KAREENATEEY Page 31 to 40

Khaleel ya kalli yana yin garin yace"guy mu wuce five stars hotel kawai,dan kan mu ƙarasa barrack ruwan nan zai sauko.

Direct suka wuce can kawai,no 443 suka kama,suna shiga ɗakin yaya Khaleel ya cire kayan shi ya wuce bathroom kawai.

Sai da ya fito wanka ya canza kaya zuwa nighties sannan ya ɗauki waya ya kira major Aliyu,ya sanar dashi cewa ruwa ya tare su.

Major Aliyu yace"babu komai Insha Allah da yau da gobe duka ɗaya ne a wajen Allah",haka suka yi sallama.

Yaya Abdus-samad shima wankan yayi sannan yazo ya kwanta,Yaya khaleel shi a Lokacin har ya fara barci.

Zuby ta buɗe idanu,cikin sauri ta miƙe ta zuba mishi idanu,dariya yake yi,jikin shi ɗaure da towel yana tsane sumar kan shi da  ƙaramin towel ɗin.

Cike da mamaki tace"my soldier Khaleel",ta ƙarasa sunan tana murmushi,jin saukar mari ya dawo da ita hayyacin ta.

Dafe kunci tayi sannan ta kalle shi,fa'iz ne tsaye a kanta ranshi a ɓace yake jifan ta da mugun kallo.

Da mamaki take kallon shi,cikin fushi yace"Uban waye Khaleel kuma",kai ta saukar ƙasa.

"ba magana nake miki ba haka jiya kika dinga ambatar sunan,kada kice mini kin canza ni ne,wallahi sai na kashe shi".

Shaƙe mata wuya yayi,idanun ta ya kawo ruwa ganin kamar ba'a hayyacin shi yake ba yasa ta fara ihun neman taimako.

Khaleel yaja tsaki jin ihu yaƙi ƙarewa,tattara kayan su ya fara yi sannan yace"my guy ka taso mu wuce kawai wannan ƴan iskan zasu fasa mana kunne".

Ita kuwa duk abinda hannun ta ya kai ɗauka take tana ƙwala mishi,so take kawai ya sake ta amma abu yaci tira.

Securities suka ƙaraso bakin ƙofar,spare keys aka saka sannan aka buɗe,da ƙyar suka ƙwace ta.

Shi kuwa fa'iz babu abinda yake amabata banda sai na kashe ki sai na kashe shi,ke macuciya ce".

Zuby kuwa tunda taji ta shaƙi iska purse ɗin ta kawai ta ɗauka da sauri tayi waje tana shafa wuyan ta.

Cak ta tsaya ta zuba mishi idanu,yana tsaye ya harɗe hannuwan shi a ƙirjin shi,yana kallon ta da ɓacin rai a fuskar shi.

Duk da yadda tayi kewar shi amma bata so haɗuwar su ya kasance anan ba,gaban ta ya buga.

Dafe kanta tayi tace"na shiga uku ni zubaida",ɗagowa tayi gaba ɗaya ta tsargi kan ta ganin yadda yake kallon nata.

"hi" tace mishi tana washe baki,kallon ta yayi up and down kafin ya juya ya tafi,Abdus-samad yabi bayan shi kawai.

Ajiyar zuciya tayi kafin tayi saurin fita,kan ta fito har sun fice,motar tasu tabi da kallo tana mai wasi-wasi a zuciyar ta.

Cikin sanyin jiki ta nufi motar ta,ta shiga sannan ta tada motar itama ta rufa musu baya.

Koda suka isa direct office ɗin mahaifin ta suka wuce,sai da suka yi duk abinda zasu yi,daman file na zaman da sukayi a Abuja zai amsa yana amsa kuwa ya wuce.

Shima ɗin major gida ya wuce,yana parking itama tayi,da sauri tace"dad welcome back home yanzu dama nace bari na biya ta office ɗin ka ashe gwara da banje ba".

"zubaida ina kika kwana jiya,dan baki kwana a gidan nan ba",yarfe hannu tayi tace"daddy ba dai ka fara zargi na bane".

Girgiza kai yayi yana faɗin"a'a ni na isa kawai dai na tambaya ne amma tunda bakya so shikenan zo mu shiga ciki,yanzu muka rabu da lit.Ak ya dawo daga zaria jiya yace mini a five star hotel suka kwana".

Gabanta ya faɗi cikin sauri tace"bayan haka fa?",kallon ta yayi yace"meya faru",girgiza kai tayi tace"a'a babu komai kawai dai ƙawata itama acan ta kwana ne,ya faɗa maka wani abu kuma?".

"a'a be faɗa mini wani abu ba,ko wani abu ya faru ne",ɓoyayyiyar ajiyar zuciya ta sauke"a'a kawai dai ƙawar tawa ke bani labarin wai taga wani soja wanda ya birge ta inaji shine".

Riƙo hannun ta yayi yace"may be to,amma kuma ai shi ya faɗa mini cewa da safe suka baro tun kan mutane su fara zirga-zirga".

Jan kujera tayi ta zauna tace"oh dad ka manta kawai ka sani ko ita ta ganshi,shi kuma be gan ta ba".

"oh yes "ya fada yana zama,haƙiƙa yana son yarinyar shi saboda mahaifiyar ta da Allah yayiwa rasuwa tun tana ƙarama.

Haka suka ci abinci cikin farin ciki da annashuwa,sama ya nufa inda ita kuma tayi ɗakin ta.

Kamar yadda ta zata zuly bata nan,ɗan ƙaramin tsaki taja sannan ta cire kayan ta,tayi bathroom.

Koda ta fito ta sami zuly a zaune wanda alamu ya nuna bata daɗe da shigowa ba,kallon juna suka yi sannan kowa ya saki tsaki.

Itama zulyn bayin ta shiga tayi wanka sannan ta fito,a tsaye ta sami zuby sanye da atamfa doguwar riga.

Kallon ta tayi sannan ta taɓe baki tace"da alamu Khaleel ya dawo",murmushi ya suɓuce mata gira ɗaya ta ɗaga mata.

Jinjina kai tayi tace"kina tattare da aiki wallaho",ita dai bata ce mata komai ba ta ɗauki gyalen ta ,ta fita.

Ƙaramin tsaki zuly taja tace"iska na wahalar dame kayan kara",daga haka ta cigaba da shirin ta.

Zuby kuwa mota ta shiga ta tada ta fice daga gidan,fuskar ta cike da annashuwa,a dai dai bakin get ta tsaya.

Yau fuskar a ɗaure take haka kuma sanin ko ƴar waye yasa yau basu hanata shiga ba,gashi dama bata zo da wargi ba.

Khaleel da tunda suka taho hanya yake jan tsaki,shi dai dama Yaya Abdus-samad be tanka mishi ba.

Suna isowa wanka kawai ya shiga yayi,farar singlet ke jikin shi sai wando three quater me ruwan kunun kanwa.

Laptop ɗin shi ya janyo sannan ya fara aikin shi,shi kuwa yaya Abdus-samad kitchen ya shiga domin sama musu abinda zasu ci.

Knocking yaji,cike da mamakin waye tunda ya san Al'ameen kaɗai ke zuwa kuma shi yana kaduna har yanzu be dawo ba.

Bada iznin shigowa yayi,kamar mutuniyar arziƙi haka ta shigo,shi kuwa mamaki kawai yake yi meya kawo wannan kuma?.

"ina kwana?"ta gaishe dashi,kallon ta yayi ƙasa da sama sannan yace"lafiya",daga haka ya cigaba da abinda yake yi.

Ni kuwa jiki Alhamdulillah,sai dai tunda suka tafi nake jina wata iri,kamar wacce wani ɓangare na jikin ta ya bar jikin nata.

Da yamman kuma Abba da momma suka zo harda yaya Khaleed,ni dai tunda na gaishe da momman bata ce mini ko ya jikin ba,khairiyya kuwa ko kallo na bata yi ba,da Rufaida suka ɗan taɓa fira,ni dai bata tasu nake yi ba.

Bayan sun tafi da daddare kuma Hajiya da Umma sai Baba malam suma suka zo,Hajiya kam ita bayan na gaishe da ita tace ya jiki,amma daga nan bata kuma magana ba,nima kuma haka.

Da zasu tafi suka wuce da Rufaida,haka na zauna na rasa tunanin da zanyi,kamar na kira shi sai kuma na fasa,wannan videon da Rufaida tayi mana shi kawai na dinga kalla har barci ya ɗauke ni.

Washe gari aka sallame ni hakan yayi mini daɗi sosai domin zaman ya ishe ni,Rufaida kuwa kullum tana waje na.

Sai da na ƙara kwana biyu sannan na koma makaranta,banda ƙawa hakan yasa babu wanda ya tunkare ni da maganar meya hana ni zuwa nima kuma ban damu ba.

Amma dai ya kama ta ace nayi ƙawa koda guda ɗaya ce gudun irin wannan,to wama zan zaɓa duka nice bana basu fuska,Ya Allah ga baiwar ka juwairiyya.

Yaya Abdus-samad ya fito hannun shi ɗauke da plate na abinci,ɗayan kuma tea,kallon ta yayi sannan ya kalli ɗan uwan nashi.

Aikin shi kawai yake yi yayin da ita kuma ta zuba mishi idanu,share tan da yayi be dame ta ba tunda ya bata damar kallon shi.

Miƙa mishi kofin hannun shi yayi,sannan shima ya zauna ya hau cin abincin,Khaleel yace"kaga na kira juwairiyya bata ɗaga ba".

"amma ka san may be yanzu tana aji ko?",girgiza kai yayi yace"hakane kuma fa,to yanzu ya zanyi ne?".

"ka bari sai anjima"ya bashi amsa yana murmushi,wai ya zai yi ne???abin dariya😂😂.

Kallon shi ya kuma yi,shi kuwa khaleel kallon da Abdus-samad yayi mishi,shi ya tunatar dashi meya faɗa.

Cikin waskewa ya janyo laptop ɗin shi ya cigaba da aikin da yake yi.

Zuby kuwa wani ƙolulun baƙin ciki ya tokare ta,wato a gaban ta yake ambatar wata ƴar iskar ma kenan.

Ihu tayi wanda sai da suka rufe kunnuwan su,cikin tsananin rainin wayo yace"su ashe da mutum a wajen,amma kuma ai nan be miki kama da asibitin mahaukata ba ko,ya kama ta ki fita sai ki nema a aiki can,idan kuma na sojoji kike buƙata we have guardroom".

Hawaye ya zubo mata,tama kasa magana,shi kuwa yaya Abdus-samad bece komai ba,baɓda cigaba da cin abincin shi.

"wacece juwairiyya or what??",ita kanta bata san lokacin da tambayar ta fito daga bakin fa ba.

"to momma sai ki shaƙe ni na faɗa miki,kin tashi kin fita ko sai na balla ki,gaba ɗaya yanzu kin raina ni,idan banda raini kinje kin gama iskancin ki da wani ƙaton banza yanzu kuma kin dawo kina so kiyi mini hauka,kin tashi kin fita ko kuwa?".

Miƙewa tayi cike da rashin kunya tace"Ai wallahi koma wacece bata isa ba,kuma ka sani abinda ya faru ba wai shike nufin abinda kake tunani muka aikata ba,sannan maganar na fitar maka daga gida,kai ka san gidan mu ba sak na tsaya dogon bayani ba,kuma wallahi ina nan dawowa",taja tsaki sannan ta fice.

Cigaba suka yi da harkar su,domin dai a banza ya ɗauke ta,gaba ɗaya ba tada saiti ma.

Tana tafe tana masifa ita kaɗai"wallahi koma wacece bata isaba,Khaleel nawa ne ni ɗaya babu wacce ta isa",haka take faɗa tana maimaitawa.

Oh really🤔zamu gani waye zai yi winning zubaida Aliyu ko kuwa juwairiyya mahmoud muktar???.

*sai kun cigaba da bina a cikin dai littafin ƙareenatey*

 *kuyi haƙuri da wannan iya ƙoƙarin da zan iya muku kenan,na gode*.

#LIKE

#SHARE

#COMMENT

*Babyn abdul,maman meenal,farouk da kuma elham*

       *ƳAR MUTAN ZAZZAU*.

♥

     

    ♥ ❤

            

         ♥♥❤

*~K'AREENATEEY~*

(K'AWATA)

(It's all about friendship) 

https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*written *✍

       -by-

         *Deeja one love*

*JAKADIYAR GOLDEN PEN WRITERS ASSOCIATION👸*

Wattpad 13deeja.

Daga wannan page d'in har zuwa k'arshe sadaukarwa ne gare ki *AISHATU BABAYO* saboda kaunar da kike wa *GOLDEN PEN WRITERS* ba muda abinda zamu biya ki dashi, dan haka *K'AREENATEEY* har zuwa k'arshe ya zama naki sis kiyi yadda kike so dashi, *JAKADIYA* ta baki wannan yan shafukan har zuwa karshe,  muna godiya sosai da irin kaunar da kike mana. 

_Allahummaghfir lihayyina wa mayyitina,wa shahidina wa gha'ibina wa saghirina wa kabeerina wa zakarina wa unsana,Allahumma man ahyay tahu minna fa ahyihi alal islam,waman tawaffaitahu minna fatawaffahu alal iman,Allahumma la tahrimna ajarahu,wala taftinnah ba'adahu_.

An karɓo daga Anas Allah ya ƙara masa yarda yace:manzon Allah tsira da amincin Allah su tabbata agare shi yace"duk wanda yake so a yalwata masa arziƙin sa,a kuma faɗaɗa masa takun sa to ya sadar da zumanci.

_Allah shine wanda ya shinfiɗa muku Ƙasa,ya gina muka sama ginawa,Sannan ya saukar muku da ruwa daga sama,sai ya fitar muku da ƴaƴan itatuwa arziƙi gare ku,kada ku sanyawa Allah kishiyoyi Alhalin kuna sani_

*suratul baƙara,aya ta 22*

Masu tambaya akan meye ma'anar sunan wannan littafin,to wannan sunan littafin yana nufin *ƙawata* ne kamar yadda nake rubutawa a baka biyu,amma ainihi larabci ne,zan muku cikakken bayani a feji na gaba.

💃💃💃 muna taya ki murnar dawowa daga tafiyar da kika yi,yar gatan golden pen,dafatan an dawo lafiya sannan kuma anyi mana tsaraba,*Aishatu babayo*.

*Ebraheem Aliyu da kuma Sardauna ina godiya sosai da sosai,a tashi a cigaba da typing muna nan muna jiran Habibullah*.

*zainab bala Abubakar da kuma Meera ta annabi ga naku page ɗin saboda ina jin daɗin comments ɗinku*.

Al-Baseeɗu

*_17_*

Tana shiga ɗaki ta faɗa gaɗo kawai ta fashe da kuka,zuly taja tsaki tana faɗin"wahalalliya",ita dai zuby bata bi ta kanta ba.

Ita kuwa zuly abin ne ya fara ɓata mata rai,haba ace abu yaki ya kare,gaba ɗaya shi ɗin nawa ne da wai ta kasa juya shi.

Rayuwa nata tafiya yadda bama tsammani,yanzu haka muna exam ɗin ƙarshen zango na canza aji.

Idan ka ganni na rame sosai,ga matsalolin gidan mu ga kuma karatu,duk yadda ummi ke ɗauke kai akan karatu na wannan karan sai da ta nuna damuwar ta a fili.

Mun fara babu daɗewa tace na koma sabon gari kawai domin samin sauƙi,cikin farin ciki na tattara komai nawa.

Abdul'azeez yace"kije makaranta kawai sweet insha Allahu zan kawo miki kayan ki anjima",ummi dai bata ce komai ba.

Jiki na sanye da pink ɗin doguwar riga na ɗora hijab ɗina fari ƙarrr,takardar assignment na ɗauka wanda wani lecturer ya bamu saboda bamuyi test ɗin shi ba.

Sai yace to ga assignment nan ya bamu idan munzo muyi submitting ƙarfe takwas,jiya kusa dare na raba ina yin assignment ɗin Allah ya taimaka ma da babbar waya kuma ina da data,dan duk one week sai yaya Khaleel yayi mini transfer na dubu biyar.

Sauri nake in tafi domin dai bakwai tayi ga kuma go slow dana sani da wuya bamu samu ba a ƙofar doka,pz da kuma fly over.

Dai dai harabar gidan mu,ina tafiya cikin sauri da kuma natsuwa,ban yi aune ba naji saukar abu a jiki na.

Cikin sauri na ɗaga takardar assignment ɗin,amma ina ta riga da ta sami rabon ta,jiki na nabi da kallo.

Manja ne irin me tiri ɗin nan,zaro idanu nayi sannan na juya na kalli takardar dake hannu na,gaba ɗaya takardar ta lalace gaban ta,gashi yama taɓa hand out ɗin dake baya sauƙin ta ma akwai banding a jiki.

A matuƙar razane na ɗago na kalle ta,kamar yadda na zata Khairiyya ce riƙe da roba ta manja kallo na take cike da tsiwa tace"dan Allah malama ki dinga kallon gaban ki idan kina tafiya,yanzu kin saka nayi asarar manja na mtseww aikin banza mutum daga fara makaranta har ya fara girman kai,da dai bamu san asalin angulu ba da sai muce daga masar take",gaba tayi tana cigaba da magan-ganun ta.

