba daya, Alhaji ashe haka abu ya faru yau nake samun labarin cewa ka rabu da Maryam me yayi xafi haka? Kansa a sunkuye ya fara magana wallahi matsalolin ne suka ki ci suka ki cinyewa innah, kullum a cikin tashin hankali nake ni da niimatullah, gata nan, ya nuna ni da hannunsa duk tasan halin da ake ciki, kullum kokarinta ya xa a yi ta ga bayana wannan dalilin yasa na sallameta saboda tashin hankalin da nake ciki da yawa.
girgiza kai innah ta shiga yi, kayya abu ba dadi Alhaji amma da anyi hakuri kuruciya ce wata rana xata daina, kuma ko yanxu nasan tayi laushi ta gane abinda take yi ba mai kyau bane baxa ta Kara maimaitawa ba, kuma Alhaji idan aka fara tara yara ba a son saki duk abinda xai faru hakuri ake yi wata rana sai kaga ya xama labari.
cike da nutsuwa ya amsa da haka ne innah sai dai ita abin nata ya wuce lissafi, nayi hakurin har sai da ta kai ni bango.
Hakuri innah ta cigaba da bashi har sai da ya hakura ya sakko, umarni innah ta bani da naje na kirata, tashi nayi na nufi bangarenta inda na fada mata innah na kiranta.
*follow me on wattpad @jeeddahtulkheer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
58
Bata yi gardama ba ta biyo ni, jikinta a sanyaye take tafiya har muka isa dakina, da sallama muka shiga dakin gaba daya suka amsa mana na lura da dattijona sai hararta yake yi, ita kuwa yi tayi kamar bata ganshi ba sai muxurai yake yi, gefe muka samu muka xauna gaba dayan mu sunkuyar da kai muka yi muna jiran jin abinda xai fito daga bakin su innah.
Shiru suka yi na dan lokaci sannan innah ta katse shirun da aka yi tare da cewa, Hajiya kiyi hakuri na taso ki kina hutawarki, kanta a sunkuye ta amsa da ba komai innah, magana ta fara yi abinda yasa ku ka ga na tara ku a nan don na kawo karshen matsalar da ke faruwa a gidan nan saboda xaman ku babu dadi a haka, juyar da kanta tayi wajen dattijo Alhaji ina baka hakuri Allah ya huci xuciyarka dan Allah ka dawo da Maryam kayi mata afuwa Insha Allah xata gyara halayenta.
Sauke ajiyar xuciya yayi Shikenan innah ba komai na dawo da ita albarkacin ki wallahi da baki shiga maganar nan ba baxa ta dawo ba na rabu da ita har abada.
Godiya innah tayi masa tare da sa masa albarka juyawa tayi wajen hajiya maryam tayi mata nasiha sosai a kan biyayyar aure sannan ta umarceta da yin kawaici abisa dukkan abinda ta gani na rashin dadi.
hawaye ne ya rika sauka a kan fuskarta cikin rawar baki ta fara magana, na gode innah ashe dama abinda wasu mutanen ke fada gaskiya ne kishiya yar uwa ce ba abokiyar gaba ba, gashi nan na gani da idona sanadin niimatullah na dawo dakina na gode innah Allah ya saka da alkhairi Insha Allah duk nasihar da kika yi min xan yi amfani da ita.
Riko hannuna tayi niimatullah na gode dan Allah ki yafe min a bisa dukkan abinda ya faru a baya, ashe da nake gudunki ke alkhairi ce a gare ni na gode Allah ya hada kanmu hakuri ta juya ta bawa dattijo shi ma a nan take ya yafe mata tashi tayi ta nufi bangarenta tana kuka.
Tana shiga ta dauki waya ta kira kawarta zainab, bayan sun gaisa ta fara yi mata magana Gaskiya a yanxu na gano kishiya yar uwa ce yanxu ta sanadin niimatullah na koma dakina, tabe baki tayi tare da turo dankwali gaban goshi, wannan munafunci ne kawai tunda tasa a kore ki dole tasa a dawo da ke, tayi haka ne fa ba don Allah ba sai don kissa da kisisina ke ina kwakwalwarki take tafiya ne gaba daya kin manta da sharrin kishiya ko? Sauke ajiyar xuciya tayi
Wallahi sis zee Niimatullahi da iyayenta mutanen kirki ne mu ne muka yi musu mummunar fahimta da na tsaya na nutsu tun farko da abubuwan da suka faru a baya basu faru ba, da tana da mummunar niyya a kaina baxa ta yarda a dawo da ni, tunda babu kalar rashin kirkin da ban yi mata ba,kashe wayarta tayi don tana jin baxa ta iya jurewa sauraren dukkan abinda take fada mata ba domin ita duk a matsayin soki burutsu ta dauki xantukanta, duk kiran da tayi mata a lokacin bata dauka ba ashe shiryawa take xata xo gidanta.
