SAMIMI (MACIJIYA CE) Page 31 to 40 (The end)

Bayan sallar isha'i ta fito wanka, ta sha fa mai tana ta faman kiran wayar Nuren ya ƙi dagawa, duk ta bi ta damu ko abinci ma ta ƙi ci, Umma tayi-tayi Samima ta zo taci abinci amma ta ki har Umma ta gaji ta kyaleta, kayan bacci ta canza ta kwanta, dan gobe da safe sammako zasu yi, su tafi shago su karasa ƙimtsawa, da misali karfe goma ta kasa bacci tana so Nuren ya ɗaga waya ta ba shi hakuri amma ya ƙi, bata yi tsammani ba ta ji radaɗin da take ji idan zata koma macijiya, da sauri ta yi cillir da wayarta dake hannunta ta miƙe zaune, ihu Samima ta fara yi, Baba da Umma su na zaune a parlour suka ji ihunta suka taso da gudu suka shigo, su na shigowa Samima ta ce.

"Umma Baba, dan Allah ku fita, kar wani abu ya same ku" ƙin fita suka yi, yayinda Umma ta kamo Samima, tsananin zafin azaba Samima ta fara ji, ta kalli fatar jikinta ta ga ya fara sabulewa, da sauri ta miƙe ta fice daga dakin, tana fitowa ta makale a jikin labule tana huci bakinta na fitar da hayaƙi, a kiɗime su Baba da Umma suka fito, su na fitowa, Samima ta koma daki da gudu ta dannawa dakin key, da sauri su Umma suka hau bugawa ta tsaya tana kwallara kara, da sauri Baba ya kira Nuren ya sanar da shi abun da ke faruwa, Allah yaso Nuren din bai koma gida ba yana gidan su Suhail, da gudu ya ta so ya kamo hanyar unguwarsu Samima, kafin ka ce me sai ga shi, haka ya shigo kamar mahaukaci ya ce.

"Bata bude dakin ba?" Baba ya ce.

"Ta ƙi budewa" 

"Samima ki buɗe dakin nan!!" Nuren ya faɗa yana dukan kofar dakin, a lokacin rabinta har ta koma maciji, saman jikinta ne bai gama rufuwa ba, da karfi ta ce.

"Na ce kubar wajan nan!! Bazan buɗe ba!!" ta hau kuka, ta kwanta a dan gadonta ta naɗe jelar macijin ta rufe da bargonta tana kuka mai ciwo, Nuren ya ce.

"Baba, Umma ku matsa" su na matsawa ya hau buge kofar yana shirin ballawa, ya kallesu ya ce.

"Plss idan na bude karku shigo, ku yarda dani kawai ku koma gefe" Baba ya gya ɗa kai suka koma gefe su na addua, da kyar Nuren ya balle kofar ta bude ya shige dakin ya ce.

"Samima!!!?" tana ganinsa ta miƙe da gurnani ta zama macijiyar gaba daya ta yi kansa zata kai masa sara, da sauri ya rungumeta jikinsa na b'ari, idonsa rufe gam, rungumeta da ya yi ta kasa wani karabus illa rausaya kai da ta fara yi,a hankali ya ɗago ya haye gadon ya kamo fuskarta a macijin yana karanto adduar da Malam Abba ya ba shi ya din ga yi, a tana macijin sai ga hawaye a idonta, ba karamin shahada Nuren ya yi ba, a hankalin samanta ta fara dawowa mutum, daga kugunta zuwa samanta ta koma mutum amma daga kugunta zuwa ƙasanta jelar maciji ne, kuka ta saka mai sauti a hankali ya rungumeta, da haka suka kwanta a gadon ya ja bargo ya rufe mata jelar macijin, shi ma ya kwanta ya rungumota a jikinsa, suka yi shuru, Baba jin shuru ya saka shi cewa da karfi.

"Nuren kana lafiya!!?" Nuren ya amsa da "eh Baba lafiya, ba komai yanzu,kuna iya zuwa ku kwanta nima zan kwana a nan" Baba ya amsa da "to" a haka Samima da Nuren suka kwanta yana rungume da ita rabi mutum rabi macijiya, da ikon Allah kuwa wani bacci mai dadi ne ya kwashesu a hakan.

@@@@@@@

Da burin Asabe idan ta mai da Samima macijiya, ta sari iyayenta ta kashesu, tasan dole ne itama ta mutu, Nuren kuma mai sauki ne in dai Samima ta mutu dole ya dawo wajansu.

🍀🍀🍀🍀🍀🍀🍀🍀🍀🍀

Gajeran labari, mai cike da sabon salo, mun zo karshe fa. Saura shafi daya da yardan Allah, ku biyo ni dan jin yadda zata kaya 🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️

ARADUN ALLAH NA SHA TYPING.... HARDA NA JIYA NA HADA MUKU. 🤢🤢🤢

UMMU AHLAN TA KU CE👍🏻

[02/09 à 08:47] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA TARA. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

Da asuba Baba ne ya buga musu kofa, a tare suka buɗe ido, rana ƙwal a idonsu, salati ya fara gami da adduar tashi daga bacci ya duba agogon dake ɗaure a hannunsa ya ga har takwas da minti ashrin, da sauri ya tashi,ita ma ta yaye bargon a hankali ta ga kafarta ya koma na mutum, gauron ajiyar zuciya ta sauke ya kalleta suka haɗa ido ya galla mata harara ya shige toilet dinta,dan ya yi alwala, sunkuyar da kai ta yi a ranta ta ce.

"Na shiga uku ni Samima!! Wallahi bai hakura ba,har yanzu yana fushi dani" sai ta fara hawaye, ko da ya fito bai kalleta ba, ya ce.

"Ki tashi kiyi alwala ki zo muyi sallah" jiki ba kwari ta miƙe ta shige toilet ta yi alwalan ta fito ta shinfiɗa musu sallaya ya ja su sallah, bayan sun idar ta gaishesa, ba tare da ya kalleta ba ya amsa ya tashi ya fice tana shirin yi masa magana, a hankali ta miƙe ta bi bayansa, a parlour ta iske shi zaune da Baba da Umma, durƙusawa itama ta yi ta gaida iyayenta, Umma ta kamota ta rungumeta tana tambayar babu inda yake mata ciwo ko, ta amsa da eh, miƙewa Nuren ya yi ya ce.

"Baba,Umma, zan wuce gida, idan akwai wani abun sai ku neme ni" Umma ta ce.

"To Nuren Allah ya yi albarka fa, mun gode sosai wallahi, amm kuma na ce ba, ya maganar show din su Samima? Kasan fa da da yanzu ba ɗaya bane,idan ka ga ba ka da bukata ba sai an yi ba" Umma ta fada tana kallon Nuren, Baba ya ce.

"Gaskiya hakane maganarki Zulaiha, ga shi ita Samima ba wai ta warke bane, kar su je show din kuma abun ya ta shi mu shiga uku" da gefen ido Nuren ya kalli Samima ya ga tana share hawaye, yasan yadda take kaunar wannan show din da za a yi, shi ma ba zai so ace bata je ta yi ba, tun da hukumar tacewa ta ba ta takarda inda aka zabeta ta uku, amma haushin abun da ta yi masa jiya ya saka shi cewa.

"Baba,Umma, karku damu zan duba na gani, idan ya kamata ta je show din ko bai kamata ba,idan ya kamata zan sanar muku, ko kuma na aiko Suhail ya ɗauketa ya kai ta shop dinta, amma idan na ga ba zai yu ba kawai zanje nayi cancel din sunanta" Baba da Umma suka amsa masa da "to ba damuwa" ya fice, da sauri Samima ta bi bayansa tana masa magana amma ya ƙi kulata,har ya shiga mota, ganin da gaske tafiyar zai yi dan har ya kunna motar, kawai ita ma ta faɗa motar, tana shiga ta saka masa kuka,rintse ido Nuren ya yi, jin yadda sautin kukan nata ya daki ƙirjinsa, ya ce.

"Ohhhh, Samima wai me kike so ne kam? Ki fita min anan, ina so na je gida ne Momy duk ta bi ta damu bata ganni ba, dan Allah fita" cikin kuka ta haɗa hannuwanta biyu.

"Dan Allah Yayana kayi hakuri, wallahi ba zan sake ba, na ji na yarda idan har baka so nayi wannan show din na hakura ka je ka yi cancel din sunana, amma dan Allah ka daina fushi dani, tun jiya na kasa samun sukuni a zuciyata, hakika Yayana duk macen da ta yi sa'ar samun ka a matsayin miji za a iya kiran wannan mace da suna *SA'ADATU,SA'AR MATA* domin kuwa ta yi zarra, wa hakane nake ganin kai na a matsayin macen da ta fi ko wace mace a duniya, dan ba kowa bane zai kasance tare dani a halin da nake ciki ba, abun da na aikata jiya bai kamata ace na aikata ba, mai sonka bai cancanci ka bata masa rau ba, a jiya na sake shiga karatun tanatsu dan Allah Yayana ka yafe min dan Allah da Manzon Allah S,A,W, da soyayyar da ka ke min" ta ci gaba da kuka, ɗan lumshe ido Nuren ya yi, ya ce.

"Shiii!! Ya isa haka Ƙanwata kuma Matata, ni fa ba fushi nake yi dake ba, kawai ina so ne ki gane kuskurenki,tun da kuma kin gane ai shi kenan, yanzu abun da nake so dake ki koma cikin gida ki shirya Suhail zai zo ya dauke ki ku tafi shago,nima yanzu gida zanje Momy ta ganni sannan na shirya na tafi office zan zo na same ku da yamma idan na ta so daga office zan yi kokari na ga na kasance da ke uhum?" ta gya ɗa masa kai tana murmushi ya ce.

"To share hawayenki, bana son ganin kukan ki ko kaɗan" share hawayen ta yi tana shirin fita a motar ya sake cewa.

"Ammm ba ki ji ba, na ce ba?" juyowa ta yi suka hada ido, ya kashe mata ido daya gami da cewa.

"INA SONKI!!" DAM!!!DAMM!! Gabanta ya buga, nan take kunya ya lullub'eta ta fice a motar da gudu ta shiga gida, har tana buge Umma dake shanya, Umma ta ce.

"Na shiga tara, Samima karyani za ki yi ne? Ko bakya gani ne?

"Yi hakuri Ummana wallahi ban kula bane"

"Ahh ina kuwa za ki kula,kin shigo da gudu kamar an wurgo kwallo" Umma ta faɗa tana ɗaukar bokitinta, Samima ta ce.

"Umma Yayana ya ce na shirya Yaya Suhail zai zo ya dauke ni muje shago, ya amince zanyi show din" ta faɗa tana murmushi Umma ta ajiye bokitin hannunta ta dafa Samima ta ce.

"Samima har ga Allah bana son kiyi wannan show din, ciwonki baya tashi sai dare, tsorona ɗaya ki zo fitowa ciwonki ya tashi gaban jama'a karki manta akwai gidan tv da jaridu da redio a wajan, me kike tunani zai faru?" Samima ta dukar da kai cike da damuwa ta ce.

"To ke nan Umma ni a rayuwata babu abun da zan iya yi?" 

"Ko kadan ba haka bane Samima,jarabawa ce, kuma Allah yana sane damu"

"To Umma ki min addua Allah yasa a fara lafiya a gama lafiya" 

"Kullum ina miki Samima, sai dai na kara a kan wanda nake miki, yanzu ki wuce ki je ki shirya kar Suhail ya zo ya ta jiranki" 

"To Ummana" Samima ta faɗa tana shigewa.

Nuren na zuwa gida sai da ya fara zuwa ya ga Momynsa kafin ya yi wanka ya tafi office, dan a office ya samu Abbansa, suka ci gaba da aikin dake gabansu, Samima kuwa tana gama shiryawa Suhail na zuwa ya dauketa suka wuce babban shop dinta, mutane har an fara cika, ko ina ga wulla maganar show din ake yi, sosai kayayyakin Samima suka yi kyau, ko da ta je sai da ta dinka wasu arnakun gown designer guda biyu wa kanta wanda zata yi fita dasu, kowa ya ga gown din sai ya yi magana a wajan, yayinda Suhail shi ma ya sake ɗinka wasu guda hudu ma wasu matan da za ayi fita dasu, sosai aka ƙa wa ta wajan fiye da tunani, aka jere kujeru na alfarma domin baƙi, tun da ta zo bata zauna ba, ta yi nan ta yi can, ta duba wannan ta duba wancan, wayarta dake hannunta ne ya ɗauki ruri tana dubawa ta ga Sauda ce, da sauri ta ɗaga tana cewa.

"Ƙawata ya aka yi? Fatan dai za ku zo din dai ko?" Sauda ta kwashe da dariya ta ce.

"Zuwa kai, idan kika ji zuwa ma ɗaya kenan, yanzu haka ma in gaya miki muna tare dasu Sarah da Sally, ke har da Hidayan Abbas, da anyi sallar magriba za mu zo, har dasu Momyn'mu, Yayan Sarah ma ya ce zai zo"

"Au har ya dawo daga lagos din ne?" cewar Samima dan Yayan Sarah yana aiki ne a lagos ne dan haka bai cika zama a adamawa ba ya fi zama a lagos.

"Eh ya dawo jiya, ya huta fa, amma wai a'a ya yi missing dinki zai zo ya ga show din ki" gaban Samima ya faɗi jin abun da Sauda ta faɗa, amma ta basar ta ce.

"To sai kun zo" daga haka suka yi sallama, ta ci gaba da ƙimtsawa, ya yinda wasu club su ma sun iso, wajan yamma team biyar sun bayyana inda jama'a har an fara cika, tsaye take a bakin gate din ta haɗe rai tana duba agogo tare da kallo kowace mota mai shigowa amma bata ga na shi ba, Suhail ne ya fito ya ganta ya ce.

"Ahh Samima,me kuma kike yi anan? Ke da ake nemanki a ciki, ba wuya fa sai ki ga lokaci ya tafi akwai wanda kike jira su zo ne?" kamar zata yi kuka ta ce.

"Eh Yaya Suhail, har yanzu Yayana bai zo ba, kuma fa shi ya ce min zai kasance tare dani da yamma amma na ji sa shuru, kai ina zaka je na ganka da makullin mota?"

"Zan je ɗauko su Umma da Baba ne, sai na biya na dauki ƙannena da Ummina na kawo su nan" 

"To Yayana fa?" Suhail ya ce.

"Oho masa, ba shi ya ce zai zo ba, ki kwantar da hankalinki zai zo ai, yanzu ki koma ciki, ko kuma ki kira wayarsa" 

"Yaya Suhail ina ta faman kiransa baya ɗagawa yanzu kuma wayar ma bata shiga" Suhail zai sake magana wata fashion ta fito da sauri gami da cewa.

"Mss Samima, rigar da Aisha zata saka fa ta ƙasa ya warware" ba shiri ta bi bayanta suka koma ciki Suhail kuma mota ya shiga ya ɗauki titi dan biyar ta kusa.

🍀🍀🍀🍀🍀🍀🍀🍀🍀🍀

"Sha'awaaa!!!! Sha'awaaa!!!" da gudu Sha'awa ta fito daga banɗaki dama shigowarta kenan gidan, kuma kashi ne ya korota gida tana so ta gama ta fice, butar hannunta ta ajiye tana gyara zaman dankwalinta ta ce.

"Kaiiii Balki mi ye haka? Wannan kira sai ka ce ana gobara, ni ai har kin ban tsoro wallahi mi ye to!!?" ta fada cike da tsiwa, Balki ta ce.

"Iskanci, ni kike yiwa haka? Dan na zo miki da labari,kika san me ya kawo ni?"

"Kai kina da matsala wallahi Balki, to fadi me ya kawo ki, ko kuma ki zo mu fice danni kin san wallahi idan na zauna a gida na minti uku ji nake kamar ana hura min wuta, zo muje daga waje na san da cewa ba a gida nake ba, dan kafata kaikaiyi take min" ta ja hannun Balki, Asabe ta fito tana cewa.

"Ahh Shaleleta yaushe kika shigo?" Sha'awa ko tsayawa ba ta yi ba tana cewa.

"Inna ban jima da shigowa ba,kuma kashi ne ya koroni na gama, dan haka na fita" Asabe ta rike baki.

"Ohh Allah ni Asabe, kwata-kwata yarinya kafarki sai kace wacce taci kafar kare, zaman gida ya gagareki?" tunanin da Asabe bata taba yi ba kenan sai yau, a waje kuma Balki ta ce.

"Keee Sha'awa wallahi wani labari na ji yanzun nan daga cikin gari wai 

akwai wani show din da za ayi na....ammm, kai oho ni dai na manta sunansa da turanci dan kin san nima ban iya ba, amma dai na ji ana cewa na fitattun kaya ne, ke a inda ma nake jin labari har da ɗan gidan ALHAJI IBRAHIM wato NURAIN wanda kike son din nan,kuma

Kamar har da Samima a wajan, kuma wallahi taro ne na manyan mutane in gaya miki, har da yan gidan tv da jaridu" waro ido Sha'awanatu ta yi ta ce.

"Jakar uba!! Nuren zai je kuma shine har da Samima? Wallahi nima babu abun da zai hanani zuwa"

Balki ta ce.

"Ai na sani shi yasa jikina na rawa na zo na gaya miki, da dare ne kuma kin ga kuma yanzu yamma ta yi, da anyi magriba ko isha'i sai mu wuce dan Zee Zee,Rakkys dasu Safiya duk za mu je" 

"Ai Balki kinyi farin kai da kika zo kika gaya min, yanzu kawai je ki idan na shirya zan zo na same ku" Balki ta amsa da to ta kama gabanta, Sha'awa kuma ta koma cikin gida tana haɗe rai, da sauri Asabe ta tarota tana cewa.

