SO MUGUN WASA Part 1 to 10

Amana ce aka bashi amma saboda tsabagen rashin tsoron Allah da rashin sanin matsayi irin na amana yasa ma amanar kuli da mai ya yankama ta albasa da tumatari ya kwadata ya cinye ta cikin cikinsa,,

ya gurbata mata rayuwa ya cuci rayuwarta, baya barinta da abokiya ko daya sannan kuma baya barinta tayi mashi nisa, saboda kada wasu su hure mata kunnuwa ta daina nema masa kudi, babbar sana'ar daya dora ta akai itace *Sata*  tunda ta tashi bata san wata rayuwa ba sai sata, bata san mai kyau ba kuma bata san marar kyau ba tunda bata da wanda zai koya mata, kyakkyawa ko akasin haka,

Yayi mata horo da sata sosai saboda haka itama ta kware wurin iya sata, kana tsaye zata { sane } ka wato sacewa ba tare daka sani ba, idan ta shafa jikinki baka taba sanin an taba ka,,

Shi kuma saboda san duniya da tsabagen san kudi wannan dalilin ya hanashi aure bare ya aihu "ya"ya suci gajiyarsa, baya da aiki sai caca, shaye shaye, amma baya neman mata,

Itama haka ya horata da nuna mata cewa babu maza a rayuwarta, kuma ya nuna mata maza abin tsoro ne, da kalamai masu muni ya ai bata maza sosai a wurinta sai labarin karya dana wofi da yake bata akan soyayya shine yasa ta dauki wuka ta cakawa *SO* bata kaunar ayi maganar *SO* bare kuma ayi maganar maza a gabanta,,

A cikin horonsa ya koyar da ita jarumta sosai ya koya mata fada kuma ya koya mata kafiyar zuciya, ya koya mata daukar wa rai, tana masa biyayya sosai dan bata san kowa a duniya ba saishi, idan tayi mashi maganar iyayenta sai yace saita tara masa miliyoyin kudi zai fada mata inda suke, dan yasan idan ta tafi bazata sake dawowa gareshi ba, wannan dalilin yasa ta dage wurin kwamashe aljihun koma waye,

Banda samha yana tare da "ya"yan dan uwansa suma dukansu mata ne, bayan rasuwar yayanshi ya tattara yaran ya dawo dasu wurinshi kuma ya tattara gadonsu wato abinda mahaifinsu ya bari ya rike a hannunshi,

Suma dai haka ya horasu da suyi sata, kamar yanda ya hora samha, amma duk cikinsu babu mai rashin tsoron samha da kuma jarumta irin tata,,

shi kanshi yana alfahari da samha sosai, shi yasa kullum yake kokorin munanta kalamar *SO* da *mugun wasa* saboda kada soyayya tasa samha gudunshi wata rana,

muje dai cikin labarin , { *so mugun wasa* }

****

Dukan kofar dakin yake babu ji babu gani kuma babu kakkautawa tare da fadin baza ki bude ba? Yaci gaba da cewa bakyajin ina magana ko? Ke samha dake nake fa,

Daga cikin dakin kuma samha ce tayi tsaki tare da kara jan bargo ta lullube jikinta ba tare data ce komai ba,,,,

Ci gaba yayi da dukan kofar tare da jijjigata cincin karfinsa, tsaki samha tayi sannan ta sauko daga saman katifar ta tayo bakin kofa, bude kofar tayi tare dayin mika tana hamma,,,,,

Hasken rana ta fara karewa da hannunta sannan tace wai kawu ya akayi ne? Tsaki yayi tare da juya mata baya , cikin daga murya yace wane lafiya?" bayan kin tura su yusra aiki gasu can an samu matsala memory card din an kwace shi,,,

Da sauri samha ta fito daga cikin dakin tare da komawa gaban kawu tana cewa kawu mi kace?" cikin nuna fushi yace nace taje tayi sakaci an kwace m. Card din,,,

Wani irin ihu samha tayi tare da cewa ina yusra?" ina kausar din?" kawu yace gasu can kina ganinsu,, juyawa samha tayi inda kawu yake nuna mata,,

Yusra ce tsaye ita da kausar, kowa ya dukar da kansa kasa, cikin tsananin bacin rai samha tayi wurin, tana zuwa babu wani bata lokaci ta daga hannunta tare da kwararama ko wannensu mari,,, sannan itama samha ta kashe kanta da mari, tana kuka,

Cikin kuka samha tace Yusra kun cuceni kun zalinci rayuwata, garin ya akayi har kukayi sakaci rayuwata tayi wani wurin? Cikin kuka yusra tace samha kiyi hakuri wallahi faduwa yayi kafin in dauka wani ya dauka sannan yace inje in turo duk wanda ya tsaya man ya ganshi,,,

Samha cikin kuka tace shi waye ya tsaya masa ne?"" kausar tace bamu sani ba ranki ya dade,, cikin kuka samha ta juya tana kallon kausar sannan tace haka zan fada cewa baku sani ba?"" cikin kuka samha tace mutane sun bani aiki amma kun mayar min da aiki baya,,,, yusra tace samha kiyi hakuri don Allah, cikin daga murya sosai samha tace inyi hakurin banza?",,, wane gwallon dan iskane ya kwace m. Card din nan ne?" ta karasa maganar cikin karaji kamar makoshinta zai fashe""",,,,,

Babu wanda ya sake magana,, samha ta dago kanta ta kallesu da jajayen idanuwanta sannan ta dafa kanta da hannunta tace,

Na rantse da babana, hawaye ya sake gangarowa daga cikin idonta,,, sannan tace na rantse da mahaifiyata,,, ta dafa daidai zuciyarta, sannan tace ina zuwa wurin lamari ya lalace domin duk jakinda m card din nan yake hannunsa saina cire masa hannu daya,,,

Da sauri Yusra tace A, a samha ki sauke rantsuwarki, cikin tsananin bacin rai samha ta daga ma yusra hannu, tare da cewa naje nace ko waye, ni kan banza ma zan cire,,,

Cikin fushi ta juya zata shige daki kawu yace ke zo nan, tsayawa samha tayi ba tare data juyo ba, kawu ya matsa kusa da ita sosai sannan ya mike mata hannunshi tare da cewa bani na shan sigari?

Cikin daga murya sosai samha tace wane nashan sigari kuma?" kullum sigari kullum sigari ni shikenan rayuwata a kudin sigari da kudin caca shaye da sakarci zasu kare? Jiya bana baka ba?" dukan abinda na samo shine na kundume gaba daya na baka, jijjiga jikinta tayi tare da rike gaban rigarta tana cewa to ai saika daukeni kaje a baka sigarin dani, shikenan ko?" taci gaba da cewa ko ba haka kake so kaji nace ba?

Tsaki tayi sannan tayi gaba, tana kokarin shiga daki kawu yace to naji idan baza'a bani kudin sigarin ba ai sai a biyani kudin hayar gidana, cikin kuka samha tace kayi hakuri kawu wallahi banda ko sisi a hannuna wa'ancan banzayen kuma sun daukar man, m card din daka bani da niyar su gani, kuma sunje wurin haukansu wani dan iska ya kwace shi, ta karasa maganar cikin yanayin a tausaya mata, tana kara goge hawayen idonta da bayan hannunta,

Kawu yace to gaskiya aje a samo man kudi, cikin yanayin lallashi samha tace haba kawu waikai baka gajiya da kudi don Allah , ka mayar dani A T M mashing dinka, kullum saidai in baka kudi?"" Kawu yace to kada ki bani kudin idan na gudu naga wanda zai nuna miki babanki da mamanki, murmushin karfin hali samha tayi mai cike da kunar rai sannan tace to swry bara in fito,

Tsaki kawu yayi ita kuma samha ba tare da ta sake magana ba tayi ciki,, su Yusra kuma jiki a sabule suka yi bayan samha,

Babu wani bata lokaci samha tayi wanka, a gaggauce ta shirya cikin shiga mai boye suffar jikinta, tasa katuwar hijabinta, sannan ta dauki nikaf ta rufe fuskarta dashi, kallon Kausar tayi sannan tace idan kunga dama kuna iya tashi mu wuce,

Kowa ya dauki nikaf ya rufe fuskarshi, sannan suka fito daga daki, kawu na zaune saman kujera plastic chair yana murza shalisha, samha ce kadai tayi mashi sai sun dawo, hannu ya daga mata yana murmushi,

Gaba dayansu suka fita daga gidan, napep suka tare sannan suka fada mashi inda zai kaisu, shiga sukayi sannan suka tafi,,

Fitar su samha kawu ya ciro wayarshi daga aljihunsa yayi dan danne dannen sa sannan ya kara a kunne, bayan wani lokaci ya kecewa da dariya, sannan yace na tura ta aiki, shiru yayi na wani lokaci sannan kuma yace kada ka damu da hannunta zansa ta kasheshi, dariya kawu yayi sosai sannan yace duk barsu dani suka zance, shiru yayi na wani lokaci sannan yace ka manta samha bata sauraren maza?"",,, murmushi kawu yayi sannan yace barta ai ina tare da ita dai, murmushi kawu yayi sannan yace kada ka samu damuwa, kashe wayarsa yayi sannan ya tashi daga wurin yana dariyar mugunta,

Su kuma su samha suna isa bayan sun sallami mai napep, suka ware gefe daya suna karewa wurin kallo sannan kuma suna karantar mutanen wurin,

Murmushi samha tayi sannan tace Yusra, ki fara shiga wurin nan da gudu sosai, ke kuma kausar kibi bayanta, ni kuma lokacin da zan shigo ku tabbatar kun gama kwamashi whylet din kowa, ke ki cire kudin sai ki bawa kausar ita kuma zata bani in matar dashi aljihun duk wanda kuka dauka,

kamar yanda samha ta tsara musu haka sukayi, dan haka tana gama magana babu wani bata lokaci suka fara kutsawa cikin mutanen suna shiga da gudu kamar wanda bala'i ya biyo su,
.
Haka suke wucewa da gudu suna kara kutsawa cikin mutane, duk mutumin da suka wuce sai sun dauke mishi kudi idan yusra ta zare tana mikawa kausar whylet ita kuma samha tana mayarwa,,,

Su kuma tafiya sukeyi, amma dayan yana waiwayen su samha, sannan ya maida dubansa wurin wanda yake bin bayan sa tare da cewa "yar labai kalli yarancan da gani basu da hankali mahaukata ne,, wanda aka kira da "yar labai  murmushi yayi tare da cewa ai kaine mahaucin, cikin mamaki ya kalli kansa tare da cewa ya akayi na zama mahaukaci "yar labai?"" murmushi yayi cikin izza sannan yace su can daka gansu wai wayau garesu "yan sane ne,,, miye sane ranka ya dade?" ba tare daya kalleshi ba yace sata sukeyi wa mutane,

kaima sun sane ka,,, da sauri yakai hannunsa a aljihu ya lalaubo whylet dinsa sannan ya fiddo yana dubawa yaga babu ko sisi,,, kallon shi yayi tare da cewa wallahi babu,, towai yaushe ma suka dauka ban sani ba?""

A daidai lokacin da yusra ta sake dawowa wurin ogan nashi tasa hannuta a aljihunshi da sauri ya rike hannun yusra sannan ya zagayo da ita gabanshi, nikaf din fuskarta ya yaye dukanshi sannan ya kashe da wani irin firgitaccen mari wanda ya gigita ta, marin da yayi mata yasa ta sakin fitarin tsaye,,

Tsoro ya kama Yusra da sauri ta rufe idonta, sannan ta fara kiran sunan samha,, ita kuma samha ta riga tayi mata nisa, dan haka kausar tana jin yusra na kiran samha sai tayi wurin da takejin sautin muryar yusra take fitowa,

A daidai lokacin da yake cewa an gaya miki ni mace tana taba min jiki ne?",,, gaban Yusra yayi wata irin mummunar faduwa, yaci gaba da cewa duk macen data tabamin jiki saina cire hannun banza, faduwar gaban yusra ya kara karuwa, murmushi yayi da gefen bakinsa sannan yace kinji tsoro ko?" yusra tayi shiru sai kyafta idanuwa take kamar munafika,,,,

Hannun Yusra ya saita sosai sannan yasa hannunshi cincin karfin sa ya karya hannun kat,, wani irin ihu yusra saki tare da faduwa kasa somammiya,,, jin ihun yusra yasa samha tayo wurin da gudu,,,,,

Suuuuuuu , take tafiya saboda sulbin wurin wanda idan kayi sakarci zaka iya faduwa,, tana isowa a gaban kausar tayi tirjiya a ta durkushe saman guyawunta sannan ta rike hannun kausar tare da cewa miye?"",,,,

Cikin kuka kausar tace ya karya hannun yusra, cikin masifa samha tace wane tattarin kwallon dan iskan ne?"",,, da hannu kausar ta nuna mata hanyar da suka bi,,, da sauri samha ta mike tare da cewa saina ga bayanka,,,,,,,,,,,,,,, ta karasa maganar cikin daga murya tana kuka,,, da gudu tabi su, amma ina kafin ta isa har an bude mashi mota ya shige har sun tafi, bayanshi kawai ta gani amma bata ga fuskarshi ba,

Da sauri samha ta tare mai mashin tare da cewa bimin banyan wancan banzayen motocin, mai mashin yace hajiya in baki shawara?"",,,, cikin daga murya samha tace naci uwar shawarka shawarar kan banza, to aiki na saka ka, kuma biyanka zanyi ba kyauta zakamin , mai mashin ya fara tafiya tare da kara jaddawa samha ta kiyayi kanta da wanda take kokarin bi, dan binshi tamkar daukar rayuwarta ne zuwa cikin kabari,

Wuta suke sosai a titi, tsakanin mai mashin din samha da kuma motar wanda ya karya hannun yusra,,,, ita bama tasan motarshi ba, saboda comeboy ne akayi ma motar,

Cikin motocin da suke bin bayan motarne,  wani daga cikinsu ya dauki wayarshi tare da shedawa mai gida masu nikaf suna bin bayansu fa,,,, magana yayi cike da izza cewa duk jakin daya sake binsu ayi mishi barazana ta hanyar harbi da bindiga,,,

bayan ya gama wayar ne, ya ciro bindiga daga inda suke ajiye bindiga dan cika umarni mai gida,, ta window din motar ya leko da kansa tare da fara barin harsashe ji kake tata ta tata,

mai mashin yana ganin an fara harbi hannunsa ya fara rawa,,, dolensa ya fadi kasa da mashin,,,, samha tanaji tana gani motocin suka bace mata,  bata da yanda zatayi dolenta ta hakura suka dawo inda yusra take, sallamar mai mashin tayi sannan ta shiga wurin,

Da ita da kausar suka kama yusra sukayi gida,,, bayan sunje gidane, samha tasa aka kira mai gyaran hannu ya gyara hannun yusra, amma har aka gama gyaran yusra bata farfado ba,

Samha kuwa sai zungura zagi takeyi tare da daukar alkawari, itama saita karya hannun ko wane dan iska ne kamar yanda ya karya hannu yusra,

Har gari ya waye Yusra bata farfado ba, wannan abu ya kara konawa samha rai, dan haka ta samo bulalarta taci gaba da dukan yusra, kausar ce tace haba samha da wane zataji don Allah?"" da karayar da ya mata a hannu ko da dukan da kike mata?"
.
Cikin fushi samha tace duk uwar da zataji taji babu abinda ya dameni, saboda tana banza jaka da ita, sai taje tayi satata da baki namiji ya karya mata hannu?"",,,,

Kawu ne ya shigo dakin tare da cewa wai miye ne?",,,, da sauri kausar tace kawu samha ce take dukan yusra, kallon samha yayi tare da cewa samha miye haka ne?"",,, murmushi 😬 samha tayi tare da cewa so nake ta tashi ne, cikin sanyi kawu yace to ai ba haka ake tashin mutum ba, wanda bata da lafiya ya zaki tasheta a haka?"",,,,,

nishin da Yusra takeyi shine yasa suka mayar da hankalinsu inda yusra take, ganin tana motsa baki yasa sukayi wurinta a hanzarce,

Samha ta dagota tare da cewa yusra waye ya miki haka?", cikin kuka yusra tace samha shine ya kwace m card dinki, kuma yace da kanki zakije ki ansa idan kina so,,,,,

Tsaki samha tayi tare da jinjina kanta alamar gamsuwa murmushi tayi sannan tace to dani zaiyi fada?"",,, murmushi samha ta sakeyi tare da goge hawayen idon ta da bayan hannunta sannan tace hmm wato m card dina ya kwace yace saina zo?"",,,, mikewa tsaye tayi tare da yin wani irin ihu ta buga kafarta kasa, sannan tace idan har ka bari na sameka sai nayi maka lullusar fitar hayyaci,

Yusra tace samha ki kiyayi kanki, kuma ki nisanta rayuwarki dashi saboda mutum ne shi mai hadari, wayau gareshi sosai kada ki kuskura ya ganki dan idan harya ganki hakika yanda yake nemanki nayi imani saiya kasheki,
.
Dariya samha tayi tare da bude hannuwanta tace karya ne, ni nan kadaina na ishi banza, ina yake zamane?""

