Monday, February 25, 2019

INA DARAJAR TAKE Page 36 to 45

February 25, 2019 INA DARAJAN TAKE 1-END No comments

Zagewa Yakumbo ta yi iya karfin ta ta rufe Haroun da duka,ta na fad'in "mugu azzalumi wallahi Allah ba zai barka ba!" Ganin ba ta da niyar dai na dukan Haroun Dawud ya yi yunkurin shiga tsakani. Alhaji ya d'aga ma sa hannu dole shi ma ya ja gefe ya zubawa sarautar Allah ido.
Alhaji Umar ne ya iya shiga tsakani,ya janye Yakumbon da ita ke dukan amma ta ma fi wanda ta ke dukan had'a zufa. Huda ce ta dad'a matsawa kusa da Haroun,ta ma rasa me za ta ma sa ta taimakasa ma sa,ganin yanda ya sha maka gun Yakumbo,gashi duk ta bad'e shi da kasa.......

Wata bakar jeep ce kirar Benz ta shigo farfajiyar gidan biye da ita Mota ce kirar hilux,nan su ka faka,dake motacin duka tint ne ba a iya ganin wanda ke ciki. Lokaci guda aka bud'e duka motocin,Commissioner Adamu shehu wanda ya ke abokin Alhaji Shamsu tun su na yara ne ya fito daga benz din tare da body guards din sa,yayinda police har hud'u su ka fito daga hilux din.
Ganin su hankalin Mama ba karamin tashi ya yi ba. Bayan ya bawa Alhaji Shamsu,Alhaji Umar da Alhaji Hamisu hannu sun gaisa,Alhaji ya ce "me ya sa za ka zo da kan ka bayan cewa na yi ka turo yaran ka?" Ya na duban su d'aya bayan d'aya,in da idanun sa su ka tsaya kan Haroun,ya ce ."ka ce na tura yara na gidan ka,you shouldn't be expecting me to just stay back and do nothing,me ke faruwa ne Alhaji Shamsu?"

.
"Ga shi nan,ku tafi da shi" ya nuna Haroun da dan ya tsaya. Cikin rashin fahimta Commissioner Adamu Shehu ya ce " Saboda me ya sa za ka damka d'an ka hannun police?" Rai bace ya ce "wannan ba d'a na ba ne,daga yau na sallama shi na fitar da shi da ga cikin sahun 'ya'ya na....."

A razane Haroun ya d'ago ya na duban Alhaji,yayinda Mama ta yanki jiki za ta fad'i,Ummi da Anty Salma su ka yi saurin rik'o ta suna salati.
Shi kan shi aminin Alhaji ya girgiza da kalaman Alhaji,Alhaji Hamisu ne ya ja shi gefe su ka d'an yi magana,wanda daga bisani ya dawo gami da bawa police d'in umarnin su sa Haroun a mota. Nan fa sabon kuka ya farke,Huda har da karfin halin ruke hannun Haroun. Da kan sa ya banbare hannun ta daga cikin na sa,police su ka sa shi tsakiya har zuwa motar su. Commissioner Adamu Shehu ya shige ta sa, shi ne gaba,ta su Haroun na biye da su. Su mama na ji su na gani haka aka tafi da Haroun,kuma Alhaji ya hana ambatan ko da sunan Haroun ne a gidan,bare a yi maganar sa. Da wannan ya shige ciki,Alhaji Hamish biye da shi. Shi kuwa Alhaji Umar d'aukan Yakumbo ya yi ya maida ta asibiti. Sai tsinewa Haroun ta ke a hanya. Mama kuwa sai shigar da ita b'angaran ta aka yi. A takaice karamin zaman Makoki dai aka yi a gidan. Wannan kenan.

.
Sai da Habeebti ta cika sati guda da farfad'owa sannan aka mata d'inki,da test na HIV da kuma infections.An ci sa'a ba a same ta da ko d'aya ba,amma bayan wata uku za ta dawo a sake ma ta na HIV din bisa k'aida. A tak'aice dai sai da ta yi kusan wata d'aya ta na jinya,gashi kullum cikin kuka ta ke,tun ana lallashi sai da ya zamana sai dai kawai a zuba mata na mujiya.

Ranar da aka sallame ta rana aka sha daga,dan kuwa ta ce ba za ta koma gidan Hajiya ba,sai dai a maida ita gun dangin Mahaifiyar ta. Wannan shi ne wata sabuwa inji dan caca dan kuwa dangin mahaifiyar ta ta ba su da masaniya kan lamarin. Dama kuma Yakumbo ta ce ba Aliya ba gidan Hajiya har abada duk da Haroun ya nan hannan yan sanda sai ta ga hukuncin da za a aiwatar kan shi sannan hankalin ta zai kwanta.
Dole ba a san ran ta ba,Bichi aka mai da ita,amma ta kudiri niyar komawa gun dangin mahaifiyar ta da ta sami dama.
Washagari da safe Habeebti ta fito daga wanka,ta yi zaune gaban mudubi,da ga ita sai towel. Kan ta take k'arewa kallo yayinda wani bak'in ciki ya tukare ta a k'irji. Ta rame sosai kamar wacce ta shekara ta na jinya. Ji ta ke dama mutuwa ta yi da ya fi wannan rayuwar da ta ke ciki,ta iya tsare mutumcin ta har tsawan shekarun ta a duniya,amma wuni d'aya dal wani wofi ya zo ya keta mata haddi. Duk duniya babu wanda ta tsana kamar Haroun,haka kuma ta tsani kan ta. Babu abun da ya fi d'aga mata hankali irin d'inkin da aka mata,da ko da yaushe ta ke jin shi,har gwara ma yanzu da ya fara warkewa,amma kam duk sanda ta shiga toilet har jin zare zaren ta ke.

.
Wani zazzafan hawaye ne ya gangaro daga idanun ta,ba ta damu da ta goge ba,idanun ta ya kai ga wayar ta jin ta na k'ara. Sunan Al'amin ne ya bayyana,tun jiya da ta kunna wayar ya ke ta faman kira da aiko sak'o txt massage amma ita ba ta d'auka ba,ba kuma ta ma sa reply ba. Ta na gani har wayar ta yanke,sai kuma ta jiyo Yaro daga tsakar gida ya na fad'awa Yakumbo ana sallama a waje. Yakumbo ta "amsa da waye?" Shiru ta ji,da Alama yaron ya fita. Ta tashi ta na tafiya a hankali dan da tayi motsi mai k'arfi ta na ji a jikin ta,gashi dama an ce kar ta cika gazargazar da yawa har sai ya warke.

   Under wears din ta ta sanya,ta na kok'arin sanya doguwar rigar ta na atamfa ta ji muryar yaro na fad'in "wai Al'amin ne ya ke sallama da Aliya.." hannun ta a sama,riga a wuya ta tsaya cak ta na mai raba ido,jin takun takalmi ta san Yakumbo ta nufo d'akin. Sauri ta yi ta k'arasa sanya rigar. Fuska d'aure ta ke duban kofa ta na jiran shigowar Yakumbo.
   Ile kuwa sai ga ta ta d'aga labule,ta na mai yin sallama. A takaice ta amsa ma ta sallamar. Yakumbo ta dube ta ce "Habeebti kin ji sak'o daga waje ko?Sirikin na mu ne Al'amin" Kai tsaye cikin sassanyar murya ta ce "Yakumbo ki ce ba na nan,ba zan iya ganin sa ba....."
    Yakumbo ta dan yi jim kad'an sannan,kamar ta na tsoran k'ara magana. Habeebti kuwa bakin gado ta zauna ta na kok'arin d'aura kallabi. Yakumbo ta nisa tare da fad'in "Na ce Habeebti ki taimaka ku gaisa....." Kukan da Habeebti ta sa ma ta shi ya sa ta katse maganar,dama ta san za a yi haka,dan haka sai ta fice ta ce da yaron ka ce ya shigo.
    Daga d'aki ta jiyo muryar Al-amin,muryar da ta ke balain san ji,da ba ma ta san adadin missing d'in shi da ta yi ba sai yanzun da ta ke jiyo shi,haka kuma ta ke tsananin san saka shi a idanun ta,toh amma yanda ta ke yanzu ta fita ta ce ma sa me? Za ta ce ma sa yayi hakuri yanzu ita ba budurwa ba ce saboda dan gidan da ta ke zaune ya yi mata fyad'e ne har ta kwanta tsawan wata guda...?

.
Jin suna magana da Yakumbo ta tashi a hankali ta na bin bango,sai da ta zo bakin kofar ta tsaya,ji take kamar ta lek'a ta ga fuskar sa ko da sau d'aya ne.

Yakumbo ce ta ke masa bayani,ta na fad'in " Eh wayar ta ta ya jima a kashe,da ke ta dan yi jinya ne...." "Ya Allahu,wlh sam ban ji ba ko wajan kawayen ta da cousins din ta da mu ke magana da su,kuma na zazzo gidan nan amma sai na tadda a kulle,dake can gidan da ta ke na Kano ban sani ba,nan d'in ma dan nan mu ka kawo kud'i shi ya sa na sani,me ne ya ke damunta?"
Nan fa d'aya,sai ga Yakumbo ta na kame kame,can dai ta ce "iye...naam.....toh cuta ce dai gata nan,yau ace wannan gobe wacan...." Duk da be gane abun da ta ke nufi ba,yayi tunanin gigin tsufa ne dan haka sai ya ce "Allah ya sauwake, ina ga gwara na zauna na jira ta tashi....." "Ah ah ka dai je ka dawo kannan ta tashi" Yakumbo ta yi saurin katse shi.
Jim ya yi,ji ya ke kamar ya tashi ya shiga d'akin da kan sa ya ga Habeebti. Kamar ta san tunanin da ya ke,ta ce "ka dai yi hakuri,ba daman na tada ta ne,sai dai ko zancen za ka yi da ni..." Ya na murmushi ya tashi,ya na fad'in "Yakumbo wake ta taki yanzu,bari dai na je na dawo d'in

kawai" da haka suna wasa da dariya su ka yi sallama da niyar zai dawo anjima.
Sai da ta ji ya fita sannan ta iya zama nan bakin kofa ta na kuka. Yakumbo ta shigo bayan ta raka shi har kofar gida,ya mata d'an ihisani. Saura kiris ta fad'i yin tuntube da Habeebti da ke zaune bakin kofa ta had'e kai da gwiwa ta na kuka.
Ta na sallallami Yakumbo ke duban Habeebti,cewa ta ke" za ki karasa ni ki huta,in ban da ke Habeebti ai mai san ka har abada mai san ka ne in dai san na gaskiya ne,wallahi ki ka ce wannan salon rayuwar za ki d'auka za ki sawa kan ki cutar da za ta kar ki har lahira,yaron nan ya zo tun daga wani gari amma ki ki ganin sa,ki shirya anjima zai dawo...."

.
Shiru Habeebti ta mata har ta karaci surutan ta ta gama,ta fita. Sakon txt ne ya shigo wayar ta,ko da ta duba sai ta ga numbar Al-amin,ya tura mata da. "love you Aliya Habeebti" aje wayar ta yi ta na mai fad'in wallahi da zanga Haroun da sai na masa lahanin da zai kai shi har lahira!" Nan ta kara sa wani sabon kukan ta mai tsanar rayuwar da ta ke ciki.

Zuwan Al'amin har uku ranar,amma Habeebti ta k'i yarda ta gan shi,ana hud'un ne ya dawo bayan magrib. sam ba ta san da zuwan shi ba,ta na zaune falon Yakumbo kawai sai jin k'amshin turaren sa ta yi,kan ta ankara sai ga mutum cikin falo,sallamar sa da shigowar sa lokaci d'aya.

Yakumbo daga waje ta na " yi zaman ka nan falon kafin na kira ma ka ita" amma ita kan ta Habeebti ta san da gangan Yakumbo ta ma ta haka,ta san ta na falon dama.
Ganin shi tsaye gaban ta ba zato ba tsammani ya sa ta tashi tsaye da sauri,ganin yanda ya tsare ta da ido ya sa ta koma da sauri ta zauna ta na kwance kallabin da ke d'aure kanta,yayinda ta yi saurin yafawa jikin ta kamar mayafi,Allah ma ya sa doguwar rigar da ta sa tin d'azu ne jikin ta. Ganin be tanka ba,be kuma karasa shigowa ba ya sa ta dan d'aga ido ta kalle shi. Farar shadda ce sanye jikin sa,an yi ma ta aiki da koran zare,kan sa ko hula babu,kallo daya za ka ma sa ka tabbatar da damuwar da ke tattare da shi. Al-amin wankan tarwad'a ne,dogo kakkaura. Ya na da dogon hanci da tarin saje wanda ya ke k'ara ma sa kyau da kwarjini.
Ganin har yanzu idanun shi kan ta ya ke,ta yi k'asa da na ta idanun ta na mai fad'in "sannu da zuwa"da sassanyar muryar nan na ta. Be amsa ba,be kuma motsa daga in da ya ke tsaye ba,wanda hakan ya sa Habeebti tsarguwa,abun da ta ke gudu ne ya faru,shikenan har ya gane abun da ya same ta gashi ya tsare ta ido ya ma kasa mata magana......ba ta ankara ba sai ga hawaye na zuba daga idanun ta.

.
Ganin haka ya k'arasa gaban ta,ya zauna tare da fad'in"kukan na menene,ni da ki ka share Aliya ni ya kamata na yi kuka,shhhhhh maza goge hawayen nan,sam ba ya mi ki kyau...." Hanky ya mik'a ma ta. Ta karb'a ta na goge hawaye,ganin ta tsaya ya ce "d'ago na gani?" A kunyace ta d'an d'ago su ka had'a ido,murmushi ya mata tare da fad'in "ko ke fa yanzu ki kad'an yi min kama da mata ta Habeebti. Oya start explaining,me ya sa ba a fad'a min baki da lfy ba?me ya sa aka k'i d'aukan waya na,me ya sa ake gudu na?"

Murya can k'asa ta ce "Ban da lfy....."kai ya gyad'a mata,tare da fad'in wannan na sani daga ganin yanda ki ka rame,abun da na ke tambaya me ke damun ki?ni kuma menene laifi na?" Shiru ta yi ta na wasa da 'yan yatsun ta,ganin ba za ta amsa ma sa ba ya kira sunan ta "Aliya" ta d'aga ido ta na kallan sa. Ya ce "ba zan matsa mi ki ba,whenever you are ready ma yi maganar owk?" Ta girgiza kai ta na kokarin kwakulo murmushin dole. Nan su ka dan tab'a hira,amma gaba d'aya al'amarin Habeebti ya d'aure ma sa kai,sam ta kasa sakin jikin ta,yau ko ruwa ba ta ma sa tayi ba gudun kar ta tashi,gani ta ke da ta tashi zai gane. Ko da ya zo tafiya ma ba ta raka shi ba,daga zaune ta ma sa sallama abun ta. Haka ya tafi ya na sak'ar zuci.

Dangin Mahaifiyar Habeebti ne su ka iso Bichi jin abun da ya sami d'iyar su. Sun zo ne da k'arfin su na akan lalle sai Habeebti ta koma hannun su,kamar yanda ita ma Habeebti ke so. Amma nan su Alhaji Umar su ka mu su fin k'arfi a matsayin su na dangin Uba,hakan ba karamin ciwo ya mu su ba,Anty Talatu ce mai ikirarin mik'a k'ara koto,Alhaji Murtala wanda ya ke shi ne babban Baffan Habeebti ya ce "ba wannan maganar,ba dai Habeebti ba ce?Allah shi zai raya ta,dan haka su bar ta kawai,d'aukan na ta a yanzu ai ba shi zai sauya komai ba,kaddara ta riga fata".