"Lafiya kuwa Shaleleta? Kin fita kina fara'a amma yanzu kin dawo kina haɗe rai?"

"To Inna ba wai wannan shegiyar mai kama da aljanar nan bace Samima, wai yau akwai fitattun kaya da za ayi, Nuren zai je da sauran manyan mutane shi ne har da Samima a wajan,kuma Inna, ina ya kamata ace ni ce a wajan ko?" wuff Asabe ta ce.

"Kwal Uba!! Samiman banza Samiman wofi, ai ke ya kamata ki kasance a wajan Shaleleta, gaya min yaushe ne za ayi abun?" Sha'awa ta turo dogon bakinta tana fadin.

"Balki ta ce min da dare ne" wani murmushin mugunta Asabe ta yi ta ce.

"Shirya ki tafi abun ki rai kwance,zan yi maganin ƴar banza, kina da uwa mai sonki da kaunarki mai share miki hawaye, shirya maza ki tafi shaleleta,a kanki babu abun da ba zan iya yi ba" cikin murna Sha'awa ta miƙe jikinta na rawa, Asabe ta kai mata ruwan wanka kewaye, ta je ta wawwatsa ta fito ta shirya shap-shap ta fito tana ɗagawa Asabe hannu tana murmushi, Asabe ta ce.

"Su Samima manya, lallai yau za ayi taro da macijiya" ta cije baki cike da mugunta ta juya ta koma daki.

🍀🍀🍀🍀🍀🍀🍀🍀🍀🍀

Sai shidda Nuren ya samu damar karasowa wajan, sai sauri yake ta zubawa a lokacin kuma har su Umma,Baba iyayen Suhail da Ƙannensa mata biyu, dasu Momy da Ƙanwar Momy duk sun zo, Suhail ne kuma ya je ya dauko su dukkansu, Samima kuwa har ta fara hawayen rashin ganin Nuren, ta sha kwalliya kamar ba ita ba, tana tsaye a cikin jama'a da wani maroon gown ta naɗe veil dinsa a kanta sai ka ce balarabiya, da ɗan 

saurinsa ya karaso cikin wajan yana wulla idonsa ta inda zai hangota, ai kuwa nan ya yi tozali da ita cikin mutane tana magana, amma kamar wacce take kuka, ya gama matowa a kallonta ya ji an dafasa ya juyo da sauri ya ga Suhail ne, dan ajiyar zuciya ya sauke Suhail ya ce.

"Haba Nuren ina ka tsaya ne tun dazu fa, hankalin Samima ya tashi har kuka sai da ta yi" murmushi Nuren ya yi ya ce.

"Allah sarki My Baby, fitina ce da son yi min asarar hawayenta amma ai tasan dole ne na zo" 

"To mun ji, muje ko?" cewar Suhail, suka karasa wajan Samima dake magana da mutane Suhail ya kira sunanta, tana juyowa ta sauke idonta a kyakkyawar fuskarsa yana mata tsadaddan murmushi, wani kyau ta ga ya yi mata, kamar yadda shi ma a nasa bangaren hakan ne ta kasance, turo baki ta yi tana matse ido, Suhail ya ce.

"ki kimtsa turo baki da shagwabarki idan mun kai ki gidansa kya yi masa daga baya, yanzu kun ga magriba ta gabato ku taho" ya yi gaba abun sa, ta dan kallesa ta gefen ido shi ma ita yake kallo, bayan sun shiga change room, ya dan fake idon mutane ya matso kusa da ita, ya ce.

"Sorry Baby, ki min uzuri, ki saki ranki, irin wannan kyau da kika yi haka? Kar fa idon maza ya yi yawa a kanki dan zan iya soke fitarki" bata san lokacin da ta saki murmushi ba ta juyo ta ce.

"Kai Yayana, ban da zolaya fa, ai kai ne zance kar yan mata su maka caaa a kai, domin sai dauke ido kake yi"suka saka dariya a tare, ya ce.

" ina zuwa" ya fice wajan su Momy ya je dan ya bar ta su gama kimtsawa, bayan Sallar magriba team 1 suka fara fitowa, inda jama'a ke musu tafi ana daukar hoto, su Samima kuma su na can ciki ana ta faman make'up, duk da ita ba wani make'up ta yi ba, sosai yan team 1 club suka baje basirarsu su ma, basu da gamawa ba sai takwas, team 2 ne zasu fara gabatar da nasu kafin team 3 shi ne nasu Samima, sai misalin karfe tara saura kafin su Sha'awanatu da kawayenta su shidda suka iso, da kyar aka bar su ma suka shiga, su na zuwa suka samu kujera suka zauna su na ganin show, sai can wajan misalin sha ɗaya saura kafin team 3 suka fara fitowa, su ne su Samima, a hankali ta ɗan leko inda jama'a suke zaune tana lekarsu ta labule, caraff suka haɗa ido da Nuren ya sakar mata murmushi tare da daga mata babbar yatsarsa alamun karfafa mata guiwa, itama murmushin ta yi masa inda aka basu damar fara fitowa, ita ce wacce zasu fita wajan karshe dan haka ta koma ciki masu fita su na kan fita, wayarta ce ta yi kara ta duba ta ga Sauda ce, da sauri ta daga wayar ta sa a kunne Sauda ta ce.

"Woww Ƙawata, wallahi fashion dress dinku sunyi kyau, wallahi duk sun fi na team 1to2 kyau, gaskiya kawata na jinjina miki Allah ya ba ki basira, Anty Badi ta ce wacce ta fito ta uku ta yi mata kyau tana so" dariyar farin ciki Samima ta yi ta ce.

"Na gode Sauda, ashe kun iso, na ɗauka ai ba ku ma zo ba tukunna" 

"Waaa!! Tab ai in gaya miki tun magriba muka zo, nasan ba zamu samu ganinki ba sai an gama" Samima ta ce.

"Eh haka ne kuma wallahi"

"To shi kenan Ƙawata sai mun ganki ko?" Samima ta yi murmushi gami da cewa "ok sai kun ganni" daga haka Sauda ta ajiye waya suka ci gaba da kallon masu fitowa, Sha'awanatu zaune sai wulla ido take yi inda zata hango Nuren amma bata gan shi ba, ga dai manya mutane jiga-jigai masu ji da naira gami da izza duk sun bayyana a wajan, Samima na tsaye gabanta sai faduwa yake yi, wata mai suna Ummiee fashion ta ce.

"Mss Samima, ki shirya mana ki canza kaya kin kusan fita fa" jiki a sanyaye ta amsa da kai ta wuce ta canza kaya zuwa dress din da ta dinka dazu, wani fininanniyar kyau Samima ta yi, ta ɗauki veil ta yi rolling din kanta da shi, Ma sha Allah ake ta faman faɗi ta koma gefe ta tsaya gabanta na dukan uku-uku, sake lekowa ta yi suka haɗa ido da Ummanta, Umma ta ga duk ta canza da ido ta yi mata alaman da menene? Amma ta girgiza kai, Umma ta yi mata murmushi, da kyar itama ta mai da wa Umma murmushin sannan ta koma layi dan ita ce a karshe a wa inda zasu fita, kamar da mintuna biyar haka, suka fara fita, tana fitowa duk da ita ce a karshe amma take ido ya koma kanta, inda maza da mata suka mato a kallonta, wasu na yaba dress din da ke jikinta, wasu kuma kyawunta kawai suke kallo, jiri Samima ta fara ji na ɗibarta, take kanta ya yi wani mummunar sarawa, jikinta ya dauki zafi radauu, ga wani radaɗi mai zafin gaske, ɗago idonta ta yi wanda suka yi jajur lokaci guda, ta ware ta kalli dimbin al'umma da suke wajan ga ana video ana daukar hoto, idonta ta sauke a kan Nuren wanda shi ma ya kura mata ido yana son gano halin da take ciki, duk da kishi duk ya tirniƙesa ganin yadda ake kalle masa mata, haka ta ɗaure ta ci gaba da tafiya, tana zuwa gaban mutane ta ji kafafunta ya fara harɗewa, ihu take son yi dan tasan ta shiga uku ta mutu kawai dan macijiya zata koma hawaye ne suka ballo mata, juyawa ta zo yi amma ta gagara, a hankali ta dukar da kanta kasa ta ɗan daga gown dinta ta ga kafafunta ya fara sabulewa, kallon Nuren ta yi hankali tashe ta hau girgiza kai alamun a'a, tana kallon jama'ar dake wannan waje, magana aka yi mata akan ta juya ta tafi amma ta kasa tafiya, nan fa ido ya tsaya a kanta caaa, da sauri Nuren ya miƙe har yana ɗan buge wanda suke gabansa duk da shi ma a kujerar gaba yake, Umma tuni ta hau goge hawaye tana adduar Allah ya fidda diyarta, wuff Nuren ya zo gabanta yana murmushi yana ɗagawa mutanen wajan hannun yana yaƙe, a kunnenta ya raɗa mata "taho" girgiza masa kai ta yi tana kallon kafarta, murmushin yaƙe Nuren ya ci gaba da yi, kawai yasa hannu ya ɗauketa cak ya juya da ita, yayinda mutane dayawa aka saki baki ana kallonsu, wasu kuma suka shiga alhinin miye dalilin da yasa yaron Alhaji Ibrahim mai Agogo daukar Samima? Kowa da abun da yake tunani a ransa, wasu kuma abun ya burgesu inda suka ga dacewar Nuren da Samima, Yayan Sarah mai su na Sharif cikin haushi ya ce.

"Sarah wannan guy din fa wanene?"

Sarah ta ce.

"Cousin Brothern'ta ne" Sauda ta ce.

"Da wuya idan babu soyayya a tsakaninsu, dan komai idan Samima ta yi za ki ga yana kishi a kanta" tsaki Sharif ya yi, ya ɗan musu tsawa da cewa su rufa mi shi baki, lokacin da Nuren ya dauki Samima ya fice da ita zuwa wani daki ya ajiyeta ya fita dan ya dauko mata magani, ya gayawa Suhail da ya ci gaba da kula da komai ya tafi dai-dai yadda ya kamata a lallaba a gama, zai dauko hayaki a motarsa ya mata ne, Suhail ya amsa da to, ya koma wajan jama'a Nuren kuma ya yi waje, ashe Sha'awa tana biye dasu, tana ganin Nuren ya yi waje ta yi wajan Samima domin ta yi mata rashin mutunci, tana shiga ta samu Samima tana juyi a kasa, kugu Sha'awa ta riƙe tana yiwa Samima gatsali bata ma kula da jelar maciji da yake yawo a jikin Samima ba, tana ɗaga ido ta ga Samima ta koma macijiya, ihu Sha'awanatu ta saka tana neman guduwa nan take Samima ta bi kanta da sara, inda ta sareta a wuya, nan Sha'awa ta zube kasa, Samima ta sake sarenta a goshin sannan ta sake kai mata sara kafaɗa, tana shirin ta sake kai mata wani kenan Nuren ya buɗo kofa, salati ya saka gami da watsawa Samima ruwan wani magani sannan ya kunna mata hayaki, nan take ta zube ƙasa, dai-dai nan Umma ta shigo dakin ta ga mutum a kwance, salati Umma ta saka ta yi kan yarinyar, ta ɗagota nan ta ci karo da fuskar Sha'awa, salati Umma ta saka tana dafe kai ta ce.

"Innalillahi wa inna ilayhirrajiun!!! Sha'awanatuuu!!!! Sha'awanatuu!!!" Umma tana kiran sunanta tana jijjigata cikin tashin hankali Nuren ya ce.

"Umma Sha'awa!!?"

"Eh Nuren, Sha'awa ce wallahi Yarinyar Asabe, na shiga uku!! Sha'awanatu!!?"

Nan suka tsaya cirko-cirko, sai wajan awa ɗaya kafin Samima ta farfado ta yi arba da tashin hankali, Umma na zaune a gefe idonta suntum, ga Momy, Abba,Baba, Suhail,Nuren duk sun zuba hannu a kumatu, da sauri Samima ta yi kan Sha'awa tana ambata sunanta

Amma ko motsi Sha'awa bata yi, hummm!! kuka Samima ta sa ta ce.

"Dan Allah ku min magana, ko a kai Sha'awa asibiti, kar ta mutu dan Allah!! Wayyo Allah na!! Sha'awa!!?? Dan Allah Yayana mu kai ta asibiti mana" kuka sosai Samima ke yi, zuwa wani lokaci sai ga Baba Malam da shi da wasu mutane guda uku, su Momy da Umma, da Baba ne suka taimaka aka dauki Sha'awa aka fito da ita, an zo sakata a mota dai-dai kan idon Ƙawarta Balki da Murja, da gudu suka zo su na tambayar me ya sameta, Suhail ya ce.

"Maciji ne ya sareta, idan kun koma gida ku gayawa Gwaggo Asabe gobe da safe ta je gidan Baba Malam in da za ayi wa yarta magani" cikin tashin hankali su Balki suka kasa motsi, su Baba Malam suka wuce da Sha'awa, su kuma su Nuren suka koma ciki, sai wajan karfe biyu aka gama yayinda aka ba wa Samima award dan kuwa team dinta ne suka fi rinjayen jama'a, da kyar ta tsaya ta karbi award din idonta a kumbure, an dai samu an lallab'a jama'a aka watse, Suhail ya ba wa sauran ma'aikata umarnin su kimtsa komai su zasu wuce gida, mota Samima ta shiga ta hau rera sabon kuka, daga wajan show din basu zarce ko ina ba sai gidan Baba Malam a daren, ko da suka isa nan Baba Malam yake shaida musu da cewa Allah ya yiwa Sha'awanatu rayuwa, nan take Samima ta yanki jiki ta faɗi sumemmiya, wa innan bayin Allah yadda suka ga rana haka suka ga dare, da asuba su Balki suka je gidan Asabe suka shaida mata da cewa ai maciji ya sare Sha'awanatu tsakar dare, tana gidan Baba Malam ana yi mata magani, wani ihu Asabe ta saka gami da ficewa da gudu ba mayafi ba takalmi, a haukace ta gidan Baba Malam , tana isa ta shiga tana faɗin ina yarinyarta,ina Shalelerta, a wannan karon dabara ce ta fadowa Suhail ya ce.

"Amm Gwaggo Asabe ki kwantar da hankalinki ai haka dama Allah yake ikonsa, yanzu haka da kika ganmu muna ta faman alhinin abun da ya faru da Sha'awa ne, kuma ba kowani maciji bane ya sari Sha'awa illa Samima gata nan" nan Asabe ta yi kan Samima tana shirin kai mata shaƙa, Nuren ya fizgo matarsa ya sa ta a bayansa yana haɗe rai, Suhail ya ce.

"A'a Gwaggo Asabe, abun bana zuciya bane zo ki ga ƴarki, nan ya ja ta izuwa inda aka kwantar da Sha'awa an lullub'eta, Suhail ya yaye mayafin, ihu Asabe ta saka ta rungumo Sha'awa tana faɗin.

"Dama ke ta sara? Me ya kai ki wajanta da har ta sare ki Sha'awana!? Wayyo Shaleleta" Suhail ya ce.

"Gwaggo Asabe yanzu ba lokacin kuka bane ki bari kyayi daga baya, ki ceto rayuwar ƴarki idan kina so" da sauri Asabe ta miƙe tana cewa.

"Fada min me zan yi" murmushi Suhail ya yi a ransa ya ce "Asabe lokacinki ya yi da izinin Allah".

"Ammm, Baba Malam ya ce abu daya zai sa Sha'awa ta samu lafiya, shine ki faɗi inda kika binne maganin da kika mai da Samima ta zama macijiya, kina haƙowa Shalelerki zata farka, haka ne ko Baba Malam?" Baba Malam ya gya ɗa kai alamun eh, Suhail ya ce "to Gwaggo Asabe karki bata lokaci maza faɗa mana a ina kika binne?" cikin ficewar hankali Asabe ta ce.

"A can cikin kauyen jatau na binne" can wani kauyen dake ƙasa sosai da adamawa kauyen ma daji ne, Suhail ya ce.

"To maza kije ki haƙo ta" da gudu Asabe ta fice, su Umma,Momy,Baba,Abba,Nuren Samima,Baba Malam suka bita da kallo kafin su mai do da kallonsu kan Suhail, Nuren ya ce.

"Suhail, me ya sa zaka yi mata karya? Ai da ka fada mata Sha'awa ta rasu"

A masifance Suhail ya ce.

"Sai kuma aka gaya maka idan tasan cewa yarinyarta ta rasu zata faɗi inda ta binne asirin da ta yiwa Samima ne? Idan ka lura a yanzu dubun Asabe ya cika, dan kuwa yanzu zata girbi abun da ta shuka ne" Baba Malam ya ce.

"Tabbas hakane maganarka Suhail, yanzu abun da za ayi bari na aika a kira Malam Basiru ya zo ayi wa wannan yarinya sutura a kai ta makwancinta" haka kuwa aka yi kafin ɗan wani lokaci unguwa ta ɗauka Allah ya yi wa Sha'awanatu rasuwa sakamakon saran maciji, inda da yawan yan unguwa suke harin Samima, dan haka a ranar Samima bata iya fita ko nan da can ba, Asabe kuwa ba ita da dawowa ba sai washe gari, kafin ta dawo tsakar dare Samima ta hau ihu inda wani baƙin hayaki ke fita daga baƙinta tana zuba attishawa kamar zata shiɗe sosai Umma da Momy suka daddanneta, bayan ta gama ne aka yi mata hayaki ta hau bacci, ko da Baba Malam ya dubata a fili ya furta "Alhamdulillah" gami da cewa yanzu Samima ta dawo dai-dai, hawaye masu zafin gaske ne suka zubowa Umma, a kofar gidan Baba Malam ake karban gaisuwar Sha'awa, yayinda mahaifinta Malam Basiru kansa ya daure ya rasa mai ya faru da shi tsawon wasu shekaru, sosai ya rungume ƙaninsa Malam Nasiru mahaifin Samima su na kuka tare, kamar daga sama suka ga mata a kan su baki a gefe ga shin kanta kamar wacce wutar lantarki ta kama, sai aikin soshe-soshe take yi, ga wani uban warin dake tashi daga jikinta mai bugar da mutum, da karfi ta ce.

