WATA BAKWAI Part 11 to 20

This is for you "Maman Nu.aym. Allah ya raya mana Nu.aym ya albarkaci aurenki.

      Thank you for being a big fan of wata bakwai 7.

Husna kam tana zaune gefen gadonta ta rafka tagumi da tunani kala kala a zuciyarta.

Sanda aka zo aka kawo mata kudi wai inji yarima. Wani abu  taji tun daga dan yatsan kafarta har zuwa zuciyarta.

Waye shi dahar zaiyi zaton tana bukatar kudin shi?

Tana kallon mamakin da yake fuskar hadimar data ce ta mayar masa da kudin shi.

Kasa jurewa tai. Batasan lokacin da hawaye suka zubo mata ba tasa hannu ta goge su.

Kirjinta na mata wani irin zafi.

Turo kofar akai da wani irin karfi da saida karar tasa husna zabura.

Da yanayin yanda ya turo kofar haka ya mayar da ita y kulle. Tana kallo yasa mukullin jiki ya na shirin kullewa.

Gabanta ya shiga dukan uku uku.

Murya na rawa tace.

"What are you doing? Ka fitarmun daga daki. Bana........ "

Ganin ya cillar da mukullin gefe ya nufo gadon. Yanayin fuskar shi ya sa ta hadiye sauran maganarta.

Da sauri ta dinga jan jiki tana matsawa har takai karshen gadon. Ta takure jikinta.

Gefen gadon yazauna ya fuskanci idan take.

Cikin muryarshi da ta kara budewa saboda bacin rai ya kalleta sosai yace.

"Zo nan"

Yana bubbuga kan katifar kusa dashi.

Girgiza kai ta shiga yi tana kara matsawa jikin gadon kaman zata shige cikinsa.

"Bazai miki kyau ba inhar na karaso na jawoki da kaina"

Ya fadi a gajiye. Muryarshi da yanayin shi sun tsorata husna. Wasu hawaye suka gangaro mata.

Kallonta kawai yakeyi. Gani tai bata da wani zabi. Batason me yake nufi da ita ba.

Ko menene bata son yazo inda take ya janyota. Bataso hannun shi ya sake kaiwa jikinta. Bataso sam.

A yanayin daya fadi maganar tasan zai aikata. Saboda bata ga wasa a fuskarshi ba.

Gata Allah ya zuba mata tsoron tsiya.

A hankali taja jikinta ta matsa tsakiyar gadon tana hawaye.

Kallonta yake yi. Yanda duk ta firgice ga hawaye wani nabin wani.

"I really don't want to repeat myself"

Ya fada yana kallonta. A yanda yake jin shi komai zai iya faruwa.

Matsowa tai inda ya nuna mata. Jikinta ko ina kyarma yake.

Yaja wani uban tsaki a zuciyar shi. Daga shi har ita auren nan da akai musu an shiga rayuwarsu ya kula.

Kalli yanda jikinta yake kyarma kamar wanda ta ga wani mugun abu.

Ranshi ya kara baci. Bason tabata yake ba. Bata jin magana ya kula.

Ya kuma rasa dalilin dayasa take da karfin bata mishi rai har haka.

Bayason raini. Inhar yan son rage matsalar zaman su dole ya koya mata guje ma bacin ranshi.

Duk tsanar datai masa kuwa. Dan haka ya kamo hannuwanta da baisan mai taje ta tababa sukai sanyi karara haka.

Hannu daya ya saki. Yakai shi fuskarta ta janye.

"Stay still"

Ya fadi da wata irin murya da tasa ta tsayawa. Wasu hawayen suka kara zubo mata.

Hannu yasa ya goge su yana fadin.

"Bana son ganin hawayen nan. Magana nakeso muyi. Kina jina?"

Husna kam a tsorace take. Kai ta daga mishi. Tana kokarin tarbe hawayen ta kasa.

Hannu yakai ya dago mata fuska. Ya tsani yanda duk da hawayen fuskarta tayi kyau.

Cikin idanu yake kallonta dan yana son ya tabbatar da sakon shi ya kai mata.

"Yau ya zama ranar farko da zan aiko miki abu kisa a mayarmun. Matsalolin da nake ciki sun mun yawa bakuma nason kara su da gulmace gulmace tsakanin hadimai na, cewar matata ta raina ni"

Yanayin abinda tagani a idon shi sai taji sam abinda tai masa din bata kyauta ba.

Sai dai shima yanayin da ya saka ta shiga da wanda ta tabbatar yanzun haka ammar yana cikin fin nata bai musu adalci ba.

Bata son yanda jikinta yake bin umarninsa. Hannun shi dayake taba mata fuska take son turewa.

Saidai bata son bijirema umarninsa. Bata son mai zai iyayi ba. Ga dakin ya kulle hakanma shi yafi daga mata hankali.

Kai ta daga masa alamar.

"Eh"

A dake yace.

"Talk to me da bakinki bana son magana da kai"

Sai da ta hadiye wani miyau sannan can kasan makoshi tace.

"Eh naji"

"Good girl"

Ya fadi yana cire duka hannuwanshi daga jikinta.

"I am waiting"

Ya fadi a kagauce. Saida ta sa hannu ta goge fuskarta sannan tace.

"Me zanyi kuma?"

"Kinmun laifi and bakisan me ya kamata kiyi ba kenan?"

Da wata sabuwar tsanar shi tace.

"Kayi hakuri"

Jinjina kai yai ya mike daga kan gadon. Inda ya cilla mukullan dakin ya dauko.

Yana budewa wata hadima zata kwankwasa. Da sauri ta tsugunna kasa tana fadin.

"Allah ya kara maka lafiya"

Ko kallonta bai ba ya wuce.

Tashi tai ta karasa cikin dakin da sallama. Ta tsugunna ta mikama husna ledar hannunta.

Karba tai ta ce mata zata iya tafiya. Dan ta kula inba tace su tafi ba haka zasuyita tsugunno.

Zuciyarta yanzun bata natacce take ba. Ture shi da abinda yai mata tayi gefe daya sai zuwa anjima.

Ta bude ledar ta zazzago kayan ciki. Katin wayar ta dauka ta kankare su duka.

Ta lalubo wayarta tai loading hannunta ma rawa yake. Kaman yanda zuciyarta ke rawa.

Numbar ammar da take kamar tambari a zuciyarta saboda zaman datai ta saka ta danna kira.

Da duk ringing din da zatai da yawan hawayen da suke zubo mata. Sai da ta yanke bai dauka ba.

Ta sake kira bai dauka ba. Saida ta jera kira biyar bai dauka ba. Tanajin zuciyarta kamar zata fashe sabo da fargaba.

A karo na shidda ya daga muryarshi can kasa yace.

"Hello"

      .

Ko a mafarki ko a ido biyu ko a cikin dandazon taron jama.a zata iya gane muryar ammar dinta.

Sai yanzun dataji muryarsa tasan kewar sa da zuciyarta tayi.

Numfashinta har wani barazanar daukewa yake.

Cikin murya mai matuqar rauni tace

"Nawan nice."

"Husna ta"

ya fada tasan shi sosai hakan yasata fahimtar yanayin muryarsa da alamar rashin yarda da cewar ita dince ta kirashi.

Shirun da yaji tayi ne yasa shi cewa

"husna da gaske kece? Tawan kimin magana dan Allah."

Muryarta na rawa tace

"nice ammar."

"Ya Allah"

ya fadi yai shiru.

Tasan kuka yake daga yanayin muryarshi.

Can kasan makoshi cikin kuka yace.

"Husna dan Allah kice mun mafarki nake. Kice abinda suke fadamun ba gaskiya bane."

Itama kuma kukan na neman cin qarfinta tasan idan ta kuskura ta fara batasan ranar barinta ba.

Dole ta zama mai qwarin gwiwa tai masa magana.

"Ka saurareni....wallahi bana son auran nan bana son wanda aka auramin ban taba son kowa ba sai kai ammar ka yarda dani."

Tun da take bata taba jin namiji saurayi babba kaman ammar na gunjin kuka haka ba.

Kukan shine ya karasa karyar mata da zuciya. Bata san sanda kukan ya kwace mata ba.

Sun fi mintina goma sun kasa magana kamun ya samu yace.

"me yasa zakimin haka? Ke baki san irin son da nake miki bane? Haba babyna komai da nake nema a rayuwa don na aureki ne."

"Nasani nasan haka wlh ta fada"

zuciyarta na wani tafasa. Lokaci daya zazzabi ya rufeta ruf.

Wani irin kuka take daga zuciyarta yake fitowa dan hawayen ma sun daina zuba.

Cikin kuka ammar yace.

"To ki kashe auren nan indai kina sona da gaske ba qarya kikemin ba husna"

Bata san ya akai ma bata taba kawo ma ranta wannan shawarar ba a tsahon sati biyu datai a wannan qaddararren gidan.

Wani sanyi taji a zuciyarta ta wanni fannin.

Hannunta tasa ta dafe kirjinta saboda zafin da yake mata.

"Ammar zan kashe auren nan na maka alqawari zamuyi rayuwarmu tare."

Tanajin yanda ya sauke ajiyar zuciya. Muryarshi harta shige saboda kuka.

"Husna ina sonki da yawa nasan ba zaki taba barina ba wallahi tun jiya dana dawo aka fadamin na dauka zuciyata zata fashe ne tunda nazo daki na kwanta jiran mutuwata nake...husna kece numfashina."

Murmushi tai duk da halin da suke ciki bai hanata jin son shi har ranta  ba wanda ta jima bataji irinsa ba.

"Nima kasan ina sonka aiko?"

"Da auren wani akanki husna zai wahala zuciyata ta yarda da hakan"

Ya fadi a raunane.

Da sauri tace.

"Zan kashe auren nan. I promise you nawa"

Hira sukai tayi abinsu yace mata bara ya tashi yai sallah yai wanka.

Bata bari ya tafi ba saida tasa yai mata alkawari zaici abinci tukunna.

Duk da taji muryar ammar da alqawurransa masu sakata natsuwa.

Itama ta masa alqawarin da bata san yanda za.ai ta cika shiba.

Wani farin ciki take ji ammar bai tsaneta ba yana sonta har yanzun.

Wani bangare na zuciyarta yana son nuna mata kuskuren abunda suka aikata.

Ita kam koma menene bai dameta ba a yanzun da wutar soyayyar ammar take tsarga mata.

Kwanciya tai kan katon gadon maganganun su na mata yawo.

Sanyi taji tanaji dakyar ta iya sakkowa daga kan gadon ta kashe AC din dakin ta koma ta kwanta.

Ta lullube amman jikinta kyarmar sanyi yake saboda zazzabin da ya lullubeta.

A haka asabe ta shigo ta sameta. Da gudu ta sauka kasa ta je ta fada a kira kamala a gaya mishi ya kira prince ishaq uwargida ba lafiya.

*

Prince ishaq kam tunda ya fita daga dakin husna. Ya sa aka kaishi lambu yai zamansa.

Dan sam zaman gidan duk da bangaren su daban dana natacce ya fita daga ranshi.

Baya son yanda take bata masa rai tana saka shi yana abu dan dole.

Yana kishingide kan daya daga cikin kujerun dake lambun ya lumshe idanuwanshi yana tunanin kalar zaman da zasuyi da natacciyar nan a abuja.

Wayarshi ta kama ruri. Yanaji ya share sai da tai har sau uku. A na hudunne ya dauko batare daya duba ba ya amsa ya kara a kunne.

Cikin ladabi kamala ya gaishe dashi kamun ya fada mishi cewar husna bata da lafiya.

Ya bude idanuwan shi a hankali yanajin tamkar duka nauyin duniya aka dora mishi akai.

Ina amfanin wannan auren da babu komai a cikin shi sai matsala da takura.

Yayi niyyar ya kira doc din kawai yaje gida ya dubata sai dai baya son karanta.

Wannan kuma zai nuna cewar bai damu da matarshi ba wanda gaskiyane.

Yadai damu da kare mutunci da martabar gidansu.

Dan haka ya kira cikin hadiman wajen yace ai ma driver dinshi magana yazo au tafi.

*

Yana shiga gida bangaren husna ya nufa.

Ya sallami hadiman da suke zagaye da ita. Gefen gadon ya zauna.

Yanda yaganta sai ta bashi tausayi. Hannu yakai ya taba goshinta yaji shi kamar wuta.

Cikin rawar murya tace.

"Karka sake tabani.... Bana so"

Bai san sanda murmushi ya kwace masa ba.

Cikin taushin murya yace.

"Save it saikin warke. I am stuck with you like you are stuck with me. Badon ina so hannuna ke kaiwa jikinki ba"

Baya son jin kanta. Saboda shi ya kamata ya daga mata kai. Ba wai ita ba.

Duk da yasan abinda ya kamata yai mata. Saidai bazai karya alkawarin daya daukar ma kanshi ba.

Doc dinsu ya kira.

Tashi yai ya shiga toilet dinta.

Ya wani yamutsa fuska ganin pants dinta da bra data wanke.

Karamun towel ya dauka ya jiko shi ya matse ya fito.

Bargon da take lillibe dashi ya janye.

"Banaso" ta fadi dakyar.

Ko bi takanta baiyi ba. A goshi ya fara dora mata towel din.

Ta zabura saboda sanyin da ta kara ji.

Hannuwanta duk biyun tasa tana rike nashi.

Dayan hannun shi yasa ya rike nata duka biyun gam. A dake yace.

"Bana son gaddama. Ba yanda za.ai muyi tafiya bakida lafiya. I am not rescheduling saboda ke"

Bata da karfin yin fadan. Ba kuma tason yana tabata. Musamman yau dataji muryar ammar.

Sai ta sake tsanar shi. Wasu hawaye suka gangaro fuskarta.

Bata manta abinda yai mata ba dazun. Da kuma wanda yake mata yanzun.

"Ka sakeni please. Dan Allah ka sakeni"

Ta fada tana kallon fuskarshi.

Hannuwanta ya saki yaci gaba da dora mata towel din a goshi.

Ta bude baki zata sake magana dan taga bai gane me take nufi ba aka kwankwasa kofar.

"Come in"

Ya fadi dan yasan yace in doc din yazo ya ce a rakoshi bangaren husna din.

Da sallama ta turo kofar. Ta gaishe da prince ishaq da ya amsa cikin mamaki.

"Kayi hakuri. Doc amir ya samu flat tire a hanya saiya kirani coz ina kusa daku fiye dashi"

Jinjina mata kai yai kawai. Ya nuna mata husna da take kwance.

Duddubata tai sosai da aune-aune.

Tace ma prince ishaq. Damuwace tai mata yawa.

Tana bukatar hutu sosai. Ta bada list na prescription din data rubuta.

Kira yai akazo aka karba. Doc din ta zauna saboda za.ayi allurai guda uku dan zazzabin ya sauka.

Ba.afi mintina sha biyar ba aka kawo.

Ai husna na kyalla ido taga allura ta mike zaune. Idanuwa cike taf da hawaye tace.

"Wallahi na warke. Dan Allah karka bari taimun allura"

Doc din ta kalli prince ishaq. Matsawa yai kusa da husna ya kamo hannuwanta.

A tsorace ta rike shi sosai tana magiya.

Tun tana karama harta girma sai an riketa ake mata allura. Bata sonta ko kadan.

Ko wani za.ayiwa hankalinta tashi yake balle kuma ace ita.

Hannuwan shi ya zame daga na husna ya tallabi fuskarta. Ya saba mu.amala da patients irinta da yawan lokutta a baya.

