SAKACI Part 20

*It hurt to think that you're not here anymore, ...it's has been 10years since you left us UMMINA, but the memory of your humble personality will remain a scar in our heart , Allah sarki uwa tagari Allah yamiki rahma ke da sauran musulmai....Death change everything! Time change nothing*
kuyi ma mahaifiyata addu'a da bakin Ku mai albarka.

                    *****

Ranar lahadi Ahmad ya dawo murna  sosai masoyan nan suke, ranar da ya zo wurinta tamkar  kar su rabu.

Ahmad matashi ne wanda ba zai wuce d'an shekara talatin da takwas (38) ba a duniya, dogo ne fari, mai cikakkiyar kamala, siriri ne mara jiki.

Su biyar mahaifansu suka haifa, kuma shi kad'ai ne namiji duk sauran mata ne.

Mahaifinshi Alhaji Ibrahim mai naira, ya mutu yabar musu arziki, domin shi d'in d'an kasuwa ne, sannan ita kanta mahaifiyarshi Hajiya Indo ba ta zauna ba, itama y'ar kasuwa ce sosai.

Ahmad ma kasuwancin ya keyi ba ma a gida Nigeria ba, yana saro kaya har daga k'asashen k'etare.

Wannan kenan.

Bayan dawowan Ahmad ansa ranar bikinsu shi da Farida sati uku masu zuwa, murna a wurin masoyan nan ba'a magana.

Shirye-shirye ake ba kama hannun yaro, Ummi da kanta ta gayyato kawarta daga Sudan domin a gyara ma ta amarya.

   
                   *****

Kwance ta ke akan gadonta, hankalinta na ga labaran da ta ke kallo a tashar BBC,

Iya ce ta shigo da sallama, Farida ta ansa, Iya ta ce "uwar d'akina Dr yazo yana falo ya ce na kiraki"

Gabanta ne ya bada rasss yau kuma da me yazo, karfi hali ta yi gami da cewa " Iya kice ina zuwa"

Sanin halinshi yasa hijab kawai ta zura ta fita, ya na zaune ya kame akan kujera, waya ce a kunnen shi.

Sai da ya gama wayarshi, sannan ya kalleta na d'an wasu dak'iku, kafin kuma ya ce.

"Banso ace na sa ke shiga wani abun da ya shafi rayuwarki ba, amma kiyi hakuri zan yi miki tambaya"

"Kina ganin za6in da kikayi hankalinki ya kwanta da shi, kin tabbatar zai rik'eki amana, sannan baza ki fuskanci wata matsala daga gareshi kokuma wani nashi ba, zuwa gaba"

Tabbas wannan tambayoyin nashi sun yi ma ta tsauri, ita kanta ta na yawan yiwa kanta irin wannan tambayoyin, amma toh zata cigaba da zama ne haka, sanin kanta ne rayuwarta ta jima da 6aci ba ta da sauran wani jin dad'i.

"Yi hakuri da shishshigin da na yi miki, ga wannan"  key ya ajiye ma ta a gabanta, ficewa yayi ba tare da ya jira cewarta ba.

Ba ta iya cewa komai ba, komai ya tsaya ma ta, lalle ta na bukatar mafita.

Ta jima ta na zaune a wurin kafin kuma ta janyo key motar da mamakinta ta ga wani key na daban wanda ba nata ba.

Ita a zaton ta key matar ta ce ko angyara tunda dama ya aiko an kar6in key motar tun washegarin, "Allah sarki Ya Umar" ta fad'a a fili.

Fita harabar gidan ta yi, mota ta hango an fakata sai d'aukan ido ta ke, kai tsaye can ta nufa da murna.

Motace mai kyau ta zamani, bud'ewa ta yi gami da shiga, k'amshin shi na koyaushe wanda ya ke sawa ta shiga wani irin yanayi aduk lokacin da ta shak'a.

Rufe idanunta ta yi a hankali, cikin wani irin yanayi, ita sam ba ta gane wa kanta Ahmad shi ne wanda ta keso amma mai yasa aduk lokacin da taga Dr koda kuwa k'amshin shi ta shak'a ta ke shiga wani irin yanayi.

Ajiyar zuciya ta yi kafin  kuma ta bud'e idanunta, a hankali ta sauke su akan wasu takardu, da alama na  motar ne, bud'ewa ta yi.

FARIDA UMAR shi ya fito 6aro-6aro a rubuce, "ashe Dr zai iya cigaba da anbata na da wannan sunan" wani lokaci Dr ya na bata mamaki, idan yayi wani abun tamkar ba shi ba.

Ta na so ta mishi godiya amma ta na tsoron fad'anshi, haka ta hakura sai dai text da ta tura mai ta waya, bai turo ma ta da ansa (reply) ba, da ma batayi tsammanin reply d'in shi ba.

Su Baba da suka ga motar sosai sukayi farinciki a ta ke ya kirashi yayita samai albarka.

                   ****

Ana sauran sati d'aya bikin, Hajiyar Sudan ta iso ta fara gyara amarya, dama tuni Farida ta d'auki hutu a wurin aikinta.

Amarya kam sai godiyar Allah ta sha gyara ciki da waje har ta gaji, tsayawa fad'an irin kyawun da ta yi 6ata lokaci ne.

Ranar laraba gida ya cika makil da y'an uwa, mutanan Wase da na gombe harma da na jos sun fara hallara, sai hidima akeyi gwanin sha'awa.

                       ****

Wai mai yasa zuciyarshi ta keyi mai zafi ne, shin wai meke faruwa kar dai maganar Faridanshi ta zamto gaskiya.

Toh idan hakan ne meye ribar zuciyarshi idan tayiwa Farida bakin ciki.

"Kai ba haka bane, tayaya zanyiwa wacce nafi k'auna bakin ciki don ta cigaba, No tausayin halin da zata shiga na keyi"

Ya kasa zaune ya kasa tsaye, damuwa ta mai yawa, sam ya rasa tudun dafawa, "Dr kiranka fa ake a waya" Mariya ta katse mai tunani.

Cikin kasala ya d'auki wayar, ita kam kwana biyu ta rasa gane mishi, sam bashi da walwala a y'an kwanakin nan,  girgiza kai kawai ta yi gami da fita.

         
                 ****

Tun ranar da ya kawo ma ta key mota Farida bata sa ke sa Dr a idanunta ba, ta na so ta gan shi ko dan ta nemi gafararshi amma abun ya gagara sai dai kayan d'aki da ya aiko dashi na kayan su kujeru kayan kallo da sauransu, a ranar Farida sai da ta yi kuka had'e da dana sanin anbatar shi da munanan kalamai da ta yi.

"Tabbas Dr ya rik'e amanar Mama nikam na kasa rik'ewa" abinda Farida ta ke fad'a kenan ta na kuka.