Wata katuwar wuka kawu ya mikawa samha mai kaifi sosai sai sheki take tana walkiya har kallon fuskarka kake a cikinta saboda sabintar ta da kaifinta, abinda yasa kawu yayi haka saboda yaji yusra tace wani yace sai taje da kanta zai bayar da m card, ansar wukar samha tayi tare da cewa da wannan wukar zan aika ka lahira banza in kasheka kayi mutuwa irinta karnuka,,

Kawu yayi ta zuga samha, murmushi tayi tare da cewa waishi mace bata taba shi?"",,, amma ni ya taba man m card dina?" wanda shine rayuwata ,, hmmm duk abinda kike yusra gobe muje ki hadani dashi, yusra tace tom, juyawa kawu yayi yabar dakin tare da jin dadi a ransa,

Samha ta sake kallon yusra tare da cewa zaki iya siffanto man yanayinsa?" Yusra ta girgiza kanta alamar A, a, murmushi samha tayi da gefen bakin tare da cewa ya akayi kika gane shine ya anshi m card din?" Yusra tace wallahi shine kuma ya fadi min da bakinshi yace idan ya kamaki saiya kasheki, kuma jiya ma kafin ya karya hannuna ya sake fadin haka, gyara zama samha tayi tare da cewa mi nayi mishi yake san ganin ya kasheni?"",,, Yusra tace ban sani ba,

Samha tace kefa kausar?", zaki iya fada min kamanin sa?" kausar tace nida ba ruwana, dariya samha tayi sosai bayan ta tsagaita tace nikam da ruwana, kuma gobe zanje saina farke cikin banza, ina zuwa zan kashe shi da mari, sannan in fito da wannan wukar in dora bisa wuyansa, sai ince bani m card dina, idan ya bani , sai ince ya fita daga harkata, idan yace bazai fita ba sai ince mishi to lallai idan har bai fita ba nima nice zan kashe shi,

Daga kausar har yusra kallon samha suke, haka tayi ta nuna musu irin azabar da zatayi mishi,

Su kuma suna isa gida, bayan ya shiga dakinshi wanka yayi bayan ya gama wankan ne ya fito, rigar wanka ce a jikinsa sai towel a hannunsa yana goge gashin kansa, lokaci lokaci yana murmushi, wayarshi ya dauka tare da kiran wani abokinsa, bayan ya dauka suka gaisa, yace duk abinda kake gobe idan Allah ya kaimu ina san ganika, bayan ya gama wayar ne, ya kashe wayarsa tare da ajiyewa, inda ya ajiye m card din ya nufa ya dauko shi, yana jujjuyashi a hannunsa, murmushi yayi sannan ya fada saman lallausar katifar dake saman gadonsa,
.

Tunda samha tayi sallah da asuba har yanxun ta gagara ta koma bacci saboda tsabar bacin rai da kuma damuwa,

Zaune take ta zabga tagumi saman abin sallah, cikin tsananin bacin rai take kallon kawu dake tsaye, dan gajeran tsaki tayi tare da kauda kanta gefe guda,

Cikin fushi da kunar zuciya tace haba kawu, haba don Allah yanxun abinda kayi ka kauta kenan? Shima cikin daga murya yace naje nayi ai gidan nawa ne ba ubanki ya siya ba!

Samha cikin lallashi tace ai dama bance babana ya siya ba, kawai dai kace yau kwayarka a  kaina kake so ta kare daga magana sai gori kamar kana jirana? Kawu yace jirankin nakeyi idan ma bakiyi hankali ba hada duka zan hada miki, samha tace duk mi yayi zafi? Yusra dake kwance tana fama da hannunta tace samha kiyi shiru don Allah,

Murmushin takaici samha tayi da gefen bakin ta, tare da murza idanuwanta ta sake kallon yusra sosai tace wane inyi shiru kuma? Magana zanci gaba dayi  bani kadai ba kowa da kowa sai yayi magana, dan damuwar ba tawa bace ni daya kowa da kowa ta shafa, baki dayanmu muyi magana dan musan miye mafita, idan banda san kai irin na kawu domin Allah sai yaje ya dauki gidan nan yasa shi a caca? Yanxun an cinye gidan ki fada min a ina zamu koma da zama?

Cikin fushi kawu yace kaji munafikar yarinya nine nayi san kai ko ke? Ya nuna samha da hannunsa sannan yaci gaba da cewa aisai da nace kuyi kokori ku rika sato kudin da yawa, amma saboda kun daukeni shashasha kullum rana da wata dubu ishirin din banza kuke dawo min wata ranar ma basu kai hakan, waye ma ya sani ko boyewa kukeyi,
.
Tsaki yayi sannan ya matsa ya jingina bayan sa da bango kafarsa ta dama ya dora jikin bango ta baya, sannan yaci gaba da cewa yanxun ku fadamin miye mafita? Kowa yayi shiru, kawu yace to kada Allah yasa kuyi maganar ke samha idan na gudu sai naga ubanda zai nuna miki babanki,

Da sauri samha ta mike tare da daga hannunta alamar kawu ya saurara, dariyar keta yayi tare dayi ma samha wani irin kallo wanda shi kansa baisan dalilinsa nayin hakan ba, kusa dashi samha ta matsa tare da cewa kawu fadamin mafitar da kake ganin itace ta dace muyi,

Murmushi kawu yayi sannan yace abinda zakuyi yanxun shine, ku fita aiki tun yanxun ku fara da tashar mota kasuwa gidan kallon kwallo shagunan mutane gidanjen mutane kai ko a masallaci ya kama idan har kuna ganin zaku sami kudi ku shiga kawai ku kwamaso min kudaden mutane kai harma chochie ban cire mata hula ba dan inyamiran nan kudade ne dasu kamar hauka, yusra tace kawu ai tunda kace hada masallaci ai zance chochi duk aikin banza ne, kawu yace rufe min baki munafika bada ke nake magana ba, sakara da kikaje namiji ya karya miki hannu, shiru tayi ba tare data sake cewa komai ba,

Gefen hijabi samha tasa ta goge zufar goshin tare da cewa haba kawu? Abun kuma ya tashi daga sane wa mazaje zamu koma fashi? Kawu yace to ai wannan hanyarce kadai zata kawo kudi da sauri, samha tace amma kuma kawu hada masallaci? Kawu yace hmm yarinya kina wasa da lamarina, jinjina kai samha tayi tare da cewa hmm itama,

Juyawa tayi ta kalli kausar sannan tace tashi mu tafi, kawu yace itama mai karyayyen hannun ta tashi ta biku, wani iri samha tayi da fuska kamar taji warin tusa, sannan tace haba kawu da wane zataji ne? Kawu yace can matsalarta yayi maganar ne tare da daga kafadarshi, sannan yaci gaba da cewa kinga gobe idan ya kama hannun zai karya saita karya nashi itama, ai da haka ake koyon jarumta, matsoraci bazai taba zama gwani ba, ku tashi da Allah ku tafi kafin wasu su rigaku ya karasa maganar cikin daga murya,

Babu musu Yusra ta tashi tabi bayan su samha suka fita daga gidan, suna fita samha tace yawwa Yusra a ina zan samu wannan dan iskan yaron ne? In rama miki abinda yayi miki kafin iskancinsa yazo kaina? Yusra ta tallabe hannunta mai ciwo sannan tace mu fara zuwa dai aikin idan muka samo kudin sai muje ta wurin shi, Samha tace haka nake so, to muje,

haka sukaci gaba da tafiya, suna sane mutane , saida suka gama da cikin gari sannan suka nufi wurin, wurin training ne kuma wurin an kayata shi da abubuwan burgewa sosai wurine bana wasan yara ba, an tanaji wurin dan manyan masu kudi suzo suci ma kudin su uwa, duk wanda ka gani a wurin hakika kasa tasan da zamanshi, ga abubuwan motsa jiki nan masu burgewa, kowa ka gani harkar gabansa yakeyi,

Tun daga nesa yusra ta hangoshi idanuwa ta zaro sosai tare da cema samha yawwa gashi can, ta nuna wurin da hannunta, hmmm shi kuma basu san yafi su bariki ba, tun shigowarsu ya gansu, dan haka yau yayi alkawarin sai ya kama samha da hannunshi kuma sai yayi mata dukan rabani da yaro,

Amma matsalar da take damunshi shi baima san waye samhar ba, amma lallai idan ya kamata sai taci ubanta da kyau da kyau, wai kamarshi zatayi mashi sane? Tsaki yayi a bayyane sannan ya ciro wayarshi daga cikin aljihu ya duba lokaci, murmushi yayi da gefen bakinsa sannan ya sake wurin tsayuwa,

Samha tace yawwa wancan dan iskan ne ko? Ta nuna wurin da hannunta Yusra tace Eh shine, ita samha bata sanshi ba, ita kuma yusra lokacin data nunashi hankalin samha ba wurin yake ba, dan haka ba tare data tabbatar da shine ko bashine ba samha tace to kuyi maza ku fita dan ina zuwa zan sara mishi wukar nan bisa keyar shi, sai naga yakai yanayin mutuwa sannan ince ya bani m card din, Yusra tace kedai kada kiyi hukunci da wuka danshi da bindiga yake harbi,
.
Samha tace da Allah gafara can banza wanda kika rako mata bindigar shin banza, yusra tace to keda baki rako mata ba Allah ya bada sa'a tana fadin haka tayi gaba, kausar kuma tabi bayan samha suka matsa wurin,

Mutumin da yusra ta nuna mata tana zuwa kusa dashi ta daga rigarta ta ciro wukarta, daf dashi ta matsa a hankali tanayi tana waige waige , shi kuma ganin sun shigo cikin mutane sosai yasa shi fitowa daga inda ya boye, bodyguard dinsa ya  nunawa kausar ba tare da sanin ba itace samha ba, yace ya dauko mishi banzan yarinyar can yaci gaba da cewa yau din nan sai nayi mata lullusar fitar hayyaci, a daidai lokacin da samha ta yanki bayan wanda yusra ta nuna mata da wuka,

Lokaci guda yayi wani irin ihu wanda ya jawo hankalin duk mutumin da yake wurin, ba tare da jin tsoro ba ko fargaba samha ta basar kamar ba itace tayi yankan ba, da gudu mutane suka iso wurin tare da tambayar lafiya? Cikin kuka yake nuna bayansa tare da cewa wata kauranya ce ta yankesa a bayansa,

Ita kuma samha wannan taron da mutane sukayi ya bata damar ci gaba da saka hannunta cikin aljihunsu tana ci gaba da sane masu kudade, saida ta gama tattara kudin kaf sannan tayi waje, nan ta barshi yana ta kururuwa kamar mace mai nakuda,

Tana fita inda yusra take tsaye taje, tana bata labari yaufa ta yanke banzan yaron nan taci gaba da nuna mata yanda yake kuka, tana buda bakinta tana gwadawa tace sakaran banza, gyara tsayuwarta tayi tare da daga kanta sama ta dora hannunta saman bakinta tana girgiza kanta tace amma fa bai wani yanku sosai ba, sauko kanta tayi tana kallon yusra sannan tace kiyi hakuri gobe zanzo in karya mishi hannu kamar yanda ya karya hannunki amma fa kiyi hakuri, sai kuma maganar m card dina, dan gajeran tsaki tayi tare da cewa bari in koma,

Tana juyawa da niyar komawa taga kausa ta fito a guje ga wani murdeden kato yana bin bayanta da gudu, da sauri samha tayo baya, ita kuma kausar tayo bayan samha ta boye, kallo daya yusra tayi mishi ta zungura da gudu saboda kalar ban tsoro gareshi, cikin tashin hankali samha tace ya akayi ne? Ka wani zo a gabana kayi min tsaye sai huci kake kamar ka kada giwa?

Cikin daga murya mai kalar bada tsoro yace cire wannan munafinci da kika rufe fuskarki dashi, cikin rashin tsoro samha tace idan kuma ban cire ba fa? Yace yanxun nan kici ubanki, girgiza kai samha tayi tare da cewa mudaici uban juna, cikin fushi yayo kan samha tare da niyar kamo mata wuyan hijabi da sauri ta zaro wukarta ta yanki hannunshi,

Cikin sauri yaja da baya tare da rike inda samha ta yanke shi, sannan yace dama kece samha? Rike kugu samha tayi itama tace kaine dan iskan daka anshi m card dina? Wata irin dariya yayi tare da cewa zaki ci ubanki bari in kira mai gida, daure fuskarshi yayi sosai sannan yaci gaba da cewa yau idan ya kamaki duk ubanda ya tsaya miki a garin nan sai yaci uwaki barauniyar banza, yana fadin haka ya juya da sauri dan komawa ciki,

wannan kalma daya fadi ma samha ta barauniya ta tsaya mata a rai kuma tayi mata ciwo sosai, dan haka ta daga muryarta sosai tare da cewa kai!  Ji nan mana, juyowa yayi ba tare da yayi magana ba, samha tace idan kaje kace ma mai gidan naka inji samha , nima idan na kama shi sainaci kutumar duma du,
.
Tana fadin haka tace ma su kausar mu tafi, juyawa sukayi sukayi tafiyarsu, napep suka samu suka shiga, har suka isa gida samha zuciyarta tana mata zafi saboda kalmar barauniya da aka kirata dashi,

Shi kuma da gudu ya isa wurin yana cewa ranka ya dade ga mai memory card can a waje, ba tare daya kalleshi ba yace tana ina?  Daga saman benan ya leko dan hango inda yabar su samha ya  nuna mishi samha, amma babu kowa a wurin, cikin girmamawa yace ranka ya dade sun tafi,

Kanshi ya jinjina alamar gamsuwa sannan yace ashe wuka tazo ta kasheni dashi, Allah ya tsareni, duk ranar dana sake ganinsu wurin nan saina ci mata mutunci,,, tsaki yayi sannan ya dauki robar ruwan dake gabanshi ya fara sha, saida ya gama shan ruwan  sannan yaron sa yace ranka ya dade kaga inda ta yankeni da wuka, ba tare daya kalli wurin ba, yace wato kauranyace, ga sane ga yanka,

Wanda samha ta yanka da wuka kuma an kaishi asibiti ba wani yanka bane sosai gaskiya, dan kadan ne ta mishibai wani yanku sosai ba dressing akayi masa kawai suka tafi gida,

Tunda su samha suka koma gida, kawu sai raba idanuwa yake yana kara irga kudin, saida ya gama sannan yayi tsaki tare da kashe yusra da mari kuma ya mari kausar amma bai mari samha ba, sannan yace wannan dan kudin shine kudin siyen gida? To wallahi ko giya basu isana sha, idanuwa samha ta zaro tare da cewa haba kawu? Kudi masu yawa haka duk zaka tattara kasha giya dasu? Kallon samha yayi sannan yace samha insha giya insha sigari inyi caca kona kodin da benalin ban samu ba, a hakan ma wai maleji zanyi, ya watse kudin kasa tare da cewa fadamin taya zasuyi su isheni?