Musamman yara kanana. Cikin idanuwa ya kalleta yace.

"Pull yourself together. Babu zafi fa"

A rikice husna ke girgiza masa kai tana fadin.

"wallahi zan bika abuja karka bari tamun allura"

Girgiza kai yai a ranshi yana fadin saikace zuwan shi abuja da ita zabi ne.

Kamo ta yai. Ya dagota sosai ya rike rungumeta a jikinshi. Kiciniyar da take ta kwacewa ma taso ta bashi dariya.

Sake matseta yai sosai a jikinshi hakan yasa ta yin luf. Alama yaima doc din cewar tazo tai mata allurar.

Ganin tana kokarin zame skirt din dake jikin husna ya sakashi lumshe idanuwanshi.

Yanajin yanda husna ta sake rukunkume shi da shigar allurar.

Haka kawai yaji zuciyarshi wani iri.

Yanda take rike shi yana saka shi jin wani yanayi da baisani ba kuma bama yason ya fahimta.

.
"Na gama"

Doc din ta fada.

Kai kawai prince ishaq ya daga mata. Ya nuna mata kofa.

Ta tattara kayanta ta fita.

Yana rike da husna har yaji yanayin numfashinta ya canza alamar bacci ya dauketa.

A hankalo ya ajiyeta yana bambareta daga jikinshi.

Da wani irin yanayi a jikinshi mai wahalar fassarawa ya fita daga dakin yana ja mata kofa. .

Da tunani barkatai a zuciyarshi harya tashi da safe.

Tun wajen karfe bakwai daya koma bacci bai tashi ba sai yanzun nan. Yana duba agogo har sha daya tayi.

Dakyar ya rabu da katifar yaje yai wanka. Ya shirya cikin wani kaya na karan miski brown.

Yayi kyau matuka. Har ya wuce zaiyi dining room din ya  tuna da yar mutane da take karkashin kulawar sa bata da lafiya fa.

Yaja wani gajeran tsaki sam sam baya son matsala a rayuwar shi.

Bangaren husna ya wuce yaga ko taji sauki. Dan bai niyyar daga tafiyar shi ba saboda ita. Yanda aka lika masa aurenta haka aka lika masa tafiya abuja da ita.

*

Husna kam dayake ba sallah take ba. Tunda ta tashi tai wanka ta shirya cikin wata doguwar riga simple.

Suka sha wayarsu da ammar harya shirya zuwa aiki. Dan ya ce mata ya samu aiki a wani gidan mai.

Suna gama wayar ta kwanta shiru abinda ya faru tsakaninta da prince ishaq yana mata yawo.

Sai taji kaman tanajin kam shi har yanzun kan gadonta. Taja tsaki.

Bakin natacce ta fada a ranta.  Tanata tunani har bacci ya dauketa.

*

Kwan kwasawa yai yaji shiru haka yasa shi turawa a hankali yaganta kwance tana bacci.

Babu karya tana da kyau. Shi kyan ta baya gabanshi.

Gefen gadon ya karasa ya zauna. Ya duba magungunan daya ajiye gefe suna nan yanda suke bata sha ko daya ba.

"Yarinyar nan ta rainani" ya fadi a hankali. Sai daya saka aka kawo plantain da fried eggs sannan.

Ba inda zai kwashi kaya ya tafi dashi yake fada ma kansa.

Hannu yasa ya shafi gefen fuskarta. Da sauri ta bude ido ta sauke shi a fuskarsa.

Ganin shi yasa ta saurin tashi zaune tana matsawa. Har haushin yanda take shakkar shi ta ba kanta.

Ga jarababben kamshin shi har ya gauraye dakin.

Hannu yakai zai sake tabata ta kara matsawa. Bai kobi takanta ba.

Ya matsa kusa sosai yaka UK hannu ya taba fuskarta ta rufe idanuwa. Ya taba wuyanta na minti daya yaji akwai sauran zazzabi.

Plantain din ya ajiye mata kan cinya da cokali a ciki yace mata.

"eat ki sha maganinki"

Ya wani hade rai yana kallonta kawai.

Husna ta kule. Bata son yana mata shisshigi. Inba naci ba me zai kawo shi dakinta.

Girgiza masa kai tayi alamar bata ci.

"Ki ci ki sha magani ko kuma ki zauna a dawo ai maki allura. I can't take you ko ina da wannan zazzabin"

Ya ce a gajiye. Kaman maganar kawai ta cinye duk karfin jikin shi.

A hankali ta dauki plate din. Turawa kawai take badan bakinta nada wani appetite.

Dan gara komai da allura. Banda auren natacce babu abinda ta tsana sama da allura.

Jitai inta kara amai zatai. Ta ture plate din. Matsawa tai ta dauko magungunan. Ta duba yanda zata sha su. Ta ballo saidai ba ruwa kusa.

Ga mamakinta prince ishaq ya tashi yaje inda fridge din dakin yake ya dauko mata swan da cup dayake a jiye kan fridge din.

Ya zuba ya mika mata. Saita tsinci kanta da danjin nauyin shi.

Ta karba cikin sanyin murya tace.

"Nagode"

Kai kawai yadan daga mata yanda yakanyi ma wasu cikin hadiman gidan in sun gaishe dashi.

Saida yaga ta shanye magungunan. Tana ta yatsina fuska yace mata.

"Kina jin ciwon kai?"

Ta girgiza kanta.

"Dizziness fa? Ko amai?"

Ta sake girgiza kai dan ya soma isarta. Shi ba likita ba ya tsare da tambayoyi.

Mikewa yai ya karasa daf da ita. Hannu yakai ya sake tabawa yaji yanayin zazzabin. Ta janye fuskarta.

Wani abu ya tsaya mishi a wuya. Ya rasa dame yarinyar nan take ji. Baya son ta zame masa kayane dan suna setting kafarsu abuja bashi da lokacin wannan shirmen.
.
Share ta yai ya matsa ya taba kumatunta. Ganin yanda bata so ne yasa shi dora hannun kan wuyanta.

Yabarshi akai fiye da yanda yake bukata dan kawai ya takurata. Tadai ki kallon shi harya dauke ya fita.

Zanin gado husna ta janyo ta goge kumatunta inda ya taba ta kuma goge wuyanta.

Amman da yake kaman yanda Allah ya zuba masa naci haka ma duk abinda yabar mata ajiki yake da naci.

Yaki fita sam. Ta ki daina jin dumin hannunshi da yanda tsikar jikinta ke tashi.

A fusace ta sakko daga kan gadon ta je wajen dressing mirror dinta. Duk wani collection na turare da take dashi saida ta feshe dakin dashi.

Jin turarukanta sunki korar kamshin nataccen nan yasata bude akwati nan da kayan kwalliya ne kawai a ciki da turaruka lefenta datai ma kanta alkawarin ba zata taba ba.

Tunda bata son mai kayan ba kuma tason abin hannun shi.

Kala uku ta bude daka gansu kasan masu bala.in tsada ne. Ta feshe dakin. Sannan taji yamata kamshi na daban.

Tana komawa kan gado ta kwanta ammar na kiranta.

"Assalamu alaikum tawan"

Ya fada tanajin fara.arshi cikin muryarshi.

Ta amsa da murmushi a fuskar ta.

Yanda yaji muryarta ya sashi tambayarta lafiya kuwa.

Tace.

"Nawan zazzabi nake danyi fa"

A rikice ya shiga jero mata tambayoyi.

"Ya Rabb. Yanzun ya jikin?  Kinsha magani? Ko sai kinje asibiti?  Husna ko....... "

Dariya tai ta katse shi da fadin.

"Ya kira likita an dubani har gida. Yanzun ma yazo yaban magani ya fita"

Lokaci daya muryar ammar ta sauya.

Can kasan makoshi yace.

"Husna karki soma son shi. Karya tabamun ke, husna in baki kashe auren nan ba wallahi zan iya mutuwa. Ki tausayamun"

Muryarta a tausashe tace.

"Relax nawan. Ka yarda dani mana. Ni bansan meyasa ya aureni bama. Wallahi bai damu dani ba. Bai taba yunkurin tabani ba."

Wani dumi taji inda ya tabata dazun tamkar waje na neman karyata zancenta. Ta kuma tuno yanda ya riketa da za.ai mata allura. Duk da dumin zazzabin da take ji bai hanata tuno nashi dumin ba.

Haka ta samu ta kwantarma da ammar hankali da sake jaddada masa alkawurran da bata san yanda za.ai ta cika shi ba.

*

Kan kujerar falon shi ya zauna yai shiru.

Kanshi ma ciwo yake. Yana so ya hada kayan tafiyar shi gobe duk da yanada kaya acan.

Amman akwai yan abubuwan dazai hada saboda yanayin tsaro. Ko da kwana hotel zai kamasu ba komai na can din yake son amfani dashi ba dul da cewar sababbi ne.

Wani lokaci yakan godewa halayya irin ta ummarshi da duk matsayinsu tai kokarin koya musu yin abubuwa da dama dakansu.

Takance kar matsayin da Allah yai musu ya saka su girman kai ko wulakanta na kasa dasu.

Su dauka cewa matsayinsu wani abune mai nauyin gaske da Allah zai musu tambaya akan yanda suka rike shi.

Duk da haka kamala ya kira dan ya yarda dashi sosai. Shi yasa ya hada mishi duk abinda yake bukata.

Ya kuma ce shine zai kaisu Abuja goben in shaa Allah. Dan haka kawai yake son canji.

A mota zasuyi tafiyar. Rabon shi dayai tafiyar fin awa daya a mota harya manta.

Ya sanar da kamal baya son security saboda hakanma na janyo hankalin mutane akan su.

Normal yake bukata ko da ta rana dayace. Yana son yayi abu kaman yanda kowa yake yi.

Yana son ajiye prince ishaq a gefe yai abu a ishaq dinshi zallah.

     

       .
Tun wajen karfe tara ya gama shiryawa Sai dai baisan ko ita ta shiryaba ko bata shirya ba.
Fitowa yai babban falo ya sami hadima daya dabai san sunanta ba don ba damuwa yai da hakan ba.

Har qasa ta tsugunna kanta a sunkuye tace

"fatan yarima ya tashi cikin qoshin lafiya?"

Lafiya ya amsa a taqaice mulkin na motsa masa.

Yana son ya tura a ce mata ta fito sai dai yana gudun zata iya fadar magana a gaban hadimansa.

Baya qaunar yarfi da harkar yada girma duk da bawai son matsayin nasa na yanzun da na gaba yake ba.

Da kansa ya taka zuwa bangaren ta ya nufi dakinta. A hankali ya qwanqwasa.

*

Husna kam tunda ta tashi taji jikinta babu zazzabi sam. Tadai yi wanka ne tasa aka kawo mata soyayyen dankali tadan ci.

Tasha magungunanta dan bata da bukatar natacce yazo ya maimaita abinda yai jiya.

Dan ta kula namiji ne shi da yake yin abinda yaso babu kuma wanda ya isa ya hana shi inya tashi.

Chatting suke da ammar a whatsapp dan jiya da dare ya sata tai downloading sabo.

Taji an kwankwasa kofar. A zatonta asabe ce ta dawo kwashe kayan data kawo dan haka tace

"Shigo"

Tura qofar yai tana kwance da wayarta a hannu ta dago.
Saurin sadda kanta qasa tayi tana ci gaba da danna wayarta.

Wannan nataccen nema sai dai ya gaji da tsayuwarsa a wajen ya shigo ko ya koma.
Chatting din da take da ammar ya fiye mata komai na gidan nan.

Shi kullum yaita fama da kaya kaman wani dan sarki. Duk da tsanarsa da tai baya hana mayyar zuciyarta ganin yayi kyau.

"Ki fito mu tafi."

Ya fada cikin wannan muryar tasa ta yanga. Sai lokacin ta tuna yaune yace mata zasu tafi abuja.

A kasalance tace

"ba zani ba aina fada maka"

Wani abu yaji ya tsaya masa a wuya.

Inda ba.ai masa umarnin ya tafi da itaba sai dai kawai taga bata ganinsa.

Zuciyarsa ta dibe shi ta watsa wani lokaci can baya.

****      ****

"Yayana ni fa saina bika......yai dariyarsa

"huddy kiyi haquri ba dadewa zanyi ba kwana uku kawai Kuma zamuyi waya"

Ta sake goge hawayen dake bin fuskarta

"bana so kanamin nisa."

Sauke numfashi yai

"huddy ke kinmin nisa ai"

ya fadi a zuciyar tasa.

A fili kuma yace

"banson jan magana ko bacin rai. Umarni ne na cewar na tafi dake.Ki shirya nan da 15 minutes. I don't want to drag you myself, don't tempt me "

Ganin bata da niyyar cewa komai yasa shi ficewa.

Ita yanzun kam me zai bata mata rai bayan tana manne da ammar a whatsapp....wuni suke hira ko yana office ma haka da dare suna manne yana rikitata da voice notes dinsa.

Da batai niyyar shiryawa ba sai wata zuciyar tace yanzun in ma baki tashi ba dawowa zaiyi.

Kuma ta tabbata tsaf zai aikata abinda ya fada.

Maganar ma da take yi dashi lokacinta take bashi.

Tashi tayi ta sake kayan jikinta. Wani karamun akwati ta dauka badan tasan menene a cikin shi ba.

Gara ma ta bishi abuja din dan ya sake tabbatar da baya gabanta.

Mayafi kawai ta dora kan kayan jikinta taja akwatinta zuwa falo...inda wata daga cikin masu aikin tai saurin zuwa ta karbar mata. Fita akai dashi.

Natacce ne ya fito daga side dinsa sanye da alkyabba ruwan hanta mai cizawa da wata irin hula akansa. Bata so ta tsaya zuciarta ta misalta mata kyawunsa.

"Ungo"

ya fadi.....hannunsa ta kalla daya miqo mata batare data yarda ta kalli fuskarsa ba.

Alkyabba ce mai kalar tasa sai dai wannan akwai ado na mata a jikinta.

"Ki saka saboda zamu fara biyawa ta gida sannan mu wuce."

Karba kawai tayi. Bata son magana mai tsaho na hadasu inba dole ba.

Tanajin idanuwansa na binta har ta saka ba tare data kalle shi ba tace

"muje"

Gaba daya kamshinsa ne cike da alkyabbar jikinta. Ta kuma tsani yanda hancinta ke jin dadin kamshin.

Gaba ya shiga ta bishi a baya har zuwa wajen motar (Range Rover) wata fara mai kyau.

Bude musu akai ta shiga shima ya shiga baya.
Har suka isa gidan babu wanda yacewa kowa komai.

Ita tana ta chatting da ammar abinta. Dan haka bata kula da komai ba sai tsayuwar motar data ji.

Aka zo aka bude musu qofa suka fito. Ya zo kusa da ita ya tsaya.

"Na iya lokacin da zamuyi a cikin gidan nan kiyi pretending komai normal ne a tsakaninmu."

Ya fada cikin muryar da takanji yaima yan aiki.

Cike da mamaki ta kalle shi.

Bata dai bashi amsa ba duk inda yai nan take binsa suna tafiya.

Tana kallon yanda mutanen cikin gida suke tsugunnawa tun kamin ya qaraso inda suke suna gaishe dashi amman ko kallon arziqi balle taji ya amsa.

"Ana gaishe dakai ko baka ji?" Ta buqata.