"Ina shaleleta!!" sai a sannan ne aka ganeta, Baba Malam ya ce.

"Asabe!!? Ke ce!!?" murguɗa masa baki ta yi irin na zautattun mutanen nan, Suhail ya ce.

"Asabe sai dai hakuri, amma kin ga zaman mun nan zaman makokin ƴarki muke yi, dan ta cika tun a daren jiya, nayi miki haka ne dan ki haƙo asirin da kika yiwa Samima" ihu Asabe ta saka ta fara birgima a kasa tana faɗin mugayen aikin da ta aikata, yayinda wasu ke bin ta da mugun kallon Mamaki, Malam Basiru ya miƙe ya yi kan Asabe yana shirin rufeta da duka, Baba Malam ya hanasa ya ce.

"A'a ka rabu da ita ta ji da abun da ke damunta ma ya isheta" nan take Malam Basiru ya ce.

"Allah ya isa tsakanina dake Asabe kin cuceni!!! Kin cuceni!!! Na tsaneki!!! Na tsaneki!! Na sake ki saki ukuu Asabe!!" ihu Asabe ta saka ta miƙe ta zunduma da gudu tana fadin "wayyo ni wayyo ni Asaberuwa" ta wani bangare sautin aljanu ne ke tashi su na gaya mata ta gamu da bala'i, dauke ta suka yi cak suka mai da ta ramin da ta binne asirin da ta yiwa Samima suka jefata ciki,nan macizai suka rufu akan Asabe su na sarinta tana ihu, har ta mutu a yashe a jeji babu mai mata wanka bare sallah.

😭😭😭

Innalillahi wa inna ilayhirrajiun, Allah ka rabamu da son zuciya da hassada da kyashi da bakin ciki, Allah kasa muyi kyakkyawar karshe 😭😭😭 Allah ka yafe mana ka rabamu da bin hanyan b'ata wanda a karshe dana sani ne marar amfani, jin dadin duniya kalilance, duk yadda zaka yi ma wani dan uwanka mugunta na ɗan lokacine dan Ubangiji yana jiranka a madakata 😭😭

Allah ka yafe mana, Astaghfirullah wa'atubu ilayka ya Allah.

🍀🍀🍀🍀🍀🍀🍀🍀🍀🍀 agurguje.

Bayan wata ɗaya komai ya dai-daita, a rayuwa komai mai wucewa ne, ba a sake ganin Asabe ko jin labarinta ba, yanzu kuma Samima ta wanku a idon yan unguwarsu , inda aka san da cewa ai matar Nuren ne dan haka sai shirye-shirye ake yi dan ta tare a gidan mijinta, bayan sati daya kuma ta tare a katafaren gidanta na alfarma, Nuren ya canzawa iyayen Samima gida, sosai Samima ke ganin gata a waja mijinta

Wani lokaci ma har tunani take yi anya ita ce kuwa? Bayan tarewar'su da wata shidda aka sha shagalin bikin Suhail rayuwa sai dai ace Alhamdulillah, Ma sha Allah.

🍀🍀🍀🍀🍀🍀🍀🍀🍀🍀

*_BAYAN SHEKARA HUDU_*

wasu kyawawan yara ne su biyu suka fito da gudunsu su na dariya gami da zagaye garden din gidan wande daga gefe guda kayan wasansu ne, yaran ba zasu wuce shekaru uku ba, da ka gansu kasan cewa yan biyu ne kyautar Allah, Mom dinsu da Dad din su ne suka fito su na murmushi, ta wani kara kyau ta goge tayi ƙiba, kallonta ya yi ya ce.

"My sneak, na gode sosai da bani kyawawan yara da kika yi masu kama dake ina alfahari dake ina sonki My Sneak" da shike haka yake kiranta da shi, hannunsa ta kama suka zaune a kujera mai lilo, ta ce.

"Ni ce ya kamata nayi maka godiya mai sona, ka so ni a lokacin da jama'a suka gujeni wasu ma su na neman kasheni, ni ya fi cancanta da na gode maka, sabida a rayuwa ba zaka gane mai sonka tsakani da Allah ba har sai ka shi ga damuwa, kullum tunanina da mai zan saka maka alkhairin da ka min Yaya Nuren, ina matukar kaunarka Mijina" rungumeta Nuren ya yi ya ce.

"Ai kin gama biyana Hajiyata, ga kyawawan yarana twins, Khalil da Khalisat, ya faɗa yana kwalawa yaran kira wanda suke wasa abun sha'awa suka zo da gudu ya haɗe su ya rungumesu duka yana jin son su da kaunar su.

TAMMAT BI HAMDULILLAH.

Duka duka a nan na kawo karshen gajeran labarina mai suna *_SAMIMA MACIJIYA CE_* abun da na rubuta daidai Allah ya bamu ikon aiki da ita kuskurena kuma Allah ya yafe min.

*_A GASKIYA KUN SO LITTAFIN NAN FIYE DA TUNANINA, INA GAIDA MASOYANA WANDA NA SANI DA WANDA BAN SANI BA INA MUKU FATAN ALKHAIRI A DUK INDA KUKE, INA FATAN ZAKU BANI HADIN KAI A SABON GAJERAN LABARINA NA GABA MAI SUNA (DA NA SANI NA) NA GODE SOSAI SADUWAR ALKHAIRI_*.

UMMU AHLAN TAKU CE👍

Read More

Share this

WhatsApp

SAMIMI (MACIJIYA CE) Page 21 to 30

Sai sha biyun dare Samima ta farka daga dogon suman da ta yi, bayan ta gama sassare su Amir ta yanki jiki ta faɗi a macijiyar, kamar da kusan mintuna talatin kafin a hankali ta fara komawa mutum, har ta dawo Samimanta, ba ita ta farkawan ba sai sha biyu, abun da idonta suka fara gane mata ya yi matuƙar gigita mata lissafi, ganin mutane kwance a gabanta cikin jini bisa alama basu motsi kamar sun mutu, kuka ta saka ta ɗora hannunta a saman kanta tana yi, tama rasa me zata yi, waje ta fito da gudu duk a tsorace take, ganin duhu ya yi sosai ta kara komawa jikinta na rawa, wayar Amir ta ji na ringing gabanta ya sake faɗuwa, kuka take yi sosai, ta rasa yadda zata yi, sai zuwa can anjima dabara ta faɗo mata, wayan ɗaya daga cikinsu ta ɗauka Allah yaso ba security password, lambar Nuren ta saka sannan ta yi dealing, Nuren da hankalinsa ya gama ficewa daga gangar jikinsa ya ji wayarsa na ruri ya duba ya ga bakuwar lamba, dogon tsaki ya ja, ya ƙi ɗagawa, jin ana kira ba gaggautawa ya sa Suhail cewa.

"Haba Nuren ka ɗaga mana, anata kiranka dare ne fa, kasan ko waye, ga shi ba Samima bamu koma gida ba, kasan dole hankalin iyayenmu ya tashi" cikin dasheshshiyar murya Nuren ya ce.

"Bakuwar lamba ne fa"

"To sai me Nuren? Ka ɗaga mana ka ji"

Ba dan Nuren ya so ba ya ɗaga wayar a masifance ya ce.

"Dalla waye!!!?" muryar Samima yaji tana sheshshekar kuka, da sauri ya ce.

"Ƙan...Ƙanwata!!? Kina inane? Samima kina jina?" da shike ta gane in da suka yi da ita,tun da ba rufe mata fuska suka yi ba, nan cikin kuka ta hau yiwa su Nuren kwatance inda take, da saurin Nuren ya karbi driving daga hannun Suhail yana bin kwatancen da Samima ke masa, gudu kawai yake shararawa har ya iso wajan, a karkace ma ya parka motar ya fito ya b'urma cikin gidan, nan ya ji ta gam a kulle, sai da ya din ga bugawa shi da Suhail su na ambatar sunan Samima, Samima wacce ta haɗa kai da guiwa tana kuka ta ji muryar Nuren da Suhail da sauri ta zo ta buɗe musu kofa, ganinta yasa Nuren cewa.

"Me kike yi anan? Me aka miki? Yana ga jikinki duk jini? Me ya faru dake?" su waye suka kawo ki nan?" tambayoyi Nuren ke jerowa Samima cikin tashin hankali, ta kasa ba shi amsa illa matsawa gefe da tayi kanta a sun kuye tana kuka, da sauri Nuren da Suhail suka danna kansu a cikin gidan, nan suka yi arba da maza biyar kwance anyi musu fata-fata, ta ko ina saran maciji ne a jikinsu, bisa alama kuma sun mutu,dan ihu Suhail ya yi yana furta.

"Innalillahii!! Astaghfirullah!!! Allahu Akbar!! Alhamdulillah!! Ma sha Allah!!! Subhnallah!!! Wa'iyazubillah!!!!" duk ya bi ya ruɗe, yana shirin fita da gudu da sauri Nuren ya kamosa yana masa magana da ya natsu amma ya kasa tsayuwa balle ya natsu, da iyakacin karfinsa Nuren ya wanke Suhail da mari inda ya tsaya cak, sannan ya fizgi hannunsa dana Samima ya fice dasu ya saka su a mota shi ma ya shiga ya tada motar, bai tsaya a ko ina ba sai gidan su Samima, yana tsaida mota ya kallesu ya ce "ku fito" Samima wacce har yanzu bata bar kuka ba ta fito, shima Suhail jiki na rawa ya fito, Nuren yasa Samima a gaba yana binta a baya, shi kuma Suhail yana bin Nuren a baya, da sallama suka shiga su Baba da Umma su na zaune kusan ɗaya da rabi na dare, da sauri Umma ta taso da niyyar rungume Samima amma sai ta ja ta tsaya cak tana bin ta da kallo sakamakon jinin da ta gani a jikinta, muryar Umma na rawa ta ce.

"Samima!!?? Samima!!!? Samima!! Wannan jinin miye a jikinki!!? Nuren, Suhail me ya faru!!?" kallonta Nuren ya yi suka haɗa ido ta durƙushe a wajan ta sake sakin kukan tashin hankali, cikin kuka ta shiga zayyano musu abun da ya faru tun tafiyar Nuren daga makarantarsu, da abun da ya haɗata da Amir, da kuma zaman jiran Nuren da ta din ga yi, har izuwa tashin da tayi da niyyar zata dawo gida, su Amir suka kundumeta, har izuwa gidan da suka kawota da niyyar keta mata haddi, ta kara da cewa.

"Wallahi ban san me ya faru ba, nasan dai kawai su na gaf da cimma burinsu a kaina, na ji azaban da nake ji idan zan koma macijiya, bayan na koma ban kara sanin komai ba, sai da na tashi na ga su Amir kwance a cikin jini, nima ina kwance a gefensu" ta ci gaba da kuka, Umma nan ta yanki jiki ta faɗi sumammiya, da sauri su Nuren da Baba da Samima suka yi kan Umma su na jijjigata, Nuren ne ya cewa Samima ta kawo ruwa a yayyyafawa Umma, da sauri Samima ta tashi ta kawo ruwan aka hau yayyafawa Umma amma Umma ko motsi bata yi, ba shiri suka fita a cikin daren aka kai Umma asibiti, sai wajan uku da rabi Umma ta farfaɗo babu wanda ya rintsa, Samima sai aikin kuka take yi, tun tana kuka mai hawaye har ta koma kukan zuci, ko da Umma ta farka da kuka mai ciwo ta farka inda likita yake cewa ta yi a hankali dan jininta ya hau sosai, ko sauraron likita Umma bata yi ba, dan zata iya cewa ma bata ji me ya ce ba, su Baba, Nuren, Samima,Suhail ne suka shigo dakin da Umma ke kwance, Umma tana ganin Samima ta yi saurin juyar da kanta gefe tana kuka, ta ce.

"Dama Asabe ta kasheki ne na ga gawarki da watakila hakan zai fi min kwanciyar hankali akan abun da ta saka ki kike aikatawa Samima!!!! Wallahi gwanda ace wannan gawarki ce!!! Tun da dama dukkan mai rai mamaci ne, Samima yau ke ce sara wannan ta mutu!! gobe kace sara wannan ya mutu!!! jibi ke ce sassare wa innan sun mutu!! Samima ina kike so na saka rai na!!!" Umma na magana tana kuka cikin rauni daban tausayi, Nuren ya fara lallashinta akan ta yi shuru tunda likita ya ce jininta ya hau, Umma ta ce.

"Nuren? Ina kuwa jinina zai sauka? Gaya min taya jinina zai sauka Samima tana cikin wannan halin? Ya Allah a ko da yaushe sai na kawo maka karar baiwarka, ni dai a iya tunanina ban yi mata komai ba, Ya Allah ka isar min abun da ta yiwa ƴata" Umma ta ci gaba da kuka Samima na gefe tana tayata, har aka kira sallar asuba, su Abba Nuren Suhail suka tafi masallaci su Umma kuma suka yi sallah a daki, ko kadan Umma ta ki yarda ta kalli Samima, bayan sun idar da sallah Samima ta ce.

"Umma ina kwana?" shuru Umma ta yi ta ƙi amsawa, matsowa Samima ta yi ta kama hannunta ta ce.

"Ummana kina jin zafina ko?" sai ga hawaye, girgiza kai Umma ta yi.

"To Umma me yasa kin ƙi kallona, na gaisheki ma ba ki amsa ba" nan ma shuru Umma ta yi illa hannun Samima da ta sake damƙa cikin nata, maganar duniyar nan Samima ta yi amma Umma ta ki kulata, har su Abba suka dawo daga masallaci, sai wajan karfe tara na safe Umma ta ce a sallameta, hakan kuwa aka yi, aka bawa su Umma takardan sallama suka wuce gida, bayan sun koma gida Nuren ya umarci Samima da ta shige daki bai yarda ta fito ko da tsakar gida bane, haka ma gayawa su Umma akan cewa kar abar Samima ta fita, Baba da Umma suka yi musu godiya su na sa musu albarka, ya kalli Suhail ya ce "muje" mota suka shiga basu zarce ko ina ba sai gidan su Asabe, yau Asabe ranta fesss take jinta dan jiya ta tabbata idan ba a kashe Samima ba, to sauran gawarta ce ya rage, kuma ta tabbata Nuren zai kawo kansa ya ce yana son Ɗiyarta Sha'awanatu, tana cikin tunani ta ji sallama, ba a jira umarnin shigowa ba suka danno kai, Asabe na ganin Nuren ta saki Shu'umin Murmushi a ranta ta ce.

"Wayyo dadi, rago daga sama gasheshshe" wani kallo Nuren ke aikawa Asabe na wulakanci kafin ya ce.

"Gwaggo Asabe!!!?"

"Na'am sirkina Nuren" Asabe ta amsa cikin izgili.

"Gwaggo Asabe me Samima ta yi miki da har kika zabi mai da ita macijiya? Dan Allah na roƙeki da lallama ki karya asirin da kika yiwa Samima, idan ba haka ba ni din nan Nuren zai nemawa Samima magani kuma zata warke da yardan Allah, ko da kuwa zan rasa raina!!" shewa Asabe ta yi tana tafa hannuwanta harda guɗa ta ce.

"Ashe dai da gaske ne? Soyayya ta yi nisa, dama ka daina wahalar da kanka akan wannan yarinyar da ta yi kyawun maciji, au namanta ashe ma fa macijiyar ce ko?" rintse ido Nuren ya yi dan ya ji zafin maganar Asabe.

"Dama ka rabu da macijiya ka so mutum, ga yarinyata shalele Sha'awanatu, ka dai na wahalar da kanka akan wacce bata da garantin rayuwa" Suhail ya ce.

"Amma dai ke kam anyi tsohuwar banza, jahila, ke yanzu kina da garantin rayuwar ne?" Asabe ta ce.

"Kai kuma fa? Daga ina? Bangane ka ba? To idan Asabe ta yi kashi, bata kasa da mutum ba ya kwashe ya kan fuskanci hukunci mai tsanani!!" ta faɗa tana nunawa Suhail yatsa, Nuren ya ce.

"Karya ya yi, ina dai ba za ki karya asirin da kika yiwa Samima ba?"

Asabe ta ce.

"Wacece kuma me wannan sunan?" ta faɗa tana murmushin sheɗanci, Nuren ya yi kwafa ya nuna mata yatsa ya fice kawai, Suhail ya bi bayansa da sauri, ya zo fito Sha'awa ta zo shigowa tana ganinsa ta saki ihu da tsallen murna, tsawa Nuren ya daka mata ya ce.

"Ballagaza kawai!!! Watsatstsiya!!!" yaja dogon tsaki ya yi gaba, Suhail ya kalli Sha'awa da sauri ya bi Nuren mota suka shiga ya bulawa Sha'awa ƙura ya wuce yabarta tsaye tana huci, da sauri ta shige gida tana kunkuni.

"Wai ni Inna me yasa ba za a kashe Samima kowa ma ya huta ba?" dariya Asabe ta yi da murya babu dadin ji ta ce.