Ranar alhamis da yamma labari ya riskesu cewan Dr ya yanke jiki ya fad'i a asibiti, hankalinsu ya tashi matuk'a.

Ta re da ita aka tafi asibitin amma suna shiga kallo d'aya ya ma ta ya kau da kai bai sa ke kallonta ba, ita kam tasan Dr ya tsaneta kuma ko ganinta baya son yi.

Zuwa ta yi ta durk'usa da gwuwowinta a gaban gadonashi ta na kuka ta ce

"Yayana ka yafemin na yi kuskure ka yafemin, bazan k'ara ba, wallahi ni kad'ai nasan rad'ad'in da na keji idan na tuna yayana yana fushi dani, kayi hakuri na tuba"

Ummi ce ta d'aga ta kafin kuma ta ce "Farida Umar karki damu Yayanki zai yi hakuri kwantar da hakalinki"

Shi kuwa Dr kau da kansa yayi bai sake kallon inda ta ke ba har suka tafi.

Likitoci sunce damuwa ce ta yi mai yawa, Ummi da Alhaji har ma da Baba suka saka shi a gaba suna so ya sanar dasu damuwarshi amma ya ce shifa babu abinda yake damunsa.

Da fad'a Alhaji ya ce " zaka raina mana wayo kenan, ka yanke jiki ka fad'i sannan ka ce ba komai"

"Alhaji ba komai fa gajiya ce ta sani na fad'i ba wani abu ba" sun jishi ne kawai amma ba don sun yarda ba.

             *26.3.2016*

Jama'a da dama suka shaida d'aurin auran Farida da angonta.

kakaninta ne suka sata a tsakiya sai tsokanarta suke, ita kam sam hankalinta baya wurinsu tunanin rashin samun wayar angonta ta ke.

Tun jiya da safe rabonsu da yin waya ga shi ta gwada duk wayoyin shi a kashe.

Aunty ce ta zo ta ce taje su Baba suna kiranta a falo, gyale Aunty ta yafa ma ta had'e da ruk'o hannunta jama'a sai yaba kwalliyarta suke.

Zama ta yi a kasa gami da gaishe su, Alhajin su Dr ne, da Ummi sai Innayo da kaka ta gombe sai kuma Baba da Aunty, dukansu da ka kallesu kasan suna cikin farin ciki, Alhaji ne yayi gyaran murya, kafin kuma ya fara magana kamar haka.

"Yau rana ce ta farinciki a garemu, mun godewa Allah da ya nuna mana wannan rana"

Ya d'anyi shuru sannan ya cigaba

"Farida duk wani d'a nagari yana biyayya ga iyayenshi a duk abinda suka umarce shi idan bai sa6a koyarwa addini ba.

~Ummu Hanan~

Read More

Share this

WhatsApp

SAKACI Part 19

A washegari Ummi tazo Bauch, ta ce ita bata ga dalilin k'in amincewar Dr ba, zanyi ta zama ne ba aure ai bai isa ba.

Shi kuwa ya ce "Ummi ni bazan hana Farida yin aure ba,  amma badai wannan yaron ba"

Ni kuma nace shi nake so, Dr ya ce tofa sai dai na mutu banyi aure ba amma nasa a raina ba zan ta6a auran wannan yaron ba.

Cike da 6acin rai na ce " me yasa kake son kanka da yawa, wannan zalunci ne da mugunta" cike da 6acin rai Dr ya kalle ni ya ce

"Yau ni kike jifa da mugayen kalamai Farida"

Tsawan da Ummi ta yi mana yasa mukayi shuru, kafin kuma tace

"ashe mu bamu kai matsayin da zaku saurare mu ba"

Kai Yayan Farida kaga bana son fad'an rashin gaskiya, banga dalilin hanata auren wanda ta keso ba, baka isa ba, kaji na fad'a maka"

Ba ta re da ya sa ke cewa komai ba yayi ficewarshi, Ummi ta cewa Baba ya nemi yaron ya sanar mai ya fito.

Baba kuwa yace shi a ganinshi tunda Umar baya so na hakura, Ummi ta ce Umar yayi kad'an, aure ne ba fashi, idan shi bazaiyi ba zata samu Alhaji.

Baba ya ce ba komai Ummi za'ayi ba sai anyi haka ba.

Baba da kanshi ya nemi Adamu, sai dai kuma ranar da muke sa ran zuwan magabatanshi, da safe ina zaune a d'akina laptop ce a gabana, naji alamar shugowar sako, abinda sak'on ya k'unsa yayi mugun tayar min da hankali.

Wayar na d'auka na fita falo, Aunty ce da Baba suke ba Dr hakuri akan ya amince tunda na kafe sai Adamu.

Cikin ladabi ya ce "Baba ba wai bana son Farida ta yi aure ba ne, akwai abinda na ke jiye ma ta..."

Katse shi na yi gami da cewa "Ku daina bashi hakuri ai burinshi ya cika ya je  ya sanar da Adamu tarihin rayuwata, Adamu yace ba zai auri macen da ta zubar da mahaifarta a titi ba"

Na k'arashe da kuka, dukan su jikinsu yayi sanyi, Dr ne yayi karfin halin cewa.

"kina tunanin zanje na fad'a mai wannan maganar, to meye ribata idan na fad'a"

"Kai kasan ribar ka, Umar bansan bakar zuciyarka ta zarce tunanina ba, mugu azzalumi sai muntsaya agaban Allah, kuma na rok'eka da Allah idan kai musulmi ne ba kafiri ba ka fita a rayuwata hakanan"

Ina gama fad'an hakan na yi ficewata ba ta re da na saurari Baba da ya ke ta min magana ba.

Tun daga ranar bama ga maciji da Dr kuma naji labarin har kwanciya sai da yayi a asibiti Baba yayi-yayi naje na ba shi hakuri nak'i.

Wannan ne silar 6atawa ta da Dr har zuwa wannan lokacin, amma bai fasa duk wata hidima da ya saba yimin ba.

                 ****

Na san zakuso kuji meye dalilin da yasa duk wani saurayin da ya fito da niyar aurena k'arshe sai ya fasa .

Kawata wacce na yarda da ita, na amince da ita, na d'auketa aminiyata, itace ta ha'inceni "Mansura".

Ban san mai na mata taza6i ta k'untata rayuwata ba, ban ta6a yin k'awance ba sai akanta amma ta koyamin darusa da dama.

Dr shi da kanshi ya je ya binciko hakan, domin Ummi da Alhajinshi sun d'auki fushi da shi sosai, Ummi ko gaisuwarshi ba ta ansawa, wannan ne ya sa ya shiga tashin hankali mara misaltuwa.

Bayan da na samu labarin na yi k'okarin neman yafiyanshi amma sam yak'i saurarata, tabbas nasan Dr mutun ne mai zuciya amma ban san, abin zaiyi tsanani har haka ba.