Kallon yusra yayi tare da cewa daukomin giya a frij, yusra ta tashi a hankali tana rike hannun ta mai ciwo, taje ta bude frij ta fiddo mishi giya ta kawo mishi, haka ya balle murfin ya fara sha, tashi yayi ya fita daga dakin yana ci gaba da shan giyarsa,

Kawu yana fita kausar ta matso kusa da samha tare da cewa samha Allah ya rufa miki asiri, samha tace miye? Kausar tace wallahi mu rufa ma kanmu asiri mu sake wurin sane, dan kinsan Allah wannan mutumin ya kamaki saiyaji miki ciwo, kausar taci gaba da cewa wasu katti ukku yasa su rikeni, Allah ya taimakeni na cire nikaf dina ina ta bashi hakuri nace ba nice samha ba, samha nidai shawara daya kiyi hakuri mu daina zuwa wurin nan,
.
Samha tace ga inda muke samun kudinmu? Miyasa zamu daina zuwa wurin? Yusra tace wallahi wannan mutumin idan ya kamaki saikin kwammace kida da karatu, kausar tace da harbina zaiyi da bindiga nayi ta bashi hakuri ina ce mishi ba suna na samha ba wallahi na bashi hakuri sosai amma saida ya mareni yana kokarin harboni in fado daga saman bene in mutu,

Samha tace barshi ni zan harboshi ya fado daga saman benan ya mutu kowa ya huta,  can kuma tayi nazari sannan tace yawwa ku barni nasan maganin dan iska, yusra tace miye zaki mishi? Samha tace sunan sa kawai nake so ku nemo min, tsaki yusra tayi tare da cewa mi zakiyi da sunan sa? Samha tace muyi kokarin samun sunansa, ni matsalar ma bazan ganeshi ba, tunda gashi naje caka mishi wuka na yanki wani daban, kausar tace idan dan suna baki da matsala, samha tace Allah ya kaimu gobe lafiya, gaba dayansu suka amsa da ameen,

Samha tace ma kausar da Allah dan tashi kice ma kawu ya bamu abinda zamuci danni wallahi yunwa nakeji, daga waje kawu yace ga abinci nan kuxo ku dauka, kausar taje ta dauko abincin sannan dawo daki,

Saida dare yayi sosai sannan kawu ya shigo gida yana kiran sunan samha, tanajinshi amma tayi mishi shiru, dukan kofar dakinsu ya farayi tare da cewa samha yayi maganar ne cikin muryar "yan kwaya, cikin bacci kausar taji dukan kofa dan haka ta tashi a hankali tare da cewa samha kawu yana magana fa,

Samha tace naji shi kada ki sake magana barshi yayi ta haukansa, saida ya gaji da iskancinsa sannan ya wuce dakinsa ya kwanta,

Haka dai samha da yusra da kausar sukayi ta bige bigensu suna sace kudaden mutane , duk da ciwon da yusra take fama dashi kawu yace dole sai taje anyo aiki da ita a haka dai suka samu suka hada kudin gida da kawu yaje yasa shi a caca, suka biya kudin,

Yusra tayi kokarin yin binciken sa kamar yanda tayi alkawari, kuma ta samu ta samo sunan sa, Hydar Naseer Hamza, yanda ta binciki sunan sa haka tayi kokarin sanin waye shi, amma hakan dai bata samu ba, andai fada mata cewa mamanshi da babanshi sun rasu sanadiyar hadarin jirgin sama da suka samu, dan gajeran tsaki yusra tayi tare da cewa amma fa gaskiya bana tunanin daidai aka fadamin,

Yusra ta kara da cewa amma gaskiya samha ki fita harkar mutumin nan kima daina wani maganar m card dinki, ki barshi da Allah, dan wallahi yayi rantsuwa idan harya kamaki sai ya tilloki daga saman bene, kuma kindai ga benan wurin nan hawa biyar dan kafin ki kawo kasa inajin rai yayi halinsa, samha ina shawartarki kiyi hakuri ki fitar harkasa wallahi, murmushi samha tayi sannan tace na ranste da girma Allah saiya bani memory card dina, banda kike mahaukaci inma barmishi da m card lallai ma yusra banma taba samun dan iskan daya raina min hankali irinki ba, ashe haka nan nake kokarin ma wannan dan iskan rashin mutunci ga babbar "yar iska a gida ina tare da ita, shin a hannunwa ma ya anshi m card din idan ba'a hannunki ba? To idan har kika bari na zare hannuna a lamarin saiki anso shi da kanki, yusra tace Allah ya baki hakuri,

Saida sukayi kalaci sannan suka fita daga gida, dan yau sunyi sati biyu basuje wurin ba, lokacin da suka isa wurin babu mutane sosai, yusra ce ta fara hango yaransa suna shawagi a wurin, dan haka tace ma samha taho muje,,

Shi kuma yana zaune saman wani abu amma idan ka ganshi zakayi tunanin tsugunne yake, wani karfe yake dagawa da hannu daya yana kallon su samha da sukeyowa wurinshi amma idan ba shiba babu wanda ya isa ya  gane cewa su yake kalloba, ganin sun kusa isowa wurinsa yasashi yin,

Murmushi yayi sannan ya mike ya fara tafiya cike da izza yabi wata hanya ya shige, kausar tace samha ya gudu tana nuna mata inda yayi da hannu,  itama a hanzarce samha tayi wurin dan bin bayansa, shi kuma yana shiga a aljihunsa ya ciro marX ya rufe fuskarsa ko miya sa yayi ? Oho

Yana sakawa ya boye a bayan kofa, samha a guje ta shiga wurin tare da rike kofar tana dan kalle kalle ta nasu kamar wanda za'a cakawa allura so kawai take taji ta ina zata jiyo motsin sa? Hannuta kuma dayan yana saman kugunta daidai inda ta soke wukarta, su yusra ganin samha ta shiga a guje yasa suka fita daga wurin suka koma waje suka tsaya,

Ganin tsayuwar bata fishshesu yasa yusra ta fara kiran wayar samha, samha dake tsaye ta rike kofa jin shigowar wayarta yasa ta maida hankalinta wurin wayar, ganin yusra ce yasa ta dauki wayar sannan tasa earpies a kunne ta mayar da wayar cikin aljihun wandonta dan wannan itace sana'arsu idan sukaje sata haka sukeyi sai suyi ta magana a haka, bayan ta mayar da wayar a aljihu ta fara magana cewa yusra ya akayi ne?

Ajiyar zuciya yusra tayi tare da cewa samha kin ganshi samha tace A, a, yusra tace to kada ki kashe waya don Allah ina ganin a haka hankalina zaifi kwanciya samha tace to babu damuwa,

A hankali samha ta fara tafi tana shiga cikin wurin sadaf sadaf kamar tana tafiya saman wuta harta shiga ciki gaba dayanta, tana shiga ta fara dube dube,  jin an rufe kofa yasa samha juyowa da sauri tace Ah kamar wanda aka watsa ma ruwan zafi,

*
Da sauri ta fizgo wukarta daga cikin kugunta tayi mata rikon kirki, rikon da tayi ma wukar yana nuni da idan ya masto kusa da ita tou pha lallai sai tunbinsa yasha iska,

A hankali hydar ya fara tafiya dan ya isa kusa da samha, samha ganin yana tun karota yasa ta jefa mashi wuka, da sauri ya goce wukar ta wuceshi ta soki bango,
.
Juyawa yayi ya kalli wukar lallai fa a bango ta shige, jinjina kansa yayi tare da maida dubansa wurin samha a ranshi yace dafa ban goce ba shikenan data sameni,

Dauke fuskarsa yayi daga duban samha sannan ya juya inda wukar ta soke, ya zarota yayi kan samha da ita, idanuwa samha ta zaro tare da cewa idan ka sokamin nima saina caccaka maka ita harsa naji baka lumfashi,

Baiyi magana ba ya fara matsawa saida ya kusa isa kusa da samha sannan shima yayi jifa da wukar kamar yanda tayi mishi, a tsautsayi kuwa wukar ta soki gefen kafadar samha, wata irin kururuwa samha tayi tare da cewa nika soka da wuka? Saina kasheka ta karasa maganar cikin disashewar murya saboda zugin da takeji a wurin,

Yusra dake waje tasa earpies a kunnenta suna magana da samha, jin samha ta ambaci wuka yasa tayo ciki a guje tare da cewa jama'a ku kawo dauki, shi kuwa baibar samha a haka ba wata wayar wuta dake bayanshi ya dauka yaci gaba da dukan samha, tare da cewa ni sa'arki ne zaki zo kina  min sane? Bakaji ina magana? Idan kika kuskura kika sake tabani kina man sata saina gundile mike hannu,

Yana dukanta yana tambayarta kamar uwa tana dukan danta, rike wayar wutar samha tayi gam, sannan tace nika caka da wuka ko? Ta jinjina kanta alamar tambaya, samha taci gaba da cewa da wukar ta soki zuciyata fa a maimakon gefen kafada ta fa? Hawayen azaba ne suka gangaro mata daga idonta, samha taci gaba da cewa to lallai idan har kaga na cire wannan wukar daga inda ka cakamin shi tou pha lallai na tabbatar an gitta gawarka a mankara  za'ayi maka sallah dan kaika kabari,

Samha taci gaba da cewa saina kasheka, da kaina zan kashe ka kayi mutuwa irin ta karnuka, jin samha tace saita kashi shi yasa hydar ya fara kokarin yaye mata nikaf din data rufe fuskarta dashi dan yaga fuskarta, amma ya gagara, yusra kuwa cikin waya sai cewa take samha wai miye? Kiyi magana mana, samha tayi shiru, su kuma mutanen da suka taru a bakin kofa ganin baza a bude ba yasa suka fara harbin kofar da karfi dan jiyo muryar samha tana saita kashe hydar,

Shake mata wuya hydar yayi tare da cewa nine zaki kashe? To kasheni gani a gabanki maza maza, maza kasheni da Allah rike kanta yayi sosai yana kokarin fara buga mata shi a bango, jikinta na rawa takai hannunta cikin aljihun wandonta ta ciro wata "yar karamar wuka dakel tana cirota ta cakawa hydar a hannu tare da cewa an fada maka maza suna tabamin jiki ne? Wato maganar daya fadawa Yusra cewa waye ya fada miki mace tana taba min jikinshi? Shine samha ta fada mishi itama,

Jin samha ta soka mishi wuka a hannu yasa ya rufe samha da duka babu ji babu gani yana dukanta yana halbina yana tattakata, amma duk bala'in da yake mata baisa samha ta cire wukar daya soka mata a kafada ba,

Haka yayi ta dukan samha har aka bude kofar, bodyguard dinsa ne a gaba wurin shigowa suna shigowa sukayi  wurin da yake dukan samha da sauri suna rikeshi amma sai kara kaiwa samha harbi yakeyi yana kokarin kwacewa daga rikon da sukayi mishi,

Sai nuna samha yake da hannu amma ya kasa magana, su kuma su yusra suna shigowa suka kama samha dan tafiya da ita, amma samha sai kara jaddadawa hydar takeyi saita kasheshi, da ido kawai yake bin bayan samha da kallo a zuciyarshi kuwa shine kadai yasan abinda yake burin yi akan samha, su samha suna fita ya cire abinda ya rufe fuskarsa sannan yayi kyakkyaean murmushi,

Ranka ya dade wannan ai ba aikinka bane, saboda waccan "yar yarinyar ka tsaya kana bata ranka?  Bodyguards dinsa sunfi su goma a gabanshi suna bashi hakuri tare dayi mishi alkarin zasuyi mishi maganin samha, murmushi yayi tare da cewa kada wanda ya taba ta, su barta dashi, yana fadin haka yayi gaba da sauri suka bi bayanshi cikin girmamawa,

Lokacin da su samha suka isa gida har masassara ta rufeta saboda wukar dake cikin jikinta, kawu kuwa yayi masifa yayi babbar bala'i saboda an cakawa samha wuka, kuma yayi alkawari sai ya rama abinda akayi wa samha,
.
Juyin duniya babu wanda kawu baiyi ba aje asibiti a cire wukar ayi mata dressing amma fur samha tayi rantsuwa sai gobe za'a cireta kuma sai taje da safe wurin da suke training din taci mutuncin hydar sannan taje asibiti a cire mata wukar,

Babu yanda kawu ya iya haka ya hakura ya fita daga dakin tare dayi ma samha alkawarin sai yasa hydar bakin ciki tunda har yasa samha kunci,

Saida kawu ya fita daga dakin sannan samha tayi murmushi tare da karkatawa ta fiddo wayar hydar daga aljihunta da hannun haggunta mikawa kausar wayar tare da cewa ya kwace min m card dina da karfin sa, ni kuma na kwace wayar banza da hikimata da kwarewata wurin iya sane { sata },

Gaba dayansu suka sheke da dariyar mugunta, yusra tace kai amma samha baki da dama, murmushi samha tayi tare da cewa a to, ai nafishi rashin kunya kuma ni nafishi taurin kai, saima gobe zai tantance haka, kinga yau sai ya kwana da bakin ciki a zuciyar sa rashin wayarsa a kusa dashi, haka dai taci gaba da kudiri a ranta,

Daren ranar nan samha bacci ya gagareta, banda nishi babu abinda takeyi , sai kwalla dake diga daga cikin idonta a hankali ta tashi zaune ta jingina bayanta da bango, ta dukar da kanta kasa, tana sauke ajiyar zuciya, kausar ce ta farka tare da cewa samha sannu, ba tare da samha tayi magana ba ta jinjina kanta alamar yawwa,

Kusa da ita kausar ta matso sosai tare da cewa tun da daddare ake kiran wayar nan amma ban dauka ba, dana gaji ni kuma kawai saina kashe wayar baki daya,  sahma tace to,

Da safe kuwa tunda samha ta gama sallah asuba take zaune ta tsurawa agogo ido tana jiran lokaci yayi, tana nan zaune har lokaci yayi tace ma su yusra suje,

Gaba dayansu suka tashi suka fita ko kalaci basu tsaya sunyi ba, suna fita suka samu napep ciniki sukayi dashi sannan suka shiga suka tafi,

Suna zuwa suka sallami mai napep sannan suka shiga cikin wurin gaba dayansu, haka suka gaji da dube dubensu amma basu ga hydar ba, samha ta kyalkyale da dariya tare da cewa dan iska yaji tsoro kenan, Yusra tace to mu tafi tunda baizo ba muje asibitin don Allah ko munyi mun gama da wuri danni wallahi banajin dadin jikina so kawai nake in kwanta,

Juyawa sukayi suka fita har suna kokarin shiga napep motocin hydar suka fara shigowa wurin, tunda hydar ya hango su samha yayi sauri ya rufe fuskarshi kamar yanda yayi jiya, bayan motocin sun gama parking ne aka bude ma hydar dan ya fito, a hankali ya ziro kafarshi daya amma har yanxun bai fito daga motar ba,

Ganin yana raina musu hankali yaki fitowa yasa samha tayi wurin cike da masifa, tun kafin ta isa bodyguards dinshi sukayi kanta, hydar yace su barta tazo, matsawa sukayi suka bata wuri ta wuce har kusa dashi sannan ta rike murfin motar, ba tare daya kalleta ba yace ya akayi ne? Tace magana ta farko ka kalleni ka gani,