Har wani ɗaci nake ji maƙogoro na yake yi tsabar ɓacin rai,ƙara kallon takardar nayi bama ta kaya na nake yi ba.

Kallon agogon hannu na nayi,ƙarfe bakwai da minti goma sha biyar,da sauri na koma cikin gida domin canza kaya.

Ummi ta kalle ni kawai bata ce komai ba,dama ban saka ran zata yi magana ba,ɗaki na shiga ina share hawaye,abinda ƴan gidan suke mini baya damuna kamar yadda ummi ke nuna halin ko in kula a kaina.

Idan tayi kamar ta dawo kan dai dai sai kuma ta kauce daga baya,hijab ɗin na cire na jefa cikin laundry basket,hakama sauran kayan.

Da sauri na shiga bayi nayo wanka shaf-shaf,wani kayan na kuma ciro wa doguwar rigar atamfa duk da tayi mini yawa saboda ramar da nayi haka dai na saka ta.

Hijab kalar orange na saka,sannan na ɗauko handkerchef na goge bayan banding ɗin da manja ya ɓata,ita kuma takardar assignment ɗin ɗauka nayi kawai na sake fitowa.

Babu abinda ummi tace mini haka na wuce ta na kuma fita,sauri-sauri nake yi domin naje na sami mota na hau.

Babu wani daɗewa na sami mota na hau,na dai isa makaranta ƙarfe takwas saura minti biyar.

Har class rep ya fara tattara assignment ɗin domin kaiwa,haka na roƙeshi ya ɗaga mini ƙafa na ɗan rubuta.

Cikin gajiyawa yace"gaskiya ba zan iya wannan kasadar ba,kin san waye dr sadik dama wani ne bashi ba kada jiran naki ya jawa asarar mutane da yawa".

Haka ina kallo ya tafi,banyi ƙasa a gwiwa ba naje na siyi fullscap paper na zauna kwafewa,ina gama wa ƙarfe takwas da minti goma sha biyar.

Cikin sauri na nufi office ɗin shi,ina ƙwanƙwasawa yace na shigo,ɗan dattijo ne wanda a ƙalla zai kai shekara hamsin da wani abu.

Tun daga kallon da yayi mini na san babu sa'a,cikin ɗaure fuska yace"dame zan taimake ki??",cikin in-ina nace"dama assignment ne na kawo".

"banda wannan lokacin na tsayawa amsar naki ki fice kawai",kamar zanyi kuka na fara roƙon shi.

Kallo ya bini dashi kafin ya lashe baki yace"kin gane zan iya amsa amma da sharaɗin anjima zamu haɗe".

Cikin rashin fahimta nace"bangane ba malam",washe baki yayi yace"ki gane mana ƴan mata,ki yarda dani kawai sai na amsa".

Zufa na fara keto mini na shiga uku me wannan yake nufi dani ne?,girgiza kai nayi sannan na saki kuka,ina faɗin"wallahi ni ba ƴar iska bace".

Ɗaure fuska yayi yace"then out!!!fita nace"ya faɗa cikin daka tsawa,ai jikina har rawa yake yi wajen ficewa.

Har harɗewa nake yi wajen tafiya,can bayan masallaci naje na zauna naci kuka na ma'ishi ya Allah daga wannan sai wannan.

Na daɗe a wajen sannan gaba na ya dena faɗuwa,wanke fuska ta nayi a lokacin saura minti goma mu shiga jarabawar.

Ina zuwa invigilator ɗin yana zuwa,ajiyar zuciya nayi sannan na shiga,gaba ɗaya nabi na tsargi kaina.

Koda aka bani paper ɗin jiki na rawa ya fara yi,ban taɓa shiga jarabawa bani da hope ba kamar wannan.

Matsalolin sun saka gaba ɗaya kaina har juyawa yake yi,rubutun ma biyu-biyu nake ganin shi.

Kifa kaina kawai nayi akan desk ɗin na kuma sakin kuka,da ƙyar na iya amsa ɗaya da rabi a cikin tambayoyi biyar.

Gashi bani da ƙawa,gashi babu wanda na sani ko ya sanni,bani da wanda zan gayawa matsala ta.

Har aka gama jarabawar ina kwance,zuciya ta kamar ta tsage ta fito saboda zullumi,kowa kuwa harkar gaban shi yake yi.

Waya ta na ciro hannu na yana rawa na lalubo number,kawai na danna kira.

Lokacin yana zaune a office ɗin shi,ayyuka sun sha gaban shi,wayar shi ta hau ringing,ya daɗe yana kallon wayar har ta kusa tsinkewa yana wasi-wasin meya same ta ne?.

A nutse ya ɗauka sannan ya kara a kunnen shi,ni kuwa jin an ɗaga da ƙyar nace"sweet ka bar kai mini kayan sabon gari bani da lafiya gani nan dawowa",ina faɗin haka na ajiye wayar.

Gaban shi ya buga,miƙewa yayi da sauri,meke faruwa gashi kanshi ya shafa,ya ilahi,tunowa da yayi cewa likita ya faɗa mishi cewa jinin ta na daf da yawa ya ƙara ɗaga hankalin shi.

Wayar shi ya ɗauka yana nazarin waye zai kira,Yaya Abdulfatah ya faɗo mishi a rai,cikin sauri ya danna kiran shi.

Bayan ya ɗaga be tsaya sauraran gaisuwar shi ba,cikin fushi yace"wannan wane kalar iskan ci ne zaku bar yarinya da ciwo an rasa me kula da ita".

Yaya Abdulfatah yayi shiru yana sauraran shi,shi kuwa ya dage sai faɗa yake yi"idan da ace Rufaida ce ko Khairiyya ai da kun kula da ita amma da yake wannan ita bata da kowa sai Allah kun zuba mata idanu to ku sani idan har wani abu ya same ta duka sai nayi shara'a daku,kuma yanzu ka tashi kaje Abu ka dauke ta ka kaita asibiti idan an duba ta ka wuce da ita sabon gari inda aka san mahimmancin ta,yanzu ka fara zuwa part ɗin ummi ka amshi kayan ta,zan maka tranfer na kuɗi yanzu"yana faɗin haka ya kashe wayar.

Yaya Abdus-samad da Al'ameen dake tsaye a bakin ƙofa baki buɗe suna mamakin wannan abu haka.

Ciki suka ƙarasa shigowa,Yaya Abdus-samad ya dafa shi yace"haba my man ka kwantar da hankalin ka mana".

"in kwantar da hankali na bayan kanaji wannan yarinyar ba lafiya ta cika ba,sannan kana maganar in kwantar da hankali ai duk abinda ya faru sai na hukunta su duka gidan".

Wannan karon duka kasa riƙe dariyar su,suka yi sai da suka dara,jan dogon tsaki yayi kafin yace"ku fita dan Allah ban son ƙarin damuwa".

Al'ameen yace"kaga Abokina angon juwairiyya Ka bar wannan abun kayi mata Addu'a kawai".

"wai waye yace muku sonta nake yi ne,kawai dai ina tausayin ta ne sannan kuma ni Alhakin kula da ita yake kaina".

Al'ameen zai yi magana,Yaya Abdus-samad ya hana shi,shu kuwa oga zama yayi ya ɗora hannun shi a haɓar shi yana tunani.

Wayar shi ya ƙara ɗauka ya kira Yaya Abdulfatah yana tambayar shi koya isa,Yaya Abdulfatah yace"Yaya gani nan a Aviation na kusa".

"wai wannan wace kalar tafiya ce,ya isa ace ka kai amma ka zauna kana nuƙu nuƙu wallahi wani abu ya same ta sai na ɓata maka rai",shi dai ƙoƙarin bashi haƙuri kawai yake yi.

Ajiyar zuciya ya sauke,ji yake yi kamar yayi tsuntsuwa ya ganshi ya zaria,gani yake yi kamar basa mishi aikin daya kamata,minti nawa yake ɗauka a kai samarun.

Kallon wayar shi yayi kan ya kuma jan tsaki,zama yaya ya ɗora hannayen shi saman sumar kan shi.

Su dai su Al'ameen kallon shi kawai suke yi ba tare da sunce komai ba.

Ni kuwa baiwar Allah har na tattara kaya na,cikin dauriya na fara tafiya hannu na saman goshi na.

Allah yama taimake ni daman jarabawar guda ɗaya nake da ita,me mashin na tare domin ya fitar dani bakin get.

Ina fita bakin get yayi dai-dai da isowar yaya Abdulfatah,shi ya taro ni na sauka,ya biya me mashin ɗin kuɗin shi sannan yazo ya buɗe mini ƙofa na shiga ciki.

Ya fara tuƙi kenan wayar shi tayi ƙara,girgiza kai yayi sanna ya ɗaga yace"yaya gata na ɗauko ta,yanzu asibiti zamu wuce",banji me aka ce daga ɗayan ɓangaren ba.

Kai ban ma san da waye yake wayar ba,ji nayi yace"eh to zamu tsaya koda a Salama",shiru ya kuma yi kafin yace"to yaya insha Allah".

Daga haka ya kashe wayar,be daɗe da ajiyewa ba wayar tayi ƙara alamar shigowar saƙo,be duba ba kawai ya cigaba da tuƙin shi.

Dai dai ƴan goro ya ɗauke hanya,muka shiga salama hospital,asibiti ne babba wanda yake private,har lokacin ban wani dawo hayyaci na sosai ba.

Muna shiga muka sami likita available,mutum me fara'a,tambayoyi yayi mini ina bashi amsa.

Bece komai ba ya rubuta magun-guna,ya miƙawa receptionist domin a kawo,zama muka yi muna jiran dawowar shi.

Wayar yaya Abdulfatah ta kuma ɗaukar ƙara,"aifa yau ni kuma na shiga uku da yaya Khaleel"haka ya faɗa kafin ya ɗaga wayar.

Ni kuwa jin sunan daya ambata yasa gaba na ya kuma faɗuwa,taya akayi ya san bani da lafiya,wani abu naji yana mintsilina a rai.

Idanu na kamar zai kawo ruwa,kallo na na mayar kan yaya Abdulfatah kamar nace ya bani wayar,ban san meya sa ba sai nake jin ina ma ya dawo na gan shi.

Tunani na ya katse ne lokacin da yaya Abdulfatah ya miƙo mini wayar,a kasalance na amsa murya na rawa nayi sallama.

Muryar shi ta ratso dodon kunne na yana amsa wa sannan ya ɗora da faɗin"ya jikin",kai na ƙasa har wani ajiyar zuciya na sauke kafin na bashi amsa nace"jiki yayi sauƙi","Allah ya ƙara sauƙi"Abinda yace kenan,duka muka yi shiru.

Can kuma yace"bawa Abdul wayar",miƙa mishi nayi shi kuma suka yi sallama,a lokacin har an kawo maganin,sai da ya tsaya yayi musu tranfer na kuɗin su sannan muka tafi.

Muna zuwa MTD ya ɗauke hanya,kallo na na maida kan shi kan nace"yaya gida nake son zuwa",mumushi yayi yace"rufa mini asiri na kai ki inda aka umarce ni,kada wani abu ya same ki ayi shara'a dani".

Ban wani fahimci maganar ba,hakan yasa kawai na share maganar,muna zuwa ƙofar gidan yayi parking.

Da sallama na shiga,ina gaba yana bina a baya,hajjaju dake zaune tana iza wuta tace"lale maraba da ƴan makaranta".

Gani na tare da Abdulfatah tace"ah kice tare kike da ɗan uwanki,ni dai ɗakin ta kawai na shige na kwanta.

Nan suka gaisa da yaya Abdulfatah sannan ya bata magun-guna da kuma jaka ta,ya kuma yi mata bayanin banda lafiya kawai ya fice.

hajjaju ta shigo ganina a kwance yasa tace"assha,wannan ciwo be kyauta ba,Allah ya baki lafiya".

Ni dai bance komai ba,sai yanzu da nake kwance nake tunanin jarabawa ta,banfa yi wani abu na azo a gani ba,gaskiya dole ma nayi ƙawa dama yaya Khaleel ya hana ni kuma yanzu ya kama ta nayi ɗin taya zai gane haka Rufaida ta faɗa mini kuma hakan ne gaskiya,sai idan ni naso ya gane.

Khairiyya tana shiga lart ɗin su ta fashe da dariya,jikin momma ta maƙale tana dariya tace"momma kinga yadda na maida ta,gaba ɗaya na ɓata ta".

Momma ta rungume Khairiyya tace"yauwa ƴar Albarka,haka nake so muyi ta ƙuntata mata har ta haƙura da karatun,tunda kema baki cigaba ba wallahi itama ba zata cigaba ba".

Ihu khairiyya tayi tana faɗin"yauwa momma na,shi yasa nake sonki",momma tace"yanzu kuma sai da yamma idan ta dawo sai mu canza me za'a yi mata".

"ai tana dawowa zan fincike littafan ne ko kuma na sheƙa mata ruwan zafi kawai",momma tace"yauwa ƴar Albarka ruwan zafin kawai zaki sheƙa mata".

To juwairiyya na sabon gari ma sai kuyi mu gani munasirai kawai😏

Zuby tace"dan Allah ki taya ni neman number ɗin nan,kin san yanzu daddy zai fito ko,kuma bana so ya zo ya tarar babu wayar shi".

Zuly ta amshi wayar dake hannun zuby contact ta shiga ta fara bincike,can tace"kaf nan ni dai banga wata number me suna khaleel ba".

Shiru zuby tayi kan tace"yauwa ranar nan daddy naji ya kira shi da cewa,K.A",da sauri zuly ta fara dubawa cikin sa'a kuwa number ɗin tayi appearing.

Cikin sauri zuby ta kwafe number ɗin,cikin murna ta rungume zuly,zuly ta ɓata fuska tace"kada ki karya mini Alwala".

"mtseww,ƴar iska kawai",tana faɗin haka tayi ficewar ta,koda ta shiga be fito daga wankan ba hakan yasa har ta ajiye be fito ba.

Tana dawowa ta sami zuly a zaune,amsar wayar tayi,sannan tayi saving da *miji na* 😌.

Duba shi tayi a whatsapp kusan sati be hau ba,sallama ta tura mishi dashi sannan itama ta sauka.

Ni kuwa ina kwance ina zubar da hawaye,hajjaju kuwa ayyukan ta take yi sai dai idan ta shigo tayi mini sannu ta fice kawai.

Na riga da na san faɗuwa zanyi,me zance wa yaya Khaleel,hawaye na goge ina faɗin"tawa ta ƙare ya Alƙah ka taimake ni.

Ban san hajjaju ta shigo ba sai ji nayi tace"au har yanzu baki bar yiwa zazzaɓi kuka ba?",cikin kuka nace"hajjaju faɗuwa zanyi a jarabawa,ban rubuta wani abu me yawa ba,hajjaju me zan cewa yaya khaleel?".

Zama hajjaju tayi ta kamo ni tace"juwairiyya ki kwantar da hankalin ki,in dai dan jarabawa ne ai addu'a ita ya kamata kiyi sannan ki cire abinda yake faruwa a gidan ku daga ranki ki fuskanci karatun ki kawai".

Sosai naji daɗi abinda ummi bata mini kenan kona mutu ko nayi rai,cikin ƙunar rai nace"hajjaju dole na damu yanzu ummi fa bata damu dani ba".

Girgiza kai tayi tace"ita kuws ta damu dake kawai dai tana kauda kai ne a gare ki,kinga kullum sai ta kira ni tana faɗa mini abinda yake faruwa a gidan ku,ɗazu ma har kuka sai da tayi wai khairiyya ta zuba miki manja har a jikin takardar da kika kusan kwana kina aikin".

"ni na lallashe ta na kuma kwantar mata da hankali,",shiru nayi wato ashe ta san cewa jiya banyi barci da wuri ba kenan?.

Ashe ta san duk abinda ake yi mini kenan a gidan?,har zance wani abu waya ta ta hau ƙara.

Janyo ta jayi daga ƙasan filo sannan na ɗaga",ya jikin naki",cirewa nayi da sauri na duba number ɗin yaya khaleel ne.

"da sauƙi",na bashi amsa Murya ta tana rawa,"ki kwantar da hankalin ki,kinji Allah zai baki sauki".

Kan nace wani abu hajjaju ta amshi wayar,sai da suka gaisa ya ɗan tsokane ta sannan tace"gata nan duk ta ɗaga hankalin ta wai tana tsoron faɗuwa a makaranta".

Ban san me yace ba naga dai ta miƙo mini wayar sannan ta fita,karawa nayi a kunne na.

Shi kuwa shiru yayi jin saukar numfashi na a kunnen shi ya gane na amshi wayar,"juwairiyyyyyyyyya",ya ƙarasa kiran sunan da jan shi kuma can ƙasan maƙogoro.

"kallon wayar na kuma yi sannan nace"na'am","kada ki damu ki kwantat da hankalin ki,Addu'a ya kama ta ki cigaba da yi kinji komai zai zo miki da sauƙi sannan ki ƙara haƙuri da abinda momma da kuma khairiyya suke miki wata rana sai labari".