Haka rayuwa ta cigaba da tafiya, ban sa ke sauraran wani saurayi ba sai acikin wannan shekarar da muka had'u da Ahmad d'ina abin sona abin k'aunata, wanda ya amince na zama abokiyar rayuwarshi.

Wata rana naje F.W.A Store (Store mallakin masu Fikrah) anan muka had'u da Ahmad, hakuri tausayi da nacinshi yasa na amince mai, har kuma na kamu da soyayyarshi.

Sai dai wannan karan tun farkon had'uwarmu Baba ya sanar dashi komai dangane dani, Ahmad ya tausaya min k'warai ya kuma ce idan dai ta shi ne zai aureni ya kuma zauna da ni bisa amana.

Amma Baba ya ce ba'ayi haka ba dole ya sanar da magabatanshi, mahaifiyarshi ita kad'ai ta rage mahaifinshi ya jima da rasuwa.

Ansha wahala kafin ta yarda ya aureni, amma da sharad'in sai ya had'a mata biyu tunda ni ba haihuwa zanyi ba, dukan mu mun amince akan hakan tunda ni k'addara ta haka tazo dole na kar6eta hannu biyu.

Yanzu haka Ahmad na dawowa za'a fara shirye-shiryen biki.

Wannan shi ne tarihin rayuwata.

                   ****

Jidda ta ce "kawata tabbas kin fuskanci jarabawa kala-kala Allah yasa kin cinyesu, na tausaya miki k'warai da gaske"

Maryam ta ce "Dakta Allah yajikansu Mama ya gafarta musu, wannan labari naki Izna ce ga mu y'an baya ina rok'on Allah ya miki kyakykyawan sakamako"

Duka suka ansa da "Ameen" kafin Jidda ta ce "amma fa kawata sai yanzu na fahimci tsakaninki da Dr Umar, tabbas Dr masoyinki ne na gaskiya"

Maryam kuma ta ce "wallahi Dakta ina miki sha'awar Dr, dama kuyi aure"

"Mu dage da addu'a Maryam ni kaina ina sha'awar hakan wallahi" Jidda ta fad'a.

"Hmm" kawai Farida ta ce, gami da cewa "Ku tashi muje muyi sallah.

~Ummu Hanan~

Read More

Share this

WhatsApp

SAKACI Part 18

Ranar farko da Dr ya fara ganinshi ya zo hira, naga 6acin rai, domin korata yayi gida sannan ya cewa Adamu kar ya sake ganin kafarshi a kofar gidanmu.

Wannan bai isheshi ba har sai da ya biyoni gida ya dinga sirfamin kwandon fad'a tamkar wacce ta aikata sa6o, nikam saboda haushi ma ko kulashi banyi ba.

Kuma na k'udiri aniyan duk maitar shi bazan rabu da Adamu ba domin banga dalilin da zai dinga shiga rayuwata haka ba, ina shi ga matarshi harda yara biyu (khalil da Ammar) ga cikin na uku, wato ni ce zan zauna haka.

Haka ya gama fad'an shi ya tafi, yana fita kuwa na kira Adamu mukasha hiran mu, na kuma ce mai ya cigaba da zuwa.

Koda Mansura tazo na fad'a ma ta halin da ake ciki k'ara zugani ta yi akan karna yarda, na kuma na d'auka.

Sam ban sanar da su Baba ba, domin nasan duk bayanshi zasu bi.

                  ****

Wata rana da yamma Adam ya yi min waya gashinan akan hanya, murna fal cikin zuciyata.

Ba tare da 6ata lokaci ba na shiga toilet na yi wanka gami da tsantsara kwalliya mai d'aukar hankali, har mamakin kaina na keji domin ban ta6a yin irin wannan kwalliyar da sunan zuwa zance ba.

Ina kan gyara d'aurin d'an kwalina wayarshi ta shigo d'auka na yi, ya sanar dani gashi a waje.

Turare na fesa gami da yafa gyalena, na fita, yana jikin motarshi, ya na jifa na da wani mayaudarin kallonshi, bazan iya jure irin wannan kallon ba, kallo ne wanda ya ke tuno min da mutumin da nafi tsana a rayuwata.

k'arasawa na yi, ya min umarni da na shiga motar na ce a'a a tsayen yafi, bai min musu ba.

Muna cikin hiran ne na ke mai zancen turo magabata, na lura duk lokacin da na mai zancen ya turo sai ya bada uziri, aikuwa hakance ta sa ke faruwa cikin rashin jin dad'i na ce mai

"Gaskiya Adamu ban gane maka ba, karmu yaudari kan mu idan abinnan ba zai yuwu ba karmu 6atawa kan mu lokaci"

Nan fa ya fara rarrashina ya na min dad'in baki "Farida ina tsananin sonki, ki daina saka damuwa a ranki ni d'in nan naki ne, akwai abubuwan da nake jira ne amma da zaran sun kammala zan turo magabata na"

Na ce "maganar gaskiya Adamu na fara sarewa da lamarin nan nifa gani nake kamar abin nan bazai yuwu ba"

"Ba ki yarda dani bane Farida, zo kiji yadda zuciyata ta ke bugawa, wannan shi zai tabbatar miki da irin son da nake miki"

kamani yayi yana k'ok'arin rungumeni, banyi aune ba naji ya na k'ok'arin had'a bakinshi da nawa, ina k'ok'arin k'wacewa amma karfi namiji da mace ba d'aya ba.

Wani irin fizga naji anyi min har sai da hannu na ya ansa, ban ankara ba naji anyi jifa dani a k'asa.

Shak'ar wuyanshi yayi, wanda da k'yar Adamu yake fitar da nunfashi, ihu nake ina wayyo zai kasheshi, Baba ne ya fito a sukwane ya rik'e hannun Dr yana

"Don Allah Umar ka sake shi kar kayi kisa, rok'onka na ke" tun kud'eshi yayi har sai da ya bigi motarshi.

A sukwane Adam yaja motarshi ya bar gidan mu, Baba ne ya kama hannun Dr idanunshi sun kad'a sunyi jazir, Aunty ta ruk'o hannuna muka shiga falo.

Baba ne ke tambayar abinda ya faru, Dr bai iya cewa komai ba, ni ce na fashe da kuka.

Dr ya ce "gwara ma ki yi shuru domin na sake ganin kafar yaron nan a gidan nan sai na karyashi kafin na mik'ashi ga hukuma"

Ga mamakinsu tashi tsaye na yi gami da ce wa "idan ka isa shegiya nake, wai kai wani irin mugu ne da kanka kawai kasani, toh wlh baka isa ba"

Maganar gaskiya naji zafin abinda Adamu yamin kuma nasa araina dole na hukuntashi, amma kuma lokaci yayi da zan nunawa Dr na gaji da mulkin mallaka.