Bai bata amsa ba.. Taji haushin kanta ma datai masa magana.

Wani irin daki suka shiga da saita wuni a tsaye a wajen bata gama qarema kyawunsa kallo ba.

Ya zauna kan daya daga cikin manyan kujerun dakin.

"Ki zauna"

ya furta a hankali yana nuna mata waje a kusa dashi. Bata musa ba ta zauna.

Wata kyakkyawar mata ce magidanciya ta shigo dakin cikin shiga ta alfarma.
Sai taga matar ta mata wani irin kwarjini.

Kasa taga ya sakko ya tsugunna itama bata san lokacin databi yanda yai ba.
Saida matar ta zauna tukunna ya gaishe da ita cike da girmamawa...itama gaishe tan tayi....da fara.a ta amsa musu sannan taga ya koma kan kujerar ya zauna...itama tayi hakan.

"Babana an shirya kenan?"

Ta buqata. Cikin tausasawar murya yace

"yanzun zamu wuce nace saimun biyo ta nan mun gaishe dake."

"Aikam ka kyauta sosai ba zaka je da ita taci wani abu ba kuma kudan zagaya ciki?"

"Uhm uhm umma sai dai ko inmun dawo muna sauri ne kinsan ba jirgi zamu bi ba"

ya fada yana miqewa..
Saita tsinci kanta da sake tsugunnawa tace mata mun tafi.

Addu.a tai musu sosai. Kamun su kama hanya su fita.

Motar suka koma. Daga su sai driver din.

Tun dazun take mamakin yanda cikin motar yake.

Ba ta inda driver din zaiga me sukeyi saboda akwai barrier a tsakaninsu.

Hannu prince ishaq yakai ya taba goshinta. Ya sake taba kumatunta sanna ya koma cikin kujerar ya zauna sosai.

Husna kam batai mamaki ba. Kadan da aikin wannan bakin nataccen.

      .
IPhone din shin ya dauko ya saka headphones yana sauraran wakokin larabci na Rashid Al Majeed.

Ita kam husna suna hira ne da ammar sai dai idan network ya dauke ta tsaya saiya dawo.

Can yace

"Tawan me kike yine haka??

"Muna hanyar abuja"

Ta bashi amsa.

"Abuja???"

Ya rubuto da alamar tambaya.

Tasan mugun kishi irin na ammar koda yaushe saiya tambaya ko natacce yana da kyau tace masa mummuna ne shisa ta kara tsanarsa.

Shirun dayaga tayine batai reply ba yasa yace

"ke dawa zaku je abuja? Kuma me zaku yi?"

"Nima ban saniba ammar haka yace mu tafi ta bashi amsa."

Yafi mintina goma bai bata amsa ba sannan yace

"husna dan Allah karki bari ya tabamin ke kar ki so shi....ki taimakamin ki kashe auren nan."

Wasu hawaye taji zasu xubo na tausaya musu.

Hannunta na rawa ta rubuta masa

"yanda bana sonshi shima haka bazaimin komai ba...kayi haquri saina kashe auren nan munyi rayuwarmu."

"Zanso kina kusa dani yanzun zanyi shirune ina kallon kyawun idanunki masu nutsar dani cikin wani yanayi."

Ya rubuto.

Ta sauke ajiyar zuciya,yama zata fara zaman aure da wani ba ammar dinta ba mai nuna mata soyayyarsa.

Battery dinsa ne ya dauke. Don haka ta sauka akan whatsapp din tana nazarin yanayi na hanyar abuja dan bata taba zuwa ba.

Jingina tai da kujerar. A hankali ta juya kanta ta kalli natacce. Ya lumshe idanuwan shi da alama bacci yake.

Taja dan karamin tsaki a zuciyarta tana fadin bacci da headphones.

Batasan me yasa take jin inta bar masa bata kyauta ba. Hannu tasa ta dauki wayar da take ajiye kan cinyarshi.

Yana jinta saboda ba bacci yake yi ba. Ta dauki wayar tana swiping dayake ba password ta bude.

Pause ta sakama wakar da yake ji ta ajiye masa wayar inda taganta.

Bude idanuwansa yai ya juyo inda take, a kasalance yace.

"Saboda me zaki tsayarmun da waka?"

Shegen shisshigina mana ta fada a zuciyarta. A fili kuma shiru tai ta kyale shi. Dan bata da abinda zatace masa.

Kunnawa yai ya sake komawa yanda yake. Itama shirun tai batama san sanda bacci ya dauke ta ba.

Jiyai ta kwanto masa kan kafada. Ya bude idanuwanshi, daman yasan wannan natacciyar kaya zata bala.in zame masa.

Kamata yai a hankali ya kwanto da ita kan cinyarshi dan yanayin yanda take yana ganin jikinta zai iya ciwo in ta jima a hakan.

Kallonta yake da wani yanayiba zuciyar shi da baigane ba.

Kawai kuma ya basar. Gajiya yai shima yaso ya zame kujerar yadan kwanta sai dai bayason motsa wannan natacciyar.

Yanda bayason a tashe shi in yana bacci haka bayason ya tashi wani.

Saman kafadarta ya dora hannayensa ya dora kanshi. Shima baccin ya dauke shi.

*

Husna tana bude idanuwanta kamshin shi ya cika kata hanci. Abu taji a kafadarta. Takuma ji dumi sosai inda take kwance.

Sai lokacin ta kula da yanayin da suke. Kawai sai taji kasala ta saukar mata. Motsin datai ne ya sashi bude idanuwansa.

Muryarshi da take a bude ta sake zama wata babba saboda baccin daya tashi.

"Dagani to, tunda kin tashi"

Ya fada.

Lallai ma husna ta fada a ranta. Shima fa a jikinta yake kwance dan rainin hankali zaice ta wani daga shi.

Ita bama tasan me take kan cinyarshi ba bayan alkawarin datai ma ammar dinta.

A kufule tace.

"Ka dagani tukunna"

Murmushi ya kwace masa. Tashi yai daga kafadarta.

Ya zuba mata idanuwansa da bata so saboda yanda suke saka ta ji.

Gefe ta matsa ta wani daure fuska har taso ta bashi dariya ma.

Kujerar ya saukar ya kishingida sosai ya koma baccin shi.

Husna ma rakubewa tai can gefe ta koma bacci.

Bata tashi ba sai da suka karasa cikin garin abuja.

Ta glass din motar take kallo tana yaba kyawun garin.

     

Yanayin tsari na garin abuja ya burgeta matuqa.

Zataso ace da ammar dintane sukazo dataji dadin zuwan.

Bude musu mota akai. Tana fitowa takalli yanayin ginin gidan batasan

"wow"

ta subuce mata ba.

Zagayawa tai dan zatonta zaa bude bayan motar ne su dauki kayansu.

Ganin ta tsaya yasa shi fadin

"Muje mana"

"Zan dauki kayana ne" ta bukata tana masa kallon da yake fassara wannan wacce irin tambaya ce?

Kallonta yai sosai kamun yace.

"Muje za.a shigo maki dashi"

Ganin ya wuce abinsa yasa tabi bayanshi

Tsakiyar wani qayataccen falo suka isa.

"Za.a nuna miki bangarenki. Inkina buqatar wani abu hadiman gidan zasuyi miki"

Ya fada mata.

Bai jira amsarta ba ya wuce.
Wata ce tazo ta rakata har bangarenta. Wajen ya hadu dan duk tsanar mammalakin gidan datai bai sa yaqi burgeta ba.

Wanka tayi dan tagaji sosai tunda bata samu tsarki ba balle tace zatai sallah.

Ta duba wayarta ammar bai dawo online ba har lokacin.
Ta soma kewarshi.

Tunawa tai ashe fa kausar na abuja.
.
Wani murmushi ya qwace mata.
Wayarta ta dauka ta kirata.

Bayan sun gama gaisawa tace

"Ke er uwa ina abuja fa"

"Wooo bani address zan shigo gobe in shaa Allahu"

kausar ta fadi cike da farin ciki.

"Ta dora da meye sirrin? Rabon da inji muryarki haka harna manta husna."

Dariya tai tace

"kausar kin cika zolaya akwai labari saikin shigo ke dai"

"Ba damuwa kimin text din address din fa karki manta."

"Zan miki yanzun in shaa Allah."

Husna ta fadi.

"Tam ina jira"

kausar ta ce sukai sallama.
Ajiyar zuciya ta sauke.

Yunwa takeji dan haka ta yanke shawarar sauka qasa ta tambayi address din gidan nan ta tura ma kausar.

Daya daga cikin hadiman gidan ta tambaya suka fada mata.
Zuwa tai inda aka shirya musu abinci taci wanda yai mata.

Bataga natacce ba baya gabanta kuma. Ba.a shigo mata da akwatinta ba tun dazun dan kayan jikinta ta mayar. Ta tsani yanda kamshin nataccen nan yake manne dasu.

Sama ta koma tai kwanciyarta dan ammar ya dawo online.

Hira sukai tayi bata sake fitowa ba har qarfe goma na dare.

Tasan Ammar ya tafi kallon ball yace mata suna da wasa.

Ko ya dawo ma ita dai bai kirata ba kuma bata neme shi ba.

Duk da gajiyar dake jikinta baisa bacci yazo mata ba.

Fitowa tai daga dakin baccin zuwa qayataccen falon dake saman nasu.

T.V ta kunna. Channel din yana kan star movies.
Bata canza ba dan tasan suna saka films masu kyau sosai.

Wani horror ne mai tashin hankali.

A tsorace take kallon amman ta kasa tashi ta sauya tashar ko ta kashe.

Lokacin da suka gama sha biyu saura.

Sai yanzun take dana sanin kashe qwayayen wajen da tayi dan ta dauka ba zata ma fito ba.

Ga gidan yayi wani shiru musamman data kashe t.v din.
Sanyin AC bai hanata jin zufa ba.

A hankali take tafiya zuwa dakinta.

Wani abu taji taci karo dashi ta saki wata irin giggitacciyar qara.

*

Sai juyi yake kan tanqamemen gadonsa ya kasa bacci. Dan yanzun wahala yake masa tunani baya barinsa bacci.

Nas ya kira yaji lafiyarsa sukaita hira.

Yana fada masa ya shirya fa dan suprised din da zai masa ya kusa.

Dariya yai duk da sautinta ne kawai yakan fita ya manta yanda launinta yake a xuci.

Sukai sallama.

Fridge din dakinsa ya bude duk apple din daya samu ciki ya cinye shi dan yau babu komai cikinsa sai shi.

Fitowa yai ya dibi wasu dan dare yayi balle ya sa akawo masa.

Mamaki ya cika shi ganin duk an kashe wutacen lungun.

Yama manta natacciya tana rayuwarsa ma gabaki daya balle kuma a gidan.

Tafiya yake dan ya lalubo switch din ya kunna.
Yaji wani abu ya kawo masa karo kuma an saki qara.

Tamkar wanda aka dauka aka watsa duniyar tunani zuciyarsa ta budo masa wani yanayi:

****       ****

Ta baya ya lallabo ganin bataji tafiyarsa ba. A hankali yasa hannu yaja jelar kitsonta guda daya data sauka har gadon bayanta.

Wata qara ta saki a razane hadi da juyowa.

Shi kansa ta bashi tsoron riqeta yai dam a faffadan qirjinsa yana shafa bayanta.

"Huddyna kin cika tsoro daga tsokana."
Cikin tabararta tace

"Yayana kaban tsoro sosai."

*

Iya tsoro kam husna ta tsorata numfashinta har barazanar daukewa yake yi.

Rungumeta taji anyi cikin wani faffadan qirji.
Qamshinsa taji tasan shine. Natacce ne ya tsoratata haka.

Kanta yake shafawa

"huddyna kin cika tsoro daga tsokana."

Ya fada batare daya sani ba.

"Huddy?"

Ta nanata a zuciyarta.

"Ammar"

zuciyarta ta sake furta mata.
Idanuwansa a rufe suke yanajin duminta dan singlet ce kawai a jikinsa da boxers.

Sai dai akwai wani abu daya banbanta.

Wannan ba kalar turaren huddy bane.
.
Jin an ture shi yasa zuciyarsa ta sake shi daga duniyar tunanin data watsa shi.

"Ya salam"

ya furta dai-dai lokacin data kunna hasken wajen.

Idanunta ta sauke cikin nashi.
Da gudy tabar wajen.

Dafe kai yai? Why? Meyasa zuciyarsa take masa haka ne?

Saboda me zata dinga kaishi irin wannan wajajen dai-dai lokuttan da qaddara zata jeho masa natacciyar yarinyar nan.

Jikinsa ya hada da nata duk da yana qaryata cewar yaji wani abu.
Amman abinda ya qona masa rai ba damuwa dayai da natacciya ba son ganinsa da batayi.

Sai kace wani dodo ko wanda yake da abin qi a jikinsa.
Jibi yanzun tana kunna hasken wajen suka hada ido sai tayi tamkar wadda tai kuskuren kallonshi tabar wajen.

Fasa daukar apple din yai ya koma daki ya kwata kawai.

     
Husna kam dakinta ta koma.

Kuka take sosai.

Ya zatai ma ammar haka? Wannan cin amana ne.

Tunda tasan natacce ne. Kamshin shi kawai taji tasan shine.

Bata manta yanayin qamshinsa ba tabari ya rungumeta a qirjinsa.

Yanayin rungumar dayai mata batasan ya zata fassara shi ba. Tanajin sawun hannuwanshi akan bayanta har yanzun.

Tana jin dumin jikinsa gauraye da nata.

Da sauri ta miqe ta shiga toilet. Bathtub ta shiga bayan ta cika shi da ruwa.

Soso da sabulu tasa ta durje ko ina na jikinta har ya soma radadi ko zata wanke abinda take ji.

Sai dai ga mamakinta yanayine daya samu waje daram cikin zuciyarta bawai iya jikinta bane.

Da ace zuciyar nan zata ciru. Data fito da ita ta wanke ta tas. Ta goge ko menene ya dasa mata a ciki. Saboda bata son shi sam.

Tai kuka harta gaji.

Tunawa tai wayarta a silent take da sauri ta janyota.
Missed calls na ammar har 26.

Text messages guda 10.

Maganar dayai mata a whatsapp 53.

Tana cikin dubawane kiransa ya sake shigowa.

Da sauri ta dauka

"Nawan"

Wani nannauyan numfashi ya sauke da har taji ta cikin wayar.

"Ina kika shiga haka?"

Ta tsani kanta ta tsani qaryar da bakinta yake shirin furta masa.

"Bacci ne ya daukeni nawan wayar na silent yanzun na farka naga kana kira."

Ta karasa maganar cikin sanyin murya.

"Wlh naji tsoro sosai babyna babu tunanin da baizomin ba. Gashi kincemin kin bishi abuja. Husna mutuwa zanyi idan na rasa ki. In ya tabamin ke zuciyata fashewa zatayi wlh kishi kasheni zai husna"

Ya qarasa muryarsa na rawa.
Hawayen dake bin fuskarta ta goge cike da tausaya mishi. Dayasan abinda ta bari ya faru yanzun........

Da sauri tace

"kana karyamin zuciya in kana tunanin zan hada shimfida da mutumin dana tsana. Ni taka ce nawan. Kai kadai bazan taba hada maka jiki da wani ba gara an dauki gawata da hakan ya faru."

"Hmm husna ba zaki gane me zuciyata takeji ba inba kashe auren nan kikayi ba naga kin zama tawa tunani kawai zai iya kassarani."