"umm",kawai nace,murmushi yayi kafin yace"ga saurayin ki",cikin sauri nace"waye?",cikin ƙasa da murya yace"Al'ameen".

Murmushi nayi,shima haka kan yace"yauwa smile always,bari na bashi",bance komai ba sai murmushi kawai da nake yi.

"hello ƴan mata na"ya faɗa yana kallon Yaya Khaleel shi kuwa ta ƙasan ido yake kallon shi,Yaya Abdus-samad ya fashe da dariya.

Kasancewar wayar a hands-free ya saka ta da zai bawa yaya Al'ameen ɗin ya saka ina jiyo abinda suke yi.

"ya gida,an koma lafiya",murmushi yayi kafin yace"na dawo wallahi gashi yayan mu sai wahalar miki dani yake yi".

Dammƴar dariya kawai nayi,haƙiƙa ya iya gusar da damuwa,be damu ba ya kuma cewa"naji ance baki da lafiya nima naji zazzaɓi ya fara kama ni,ki roƙar mini yayan ki ya ƙyale ni nazo na gan ki".

"ai ba zai hana ka ba",na bashi amsa,cikin sauri yace"waya faɗa miki ai yayan kin nan a zaria yake da sauƙi amma a borno Allah rombo yake komawa".

Dariya abin ya bani aikuwa na dara,sosai wannan karon yaya khaleel ke kallon Al'ameen ɗin jin yadda nake dariya abin ya fara damun shi,dan danan yaji ranshi ya ɓace.

"kice mishi ba zaki iya barci ba idan baki ganni ba",dariya na kuma yi,zai kuma magana yaya Abdus-samad ya amshe wayar.

Al'ameen ya kalle shi,da ido ya nuna mishi yaya khaleel juyawa yayi ya kalle shi,yadda yaga idanun shi ya koma yasa yayi dariya.

Miƙews yayi ya sara mishi yace"easy sir",biron dake hannun shi ya jefa mishi yana faɗin"wata rana idan ka cigaba sai na harbe ka da bindiga".

"haba ya zaka yi da juwairiyya,kashe mata ni zaka yi",yaya khaleel yace"sunan nan ba zai fita a bakin ka ba kenan?".

Murmushi nayi sannan na kashe wayar,lallai ma yaya Al'ameen kenan,hajjaju tace"ja'ira dama ciwon nashi ne kenan".

Kallon ta nayi nace"waye kenan?",tace"shi Ibraheem ɗin mana",murmushi nayi cikin ƙunƙunai nace"wai ciwon shi ne".

Me kika ce"hajjaju ta tambaya,girgiza kai nayj kafin na kwanta kawai ina tunane tunane.

*hajjaju ina godiya sosai da sosai,kema bloody dake da lipton girl,fareeda ƙafar yawo kema ina godiya sosai*.

#LIƘE

#SHARE

#COMMENT

*babyn Abdul,maman meenal,elham da farouk*.

        *ƳAR MUTAN ZAZZAU*.

♥

     

    ♥ ❤

            

         ♥♥❤

*~K'AREENATEEY~*

(K'AWATA)

(It's all about friendship) 

https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*written *✍

       -by-

         *Deeja one love*

*JAKADIYAR GOLDEN PEN WRITERS ASSOCIATION👸*

Wattpad 13deeja.

Daga wannan page d'in har zuwa k'arshe sadaukarwa ne gare ki *AISHATU BABAYO* saboda kaunar da kike wa *GOLDEN PEN WRITERS* ba muda abinda zamu biya ki dashi, dan haka *K'AREENATEEY* har zuwa k'arshe ya zama naki sis kiyi yadda kike so dashi, *JAKADIYA* ta baki wannan yan shafukan har zuwa karshe,  muna godiya sosai da irin kaunar da kike mana. 

_tabbas Allah zai iya sanya Ƙauna tsakanin ku da wa'inda kuke gaba dasu,Allah shike ƙaddara komai,Allah shine mai gafara kuma me rahama_.

*suratul mumtahana aya ta 7*.

_wa'innan da suke riƙar kafirai masoya saɓanin mumunai,shin suna neman ɗaukaka ne daga wajen su?,haƙika ɗaukaka ta Allah ce gaba ɗaya_*.

*Suratul Nisa'i,aya ta 139*.

Manzon Allah tsira da amincin Allah sun tabbata a gare shi yace"kada ka ƙi maƙiyin ka da yawa domin wata rana zai iya zamowa masoyin ka,haka kada ka so masoyin ki da yawa domin wata rana zai iya zama masoyin ka.

*_AL-ƘABEEƊU_*

*_18_*

Koda Hajjaju ta gama abincin sannan ta ɗora mini ruwan wanka nayi wanka,ina fitowa na shafa mai sannan na saka kaya na.

Abinci ta zubo mini na fara ci,waya ta na janyo na buɗe data domin ganin meke faruwa.

Yaya Khaleel bayan ya koma gida yana zaune ya ɗauko wayar shi ya buɗe data,ajiye ta yayi domin messeges su gama shigowa.

Ni kuwa ina cin abinci ina chatting,Hajjaju tana mini magana tunda ta lura ga inda na tafi yasa kawai ta ƙyale ni.

Sai da messages suka gama shigowa sannan ya ɗauki wayar,dubawa ya fara yi yana yawanci abokan shi ne na zaria sai kuma ƴan uwa.

Wata number da ya gani an mishi sallama,shiga yayi ya duba waye babu suna sai dai kawai ƴan aljanun whatsapp.

Fita yayi ya duba kuma last seen,be wuce minti uku da saukar me lamba ɗin ba,sai da ya daɗe yana tunani sannan ya maida sallamar.

Ya fita message na kuma shigowa daga number ɗin,dubawa yayi"ya gida?",be bada amsa ba ya cigaba da duba na sauran mutane.

Cikin group ɗin mu na iyali ya shiga,ganin muna fira dani da kuma Rufaida sai yaya khaleed Abdulfatah sai kuma Abdus-samad.

Kusan duka firar a kan shi ake yin ta na wannan maganar wai zai yi shari'a dasu,babu abinda nake sai dariya.

Khairiyya kuwa tsaki yaja wanda sai lokacin ma muka fahimci tana online,babu wanda ya kula ta.

Yaya Khaleel yayi murmushi number na yabi ta private.

Aslm

Ganin lambar shi ya bani mamaki,zaro idanu nayi nace "yau kuma wannan mutumin ya hau kenan",mai da mishi da amsa nayi.

Wslm,an yini lafiya?".

Lafiya lau,dake ake gulma na ko?".

Zaro idanu nayi sannan na bashi amsa da"wallahi labarin abinda ya faru suke mini".

Hmmm,saurayin ki yace ki turo mishi da hoton ki",dariya nayi wanda ya saka Hajjaju kallo na tayi ta girgiza kai.

Kundin waya ta na buɗe sannan na fara binciko hoton da zan tura,wani na zaɓo wanda na saka riga doguwa purple na ɗaura veil fari.

A ƙofar part ɗin mu Abdul-azeez ya ɗauke ni,nayi kyau sosai don ina tsaye ne hannu na da biro,na saka a ƙasan a baki na.

Tura mishi nayi nace"gashi ka bashi",zaune ya miƙe sosai gani yake kamar hoton yaƙi saurin buɗe wa.

Yana buɗe sai da yayi tasbihi,ya ilahi! Wannan hoto yayi kyau sosai,hoton yake kallo sosai a gaskiya yana kewar yarinyar jo yake kamar ya ture ayyukan shi ya je ya gan ta.

Ajiyar zuciya yayi sannan ya ƙara ce mini"wannan zaki bashi ba kiyi kyau ba,ki nemo wani wanda kika yi kyau sosai".

"Na shifmga uku na da Yaya Khaleel!,wai meya saka hakan ne?",haka na sake dubo wani wanda na saka lace kalar lemon green da kuma ɗigon silver sai fari.

Mayafi fari Rufaida ta yafa mini domin kuwa dai cikin gidan mu,wajen part ɗin Baba malam.

Hannu na ɗaya na ɗaura saman kai gira ta,ina dariya wanda hakan ya faru ne saboda wani labari data bani.

Idanu na sanye da ƙaton tabarau,wanda ya rufe kusan rabin fuska ta,tura mishi nayi.

Miƙewa tsaye yayi don wannan yama fi wancan kyau sosai,ni kuwa ni can ina jin wani abu a raina,wai yaya Khaleel ban yi kyau ba".

Na ƙosa naji me zai ce akan hoton da sauƙi ma tunda yakan duba hoton ai,ba wai yaya Al'ameen yake turawa ba ko kuma bashi wayar.

Zuby dake zaune taja tsaki wannan guy ɗin wahalar da ita yake yi kawai,saƙo na goma kenan data tura mishi amma yaƙi ya bata amsa gashi tana kallon shi online.

Emoji na kuka ta tura mishi,ɗan ƙaramin tsaki yaja sannan ya maida mata da tambaya,me kike so ne?".

"mu zama abokai",

Amma ai babu kyau hakan a musulunci".

Ni dai ka taimaka wallahi kana birge ni ne kawai".

Koda ya gani be kuma yi mata magana ba.

Ni kuwa ina zaune ina jiran naji me zai ce tunda naga alamar ya gani amma kuma be bani amsa ba.

Wannan ɗin zak bawa saurayin ki,ki canza wani",abinda yace mini kenan.

Ƙara komaqa nayi domin dubo wani hoton,shi kuma ya zauna zaman jira na,fatan shi na turo wanda yafi na biyun kyau.

Wani dana ɗauka a falon mu na tura mishi wanda nake sanye da baƙar abaya nayi rolling da veil kalar ash,idanu na sanye da space ƙarami.

Na sauke idanu na sama fuska ta da alamun mamaki wanda hakan ya nuna wani abu nake kallo,shima wannan Rufaida ta ɗauke ni.

Rigar taji stones tun daga sama zuwa ƙasa,lokacin da Ammie tazo ta kawo mini ita a matsayin tsaraba.

Kasancewar ina jingine da bango yasa rigar ta koma ta kwanta a jiki na.

Yana ganin hoton ya tsura mishi idanu,zuciyar shi na bugawa da ƙarfi,da sauri yayi off sannan ya zauna ya saka hannun shi cikin sumar kan shi.

Lumshe idanu kawai yayi wannan wane irin abu ne yake ji a kanta shi kam ya kasa banbacewa.

Ni kuwa ina zaune ina tunanin kada ka kuma kushewa ganin ya sauka gaba ɗaya sai naji babu daɗi.

Koda kushewa yayi ina jin daɗi alamar ya gani kenan,wataƙila wannan ko buɗewa be yi ba😌.

Ganin hakan ba zai fisshe ni ba yasa na ɗauki waya na kira shi.

Ɗago kan shi yayi jin ƙarar wayar shi wanda yayi dai-dai da shigowar Yaya Abdus-samad da kuma Yaya Al'ameen.

Ɗagawa yayi kuma yayi shiru,ni kuwa cikin inda-inda nace"dama na kira ne ince maka na turo".

Idanun shi a lumshe yace"na gani ai",gaba na yana faɗuwa nace"amma nayi kyau kuwa?",na ƙarasa murya a sanyaye.

"A'a baki yi ba,kuma ba zan iya bashi hoton da baki yi kyau ba".

Ajiyar zuciya na sauke,jin muryar shi nayi yace"ya jikin",a sanyaye nace"da sauƙi",wata tambayar ya sake jefo mini yace"kin sha magani".

"eh na sha"nayi ƙarya,girgiza kai yayi sannan yace"baki sha ba",shiru nayi ,ya kuma cewa"yanzu kin koyi ƙarya ko?".

Ƙasa na saukar da kaina kamar yana gani na nace"kayi haƙuri yanzu zan sha",sai anjima kawai yace mini"sannan ya kashe wayar.

Nima sauke wayar nayi ina murmushi,ɗagowa nayi muka haɗa idanu da Hajjaju,da sauri na miƙe na fice.

Ruwa na ɗebo sannan nazo nasha magani na,na kwanta ina tunanin firar mu ta yau.

Wato dama Yaya Khaleel ya iya fira haka,chat ɗin na sake shiga ina biyowa ina dariya lallai ma yaya.

Shi kuwa yana gama wayar,Al'ameen yace"da alamu an baka saƙo ka bani".

Buɗe idanun shi yayi wanda suke nuna alamar gajiya yace"waye ya bani saƙon na baka?".

"waye kuwa banda budurwa ta",harara ya aika mishi yace"wacece budurwar taka?",kashe ido ɗaya yayi yace"juwairiyya".

Kallon da Yaya Khaleel yayi mishi yasa shi jan bakin shi ya tsuke,shi kuwa Yaya Khaleel wani shegen murmushi yayi.

Jiki na yanzu Alhamdulillahi lafiya ta fara samuwa,haka kuma jarabawa muna daf da gamawa.

Idan ka ganni har ƙiba na ƙara ga haske da nayi,to na sami kwanciyar hankali,Yaya Khaleel kuwa tun ranar dana tura mishi hoto da sunan zai bawa Yaya Al'ameen bamu kuma waya ba,sai dai duk sati ya kan turo mini da credit sannan kuma account ɗin daya bani ya kan turo mini kuɗi ta can.

Ɓangaren Zuby kuwa yanzu ta fara samun kan Yaya Khaleel duk da be gane ita bace,don tace mishi tana kaduna ne sannan kuma wani hoton ta tura mishi a matsayin nata suna kuma Raheela ta raɗawa kan ta.

Ta kan kira shi su gaisa,har shima wani lokacin ya kan kira ta,sannan sukan yi chat shima sosai.

A zahiri kuwa idan suka haɗu ko gaishe dashi tayi baya amsawa,hakan yasa ma bata wani damuwa tunda ta san suna maƙale a waya.

#LIKE

#SHARE

#COMMENT

 *babyn Abdul,maman Meenal,Elham da kuma Farouk*

*ƳAR MUTAN ZAZZAU*

♥

     

    ♥ ❤

            

         ♥♥❤

*~K'AREENATEEY~*

(K'AWATA)

(It's all about friendship) 

https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*YAN UWA MUNA KARA KIRA DA MABIYA LITTAFAN GOLDEN  PEN WRITTERS ASSOCIATION DA SU KIYAYE DA WANNAN MAI CUTAR TASU DA SUNAN YANA SAIDA LITTAFAN KUNGIYARMU,TO KARYA YAKE MACUCI NE KAWAI LITTAFANMU IS FREE 1 NE KAWAI NA KUDI,KUMA DA YACE YANA BA KUNGIYARMU KUDIN REGISTER DIN DA KUKE BIYA DOMIN MU TURA MASHI SABBIN LITTAFAN MU,TO WALLAHI DUK KARYA YAKE MANA MU BAMU DA MASANIYA AKAN WANNAN B'ARNAR DA YAKE MANA SAI DAGA BAYA MUKA JI,SANNAN KUMA INA SON KUSAN NUMBER DIN SHI SABODA YANA NAN YANA SHIGA GROUPS NA MATA DA SUNAN MACE SABODA HAKA KU KIYAYE GA NUMBER DIN SHI NAN (08107707692)*

*written *✍

       -by-

         *Deeja one love*

*JAKADIYAR GOLDEN PEN WRITERS ASSOCIATION👸*

Wattpad 13deeja.

Daga wannan page d'in har zuwa k'arshe sadaukarwa ne gare ki *AISHATU BABAYO* saboda kaunar da kike wa *GOLDEN PEN WRITERS* ba muda abinda zamu biya ki dashi, dan haka *K'AREENATEEY* har zuwa k'arshe ya zama naki sis kiyi yadda kike so dashi, *JAKADIYA* ta baki wannan yan shafukan har zuwa karshe,  muna godiya sosai da irin kaunar da kike mana. 

Manzon Allah tsira da amincin Allah su tabbata agare shi yace"duk wanda ya zana sura a duniya,za'a matsa mishi a lahira daya busa mishi rai,kuma ba zai iya ba".

_Saboda Allah shine me jiɓintar lamuran masu imani,amma kuma tabbas kafirai basu da me jiɓintar lamuran su_

_Lallai Allah zai sanya wa'inda suka yi imani cikin Aljanna wacce ƙoramai suke gudana a ƙarƙashin ta,wa'inda suka kafurta kuma suna rayuwa kuma suna ci kamar yadda dabbobi suke ci sannan wuta ce makomar su_

*suratul muhammad aya ta 11 da 12*.

Manzon Allah tsira da amincin Allah sun tabbata agare shi yace"wanda ya riƙi mini koma bayan Allah haƙiƙa ya jafur ta.

Haƙiƙa ina roƙon Ubangiji ta'ala Allah ya baku lafiya *YAYA HAYAT*  *OUM DEEDAT* *MAMAN ASHEFAT*  *AUNTYNA AUNTY NABEELA*.

*Ƙafar yawo ki sani one lurhv na son ki irin kaɗan ɗin nan*.

Bloody kai daga jin sunan ka san wannan ta jiki ce,to ai sai dai nace mun zama jini da tsoka dan ba'a zama tare sai hali ra'ayi da halayya yazo ɗaya wannan kuma duk ƙauna ce ke kawo hakan,kin wuce nace ina sonki sai dai nace ina ƙaunar ki*.

