HARAMTACCEN AURE PART 2

    Batayi wani barcin kirki ba saboda yanda ta k'agara gari ya waye, ga uban kukan da tasha da safe duk idanunta sun kunbura. Gari na gama haske ta shirya wurin 11 tace ma Momie taa tafi gidan Aunty Zainab, da yake tasan matsalanta da damuwanta kuma bata da wani abokin shawara kamar Aunty Zainab ɗin shiyasa momie bata hanata taje ta kwantar mata da hankali ba.

   Napep ta tara ya kaita gidan Aunty Zainab, tana sauka daga napep ɗin yana fitowa da motarshi daga gidan, ta juyar da kanta gefe kamar bata ganshi ba, yayo kanta da mota kuwa har ya kusan take mata k'afa sannan ya fito daga motar.

     Yana nunata da ɗan yatsa yace "ina fatan kinsan abinda ke faruwa, kuma baki amince musu ba" sai data gatsina sannan tace "kaima kasani ai bazan taɓa amince da auran ka ba"

        "Yaa miki kyau, don wallahi aka aura min ke gutsun-gutsun ina iya miki in jefar dake, don ko kaɗan baki cikin kalar matan da nake so"

       Tsoki kawai taja ta juya ta tafi don batason tsayawa magana dashi ma, wata tsanar shi ce ke k'ara zo mata ta shige gidan Aunty Zainab kawai.

Tun daga ranar kullum cikin damuwa suke, babu wanda bai kwanta rashin lafiya a cikinsu ba, k'iyayya sosai suke nuna ma junansu, anma iyayensu sukai watsi dasu sai dai hidimar biki kawai suke.

     Duk yanda suka so a fasa auren sai da aka ɗaura shi su duka babu mai so, a tunaninsu iyayen idan akayi auren daga baya zasu warware ne suci gaba da son junansu, basu sanda babban kuskure ne suka tafka ba (inji rash kardam).

A gurguje dai

Mu koma labari....

Ci gaban labari

    A hankali majeed Yace "miye mafita? Nifa tsakanina da Allah bazan iya zama dake a matsayin mata ba" tace "nima haka wallahi, kuma indai zamu zauna a inuwa ɗaya sai munyi faɗa" yace "hakane ya zama dole musan abunyi" tace "tohh me zamuyi?"

    Yace "mu rabu kawai kowa yayi sabgarshi, tunda kowa ɓangarenshi daban" ta zaro ido "idan fa suka gano?" yace "tohh waye zai faɗa musu? Kinga saima in samar miki admission kici gaba da makarantarki" tace "hakane tohh sakeni"

    Ba wani tunani ko damuwa a fuskarshi Yace "na sakeki saki ɗaya" itama ba da wani abu a ranta ba tace "saki ɗaya ai ana komawa" kafin ta rufe "baki yace "na sakeki saki biyu" tace "ai wallahi saki biyunma ana komawa, ka cikashe kawai" Yace "na sakeki saki uku.

    Wani ihun daɗi ta saki saboda tsananin farin ciki, ta tashi tana tsallen murna, harta tafi ta dawo.

       "Anma babu ruwan kowa da harkar kowa? Babu aurenka a kaina, babu faɗa a tsakaninmu, ko nuna iko da shisshigi" yaja tsoki yana juyar da fuska

      "ke duk wannan ya dama, salon kuma shegen surutunki ya kai ki faɗa ma wani"

     "Anma haka zamu zauna ba tare da kowa ya sani ba?

       "nafa gaji da ganinki wurinnan malama, babu abinda ke tsakanina dake, ki ɓacemun da gani"

Kamar ta maida mishi da bak'a, ta tuna idan tayi hakan faɗa ne zasu ci gaba, ta taɓe baki kawai ta shige ɗakinta, cikin ɗokin ta kira ibraheem ta faɗa mar.

     Kiranshi ta dinga yi anma tak'i shiga har ranta ya soma ɓaci don yanda ta k'agara ta faɗa mishi tasan sai yaa fita murna, cikin haka sai ga kiran hafsatul kiram babbar Aminiyarta kenan.

  "Ran Amarya ya daɗe tare dana angonta"

   "wacece Amarya? Yanzu duk k'wak'warki dai bazaki kirani da wannan sunan ba" inji majeeda.

     Bayan hafsatul kiram tayi dariya tace "Tohh ina angon naki? Na kasa hak'ura ne na kira ki, duk da nasan kunanan tare yana jinya" ta faɗa cikin tsokana don tasan zata k'ular da majeeda.

    "banson iskanci fa hafsa, ina auren yake da har zai samu zuwa kusa dani ma?"

   "saman kanki mana, da aka ɗaura miki jiya".

     "tohh wallahi na saukeshi yanzunnan, karma ki ɓatan rai ina cikin farin ciki?"

     "kamarya majeeda?" ta faɗa da mamaki"

Da yake majeeda ta yarda da hafsatul kiram sosai, kuma tasan duk rintsi bazata taɓa faɗama wani sirrinta ba, kuma tana cikin son ta faɗa ma wani, nan take ta kwashe komai ta faɗa mata.

   Shiru tayi kamar wacce tayi suman zaune sai da majeeda tace "ko kin kashe wayar ne?"

   "kin kashemin bakin magana dai? Yanzu auren naku kuka kashe a washe garin amarcinki? Kuma zaku zauna a gida ɗaya? Haba majeeda kamar dai....."

      "kinga rik'e mamakinki da duk maganganunki, da kuma sirrina, kinsan don na yarda dake ne na faɗa miki ko? Babu wani abin dana sanin insha Allah"

   "Allah ya yarda, anma duk kin sakemin jiki"

   "tohh a warware lafiya, ki gaishe da Ya umar" bata jira me zata ce ba ta kashe wayar.

  Layin ibraheem taci gaba da neman, sai sintiri take a tsakar ɗakinta, can taji taa fara ringing, ta samu kujera ta zauna tana jiran ya ɗaga anma har ta katse shiru.

    Sai da ta mishi kira biyu ana ukun ne ya ɗaga da alama barci ya tashi.

   "na kwanta barci da tunaninki, banyi mafarkin komai ba bayanki, gashi na farka da zazzak'ar muryarki, plz in fara jin sautin lallausan murmushin masoyiyah ta" sai da ta mishi murmushin sabo da yanda kalamanshi suka mata daɗi tace, "ba murmushi na kaɗai zaka farka dashi ba, harda Albishir ɗin da zaiyi maka daɗi sosai"

  "faɗamin da sauri masoyiyah, tunda kafin ki faɗa ga tukuicinki" ya sakar mata daddaɗan kiss a kunne

Ta rufe ido ta buɗe cikin nishaɗi, "Yaimin daɗi sosae masoyi, karfa ka sakani mantawa da albishir ɗin"

     "sai in k'ara miki wanda zai saka ki tuna"

  "banma manta bafa, anma duk da haka naa biyoka bashi, yanzu miye yayi mana katanga da zama mallakin juna?"

     "Auren ki da majeed mana" inji ibraheem

    "tohh k'ara kwantar da hankalinka, don indai aurena ne yanzu....."

Maganar ta mak'ale mata saboda ganinshi tsaye a k'ofar falonta, yana wurgo mata wani mugun kallo

  Shirun da Ibraheem yaji tayi ya saka ya dinga "hello, masoyiyah, kina jina?"

      "ina jinka masoyi zan kiraka yanzu," sannan ta katse kiran tana k'ok'arin dai dai ta nutsuwarta.

   Ta kalli majeed tana mayar mishi da irin kallon da yake mata "Meya shigo dakai ɓangarena? Ka mantane sharaɗinmu na babu wanda zai shiga harkar wani? Kuma bazaka zo inda nake ba"

     "ke har kina da bakin magana? Baki manta da sharaɗinmu ba meyasa kike k'ok'arin faɗa mishi sirrinmu?"

         "ni ban faɗa mishi ba ko kaaji naa faɗa?"

   "kina shirin faɗa dai, wannan ba k'aramar magana bace da idan kin faɗa ma wani yaɗuwarta bazai kawo matsala ba, har yaushe kike tare da Ibraheem da kika yarda dashi har zaki faɗa mishi wannan sirrin namu? Ke kin kasa rik'e sirrinki ta yaya kike tunanin wani zai rik'e miki? Wallahi karki kuskura ki faɗa ma wani wannan maganar"

   Jikinta yaa riga da yaayi sanyi, taama kasa maida mishi, ya juya ya bar ɗakin, taja tsoki "daman gulmace da sa ido ya shigo dakai kenan" ta harari k'ofan tana murguɗa baki kamar yana ganinta, sannan ta tashi ta shige ɗakinta.

   Yinin ranar bak'i ta dingayi masu zuwa ganin gidan Amarya, kowah yazo sai ya zagaya gidan ana lellek'a ɗakunanta, ba k'aramin haɗuwa da tsaruwa gidan yayi ba, ga dukiyar da iyayenta suka zuba mata a ciki.

  Ba ita ta zauna ba sai 9 na dare bak'inta suka gama tafiya, duk taa gaji ga yunwa bata samu taa girka komai ba, baba haule dai taa koma gida,

     Kwanciyah tayi ta jawo wayarta miss calls ɗin Ibraheem ne babu iyaka, itama ta kirashi bai ɗaga ba, ga yunwar dake yatsina mata y'an hanji, mik'ewa tayi kawai ta nufi kitchen ta ɗaura girki, da yake an haɗa mata komi.

   Fried cous-cous ta dafa dai-dai cikinta, sai k'amshi ne ke tashi, tananan tsaye harya gama dahuwa ta sauke ta jawo plate zata zuba kenan ta juyo wayarta na ringing a ɗaki, ta ajiye da sauri ta tafi ta ɗauka wayar.

   Ibraheem ne, ta zauna gefen gado sannan da ɗaga kiran.

     "Da fatan ma'abociyar kyakkyawan murmushin nan tana cikin nishaɗi"

   "sosai tunda ina tare da muryan masoyinah"

     "kawai ɗazun ina cikin ɗokin jin albishir daga gareki, saiki yankemin waya, halan angonki ne ya kiraki?"

      "shiya shigo dai, anma ai bai isa don ina waya dakai in katse saboda shi ba"

   "Hmm, kin manta da mijinki ne? Kina kulawa dai don baniso muna shiga hak'k'ik aure da yawa" sai can ya tuna kuma.

       "Yauwah aurenki yanzu ma... me kike cewa?" sai da ta ɗan daburce duk taa rasa me zata ce sannan tace "yanzu ne yake k'ara damuna masoyi, anya bazamu gudu muyi aurenmu?"

    "Aure akan aure kenan? Nifa banda matsala da iyayena Masoyiyah jiran fitowarki kawai nake, basai mun gudu ba kinji tawan"

     "tohh" kawai tace mishi a zuciyarta tunani take anya bazata faɗa mishi ba? Kuma sai taji tsoran kashedin da Majeed yayi mata haka kawai ta fasa faɗa mishi.

Majeed yana ɗaki shima babu inda yaje, sallah ce kawai take fiddashi, sai juyi yake akan gadonshi saboda yunwar da yakeji tunda rana, daya juya sai yayi tsaki "Yanzu mutum ya tafi restaurant yana haɗuwa da idon sani akama yi mishi surutun ya fara fita cin abinci"

    Gani yayi zaman bazai mishi ba, ya tafi kitchen ya duba ko zai samu abinci.

    Cikin sa'a kuwa ya hango tukunya saman cooker gas, ita ya fara buɗawa, abinci ya gani kuwa da zafinshi k'amshi sai tashi yake, ya jawo plate ɗin daya gani a wurin ya juyeshi tass sannan ya fito falo ya zauna ya fara ci.