"Kwantar da hankalinki yarinyeta, mun kusan fara shiga manya-manyan motoci ana jan mu a baya, amma fa sai kin zama matar Nuren"

"To Inna taya hakan zata kasance bayan Samima tana raye?"

"Ah me kike ci na baka na zuba? Ai Samima abun da zan mata sai ta gwammaci mutuwa akan halin da take ciki"

"Hali kuma Inna? Wani hali take ciki?"

Murmushi Asabe ta yi ta ce.

"Bana so kina fiye tambaya akan abun da ba shi da amfani a gareki, ke dai ba dai Nuren kike so ba, ko ba haka bane?" cikin zumuɗi Sha'awa ta ce.

"Haka ne Inna" 

"To ki mai da hankalinki akan shi, za ki same shi kwanan nan ba kwanan can ba"

Sha'awa ta miƙe da murna ta sake ficewa, dan Sha'awa bata zaman minti biyar a gida zata fice,kuma Asabe babu ruwanta da tambayar Sha'awa ina take zuwa, Malam Basiru kuma an mai da shi fanko marar amfani dan baya iya magana akan komai sai dai ido, a mota Suhail ke cewa.

"Nuren, wannan yarinya mai kama da gwaggon birin fa? Ba dai ita bace ake tallata maka?"

Nuren ya ce.

"Ita ce" dariya Suhail ya saka har yana riƙe ciki ya ce.

"Allah na tuba, Nuren wannan ai sai dai ka siyeta ka ajiyeta a gidan zoo ana zuwa kallonta dan kama take da birirrika" Nuren ya yi ɗan guntun murmushi, ya ce.

"Gwaggo Asabe na lura har yanzu babu nadama a wajanta, dan haka sai mun miƙe tsaye in ba haka ba, abun Samima kullum ƙara gaba yake yi, inajin tsoron ranar da jami'an tsaro zasu kama Samima, ai dama gobe ne zamu tafi maidugurin nan, gwanda muje musan abun yi, ayi ta ta kare" ya fada yana kiran Baba ya shaida musu akan su shirya gobe zasu kama hanyar maiduguri, sannan ya ajiye Suhail a gida shi ma ya wuce gida, dan kansa ciwo yake masa sosai yana so yaje ya watsa ruwa ya ɗan kwanta ya yi bacci ko zai ji dai-dai.

🍀🍀🍀🍀🍀🍀🍀🍀🍀🍀

*NA GODE MUKU DA ADDUOINKU, JIKIN YARINYATA DA SAUKI SOSAI ALHAMDULILLAH*

UMMU AHLAN TAKU CE👍🏻

[02/09 à 08:47] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA BAKWAI. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

Da washe gari, Nuren, Abba, Umma, Samima,Suhail, suka kama hanyar maiduguri, basu da isa ba sai magriba, Nuren ne ya kai su gidan wani abokin Abbansa, inda a nan ne aka basu masauƙi, bayan sun yi sallar isha'i ne suka nemi ganin Malam Abba, inda wani almajirinsa ya musu iso, bayan sun shiga inda yake ganawa da baki, suka zauna da sallama Malam Abba Albany ya fito daga ɗan wani karamin ɗaki, ya zauna a bisa shinfiɗarsa, musabaha suka yi da Baba, sannan suka yi dasu Nuren, bayan nan ne Umma ta gaishesa ya amsa, Samima ko kallonsa bata yi ba, Umma ta ce.

"Samima, ba ki gaishe da Malam ba" amma kamar ba da Samima ake yi ba, wacce ta sunkuyar da kanta ƙasa sai faman huci take yi, dan tun shigowarsu ta ji warin wani magani wanda ya gigita mata lissafi, murmushi Malam Abba ya yi, ya kalli Samima da kyau sannan ya girgiza kai, ya ce.

"Ahh, ki rabu da ita kawai, Samima zo nan, matso" ƙin matsowa Samima ta yi Malam Abba ya ce.

"Malam Nasiru, Nuren, ku matso da ita nan" tun kafin Baba da Nuren su kama Samima ta saki wani ihu da amo marar dadin ji wanda gaba ƙi ɗaya dakin sai da ya ɗauka, Nuren ya ce.

"Baba, ka bari kawai ni zan iya matsawa da ita" Baba ya ce.

"Ka tabbata Nuren?"

"Eh Baba zan iya"

Da iyakacin karfinsa Nuren ya finciki Samima ya tura ta gaban Malam, Malam Abba ya ɗauki wani roba da ruwan magani, ya kurb'a a bakinsa na tsawon mintuna biyar sannan ya fuzarwa Samima shi a fuska, nan ta zube ƙasa ta fara ka nannaɗewa tana murƙususu, Malam Abba ya sake ɗauko wani ruwa a kwarya ya watsa mata, wani tsalle Samima ta yi wanda yasa Umma da Baba matsawa gefe da Suhail wanda tuni ya koma bakin kofa ya makale yana kakkarwa gami da karanto ayatul kursiyyu, Nuren ne kawai ya yi yunkurin riƙe Samima amma ya kasa, sakamakon tsallen da ta rin ga yi, da kyar Nuren ya zo fizgota ba tare da zato ko tsammani ba ya ji an bankaɗesa ya faɗi kasa wanwar, da sauri Malam Abba ya miƙe ya damƙo Samima wanda a halin yanzu ba ita bace, manya-manyan shaiɗanun da Asabe ta aiko mata dasu ne, Malam Abba yana damkar hannunta nan take ta fara rikiɗewa, da sauri Malam Abba ya saki Samima, bai yi ƙasa a guiwa ba, ya ƙara dauko wani ruwan magani ya ci gaba da addua yana watsa mata, nan take Samima ta koma sintimemiyar macijiya, adduoi Malam Abba ya ci gaba da yi bai tsaya ba, yana kan watsa mata ruwan magani, tun macijin na harbin iska yana so ya sare Malam Abba har ya zo baya iya wani katabus ya zube a gaban Malam Abba, Malam Abba ya ce.

"Ina so ku tashi yaron da ku ka bige yanzun nan, kafin muje ga magana na gaba" cikin wani murya mai ban tsoro macijin ya fara magana.

"Malam,ina ruwanka damu da zaka shiga rayuwarmu? Me muka tare maka, ba kai ka sakamu aiki ba, to miye damuwarka damu? Shi kuma wannan yaron ya cika zaƙewa da yawa ne, an bamu aiki a kansa amma mun kasa yi masa komai sabida Samima" numfasawa Malam Abba ya yi ya ce.

"To yanzu dai ina so ne ku tashesa, kafin muje ga magana na gaba, duk maganar da zamu yi ina so ne muyi ta ta fahimtar juna, ku tashi Nuren" a hankali wannan katon macijiya ya yi kan Nuren, Baba wanda zufa ya gama wanke masa ko wace kofa na gashin jikinsa ya yi saurin cewa.

"Malam karya cutar da Nuren, ya saka masa dafi, naga yana shirin sa masa baki!!" murmushi Malam Abba ya yi, ya ce.

"Kwantar da hankalinka Malam Nasiru, babu abun da zai masa, ba zai cutar da shi ba" nan take wannan maciji ya ɗuka da bakinsa saitin fuskar Nuren ya hura masa wani haske ya fito ta bakinsa, nan take Nuren ya farka da sauri ya ja da baya ganin katuwar maciji a kansa, har kusan sumewa ya yi,dan numfashinsa sai da ta ɗan ɗauke, Malam Abba ya ce.

"Sannu Nuren, babu inda yake maka ciwo ko?"

"Eh Malam, ina lafiya" ya faɗa yana matsa wuyarsa da ya ji ya masa tsami, Malam Abba suka fuskanci juna shi da macijin nan, Malam ya yi gyaran murya ya fara magana.

"Me yasa ku ka zabi cutar da wannan yarinya ƴar ƙarama haka? Me ta yi muku?"

"Mu bata yi mana komai ba, akasari ma mu kam aiki shugabanmu ya bamu a kanta sabida wata mata da tazo neman taimako a wajanmu,kuma bamu muka nemeta ba ai,ita ta nememu, to mu miye laifinmu?" Malam Abba ya sake numfasawa dan kuwa ya hango jar aiki wajan raba Samima da wa innan shaiɗanun, dan da wuya a gama lafiya ba tare da an rasa rai ba.

"To ina so ne tun muna gane juna daku, ku rabu da ita ta koma mutum kamar yadda aka haifeta a da ,ku daina cutar da ita,ku daina sakata tana kisan kai alhali ba ita ke yi ba ku ke yi, abun da nake so da ku ke nan, ta lallama nake so mu rabu daku, amma idan ku ka ƙi zamu yi uban watsi daku, karku manta har da shi ogan naku wanda ku ke kiransa da suna shugaba ogiduwa zan iya tarwatsa shi da mulkinsa balle ku!!" dariya wannan maciji ya sheƙe dashi ya ce.

"A'a Malam baka iyawa da Shugaba Ogiduwa, dan shi ɗin babu wanda ya isa ya je gabansa, Samima kuma ba zamu rabu da ita ba,dan mun saba da ita, ƙiris ya rage mu dauketa gaba ki daya daga duniyar mutane, mu mai data duniyar macizai, dan kuwa *SAMIMA MACIJIYA CE* ko da na fita a jikinta hakan ba zai sa ta zama mutum ba, dan mu sittin da takwas ne a jikinta, mu sitti duka macizai ne kowa da yaren da yake ji, ita ma a karan kanta wacce ta yi mata aiki sawa ta yi a maidata macijiya, mu kuma aiki muke yi a kanta, ko da mun fice daga jikin Samima ba shi zai hanata zama macijiya ba, har sai wacce ta yi sanadiyyar komawarta macijiya taje ta fasa kaskon da muka bata, ta daina haɗa siddabarun tsafin da asirin da muka bata, sannan ta je ta tone maganin da Shugaba Ogiduwa ya bata ta binne da gashin Samima da matacciyar katuwar macijin tsafin da muka bata,kuma mun bata sharaɗi, wanda idan wannan aiki ya kare zata haɗu da gamonta ta ce mana ta amince, dan haka ko da mun fita a jikin Samima ita karan kanta Samiman macijiya ce, tunda ba a haƙo asirin da aka binne da gashin kanta ba,balle ma ba zamu fita ba, tun da Shugaba Ogiduwa ya bamu umarnin zama a jikinta ne" nan aka hau drama babu yadda Malam Abba bai yi ba akan su fita amma firrr sun ƙi fita, ga dare ya tsaƙa sosai, Baba da Umma sun ga tashin hankali wanda ba a saka masa rana, Suhail kuwa tuni numfashinsa ta daina aiki tun sadda Samima ta koma macijiya ya suma a tsaye, dan shi tun da aka haifesa bai taba ji ba ko a kanun labarai ba, balle ya gani, sai ga shi yau ya gani da idonsa, babu wanda yasan halin da Suhail yake ciki sai Malam Abba wanda da ya lura da hakan ya aike Nuren waje da ya kira masa almajiransa guda biyu, ko da suka zo ya basu umarni su dauki Suhail su tafi da shi, su tabbatar kuma sun ba shi rubutu ya sha, dan ya dawo hayyacinsa, suka amsawa malamin nasu cikin girmamawa kafin suka ciccib'i Suhail, ruwan magani mai zafin gaske Malam Abba yake watsawa macizan dake jikin Samima, wani ɗumi mai fitar da zafi gami da turiri ne yake tashi a ɗaki, daga karshe ma Malam Abba ya cewa su Baba da Umma su fita, aka bar shi daga shi sai Nuren, Malam ya yi iya yinsa inda a karshe ya fara tari, da kyar ya samu ya ƙona ɗaya ya kori biyu, macijin da ya yi magana a jikin Samima da ya ji azaba ya cewa Malam Abba.

"Zan je na dawo, zan je na sanarwa Shugaba Ogiduwa halin da ake ciki, amma karka sakawa ranka cewa mun rabu da Samima kenan dan zamu dawo" da haka ya yi wani juyi na maciji sannan ya zube ƙasa, kamar da minti ashirin da biyar Samima ta fara komawa mutum, har ta zama mutum, ba zato ba tsammani sai ga hawaye na bin fuskar Malam Abba wanda yasa Nuren shiga Babban damuwa, a kiɗime Nuren ke tambayar Malam Abba akan me ya saka shi kuka, kallonsa Malam Abba ya yi ya ce.

"Muje muyi sallar asuba dan lokaci ma har ya gota"

"To Malam, Samiman fa, a bar ta a nan?"

"Eh ka bar ta, babu abun da zai sameta"

Nuren ya gya ɗa kai, Malam ya yi gaba shi kuma ya bisa a baya yana waigen Samima cike da tausayawa, ko da suka fita aka raka Umma cikin gidan wajan Matan Malam, mahaifin Samima da Nuren suka yi alwala suka wuce Masallaci a tare da Malam, har aka yi sallah aka idar Nuren bai ga Suhail ba, tambayar wa inda suka fita da shi da dare ya yi, suka ba shi amsa da yana can a kwance ya kasa tashi yace sallar ma a daki zai yi, tsaki Nuren ya yi mai cike da haushi, sai karfe bakwai da rabi kafin suka koma ɗakin Malam, su na shiga suka samu Samima zaune sai aikin zare ido take yi da sauri Nuren ya karaso ya ɗuka a gabanta ya ce.

"Ƙanwata!? Kin ganeni!?" ta gya ɗa masa kai ba tare da tayi masa magana ba, Malam Abba ya ce.

"Samima matso nan" a hankali ta matsa gaban Malam Abba, ya ce.

"Kina jin wani abu a jikinki?" nan ma ji ta yi ta kasa magana, dan kamar an rike mata baki haka ta ji, Nuren ya ce.

"Innalillahi!! Malam ba dai sun mai da min da Ƙanwa kurma bane?" 

"A'a Nuren, ba su mai da ta kurma ba, amma a cikinsu akwai kurame mutum uku, akwai baibaye mutum uku, akwai gurgu mutum ɗaya,akwai kuma kuturu mutum ɗaya, shaiɗanu sittin kuma dukkansu manyan shaiɗanun macizai ne, yanzu haka ma ba ita bace, kurman ne a jikinta shine ya hau,amma su wannan ba wani gagarumar matsala ba ce, sittin din nan su ne wasu ƙaramin yaƙin da zamu yi, yanzu ga wannan ruwan maganin ka bata da bismillah ta sha" Nuren yasa hannu biyu ya karba ya tallabo Samima ya bata ta ƙi karba, sai da ya matse mata baki ya ɗura mata kafin tasha, nan ta hau jera masa attishawa guɗa uku, kafin ta sake sulalewa a jikinsa, zafafan hawaye ne masu matuƙar tururin gaske Nuren ya hau yi, dan ƙaramin tausayi Samima ta ba shi ba, tun jiya take shan wahala, Allah ne kadai yasan abun da take ji, amma dai Allah ya isanta wa Asabe wallahi, yake faɗi a cikin ransa, yan mintina da basu gaza sha uku ba, a hankali ta fara buɗe idanunta wanda suka mata nauyi sosai ta ɗora su a fuskarsa, muryarta wanda da ka ji za ka san cewa ta wahala ta furta.

"YAYANA?" Nuren kasa magana ya yi illa gya ɗa mata kai kawai da yake yi, Malam Abba ya ce.

"Samima?" a hankali ta juyo ta ɗukar da kanta kasa ta amsa a sanyaye cikin girmamawa.

"Na'am Malam"

"Kina jin wani abu a jikinki"

"Malam, jikina ciwo yake min sosai, ko wace gaba ta jikina kamar an canzo min ba nawa bane"

Girgiza kai Malam Abba ya yi, ya ce.

"za ki iya tafiya?"

"A'a Malam" Malam Abba ya ɗaga waya ya kira ma'aikatan Matansa, suka zo ya basu umarnin su taimakawa Samima su kai ta cikin gida wajan Matansa da mahaifiyarta, suka amsa masa da to sannan suka kama Samima suka yi da ita gida, ko da suka shiga Umma ta rungume ƴarta suka sha kukansu, Matan Malam Abba su uku mata nagari wanda basu ruwansu, nan su ma suka din ga tayasu kukan, ruwan mai zafi aka hadawa Samima sai ka ce wacce za ayiwa wankan jego, Malam Abba ya aiko da garin magani yace ayi mata wankan da shi, Umma ce da kanta ta yiwa ɗiyarta wanka da ruwa mai zafi sosai ta gasa mata jiki, har ta ɗan ji dama-dama, abinci mai rai da lafiya aka shirya musu, amma na Samima daban kasancewar an saka mata magani a ciki, Malam Abba tare dasu Baba suka yi karin kumallo, inda Nuren sai aikawa Suhail harara yake yi, Suhail kuwa ya yi kamar bai san Nuren na yi ba, bayan sun gama karyawa ne Malam Abba ya ce, ya yi magana da Malam Habibu zasu taho yau shida Baba Malam, da wasu hazikan almajiransa wanda zasu yiwa Samima addua, fatan samun narasa suka yiwa juna, Malam Habibu su ma basu samu damar shigowa maiduguri ba, sai dare, a daren suka hau aiki akan Samima inda suka ci bakar wuya,ita kuma tasha baƙar azaba, da kyar da suɗin goshi aka samu ashirin suka bar gangar jikinta,kuma a hakan duka magana ɗaya suke maimaitawa akan cewa ko da sun fita jikin Samima, ba shi zai sa ta zama mutum ba har sai an tone sihirin da aka binne, inda Baba Malam ya ce a kamo Asabe a kawota maidugurin idan ta ji azaba dole ne ma ta tona sihirin, Malam Abba ya girgiza kai ya ce.