Yace bana bukatar kallonki fadamin abinda kuma kike nema a wurina? Samha tace zuwa nayi in nuna maka wukar daka sokamin jiya gata a jikina, murmushi hydar yayi wanda baizo cikin bakinshi ba iyakar murmushi a zuciyarsa, sannan yace naji, sai kuma mi? Samha tace dama dan in fada maka yanda nabar wukar nan ta kwana a jikina saina kasheka,

Hydar yace tou, daga nan kuma sai mi? Samha tace sai ka bani m card dina, hannunsa yasa a aljihunshi ya ciro m card din, nan nade a tissue ya mika ma samha, kafin samha ta amsa yace to yanxun dai babu wani abu tsakani na dake, dan haka idan na sake ganinki a wurin nan kinsan Allah duk wanda ya tsaya miki a garin nan saina lalata miki fata da duka, yaci gaba da cewa maganar wayata kuma itama ki dauka na bar miki amma ki cire layikan ki kayarsu, yana gama fadin haka ya fito daga motar ya raba ta gaban samha ya wuce,

Yana wucewa samha ta daga muryar ta tare da cewa anje anzo kuma bazan fasa zuwa ba idan gidan baban mutum ne sai in gani idan ya isa ya hana inxo, shidai baiyi magana ba kuma bai waiwayo samha ba kuma baiyi magana ba ya wuce abinsa, mabiya bayansa kuma suka bishi dan take masa baya,

Tsaki samha tayi tare dayin magana kasa kasa cewa ai tunda ka bata ma samha rai to lallai sai samha tasa ka kunci harsai ka bar garin nan, Kausar da Yusra a tare suka iso wurin tare da  tambayar samha abinda yake faruwa tsakaninta da hydar, tabe baki tayi tare da cewa muje kawai,

Haka suka dunguma zuwa asibiti, likitan da zaiyi ma samha dressing ya fara fada wai tabar karfe yakai wani lokaci a jikinta, cikin masifa samha tace kai da Allah malam rufe ma mutane baki kai nan har wani kokari gareka? Namiji da aikin allura idan so kake ka nuna gwaninta kaje ayi yaki dakai ko ka tafi aikin soja, kainan har wani ji kake kai wani ne? Tsaki tayi tare da cewa bari a caka wukar a jikinka muga kai idan kana iya yini da ita? Shidai baiyi magana ba, samha taci gaba da kwaikwayon maganarsa miya sa kika bari karfe yakai wani lokaci a jikinki? Kaza kaza, dan rainin hankali kawai dakai,

Dan gajeran tsaki samha tayi sannan taci gaba da cewa nawa ne kudin ka? Yace ni bazanyi miki aiki ba, samha tace ka huta nima matsamin akayi saina cireta banda haka ai ina da aikin yi da bazan ma saurari lamarin wata wukar banza ba bare har inyi kokarin rabata da jikina, mikewa tsaye tayi tare da cema su yusra muje da Allah,
.
Ganin samha tana kokarin fita yace zo, juyowa tayi tace miye? Yace zo in cire miki, dariya samha tayi sannan tace ashe dai ana so ake kaiwa kasuwa, a daidai lokacin data zama sannan taci gaba da cewa mahaukaci da bafullata yace mai nono kawo, bayan tazo mahaukaci yace sauke, ta sauke yace samin na ishirin ta zuwa nashi sai mahauci yace shanye,

Ba fulatana ta daga ta shanye, mahaukaci yace karo na ishirin, ta kara mishi ya sake cewa shanye, haka yayi ta sawa tana zuba nono tana shanyewa har saida nono ya kare, sannan mahaukaci yayi dariya yace munafika ashe dai anaso ake kaiwa kasuwa, doctor kaima fa irin abun kayi, dariya yayi bamai yawa ba sannan yace ni ba kudinki nake so ba kawai tausaya miki ne,

Samha tace to godiya nake likita bokan turai, saida ya gama dressing ya rubuta mata magunguna, samha tayi godiya, doctor yace bayan kwana biyu ta dawo dan a kara duba mata hannun, godiya samha tayi sosai, sannan suka tafi,

su samha na fita doctor yayi murmushi a bayyane yace kai yarinyar nan kangararrace, Allah ka kara shirya mana zuri'a niko nace amin,

Haka dai samha taci gaba da kula da hannunta, kuma tana zuwa wurin doctor dressing kamar yanda yace, kuma doctor yayi juyin duniya samha ta bashi number su rika gaisawa sai tace mishi kawunta ya hanata magana da maza, daya matsa mata tace to saidai ta bashi number kawun, doctor yace baisan na kawu, kuma yayi ta fada gidansu amma taki, haka dai samha tayi jinyar hannunta har ta warke,

Tunda hydar yayi ma samha kashedi da wurin training nasu ita dai ta daina zuwa kwata kwata amma su yusra suna zuwa,

A kofar dakinsu samha kawu tsaye sai kwarara sallama, yakeyi, daga cikin daki samha ta ansa sallamar, kawu yace samha mi kikeyi ne yanxun? Tace ba komai kawu yace to fito, samha tace to, tashi tayi ta saka hijabi sannan ta fito tsakar gida,

Kawu yace maza maza kiyi wanka zaki rakani anguwa kuma ba wannan zundumemiyar hijabin zaki saka ba, kallonshi samha tayi sannan tace idan ban saka hijabi ba mi zan saka? Ledar hannunshi ya mika mata ba tare da yayi magana ba, ansa samha tayi ta fara dubawa, kaya ne a ciki, fiddo kayan tayi ta fara dubawa riga da skart ne da gyale sai takalmi da jaka masu kyau,

Sake maida dubanta tayi wurin kawu sannan tace kawu a ina ka samu kudi? Murmushi yayi sannan yace kedai ki shirya muje, itama murmushi tayi sannan ta juya ta koma daki,

Babu wani bata lokaci samha ta fito cikin shiga mai kyau da kama hankali, shima kawu zugewa yayi cikin kananan kaya sannan ya kawo glass mai kyau ya dora a fuskarshi yayi kyau sosai, ba tare daya kalli samha ba yace muje,

A cikin mota kawu ya dauki samha, samha an wani kashe a gidan gaba, duk wanda ya kalli samha sai ya sake kallonta, tafiya yake da motar cikin natsuwa har suka isa inda zasuje kawu baiyi magana ba, bayan yayi parking ne ya fiddo wani glass ya mika ma samha,

Ansa samha tayi ba tare da ta tambayi kawu glass din miye ba? Kallonta kawu yayi sannan yace saka, sakawa tayi ba tare da tayi gaddama ba ko tambayar kawu glass din miye ba,  kawu yace kinga wannan glass din na fuskarki? Samha tace Ey, kawu yace to zai rika hango miki numbobi na jikin catin cacarmu idan kin gani saiki fadamin,  anshi wannan ya sake mika mata tare da cewa saka a kunnanki, samha ta ansa ta saka shima batayi musu ba, bayan ta saka kawu yace kinga wannan abun na kunnenki? Samha tace Ey kawu yace to ko ina da nisa dake zakiji maganata sannan kuma nima idan nayi magana zaki ji, samha ta daga kanta alamar gamsuwa,

Kawu yace fita muje, bude mota samha tayi ta fita, shima kawu fita yayi sannan ya rufe motar yace ma samha muje, jerawa sukayi suna tafiya har suka isa cikin wurin,,,,

Suna shiga gaba daya kallo ya dawo kansu, kawu kuwa aka wani fiddo sigari aka kunna mata wuta ya kaita ga bakinshi ya fara ibar hayaki yana wani daddaga kansa sama yana fiddashi cikin iskanci, abokan kawu yan duniya suka fara ihu ganin abokinsu yazo da mai zafi,

Bayan sun isa wurin mutane kawu ya fara gaisawa da abokansa, sannan ya matsa inda ake siyar da giya, dan wurine na tantiran "yan iska, ga karuwai nan iri iri, masu caca sunayi masu lalubar mata sunayi masha nashan giya , to shima kawu saida yasha yayi tatul saida ya gama sannan yace ma samha suje,

Bin bayanshi tayi har ya isa inda ake wasan caca, kujera kawu yaja ya zauna, sannan ya nunawa samha wurin zama kusa dashi, bayan sun zauna ne, kawu ya gabatar da samha a wurin abokan wasan cacarshi fadin sunanta daga karshe kuma ya rufe musu da cewa amanarshi ce, wani dan duniyar abokin kawu ne irin "yan iskan nan yace wowww samha is gud ai da kyau da kyau  da kyau yana wani iskanci da idanshi , hannu kawu ya daga mishi sannan yace ku saurara,

Gaba daya sukayi shiru amma hankalin kowa yana kan samha, kamar yanda suka saba idan zasu fara wasan caca, yauma hakan ta kasance, mai gabatar da shirin caca ya mike tare da cewa kowa da kowa ya saurara, gabaki daya wuri yayi shiru kamar irin abun nan da yara suke cewa wai mutuwa ta ratsa , to haka wurin yayi shiru bakajin karar komai sai karar fanka,

Bayan kowa da kowa yayi shiru, ya fara da cewa yau wasa ne tsakanin kalifa Abbas, wato kawu,  sai kuma abokin wasan nasa wato kamal dan cinna, dan haka kamal ya saka naira na gugar naira har naira dai dai dai har naira miliyan daya sannan ya daga jakar kudin, gabaki daya wurin ya dauki ihu da sowa, bayan an tsagai yace shi kuma yau kalifa Abbas da wani sabon salon yazo, dan Allah kalifa miko naka, kawu ya tashi tare da kama hannun samha suka isa wurin,

Mai gabatar da shiri yace dan Allah jama'a ku saurara ina san kowa da kowa ya bani aron hankalinsa, bayan kowa yayi shiru kuma kowa ya zubo idanuwa yana kallon sa, yaci gaba da cewa kunga wannan zukekiyar yarinyar? Gatanan dai san kowa kin wanda ya rasa gata da kyakkyawar fuska, kuma gata mai dirin gaske ga kyakkyawan hanci sannan kuma ga ta da kyakkyawan gashi wanda yake kwarara a tsakiyar gadon bayan ta kamar kunfar teku, kunga duk kyawun yarinyar nan da tsaruwarta da haduwarta, da manyan idanuwanta masu firgita mai kallonta wai kalifa yace idan har akaci shi a caca tofa lallai ya badata a maimakon kudi, gaba daya wurin ya dauki ihu mutane suna kururuwa kamar karnuka sunga karya, yayin da wasu suke cewa sunayin cacar kowa yaci gaba da sako kudade masu yawan gaske, dan kowa yana san ya ciyo samha a natsayin kautar caca,

Murmushi kawu yayi sannan yaja hannun samha suka sauko daga inda kowa da kowa yake kallonsu, dawowa sukayi suka zauna a tebirin cacar yayin da mutane suka zagaye tebirin da ake gabatar da shirin wasan caca dan kallo, kowa ya zuba ido dan ganin waye zai ciwo samha a shirin wasan caca, bayan kowa ya natsu shirin wasan caca ya fara,,

*
*

Kamar yanda kawu ya fadawa samha haka taci gaba da fadawa kawu nombobin da take gani,

Haka akaci gaba da buga wasan caca, kawu saida ya lashe duka kudaden da aka dora mishi, lokacin da wasa ya tashi wurin ya kideme wanda basu samu samha ba sunyi bakin ciki sosai,

Kawu kuwa ya tattara kudadensa ya dauki wasu samha ta dauka wasu suka wuce abunsu, dama haka wasan caca ya gaji asara, dan duk mutumin dayece caca tou pha lallai yana tare da asara, wata rana kaci wata rana a cika,

A mota kawu kuwa saidai yace wuhuuuu,,, kai samha lallai nayi dace, Allah ya cikamin burina akan, yana maganar yana dariya, ganin kawu yana farin ciki yasa samha itama tayi murmushi tare da cewa,

Kawu don Allah yaushe zaka hadani da iyayena? Murmushi kawu yayi sannan ya mika hannunsa ya kamo hannun samha ya rike a cikin nasa a hankali yake dan murza hannunta, sannan yace kada ki samu damuwa kasancewa dani yafi miki dadi akan ki kasance da kowa!

Murmushi karfin hali samha tayi sannan tace haba kawu, nayi maka kokari fa kuma nayi maka hallaci na tara maka kudi sosai, gashi yanxun har ka fara sakani a wasan caca yanxun da, da tsotsayi idan wani ya cika a caca kawai zaka bashi ni, ya tafi dani, shikenan haka rayuwata zata lalace nazo duniya ban wani san dadinta ba, kowa ya rayu da iyayenshi amma ni bani dasu,

Kawu ka tausayamin ka hadani da iyayena domin gaskiya ka gurbata min rayuwata, idan har na mutu a wannan halin lallai ban dace da rayuwa ba, parkig kawu yayi da mota a gefen titi, kallon samha yayi sannan yace,

Sahma nine na gurbata miki rayuwa? Samha tace Eh mana ai idan akwai babban wanda ya gurbata min rayuwa ba kowa bane kaine, kullum cewa kakeyi zaka hadani da iyayena inyi maka sata kullum sata kullum sata ko beranya bai kaini sata ba, haba kawu kaji tsoron Allah,

Murmushi kawu yayi mai shiga zuciya sannan ya riko kafadar samha cikin kyakkyawan murya kawu mai tattare da daukan hankali yace kiyi hakuri, ki daina cewa na gurbata miki rayuwa zaki gane abinda nake nufi sai nan gaba,

Cikin damuwa samha tace kawu miyasa sai nan gaba? Ka fadamin don Allah dan in samu natsuwa a raina, wani irin kallo kawu yayi mata wanda yasa ta jin wani bakon al'amari, murmushi kawu yayi tare da dan bude idanuwanshi gaba daya yanda yayi abun yasa samha tayi saurin rufe idonta gabanta na faduwa, murmushi kawu yayi sannan yace kiyi hakuri samha duk wannan abun saboda ke nakeyi da zarar na tara kudade masu yawa zan daukeki in tafi dake in canja miki sabowar rayuwa,

Samha tace amma miyasa ka zabi wannan sana'ar ne kawu? Murmushi kawu ya sakeyi sannan ya shafa gefen fuskar samha, ba tare da yayi magana ba yaja motar suka ci gaba da tafiya, har suka isa gida babu ya sake magana,

Lokacin da suka isa gida har su yusra sunyi bacci, samha tana kokarin shiga daki ne, kawu yace samha, juyowa tayi ba tare da tayi magana ba, kusa da ita kawu ya matsa sannan yace samha 3 3 2, cikin rashin fahimtar abinda kawu yake nufi samha tayi yake , sannan ta shige dakinsu,

Shima kawu dakinsa ya shige, saida yayi wanka bayan ya gama ya shirya, inda kattin kaladun hotunan samha suke ya matsa, duk hoto daya ya cinye bango daya, a jikin kalanda daya hotunan samha ne sun kasu kashi hudu, duka bangunan daki kalanda ce daga farko bango har karshe,

Hotunan samha sunyi kyau sosai wasu tayi murmushi wani kuma tayi kalar sakata, murmushi kawu yayi sannan ya dauko jan baki kamar yanda ya saba,  yabi hotunan yana shafa musu rigar jikinshi ya cire, sannan ya matsa jikin mirrow, daidai inda ya darkaka sunan samha yakai hannunshi ya shafa, an karta fatarsa an rubuta *SAMHA* murmushi kawu, sannan ya matsa wurin hotunan samha, yace Allah ka dorawa samha kaunata Allah kasa samha ta soni ,

Haka yaci gaba da sabbatu a jikin hotunan samha saida ya gaji sannan yazo ya kwanta yana kallon hotunan samha, murmushi yayi sannan ya kalli wani hoton samha tanayin fushi murmushi kawu yayi sannan yace miye kike fushi? Kallon wani hotonta yayi wanda tayi dariya murmushi kawu yayi sannan ya tashi saida yaje yayi kissing din hoton sannan yazo ya dauki wani dan karamin hotonta ya rungume dashi yayi bacci a jikinshi,

Da safe bayan samha tayi kalaci, tace ma kausar ta dauko mata m card din data bata ajiya, bayan an dauko m card din ne, ta saka a waya dan dubawa amma a mamaki babu komai a m card din komai ya goge, sake dubawa tayi sosai amma fa ba komai har yanxun, samha tace yusra bafa komai a m card din nan, kausar tace kamar ya babu komai? Cikin sanyi samha tace dan iskan hydar din nan ne ya goge komai, wani irin lukeken zagi samha ta dirkakawa hydar sannan tace yanda ya goge komai na cikin m card din saina goga mashi bakin ciki da harya mutu bazai manta dani ba,

Yusra tace wai miye a m card din ne samha? A sanyaye samha tace bansan ko miye a ciki ba tunda ban gani ba amma koma miye nasan sakone mai mahimci tunda daga hannun a halina ya fito, ku tashi muje mu sami hydar saina ci mashi mutunci,

Haka suka tashi suka dinguma baki dayansu suka fito, suna fita napep suka hau suka nufi wurin, rabon samha da taje wurin tafi wata biyu sai yau,
.
Suna zuwa, bayan sun sallami mai napep, suka shiga, suna shiga suka fara dubawa babu hydar babu dalilinsa, a gefe kuma mutane ne sun cika sosai ga kuma "yan jarida suna ta daukar rahotanni komi akayi ne oho?