Sai da ta gama wayanta da ibraheem daman yunwa duk taa addabeta, ta fito ta wuce shi a falo ta nufi kitchen ko kallon inda yake batai ba, shima ko sanin taa wuce baiyi ba.

Ta duba inda ta ajiye plate babu, kodai bata ɗauko ba? Ta janyo wani plate ɗin dai ta taho zuba abinci, tana buɗa tukunya wayam babu komi, fiddo idanu tayi waje cikin mamaki ta ɗauka tukunyar tana girgizawa kodai bata gani dai dai bane, anma wayam babu komai.

   Toh waye zai shigo har gidanta ya kwashe mata girki? Kodai aljanu ne, can ta tuna fa ay ba ita kaɗai bane a cikin gidan, toh shi kuma mezai dameshi da girkinta? Tunani dai ta dinga yi taga bazai mata ba, ta fito daga kitchen ɗin can ta hango shi ya saka plate a gaba yana kwasar girki.

  Cikin jin haushi tace, "Anma dai in ba'a kawoni da ɗaki a gara ba an kawo ni da cous-cous ko?"

    Baiko ɗago ya kalleta ba Yace "Anma a gidana kike zaune, indai zaki zaunamin a ɗaki, dole ne kimin girki, bayan wannan babu wani abu" ba tace mishi komi ba ta koma kitchen ɗin don yanzu batason magana tayi nisa tsakaninsu yanzu zasu fara faɗa.

Bayan wata biyu...

   Majeeda ce sanye cikin doguwar rigar material, ta ɗaure kanta da ɗan kwalin, ta jawo Abayarta har k'asa ta saka, sannan ta ɗaura nik'ab a fuskarta, ta janyo hand bag ɗinta sannan ta fito waje. Driver nanan yana jiranta, ta buɗe sit ɗin baya ta zauna yaja motan sai ALQALAM UNIVERSITY dake cikin garin katsina.

   Kullum shigarta kenan tunda ta fara shiga makarantar, kamar wata matar aure shiya saka har yanzu batayi koda k'awa babu ruwanta da kowah.

      Sai marece sosae ta koma gidan, bata lura da motanshi ba ta saka kanta cikin falon, maganganu ta fara jiyowa.

     "haba Aisha, ba nace karki zomin gida ba? Karki manta fa akwai banbanci tsakanin gidanmu da gidana".

   "akwai banbanci, anma kasan ko inane zan iya zuwa don in ganka, tunda kai ba son zuwa gidanmu kake ba"

     "naji, anma kincemin inzo banzo ba? Ki k'ara hak'uri mana lokaci kaɗan ya rage a fara maganar aurenmu"

    "kullum haka kake cewa, ni dai tunda nazo ka bari ko gaisawa muyi"

Wani abu ne ya tsaya ma majeeda har wuya, kamar ta kama majeeda ta shak'e takeji, a ciki-ciki tayi sallama ta shiga ɗakin duk suka juyo suna kallonta, ta k'urama majeed ido kawai, taa daɗe bata ganshi ba, don tunda ya fara zuwa aiki ya daina zaman gida, girki ma idan taayi a kitchen take bar mishi.

   taa rigashi ɗauke idanunta, ba tare da tace komi ba ta shige ɗakinta.

      Ibraheem ya faɗo mata a rai, yanzu yaa daina kiranta, ko kiranshi tayi sai yaga daman ɗagawa, koya ɗaukama bazasu wani daɗe ba zai kashe wayan, shiyasa itama ta daina damunshi, yanzu hankalinta akan karatun kawai ta maidashi.

   Cikin ɗakinta haushin Aisha ne kawai ya cika mata ciki, daganan tana jiyo maganganunsu tak'i tashi ta tafi duk da maganar da majeed ke mata, tashi tayi ta tafi falon bayan ta cire hijabin jikinta, ta gyara ɗaurin kwallabin sannan ta fito.

    Shiru suka k'arayi suna kallonta, ita kam kamar ma batasan dasu ba, ta k'arasa gaban kallo ta kunna, ta rik'o remote ɗin ta zauna kallo.

      K'asa-k'asa Aisha taci gaba da mishi magana duk hankalinshi na kan majeeda, ta k'ure k'arar ma yanda bazasu ji ba, duk a takure yake anma Aisha taa kasa ganewa, kawai ya juya zai tafi ɗakinshi itama ta mik'e zata bishi.

Majeeda ce tasha gabanta,

       "kinfa fara wuce iyaka malama, don tsabar rashin kunya ki biyo mijina har gidana, kinga ban tanka ba shine zaki bishi har ɗaki, ubanme zaki yo a ciki?"

   "Akan mijin da bai damu dake ba baya sonki kike tada jijiyoyin wuya? Abinda ranki ya baki shi zamu yo"

    "k'arya kike wallahi ki shigo har gidana kina faɗamin magana, banza mai k'wak'war namiji har gidanshi, ai naga mugun son da yake miki ne ya saka sai dai ke ki biyoshi"

    "laaah, ni kike faɗa ma magana? Kana jinta fa majeed"

       

Duk suka maida kallonsu ga majeed ɗin, "Da bakizo gidanta ba taa faɗa miki? Kinga muje in maida ke gida"

       Majeeda tsayawa tayi tana kallonsu har suka fice, lallaima yaa fifita wannan banzar a kaina kenan, har saida ta jiyo ta mata gwalo, haushi kamar ta fasa ihu.

    Lallai don yaga yanzu babu aurenshi a kaina ne harda shigomin da wata a gida, wallahi bazan yarda ba nima sai na rama.

   Bai wani daɗe ba ya dawo, anan ya wuce ta inda ya barta, ya wuceta inda take tsaye yana tafiya da kakkausar murya cikin gargaɗi yace, "babu ruwanki da kowacece zatazo wurina, babu ruwan wani da harkar wani" ya wuceta sannan ya k'arasa maganar.

   Kwana biyu tayi tana tunanin yanda zata rama abunda Majeed ya mata anma taa gaza samun mafita, gashi kullum sai ya raba dare kafin ya shigo gidan, tunda safe kuma yake fita, ita yaa maida ita er gadin gida duk da baiyi mata shamaki da fita ba.

   Yauma da marece sosai ta dawo daga lecture, suna hanya drivern ta ya ɗaukota, da yake hanyar gidansu majeed ne, hakanan taji tanaso taje gaishe dasu, ta cema drivern ya biya da ita.

    Ya ajjeta ta fito har zata tafi kuma ta dawo "malam balah zaka iya tafiya, zan ɗan daɗe ne" yace, "tohh hajia" sannan ta shiga gidan da sallamarta. 

     Zahra taci karo da ita, aikam ta buga uban tsalle da gudu ta taho rungumeta "Oyoyo Matar Yayanmu"

     "Aifa sis kamar a bakinki aka raɗa wannan suna, ina umma?"

    "tana ciki ki shiga bari inzo"

     "tohm naa bari".

Ta yaye labulen ɗakin Umma ta shiga haɗe da sallama, ta ɗago tana amsawa tana ganin Majeeda ce ta k'ara faɗaɗa fara'arta tana mata sannu da zuwa, sai yanzu ne ma wata kunya ta k'ara nannaɗeta, ta duk'a har k'asa tana gaida Umma ta amsa mata.

      "Ina majeed ɗin ko ba tare kuke ba?"

    "Daga makaranta ne yace Driver ya kawoni, anma zaizo ɗaukana Umma"

     "Tohh Allah kawoshi lafiya, kuna dai zaune lafiya ko?"

     "Alhmdlh Umma"

  "ki faɗamin gaskia dai naaga duk kin rame" wai taa rame fa, tace a ranta, tana tuna randa taje gida momie cewa ta dinga yi taayi k'iba taayi haske, alamar dai tana mata zargin ciki ne da ita, da yake momie ce sai ta ce mata "momie ni kece uwah ta farko da akama ɗiyarta auren dole kuma tazo ganin gida a ce mata tayi k'iba" momie tace "watau ma auren dole aka miki ko? Kina nufin har yanzu baku zaman lafiya da mijin naki?" tace ma momie, "ba haka nake nufi ba momie".

      Umma ce ta katse mata tunani "Yadai kikai shiru Majeeda? Indai da matsala ki faɗamun in tsawata mishi"

     "ba wani matsala Umma, kawai kwana biyu banji daɗi bane" ta k'ak'alo k'arya.

   "tohh Allah ya k'ara lafiya kundai je asibiti ko?"

   "Ai naaji sauk'i Umma"

     Zahra ce ta shigo ta janye ta suka koma can ɗakinta da fira, itama tsokanarta take kodai sun samu rabo,

    "nikam sis kamar Abinda kowa ke jira kenan, duka yaushe aka gama hidimar bikin ko hutawa bamu yi ba?"

       "Abinda kowa ke jira mana kenan, in hutawa ne kam ai kinyi, anma burinsu Abba kenan kullum ganin en jikokinsu"  sai da gabanta ya faɗi, tayi shiru tama rasa abin cewa, tohh ta inama zata samu cikin tunda ba auren garesu ba?.

   Haka ta yini cikin gidan duk tayi sukuku kuma, har bayan isha'i taa rasa yanda zata tafi kuma gashi tace ma Umma Majeed ne zaizo su tafi, yanke shawarah tayi kawai ta kira malam balah, shi ɗinma ta dinga kiranshi anma wayanshi a kashe.

Wurin 9 Umma ta lek'o ɗakin Zahra, "wai ina majeed ya tsayane?"

        "Umma inajin dai wani abunne ya rik'eshi, anma zan tafi kawai kar dare yayi sosai"

    "A'ah ya zaki tafi ke kaɗai? Ki mishi waya dai yayi sauri yazo ku tafi" ita kam ko number wayarshi ma bata da, yama za'ayi yazo ɗaukanta.

   Har 10 tayi ta rasa dabarar da zatayi tabar gidan Umma, su duka suna zaune a falo, gabanta sai faɗuwa yake, tun farko ma meya sakata yin k'arya.

      Sa'a tayi wayarta ta fara ringing, tayi saurin maida wayan silent sannan tayi kamar taa ɗauka sannan ta ɗan matsa daga inda su Umma suke ta fara magana yanda zasuji.

     "hi, lafiya lau ya aiki?" ta ɗanyi shiru sannan tace, "A'ah ya za'ai na tafi kace na jiraka?"

     "Ayyah! Tohh a dawo lafia, sai ka dawo gidan" tun kafin ta zauna Zahra tace "Halan ina ya tsaya?"

      "wai kinji fa gaisuwar wani baban ɗan wurin aikinsu sukaje Mashi, anma suna hanya kuma motan a cike take, yace inje a napep" Umma tace, "Ayyah!Allah yaji k'an musulmi, sai kiyi sauri dare na k'arayi, tace "tohh shknan Umma"

Zahra ce ta rakata har bakin titi, sun daɗe suna tsaida abin hawa duk da mutane a ciki gashi batason hawan mashin, dak'yar suka samu wani mai napep ta shiga sukayi bankwana da zahra.

    Har ya tada zai tafi Yace "hajia ina za'a kaiki?" tace, "G.R.A"

     "kiyi hak'uri hajia bazanje can yanzu ba ina ɗan sauri ne" babu yanda ta iya ta fito daga motan gashi dare ya fara nisa 10:3., ta juya ko burbuɗin Zahra babu, ga unguwar babu mutane.

  Tsayuwar ta fara gajia da ita ta ciro wayarta tana dubawa, ba don tana da abunyi da ita ba, sai don kawai ta rasa abinyi gashi har lokacin ba wani motan da zata hau.

       Wata haɗaɗɗiyar mota ce ja, mai shegen kyau ta wuce inda take, sai kuma akayi reverse da motar aka dawo saitin da take, kaudar da kanta tayi sannan ta matsa gefe. Kusan mintina biyar mai motan bai fito ba kuma shi bai tafi ba ita kamar ma batasan da wani mota a wurinba.