*Ebraheem Aliyu a cigaba da yaɗa shirme(if you know you know),haƙiƙa na san Allah kawai ya haɗa mu kuma ina Alfahari da ɗan zaman da muka yi*.

*idan kana so kaga haƙorin one lurhv a waje tana dariya to tana karanta firar jika da kaka ne wato firar A'ishatu babayo da kuma Imam Rukayyat,ban taɓa ganin mu'amalar dake birge ni ba kamar tasu,kuna birge ni*.

*Hajjaju a cikin masoya na kin yi zarrah ba zan iya kiman ta son da kike yiwa Ƙareenateey ba*.

*zainab bala Abubakar ke da Meera ta annabi,maman zara da sanaz da group ɗin ki ina godiya sosai*

*_19_*

Haɗa kaya na nake yi Hajjaju na gefe tana ɓare gyaɗa,kallo na tayi tace"Dan Allah ki ƙara haƙuri kinji,haƙiƙa gidan yawa zaman cikin shi sai haƙuri,sannan ki ƙara kare mutuncin kanki kinji".

Jiki a sanyaye na amsa da toh,a ƙalla sati na bakwai kenan cikin na takwas rabo na da gidan mu,sai dai muyi waya da wasu daga ciki.

Yau zan koma gidan nan dai da ake cin zarafi na ake nuna halin ko in kula dani,a zalunce ni kuma a hanani kuka.

Haƙiƙa zama na a Sabon gari yafi mini da zama a gidan mu,saboda matsalolin da nake fuskan ta.

tun da na tabbatar da yau gida zan koma gaba ɗaya sai jiki na yayi sanyi,gaba na har faɗuwa yake yi ban san me zan je na tarar ba.

Hajjaju ta dafa ni,kallon ta nayi sannan nayi ajiyar zuciya na zage ƙatuwar jaka ta,Hajjaju tace"Juwairiyya ki dena damun kanki da yawan tunani",murmushi na ƙaƙalo nace"insha Allahu na dena kinji".

Miƙewa nayi sannan na ɗauki jaka ta na fita da ita,sai da na ajiye a tsakar gida sannan na warware hijab ɗina na saka.

Sallama muka yi da ita,ta miƙo mini baƙar leda wacce ke ƙunshe da kuka da kuɓewa da daddawa tace na kaiwa Ummi.

Amsa kawai nayi,ɗari biyar ta ciro ta miƙo mini tace"kiyi kuɗin mota kinji",nace"wallahi Hajjaju ki bar kuɗin ki ina da kuɗi na a hannu wanda zai kaini gida".

A hannu na ta damƙa mini tace"ja'ira amsa ni ki tafi kin tsaya wani iyayi",Baffa dake shigowa yayi dariya yana yin sallama.

Amsawa muka yi duka,fuskar dattijon ɗauke da fara'a yace"Kice bulaguro zaki yi,zaria tayi zafi kano zaki tafi ko?".

"a'a basu iya komai ba sai gurasa,ai ni ba zanje can ba",na faɗa ina dariya,hannu na ya riƙe yace"to kije funtua mana".

"A'a ba zanje garin fura da nono ba",to ina zaki je kenan?",ya tambaya,nima na bashi amsa da cewa"ina zazzau babban gari",dariya muka yi duka.

Addu'a ya fara jero mini,ina amsawa nida Hajjaju,bayan ya gama ya miƙo mini ledar dake hannun shi yace"gashi idan kinje gida kici sannan ki sanwa Mata ta".

Maƙe kafaɗa nayi nace"ba zan bata ba,itama idan tana so ta zo ta amsa,kada nayi dare bari na tafi",Ina faɗin haka na juya domin tafiya.

Haƙiƙa zan yi kewar kakannin nawa,ji nake kamar kada na koma gidan haka dai na fito bakin titi.

Motar da zata kaini kasuwar sabon gari na hau,wato keke napep ina tafiya gaba na yana faɗuwa.

Koda muka isa kasuwar sauka nayi sai da na ɗan taka zuwa gaban kotu sannan na sami motar cikin zaria.

Muna dosar ƙofar doka gaba na ya faɗi,Addu'a duk wacce take baki na ita nake yi haka har aka zo layin mu.

Sauka nayi cikin sanyin jiki,jakar tawa ma da ƙyar na iya ɗaukar ta,harabar gidan babu kowa haka har na ƙwankwasa aka zo aka buɗe mini.

Ina shiga harabar gidan mu ido na ya sauka ana Khairiyya,kallon kallo muka yiwa juna cikin sauri ta juya.

Ajiyar zuciya na sauke sannan na nufi hanyar part ɗin mu,dai dai part ɗin Umma, Rufaida ta fito da gudu tazo ta rungume ni.

Saki na kuma tayi sannan ta juya baya,murmushi nayi sannan nace"afuwan rabin raina,kiyi haƙuri kinji".

Juyowa tayi sannan tace"naji shikenan yanzu kawo jakar na kai miki,kuma da fatan kin zo mini da tsaraba",ta ƙarasa tana amsar jakar dake hannu na.

Muna tafe muna fira har muka shiga oart ɗin mu,ummi na zaune gaban ta Alqur'ani zagaye da ita kuma Abdumalik ne da Abdulhafeez sai hafeeza,da alamu musaffah suke.

Muna yin sallama suka taso da gudu suka rungume ni suna murna,da ɗai-ɗai na bisu na rungume ina jin kewar ƴan uwan nawa.

Zama muka yi,duk da yadda Ummi ke nuna mini amma yau sai da naga farin ciki a fuskar ta,sannu da gida nayi mata sannan na gaishe da ita.

Cike da kulawa ta amsa tana faman murnushi,sosai naji daɗin hakan ganin yau Ummi tana farin ciki da gani na bayan tsayin lokaci.

Tashi muka yi nida Rufaida,Hafeeza kuma na bin bayan mu,ɗakin mu muka shiga kan gadon mu na faɗa ina faman murmushi.

"wallahi nayi kewar gadon nan",na faɗa ina shafa saman shi,dariya suka yi sannan Rufaida tace"Dalla can ki tashi kizo ki bani tsaraba ta.

Hafeeza ta ɗago leda tana faɗin"Aunty Rufaida barta ta huta kawai,gashi nan kin gani",kallon ta nayi da sauri.

Ganin ledar dake hannun ta yasa nayi saurin dirowa daga saman gadon,fincikewa nayi nace"tab wannan kuma baki isaba",zuge jaka ta nayi,kwalin chocolate wato coconut rich da kuma fenza na miƙa musu.

Dariya duka suka yi sannan suka duka sannan suka hau buɗewa suna sha,ni dai cigaba da kwanciya kawai nayi.

Ummi tayi sallama ta shigo,"to ba sai ki tashi kiyi wanka kizo kici abinci ba",ta faɗa tana kallo na.

Miƙewa nayi sannan na shiga wanka,koda na fito shiryawa nayi cikin riga top fara da siket na jeans blue black.

Ina fitowa falo Ummi na fitowa daga kitchen,plate ɗin hannun ta ta miƙo mini,amsa nayi kawai.

Jallop ɗin taliya ce da sake ta man ja,sosai naci sannan na kora da zoɓo me sanyi,godiya nayi ga ubangiji na daya ciyar dani kuma ya shayar dani.

Rufaida da suka gama shan chocolates ta fito inda nake ta zauna tace"wallahi juwairiyya baki da kirki yanzu taliyar kika ci ko tayi babu".

"amma kina ji Ummi tace nazo naci abinci ko,ai da sai ki fito muci",bata kuma cewa komai ba.

Waya ta ta saka hannu ta ɗauka,shafawa tayi tace"Allah sarki nayi kewar ki",dariya kawai nayi kallo na tayi tace"yauwa bani labarin makaranta".

"Hmm sis mun ci wahala karatu babu sauƙi sai dai yanzu kuma mu bita da Addu'a kawai",daga nan muka shiga fira inda rabi ɗa kwata take bani labari akan yanayin zaman gidan da bana nan.

Wai komai ya dawo dai-dai,kenan nice matsalar gidan mu,sai dai wani labari data bani shine yaya Abdullahi daya cakawa wani wuƙa a ciki ya guda yanzu haka ba'a san inda yake ba.

Sai kuma Aliyu da ya fara waƙa,zaro idanu nayi nace"Wa me?",tace"waƙa da kika sani amma fa yaya Khaleel be sani ba".

Jinjina kai kawai nayi ina mamaki wai gidan malami kamar mahaifin mu Amma ake waƙa da kuma ƴan sara suka.

Koda yake da saka hannun baba malam a ciki ai shi yafi wajen yawon wa'azi amma ga gidan shi suna buƙatar wa'azin.

"Juwairiyya akwai jarabawa",wata zuciyar ta faɗa mini haka,girgiza kai nayi sannan nace"Allah ya kyauta gaba dan wannan kam ya gama faruwa,amma baba malam ya sani?,na jefa mata tambaya.

"Eh shida Baban gida har Baba ma,amma an hana a faɗawa Abba,da kuma su Yaya Khaleel".

Bance komai ba muka cigaba da firar mu,anan tayi magrib da isha'i,sai wajen tara sannan na raka ta.

Muna tafe muna fira,idan ka ganni nayi rama amma kuma nayi haske saboda kwanciyar hankali da nake samu.

Har part ɗin su na kai ta,sai da na shiga muka gaisa da Umma sannan na fito.

A waje muka haɗu da Yaya Khaleed gaisawa muka yi,"Ƴan matan makaranta an dawo ne?",eh Yaya na dawo ya muka same ku",na tambaye shi.

"lafiya lau ba dai jarabawa ce ta saka kika koma haka ba,kada dai kice mini ke raguwace?",girgiza kai nayi sannan nace"A'a kawai dai na yi ciwo ne sai kuma kewar ku".

Dariya yayi yace"kai Juwairiyya an iya daɗin baki yanzu ina sabo ina cikin zaria zaki wani ce kin yi kewar mu,da kinyi ai da kinzo kin gan mu yanzu dai kira mini yayar ki".

"wace ce yayar tawa?"na tambaya cike da mamaki,cikin tsokana yace"Rufaida mana",haba yaya nafa girme ta koka manta ne wajen wata biyar na bata".

"amma ni ai na baki shekara nawa",ya faɗa,shiru kawai nayi,dariya yayi yace"please jeki na gaji".

Cikin natsuwa na koma,har ta bararraje tana kwasar fira,hararar ta nayi nace"to ai sai ki fito yaya Khaleed yana jiran ki".

Ban jira cewar ta ba na fito,gaya mishi nayi gata nan zuwa sannan na wuce domin komawa ɓangaren mu.

Cak na tsaya ina kafawa part ɗin su idanu,haƙiƙa nayi kewar ganin shi,haka ma muryar shi kusan sati nawa kenan tun ranar dana tura mishi hoto be kuma kira na ba,haka credit ɗin da yake aiko mini duk sati shiru,may be yayi busy ne.

Ko dai yayi budurwa ne ya manta dani,a da ko babu komai zai kira ya tambaye ni karatu na,ya ilahi meke faruwa ne?.

Ganin tunani ba zai mini ba nayi saurin wucewa,ina komawa na tarar da Abdul'azeez ya dawo hakan yasa na zauna muka hau firar yasuhe gamo.

Khairiyya da kuka ta shiga part ɗin su,momma ta miƙe da sauri tana tambayar fmta lafiya?.

Cikin kuka tace"Momma me yasa a komai Juwairiyya take wuce ni,kin ganta yanzu ta dawo amma baki ga yadda ta daɗa kyau ba".

Ikon Allah 🤔sai kallo wannan hassada har ina???.

Momma cikin lallashi tace"Haba Khairiyya ki dena haɗa kan ki da wannan jikar magajiyar karuwan,ki sani kinfi ƙarfin ta nesa ba kusa ba,ai sama ta yiwa yaro nisa,sha kurumin ki akwai wani mai dana gani wajen bintu yarinyar hajiya zulfa shi zan siyo miki zai saka kiyi fresh kiyi haske".

Dariya tayi sannan tace"yauwa Momma na san cewa ke kaɗai kike sona wallahi",Momma tace"ke dai ki dena damuwa da ita yanzu tashi kije ki ci abinci".

Cikin farin ciki ta miƙe gani take ai yanzu tafi Juwairiyya kyau kawai.

Khairiyya kin raina kyawun da Allah yayi miki kenan???.

Kwance yake kan sofa ƙafar shi ɗaya kan ɗaya,riga da wando ne yadi a jikin shi kalar brown.

Hannun shi riƙe da wayar shi wacce ya kara ta a kunne yana amsa waya,haƙiƙa yanzu sun saba da Raheela sosai da sosai.

"yanzu dai kwantar da hankalin ki,mun kusa zuwa zaria zan shigo kaduna sai mu haɗu",ya ƙarasa maganar yana murmushi.

Zuby dake malelekuwa saman gadon ta na alfarma tana faman zabga murmushi wai kamar a mafarki yau ita ke waya da Khaleel har taji sautin murmushin shi.

Da sauri ta miƙe tace"Ayya gashi on monday zan koma school sai dai kawai ka bari ma haɗu wani lokacin".

"Anya kin san yadda nake so mu haɗu kuwa,amma babu yadda zamu yi yanzu kin san cewa na ƙosa na gan ki a fili".

"ayya wallahi hubby ina komawa zamu fara jarabawa,kaga kuwa dole na maida hankali sosai".

Tunda ta ambaci makaranta gaban shi ya faɗi,idan zai iya tunawa yau satin shi takwas babu kwana huɗu Rabon daya kira ta a waya,har tana credit ɗin da yake tƴra mata ya dena gaba ɗaya,balle transfer.

Dafe goshin shi yayi,cikin sauri yace"Juwairiyya",ya faɗa yana jan sunan,ita kuwa Zuby dake faman cewa hello jin yayi shiru yanzu kuma jin ya ambaci Juwairiyya yasa ƙirjin ta bugawa.

Da sauri tace"Hubby na wace ce Juwairiyya kuma?",cikin sanyin jiki yace"ƙanwa ta ce ina zuwa",daga haka ya katse wayar.

Zuby taja tsaki tana faɗin"wace ƴar iskar ce zata lalata mini shiri na,wai wacece Juwairiyyan nan ne?,lallai sai nayi bincike akan ta kuma sai na nuna mata cewa ba'a shiga gonar Zuby a zauna lafiya",ta faɗa tana huci.

*Gani dai na kqmawo muku Ƙareenateet sai dai ba zan gaji da baku haƙuri ba na rashin ganin shi kullum hakan yana faruwa ne aabida sauran uzururruka na rayuwa ku sani a koda yaushe kuna cikin zuciyar one lurhv*

#LIƘE

#SHARE

#COMMENT.

Read More

Share this

WhatsApp

KAREENATEEY Page 21 to 30

Ba ita ta sami kan ta ba sai bayan magrib,babu batun Sallah kawai shiryawa suka yi suka wuce party till down. 

Waje ne kai daka gani ka san shagalallu ne,babu abinda ake a wajen sai watsewa da tanbad'ancewa. 

Kid'a kawai ke tashi ta ko'ina,maza da mata cakud'e suna rawa,masu shaye-shaye kuma suna yi. 

K'arar bindiga suka ji wanda ya hargitsa wajen, kowa fita yayi domin ceton ran shi, wa'inda suka sha suka yi tatul kowa suna tafe suna had'a hanya. 

Cikin wa'inda suka sha suka yi tatul akwai zuby, gashi zuly ta tafi ita da saurayin ta gidan shi domin kwana. 

Tafe take tana had'a hanya domin ba'a cikin hayyacin ta take ba tana zuwa ta hau kan titi, motar dake tahowa Allah yasa ma driver din yana jan motar a hankali ne. 

D'an bige ta yayi ita kuma ta fad'i gefen titi, cikin maye tace"Who d who the hell is who d hell is dissssssssss? ". 

Cikin sauri khaleel ya bud'e ya fito domin ganin waye ya buge domin dai da alamu mutum ne dan yaji magana. 

Shi da farko ma ya dauka wani abu ne ko aljanu ke son tsorata su ganin yadda dare ya tsala wajen k'arfe biyu na dare. 

Ganin kamar mutum a durk'ushe yasa gashi garin da duhu baya hango mace ne ko namiji ba zaka iya banbance waye ba. 

torch d'in wayar shi ya kunna cikin sauri ya kautar da fitilar yana fad'in"Astaghfurullah",abdus-samad ya fito yana fad'in "meya faru ne my man? ". 

"Wata na buge",ya bashi amsa a tak'aice,"to ka taho mu wuce mana na gaji da yawa ka taho mu tafi kawai ba dai tana da rai ba? ". 

"Eh tana da rai amma kamar bata cikin hayyacin ta", ya fad'i haka yana juya wa domin ya tafi. 

Cukuikuye rigar shi ta baya tayi tana fad'in"ba dai lahira zaka tafi ba to muje tare mana, daga nan har saudia". 

Gaban shi ya fad'i, idan zai iya tunawa muryar wannan yarinyar yake ji 'yar major Aliyu kenan ita ce. 

Kallon Abdus-samad yayi wanda har lokacin idanun shi na kansu yana kallon ikon Allah, ajiyar zuciya yayi sannan yaja hannun ta suka shiga motar. 