Cikin sauri samha ta isa wurin tare da tambayar lafiya? Wani dan jarida ne ya juyo wurinta tare da cewa ko kema kina da abin cewa ne? Cire nikaf din fuskarta tayi sannan tace idan har na fadi sakona zai isa inda nake so yaje ne? Dan jaridar yace mi zai hana kuwa? Murmushi samha tayi sannan tace kasan *Hydar Naseer Hamza* ne? Yace sosai ma , na sansa,

Murmushi samha tayi sannan tace to gaskiya ya shiga rayuwata sosai, ya matsamin kace mishi nace ya fita hanyana idan ba haka ba na kamashi sai na lahira yafishi jin dadi, murmushi dan jaridar yayi sannan yace anya  kina iya karawa dashi? Bakiji kirarin sunan Aliyu ba? Bakiji hausawa suna cewa Ali zaki ba?  Samha tace ni babu wani ruwana Allah ma yasa giwane ba zaki ba, kuma idan kai Ali zakin ne idan har sakona ya iso a gareka ka nunamin kai jarumine gwarzo a cikin gwarazan maza idan har ka samu sakona nasan sai kaji faduwar gaba, dan rainin hankali ka dawomin da m card dina idan ba haka ba kasan halina, irin abinda nayi maka kwanakin baya irinshi zan maka,

Dan jarida yace to ya kike dashi ne? Dan uwa ne ko soyayya, murmushi samha tayi tana tunanin abinda zata fada akan hydar dan ranshi ya baci, murmushi tayi sannan tace ma dan jarida Eh to dama maganar *SO* ne shine yake so na, kuma sosai kullum sai yazo gidanmu zance, tabe baki samha tayi sannan taci gaba da cewa kuma nace mishi bana sansa amma ya wani matsamin danni gaskiya babu soyayya a tsarin rayuwata kai hydar kayi hakuri kaji,

Dan jaridar yace to miya sa bakyasan kiyi soyayya dashi ne? Turo baki samha tayi sannan tace bashi kadai ne bana so ba, duk duniya babu abinda na tsana irin maza, bana san maza kuma bana san soyayya na tsani masu soyayya, dan jaridar yace miya sa kika sani kalmar *SO*? Samha tace kawun su waccan ne! Ta nuna inda su yusra suke tsaye, dan jaradir yace mi kawun nasu yace game da soyayya murmushi samha tayi sannan tace kawu yace *SO MUGUN WASA* ne, kuma yana fadamin wanda so ya wahalar a rayuwa wannan dalilin ne yasa na tsani kalmar *SO* da ma masu soyayyar ma maza da kuma mata baki daya amma fa banda babana,

Murmushi dan jaridar yayi sannan yace to hajiya samha nagode da wannan dan gajeran bayanin naki kuma na gamsu, miye sakonki na karshe wurin hydar naseer hamza? Samha tace sakona na karshe a wurinshi shine saina kafa maka babban tarihi a duniya sannan kuma sai kayi nadamar sani na, saboda gogemin komai da komai na cikin m card dina idan na kamaka kaima kasan sauran,

Murmushi dan jaridar yayi sannan sukaci gaba da daukar rahotan ninsu bayan sun gama suka kama gabansu, suma su samha sun danyi sane sannan suka wuce gida,

Lokacin da su samha suka isa gida kawu baya nan, dan haka suna zuwa daki suka shige, bayan dukansu sunyi wanka sunyi sallah azahar ne, suna zaune zasu fara cin abinci yusra tace nikam samha in tambayeki ne?
.
Samha tace Allah yasa na sani, yusra tace mi yasa kikayi abinda kikayi ne a gaban "yan jarida? Dan gajeren tsaki samha tayi sannan tace nama sha maganar arziki ne, daga haka bata sake magana, kausar tace gaskiya da bakiyi haka ba, samha tace ke da Allah naje nayi ya dade baisa an kasheni ba sai wani daddaga murya kikeyi sai kace dan gidanku mtswww,  ganin yanda samha ta zakalkalo yasa sukayi shiru dukansu har suka gama cin abinci babu wanda ya sake magana,

Lokacin da jarida taje hannun hydar ba karamin baci ransa yayi ba, ga abokansa "yan gayu masuji da kansu sai bugo mishi waya sukeyi suna tambayar sa maganar samha, kowa yana so yaji karin bayani daga baki hydar,

Cikin tsananin bacin rai yake basu ansa cewa shi baima san yarinyar ba wallahi a idonshi bai taba ganinta ba, saike daukar jaridar yayi da take ajiye a  gefenshi ya sake duba hoton samha, iyakar sanin sa a duniya bai taba ganin wannan fuskar ba, amma dayaji maganar m card lallai ya yadda samha ce, sannan kuma tace zai gane kurensa da irin wannan maganganun hydar ya tabbatarwa da zuciyar sa ba kowa bane "yar sane ce,  { barauniya } dan gajeran murmushi hydar yayi sannan ya daga wayarshi ya kira wanda ya kawo mishi jaridar,

Bayan yazo hydar yace a ina ka samu jaridar nan ne? Cikin girmamawa yace ranka ya dade a wurin training na gani shine na taho maka da ita dan ka gani, tsadajjen murmushi hydar yayi sannan yace in kaso jeka abinka, juyawa yayi ya tafi,

Bayan fitar bodyguard nasa, kiran wani abokin hydar ne ya sake shigowa wayarsa, hydar ya dauka suka gaisa bayan sun gaisa, abokinsa faruk yace wai abokina ya akayi haka ne? Dan gajeran tsaki hydar yayi sannan yace nima ban sani ba, amma ka barni da ita zan koya mata hankali, faruk yace gaskiya kaci ubanta sosai ka nuna mata kai ba sa'an yara bane, manyan matanma koda da kudin gidansu tarayya da hydar saida rabonsu, daga ganinta "yar gidan bani Oho ce, hydar tace miye miye bani Oho? Faruk yace talaka mana alere dangin jakai banzar ta mutu gobe ma wasu zasu kawo maka hari, bare kai da tsadaddun mata suke so amma baka da lokacinsu har diyar gidan bani oho ta kawo maka raini?
.
Dan gajeran tsaki hydar yayi sannan yace faruk ni matsalar ma wallahi yarinyar kauranyace yanka mutane takeyi da wuka, kuma ta iya salon mugunta iri iri, mutumin da yake nemanka da sharri sai kayi hankali dashi, kanaji abinda ta fadawa "yan jarida cewa bata san soyayya kuma ta tsani maza kaga dama ta fadamin da bakinta cewa itace ajalina,

Faruk yace kasa a rufe maka banza ka manta da  lamarin diyar talakawa, dan gajeran murmushi hydar yayi sannan yace wannan ba mafita bace, barta dani ni zan ladabtar da ita, faruk har ka manta da wane hydar? Ai tama yi sa'a "yan manza sunyi laushi amma har yanxun ruwa yana maganin dauda, barni da ita saina sata jinyar zuciyarta badai tace ta tsanani maza ba? Barta hydar shine mai maganin kangararun mata, haka dai sukaci gaba da firansu daga baya sukayi sallama da juna kowa ya kashe wayarsa,

Daren ranar nan kirikiri bacci ya gagari hydar, yana tunanin irin hukuncin da zaiyi ma samha, ajiyar zuciya yayi sannan ya tashi ya zauna a gefen gado, kallon agogo dake makale a jikin bangon dakinsa yayi karfe 2:04am,

A hankali ya koma ya kwantar da bayansa saman gadon sa fuskarsa tana kallon silin din dakin, murmushi yayi sannan ya shafa lallausan gashin kansa, a bayyane yayi magana cewa, "yar sane, kin hana hydar bacci,

Lallai hydar saiya kacaccala miki rayuwa, saina dasa miki baban tambarin da sai yasa kinyi a man zuciyarki, wanda so yayi ma mugun kamu ciwon zuciya sukeyi amma ke saboda kince kene ajalina shi yasa zan hukuntaki ta hanya mafi saukin mutuwa,  bazaki gane maganar  kawunki gaskiya bace saina doraki a babar cuta, wai *so mugun wasa*? Lallai  ne ke bazaki magane so ya zama mugu ba sai abun ya tattabata a kanki,

Nine mutum na farko da zan share zuciyarki in tada katangar sona a zuciyarki, kuma in koya miki so na, daga baya kuma in  rusa ta , sai na saka kin zama abin tausayi, duk kan gararki da jarumtarki bazaki iya control zuciyarki ba, saina mayar dake abin tausayi  sannan hydar zai zuke yabarki da babbar cuta a ranar zaki fadawa duniya cewa lallai *SO MUGUN WASA* dariyar mugunta hydar yayi sannan yace idan ni baki kasheni ba ni zan mayar dake dan bitin bitimi, kara shekewa yayi dariya sannan ya mike ya nufi toile, tare da kara kudirin azzatuwa da zaisa zuciyar samha,

Alwalla yayo sannan yaxo ya haye abin sallah dan ibadar dare wanda dama wannan aikin sa ne duk daren duniya baya bacci sai ya raya wannan daren,

Su samha cikin shirinsu na tafiya aikin sane, suna tsaye a gaban kawu shi kuma yana masu ban kwana zaiyi tafiyane, bayan ya gama musu ban kwana ne yace  yusra da kausar su tashi tashi sukayi dukansu amma sai yace samha ta zauna, ba musu ta dawo ta zauna,

Cikin wata irin murya kawu yace samha, ba tare data dago kanta ba tace na'am kawu yace kallarni, daga kanta tayi sannan ta kalli idon kawu cikin idonta, dararan idanuwan kawu , kawu ya fara wasa dasu cikin wani irin yanayi wanda yasa samha taji sanyi ya kamata, cikin rawar baki samha tace kawu miye? Murmushi mai narkar da zuciya kawu yayi ma samha, dan lumshe idanuwanta samha tayi sannan ta bude su,  tana ci gaba da kallon kawu, kawu yace abu na farko dazan fada miki shine ki kula da kanki babu so da kowa, mutane mugaye ne, mazan karni basa jin tsoron Allah duk wanda yace yana sanki kice a, a *SO MUGUN WASA*ne kinji ko? Kai kawai samha ta iya dagawa alamar gamsu dan kawu ya gama kashe ta murus ,

Kawu yaci gaba da cewa kuma idan ma soyayya zakiyi nine zan sama miki miji mai hankali mai sanki da yawa inyi miki aure kinji ko? Samha tace Tou , kawu yace tou 3 3 2, yake samha tayi dan bata san abinda hakan take nufi ba, dan kawu yana yawan gaya mata kalmar 3 3 2,
.
Har kawu ya mike samha tace to kawu sai kuma maganar ahalina banji kanayin maganar gidanmu ba, murmushi kawu yayi sannan ya kama hannun samha ya mikar da ita tsaye, yace gidanku? Samha ta daga kanta alamar Eh, kawu yace ai nanne gidanku yana nunawa da hannunshi, sannan yace ahalinki kuma ai nine ahalinki, wata dakikar dariya samha tayi 😬 wanda yasa kawu shima yayi murmushi,

Sannan yace muje, bin bayanshi samha tayi suna fitowa daga dakin su samha su yusra suka taso gaba dayansu suka bi bayan kawu danyi mishi rakiya, saida ya tafi sannan suma suka fita daga gidan,

Hydar yau baizo da boduguards nashi ba, shi daya ne yazo kuma tunda yazo yana cikin mota bai fito ba, kai hydar yayi wanka ya wanku sosai saboda hutu ya zauna a jikinshi, yayi gayu shi gayun da kansa zai nuna cewa hydar shine babban dan gaye, kyakkyawan gaske ga kamshi kuma kamshin maisa zuciyar mata saduda, kai hydar fa ya gama hadewa ga kudi ga mulki ga kyau ga asali , duk kangarar zuciyar mace idan taga hydar saitayi fatan ta sameshi matsayi mijin aurenta,

Lafiyayun gargasar jikinsa lulluluf sunyi kyau da jikin sa kamar ya kamasu ya jerasu a jikinshi yanda suka yi kyau, hydar yana da kyawawan idanuwa masu firgita duk wanda ya kalleshi wannan dalilin ne yasa baka iya ido cikin ido dashi, yana da hanci mai kyau wanda ya dace da kyakkywar fuskarsa, yana da girare masu kyau, idan kuma hydar yayi murmushi baka gajiya da kallonsa dan murmushi yana kara bayyana da aihanin kyauwunsa, yana da beauty point shi yasa mata suke kai masa hari, da wannan kyakkyawan surar da Allah yayi mishi shine yayi kudirin ladabtar da zuciyar samha, dan haka yau ya bude ainayin hydar din babu rufe fuska yau a bude yake,
.
Su samha suna isowa wurin suka sallami mai napep, hydar yana ganinsu yayi murmushi dagefen bakinsa, jan motarsa yayi tare da nufa inda su samha suke tsaye, glass din motarshi a sauke yake, dan haka yana isowa wurin ba tare daya bude motar ba yayi musu sallama fuskarshi na dauke da murmushi,

Da sauri yusra da kausar suka saukar da kansu kasa saboda hydar yayi musu kwarjini, gaishe shi sukayi ba tare da sun dago kansu ba, ya ansa sannan yace ina samha?