    Buɗe motan yayi ya fito da takunshi na k'asaita, "Masha Allah" na faɗa saboda irin kyaun dana hango a tattare dashi, harna kusan jefar da wayata kasancewar darene ina tunanin ko Aljani ne, dai dai inda Majeeda take ya tsaya.

    "Da alama kina jiran Abin hawa, gashi kuma dare ya fara nisa zai miki wahalan samu" kajimin mutum ko ina ruwanshi dani

   "hakane zan samu insha Allah"

      "Zai miki wahalan samu fa, kiyi shawara da zuciyarki idan harta amince miki zan kaiki har inda kikeso, babu daɗi kamilalliyar mace kamarki ta tsaya a titi a cikin darennan"

    Maganarshi fa hakane, idanma ya tafi ya zata samu wanda zai kaita gida? Kuma da alamar natsuwa a tattare dashi ta san bazai cutar da ita ba, gaba tayi wurin motar kawai ba tace komi ba, ya buɗe mata yaci gaba da karanto addu'ah a ranta.

    Har k'ofar gidanta ya kaita "ajjeni nanma yayi" yayi parking ta fito tana mishi godia, murmushi kawai yayi yaja motanshi, dai dai lokacin majeed shima ya sako motanshi kuma yaga lokacinda ta fita daga motan.

     Kamar wanda ake hankaɗawa ya shiga gidan tana dai-dai shiga ɗakinta yasha gabanta,

    "daga gidan ubanwa kike?" na ɗauka "gidan ubanka zatace"😄 tunda gidansu taje,anma sai tace "gaishe dasu Umma mana, kana da matsala da fitata ne?"

     "k'arya kike tun ɗazu Umma tacemun kin taho, wane ɗan iskane ya maidoki?"

   "kash!" ta dafe kanta da hannu ɗaya "kaga nama mnta ban tambaya sunanshi ba, ragemin hanya yayi, babu ruwan wani da harkar wani" shiru yayi yana kallonta yama rasa bakin magana, tohh meyasa ma ya tanka mata? Shi ina ruwanshi kowa ma zata kula.

   Ta juya ta barshi anan zata shige ɗakinta, k'afarta ta zamo bata ankara ba ta taho zata faɗo da sauri ya tare ta ta faɗa a k'irjinshi ta tallabeta da hannuwanshi, kallonshi take cikin fargaba saboda yanda ta kusa faɗuwa, sai maida numfashi take, shima kallonta yake cikin ido, wani irin yanayi da bai taɓaji ba ya ziyarceshi wannan kallon da suke ma juna.

   K'ara matseta yayi a k'irjinshi, tsawon lokaci suna a haka kafinta lumshe kyawawan idanunta ta buɗe, idonshi dai-dai laɓɓanta ta buɗesu a hankali tace "da zafi" yanda ya mata rik'on, sakinta yayi yana dai-daita kanshi, sannan ya juya ya tafi yana waiwayenta, itama kasa motsawa tayi daga inda take ta k'ura mishi ido cikin wani yanayi harya shige ɗakinshi.

      Jiki a sanyaye ta shige ɗakinta, ta kasa mantawa da yanayin data motsa fuskar majeed ce ke mata yawo a sanda take a k'irjinshi.

    Haka Majeed ma ya kwanta barci da tunanin abinda ya faru, daya rufe idonshi yanayin yake dawo mishi, koda ya buɗe kuwa bazai daina ganinshi da majeeda rungume ba, juyi kawai ya dingayi a lallausar katifarshi yana jiran lokacin da barci zai ɗaukeshi.

Hmm niko nace kome hakan ke nufi??

    Da Asuba, ciwon mara ne ya farkar da ita, tun cikin barci ta fara juye-juye harta farka, ta dafe cikinta ko motsi batason yi, tanason ta ɗauko maganinta anma ta kasa tashi saboda yanda ya matsa mata.

      Dak'yar ta samu ta mik'e ta jawo jikkarta ta fara laluben maganin sai dai kwalinshi babu ko ɗaya, kamar ta fasa kuka ga wani irin azababben ciwo, haka tana duk'ewa ta samu ta haɗa ruwan zafi a toilet taje tayi wanka anma duk da haka kamar ana k'ara tunzuro ciwon cikin gashi ita kaɗai a ɗaki.

     Dak'yar ta iya k'arfin halin kwaso kuɗi a jikkarta ta fito mai gadi ya siyo mata, da yake a ɗan duk'e take tafiya rik'e da cikinta ga azabar ciwo, bata lura dashi yana shigowa falon ba ita kuma zata fita harta kusan kai mishi karo, da sauri ta dawo da baya, kanta a k'asa tabi gefenshi zata wuce, shima gefen da zata wuce yabi suka kusan haɗewa a tare, kuma kowannw ya koma ɗayan gefen, da suka kasa wucewa dai ya saka hannuwanshi biyu saman kafaɗarta, sannan ya juyar da ita ya wuce.

    Wani irin murɗawa cikinta yayi anan ta duk'e-duk'e rik'e da cikinta, ta daɗe a haka kafinta iya mik'ewa tana ɗagowa suka haɗa ido da majeed, duk ta daburce tace, "yadai?" yaɗan saki fuskarshi "ba komi", sannan ta juya ta wuce a wahalce.

     Bata iske mai gadi ba, da alama bai gidan gashi duk taa gama jigata, haka ta lallaɓa ta koma ɗakinta, tana faɗawa gado ta saki kukanta marar sauti ga ciwon sai k'aruwa yake, ta dinga murgina saman gado harta sauko k'asa.

    "Ga maganin" taji ya ambata, ta ɗaga fuskarta tana kallonshi rik'e da laida a hannu, ya ajje robar faro da cup a kusa da ita, ta mik'a hannu ta ansa maganin, irin wanda takesha ne da pad guda biyu, ta ɓallo guda ɗaya ya mik'a mata cup ɗin ruwa ta haɗiye dak'yar sannan tace "na gode" ta koma ta sulale k'asa tana jiran ciwon ya lafa, a haka barci ya kwasheta duk taa k'udundune wuri ɗaya.

    Tausayi ta bashi ganin yanda tayi kwanciyar duk taa takura, lokaci ɗaya har taayi ramar dole, sai lokacin ya tuna ko break fast batayi ba ya bata magani, da sauri ya tafi kitchen ya ɗauko flask da kayan tea ya ajje mata.

     Tananan kwance inda ya barta tana barci, anma da alama batajin daɗin barcin ciwon cikin ma bai gama sakinta ba sai rumtse ido take tana rik'e ciki.

        Bazai juri ganinta a k'asa ba, ya saka hannu ya tallabota, kamar yaa ɗauka jaririya, ya dire ta saman gado, tun lokacin da yaa ɗaukota ta farka, anma ta kasa buɗa idonta wani irin kunyarshi maa takeji.

   Megasa Yaya majeed zaina taɓani koya manta yanzu babu aure tsakaninmu? tunaninta ya katse saboda yanda mararta ta k'ara juyewa, tai wani irin k'ara batasan lokacin data k'ank'ame hannunshi da hannu ɗaya ba, ɗayan hannunta na rik'e a cikinta har lokacin da yake yana tsugune saitinta.

   Wani irin tausayi take bashi ganin yanda takeyi, fuskarshi kamar zai tayata kukan, ya kalli hannunta dake sak'ale a nashi, zara-zaran yatsunta masu kyau sosai da taima ado da jan lalle, baisan sanda yaci gaba da murzasu a hankali ba yana kallon kyakkyawar fuskarta, sai runtse ido take, ga ciwon ciki, ga wani irin yanayin da takeji hannunta rik'e a hannun majeed.

   Kallonta yaci gaba dayi, sai yanzu ne yake k'are mata kallo, ya saka hannu ya yaye mata yalwataccen gashin kanta mai sulɓi daya rufe mata fuska, fara ce tas, irin farinnan mai kyau, gashin girarta gazar-gazar mai kyau kamar an zana mata shi, gata da manyan idanu masu kyau da ɗaukar hankali, girar idonta bak'a wulik koda a rufe suke idanunta k'ara kyau suke, da dogon hancin ta wanda ya dace da kyakkyawar fuskarta, idanunshi ne suka sauka a kan ɗan 'karamin bakinta (pink lips), ya tuna yanda take motsashi idan tana mishi masifa, sai yaji ta burgeshi ma idan suna faɗa kyau yake mata.

   Yanzunma motsashi ta dingashi kamar zata tashi, dimples ɗinta na lotsawa, a hankali yakai ɗayan hannunshi zai shafi gefen fuskarta, kamar ance ta buɗa ido, ya sauka cikin nashi da sauri ya mayar da hannun

Read More

Share this

WhatsApp

HARAMTACCEN AURE PART 1

Kwance take a tsakiyar gado, tasha lullub'i da shiga ta alfarma, k'amshi ne yake tashi ta ko ina a jikinta, an mata irin lullu'bin da ake ma Amare danginta sai shirye-shiryen tafiya suke.

A cikin mayafin nata, wayar tace ri'ke a hannunta tana kan chatn sai murmushi take cikin farin ciki abinta.

Ibraheem ne Yace "Amarya kinsha 'kamshi.

    Sai da tayi fari da ido sannan ta fara typin

  Majeeda "Haba dear banson haka fa ko ina amsa sunana Amarya ai sai randa na ganni a gidanka"

     Yace "hakane fa tawan, shiyasa ba wani kishi nake da wannan auren naki ba"

    Majeeda "Ay 'kara ka kwantar da hankalinka kam, don wannan auren nawa dashi da babu duk ɗaya"

    Yace "kedai ki kulamin da abinda nake matu'kar so, karki bari ya 'kwacemin a darennan plz"

  

A zuciyarta kamar ya soka mata wu'ka takeji, anma a zahiri sai tace "menene zan kula maka da?" cikin zolaya tayi maganar hakan ya sanya har sai da tayi dariya a zahiri.

Duk 'yan ɗakin saida suka jita hakan ya sanya wata Abokiyar wasanta tace "ikon Allah! Ni majeeda na tab'a ganin amarya irinki, ranar aurenki anma baki damu ba ko kukannan bazakiyi ba?" wata tace "kema kin faɗa, nima tun d'azu nake gulmarta a zuciyatah, ban ta'ba ganin Amaryar da batayi kuka ba ranar aurenta koda babu hawaye"

"Haba Aunty zaynabu, aure ai abin farin ciki ne ga masoya, ko wanda kika ga suna kukan don rabuwa da iyayensu ne"

Cikin lullub'in nata sai data gatsina sannan tace a ranta "Allah ya tsareni da zama Masoyiya da majeed, wlhy ko kad'an aurennan bai dameni ba tunda ba sonshi nake ba".

Saida kowa ya gama mata bankwana ya tafi, sannan ta yaye mahafin da aka mata lullu'bi dashi daman duk yaa dameta, hafsatul kiram ta zato ido tana kallonta "wai majeeda badai da gaske bakiyi kukan amarcin ba?" tace "ke banson iskanci uwar meye a cikin kukan amarcin? Aishi wlhy bai isa inyi kuka saboda aurenshi ba tunda ya yarda aka aura mishi ni".

Tace "Allah ya huci zuciyarki"  majeeda tace "Ameen" tana gyara kwanciya "sai yaushe zaki tafi?" hafsa tace "Yanzu fa don naga ma shirin korata kike" yanayin da tayi maganar ya bama majeeda daria tace "wace ni da korar Hafsatul kiram? Idan ma anan zaki kwana wlhy muyi kwanciyarmu anan"

Hafsat ta ri'ke baki "kinga rufamin asiri, Ya umar har ya iso sai waya yakemin" majeeda tace "yayi masoyan asali" ta rataya jikkarta tace "Tohm Asubah ta gari majeedar majeed" harara takai mata, don ta tsani a haɗa sunanta dana majeed, ko bankwanarta ma bata amsa ba.