.
Alh Sani wanda ran sa ya fi na kowa b'aci cewa ya yi kaddara da sakacin su ba,yanzu ya za a yi da yaran da ya kawo kud'in auren yarinyar nan? " Babu abun da ya fi sai a shedawa yaron dan wannan ba abunda za a buye ba ne" Alhaji Umar ne ya ba shi amsa. Girgiza kai Alhaji Sani yayi,kana ya ce "Allah ya sa a dace" su ka amsa da amin.

B'angaran mata kuwa ba masalaha,dan kuwa rabuwar rashin dad'i aka yi,Anty Talatu ta fi kowa zaifi da nuna facin rai har ta kai ga Hajiya Mario na zargin ta da rashin yarda da k'addara. Mai dan saukin Anty Maijiddace,wacce ita ta ke bin mahaifiyar Habeebti. har jan Habeebti gefe ta yi ganin tun da su ka je ta ke ta aikin kuka,ta ma ta fad'a,ta na mai fad'in "ba ki yarda da k'addara ba ne Aliya?yanzu haka ki ke rayuwa kullum cikin kuka?"Aysha Tafeeda wacce ta ke cousin din Habeebti,kuma k'awar ta, ta ce "gaskiya dai kukan ya kusa ya yi yawa Habeebti" Anty Maijidda ta kara da "na tsani kukan nan na ta wlh,an san da ciwo,sai ki barwa Allah komai sai ki ga ya saka mi ki". "Toh" shi ne amsar da Habeebti ta amsa mu su da shi. Haka ta na ji ta na gani su ka tafi su ka barta gidan Yakumbo.
A daren ranar ne Al-amin ya zo mata sallama zai koma Kaduna,Alhaji Umar da Yakumbo su ka sheda ma sa gaskiyar abun da ya faru ba su buye ma sa komai ba. Ji ya ke kamar ya yi tsuntsu ya je ya sami Haroun ya masa abun da har ya mutu ba zai mance da shi ba kamar yanda ya aikatawa Habeebti. Jin ya na kulle sam be gam su ba. Tausayin Habeebti ne ya kama sa ya kuma ce da su Yakumbo wannan lamari yayi kad'an ya raba shi da Habeebti,san Habeebti yanzu ma ya fara,auran ta babu fashi. Wannan batu ba k'karamin dad'i ya yiwa su Yakumbo ba,albarka kam ya sha ba adadi. Amma sun ba shi shawarar ya je ya nemi shawaran iyayen sa shi ma.
Ranar gaba d'aya hirar sa da Habeebti nasiha ce,da kuma jadda soyayyar da ya ke mata. Har su ka yi sallama ya tafi. Ranar dai Habeebti ta yi kwanan farin ciki.

.
Haka rayuwa ta cigaba da tafiya,Haroun na can kulle,sai da Alhaji ya je da kan sa ya tabbatar da haka,sannan ya hana kowa zuwa ganin sa. Tun abun na damun Mama,har ta watsar ta danne cikin zuciyar ta.

Kusan watanni biyu ne su ka shud'e da faruwan al'amarin. Wata ranar asabar ce r aka tsaida domin zana jarawabawar post utme a ABU. Dawud ne ya je har Bichi ya d'auko Habeebti domin kai ta Zariya. Ta yi kyau cikin shigar ta na material purple da hijabin ta iya gwiwa. Dawud ne ke ta kok'arin ma ta hira,amma ta ki sakewa ta ma sa magana,sai dai ta amsa ma sa da "um um-um" ko kallan sa sosai ba ta san yi dan sai ta ga kamar ta na kallan Haroun.
Jin shirun ya yi yawa,ya ga kuma ta kau da kai gefe sai ya yi zatan ta yi bacci,dan haka sai shi ma ya yi shiru ya k'ara sautin karatun da ya ke ji ya na bi a hankali. Ji ta yi zuciyar ta na tashi,dama tun safe ta ke fama da jiri,tun ta na iya jurewa har ta kasa,ta ce da Dawud "Dan Allah ko kana da goro?" Jin tambayar na ta ya sa Dawud ya dan dara "Aw ashe idan ki biyu,kya bar Yakumbo a gida ki na tambayar dan samari goro?me ma za ki yi da shi?" Ya tambaya cikin zolaya. Amsa ma sa ta yi da "ina yawan jin zuciya ta na tashi ne lately,gashi ni kadai sai nai ta kunci raina ya ta baci na ba gyara ba dalili" dan juyowa yayi ya kalle ta,kan ya mayar da kallan sa kan kwalta,wani tunani ne ya tsarga zuciyar sa,ya yi saurin kawar da shi,daga bisani ya ce"Maganar kuncin zuciya ki na yawaita karanta Allahumma la sahala illa majaltahu sahalan wa antajalal hazna iza shita sahalan....kin iya adduar ko?" Habeebti ta gyad'a kai alamar eh. Ya k'ara da "ki na kuma karanta Hasbinallahu wani'inamal wakilu,450 safe da yamma,Allah zai yaye mi ki damuwaa ya kuma yassare mi ki" godiya ta ma sa sosai,ita dai fama ta ke da kan ta da za ta samu ta yi amai da ta sami sauki.

Haka ta yi jarabawar a daddafe,kan ta gama sai da ta yi amai sau uku. Suna dawowa Kano kan ya wuce da ita Bichi sai da ya kai ta asibiti,ta ga Doctor ya duba ta tare da mata test. Abun da Dawud dai ya yi tunani ne ya faru,amma sai ya ki fad'a mata. Har sai da su koma Bichi ya ke shedawa Yakumbo bayan sun keb'e.

.
Tagumi Yakumbo ta doka,ta ce "ai biri ya yi kama da mutum,wlh ba tun yau na san da haka ba,gaba d'aya alamu ya nuna oh ni Saratu ya zamu yi?Habeebtin ta sani ne?" Ya ce " sai dai ki fad'a mata daga baya" "Toh Allah shi ya san komai,Allah dai ya shige ma na gaba ni Saratu."

   Sam Habeebti ba ta san abun da ke faruwa da ita ba,sai da ta ji wata ya shude amma period shiru,gashi kullum cikin laulayi ta ke,Hajiya kullum sai ta kira ta ji ya jiki,ita kan ta Yakumbo wani lallab'a ta take,hakan ya sa ta gano bakin zaren,ta sawa Yakumbo bori har ta tabbatar mata da gaskiyar magana.Habeebti dai juna biyu gare ta. Ranar had'iyar zuciya na kawai Habeebti ba ta yi ba,ta sha alwashin zubar da cikin,amma Yakumbo ta hana,haka ma su Alhaji Umar,wai idan ya zo da ajali me za ta ce da Allah. Ita kuwa Habeebti gani ta ke tsabagen ba a cikin su ya ke ba,haka ta na ji ta na gani za ta raini cikin shege ta shayar ta goya? Da kanta ba za ta kawo abun da zai Zane ma ta bakin ciki duniya ba.
   Shi kan shi Al-amin da ya ji cewa ya yi zubar da cikin shi ne mafita tin da yanzu gudan jini ya ke be cika d'a ba bare ace an zubar an yi kisan kai., amma k'iri k'iri su Yakumbo sun ki yarda,kuma su ka ce in dai sun isa da ita lalle ta bar cikin nan ta yarda da hukunci ubangiji. Ana wannan yanayi result din Habeebti na post utme ya fito,amma percentage din ta be kai ba.
    Sa'ilin da Habeebti ta koma hospital ne domin a sake ma ta HIV test wanda aka ci sa'a shi ma negative, Dawud ya biya da Habeebti gidan su bisa umarnin Hajiya.

.
Zaune su ke falon Hajiya,gaba d'aya ta kasa sakewa Allah Allah ta ke Dawud ya dawo su tafi,sai ga Mama,biye da ita Huda ce da Halima. Ita kan ta Hajiya ta yi mamakin shigowar Mama da raban da ta shigo tin randa wannan abun ya faru. Ga mamakin ta ba ta kula da Hajiya da ke zaune kujerar da ke kallan na Habeebti ba,sai ma zama ta yi kusa da Habeebti,su kuma su Huda bayan Mama su ka tsaya. Ganin haka cikin girmamawa Habeebti ta gaida Mama. Amsawa Mama ta yi,gami da ruk'o hannun Habeebti,ta ruke cikin na ta,kana ta ce "d'iya ta na zo neman alfarma wajan ki,na san an miki ba daidai ba,an zalince ki,amma ki duba darajar Allah ki sa baki a sako Haroun......." "Hajja Fadi ki ma dai na b'ata bakin ki,yaron nan ba za a sake shi ba!!" Fadin Hajiya kenan a fusace,ta k'ara da"idan ba ki sani ba yanzu haka yarinyar nan d'auke ta ke da juna biyu..."

Hannun Habeebti da tuni hawaye su ka wanke mata fuska ta saki da sauri,ta na mai nanata maganar " juna biyu......." Hajiya ta gyad'a mata kai "kin ji da kyau,ki na ganin za a sake shi ne ya ci gaba da rayuwar sa bayan ta na cikin kunci,za ta kuma kasance cikin kunci har sai ta haife ta raini abun da ke cikin ta? Ba wannan maganar......"
A rikice Mama ta koma yiwa Hajiya Mairo magiya,fad'i ta ke dan Allah ki taimaka min Hajiya Mairo,mu rufawa juna asiri,a fitar da yaran nan in ya so idan ta haihu kai idan ta kama ma zubar da cikin za a yi,a zubar a d'aura mu su aure......." Maganar ta Mama mutum biyu a wajen ta fi d'agawa hankali, Habeebti wacce ta san idon ta idon Haroun sai ta lahan ta shi,amma ace wai za a aura....."kai ba wannan ba maganar" abun da ta ke jaddadawa cikin ran ta kenan. Sai kuma Huda wacce jikin ta har rawa ya ke jin batun na Mama. Ita kuwa Hajiya girgizawa Mama kai ta yi ta ce "Aliya ba za ta auri lalatacce kamar Haroun ba,b'ata ma ta rayuwa da yayi be sa ta rasa sauriyin ta dan mutunci wanda zai aure ta ba......" Daga Huda har Habeebti sakin ajiyar zuciya su ka yi a tare. Amma me? Ganin Mama su ka yi ta na shirin kai gwiwowin ta k'asa ta na "idan ta kama na durkusa mi ki ne Hajiya Mairo..."kan ta kai k'asa Huda da Halima su ka yi riga rigan taro ta,Halima na fad'in "Wallahi Mama ba za ki durkusa a gaban su ba,su d'in banza su din wofi...."ji ka ke tas! Ayub ya d'auke Halima da mari,ya na cewa "uwar ta wa ce banza hofi dan baki da mutunci?.." wani marin ne ya sauka fuskar Ayub,cikin jin zafin marin ya d'aga kai su ka yi ido biyu da Dawud wanda shi ma shigowar sa kenan ya ga Ayub ya mari Halima,a fusace ya ce"wa ya ma ka tarbiyar dukan mace? Dama ashe ba ka da hankali? "Hajiya fa ta ke zagi ya Dawud..." "Get out!" Dawud ya fad'a cikin tsawatarwa da tuni Ayub ya kama hanyar waje,yayinda shi ma Dawud ya juya ya yi ficewar sa ba tare da ya k'ara tankawa kowa ba. Huda da Halima su ka ja Mama suna ba ta hakuri,yayinda Hajiya da ko ajikin ta tace da Habeebti "ki ma dai na kuka,hakkin ki ne sai an kwatar mi ki".

.

Ragon zubar da cikin Habeebti ya sa ta fara ganin canji gun Al-amin,da kullum kira safe,rana dare amma yanzu idan ta samu ya kira ta sau d'aya a rana ma ta godewa Allah,har ta gaji ta dan yi masa korafi,amma sai cewa ya yi aiki ne ya masa yawa. Ya za ta yi,tunda darajar ta ya ragu dole ta yi hakuri dama ta samu zai aure ta..tunanin da take kenan duk sanda ya mata ba daidai ba,sai ta hakura. Amma abun da ta kasa ganewa shin idan ta haife abun da ke cikin ta ya za ta yi da shi....? Ko b'angaran Al-amin ma damuwar sa kenan,shi ya sa ya tsani ganin Habeebti musammam yanzu da cikin na ta ya kai wata takwas da ka ganta za ka ga tulelen cikin a bayyane. Ko ya d'aga waya zai kira ta,sai ya ja tsaki ya aje.

Babban takaicin sa shi ne na kin zibda cikin,ya sha kai mata magani da hannun sa tun cikin ya na jariri wanda za ta sha ya zube amma shiru ka ke ji wai an shuka dusa. Akwai sanda ya tirsasa sai da ta sha a gaban sa,amma taurin kai irin na cikin shege ko gizo bare ya kai ga barewa.

Ganin yanda ko ganin ta ba ya zuwa yi sai Habeebti ta masa uziri,ita ma ta kyale shi,after all ba ita ta d'aurawa kan ta ba. Dawud ne me d'ebe mata kewa wanda duk weekend a Bichi ya ke yi. Haka ma Anty Salma na yawan kiran ta,ta ji ya lafiyan ta. Kwanci tashi cikin Habeebti ya kai wata tara. A yanzu kam kwata kwata Al-amin ya dauke mata wuta,ko dan txt dinnan ma ba ya mata. Daran wata asabar,dare ne da ba za ta mantawa ba. Har ta kwanta,amma sai ta nemi bacci ta rasa,dan haka kawai sai ta kunna data din ta,ta shiga facebook,ta d'an fara dube duben ta,hotan wani ango da amarya ta gani ana ta sawa ana mu su fatan alkhairi. Ganin sun yi yawa ya sa ta tsayawa kan hotan ta bud'e,fuskar wa za ta gani? Fuskar al'amin d'in ta ne da amaryar sa,sai a sannan ta duba k'asan hotan ganin an sa "HML Al-amin and Aysha M.C" be sa ta gama yarda da shi din ba ne. Haka ta rink'a duba duk posts din da ta ga da su aka yi,ta duba profile din abokan sa sun kai goma....ta kai kusan minti talatin ta na zaune shiru,ta ma rasa me za ta yi....can kawai sai tsintar kan ta tayi ta na dariya sosai,ta na dariya ta na hawaye ta kira wayar cousin din ta,Aysha Tafeeda. Bugu uku zuwa hud'u ta d'aga,cikin muryar bacci ta ce "Habeebti ya dai?you never crash?" Jin Habeebti na dariya ya sa Aysha wartsakewa,dan raban da ta ji dariyar Habeebti tun iyayen ta na raye,bare wannan har da k'yakyacewa. Cikin kullewar kai Aysha ta ce "Habeebti?lafiya kuwa me ya sa ki dariya haka?" Da kyar ta ke jiyo muryar Habeebti daga na ta b'angaran saboda karfin dariyar da ta ke,Habeebti ta ce " Aysha kunna wayar ki ki shiga facebook ki ga Al-amin d'ina....." Cikin in ina ta na kok'arin kunna wayar da ta ke fb din da shi ta ce " me ya-sami Al-amin-d'in---na ki?" Habeebti da har lokacin ba ta fasa dariyar ba ta ce " Aure yayi,ya auri budurwa wacce ba a mata fyad'e ba,ba a mata ciki ba,kuma ku ce bazan kashe Haroun ba?". Ta dad'a kwashewa da dariya. "Innalillahi wainnailaihir rajiun!!!!!" Fad'in Aysha tafida kenan jin kalaman Habeebti da kuma ganin zahiri,ga Al-amin da amaryar sa ana ta mu su san barka. Fuska cike da hawaye Aysha Tafeeda ta ce "Kuma shi ne ki ke dariya Aliya? Dan darajar Allah ki yi kuka,ki yi hakuri ki yi kuka Habeebti,kuka za ki yi Aliya" ita kuwa Habeebti zuciyar ta kyek'ashe,wanda hakan shi ya fi d'agawa Aysha Tafeeda hankali da ta kasa hakura tuni ta aje wayar dan neman Anty Maijidda....