Cike da tsiwa ta rike gudunta tare da cewa ya akayi ne? Tana magana tana murguda baki a zuciyar yayi dariya tare da cewa zaki ubanki ni nafi rashin kunya, amma a fili sai yace haba keko? Zuwa nayi in baki hakurin abinda ya faru a baya, yayi maganar ne cikin sigar lallashi,

Hydar yaci gaba da cewa bayan dogon nazari da nayi naga abinda nayi miki ban kyauta ba, amma kiyi hakuri ki daina rikeni a ranki kinji ko? Murmushi samha tayi sannan tace ashe dai kaji tsoro, hydar yace naji mana inani ina karawa da babar giwa, karo dake ai faduwar gabana, masalaha da zaman lafiya shine kwanciya hankali na, bara ma kiga shedar komai ya wuce,

A daidai lokacin da su yusra sukayi ciki, shi kuma ya dage glass din motar abinda idon samha ya gani shine *I LOVE YOU SAMHA* haka hydar ya rubata a jikin glass din motar sa,

Sannan ya sauke glass din, sanyayyan kallo hydar yayi ma samha tare da cewa i love u, yanda ya fadi kalmar yasa samha taji faduwar gaba, dan tunda take a duniya babu namijin daya taba furta mata yana san ta, bude mota hydar yayi sannan ya fito, kusa da samha ya matsa cikin disasshiyar murya hydar yace don Allah ki tausaya min ki so ni, ko yane kawai kidance kina so na so daya tak nake so ki fada,

samha tayi shiru, daf da ita hydar ya matsa sannan ya yaye nikaf din fuskarta, da sauri samha ta rufe idonta, hydar ya tabbatar lallai itace samha dan hotonta ne ya gani a jikin jarida murmushi yayi tare da cewa samha saina kafa miki babban tarihi a rayuwarki, sai kinyi alfahari dani , saki nikaf din yayi , sannan ya nufi wurin motarsa, bude motar yayi wata katuwar leda ya fiddo ya sannan ya rufe motar a gaban samha yaxo ya ajiye, sannan yace samha na tafi, zamuyi waya dake anjima, batace komai ba, har yaje ya shiga motarsa yaja yayi tafiyar sa,

Saida hydar tafiya sannan yace munafika, zaki gane kuskurenki, dan gajeran tsaki yayi sannan ya dauki glass dinshi ya saka a idonshi,

Samha jiki a sanyaye ta duka gaban ledar da hydar ya ajiye, budewa tayi, abinda idonta ya gani yasa ta mikewa da sauri tanabin inda yabi ya wuce da kallo,

*
Saidai taga motan hydar ya bace daga wurin bat sannan ta koma ta tsuguna a gaban ledar daya ajiye mata,

A hankali ta fara dan budewa tana lekawa dan ganin abinda yake ciki, yusra da kausar ne suka fito da gudu tare da fadin samha tashi taso mu gudu, da sauri samha ta mike tsaye,

Kallonsu samha tayi tare da fadin ina kuka jijjibo wannan katon akwatin ne? Yusra tace kudai ku tsayar mana da napep kafin a cimma mana,

Samha tace nifa babu inda zamu je da wannan akwatin sai an bude shi naga abinda yake ciki, kausar tace aike matsalarki kenan zumudi ki wuce mu tafi idan muka je gidan sai a bude baki daya, yusra ta taka akwatin da kafarta tana dan bubbugawa tana cewa mun warke talauci kawu yaga kudin nan ai babu mu ba kara sane,

Kedai muje, a daidai lokacin da suka dauki akwatin sukayi gaba, ganin sun dauki akwatin yasa samha ta dauki ledarta tabi bayansu, napep suka tsaida sannan suka saka akwatin bayan napep dakel suka shigar dashi sannan suka shiga baki dayansu,
.
Kausar ce ta juya ta dora hannunta saman akwatin tare da fadin samha a akwatin nan kudin america ne, lallai idan kawu yaji irin kokarinmu tou pha lallai sai ya yaba ma gwazonmu, dariya tayi sannan ta kalli samha tace kema nasan zakiji dadi dan gajeran tsaki samha tayi tare da cewa kuna da matsala gaskiya,

Yusra tace gaki katotuwar mai matsala, ke samhar nan na lura dan kinga ana wani lallabaki sai kiyi ta rainawa mutane hankali an fada miki tsoronki mukeyi ne? Baki samha ta tabe tare da ware idanuwanta dukan su tana kallon yusra,

Yusra tace kallarni da kyau, na lura tunda kikaga akwatin nan keke mana bakin ciki saboda ba kece kika sane shi ba { sata } ,

Murmushi samha tayi daga shi bata sake cewa komai ba, har suka isa gida yusra sai masifa takeyi, dan haka suna tsayawa a kofar gida suka sallami mai napep suka shige ba tare da sunce samha ta taho ba,

Suna shiga gida suka ajiye akwatin a kofar daki , ita kuma samha tana shigowa ba tare data kalli inda suke ba ta wuce ciki, anan ta barsu suna shawarar yanda zasu yi su bude akwatin,

Samha tana shiga daki, ledar da hydar ya bata ta zazzage, abinda yake ciki daga waya sai manyan hijabai gudu biyar sai nikaf sabbi suma biyar sai kuma zunzurutun kudi wanda samha ta kasa irgawa, tattara kudin tayi ta kwashesu ta mayar a cikin ledar,

Murmushi samha tayi sannan ta dauki wayar tana kallo, irin wayarshi ce data sane mishi kwanakin baya, murmushi samha ta sakeyi sannan tace a bayyane wannan waya tana kyau,

Bayan ta gama jujjuya wayan ne, ta latsa ta hoton hydar ne ya bayyana a gaban wayar, hoton yayi kyau sosai, kuma daga gani ya dauki hoton ne yana cikin farin ciki, kurawa hoton ido tayi tana kallon hoton ajiyar zuciya tayi tare da cewa mai kyau da kyau yake inji bakin jaki daya ga magon doki,

Lallai kayi kyau sosai, amma abinda na lura dakai gaskiya kai mugu ne, kuma ba'a banza kazo kana so na ba, ajiyar zuciya sannan ta ajiye wayan,

Matsawa tayi ta jingina bayanta da bango, tayi tagumi, ko nazarinmi takeyi Oho mata,

Gaskiya yusra bai kamata kiyi wa samha haka ba, kausar ce takewa yusra magana, tsaki yusra tayi tare da cewa Allah haushi ta bani ne, kausar tace kiyi hakuri muje mu bata hakuri itace kadai zata iya bude akwatin nan,

Gaba dayansu suka shiga dakin, samha tana zaune tayi tagumi ta kurawa wuri daya ido tana kallonshi kamar mai kararren kwana, da sauri yusra ta isa wurinta tare da cewa samha miye? Murmushi dauke da fuskarta ta kalli yusra tare da cewa miye kika gani ne? Tayi maganar ne tana kankance idanuwanta,

Yusra tace kiyi hakuri don Allah abinda nayi miki dazu ya wuce kiyi hakuri ki taso muje a bude akwatin nan kudadene masu yawan gaske a ciki,, samha tace ba kudi bane a ciki, yusra tace kudi ne mana, ya zaki ce ba kudi bane,
.
Samha tace ke waye yace miki kudi ne? Yusra tace a wurin training da mukaje ne naji masu akwatin suna cewa kudine a ciki na america, dan gajeran murmushi samha tayi tare da dauke kanta daga duban yusra,

Ganin samha batayi magana yasa yusra cewa kice wani abu mana? Dan gajeran tsaki samha tayi tare da cewa ai bazaki gane ba, ke aikinki sane, { sata }  saboda haka ba komai zaki rika gani kina dauka ba idan ba haka ba wata rana sai kin dauko ajalinki,

Gaban yusra ya fadi da jin maganar samha , samha taci gaba da cewa muje mu gani, tashi sukayi gaba dayansu suka fita, suna fitowa a gaban akwatin samha ta tsaya ta karewa akwatin kallo sosai, murmushi tayi da gefen bakinta sannan tace nidai shawara daya zan baku idan kun yadda akwatin nan kuyi hanzarin rabashi da gidan nan, idan kuma kunki ji to nidai babu ruwana, kausar tace miyasa kika ce haka ne? Samha tace nayi imani idan har kudinne gaskiya ne a ciki kuma kunce kudi ma na america babu wanda zaiyi sakaci dashi harya rasa shi,

Kila mutane sun gaji da muna musu sata ne zasu kashemu, dan haka ina shawartarku da ku hanzarta daukar akwatin nan ku mayar dashi a inda kuka dauko shi, tana fadin haka ta juya ta koma daki,

Tsaki yusra tayi tare da cewa kada mu mayar so take idan muka mayar ita taje ta dauke ta kawo ma kawu bakiga dama shi yasa kawu yafi santa ba saboda tana kawo mishi kudi, ki lura mu har dukanmu yakeyi amma ita baya dukanta kullum magana mai dadi yake fada mata,

Haka suka fara kokarin bude akwatin, ita kuma samha tana komawa daki wayarta dake ringing tayi saurin isa wurin wayar ta dauka,

Hydar? Haka ta fada domin hakan ta gani a rubuta, dan gajeran tsaki tayi sannan ta dauki wayar tare da cewa Assalamu alaikum, ansa sallamar yayi ita kuma a daidai lokacin data zauna a gefen katifa,

Samha tace hydar kake kenan ko? A gadarance yace umm , umm din wanda bai kawo a bakinshi ba, samha tace to da kyau, am malam hydar kasan abinda nake so dakai? Yace saikin fada, samha tace yawwa kanaji na ? Abinda nake so dakai shine ka fita daga harkata idan ba haka saina wulakanta maka rayuwa,  samha taci gaba da cewa shin wai jira ma anya idonka ya taba ganin *SAMHA*?  Lallai banma san rainin naka har yakai haka ba da har kamarni wai zaka tun kareni kace kana so na,

Kai yaro ka kiyayi samha dan wallahi samha ba wasan yara bace ba, nafi karfinka, wato kana da wata manufa akaina ko? Shi yasa zaka shigo min rayuwata ba? Murmushi samha tayi sannan tace tunda nake a duniya ban taba samun mutumin da banso irinka ba, baka taba birgeni ba, haushi ma kake bani da wasu munafikan idonka kamar na mujiya, kai bari kaji in fada maka idan aka taka min muyanka saina yanka ka da wuka, idiot

Hydar yace nine nake da idon mujiya? Nine idiot? Samha tace kaji ma ashe kake sake tambayata? Banza shashasha sakarai ma irinka, mtswww , hydar yace ke "yar iska ce? Nine  kike min tsaki? Idan na kama sai naci ubanki munafika, dariya samha tayi tare da cewa dan iska ashe dama soyayyar baika zuciyarka ba a haka zanso ka?, Munafi mai sigar "yan dambe, nima idan na kamaka sai naci kutumar duma du, hydar yace zan kamaki zaki fada min wanda kike cewa zaici kutumar duma du, kuma idan na sake ganinki wurin training dinmu wallahi saina zaneki, samha tace ai ba wurin babanku bane ko babanka ya ginashi ne? Kai dan karamin kwaro baka isa ka hanani inje inda raina yake so ba, sai nazo idan kai kaci dan rashin kunya ka tabani kaga yanda zan farke maka ciki da wuka,  tana fadin haka ta kashe wayarta tana kara dirkakawa uwar hydar zagi,

Ajiyar zuciya hydar yayi tare da yin dan gajeran murmushi, a bayyane yace lallai yarinya kinci abinci, amma saina koya miki hankali dan tunda nake a duniya ban taba samun tantiriyar "yar iska number daya irinki ba, amma nine maganinki saina mayar dake abin tausayi da kwatanci a rayuwarki, dan gajeran tsaki yayi sannan ya mike ya fita daga dakin, dan dama fita zaiyi,

Samha jin ihunsu yusra yasa ta fito da gudu tana tambayar lafiya? Jaririya ta gani a akwatin dasu kausar suka bude sai kuka takeyi inya inya inya inya kamar zata sike diyar, salati samha tayi tare da mafidin munshiga ukkunmu, subahanallah wannan masifa da mi yayi kama?

Yusra da kausar kuwa sai kuka sukeyi, samha tace kunga abinda nake gudu ko? Da yake ku daƙiminalniƙi ne allazi ɗifɗif saida nace kada ku bude ku mayar a inda kuka dauka amma kunkiji,

Cikin kuka yusra tace samha daukarta mana, zaro idanuwa samha tayi tare da cewa indauki uwar me? Wallahi hijabina kawai zan dauka in karawa bujena iska dan bazan zauna cikin masifa ba, tana fadin haka ta shiga daki ta dauko hijabi tana fitowa tsakar gida taga "yan sanda, innalillahi wa'inna ilaihir raji'un samha ta fada, tare da cewa malamai yane? Kun fado mana gida haka sai kace kunxo gidan giya,? Dan sanda yayo kan samha tare da kwarara mata mari a gigice samha ta daga hannunta itama ta sharara mashi mari,

Haka sukayi ta mare mare, saida sukayi biyar sannan dan sanda ya sauke ajiyar zuciya, kallon samha yayi sosai sannan yace samha! Dan gajeran tsaki samha tayi tare da cewa dan sanda abokin kowa, kallon samha ya sakeyi sosai sannan yace ya akayi wannan akwatin yazo wurinku? Saida samha ta sake dan gajeran tsaki sannan tayi magana cikin rashin jin tsoro cewa,

Kasan gaskiya mu bamu da aike sai sace sace, ko kai yanxun idan naga dama ina iya sace komai na jikinka ba tare daka sani ba, amma maganar gaskiya wannan jaririyar shine bamu da masaniya akanta,

Kai ku kamasu dan naga zasu raina mana hankali idan munje office sunyi bayani, dan sandan ne yayi magana, gaba daya sauran yan sanda sukayi kansu samha, aka kama yusra da kausar amma kirikiri samha ta kasa kamuwa, haka tayi ta zugewa kuma sunyi barazanar harbi amma samha ta fece daga gidan da gudu,

Haka aka tattara yusra da kausar da akwatin jaririya aka tafi dasu police station dan gabatar da bincike,
.
Ita kuwa samha tana fita abin hawa ta samu ba tare data san inda zataje ba, a napep sai mita takeyi wai bataci nanin ba babu wanda zaisa taje zaman wakafi, saida ta basu shawara amma da yake su wawaye ne sunke su gane karatun, dan gajeran tsaki tayi tare da fara sunno kanta waje, ta sunno kanta sai  leke leke takeyi, tana cikin leke leken ne ta hango motocin hydar tayi anyi parking dinsu a wani  wurin cin abinci shima dai wurin na "yan gayu ne, ga kuma bodyguards nashi sai shawagi sukeyi a wurin, hydar ta gango tsaye da wani yaro a gabanshi,

Da sauri tace ma mai napep, malam dakata nan yayi tsaya, tsayawa mai napep yayi bayan samha ta sallameshi ne, ta sauka a hankali ta fara bin bayan motacin cikin sando harta shige ciki,

Tana shiga yaron data gani tsaye da hydar a waje , ta gani ya kame bisa tebirin cin abinci, cikin sauri sahma ta isa wurin yaron ta zauna, murmushi tayi ma yaron tare da daga mishi hannu cewa sannu ko?

Yaron yace yawwa, samha tace da Allah wanda na ganka dashi a waje waye dinka? Yaron yace ba kowa na bane kawai dai nace ya taimaka ya siya min abinci, samha tace to dami dami za'a baka ne?

Yaron yace kawai tuwo nake so, murmushi samha tayi sannna tace kam lallai kawai sai ka zauna kaci tuwo? Ga shikafa ga naman kaji ga farfesun yan ciki ga komai mai dadi sai kawai ka wani zauna a baka tuwo sai kace mara gata? Yaron yace ai ba kudi na bane, taimakamin a kayi , dan gakeran tsaki samha tayi sannan tace ina wanda yace a baka abincin ne?