Tabbas itace dokin hasken bulb na cikin motar a kunne yake,gashi tak'i sakin shi,to ita meya fito da ita a wannan daren "pub" wata zuciyar ta bashi amsa. 

Kallon Abdus-samad ya kuma yi a karo na biyu sannan yace"my guy ka ja motar mu tafi",yana fad'in haka ya juyar da kai domin ya lura tambayar shi yake son yi shi kuma wasu tambayoyin baya da amsar su a halin yanzu. 

Kan su isa gida har tayi barci,sallama Abdus-samad yayi mishi sannan ya tafi nashi gidan dan ma block d'in su d'aya. 

Hannu ya saka ya d'auke ta duk da k'yamar ta da yake ji,kan gadon shi ya kwantar da ita sannan ya wuce toilet domin yin wanka. 

Alwala yayi sannan yazo ya tada sallah,dan hakan yana cikin abinda ya saba yi wato nafila ta dare. 

Sa da ya gama sannan ya nemi couch ya kwanta, kallon gadon yayi sannan yaja tsaki k'asa-k'asa ya juyar da kan shi daga nan barci ya d'auke shi. 

Sai da gari yayi haske dan har ya dawo morning exercise sannan ta farka, dafe kan ta tayi tana bin wajen da kallo. 

Koda ya shigo kallo d'aya yayi mata ya kauda kai, ita kuwa ganin shi ta hau murmushi wato shine jiya ya d'auko ta kenan. 

Bin shi take da kallo, shiryawa yake yi cikin khaki komai nashi a nutse yake yi,yana gamawa ya d'ago ya kamata tana kallon shi. 

K'asa-k'asa ya ja tsaki sannan yace"ki tashi kiyi sallah", babu musu ta mik'e ta shiga bayin bata dad'e ba ta fito. 

Kallon kan ta tayi sannan ta kalle shi,shi bama ita yake kallo ba domin ba zai jure kallon ta a haka ba. 

A sanyaye tace"kalli kayan jiki na",oh ashe kin san ba zai miki sallah ba kenan?, amma kika saka kika je party dasu kuma till down, kina 'yar musulmi amma kina wannan banzar shigar". 

Mik'ewa yayi ya bud'e jakar shi ya d'auko mata riga jallabiya coffee colour me gajeren hannu. 

Duk da rigar tayi mata tsayi da yawa haka ta saka,to babu hijab kuma kamar zai share ta sai kuma ya kira wani abokin su wanda shi yana da mata. 

Da kan shi ya fita ya amso mata hijab d'in lokacin da shi abokin ya kawo hijab d'in mika mata yayi ta amsa. 

Ta tada kabbarar sallar Abdus-samad yayi sallama ya shigo, gaisawa suka yi sannan ya d'auki phone d'in shi. 

Juyawa yayi yana kallon ta har ta idar da sallar ba tare da yace komai ba ya nufi hanyar fita. 

Kallon kallo suka yi da Abdus-samad sannan ya tab'e baki ya juya shima ya fita, bata da zab'in daya wuce bin su ita ma. 

Yana cikin mota shida Abdus-samad ganin fitowar ta yasa ya kalli d'aya dqga cikin sojojin dake gadi. 

Umarni ya bashi akan ya rufe gidan, daga haka be kuma kallon ta ba yaja notar shi ya fice daga gidan. 

Motar tabi da kallo kamar idanun ta zasu fad'o,ahiyar zuciya ta sauke sannan ta fara tafiya a hankali. 

Koda tazo bakin get sojojin suka bud'e mata k'ofar ta fice,sak'e-sak'e take a zuciyar ta,bata san dalili ba kawai hawaye ya zubo mata daga idanu. 

Gogewa tayi tana cigaba da tafiyar ta,gidan mahaifinta kawai ta wuce,kamar yadda tayi expecting yana zaune yana shan tea. 

Yana ganin ta ya bita da kallo,saukar da kan ta k'asa tayi, murmushi yayi gudun kada ta zargi wani abun yace"baby kin ganki kuwa cikin dogon hijab". 

Murmushi kawai tayi tana saukar da b'oyayyiyar ajiyar zuciya domin ita a tunanin ta ya fad'awa mahaifin ta. 

"Ya kika baro auntyn taki? ",cikin waskewa tace"tana lafiya lau tama ce na gaishe da kai". 

"Amma baby tafiya da sassafe kamar babu lafiya duk da na san halin ki amma gaskiya ki dena",ya k'arasa yana d'aga mata hannu. 

K'arasowa tayi ta mishi side hug sannan tace"zan kiyaye my dad",murmushi yayi mata ita ma ta maida mishi sannan na hau sama. 

Tana zuwa d'aki tayi saurin cire hijab d'in domin duk ya dame ta,bayi ta shiga ta sakarwa kan ta shower. 

Ashe yana da good heart?, Babu dai abinda yayi mini ko? ",na shiga uku! ",ta fad'a tana dafe k'irjin ta. 

Haka ta gama wankan tana tunane-tunane,wata dai rigar iya gwiwa orange colour ta saka, kan nan ko d'an mayafi babu haka ta fito. 

Masu aiki ta samu tayi musu umarnin su kawo mata abinci,cikin k'ank'anin lokaci suka cika gaban ta da kayan ciye-ciye. 

Wayar ta ta d'auko tana dailing number,sai da ta kusa katsewa sannan aka d'auka,cikin masifa tace"wai kuwa zuly kina da hankali kuwa kinga baki ganni ba ai kya kirani dai ko". 

Jin shiru babu amsa yasa ta kasa kunne sosai, k'asa-k'asa take jiyo nishinsu, tsaki taja tana fad'in " shegiya kawai", ta kashe wayar ta. 

Abincin ta kai baki domin ci ta tuno shi, yadda ya d'aure fuska da yadda yake shirin shi da komai a natse ya burge ta. 

Maida abincin tayi ta jingina da kujerar da take zaune ta lumshe idanu tana faman murmushi. 

B'angaren oga kuwa sai da ya bar gidan sannan yaja wani dogon tsaki,shi yarinyar taja ma ya k'ara tsanar tane. 

yana son mace mai tsiwa amma kuma ba mai shaye-shaye ba a farko da suka had'u ta burge shi yadda take gadara amma ganin da yayi mata jiya da daddare yasa yaji ya tsane ta. 

"Wai wacece ita ne? ",Yaya Abdus-samad ya katse mishi tunani ta hanyar tambayar shi, sai da ya kuma jan tsaki sannan yace"yarinyar major A.i indimi ce". 

Zaro idanu Abdus-samad yayi yace"kai wannan dattijon mutumin arzik'i shine yake da wannan yarinyar tambad'add'iya? ". 

Be bashi amsa ba dan ji yayi ranshi ya kuma b'acewa ya rasa meya saka mata ke shaye-shaye. 

____________________________________________________________________________________________________________________________________

Ni kuwa yau shirin zuwa sabon gari nayi domin zamu shiga kasuwar sabo da rufaida daga can sai na wuce. 

Atamfa na saka me kalar ruean hoda da lemon green a jiki,hijab d'ina ruwan hoda har k'asa.

Nik'ab na d'aura shima a fuskata, sannan na fito, rufaida ta kalle ni tayi tsaki tace"yanzu duk wannan gayun da kika d'auka amma zaki rufe shi. 

Murmushi nayi kawai bance mata komai ba,duk da a yanzu ta canza amma wasu abubuwan suna nan. 

Dai dai bakin get khairiyya tsaye tare da yaya khaleed, da alamu magana yake yi mata ko kuma nace fad'a dan naga ran ta a b'ace. 

Rufaida ta kalle ni tace"au koma ki d'auko wayar ki",d'ago mata k'aramar nayi wacce itace sim d'ina da aka fi kira na kuma nafi yawo da wayar saboda waccen ma ko fita da ita ban tab'a yi ba. 

Harara ta tayi tace"ai wallahi sai kin d'auko gayu zamu yi da ita",dariya nayi ina fad'in"rufauda akwai ki da takura wallahi". 

"Eh koma meye wallahi sai kin d'auko", ta fad'a tana jan hannu na domin mu koma, ya na iya da rufaida haka muka koma na d'auko ummi dai sai dariya take yi mana. 

Mun fito khairiyya ta taho ta bagaje ni, hakan yasa wayar ta fad'i, duka wayar muka bi da kallo. 

Cikin mamaki khairiyya ta tsuguna ta d'auko wayar, kallo na tayi da alamar tambaya sannan ta maida kallon ta ga wayar, jujjuya ta takeyi cike da mamaki. 

"Wato yaya khaleel wata wayar ya siyawa wannan yarinyar kenan"ta fad'a tana shafa jikin wayar. 

"Kuma sabuwa", ta fad'i hakan a fili,Rufaida tayi wani munafikin murmushi, dama da gayya tasa aka d'auko wayar dan khairiyya ta gani. 

Ganin ta gani d'in yasa taji wani sanyi a ranta,ganin khairiyyar na k'ok'arin juyawa da wayar yasa tayi saurin k'arasa gaban ta tasa hannu ta fuzge wayar tace"haba khairiyya kunyi karo ai ke bata hak'uri yanzu kuma da kin fasa mata waya fa,waya ce me tsada fa dubu hamsin da takwas", ta fad'a tana yin murmushi. 

Har idanun khairiyya ya kawo ruwa domin Allah ya yita da hangen na sama da ita, tun suna k'anana haka take weak point d'in ta kenan. 

Shafa wayar Rufaida tayi tace"Sister muje ko, da alamu khairiyya yau bata magana,zamuje kasuwar sabo ne ko zakije mu jira ki". 

Wani abu me d'aci ta had'iye da k'yar ta iya bud'e baki tace"kuje kawai ina da abin yi",ta k'arasa murya na rawa. 

Rufaida ta rik'o hannu na da na zama mutum-mutumi tana fad'in "muje sister kin san muna da abin siyowa da yawa Allah yasa ma kud'in da yaya khaleel d'in ya turo miki da yawa koda yake idan be isa ba sai ki kira shi ya sake turo wasu, dan ni dubu d'ari da hamsin ai na raina su", ta k'arasa maganar tana d'ago atm card wanda ban ma san a inda ta same shi ba. 

Wacce akayi dan itan kuwa sai da ta waigo ta kalli Atm d'in sannan ta k'ara gaba da sauri,kallo na na mayar kan rufaida. 

Ita kuwa ganin khairiyya ta wuce yasa taja tsaki sannan ta kalle ni tace"sai muje ai ko", bin ta kawai nayi a baya ina hasasho drama d'in da za'ayi anjima. 

Sai da muka kusa fita titi sannan na kalle ta nace"Rufaida kin san me kika yi kuwa",ba tare da damuwa ba tace"na sani mana, wani abu ne? ". 

"Kina sani fa khairiyya momma zata je ta fad'awa,kuma kin san me zai faru idan hakan ya kasance". 

Tsaki taja tace"aike matsalar ki tsoro wallahi,ai ni na fiso taji saboda ta san k'unci da damuwa ta haka ya kamata ki rink'a muzguna mata amma ke kullum aka yi miki sai dai kuka". 

"Yanzu dan Allah ina kika sami Atm",dariya tayi tace"wallahi na umma ne,d'azu ta bani na rik'e mata sai na manta na saka a aljihu shine fa yanzu da wannan ta taso kawai na tuna"dariya muka yi gaba d'aya. 

Muna shiga mota na d'aga nik'ab d'in domin yanayin zafi da sauransu,muna sauka a kasuwar. 

Rufaida taja hannu na muka shiga wata plaza, nan muka baje ta dinga kwasar kaya,ni dai idanu na zuba mata. 

Sai da ta kwashi son ranta sannan ta fito, kasuwar mata muka wuce, takalma nan ma ta kwasa ya kai k'afa biyar. 

Haka muka shiga dogon layi,kayan kwalliya da sauran tarkace haka ta dinga jida,sai da ta gama sannan na rakata ta hau mota. 

Ni kuma na juya na nemi okada da zata sada ni da chikaji,inda ainihin familyn mama na wato gidan su kenan. 

Da yake babu nisa da bakin titi yasa ina sauka tafiya kad'an nayi na isa gidan,ina shiga gidan na fara jiyo hayaniya. 

Ina shiga muka had'a ido,da sauri na k'arasa na rungume ta ina fad'in"oyoyo ammie na ashe kin zo,Allah ya kawo ni a sa'a". 

Yar dattijuwa fara kuma mara jiki sai dai tana da tsayi ce ta fito daga kitchen tana washe baki tana fad'in "ga juwairiyya ta ta iso". 

Rungume ta itama nayi ina fad'in"hajjaju gani na iso wallahi kwana biyu nayi kewar ku",d'an saki na tayi tana fad'in "kece baki son zuwa ai ina nan ina cikin zaria". 

Ammie tace"au ashe kina nan da wannan halin naki, koda yake laifin fatima ne",ni dai ban tanka musu ba. 

Kallon tsakar gidan nayi,babu siminti amma kuma a share yake tsaf,Alllah sarki hajjaju akwai tsafta. 

D'aya daga cikin d'akunan dake jere,na shiga 'yan mata guda biyu na tarar sai kuma saurayi d'aya da yara k'anana guda uku biyu maza d'aya mace. 

D'aya daga cikin 'yan matan tana kwance tana danna waya, d'ayar kuma na zaune kusa da wannan saurayin suna fira. 

Sai yaran da su kuma suke cin abinci, suna gani na duka suka hau murna,hijab d'in na cire ina dariya. 

Wacce ke kwancen tace"waye ya fad'a miki mun zo? ",nayi murmushi nace"wallahi babu kowa kawai yau naji ina son zuwa ashe 'yan uwa na ne suka zo". 

Kallon namijin nayi nace"ashe kaima kazo",jinjina mini kai yayi yace"eh nima nazo". 

Ammie dake waje tana alwala itace tayi sallama ta shigo kallon su tayi tace"wai ku ba zaku tashi kuyi sallah bane". 

Mik'ewa wacce ke tare da saurayin tayi, shima haka,"zuhra magana fa nake yi miki",dariya tayi. 

Ammie ta d'auki mayafin ta tana fad'in "ki zauna kada ki tashi kiyi sallar",d'ayar tace"kai ammie kika sani ko bata yi ne". 

Bani na fad'i maganar ba amma kuma ni naji kunya,sai na lura su bama ta ni suke yi ba,wannan dai itace ta kuma cewa"juwairiyya ko kema bakya yi ne". 

K'asa nayi da kai ina fad'in"kai aunty shukra", dariya suka yi gaba d'aya harda wannan saurayin. 

Nima fita nayi nayo alwala nazo nayi sallar sannan aka kuma gaisawa. 

sunan wacce ta haifi mahaifiyar mu, fatima amma muna ce mata hajjaju,mijin ta kuma Mus muna ce mishi Alhaji. 

Yaran su kacal guda uku ne duka mata,babban su itace Aisha(Ammie)kenan,tana aure a jahar jigawa,mijin ta babban lauya ne me zaman kanshi tana da yara guda hud'u,Shukra itace babba sai mai bi mata fatima suna kiranta da shukra tsakanin su babu nisa shi yasa suka taso kan su d'aya.

Daga kan zuhra sai haihuwar tayi mata jinkiri, sai bayan shekara takwas sannan ta haifi yara uku,Ihsan, muhsin da kuma islam. 

Daga ammie sai mama na, baban ta ya maida sunan matar shi wato fateema,(gabatarwar yaran ta ya nayi a page one). 

Daga nan sai auta khadeeja wato mamie,ita tana aure a Gombe mijin ta me kud'i ne kuma d'an siyasa ita kuwa yaran ta takwas ne yaya fahad wanda dalilin rashin haihuwar Ammie da wuri ta bata shi. 

Sai mukhtar,muhammad,Al'ameen,Aisha amma ana ce mata humaira,khaleed,zainab, Ummul khairi, sai auta ummus salma. 

Wannan shine tak'aitaccen labarin gidan su mahaifiya ta. 

Abinci naje na zubo mana a k'aton tray shinkafa da wake da miya,sannan na kawo mana duka mu ukun muka saka hannu. 

Muna ci muna fira, yaya fahad yayi sallama ya shigo, zama shima yayi ya saka hannu a namu. 

"Da ka bari zuhra taje ta zubo maka",Hajjaju ta fad'a, ya mutsa fuska yayi yace"barshi kawai amarya ta naci tare dasu",daga nan bata kuma cewa komai ba. 

Zama na cikin 'yan uwa na sai na manta da duk wata damuwar gidan mu,Fira muka yi sosai suna bani labarin garin su. 

Haka har yamma tayi sannan na mik'e domin tafiya,zuhra ta b'ata rai tace"ba dai tafiya ba",murmushi nayi nace"eh tafiya zan yi mana". 

"Wallahi gobe zan fara zuwa makaranta ne amma dana kwana",na bata amsa,da sauri suka ce"ba dai a gidan ku an barki zaki cigaba ba? ". 

"Eh an barni",na basu amsa kallon juna sukayi suka kwashe da dariya,yaya fahad yace"gaskiya sun kyauta, yanzu sun ajiye ak'idar tasu ne? ". 

"A'a, nice dai kawai aka bari amma sauran duk aure zasu yi",k'arar wayar dana ma manta da ita shi ya yanke ni. 