INA DARAJAR TAKE Page 21 to 35

February 25, 2019 INA DARAJAN TAKE 1-END No comments

Kamar saukar aradu haka ya yi kan Haroun,ji ka ke tas.!! ya dauke kumatun sa da marin da sai da Haroun yayi baya zai fad'i,Dawud yayi saurin cin kwalar sa ya had'a shi da bango,ko kok'arin kare kan sa Haroun be yi ba bare ya kai ga azancin ramawa,Mama ta fashe da kuka ta na fad'in "jama'a ku taimaka ku shiga tsakanin su dan Allah,Dawud kan ka daya kuwa...." Ummi kuwa sai tafa hannu ta ke ta na sallallami,Yayinda sauran jama'ar gun su ka kawowa Haroun d'oki,amma ina ba karamin duka ya ke karba gun Dawud ba,abun da ya dad'a d'agawa Mama hankali ganin jama'a sun kasa kwatar sa daga hannun Dawud.

Kuka take ta na fadin "ku bari ya kashe shi ma kawai,wannan masifa da mai ta yi kama idan ba ka kashe shi ba baka isa dan halal ba Dawud"

"Dawud!!!!!" Jin muryar da ta kirasa da kakkausar sauti ya sa Dawud tsayawa cak ba tare da ya saki Haroun ba wanda ya sha bugu kwaran gaske ..."you ar stupid!!!"Alhaji ya daka ma sa tsawa,ya k'ara da" You ar very stupid indeed! Let go of him....ryt now!!!"
A sanyaye ya na huci kamar zaki ya saki Haroun,nan ya zube yana goge jinin da ke zuba daga bakin sa..Mama da Ummi su ka yi kan sa da sauri,Mama na kuka ta na fad'in "wannan ai rashin mutunci ne,wannan ai rainin arziki ne sannu Haroun,wai kai me ka ma sa haka ya ke wannan cin fuskar,Alhaji dubi yanda ya canza ma sa halitta dan Allah"
Nan fa kowa ya shiga tofa albarkacin bakin sa daga mai fad'in kar Mama ta yarda ta d'au mataki,sai mai fad'in ai a tsaye Haroun ya fi Dawud karfi,me ya sa ba zai rama ba ya tsaya har ya ma sa wannan bugu......

,
Rai bace kamar mai shirin yin kwalla Alhaji ya ce " ka wuce office ka jira mu" kai a sunkuye ya wuce ciki dan kuwa be gama da Haroun ba. Bayan tafiyar sa Alhaji ya dubi Hajiya ya na fadin " Hajja Fadi ku ma ku zo ku same mu a office din" ya juya ba tare da ya kalli Haroun ba,dan gwara Dawud,shi ko ganin sa ba ya san yi. Ya na ji Hajiya na Alhaji ai da ka tsaya ka taimaka ma sa..."

    Cikin Office d'in Doctor kuwa Doctor ne ya yayyafa ma Hajiya ruwa,da taimakon Allah sai ga ta ta farfado wanda hakan yayi daidai da shigowar Dawud,Alhaji biye da shi. Sai da ta dan yi Jim su Ayub suna ma ta sannu,dan sai a sannan Dawud ya san ta ma sume. Sai daga bisani kuma ta farga abun da ke faruwa ya kara dawo ma ta. Kuka ta sa ta na fad'in "shikenan ni Mairo an kashe ni an gama da ni,Alhaji ya zan yi da yar amana?Alhaji Haroun ya cuci Aliya"
   Furucin ta karaf a kunnan Mama da sa k'afar ta kenan cikin office din biye da Ita Haroun da Ummi....
    Tsaywa ta yi cak ta na mai zare ido,ta na magana ne cikin lame lame "Alhaji ahhh na ce Hajiya Mario wai waye ya yiwa waye umm fyad'e na ji an ce....?"

Budar bakin Hajiya sai cewa ta yi ."d'an ki Haroun ya yiwa d'iya ta fyad'e....." "Innalillahi wainna ilaihi rajiun!" Fad'in Mama ta na mai tafa hannayen ta,tambaya ta ke "wai wani d'an nawa ki ke magana? Wannan ai ya sasheshshen zance ne! Hajiya Mario yanzu kiyayyar ta mu ta kai har haka?

Kan Hajiya Mario ta kai ga bata amsa Alhaji ya katse ta cikin tsawatarwa "Haba da Allah ku yiwa mutane shiru,wai da me za mu ji?da aika aikan da aka yiwa yarinya ko kuwa da halin da ta ke ciki na ita ba a mace ba ita ba a raye ba,ko da mutanen da yaran nan su ka tara min waje ko kuwa yanzun ma jama'ar za ku tara min eh Hajiya Mario? Hajja Fadi?" Tsit ka je,in ban da kukan Hajiya ba abunda ke tashi,sai Mama da ta ke ta harare harare an yi wa d'an ta sharri.
Sai da wani dan lokaci ya shud'e ba wanda ya sake tankawa dan kuwa tunanin kowa ya tsaya. Kowa da abun da ya ke sak'awa cikin ran sa,musammam Haroun da ya kasa gasgatawa aikata ko u yi ashin aikata abun da ake zargin sa da shi.

     Doctor da ke zaune tun d'azu ya na nazartar maganin da Ayub ya ba shi,ya d'ago kan sa ya na mai duban Ayub cikin zurfin tunani,daga bisani ya ce "kai da ka zo ka same su kwance,ka tabbatar Haroun din a buge ya ke?
    Ayub ya amsa ma sa da "eh dan be ma iya tashi ba sai da na kwara ma sa ruwa mai sanyi k'arara....." Doctor ya dawo da hankalin sa ga Haroun,duban sa ya ke da kyau ya na nazartar sa. Ya k'ara duban Ayub tare da fad'in ka tabbata a buge ya ke? Ayub ya jinjina kai. Hannu biyu Mama ta daura aka ta girgiza jiki kamar mai shirin tashi sama...
   Doctor be gushe ba ya ce " Alhaji wannan ba hurumi na ba ne,amma gaskiya akwai abun da ya d'ore min kai,sannan kowa ne duk mutumin da ya ke a buge zai iya aikata komai,toh amma yanda Ayub ya ce Yayan sa ba ya cikin hankalin sa tsabar buguwa har takai sai da aka watsa ma sa ruwan sanyi k'arara,anawa hasashen ya bugu to d extreme level kenan,shin ba kwa mamakin ina ya sami karfi har ya iya yiwa mace fyad'e a wannan yanayin da ya ke ciki?duk da kuwa yarinyar ita ma a buge ta ke. Bayan haka mafi yawan hasashen mu ya nuna da wuya ka ga mutumin da ya bugu har haka ya tsinci kan sa cikin sha'awar da har zai iya aikata hakan,toh ina ma hankalin da nutsuwar gun dan Adam din da ba ya iya bambamce fari da baki? ya kamata a nutsu a duba abun nan logically musammam fmly case ne,kar ku yanke hukunci da gaggawa ku jira Allah ya tashi yarinyar nan ta fad'a mu ku da bakin ta....."

"Doctor ban tari numfashin ka ba.." Hajiya ce ta katse shi dan d more ya ke magana d more ya ke dad'a kuntata ma ta ."me ka ke nufi da ka ce wanda ya ke buge ba zai iya aikata wannan laifi ba...in ba bugagge ba wazai afkawa yar mutane da rana tsaka ba kunya bare tsoran Allah....." "Wanda yake da k'arfin aika ta hakan ya ke nufi ba bugaggen da be ma san in da hankalin sa ya ke ba bare ya sami karfin aikata hakan" Hajja Fadi ce ta ara ta yafa,ta k'ara da " ai ba Haroun kadai mu ka tadda a gidan ba,eh in ma zargin ne ai har da d'an ki za a zarga,ba mamaki ma shi yayi aika aikan ku ke san mak'alawa d'ana,ko ya gan shi ne ya na aikatawa?kai Ayub ka ga Haroun da idanun ka ?toh wlh aniyar ku ta biku....."

Hankalin kowa ya ga Ayub jin maganar Mama. Zufa ne ya lullube shi dan magana ma kasawa ya yi. Hajiya ce ta ce lalle "Hajja Fadi yau na tabbatar da rashin tunanin ki......." "Dan Allah Hajiya ku saurare ni" Doctor ne ya katse su ganin maganar sa na shirin tada husuma,dan shi kan sa Alhaji shiru yayi kawai kan sa sunkuye kamar ma hankalin sa ba ya office din.

   "Me kuma za ka ce Doctor?ai ka gama magana!" Fadin Hajiya kenan ta na mai hararar Mama. Doctor ya girgiza kai" ba ku fahimce ni ba,abun da na ke nufi shi ne kar ku yi saurin yanke hukunc......." "Gwara a hada har da wanda be ji ba be gani ba?"Hajiya ta kara katse shi a hasale.
   Kai kawai Doctor ke girgizawa,Alhaji ne ya ce "na fahimce ka Doctor,ni ma din ba wai na gama yanke hukunci ba ne,Allah ya tashi kafad'ar yarinyar nan,ni kuma na yi alkawarin daukan hukunci tsattsaura ga duk wanda ya aikata wannan rashin mutumcin a k'ark'ashin inuwa ta.."
    Ya na magana ne ya na duban Haroun da Ayub,ya k'ara da "kun wulak'anta ni,kun tozarta ni,kun maishe ni mutum Mara daraja,ina mai tabbatar mu ku koma waye wannan sai ya fuskanci fushi na,sai an bi hakkin yarinyar nan ko da kuwa hakan ya na nufin fitar da wanda ya aikata hakan daga cikin jerin 'ya'ya na,wallahi sai na sallama shi...." ya na gama magana a fusace ya tashi ya fice. Ya bar Hajiya ta na saban kuka,Ummi da yau ta ga ta kan ta tana ba ta baki.
    Ita kuwa Mama hannun Haroun wanda ke tsaye kamar mutum mutumin ta ja su ka yi waje,dan gani da ke da Dawud ya sami dama kashe shi zai yi.
    Shi kuwa Dawud abun duniya ne ya masa yawa,tabbas akwai hikima a maganar Doctor,toh amma ya zai yi da rayuwar sa?ya rayuwar Habeebti za ta kansance?tabbas in dai masifa ta sami dan musulmi ba abun fad'i face Innalillahi wainnailaihi rajiun.

.

Jin maganar Doctor ya na kiran sunan sa ya yi firgit ya dawo daga cikin kogin tunanin da ya tsinci kan sa. A hankali ya amsa da "Doctor ya halin da Habeebti ke ciki?za mu iya ganin ta?"

Cike da tausayawa Doctor ke duban Dawud,dan tabbas ya san akwai dangantakar zuci tsakanin Dawud da Habeebti shi ya sa ya shiga matsananciyar damuwa,ya ce "ta na gynea emergency saboda comma d'in da ta shiga,ana ba ta gudunmawar gaggawa dan mu samu ta yi regainin conciousness din ta, kan a mata dinki,dan a sanadiyar rape din anji ma ta rauni,ta sami tear...." Shiru Doctor yayi ganin yanda Dawud ya runtse idanun sa.....a hankali ya taba hannun sa yana fad'in "kar ka damu,Allah zai ba ta lafiya.."
Hajiya ce ke kuka ta na surutai jin kalamin Doctor "wai kar mu damu,an yiwa yarinya budurwa fyad'e har da dinki za a mata wai amma kar mu damu,kin ji fa Ummi,wai kar ya damu...Allah ya idan ta,wlh sai Allah ya saka ma ta,yanzu ni Mario me zance da su Yakumbu?Allah ya isa wlh!!!!"

Wata Nurse ce ta leko,ta d'agawa Doctor kai ba tare da ta yi magana ba,shi ma jinjina ma ta kai ya yi,yayinda ta koma ta rufe mu su kofa.

.
Cikin nutsuwa ya ce da Ayub "za ku iya ganin ta........" "Ta farfad'o ne?" Dawud ya tambaya da sauri. Kai Doctor ya girgiza ma sa," for now sai dai addua,za ku same ta gynea emergency room 8 amma...."ai ba su jira ya k'arasa magana ba gaba daya su ka fice da sauri,hannun Hajiya aka. Bin su yayi da kallo cikin tausayawa ya na fadin Allah ya kyauta.

    K'ofar room 8 su ka tura da sauri kamar wanda aka watso,ganin Habeebti kwance,ga oxygen cylinder bisa hancin ta, hannun ta na dama daure da robar ruwa ya ya na d'ga d'is d'is. ga catheter da aka sa ma ta biye da kafar ta. Idanun ta rufe,fuskar ta cike da layin hawayen ta da ya bushe a fuskar ta ya yi fari.
     Bakin k'ofa Dawud ya tsaya,k'afafuwan sa ne su ka ma sa nauyi,ya kasa d'aga su ya k'arasa ciki. Hajiya ce mai k'arfin halin karasawa ta na "Aliya,wayyo Aliya,Aliya"Ayub da Ummi da ke bayan ta sai hakuri su ke ba ta.
    Ba Hajiya ba,Hatta Ummi sai da ta zibda hawaye,dan ba shakka cuta dai an cuci Habeebti. Dawud kuwa kallo daya ya ma ta,ya juya da sauri ya fice.
.

Sai da su ka isa falo sannan ta sake shi,gami da zuba ma sa mari kwarara har uku,nan ya zube gwiwowin sa biyu a k'asa,hannayen sa biyu ruke da kafafun ta,sai a sannan ya bud'i baki murya na rawa ya ke fadin "wannan ya yi kad'an Mama,na cika d'a Mara daraja,na cika Mara albarka,na cika d'an da ake Allah wadar da irin shi,d'an da ke sa mahaifiyar sa kuka,dan Allah Mama ki kauda ni ki huta,rayuwa ta ba ta da amfani......"

Nan Maman ta zube ita ma ta na kuka,ta ma rasa yanda za ta yi da Haroun. Suna cikin haka Anty Salma wacce su Halima su ka sanar da ita halin da su ka tadda Habeebti,ta shigo.
Tirus ta tsaya dan ganin Mama da Haroun din da aka ce ma ta su na asibiti zube a falo,daga d'a har uwa kuka su ke.
Da sauri ta k'arasa ta na salati,ta na fad'in me zan gani ni Salma" Mama ta fara ruk'owa ta na kok'aron goge hawayen da su ke zuwa daga idanun ta, ita kan ta Salma kukan ta sa dan ganin Haroun na kuka ta san ba k'aramin abu ke sa shi kuka ba,bare kuma ganin hawayen mahaifiyar su ba karamin tashin hankalin ba be a gare su ba.........

.
Sai da su ka ci kukan su ka koshi sannan Hajiya ta iya fad'awa Anty Salma halin da ake ciki. Anty Salma ta yi tambayar duniyanan akan Haroun ya fad'a ma ta gaskiya alamarin,amma y ace sam ba zai iya tuna komai ba. Anty Salma ta ce wannan ba Magana ba ne,in har kuwa haka ne ya sa kan sa a matsalar da babu mai fidda shi sai Allah,danko ita ba za ta iya shaidan sa ba,danmaye ai komai shi ka iya aikatawa.