Ta duba online har ibraheem ya sauka, ta kashe wayan kawai ta murgina ta kwanta idonta cike da barci ga gajia.

Sai da barci mai daɗi ya fara ɗibanta, kamar daga sama taji an jefo mata wani abu samanta, a firgice ta farka haɗe da tashi zaune tana shirin kurma ihu tayi ido huɗu dashi.

Cikin masifa ta sauko daga kan gadon "Miye haka majeed zaka wani jefo min Abu ina cikin barci na?" galala yake mata kallo sannan Yace "ke kin d'auka barci ne ya kawo ki gidannan?" sannan ya girgiza kai yana ta'be baki "tohh kima ajiye wallahi tunda kika yarda kika aureni, kazar amarci ce aka bani in kawo miki don nasan da kwa'danta kika kwanta".

"Allah ya kiyayemin, ba ro'karka nayi ba don haka ka kwasheta ka ficemin daga ɗaki, kuma wallahi ka sani kaine kayi kuskuren aurena"

       "ke kin isa in shigo da ita kuma in fita da ita? A cikin garar ne aka haɗo miki da ɗaƙinnan da zakice in fice miki daga ɗaki?

     "oho dai, kaima kasan nafi 'karfin ɗakinnan ai da duk wani abu daka mallaka"

Bai tanka mata ba ya juya zai fita, ta 'kwala mishi kira "kazo ka ficemin da ledar nan nace" bai ko juyo ba wani haushin ya 'kara zo mata iya wuya, daman abinda tafi tsana kenan a halayyar Abdul majeed koda suna gida, jin kai da miskilanci

A k'yamace ta saka hannu ta ɗan ɗauki ledar kamar wacce ta ri'ke abin k'yama, ta wuceshi ta riga shi fita ta tillar da laidar.

A zafafe ya juyo cikin jin haushi yana kallonta, itama kallonshi take ko ɗar babu a fuskarta tana maida numfashi.

Baiyi wata-wata ba ya nufi inda take ya ɗaga hannu ya kai mata wani wawan mari, cikin zafin nama ta kauce har tanajin hucinshi.

Ta ɗago fuskarta tana kallonshi cikin mamaki da takaici "Yanzu Yaya majeed nice zaka ɗaga hannunka ka mara? Wlhy da kayi kuskuren da zaka daɗe kana dana saninshi" Yace "kuskuren me zanyi?" yana matsowa inda take "ke kin isa inyi dana sani don na mareki? Sai in dakeki na daki banza?" tace "mu daki juna dai, don na rantse banyi kama da macen da zata tsaya namiji ya dake ta ba" kafin ta rufe baki kau ya kai mata mari har saida ta du'ke, ta kai hannu tana taɓa kuncinta da take tunanin ko yaa zurma ciki.

Sosai taji marin da'kyar ta iya daurewa ta ɗago, bata tsaya wani tunani ba itama ta ɗaukeshi da zazzafan mari, shima yayi tangal tangal zai faɗi, sannan ya ɗago kallonta kawai yake yama rasa da bakin da zai mata magana.

Itama tsayawa tayi tana kallonshi sai huci take cikin shirin duk yanda ta kama, har lokacin dafe take da gefen fuskarta yana mata raɗaɗin zafi, baice mata komi ba kamar yanda ta zata, sai dai ya fara dube-dube can ya hango incense burning ɗinta, ya janyoshi ya fuzge wayarshi ya nufo ta gadan-gadan.

Batasan sanda ta runtuma waje da gudu ba, tana waige-waige can cikin sa'a itama ta hango wayar chargern 'yan kawo Amarya ta ciro ta tsaya tana jiran isowarshi, kamar wani zaki ya tafo ya ɗaga wayar wuta itama ta ɗaga ya murɗe hannunta sannan ya tsula mata, ta ri'ke wurin ta fara murzawa.

Ya ɗaga ya 'kara zuba mata wata a tsakiyar baya, taji zafinta sosae ta saki ihu, baba haule mai aikinda aka kawo musu ta jiyo da gudu ta fito inda suke tana sallallami.

Ganin majeed ya juya wurin baba haule ya saka majeeda ɗaga tata wayar ta zabga mishi, ya juya yana kallonta idonshi jajir da ɓacin rai baba haule tace "miye haka majeeda shi ga bari ke bazaki bari ba?" tace "ai wallahi baba haule bazai shani a banza ba biyu fa yaimun".

Tace "yau naga abinda ya girmi kakannina ni haulatu tunda nake, wlhy ko a labari ban taɓajin amarya da angon dake faɗa ba ranar aurensu"

Yace "Allah ya sauwa'kemun da amarya da wannan baba haule kima daina faɗa"

      "haba yarannan, aurennan fa an riga da an ɗaura, ku sanya ma zuciyoyinku ruwan sanyi mana"

       Majeeda tace "Ai wallahi badai a aurena da majeed ba, ai nasha faɗa bani sonshi ya nace sai da aka aura mishi"

    Ya taso mata cikin faɗa "toh uban waye yace yana sonki? Ke kinsan na wuce da aurenki wallahi" tace "oho dai kuma saina rama ɗayan bulala na don komai zakai dai-dai nake dakai," tana kaiwa nan ba shiri ta tsula mishi bulala.

Ko gezau baiyi ba, saima ya sha'kota fuskarshi tattare da ɓacin rai tana ta kiciniyar k'wacewa anma ya ri'kota gam, ta fara kai mishi bugu yana kaucewa yana 'ko'karin ri'ke hannuwanta.

Wata sabuwar rigimar ce ta 'kara kaurewa, da baba haule taga bazata iya rabawa ba ta fita da gudu tana 'kwala ma mai gadinsu kira.

Shima hayaniyarsu taa hanashi barci ya taso da sauri yabi bayan baba haule suka shiga gidan shima mamaki fal cikin zuciyarshi, da'kyar suka 'kwace majeeda a hannun majeed, baba haule ta shige ɗaki da ita har lokacin bakinsu baiyi shiru ba suna aika ma juna ba'kaken maganganu.

Shima ta lallab'ashi ya tafi ɗakinshi, sai huci yake irinna sadaukan mazannan.

Kowanne da ɓacin rai tare dajin haushin ɗan uwanshi ya kwanta, don barci yana ɓarawo ne kawai ya sacesu, anma kowanne zuciyarshi kamar zata fasa 'kirji ta fito

Washe gari tunda safe baba haule tana gama haɗa musu break fast ko tsayawa karyawa batayi ba ta fita ta tari napep sai gidansu Abdul majeed.

Har lokacin 'yan biki basu gama tafiya ba anata hada-hadar haɗa musu break, baba haule ta raɓa ta gaishe su sannan ta wuce ɗakin Umman Majeed.

Tana falon d'akinta tana waya cike da kwanciyar hankali da alama mai wayan tana tayata murnar bikinne, sai data gama wayar cikin fara'a suka gaisa da baba laure.

Umma tace "Anma dai baba haule lafiya da sassafennan" kanta a 'kasa tace "Rashinta ne ya tado dani tunda sassafennan, don jiya bamu yi barci da kwanciyar hankali ba" Umma ta 'kara sassauta murya cikin tashin hankali tace "meya faru baba haule?" gyara zama tayi ta faɗa mata duk abinda ya faru.

Ran Umma ya ɓaci sosai ta fara faɗa "lallai yarannan anyi mararsa mutunci, mu zasu bama kunya? Ana tunanin in anyi auren zasu daina faɗa anma suyi biris da maganarmu! Bari inje in samu Alhaji in faɗa mishi"

Baba haule tace "tohh shikenan hajia ni daman gani nake tun wuri gara a raba auren nasu tunda basu so, kar wata rana a wayi gari sun kashe kawunansu ma"

    Umma tace "su kashe kansu mana, ya fiye mana dai da ace su ba 'kananan yara ba sun sanyamu karya Alk'awari" baba haule tace "tohh Allah dai ya kyauta".

Koda Umma ta jema Abba da maganar shima faɗa ya dingayi, ya ciro wayarshi ya kira 'kanenshi mahaifin majeeda ya sanar mishi, shima faɗa ya dinga yi suka ce su haɗu gidan, bazasu yarda yara su maidasu k'ananan mutane ba harsu tada Alk'awarin mahaifinsu.

Majeeda ta fito daga wanka, tana shafa mai ta jiyo k'arar motoci, da sauri ta zura doguwar riga ta fito daga bangarenta jin kamar maganar mahaifanta.

Hangosu tayi kuwa kowannensu fuskarshi babu walwala, gabanta ya faɗi tabbas akwai matsala, a sanyaye ta fito daga ɗakinta kamar marar gaskia, ta samu wuri ta rakuɓe tana gaishesu.

Umma kawai ta amsa mata, sai ga majeed ya fito da shirin fita, shima saida gabanshi ya faɗi ganinsu su duka a falon, a sanyaye kamar ita shima ya koma gefe ya zauna 'kasa, shi baima samu kowa ya amsa mishi gaisuwan ba.

Shiru ɗakin yayi na 'yan mintuna sannan Abba Yace "sannunku kunji, sannunku da abinda kuka aikata" duk suka k'ara sunnar da kawunansu kamar mararsa gaskiya.

Abba Yace "Tohh wlhy ku buɗe kunnuwanku kuji, ku baki isa ku maidamu k'ananan yara ba, mune nan mu muka haifeku, Alk'awari muka ɗaukar ma mahaifinmu kuma akanku bazamu karyashi ba wallahi"

   Daddyn majeeda Yace "in banda shirme da shiririta irin nasu ai idan ana shiga kabari a fito tohh za'a aurennan a kwance"

      Abba Yace "bawai kunga daman muna ɗaga muku k'afa ba, tohh wallahi kuka kuskura kuka raba aurennan sai dai ku nemi wasu iyayen badai mu ba" duk suka ɗago a tare suna kallon Abba.

      Daddy Yace "wallahi nima ba a gidana ba, kuma zan tsine miki ne duk ranar da kika k'ara faɗa da mijinki"

Umma tace "ita kaɗaice mai laifin? Baza'a ɗaurama ɗiyata laifi ba a barshi ga k'wareta, nima kau ina shirin tsine mishi duk ranar daya k'ara dukanta"

Gaba ɗaya komi ya kwance musu, sauraren iyayensu kawai suke har suka gama faɗansu suka tafi babu mai wani kuzarin magana duk sun kasa motsawa daga inda suke, har iyayen nasu suka tafi.

Sunfi rabin awa babu wanda ya motsa daga inda yake, babu wanda ya cema kowa wani abu, duk wani kuzarin dake jikinsu ya saki.

A hankali majeed Yace "miye mafita? Nifa tsakanina da Allah bazan iya zama dake a matsayin mata ba" tace "nima haka wallahi, kuma indai zamu zauna a inuwa ɗaya sai munyi faɗa" yace "hakane ya zama dole musan abunyi" tace "tohh me zamuyi?"

Yace "mu rabu kawai kowa yayi sabgarshi, tunda kowa ɓangarenshi daban" ta zaro ido "idan fa suka gano?" yace "tohh waye zai faɗa musu? Kinga saima in samar miki admission kici gaba da makarantarki" tace "hakane tohh sakeni"

Ba wani tunani ko damuwa a fuskarshi Yace "na sakeki saki ɗaya" itama ba da wani abu a ranta ba tace "saki ɗaya ai ana komawa" kafin ta rufe "baki yace "na sakeki saki biyu" tace "ai wallahi saki biyunma ana komawa, ka cikashe kawai" Yace "na sakeki saki uku.