"Wannan yasha bambam da sauran sirihin da ake yiwa mutane, karku manta ɗayan biyun ne, wajan ganin kamo Asabe a tilasta mata haƙo wannan sihiri idan ba muyi a hankali ba zata ita kashe Samima" mu bi komai a sannu mu dage da addua, ai Allah ba azzalumin bawansa bane sai dai bawa ya zalunci kansa.

🍀🍀🍀🍀🍀🍀🍀🍀🍀🍀

Ihu Asabe ke yi a daki sakamakon marin da ake dauketa dasu, ga amo na tashi a cikin dakin, gargaɗi ake yi mata akan cewa karta sake ta mance alkawarin da ta dauko, idan kuma wannan sihirin ya karye kar ta manta da abun da zai sameta, sannan sun gaya mata kuma ta amince hako wannan sihirin tamkar ta tono ramin kabarinta ne da kanta mai macizai, tace ta amince, marin da suka din ga dauketa dasu kuma na azaban da aka gana musu ne suka rama, dan haka ta yi a hankali, dan Malamai sun hadu akan Samima su na yi mata adduoi da magani, sannan yaron nan Nuren a shirye yake dan ya bada rayuwarsa wajan ganin Samima ta samu lafiya, dan haka tasan abunyi dan ko da wani lokaci komai zai iya ce'be mata, da haka suka tafi suka bar Asabe da fuska a kumbure baki ya koma gefe dan kuwa ta maru, mari ba a hannun aljanu ya mutum zai koma? Nan Asabe ta kudirtawa ranta ko sama da ƙasa zai haɗe ba zata taba tono sihirin nan ba,kuma Nuren sai ya auri shalelenta Sha'awanatu, kuma abun da ya mata akan abokinsa zata rama, dan sai ta kashe *SUHAIL* shi ba zata yi kashesa ba, tin da Sha'awa tana son shi, amma sai ta dauki fansar canza mata kamannin da yasa aka yi, duk a zuciyarta Asabe ke shan wannan alwashi, ta miƙe da kyar idanunta basu gani sosai, ta ja ruwa ta haɗa ruwan zafi ta yi bandaki.

🍀🍀🍀🍀🍀🍀🍀🍀🍀🍀

_KUYI HAKURI JINA SHURU KWANA BIYU, LAMARIN BA A CEWA KOMAI SAI ADDUA ALLAH YASA MU DA CE._

KARKU MANTA LITTAFIN SAMIMA GAJERAR LABARI NE WANDA YA ZO MUKU DA SABON SALO, NI DAI BA ZAN FASA GODIYA DA GAISUWA GA MASOYANA BA, NA GODE.

*UMMU AHLAN TA KU CE*👍🏻

[02/09 à 08:47] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA TAKWAS. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

Yau kwanan Samima biyu bata san a wace duniya take ba,sakamakon maganin da ake mata na fidda mata shaiɗanu, su Malam Abba Albany sunyi matuƙar kokari dan kuwa a kwana biyu sun fatattaki shaiɗanu arba'in da takwas a jikin Samima inda ya rage saura shaiɗanu ashirin, sunyi-sunyi su sake fidda wasu amma abun ya gagara inda Baba Malam ya zo zai mata magani ya duba taurarinta ya ga haɗe suke da na *NURAIN* dan haka ya sanar dasu Malam Abba da Malam Habibu, akan cewa su ne mi Nuren ayi masa magana, indai ana so su kara samun nasara, tunda taurarin Samima haɗe yake da na Nuren din, ke nan zanen kaddararsu ɗaya ne, kuma Baba Malam ya yi bincike sosai idan har Nuren ya auri Samima wani duhu zai bayyana ga Asabe, hakan zai sa ta samu tawaya a wajan wani sihirinta, dan haka Malam Abba da Malam Habibu suka ce zasu ne mi Nuren da wannan maganar tun da ya ce zai iya bada rayuwarsa akan Samima ta samu lafiya.

Malam Abba da Malam Habibu ne suka kira Nuren, nan Malam Abba ke magana kamar haka.

"Nuren, a gaskiya zai fi kyau ace ka auri Samima, sabida wani magani da zamu yi mata, kuma mun ga zanen kaddararku daya ne da Samima, amma kai ya kake gani?" shuru Nuren ya yi yana nazari kafin ya ce.

"Malam, bazan ƙi Samima ba, kuma a shirye nake da na auri Samima, amma ina so na gayawa iyayena, dan su na da hakki a kaina a matsayina na ɗansu, duk da bana shakka a kansu zasu amince" Malam Habibu ya ce.

"Tabbas ni shaida ne akan iyayenka, Alhaji Ibrahim da Hajiya Amina mutanen kirki ne sosai, ka ne me su kuyi magana idan ya so sai mu ci gaba, In sha Allah nan da kwana biyu abubuwa zasu ɗan iya dai-daita da yardan Allah" Nuren ya jinjina kai ya fice, ko da ya fita Suhail ya fara gaya ma wa, inda Suhail ya ce.

"Allah yasa haka shi ne mafi alkhairi" dan kwana biyun nan Suhail baya jin dadi,kwata-kwata ya kasa gane kan shi, kallonsa da kyau Nuren ya yi, ya ce.

"Suhail? me yake damun ka ne kwana biyu duk ka canza, ko sabida ka ga Samima a macijiya ne?" girgiza kai Suhail ya yi ya ce.

"Nima ban san meke damuna ba, haka kawai wani lokaci zan din ga jin kaina na min ciwo sosai ga faɗuwar gaba"

"To me ya sa hakan?" cewar Nuren, maƙe kafaɗa Suhail ya yi alamun bai sani ba, kyalesa Nuren ya yi, dan ya danganta hakan da tsoro ne irin na Suhail, waje ya fita ya ba wa Suhail waje ganin baya son magana, Nuren na fita kuwa Suhail ya kwanta yana dafe kansa tare da karanto kalmar "Innalillahi wainna ilayhirrajiun!!" sakamakon sarawar da kansa ke masa, ko da Nuren ya kira iyayensa ya shaida musu, Abba ya fahimcesa inda ya nuna masa amincewarsa ya musu fatan alkhairi tare da yiwa Samima adduar Allah ya bata lafiya,amma nan Momy ta tubure ta ce sam bata ji ba, bata gani ba, ace ɗanta ɗaya tilo aurensa na fari ya fara da macijiya, ba shagali biki ba komai, ina sam ba zata amince ba, bata lamunta ba, Abba babu yadda bai yi da Momy ba, amma ganin da gaske take yi nan shi ma ya rufe na shi idon ya kalleta cikin b'acin rai ya fara magana.

"Amina kin ban mamaki wallahi!!! ashe son da kike yi wa Samima bai kai zuci ba?" cike da masifa Momy ta ce.

"Ya kai zuci mana, amma Ɗana ƙwalli ɗaya ne ya auri macijiya ne ban amince ba, duk son da nake mata kuwa, haka kawai ya aureta ta zo ta kashe min shi na shiga uku, nan fa a gabanka ya kiramu yana kuka akan cewa Shaiɗanun sun ce ko da sun fita a jikin Samima, Samima Macijiya ce? Ko ba haka ya ce ba? Tun da Gwaggonta ta tirje ita ba zata mai da ta mutum ba, ga shi bata rikiɗewa sai dare, sai su na kwance kawai ta sare min shi? Tabbb!!!! Sammm!!! Ban amince ba in dai ni ce Uwar Nuren wanda na sha wahalar ɗaukar cikinsa na sha wuyar nakuɗarsa ban amince ya auri Samima ba, na dai yarje masa ya taimaketa amma ban da aure" sosai Abba yake bin Momy da kallo kamar yau ne ya fara ganinta, ji yake yi kamar an canzo mi shi Aminarsa wannan ba ita ba ce, amma kasancewar tunowar da ya yi ɗan adama tara yake bai cika goma ba ya saka shi kama hannunta suka zauna cikin sanyin murya ya ce.

"Amina? Yanzu misali ace ke ce kike da Samima, ace Samima ƴarki ce, Nuren kuma Ɗan Zulaiha ne, ga dai ƴarki Samima tana fuskantar jarabawa, aka zo maganar taimako a matsayinki ta Uwa Mahaifiya idan Nuren ya ce ba zai auri ƴarki ba, domin ya taimaka mata ya za ki ji a ranki? Ki faɗa min gaskiya tsakaninki da Allah ya za ki ji? Karki manta duniya da faɗi, idan ka taimaki wani a yau, kai baka san wanda zai taimakeka a gobe ba, ina so ne ki fahimceni da kunnen basira, babu wanda yafi karfin jarabawa, ki amince ɗanki ya auri Samima dan ba ki san iya tarin ladar da Allah ya ba wa yaronki ba, ta sanadiyyar taimako, Allah yana son mutane masu taimako, karki kasance da son kanki da yawa Amina, son kai babbar illa ne ga rayuwar ɗan adam, sabida yana kai sa ga hallaka, fatan za ki yiwa maganata muhalli ki karbeta hannu biyu?" jikin Momy ne ya yi sanyi idanunta ya taru da hawaye ta tashi da sauri ta bar Abba,murmushi Abba ya yi dan yasan ya samo kanta.

🍀🍀🍀🍀🍀🍀🍀🍀🍀🍀

Magana kamar wasa, a kwana biyu aka ɗaura auren Samima da Nuren a garin maiduguri, Abba shi da Momy sun zo in da manyan malamai suka halacci ɗaurin auren, Samima bata so auren Yayan nata ba, sabida tsoron laluran da take ciki, bayan an gama ɗaura aure Suhail na tsaye a gefe take ya ga gilmawar wani baƙin duhu wanda ya yi sanadiyyar faduwarsa ƙasa, da sauri Nuren ya ɗagosa yana jijjigasa yana ambatar sunansa cikin tashin hankali, nan aka cika akan Suhail, Malam Abba ya sa hannu ya dafe kan Suhail, sannan ya dafa ƙirjinsa, da sauri Malam Abba ya furta "Innalillahi wa inna ilayhirrajiun!!" tuni zufa ta shiga wanke wa Nuren fuska ya ce.

"Malam, me ya faru? Me ya samu Abokina!!?" Malam Abba bai tsaya ba wa Nuren amsa ba, ya bada Umarnin a dauki Suhail a kai sa daki, da sauri almajiran Malam suka karbi Suhail da kyar daga hannun Nuren, aka wuce da shi, Nuren na biye da su a baya, nan aka rufu akan Suhail dan kuwa jinkiri kadan za ayi Asabe ta kashesa, adduoi Malamai ke yi wa Suhail ana bunka shi da hayaki, tun safe karfe sha ɗaya har yamma ana abu ɗaya da kyar da suɗin go shi aka samu Suhail ya farfado, kafin wannan lokacin idon Nuren sun kumbura suntum dan gani yake Suhail ya mutu, ga shi an hanasa shiga ya ga Suhail din, lokacin da aka gaya masa Suhail ya farka da gudu ya shiga ya rungumesa yana tambayar me ya sa me shi, nan ta ke Baba Malam ya ce.

" *ASABE CE*"

da sauri Nuren ya kalli Baba Malam.

"Asabe kuma? Asabe fa? To me Suhail ya mata?"

"Kashesa ta so yi" daga Nuren har Suhail idanu waje suka kalli Baba Malam, Malam Abba ya ce.

"Dama na faɗa muku zai yi wuya a gama ba tare da an rasa rai ba, sai dai wani ikon Allah"

"Innalillahi wainna ilayhirrajiun!!! wai me Asabe ta ke son zama ne?" cewar Nuren da jikinsa ke b'ari, Baba Malam ya ce.

"Ka dai ka bar mutum din da ya kauce hanya, idan har bawa zai din ga amfani da zugin zuciya tana ingiza shi zai iya zuwa ya aikata abun da ya fi haka, Allah ya rabamu da b'ata, ya tsaretar da imaninmu" aka amsa da ameen, Nuren ya ce.

"Ina ga zan koma Adamawa gobe dan na haɗa Asabe da hukuma" girgiza kai Malam Habibu ya yi, ya ce.

"Hakan ba mafita bane dan ba case din hukuma bane, mu kwantar da hankalinmu komai ya yi farko yana da karshe, wata rana sai labari, kuma Allah yana bai wa bayinsa masu aikata mugun nufi lokaci su ta aikata b'arna a ɗoran ƙasa, idan suka ƙi gyarawa Ubangiji shi yasan yadda yake yi da bayinsa, ko ba komai yanzu na tabbata Asabe ta samu tawaya, abu na farko auren Nuren da Samima dan mun rushe baƙin bangon sihirin da ta kulla a tsakanin Nuren da Samima, kuma shaiɗanun sun ra gu zuwa goma, a hankali komai zai dai-daita" jinjina kai suka yi, amma Nuren a zuciyarsa ya kudirta idan ya koma adamawa sai ya yi wa Asabe shegen duka.

@@@@@

A dayan bangaren kuwa Asabe ta ƙone a hannun sabida bata samu nasara akan Suhail ba, kuma ta sake tabbatar da duk sharrin Malaman da suke yi wa Samima magani ne,a madadin ta saduda sai kawai ta kwashe kayanta da ƴarta suka koma wani gida ba tare da kowa ya sani ba, baƙin ciki ya mata yawa ga aljanu sun fara addabarta, sabida sihirin da yake tsakanin Nuren da Samima ta rushe, tana so ta koma wajan bokanta a enugu dan ya sake yi mata aiki mai zafi wanda ya fi wannan, inda ta yanke shawarar ba zata sake yiwa Samima komai ba har na tsawon kwana biyu,ta inda zasu baro maiduguri su dawo adamawa ta samu ta kara aikata kudirinta akan Samima,kuma dole Nuren ya auri Sha'awa, dukiyar mahaifinsa ya dawo hannunta, da wannan shawarar da zuciyarta ta bata ta yi na'am da shi, kwana biyu ta ɗagawa Samima kafa, sosai kuma Samima ta ji sauki bata jin komai, da dare zata yi baccinta, ganin haka ya sa ta cewa ita fa ta ji sauki, Malam Abba ya yi murmushi ya girgiza kai shi kadai ya ga abun da ya gani, ya ce.

"Samima kina son komawa Adamawa ko?" ta yi dariya ta ce.

"Malam, na ga na ji sauki ne bana jin komai, duk da ance ba zan koma mutum ba, watakila a haka zan mutu, nayi tawakkali na karbi kaddarata, kuma muna da wani show ne yau saura kwana hudu shi ya sa"

Shuru Malam ya yi dan maganarta ta ba shi tausayi, da haka Malam ya kira Malam Nasiru mahaifin Samima akan cewa zasu iya komawa gida a gobe inda aka haɗasu da magani kala-kala, dama su Abba da Momy basu zauna ba,ranar da aka ɗaura aure da washe gari suka baro maiduguri, sosai shaƙuwa ta shiga tsakanin Umma da Matan Malam dan su na da matukar kirki, da washe gari asubanci su Nuren suka yi suka kama hanyar Adamawa, sai yamma lilis suka isa, a gajiye suke, Nuren ya ajiye su Umma a gida sannan ya ajiye Suhail, kafin shima ya wuce gida, ya watsa ruwa kafin ayi magriba ya zauna yana tattaunawa da Momy akan maganar ko Samima ta tare, ya ce.

"A'a baya so adamawa a san ya auri Samima sai ta ji sauki gaba ki ɗaya, sabida idan Asabe ta sani zata iya kashe Samima dan babu burbuɗin imani a zuciyarta" da haka suka ajiye magana.

🍀🍀🍀🍀🍀🍀🍀🍀🍀🍀

Yau kwanar su Samima biyu da dawowa adamawa, yau kuma ta kama lahadi, haka kawai ta ji tana sha'awar shiga skull shiryawa ta yi ta gayawa Umma zata je makaranta Umma ta ce.

"Samima har ga Allah bana son fitarki, dan ni kam idan kika fita baya zame min alkhairi" murmushi Samima ta yi ta ce.

"Wallahi nima Ummana bana son fita, yanzu Sauda ta kirani take gaya min wai na b'ata b'at ba'a jina, kuma anyi paper dayawa bani nan kuma sun yi min,shi ne nake so na je karba na duba tun da sun ce su na cikin makaranta, gwanda naje mu haɗu mu gaisa" Umma ba sabida ta so ba ta ce.

"To shi kenan, ina fatan dai kin gayawa Nuren ya amince? Dan kinsan da da yanzu ba ɗaya bane ko?" dan yatsine fuska a boye Samima ta yi ta kwakulo yaƙe dan ba za ace dariya ko murmushi ta yi ba ta ce.

"Haba Umma, ke ma kinsan bana komai sai da izinin Yayana, ai na gaya masa kuma ya amince" cike da gamsuwa Umma ta ce "to a dawo lafiya" dan Samima yawancin shawararta da Nuren take yi, amma yau a zahirin gaskiya bata gaya masa ba dan bai san cewa zata fita ba, fita ta yi gabanta na faduwa tana adduar Allah yasa kar yazo Umma ta ce masa bata nan kuma ta gaya mata akan cewa ta tambayesa, neman napep ta tsayayi, kamar daga sama ta hango Sha'awanatu tana tafiya bazar-bazar tana lafcen ƙura, ko daga ina take oho sai kace almajira, girgiza kai Samima ta yi ta hau ɗaga mata hannu, Sha'awa tana ganin Samima ta ja dogon tsaki, kamar zata yi kuka, dan ganin Samima sai kace balarabiya, ita ma Samiman abun hawa ta hau ta kama gabanta ganin kallon wulakancin da Sha'awa ta yi mata, kar taje ta yi mata magana ta kama yi mata tijara a unguwa ga shi dama nemanta ake yi ruwa ajallo, dan har kwanar gobe kisan da ta yi akwai masu nemanta su kasheta,duk da ita ko kyankyaso bata taba kashewa ba, tana isa skull dinsu, a department dinsu ta iske su Sauda Sarah Sally Hidayan Abbas cikin murna ta miƙa musu hannu suka gaisa, ita ma ta zauna, Sally ta ce.