Ranar dai kowa haka ya wuni ya kwana ba dadi kamar gidan mutuwa. Huda kuwa sam kin gasgata alamarin ta yi,ita a lalle sharri aka yiwa Haroun,har ta kai ta kawo sai da Ummi ta buge ta jin ta na so ta tada ma ta da husuma,kwana ta yi ta na kuka.

Daga Ayub har Dawud babu wanda ya runtsa bare kuma Hajiya da Mama da uwa uba Haroun. Haka kuma haka wayar Habeebti da ke d'akin ta,kwana ya yi ya na kada kararrawan shigowar wayar Alamin,amma ina ko ta kan sa ba a yi ba,har wayar ta gaji charji ya kare.
Washagari aka d'auko Yakumbo ba tare da an fad'a mata abun da ya faru ba,sai zuwa ta yi ta tadda Aliya kwance. Nan ta sa musu buri wai an cuce ta an d'auko marainiyar Allah an bata ma ta rayuwa,Mairo ta cuce ta,da ta sani Karami ta bawa ruk'on Habeebti. Da kyar da mak'yark'yata aka samu aka shawo kanta. Dama ga gigin tsufa. Ai kuwa nan gaban Habeebti ta ke kwana ta wuni,a na ta duk wanda ya yiwa Habeebti wannan cin zarafi ka iya dawowa ya karasa ta har lahira. Haka ma Dawud,idan ba aiki ne ya tsare shi ba ya na wajan Hajiya da Yakumbu da ke jinyar ta.

.
Gidan Alhaji kuwa zaman lafiya ne ya k'are. Alhaji kullum cikin fada yake na ba gyara ba dalili,ga kuma wani sabon gaba da Hajiya da Mama su ka kulla,kullum ana cikin gayawa juna magana. Ga shi daga Haroun har Ayub an hana su fita ko da kuwa kofar gida ne,sai Habeebti ta farfad'o. Da wannan kuncin dukkannin su su ke fama. Haroun Kullum da Habeebti yake kwana ya na wuni cikin ran sa,kuma har ga Allah ya na san zuwa ya duba ta,amma ina ko da yayiwa Mama zancen sai rufe shi da fada da ta yi, ya rufaa ma ta asiri dan Allah.

      Kwanan Habeebti uku kwance tamkar gawa,a cikin na hud'u ne Dawud da ke zaune da Hajiya da Yakumbu,ya zuba matai do yayinda su Hajiya suna can suna dan hirarrakin su. Me zai faru….sai ganin hannun Habeebti yayi ya na motsawa. Da fari yayi zatan gizo ta ke masa dan kuwa hakan ta ke ma sa lately,dan haka sai basar kawai.
    Can ya ga ta kara,ai kuwa da sauri ya ta shi ya na fad'in ‘’ Hajiya motsi ta ke,motsi ta ke wallah’’ lokaci guda su ka yi kan ta,yayin da Dawud ya yi waje da dan gudun sa,ya na surutai kamar wanda ya zare.
      Kuka su ke suna hamdala ganin manyan idanun Habeebti bud'e,yayin da ta ke kare mu su kallo kamar a sannan ta fara ganin su. Dawud ne ya shigo tare da Dactor d'in da ya azallazalo biye da su kuma wata Nurse ce d'auke da wani dan tire.

Habebti dai ta na kwance sai idanu,Hajiya da Yakumbu na ta kiran sunan ta suna jera mata sannu,amma ina idan Habeebti ta tanka dutse ma ya tanka. Sai da ya fara cire roban hancin ta jin numfashin ta ya dan daidai ta kafin ty fara duba sauran lafiyan cikin ta.....

.
Sai da ya gama duba ta ya ce "Alhamdulillah ta na samin sauki,thou har yanzu ta na cikin shock ne,amma nan da dan loakaci kadan bakin ta zai bude inshaAllah’’ ya na magana ne ya na kokarin sokawa Habebtin allurer jijiya a hannanun ta na dama. Har Doctor ya karaci budurin sa ya fice Habeebti ba ta tank ba.

Kafin ka ce me tuni Hajiya ta shedawa Alhaji cewa Habeebti ta ta shi. Ba a jima ba sai gashi ya zo tare da danuwan sa Alhaji Hamisu,wanda zuwan su ya yi daidai da zuwan k'anin baban Habeebti wato Alhaji Umar. haka ma su Mama, Ummi da su Akib,Ayu,Anty Salma Halima,Aysha,Maryam,Bilkusu gidan dai gaba d'aya idan aka d'auke Haroun da ke can cikin zulumi da fargaban abun da zai je ya dawo,hatta Huda da ba ta tab'a zuwa ta duba ta ba sai ga ta ta biyo su dan jin Habeebti ta farka,dan ta na mai tabbacin cewa gaskiya dai a yau za ta yi halin ta,za ta fad'i wanda ya ma ta fyade wanda ta san ba zai taba zama Haroun ba.

Sabon d'akin da aka kai Habeebti kasancewar ta farfad'o ba karamin girma gare shi ba,dan haka su ka cika shi tab jama’a da ba su san abun da ke wakana ba sai fadi su ke ‘’umm wannan yarinyar yar dangi ce’’ ‘’yarainyar nan ba dai gata ba’’ ‘’kai yarinyar nan akwai dangi’’.
Duk wannan dandazo da aka yi kan Habeebti duk da kuwa Daoctor ya ce a bar ta ta huta,ba ta tanka mu su ba,sai ma runtse idanun ta da ta yi tamkar mai bacci. Su ma d'in tunanin su baccin ta ke,dan hirarrar su su ke sama sama. Bini bini wayar Ayub ke k'ara,amma sai ya duba ya kashe. Har sai da Yakumbo ta tanka cikin zolaya ta ke fad'in ‘’ka dauka ka ce ka na tare da ta karfen mana’’ murmushi mai kama da yak'e ya ma ta dan kuwa shi Haroun ne ke kiran sa,ko me yake so ya ce ma sa oho. Ganin hawaye na gangarowa daga idanun Habeebti ya sa hankalin kowa ya yi kan ta hankali tashe,dan tun tanayi ciki ciki har ta fara kukan sosai tana kok'arin tashi yayinda Hajiya ta ruke hannayen ta na fadin "yi hakuri Aliya….yi hakuri" Dawud da Ayub ne su ka fita a tare dan kiran Doctor.

.
Ba komai ne ya k'ara d'aga mu su hankali ba face jin sunan Haroun da ta ke ta nanatawa cikin kukan na ta,cikin kuka ta ke fad'in ‘’Haroun ka taimake ni….Haroun kar ka raba ni da mutunci na….Haroun menene haka…..Haroun ka ji tsoran Allah..Haroun….Haroun…….’’ Gaba daya d'akin idan aka d'auke mazan da ke ciki kuka su ke…kowa da abunda yake yiwa kuka. Mama halin da dan ta ya sa ta shi ya sa ta ke kuka, Ummi,Halima,Aysha da Maryam da Anty Salma kuwa daga Haroun din har halin da Habeebti ke ciki ya sa su zubda hawaye. Huda kuwa kukan ana shirin raba ta da masoyin ta ta ke,duk da kuwa be taba furta ma ta Kalmar soyayya ba. Ba a maganar Mama da Yakumbo da ta ci danmara,ta na kuka ta na wallahi sai na d'aure Haroun,wallahi sai an bi hakkin marainiyar Allah.

Doctor na shigowa be ko b'ata lokaci ba ya yiwa Habeebti allurer barci,nan aka samu ta yi bacci. D

'akin in ban da kuka babu abun da ke ta shi. Alhaji Hamisu wanda su ke kira da Abba ne ya dubi Yakumbo kana ya ce Yakumbo ban san da wani ido za mu kalle ki ba,amma ina so yanzu ki biyo mu mu tafi gida. Ai kuwa Yakumbo ta cake,ai ko sama da kasa za ta had'e ba in da za ta sai an damk'a ma ta Haroun a hannun ta. Alhaji ya fice ya na jin Alhaji Hamisu na ba ta hakuri na da ta bari a je gida,kar jamaa su ji mutunci da daraja ya zube….’’Toh kai dama ina darajar ta ke?…’’fadin yakumbo Kenan ta na mai duban Mama da ta kasa fadin komai sai kuka….
Yakumbo ta kara da ‘’ai batun wani daraja ya kare tun da ba a ji kunyar cin zarafin marainiya ba ni kuma bazan ji kunyar daukan fansa ba……

Da kyar su Dawud su ka lallaba da taimakon Alhaji Umar aka samu Yakumbo ta yarda za ta bi su gida a yi ta can,dan sun san Yakumbo tun ta na da jinni a jika irin jarababban tsofaffin nan ne,bare yanzu da ta tsufa. Gaba d'aya aka dunguma zuwa gida. hajiya kadai aka bari gun jinyar Habeebti.

Alhaji na fita shi ma gidan ya wuce. Farfajiyar gidan ya tadda Haroun zaune yayi jigum kamar wanda aka aikowa sakon mutuwa,sanye yake da gajeran wando da ya dan wuce ma sa gwiwa kalar khaki,sai kuma bakar riga mara hannu. Ganin shigowar Alhaji a fusace ya san zaman lafiya dai kam ya kare a yau. Da sauri ya mi ke tsaye ganin Alhaji ya yo kan sa, ya na karasawa kusa da shi jikake tas!….tas!..ya wanke shi da mari kwarara har uku ya na fadin mutumin banza mutumin hofi…….hakan yayi daidai da isowar su Yakumbo da tun kan Dawud ya gama parking ta leko da kanna ta ta window ta na fad'in "wannan ya ma sa kadan Alhaji,bari na fito,wallahi sai ya yi kwanan chaji ofis……."ganin kowa ya fito,Mama wacce idanun ta ya yi jajur,Ummi wacce it ace ta ke tallafe da hannun Mama ita da Anty Salma dan kiris ya rage ta yanke jiki ta fad'i. Halima,Aysha,Maryam,Akib,Ayub ….su Alhaji duka dai hatta maigadi be fasa lekowa da ga can gefe ba.

Alhaji ya fizgo hannun Haroun da ya kasa d'aga ido ya kalli kowa,sai da ya je gaban Yakumbo ya tura ma ta shi a wulakance,kan ka ce me sai gashi a k'asa dan kuwa kafafun sa ba za su iya d'aukan sa ba…nan da nan Huda ta yi kasa da sauri sai gata tsugunne gaban sa ta na kuka…yayinda Halima,Maryam da Aysha tare da Bilkisu rungume juna su ka yi suna kuka..Mama ta kauda kai gefe tamkar ba ta wajan….ba tare da ya damu da halin da su ke ciki ba Alhaji ya ce da Yakumbo’’gashi nan Yakumbo,ki ma sa duk abun da ran ki ya so kafin police d'in da na kira su zo su tafi dashi…….’’

INA DARAJAN TAKE Page 1 to 20

February 25, 2019 INA DARAJAN TAKE 1-END No comments

La'asar ce sakaliya damina kam Alhamdulillah ta yi kyau a karamar hukumar Bichi da ke karkashin birnin Kano.Sassanyar iskan daminar da ke kadawa shi ya sanya rassa da gayayyakin jikin katuwar bishiyar mangoran da ke tsakiyar tsakar gidan gasar rausayawa. Wato koke koken tsuntsayen da suka dasa gidajen su bisa bishiyar sam be hana jiyo koke koken bayin Allah da ke zaune bisa tabarma karkashin bishiyar ba.

Yakumbo tsohuwa mai kimanin shekara tamanin a duniya ce zaune da ‘ya’yan ta biyu,Hajiya Mairo wacce ita ce babbar d’iyar Yakumbo a mata da kuma Hajiya Binta wacce ita ce autar Yakumbo,Sai kuma kishiyar Hajiya Mairo Hajja Fadi,da kuma facalar su Hajiya Zubaida. Kamar yanda Yakumbu ke rera kukan ta mai sauti haka ma yaran na ta biyu. Hajja Fadi da Hajia Binta ne ke ta kokarin ba su hakuri.
A wannan yanayin ne Alhaji Umar ya shigo wanda shi ne dan Yakumbo na biyu idan aka dauke Alhaji Nasiru Babban dan ta wanda Allah yayiwa rasuwa shi da matar sa a sanadiyar hadatsarin mota da ya rutsa da su kwana arbain da shud’e,d’iyar su daya kacal ta sira da ranta. Tsaye ya yi yana nazarta halin da ya tadda su ciki,da ga bisani shi ma ya samu waje can gefe ya yi zaman sa ba tare da ya tanka musu ba.

Sai da ya tabbatar sun yi shiru sannan ya fara jawabi "Dukkan mai rai mamaci ne,kowa lokacin sa ya ke jira. Yau gashi Yaya Nasiru da uwar gidan sa sun kwanta dama har an kwana arbain,Allah ya ji kan su da rahama’’ Gaba daya suka amsa da ameen. Bai gushe ba ya cigaba da fadin "Na so ace yau aka raba gadon na su amma kasancewar rashin haduwar dukiyar ta su gaba daya a yau ya sa zamu dan jinkir ta zuwa wani dan lokaci,amma kafin nan akwai maganar d’iyar ta su wato Aliya,ina so a ba ni damar daukan ta a matsayi na na mahaifin ta,dan cigaba da daukan nauyin ta har zuwa lokacin da Allah zai fitat mata da miji ta yi aure.....’’

Kana Yakumbu ta nisa murya dashe tsabar kukan da ta yi ta ce’’Ban tari numfashin ka ba Karami[sunan da ta ke kiran sa da shi kenan]maganar Habeebti dai ka yi hakuri ka bar ta hannun kanwar ka Mairo ba dan komai ba sai dan rigon d’iya mace sai d’iya mace,ba wai na rainawa iyalin ka ba ne,amma dai hankali na sai yafi kwanciya sanin ta na hannun na ta"
"Shin ta sanarwa maigidan ta ya kuma amince?..’’ ya tambaya ne ya na mai duban Hajiya Mairo wacce ta ba shi amsa da fadin ’’Eh ya amince,ya ce ma yau dinnan zan iya tafiya da ita Yaya Karami’’kana ya ce toh Alhamdulillah hakan ma yayi sai a fada ma Aliyan ta shirya ko?..’’ya tashi ya na fadin idan kun gama muna waje tare da yaran na ku.’’ ya sa takalmin sa ya fita. Yakumbo tace da Hajiya Mairo ta je ta tsaya kan Habeebti ta san tana nan tana sanar ta ta na kuka,idan ba haka ba ba za ta shirya da wuri ba.

.

Hakan ko aka yi,cikin kuka ‘yar budurwar ta shirya.Habeebti da dama yaya bare sarki ya aiko,komai na ta a hankali ta ke bare kuma dadindawa ga mutuwa mai yankan kauna ta dauke mata iyayen ta da duk duniya da su kadai ta shaku idan an dauke Yakumbo,dan ita ko hutu gidan mutane ba ta zuwa sai kuma yau gashi za ta koma gidan wasu can da zama duk da dai kanwar mahaifin ta ce.

Wajan sallama ma da su Yakumbo sai da aka kara wani sabon kukan,tun Alhaji Umar na ba su hakuri har ya koma fada fada sannan ya samu su ka nutsu.

Dawud Babban dan Hajiya Mairo aka bari da jidan kaya ya na sawa bayan mota. Ya na gamawa tuni suma sun shige mota. Hajiya Mairo tare da kishiyar ta da facalar ta a baya,sai kuma Habeebti a gaba.
Cikin kamala da nutsuwar da duk wanda ya san Dawud ya san shi da su, ya shiga motar ya zauna gami da dawo da murfin motan ya rufe. Ya sanya mukulli ya na kokarin kunna motar a hankali ya kai duban sa ga Habeebti wacce idanun ta sun yi ja jawur fuskar ta shara-sharaf da hawaye kan ta sunkuye tana wasa da kasa hijabin ta,a hankali ta dago idanun ta ta daura bisa fuskar sa a raunane,murmushi ya dan sakar ma ta sannan ya maida hankalin sa ga kan titi,ita ma Habeebti kallan ta ta mayar ga wajen motar. Ta na ji ya kunna motar ya na mai karanto ayatul qursiyu domin neman kariyar Allah da ga sharrin karfe. Nan su ka dauki hanyar birnin na dabo..