Baba ne ya daka min tsawa, cikin 6acin rai Dr ya ce "Baba kyaleta ai idan ba ta yi hakan ba baza ta nunamin ita ishashshiya ce ba, toh ki gama duk abinda za kiyi amma wannan yaron kun rabu kenan"

Cike da rashin kunya na ce " ka ma isa, ka na wani abu tamkar ubana, toh wallahi ka ta6a shi sai kayi dana sani"

Tasowa yayi ciki karaji da niyan dukana, nima na tashi da hanzari gami da d'aukan kujera na ce "kana ta6ani ina sauke maka aka"

K'arar fad'uwar Baba ne da salatin Aunty ya ankarar damu, lokaci guda mukayi kanshi, Dr shi ya kama Baba ya sashi a mota bayan ya mai temakon gaggawa ya farfad'o.

A motarshi yasa Baba ni kuwa motata da Dr ya siyamin na shiga, na bisu a baya,domin ba zanyi gangancin shiga motarshi ba.

Washegari Baba yayiwa Ummi waya domin dukanmu mun kafe akan ra'ayin mu.

~Ummu Hanan~

Read More

Share this

WhatsApp

SAKACI Part 17

Sai bayan Isha'i Dr ya shigo gidan, nikam ina d'aki wani kunyarsu yanzu nake ji, Ummi ce ta k'wallamin kira.

Ba dan inaso ba na fita dan kawai bani da yadda zanyi ne, hijab d'in da na yi sallah shi na mayar na je kiran Ummi.

"Ummi gani"

Na fad'a cikin wani sabon ladabi da na samawa kaina.

Cikin sakewar fuska Ummi ta ce Yayanki za ki kawowa abinci"

"toh " nace had'e da bin hanyar da zata sadani da madafin.

Bayan na ajiye abincin ne, na bud'e fridge domin d'auko ruwa, na tsinkayi muryar Ummi ta na ce wa 

" ka sanar da Baban Farida ko?" ta ke tambayar Dr.

Sai naji Dr ya ce " me kenan Ummi"

"ji mun sha-shanci dai, toh ina kata6a ganin anbada aure ba ta re da sanin Uba ba, toh wa kake tunanin zai aurama Faridan" cewar Ummi.

"Ikon Allah, Ummi ko dai tsufan ne tun yanzu, waye ya fad'a miki zan auri Farida" Dr ya fad'a yana ajiye wayar hannunshi a k'asa.

Ummi ta ce "kaci gidanku, d'azun nan kace min setin akwati d'aya na Farida ne ina"

Girgiza kai Dr yayi kafin kuma ya ce "Ummi bazan iya yiwa Farida wani abu ba sai da dalili? Nifa na siya ma ta ne kawai a matsayinta na k'anwata"

Cikin muryar damuwa naji Ummi na cewa "ai na yi zaton duk da ita za'a had'a har naji dad'i, toh itama Allah ya fito ma ta da miji nagari"

"Ameen" Dr ya ce, gami da fara cin abincinshi, ba wanda ya k'ara magana a cikinsu.

Tabbas hankalina ya tashi da jin ansar Dr, amma ni banga laifinshi ba.

Ba yadda zanyi domin na riga na cuci kaina ba kuma namijin da zai so auran mace fanko.

Shiyasa na gadawa kaina dauriya, na kuma yi k'okarin kwantarwa da kaina hankali, tunda nasan bani da wata mafita.

                      ****

Anyi biki an watse, da shike Dr ba mai son hayaniya ba ne, wannan ne yasa walima kawai yayi bayan an gama d'aurin aure.

Fannin amarya itama walimar ta yi, ba yadda Dr baiyi dani naje walimarta ba, nak'i zuwa domin bana so naje wurin da za'a wulak'antani.

Ko da aka gama bikin ko lek'a gidan amarya banyi ba, ba yadda Dr baiyi dani akan nazo na rakashi siyan baki ba ranar da aka kai amarya ba nak'i, na mai k'aryan kaina na ciwo amma yadda naga hankalinshi ya tashi sai da na yi da nasanin fad'a mai hakan.

Da k'yar ranar ya tafi, ga amaryar ta dameshi da kira wai an barta ita d'aya.

                   ****

Tun Dr ya na min uzirin rashin zuwa gidanshi har ya daina ranar ya ce saina fad'a mai dalilina nak'in zuwa gidanshi, na rasa mai zance mai k'arshe dai nace mai

"ai idan muka saba da ita zan dinga zuwa sosai"

Murmushi yayi ya ce "Faridana a rashin zuwa gidan ne zaku saba, inaso kisawa ranki gidana gidanki ne, karki yarda ko da zancen wasa wani dalilin ya hanaki iko da abinki, kuma ba na jin dadi, raina yana 6aci da rashin zuwanki"

"Yayana ranka ya daina 6aci, na maka alkwawarin zuwa gidan har sai kai da kanka ka koreni"

Na fad'a ina dariya, shima murmushin yake had'e da cewa wa ya isa ya kori Farida Umar daga gidansu"

Tun daga wannan lokacin na cigaba da zuwa gidan Dr, duk da matarshi ba wai ta daina nuna min tsanar da ta ke yimin ba ne, nidai ina zuwa ne domin Dr.

                     ****

Akwai wata rana da bazan manta ba na je gidan Dr da yamma lokacin Dr bai jima da siyamin mota ba.

Lokacin da na shiga gidan na samu Aunty Farida da d'ansu na fari wato Khalil ta na bashi Indomie, yaron da gudu yazo gareni kasancewar ya saba dani, wurgashi sama na yi na cafe, shi kuwa sai wangale baki yake yana dariya.

Aunty Mariya ce ta zo ta fisgeshi a hannu na gami da cewa 

"zonan kar ashafa maka rashin zuciya da naci, kamar yadda mutun ya dawo, sai bin mazan wasu"

Ta karashe da fad'in "ke don Allah kibarmin mijina ba aurenki zaiyi ba, haba Allah dai ya rufa mana asiri da bin mazan wasu"

Wannan maganar da ta fad'a a kunnen Dr, 6acin ran da na gani a idanunshi ba zai misaltu ba, a lokacin zuciyata ta karye wani irin kuka na fashe da shi kafin kuma na yi hanyar fita.

Kamo hannuna Dr yayi gami da rungumeni, abinda bai ta6a yimun ba tunda na mallaki hankalina.

Kallonta yayi cikin 6acin rai ya ce " sa'arki d'aya ke mace ce amma da kinyi kad'an ki zagi Farida, na miki uziri a yanzu amma karki manta akanta zan iya rabuwa da ke"

Ya cigaba da magana cikin zafin rai.

Sannan abu na k'arshe ke da Farida taso aure na ke kinyi kad'an da ki shigo gidana, wawiya ke d'in ba tallarki aka kawomin ba"

Ya na gama fad'a yaja hannuna muka fita, haka yayita rarrashina ita kuwa a ranar tayi yaji.