Nikam mamaki ne ya kamani da wannan ɗanyen hukunci da suka yanke a tsakaninsu, anya kuwa zaman nasu zai yiwu a haka?

Kafinnan waye Abdul majeed? Wacece majeeda? Menene tarihin auren nasu? Idan kuka biyoni a sannu zan warware muku

WANI LOKACI KAFIN AURANSU...

Alhaji Sani da Alhaji salisu, y'an uwane dake matu'kar son junansu da son zumunci, kaka Abdul hameed shine mahaifinsu mahaifiyarsu khadija taa rasu da daɗewa, shi kaɗai ya rage musu shiyasa suke matu'kar ji dashi.

Alhaji sani wanda suke kira da Abba, kuma mijin Umma, yana da yara biyu, Abdul majeed wanda aka saka ma sunan kaka, da kuma 'kanwarshi zahra.

Sai Alhaji saleesu shima Yara biyu ne dashi duk mata, Aunty zainabu wacce ta girme musu su duka, da Autah khadeeja (majeeda) itama sunan kakarta ne da shiyasa ake ce mata majeeda.

Tun haihuwar majeed, kaka yake matu'kar ji dashi saboda sunanshi da aka saka mishi ga yaron shiru-shiru da saurin shiga rai, babu ruwanshi da hayaniya sai dai baison raini, kusan kullum suna gidan kaka shida Aunty zainabu da ta girme mishi da shekara 3.

Aunty zainabu nada Shekara 10, majeed nada shekara 7, k'anwarshi fatima zahra tana da 2years, aka haifi majeeda, iyayensu sunyi matu'kar murna sosae, bama kamar da tun bayan haihuwar zainabu basu k'ara samun haihuwa ba sai akan majeeda.

Ranar sunah aka saka ma jaririya suna khadija, anma za'ana kiranta da majeeda, kaka yaji daɗi sosai kasancewar sunan matarshi ne aka saka mata, tun a ranar ya k'udurta wani abu a ranshi, tsakanin takwaranshi majeed, ta takwarar matarshi majeeda.

****

Aunty zainab ce ta fito da shirin fita, taci kwalliya da goyon majeeda a bayanta, ta samu momie zaune ɗakinta tana kallo.

Tace "momie zamu tafi" momie tace "tohm a dawo lafiya, a gaida kaka Alhaji" zainab tace "zaiji momie" sannan ta fito har driver ya fito da mota, ta shiga sannan ta kwance goyon majeeda ta rungumeta ya tada mota sai gidan kaka.

Tana shiga da sallamarta, Abdul majeed dake zaune kusa da kaka ya amsa mata yana "oyoyo Aunty zainab" kaka daya cika baki da dambun naman da ƴaƴanshi suka kawo mishi Yace "Allah yasa da matata kikazo mun zainabu" tace "ni baka ma son ganina kenan sai wannan tsohuwar matar taka?" kaka Yace "Ai kinsan dolene naji da deeje, kedai kwantota ki mik'omin itanan mu gaisa" ta mik'a mishi ita majeed duk ya haɗe rai.

Tana hannun kaka sai mutsilniya take irinna jarirai tana ture majeed ta k'afarta, haushi ya kamashi ya rik'o k'afafunnata ya ri'ke, kaka ya lura dashi tun haihuwar majeeda ba wani son ganinta yake kusa dashi ba .

       "majeedar zaka ɗauka ne?" saurin girgiza kai yayi.

   Kaka Yace "haba takwarah na, ina lura dakai fa tun haihuwar ɗiyarnan ba son zuwa kusa da ita kake ba"

 Majeed ya k'ara ɓata rai Yace "Ay nifa babu ruwana da ita kaka, tun haihuwarta ka daina ji dani da taazo sai dai kayita ɗaukanta, ko gidansu mukaje da ummana sai tayita ɗaukanta"

  Kaka Yace "kai bakaso ana ɗaukar matar taka ne?" da sauri yace "ni ba matata bace, bani sonta" shiru kaka yayi bai k'ara cewa komi ba.

Kiran sallahn da akayi ne ya saka zainab ta fita ɗauro Alwala, kaka ya mi'ka ma majeed ita yace "ri'keta tohm inyi sallah" kamar bazai amsheta ba, sai da kakanma ya kwantar mishi da ita sannan ya fita alwala.

Kaka na tsakar yin alwala, zainab na shirin shiga ɗakin suka jiyo majeeda ta k'wala wani uban kuka, da gudu zainab ta k'arasa shiga ɗakin ta iske bakin majeed dai-dai k'afarta ya gartsa mata ciwo da sauri ya ɗago.

Ta tsaya tana kallonshi "meka mata majeed?" ya fara kame-kame "wallahi Aunty zainab babu abinda na mata, ita keta kukanta tana halbina da k'afafunta" tace "tohh ka ɗauketa ka rarrasheta mana" badon yaso ba, ya ɗaga ta sama duk da ba wani k'warewa yayi da ɗaukan ba, aykam saitin bakinshi ta dalalo mishi tumbuɗi.

Baisan sanda ya saketa ba saida ta kusan faɗowa zainab ta ri'kota ya fita da gudu yana kakarin amai, sai da suka nutsu suka dinga mishi daria.

Haka rayuwar majeeda da majeed take tun suna k'anana, tun lokacin data fara tafiya data samo abun ɓarna saita nufeshi ta k'wala mishi, shima haka indai daga shi sai ita ne ya dinga mintsininta kenan, kwata-kwata basu zama wuri ɗaya.

Haka rayuwah taci gaba da tafiya, babu jituwa sam tsakanin majeed da majeeda, tana da shekara 6 ko wucewa zatayi sai majeed ya saka mata 'kafa taa faɗi, gata da masifa ita ma ta ɗago suyi tayi dak'yar iyayensu suke rabasu.

Cikin haka kaka ya kwanta ciwon ajali, ya tara 'ya'yan nashi duka ya fara musu wasiyya sannan yace "na sanku da zumunci, da kuma son zumunci, ku k'ara rik'e junanku ko bayan raina, a duk lokacin da naga khadija da Abdul majeed sai wani abu ya zomin a raina, ji nake kamar nine da mahaifiyarku, naso ina da rai inga ranar aurensu, anma kumin al'kawari ko bayan rai na zakuyi musu aure"

Alhaji Sani Yace "Insha Allahu kaka bazaka mutu bama sai kaga auren nasu"

    Kaka Yace "inaa Sani, kai dai kawai ku rik'e alk'awari, don ciwonnan nawa jikina yana bani bana tashi bane, ko bayan raina ban yafe ma duk wanda ya saɓa wannan alk'awarin ba a cikinku, majeeda itace matar majeed" tare suka haɗa baki "Insha Allah baba"

Maganar daya faɗa k'arshe kenan, sai dai yayi kalmatus shahada, rai yayi halinsa.

    Sunji mutuwar mahaifinsu sosai, sunyi kuka, tare da k'ara jaddada maganarshi ta k'arshe suna k'ara ɗaukarta da muhimmanci.

Sai dai wani Abu, majeeda da majeed suna girma suna k'ara rashin jituwa a tsakaninsu, tun suna ɗaukar abun nasu yarinta ce, har sunkai lokacin da majeeda ta gama secondry school, majeed ma ya gama makarantarshi har ya fara aiki, Aunty zainab kuma anyi mata aure da shekara ɗaya.

Yau gidansu majeed ta shirya ta tafi, zahra nata yi mata tsegumin bata son zumunci sai dai ita tazo, yau dai ta shirya driver ya tafi kaita.

Tayi sallama falon ta shiga, babu kowa, saita wuce ɗakin umma ta gaisheta sannan ta fito ta nufi ɗakin da zahra take.

Hangota tayi ta k'urama t.v kallo da alama a tsorace take, lallab'awa tayi har inda take ko sanin taa shigo ma batayi ba, sannan ta k'wala k'ara saitin kunnanta.

Aikam ta mik'e a firgece daman duk a tsorace take, ko tsayawa kallon majeeda batayi ba ta zunduma waje a guje tama rasa inda zata nufa, itama majeeda tabi bayanta da gudu tana mata dariya sai so take ta rik'ota, anma ina tama k'i tsayawa wuri ɗaya sai dai taji tayi karo da mutum.

Da sauri taja da baya zuciyarta cike da fargaba ta ɗago idonta taga ko waye, suka haɗa ido da majeed yana mata wani irin mugun kallo.

Ganin shine itama taja tsoki kawai ta nufi wurin zahra da tayi tsuru-tsuru tana kallon majeed, tace "muje matsoraciya, kinsan bazaki iya ba kika saka film ɗin horror ke kaɗai a ɗaki kina kalla"

Tace "Tohh yana iya tunda ina son kallo? Film ɗinne yayi kyau" har lokacin zahra satar kallon majeed take daya kasa motsawa daga inda yake har lokacin.

Ya daka musu wata uwar tsawa "baku da ido ne da zaku bugi mutum da wasan banzanku na k'ananan yara kuma bazaku bashi hak'uri ba?" zahra tace "kayi hak'uri yaya" tana zungurar majeeda itama ta bashi hak'uri.

Majeeda tace "hak'urin me kike bashi? Shine fa ya shigo ta hanyarmu" ta murguɗa baki sannan ta juya taci gaba da tafiyarta.

Yace "lallai ma yarinyar nan, yauma rashin kunyar zakimun?" waiwayen ɗakin ta kamayi sannan ta ɗago idonta itama ta watsa mishi wani irin kallo sannan tace "babu yarinya anan"

         "idan nazo na murɗe wannan shegen masifaffen bakin naki kyamun bayani"

Tace "zan zauna ne kamar sakara ka murɗemin baki? Kaima kasan ba tsoranka nake ba wallahi".

Nan fa faɗa ya kaure, majeed ya kasa wucewa ɗakinshi saboda yanda majeeda ke gasa mishi maganganun, ranshi yayi matuk'ar ɓaci shiyasa yarinyar ko ganinta bai sonyi, masifaffiya ce kuma tayi matuk'ar rainashi.

A zafafe ya nufeta da niyyar kai mata mazga, dai-dai lokacin umma ta fito jin hayaniya, majeeda na tsaye inda take ko gezau ba tayi ba

Umma tace "Aaaaah, majeed mezan gani haka? Abin naku ya wuce faɗa a baki har duka zaka kai mata?" cikin jin zafi yace "Umma zan tsaya k'aramar yarinya kamar wannan ina faɗa tana faɗa ne? Ai wallahi sai ta gane ni ba sa'anta bane".

Tace "ai sai dai in baka faɗa ba wallahi, donni bazan tsaya kana nunamin iko ba"

  Umma tace "tohh kuci gaba kunji ko? Tunda a gabana ma bazaku bari ba, kana babba anma bazaka daina shiga harkar k'annan ka ba, zo ka wuce ɗakinka" tana nuna ma majeed hanyar ɗakinshi.

Ya wuce yana aika ma majeeda da harara, itama harararshi take harya wuce ɓangarenshi, sannan taja hannun zahra suka wuce ɗakinta.

    Sai dare Driver yazo ɗaukanta, Zahra ta rakota har wurin motar. Zata shiga kenan idonta ya hango mata Majeed babu nisa da inda take, shida wata yarinya da alama zance suke, aikam dariya ta fara harda rik'e ciki. Zahra ta fara dudduba jikinta tasan halin Majeeda da dariyan mugunta tace "wai meya baki dariya haka?" ta buɗa baki zata yi magana ta k'ara kwashewa da dariya. Zahra tace "wai miye haka?" ta soma k'ulewa, shima Majeed yana jiyota hankalinshi duk ya dawo kanta sai aika mata da harara yake ta cikin duhun, dak'yar tana rik'e cikinta tace "Abin da ya bani mamaki na gani, wai mace da zuwa wurin namiji zance".