Aliya Nasiru wacce ake kira Habeebti d'aya ce tilo wajan mahaifanta marigayi Alhaji Nasiru da Marigayiya Hajiya Asma’u. Haifaffiyar jihar Kaduna ce,Unguwar rimi,shekarun ta goma sha takwas da haihuwa,ta gama secondry sch kenan tana jira result ya fito ta sami shiga jami’a Allah ya yiwa mahaifan na ta rasuwa.
Habeeti baka ce,doguwa,ita ba a za a kira ta mai kiba ba haka kuma ba siriya ba ce,tana da manyan fararan idanu dan su suka fi komai girma a fuskar ta,irin idanun nan ne da ake ma lakabi da sleepy eyes,ga su farare tas kamar wanda aka diga zaiba. Hancin ta ba yabo ba falllasa haka ma tsayuwan bakin ta wanda shi ba karami ba,ba kuma babba ba,maganar gashi kuwa tana da shi daidai na ta na zaman falo,ya kan tsaya mata daf da kafada. Wato idan aka dauke baiwa na kyan idanu da Allah ya yiwa Habeebti sai kuma baiwa na diri mai kyau,dan kuwa a dire ta ke sosai,ita kan ta ta san da haka shiya ya sa nan da can ba ta zuwa sai da hijabi,k'arya ne ka ga Habeebti a waje ba tare da hijabin ta ba haka ta ke sa shi birmeme har k'asa.

Kasancewar ta d’aya tilo wajan iyayen ta be sa ta sangarce. D’iya ce mai daraja,tarbiya da kuma sanin ya kamata. Ilimi na arabi da boko ba wanda ba ta samu ba. Komai na ta a hankali ta ke yin sa,tafiya idan ta na yi kamar tana tausayawa kasa haka maganar ta abin kallo ne,sam ba dai ka ji Habeebti tana daga murya ba,haka kuma idan tana magana a sannu a hankali cikin nutsuwa ta ke yi kamar ta na tsintar kalmomin da za ta furta.

Hajiya Mairo kasancewar ta k'anwar mahaifin Habeebti ya sa ta dauki Habeeti da amincewar maigidan ta Alhaji Shamsu. Cikin garin kano suke da zama tare da dan uwan sa Alhaji Hamisu cikin wani katafaren gidan su da yar karamar katanga da ba ma ta ci a klira takantar ba ta raba su. Matan Alhaji Shamsu biyu,uwar gidan sa Hajja Fadi sai kuma Hajiya Mairo. Sam basu fiya shiri ba amma hakan be hana hadin kan ‘ya’yan su ba ko kuma kamantawa idan wani abun d'ayan su ya tashi. Salma ita ce babbar d'iyar sa wacce ta kai kimanin shakara talatin da shida,kuma ita ce babbar d'iyar Hajja Fadi,mai bin mata Dawud ne,saurayi mai kamala,mutunci da dattako,dan Hajiya Mairo wanda ya ke da shekara talatin da uku,sai kuma Haroun dan Hajja Faddi wanda ya ke talatin daidai,sam ba ya ji,saurayi ne mai bud'ad'd'an ido ga rawan kai da bin abokan banza wanda hakan ya sa ake ma sa kallan dan duniya,kuma da ga kan sa Hajji Fadi ba ta kara haifan da namiji ba sai mata har uku,wanda duk sun tasa a yanzu sun zama yan mata,sun hada da Halima,Maryam da yar autan ta Aysha mai shakera shabiyar a duniya. Ita ko Hajiya Mairo maza biyu su ka bi bayan Dawud,Ayub da dan auta Akib. Duka duka idan aka had'a ‘ya’yan Alhaji Shamsu takwas kenan.
Alhaji Hamisu da Hajiya Zubaida kuwa kasencewar ba su yo aure da wuri ba haka kuma Allah be ba su haihuwa da wuri ba,babbar d'iyar su shekarun ta ishirin a duniya,mai suna Hindatu ana kiran ta Huda,wacce halin ta ya kusa zama d'aya da Haroun,dama kuma ita ce abokiyar shirin na sa duk gidan. Sai kuma k'anwar ta Bilkisu yar shekara goma sha biyar,sai kuma yan biyu mace da namiji,Fadila da Fadil.

.
Ba su suka isa kano ba sai dab da magarib. Bashakka tsarin kowani b’angare na gidan yayi, daga b’angaran Hajja Fadi har na Hajja Mairo yawan dakunan su d'aya,haka kuma kowannan su d'auke ya ke da k'atan falo,sai dai kitchen d'aya su ke amfani da shi kasancewar ba sa raba girki.

    B'angaran mazan ne can gefe guda.Dawud da Haroun da ke su ne manyan samarin kowannan su na da falo da d'aki da band'aki,sauran mazan kuma d'aki d’ai d’ai kawai gare su.
   Kai tsaye kowa na shi b'angaran ya shige. D'akin da aka sauki Habeebti ma ba laifi,ita kan ta ya ma ta kasancewar komai da ta ke bukata akwai ciki musammam ma band'aki dan ko gidan su ma haka d'akin ta ya ke.
   Bayan ta yi wanka ta huta ne Hajiya Mairo ta takura ta a lalle ta fito falo cikin 'yan uwan ta ta zauna,dan kam bak'unta ya k'are yanzu nan gidan zaman ta ne. Simi simi tana wannnan tafiyan na ta,ta fito sanye da hijab. Zaune ta tadda Hajiya tare da Dawud,shi ma ya yi wanka ya sauya shigar sa cikin k'anana kaya,jar riga da bakin wando,abun ka da farin mutum,kayan sun karb'e shi sosai. Dawud dogo ne,mai k'ark'arfan jiki,sam be da k'iba amma ya na da fadin kafad'a. Fari ne,ko da yake duka ‘ya’yan Alhaji Shamsu da na Alhaji Hamisu ba bak'i,sai dai wani ya fi wani fari,kirarin gidan ne ma ‘’gidan farare ma su hancin biro. Sai kuma wasu yan kananan samari biyu wanda ko za ka sa wa Habeebti wuka ba za ta iya banbance ma waye waye a cikin su ba.
   Fitowar ta ya sa gaba d'aya su ka maida hankalin su gare ta. Dawud ne ya fara da ‘’Anty blacky in ki ka ce a d'aki za ki kunshe kan ki lalle wannan bakin na ki sai ya wuce hankali kuma..’’yana magana ne cikin zolaya dan ba tun yau ya san Habeebti ta tsani sunan nan da ya ke kiran ta ba, tun ran da ya fara sa ta a ido, randa su ka taba kai ziyara akaran farko gidan su,duk da kuwa ba wani sabawa su ka yi ba.
   Kallan san ta yi na d'an sakkanni sannan ta sami waje can gefe ta yi zaman ta ba tare da ta bashi amsa ba.

Hajiya Mairo ce ta amsa masa da cewa ‘’Yanzu kam Habeebti ba ta da amsar tsokanar nan ta ka,amma bari ta saki jiki ta dai na bakunta,za ta zama daidai da kai....’’duka su ka yi dariya.ita kan ta Habeebti sai da ta tsinci kan ta ta na mai murmusawa. ‘’Ga yan uwan ki na san Dawud kad'ai ki ka sani,zumuncin yanzu sai a hankali,wannan Ayub kenan ina ga shi ne kuke sa’anni’’ Fad’in Hajiya Mairo kenan yayin da ta ke ma Habeebti nuni ga Ayub. Habeebti ta murmusa yayinda shi kuma Ayub ya ce’’wellcome to the family’’ ‘’Thank you’’ ta amsa da sassanyar muryar ta.’’Ni kuma Akib sunana’’ fadin Akib kenen ya na washe baki,gaba d'aya su ka sa dariya.
Haka dai su ka ci gaba da hirarrakin su,jifa jifa suna sa Habeebti ciki ita kuma ta na k'ok'arin ba su amsa duk da kuwa sam ba ta sake ba,da za su bar ta ta kwanta abin ta da sun taimake ta.

Nan Hajiya Mairo ke ma ta maganar yan matan gidan,wato su Halima,ta yi mamakin ma da har yanzu ba su shigo ba dan kuwa ta san halin su da san mutane,ta k'ara da "ina san ki yi zaman lafiya da kowa a gidan nan,na san ki da sanin ya kamata,ki bawa kowa girman sa amma na miki tsakani da mutum d'aya,wato Haroun,ban yarda kin sakar masa fuska ba saboda..." "Haba Hajiya be kamata ki furta haka ba.’’Dawud ne ya katse ta cikin nuna bacin rai...."Toh uban Haroun’’A fusace Hajiya Mairo ta shiga ba sa amsa "kai ko shi wanda ya ke shi haifi yaran nan ka na dai kallon yanda ya ke fama da shi,yaron da be ganin kowa da gashi,sam be da daraja bare kima dole na ma d’iya ta katangar k'arfe da shi"
Tashi Dawud yayi rai a bace,ba tare da ya sake tankawa ba dan shi ko yaya mutum ya girme shi ba ya fad'a ya na fad'a bare kuma mahaifiyar shi,kana ya ce "Allah ya kyauta,ni na tafi sai da safe’’ ya sa kai ya fice ya na ji Hajiya Mairo na ‘’Allah ya tashe mu lfy,dole ka tafi ai kai mai d'an uwa wato an tab'a na ka,da haka ya ke san ka da ba haka’’ Ta mai da hankalin ta ga Habeebti da ta kasa gane halin nan na Haroun da ake yawan kokawa akai,duk da kuwa shi kan sa Haroun din ba ganin sa ta tab'a yi ba. Hajiya ta ce ki na ji dai ko..’’ Habeebti ta gyad'a ma ta kai,Hajiya ta ce ‘’Toh fa tsakanin ki da shi nesa-nesa...’’

Ayub ne ya tashi,ganin dai shi ma maganar ta mahaifiyar ta su ba dad'i ta ke ma sa ba,ya ce’’Hajiya ni ma din dai sai da safe...’’kan Hajiya ta ba shi amsa Akib ma ya bi bayan sa ya na sosa k'yeya ya na fadin ‘’ni ma dai hakan ta ke..’’baki bud'e Hajiya ta bisu da kallo har su ka fice,ta dawo da hakalin ta ga Habeebti ta na fad'in ‘’kin ga yan butan uwa,za ku dawo ku same ni ne’’

Habeebti ta kwak'ulo murmushin dole,dan ita ma din da za ta sami dama da irin ta su za ta yi,dan Allah Allah ta ke ta ji hak’ark’arin ta a k'asa. Da haka da haka Hajiya ta ci gaba da zayyanawa Habeebti muyagun halin Haroun,ita kuwa baiwar Allah sai jera hamma ta ke ta na fad'in "toh,Allah ya shirya,Allah ya kyau ta’’ har dai ta samu ta gudu d'aki da uzirin za ta kwanta bacci.

Ta na shiga d'aki ta cire hijab din ta,ta fara shirin kwanciya sai ga wayar Anty Zuwaira,k'anwar Maman ta da ke aure a Abuja,da ke yawancin dangin mahaifiyar ta can su ke da zama,amma asalin su yan garin Bauchi ne. Bayan gaisawan su ne ta ke tambayar ta ya ta ga yanayin gidan,ta ce dai ba matsala ko.....?Habeebti ta amsa ma ta da ba laifi.

Daga d'aya bangaran Hajiya Zuwaira ta ce "Aliya mu masu kaunar ki ne,kuma kin san an fi karfin mu ne da yanzu hannun mu ki ke,da kin ji zaman be mi ki dad'i ki yi magana mu dawo da ke gun mu’’ Habeebti ta amsa ma ta da toh. Ba ta gushe ba,Anty Zuwaira ta k'ara da’’maganar raban gado......’’ "Dan Allah Anty Zuwaira maganar nan ki bar shi yanzu’’Habeeti ta yi saurin katse ta. Ajiya zuciya Anty Zuwaira ta yi,ka na ta ce’’toh for now we let it be,amma gaskiya ba za mu sa ido mu bari a zalince ki ba...’’ ‘’Uhum’’shi ne amsar da Habeebti ta ba ta,dan ita ba dukiyar ba ce a gaban ta ba,da masu duk'iyar za su dawo da duk ba haka ba. Ganin dai Habeebti ga ta ga yanda ta ke ya sa Anty Zuwaira yi ma ta sallama tare da alk'awarin za su na zuwa akai akai su na ganin ta,haka kuma ita ma din za ta na zuwa mu su hutu.

     Aje wayar Anty Zuwaira ke da wuya wata wayar ta shigo,ganin sunan mai kiran wayan sai da ta dan murmusa,gami da daukar wayan ta kara a kunnan ta ba tare da ta furta komai ba. Daga d'ayan b'angaran ya ce "Aliya Habeebti....’’jin haka ta murmusa da ma abun da ta ke jira ta ji kenen dan duk duniya ba wanda ke kiran ta ta ji dadin sunan kamar wannan bawan Allah,mai suna Al-amin,wanda ya ke san ta na kwaran gaske,kuma ya kai kudin auren ta ga magabatan ta watanni biyar da su ka wuce.
   Bayan rasuwar mahaifan ta shi kad'ai ta ke jin muryar sa hankalin ta ya kwanta,idanu lumahe ta furta ‘’yes dia,da har na yi fushi..’’daga d'ayan b'angaran ya d'an numfasa jin muryar ta, Habeebti mai magana a sanyaye a ko da yaushe ko da kuwa ran ta bace ya ke,ya ce’’ Na sani,kai na bisa wuya na,afuwan ba dan halina na"
    Murmushi ta ke,yayin da ta saki jiki su ka yi hirar su har su ka gama ya ma ta alk'awarin shigowa Kano da ke Kaduna ya ke da zama,ya ce da ya gama wani aiki da ya ruke za ta gan shi.
    Kafin su yi sallama ya ce toh ta d'aga hannu ya mata adduar bacci. Wayyar bisa kunnan ta ta d'aga hannayen ta biyu,tare su ka fara karanto Qulhuwallahu,sai Falak'i da Nasi,Ayatul Qursiyu,Amanar rasulu, su ka kare da ‘’ Bisimikallahumma amutu wa ahaya’’kana ta tofa a tafin hannun ta gami da shefe jikin ta gaba d'aya.
    Bayan ta aje wayar ne ta na mai farin ciki da Allah zai azurta ta da miji na gari, wanda ko da yaushe ya ke tunasar da ita ubangijin ta. Ta sake karanto wasu adduo’in,ta kwanta ta na mai duban gabas gami da tawassali ga Allah wanda ran ta zai koma gare Shi yayin da za ta shiga yanayin bacci,idan ya ruke shi ya ji kan sa,idan kuma ya sake shi ya kiyaye shi.....
.