Koda su Ummi sukaji labarin abinda ta yi ba wanda ya goyi bayanta, Ummi kam ma ta d'auki abin da zafi sosai.

Sai daga baya aka sasanta ta dawo d'akinta, ni kuwa na d'auke kafata, lokacin da ta sake haihuwa ne ma naje wannan ma tare da Ummi mukaje.

Haka rayuwata ta cigaba da tafiya da dad'i ba dad'i.

*ABINDA YA FARA SHIGA TSAKANINA DA DR*
   
                   ****

Bayan na kammala karatuna ina shirin zuwa bautar k'asa na had'u da wani saurayi mai suna Adamu, tun bana saurarenshi har na fara sauraranshi ba kuma wai don ina sonshi ba sai dai zuwa wannan lokacin mahaifina yana yawan damuna da batun aure, nasan tabbas zamana a gida ya na tuno mai da abubuwa da dama.

Wanda wani lokacin har ya ke zargin kanshi, wannan ne yasa har yanzu ya kasa samun cikakkiyar lafiya.

Dalilin hakan yasa na fara sauraran Adamu, har na ba shi daman zuwa gidanmu.

Sai dai akwai wasu abubuwa da Adamu ya kemin wanda ya ke sa naji bazan iya aurenshi ba, shi mutun ne da ya ke ganin ta6a jikin mace ba komai ba ne, ga maganganun batsa a bakinsa, sannan na lura yana da son kallon mata wanda shi a ganinshi wata wayewa ce.

Sosai na ke nuna mai rashin dacewar hakan, sam bana yarda ya ta6a ni, tabbas a wannan lokacin da inada wani saurayin na yi imani zan iya rabuwa dashi.

~Ummu Hanan~

Read More

Share this

WhatsApp

SAKACI Part 16

Har k'aran shi nakai gun Ummi lokacin da tazo Bauchi dubani, Ummi ta kirashi ta yi mi shi magana amma sam ya kafe ya kuma rantse a gabana, sannan ya kuma ce.

"kar ki yi tunanin idan baki samu wannan shekarar ba, zan hakura, a'a wallahi ko da zai zamo duk shekara sai kin zana jarabawar nan ne ba zan gaji da kashe kud'ina ba" 

Yana kuma gama fad'an haka yayi ficewar shi.

Ummi ce ta ce min "Farida kinfi kowa sanin halin yayanki, kin kuma sanshi da kafiya idan zan baki shawara to fa kiyiwa yayanki biyayya, bana so kema ki zamto mai kafiya kamar shi"

Sai a sannan Aunty ta ce "nifa banga dalilinki na k'in amincewa ba, Umar fa gata ya ke miki, nan gaba za kiyi alfahari da hakan, sannan kuma bakyaso ki zamto mai taimako ga addininki?"

               "Farida"

ta kira sunana, d'ago kaina na yi na kalleta ba ta re da na ansa ba, cikin kwantar da murya ta ce.

"Inaso ki zamto mai kishin mata y'an uwanki, da'ace yau namiji ke duba mata ai gara muma asa mu mata, ace matan ma na musulmai"

"Shin ba za ki yi koyi da matan k'warai masu kishin addininsu ba, Farida wannan karatu da za kiyi jahadi fa za kiyi, domin Allah kad'ai yasan mutane nawa za su anfanu da karatunki"

Haka suka yita nuna min anfanin karatun, har naji zan iya, kuma na sawa raina zan jure duk wata wahalar da ke cikinshi.

Cikin ikon Allah na samu abinda ake buk'ata, na kuma samu gurbin karatu a Abubakar Tafawa Balewa university (ATBU), wanda nake karantar gynecology.

Tabbas karatu akwai wahala ba kuma k'aramar wahala nasha ba, a haka ma Dr (Ya Umar) sosai yake taimakamin, domin wani lokacin idan bani da lectures nakan bishi asibiti ina ganin yadda su ke gudanar da aikinsu, kuma ina fahimta sosai.

Sannan duk abinda ban gana ba, dangane da karatuna wurinshi na ke zuwa ya k'aramim haske.

Ban sha wahala ta fannin zirga-zirgar makaranta ba, domin Dr shi ya ke kaini ko'ina ya kuma dawo dani idan har ba shi da aiki, domin zuwa wannan lokacin ya siya motarshi ta farko k'aramar Golf, idan kuwa aiki yayi mai yawa, sai ya tura a d'auko ni.

Kasancewar a rayuwata ni ba mutun bace mai tara k'awaye hasalima bani da k'awaye domin haka har na gama zaman Jos sai dai wanda mukayi wasan k'asa da su.

Ko da na dawo Bauchi ma hakance, abinda ya ke gaba shi na keyi, sai dai lokacin da na shiga university, na had'u da Mansura, Mansura itace k'awata ta farko, daga kanta na fara kawance saboda na ya bawa hankalinta da tarbiyarta.

Cikin k'ankanin lokaci muka shak'u da Mansura, sai dai sam Dr ba ya son kawance na da ita.

Mansura har gidanmu ta na zuwa amma ni sam Dr yak'i naje gidansu, tabbas bana son 6acin ranshi, shi yasa nake bin umarninshi.

Mansura ita ce  mace ta farko da na fara ba tarihin rayuwata saboda yardar da na yi da ita.

A wannan lokacin samari da dama sun fito dan neman  soyayyata amma duk wanda ya fito haka kawai sai ya d'auke kafarshi ba ta re da nasan dalili ba, anyi hakan yafi kashi hud'u, a hankali abin yafara damuna har ya fara ta6a karatuna.

Daga k'arshe na yakice abin a raina na fuskanci karatun da ke gabana.

                      *******

Ina 300lv Alhajin su Dr ya umarce shi da yaje ya nemi d'iyar abokinshi Alhaji sama'ila mai suna Mariya, suma y'an asalin garin Bauchi ne.

Jininmu bai had'u da Aunty Mariya ba, sam ba ta k'aunata, sannan na rasa dalilin da yasa ta ke nuna min hakan.

So da yawa idan Dr zai je hira wurinta ta re muke zuwa da shi, sai dai da k'yar ta ke ansa gaisuwata tun Dr bai fahimci hakan ba, har yazo ya fahimta.

Ya nuna ma ta 6acin ranshi sosai, toh tun daga lokacin sai ta daina nuna wannan halin a gabanshi, ni kam daga baya idan na fahimci zai je wurinta sai na k'irk'iro da bacci koda kuwa ba naji.

Shima sai yayi zamanshi yak'i zuwa, haka ranar za ta yita kiranshi awaya ta na tambayarshi dalilin k'in zuwan nashi, shi kuwa haka zai sanar da ita dalilin fasa zuwan nashi, domin shi mutun ne mai fad'an gaskiya, ko da kuwa kai ba zai maka dad'i ba.

Da farko idan ya fad'a ma ta sai ta d'au fushi dashi, shi kuwa ko a jikinshi don so dayawa ma baya nuna ma ta yasan ta na yi, haka zata ba kanta hakuri.