Sun jima suna waya kamin suyi sallama.

Washe gari tana yin sallar asuba ta koma bacci danko wanka batai ba. Baccin ne a idanuwanta sosai.

Wayar kausar ta tasheta wajen goma da yan mintina.
Ta fada mata tana hanya.
Wanka tayi ta shirya kanta cikin doguwar riga simple ta sakko qasa ta zauna.

Hadiman gidan ta fadama tana da baquwa su shirya mata wajen cin abinci na falon sama.
Kausar na sallama ta tashi da gudu taje ta ruqunqumeta tana tsalle tsalle.

Dariya take sosai

"yau mun banu husna kaman wata yarinya."

Dai-dai lokacin da prince ishaq ya sakko daga benen.

Kausar ta ganshi ita kam husna tsalle tsallenta take yi.

*

Tunda ya fara sakkowa yake jin dariya da tsalle tsallen husna.

Kallonsu yake da mamaki a tsahon ganin da yake mata ko murmushinta bai taba gani ba.

Kullum fuskarta kaman zata saka mishi kuka. Sai kuma hawayen tan nan da baya so.

Inta fara zubo dasu har wani ciwon kai yake shirin kamashi saboda dagula masa lissafi take.

Sai yau tana ta dariya. Baisan murmushi ya qwace masa ba ma.

Sai yaga ta qara kyau.

Ohh ya fada a zuciyarsa yarinyar da ta tsane shi ya zauna yana ganin ta qara kyau kenan ma ya lura tana dashi.

Kauda kansa yai.

Muryar kausar qasa qasa tace

"dan ubanki ki nutsu."

"Wai me kike kallo husna ta fadi tana juya."

Lokaci daya fara.ar da take fuskarta ta dauke.

Tsikar jikinta ta wani tashi duk da ta janye idanuwanta daga fuskarsa zuwa qirjinsa.
Yanayin dumin qirjin ya fado mata a zuciya ta girgiza kai tamkar tana so ta batar da abin ta hakan.

Hannun kausar ta damqa da niyyar janta suhau sama ganin natacce ya nufo inda suke.

Amman taqi.

Cikin qasaita ya iso inda suke.

Murmushi ya dora a fuskarsa.

Cike da girmamawa kausar tace masa

"barka da warhaka."

"Barkanki"

ya amsa yana dorawa da.

"Mungode da ziyara"

Murmushi kausar tayi tace.

"Bakomai Allah ya kara girma"

Kai kawai ya daga mata ya wuce abin shi.

Husna ta jata suka wuce suma.

Kan hanya taketa faman masifa

"meye na wani gaishe dashi harda girmamawa. Ai wlh kin bani haushi ba kadan ba.A hakan ma sai uban yangar tsiya"

Shiru kausar tai mata saida suka sami waje suka zauna sannan tace

"husna kinsan ko waye shi din?
Naga alama baki sani ba koh?"

"Kinga nifa baya gabana asalima ke nake jira kizo kiban shawarar yanda zan kashe auren nan. Ammar ya dawo."

Sakin baki kausar tai tana kallonta.

      .

"Ba canai ki tsaya kina min wannan kallon kaman na samu haukaba nace miki ammar ya dawo yanzun haka ko yau da safe munyi waya dashi."

Husna ta fada tana kallon kausar cikin fuska.

Girgizata kausar tai tace

"Husna kina da hankali a jikinki kuwa? Kin manta kalar tashin hankali da muka shigane? Tabbas kin manta da har kike son mayar damu."

Ganin tayi shiru tana wani kumbura fuska yasa kausar ci gaba da fadin

"da aurenki kike waya da gardi???"

Cikin bacin rai husna tace

"karki sake kiranshi da gardi. Bana qaunar mutumin nan ko na qaramin lokaci. Idan na zauna dashi son ammar kasheni zaiyi. Na tsane shi kausar dole ne na rabu dashi na auri wanda zuciyata take muradi."

Husna ta karasa tana goge hawayen da suka taru a idanuwanta.

Girgiza kai kausar take cikin tashin hankali:

"kin samu tabin kwakwalwa. Kuma kina gab da saka ammar da duk masu sonshi cikin tashin hankali da rudu. Husna kinsan wa kike aure?"

Ta qarasa maganar cikin rawar murya.

A zuciya husna tace wai natacce din nan waye shine?

Fine a yanzun tasan yanada alaka da sarauta ko dan cikin gidansu data gani. Saidai bai dameta ba.

Tunaninta bai taba je mata wajem bama.

A fili kuwa girgiza mata kai tayi alamar a.a.

"Prince ishaq"

kausar ta fadi tana ci gaba,

"dan sarki kabeer. Wanda yake jiran gadon mulkin garin kano.Husna zaki jefa rayuwar ammar cikin garari inhar ya gane abinda kike. Meyasa ba zaki haqura da ammar bane ki zauna gidan aurenki? Ba kowacce qaddara ake sauyawa ba."

Wata irin dokawa zuciyarta take. Idanuwanta cike taf da hawaye tace

"kausar ki taimakamin wlh bazan iya haqura da ammar ba. Nayi qoqarin hakan na kasa."

Hannunta ta riqe tana fadin

"husna babu yanda zamuyi da Hukuncin Ubangiji, ammar ba mijinki bane."

Fisge hannunta tai a zuci tana fadin babu wanda ya isa ya rabani da ammar ko sarkin ne ma da kanshi ballantana dansa.Saina kashe auren nan ko ta yaya.

A fili kuwa ta goge fuskarta tace Allah yai mana jagora mubar maganar nan kausar sai wani lokacin.

Tashi muje ko breakfast banyi ba.

"Hmm mudai je nikam a qoshe nake."

*

Kausar ta wuni gidan. Da zata tafi ma ta sake ma husna kashe di.

"Kinga ki rufa mana asiri husna. Har yanzun su abba basu gama hucewa dake ba. Karki jawo wata sabuwar matsalar"

Fuska babu walwala husna tace.

"Nafa jiki da kyau. Yanzun yaushe zaki kara dawowa? Ko nice zanzo?"

Fito da idanuwa kausar tai tace.

"Rufamun asiri. Ni yar ubana. Duka satinki nawa da aure daza ki soma yawo. Zan dawo in shaa Allah"

Dariya husna tai tace.

"Yasan da hakan ya jajibo ni har abuja"

Girgiza kai kawai kausar tai ta wuce tana fadin.

"Sai munyi waya"

*

Falon kasa tai zamanta tana ta kallo.

Kamun daga bisani ammar yazo online su sha hirarsu.

**

Satinsu uku kenan abuja. Husna zata iya cewa tun ranar da sukai karo da natacce.

Magana bata sake hadasu ba.

Zasu hadu ko a falon sama. Ko na kasa tana zaune. Ko wajen cin abinci.

Tun satun da sukazo sau uku a haduwar da sukai zai taba fuskarta da goshinta yaji ko da zazzabi.

Badai magana yake mata ba. Wasu lokuttan idan yazo ya ganta a zaune babban falo shima zai zauna.

Sai dai taji idanuwansa na mata yawo alamar yana kallonta.

*

Prince ishaq kam hidimomin shi kawai yake.

Yanajin dadin yanda natacciyar can bata damun shi.

Bata zame masa kaya ba kaman yanda yake zato.

Asalima ya sake kula haduwarsu sai dole. Kawai dai bashida lokacin batawa ne akanta a yanzun.

Amman daya dan samu time dole in yana waje ta dinga kallon shi indai tana son zaman lafiya.

Badon ya damu da ita bane. Aa kawai ya damu da ta girmama shine bai kuma son dalili ba.

     

Tunani yake in ya tafi har kano bai fada ma natacciya ba sam bai kyauta ba.

Yasan ba magana take hadasu ba sam. Amman duk da hakan baya son rashin adalci.

Beside zai fada matane kawai ko da wani abu ya faru. Tashi yai daga kwanciyar da yake ya fito.

Ya koyi sa.a ta rage masa wahalar zuwa bedroom dinta dan tana zaune falon su na sama tana kallo.

Gidan ba kaman na kano ba. Da kowa yake da part din shi. Duk da nan dinma dai part dinsu daban amman falo ya hadasu.

Sallama yai mata. Yana neman waje kusa da ita ya zauna.

*

Kamshin shi kawai husna taji tasan ya nufota.

Ta lumshe idanuwanta ta budesu a hankali. Batason fitina da yammacin nan.

Cikin sanyin murya ta amsa sallamar shi hankalinta na kan t.v.

Remote ya dauka da yake kan Centre table din wajen ya kashe kallon da take.

Hakan yasa ta fuskantarshi. Idanuwanta a kasa.

Shisa bayason mata magana sai dole. Bayason yanda take yin kaman bata son ganin shi. Kaman wata kazanta ce a jikin shi.

A nutse yace.

"Zanje kano gobe in Allah ya kaimu. But ba dadewa zan ba. Kwana uku zuwa hudu"

Shiru tai ta kyale shi dan bataga dalilin da zaisa ya fada mata ba. Asalima taga zuwan shi kano ba damuwarta bane.

Ba magana suke ba. Saitai kwana biyunma bata saka shi a idonta. To wacce gulmar zata kwaso kafafunsa yanzun?

Kilanma da yai shiru har yaje ya dawo ba kula zatai ba. Bama ta damu ba.

*

Abu na farko da ya tsana shine yai magana ai shiru. Dafe kanshi yai na yan dakikai.

Ranshi ya soma baci. Bayason yanda take bata masa rai sam.

Muryarshi a dake yace.

"Magana nake miki"

Kaman wadda akaima dole tace.

"Naji ka"

Mikewa yai kawai ya nufi bangaren sa. Dan inya biye ta natacciyar nan zai yi abinda zaizo daga baya yana dana sani.

Saboda tagama kure hakurin shi.

*

Wani karamun tsaki taja ta dauki remote ta kunna kallonta.

Share bangaren zuciyarta tayi dake mata fadan cewar ko yankar naman juna suke da natacce dayazo yace mata zai tafiya tai masa addu.a

"Allah ya tsare hanya" ta fada a hankali dan tasan ba zata zauna lafiya da zuciyarta ba inhar bata fada ba.

Zatai tajin wani irine tunda ba sabawa tai ba.

*

Tun da yai asuba baima koma bacci ba. Dan jirgin karfe 9 na safe zaibi zuwa kano.

Bayason ya kwanta baccin bai gama isarshi ba yai ciwon kai.

Tun takwas yagama shiri. Babu wasu kaya dazai dauka. Dagashi sai I.D card sai wayoyi.

Driver ya dauke shi daga gidan zuwa Airport.

Headphones ne a kunnuwanshi yana sauraren karatun Qur.an.

Jiyai kaman driver din na magana kasancewar bai kure maganar ba.

Ya saka pause ya zare daga kunnuwanshi yace.

"Magana kake?"

A tsorace yace.

"Rankai dade kamar ana binmu ne. Tunda muka fito gida wannan motocin ukku suke biye damu"

Tunda driver din ya soma magana zuciyar prince ishaq ke dokawa.

Yasan ba karamar wauta yai ba fitowa babu security. A nashi zaton duk wannan zai kara janyo hankalinsu ne.

Bai zata sun biyo shi abuja ba. Addu.o.in tsari ya shiga karantowa dan yadan samu nutsuwa.

"Kaci gaba da tuki. Karkai gudu"

Ya fada a hankali. Wayarshi ya dauka ya kira kamala.

"Muna hanyan airport akwai motoci uku suna binmu. Do what you can and make it snappy"

Kamala baima amsa shi ba ya kashe wayar.

Ko mintina biyar ba aiba tsakani suka soma jin jiniyar motar yan sanda.

Cikin rawar murya driver din yace.

"Rankai dade sun sha U-turn"

Wata ajiyar zuciya ya sauke. Mutanen nan so suke suga bayansa.

Har airport yan sandan suka rakasu. Tukunna.

Text ya turama umman shi saboda ya tabbata abinda ya faru a abuja dan kadanne da abinda zai iya faruwa a kano.

*

Wayar ammar ta tasheta daga bacci.

Muryarta can kasa tace.

"Hello"

Dariya ya kama yi mata.

"Tawan koma baccinki"

Kamun ta amsa ya kashe wayar. Kwanciya tai shiru dan inta tashi bacci takan dade batai magana ba.

Sai da ta wartsake sannan ta tashi. Brush kawai ta sake yi dan tai wanka tun da asuba.

Kawai sai take jin mugun kewar yan gidansu. Duk da babu wanda ya kirata har yanzun. Ta kuma son fushin suke basu huce ba.

Bayan ita akaima rashin kyautawa aka liqa mata nataccen can da bata so.

Wayarta ta dauka ta kira maheer kaninta. Wayarshi a kashe. Ta tuna safiya ce kuma ranar laraba. Yana makaranta.

Dining ta nufa ta ci dankali da kwai ta koshi abinta ta koma falo ta zauna.

Batasan gulmar datai zuciyarta tunanin ko natacce ya sauka lafiya ba.

Kallo ta kunna dan bata son yanda yai mata katsalandan cikin tunani.

Read More

Share this

WhatsApp

WATA BAKWAI Part 1 to 10

Tunda abokansa suka rakoshi suka gama surutunsu da kawayen amarya bai ce uffan ba.

Asalima bazai iya maimaita magana daya da suka fada ba dan hankalinsa ba akansu yake ba.

Kallan yarinyar da take zaune kan gadon ya keyi baima san me zai soma fada mata ba.Ko kalar fuskarta bai sani ba tana zaune kan gadon lullube da mayafin da bashi da niyyar bude mata.

A hankali kaman mai koyon magana yace mata.

"Sannunki"

Tafi mintina biyar a zatansa ma bataji ba sannan cikin rawar murya tace masa.

"Nagode"

Hannunta tasa tana sake gyara mayafinta dai-dai lokacin da idanuwansa suka sauka kan hannayen nata da suka sha kunshi.

A gefe guda kuma zuciyarsa ta dauke shi ta watsa shi wani lokaci can baya.

***         ***

Da gudunta ta karaso inda yake.

"Yayana kaga kunshina yayi kyau?"

ta fadi da murmushi a fuskarta.

Shima murmushin yai mata yana fadin.

"Kai kai gaskiya baiyi kyau ba"

Fito masa da idanuwanta tayi lokaci daya ta tabare fuska tana shirin yin kuka.

Yana dariya yace.

"I am sorry. Just kidding, yayi kyau sosai. Waye yai maki?"

Juya bayanta tai alamar tayi fushi.

Rufe idanuwansa yai ya bude su a hankali in ba itaba bai fiye son yawan magana ba.

"kinga bara nai tafiyata since fushi kikeyi"

ya fadi yana mikewa. Riqo masa hannu tai sai da yaji wani abu har cikin kansa.

Bayaso tana rike masa jiki musamman in babu tsammani yaji hannayenta a jikinsa. Muryarsa can kasa yace.

"let go of my hand huddy"

Sake makalo shi tai. Saida yai mata tsawa sannan ta sake shi ta ruga kuma.

Yasan tabarar huddy kamar yunwar cikinsa. Kuka zatai kuma bashida zuciyar binta ya lallabata dan tana rikita masa kai da yawa.

***          ***

Idanuwansa da suke rufe ya bude. Hakan yasa zuciyarsa dakatar da inda ta dauke shi takaishi.

Sauke su yai kan yarinyar da take zaune kan tanqamemen gadon dakin.