Satin Habeebti daya a gidan ta saba da yan matan gidan,musammam Maryam,Huda ce kadai ba sa ga maciji saboda halayyar su ta shabanban. San da ta cika sati biyu Dawud ya raka ta ta yi registration din post utme na ABU,wanda za ta yi a b'angaran BSC Nursing. Sanye ya ke cikin manyan kaya,yadi ne fari kyal,ga farar hula karkace bisa kan sa,idanun sa sanye da farain glass wanda ya k'arawa siririn hancin sa tsayi da kyau.
A hankali ya ke bin sautin karatun Sudais da ke tashi cikin motar. ita kan ta Habeebti ya na ma ta kyau,kuma ta lura da dayawa matan cafe din da su ka je suna satar kallan sa."matsalar namiji mai kyau kenan matan su su ta fama da matan waje,Allah ya raba ni da auren irin su Dawud" Abun da ta fada kenan cikin ran ta,

Zaune ta ke gaban motan tare da shi,kamar yanda ta saba sanye da hijabin ta fuskar nan ba kwalliya amma da ka kalle ta sai ka kara saboda kamala da ke tattare da ita. Cikin dabara ta ke satar kallan sa ba tare da ya sani ba,ita dai ba wanda ta ke san gani kamar Haroun,dan kuwa ta sha jin su Huda da Halima su na musun wai Haroun ya fi shi kyau,Maryam da Ayaha na cewa su dai kawai sun san kamar su daya,duka da Abban su su ke kama....ba zato ta ji ya kashe karatun ya juyo ya na kallan ta,ta dan yi firgit cikin jin kunyar ya kamata ta na satar kallan sa,sai a sannan ta gane ashe sun tsaya a traffic amma sam ba ta ma sani ba.

Cikin dan kame kame ta ce ‘’umm uhm ya ka kashe karatun’’....
Murmushi ya sakar mata yayin da aka ba su hannu,ya d'aga kafa motar ta tashi yayin da ya maida hankalin sa ga tukin da ya ke,kana ya ce ‘’hira na ke so na yi da 'yar uwa ta wacce ba ta san magana’’. Murmushi ita ma din ta yi jin furucin sa. Kana ya k'ara da ‘’mai ya sa ki ke san Nursing’’ sai da ta d'an dau lokaci kafin ta ce "well ni a nawa Nursing is the best course for d'iya mace,plus aikin taimako ne sosai,ga lada ga kuma job opportunity ga salary,ba yanda za a yi mutum ya gama karatu in dai b'angaran health ne ya tsaya ba aiki,sai dai ma aiki ya neme shi.....’’ ita tsakani da Allah ta ke ma sa bayani,ba ta lura da yanda ya zuba ma ta ido cike da mamakin yanda ta iya magana,cikin nutsuwa da hankali gashi ta na magana kamar ta na zaban kalmomin da ta ke fad'a...ta k'are da..’’ka ga kuwa lalle abun yi ne...’’darawa ya d'an yi,kana ya ce’’Ashe haka ki ka iya magana shi ne ki ke min baki ciki kullum ki tsuke baki girim......’’jin haka ya sa ta kau da kai gefe ba shakka ya fara tsokanar na sa kenan.

Jin ta yi shiru ya san ba k'ara magana za ta yi ba,shi kuma duk duniya babu abun da ya ke son jin irin maganar ta,dan haka ya yi saurin k'arawa da ‘’maganar aikin dare fa...kar fa ki zo mijin ki ya ce ba ya so...’’kallan sa ta yi fuskar ta dauke da fara’a jin an tab'o maganar Al-amin, "ai kam in dai Al-amin ne bai da matsala,dan kuwa shi ma Doctor ne...’’ "owk....’’ amsar da ya ba ta kenan jin ran sa ya dan sosa da shi kan sa ya kasa gane dalili.

.

Har su ka isa gida be k'ara tanka ma ta ba. Jin hayaniya da hargowar samari ya sa shi hangen b'angaran su da ke can gefe,ita kanta Habeebti sai da ta dan kai idan ta gun jin hanayar da ke tashi. Dawud na murmushi ya ce sarkin abokai da jama’a ya dawo kenan,cikin rashin fahimta ta tambayeshi wa fa?" Ya ba ta am sa da

"Haroun kenan’’ har za ta fita ta tsaya tare da fad'in "wayyo na kuma’’cikin nuna damuwa ya tsayar da k'ok'arin b'ude motar da ya ke ya ce ’’me fa?’’ ta ce ‘’mantuwa wlh,na yi niyar mu biya chemist in siyi maganin migraine,kwanannan ina jin sa sama-sama" kai ya gyada tare da fadin ."kar ki damu ki na tare da pharm Dawud guda ba za ki rasa magani ba,wannne ki ke sha? "

"Amitriptyline hydrocloride" ta ba shi amsa. Kana ya ce anjiman nan zai kawo mata ko ya bawa Akib ya kawo mata. Godiya ta ma sa,yayin da ta shige ciki.

Idanun sa kan ta har ya dai na hangen ta,ba shakka Habeebti tana burge shi,ba dan wannan Al-amin ya ke kowa ya masa shigar k'arfi ba da bashakka ya yi matar aure..da wannan tunanin shi ma ya fito kai tsaye dakin Haroun ya wuce.
Washagari gidan Anty Salma su ka yi niyar zuwa. Huda ce shugabar tafiyar tuni ta shirya cikin k'anan kaya riga da siket shud'i,kan ta ba dankwali sai ta ta nad'a d'an karamin mayafin ta,ta yi kyau kwarai kamar d'iyar turawa da ke ita ma fara ce doguwa siririya. K'anwar ta Bilkisu ce ta ce za ta bi ta amma Huda ta yi kememe ta hana,ita gaskiya ba za ta fita da yarinya ba,tun Mahaifiyar su Hajiya Zubaida wacce su ke kira Ummi na sa baki har ta hakura ta k'yale ta. K'yas k'yas ta na taku d'ai d'ai sanye da takalmin ta mai tsini kannan na rawa kamar mazari ta nufi b'angaran su Halima.

Ta tadda Halima da Maryam sun shirya,Halima ma kusan irin shigar Hudan ta yi,Maryam ce ta sa abaya,duk sun yi kyau abun ku da kyawawa. Su ma d'in fama su ke da Aysha ita a lalle sai ta bisu,Huda kuwa ta kara zuga su tun da ta ki zuwa da Bilkisu lalle kuwa ba yanda za a yi a tafi da ita.
Har sun nufi mota Halima ta ce "laa na manta Hajiya fa ta ce idan zamu tafi mu kira Habeebti.....’’ ‘’mstw.." Huda ta ja tsaki..."ni fa ban san yarinyar nan ta fiya kauyenci,kullum ta na sim-sim sai ka ce mara laka,ya ma akayi ku ka bari Hajiya ta san za mu fita....ku wallahi ba a yin sirri da ku...’’ ‘’Ga ba uwar surutun da ta fada ma ta nan ba’’ Halima ta yi nuni ga Maryam da tuni ta shiga zare ido kasancewar ita ce k'aramar cikin su..’’mswt...’’ Huda ta kara jan tsaki,ai sai ku kira ta,kusan dai Ya Haroun ne zai kai mu ba Ya Dawud ba,ku ka bata lokaci wlh ya ce ya fasa sai kun biya ni fitar da na yi asara...’’duka dariya su ke mata,dan kuwa sun san halin Huda in dai kan Haroun ne za su iya ganin harigido. Da sauri Maryam ta nufi b'angaran Hajiya domin kiran Habeebti,su kuma su ka k'arasa motar Huda na kokarin samin Haroun a waya.

.

Maryam ta tadda Habeebti ta idar da sallar walha kenan,ta ce ta yi maza ta fito su na jiran ta a mota,a gurguje ta fice ta bar ta ta na karasa shiryawa. Atamfar ta ta sa,riga da siket,sun kama ta kyam abun ta sun ma ta kyau,ta shafe jikin ta da humra da turaren ta mai suna escada magnetism,sannan ta dauko hijabin ta fari kyal ta sanya,k'afafun ta sanye da takalmin ta ja,da ke atamfar ta ta ja ce,da ka gan ta ka yar gayu,yar gayun ma very decent nd classy.

Sai da ta yi ma Hajiya sallama sannan ta kama hanyar fita. Ko da ta fita ba ta hangi su Halima ba,ta k'ara takawa waje sosai ta na raba idanu,nan idanun ta su ka sauka kan sa,lokaci guda ta ji gaban ta yi mummunar fad'uwa sai da ta tsinci kan ta ta na mai ambaton’’lailahailla anta subahanaka inni kuntu minal zalimin..’’
Ba shakka ba dan ta san zahiri ba da ta ce Dawud ne zaune bisa mota,amma ina wannan farin sa be kai na Dawud ba duk da dai shi ma farin ne,kamar sa da Dawud d'aya....sanye ya ke cikin k'ananan kaya,bakar riga wacce ta kama shi sosai da bakin wando,sai kuma ya daura wata rigar a

samar bakar mai dogon hannu blue,ba tare da ya sanya botulan rigar ba.

.
Ba kamar Dawud ba,kan sa akwai gashi da yayi lub lub kamar kan dan kwara.....a hankali ta ke kallan su,dan kuwa ba shi kadai ba ne,zaune ya ke bisa mota,Huda ce tare da shi hannun ta cikin na sa,waya ne a hannun shi,daga ita har shi hankalin su na kan wayar.

A hankali ta ke k'arasawa in da su ke,ta zo dab da su kenan,ta ji muryar Dawud da sam ba ta lura da shi ma ya taho ba ya na fad'in ‘’Haroun ina za kai yan matan gidan haka ne...’’shi ma sai a sannan ya lura da Habeebti,ya na duban ta ya ce harda Anty blacky kenan.."

D'agowa Haroun ya yi jin maganar Dawud,dan ya ga wacece Dawud ya ke nufi,ya ce ‘’Anty blacky.....’’a hankali idan sa ya sauka kan Habeebti da ta masa bazata...."B-E-A-U-T-I-F-U-L....’’a hankali cikin jan kalmar ya karasa,Shi kan sa be san ya furta hakan ba...dan kuwa gaban sa yayi mugun fad'uwa yin ido biyu da Habeebti. Ita kan ta idanun sa ne su ka tsora ta ta. Yanda idanun ta su ke manya haka na shi su ke da girma,sai a sannan ta k'ara gane banbancin sa da Dawud,ba shakka dole su Huda su ce ya fi shi kyau,hez handsome,down to earth.

Darawa Dawud ya yi tare da fadin Anty blacky beoutiful indeed,cikin sauri Habeebti ta yi kasa da na ta idanun,da har ila yau Haroun kallan ta ya ke. Ganin haka Dawud ya ce "ba ka san Aliya ba ko.?" "ALIYA" Haroun ya maimaita,"yes Habeebti d'iyar Hajiya’’ idanun Haroun kan ta ya ce "owky,sannu Aliya Habeebti’’
Da sauri ta kalle shi jin ya fad'i sunan ta kamar yanda Al-amin ke fad'i,ganin yanda ta yi ne ya sa ya ce "ko ban iya fad'a ba ne"....ta yi saurin cewa no ba haka ba ne,cikin girmamwa ta ce "ina wuni"......ya amsa da "lfy lau.."
Huda ta zame hannun ta daga na sa,cike da kishi ta ce " Ya Haroun mu tafi dan Allah" "Wai ina zuwa haka"...Dawud ya k'ara tambaya a karo na biyu. Huda ce ta ba shi amsa da gidan "Anty Salma" yayin da ta ke shirin shiga gaban mota. Haroun ma saukowa yayi daga motar ya na fad'in bros bari na kai su na dawo.. Dawud ya gyad'a ma sa kai,idanun sa kan Habeebti har ya shiga motar. Dawud ne ya bud'ewa Habeebti bayan motar inda su Halima ke zaune cikin rab'a,bayan ta zauna ya rufe motar,ta na ji Halima da Maryam na gulmar ta da Dawud,har da k'yak'yacewar da dariya. Kallan su kawai ta yi,ko da ta dan d'aga ido tsautsayi ya sa ta kalli mirrow din gaban mota,karaf sai tsintar idanun ta ta yi cikin na Haroun....

.
Dasauri ta yi k'asa da na ta idon,ba shakka dole Hajiya ta ce ta yi takatsantsan da Haroun dan kuwa sam be ma ta kama da mutumin arziki ba. Gaba d'aya kasa sakewa ta yi dan kuwa hirar da Huda ta ke ma sa be hana shi sa idanun sa kan Habeebti ba,motsi kadan sai ta ga sun hada ido. Allah Allah ta ke su isa gidan Aunty Salman,gashi gidan da nisa har uwa uba janbilo.

Da isar su ta yi maza ta fito daga motar har da dan tuntub'an ta,ta na ji ya na ‘’k'arfe nawa zan dawo na d'auke ku’’ Huda cike da murna ta ce ‘’da yamma’’ dan da cewa yayi ba zai dawo ba,amma ganin Habeebti ya sa ya ji dole ma ya dawo dan shi kam be gaji da ganin ta ba.
Ciki ta shige abun ta duk da zuwan ta gidan na farko kenan ita kan ta Aunty Salman ba sanin ta ta yi,amma Haroun ya sa ta yi karfin hali,sam ji ta yi jinin ta be hadu da Haroun ba,musammam dan zaman da su ka yi yanzu ta dan karanci kadan daga cikin halayyar sa.

Karba ta murna Aunty Salma ta mu su,ta na ganin Habeebti ta gane ta. Falon ta su ka baje su na ta hirar su,sai da Anty Salma ta yi da gaske kan Habeebti ta cire hijabin ta sannan ta cire. Huda ce ta ce ‘’ai in dai wannan ce daki kadai ta ke zama ba hijabi’’ Aunty Salma na dariya ta ce "kar ki damu Habeebti gida ba maza,yara na uku ne kacal kuma duka mata ne,Maigidan kuma ba ya gari" kunya ne ya rufe Habeebti,su Halima kuma dariya su ke mata. Aunty Salma ta ce ‘’ai ni kam da Huda gwara irin su Habeebti sau dubu,kai ni wlh Dawud ma na yiwa sha’awan ta....’’ nan fa Halima da Maryam su ka hau shewa,su na fad'in da ma sun gano ya Dawud har wani rawan jiki ya ke...ai kuwa ya bari biri ya gan sa....Anty Salma na dariya ta ce ’’kai kuji yara marasa kunya,yayan na ku ke ma tsiya haka...’’ ita kuwa Habeebti jin maganar ta su ta ke kamar yasasshen zance dan ita Allah ya riga ya zaba ma ta miji.

"Wai ku ba za ku fitar da miji a mu ku aure ba ne..ke Halima ya ake ciki ne..’’ Aunty Salma ta tambaya ta na mai duban Halima, Kana Halima ta ce’’ Aunty Salma ni fa har yanzu ban ga wanda ya kwanta min ba ne..’’ ‘’ina za ki sami wanda ya kwanta mi kuwa ki nan ki na mafarkin samin prince charming,irin mazajen littafi....’’ Maryam ce ta yi saurin katse ta,tuni Halima ta kai ma ta duka,ta yi saurin kaucewa.

Cike da mamaki Aunty Salma ta ce ‘’an banu,ke kuma wasikar jakin da ki ke karantowa kan ki kenan Halima....ai mazan littafi sai irin matan littafi’’ baki cune Halima ta fara magana ‘’Aunty Salma ai ko nima din ba laifi kalle ni fara dogo mai saje mai matan littafin za su nuna min,bare ma ai abun rabo ne makwabcin ka ya biyawa matar ka hajji.....’’gaba d'aya su ka sa mata dariya wanda hakan ba karamin kular da Halima yayi ba,da ba ta san sanda ta zunguri Maryam ta na fad'in ‘’dallacin ba gwara ni ba,ita fa wannan ko samari ba sa kulata sai dai alhazawa ma su katan timbi"
.