Bata dade da ajiye wayar ba ta iso, tun daga bakin kofa ta fara xaxxaga mata masifa, a kan me yasa xata amince da makircin da Niimatullah tayi mata,duk kokarin da tayi don ta ganar da ita taki ganewa a ranar baran-baran suka rabu.
Tun daga wannan lokacin xamantakewar mu ta canja, kanmu ya kara haduwa duk abinda xai janyo mana fitina ina kokarin kauce masa sannan shi kansa dattijo ina kara saita shi a hanya wajen tsayar da adalci a gidansa bana yarda ya danne mata hakkinta ko yaya yake, ba karamin ji da ni take yi ba yanxu na xama masoyiyarta duk abinda xata yi sai ta nemi shawarata yanxu ta kai ta kawo ko unguwa xata je sai ta tafi da ni duk irin xugar da kawayenta ke mata ta toshe kunnenta muna xaune lafiya, dattijo kuwa kullum cikin saka min albarka yake saboda a yanxu ya fi jin dadin rayuwar gidan.
Innah bata dade ba ta koma gida ganin yadda xaman gidan yayi daidai don komai maman munir ke shigowa tayi min ko girki bata bari nayi, yayanta kuwa sun xama kamar nawa komai zasu gabatar sai da shawarata.
*follow me on wattpad @jeeddahtukhaeer Tijj*
*jeeddahtulkhair😘*💋💋💋💋💋
*MATAR DATTIJO*
💋💋💋💋💋
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
59
Zaune nake na idar da sallah ina adduar Allah ya sauke ni lafiya, saboda yau cikina ya kai wata tara har ya dora da yan kwanaki, kwantawa nayi kasancewar babu wani karfi a jikina, banda ciwo babu abinda bayana da cikina ke yi, maman munir ce ta shigo sallama tayi ta karaso kan kujera ta xauna yadda taga jikina ba karfi yasa ta dago ni a hankali tare da cewa ya jiki Niimatullah? muryata a kasa na amsa da sauki Aunty. yar hira muka fara yi bamu dade ba bacci ya kwashe ni don haka ta kulle min kofar dakin ta fita, abinci ta fita ta kawo ta ajiye don tana farkawa ta dauka ta ci.
Cikin bacci naji wani irin ciwon ciki ya kamani, ciwon da naji yau ba irin wanda na saba ji bane don haka da hanxari na dauki waya xan kirata sai kuma naji ya lafa don haka na jingina kaina jikin kujera ina yan addu'o'ina, kwanon abinci na janyo xan ci har na kai cokali bakina naji ya sake juyawa ji nake kamar xan bar duniya.
Kasa kai hannu na dauki wayar da xan kirata nayi, juyi kawai nake hannuna rike da cikina, nafi minti talatin a wannan hali har na fara fita daga hankalina, gashi na kasa daukan waya na kirata, turo kofar dakina aka yi dattijo ne ya shigo yana ganin halin da nake ciki ya fita a gigice ya kirata.
Duba ni ta shiga yi inda ta tabbatar da lokacin haihuwa ta yayi saura kadan, mota ya dauka aka kaini asibiti, ba tare da bata lokaci ba aka bamu gado kwanana daya ina nakuda don har an yanke shawarar yi min CS sai kuma Allah ya kawo haihuwar na haifi ya mace.
Murna a wajen dattijo da maman munir kuwa ba a magana saboda sun dade suna jiran Allah ya basu ya mace sai yanxu Allah ya basu, ban dade ba aka sallame ni tunda likitoci sun tabbatar da cewa lafiyata kalau, da an yanke shawarar kai ni gidan innah saboda xan fi samun kulawa a can,sai kuma dattijo ya hana saboda baya son nayi nisa da shi.
Innah ce ta dawo gidan da xama amma a xaune take kawai babu wani aiki da take yi komai maman munir ke min, tun daga kan wankan baby har xuwa gyaran gida da girki, wanka kawai innah take mun shi ma tunda tayi min sau daya nace ta kyale ni xan cigaba da yin abuna.