Wayar na ciro, sunan ummi na gani, da sauri na d'aga,ina jiyo hayaniya k'asa-k'asa, cikin sanyin murya ummi tace"kin taho ne? ". 

"A'a, ummi meke faruwa ne",na tambaye ta, "tunda baki taho ba ki zauna anjima kad'an zan turo Abdul'azeez ya kawo miki abinda zaki buk'ata ki kwana a nan kawai". 

Gaba na ya fad'i domin na san ko da gidan su ne ummi bata fiye son muna zuwa muna zama ba,cikin rawar baki nace"ummi ki fad'a mini meke faruwa". 

Bata bani amsa ba sai cewa da tayi"ina yaya bata wayar",kallon Ammie nayi da tun farkon wayar duka suka zubo mini idanu. 

Jiki a sanyaye na mik'a mata wayar, bana jin me suke cewa naga dai ta mik'e ta bar d'akin, zama nayi ina sak'e-sak'e a raina. 

"Waye ya baki wannan zazzafar wayar? ", yaya fahad ya fad'a cikin k'ok'arin kaudar mini da damuwa. 

"Yaya khaleel" na bashi amsa a tak'aice,shukra tace"ko dai 'yar gida za'a yi ne?". 

Murmushi nayi na saukar da kaina k'asa, d'agowa nayi na kalli hajjaju itama d'in ni take kallo,duk da azahiri haka zaka ce mu take saurara amma daka kalle ta zaka san hankalin ta ba'a kan mu yake ba. 

"Babu wani 'yar gida kawai dai ya siya mini ne saboda karatu",na basu amsa,"hmm ya kyauta amma kuma ai wayace me tsada fa, wajen 75k take fa". 

Zaro idanu nayi nace"da gaske",dariya suka kwashe dashi ni kuma nayi murmushi, hajjaju kam kasa hak'uri tayi ta mik'e tabi bayan Ammie. 

Ni kuwa 'yan uwana sai k'ok'ari suke wajen mantar dani, nima kuma ganin hakan sai kawai nayi k'ok'arin danne damuwar. 

Sai bayan minti ashirin, Ammie ta shigo,miko mini wayar tayi Ranta a b'ace,gaba na ya fad'i Ammie Allah yayi mata hak'uri kan kaga ranta ya baci ana dadewa dama mamie ce ita keda saurin hawa yanzu nan. 

"Ki tura mata da text na abinda kike buk'ata, sai ta aiko miki dashi",daga haka ta kuma fita, shiru nayi ina tunani. 

Ganin hakan ba zai mini bane yasa na tura da text d'in,firar kawai nake yi amma hankali na baya kan firar. 

Da yamma aka aike mu siyo kayan muya domin d'aura abinci,mu hud'un mu muka tafi, muna fira. 

K'ara waya ta tayi,kallon me kiran nayi,zuhra tayi dariya tana fad'in "yaya na",da sauri na d'aga ina murmushi. 

Muryar shi ta doki kunne na yana fad'in "kina ina ne",cikin sauri na bashi amsa da"sabon gari",kashe wayar kawai yayi. 

yanzu kam na tabbatar akwai matsala,jiki na har rawa yake yi tsabar tsorata, yaya fahad yace"nifa matsala ta dake kenan, tsoro",murmushi nayi hawaye ya zubo mini. 

Kawai tsugunawa nayi na fashe da kuka,ni na san da matsala,shukra ta dafa ni tace"haba sis kiyi hak'uri mana bama fa ki san me yake faruwa ba". 

Cikin kuka nace"shukra wallahi ina ji a jiki na wata matsalar ta faru ne", yaya fahad yace"ya isa haka yanzu goge hawayen ki". 

Mik'ewa nayi na goge hawayen nawa, waya ta na amsa na kira Rufaida amma bata d'aga ba,number d'in Abdul'azeez na kira a kashe. 

Shiru nayi ina tunani,waye zan kira yanzu, number din yaya khaleed na kira shima har ta katse ba'a d'aga ba. 

To wai me yake faruwa ne a gidan namu???? 

Domin jin wannan amsar sai ku biyo yar mutan zazzau. 

*Babyn abdul maman meenal,elham da farouk*.

#COMMENT

#LIKE AND SHARE. 

        *YAR MUTAN ZAZZAU* 

♥

     ♥ ❤

            ♥♥❤

*~K'AREENATEEY~*

(K'AWATA)

(It's all about friendship) 

https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*written *✍

       -by-

         *Deeja one love*

*JAKADIYAR GOLDEN PEN WRITERS ASSOCIATION👸*

~Dedicated~

      To 

 

     *~Aisha yunus(eesher lurv)~*

Wattpad 13 deeja 

*ADDU'AR TASHI DAGA BARCI*

*_Alhamdulillahil lazi ahyana ba'ada ma amatana wa'ilay hinnushuur_*. 

An karb'o daga Abu huraira Allah ya k'ara masa yarda yace"manzon Allah tsira da amincin Allah sun tabbata agare shi yace" *na abin hawa shi zai yiwa na me tafiya a k'asa sallama,mai tafiya a k'asa shi zai yiwa na tsaye sallama, kad'an su zasu yiwa wanda suke da yawa sallama* ". 

Abin dariya to abin tambaya anan "zee baby* ya kike so ki ganni, wai ance mata ga one love wai *dama wannan ce one love d'in* na miki yarinta ko me??? Ni abin ma dariya ya bani amma duk da haka na gode sosai da ziyara Allah ya k'ara zumunci naji dad'i sosai da fatan kin isa gida lafiya. 

 Ba zan iya mantawa daku b *maman fulani,hajjaju da kuma imam ruqayya (mama na) hak'ika muna jone na kuma san son da kuke yiwa wannan littafin kuma ina jin dad'i sosai*. 

*ina jin dad'in comments d'in ki zainab bala abubakar ta group din princess zahra, wannan dalilin yasa na baki wannan page d'in kyauta naki ne kiyi yadda kike so*. 

*_AL-JABBARU_*

*_11_*

shukra tace"pls ki kwantar da hankalin ki, babu abinda ya faru insha Allah". 

Jiki na har rawa yake yi,bance komai ba haka har muka dawo gida. 

Magana hajjaju da ammie suke yi amma suna ganin mu suka dena,jiki na ya kuma yin sanyi. 

Ina cikin jajjage yaya Abdul fatah(k'anin yaya Abdus-samad na biyu)sai da ya shiga suka gaisa da hajjaju da Ammie ban san me yace musu ba. 

"Be kama ta ba haba ya za'ayi a bari taje gidan yanzu",na jiyo muryar Ammie tana fad'a,muryar hajjaju ita ma ta ratsa kunne na"Amma dai can d'in ne gidan su ko? ". 

Sai kuma ban k'ara jin komai ba, sun fi minti goma sannan Ammie ta fito fuska a had'e tace"kizo ki tafi d'an uwan ki yazo tafiya dake", daga haka ta juya. 

A sanyaye na shiga d'akin,Ammie na tsaye tana gyarawa islam botir na riga hajajju kuma tana lazimi(tsohuwar Allah yayi mata Yawan bauta). 

hijab d'ina da nik'ab na d'auka sannan nayi musu sallama na fita,zuhra da shukra dake tsakar gida suma muka yi sallama. 

A waje na tarar da yaya Abdulfatah da yaya fahad, suna fira yana gani na ya mik'e, sallama muka yi da yaya fahad akan sai sun zo. 

Motar muka shiga shi kuma yaja muka tafi, babu wanda yayi magana har muka kai pz,wayar shi tayi k'ara kasancewar ya ajiye ta saman radio ne yasa naga sunan daya fito. 

*yaya khaleel*,duk da bani ya kira ba sai dq gaba na ya fad'i,A handsfree ya saka wayar kawai ya cigaba da tuk'in shi. 

Muryar shi ce me cracking amonta ya daki kunnen mu yana fad'in"Ka d'auko ta din? ",Yaya Abdulfatah ya bashi amsa da"eh na d'auko ta amma inaji zamu shiga ta k'ofar baya ne". 

"No Abdulfatah ku shiga ta get, idan sun so su tab'a ta d'in,kada su fasa",ya fad'a cikin fushi sannan ya kashe wayar. 

To fa! Na shiga uku ni juwairiyya,aifa nan da nan jiki na ya d'auki rawa,zuciya ta ta canza bugu har yaya Abdulfatah sai da ya fahimta Amma kasancewar shi bane hayaniya ba kawai cewa yayi na natsu. 

Kaji mini mutumi na san me zan je na tarar,hawaye ya zubo daga idanu na cikin kuka nace"yaya dan Allah kayi hak'uri ka ajiye ni a nan, na koma". 

Murmushi yayi yace"bafa ki san meya faru ba kuma ni umarni aka bani naje na d'auko ki dan haka kiyi shiru kawai ki natsu". 

Kuka ya kufce mini, kaina na saukar k'asa ina rerawa,ban san ya d'auki wayar shi ba sai ji nayi yana cewa"to fa kuka take, duk ta tada hankalin ta". 

D'agowa nayi wanda yayi dai-dai da mik'o mini wayar da yayi,amsa nayi duk da ban san waye ba,ina sheshshek'ar kuka nayi sallama. 

Amsawa yayi sannan yace"kalli kiyiwa mutane shiru kada ki dama mini lissafi ki bari kije gidan mana". 

Cikin kuka nace"yaya ina tsoro fa ban san me nayi musu ba ka bari na koma sabon gari",cikin fusata yace"tunda sabon garin gidan uban ki ne ba, ga gidan ku zaki ce zaki zauna a nan, kije mana idan sun ga dama su kashe ki ma nan ne gidan ku ba sabon gari ba", be bari nace komai ba ya kashe wayar. 

Ajiye wayar nayi a inda take na maida kallo na kan titi har mun iso k'ofar doka, shiga cikin zaria dai tabbas kenan, hawaye na kuma sharewa. 

Muna zuwa bakin get gaba na ya fad'i,yaya Abdulkareem dake tsaye a bakin get d'in ya bi motar da kallo ni kuwa sai zare idanu nake kamar sardauna yayi k'arya 😂. 

Harabar gidan kamar anyi shara,babu kowa yana yin parking na fito kamar munafika lallai na tabbatar babu lafiya domin babu yadda za'ayi ka shigo gidan mu kaga babu kowa a filin harabar gidan. 

Cikin sanyin jiki na nufi hanyar b'angaren mu, daf da zan shiga na juyo na kalli b'angaren su yaya momma. 

Sannan na shiga ciki,da sallama na shiga a baki na,ummi dake zaune ta zuba uban tagumi gefen ta Abdul'azeez ne da hafeeza kowanne yana zaune yayi shiru. 

Ina shigowa duka suka bini da kallo,kamar munafika haka na k'araso,har lokacin kuma kallo na suke yi,hakan ya k'ara fad'ar da gaba na. 

Zama nayi sannan nace"ummi sannu da gida",sai da tayi ajiyar zuciya sannan tace"yauwa ya kika baro su". 

A takaice na bata amsa da "lafiya lau suke suna ma gaishe daku",muna amsawa jeki kiyi wanka kizo ki d'ora abincin dare", ummi ta fad'a tana mikewa. 

Kallona na mayar kan abdul'azeez wanda ya mik'e shima domin barin wajen na amsa da"to ummi". 

Har ta tafi ta juyo tace"Hafeeza zo ki taya ni ninke kaya",mikewa hafeeza tayi ta bi ummin, suka barni ni kad'ai ina karanta wasik'ar jaki. 

Can kuma na mike domin tafiya d'aki, ina shiga nayi wanka na canza kaya sannan na fito na shiga kitchen har lokacin bani da walwala kuma tunani nake yi. 

Haka har na gama abincin bani da wata natsuwa,kuma cikin sanyin jiki nake komai, ga tarin tambayoyi da nake dashi.. 

Koda muka zo cin abinci babu wanda yace mini wani abu ga ummi ta kafa ta tsare ta hana Abdul'azeez magana. 

Muna gama cin abinci na mik'e,kamar jira Abdul'azeez yake yi shima ya mik'e kan ya biyo ni ummi tace"zo nan kaje ka siyo mini filawa gobe muyi d'an wake da safe". 

Ni kaina sai da na jiyo na kalle ta,domin na san cewa komai ajiye mana ake yi kayan miya kawai muke siya shima ba kullum ba. 

Juyawa nayi kawai na shige d'aki gaba na na kuma fad'uwa,ina zaune gefen katifar mu na zuba hannu biyu nayi tagumi,kira ya shigo waya ta. 

Da sauri na d'aga nace"Rufaida wai meke faruwa ne? ",ajiyar zuciya tayi tace"Ki bari gobe zan zo nayi miki bayani", daga haka ta katse wayar. 

Ummi tayi sallama ta shigo,jiki a sanyaye na amsa mata,zama tayi kusa dani tace"damuwa ba zata yi miki ba ki nemi waje ki kwanta". 

Ban musa mata ba kawai na kwanta,tana gefe na tayi mini Addu'a, sannan taja bargo ta rufe ni tace"sai da safe". 

Ina kwance shiru,,in sak'a wancan in kwance wancan haka har barci yayi awon gaba dani. 

Ina zaune washe gari bayan na gama duk ayyukan da zan yi su hafeeza da Abdul'azeez duk sun tafi makaranta. 

Nima kuma sai k'arfe goma zan tafi makarantar,hakan yasa na zauna b4 time ya cika. 

Yaya Abdulkareem yayi sallama ya shigo,na amsa mishi sannan na gaishe dashi,kamar ba zai amsa ba sai kuma ya amsa babu yabo babu fallasa. 

Gaba na ya fad'i ganin yadda yake kallo na,ciki-ciki yace"ina mahaifiyar ki",sai da naji abin banbarak'wai wai namiji da suna hajara😀. 

Cikin in-ina nace"tana d'a...... Ta...... Tana d'aki",tab'e baki yayi sannan yace"kice mata Baba malam na neman ta", daga haka ya fice ya barni zaune shiru wannan wane kalar fitina ke son b'allowa ta shigo gidan mu???. 

Innalillahi wa'inna ilaihirraji'un,kaf gidan mu kowa da sunan da yake kiran mahaifiyata shine *ummi*, maman su yaya khaleel *momma*, maman su Rufaida *umma*,maman su Yaya abdus-samad *hajiya*, yaushe kuma abu ya canza???? 

Tashi nayi jiki a sanyaye na nufi bedroom d'inta, tana zaune tana duba littafin siffatus-salatin nabiy. 

"Ummi baba malam ya aiko a kira ki",gani nayi jikin ta yayi sanyi,cikin sauri ta mik'e ta fita. 

Sai da na d'an tsaya minti uku sannan na fito,ina fitowa Rufaida na yin sallama ta shigo, ajiyar zuciya nayi sannan na jata zuwa d'akin mu sai da na turo k'ofar sannan naje kusa da ita na zauna nace"Rufaida fad'a mini meke faruwa ne". 

"Hmm jiya abinda ya faru ai yayi yawa wallahi Allah ne kawai ya tak'aita,bayan mun tafi kasuwa ashe wai khairiyya zuwa tayi ta fad'awa momma wai yaya khaleel ya baki kud'i da kuma waya". 

"Shine fa ran momma ya b'aci taje ta fad'awa hajiya, ita kuma hajiya ta bata shawara akan ta aiko ayi ma ummi rashin mutunci a amshi wayar,ashe lokacin da suke maganar yaya Abdallah yana jin su". 

"Ita kuma momma da d'aukar zuga ta kuwa tura khairiyya tunda ta san yaya khaleed ba zai je ba, aikuwa khairiyya tazo har nan part d'in tayiwa ummi rashin kunya". 

"Ummi ita kuma bata kulata ba, tana fita ta had'u da yaya Abdallah shi kuma ya hau dukan ta". 

"Yayi mata dukan kawo wuk'a kin san yana d'an busawa,yanzu haka ma tana asibiti, yaya Aliyu yaje ya fad'awa Momma gashi can  Abdallah yana dukan khairiyya anyi a hanashi yak'i hanuwa". 

"Aikuwa ta garzayo ta taho tana zuwa ta rufe shi da duka tana zagin shi, ita kuma hajiya tace bata san wannan ba,shine fa suka hau cacar baki". 

"Ke in tak'aita miki har baban gida sai da ya tako cikin gidan nan abinda be tab'a yi ba,amma wai abin haushin suka k'i su dena,aifa shine ya tafi ya barsu". 

"Momma ta kwaso 'yan sanda,akayi su rabu da maganar suka k'i ana haka sai ga Abba da baba malam sun shigo babu wanda ya sani fad'a musu akayi ko zuwa kawai suka yi oho,suna zuwa kuwa Abba yace,  ya saki momma saki d'aya shima baba malam yace ya saki hajiya saki d'aya". 

"Yace kuma idan sun so su kashe kan su, yanzu dai maganar da nake miki khairiyya na asibiti, momma na wajen ta hajiya kuwa ta wuce gidan su tun jiya, kuma baban malam yace duk wanda ya  tada maganar sai ya tsine mishi ". 

Wai ai fuskata kamar an watsa mini ruwa,jiki na gaba d'aya rawa yake yi,kuka na fashe dashi ina fad'in "na shiga uku". 