Yaron yace yana ta bayan can yana waya, yana nunawa da hannunshi, a daidai lokacin da ma'aikacin wurin yazo yana tambayar mi za'a kawo mashi? Yaron yace tuwo, samha tace kai ba tuwo zaka kawo mishi ba, shinkafa da rabin kaza lemun gwangwani guda daya ruwan roba daya sai sai a bashi sai farfesun "yan ciki a hado mishi da wainar kwai sai a kawo shayi kofi biyu,

Kallonta mutumin yayi tare da cewa hajiya a ina zaikai abincin nan ne? Ni cewa akayi tuwo zan bashi inji "yar labai, Cike da masifa samha tace ina ruwanka? Ba biyanka kudin ka za'ayi ba?  Ai yanxun ya canja shawara bazaici tuwon ba, shin wai kake ta magana haka ba kudinka za'a biyaka ba? Yace Eh tace yi sauri ka kawo kana bata mana lokaci, juyawa yayi dan kawo abincin,

Yana tafiya samha ta kara matsawa kusa da yaron tace kai almajiri ne? Yaron yace Eh, samha tace ya akayi ne yace a baka tuwo? Yaron yace nine nace ya taimakamin na yini banci komai ba gashi har dare ya fara, samha tace Allah sarki baka da abokai ne? Yaron yace ina dasu mana, samha tace maza kaje ka tattarosu kuci abinci,,,

Da gudu yaron ya fita babu dadewa kuwa yaro ya dawo da abokansa almajirai sunfi su talatin kowa ya kama kujera ya zauna, haka samha tasa duk aka basu abinci kamar yanda akayi ma yaron, almajirai kuwa sukaci gaba da shagalinsu,

Lokacin da hydar ya dawo dan biyan kudi, bill na kudi ya gani masu yawan gaske da mamaki ya tambayi yanda akayi, nuna mishi samha akayi ita kuma ta wani hade kafa daya saman daya tana shan lemu, mutumin yace itace tace a bawa kowa yaci kuma itace ta fadi abinda za'a bawa kowa, jinjina kai hydar yayi sannan ya cire kudin ya bada yayi tafiyarsa,

Lokacin da yaxo zai wuce ta kusa da samha tasa kafarta dan ta kadashi amma saiya matsa daga gefe ya wuce abinsa, ganin baiyi magana ba kuma ita tayi hakan danta bata mishi rai taga kuma baiji haushi ba dan haka ta tashi ta wuce shi da gudu har tana tuntube,

Tana fita wurin motar sa ta nufa, taje ta duka kusa da tayar motar ta sacemata iska fiiiyyyy iskan ta fita gaba daya, a daidai lokacin da hydar ya iso wurin ana kokarin budewa hydar ya shiga,

Samha ta tashi daga inda take tsugunne data sace tayar motar ta tashi tana dariya kusa da hydar ta matso sannan tace wani yaro yau zaici gidansu, tana fadin haka ta kwalkwala da gudu tana mishi gwalo,

Murmushi hydar yayi tare da cewa zaki gani kurenki, wata mota aka canjawa hydar aka tafi dashi gida, zuciyarshi cike da kudirin ciwa samha uwa,
.
Saida dare yayi sosai sannan samha ta sidada ta koma gida, tana shiga ta rufe kofa, da gudu ta shige daki saboda tsoro tana shiga ta kulle kofa, saida ta kwanta saman katifarta sannan ta dauki wayarta ta fara kiran number hydar,

Haka wayar ta gaji da ringing bai dauka ba, dariya samha tayi sosai sannan tace yechh tare da yarfa hannunsa tace yawwa ya fara shaka, yaji haushi sosai,

Lokacin da hydar yaga wayar samha ji yayi kamar ya mika hannunshi ya kamo samha ya shaketa sai yaji tayi amai ya saketa, ita kuwa samha da taga bai dauka ba hakuri tayi, tayi kwanciyarta bacci mai dadi ya dauketa zuciyarta cike da farin ciki hydar yayi fushi,

Su yusra kuwa sunci ubansu sosai anyi musu lullusar fitar hayyaci sunsha kuka tare da kiran samha ta kawo musu dauki amma a banza, dan samha batajin su,

Bayan wasu "yan kwanaki samha idan ta kira hydar ya daina dauka kuma kullum sai taje ta sace mishi tayar mota, amma yanxun kwana biyu bata ga hydar ba, ita kuma a tunaninta saboda fitinar ta hydar ya daina zuwa training,
.
Shi kuwa hydar yayi alkawarin sai yasa samha tayi aman zuciyarta ba ciwo yake so zuciyar tayi ba A, a, so yake zuciyar gaba daya samha ta amayo ta, dan haka yaje kasar waje yasa akayi mashi fuska ta daban wanda zai rika sakawa a saman fuskarshi dan kawai yasa samha shiga mummunan yanayi wannan dalilin ne yasa ta daina ganinsa kwana ki da dama,

Watansu yusra biyu ana cin bara'ubasu police station sudai maganarsu daya wannan jariri basu sanshi ba, kuma sunfada cewa samha banda ita aka dauko shi kuma tace su mayar dashi amma sunki, sunci uwarsu sosai fa, sannan aka sanya bilen su da kudi masu yawa,

Haka suka bada number kawu aka kirashi a waya, aka fada mishi kudin don haka dolen kawu ya dawo dan ansarsu yusra,

Uhum su yusra fa an canja kamanni dan idan ka gansu sai sun baka tausayi, gaba daya sun fita a hayyacinsu, lokacin da suka dawo gida sunyi kuka sosai, tare da alkwarin basu kara sane,
dan haka aiki ya koma na samha ita daya,

Hydar tsaye a gaban mirrow yana murmushi, saida ya gama shirin sa tsaf sannan ya dauki fuskar da akayo mishi a india ya dora, kallon kanshi yayi sosai a madubi sannan yayi dariya tare da cewa Allah ya jikanki samha,

Ita kuwa banda dube dube babu abinda samha takeyi a wurin training ganin babu hydar yasa ta hakura ta juyo dan tafiya gida, shi kuma lokacin daya iso yaga samha tana kokarin fitowa da sauri yayi parking ko rufe motar baiyi ba ya taho da dan gudunsa dan ya bige samha yana san yayi magana da ita,

Itama samha da sauri ta taho, shima ya tafi gaba dayanshi, samha ta bigeshi wayarshi ta fadi kasa, da sauri samha ta duka ta dauki wayar tare da cewa don Allah kayi hakuri wallahi ban gani ba, wani irin kallo hydar yayi mata tare da cewa miye sunan ki? Samha tace suna Hafsat amma samha ake cemin,

Tabe baki hydar yayi tare da daga giraranshi yace ni kuma suna na,

.

*REAL MAI DAMBU ina sanki! Ina sanki!! Ina sanki!!! Gaskiya ina kaunarki kuma ina tare da dumbin masoyanki a duk inda suke a fadin duniyar nan, abinda nake so dake shine don Allah ki daina biyewa wasu jakuna suna bata miki rai, kada ki kuskura ki bari a koya miki halin da ba naki ba don Allah tawa, dan wallahi mutane da dama basa gane meelat musa basa gane real mai dambu, lokacin da abin nan ya faru wallahi mutane da dama sun samu number na sunyi min magana cewa don Allah in daina biyewa wawayen mutane suna batamin rai in daina fada da kowa, nace ni bana fada da kowa sai aka rika turomin novel naki na gani,  a lokacin na fahimta dan haka sai saida na rika ce musu to na gode sosai da shawara kuma zan gyara, to tawa gaskiya abinda nake so dake shine nidai na haneki don Allah ki daina, dan duk wanda ya tabominke nine ya taba ba dake yake ba da ni yake, kiyi hakuri kiyi hakuri kiyi hakuri kinji zuciyar meelat musa? Kuma masoyanmu muna baku hakuri don Allah akan abinda ya faru kunsan ita zuciya tsokace yayin da mutum yake cikin fushi baya iya control nata amma duka hakuri shine yafi cancanta to kowa da kowa yayi hakuri ina bawa masoyan mai dambu tawa hakuri kuma nima ina cewa kuyi hakuri don girman Allah dan duk mu "yan adam ajizainai, Allah ya kara mana hakuri baki dayanmu ubangiji ya yafe mana zunubanmu baki dayanmu*

Masoyan brilliant writer's association kudai kara kasancewa da Asmeenat Xeeyan domin ta sake zo muku da sabon labarinta mai cike da abun mamakiyos kada ku bari a barku a baya kuma bana so a baku labari shi yasa na sanar daku tun yanxun ku dai ku nemi labarin ta mai suna *NAMIJI* idan har kika bari aka baki labarin namiji gaskiya anyi miki wayau karanta da kanki dan kema kiji abinda kowa yakeji,,

*Surayya ina tayaki murnar kammala littafinki mai suna MAKAUNIYAR HANYA masoya har yanxun littafin baiyi muku nisa ba kuyi kokarin neman sa gaskiya domin marubuciyar ARNE itace ta dawo muku da wannan sabon salo , ku nemi makauniyar hanya kafin mu tsunduma cikin sabon novel nata, surayya ce kada ku bari a baroku a baya*

Hhhhhh baiwar Allah kenan, nikinma bani dariya  ni bana fada bana habaici bana zagin kowa dan wallahi babu ruwana da rayuwar kowa abunda yake gabana shi nakeyi ni baki isa ki koyamin abinda ban iya ba, kiyi tayi duk zagin da kikemin babu inda ya fito min ajikina, meelat musa dai tai miki yawa saida a nemi wata.
.
Kama hannun samha yayi yajata suka shige ciki, wuri ya samar mata ya zaunar da ita sannan shi kuma ya haye saman mashing din excercise,

Tana zaune ita kuma tana kallonshi, agogon wayarta ta duba taga 8:30am dan haka ta mike ta matsa kusa dashi cikin natsuwa tace don Allah kayi hakuri wallahi ba'a san raina hakan ya faru ba, amma idan baza ka damu zaka iya bani wayar idan na gyara maka zan dawo maka dashi,

Saukowa yayi daga inda yake yake motsa jikinsa  inda ya ajiye wayar ya dauka yaxo ya bata, tare da cewa kuma idan bata gyaru ba sai kin biya mai wayan na fada miki, cikin damuwa samha tace kada ka wani damu zata gyaru ma insha Allah,

Harta juya ta fara tafiya ta juyo tare da cewa idan na dawo ban ganka ba sunan wa zan tambaya? Ba tare daya kalleta ba yace ki kaima hydar wayarshi ce dama, murmushi samha tayi sannan tace kai kuma ya sunan ka? Yace sunana sahib, Samha tace to zan bawa hydar din amma ka bashi hakuri kafin inje,

Yace kema idan kinje zaki bashi hakurin da kanki, ajiyar zuciya samha tayi sannan ta fita daga cikin katon holl din tana tunanin kudin da zata biya a gyara wayarnan, tashin hankalinta na gaba shine yama zatayi ta tinkari hydar da wayarshi bayan abinda tayi mishi? Wata zuciyar tace kedai gyara wayar sannan ki samu mafita,
.
jiki a sanyaye samha ta tsaida mai napep dan tafiya gida, shi kuwa fitar ta dariya yayi tare da kwaykwayon maganar samha, yana maganar yana wani tabe baki, idan nazo waye zance sunanka? Jinjina kansa yayi sannan yace zaki xo ki sameni, yana fadin haka yaci gaba da abinda ya kawoshi,

Napep nayin parking samha taga "yan sanda a kofar gidansu sun wani yi ciccirokai ciccirokai, a hankali ta zura kafarta ta fita, tana kokarin shiga gida taga an fito da kawu rirrike dashi,

Innalillahi wa'inna ilaihir raji'un samha ta fada sannan ta matsa wurin inda ake kokarin saka kawu a mota, samha tace kawu mi ya faru ne? Murmushi kawai yayi ma samha amma baiyi magana ba, samha na kokarin matsawa wurin kawu har anshigar dashi mota sunja sun tafi,

Jiki a sanyaye ta nufi cikin gida, tana shiga ta samu su yusra sun hada kayansu wuri daya, samha tace kausar ina zakuje ne? Yusra tace zamu tafi gida dangin mamana sunzo tafiya damu tunda dangin uba sun kasa, murmushin karfin hali samha tayi sannan ta matsa kusa da yusra ta riketa sosai sannan tace,

Haba yusra, haba kausar ya kuma zakuyi min haka don Allah? Plz kada ku tafi kuyi hakuri muyi zamanmu tare, idan nayi maku wani abu wanda bai muku dadi ba insha Allah bazan sake ba, kuyi hakuri mu zauna tare,

Yusra tace tafiya kam ta zama dole samha saidai kiyi hakuri, kema Allah ya bayyana ma iyayenki gaskiya suxo su tafi dake ga kawu kuma an kama, samha tace shi kuma mi yayi? Yusra tace can shida abokan caca ne, a daidai lokacin da wani mutum ya shigo gidan yana cewa kausar ku taho ku kadai muke jira,

Samha tanaji tana gani kausar da yusra suka dauki kayansu, suka fita daga cikin gidan, ganin sun fita da gaske yasa samha ta bisu da sauri tana kallo haka aka dauki kayansu aka jibgasu a motar cikin farin ciki suka shige mota akaja suka tafi suna dagawa samha hannu,

Ajiyar zuciya samha tayi sannan ta kulle kofar gidan ta nufi cikin gida, tana shiga daki ta wuce shima ta rufe kofar,

Samha bata sake fitowa ba saida safe, dan haka da shirinta ta fito gaba daya, tana fitowa ta rufe dakinsu sannan ta fice daga gidan, shima gidan rufewa tayi sannan ta nufi wurin mai gyaran waya,

Mai gyaran waya haka ya cakallali waya yayi mata daidai shida kawai akace glass din waya zai canja amma ya kama waya ya kwance ta kuma yayi, yayi ya hada waya ya kasa, haka dai ya hakura ya tattarawa samha wayar ya bata tare da cewa ta gama aiki,

Cike da tsiwa samha tace to idan ta gama aiki sai ka mayar yanda na baka mana, mai gyaran waya yace gaskiya hajiya kiyi hakuri amma bari in baki kudi ki matsa can gaba akwai ogana kila zai iya, haka yayi ma samha magana mai dadi ta hakura ta anshi waya da kudin ta tafi,

Haka taje ta kai inda ya nuna mata shima dai a banza amma ya hada wayar saida bata kawo haske, haka samha ta hakura ta koma gida,

Washe gari ma bataje ba, kuma bata sake fita gyaran waya ba, hydar kuwa ya zuba ido yaga samha amma shiru bai ganta ba kuma baiji ta ba, saida samha tayi kwana ukku sannan ta hakura ta dauki waya dan kaiwa hydar,

Da marece taje wurin da mayar da waya ta bada hakuri, lokacin da samha taje wurin gaba daya wurin cike yake da mutane maza da mata "yan gayu masu kudi masu aji wanda suka san abinda sukeyi,
.
Banda faduwa babu abinda gaban samha yakeyi, mutane ta gani zageye da hydar kuma yau ba kayan training bane jikinsa, kananan kaya ne ya saka kuma hakika kayan sunyi matukar bartaba jikinsa, yayi kyau sosai,

Cikin dakiya samha tayi wurin, amma kana ganinta kasan bata da gaskiya, ita matsalarta kawai kada ya dizgata cikin mutane dan abinda ta lura hydar tantirin dan iska ne saboda kwata kwata baisan darajar mutane ba, kuma ta lura yana da wulakanci sosai,

Dan haka ta daura damarar idan har yayi mata iskanci sai ta rama wallahi saida a tsireta, tana isa wurin a daidai lokacin da hydar ya ba wani abokinshi hannu suka kashe, cikin dariyar rainin hankali suke fira,

Sallama samha tayi a daidai lokacin data iso wurinsu, babu wanda ya ansa sallamar daga cikinsu, itama bata damu ba dan haka kusa da hydar ta matsa sosai sannan tace ga wayarka kayi hakuri, sahib ne yace in baka, ba tare daya kalli samha ba ya anshi wayar,
.
Ganin wayar yayi duk an birkita mata tsari dan haka cikin zafin rai ya juyo tare da dauke samha da wani irin gigitaccen mari wanda yasa ta yin dimuwa, duk mutumin dake wurin jin karar marin yasa shi juyowa dan ganin wanda ake duka, hydar kuwa cewa yake lallai dan babanki wayana zaki ma rashin kunya?

