DUNIYA TAFI BAGARUWA IYA JIMA Page 11 to 20

   "Wanene Mubee?"

Ya tambaya yana duban Khalid wanda shima tambayar da ke yawo a cikin kansa kenan.

"Shine sunan da Tareeq ya rink'a kira jiya a cikin baccinsa."

"Na ji fa. Shin baka san shi ba ne?"

  Yayi maganar yana mai k'ara sauraren recording ɗin.

_"To ni me nayi muku? Dan Allah Mubee kuyi hakuri. Wallahi ba zan k'ara ba, ni gida zan je ku sake ni dan Allah. Mubee ka ce ya sauke ni. Wayyo Allah na.."_

  Muryar Tareeq cikin k'araji take fita daga speaker wayar. Ya kashe, kafin ya maida hankalinsa ga Khalid.

"Duk da kasancewar wannan recording ɗin a matsayin hujja mai kwari, ina mai tabbatar maka da ba ko wanne police bane zai yi considering nashi. Ina fatan ka san da wannan?"

"Na sani Inspector, amma ina kyautata zatona a kanka, na tabbata zaka fita zakka a cikin 'yan sandar kasar nan, haka kuma wannan zai wanke ku daga zargin da jama'a ke maku kan baku san yin aikinku. Zai kuma sa mutane su dai na yi muku kuɗin goro."

  Murmushi Khamis yayi, tabbas akwai ɓata garin ma'aikatan da sukan ja musu zagi daga bakin al'umma, amma ya ci alwashin a kan wannan case ɗin, zai shayar da dubban mutane mamaki, zai kuma tabbatar ma duniya cewa ba duka aka taru aka zama ɗaya ba. 

"I'll try my possible best Khalid, da ikon Allah sai na gano wanda suka yi aikin nan, ba dan komai ba, sai dan ina jin Tareeq tamkar k'anena, ko kuma ince ɗan da na haifa a cikin cikina."

"Nagode, nagode, Inspector, har ban san da bakin da zanyi maka godiya ba wallahi, Allah ya k'ara ɗaukaka ka, Allah ya sa a dinga samun jami'an 'yan sanda da zasu yi koyi da halayenka."

  Murmushi yayi, ya kara da cewar

"Duk koma wanene wannan, to Tareeq ya san shi, tunda har kaji ya ambaci sunansa.  Amma ka bari zan shiga unguwar da kaina domin gudanar da bincike."

"Allah ya taimaka. Uhnmm, na manta, ga wannan."

  Ya mik'a masa muffler da ya ɗauko daga motarsa, ya ansa yana dubawa, kafin yace

"Wannan fa?"

"Abinda na samu ɗaure da idanunsa kenan, naga yayi kama da abin amfani, ina ji a zuciyata, tamkar na taɓa ganin wani da shi ma."

"Amma me sa baka gabatar da shi ba tun farkon zuwanmu asibiti?"

"Na manta da shi ne kwata-kwata, sai yanzu da na zo nan ne na ganshi a seat ɗin motata, kafin na tuna."

"Babu laifi, amma kayi tunanin ko kasan mamallakin abun."

  Godiya yayi masa, sannan ya tura masa recording ɗin a tashi wayar, kafin ya fita da zuciyarsa duk a hargitse, yana ayyana tabbas ya taɓa jin sunan Mubee, sai dai ya kasa tuna inda ya san shi.

  Hannun motarsa ya kama yana shirin buɗewa, take ya tuna wata rana da ya taɓa zuwa gidan ya ga wasu abokan Mukhee na shan sigari a gefen toilet ɗinsu da ke BQ, inda yayi musu magana kan su fita waje, har Mukhtar yayi masa rashin kunya, ya juya yana mai duban matasan yace

"Dallah Mubee ku zo mu ware."

  Da sauri ya koma ciki, ya shaida ma Khamis inda ya san Mubee, sai dai bai san ina ne gidansu ba.

"Wannan ba zai yi wuya ba Khalid, ka bar komai a hannuna."