Wani abu yaji ya soke masa zuciya. Jiyai sam bazai iya jurewa ba ya fice daga dakin yaja mata kofar a hankali.

*

Taji fitarsa. Kwantawa tai kan gadon ko kaya bata da kwarin tashi ta sake.

Kuka ne tayi shi har bata zatan tana da sauran hawayen da suka rage mata.

"Sannunki"

shine kalmar da tunaninsa ya bashi ya furta mata a darenta na farko a matsayin matarsa.

Wato kaddara dabance. Bata taba zatan auren wani bayan Ammar ba.

Fadar sunansa kawai a tunaninta yasa zuciyarta wani tafasa.

Ta gama tsanar mutumin nan tun kamin ma taganshi. Ya rabata da ammar dinta. Wai duk ma matan kano ya rasa wa zai aura sai ita.

Dan tsabar rashin adalci da rashin sanin darajar SO.

Kunshin hannunta ta kalla da bata ga amfaninsa ba can gefen zuciyarta ta tuno wani lokaci tayi kunshin jan lalle suna zaune da ammar.

***          ***

"Babyna ina son kunshi sosai. In munyi aure zaki dinga yimin"

ya fadi cikin karamar muryarsa da take so.

Murmushi tai a kunyace hadi da fadin.

"Saika biya tukunna"

Dariyarsa yai mata ya wani juya idanuwansa da yasan duk idan yayi yana burgeta sannan yace.

"Karki samu damuwa lokaci ne zaki fadamin ma.anar wannan maganar"

"Yaushe kenan?" Ta fadi muryarta da alamar dariya.

"uhm zakiyi bayani ne yarinya"

ya karasa shima da dariya a muryarsa.

***        ***

Wani radadi taji zuciyarta nayi tasan ta rasa Ammar da soyayyar nan tashi mai tsaya mata a rai.

Yanzun duk kulawar nan da alkawurransu sun tashi a banza? A wata daya kacal wani yazo ya ruguza masu soyayyar da sukai shekaru suna ginawa? 

Ya tarwatsa musu farin cikinsu saboda sonkai irin nasa. Ta tsani koma waye wannan.

Kanta taji yana mata wani irin ciwo ga zuciyarta da take mata zafi.

Haka tai kwance shiru tana duk wata addu.a datazo bakinta ko zata samu saukin radadin da takeji.

A hankali bacci ya dauketa cike da mafarkin Ammar.
.
Ya rasa kwanciya zaiyi ko zama ko kuma tsayuwa. A duk yanda yai zuciyarsa sam babu dadi.

Auren nan ya sake fama masa ciwukansa yasa suna zubda jini.

Da su umma sunsan bashida sauran zuciya mai numfashi ta bangaren soyayya balle kuma aure da basu matsa masa ba.

ko da yake harda laifin yarinyar da bata gaya musu bata son shi ba.

Shi kam yayi iya kokarinsa na kaucewa auren fin karfinsa akai. Itama yasan kwadayin abin duniya ne yasa ta nace ma aurensa.

A wata dayan da akasa na bikinsu. Kin zuwansa yaga kalar fuskarta kawai ya isa ya tabbatar mata da bai amincewa aurenta ba.

Amman saboda naci da kwadayi irin na matan yanzun saida ta bari aka daura masa ita. Inda huddy ta sha banban da sauran kenan.

Zuciyarsa ta fada masa. Dafe kai yai. Baya son wannan matsayin nasa da wanda yasan yana shirin samunsa a lokaci na gaba.

Yasan bakomai bane zai zabarma kansa amman ya dauka cewar atleast matar dazai spending rayuwarshi da ita shi zai zaba.

Bawai daukarta za.ai a lika masa bada son ransa ba. Gaba daya kansa yai masa nauyi. Neman wanda zai likama laifin abinda yake faruwa dashi yake kuma a yanzun babu wadda tafi dacewa irin yarinyar can dako sunanta ma bai sani ba.

Inma an taba fada a gabanshi bai rike ba dan bata ransa. Baya mata kallan komai sai yar katsalandan da kara masa matsaloli fiye da wanda zuciyarsa take ciki.

Gani yai sai juye juye yake yi ya kasa bacci. Ga ciwon kai na damunshi yama manta cewar tun abincin safe ne a cikinshi da ummansa ta takura masa ya zauna yadan ci. Bacci sam yaki yazo. Dan haka ya tashi ya shiga bandakin shi ya dauro alwala.

Hakanne kawai zai masa maganin wannan tunanin da ya addabe shi. Kuma yasan zai samu nutsuwa ko yaya take.

*

Bude idanuwanta husna tai. Kanta ya wani sara mata. Lokaci daya komai ya dawo mata.

Dacin da take ji a zuciyarta yana nan daram. Wayarta ta lalubo kan gadon, jikinta ya mata wani irin nauyi.

Bata san ta makara ba saida ta duba agogon wayarta taga karge bakwai saura mintina sha biyar.

"Lallai nasha bacci"

ta fadi a hankali.

Sai da kanta yadan saki sannan ta mike zaune. Taja tsaki. Wata kofa ta bude daga cikin bedroom din taga hanya ce.

Ta rufe ta nufi wata ta sake budewa taga dakin canza kayane. Ta juya idanuwanta. Ta sake bude wata taci karo da tankamemen toilet.

Duk haduwa irin ta gidansu da gidajen yan uwa da take zuwa bata taba ganin kayataccen ban daki irin wannan ba. Duk da tsanar gidan da maishi da tai yawa a zuciyarta bai hana ban dakin burgeta ba.

Wanka ta fara yi sannan tai alwala. Sai bayan ta idar da sallah sannan yunwar da takeji ta soma addabarta. Rabon cikinta da wani abu tun safiyar jiya.

Sai da ta gama shiryawa cikin wani less ruwan toka duk da ba wata kwalliya tayi ba kayan sun karbi jikinta.

Fridge din da yake can gefen dakin ta nufa ta bude cike yake da kayan alatu. Fresh milk ta dauka da apple dan ba ma.abociyar cin abu mai nauyi bace. Musamman da sassafe haka.

Bayan ta kammala ta dauki katan mayafi kalar kayanta ta lulluba sannan ta koma kan gadon ta zauna.

Ta kudurta a ranta koda wannan Nataccen zai shigo kaman yanda ta yanke shawarar kiransa dashi tunda ba sunansa ta sani ba. Kuma ba damuwa tai da hakan ba. Bata shirya ya kare ma halittarta kallo ba.

Auren kaddara ne ta riga ta runguma ko da da hannu dayane. Bata san iya lokacin data dauka ba kamin taji an kwankwasa kofar a hankali.

Gabanta taji ya fadi a sanyaye tace shigo. Zuciyarta na dokawa ga mamakinta wata mata ce mai matsakaicin shekaru ta turo kofar hadi da sallama. Amsawa husna tayi.

Har kasa matar ta tsugunna ta ce.

"Ina kwana. Fatan kin tashi lafiya"

Wani irin nauyin matar ya kama husna. Ko bata haifeta ba zatayi kanwa da ita. A kunyace ta amsa.

"Ranki ya dade ko kina bukatar wani abu?"

matar ta tambaya wadda har lokacin tana tsugunne. Cikin sanyin murya tace mata.

"A.a bana bukatar komai nagode. Ya sunanki?"

"Sunana asabe ranki ya dade. An shirya abinci ko da kina bukata nazo ingani. Dan lokacin tashin yarima daga bacci baiyi ba."

Sai da tai jim sannan tace.

"A.a nagode da kulawarki malama asabe. Kije kawai"

"Hutawarki lafiya ranki ya dade "

Asabe ta fadi tana mikewa ta fita daga dakin.

Husna ta yamutsa fuska alamar komai yai confusing dinta.

Wannan girmamawar da matar take mata yai yawa. Duk idan tace ranki ya dade din nan sai taji wani iri.

"Yarima"

Ta nanata tana tabe baki.

"Wa abbana ya auramin ni husna?"

tai tambayar da batasan mai bata amsarta ba. Zuciyarta tace mata.

"da kin maida hankali lokacin da ake miki bayani ai da kinsan kowaye."

Girgiza kanta kawai tayi. Tagaji da komai ma. Tagaji da tunani kan wannan auren tunda an riga an daurashi.

Takuma gaji da tambayoyin da babu mai bata amsarsu.

Hade kai da gwiwarta tai tana sauke wani dogon numfashi......

      .

Bai fito ba sai qarfe Goma na safe. Jikinsa sanye da shadda fara ya dora baqar alkyabba data sake taimakawa wajen bayyana kyawunsa.

Kai kawai yake dagawa duk hadiman gidan da suketa zubewa suna gaishe dashi.

Yau sarautar yake ji fiye da kullum magana ma wahala take masa.

Dining room ya shiga komai a shirye yake. Ya samu waje ya zauna.

Kaman yanda suka san tsarin cin abincinsa haka aka shirya masa komai.

Kadan yadan tattaba dan kawai kar ya zauna cikinsa babu komai.

Amman zuciyarsa bata da wadatacciyar natsuwar dazai ji dadin wani abinci.

Baibi takan natacciyar da aka kawo masa jiya ba dan hakan ya yanke hukuncin kiranta.

Ya yanke shawara da zuciyarsa babu ruwansa da ita.

Tunda bata gabanshi inta gaji zata gane hanyar gidansu da kanta danshi bashida wajen da zai mata a rayuwarsa.

Rigimar da yake ciki ma ta ishe shi ba saiya kara da tata ba.

Yana kammalawa ya miqe ya fita.

Bayan mota ya zauna driver dinsa ya tuqa shi zuwa gida.

Tun kamin ya fito daga motar hadimai ke tsugunnawa suna kwasar gaisuwa.

Wasu ya dan daga musu kai wasu kuma ya share abinsa.

Kai tsaye bangarensu ya nufa ya samu ummansa tana babban falo a zaune.

Har qasa ya tsugunna ya gaishe da ita ta amsa masa cike da fara.a ta dora da

"Babana har an fito kenan?"

Haka take fada masa kasancewar sunan mahaifinta da yaci.

"Nazo gaishe dake ne umma"

ya fadi yana murmushi duk da zuciyarsa babu dadi ganin mahaifiyarsa kawai ya bayyanar da murmushi a fuskarsa.

"Ya kwanan amarya?"

Ta buqata sai da yai jim sannan yace

"tana lafiya."

Ajiyar zuciya tai tace.

" babana saika yi haquri komai na rayuwa Allah ya riga ya gama tsarama bawansa. Ka zama mai rungumar qaddara. Kabawa auren nan lokaci sannu a hankali itama zata shiga zuciyarka."

Kawai shiga zuciyar data fada saida yaji ranshi ya sosu.  In ya saka wata a zuciyarshi ita kuma huddy ya dauketa ya mayar da ita ina?

"Nagode umma"

ya furta yana ji zuciyarsa na wani tafasa.

ya za.aima wannan natacciyar ta shiga zuciyarsa bayan auren kwadayi tayi.

Ita kanta yasan badon kudinsa da matsayinsa ba babu yanda za.ai tai wautar auren wanda bata taba gani ba.

"Bara na qarasa mu gaisa da mai martaba"

ya fadi yana miqewa.

"Tam Allah yai maka albarka."

"Amin umma."

Fada cike take lokacin daya qarasa.

Fadawa na ta zuba masa kirari.

Gaisuwa ya miqa bai jima ba ya taso abinsa.

*

Yama rasa ina zaije shi ba ma.abocin yawo bane ba.

Babu wata hidima a gabanshi tunda an bashi sati biyu cewarsu ya gama amarci.

Duk idan ya tuna wani takaici kara kamashi yake.

Yai tunanin zuwa lambu sai dai wajen babu abinda zai qara masa illa rashin huddy.

Ashe akwai lokacin da rayuwa zatai masa haka?

Lokacin da zai rasa farin ciki. Lokacin da zaiyi murmushi iya fuskarsa bai kai zuciyaba.

Akwai lokutta da dama da akan bata mishi rai sosai. Amman huddy tana kwantar mishi da hankali.

A haka ya daure aka mai dashi gida.

A can qasan ransa yana fatan Allah yasa natacciya na bangarenta dan bai shirya haduwarsu yanzun ba.

Bai shirya ganin fuskarta ba. Baiki suyita zama haka ba. Dan ba karamar matsala za.a samu ba inhar tace zatai kokarin shiga rayuwarsa fiye da yanda tai masa yanzun.

Yako yi sa.a bata babban falo.

Yai maza ya wuce bangarensa ya kwanta.

Ta danna wayarta tayi game din harta gaji sam komai baya mata dadi.

Ta kunna kayan kallon da suke cikin dakin. Saidai duk wani channel da zata kalla taji dadinshi inta kai kewar ammar zata kara addabarta.

Wasu programs din ita ta koya masa kallonsu. Duk idan yai missing ko yana makaranta ko wata hidima yana dawowa saita bashi labari.

Haka idan ita tai missing zai bata labari. Wasu lokuttan kuma tare suke kallo.

Wasu hawaye masu dumi suka zubo mata. Tasa hannu ta tarbesu zuciyarta na mata wani nauyi.

Yanke hukuncin fita ta dan zagaya gidan tayi amman ta kasa.

Duniyar ta hadu ta mata kunci.

Wayarta taji tana ringing. Ta dauka ta duba.

Da hanzari ta daga wayar ganin kausar ce take kiranta.

Bata san lokacin da kuka ya
qwace mata ba.

"Ya salam"

kausar ta fadi tana dorawa da
"lafiya kuwa? Husna meke ya faru?"

Har lokacin kukan bai tsaya ba daqyar ta sami muryar ce mata

"kausar bana son mutumin nan bana kaunar wannan auren.
Ammar nake so shi na tsara rayuwata dashi."

Cikin rawar murya kausar tace

"calm down husna please nasani amman kaddara babu yanda bata zuwama bawa dan Allah kiyi hakuri karki kara jan matsala tsakaninki da iyayenki."

"Hmm kausar bakisan yanda zuciyata take yiba ne shisa inama mutuwa nai na huta"

ta karasa cikin kuka.

"Dan Allah ki nutsu zan sake kiranki anjima inkin dan samu natsuwa kinajina?"

Jin bata da niyyar amsawa yasa kausar kashe wayar.

Ita kam husna jefar da tata wayar tai can gefen gado ta kife kan gadan tana wani irin kuka mai tsuma zuciya.

Sai da tai mai isarta sannan ta tashi ta shiga toilet wanka ta sake yi.

Lokacin uku harda rabi dan haka tai alwalar la.asar. Tai mamakin saurin jan lokaci haka. Duk yaushe tai azahar kodan tana jin duk girman dakin ya mata kankanta ne shisa lokaci yake tausaya mata yana gudu?

Inama ace yanda lokacin nan yake gudu haka kaddararta ta wannan auren ta nisanceta.

Ta jima kan dadduma tana addu.o.i kamin ta miqe.

Asabe ta shigo ta sake mata maganar abinci yanke shawarar fita tai kodan taga yanayin gidan da zata kira na aurenta.

Gidan da duk lumfashin da zatai a ciki saita fito dashi da wani nauyi a zuciyarta.

Asabe ta rakata har qayataccen dining room din.

Chips kawai taci tadan sha fruits ta fito zuwa wani tanqamemen falo ta zauna kan kujera.

Daya bayan daya hadiman gidan sukaita zuwa suna gaishe da ita.

Bata qirga su ba amman tana yaqinin zasu kai su goma sha biyar.