Magarnar Halima ba karamin ba tawa Maryam rai ta yi ba,jiki sanyeye ta ce ai ba komai su ma din mutane ne. Aunty Salma ta dafa ta tace ‘’kar ki damu kin ji,ko da Alhajin ne ai na gari shi ake bukata,ina adduar nan da na koya mi ki,ki na yi ko’’ ta ji sanyi cikin ran ta jin kalaman Anty Salma,ta ce’’ina yi sosai,a sujjada har ma karshen ta hiya. Tsaya ki ji ta.....

      ALLAHUMMA JA’ALNA ZAUJAN SALIH. WARZUQNA ZAUJAN SALIH. WARZUQNA ZURRIYATAN SALIH. ALLAHUMMA GAFIR WALIDAYYA WARAHAMHUMA KAMA RABBAYANI SAGIRA.’’
   Jin ta karanto adduar da kowace d'iya mace ya kamata ta na yi,kuma ya kamata iyaye su koyawa ‘ya’yan ta tun suna k'ank'ana ya sa Anty Salma murmusawa,ta na fad'in ‘’ai tun da ki ka ce Allah kin gama magana,the best is yet to come’’ Huda ta shune ta da baki "no wonder yarinya ta ke dad'ewa ta na sallah,ashe sallar rokan miji ta ke...’’ ita da Halima su ka sa dariya har da tafawa. Aunty Salma ce ta ce yara kenan,ba sallar rok'an miji ba,idan ma hajjin rok'an miji ta ke ta yi din,ai ba mijin ba kawai,na gari shi ake fata,ba kusan shi ne rabin rayuwar d’iya mace ba,ke da baki sallar rokon mijin wa ki ka tsayar?.’’nan fa aka ji Huda shiru,fuska cike da dariyar mugunta Halima ta ce ‘’ya Haroun’’
    Dariyar da Habeebti ta ga sun sa gaba d'aya ban da Huda ya sa ta kallan su cike da mamaki,dan dariya idanun Aunty Salma har da kwallan,ta ce ‘’lalle yarinya kin kama gaibu,gwara kowa da ke ko da yake dama irin ku d'aya sai ku je can ku k'araci rawan kan na ku....’’rai bace Huda ta tashi ta bar mu su falon. Nan fa aka sa faifan Haroun,dama gasu idan aka dauke Habeebti dukan su ciki d'aya su ka fito. Yanda ya ke tara mu su abokan banza masu yawan gaske a gida su ke ba ta labari. Halima ta k'ara "aikam jiya tsautsayi ya kai Abba d’kin ya Haroun d'in ma baya nan sai yan hayaniyar sa,sun turnuke d'akin da warin kayan maye,kin ji fad'a kuwa gun Abba’’
Aunty Salma ta ce "ya salam,ai dole ya yi fad'a,kuma a ma sa magana ya ce shi ba ya sha,zai ki mutane ne,shi ko Dawud be burge sa dan Allah,daga shi har abokan sa a nutse abun shaawa’’ ‘’ai kam Abba ya ce kar ya sake kawo masa abokan banza gida’’ fadin Maryam kenan. Aunty Maryam ta ce yes he is ryt,ko dan mutuncin yaran sa mata be kamata ba,Allah dai ya shirya’’ gaba d'aya su ka amsa da amin.

Sai yamma likis Haroun ya dawo daukan su,sai a sannan ya shiga su ka gaisa da Aunty Salma,har kebewa su ka yi ta dan masa fad'a. Za su tafi ta ba su cards na walimar kanwar mijin ta wanda za a yi gobe. Sun tafi da alkawarin za su zo InshaAllah.ya Haroun zai kawo su.

.

Haka ma hanyar komawar su gida,idanun Haroun kan Habeebti,cikin ran ta fad'i ta ke idan ma kai maye ne ka ci kanka,dan kuwa hirar sa da aka yi a gaban ta ya sa gaba daya ya kara sire mata.

   Garin Allah na wayewa su Halima su ka fara shirin had'a kayan biki,dan kuwa dangin mijin Aunty Salma yan gayu ne dole su kure a daka. Da yamma ta yi yan mata sun gama cin ado amma shiru ba Haroun ba alamar sa. Huda ta yi kiran wayar sa amma sam ya ki shiga. Kai tsaye bangaran Hajiya su ka wuce,dan daga Ummi,har Mama wato mahaifiyar Haroun suna can,su ma din wunin biki zasu.
Ganin yanda su ka zumburo baki ya sa su Ummi tambayar lafiya..kamar za su yi kuka su ka ce "Dan Allah Ummi ku ce da Ya Dawud ya aje mu ma,ya Haroun ya ki ya zo" Ana haka sai ga Dawud ya shigo cikin bakar jamfa. Jin abun da su ke fada ya ce sam be san sance ba,sai da Hajiya ta sa baki sannan ya hakura.
   Kowa ya fito fes da shi,hatta Bilkisu da Aysha ma ba a bar su baya ba. Habeebti ce kadai ba ta fito ba.
   Hajiya ta bi ta har daki ta na tambayar lafiya kuwa,ile kuwa sai ga ta kwance cikin bargo. Baki bude Hajiya ta ce ‘’Ha’a Aliya ba za ki bi mu ba ne...’’da kyar Habeebti ta iya bude baki ta ce Hajiya wallahi ciwan kai,migraine di ne ya tashi,mun yi da Ya Duwud zai kamin magani ina ga ya manta’’ ‘’ayya Allah ya sauwake,zan tuna ma sa yanzu idan mun fita sai ya sa ko Ayub ne ya kawo mi ki,gidan duka mun fita,Talatu ce kadai can ta ke wanke-wanke’’ Habeebti ta ce toh Hajiya,adawo lafiya.
Ba karamin rashin jin dadin rashin lafiyar Habeebti Dawud yayi ba,kafin ma su bar gidan ya yi kiran Ayub a waya dat lalle ya zo ya kawowa Habeebti maganin. Cikin mota mai suna Quest su ka dunguma sai gidan biki.
   Haroun kuwa ya na can taron wani abokin sa,sanin duk lalacewar Haroun da ake ganin ya na yi sam be iya shashaye ba ya sa abokan sa hada baki su ka ba sa wata kwaya mai karfin gaske ba da sanin sa ba ya sha,amma da ke jinin sa mai karfi ne a hankali ya ke dibar sa. Ganin haka ya ce da daya daga cikin abokan sa wanda sam be da hannu cikin abun da aka ma Haroun,sai ma nuna bacin ran sa da ya yi,ya mayar da shi gida. Kai tsaye gidan ya mai da shi,ko sallama be ma sa ba da kyar ya ke tafiya ya shige gidan. Da ke kan sa juye ya ke,maimakon ya wuce bangaran su,sai tsintar kan sa ya yi falan Hajiya,nan ya yi zaman sa kan kujera hannun sa biya ruke da kan sa.
   Jin motsi a falo ya sa Habeebti yin tunanin Ayub ne ya kawo ma ta magani,dan kuwa idan shi din ne ba d'aki zai shigo ba dan ba sa shigo mata d'aki.

A hankali ta tashi,a daddafe ta sanya hijabin ta,ta na bin bango saboda sarawar da kan ta ya ke ta fito falan.

Maimakon ta ga Ayub sai ganin Haroun ta yi. Gaban ta ya yi mummunar faduwa,har za ta juya sai kuma ta sake tunani ta iya yiyuwa shi din aka bawa sakon,dan haka a daddafe ta k'arasa gareshi......jin tafiya ya sa ya d'ago a hankali,idanun sa sun sauya sun yi jajur,kallo daya ta ma sa ta yi saurin kau da idanun ta gefe,murya a sanyaye dan ciwo sam ba ta lura da ainihin halin da ya ke ciki ba ta ce da shi ‘’kai ne aka bawa magnin ka kawo min...’’ jin ta ambaci magani ya sa hannu a aljihu ya shiga lalube,sai gashi ya fidda wani dan sachet ya mi ka mata ba tare da ya tanka mata.
Ta karba ta na juyawa,sannan ta sa hannun ta fito da tablet din ciki,maimakon ta ga wanda ta ke tunanin gani sai wani daban ta gani,jikin sa an rubuta Diazepam,maimaita sunan ta yi,kai ita dai hankalin ta be kwanta da sunan maganin ba dan ba ta ma san shi ba, ta koma d'aki ta d'au wayar ta numbar Dawud ta kira,bugu uku ya d'aga,ko hayaniyar su Huda ba su ji ba da ga ji kuma driving ya ke.

   Ya na d'agawa ya ce ‘’Habeebti driving na ke ga Karota can ina hangowa,ya kawo mi ki maganin ko’’’jin haka sai hankalin ta ya dan kwanta ta ce ‘’eh amma wani ne daban..’’ya ce ‘’eh ba a sami wancan ba ne,sai na ce ya kawo mi ki wannan ki dan sami sauki,za ki iya shan kwaya biyu for now,na aje su Huda na fito na duba mi ki da kai na’’ amsa ma sa ta yi da toh,sannan ta aje wayar.
     Ta dan yi jim kad'an,tunanin zaman Haroun a falon Hajiya ta ke. Ko da ya ke ba mamaki ma ya tafi tun da magani ya kawo ma ta.da wannan tunanin cikin ran ta fito za ta kitchen neman ruwa.
   Ga mamakin ta in da ta bar shi nan ta gan sa zaune. Kai tsaye kitchen ta wuce,ta ga Talatun ma ta gama wanke wanke har ta gyara wajan ta yi tafiyar ta.

Ruwa ta samu ta dan zauna ta sha maganin,toh amma sai mai....maimakon ta ji saukin da ta ke tunanin za ta ji,sai ma wani jiri da ta ji ya na diban ta. Hannun ta bisa kan ta,ta ke bin bango,abu kamar wasu karamar magana ba sai ta zama babbba ba. ciwo sai dada k'aruwa ya ke kamar ana dad'a hura shi..a daddafe hawaye fal fuskar ta ta iya karasawa falo,tun ta na iya takawa har ta kasa ta zube kasa,da rarrafe ta karasa gaban Haroun ta na fad'in taimakamin dan Allah Haroun,kai na Haroun....a hankali ya sauka ya durkusa gaban ta duk da jirin da ya ke ji ya na diban sa,da kyar ya ke iya fadin Habeebti....Habeebti...Habeebti.......
Allah kadai yasan iya lokacin da su ka yi a haka,kamar cikin mafarki ta ji hannu na bin jikin ta,da sauri ta girgiza kan ta da karfin da yayi saura a jikin ta ta ke kokarin tura hannun,ta na kokarin bude idanun ta da tuni su ka yi nauyin gaske,ko da kuwa ta bud'e idun ba gani ta ke yi ba.....murya can kasa ta ce ‘’Haroun menene haka,me ka ke min haka...Haroun ka ji tsoran Allah’’ can nesa ta ke jin muryar sa,be fad’in komai sai sunan ta ‘’Habeebti...Aliya....Habeebti....Aliya...’’hijabin ta ta ji ana kokarin raba ta da shi,nan ta hada duka karfin da ke jikin ta,ta buge shi,ta yunkura za ta tashi,sai kuma ta yi luuu ta dawo kasa....daga nan ba ta kara sanin halin da ke ciki ba,wannan ya ba shi damar cin galaba akan ta.....

    Bangaran Hajiya kuwa tun da ta je biki hankalin ta ya kasa kwanciya,bini bini sai ta ce ta bar yarinya a gida ni Mairo,kai da dai hankalin ta ya kasa kwanciya sai ta kira wayar Habeebti,amma shiru ka ka je ba a d'agawa,sai da ta mata miss call har biyar,hakan ya sa hankalin ta tashi,ta fara neman wayan Dawud,shi ma sai a kira na biyu ta same shi,cikin fargaba ta ce Dawud maza zo ka mai da mu gida,na kasa samun Habeebti a waya. Daga d'aya b'angaran ya ce "d'azu mun yi waya ta ce da ni Ayub ya kai ma ta magani...." "kai gwara dai ka zo mu tafi" fad’in Hajiya kenan ta na mai fad'uwar gaba. Kana Dawud ya ce gashi nan zuwa dama ya samo mata maganin da ta ke sha ne,gashi zai dauko su Huda sai ya zo su tafi gaba daya. Hajiya ta ce toh dan Allah ka yi sauri.
   Sun dan bata lokaci ba yanda Hajiya ta so ba,tafiya su ke amma Hajiya sai fad’a ta ke ma Dawud duk sanda ta kira wayar Habeebti ba ta d'aga ba. Motar kowa ya yi shiru,Ummi da Mama ne ke bata baki,ita kuwa fad'i ta ke ‘’uhum in ba Habeebti na sa a ido na ba hankali na ba zai kwanta ba’’
      Ayub ne ya fara isa gidan hannun sa d'auke da maganin da Dawud ya ce ya siyowa Habeebti,gidan shiru ba kowa idan ka d'auke maigadi da ke can cikin d'akin sa ya na sharan bacci. B'angaran Hajiya Ayub ya wuce ya na mita,fadib ya ke ‘’an bar gida wayam wai haka akwai mai gadi,idan gidan za a d'auke kwacakwam har a d'auke ma ba wanda ya sani....’’ Cak ya tsaya ganin abun da ya firgita shi,wannan masifa da mai ta yi kama....fadi ya ke "Innalillahi wainnailahair rajiun....."ya yi mugun ganin da makiyin sa be fata ya gani....Habeebti ce kwance hajaran majaran da ga ita sai rigar ta da under siket da ya tattare zuwa gaiwar ta,abun da ya fi dagawa Ayub hankali shi ne ganin Haroun kwance kusan rabin jikin sa kan Habeebti ya ke,duk da wanda sa be bar jikin sa ba amma hatta belt din sa wulge ya ke can gefe...ya ma rasa me zai yi,shin me ke faruwa haka...Haroun ne ya yaudare ta har ta ba shi kan ta.?....toh idan ma hakan ne su rasa in da za su yi lalacewar ta su sai falon Hajiya.....jinin da ya gani ya yi jirwaje jikin siket din Habeebti ne ya sa shi kara lura da yanayin ta,sam daga ita har Haroun ba sa cikin hankalin su...

Sai a sannan ya fargaba,yayi wulgi da ledar maganin da ke hannun sa,ya karasa in da su ke da sauri jiki na rawa ya dauki hijabin ta da ke aje gefe da niyar rufa ma Habeebti,nan fa sachet din magani ya fado,idanun sa kan magani yayi saurin rufa ma Habeebti Hijabin ya na mai tura Haroun gefe guda,ina ko alamar tashi be yi ba hakan ya tabbatar ma sa da hez under drugs,ita ko Habeebti a sume ta ke. Sachet din da ya fadi ya bi ya dauka,hannu na rawa ya karanta sunan maganin...DIAZEPAM.....
Nan fa komai ya fito ma sa a zahira,ba shakka Haroun ya ba ta kwaya ya gama da yar mutane...tuni idanun sa su ka rufe ya shiga jibgar Haroun,amma ina ko gizo,da gudu ya fita sai gashi dauke da ruwa mai sanyi karara,ya juye shi roba guda bisa kan sa...nan ya tashi a gigice ya na kokarin kamo Ayub din da be san sanda ya wulga ma sa rubar a fuskar sa ba ya na fadin tashi ka kashe mu su yar mutane,Haroun ka cuce yar mutane,ka cu ce mu,ka cuci Hajiyar mu,ka cuji zumunci,Haroun ina darajar ta mu ke.......?