Domin na lura son da ta ke yimai yafi wanda ya ke ma ta, lokuta da dama idan na rakashi hira wurinta duk hiran ita ta keyi, sai dai ya bita da eh ko a'a, idan ya gaji ya ce mu tashi mu tafi, na lura da hakan ba k'aramin 6ata ma ta rai ya ke ba.

Sannan duk abinda zai siya mata ta re yake siya mana sai dai kala ya ban-banta.

     
                   ****

Wata rana bana mantawa ya ce na shirya muje jos domin kaiwa Ummi kayan auranshi, bayan na shafe shekaru masu yawa ban sake waiwayen garin ba, sam nak'i yarda, bana tunanin akwai kuma ranar da zan so kafata ta k'ara takawa izuwa garin, garin da abubuwa da dama suka faru.

Dak'yar Dr yasa na bishi, amma koda muka isa halin da yaga na shiga yayi mugun d'aga mai hankali har sai da yace.

"Faridana da nasan bakya son zuwa Jos har haka, da ban takura miki ba, ki yafe min" 

Ya fad'a yana had'a hannuwanshi alamar neman gafara.

Sosai na yi k'okarin danne duk abinda ya ke damuna, domin idan akwai abinda na tsana shi ne ganin tashin hankalin Dr.

Koda muka shiga gidansu ma, haka Ummi ta yita janyoni ajiki ta na k'ok'arin mantar dani duk wata damuwa, sam bata barni na zauna shuru ba.

Lokacin da na idar da sallah la'asar aka fara shugo da akwatuna, ina daga d'akin Ummi naji shugowan Dr.

Muryar Ummi naji ta na ce wa "Yayan Farida kamar akwati set biyu na gani kuma kayan ciki kala ne kawai ya ban-bantasu, duka na Mariya ne?"

Murmushi Dr yayi kafin kuma ya ce "a'a, set d'aya na Farida ne" cikin d'oki naji Ummi ta tareshi da cewa.

"Kace min mata biyu zaka h'ada yayan Farida"

Kafin ya kai ga magana wayar Alhajinshi ta shigo, alama yayiwa Ummi da ya na dawowa.

Ga mamakina sai naji Ummi ta d'au waya ta na kiran wata kawarta da ke Sudan akan ta na so tazo ta gyara ma ta d'iyarta.

Nidai ba naji abinda waccan ta ke fad'a na daiji Ummi ta na fad'a ma ta da zaran ta tabbatar da lokacin bikin zata sanar da ita.

Ranar farincikin da naga Ummi ta na yi abun sai da ya bani mamaki, na kuma tabbatar Ummi mutum ce, tabbas bamu da abinda zamu sakawa Ummi dashi sai addu'a

Read More

Share this

WhatsApp

SAKACI Part 15

Jini na gani yana fita ta baki da hancin Mama ta na gogewa a hankali, fad'awa na yi kan kafarta ina kuka, rik'emin hannu ta yi sannan ta ce "kinsan dai bana son kukan nan, magana nakiraki muyi fa"

Cikin kuka na ce "Mama nasan kina jin jiki kuma nasan ni ce sila, Mama wallahi banyi ba a rayuwa, banyi ba mamaaaaa"

Na k'arashe cikin kuka, gogemin hawaye Mama ta yi kafin kuma ta ce " ba kece sila ba Farida abubuwa da dama sun faru dani wanda sunyiwa zuciyata girma, baki da laifi mune masu lefi, munyi *SAKACI* wurin baku tarbiya"

"Mahaifinku bai so na haifeku ba, amma na dage sai na haifeku, ashe bazan iya baku tarbiyan da ya dace ba, ku yafemin yarana"

"Don Allah Mama kidaina fad'an haka, ba laifinki ba ne, tabbas nauyi ne ya miki yawa Mama, Allah yafi kowa sanin nauyi ya miki yawa"

"Wani tsarin iyali kukayi, inaso ki fad'amin gaskiya"  Mama ta tambaye ni.

na ce "wallahi ni ban ta6a zuwa asibiti anyimin komai ba"

Mama ta ce "bai ta6a baki magani ko wani abun ba?" Na ce "nidai nasan yana yimin allura duk bayan watanni kad'an"

Girgiza kai Mama ta yi cikin takaici ta ce "Hassan ya cuceki Farida, amma ba komi kanshi yayiwa"

Ta d'anyi shuru sannan ta ce "nasan za ki fuskanci tsanani arayuwarki zuwa gaba, gashi bazan kasance dake ba balle na rungumeki na rarrasheki, amma zan baki shawara d'iyata, duk halin da kika tsinci kanki ki koma ga Allah shi ne gatanki"

Tari ta yi wanda ya fito da Jini, ni nasa hannu ina goge ma ta had'e da cewa

"Mamana ba za ki tafi ki barni ba, wallahi duniya zata yimin zafi idan na rasaki, babu Ya Hamid, babu Ya Abdallah sannan kema kidinga irin wannan maganar Mama"

Shafa min kai Mama ta yi sannan ta ce "ki rik'e Ummi tamkar uwa nasan itama zata rik'eki tamkar ita ta haifeki, sannan ki rik'e Umar ya zama abokinki kuma abokin shawar ki, Farida inaso ki rik'e Umar domin shi d'in masoyinmu ne, karki sake yarda da duk wani rud'in d'a namiji kuma karki damu kanki akan aure mijinki zaizo gareki lokacin da Allah ya tsara zai soki a yadda kike kinji"

"Sannan ki yimin alkhawari bazaki sa ke aikata sa6o irin wannan ba" na ce na yi alkhawari Mama"

Tace "toh jeki ki turomin Umar Allah ya miki albarka, Allah ya zama gatanki d'iyata"

Har na fita Mamana ta na anbaton kalmar albarka a gareni, ta kuma kasa d'auke idonta akaina.

Na tura ma ta Ya Umar bansan mai ta ce mishi ba, sannan su Baba da Ummi ma duk sun shiga.

Washegari da safe komi ya auku, wannan ranar ita na kira da bak'ar ranar, wannan ranar itace sanadin d'aukewar duk wani jin dadina, domin a ranar Allah ya amshi ran Mama.

Bazan iya kwatanta muku halin da na shiga ba, sai dai komi ya tsayamin na wasu lokuta, sannan na jima ina ciwo, Baba ya aikawa dangin mahaifiyata da dangin shi, duk kuwa sunzo, kakata ta yi kuka sosai, haka ma Innayo.

Bayan anyi kwana bakwai da rasuwar lokacin da kakata tazo tafiya taso ta tafi dani amma Ummi ta rok'eta akan ta barmata ni har zuwa lokacin da zan k'are makaranta ta, ba yadda ta iya domin tasan irin ruk'on da tayiwa Mama.