Rufaida tayi dariya tace"wallahi kin shige su da tsoro to bari na k'arasa miki kiji ma wallahi su yaya Abdul kareem cewa suka yi sai sun halaka ki shine dalilin da yasa ummi jiya tace kada ki dawo". 

"Ban san wanda ya kira ya fad'awa yaya khaleel ba sai ga kiran shi wai aje a d'auko ki wanda ya fasa tab'aki, shine fa yaya Abdulfatah akan yaje ya d'auko ki". 

Ai ciki na har wani sauti yake bayarwa,ni juwairiyya naga ta kaina, yanzu ina zan saka rayuwa ta,abinda nake fad'a kenan a raina. 

Kallon juwairiyya nayi nace"wato shi yasa yaya Abdulkareem d'azu yake harara ta kenan ashe nice sanadiyar fitar mahaifiyar su",rufaida ta mik'e tana fad'in"bari na tafi kada ummi ta dawo ta same ni". 

Yadda ta tafi ta barni haka nake zaune ina tunani wanda ni kai na ba zance ga abinda nake tunanowa ba. 

Ummi tayi sallama ta shigo, kallo na tayi tace"ga Abdulfatah can a waje yana jiran ki yace khaleel ya turo shi ya kai ki makaranta". 

"umm....... "Cikin daka tsawa tace"bana son jin kai ba dai kin nace sai kin yi karatu ba,juwairiyya kad'an kika gani, oya wuce". 

Kuka na saka nace"wallahi ummi na hak'ura",girgiza mini kai tayi tace"wuce tun kan na sab'a miki",haka na fita ina zubar da hawaye. 

Ina zuwa na shiga shi kuma yaja motar,bance komai ba haka shima beyi mini magana ba,sai da muka isa makarantar sannan na kira shi mutumin babu dad'ewa sai gashi yazo yayin da shi kuma yaya Abdulfatah ya juya ya tafi. 

Mun shiga duk wani clearance daya kamata ayi mini duka anyi da yake da kud'i kawai dai takardun ya banu dan tuni an riga da an gama komai. 

Kallon takarda hannu na nayi faculty of information technology,shiga nayi domin tambayar 'yan course d'in mu. 

Allah ya taimakeni ban sha wahala sosai ba na had'u dasu domin suma d'in ku san yau suka fara zuwa. 

Lectures muka shiga k'arfe biyu zuwa hud'u,duk da banda wani kuzari amma fa naji dad'i yadda naga buri na ya zama gaskiya. 

Muna fitowa muka nufi masjid domin sauke faralli,daga 4:30 muke da wani lectures d'in zuwa 6:30 hakan yasa hutawa kad'an muka yi sannan muka nufi hall d'in da muke da lectures d'in. 

Ban wani fahimta ba saboda matsalolin dake gaba na,amma duk da haka a gajiye nake haka na fito, me mashin na samu ya fitar dani bakin get daga nan kuma na hau mota zuwa pz. 

Ko a cikin motar dafe kaina nayi kawai,matsalolin gidan mu ya fara isa ta yanxu haka kaina har ciwo yake yi. 

Muna sauka na sami motar zaria daga nan kuma muka tafi, tunda na hango k'ofar doka gaba na ya fad'i dan danan naji kanar ma kada naje. 

Ana sauke ni na k'arasa gida, kasancewar magrib ta gabato wasu masallatan ma har sun fara kira. 

Ko a bakin get 'yan gidan mu ne suke alwala ina zuwa suka bini da idanu, wayyo! Ni dama rud'ad'd'iya ai ji nayi kamar k'asa ta tsage na shige. 

Saura kad'an muyi karo da yaya khaleed,"meye haka ke kuma, ki bi a hankali mana, har kin dawo",d'aga kai kawai nayi ina k'ara sauri. 

Sai da na shiga part d'in mu sannan na samu relief,na san ba zan samu kowa ba domin ummi da hafeeza sun shiga sallah Abdul'azeez kuwa da abdul maleek da abdulhafeez suna masallaci. 

nima d'aki kawai na wuce,ajiye hijab nayi da jakata sannan na wuce bayi nayo Alwala na tada sallah. 

Sai da akayi sallar isha'i na tashi daga kan dardumar,ina fitowa ummi ta fito, sannu da gida nayi mata ita kuma tayi mini sannu da dawowa. 

Su Abdul'azeez suka yi sallama suma suka shigo,zama muka yi domin cin abinci, sai da muka gama sannan muka koma saman sofa. 

Muna zaune Abdul'azeez ya tashi ya dawo kusa dani,cikin sakin fuska yace"sweet ya lectures", dariya nayi nace"lectures Alhamdulillahi". 

Nan na shiga bashi labarin makaranta duk da yanayin yadda na shige ta ba wani dad'i, duk wannan abin ummi bata saka mini baki ba. 

Sai da na gama duk abinda na saba kafin yin barci kamar wanka da yin Alwala sannan nazo na kwanta. 

Ina kwanciya waya ta tayi k'ara,Na d'aga baki na d'auke da sallama gaba na yana fad'uwa. 

Amsa sallamar yayi cikin muryar shi me cracking kamar k'asa-k'asa,ya d'ora da cewa"ya lectures d'in da sauk'i ko". 

Kamar yana gaba na, na d'aga kai ina fad'in"Alhamdulillahi babu wuya sosai",cikin kwantar da murya yace"juwairiyya,kin san dai yadda muka yi da baban gida da kuma irin abinda muke fuskan ta a dalilin karatun ki ko,Dan Allah ki tsaya kiyi abinda ya kamata,kada kisa nayi asarar kud'i ke kuma kiyi asarar lokacin ki, ki saka mutane suyi mana dariya". 

Yana fad'in hakan ya kashe wayar,bin wayar nayi da kallo ina mai nazarin magan-ganun shi,tabbas hakane abinda ya fad'a. 

Share hawaye nayi domin ko ummi bata zaunar dani tayi mini fad'a ba hakan ya tabbatar mini da har yanzu bata wani goyi bayan cigaban karatu na ba. 

Ajiye wayar nayi na kwantar da kaina akan filo ina cigaba da zubar da hawaye, kafin barci ya d'auke ni. 

________________________________________________________________________________________

*ASIBITIN TUDUN WADA*

Momma na zaune tana kallon juwairyya wacce har lokacin bata farfad'o ba,fuskar ta gaba d'aya ta sauya kamanni. 

K'wafa tayi tace"aikin banza aikin wofi,ni za'a ja dani wallahi sai na rama kuma ba zan tab'a so tarayyar khaleel da waccen sadaka yallan ba",ta k'arasa tana jan tsaki. 

Ga abu na neman ya kwance mata,sauk'in tama da 'yan kud'i a hannun ta, dan Abba ya hana kowa zuwa inda take. 

Sai bakwai na safiya sannan khairiyya ta farka, sosai momma taji dad'i amma ita kuwa kuka ta saka haik'am. 

Ganin hakan yasa likitan yayi mata allurar barci domin ta d'an huta, Allah yaso ma babu internal injuries. 

Khaleel kuwa ya kasa kiran ta ma gaba d'aya domin yana gudun ya kira ta sauke mishi nashi. 

Yau dai da safe ya d'auki aniyar kiranta bayan ya dawo daga morning exercise,hankalin shi ya tashi dan tak'i d'aga kiran shi gabaki d'aya ma. 

Sosai ya shiga damuwa dan ma cingam d'in nashi yana lallashin shi,Abba yakira yayi mishi complain. 

Aikuwa ya rufe shi da fad'a kan me zai kira ta,nan dai yayi mishi gargad'i kada ya kuma sannan kada ya janye daga karatun nawa. 

Suna gama wayar ya zubawa wayar idanu yana tunani, ni kuwa nace su malam khaleel anyi gudun gara an fad'a zago 😀😀. 

*TUDU WADA POLICE STATION*. 

hajiya je zabga bala'i tun d'azu akan me sunk'i su bada belling gashi itama Baba malam ya hana kowa ya zo. 

. data ishe su wani gabjejen police yace"ke kiyi mana shiru idan ba haka ba kema na jefe ki bayan kanta", ya k'arasa yana hararar ta. 

ai jin bakin hajiya kayi gum😂😂?,sai zagi da take aunawa police d'in cikin ranta, da tsinuwa babu adadi. 

 ni kuwa nace hajiya kenan ai be san kinayi ba aikin b'ur inji tusa.🤓 ashe ana tsoron hukuma. 

Ni kuwa gari yana wayewa na fara shiri domin yau k'arfe bakwai nake da lectures hakan yasa tun asuba na fara shiri. 

Ina gama abinda nake yi nayi wanka,riga da siket na atamfa na saka,me kalar ja da green sai ratsin milk,hijab dogo na saka milk na d'auki jakata na fito, sallama na yiwa ummi sannan na tafi. 

Sai da nayi 'yar tafiya sannan na isa titi,yau dai babu laifi dan inada walwala kad'an,mota na samu na hau wacce direct har samaru. 

Sai da muka je main get sannan na sauka na d'auki me mashin ya shigar dani har faculty d'in mu. 

Alhmadulillahi yau ban san tunani da yawa ba hakan yasa karatun na fahimce shi sosai, har kuma lokacin ban yi k'awa ba sai dai mukam gaisa domin irin wannan makarantar idan kace zakayi rashin mutunci da girman kai to akwai wanda suka dama ka suka shanye. 

Sai hud'u na baro makarantar,mota na sake hayowa domin komawa gida, amma wannan karan dana sauka a pz sai da na biya banki ja ciri kud'i domin dai na hannu na daf suke da k'arewa ga siyan hand-out da sauran su. 

Dubu goma kawai na cira sannan na sake hawa motar da zata sadani da gida, duk da raina a cunkushe yake. 

Ina isa gida na tarar dasu Ammie sun zo hakan yasa na saki raina,mun sha fira sosai dan ma a nan zasu kwana, murna kamar na zuba ruwa a k'asa nasha. 

Zuhra tace"wallahi juwairiyya zaria k'auye ce wai fa dan mun fito sanye da mayafi kawai aka fara bin mu da kallo, kamar basu tab'a gani ba"ta k'arasa tana dariya. 

Murmushi nayi nace"to kun saka abinda ba shigar su bace,kema kin san bamu cika saka gyale ba dama-dama da sallah amma mu duk kwalliyar da mukayi hijab ne". 

Shukra ta kwashe da dariya tace"nifa haka bikin nafeesa daya tashi nazo wai naga mutane sanye da zunbula-zubulan hijabi",suka kuma kwashewa da dariya. 

"to ai mutuncin mace kenan,ki rufe jikin ki gaba d'aya kuma wannan aiba k'auyen ci bane". 

"To meye shi d'in mutum ya saka hijab ya rufe kwalliyar shi, amma idan ka yafa mayafi kai kanka kafi shan iska",zuhra ta fad'a. 

Ganin idan naja yi zamuyi ta yi yasa nace mata tazo muje wajen Rufaida,da yake ta santa yasa tace to. 

Mun taso itama shukra ta biyo mu tace muje duka kawai haka muka dunguma zuwa part d'in umma. 

Duk da gaba na yana fad'uwa hakan be hanani shiga ba,kusan dukan su suna zaune a falo muka yi sallama muka shiga. 

Rufaida ta taso da gudu ta rungume ni,cikin murna take fad'in"oyoyo yan makaranta",sakina tayi ta koma kan zuhra da shukra tana fad'in "sannun ku da zuwa". 

Sai da muka gaishe da umma ta amsa da sakin fuska domin dai ita irin mutanan nan ne masu fuska biyu. 

Haka Rufaida ta jamu zuwa cikin d'akin su muka hau fira,sai wajen goma sannan muka ce zamu tafi. 

Kayan da muka siyo a kasuwa ranar nan ta kwaso wasu daga ciki tace"gashi wannan naki ne dama ina taso na kawo miki". 

"A'a haba Rufaida kada abin yayi yawa mana",dariya tayi tace"dallah can ni amsa kina tsaya wani surutu", haka ta tilasta mini na amsa. 

Har bakin part d'in mu ta rako mu sannan ta juya,muna shiga sai da na kaiwa ummi kayan wanda har yanzu fira suke yi ita da 'yar uwar ta. 

"An gode kawai tace Ammie ce ma ta yaba kayan, sanin halin ummi yasa na kwashi kayan da k'afa ta na wuce namu d'akin. 

Can ma wata firar muka dasa sai wajen sha d'aya sannan muka kwanta. 

*Yau ga page nan nayi muku da tsayi, ban muku alk'awarin update kullum ba gaskiya, dan muna da matsalar wuta ga kuma wani lokacin ko bani da data, idan kun jini kawai shikenan idan kuma baku jini ba kuyi hak'uri,na san dama kuna yi amma pls ku k'ara hak'uri, na gode sosai*. 

#COMMENTS. 

#LIKE AND SHARE

      babyn Abdul, maman meenal,elham da farouk". 

     *YAR MUTAN ZAZZAU*. 

♥

     ♥ ❤

            ♥♥❤

*~K'AREENATEEY~*

(K'AWATA)

(It's all about friendship) 

https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*written *✍

       -by-

         *Deeja one love*

*JAKADIYAR GOLDEN PEN WRITERS ASSOCIATION👸*

~Dedicated~

      To 

 

     *~Aisha yunus(eesher lurv)~*

Wattpad 13 deeja 

*ADDU'AR DA MUTUM ZAI YI IDAN MASIFA TA SAMESHI*

innalillahi wa'inna ilayhir raji'u, allahumma ajirni fi musabati a'akhlifni khairan minha. 

Manzon Allah tsira da amincin Allah sun tabbata agreshi yace"wallahi ko dai kuyi umarni da kyakkyawan aiki kuyi hani da mummunan aiki, ko kuma Allah ya dora azzaliman cikin ku akan ku(wato mulki)zab'ab'b'un cikin ku suyi Addu'a amma Ba za'a amsa musu ba. 

*_12_*

Zaune take gefen swimming pool kan rest chair,kunnen ta sanye da earpieces,lumshe idanun ta suke a zahiri zaka ce waqar take saurara amma a bad'ini tunani ta tafi. 

Daga jiya zuwa yau taimakon da yayi mata ta tabbatar tana son shi,to taya zata jawo hankalin shi gare ta. 

Yanzu zaman ta anan kwana biyu basu had'u ba kenan domin yanzu daddyn nata baya gari, hakan yasa baya zuwa. 

Gab'a d'aya babu wanda take son gani kamar shi,mik'ewa tayi zunbur, kamar wata mahaukaciya tayi cikin gidan da sauri. 

Kan gado ta fad'a ta fashe da kuka,sai da tayi me isar ta sannan ta mik'e ta shiga bathroom, wanka tayi shaf-shaf. 

Wata riga ta saka pink me ratsin blue,iya gwiwa sai kuma wando kalar blue da pink,d'ankwalin kayan d'an siriri shi ta yafa. 

Takalmi flat pink ta saka sannan ta d'auki wayar ta da purse ta fice,mota ta shiga cikin sauri ta bar gidan. 

Gidan shi ta nufa,amma abin ban haushi get man ya hanata shiga, tace"kaga ka barni na shiga i have sum message to your oga", girgiza kai yayi yace"oga ya hana a bari kowa ya shiga". 

Tsugunawa tayi a wajen ta rufe fuskar ta da tafin hannun ta, tana ajiyar zuciya,k'arar mota taji hakan yasa ta tashi da sauri. 

Idanun ta ya sauka akan fuskar shi,murmushi tayi zuciyar ta na cigaba da bugawa,shi kuwa Khaleel mamakin ganin ta yake yi. 

Ita kuma wannan me take yi anan??? Abinda ya tambayi kan shi kenan, da hannu yayi wa securities d'in magana suka bud'e mishi get ya shiga itama kuwa ta biyo shi. 

Yana parking ya fito jikin shi sanye da complete khaki,wanda hakan ya nuna daga ko taro ko kuma duty yake. 

Har ya fara tafiya ta tsayar dashi ta hanyar cewa"heys",juyowa yayi ya kalle ta sannan ya cigaba da tafiya, da sauri tabi bayan shi. 

Ganin cewa idan ya nufi bedroom ba hankali gare ta ba itama bin shi zata yi yasa shi tsayawa,kallon ta yayi. 

"Haba daga zuwa wajen ka kuma sai ka wani k'yale ni haka ake saukar bak'i a garin ku", duk da d'aure fuskar da yayi hakan sai da ya sashi murmushi. 

Murmushin daya shagaltar da ita da kallon shi,sake d'aure fuska yayi yace"meye ya kawo ki? ". 

"Nazo ganin ka ne, kwana biyu bamu had'u ba shine dalilin da yasa nace bari na zo na ganka",kallon mara hankali yanzu ya koma yi mata. 

"Pls out",ya fad'a cikin had'e fuska, tab'e baki tayi tace"koma dai meye ai na ganka wannan ya ishe ni sannan gobe ka shirya zaka kaini shopping", daga haka ta fice. 

Da kallo ya bita yana murmushi "wai zai kai ta shopping", ya sake maimaitawa lallai yarinyar nan bata sanni ba ne,ya fad'a yana girgiza kai. 