  Fuskarsa sake, ya juya ya fita, amma ya kasa gaskata ko Mubeen na da hannu a abinda ake tuhumarsa.

**11:00am

  A k'ofar gidan Engr. Garba Bukar mahaifin Mubee suka tsaitsaya suna jiran fitowar mai gadin da suka k'wank'wasa ma k'ofa.

"Barka da aiki Yallaɓai."

"Yawwa, Barka dai Baba."

"Lafiya dai ko?"

"Lafiya lau. Ina fatan nan ne gidan Engr. Garba Bukar?"

"Nan ne. Amma baya gari."

"Yaronshi Mubarak ai yana ciki ko?"

"A'a, yana makaranta."

  Kamar daga sama, sai ga motar Sino tayi parking, Mubee ya fito wandonsa kamar zai faɗi k'asa, ya juya ya bama sauran guys ɗin cikin motar hannu, sannan ya nufi k'ofar gidansu, da alama gudowa ya yi daga makarantar, ganin wandon uniform a jikinshi, ya cire rigar ya ɗaure a kugunsa, sai farar long sleeve t-shirt, sanye a jikinsa.

  Kasancewar babu uniform a jikinsu, sai bai kawo komai a ransa ba lokacin da ya tsinkayi muryar mai gadin yana faɗin  

"To ai gashi nan ma."

"Mubarak ko?"

"Eeehh ni ne."

  Yayi maganar kansa tsaye, idanunsa cikin na Khamis.

  I.D card ɗinsa ya ɗaga masa daga inda yake tsaye, kafin ya k'ara da cewar

"Muna buk'atar ganinka a police station, akwai tambayoyi da ya kamata ka ansa mana."

  Wani irin k'ara cikinsa ya saki, a take wani nauyi ya kai ziyara ma kafafunsa, yana jin tamkar baza su iya ɗaukar gangar jikinsa ba. Tunawar da yayi a gaban wanda yake, ya sanya shi dakewa, yayi ta maza ya ɗago yana kallonsa. 

"Kamar na me kenan?"

"Kar ka damu, idan mun je zaka ji komai."

  Ya juya gabas, ya juya yamma, inda yaga babu wani mahaluki da zai taimake sa, mai gadin da ke tsaye ma ya riga ya koma bakin aikinsa. Sumar kanshi ya shafa yana faɗin,

"Barin shiga in sanar da mutanen gidan ko?"

"Kar ka damu, ba wani lokaci mai tsawo zaka ɗauka a can ba. Shiga muje."

  Khamis yayi maganar yana nuni masa da motar da Sergeant Buba ya buɗe bayan, yana rik'e da murfinta.

  Cikin tashin hankalin da baya son fuskarsa ta nuna, ya shiga motar, kirjinsa na bugawa cikin sauri, sai dai yana da tabbacin babu yadda za ayi asirinsu ya fallasu. 

  A ofishin 'yan sanda suka tsaya, Khamis ya fito Mubee na biye da shi, yayin da Sergeant Buba ke rufa masu baya har zuwa inda aka tanada domin tuhumar masu laifi irinsa.

  Kujera Khamis ya nuna masa ya zauna, shima ya zauna yana fuskantarsa, tare da aika masa duba na tsanaki, mai tattare da tuhuma da son gane ainahin wanene shi duk a lokaci guda. Wannan yana ɗaya daga aikin 'yan sanda, a duk lokacin da suka ci karo da mai laifi, sai sun gama karantarsa, kafin su san hanyar da zasu iya jifarsa da tambayar da watak'ila zata yi sanadiyyar tona asirinsa.

"Wanene Tareeq?"

  Duuuum! Gaban Mubee da ke harbawa ya k'ara bugawa tun k'arfi, fuskarsa ta bayyanar da alhinin zuciyarsa, amma ya dake, yana duban Khamis da idanunsa da suka fara komawa jajaye saboda shaye-shaye.

"Wane Tareeq fa?"