Tun da na haihu maman munir ta daina xuwa office kullum tana makale da baby tana kulawa da mu, akwati guda tayi min na kayan barka, ban taba xaton haka take da kirki da karamci ba sai yanxu gaba daya ta canja halayyarta.
Dattijo ne ya shigo dakina samuna yayi muna tare da innah muna hira, ajiye kayan da ya siyo yayi tare da gaida innah cikin ladabi, miko masa yarinyar tayi a ladabce yasa hannu ya karba, tashi innah tayi ta bar dakin kallona yayi yana murmushi tare da rungumo ni da hannunsa daya, Alhamdulillah dole na godewa Allah da ya axurta ni da samun ya daga jikinki mai albarka nasan yarinyar nan xata gado irin kyawawan halayen ki irin tarbiyyar da innah ta baki irinta xaki bata, babu abinda xan ce sai dai godiya ga Allah.
A marairaice ya kalle ni, wai yaushe xaki samu tsarki ne nifa na fara gajiya? Xaro idanu nayi tsarki kuma dattijo yau fa kwanana shida sai dai nan gaba xan samu. Bata fuska yayi kamar xai yi kuka ni fa na kosa ki samu tsarki mu koma duty don na gaji da wannan rabe-raben da nake yi.
Langwabar da kaina nayi haba dattijo kana dakin matar taka xaka ce kana rabe-rabe ni fa bana son irin wannan, kamo ni yayi kiyi hakuri amaryar dattijo baxan sake fada ba.
Mayar da hankali yayi ga kallon babyn yana yaba irin kyawun da Allah yayi mata komai nata abin sha'awa, a hankali ya fara yi min magana, xuwa nayi dama mu yi shawara a kan sunan da ya dace a saka mata, wane suna kike so?
Kaina a sunkuye na amsa da maryam na xabar mata, a raxane ya kalle ni maryam fa kika ce canja wani sunan baxan sa mata sunan kishiyar ki ba. bata fuska nayi Allah ni ba kishiyata bace yar uwata ce indai kana son farin cikina ka saka mata sunanta.
Girgixa kai yayi tare da sakin ajiyar xuciya tunda ke kika ce kina son xan saka mata Niimatullah ba komai, Allah ya bata albarkacin mai sunan ta asali amma ba wannan maryam din taki ba, dan hararshi nayi bana so fa Allah, murmushi yayi na daina amaryata, tashi yayi ya fita don har yanxu ana cigaba da shirye-shiryen suna.
Washe gari ta kama ranar suna raguna uku dattijo ya yanka inda yarinya ta ci suna maryam amma muna kiranta da Iman saboda bana son a fadi sunan haka don a yiwa Aunty kara, farin ciki a gurin maman munir kuwa baya misaltuwa sai ririta ni da jaririyar take yi, wasu kawayen nata su ce na burge su wasu kuma su ce makirci ne da iya xamana, kowa dai da irin abinda yake fada.
Taro yayi taro anci ansha na samu alkhairai da yawa daga wajen abokan dattijo da kuma kawayen Hajiya maryam don barka sai da na rasa bakin godiya, taro ya tashi lafiya kowa ya tafi gidansa duk kayan da aka bata maman munir ce tasa yan uwanta suka gyara, duk wanda yaga irin xaman da muke yi a yanxu da yadda hajiya maryam ta canja sai yayi mamaki kuma sai mun bashi sha'awa, kanmu ya hadu sosai.
A kullum Iman a hannun maman munir take wuni duk abinda ya kama ita take yi mata tun daga lokacin haihuwarta har xuwa lokacin da tayi wayo, ta shaku da ita sosai, don kafin ta tambaye ni abu sau daya ta tambaye ta sau goma mutane da yawa sun dauka ita ta haifeta, yayyenta ma haka suke gwada mata gata komai suka samo Iman ta shaku da su sosai.
Haka rayuwar mu ta kasance cikin farin ciki yanxu babu wata matsala da nake fuskanta a gidana komai lafiya lau tsakanina da mijina da kishiyata na mayar da yayanta kamar nawa, sai dai tun daga kan Iman Allah bai sake bani haihuwa ba, amma ban damu ba don nasan baiwar Allah da yawa take idan yaso xai kara min.
Alhamdulillah a nan na kawo karshen wannan littafi ina adduar Allah ya bamu ikon amfani da darasin da ke ciki, abinda muka yi kuskure kuma Allah ya gafarta mana.
Sai kuma kun ji ni a sabon novel dina na gode da addu'o'inku da kaunar ku gare ni Allah ya saka muku da alkhairi.