Baba ma yaso tafiya dani Bauchi amma Ummi ta ce yabari yayi aure tukunnan don barina ni kad'ai a gida ganganci ne duba da yadda nasa damuwa a raina, shima haka ya hakura ya barni amma duk ranar juma'a sai yazo ganina.

Lokacin da Mama ta cika wata d'aya da rasuwa lokacin kuma na samu saukin jiki saura na zuciya, Ummi ta umarceni da na fara zuwa school da islamiyya, a wannan lokacin rayuwa ta yi min zafi ban isa fita ba.

ko school naje ko Islamiya andinga cewa ga wacce bak'in cikinta ya kashe uwarta rayuwa ta yimin zafi har takai bana fita, sai kuma abun yaso ya ta6a k'wak'walwata na fara wasu irin abubuwa, wanda duk tsangwamar da ake yimin ce ta janyo.

Ya Umar da Ummi ne ke rarrashi na amma sai suka ga abin yayi yawa, sai kuma suka fara shiga damuwa kada wani abu  ya sameni.

Daga k'arshe Ummi ta samu Baba wata juma'a da yazo dubani ta sanar dashi abinda ke faruwa, ya shiga damuwa mai yawa, yace wa Ummi zai d'aukeni mu koma bauchi, Ummi ta ce amma a gaskiya dole ya nemi mata ko don saboda ni, yace insha Allahu zai naima.

Haka ya d'aukeni muka koma Bauchi, bayan y'an watanni abokinshi ya had'ashi da Aunty.

Aunty y'ar kafin madaki ne da ke garin Bauchi, a bazawara Baba ya aureta domin ta na da yara uku da suka haifa da tsohon mijinta wanda suka rabu.

Ita ce ta cigaba da rik'ona tamkar ita ta haifeni.

                      *******

Bayan Ya Umar ya kammala bautar kasarsa nan ya samu aiki a SPECIALIST HOSPITAL da ke Bauchi kafin kuma ta koma  ATBUTH.

A gidan mu ya fara zama, ba k'aramin dadi naji lokacin da Ya Umar ya dawo gidanmu ba, domin yana d'ebemin kewa sosai, sannan ya tsaya min a harkar karatuna sosai, domin daga farko naki karatun sam na daina mayar da hankalina, bani da lokaci sai na kuka ko tunani, gani nake bani da wani sauran anfani a rayuwata.

Ya Umar shi ya tsaya, tsayin daka wani lokaci har wayan wuta yake tsoratani da shi, har dai naga Ya Umar fa ba gajiya zaiyi ba, anan nasawa raina gara na yi mai biyayya, amma bawai don ina so ba.

Anan fa na dage sosai, ban zuba mai k'asa a ido ba, na dage da karatun domin nasan ba wani abun da ya saura na rayuwarta a duniya badda na dage da bautawa Allah sai kuma neman ilimi.

Duk wani abun bukata ba sai na nema ba, Baba da Ya Umar suna iyakacin k'ok'arinsu.

Ina SS2 Ya Umar yaje da kanshi yayi min register na WAEC da NECO, karatu sosai mu keyi da Ya Umar, bani da wani lokacin hutawa, cikin ikon Allah kuwa muka zana exams d'in, ba laifi result d'in NECO yayi kyau fiye da na WAEC.

Lokacin da Ya Umar ya nema min form d'in JAM ya kuma ce wai medicine zan karanta anan fa rigima ta, tashi domin ni na ce ba zanyi medicine ba, shikuma yace ba gudu ba ja da baya.

Read More

Share this

WhatsApp

SAKACI Part 14

Ashe Hassan tun ranar da aka kama mu ya tattara yabar garin, Ya Umar harda biyan police akan su nemoshi amma ba'a ganshi ba.

                        ******

Mama ta daina zuwa aikin rana, na safe kawai ta ke zuwa Ya Umar ya siyo mana kayan abinci dai-dai na buk'ata, yana matuk'ar kulawa da mu, duk wani d'an kud'in da yake samu na bautar k'asarshi da kuma d'an bige-bigen da ya keyi a kan mu yake k'arewa.

Daga Ummi har mahaifinshi ba wanda ya nuna damuwa akan kud'in da yake kashe mana, sai ma dai dad'a goya mai baya da suke yi.

Ya Abdallah ma bai zauna ba, tunda dama ya jima da daina zuwa school saboda rashin kud'in da za'a biya mai na zana waec d'inshi, kullun zai fita yin dako da shi d'in ne muke samun na cefane kuma har yake k'ok'arin siyamin duk wani abu na kwad'ayi wanda baifi k'arfinshi ba.

A wannan lokacin ba ma yin kwana biyu Ya Abdallah yake siyo mana nama asa a miya, Mama takan yimai fad'a akan yadinga ta ra kud'in dan yasamu ya biya kud'in waec d'in, amma kullun Mama ta fad'a mai haka, sai ya ce:

"Mamana ki daina damun kanki karki manta namiji baya tsufa da karatu a hankali zanyi, amma na fiso na inganta farincikin ki dana Farida"

Kullun ya fad'i haka sai mun zubar da hawaye, kuma Mama ba ta gajiya da Saka mai albarka.

                      ***********

Akwai wata ranar jum'a da bazan ta6a mancewa ba.

Ya Abdallah ne ya fito daga d'akin kwanan mu sanye da kayan leburancin, kallonshi na yi nace "Ya Abdallah har zaka fita"

Fuskarshi k'unshe da murmushi ya ce "zan fita Farida Umar a mana addu'a domin yau na fita da kaza zan dawo"

Murna fal zuciyata nace "kai Ya Abdallah kace karna cika cikina yau" dai-dai wannan lokacin Mama ta shigo d'aki ta kallemu ta ce "wai me ake tattaunawa ne"

Na fad'a ma ta, murmushi Mama ta yi sannan ta ce "Bawan Allah karka takura kanka da aiki fa kazo wani cutan ya kamaka kasan halin da muke ciki"

Murmushi Ya Abdallah yayi kafin kuma yace "Mamana ki daina damun kanki, addu'arki kawai nake buk'ata, yanzu dai fad'a min mai zan taho dashi idan ina dawowa"

"Kullun a cikinta nake, bazanyi *SAKACI* da na yi a baya wurin yi muku addu'a ba, kubewa zaka taho dashi d'an albarka" Mama ta fad'a.

"Farida Umar mai kikeso na taho miki dashi" Ya Abdallah ya tambayeni, "Ya Abdallah ka tahomin da atile idan zaka dawo"

Ya ce "toh shikenan amma ga wancan farar yadin ki wanke min don Allah ta fita kafin lokacin masallaci" na ce "angama har aron dutsen guga ma zan d'auko na Ya Umar na goge maka"

"A'a Farida karki sa ke koda zancen wasa kice zaki zama mai auro, mutum ya godewa Allah da duk abinda Allah ya bashi, nikam idan kika wanke dakyau ya wadatar"

Murmushi Mama ta yi had'e da cewa " wallahi Abdallah idan kana wasu maganganun sai naga kamar ba d'an shekara goma sha bakwai zuwa sha takwas ba, sai naga kamar kawuce shekarunka, akwai ka da sanin ya kamata"

"Sai na dawo Mama" Ya Abdallah ya fita, fitar da ta kasance ta har abada fitar da bai sake dawowa ba sai gawarshi da aka kawo mana.