"C'mon. Yaro da ke kwance a asibiti mana."

"Owh, Tareeq?"

  Ya faɗa yana shafa k'eyarsa. Khamis ya murmusa yana k'ura masa ido.

"K'anin abokina ne."

  Sai kuma yayi shiru.

"Ehhn. Ina saurarenka. Mai yayi haɗinka da shi a ranar laraba ashirin da biyar ga watan December?"

"Ni kuma?"

  Ya faɗa yana zara idanunsa waje.

"Kai mana Mubee."

"Ni wallahi babu abinda ya haɗa mu. Kawai dai na san mun je gidansu ranar muna zaune a ɗakinsu ya shigo yayi mana wurgi da shisha pot."

"Shi yasa kuka keta haddinsa a daren ranar kenan ko?"

  Khamis ya jefe shi da tambayar kai tsaye, idanunsa a kansa yana son gane gaskiyar maganar da yayi.

"Ban gane ba? Ni ban san abinda kake magana a kai ba."

  Murmushi ya saki, yana k'ara dubansa,

"Kai da waye kuka je gidannasu a ranar?"

"Friends ɗina."

"Su wa kenan?"

"Deeni, da Sino, sai yayanshi abokinmu."

"Da misalin karfe nawa  kuka je gidan? And wurin karfe nawa kuka baro gidan?"

  Yayi shiru yana nazarin abin cewa, ya nisa yace

"Wurin biyar na yamma muka je, muka fito misalin shidda da rabi."

  Ya ɗago daga rubutun da yake yana k'ara tambayar 

"Tun daga lokacin kuna tare da abokan naka har zuwa karfe nawa?"

  Shiru yayi, yana tunanin karyar da zaiyi, har sai da Khamis yace

"Ko sai na maimaita maka tambayar ne?"

"Daga nan muka rabu na wuce gida, kuma ban k'ara fita ba."

"Kana nufin a daren ranar baka fita ko ina ba kana cikin gidanku har sai da gari ya waye?."

  Yayi shiru yana juyar da kansa, hankalinsa ya gama mikewa, yayin da zuciyarsa ke cikin hali na ruɗanin da bai san yadda zai fassara shi ba.

  Hannu Khamis yasa ya k'wank'wasa teburin da ke tsakaninsu yana lek'en fuskarsa.

"Kai nike saurare."

"Ina gida fa. Ko friends ɗina zaka tambaya ban fita a daren ranar ba."

"Kada ka bamu wahala Mubee, kai ma kuma ka ba kanka, ka sanar da ni gaskiya, hakan ne zai sa in taimaka maka."

"Gaskiyar ce na faɗa maka ai."

  Ya faɗa yana cika fuskarsa, a zuciyarsa yana tunanin babu yadda za'ai Khamis ya gane gaskiyar da yake son ganewa.

"'Yan gidanku kowa da kowa ya san kana gida daga karfe shidda da rabi (06:30pm) har zuwa safe baka k'ara fita ba?"

  Ba tare da yayi tunanin komai ba ya ansa da "Eh," a cewar zuciyarsa, ya tabbatar iyayensa zasu rufa mai asiri.

"Ba ni number mahaifinka."

"Ai shi baya k'asar ma, sai dai ta Mamana."

"Kawo ta Maman."

  Babu gardama ya karanta ma Khamis, yana rubutawa a wayarsa, kafin ya mik'e, ya fara kira.

  Bayani ya shiga yi ma mahaifiyartashi bayan ta ɗauka, kafin ya shaida mata cewar ana buk'atar mutanen gidan su zo domin suyi shaidarshi.

"Shaidar mi kuma?"

  Ta tambaya hankalinta a tashe, sai dai bai sanar da ita komai ba, ya kashe wayar yana mai jaddadada mata da su iso cikin gaggawa.

  Ya dawo ya zauna gabanshi,

"Yanzu ina abokannaka suke?"

"Ehhh..? Ban san inda suke ba."

"Amma ai kana da number su ko?"