A rikice ya ke duban Ayub kamar lokacin ya fara ganin sa,kalaman sa ke rud'a shi yayinda ya ke kokarin nazartar in da ya ke. Ganin Ayub na Kuka wiwi ya sa shi bin in da ya da Habeebti ke kwance tamkar matacciya. Kamar wanda aka zungura ya tashi da hanzari,wandan sa na kok'akarin zamewa ya yi saurin rikowa sai a sannan ya lura da rashin belt din sa a jikin sa,ya maza ya dauko ya saka.
A kid'ime ya yi kan Habeebti har da buge Ayub ya na fad'in me ya same ta?me na mata?ganin Ayub ya kasa ba shi amsa ya sa shi fara girgiza ta da k'arfi,amma ina ko motsawa ba ta yi ba.gaba d'aya zufa ya wanke fuskar sa. Hijabin ta da Ayub ya rufe ta ya yaye. Ganin abun da Ayub ya gani ya sa shi yin baya a razane,lokaci guda kuma yayi saurin sanya ma ta hijaban yayinda ya dauke ta yayi waje a guje. Ayub na biye da shi.
Fitowar su yayi daidai da shigowar motar Dawud,ganin Ayub da abun da ya dauko ya sanya Dawud yin wani wawan parking da sai da motar ta yi kara....kan ma ya fito Hajiya ce ta fito ta na salati cike da ihu.

Fitowar Dawud da su Mama lokaci guda ne,a tare su ka yi kan Haroun kowa na tambayar menen ya Faru?me ya sa me ta?Hajiya ce ta fi kuwa rud'ewa ganin da ga Ayub din har Haroun an rasa mai ba su amsa...a rud'e ta ke jijjijiga Habibti da ke langwab'e hannun Haroun,da dai ta ga ba ta motsi,sai ta koma jijjiga Haroun wanda zufa kadai ke fita daga koina a jikin sa. Ganin ba amsa ta Koma ga Ayub,wanda ganin ya kasa magana fadi ya ke Hajiya mu kai ta asibiti,asibiti Hajiya.....
Dawud ne ya yi kokarin karb'ar Habeebti amma Haroun ya yi k'yememe ya hana shi,dan haka kawai sai su ka d'unguma su ka shige mota ba tare da sun san ainihin abun da ya faru ba. Su Huda kuwa nan gida aka bar su suna jiran tsammani.

     Kai tsaye ba su Zane koina ba sai Star general hospital. Gabayan su da gudu su ka sauko,Haroun ne gaba,Hajiya wacce hannun ta biyu bisa kanta,da Mama,Ummi,Dawud da Ayub biye da shi.
Ba a yi wata wata ba fmly Doctor din su ya sa aka karbe su,cikin k'ank'anin lokaci aka kwantar da Habeebti yayinda Doctor da taimakon Nurses su ka shiga duba ta.
   A reception Hajiya sai kai kawo ta ke,abun takaicin daga Haroun har Ayub an kasa samin mai bayani. Ayub in Banda Kuka babu abun da ya ke,Haroun kuma can gefe ya ke,shi ne ya tashi,ya zauna ya kuma tashi,ya ma kasa tsayawa gu d'aya. Dawud kuwa tsayawa yayi bakin kofar d'akin,ji ya ke tamkar ya bud'e ya shiga.
   Fitowar Doctor ya sa su yin kansa da sauri,suna tambayar Doctor ya ake ciki? Cikin rud'ani Dawud ya ruk'o hannun Doctor ganin yanda fuskar sa ta yi alamar tashin hankali.
   Kallan su ya yi daya bayan daya,kafin daga bisani ya ce "wacece mahaifiyar ta?" " gani" Hajiya ta bayyana kan ta da sauri. "Doctor ya ce za mu yi magana da ke a office d'ina pls"? Ya wuce Hajiya na biye da shi,haka ma Dawud da Ayub.
    A cikin office din Doctor ya nemi su Ayub su ba shi waje,Hajiya ta ce ba komai suma 'ya'yan ta ne.

.
Sai da ya dan yi shiru sannan ya ce "Hajiya Alhaji na gari ne?" Cike da fargaba Hajiya ta amsa ma sa da "Eh wani abun ne Doctor,dan Allah me ya same ta?" Maimakon ya ba ta amsa,sai ya ce da Dawud ya kira Alhaji,Wato baban su ya ce lalle lalle ya zo as soon as possible. Jin haka Hajiya ta dad'a rud'ewa,fad'i ta ke "mutuwa ta yi ne ka kasa fada min?" Hannu na rawa Dawud ya kira Alhaji,jin haka ya ce minti ishirin ma yayi yawa,gashi nan karasowa.

   Kan Alhaji ya karaso Doctor ya cigaba da yiwa Hajiya tambayoyi,shin menene dangantakar ta na ainihi da Haeebti,a susuce ta ke ba shi amsa,ta ce "d'iyar yayan ta ce,marainiya aka ba ni ruk'o. Ya k'ara da "Shin a ina aka dauk'o ta a wannan halin da ta ke ciki?"
   Sai a sannan Ayub ya ba su labarin yanda ya tadda Haroun da Habeebti ba tare da ya fadi ainihun ta'asar da aka ma ta ba,amma ita Hajiya tuni jikin ta ya fara ba ta,dan hannu biyu ta d'ora a kan ta ta na fadin "ni Mario na shiga uku,na banu.."
   Ana haka Alhaji wanda shi da Dawud da Haroun kamar an tsaga kara haka su ke ya shigo. Ganin sa Doctor ya tashi ya bashi hannun cikin girmamawa,tare da bashi wajan zama.

Ba tare da b'ata lokaci ba Doctor ya ce da su" Wato a zahirin gaskiya wannan yarinyar an bata magani ko na ce kwaya mai karfi ainu,Dawud you ar a pharmacist,am very sure kasan effect din Diazepam." " innalillahi wainnailaihirajiun! Ina Habeebti ta sami Dia.-ze-pam...,menene gamin ta da shi,kadde shi ta ke tambayana akai na ce ta sha har biyu..." Doctor ya gyada kai"tabbas ko da d'aya ta sha in dai jinin ta be da karfi zai ma ra illa,kasan dai masu irin rashin lafiyar da ake bawa magani,wanda su ma din sai ya tsanan ta,bare har biyu,kasan overdose din maganin har kisa ya ke...."

Wani sabon Kuka Hajiya ta sa Alhaji ya shiga tsawatar mata,yayin da Dawud ke fad'in ."kwarai kuwa,ni kuwa na san wannan Doctor,shikenan na kashe Aliya" kwalla idanun sa ke fitarwa. Amma me?sai ji su ka yi Doctor ya ce "ba wannan ne kadai ba,an yiwa yarinyar fyad'e...." Dum...haka Hajiya ta ji jin ta ya d'auke,lokaci guda haske ya dishashe mata ganin ta ya d'auke,tuni ta yi luuuu za ta fad'i,yayinda Alhaji yayi saurin rik'ota duk da shima din a kid'ime ya ke,nan jikin shi ta fad'i sumammiya.....
Dawud kuwa tuni idanun sun rude,ba ma ya ganin gaban sa bare ya san halin da Hajiya ta shiga ya fita a guje tamkar zakin da ya shekara goma be ga nama ba ya hangi nama,labarin da Ayub ya basu ke ta yawo akan sa....gaba d'aya muryar sa ta cika asibitin,kira ya ke " Haroun!Haroun!!Haroun!!!!!!!!!!!"Ba Haroun ba,duk wanda ke cikin reception din sai da su ka tashi a rikice,suna jiran tsammani...

Friday, February 22, 2019

SAKACI Part 28 (THE END)

February 22, 2019 SAKACI 1-END No comments

"Please ka sanar dani Dr, ban gane ba" abinda Dr Umar yake fad'a kenan.

Dr Shamsudeen yace "Matarka nada ciki, Dr Umar, matarka nada juna biyu"

Kamar a mafarki yakejin maganar, cikin wani irin yanayi Dr Umar yace "anya kasan abinda kake fad'a kuwa, na fad'a maka matsalar matata, amma naji kana fad'a min abinda hankalina baze d'auka ba"

Sa ke kamo hannunshi yayi akaro na biyu yana mai nuni da na'urar da ake scanny kafin kuma yace "zoka gani, ba karya nake maka ba Dr umar, bama haka da kai"

Tabbas abinda ya fad'a hakan ne, gudan jininsa yake gani a marar matarshi, tabbas shi ne, wata biyar da kwana goma gashi har abun ya fara motsi, wannan ya nuna a watan da ya fara tarawa da ita a watan Allah ya azurtasu.

" *Allahu Akbar* " shi d'inma yake fad'a, kafin kuma yafad'i k'asa yana sujjada ga mahaliccinsa.

Farida suman kwance ta yi, tabbas da bata gani da idanunta ba da zata k'aryata, lalle ni'imar Allah ta buwaya, godiya ta ke ga mahiliccinta ta na hawaya, lalle Allah ya mata kyautar da ba wanda ya isa ya yayi irinta.

Ya azurtata alokacin da ta fitar da rai, "Allah na gode maka" abinda ta ke fad'a kenan ba adadi.

Kan kace meye Dr yayi waya yanata sanar da jama'a, ana fad'awa Ummi itama fad'uwa k'asa ta yi ta na sujja domin godiya ga ubangiji.

Shi kuwa Baba baza ka iya tan-tance tsakanin shi da Dr wanda yafi farinciki ba.

Tabbas duk wani masoyinsu sai ya tayasu murna, Alhaji ne yayiwa Ummi biza akan ta taho India domin kulawa da Farida.

Kasancewar likita yace mahaifarta ba karfi don haka bazata juri zirga-zirga ba, sa'annan idan lokacin haihuwarta yayi baza abari ta yi nak'uda ba za'a mata aikin acire abinda ke cikin.

Dakyar Dr ya hakura ya dawo Nigeria bakin aikinsa, sai da Ummi ta nuna 6acin ranta sosai tukunna ya tafi, amma kuma tun da ya tafi kullun yana ta re da Faridarshi a waya kuma duk bayan wata biyu yake zuwa.

Dr yayi k'ok'arin kama musu hotel amma Dr Shamsudeen yace yabari akwai d'akuna a gidanshi su zauna, mutumin sam bai mance irin karamci da Dr yamai ba.

Yadda Mariya taga ana d'okin cikin taso ta sawa kanta damuwa, toh amma daga baya sai ta cire komai aranta ganin ba dainawa za'ayi ba, sannan kuma hakan da sukeyi bai tauyeta da komai ba kona k'ank'anin lokaci.

**** ****

Ummi ce da Dr sun saka Farida a tsakiya sai rarrashinta sukeyi, ita kuma sai kuka ta ke wai ta na tsoro.

Haka dai dak'yar suka lalla6ata.

Allah mai kyauta da kari, Allah mai azurta wanda yaso alokacin da yaso.

Anfito da Farida lafiya ta re da yaranta y'anbiyu mata, yara kam sai godiyar Allah, idan kaga Dr da Ummi aranar zaka d'auka a ranar aka fara yimusu haihuwa.

Haka fannin Baba, bayyana irin farincikin da ya tsinci kanshi bazai yuwu ba amma kam yayi kuka yayi dariya, Allah kenan.

*******

Ummi na zaune ta na ninke kayan Ummi da Mama (sunan 'yan biyun kenan) kasancewar a washegari zasu dawo gida Nigeria.

Dr baya nan yana can yana cuku-cuku.

"Farida kinga ribar hakuri ko, Allah ya jarrabeki da jarabawa kala-kala kinyi hakuri ba ta re da kin butulce ba, alokacin da akace bazaki ta6a haihuwa ba nasan kin shiga wani irin hali, amma kika jure "

"Sannan ya jarrabeki da jinkiri, daga 'karshe kika fara samun manema amma daga 'karshe sai su gujeki"

"Wanda kika amince dashi amma ana gobe d'aurin auranku suka fasa, nan ma kin jure ba ta re da kin butulce ba, haka a zamanta kewar auranki"

"Tabbas ke d'in me juriyace, da ma matan da suka samu kansu a hali na jarrabawa zasu zama masu juriya kamarki da tabbas zasu zamto masu sa'a"

"Domin ke kinga riba kuma riba ma har biyu kenan, kinada lada awurin Allah gashi kuma aduniya ya azurtaki da miji irin wanda ake cewa mijin marainiya, akarshe kuma ya azurtaki da yara biyu alokaci guda, Allah ya albarkaci rayuwarki Farida"

Zuwa ta yi ta tsuguna agaban Ummi ta na hawaye tace

"Ummi kun bada gudunmawa mai yawa arayuwata, wallahi bani da abinda zan saka muku dashi sai addu'a, Ummina nagode Allah...."

"Shhhhhh" Ummi tace mata, kafin kuma tace "bana son wannan hawayan naki, yanzu lokacinsa yawuce Farida, sannan ki rike godiyarki bana so"

Rungume Ummi ta yi ta na fitar da hawayen farinciki, rayuwa kenan.

*****

Zaune suke a reception 'din filin jirgin sama, suna jiran lokaci ya cika akirasu, Ummi na rik'e da Mama, Dr kuma na rungume da Ummita a hannunshi na hagu, hannunshi na dama kuwa yana rungume da Faridanshi .

Mutane biyu ne suka nufo inda suke, yar dattijuwan mace da kuma wani a gefenta da alama d'anta ne.

"Ina wuninku" cewar mutane biyun, Ummi ce ta iya ansawa itakuwa Farida mamaki ya hanata magana, tabbas Ahmad idanunta yake gani.

Dr kanshi mamaki ya hanashi magana.

"Farida karde wannan jariran naki ne" "Nata ne yau satinsu uku" Ummi ta bashi ansa.

"Amma da kince likitoci sun ce baza ki sa ke haihuwa ba, ya akayin hakan ya faru" wannan karan Dr ne yayi magana da cewa "Allah"

Juyawa yayi ga dattijuwan nan yace "Hajiya kin gani ko, Allah ya azurta Farida da haihuwa ni d'in da kika hana na aureta har yanzu shuru kingani ko"

Wannan dattijuwar da Ahmad ya kira da Hajiya ita tazo kusa da Farida had'e da kama hannunta ta na cewa

"kiyafe min, na hana ya aureki saboda ina tunanin bazaki ta6a haifamin jikoki ba ashe na yi kuskure, Allah shi ne mai azurtawa, ga Ahmad nan har yanzu shuru, ko 6atan wata matarshi bata ta6a yiba kuma angwada lafiyanta kalau, kiyafemin don Allah"

"Ba komai na yafemuku Allah ya yafemana baki d'aya" cewar Farida

Karshe sukayi rabuwar arzik'i gami da jinjina halin karamci da yawan yafiya irin na Farida.

Haka rayuwa ta cigaba da tafiya a tsakanin masoyan nan cikin farinciki da kwanciyar hankali.

*ALHAMDULILLAH*

Anan na kawo 'karshen wannan littafi na *SAKACI* kuskuren da na yi aciki ina neman gafarar Allah.

Gareku makaranta ina nemar afuwanku abisa tak'aita rubutun da na yi wanda wasu abubuwa ban fito dasu ba.

Wannan ya faru ne bisa ga 'karancin lokacin da na samu kaina aciki, sannan nasan makaranta zasu ce mai yasa ban nuna makomar "Hassan* ba, toh agaskiya *Hassan* da masu hali irin nashi Allah ne yasan makomarsu da irin azabar da ya tanadar musu.

Ba abinda zance muku sai Nagode, Nagode, *I LOVE YOU ALL

Monday, February 25, 2019

INA DARAJAR TAKE Page 36 to 45

Share this

INA DARAJAR TAKE Page 21 to 35

Share this

INA DARAJAN TAKE Page 1 to 20

Share this

Friday, February 22, 2019

SAKACI Part 28 (THE END)

Share this

Popular Posts

Categories

Social Plugin

Domin Samun Littattafan Hausa

Search This Blog

Blog Archive

Social Plugin

Report Abuse

Contributors

Total Pageviews