Tabbas munshiga tashin hankali mara misaltuwa lokacin da aka shigo mana da gawar Ya Abdallah mota ta bigeshi, ruwan wankan juma'a dana saka mai a murhu shi ne aka yimai wankan gawa.

Ba wanda baiji tsoron tashin ciwon Mama ba a wannan lokacin kasancewar ba wanda bai san irin k'aunar da Mama ta ke yimai ba.

Amma ga mamakin kowa shi ne Mama ko kuka batayi ba hasalima ita ta ke bawa jama'a hakuri.

Hakan da ta yi mutane da dama sunji dadi kuma sun yaba ma ta amma badda Ummi da Ya Umar domin sun san cewa ta na kukan zuci ne.

Ranar da Ya Abdallah ya cika kwana bakwai da rasuwa Baba ya dawo, wanda rabonmu da shi wata biyar kenan, shi ne kuma yayi dai-dai da watan Ya Hamid hud'u da sati biyu da rasuwa, sam Baba bai san da rasuwar Ya Hamid ba balle kuma na Ya Abdallah.

Aranar munsha mamaki irin kukan da Baba ya ke yi yana da yasani, tabbas a ranar mun tausaya mai ban ta6a sanin Baba ya damu damu ba sai ranar, yana kuka yana cewa!

"Ku yafemin yarana, na cutar da ku cutarwa kuwa mai yawa, ban ta6a yarda kun ra6eni ba, sam bakusan dad'in uba ba, na kasa d'aukan nauyinku da Allah ya d'auramin bayan kuma Allah bai hane ni ba"

Kama hannun Mama yayi, ni kuma ya janyoni jikinshi, wannan itace rana ta farko da mahaifina ya yafara rik'eni cikin kulawa, kuka mukeyi mai ban tausayi, Mama idonta a bushe har wannan lokacin bata zubar da hawaye ba.

Cikin kuka Baba yake cewa " Sakinatu na yi asara, ina tsoron gamuwata da Allah, naci amanar da Lamido ya bani, na zalince ku, ku yafemin ko zan sami sauki"

A ranar da daddare Mama ta sanarwa da Baba irin 6ata min rayuwa da Hassan yayi, Baba yayi kuka yayi bak'in ciki gami da danasani, haka yayita rok'on gafarar mu, a ranar dai Baba bai runtsa ba.

Washegari ya zowa Mama da maganar yanaso mu bishi zuwa Bauchi, domin shi yanzu baya so yayi nesa damu dad'in dad'a kuma mutanen unguwa sun sani agaba akan abinda ya faru ban isa fita ba.

Mama sam tak'i amincewa haka Baba yayi magiyanshi har ya gama amma tak'i amincewa ta ce ita tafiso ya barmu anan, kasancewar baya son ya kuma yin abinda zai shiga hakk'inta yasa ya hakura amma badan yaso ba, sai dai yace dole zai canja mana gida wannan Mama bata hanashi ba.

Kwanan Baba biyu da dawowa amma sam baya zama yana cuku-cukun nema mana gida, Ummi ce kullun ta ke shigowa domin ta d'ebewa Mama kewa sai kuwa Ya Umar da yana dawowa daga aiki mu yake fara lek'owa kuma har wannan lokacin bai daina yi mana hidima ba baranma ni.

A ranar wata laraba ne, na tashi da wani azababban ciwon ciki, Mama ta d'auka period zanyi shiyasa taje da kanta ta siyomin peldine, nasha amma ciwon cikin k'aruwa ya keyi, haka na wuni ina abu d'aya.

Ranar sam ba wanda ya rintsa a cikin mu ukun, da safe ne kuma abun yayi tsanani domin jini ya fara zuba (bleeding) fiye da tunani, ba abinda ba'asa ba don tare jinin amma ina harda guda-guda ya ke fita.

Kan kace meye wannan na galabaita, ba shiri Baba ya je gidan Ummi Ya Umar baya nan amma anci sa'an Alhajinsu na gari, shi ya kaini asibitin a galabaice.

Dak'yar likitoci suka tsayar da jinin na zubar da jini sosai amma sunce ba sai a k'aramin ba, wunin ranar haka likitoci suka dukufa dubo abinda yake damuna.

Abinda suka gani a sakamakon gwajin nawa shi ne silar komai, lokacin wani Dr ya shigo d'akin da nake da sakamakon, a sannan na farka ina kwance jiki ba kwari, ya kalli su Baba hankali tashe yace .

"Kune iyayenta " su Baba da Alhaji sukace "eh likita don Allah sanar damu, abinda yake damunta"

Dr ya gyara gilashin idonshi sannan yace "ina mijinta?" "Ras" gabana ya bada, cikin damuwa "Baba yace bata da miji a yanzu don Allah ka sanar damu meye matsalar"

Dr yace "toh ina fargabar sanar daku akwai wani tsarin iyali da y'arku ta keyi wanda ya janyo ma ta matsala babba, kuma ina tsoron sanar daku mahaifanta ya samu matsala bazata ta6a haihuwa ba, kuma ba lalle ne ta sa keyin al'ada (period) ba koma ta sa keyi toh fa ciki bazai ta6a shiga ba, saboda yin wannan tsarin iyalin wanda ya wuce k'a'ida, a yanzu dai munyi k'ok'arin tsayar da jinin"

Abinda likita ya fad'a shi yayi sanadiyar fad'uwan Mama, cikin gaggawa akayi d'akin emergency da ita, adai-dai wannan lokacin Ya Umar ya shigo asibitin koda yaji dalilin fad'uwar Mama, zama yayi a kasa tamkar zaman y'an bori yana cewa mai yasa aka fad'awa Mama, ba wanda ya iya bashi ansa.

Munga tashin hankali ranar ba yadda ba'ayi dani na kwanta ba nak'i nace dole naga Mamana haka aka barni.

Likitoci sun kai awa biyu a d'akin da Mama take kafin, babban likitan ya fito yace "wai waye Farida" ban iya magana ba illah d'aga hannuna da na yi, yace "toh ma za kije tana son ganinki" ya juya gasu Baba yace sujira na fito.

Halin da naje na iske Mama ya kusan zautar dani, bazan ta6a manta wannan ranar ba.

Farida ta dakata saboda kukan da yasha  k'arfinta, su Dr Jidda ma kukan sukeyi sosai.

Read More

Share this

WhatsApp