Ita kuma samha tana can tana lalabu hankalinta ya dawo jikinta, hydar yaci gaba da cewa bakyaji ina magana ne? Yana kokarin kara kai mata dukan wani abokinshi ya rikeshi tare da cewa haba hydar yi hakuri mana, a daidai lokacin da samha ta dauko wani katon dutse zata rosa mishi kai,

Wata budurwace ta fito daga mota da gudu tayo kan samha tana zuwa takai wa samha mari tare da cewa dan ubanki hydar zaki jefa? Ai bata gama rufe bakinta ba samha tayi sama da ita ta darkakata da kasa, sannan tayi kan hydar da sauri aka rike samha amma sai ihu takeyi tare da cewa saita rama marinta idan kuwa ba haka ba wallahi yasan sauran,

Hydar yace su barta su bari tazo, sakin samha akayi kafin ta isa kusa da hydar ya fiddo wani abu daga aljihun wandonshi ya fesawa samha a ido, wani irin ihu samha tayi dan abun bata san da wane irin suna zata kirashi ba, shidai ba jayi ba kuma ba attaruhu ba, gaba daya ji tayi kamar idanuwanta basa cikin gurbin idonta,
.
Dukewa tayi tana kuka, kusa da ita hydar ya matsa ya ajiye wayar tare da cewa jaka sai kin biyata idan ba haka ba anan wurin zansa bodyguards dina su kacallala miki rayuwa, idan ma baki zo ba, zansa a dauko minke anan filin zansa su daya bayan daya kowa sai yayi miki abinda bakya tunani,

Hawaye kadai yake diga daga cikin idon samha, hydar da kanshi yaje ya daga wanda samha ta fadar da ita kasa, har suka tafi samha tana duke wurin tana kuka cikin tsananin kunar rai,

Saida abin ya saketa sannan ta tashi ta dauki wayar da hydar ya ajiye ta nufi gida, tare da gudirin zata biya waya sabuwa sannan kuma itama tayi alkawarin saita rama abinda hydar yayi mata,

Kalma daya ta tsayawa samha a rai, anan filin zansa bodyguards dina daya bayan daya suyi miki abinda bakya tunani, ajiyar zuciyar samha tayi sannan tace a bayyane wai nice jaka? Sannan kuma nine za'ayi ma abinda bana tunani, waini za'a kacaccalawa rayuwa,

Ajiyar zuciya samha tayi ta saukewa babu kakkyautawa, gaba daya tsoro ya kamata, cikin rawar baki samha tace toni inama zan samu wasu kudin siyen waya, kuma idan nace inyi sata yanxun kowa yasa min ido saboda sace sace na gara akwai in rufawa kaina asiri in gudu in bar garin nan,

Wata zuciya tacewa samha ki gudu kije ina? Ga kawu nan kuma bai fadaki da iyayenki ba, kedai kawai ki bawa hydar hakuri tunda kece kikayi mishi laifi ko kuma ki nemi sahib din, lallai sahib zan nema dan na lura kamar yafi hydar mutunci, haka ta hakura ta ajiye waya ta kwanta bacci,

Tunda asuba police station ta nufa, tana so a hadata da kawu tayi magana dashi, saida akayi mata tambayoyi kamar tazo kabari sannan aka fito da kawu, bayan sun gaisa ne samha tace kawu wai ya kayai ne haka ta faru?

Kawu yayi murmushi amma baiyi magana ba, samha tace bazaka fadamin ba? Kuma gida babu kowa su kausar an tafi dasu basu saini daya gashi banda kudi ga yunwa inaji ga ido ansa min gari kowa so yake ya kamani da wani laifi yayi man hukunci mai tsanani, ka rufamin asiri kawu don Allah ka hadani da iyayena,

Kallonta kawai kawu yakeyi, haka samha taci gaba da magiya amma saboda kawu digirarran dan iska ne yayi mata shiru har akazo akace lokaci yayi ya koma, saida aka fara tafiya dashi dan mayar dashi ciki sannan ya juyo ya kalli samha yace wato bakiy maraicina ba da bana nan sai in hadaki da iyayenki ko? To ai sai kije ki ganosu, yana fadin haka aka shige dashi ciki,

Haka samha ta hakura ta tafi dan kawai sahib wayar hydar, tadan jima sannan sahib ya iso saman mashin rover rover, tun kafin ya tsaya samha ta mike ta nufi wurinshi tana mishi sannu da zuwa, tsayawa yayi amma bai sauko daga saman mashing din ba, gabanshi samha taje ta gaishe shi ya ansa,

Sannan ta ciro wayar daga cikin jakarta ta mikawa sahib, cikin sigar lallashi tace don Allah yaya sahib kayi hakuri ka taimakeni yanda Allah ya taimakeka ka bawa hydar hakuri ka bashi wayarshi wallahi banda kudin gyaran waya bansan ina zan samu ba, kaga tun jiya nake neman kudin nan amma ban samu ba kuma ga kawu na "yan sanda sun kamashi abokanan aikina suma iyayensu sun tafi dasu kayi hakuri ka bashi da kanka,
.
Murmushi hydar yayi amma yanda samha tayi maganar ne ta bashi tausayi, amma sai ya basar cewa to nidai samha kiyi hakuri gaskiya kije ki samu hydar kiyi magana dashi kinga nima a karkashin sa nake ko kina so ya koreni daga aiki ne? Ga mamana bata da lafiya kuma ance za'ayi mata aiki dubu dari ukku nake nema yanxun a ina zan samu? Cikin tausayawa samha tace wayyo Allah ya bata lafiya, sahib yace amin, amma kije ki bawa hydar din wayarshi, a daidai lokacin da yake kokarin saukowa daga saman mashin,

Samha tace sahib kana da mutunci kana da kirki sosai nikam a halin yanxun bazan iya tunkarar hydar ba, dan bakaji abinda yace min ba, kyakkyawan kallo hydar yayi ma samha, sannan yace miye hydar yace? Samha tace cewa yayi sai kuma tayi shiru, murmushi hydar yayi sannan yace to idan kin shirya maganar saiki fadamin yana fadin haka ya fara tafiya, da sauri samha tace don Allah ka tsaya, tsayawa yayi ba tare daya juyo ba, zatayi magana kuma saidai tace babu damuwa kawai zanga hydar din kamar yanda kace,

Juyawa tayi ta fara tafiya, hydar ya juyo yana kallon bayan samha har ta bace, dan gajeran tsaki yayi sannan ya cire fuskar daya dora saman fuskarshi yana sauke ajiyar zuciya, saman mashin dinsa ya koma ya zauna,

Samha da ta dawo gida ta duba kudin da hydar ya bata lokacin daya ce yana santa ta, amma fa babu kudin babu wayar babu hajiban kuma babu nikaf din komai an dauke,
.
Haka rayuwa taci gaba da tafiya tsakanin samha da sahib, abu kullum kara kullewa yake, samha dai tana jin sahib a ranta amma dan kadan, dan yanxun ta daina zuwa wani wurin tana gida kuma a gida yake zuwa ya sameta suyi fira sosai, idan tana aiki yana tayata, abinda ta kula shi sahib basu da wani hali dan haka tana tausaya mishi kuma tanajin haushin hydar daya kore sahib daga aiki dan shi sahib din cewa yyai ma samha wau hydar ya koreshi daga aiki saboda ita,

Ita kuwa samha haushin hydar takeji sosai, kullum sai ta zagi hydar a gaban sahib, yauma haka ta kasance sahib yazo ya samu samha ta tattaro kayanta tana wanki ya zauna yana tayata,

Duk ya jika jikinshi, sai zufa yakeyi saboda bai saba ba, hannunshi kuwa gashi yayi ja sosai sai zafi yake mishi, saboda dan gurza kayan da yakeyi, samha tayi juyin duniya ya ajiye amma yace zaiyi,

Bayan sun gama wankin ne, sahib ya samu wuri ya zauna yana sauke nunfashin wahala, samha taje kicin ta kawo mishi abinci kallo daya hydar yayi ma abinci yaji yana kokarin yin amai, kallon samha yayi yace nidai na koshi banajin yunwa, kije ki ajiye, samha tace to daukar abincin tayi ta tafi,

Dan gajeran tsaki hydar yayi sannan ya kalli jikinshi yace kai nafa sha wahala ai yanxun nasan yarinyar nan ta fara so na haka nan danni na fara gajiya wallahi, ganin samha ta taho yasa hydar mikewa tsaye yana cewa nifa tafiya zanyi,
.
Samha tace haba yaya sahib tun yanxun? Murmushin karfin hali yayi sannan yace kinsan jibi zan tafi kauye jikin mamana yayi tsanani sosai zanje in siyar da gonar gadonmu a nemar mata magani, ajiyar zuciya samha tayi sannan tace miya sa zaka siyar da gadonka? Hydar ya tabe baki tare da cewa samha ya zamar min dole sai nayi hakan idan har ina san ceto rayuwar mahaifiyata,

Samha tace to babu damuwa komi kenan zamuyi waya zuwa gobe insha Allah, hydar to sai najiki, samha tayi ma sahib rakiya har ya hau napep sannan ta dawo gida,

Dan gajeran tsaki hydar yayi sannan yace mai napep ajiye ni anan, ajiyeshi yayi ya sallameshi da kudi masu yawan gaske, bayan ya sauka yayi waya akazo ka daukeshi,

Hydar yana zuwa gida wanka yayi bayan ya gama wankan ne ya fito a gaban madubi ya tsaya yana kallon kanshi, daidai zuciyar ya taba sannan yace wallahi na horeki da kiyayyar samha, duk abinda nakeyi a wasa nakeyi kada ki kuskura ki zo min da tsarin da bashi na saka ki ba!
.
Hydar yaci gaba da cewa bana san samha ko daya ban tabajin digon santa a cikin ki ba, dan haka idan kika kawo min sakarci saina cire ki na canja sabuwar zuciya, dan haka ki rufawa kanki asiri kada ki kuskura ki samha idan dai kina san kasancewa a cikin jikin hydar,

Ita kuwa samha tafiyar sahib gidan kawu da yake makotanta taje ta samu dillai akayi mishi kudi naira miliyan daya da dubu dari daya, dan haka ta sallama shi tare da cewa gobe take san kudin idan Allah ya kaimu,

Washe garin safiyar sai misalin 11:03pm aka kawo ma samha kudin gidan, dan haka a daren tayiwa sahib waya, hydar dake kwance yana hutawa jin wayar daya ware dan samha tana ringing yasa shi juyawa a hankali ya dauki wayar, murmushi yayi sannan ya kara wayar a kunnenshi,

Sahib barka da dare, murmushi hydar yayi sannan yace ya kike? Lafiya qalau kayi hakuri na tasheka daga bacci nasan ka fara bacci yanxun, murmushi hydar ya sakeyi sannan yace banda abinki samha waye yace miki talaka yana bacci? Samha tace to don Allah kazo yanxun ina nemanka,

Da sauri hydar ya kalli agogo sannan yace yanxun a tsohon daren nan samha? Samha tace nidai kam yanxun nake san ganinka don Allah kazo sahib, ajiyar zuciya hydar yayi sannan yace to gani nan zuwa insha Allah, samha tace yawwa sai kazo,

Hydar yana kashe wayar ya tashi inda yake ajiye fuskar da yake dorawa yaje ya dauka sanna ya saka, bayan ya saka fuskar ne ya canja kaya, waya yayi cewa a fiddo motoci zai fita,

Yana gamawa ya fice daga dakin, lokacin daya fita an hada motoci shi kawai ake jira, yana fita aka fude mishi mota ya shige babu wani bata lokaci suka bar gidan, bayan sunje a nesa da gidan su samha sosai hydar ya sauka, ya tafi da kafafuwanshi,

Saida yaje kofar gidan sannan yayi ma samha waya cewa yazo, tace to tana zuwa, kudin ta dauka dukansu sannan ta fita daga gidan, yana nan tsaye har samha ta fito, bayan ta fito ta gaishe shi, ta bashi hakuri akan ta tashe shi daga bacci, murmushi yayi sannan yace nifa banyi bacci ba kawai ina can ina neman hydar ya taimakamin ya maida ni aiki samha,

Kinsan tunda kika lalata mishi waya ya koreni waisai kin biya shi wayarshi, murmushi samha tayi sannan tace kayi hakuri ya sahib nasan duk nine sila amma insha Allah gobe zan biya hydar wayarshi,

.
Bude jakar data zuba kudin tayi ta daukosu duka ta bawa sahib tace ka canjawa hydar wayarshi ka bashi, sannan kuma ka daukin kudin da zaka siyawa mamanka magani, sauran kudin kuma ka samu sana'a ka dagora da kanka bana san ka kara dogara da hydar dan na tsani hydar a rayuwata ban taba samun mutumin da bana kauna irin hydar ba, idan har aka ajiye min hydar aka taka min wuyanshi saina yanka banza da wuka ya mutu dan iska kowa ya huta,

Ajiyar zuciya hydar yayi sannan yace haba samha miyasa bakya san hydar? Cike da bacin rai samha tace wallahi tunda ya salwantar min da m card dina na tsani rayuwarshi bansan sa, cikin sanyi murya cike da salon yaudara hydar yace kiyi hakuri samha kada ki dauki hydar da zafi a ranki ki sassauta mishi, samha tace wallahi bazan sassauta ba ko zan mutu akan hydar saina dasawa hydar bakin cikin dasai yayi nadamar zuwansa duniya da har yasan samha,

Ya sahib kawai kaje ka siya mishi waya kace inji samha, murmushi yayi sannan ya ciro kudin yace to ke a ina kika samu kudin nan ne? Samha tace gidan kawu ne na siyar, hydar yace to miyasa kika siyar mishi? Samha tace da ban siyar ba, kaine zaka siyar da gonar gadon ka kuma bana so ka sake kasancewa a karkashin hydar jeka da sauri dare yanayi,

Ajiyar zuciya hydar yayi sannan yace to kinga yanxun ban tare da hydar amma ki cire kudin wayarshi sai ki siya mishi da kanki, ki kai mashi, samha tace to kudin ya bata tare da tsareta da ido yana kallonta a ranshi yace yanxun saboda ta tsaneni yasa ta siyar da gidan da ba nata ba dan kada sahib ya kasance a kasana, a daidai lokacin da samha ta dago kanta tace na dauka, murmushi karfin hali hydar yayi sannan ya anshi kudin jiki a sanyaye  ya fara tafiya,

Yana tafiya yana waiwayen samha ita kuma tana daga mishi hannu, har ta daina ganinshi sannan ta koma gida ta rufe,

Tun kafin hydar ya isa idan motocinsa suke ya cire fuskar, tare da tunanin maganar samha, kawai kaje ka siya mishi waya kace inji samha, kanshi ya juya, maganar samha ta sake dawo mishi, kuma bana so ka sake kasancewa a karkashin hydar, ajiyar zuciya hydar ya sauke sannan wannan kalmar tafi tsaya mishi a rai, na tsani hydar bana kaunarsa idan har aka taka min wuyan hydar saina yankashi da wuka, a daidai lokacin da hydar ya iso wurin daya bar motocinsa,

Bude mishi mota akayi ya shiga jiki a sabule, kalaman samha masu muni akanshi suna tayi mishi yawo a kwalwa, har suka isa gida hydar tunanin maganganun samha yakeyi,

Kudin data bashi ne ya ajiye a saman mirrow, ciro wayarshi dake ringing yayi daga aljihunsa sunan samha ya gani, dan haka ya dauka samha tace fatan kaje gida lafiya? Murmushi hydar yayi sannan yace lafiya qalau, samha tace to sai da safe hydar yace mu kwana lafiya, haka sukayi sallama,

Da safe samha bayan ta gama abinda takeyi ta shirya ta nufi kasuwa, haka taje ta siyo sabuwar wa dal dan yiwa hydar ramuwa,

Read More

Share this

WhatsApp