Aljazeera take kallo tana ganin yanda duniyar taketa qarewa ko ina yaqi.

Ita kanta hatsaniyar ce take faruwa akanta.  Saidai su yawancinsu mutuwa suke suna samun hutu da nutsuwa ta har abada.

Sabanin ita da take tunanin laifin datai take karbar horonsa da riba haka.

      .

Ya sha bacci sosai dan jiya da dare sam bai samu wani baccin kirki ba.

Babban falo ya fita hankalin shi a kwance.

Bai zaci ganinta a falon ba.

Zuciyarshi ta wani doka a yan mintina kadan ya manta da damuwarsa idanuwansa suka natsu wajen aika masa da saqonni kyawun yarinyar da take zaune a falonsa.

Hankalinta gaba daya yana kan kallan da take da alama ma bata san shigowarsa ba.

Wannan ce natacciyar da aka aura masa kenan to kyawunta bazaisa yaji komai ba yake fadawa kansa. Dan ya tsani makwadaita masu son abun duniya.

Kujera ya samu ya zauna  can nesa da ita.

sai lokacin ta dago ta kalle shi ta sake maida hankalinta kan T.V din kaman baya wajen.

Wani abu yaji ya tokare masa wuya. Sam bai saba mace ta kalle shi tai kaman baya nan ba duk min ajinta kuwa.
.
Yana da kyau shima yasan hakan.
Duk macen data kalle shi saita qara kallansa amman ta wani basar kaman bashi bane zaune a wajen.

Ballantana kuma in tasan koshi waye yanzun zakaga yarinya nasan yai mata magana ta shishshige masa.

Well nasan kudina da kuma matsayina yasa kika nace saikin aureni ya fada a zuciyarsa.

Yasan zata juyo ne ta sake kallanshi.

Ga mamakinsa miqewa tai ta gabanshi ta wuce batare da tayi koda yunqurin nuna yana wajenba tai gaba abinta.

Shi ya bita da kallo cike da mamaki yau shi prince Ishaq mace take wucewa kamar baya wajen.

Lallai akwai aiki a gidan nan. Zai iya jure komai dan tun daga huddy zuciyarsa ta daina numfasawa kowacce mace amman banda shariya.

Izzarsa da mulkin da yake yawo a jininsa bazai jure halin ko in kula ba.

Shi ya kamata ya share mata not the other way round. Domin ita ta nace ma aurenshi bawai shi ya nace ma ta ba.

*

Husna kam ganin natacce da tai a falo ba qaramin girgizata yaiba.
.
Kyakkyawa ne naban mamaki. Kallo daya zakai masa ka fahimci hakan.

Duk da kiyayyar da take masa tasan yafi ammar kyau amman hakan bashi bane zaisa ya burgeta.

Dan yanaji da kudi da kyau ba shi zaisa yai mata katsalandan da fin karfi ba.

Kyawunsa baya gabanta tunda shine silar rabata da farin cikinta.

Taga alamar yana ji da kanshi sai dai itama hakan take. 

Ta dawo dakinta ne tabar masa falon saboda karta sake kallan shi ya dauka burge ta yai.

''Babyna bana son inji kince kina kallan indian film kar kije kiga wanda yafini kyau''

maganar ammar ta fado mata.

"Hmm kai bakasan zuciyata ta kulle ba bata ganin kowa sai kai dear idanuwana ne kawai suke ganinsu."

Wannan shine amsar data bawa ammar a lokacin amman gashi yanzun tana hada kyawunsa dana natacce.

Haushi ta bawa kanta hadi da alqawarin zatai qoqarin qin sake kallan fuskar natacce in Allah yaso ya yarda balle harta dinga hada shi da ammar.

*

Washe gari da safe wanda shine kwananta na biyu a gidan natacce.

Ta tashi zuciyarta da nauyi da wata irin kewa ta ammar data addabeta.

Jinta take kaman bata da rai a wasu wajajen na jikinta. Komai tana yinsa ne dan anayi.

Tun jiya bata qara ganin natacce ba ko yana ina shi yasani dan baya gabanta.

Ta kammala duk abinda zatai ta fita zuwa babban falo ko zata dan shaqi banbantacciyar iska da wacce take a dakin baccinta.

Ta tako kenan text ya shigo wayarta.  Ganin kausar ce yasa ta dubawa taga tana tambayar ko tana lafiya.

Wani murmushin takaici ya tokareta.  Reply take rubuta mata tana tafiya.

Karo taji takaiwa wani abu dabata san komeye ba saboda rubutun da takeyi yasa bata kallan inda zata saka qafarta.

Wani irin qamshi mai sa natsuwa ya doki hancinta. Sai lokacin ta kalla taga inda kafadarta ta doka.

Faffadan qirjinsa taci karo dashi da sauri ta daga kanta tako sauke idanuwanta cikin na natacce da yake mata wani irin kallo da yasa ta jin gwiwoyinta sun mata nauyin gaske.

Ga wani irin kwarjininsa da taji ya cika mata zuciya.

Lokaci daya ta sadda kanta qasa tana kallan takalmin qafarsa.

Zuciyarta na barazanar fitowa daga qirjinta.

A dake yace mata

"ki dinga kallan hanya karkiji ciwo."

Wani haushi taji ina ruwanshi da ita shi baisan ta tsane shi bane ba.

Ta tsani yanda deep voice dinshi tasa tsikar jikinta tashi.

A hasale tace

"nagode bana buqatar tunawarka."

Kamin ya bata amsa ta wuce ba tare data sake kallan inda yake ba.

*

Dakinta ta koma ta zauna kan gado tana maida numfashi kamar wadda tai dambe.

Duk jikinta ya mata wani iri.
Ga idanuwan natacce da takeji har yanzun kaman yana cikin nata.

Hakan yasata saurin rufe idanuwanta ta bude su.

Wasu hawaye masu dumi suka bi fuskarta.

Ta goge in shaa Allah ta daina zubda ma natacce hawayen aurensa dayake kanta.

Tasa hannu ta goge hancinta ko zata goge kamshin sa da take ji har lokacin.

      .

Baisan yanda akai bakinsa ya furta masa abinda zuciyarsa take tunani ba.

Sam ba kalaman da kunnuwan natacciya ya kamata yaji bane ba.

Karon datai dashine ya tuna masa wani lokaci shida huddy hakan yasa shi yin irin furucin da yai wa huddy.

A karo na biyu da ta kalle shi ta sake dauke idanuwanta daga fuskarshi tamkar wacce taga wani naman ruwa.

Baisan abinda yasa hakan ya sake bashi haushi ba. Meye a fuskarsa da ta kasa jure kallanshi.

Who is she da zata kalle shi kaman shi din ba kowa bane.

Shin zaima iya tuna tsawon lokacin da wata mace tai masa magana da irin yanayin da natacciya tai masa.

Wai me take ji dashine? Kyau?

In kyaune shima ai yana dashi kuma bayajin tafishi.

Babu macen da zata ki girmama shi ko da bata son shi ballantana wadda ta like ma aurensa.

Well koma menene zai sauke mata shi.

Ba.ai macen da zata share prince ishaq ba ko da kuwa baya sonta ne dole ita ya burgeta.

Kawai ta bata mishi rai.

KiranNasir ne ya katse mishi tunanin da yake ya dauka yana fadin

"mutanen england."

"Yaya ni nayi fushi fa yau kwana nawa baka kirani ba? Tun ranar daurin aurenka"

Yasan bai kyauta ba kam. Musamman da nasir din ya fada mishi kwananshi biyu asibiti bashida lafiya ga exams zasu fara.

"Afuwan Kanina hidimomi ne sukaimin yawa shisa kaga ban kiraka ba. Ya jikinka?"

"Hmm it is alright"

nasir ya fada ya dora da

"Alhamdulillah naji sauqi. Ya gajiyar biki? Ya in-law dina? Kadai fada mata nace she should take care of you ko?"

Sai da yai dim sannan yace

"duk lafiya ya england? Ya karatun?"

"England gata muna ciki yaya,karatu yayi zafi mun fara exams jiya, na qagu inzo gida duk nayi kewarku."

Murmushi yai yana qaunar qaninsa kaman me duk a gidansu jininsu yafi haduwa in baka sani ba bazaka taba cewa baba kawai suka hada mama kowa data shi ba.

Shaquwarsu zata baka mamaki.

Cikin taushin murya Nasir yace masa.

"Are you really ok?  I mean is she making you happy?  If not yanzun na biyo available flight inyo gida"

Duk da wasan da yake yi bai hana prince ishaq yin yar dariya ba.

"Nas kai din nan ko!" ya fada da fara.a a muryarshi.

Haka suka ci gaba da hira na zuwa wani lokaci kamin suyi sallama.

*

Rayuwa take badan tanajin dadin ta ba. Jinta takeyi kamar wata zombie. Kaman wayar da take da full charge amman babu ko sim balle kai tunanin samun network.

Ga wani ciwon kai da baya sauka bata kuma damu data sha mishi magani ba.

Ga kirjinta data soma tunani sai ta dinga ji yana mata wani ciwo dakyar take tsugunnawa.

Yau kwananta bakwai cir a gidan natacce amman sau uku magana ta taba hadasu. Shima kuma duk kamawa hakan tayi.

Ta wanni fanin ta gode masa dabai yunqurin aiwatar da komai ba akanta da batasan yanda zata dauki hakan ba.

Kuma ta tabbata ba karamun rikici zasuyi ba.

Ta soma mamakin dalilin da yasa ya aureta.

Menene amfanin rabata da ammar ya kawota nan ya ajiye bayan ta kula bama damuwa yai da itaba.

Lokaci daya taji ta qara tsanar shi. Yanzun takan fita babban falo ta zauna banda nan bata zuwa kowanne fanni na gidan saikuma in zataci abinci.

Idan kewa ta dameta ta gaji da kallo Suna dan hira da su Asabe.

Hadiman gidansuna da kirki kuma suna matuqar bata girma.

*

Yauma kaman ko da yaushe yunwa ce takaita dakin cin abincin.

Tana shiga zuciyarta ta doka da qarfi. Ta tsani a gani na hudun nan datai masa zuciyarta ke son fitowa daga kirjinta.

Abu na farko da ya fara zuwa tunaninta shine kamshin sa da ta kasa mantawa.

Inba sharri bane irin na zuciyarta daga nisan da yake sai taji kaman ta jiyo kamshinsa.

Yana zaune kan daya daga cikin kujerun dining room din jikinsa sanye da wata alkyabba Ja.

Hannunsa rike da apple din dayake gutsura da wani irin yanga.

Ta kula duk ganin da tai masa da alkyabba a jikinsa.

Saurin sadda kanta qasa tai kamin ta gama fahimtar kyawun da yayi.

Da juyawa zatai ta koma daki idan ya gama ya fita saita dawo.

wata zuciyar tace nataccen zaki gudarwa?

Qarasawa tai taja kujera ta zauna.

Ko kallonta baiyi ba inma yaji alamar ta shigo bai nuna ba ko a jikinsa.

Apple dinshi yake tauna hannunsa daya kan tablet din shi da take kan table din wajen.

Kawai sai taji jikinta har wani kyarma yake ta kuma rasa dalili. Ga zuciyarta nata dokawa.

Yanayin da takeji bata tunanin wani abu zai iya zama a cikinta.

Dan jitai ya wani kulle ma. Haka ta dauki kankana guda daya da aka yayyanka da cokali mai yan yatsu tasa a bakinta.

Sai lokacin taji idanuwansa na mata yawo a fuska. Bugun da zuciyarta takeyi ya karu.

Sam taqi ta dago kanta duk da abinda idanuwanta keson yi kenan.

*

Yanajin shigowarta da zamanta wajen. Ta kasan ido yaga ta dauki kankana. Ya dago da kanshi ya kafa mata idanuwansa.

Kallanta kawai yakeyi yanda take tauna kankanar ma a yangance take yinsa.

Kanta a kasa. Badai ta dago ta kalle shi ba ballantana ma yai tunanin zatai mishi magana.

He is confused yanzun. Ya soma tababar anya kuwa kwadayine yasa ta nace wa auransa?

To inba kwadayi bane menene dalilinta da ba zata nace bata sonshi ba?

Kuma inda kwadayine zata dinga shishshige masa tana cusa kanta kaman yanda yan mata sukanyi masa.

Sai dai ya kula inda da yanda zatai karta ganshi ma gaba daya datayi.

Bata san koda kallan fuskarshi.

Tana yi kaman ma bata san yana waje ba duk idan sun hadu.

Hakan baqon abune a wajen shi bazai boye ba.

Yana daya daga cikin mazan da suke matukar son kulawa. Wata irin zuciya gare shi.

Yanajin rashin huddy fiye da ko yaushe ya tuna wani lokaci suna zaune.

***         ***

"Ke kaman baki taba ganina ba."

Dariyar nan tata da yake so tai masa tace

"yayana ni bana gajiya da kallan ka fa. Kana da kyau sosai."

Murmushi yai miqewa tai idanuwansa a kanta tace

"kace fa zaka koyamin doki."

"Ban manta ba huddy zan koya maki ba yauba kinga nagaji yanzun ki tafi wajen Nasir."

"Um um yaya nasir bazai yi hira dani ba yana karatunsa ne fa"

ta qarasa maganar a tabare.
Komai na huddy ya masa yana son yarinyar wani irin so da yake ji har jininsa ko dan akwai yan uwanta ka ta jini tsakaninsu ne shisa.

Tana rikita shi da yawa ya qagu watanni shiddan daya rage musu ya cika ya dauke kayarsa.

*

Wata ajiyar zuciya ya sauke.
Ajiyar zuciyar dayai ne yasa husna dagowa ta kalle shi.
.
A dai dai lokacin da shima ya dago daga tunanin da yake.

Ganin ta yasa shi tuna cewar yafa rasa huddy.

Wannan wata ce data shigo rayuwarsa ba tare da amincewarsa ba.

Kaman ko da yaushe saurin sauke idanuwanta tai kaman irin taso taga wani abune kuma ta fahimci baya wajen.

Husna kam bata san dalilin daya sa ya sauke ajiyar zuciya ba haka.

Kaman irin ya tuna wani nisantaccen abu.

Yanayin yanda ya kalleta da kuma yanda fuskarsa ta sauya lokaci daya ta daure mata kai.

Ya kalleta da sanayya a farko kaman taga yaso yai murmushi ne dayan yanayinne bata fuskanta ba.

Kema kike wahalar da kanki akan natacce zuciyarta ta fada mata.

Miqewa tai tabar wajen ba tare data yarda ta sake kallan shi ba.

Ya dafe kanshi. Baya son matsala amman da duk taku daya dazaiyi dan ganin ya guje mata da taku biyu da zatai don samun shi.

Dakinshi ya koma da fita zaiyi yaji sam ya fasa.

*

Kwance yake kan gadonshi maganar mai martaba na masa yawo a kwanya.

So yai ya tafi abuja abinsa yadan bar wannan shiga hanci da qudundunen da natacciya taiwa rayuwarsa.

Yadan samu nutsuwa ko ciwon kan da ke yawan damunshi zai masa sauqi.

Ko zai daina ganin natacciyar yarinyar can tana saka mishi jin rashin huddy.

Amman Mai martaba yace bazai tafiyar wata daya ba tare da iyalanshi ba.

Ko yaushe ta shigo rayuwarshi da har zata zama iyalanshi oho.

Shi baima san ta yanda zai fara ce mata ta shirya zasuyi tafiya ba bayan ko kallan fuskarshi bata son yi.