    Zahra ta sassauta murya tace "don Allah ki daina mana, kin san dai halin Yayanmu yanzu ya taso kuyi tayi, itama budurwarnan tashi ce da shegiyar k'wak'wa".

   Tun kafin ta gama magana Majeeda tace "barni in faɗa wallahi, an daiji kunya mace  da zuwa zance wurin namiji, ko meye ma abun so anan?"

    Cikin faɗa ya taso inda take kamar zai shige mata, zahra harta ɓalla da gudu cikin gida, itama shigewarta tayi cikin mota da sauri kafin ya ida isowa tace ma Driver ya tada su tafi. Sannan ta lek'o da kanta da k'arfi tace "kayi kai kaɗai, da wannan marar aikinyin da take biyoka har gida, wlhy k'arama tun wuri ki canja masoyi wannan ba abinso bane" sannan suka wuce nan suka barshi yana cizon yatsa data gama gaggaya mishi maganganu kuma bai mata komi ba.

    Har dare idan ta tuna ita kaɗai sai ta dinga daria, koda suna chatn da Ibraheem sai da Yace mata "wai ya na ganki yau kina cikin farin ciki?" Tace "Ay kullum ma cikin farin ciki nake da annashuwa indai ina tare dakai"

Yace "Hakane Masoyiyatah, anma da alama farin cikin naki na yau yaafi na kullum" tace "hakane fa, wlhy wani abune ya bani daria, anma dai bazaka tambayeni ko miye ba?"

      "ko ban tambayeki ba nasan zaki faɗamin ba?😉

    "hakane Masoyi, anma ka share kawai"

    "na share Masoyiyah, bani labari"

     "ba labari sai dai na zuciyatah"

     "shi nafiso masoyiyah, bani labarin soyayyatah a cikin zuciyarki"

    Anan suka bar maganar, suka ci gaba da firarsu kawai, anma idanta tuna abinda taima Majeed sai ta dinga dariya ita kaɗai, kafin shima ya tashi ramawa.

***

   Sun gama fira da Ibraheem yayan k'awarta kuma saurayinta, fito ta rakashi har gaban mota suna fira kamar karsu rabu.

   Daddy ne ya shigo ya kallesu Majeeda sai k'yalk'yala daria take, tana ganin haka tayi saurin shanye dariyarta ta dai-daita nutsuwarta, ibraheem ya fita har inda daddy yake ya duk'a ya gaisheshi, sama-sama ya amsa sannan ya wuce cikin gida.

    A sanyaye Ibraheem ya koma wurin motarshi ya shiga, ta rik'e k'ofar motar duk taa marairaice fuska ganin canjawar yanayinshi.

    Sai ga motar Majeed taa shigo gidan, ta ɗaga kai kawai sannan ta maida hankalinta wurin Ibraheem.

    Zuwa yayi har inda suke sannan yayi parking motar ya fito, zai wuce Ibraheem ya mik'a mishi hannu suka gaisa sannan yayi gaba yana cewa...

   "yau naaga nacin zance, saurayi na zaune saman seat ɗin mota don tsabar baiji da mace zai barta tsaye tana shan gajia" ya wucewarshi kawai.

   Tasan da ita yake, kawai dai bata son ta tanka mishi a gaban Ibraheem ne ya sakata sharewa, ba daɗewa ta sallami Ibraheem sannan ta shige gidan, ɗakinta kawai ta wuce donma karsu k'ara haɗuwa, bata sanma sanda yabar gidan ba.

   Da safe taje gaishe da Daddynta, harta taso zata tafi ya tsaida ita, ta koma ta zauna kanta a k'asa gabanta naa faɗuwa.

   "ɗazu wanne yaro ne yazo gidannan?" sai da ta ɗanyi shiru sannan tace "Yayan k'awata ne Daddy"

    "Yayan k'awarki kuma meya kawoshi gidannan?" shiru ta k'arayi har saida ya k'ara maimaita tambayarshi sannan tace "ba komi fa Daddy".

   Yace "ina fatan hakanne, domin kuwa naa riga dana miki miji" da sauri ta ɗago da fuskarta "miji kuma Daddy?"

    "k'warai ma kuwa, idan ma bakisan ko wanene ba yanzu zaki sani, domin kuwa tun kina k'aramarki mukayi ma Mahaifinmu Alk'awarin haɗaku aure da Majeed"

   Wani irin zabura tayi "Majeed dai Abba? Ni wallahi bazan aureshi ba, na rantse bani sonshi" yace "tohh naji baki sonshi, tashi ficemin daganan, maganar aure tsakaninku dai babu fashi" nan ta k'ara fasa wani kukan, ta tashi ta nufi ɗakinta har tana tuntuɓe a hanya faɗi take ita wallahi bazata taɓa aure Majeed ba.

Read More

Share this

WhatsApp

AUREN BAZATA PART 5 [THE END]

"sosai shukrah take jin dadin aikin ta don batada wata matsala da mijinta tunda yana so, HK batada matsala da *Maryam Anas* don ba laifi shukrah ta iya aikin ta kuma batada kyashi"

"kasan cewar mutane masu matsalar ido basuda yawa yasa SHUKRA kullum take tashi a office da wuri hakan yayiwa kowa dadi musamman ma Safeer a cewar sa gwara Shukrah tayi tarbiyyar yaranta da kanta, bawae don bae yarda da da tarbiyyar su Mamah bane a a shudae kawae yafi ganewa hakan ne"

°°°°°°°°°°°°°°°°°°°°°°°°°°°°

*Bayan wata takwas*

Abubuwa da yawa sun faru a rayuwar ma'auratan nn guda biyu,twins sun girma sunyi wayo sosai don yanzu har suna iya tafiya,magana ma suna tilastawa Kansu suna dan gwadawa"

"Yau ta kama Saturday kuma kamar yadda suka saba basa fita week ends saboda haka yau duk suna gida, Safeer na kan one sitter ya daura Labeeba kan jikinshi yana mata wasa yayinda labeeb ke wasan sa daga kasa kusada Shukrah ,ita kuwa Shukrah tana zaune ta maida hankalinta kan wani littafi da take karantawa"

"Safeer ya kalli Shukrah sannan ya kalli labeeb yace 'Sweetheart ' kirawo min Shukrah"

"Labeeb ya dago Kansa ya kalli Daddy'nsa sannan ya kalli Shukrah wadda batama San me sukeyi ba ya Kara kallon Safeer,Safeer ya daga

Masa kai,sannan ya Mike yana tafiyarsa irin ta 'yan koyo yazo gaban SHUKRA ya riko hannunta yana Mata murmushi yace"

"Chuklah Jo Daddy". Yana nuna mata Safeer Wanda ya dage sai Dariya yake mata, ta turo baki gava ta bata fuska wane zatayi kuka ta kalleshi"

" Ynx sabida Allah other half Shukrah zaka koya was yaran nn fada ko,? Dariyar ya tsagaita sannan yace yi hkr yan matana ni bance yacemiki Shukrah ba shi ya fada"

"Murmushi kawae Shukrah tayi ta mayar da hankalinta kan book din hannunta don tasan in ta biye masa haushi da takaici zaita tura mata"

"shirye shiryen bikin Aysher ya kankama tunda next month za ayi bikin hakan nema yasa Mamah da Hajiyar Haidar suka shirya tsab suka tafi Cairo donyin siyayyar bikin ,sati biyu kawae sukayi a can suka dawo inda aka shiga cikin bikin gadan gadan"

"Mutanen Mamah duk sun halarchi bikin kuma sunyi bajinta ba kadan ba, ciki kuwa harda *Aunty Maryam Ana's*  ,sosai Mamah keji da ita don a duniya batada kamarta duk da kasan cewarta kawace a gurinta amma tamata abinda yan uwanta da yawa basuyi mata ba,hakan ne yasa ta Kara mata matsayi sosai kuma take alfahari da ita"

Sunday 23 December 2016 aka daura AUREN *Mahmoud Mustapha da Aysher Muhammad mai lafiya* Kan sadaki naira dubu hamsin, musalin sha biyu na rana, sosai Auren ya samu albarkar manya manyan mutanen da suka halarta"

"Karfe takwas da rabi na dare aka kai amarya dakin ta"

"Rayuwar Safeer da Shukrah rayuwa CE da aka gina ta cikeda so da kauna,yarda ,amana, karamci dakuma mutunta juna, sosai suke son junansu sika kuma yarda da Kansu"

"Shukrah a kitchen tana wanke wanke yayinda labeeb da labeeba suke tayata da barna, Safeer ne ya shigo cikin kitchen din yana Yar wakar sa da alama dae yana cikin nishadi,karasowa yayi kusada Shukrah ya nannade hannun rigarsa ya  sunkuya yana tayata daurayewa"

"Other half yaushe za ayiwa twins kani ne sunyi girma fa yace yana kallon ta cikin ido"

"Dau ke idonta tayi daga kallonsa tana murmushi kasa kasa sannan tace 'ynx idan nacema inada ciki ae saika rufeni da duka yara wata goma sha biyu amma ace za a musu k'ani"

"Ware idanunsa yayi sosai a kansa don ta bashi mamaki sosai be taba tunanin zatace HK ba shi a ganin sa Shukrah tanada hankalin da ko ciki ta samu bayan ta haihu da wata biyar bazata yi korafi ba, amma sai yaji Sabanin hk, shiyasa ma yace' Haba Shukrah da girman ki da hankalinki zakice HK,"

"Dariya tayi don taga kamar abinda tace ya bata ransa tace' yi hkr Ya Safeer ni ko ynx ma a shirye nake kazo kamin ciki shknn"

"Haka kikace Shukrah?

"Haka nace, meye to ae mu munci dubu sai ceto ya safeer Shukrah tace tana dariya sosai,daga nn ta kwashe plates din da cups duk ta jerasu a muhallin su sannan ta dawo ta wanke sink din"

"Shammatar ta Safeer yayi ya dagata cak ya nufi bedroom da ita yana cewa bakince kinci dubu sai ceto ba,kuma a shirye kike nayi miki ciki ko,ae ko ynx zan baki triplets

Ma, kan gado ya ajiyeta, itadae Shukrah batada bakin magana tunda ita ta janyo wa kanta,shafa ta ya fara yi tunda kanta har zuwa kirjinta duk ya wani susuce dan dan kwana biyun da beyi ba, haka dae yayita romancing dinta har ya cimma burinsa ae nan ya Kara susucewa donji yayi Shukrah ta zamar masa sabuwa fill don Shukrah bata wasa da gyara sam nan ya fara Mata surutai ,Shukrah na baki gidana na zoo road, na baki duk wani dukiya Dana mallaka na baki kaina Shukrah na baki raina gaba daya gani kiyi yanda kikeso dani Shukrah ki juya ni yadda kike so kinji......

"Da yamma bayan sunyi wanka suna zaune suna hira Shukrah ta kalleshi ta kyalkyale da dariya ,ya hade rai yana hararar ta don yasan mugunta ta shirya masa, a kufule yace' meya faru kuma'

"Dariya Shukrah ta cigaba dayi harda rike ciki tana kallonsa HK kuma tana nunasa da daya hannunta ,haushine ya cika shi ya mike yazo kusa da ita, Kafin tace zata tashi ta gudu harya riketa ya matseta sosai har saida tayi Yar Kara ,yace fadamin me yasaki dariya kafin in bata miki rai"

"Sai da takara darawa sannan tace""Shukrah na baki dukiya ta ,nabaki gidana na baki kaina kiyi yadda kikeso dani ta karashe tana sake yin dariyar sosai"

"Sake matseta yayi ya hade rai don ya gano abinda take nufi yace to waye ya fadi hakan?