"Kee Samima kin ga yadda kika yi wani kyau kuwa?"

"Hummm Sally bana son tsokana, ni da nake ta fama da jinya bani da lafiya" Sarah ta ce.

"Gaskiya kam kin rame sosai Samima"

Hidaya ta ce.

"Amma me ke damunki haka Samima? Wannan ciwo ya ƙi barinki ki huta, wani irin ciwo ne?" Samima ta ce.

"Cutar sirri ne" suka kwashe da dariya su na tafawa hira suka ɗan taba na dan wani lokaci kafin suka fara yi mata bayanin abun da aka yi bata nan, suka bata papers dinta, godiya ta yi musu sosai, tare da adduar Allah ya barsu tare, ai da haka ake yi da an samu ci gaba a cikin al'umma, kowa ya cire bakin ciki da hassada da kyashi, bayan sun gama hirar karatu suka bige da hiran show din da za ayi gobe monday, Samima ta nuna musu kaɗan daga cikin kayan da ta ɗinka a wayarta, sauran ta ce sai an hadu gobe da dare zata nuna musu idan an zo fitowa, Sauda ta ce.

"Yauwa, ni kam Samima kinji labarin mutuwarsu *AMIR* kuwa?"

Dumm!!!dumm!!!dumm!! Gaban Samima ya buga ta miƙe a zabure ta gwalalo ido waje kamar zasu faɗi kasa, a firgice ta ce.

"Me kika ce!!?"

"Wallahi muma labarin mutuwarsu muka iske ranan a skull, shi da abokansa su biyar, aka gawarsu a wani gidan Amir din wanda Babansa ya gina masa, amma ba a zarge kowa ba, sabida saran macizai aka gani a jikinsu, ko da aka yi bincike ma shine ya kashesu,amma abun da ya ɗaurewa mutane kai shine baƙin macijin Babba ne, idan aka ce za ayi bincike ta ina ma za a fara, ga shi ance gubar maciji mai karfi ne, ke kin ga su Amir wallahi kamar ba su ba, sai kinyi kuka, kai Allah yasa mu cika da imani" sauran suka amsa da ameen, ban da Samima da ta shiga tashin hankali, take hawaye suka ce bismillah ga su nan ta fe, kamata su Sauda suka yi suka zaunar da ita, kuka sosai Samima ke yi kamar ranta zai fita, Sally ta ce.

"Haba Samima wannan kukan fa? Sai kace ance miki mahaifinki ne ya rasu? Dan Allah ki bari ya isa haka,kin ga har kin fara tara mana jama'a, wannan kuka da kike yi ina ga ko iyayensa ma basu yi ba" Samima a ranta ta ce.

"Ina kuwa zasu yi irin kukana, ni ina kuka ne sabida nice sanadi" wani zuciyar ya ce mata a'a Samima ba ke bace Sanadi alhaki yana kan Gwaggo Asabe, Sarah ta ce.

"Sally dole ne Samima ta yi kuka, sabida ranar sunyi rigima da Amir din har yake cewa....." Sauda ta dakatar da Sarah da cewa.

"Plss Sarah ya isa haka, yanzu fa sun mutu bai kamata a fadi maganar marar kyau ba, ance falyakul khair au yeslimunt" murguda baki Sarah ta yi ta ce.

"Shi yasa a ko da yaushe ake yi mana wa'azi muji tsoron Allah mu zauna da kowa lafiya ta yadda idan muka mutu mutane ne shaidarmu, kuma dole ne wata rana ayi maganarka in ma ka aikata alkhairi ko sharri, ALLAH ya bamu ikon aikata alkhairi dan mu samu shaidar mutane wata rana idan an zo maganarmu" suka amsa da ameen, suka ci gaba da lallashin Samima, da kyar ta yi shuru, har yamma su na skull din tana bitan karatun da bata yi ba, su Sauda tana taimaka mata, da misali biyar da rabi Umma ta fito tsakar gida tana mita Samima bata dawo ba, ko dai Nuren ya biya ɗaukota ne? Umma bata gama rufe baki ba sai ga Nuren na Sallama, amsawa Umma ta yi ta ce.

"Au ashe ina mita ku na tafe, ina Samiman?" 

"Samima kuma Umma?" sake baki Umma ta yi tana kallon Nuren ta ce.

"Eh mana, dazu da safe Samima ta fita akan cewa zata je skull har nake tambayarta ta gaya mata ta ce min eh, kuma ga shi yanzu har biyar da rabi na dauka kuna tare ne ai" ɗan murmushi Nuren ya yi ya dafe kansa ya ce.

"Au Umma kin ganni da mantuwa ko? Ashe fa haka muka yi da ita"

"To tana ina? Ko tana wajan Momy ne?" 

"A'a Umma ai na ma manta ne ban ɗaukota ba, dazu naje ɗaukota tace min basu gama ba, ina zuwa" ya fice da sauri yana murmushi amma a zahirin gaskiya ransa a b'ace yake dan Samima bata taba b'ata masa rai irin ta yau ba, da zata yi masa karya, ta fice bai sani ba tun safe shine har yamma dan ta raina masa wayo" motarsa ya shiga ya bata wuta bai tsaya ko ina ba sai universityn'su, yana parkinga kuwa su na fitowa ita da su Sauda, bata ma gan shi ba, Sarah ta ce.

"Amma dai Samima Allah ya shiryeki bamu sanki da karya ba" ido Samima ta ɗago wanda suka kumbura sabida kukan ra tasha ta ce.

"Karyan me kuma nayi Sarah?"

"Kince Yayanki ba zai zo daukarki ba, to yanzu wanene wancan?" Samima ta sake ɗaga ido inda Sarah ke mata nuni ta hangosa tsaye a jikin mota ya naɗe hannuwansa ya kirji yana kallonta, gabanta ne ya yi mummunar faduwa jiki na b'ari ta ce.

"Na shiga uku, Hidaya,Sally, Sauda, Sarah,sai mun hadu idan Allah ya kaimu goben a wajan show" ta wuce har da ɗan gudunta, tana zuwa bakinta ya hau b'ari ta rasa me zata ce masa, "shiga mota" ya faɗa ransa b'ace, da sauri ta shige ya tada motar ya bar wajan, sun danyi tafiya su na gaf da isowa gida ya tsaida motar a gefen titi ya parka ta ya kalleta ya ce.

"Samima? Yaushe kika fara karya ban sani ba uhum?" shuru ta yi tana aikin zare ido, ta kasa ba shi amsa.

"Kin taba ganin fushina?" ta girgiza kai jikinta na kyarma.

"To karki so ki gani, dan idan nayi fushi ba za ki iya tsayuwa a gabana ba, akan me za ki fita har ki yi wa Umma karya akan cewa wai kin faɗa min na amince? Lokacin da ba ki da aurena ma kafin ki fita kina gaya min, shine yanzu dan kin ga da aurena akan ki za ki sa kafa ki fice baki sanar dani ba ko? To wallahi karki sake na sake gani, kina wuce wa idon maza na kan ki ko? Kin fita kin kama kin yafe gyale a matsayinki ta matar aure, a madadin kisa hijabi da liƙabi, tun da kin raine ni ko?" mita sosai Nuren ke yi yayinda idanunsa suka ƙanƙance, hakuri Samima ta shiga jera masa, ko kulata bai yi ba ya ajiyeta a kofar gida ko shiga bai yi ba ya kama gabansa tare da danna mata kashedi ko gate karta sake ta fito, tun da har yanzu ba wai ta warke gaba ɗaya bane ya wuce rai b'ace, ko da Nuren ya ajiye Samima a gida akan idon Sha'awanatu uwar gantali, tana gani ta wuce gida ta sanarwa da Uwarta, Asabe ta ce yau sai ta yiwa Samima abun da zai sa ta kashe kanta da kanta, Nuren kuma zata dage da aiki akansa shi da kansa zai kawo kansa.

🍀🍀🍀🍀🍀🍀🍀🍀🍀🍀

Read More

Share this

WhatsApp

SAMIMI (MACIJIYA CE) Page 11 to 20

Tsakar tare ta miƙe ta hura wuta ya kama sosai ya yi jan garwashi, wani garin magani ta ɗauko ta bula akan wannan gaushi, nan wani haske ya bayyana a cikin dakin, wasu maganganu Asabe ta hau fadi gami da ambatar sunan Samima.

Samima dake bacci ta ji kamar ana mitsininta, a firgice ta farka ta hau juyi bakinta na fitar da kumfa, ihu take yi sabida azabar da take ji, kamar ana gasa mata ƙashi da fatar jikinta, ihu take yi tana murƙususu, zuwa wani lokaci ta galabaita ta fara ficewa daga hayyacinta, wani razananniyar kara ta kara sakewa wanda ya yi sanadiyyar farkawar iyayenta daga bacci suka tashi suka fito a razane, bude kofar da zasu yi suka ga wani zureriyar wutsiyar maciji tun daga bakin kofar, Ihu Umma ta saka ganin Samima tun daga kugunta abun da ya yi kasa ba mutum bace, cikinta abun da ya yi sama su ne mutum, Baba salati ya fara ya ma rasa me zai yi, sunan Samima ya ambata wacce bata san a wace duniyar take ba, ga b'arin da jikinsu ke yi, sun kasa karasowa inda take, a dayan bangaren kuwa Asabe tana kan zuba surkullenta tana ganawa Samima azaba, wani ihu Samima ta sake sakara nan take fatar hannunta ya fara sabulewa, tashin hankalin dasu Umma suka shiga abun ba a magana, nan take Samima ta yi wani juyi da gurnani inda ta koma wata katotuwar macijiya ta tumbatsa ta yi kan iyayenta, rufe ido Umma ta yi domin har ta sadakar kawai, da sauri Baba ya ja Umma sannan ya datse Samima a daki, parlour suka fito da Umma rungume a jikinsa, ɗagota ya yi ya ga ashe ma ta suma ne, ya rasa yadda zai yi, ga shi ba abun ya fita neman taimako ba, ga yarsa a daki ta koma macijiya ga matarsa ta suma, kuka ya saka mai ban tausayi ya fuskanci gabas ya kifa goshinsa a ƙasa yana ci gaba da kuka.

🍀🍀🍀🍀🍀🍀🍀🍀🍀🍀

A lallaba. 

Sai Allah ya kaimu. 🏃🏻‍♀️🏃🏻‍♀️

UMMU AHLAN TAKU CE👍🏻

[02/09 à 08:45] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA HUƊU. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_YA ALLAH KA BARMU DA MASOYAN'MU 🥰🥰 WALLAHI MASOYA DADI GARESU, INA ALFAHA DAKU MASOYANA, KU CI GABA DA SHARHI DUK INA BIYE DAKU, KARKU GA BANA REPLY ABUBUWA NE SUKA MIN YAWA, AMMA KU SANI SHARHI DA SAKONNIN KU SUNE KARFIN GUIWATA HAR NAKE SAMBAƊO MUKU LITTAFIN SAMIMA, AHA MASOYANA INA GODIYA FA IRIN SOSAI DIN NAN, ALLAH YA BAR KAUNA SON SO DOMIN ALLAH_* 🥰🥰

🍀🍀🍀🍀🍀🍀🍀🍀🍀🍀

Addua Baba ke yi yana kuka sosai har izuwa karfen ukun dare, yana jin buge-bugen Samima a cikin daki, amma ba abun ya budeta ba, har wajan gefen asuba kafin ya miƙe da kyar ya ɗauro alwala ya tada Sallah yana gayawa Ubangijinsa da ya kawowa ɗiyarsa dauki, sanyin asuba ne ya farfaɗo da Umma, a firgice ta farka ta cakumi Baba tana cewa "Baban Samima, ina Samima? Ina ƴata?" hanyar daki ya nuna mata, ta tashi da sauri, shima cikin hanzari ya riƙota yana girgiza mata kai alamun karta je, sannan ya umarceta da tayi alwala, jiki ba kwari ya do shi hanyar toilet, bayan tayi suka tada sallah, nafila suke yi babu tsagaitawa, har aka yi asuba, sannan Baba ya ja su suka yi,dan ya ma kasa fita zuwa masallaci, nan suka zauna su na lazimi har garin Allah ya waye, misali karfe bakwai da rabi Baba ya ji wayarsa na ruri a daki, ya kalli Umma ya ce "Zulaiha ɗauko min wayata" tashi Umma ta yi jikinta duk ba kwari, dan hankalinta yana kan Samima, dan bata san a wani hali take ciki ba, ɗauko wayar ta yi ta duba ta ga Nuren ne ke kira, kawo masa ta yi ta ce "Nuren ne" karba Baba ya yi, ya ɗaga wayar Nuren ya masa sallama gami da gaishesa, amsawa Baba ya yi murya a raunane daga ji kasan muryar wanda yasha kuka har ya godewa Ubangijinsa ne, Nuren ya ce "Baba, wallahi jiya ban iya bacci ba, ban san me yasa ba, ina Samima?" Nuren ya tambaya, nan hawaye ya shiga wankewa Baba fuska cikin muryar kuka Baba ya ce " jiya mun ga tashin hankali Nuren, jiya naga masifa ido da ido, da badin karfin imani ba, inaji da na zauce Nuren" cikin kuka Baba ya bawa Nuren labari, sannan ya kara da cewa "ina gani yarinyata ta rikiɗe a gabana ta koma Macijiya!!" a firgice Nuren ya miƙe ya zari car keys dinsa yana cewa "Innalillahi wainna ilayhirrajiun!! Baba yanzu ina Samiman? Ina dai bata fita ba ko?" 

"Nuren nima ban sani ba, dan bamu kara bude dakin ba"

"To Baba karku buɗe gani nan zuwa" ya katse wayar sannan ya fito ya shiga motarsa, tun kafin ya data motar ya fara dannawa mai gadi horn ya bude masa gate, yana daukar tiri ya dannawa Suhail kira, sai da ya yiwa Suhail kira uku ana hudu ya dauka cikin magagin bacci Suhail ya ce "Nuren lafiya kuwa?"

 Nuren ya ce "ka fito kofar gida zan daukeka yanzun nan, gani nan kusa da gidanku" bai jira amsar Suhail ba ya katse wayar, da kyar Suhail ya miƙe ya zari jallabiyarsa ya saka ya fito, fitowarsa ya yi dai-dai da tsayawar motar Nuren " shiga muje" Nuren ya fada yana budewa Suhail mota.

"To ina zamu je kuma haka da sassafen nan Nuren?" 

"Gidan su Samima"

"Yin me? ba Malam ya ce muje da rana bane?, ko dai ya canza ne?" 

A wannan karon Nuren bai samu damar ba wa Suhail amsa ba, ban da ɗibar titi da yake yi, cikin mintuna sha biyar sai gasu a kofar gidansu Samima, su na isa a hargitse Nuren ya fito daga mota ya b'urma gidan, Suhail na biye da shi a baya, su na shiga parlour suka samu Umma da Baba zaune ko wannensu da hannu a kumatu sun rafka tagumi, Nuren ya ce "tana dakin har yanzu?" hannu Baba ya ɗaga a sanyaye alamun basu sani ba, Nuren ya ce "ina zuwa bari na duba" a razane Suhail ya ce "wai menene?" Umma ta ce "Samima ce jiya ta koma macijiya" wani wawan tsalle Suhail ya yi zai zura da gudu, cikin zafin nama Nuren ya cafkosa ya mai dasa kujerar da ya tashi yana galla masa harara, nan take Suhail ya fara goge gumi, Nuren ya wuce a hankali yana addua yana tura kofar dakin Samima gabansa na faduwa har ya gama bude dakin, can kasa ya sameta zaune kusa da toilet ta haɗa kai da guiwa tana ta faman rusan kuka, da sauri Nuren ya karasa gareta yana cewa "Subhanallahi!! Ƙanwata!! Samima!!? Me ya saka ki kuka? Wa ya tabamin ke?" ya durkusa a gabanta ba tare da yana jin tsoronta ba, ga jikinta duk a yakushe kamar an yaguneta, rinannun idanuwanta ta ɗago ta kallesa ta ce "YAYANA, da gaske ya tabbata cewa ni ba mutum ba ce? Ni macijiya ce?" Nuren bai san lokacin da yasa hannu ya jawo Samima jikinsa ba, wasu zafafan hawaye suka hau wanke masa fuska, sosai Samima ke kuka a jikin Nuren, dan kuwa a jiya ta ga lokacin da kafafunta suka miƙe sambal, suka koma zureriyar wutsiyar maciji, a parlour jin shuru yasa Baba cewa " anya lafiya kuwa? naji Nuren shuru? Kai bari dai mu duba kar wani abu ya samu dan mutane" Baba ya kalli Suhail ya ce " ka zauna bari na duba na ga ko lafiya" jinjina kai kawai Suhail ya yi, yana goge zufar da yake wanke masa fuska, Umma ta miƙe ta ce "muje tare" Baba ya ce " a'a Zulaiha ki jirani" a raunane ta ce "ni fa Uwa ce, ba zan iya jurewa ba" jinjina kai Baba ya yi, sannan ya yi gaba Umma ta bi shi a baya, har sun kai jikin kofa zasu bude sai ga su, su kuma suna shirin fitowa, Umma na ganin Samima ta yi saurin rungumeta, suka saki kuka mai ban tausayi da tsuma zuciya a tare, sosai Umma da Samima suke kuka, babu wanda ya hanasu sai da suka yi mai isarsu sannan suka yi shuru, Nuren ya ce " "BABA, UMMA, ina ga kawai yanzu ku shirya bari muje muma mu shirya sai mu dawo mu wuce gidan Malamin Abbana" suka amsa masa da to, sannan ya kalli Suhail ya ce "muje ko?" da sauri Suhail ya miƙe suka fice, sai da ya fara ajiye Suhail a gida sannan ya wuce gida, bangaren iyayensa ya fara shiga ya same su dukkansu zaune a dinning table su na breakfast, har kasa ya duƙa ya gaishesu suka amsa masa cike da kulawa, Momy ta ce "Nuren, ina kaje ne da sassafe?" zama ya yi kusa da kujerar da take zaune fuskarsa dauke da damuwa ya ce "gidansu Samima" nan ya labarta mata halin da ake ciki, Momy ta ce "Wayyo Allah ni Amina,yanzu ya ake ciki?" numfasawa Nuren ya yi ya ce "na zo ne nayi wanka muje wajan Malam" Abba ya ce "jiya ya gaya min ai akan cewa kun je kun same shi" Nuren ya ce 

"Eh Abba, ya ce muje da rana, yanzu kuma ga shi karfe sha ɗaya saura, nasan kafin mu gama shiryawa na sake zuwa na dauki Suhail sannan muje na daukesu Baba, nasan sha biyu zata yi" Abba ya jinjina kai "eh hakane kuma, to Allah ya bata lafiya, ya za a yi da Gwaggon nata to" 

"Abba ban sani ba tukunna, ina so ne muje muji me Malam zai ce kafin nan" Abba ya jinjina kai alamun gamsuwa, Momy ta ce "Nuren ka ci abinci tukunna ko?" 