Bakuma ya son shige mata saboda bai manta da yanayin da tai masa magana ba rannan.

Komai zai iya faruwa in har ta sake daga mishi murya. Bai saba baba. Ba kuma zai fara daukar hakan daga wajenta ba.

Gashi jibi yake son tafiya abuja din. Ya gama shirya komai. Beside akwai abubuwan da yake son aiwatarwa da ba zasu yiwu ya soke tafiyar ba sam.

Duk da bata da wani matsayi a wajen sa. Darajar igiyar aurensa da take kanta ya wuce ace ya aika hadimai sun fada mata sako irin wannan.

Yanda baya son raini yake ji da izza baya son ya raina wani ta ko wanne fanni.

Dafe kai yai ya zama dole ya fada mata duk da baisan kalar zaman da zasuyi ba.

"Kalar zaman da kukeyi anan mana. Ko wa yai harkar gabanshi"

Zuciyarshi ta fada masa.

*

Yau satinta biyu kenan a gidan nan da take wahalar kiransa na aurenta.

Tun ranar da ta hadu da natacce a dining bata sake ganin shi ba. Hakan yafi mata kwanciyar hankali.

*

Tana zaune tana kallo kamshinsa ta soma ji wanda tun randa tai karo dashi ta kasa mantawa.

Ita kadaima in ta fito babban falo ko taje dining dan neman sharri irin na hancinta sai taji taji kamshinsa.

Jin kamshin ya fi na ko yaushe karfi yasata sanin da gasken shine ya shigo.
.
Cike da takaici ta ci gaba da kallonta zuciyarta na dokawa da sauri sauri.

Duk da tasan shine ya shigo bata ko motsa ba balle tai yunqurin kallan inda yake.

Tadai son nesa da ita zai zauna in zaman yazo yi kenan.

Jin zamansa gefenta kan kujerar da take yasa zuciyarta wani irin dokawa da karfin gaske.

Hannu tasa ta dafe kirjinta dan zata iya rantsewa natacce dake zaune gefenta yanajin yanda zuciyarta ke dokawa.

"Ki shirya zamu je abuja jibi in Allah ya kaimu."

Ya furta muryarsa a dake kuma can kasa.

Husna kamar zata kurma ihu. Akan me muryarshi zata dinga tayar mata da tsikar jiki.

Saboda me zaizo gab da ita ya zauna bayan kamshinsa takurata yake.

"Lallaima wannan ya qure rainin hankali sallama bata hadasu,gaisuwa bata hadasu sai yau zai wani ce mata ta shirya zasuje abuja jibi kaman wani ubanta."

Zuciyarta ta saka mata.

Shiru tai ta kyale shi tai kaman bataji shiba ma. Kanta akan tv. Tasa hannu ta dafe kirjinta kaman yana mata ciwo.

*

Wani abu yaji ya tokare masa wuya wai wannan yarinyar me take ji dashine haka da zai mata magana ta share masa.

Yar wacece ita da kamar shi zai mata magana tai kaman bataji shi ba.

Muryarsa a dake can kasan makoshi yace mata

"bana magana amin shiru."

Miqewa tai da niyyar bar masa wajen gaba daya.

Cikin wani irin zafin nama yasha gabanta saida ya tsoratata.

Ganinta tai can like da kasa dan ta tabbata in fuskarshi zata kalla sai ta daga kai. Saboda dogo ne.

Kanta a faffadan kirjinshi ya tsaya.

Kanta ta sadda qasa bata san ganin shi batasan yana mata magana ba taqi ya fita harkarta ba ya kasa gane hakan.

"Matsa in wuce ta fada"

muryarta na rawa kanta a qasa.

"Look at me... ki bani amsar maganar danai miki"

Ya buqata yana zuba mata idanuwansa. Ji yake kamar ya kwada mata mari sai ta dago ta kalle shi.

Baya son maimaita magana. Ko yaita fadar abu daya ka kasa ganewa. Bata mishi rai hakan yakeyi ba kadan ba.

Wannan natacciyar yarinyar ta kasa gane level din hakurin shi yakai karshe.

Numfashi yake ja yana fitar dashi a tsanake ko zai controlling bacin ran da yake ciki.

Husna tana jin hawaye na shirin zubo mata. Sam bata son takura ya kasa gane takura mata yake.
.
Kaucewa tai ya sake tare hanyar yaga alama yarinyar nan tana gwada haqurinsa.

Batasan waye prince ishaq ba harda rashin huddy ya sake mayar dashi haka.

Shi ya sashi zama so cool din nan. Da kudi akace tai masa hakan ba zatayi ba.

Gab da ita ya kara matsawa yau kome take ji saita sauke shi ta kalli fuskarsa.

Yanajin hucin lumfashinta a kirjinsa.

*
Husna kam zuciyarta ci gaba tai da dokawa tunda take bata taba yin kusa da namijin daba muharraminta ba haka.

Ammar ne yake mata yawo a kwanyarta ga kuma qamshin natacce daya addabeta so take ya kauce ta wuce yaqi.

Taga alama inba abinda yace tayi ba bazai barta ba.

"Ba zani abuja ba kabani hanya in wuce."

Ta fada da sauri dan batason yaji yanda muryarta ke rawa.

Murmushi yai duk da baikai zuciyarsa ba.

"I didn't asked you ko zakije ne. Nace ki shirya. And ki kalle ni kibani amsa"

Ya fada idanuwansa nakanta.

Ta soma qulewa a hasale tana shirin yin kuka tace

"wai kai wanne irin natacce ne ka qyale ni nace ba zani ba!" 

Kuma sam taki dago fuskarta ta kalle shi.

Lumshe idanuwanshi yai ya bude su a hankali. Akwai rigima kenan ya fada cikin zuciyarsa.

Hannunsa yasa ya dago mata haba cikin idanuwanta ya kalla.

Ji tai duk wani karfi na jikinta yana narkewa. Duk wata gaba ta jikinta ta mata sanyi.

"In kina so zaman lafiya you have to take note of three things.

Ba.amin magana cikin hargowa.

Bana magana aimun shiru.

Bakuma nason gardama da maimaita abu."

Ya karasa yana kallonta deel cikin idanuwa.

Husna tana jib dumin hannun shi dayake kan habbarta a ko ina na jikinta.

Kamar habar tata tana da wani dangantaka da sauran inda take jin dumin nakai mata.

Hannu takai da niyyar ture mishi nashi dai-dai lokacin da mararta ta wani  irin murda mata sai da ta ji lumfashinta ya na neman daukewa.

Hannunshin da zata ture ta kama ta rike gam tana kiran

"Wayyo mamina...."

Ji tai abin bawai na wasa bane ta sake kama hannun shi ta riko dam tana yin kasa.

Takan sha wuya ba kadan ba lokacin period dinta sai dai yau saura kwana biyu take tsammani ga abin yazo mata a bazata.....!
.

Prince ishaq kam hannunta yabi da kallo da wani yanayi a fuskar shi.

Gani yai da gaske takeyi cikin alamar tsoro yace mata

"ke meya hakan wai?"

Ta ma kasa magana kawai wayyoo mami take kira ta dafe ciki da hannu daya. Dayan kuma ya rike da na prince ishaq dam.

Baya son ganin wani cikin yanayi. Hakan na tuna mishi abubuwa da yawa.

Tsugunnawa yai Allah ya zuba masa tausayi musamman ma mata.

Cikin damuwa yace

"Are you okay?  wai meke damunki?"

Daqyar tace masa

"cikina..."
.
Wani abu da ya dade bai motsa ba a jikinsa yaji. Koma menene yafi karfin zuciyarshi.

Baisan lokacin daya kai hannun shi kan cikinta ba.

"Dai-dai ina yake ciwo?  Murdawa yake?  Zafi?"

Kaman bata masan yanayi ba. Pillow din kujera ya dauko ya ajiye kasa ya samu ya zame hannunshi daga nata.

Kamata yai ya kwantar.

"Stay right here"

ya fada ya mike da gudu har kafarshi ta taka step din farko na benen zai hau sama kawai kamar wanda aka dokawa guduma akai.

Ya tuna da alkawarin dayai ma kanshi na kin sake taba wani patient a rayuwarsa.

Na barin career din daya so tun yarintarshi. Fasawa yai. Ya sauko da kafarshi.

Wajen husna ya dawo da take kwance ta hade jikinta. Ya tsugunna. Muryarshi a tausa she yace mata.

"Sannu kinji bara na kira doctor? Or we should go to the hospital?  Can you walk?

Girgiza masa kai tai muryarta can qasa tace.

"zai tafi basaika kira kowa ba."

Hade fuska yai yace

"Ban fada miki ba.amin musu ba? Ko yan aikin gidan nan ne basu da lafiya hospital ake kaisu."

Duk zafin ciwon da husna take ji bai hanata harararshi ba.
.
A ranta tace wato ko yan aikin gidan nan. Itama ai ba catai tana da wani matsayi ba. Kaman yanda bata gabanshi bata kuma san me yasa ya aurota ba. Haka itama baya gabanta.

Tana kallonshi.Wayar shi ya dauko tana jinsa ya kira.

A wajen ya zauna duk motsin da zatai zai mata sannu.

Har doc din ya qaraso.
Cike da girmamawa taji sun gaisa kuma ya kira shi da prince ishaq.

"Prince ishaq" ta maimaita. Daman sunan shi ishaq kenan.

Tambayoyi doc din ya soma jero mata yanayin amsarta yasa ya fahimci period ne takeyin nata mai wahala.

Yadan rubuta mata magunguna yace bawani abu bane period dinta ne zai dai-dai ta inta sha wannan magungunan.

Ya maida hankalinshi kan prince ishaq yace.

"You know the rest.... "

"I quit. Sau nawa kuke son in fada maku?"

Yai maganar da wani yanayi a muryarsa.

Murmushi kawai doc din yayi yana daukar jakarsa. Yace ma husna.

"Allah ya kara sauki"

Ta amsa da amin muryarta can kasa.

"ka tafi da prescription din saika sa a kawomana"

Prince ishaq ya buqata.

"Alright Nabarku lafiya"

Doc din ya fadi yana ficewa.

*

Kallonta yake a nutse.

"sannu ya fada a cikin sanyin murya."

Tana jin shi. Yanda idanuwansa ke mata yawo a jiki. Shiru kawai tayi masa.

Bata so yana mata magana. Ita dazai tashi yabarta ma da taso.

Jin tayi shiru ga idanuwanta a rufe ya sashi daukar tayi bacci.

Ya sauke wani dogon numfashi. Sam baya son matsala.
.
Auren nan matsala ne a wajen shi. Yanzun idan irin wannan yana faruwa shi ya zai yi ne?

Jin tunani zai haye masa yasa shi miqewa ya fita daga dakin.

Cikin hadiman gidan ya tura mata guda daya don shi baida lokacin dazai bata yana kula da ita tunda bashi ya ajiyeta ba.

Kawai dai wata irin zuciya gareshi idan yaga mata cikin rauninsu.

Sai yanzun ma kalamanta suke sosa mishi zuciya.

Ya rasa meyasa natacciya bata son kallon fuskarsa kuma bata shakkarsa shi.

Wato yanda yake kiranta natacciya shiya bata damar ce masa natacce.

Ko dayake yafi ganin laifin mai martaba a wannan karin.
Shi ya takura masa ya aura masa ita kaman yanda yanzun ma yasa shi tafiyar nan da ita..

Sam baya son daukar kaya don ya tabbata shi zata zame masa.

Abinda zaije yi abuja yana bukatar sirri kuma mai martaba yafi kowa sanin haka.

Dashi kadaine zai zauna hotel abinshi. In yaje gida mutanen da yawa na iya sanin yana garin abuja.

Dafe kai yai ya sauke numfashi dai-dai lokacin da wayarsa ta dauki qara alamar kira ya shigo..

Sanin kowa keda ringtone din yasa shi fito da wayar daga aljihunsa ya lumshe idanuwansa sannan ya dannan wayar ya kara a kunne.
.
"Yaya wacece wannan data dauke hankalinka haka? Kar kasa in tsaneta tun kafin inzo.....baka da lokacina sam."

Cewar nasir da yake maganar kamar zaiyi kuka.

Yasan babu macen da ta isa ta dauke mishi hankali daga kan kanin nasa koda huddy ce balle wannan natacciyar duk kyan da take dashi kuwa.

Kawai dai damuwa ce tai masa yawa.

"Haba mana nasir. Wacece ma ta isa? abubuwane sunmin yawa babu lokaci sosai amman everything is gonna be alright karka damu."

"Yaya sune ko?  Ba zasu barmu mu huta ma ranmu bane wai?  Ko in dawo gida?"

Prince ishaq zai iya jin tsantsar damuwar da nasir din ya shiga.

Don haka yai kasa da muryarshi yace.

"No!  Ka tsaya ka gama exams dinka kana jina ko?  I am okay!  Komai zai tafi dai-dai in shaa Allah"

"To fadamun what is going on? " nasir ya bukata.

Prince ishaq ya dafe kai.Sanna yace.

"Drop it nasir. I am serious ka kyale maganar nan"

"Hmm"

kawai ya furta ya kashe wayar.

Prince ishaq ya soma tunanin kila dai saiya dinga rubuta abubuwan daya kamata yayi saboda yawan mantuwar da yake yi these days.

Ya saba kiranshi a kullum yaji lafiyarsa da yanda komai na rayuwarsa yake tafiya amman a satikan nan ko dan text din baya samun damar tura masa.

Bayan damuwar da take zuciyarsa baya buqatar wata damuwar kuma dan haka text kawai ya tura masa ya kwantar mada da hankali.

Ji yai iskar wajen ta masa kadan. Ji yake kamar kar nasir su gama exams dinsu ya dawo Nigeria.

Zaman shi a England yafi masa kwanciyar hankali. Yasan masu farautar ransu da son gadon mulkinsu duk abinsu zasu bar masa kaninsa in yana can nesa...

      .
    
Asabe tai zaune a wajenta har doc din ya dawo da magungunan daqyar ta tashi tasha.

Bata jima ba ta samu bacci cike da mafarkin ammar dinta.

Bata farka ba sai da yammaci sosai. A hankali ta bude idanuwanta....yanayin yanda taji jikinta ne tasan cewa ta baci ta dan gyara kwanciya da niyyar tashi taga Asabe a zaune cikin ladabi.

Tasan ita ta shigo wajenta bayan fitar natacce.

"Badai tun dazun kina nan ba?"

Husna ta tambaya da mamaki a muryarta.

"Ranki ya dade ina nan koda zaki farka ki buqaci wani abu....ya jikin naki?" ta amsa a ladabce.

Ita kam bata son wannan girman da suke bata nauyinsa takeji a kunyace tace

"da sauqi zaki iya tafiya abinki nagode."

"Ki huta lafia"

Asabe ta fadi ta mike ta fice,ciwon da takeji yayi sauqi sosai tashi tai ta nufi dakinta.

Kanta tsaye toilet ta nufa ta soma yin wanka don ta tsaftace jikinta.

Ta wanke kayan data bata ta dauro towel ta fito.
.
Wata er jaka data zubo abubuwan da tasan zata buqata ta dauko Always dinta ta duba saura guda biyu.

Ta dauki daya ta shafa farin almiski a jiki saboda yana dauke karnin jini kuma yana maganin ciwon sanyi da qwayoyin cuta da dama.