"Dariya ta kuma yi sannan tace waye to inba Ya Safeer ba"

."Murmushi ya kuma yi sannan yace nidae sharri kika min amma zan hkunta ki da daddare,"

Bayan kamar sati uku Shukrah ta Fara ganin canji a jikin ta don ynx wata kasala CE ke addabar ta ga yawan zazzabi da ciwon kai ga kuma wani saurin bacci da take data dan jingina sai bacci wani lokacin ma ko girki take data dan zauna sai bacci,"

"Shukrah CE a kitchen tana dafawa twins indomie don basa son cin abinci sosai, da zarar sun faracin wani abun da sunci sau uku zuwa hudu zasu dena ci, ga kuma rigima dasuke damunta dashi Sam basa barinta ta huta in bacci ma take haka zasuje su hau kanta suna tsalle suna'chuklah ci taci cijo Daddy ,wani lokacin sai ta hada da duka suke nutsuwa su kyaleta shiyasa ma ta yanke shawarar yaye su tunda sunyi wayo sosai"

"Tana zuba indomie din ta dawo ta kwanta a kasa Dan danan kuwa bacci ya kwashe ta zuwa can indomie ta fara kamawa ,Safeer dake bacci a parlour yaji kauri na Neman halaka shi ga twins sai tari suke suna kuka, da sauri ya karaso kitchen din kai tsaye gurin gas ya nufa ya kashe sannan ya dawo gun twins ya daga su yana jijjiga su,duk wannan abinda ake Shukrah bata sani ba, Haushi ne yasa Safeer fara bubbuga Shukrah yace meye HK wae yake damunki Shukrah ko ina kika samu sai bacci kin barmin girki yana konewa yarana sai tari sukeyi amma ke sai baccin ki kike hankali kwance ,kije kiga doctor mana in cuta kike ya baki magani"

"Taikaici ne ya rufe Shukrah don tasan ko a mafarki bazata iya mayar masa da magana ba shiyasa ma ta mike ta dau wayarta ta koma parlour tayi kwanciyar ta sai bacci, sanda Safeer ya futo yaga har ta koma bacci tsaki kawae yaja ya rike hannun yaransa suka bar Gidan...........

"misalin sha biyu da rabi *Shukrah* ta gama attending patients NATA,tana zaune shiru kasan cewar bazata tafi gidaba sai 2:00pm bacci ta fara ji tun tana kokarin hana kanta yi har ta saduda ta kifa kanta a jikin desk dan danan ko ta fara baccin"

*Aunty Maryam Ana's* taji shukrah shuru don ta saba in dae ta gama attending patients gurin ta take zuwa suyi hira,hakan ne yasata mikewa da niyyar dubo Shukrah, sai da ta fara duba Dr.Nuriyya taga tana nn sannan ta wuce office din Shukrah"

"Da sallamar ta ta karasa office din amma ga mamakin ta sai taji shiru, tura kofar tayi ta shiga taga Shukrah kwance tanata bacci abinta, ta karasa jikin desk din tana bugawa, kamar daga sama shukrah taji bugun ta dago da sauri  don ta tsorata sosai,Ganin Aunty *Maryam Ana's* yasata turo dan bakinta tana shirin yin kuka"

"Sleeping on duty ko? Good ki sameni a office, zaki answer query Aunty Maryam Ana's tace tana dariya sannan tayi gaba, Dariyar itama Shukrah tayi sannan ta dau handkerchief ta goge fuskar ta ta fita ta rufe office din ta wuce office din Doctor Maryam, a zaune ta sameta tana duba wani file ta karaso ta zauna a side chair din office din tana kallonta"

"Lazy Doctor daga duba patients basufi 30 ba amma har kin fara bacci ko,meye matsalar kine wae kwana biyun nn ?Inji Dr.Maryam Ana's"

"Murnushi Shukrah tayi ta kauda kai don tana gudun abinda zai je ya dawo, kamar bazatayi magana ba sai can tace' Nima Aunty bansan meke damuna ba gaba daya banajin dadi, yawan bacci, jiri wani lokacin ma har da zazzabi nake ta fama dasu a yan kwanakin nn"ta fada cikeda damuwa

"Kin harbo jirgi Shukrah, Allah ya raba lafiya da kaina zan miki test don INA son sanin watansa nawa Dr.Maryam tace sanda ta taso ta dawo kusa da Shukrah"

" Result na Test din da akayiwa Shukrah ya nuna tanada ciki har na tsawon wata biyu da kwana uku, Dr.Maryam Ana's ta kalli Shukrah da fara'Arta tace sannu Shukrah Allah yasa twins ne ko nasamu amin takwara, Shukrah ta bata fuska kamar zatayi kuka'Aunty nifa banason cikin nn watan twins fa Tara, yazanyi dasu fisabilillahi"

"Murmushi Dr Maryam tayi tana kallon Shukrah, tace koda wasa karna kara jin kince bakyason k'aruwa Shukrah,ko kinsan wani son haihuwa yake kamar zaiyi hauka amma Allah bai bashi ba,ita haihuwa babbar kyauta ce bakowa Allah ke bawa ba amma ke kinsamu kice bakya so Shukrah, Allah da kansa yace yanajin kunyar idon duk Wanda bai azurta da haihuwa ba, haba Shukrah ina hankalinki ya tafi? Yaranki sunyi girman da ko yanzu zaki iya yaye su, me kike tunani Shukrah"

"Hakikanin gaskiya maganar Aunty Maryam ta shiga Shukrah, kuma itama ta sani amma ta share tayi rau -rau da ido kamar zatayi kuka tace insha Allah koda wasa bazan kuma fadar hakan ba kuma Alhamdulillahi Allah yana sona shiyasa ya bani haihuwa Allah ka bani ikon tarbiyyantar dasu kan hanya madai~daiciya"

"Ameen Yar gata na cewar Dr.Maryam sanda take hada kayanta, atare suka fito da Shukrah Inda take rokon Shukrah tazo da twins gidanta ran Saturday, Shukrah kuma ta tabbatar mata zasuzo harda Safeer ma ,nan sukayi sallama kowa ta shiga motar ta suka fice  *MARYAM CLINIC*"

" yau ta kama saturday kuma Kamar yadda Shukrah tayiwa Dr.Maryam Alkawarin kawo mata ziyara ran Saturday haka suka shirya tsaf gurin 12:00  bayan Shukrah ta gama duk ayyukan ta suka kama hanyar Gidan Doctor Maryam Ana's, cikin mota Labeeb ya tabo Shukrah yace 'Chuklah jidan Aunty mayyam jamu ae ko' ,Shukrah ta doke bakinsa tace wace'''Shukrah'''? ,ae kamar jira yake ya fasa ihu harda fadowa daga kan sit ya buga kansa kuwa a jikin driver sit ya dinga birgima wane Shukrah Zane mishi jikinsa tayi,Safeer yayi saurin gangarawa gefen titi yayi parking ya juyo yanawa Shukrah mugun kallo sannan yace'Wae Shukrah sau nawa zan hanaki dukarmin yara,ko saboda ban isaba ne yasa bazaki jiba, meyayi miki ma da har ya cancanci duka daga gareki, sai kace bake kika haife suba komai duka, me zakiji ajikin yaron nn in kin dakeshi"

"Labeeb ko tunda Daddy'nsa ya Fara magana yayi shuru kamar yasan me yake cewa sai ya kalli Shukrah ya juyo ya kalli Safeer,...Shukrah bata iya mayarwa da safeer magana koda kuwa rashin mayar da maganar zai zamo mata matsala, amma tanajin tausayin Safeer bataso son da yake yiwa yaransa yasa shi rufe idanunsa ya kuma toshe kunnensa haka kuma ya juyawa gaskiya baya shiyasa ma yau ta daure tace

      "Haba ya Safeer Dan Allah me yasa wae kai kullum in yaran nn sukayi laifi saika rufe idonka ka nuna kai bakason ayi musu hukunci,bayan ice tun yana danye ake tan kwara shi.. Kuma naga ae ba wani Abu nayi masa bige masa baki kawae nayi sabida ya kirani da sunana ko saboda Ina son su sai ya barsu suyi yadda suke so ?karka manta fa yaranmu amana ce Allah ya bamu kuma zai tambayemu, me zamu ceda Allah in ya kasance mun koma gareshi ba tare da mun sasu akan hanya madai daiciya ba,nasan kafini sani kuma ba fada maka nayiba dan baka sani a a na tuna tarda mune, Amma dan Allah in na bata maka rai ka yafe min ban Dada da niyyar bata ran kaba kaji.. Tana kaiwa nan ta Kifa kanta jikin window wasu zafafan hawaye suka fito Mata a kokaci days kuma tana da tasanin saukin bakin da tayi ita a rayuwar ta batason wani ma ya bata ran safeer bare ma ita da kanta ta bata"

"Shiru Safeer yayi yana nazarain maganar ta ya tabbatar da cewa gaskiya ta fada, take yaji ya kara mata matsayi ya kuma Dada tabbatar wa yayi dacen mace ta gari kuma yaransa sun yi dacen nahaifiya ta gari.. Sonta yaji yana ratsa duk wata gaba ta jikin sa,ya juyo yana kallon ta har a lokacin bata dago ba yace cikin zuciyar sa'Ya Allah ga salihar baiwarka nan kayi mata gafara ka buda mata ka kuma kareta daga sharrin duk wani mai sharri, Karasowar da sukayi Gidan Doctor Mariam Ana's yasa Shukrah dagowa suka hada ido da Safeer suka sakarwa juna murmushi ,Safeer ya fito ya bude mata kofar motar ta fito bayan ta dauko labeeb daga kasa nan inda ya gama rigimarsa yayi bacci"

"Safeer ya rike Mata hannunta yace Other half bacci?

"Murmushi tayi tace wallahi nima bansan  inayiba saida motar nn ta tsaya sannan na farka, Murmushin shima yai sannan suka shigo parlour"

"Da murnar ta tafito ta taresu tana musu ya hanya bayan sun zauna ne kuma ta tashi ta fara kawo musu drinks, hira sosai sukeyi Dr.Maryam sai yaba halayen SHUKRA take Safeer yana tayata, yinin ranar a Gidan sukayi harda Safeer Wanda sallah ce kadai ke fitar dashi a Gidan, don dama can shi jinin su yafi a haduwa Dana Dr.Maryam duk cikin kawayen Mamah tanaji dashi kamar danta"

"Sai bayan sallar isha suka bar Gidan,Labeeb

Dan rigima wae anan zai kwana suna tafiya ko barin layin basuyiba ya dasa kuka wae Sai ta kaishi Chuklah,ae kuwa ba shiri ta Kira su suka juyo sukadau Dan rigimar su suka wuce gida"

*Bayan wata takwas*

"Cikin *SHUKRAH*ya girma sosai kusan ma yafi na twins girma abinda ya tashi hankalin Shukrah Knn musamman ma in ta tuna kalar wahalar da tasha da haihuwar twins har kuka take duk ta Hana kanta sukuni gani take kamar zata mutu sai ta zauna tayi shiru tana tunani don yanzu ta dena zuwa aiki tunda cikin ta yakai wata takwas"

"Yau ta kama Saturday amma Shukrah ce kadai a gida sai Labeeba dake kwance jikin Shukrah shi Safeer yaje Gidan Haiydar shida Labeeb sun tafi kai Zafeera asibita zata haihu, Kasan cewar Zafeera mai juriya yasa ba a wani sha fama da ita ba ta haihu cikin kankanin lokaci, ta haifi da namiji murnaa a gurin Haydar da Safeer kamar me dan danan suka kira Hajiya a waya suka sanar da ita ,nan itama ta Fara kiran yan uwa a waya cikin kankanin lokaci asibiti ya cika da jama'a ,a ranar da yamma kuma aka yi discharging dinta tunda lafiyarsu kalau "