" to Momy" Nuren ya fada amma har cikin ransa baya jin cin abinci, Momy ta zuba masa ta tura masa gabansa ci ya fara yi da sauri, tuttura abincin ya din ga yi dan ya samu ya tashi, yana gama ci ya tashi ya wuce part dinsa ya shirya, kafin ya gama shiri su gama magana da iyayensa ma sha biyun ta yi, dan haka a hanzarce ya fito ya shiga mota ya tada ta mai gadi ya bude masa gate ya fice yabar gidan, yana daukar titi ya kirawo Suhail "Hlo Suhail, ka shirya ne?" shuru Suhail ya dan yi kafin ya ce "anya zan iya zuwa kuwa Nuren? Ji nake kamar bani da lafiya fa" tsaki Nuren yaja dan ya gama fahimtar Suhail a tsorace yake ya ri ga da ya gama tsorata ne, "ka ga Malam, idan ma baka shirya ba, to ka shirya dan gani nan zuwa" sannan ya katse wayar, jiki ba kwari Suhail ya tashi ya shirya, sai da Nuren ya shigo ya gaisa da iyayen Suhail kafin suka fito suka yi gidansu Samima, sun same su sun ma sun shirya tuni dan haka basu zauna ba, nan suka shige mota suka dauki hanyar gidan Malam Habibu, ko da suka isa sun kai kusan awa daya kafin su samu ganinsa, inda aka musu iso har izuwa babbar dakin da yake ganawa da mutane masu laluri, su na shiga Malam suka yi musabaha da Baba, sannan sukayi da Nuren da Suhail, Umma ta gaishe da Malam, Samima ce karshen gaishesa, su na hada ido ta yi saurin kauda kanta gefe, gaban Malam Habibu ne ya faɗi ya sake kallon Samima, sannan ya ce Samima da Mamanta su fita waje yana so zasu yi magana ne da Baba da Nuren da Suhail, jiki a sanyaye Umma ta kama Samima suka fita waje, Malam Habibu ya ce "Innalillahi wainna ilayhirrajiun!!" da sauri Nuren da Baba suka ce "Malam lafiya kuwa?" 

"A gaskiya ba lafiya ba,idan ma za ace lafiya to ba za ace kalau ba, kallo ɗaya nayi wa yarinyar nan naga tana cikin halin ha'ula'i, kuma gaskiya bazan boye muku ba, tana bukatar taimakon gaggawa, ni a gaskiya bazan iya tunkarar miyagu kuma baƙaken aljanun da aka tura mata ba,baƙin sihiri mai guguwa ne tattare da ita, sai an haɗa da manyar Malamai, hakika kafin a karya sihirin dake jikinta za a sha matuƙar wahala sosai, kuma dole wacce ta yi mata sihirin ita ce zata iya warware shi, dan kuwa dole ita zata faɗi inda ta binne wani garin maganin da aka yi siddabarun mai tsaurin gaske, ni a ganina zan haɗaku da babban malaminmu yana maiduguri ne In sha Allah shi zai san yadda za ayi" wani zufa ne ke ketowa su Baba, sannan Malam Habibu ya daga wayarsa ya kira Babban Malaminsu bai boye masa komai ba ya masa bayani, nan *MALAM ABBA ALBANY* ya bawa su Baba kwanaki akan cewa su zo nan da kwana uku yanzu baya gari, suka amsa da to sannan suka yi masa godiya, wani magani Malam Habibu ya bawa Nuren ya ce "ga wannan a din ga mata hayaki da shi, kuma a gaskiya Samima tana da ɗan sakaci da adduoi duk da tana da ibada, amma ibada ba zai yu ba sai da addua, ya kamata ku sakata a gaba ta dage " suka karba sannan suka masa godiya har sun miƙe zasu fita Malam Habibu ya ce "amm Alhaji Nasiru, ka bani lambar Baba Malam wanda ku ka kai masa Samima daga farko, dan ina so mu haɗu da shi akwai wata yarinya da mayu suka sakata a gaba, kwanan nan ma suka kashe Yayarta shine yanzu suka sake komawa kan Ƙanwar su na so su lasheta" salati Baba ya saka cike da alhini ya ce "kaii jama'a, inda ranka da sauran kallo, idan bawa bai ji tsoron Allah ba hakika yana tare da babban aiki ko nace asara a rayuwarsa, duniya tazo karshe" Malam Habibu ya ce "ai wani abun idan ka jisu ma sai ka mutu da al'ajabi, mu Malamai mu ne muke ganin zahiri, amma duk abun da za ace maka ya faru to wallahi karka karyata dan lalacewar mutanen duniya ya wuce duk tunanin mai tunani, kuma yana daga cikin alamomin tashin duniya, Allah dai yasa mu gama lafiya" suka amsa da Ameen Baba ya bawa Malam Habiba lambar Baba Malam sannan suka yi sallama suka tafi, gida suka koma, sai yamma kafin su Nuren suka fara yiwa su Umma sallama akan zasu wuce, Samima ta ce "Yayana gobe ina son zuwa skull fa, ina da pepar ga shi ina son zuwa shagona" ta fada kamar zata yi kuka, sosai tausayinta ya kamasa, baya so tana fita balle kuma yanzu da jama'a aka gano ita ba mutum ba ce, cikin sanyin murya ya ce.

"To ƴar Ƙanwata, idan kin shirya ki kira Yayanki ya zo ya kai ki, sannan ya jiraki ki gama ku dawo tare"

"To ba zaka je office bane?"

"Zan je mana, ko da dare ma zan iya zuwa, karki damu kinji?" ta gya ɗa masa kai ta kalli Suhail wanda yau kwata-kwata bai kulata ba, ta ce "Ya Suhail wai yau meke damunka ne? Na ga ka ƙi kulani kuma sai guduna kake yi, ko dai kana jin tsorona ne sabida ni macijiya ce?" daga yadda ta yi maganar mai cike da karya zuciyar mai sauraronta, da sauri Suhail ya ce "no Samima karki sake wannan tunanin kinji ko? Ai kema ba yin kanki bane,kuma ni har yanzu ban yarda ke macijiya ba ce tinda ban taba gani ba, dan haka karki saka a ranki, kinji beauty?" da shike haka yake kiranta musamman ma idan su na shago, dan murmushi kawai ta yi mai dauke da wasu fassarori, jiki a sanyaye Suhail ya fice, Nuren ya bi bayansa su Umma suna yi musu godiya, bayan sun shiga mota Nuren ya tada suka fara tafiya ya kallesa ya ce "yanzu fisabilillahi Suhail baka ji kunya ba?"

[02/09 à 08:45] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA BIYAR. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

"Ni kuwa naji kunya, amma wallahi Nuren ba zan boye maka ba, da na kalli Samima sai naji jikina na rawa" 

"Daure wa zaka yi, ka zama Namiji, haba ni wallahi har kunya kake bani"

Dan murmushi Suhail ya yi ya ce "to ka ga laifina ne?"

"Eh to ba zan iya yanke hukunci ba" hira suka ci gaba da yi har Nuren ya ajiye Suhail a gida suka yi sallama shi ma ya wuce gida, da washe gari Nuren ya shirya ya zo gidansu Samima dan ya kai ta skull, sun fito kenan zasu shiga mota sai akan idon Sha'awa, ganin yadda Samima da Nuren suke tafiya su na murmushi tamƙar masoya, wani ƙululun baƙin ciki da kishi ne ya tirniƙe mata zuciya, da mugun gudu ta juya tana kuka ta yi hanyar gidansu, Nuren ma kam basu san da ita ba, mota suka shiga ya dauki hanyar skull din su Samima, su na tafiya su na hira, yawancin hirar tasu kuma akan Show din da za ayi ne, bayan ya ajiyeta ya ce " Ƙanwata ina jiranki a mota, shiga idan kin gama lecture din naki sai ki fito mu tafi gida ko?" da kyakkyawar murmushin nan akan fuskarta ta gya ɗa masa kai ta juya zata tafi ya ce "amm plss ban da shiga hidimar mutane, idan suka kulaki plss karki kulasu kinji?" sai da ta sunkuyar da kanta kasa kafin ta amsa a sanyaye ta dauki hanyar department dinsu,tana zuwa ma ta samu lecturer din bai shigo ba, kujerarta can baya ta samu ta zauna ta yi shuru, yawancin wa inda suke ajin su na kallonta ya yinda wasu yan mata biyu suka miƙo mata hannu su na gaisawa "Samima Nasiru kwana biyu? Ya gida?" cikin fara'a ta amsa da.

"Wallahi lafiya lau Alhamdulillah Sauda, yasu Sally?" 

"Tana lafiya, yau sati daya kenan da haduwar'mu da ita, take gaya min akan cewa wannan Babban Show din da za ayi na fashion dress designer har dake an zabe ki ta uku ko?" Dariya Samima ta yi ta ce.

"Eh wallahi Sauda, ni ce ta uku"

"Kai Ma sha Allah abu ya yi kyau, ai har na gayawa Mom dina zamu zo, dan mu gani, idan muka ga wa inda muke so zamu siya, kuma Brother yana ƙasar USA zan tura masa ya miki talle na tabbata zasu so fashion dress din ki" sosai Samima ta ji dadi ta din ga yiwa su Sauda godiya, da haka Teacher ya shigo ya ɗibi kusan mintuna 30 yana musu darasi inda suka yi paper biyu kafin ya fice wani ma ya sake shigowa suka yi kusan awa ɗaya, tana yin lecture din ne kawai amma hankalinta yana kan Nuren dake zaune a mota yana jiranta, bayan wannan lacturer din ya fita shi ne su ma suka dan fito hutun rabin sa'a inda suka fito a tare su na hira dasu Sauda, ba karamin dadi ta ji ba, dan yau kusan wata daya kenan rabonta da ta shiga cikin mata yan uwanta ko cikin mutane ma su yi hira, sai dai ta din ga tsintar kanta a jeji da wasu halittu mugaye masu azabtar da ita, idan sun gama su mai do da ita gida, hanyar parking space suka ɗauka Sauda ta ce.

"Yo Samima ina zamu je ne na ga kin yi damu hanyar parking space? Na dauka zamu je mu ɗan yi bitar karatun Mr Josep ne fa,kin san baya da mutunci ko kadan" Sarah ta ce.

"Hummm, ni wallahi duk ran da muke da papern'sa gabana ya din ga faduwa kenan"

"Ni kuwa kun ga ba ruwana da shi, duk wannan masifa da rashin arziƙin da yake yiwa dalibai bai taba min ba" cewar Samima, Sarah ta ce.

"Ai da shi ke ,ke din kyakkyawace,kinsan Allah wasu Malaman nan yan iska ne" Sauda ta ce.

"Hakane maganarki wallahi" Samima ta ce.

"Allah dai ya ganar da masu ganewa, marasa ganewa kuma Allah shi kadai yasan yadda zaiyi dasu, ni dai yanzu wajan Yayana zanje tare muka zo da shi, zanje nace masa ya dawo ya daukeni da yamma ne, shi ya wuce office, tun da nasan yanzu kam sai mun kai yamma, ita wacce ta gaya min muna da paper ban ma ganta ba" 

"Wacece ta gaya maki?" cewar Sarah.

"Hidaya Abbas" 

"Kaii kice min mss love" suka yi dariya, dai-dai inda suka hango motar Nuren.

"Kaii amma dai Yayankin nan fa yana ji dake" cewar Sarah.

"To muje mu ma mu gaishesa ko?" cewar Sauda tana kallon Samima"

"Okay ai ga shi muna kan zuwa"

Nuren na kwance a cikin mota tun da Samima ta shiga class yake addua Allah yasa kar wani ya tabata dan kar yan makaranta su fara ganewa har ta samu lafiya, ya yi zurfi cikin tunani ya ji ana kwankwasa masa glass din mota a hankali ya buɗe kyawawan idanuwansa ya ɗaura akan kyakkyawar fuskarta tana masa murmushi, ƙasa ya yi da glass din ta dan turo baki ta ce.

"Sorry Yayana" dan murmushi shi ma ya yi ya ce.

"Sorry 4 what?"

"4 keep u waiting..." 

"Haba wa ai girmanki ne shaleleta" ta saki dariya Sauda ta ce.

"Kai anya kuwa? Ko dai-ko dai?" hararar wasa Samima ta yiwa Sauda ta ce.

"Malama bana son gulma, kodai-kodai me?" 

"Ahh mu dai ba zamu ce komai ba" su na dariya suka gaishesa ya amsa cikin sakin fuska ta ce.

"Yayana, kawai ka tafi da yamma ka dawo ka daukeni, idan kuma hakan bata yu ba, zan hau abun hawa na koma gida" shuru na dan wani lokaci Nuren ya yi, yana nazari kafin ya ce.

"Zan dai dawo na dauke ki din, if you done let me know ok?" ta gya ɗa masa kai ya kalli su Sauda ya ce.

"Plss ga amanata na baku, dan Allah am serious karku ga kamar da wasa nake yi, wallahi da gaske nake yi, kar wani ya kulata,itama karku bari ta kula wani, dan Allah zaku iya min wannan taimakon?" wuff Sauda ta ce.

"Ai karka damu, an gama In sha Allah ba zata kula ba, ka kwantar da hankalin ka ta hanyar kai kanka office lafiya zamu kula da ita" dan murmushi ya yi ya kalleta ya ce.

"Pls ina kara jaddada maki fa ban da kula kowa uhum?"

"To Yayana, In sha Allah a dawo lafiya" motarsa ya kunna ya ɗaga musu hannu ya yi hanyar fita gate, sai da ya fita kafin su ma suka kama hanyar zuwa inda ya kamace su, a hanya Sauda ke cewa.

"Samima, tsakaninki da Allah ciki ɗaya ku ka fito da Nuren?" da sauri Samima ta kalli Sauda.

"Me yasa kika yi min wannan tambayar Sauda?"

"Sabida akwai abun da na lura ne, dan Allah nima ki faɗa min, Yayanki ne Uwa ɗaya Uba ɗaya,ko kuwa cousin brothern ki ne?" dan yatsine fuska Samima ta yi dan ta tsani tambaya, amma ta ce.

"No ba ciki ɗaya muka fito ba" 

"Haba wa ko da na ji" cewar Sarah su na haɗa ido da Sauda, Sauda ta ce.

"To dai wallahi, idan baku soyayya da Yayanki to yana matuƙar kaunarki, kalli ki ga fa, sai kara maimaita mata yake yi, kar ta kula kowa, kiji wani love mai haɗi da kishi,na ban mamaki da sha'awa " dan murmushi Samima ta yi, a ranta ta ce.

"Rashin sani yafi dare duhu, da yanzu za ku san ni wacece da yawanku guduwa zasu yi su barni,wasu ma shirin kasheni zasu yi" a fili kuma ta ce.

"Eh gaskiya kam, yana sona sosai, nima kuma ina son sa" tana gama faɗi ta yi gaba dan bata so su kara jijjib'o mata wani maganar, waje suka samu suka zaune su na duba litattafansu, sunyi zurfi cikin karatunsu, Samima bata an kara ba ta ji an wafce mata littafinta da karfi bisa alama da wuya idan bai yage ba, dan yadda ta ji karar book din nata, a harzuƙe ta miƙe tana kallon wanda ya fizge mata littafi, dogon tsaki taja ta ce.

"Kaiii!! A rayuwa indai aka ce maka mutum dabba ne, duk shekarun da zai yi a cikin mutane ba zai taba zama mutum ba...."

"Keeeeeee!!!" ya katseta da kakkausar murya.

"Samima ni kike kira da dabba?"

"An kira ka din, abun da yafi dabba ma zan iya kiranka da shi tunda ni dai ba tsoronka nake ji ba, wai shin me ka dauki kan ka ne kam Amir? Kana taka yan mata yadda ka so, to wallahi ni kam karka sake ka ce zaka shigo gonata, kuma idan har ka yaga min littafina sai ka biya ni" sosai ran Amir ya b'aci dan babu yarinyar da ta taba murzawa idonta kwalli ta samu kwarin guiwar gaya masa wa innan maganganun ba, matsowa ya yi kamar zai rungumeta saitin kunnenta ya ce.