Bayan ta gama shiryawa tunani take tasan dole ma ta fita shopping tana buqatar kanan abubuwa na amfani.

Tsaki taja a fili tasan ba zata taba tambayar natacce zuwa unguwa ba don bai kai wannan matsayin a wajenta ba.

Shiru tai tana sake sake. Dazun da mararta ke ciwo sai taji kamar yasa hannu ya taba mata ciki.

Wani zafi taji kirjinta nayi. Inba tsabar naci ba inama ruwanshi da ita da har zai taba mata ciki.

Tama manta shi nashi hannun data kama ta rukunkume.

Dan rainin hankali wato jibi zamu tafi abuja ta nanata a zuciyarta wallahi yama rainani ta furta a fili.

Inba raini ba shi yana ma da qafafuwan dazai kwaso yazo wajenta yana fada mata zaiyi wata tafiya kuma har ma da ita.

Tunda a nata tunanin bata ga me yasa zai sanar da itaba. Babu ruwanshi da ita. Ko gaisawa basu taba yi ba.

Sai tai kwanaki bata ganshi ba.

Tome zatai masa in sun tafi taren ko kuma dai salon ya qara takurata fiye da wacce take ciki ne a yanzun?

Gabanta taji ya fadi. Kar dai ace so yake sai sunje abuja yace zai hada shimfida da ita.

Tunanin hakan kawai yasa taji hawaye sun cika mata idanuwa. Goge su tai. Tana tuna alkawarin datai.

Cewar ba zata sake zubda ma auren nataccen nan hawayenta ba.

Ko me zai faru kuwa. Tadai san akwai rikici kwance in har abinda take tunani yai shirin faruwa.

Wata irin kewar ammar take ji kaman zuciyarta zata fito. Wayarta ta dauko.

Tun satin bikinta aka qwace wayoyinta duka aka bata wannan aka kuma sake mata sim babu number din kowa saita yan gida da kuma kausar.

Ta sake jin wata tsanar natacce a zuciyarta. So take taga karfe nawa. Dan tana son fita sosai.

Idonta yakai kan date din wayar. Jitai kanta ya wani sara. Lokaci daya wani irin jiri ya kwasheta.

"06-03-2015"

Bangon wajen ta dafa tana kiran

"Inalillahi wa ina ilaihi raji.un" babu adadi ko zuciyarta zata samu nutsuwa daga yanayin da ta shiga a wani bangaren kuma tunani yakaita wani lokaci can baya..............!

***           ***

Tana kwance kan gado wayarta ta dauki ruri.

Jin kidan kawai ya bayyana murmushi a fuskarta.

Dagawa tai ta kara a kunne hadi da yin sallama.

Ya amsa mata daga dayan bangaren ya dora da.

"Haba mana tawan. Sai anjamun aji za a daga wayar? "

Dariya tai wani son shi na sake shigarta tace.

"Nawan ni na isa kawai dai..... "

"Kawai dai me?" tanajin murmushin dake muryarshi.

Itama murmushin take a kunyace tace.

"Nayi kewarka ne nawan"

Ajiyar zuciya ya sauke da tanajinta har ta cikin wayar kamun yace.

"Idan na fadi nawa a fili zaiyi yawa tawan. In shaa Allah 06 ga watan 03 zan dawo"

Lumshe idanuwanta tai saboda hawayen da taji suna mata yawo.

Muryarta na rawa tace.

"Wata ukku kenan nawan"

Sai da yai jim sannan yace.

"Tawan ki mun addu.a ke dai. Randa na dawo ba zanyi awa biyu ba za.ai maganar aurenmu in shaa Allah."

Ba zata iya ci gaba da maganar ba. Dakyar tace.

"Nawan zamuyi waya anjima"

Shima shiru yai na wani lokaci kamun yace.

"Babu damuwa. Ina sonki sosai. Take care of you for me"

"You too" ta amsa tana ajiye wayar tasan zai kashe.......

      .

Cikinsa yaji yana masa qara kuma yasan yunwace tun tea din daya sha da safe bai kuma samun natsuwar qara saka ma cikinsa wani abuba.

Abinda ya kara bata mishi rai tunanin waccan natacxiyar yarinyar daya fado mishi cikin jerin muhimman tunanin daya kamata ace yanayi.
.
Fada ma kanshi yake cewar auren shi dayake kanta bashi ya nema ba.  Saboda haka ba matsalar shi bace. Ya fita hakkinta tunda ya kira mata doc. Ya kuma tura a kula da ita.

So baiga dalilin dazaisa ace yana tunanin ko taji sauki ba. Duk da hakan ba bakon abu bane wajen shi in har akan marar lafiya ne.

Ita din daice baya so tana kutso mishi kai cikin tunani.

Bai baro inda yake ba sai bayan la.asar.

kansa tsaye dining room ya wuce.

Plantain da qwai yaci yasha fresh milk ya fito.

Dakin shi ya shiga ya watsa ruwa ya saka wani farin yadi marar nauyi. Tunawa yai a dining yabar keys dinsa ya fita ya dauko.

A babban falo ya hadu da natacciya kallo daya yai mata zuciyarshi ta wani harba.

Rabon dayaji ta numfasa masa haka tun huddy.

Tayi kyau duk da bayason fadar haka cikin doguwar rigarta abuja style daurin dankwalinta simple sai mayafi.

Tunda can yana son yaga mace cikin shigar kaya purple kowanne irine.

Lokaci daya yaja wata qatuwar qofa ya kulle zuciyarsa baima san yanda akai qofar ta soma budewa ba.

Da alama fita zatayi don akwai qaramin mayafi a jikinta tasa shade shima purple.

Cike da mamaki yake kallonta....kaman koda yaushe kanta a qasa ko inda yake bata kallaba asali ma rabawa tai ta wuce kamar baya wajen.

Ficewa tai abinta.

Murmushi yaji ya qwace masa ya jima rabon dayaji ya bayyana a fuskarsa haka kawai inba mahaifiyarsa yake tare da ita ba ko suna waya da qaninsa..

Yasan ko qofar farko ba zata wuce ba,babu wanda ya isa ya bude mata gate batare da izininsa ba.

*

Hanyo yi taita bi. Bata san gidan nada girma haka ba sai yau.

Daya daga cikin hadiman gidan ta sa ta rakata har kofar gidan.

Sai da ta ganta a wajen gidan tukunna zuciyarta da take dokawa tadan dai-dai tu.

Tana saka shade in dai zata fita amman ba kowanne lokaci ba.

Yauma ta saka ne saboda ya boye idanuwanta dan kallo daya zakai mata ka fahimci ta sha kuka harta godewa Allah.
.
Date din data gani ne ya sake tunzurata ta fita bada izinin mijin da aka daura mata ta fin qarfi ba....duk da sanin hakan ba dai-dai bane bai dameta ba.

Tunda ba tada mota a gidan ta yanke shawarar daukar drop zuwa diamond bank ta ciri kudi sannan kuma ta zo stop and shop ta siyi abinda take buqata.

Mamakin girman gidan take yi harda titi a ciki kaman na estate dinsu ta dan soma gajiya da tafiya dan ba sabawa tayi ba.

Gate tagani a garqame kuma babu kowa a wajen taji wani takaici ya rufeta takai mintina goma a tsaye a wajen wai ko zataga wani ya bullo tasa ya bude mata amman babu kowa.

Juyawa tai idanuwanta cike da hawaye tanata qoqarin tarbesu karsu zubo kenan fita ma in zatayi komin buqatarta saita sauke ajinta ta tambayi natacce kenan.

Bata kaunar abinda zai hada su magana da juna.

Tana son fitar nan kam ko dan gyaran jikinta ma dole ta fita....tafiya take ga nauyi da zuciyarta tai mata.

Ko a wanne hali ammar yake? Allah kadai ya sani tana dai da tabbacin tsakanin jiya da yau ya tsaneta!

Tasan abinda ya kamata tayi....duk da kashe di da mahaifinta yai mata.

Ta tabbata inda shi ya tsinci kansa a halin data tsinta zai fahimci yanda takeji.

Da wani sabon qarfin gwiwar data jima bataji shiba ta juya ta shiga gidan.

*

Prince ishaq kam keys din shi ya dauka ya shiga dakinshi ya dakko system ya dawo babban falo.

Yana zaune a falon hankalinsa akan system dinsa husna ta shigo.

Ta tsane shi wata irin tsana dabata san kalarta ba ko ganinsa bata sanyi.

Ganinsa kuma datai sai yake kokarin ruguza mata dan kwarin gwiwar da take ji.

Abin takaicin ma sai da taji gabanta na faduwa. Ga wani kwarjini da taga ya mata.

Tsaki taja cikin zuciyarta. Batason wannan abin da yake mata ko kadan.

Cikin muryar dabata gane tata bace tace masa

"kazo kasa a budemin gate zan fita."
.

Yaji shigowarta sarai ya ci gaba da game dinsa.

Ya kuma ki abinda tace. Dame take ji da ba zata dauke shi da muhimmanci ba.

Dan shi bata gabansa bashi zai bata damar jin hakan game dasji ba. Ba ai macen da zata nuna masa iyakarsa ba. Ko da huddy ce kuwa.

Dole ta bashi girma ko bata so.

In tana son magana dashi ta zagayo ta kalli fuskarsa.

Husna kamar zata saka ihu don takaici.

"Magana fa nake maka kazo kasa a budemin gate."

Ta sake fadi cikin alamar qulewa.

System dinsa ya rufe ya miqe yana shirin nufar dakinsa.....tasha gabansa shade din idonta ta cire ta kalle shi cikin fuska sosai.

Tunda yake bai taba ganin kiyayya irin wadda yagani a cikin idanuwanta ba.

"Don na tambayeka abu zaka nemi wulaqantani?"

Da mamaki sosai yake kallonta. A. Lokaci daya kuma yana tambayar kanshi akan me zata aure shi.
Ta tsane shi!!!

Yagani cikin idanuwanta bata son shi. Ko da zaka auri mutum dan kudin shi da kalar tsanar datai masa kam zata hakura.

Sai dai duk wannan bai bata damar yi masa magana yanda take so ba.

Kamar wanda magana ke ma wahala yace.

"Not that i care. Ki rubuta ko me kike so aje a siyo miki"

Hawayen ta take iya bakin kokarinta wajen tarbewa. Da tana da bindiga harbe wannan nataccen zatai.

Me yasa baya ganewa ne. Me yasa yake son kara mata kunci har haka.

Muryarta na rawa tace.

"Kabarni da abinda yake damuna. Just kasa a bude mun gate"

.
Kallon nutsuwar nan ya tsaya yake mata.

Kallon da zaka rantse bashida wani muhimmin abun dazai daya wuce ya zuba mata idanuwan shi yana kallonta kamar yana hango har abinda yake bayan fatar jikinta.

Tun da ta kalli idon shi tai magana dazun ta sauke kanta kasa.

Tana jin yanda idanuwansa ke mata yawo. Saboda duk damuwar da take ciki bai hana kamshin shi damunta ba.

Bai kuma hana bangaren zuciyarta dake dokawa duk idan taganshi ci gaba da aikin shi ba.

Ganin suna shirin daukar mintina biyar bai ce komai ba. Yasa ta fadin.

"Bana son duk wata alfarma da zata fito daga wajenka zan je da kaina kuma zan shiga motar haya"

"Motar haya" ya nanata a zuciyar shi. Bawai bai san akwai bayin Allah da suke hawa motar haya bane.

Sai dai har ga Allah ya manta da wani abu waishi motar haya.

Saida yazo daf da ita wannan karon ma kanta a qasa hannu yasa ya dago mata da fuska ranshi ya baci.

Bakuma ya son ana bata mishi rai saboda bako yaushe yake iya controlling abinda yake aikatawa ba cikin bacin rai.

"Ba.a fadamin duk abinda ake so....idan kika qure haqurina ba zai maki kyauba. Daga randa kika tako kafafuwanki cikin gidan nan kike cin alfarmar da duk wanda yake karka shin sa yake ci."

Ganin yanda jikinta ke kyarma a hankali ta kuma kasa kallon idanuwanshi. Duk da idanuwanta akan fuskar shi suke.

Ya jinjina kai kamun yace.

"Ko hadiman gidan nan suke bukatar wani abu fita ake a siyo musu."

Ko ina na jikinta kyarma yake. Karo na biyu kenan daya kai hannun shi a habarta.

Kuma dumin hannun yana shigar mata wajaje da yawa a jikinta.

Hannunta tasa ta ture nashi hannun. Karfin gwiwar da take ji ya gama narkewa. Kawai so take ta samu abinda take bukata.

Karo na biyu da yai misalin matsayin yan aiki da nata.

Ta rasa abinda yasa hakan ya sosa mata rai.

Yana kallonta ta bude jakar hannunta ta dauko dan karamun diary da biro.

Ta rubuta always da recharge card. Ta rubuta pin din ATM dinta daga kasa taja masa layi.

Sannan ta rubuta 10k da take so a ciro mata.
.
Ta dauko ATM din 3k. Always ta 1k. Katin MTN na 2k.

Batare data kalle fuskar shi ba ta mika mishi takardar da kudin da ATM din.

Wani irin kallo yai mata sannan ya karbi takardar kawai yabar kudin da ATM din suka fadi kasa.

Bai jira amsarta ba ya wuce abinsa ya tsani wannan yarinyar da take ji da kanta.

Duk a yanzun ya tabbatar ba kwadayine yasa ta aure shi ba tunda yaga tsanarsa a idanuwanta.

Sai dai ya rasa dalilin dazaisa ta aure shi idan tana masa wannan tsanar.

Waya yai akawo always din guda goma da katin MTN na 5k.

Bai koma dakin shi ba saida ya bar umarnin in an kawo kayan akai ma natacciya bangarenta.

Yana shiga dakin shi ya sake duba list din yaga ta saka a ciro mata kudi.

Yaja tsaki. Baya son harkar karanta ko kadan da zubda mutunci.

Drawer din gadon shi ya janyo ya dauko rappers na kudi yan naira dubu dubu.

Na 50k ya dauka dan babu ma kudin sosai. Sai ya kira an ciro mishi.

Baya jin zai iya sake fita babban falo. Saboda yanda ranshi yake a bace.

Waya yai ma Kamala da yake kula da komai na gidan. Yasa a turo masa wata bangare shi.

Falon shi ya fito ya tsaya. Sai da tazo ya bayar da kudin a akaima natacciyar yarinyar can.

Kan kujerar falon ya zauna. Ya lumshe idanuwan shi yana karanto addu.o.in dazai samu nutsuwa a bisa koyarwar musulunci.

Sallama yaji. Ya bude idon shi. A ladabce hadimar da take tsugunne tace.

"Allah ya ja da ran yarima"

"Lafiya?" ya bukata muryarshi a dake.

A tsorace hadimar tace.

"Rankai dade. Uwargida tace a dawo maka da sakon nan"

"Kije da shi kawai"

ya fada yana kirga 1-10 cikin kanshi.

So yake ya nutsu ko yaya ne kamun ya fitar da kafarshi daga falon nan.

Cikin rawar murya hadimar tace.

"Rankai dade ban fahimta ba"

Cikin tsawa yace.

"ki dauki kudin nace yaren hausa ne bakya ganewa!!!"

Da sauri ta mike tana fadin.

"Allah ya huci zuciyar yarima"

Tana fita ya saka takalmanshi ya nufi sashin husna da tun ranar da aka kawo ta rabon da ko hanyar ya kalla.

Read More

Share this

WhatsApp