Dafe kan shi yayi, ga matsalar gida ga wannan tana so ta saka mishi wata matsalar, k'aramin tsaki yaja sannan ya mik'e ya shige bedroom domin yin wanka ya kwanta. 

________________________________________________________________________________________

Alhamdulillahi da yake yanzu komai kaga be tafiya to baka fara shi bane, yanzu haka mun gama first semester mun shiga second semester itama mun ci rabi, karatu fa ya fara zafi sosai haka kuma matsalar gidan mu tana nan. 

Bangaren khairiyya kuwa zuwa lokacin har an sallamo ta daga asibiti, shima kuma yaya abdallah baban gida da kan shi ya tasa k'annen nashi suka je suka yi belling d'in shi. 

Haka kuma ya sasu kowanne ya dawo da matar shi,abu fa sai gaba ya ci domin dai komai na gidan k'ara kwab'ewa yake yi. 

Yanzu tsakanina da khairiyya babu eh babu a'a dan idan ta ganni ko a hanya ne bata ma kulani. 

Momma kuwa har lokacin bata sauke makamanta ba, dan har yanzu ko gani na bata so. 

Masu biki kuwa saura wata uku,wanda su kuma aunty fauza da sumayya har lokacin basu kawo nasu ba. 

Ni da Rufaida kuwa sai k'ara mak'alewa juna da muka yi yayin da har lokacin ummi bata wani goyan bayan karatun da nake yi. 

A gefe d'aya kuwa k'ani na Abdul'azeez shike k'ara k'arfafa mini gwiwa na yin karatun, wanda hakan ba k'aramin dad'i yake yi mini ba. 

Yau sai bayan magrib na dawo kasancewar yau bamu gama lecture da wuri ba,ina sauka daga mota na fara takowa a hankali saboda yadda nake jin marata tan murd'awa kad'an kad'an domin period d'ina ya kusa. 

 Ina kusa isa gida marata ta murd'a wanda ya sani dole tsugunawa ina kiran sunan Allah,dafe cikin nayi ina jin wata azabar zafi. 

Abin mamaki be tab'a yi mini irin haka ba, Amma wannan karan kuma ya zo mini da canjin yanayi. 

Kaina har juyawa yake yi, gashi na kusa gida,k'ok'arin mik'ewa nake yi amma bayana ya rik'e hakan yasa dole na kuma komawa na tsugunna. 

Yaya khaleel da shigowar su garin zaria kenan kamar ance ya kalli gefen titi,gaban shi ya fad'i kamar yarinyar nan da yake d'aukar nauyin karatun ta🙄. 

Kaji yaya khaleel da wata magana irin bema gane ta ba d'in nan wo yaya khaleel mr pretender 🤓. 

parking yayi a gefe,sannan ya sauko ya nufo inda nake,ni kuwa jiki nane ya bani kamar ana kallo na. 

A hankali na d'ago idanu na na sauke shi akan fuskar shi, rabon dana ganshi wajen wata uku kenan da d'oriya. 

Yaui haske sai dai ya rame, duk da halin fa dana ke ciki na iya gano hakan,shima ta b'angaren shi hakane. 

Yarinyar ta k'ara girma cikin k'asa da wata hud'u daya ganta,kamar wanda baya son magana yace"tashi muje". 

Cikin k'arfin hali na mik'e, yaya abdus-samad dake hango mu yana daga cikin mota yayi murmushi. 

Jiri ne ya kwashe ni na tafi zan fad'i da sauri ya taro ni,d'auke ni yayi cak duk da bani da lafiya hakan be hanani istighfari ba domin nasan babu kyau. 

Yaya Abdus-samad ya fito ya bud'e baya, shi kuma ya sakani,ya rufe k'ofar sannan ya koma mazaunin shi ya zauna. 

Gida muka k'arasa,sai da yayi parking sannan ya bud'e ya fito, bud'e mini yayi na fito ya rik'o ni,k'ok'ari nake wajen k'arfafa jiki na domin bana son tab'ani da yake yi. 

Cikin k'arfin hali na fara takawa,yana tsaye yana kallo na har na shiga part d'in mu. 

Ajiyar zuciya yayi yayinda ya juya suka had'a ido da khairiyya idanun ta cike da hawaye tana tsaye tana kallon shi. 

Harara ya banka mata sannan ya yi mata Alama tazo da hannu,jiki a sanyaye ta taho, shi dai Yaya Abdus-samad yana tsaye yana kallon ikon Allah. 

Sai da ta gaishe su sannan yace"wallahi naji kin kwasa kin fad'awa momma cewar tare kika ganmu da juwairiyya sai na miki shegen duka, wuce ki bani waje wawiya kawai". 

Yana fad'in haka ya juya ya tafi ya barta a wajen,Yaya Abdus-samad ne yace"Ya jiki", kanta a k'asa tace"da sauk'i",Allah ya k'ara sauki", shima daga haka ya bar wajen. 

Da idanu ta bishi, ita tasan cewa ta more miji domin Yaya Abdus-samad yana da hak'uri sosai sai dai matsalar yaya Khaleel ya fishi rank sannan kuma ya fishi kud'i hakan ne ita kuma bata so wato juwairiyya ta auri wanda yafi mijin ta kud'i. 

Yo khairiyya hassada game rabo taki ce, kibi a hankali😏. 

Jan numfashi tayi sannan ta juya,jiki sanyaye tana sak'e-sak'e a ranta. 

Ni kuwa ina shiga jakata kawai na ajiye sannan na shiga bathroom wanka nayi marar tana mintsina mini. 

Ina fitowa ummi ta shigo, sannu da gida nayi mata abinda na lura dashi har lokacin bata wani damu da karatu na ba hakan yasa ko matsala ta bata wani dame ta ba. 

A baya idan lokacin period d'ina ya matso ita zata kawo mini pad tare da diclopenac domin in case da yazo kawai na sha,amma wata na uku kenan ko complain na kai mata marata na ciwo Allah ya sauwake kawai take cewa. 

K'arar waya ta ita ta dawo dani daga tunanin dana tafi,da sallama na d'aga,amsawa yayi sannan yace"ya jikin zaki iya zuwa?? ". 

Kamar wacce akayiwa dole nace"eh",to kizo yanzu", Abinda ya fad'a kenan ya kashe wayar,ajiyar zuciya nayi sannan na mik'e,ummi ta tab'e baki ta fice. 

Doguwar riga ta kanti cikin wacce Rufaida ta bani a lokacin da mukaje sabon gari na saka,hijab na dora fari k'arr, sannan na d'auki wayata. 

Fitowa nayi, ruwa na d'eba a kofi na karanta fatiha k'afa bakwai sannan na sha domin in samu ya lafa mini. 

Babbar wayata na d'auka sannan na fice,wani bak'in ciki ya tarun mini, wai yanzu ummi ko zan kwana a waje bata tab'a damuwa idanu kawai ta zuba mini. 

Rufaida na kira nace mata dan Allah idan zata dawo ta siyo mini pad domin ita bata dawo ba saboda yanzu haka ta shiga mpd gudun kada karatun nata yayi rauni. 

Da sallama na shiga,kamar koda yaushe Ya Abdus-samad yana zaune yana danna waya shi kuma yana zaune yana danna laptop. 

Ina shigowa duka suka d'ago suka kalle ni,k'asa nayi kawai da kai na, sannan na gaishe dasu, yaya Abdus-samad ne kawai ya amsa banda oga daya zuban idanu. 

Tsayuwar ta ishe ni na d'an yamutsa fuska,kula da hakan ne yasa yace na zauna,gefe naja na zauna. 

Yaya Abdus-samad ya mik'e, ya fice yana amsa waya,kaina na k'asa ban san lokacin daya taso ba sai jin saukar numfashi da naji. 

Cikin sauri na d'ago kai na,yana tsugunne a gaba na,gaba na ya tsanan ta bugu,"Me yake damun ki? ",dan ina kusa dashi ne yasa naji abinda yace amma na tabbatar da yaya Abdus-samad yana nan ba zai ji ba saboda yadda yayi maganar k'asa-k'asa. 

Kaji shi da wata magana,wai meke damuna??,na fad'a cikin raina, cuno baki nayi nace"nima ban sani ba",murmushi yayi na gefen baki. 

Ban yi aune ba kawai naji ya rik'o hannu na,tafin hannun ya bud'e,ban san me yake kallo ba sai naga ya saki dariya. 

Sakin hannun yayi sannan yace"mik'e tsaye",kamar yadda ya umarta haka na mik'e,bedroom be dad'e ba ya fito hannun shi rik'e da ruwa. 

Mik'o mini yayi sannan ya b'allo maganin shima ya mik'o mini, Amsa nayi ina yamutsa fuska nasha. 

Hannu na ya kuma rik'ewa ya kai ni har bathroom amma be shiga ba,a bakin k'ofa ya tsaya sannan yace"shiga ki gyara kan ki". 

Ya fad'a yana saka mini pack na paddery,cikin tsananin kunya Na amsa sannan na shige. 

Tsayawa nayi ina bin bayin da kallo, ko'ina tsaf-tsaf,yaya khaleel akwai tsafta yau fa ya dawo amma har ya wanke bayin. 

Kayan nawa na cire tabbas dana duba na b'ace, murmushi nayi ina fad'in "na shiga uku na yaya khaleel". 

Wanka nayi sannan na wanke kayan na shanya a bayin duk da kunyar da nake ji,sai da na lek'o naga babu kowa sannan na fito. 

Man shi na shafa kamar kwanaki kaya na gani gefen gadon shi hakan yasa na d'auka kawai na saka. 

Riga ce bak'a sai gaban ta da akayi kwaliyya da stone zama kuma anyi tattara da wani yadi me santsi fari,sai skirt d'in ta fari irin me bud'ewa d'in nan ne. 

Mayafin fari ne hakan yasa na bud'e shi na yafa tunda yana da girma, kallon turaren shi nayi wanda idan ya fesa nake jin kamshin shi . 

D'auka nayi,na fara fesawa, kamar ance kalli madubi muka had'a ido dashi,yana tsaye a bakin k'ofa ya zuba mini idanu. 

Jiki na y fara rawa, kamar muna fika na ajiye turaren,a hankali ya fara takowa zuwa inda nake. 

Wayyo kamar nayi fitsari a wajen,bakina har rawa yake yi,k'asa na kalla idanu na suna kawo ruwa. 

Hannu yasa a hab'a ta ya d'ago da fuska ta,juna muke kallo ni kam ba zan ce ga abinda nake gani ba sai dai ji nake har tsigar jiki na tashi take yi. 

Hannu ya sa ya d'ago gyalen daga kafad'a ta ya d'ora saman gashi na wanda daman tunda muka fara kallon juna gyalen ya fad'i saman kafad'a ta. 

Murmushi yayi zuciyar shi na canza bugu ganin yadda yarinyar tayi kyau sosai,hannun shi yasa ya zagaye ni dashi. 

Dole na tsaya domin dai yanzu ta dole ya koyi tab'a ni, shi kuwa he can help him self out,na lura indai be tab'a ni ba baya jin dad'i. 

Mun yi nisa cikin kallon juna kowa da abinda yake sak'awa cikin ran shi, muka ji k'ara tare da flash a haske mu. 

Cikin sauri muka kalli k'ofar yaya khaleed ne a tsaye bayan shi kuna yaya Abdus-samad wanda suke kallon mu kamar sun samu tb. 

Da sauri ya sake ni nima kuma da sauri na tsuguna a wajen,"yaya shigo mana",ya fad'a cikin basarwa. 

Yaya Abdus-samad yace"ma shigo kuna nan kuna soyayya,ni wallahi ban so ka tona mu ba shiyasa da zan d'auki nawa na kashe flash d'in". 

"Ai nima mantawa nayi da kashewa zanyi amma dai hoton yayi kyau sosai",yaya khaleed ya fad'a yana k'arasa shigowa ciki. 

Da sauri na lallab'a na fice daga d'akin, wato ma hotunan ba d'aya ba kenan,ina daf da fita naji yace"dawo". 

Tsayawa nayi sannan na juyo yana tsaye a k'ofar bedroom d'in shi ya saka hannayen shi duka a cikin aljihu. 

A hankali na dawo na zauna,sai lokacin na lura da wayoyi na dake ajiye akan kujera,juyawa yayi ya koma ciki. 

Hannu na saka na d'auki babbar, ina d'auka messages na shigowa,dubawa nayi pics d'in mu ne yaya khaleed ya turo mini. 

Khaleed ya kalli d'an uwan shi yace"khaleel ka dawo cikin hayyacin ka, momma fa fushi take da kai". 

Khaleel yace"to yaya kake so nayi yaya?,yarinyar nan fa anriga da an bani permission na cigaban karatun ta". 

"Ni ba haka nake nufi ba, me zai hana ka d'an janye daga shige mata da kake yi,kayi kamar ka ban zantar da ita daga baya sai ka dawo ka cigaba da kula da itan idan har momma ta sauko", khaleed ya bashi amsa. 

Kallon yaya khaleed yayi ya girgiza kai yace"yaya ba zan iya ba kada ka manta har tana kud'in transport yana kai na ne idan har na barta waye zai bata!?". 

"To me zai hana ka kama mata accomodation kaga sai idan taso shine zata dawo gidan ko kuma idan anyi hutu". 

. 

Shiru yayi yana tunani,ganin hakan Yaya Abdus-samad da tun d'azu be ce komai ba yace"kaga babu ruwan ka dame ka tura mata babu wanda zai sani sannan ita kanta zata sami sauk'i na al'amuran gidan".

Ajiyar zuciya yayi sannan yace"shikenan zan ga yadda za'a yi zuwa next registration sai na nema matan kawai", daga nan yaya khaleed ya mik'e sannan yace"ni zan wuce sannan ya kamata kaje ka gaida momma ka kuma duba lafiyar khairiyya ",daga haka ya fice. 

Ina zaune a falo yazo ya wuce ni,yana d'an tsokana ta ni kuma ina dariya dan bani da abinda zan ce. 

Be dad'e da fita ba,yaya khaleel suka fito, sanye yake da yadi me taushi a jikin shi, kan shi babu hula, yayi kyau sosai. 

Yana fitowa na mik'e, shima kallo na yayi sannan yace"ki tsaya ki gyara mini d'aki sannan ki nema mini abinda zan ci mara nauyi, hope yanzu dai marar ta dena ciwo". 

Ta gefen ido na kalli yaya abdus-samad kamar bamu yake kallo ba hankalin shi na kan agogon da yake d'aurawa. 

D'aga kai nayi nace"eh ya dena",jinjina kai yayi sannan ya juya ya fita yayinda cewing gum d'in shi ya bishi a baya. 

Da kallo na bisu har suka fice,ajiyar zuciya nayi wanda yayi dai-dai da k'arar waya ta,d'agawa nayi ganin Rufaida. 

"Haba juwairiyya kince na siyo miki abu gashi tun d'azu ina part d'in ku bakya nan, na tambayi ummi tace bata san inda kike ba haka ma Abdul'azeez shima yace ya dawo ya tarar bakya nan ne, wai ina kika shiga ne? ". 

"Ina d'akin yaya khaleel, yanzu haka ma gyarawa zanyi",dariya tayi k'asa-k'asa, sannan tace"gani nan zuwa". 

Bathroom na shiga kayana har sun fara bushewa,wanke shi nayi tas, sannan na dawo bed room na gama gyarawa kenan Rufaida ta shigo. 

Tare muka gyara falon, sannan na koma bathroom na kwaso kaya na, kallo na tayi tace"wa'innan kayan fa? ". 

Hararar ta nayi sannan nace"wallahi yanzu kin cika saka idanu",dariya tayi tace"Allah yasa muna da rai za'a yi",duka na kai mata. 

Ta goce tana dariya, muna fitowa momma na k'arasowa, da mamaki take kallo na,da sauri nayi k'asa da kai na. 

"Oh na shiga uku ni maryama naga ta kaina daga dawowar shi ai kya bari ya huta amm dan maya ta har kin zo inda yake. 

Rufaida ta gaishe da ita, babu yabo ba fallasa ta amsa,nima gaishe da ita nayi, mari ta wanke ni dashi sannan ta kama kunne na. 

Cikin gargad'i tace"wallahi idan baki fita harkar yaro na ba sai na wulak'anta rayuwar ki keda uwar taki da take d'aure miki gindi". 

Cikin jin zafi hawaye suka zubo mini, cikin kuka nace"kiyi hak'uri momma",rank'washi na tayi saura kad'an fitsari ya zubo mini. 

Harara ta balla mini sannan tace"sai ki fad'awa shi wanda kika shanye d'in cewa uwar shi tana son ganin shi, kuma wallahi ki kiyayeni,ni kuruwata tafi k'arfin ki, shegiya dangin mayu", haka ta yi gaba tana cigaba da zagi na. 

*A gaskiya ina godiya sosai da irin k'aunar da kuke nuna mini,na san kud'i baya tab'a siyan masoya ina godew ubangiji bisa wannan kyautar da yayi mini na gode sosai da sosai, sannan ina k'ara baku hak'uri na rashin ganin k'areenateey kullum, kuyi hak'uri ku cigaba da bina dan har yanzu labarin bema soma ba, na gode sosai da sosai*. 

#LIKE

#SHARE

#COMMENTS. 

Read More

Share this

WhatsApp