"Wallahi!! Wallahi!! Wallahi!! Ki rubuta ki ajiye yau sai kinyi nadamar haihuwarki da Uwarki ta yi" a hasale Samima ta ce.

"Wallahi ba dai Uwata ba, sai dai Uwarka!!!" nan Amir ya yi kan Samima, Sauda ta fara ba shi hakuri dan Amir bai da mutunci da imani, nan wasu mazan skull suka rirriƙe Amir ana ta faman ba shi hakuri, Samima dake tsaye ko gizau bata yi ba, illa kwayar idanunta da suka fara riƙiɗewa suka koma jajur dasu, da kyar su Sauda suka ja ta dan lokacin komawa class dinsu ya yi,su na zuwa suka samu ma Mr Josep ya shigo har ya fara darasi, dan haka suka zauna suka hau daukar darasi su ma, basu da fitowa ba tun shigarsu sai uku da rabi, su na fitowa masallaci suka nufa suka yi sallar azhar da basu yi ba, nan suka zauna su na jiran la'asar tun da sun gama lecture din yau, cikin damuwa Sauda ta ce.

"Samima?"

"Na'am, ya aka yi?"

"Samima kina ganin rigimarki da Amir babu matsala kuwa?"

"Wace irin matsala kuwa?"

"Ni dai gaskiya a tsorace nake, dan ba shiga hidimar mutane kike yi ba, amma Amir baya da mutunci ko kadan" Sarah ta ce.

"Nifa wallahi Samima kin burgeni, haka kawai ka addabe mu a skull sai ka ce ɗan ido, bai isa ya miki abun da Allah bai miki ba" ita dai Samima bata sake shiga hidimarsu ba dan wani bala'en'en ciwon kai ke addabarta kamar gefen kanta sai faɗo ƙasa, sabida tsananin sara mata da yake yi, da haka har aka yi sallar la'asar suka gabatar, su na nan zaune drivern su Sauda ya zo daukarta,bayan Sauda ta tafi ba jimawa aka zo aka dauki Sarah, ta rage ita ɗaya zaune a masallaci, duba agogon hannunta ta yi ta ga hudu har da rabi da sauri ta fito tana waiwaye, har ta je parking space bata ga motar Nuren ba, duba ƴar wayarta da take zuwa da shi skull din ta yi a cikin jakarta, nan ta tuno ta bar shi a gida da take shiryawa, salati ta hau yi ta samu guri ta zauna jiransa, dan tasan cewa zai zo tun da ya ce mata zai zo, ba mamaki aiki ne ya riƙesa, shuru-shuru har biyar da rabi ga shi yunwa take ji, a ranta ta ce.

"Idan bai zo ba shidda ta yi,nikam tafiya gida zan yi" ai kuwa har shidda bai zo ba ta tashi ta dauki hanyar fita gate tana tunanin to ina Yayanta yake, har ta fito wajan gate tana neman abun hawa bata samu ba, ga shi ji ta yi ma a gajiye take, da kyar take iya ɗaga kafarta sabida yunwa dan ko a gida tea kawai tasha kuma bata ci komai a makaranta ba, tana kan tafiya a hankali bata ankara ba ta ji an cafkota an dannata a mota, ihu take son yi amma sai ta ji saukar wuƙa a saman bakinta gami da ce mata "shiiiiii!!" ɗaga idon da zata yi ta ga su Amir da abokansa su biyar.

"Ina zaku kai ni?" ta tambayesu hankalinta a tashe.

"Zamu je mu koya miki hankali ne, nan gaba idan kinga budurwa tana yiwa saurayi rashin kunya sai ki haneta" zare ido Samima ta yi ta ce.

" bangane ba, kamar ya? yanzu shi kenan budurwa bata da yancin kanta? Sabida tana tsoron shashashu b'ata gari irinku, sabida kawai......" saukar mari ne ya dakatar mata da sauran maganganun nata ba dan ta gama su ba, hanyar wani gida suka dauka inda Samima ta fara yunkurin ihu, suka toshe mata baki.

🍀🍀🍀🍀🍀🍀🍀🍀🍀🍀 

Ta ɗayan bangaren lokacin da Sha'awa ta koma gida da ihu da kuka take gayawa Mamanta akan cewa ta ga Samima da Nuren sun fita a mota, kamar ma yawon shaƙatawa suka fita yi, dan rabon da Sha'awa ta je skull tun tana primary, Asabe ta dunƙulo wata uwar ashariya ta zundumawa Samima gami da cewa.

"Wannan yan iska masu zubin Aljanu ba zasu fita rayuwata na huta ba ko, to wallahi sai nayi maganinsu daga ita har uwarta da munafukin ubanta, kwantar da hankalinki shaleleta, ba dai Nuren da Samima ba? Yi shuru abun ki"

"Ni dai Inna bana so a taba min Nuren Samiman dai" 

"Ahaf karki damu shalele, tun da suka je yawon shakatawa zata ga shakawata ganin idanunta, dan kuwa...." sai kuma ta yi shuru ta ce.

"Ta shi kije abunki shaleleta" cikin murna Sha'awa ta miƙe ta fice a gidan inda Asabe ta ce.

"Hakika Nuren zai shakata da macijiya idan ma bai sani ba ya sani, ta yi yunkurin siddabarunta amma ya ƙi yi, sabida ba ya yi da rana sai dare, nan tasa ayi mata bincike idan Samima bata dawo gida ba, dan ta ƙudirtawa ranta sai ta mai da Samima Macijiya a gaban Nuren da mutanen da suke gaban su,in da ta sakawa ranta ra magriba ta yi, zata fara surkullenta.

Hakan kuwa ta kasance dan kuwa gefen magriba da zata fara a lokacin su Amir sun kundume Samima, suka kaita wani gida su na kokarin rabata da mutuncinta, ihu Samima ke yi tana neman taimako amma babu mai taimako wanda zai taimaka mata, nan suka fara zage mata kayan dake jikinta, Asabe kuwa ta haɗa wutar sihirinta inda ta fara siddabarun surkulle tana ambatar sunan Samima da ta koma Macijita ta kashe duk wanda suke tare da ita, amma ban da Nuren, Samima wacce take cikin tashin hankali jin su Amir sun kwantar da ita su na shirin farke mata siket ta saki wani razananniyar kara, wanda sai da gidan ya amsa gaba ki daya, wani raɗaɗi da azaba ta ji, ba shakka tasan riƙiɗewa zata yi ta koma Macijiya, su Amir ihun da Samima ta yi yasa suka tsorata suka saketa da sauri suka koma gefe su na kallonta yadda take murƙususu, tana juyi, rungume hannayenta ta yi a ƙirjinta tana kakkarwar azaba, gurnani ta fara kafin fatar jikinta ya fara sab'a yana sabulewa,daga kafafuwanta ne ta fara rikiɗewa, nan wutsiyar macijiya ya fara bayyana, ihu su Amir suka saka suka fara neman hanyar guduwa ga shi su da kansu ne suka rufe kofa, kafin suyi kokarin budewa Samima ta koma hamshakiyar maciji sai huci take yi, nan ta yi kansu Amir inda ta fara binsu da sara, ta ko ina saran su take yi.

🍀🍀🍀🍀🍀🍀🍀🍀🍀🍀

*KUYI HAKURI NA RASHIN JINA JIYA, DA BA KUYI BA, NAGA SAKONNIN WASUN KU HARDA KIRAN WAYA MA, WALLAHI YARINYATA CE TA JI CIWO A HANNU, KUNSAN YADDA ƳAƳA SUKE A WAJAN IYAYE BARIN MA UWA, GANIN YADDA JINI KE ZUBA SHINE HANKALINA YA TASHI NA KASA KOMAI, NA GODE MUKU DA KULAWA, M AHLAN INA GAI DA MASOYANA A DUK INDA SUKE*🤝🏻🤝🏻

[02/09 à 08:46] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA SHIDDA. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_ashe da rai na ke son ku masoya ba da zuciyata ba 🥁💃🏻 komai ruwa da iska a kan ku bazana na daina kewa ba, idan na samu zarran samunku ba zana na tanka kowa ba, ni ban ga mai harara ba, bare na waiwaya haaa 🥁💃🏻 indai akanku ne zana jure yin typing....... da an taba ku ajirani dan ko tilas na zo na na ɗau fansa, jimirin jira kuke yi nazo na kawo muku Samima, ta gani 🙋🏻‍♀️🤣🥁💃🏻 indai akanku ne nayi nisa dan ba kiran da zan ji, tilas a ganmu tilas a barmu, kaunarku tun nai nisa typing..... ba batun na fasa ko da ace in ba aron birona 😜😜, kaii aradun Allah na gaji da wakar nan, nayi kokari ko? Wannan wakar sabida farin cikin sharhin da na gani ne a grp da dama da kuma wanda aka min ta pc, gsky ina godiya masoya, shiyasa naji karfin yi muku typing... Karku ga bana reply duk ina sane wanda suke min sharhi wallahi, am very busy ne shiyasa, masu min cmmnts da tnx ko strks ko hummm🙁☹️hummm🙁☹️ na kusan fara rubuta zallar tnx nima._*

🍀🍀🍀🍀🍀🍀🍀🍀🍀🍀

Nuren hankalinsa tashe yake ganin magriba ta yi, bai je ɗauko Samima a skull ba, ga mahaifinsa wanda yake kwancea jikinsa har yanzu baya motsi bai dawo hayyacinsa ba, ga shi yana ta faman kiran wayar Samiman bata ɗagawa, ga shi yana ta kiran wayar Suhail dan ya je ya ɗauko Samiman a skull amma shima wayarsa baya zuwa ko kaɗan, a gidansu Samima kuwa Umma ganin har magriba Samima bata dawo ba,abun ya dameta sosai, ga faduwar da gabanta ke yi, amma idan ta tuno tare suka fita da Nuren sai ta dan ji sauki a ranta, har Baba ya dawo yake tambayarta ina Samima, take ce masa, basu dawo ba, Baba yake cewa watakila sun biya gidan Alhaji Ibrahim ne, mahaifin Nuren, dan wani lokacin idan Nuren ya ɗauko Samima daga skull Momy ta kan ce ya kai mata ita, da dare sai ya mai da ta gida, da wannan tunanin su Umma suka shiririce, basu nemi Nuren ko Samiman ba, har aka yi sallar isha'i Umma ta shiga dakin Samima dan ta dauki chazar Samiman ta sawa Babanta chaji da shi nan ta ci karo da wayar Samima wanda take tafiya da shi skull yana ruri, mamaki ne ya kusan sumar da Umma ta dauƙi wayar ta duba sunan mai kiran ta ga an rubuta *YAYANA 4 LIFE* gabanta ne ya faɗi dan ta tabbata Nuren ne mai kiran, har wayar ta katse, ta ga miss calls din Nuren 57, tana shirin kiransa sai ga wani kiran na shigowa, Umma ta ɗaga kafin ta yi magana Nuren ya ri ga ta da cewa.

"Hlo, Ƙanwata kina lafiya?ina kika shiga ne ina ta kiranki ba ki ɗagawa, hankalina ya yi matuƙar tashi, kiyi hakuri nace zanzo in daukeki, inata jiran kiranki ba ki kirani ba, ga shi Abba muna fitowa daga masallaci munyi sallar la'asar ya yanki jiki ya faɗi asthman shi ce ta tashi tun dazu har yanzu wallahi baya motsi, hankalin ya kasu kashi biyu bana tare da natsuwa, ga Dr ya ce yana raye amma har yanzu bai motsa ba, ina ta faman kiran wayar Suhail ya je ya dauko min ke amma kwata kwata wayar shi bata shiga ban san inda ya shige ba, kin koma gida ne?" duk a kiɗime Nuren ke magana, tun da Nuren ya fara magana idon Umma ya fara zubar da hawaye, jin shuru yasa Nuren cewa.

"Hlo Babyna ba ki jina ne? Ko dai fushi kikayi da Yayanki? Kiyi hakuri plss kema kinsan ba zan ƙi zuwa daukarki ba"

Muryar Umma na b'ari cikin kuka ta ce.

"Nu...Nu...Nuren..Samima bata dawo gida ba, kuma bata tafi da wayarta ba, ni ban san bata tafi da shi ba sai yanzu da na shigo daukar chazarta zan sakawa mahaifinta chaji da shi na ga wayar na ruri" Umma tasa kuka mai sauti, da karfi Nuren ya furta.

"Innalillahi wainna ilayhirrajiun!!" ya katse wayar da sauri jikinsa na kyarma, ga mahaifinsa kwance akan kafarsa baya motsi likita yana kan aikinsa, a fili ya ce.

"Innalillahi!!!! Ƙanwata ina kika je? Idan wani abu ya sameki bazan taba yafewa kaina ba, dan zan samu rauni na alkawarin da na dauka" Nuren ya rasa me zai yi kawai yasa kuka, sai wajan karfe tara da rabi kafin Abba ya farfaɗo, yana farfaɗowa ya ga gudan jininsa na kuka, cikin muryarsa na marasa lafiya wanda suka ji jiki ya ce.

"Nuren? Me ya faru? Meya same ka?" cikin kuka Nuren ya ce.

"Abba Samima ce"

"Ya salam!! Me ya faru da Samiman?"

"Nima Abba ban sani ba, munyi da ita akan cewa zan koma na ɗaukota a skull ne, ina ta jiran kiranta ban jita ba, nayi tunanin idan aka yi la'asar zata kira ni, ashe bata ma tafi da wayar ta wanda take zuwa skull da shi ba, bayan mun fito daga salla la'asar kuma ina da niyyar zuwa, ciwon ka ya tashi, ba hali na tafi na bar ka cikin wannan yanayi, ga inata kiran Suhail wayarsa bata shiga, sai yanzu Umma ke sanar dani wai bata koma gida ba Abba" 

Cikin kuka Nuren ke magana sai ka ce karamin yaro, Abba ya ce.

"Subhanallahi!! Nuren ai da ka hadani da Likita ka tafi abun ka, ko kuma ka kira Mom din ka"

"Abba kasan Momy tana da hawan jini, da yau na kirata, ta zo ta ga halin da kake ciki itama ciwonta zai iya tashi, tun 4 fa sai yanzu aka samu kanka" Abba ya numfasa da kyar ya ce.

"To shi kenan, now am ok, kira Mom din taka, kai ka tafi neman Samiman, Allah dai yasa tana lafiya" da sauri Nuren ya ajiye kan Abba bisa pillow ya gyara masa kwanciya sannan ya kira Momy ya gaya mata halin da ake ciki, sannan ya fice da sauri, motarsa ya shiga yana driving yana kuka, skull dinsu Samima ya koma amma fesss, bai ga wanda zai iya tambaya ba, zama ya yi a kofar gate riƙe da kansa yana hawaye, mutanen da suke ɗan wuce wa ya fara tambaya amma kowa ce masa yake yi bai sani ba, mota ya koma ya kifa kansa ya ji wayarsa na ringing yana dubawa ya ga Baba, mahaifin Samima, sai da ya share hawaye kafin ya ɗaga, hankali tashe Baba ke magana ya ce.

"Nuren, ya ake ciki? Ka ga Samiman?" 

"Gani ina hanyar skull din nasu Baba, ku kwantar da hankalinku In sha Allah tana lafiya zan dawo da ita" da kyar Nuren ya dan lallab'a iyayen Samima ya zauna a mota shuru sai aikin goge hawaye da yake yi, har wajan goma da rabi yana zaune a wajan, ga shi baya da lambar ƙawayenta na dazu balle ya tambayesu ko taje gidansu ne,duk da hakan ba halin Samima bane, wayarsa ce ta kara ringing yana dubawa ya ga Suhail ne, yana ɗagawa ya hau wanke Suhail da ruwan masifa, ido rufe Nuren ke zubawa Suhail balbalin bala'i, Suhail ya ce.

"Nuren, ka yi hakuri ban sanar da kai ba, na ɗan yi yar karamar tafiya ne, kuma tafiyar ban san da ita ba, Abbana ne ya aikeni can cikin ƙauyen adamawa wajansu Gwaggonina, kuma wallahi basu da nertwork shi yasa, ban jima da shigowa gida ba, ko abinci ban ci ba, balle na watsa ruwa, yanzu kana ina ne?" Nuren sai da ya ɗibi 5min kafin ya ce.

" gani a gate din skull dinsu Samima"

"Okay, ka jirani gani nan zuwa yanzu" Suhail ya faɗa yana ajiye wayar ya fita ba shiri ya bar gida, bai tafi da motarsa ba, mashin ya hau yace a kaisa city university, cikin yan mintuna ƙalila aka kawosa, yana zuwa kuwa ya tarar da motar Nuren, bayan ya sallami mai mashin da sauri ya karasa jikin motar ya kwankwasa glass, Nuren ya ɗago ya ga Suhail ne buɗe masa motar ya yi, ya shige sannan ya ce.

"To yanzu ta ina zamu fara?" cikin kuka Nuren ya ce.

"Ban sani ba, ban sani ba Suhail, kaina duk ya kulle, tsorona kar wani abu ya samu Samima" Suhail ya ce.

"Koma gefen mai zaman banza, ka bani motar naja, kawai mu shiga gari dubata" Nuren ya matsa gefe Suhail ya karbi motar, nan suka shiga gari, duk in da ta kama dubawa kawai suke yi, har wajan sha ɗaya da rabi na dare.

🍀🍀🍀🍀🍀🍀🍀🍀🍀🍀 

Read More

Share this

WhatsApp