"Washe gari a can Shukrah ta yini yan uwa sai zuwa Duke,ranar suna yaro yaci sunan mahaifin Zafeera wato Abdullahi za a dinga kiransa da little "

Bayan wata biyu ranar wata Friday Shukrah ta tashi da matsanan cin ciwon Mara har bata iya motsi ko kuka ta kasayi sai hawayene kawae yake zuba a idanunta ,ga wayarta tana gani takasa dauka ta Kira Safeer kasancewar bayanan yanacan wajen Gina company dinsa tun safe

DaKyar cikin sa'a Shukrah ta mika hannu ta dauko wayarta number Safeer tayi dialing, Safeer dake tsaye yaji vibration cikin aljihun sa yayi saurin dauko wayar yayi picking da sauri ganin Shukrah CE me kiran,

"Hello other half kazo zan mutu kawae Shukrah ta iya cewa tayi wulli da wayar sakamakon marar ta data juya mata ,rike cikin tayi tanata juyi a kasa, A bangaren Safeer ma jin shirun da Shukrah tayi yayi mugun daga masa hankali ko sallama beyiwa haiydar ba yayi ficewar sa da sauri"

"Sanda ya karasa Gidan Shukrah gaba daya ta fita a hayyacin ta, duk karfin hali irin na Safeer sai da ya goge kwalla ganin irin halin da shukrah ta shiga ga jini sai zuba yake, ya rasa yadda zaiyi, dakyar ya tattaro nutsuwar sa ya daga Shukrah cak ba tare da ya damu da jinin dake zuba a jikin taba, yanasata a mota ya zagaya ya shiga yayi reverse ya fita da gudun gaske"

"Kai tsaye ya wuce Standard (Asibitin Dr.Mariya galadanci) cikin sa a ya samu Dr.Zainab zata fita, Zainab ganin halin da Shukrah take ciki yasata karbar ta tawuce da ita labour room"

"Ba karamin tashin hankali Safeer ya shiga ba ganin awan shukrah uku cur a labour room amma ta kasa haihuwa ko kuka ta kasa sai innalillahi wa innailayyi raji'un take fadi ,nan danan ya kira Mamah ya fada mata sannan ya kira Ammii ma ya sanar da ita, bayan kamar minti goma wata nurse mai suna Salmah tazo tace masa dole fa sai Shukrah tasha inducing drug saboda HK yaje ya nemo,ba tare da yasan Inda zai samu ba ya fito duk Air condition din dake cikin dan karamin hospital din nn amma Safeer ya jike da gumi,kicibus sukayi da Haiydar Wanda Mamah ta kira ta sanar dashi zancen haihuwar,Haiydar ya dafa Safeer cikeda tausayawa yace haba Safeer be a man mana duk ka wani rude ka gigice, cuta ae ba mutuwa bace"

"Dafe kai kawae Safeer yayi don bayason magana ma gaba daya zuwa can yace inducer zaka samo min Haiydar ,Shukrah tana cikin wani hali.. Pls help me I can't afford loosing her, I just love her

"Da sauri haydar ya wuce be Dade ba sai gashi da inducer yaje ya mikawa wani Nurse yace ya kai musu sannan ya dawo gurin Safeer yana bashi baki,"

"Cikin ikon Allah Shukrah nashan inducer ta nemi ciwo ta rasa ji tayi kamar zatayi amai, ta kira nurse tace mata

    "Amai zanyi kamani inje toilet"

"Yi aman ki Anan kinji tace mata, kakarin Aman Shukrah tashiga yi nan danan sai ga baby ta fado ta sa kuka kuwa Shukrah ta koma ta lafe sai bacci,cikin bacci Shukrah taji bayanta ya wani amsa,ta bude ido a firgice ta fara kuka jitake kamar zata mutu ga baby tana gani nurse tana gyarawa, sake sakin ihu tayi sakamakon mararta da bayanta da suka kuma kullewa tace wayyo Allah ka taimakeni, duk likitocin suka yo kanta, Dr Zainab ta matsa cikin ta tace Salma zo akwae wani acikin nn da alama, Salma ta karaso da sauri tarike Shukrah tace yi nishi kinji Shukrah yanzu babyn zai fito, Shukrah ta marai raice tace vazan iya ba wallahi ni mutuwa zanyi ki kiramin other half muyi sallama"

"Cikeda tausayi Dr.zainab shiga shafa kan Shukrah,tace cutafa ba mutuwa bace Shukrah kiyi hkr kiyi nishi ko guda days ne please"

"shukrah bata San sanda ta kankame Dr Zainab ba tayi wani nishi ae ko sai ga baby nan placenta ta fito, an an aka shiga gyara babyn cikin kokaci kadan aka jerewa Shukrah twins dinta duk mata, sai anan aka bar Safeer da haiyar su shigo,Shi Safeer bamaya yin ta Twins shi ta Shukran sa yakeyi ya karasa da sauri ya rungume ta yana mata sannu, shiko haiydar Twins yaje ya hade ya rungume yana kissing dinsu nan da nan suka shiga ransa, yashiga snapping face nasu yana turawa mutane, kafin kice kwabo asibiti ya cika da yan uwa da abokan arziki, zuwa dare aka yi discharging nasu suka tafi gida "

" Washe gari tun safe mutane suka cika gidan ba masaka tsinke Safeer ko wanka be samu yayi ba sai gidan Haiydar ya tafi yayi acan, haka dae gida ya cigaba da cika har ana gobe suna, da sassafe Aunty Maryam Anas ta aiko da  trolleys uku cikeda kayan babies  dana maman babies, da kuma raguna guda biyu, "

" Ranar suna da asuba safeer ya fadi sunayen da yayi yaransa huduba da, ta farkon yasamata *Fateema*za a dinga kiranta da ( *Afaf*) sunan Ammii 'n Shukrah ta biyun kuma *Maryam*( *Anan*) taci sunan Aunty Maryam Anas, haka aka sha shagalin suna kowa sai murna yake, don har yan uwan su Shukrah na kd, dana maid, dana Damaturu sai da suka zo, haka yan Adamawa duk sunzo, Washe gari da yawa suka tafi wasu kuwa sunce sai next week "

" Safeer baya samun ganin Shukrah kwata kwata amma be damu ba kasan cewar shikansa bashida lokacin kansa don aikin company yayi nisa sosai kuma akwai bukatar lallai yaje gurin saboda hk kullum inya fita da safe baya dawowa sai dare "

" Yau sati biyu da haihuwar Shukrah kuma yau aka kammala ginin company 'n Safeer, Yan uwa duk sun koma sai Shukrah kadae da twins don labeeba da labeeb an tafi dasu gidan Ammii acewar ta wae basaji zasu iya buge mata yaranta, wanka tayi ta shirya cikin wani material blue tasa ear ring pink da bangles pink colour ta shafa powder kawae da lip stick ta daura pink din karamin veil a kanta ta dauki *AFAF* Tana feeding dinta, safeer ne ya shigo cikin dakin hannunsa rike da shopping ya ajiye yana mata murmushi , karasowa kan gadon yayi ya zauna ya kura musu ido yana jin son su sosai aransa, dauko *ANAN* Yayi ya daura kan cinyarsa yana shafa gashin daya rufe mata goshin ta, yace Other half wannan yarinyar tana kama dake duk nafi sonta cikin yaran nn 4 "

" Dariya Shukrah tayi tana kallon *AFAF*Tace Nikuma nafison wannan saboda da kai take kama wallahi, murnushi yayi yace mummuna da ita kuwa sannan ya dauko wayarsa yayi snapping Shukrah a yadda take tana feeding *AFAF* bata rai tayi wane zata yi kuka tace wallahi banaso me yasa zakimin hoto a hk, sai wasu sun gani ko, ta zare *AFAF*daga jikinta sannan ta gyara rigarta ta ajiye ta ta mike da niyyar fita, yayi Saurin ajiye *ANAN* Yazo ya rungume ta tabaya yace meye nayin fushi kuma, ungo wayar kiyi deleting da hannunki kinji tawan"

"Karbar wayar tayi tayi deleting pictures din sannan ta juyo ta rungume shi tayi masa kiss a forehead, Saurin rike fuskarta yayi yashiga kissing din ko ina na fuskar kafin ya gangaro bakinta yafara tsotsa kamar wani mayunwaci "

" Yau akayi bikin bude company'n safeer, bikin daya samu halartar manya manyan mutane yawanci abokan Abbah ne sai ko abokan aikin Safeer din,  *Ahmad da Azeeza* ma sun zo, zokuga murna gun Shukrah jitake kamar ta goya *Azeeza* ta rasa inda zatasa kanta sai hidima take da ita, haka aka bude company mai suna *MAI LAFIYA GROUP OF COMPANY*, haka taro ya watse washe gari kuma aka yi saukar Alqur'ani mai girma akayi addu ' ar kariya sannan aka tashi"

"Bayan kwana arba' in Shukrah ta koma aikin ta don miemie ta dawo gidanta da zama ynx tana ss3 sun gama waec suna jiran Neco  saboda hk bata zuwa ko ina sai zaman rainon twins"

"Bayan shekara uku "

An samu nasorori masu yawa a company'n Safeer haka ma Shukrah tasamu nata nasororin don ynx tayi suna sosai kan kwarewarta a fannin ido, Mutane da dama Shukrah ta dauki nauyin  musu aiki haka ma glasses kyauta takewa mutane (Nima ita tayi min nawa kyauta), sosai take samun albarka gurin mutane, haka ma Daddy ya naji da ita yana kuma alfahari da ita"

Yau Aysher ta haihu, sai dai dan bezo da rai ba, haka aka sha kuka aka barwa Allah, "

" Yau graduation din su miemee, zo kuga rawar kai sai da Shukrah Ta mata dinki kala biyar na get together da zasuyi, haka Mamah ma set uku ta dinka mata"

"6:20pm Miemie ta gama shirin tafiya Get together, riga tasa body hug pink da jeans blue tayi rolling da pink din veil tasa pink flat shoe tadau wata pink purse  tasha makeup kamar wata makeup artist maryam tafida ce tayi mata, parlour ta fito ta kalli Mamah, Mamah yanzu zamu wuce ina car key dinki zanbiya in dauki Amatullah mu wuce"

"To Allah ya kiyaye hanya, Mamah tace tana mikawa Miemie car key dinta, kaci bus sukayi da safeer yana kokarin shigo wa karemata kallo yayi sannan yace 'gidan ubanwa zaki a hk'?, tura baki tayi sannan tace get together zani, kwada mata lafiyayyen mari yayi yace ke mahaukaciyar inace? A hk zaki fita ko to wallahi ba inda zaki, har gaban Mamah ya kaita yayi mata fada yayi mata nasiha sosai har sai da tayi kuka sannan ya wuce ya bar gidan"

"Labeeb da labeeba ne suka shigo cikin gida da gudu daga school Shukrah da safeer suna zaune suna hira a parlour suka fado kansu"

"Labeeb cikeda ihu yace mamy kinsan yau me akayi mana a skul, Shukrah ta girgiza kai alamar a a, yace wild animal

1.LION

2.TIGER

3.LIZARD

Labeeba tayi Saurin katseshi tace mamy karya yake lizard reptilian ne, Labeeb da bayason raini ya buge bakinta yace waye makaryachi, ta bare baki zatayi kuka Safeer yayi Saurin cewa selfie🤳🏻 da sauri duk suka dawo bayansa ya kashe musu selfie kuwa"

" *ALHAMDULILLAHI*

*ANA NAKAWO KARSHEN WANNAN LITTAFI INA ROKON ALLAH YA YAFE MIN DUK WANI KUSKURE DANAYI, READERS IDAN NAMUKU BA DAE DAE BA KUYAFE MIN, ALLAH YA YAFE MANA GABA DAYA*

Read More

Share this

WhatsApp