"Eh ina da akwai."

"Bani numbers ɗinsu dukansu."

  Daga haka ya bashi layinka su Sino, Deeni, har ma da Mukhee, kafin ya k'ara buk'atar ya gaya masa gaskiya ba sai ya ba kanshi wahala ba, amma haka ya murje ido, yace shi fa iyakar gaskiyarsa kenan. 

  Idanunsa da ke kansa ya sauke ya maida dubansa ga sergeant Buba da ya k'ame wuri guda, yace

"Ku ansa wayarsa, da duk wani abu da ke jikinsa, ku shiga da shi ciki."

  Ya juya ya fara tafiya, Mubee yayi gaggawar kama rigarsa,

"Ban gane su shiga da ni ciki ba, wallahi iyakar gaskiyata kenan. Kai fa kace ba daɗewa zan yi a nan ba. Haba Officer."

"Kar ka damu, idan masu shaidarka sun zo, zasu bayyanar da gaskiyar da kake da. Daga nan sai ka wuce gida."

  Bai k'ara bi ta kansu ba, ya juya ya fice.

  Cikin cell aka tura Mubee, yana ganin abun kamar da wasa, yayin da zuciyarsa ke raya masa babu fa inda maganar zata je, sai dai idan ya tuno da Deeni, ya kan ji faɗuwar gabansa ta tsananta, dan ya san ba k'aramin matsoraci ne ba, ya tabbatar kuma dole ne Khamis ya bukaci ganawa da su. 

  Tuna yadda al'amarin ya faru yake yi, ya tabbatar babu wanda ya gansu a lokacin, hakan ya bashi tabbacin babu inda hargagin Khamis zai je, ko ba komai ma ai iyayensu na da kuɗi, baza su taɓa bari wani abu ya faru da su ba. 

'Aikin banza.'

  Ya faɗa a k'asar zuciyarsa, sa'adda ya sa hannu ya daki dogayen k'arfunan da ke mak'ale da k'ofar cell din.

            ****

  Cikin mintunan da basu haura talatin ba Hajiya Karima mahaifiyar Mubee da yaranta mata guda ukku suka iso, ba tare da ɓata lokaci ba, Khamis ya gabatar da buk'atarsa gare su.

  Shiru suka yi bayan jin tambayar Khamis, tabbas a ranar sai misalin sha biyu na dare ma Mubee ya dawo gida, har Hajiyar na masa faɗa kan yawan kai dare a waje, amma bata da yadda zata yi, dole ta san abin cewa ko dan ta ceci yaronta, namiji ɗaya tilo a cikin 'ya'yanta, daga hannun masherantan mutanen nan.

  Ta kalli Khamis a ɗiririce, kafin tace

"Mubarak a gida yayi sallar maghriba, kuma bai sake fita ba, sai washe gari."

  Hasina yayarsa da ke gefe tace

"Tare da shi ma muka kalli wani series da muke kallo a Novella E1, bai shiga ɗaki ba ma sai wurin karfe sha ɗaya."

  Haka sauran 'yan uwansa suka goya ma mahaifiyarsu baya, a zatonsu hakan zai kuɓutar da ɗan uwannasu daga gagarumin laifin da yayi. 

  Bayan gama rubuta jawabansu Khamis ya ɗago yana kallon yadda duk suka sha jinin jikinsu, ya tsaida dubansa ga Hajiya yana cewa

"Tare kuke da driver ba?"

  Kai ta gyaɗa tana tunanin abinda zai biyo baya. Sannan yace

"Ki taimaka ya taho mun da mai gadin gidanku idan babu damuwa."

  Daram, kirjinta ya buga, bai jira ansarta ba ya mik'e, ya shaida ma driver ya je ya taho da Baba mai gadi.

  Bayan wasu yan dakiku suka dawo da mai gadin wanda Khamis ya bukaci ganawa da shi a gabansu.

  Hankalinsa ya maida gare shi, kafin ya fara magana.

"A ranar larabar da ta gabata, ashirin da biyar ga wannan watan, Mubarak ya fita gida da misalin karfe biyar na yamma, shin Baba zaka iya tuna ko karfe nawa ya dawo gida a ranar?"

  Shiru Baba yayi yana nazari, yayin da Hajiya Karima ta kafe shi da idanu, sai dai bai san wainar da take toyawa ba, ya ɗago yana duban Khamis yace

"Misalin sha biyu da wani abu na dare wata mota ta sauke shi a k'ofar gida."

'Alhamdulillah'

  Khamis ya faɗa cikin ransa, ya dubi mai gadin da murmushi

"Zaka iya gane kalar motar ko kuma waɗanda ke ciki?"

"Gaskiya ba zan gane ba, domin har na fara bacci, na jiyo tsayuwar motar, sai kuma daga baya na ji yana buga k'ofar gidan."

"Babu laifi, nagode da wannan Baba."

  Hajiya ta fashe da kuka tana duban Baba mai gadi,

"Ka ji tsoron Allah Hamidu, ka tuna fa tun maghriba Mubarak ya dawo gida ranar, ga 'yan uwansa nan duk muna tare a lokacin. Haba Hamidu, yanzu duk abinda Engr ke maka da wannan zaka saka mana, ka lak'a ma yaronmu sharri? Allah ya isa wallahi, domin ba zan taɓa yafe maka ba."

  Hankalin Baba mai gadi ba k'aramin tashi yayi ba, shi kam iyakar gaskiyarsa ya faɗa, bai kuma san abinda hakan zai haifar ba. Hak'uri ya shiga ba Hajiya, amma ina ta inda ta shiga, ba ta nan take fita ba, dole yasa Khamis daka mata tsawar da ta sanya ta shiga taitayinta, ba tare da tayi niyya ba.

www.wattpad.com/iLubieee

Lubiee ce..

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

{09}

  A ranar yadda jama'ar gidan Engr Bukar suka ga rana haka suka ga dare, Baba mai gadi kam daga ofishin yan sanda Hajiya Karima tayi masa korar kare, suka isa gida cikin tashin hankalin da ya fi gaban tunani. Mai gidanta ta kira ta shaida masa komai da ke faruwa, yayin da ya dinga faɗa, ta inda ya shiga ba ta nan ya ke fita ba, domin yana sane sarai da halayyar Mubee ta bibiyar abokan banza, wanda kuma mahaifiyarsa ce ke k'ara sangartar da shi.

  Duk da bai gama abinda ya je yi K'asar Italy ba, amma ya basu tabbacin cewar su tsimayi zuwansa cikin satin da zai kama.

***Washe gari. 

  Layin Sino Khamis ya fara kira, a bugu na ukku ya ɗaga, da muryarsa wacce ya kasa banbance mace ce, ko kuwa namiji.

  Sallama ya fara yi, bayan ya ansa ya tambayi

"Hassan ne ko?"

"Eh ni ne."

"Kana ina ne Da Allah?"

"Ban gane mai magana ba ai."

"Ka san abokinka Mubee ba?"

"Na san shi mana. Lafiya?"

"Yana neman taimakonka ne ko za ka iya shedarshi a nan police headquarter."

"Ehhh? Uhnmmm! Yanzu dai matsalar ni bana gari, naje PH tare da Dad ɗina sai dai ko idan na dawo."

  Yayi maganar da ɗan sauri, kafin ya katse wayar da gaggawa, ba tare da ya jira me Khamis zai k'ara faɗa ba.

  K'ara kiran wayar yayi, amma ya ji ta a rufe ruf, hakan ya sanya shi laluben layin Deeni.

  Tambayoyin da yayi ma Sino, su ya jera mishi, inda shima ya shaida masa cewar baya gari, ya je Zaria ganin kakanninsa.

  Shiru Khamis yayi, yana nazarin manufar yaran duk biyun, zuciyarsa na tabbatar masa da wani zargi da ke kasanta, sai dai baya son ya gaskata hakan.

  Wayar Mukhee ya laluba, cikin rashin sa'a ya same ta kashe, hakan ya sanya shi yin shiru yana nazarin abinda ya kamata yayi, daga k'arshe ya yanke shawarar, bari ya basu awa arba'in da takwas, matsawar babu wanda yayi yunkurin zuwa, shi zai san abinda ya kamata yayi.

***Asibiti. 

  Khalid da Zulaiha ne zaune a ɗakin, sa'adda Tareeq ke kwance idanunsa na fuskantar ceiling, zuciyarsa tayi baki, ya rasa abinda ke masa daɗi.

  Tabbas tashi ta kare, rayuwarsa ta gama gurɓata, baya kuma tunanin idan har yana da sauran amfanin da zai iya yi ma rayuwartasa. 'Anya burinsa na zama kwarrarren lawyer zai cika kuwa a yanayin da ya samu kansa? Baya tunanin zai iya cigaba da zuwa makarantar ma, dan ya san nuna shi za'a rink'a yi ana masa dariya.'

  Hawaye suka kwaroro ta gefen idanunsa, yayin da hannun Khalid da ya karaso gefensa, ya dafa kafaɗarshi, hakan yayi sanadiyyar dawo da shi daga dogon tunaninsa.

  Kai ya girgiza masa, alamar ya daina kukan, cikin rashin kuzari ya saki kukan da ya ke ta faman makalewa a hankali, hakan ya sa hatta Zulaiha sai da ta ji ta tausaya masa, a zuciyarta kuma ta fara addu'ar Allah ya tona asirin waɗanda duk suka jefa kunci a zuciyar ɗan uwannata, sai dai har yanzu, tana jin haushi yadda Khalid ke zak'ewa a kowanne lamari na Tareeq, tamkar shine mahaifinsa. 

  Wayar Khamis da ke jone jikin chaji ne ta fara k'ara, ya juya ya kalli Tareeq da ɗan murmushi, kafin ya isa ya ɗaga wayar da sallama.

"Ba ka da kirki Jarma. Sai yau kake nemana?"

  Yana ɗan murmushi yake sauraren wanda ya kira da Jarma, kafin ya ce

"Wa ke faɗa maka? Dan ko su Hajiya basu sani ba fa."

  Ya koma bakin gadon Tareeq ya zauna yana rik'e da wayar a kunnensa.

"Mukhtar fa? Ina ka ganshi kai kam?"

  Yayi maganar hankalinsa na ga Tareeq da ke son mik'a hannu ya ciro tissue amma ya kasa, dole ya sanya hands free, ya ajje wayar ya mik'e ya ciro masa tissue ɗin, yayin da ta ɗayan ɓangaren aka cigaba.

"Yana nan tudun wada ai, yau three days kenan."

"You must be kidding. Mukhee a tudun wada har da kwana? Me ya je yi ne?"

"Ni kaina sai da nayi mamaki, but then, he told me Tareeq aka kwantar a asibiti, kuma gidan ba kowa."

  Jinjina kai Khalid yayi,

"Haka ne kam, shaa, thanks buddy, ka gaishe mun da Hajiyata. Sai munyi magana ba?"

"Yh, sure. Ka duba mai jikin."

  Daga nan suka datse wayar, sai dai zuciyar Khalid ta yi nisa zuwa wani tunanin na daban. (Jarma cousin ɗin su Khalid ne, ɗan Kawunsu da suke zaune gida guda da iyayensu, kowa da ɓangarensa.)

***Bayan kwana biyu. 

  Gidan Alhaji Barau mahaifin Sino, tsohon ministan man fetur, wanda yayi zamani da Obasanjo suka isa. 

  Alhajin na shirin fita, hakan yasa bai maida hankali gare su ba, a zatonshi ma irin mutanen nan ne, masu 'yar banzar maular tsiya, kasancewar ba uniform ne a jikinsu ba, yayi gaggawar ɗaga gilashin ɓangarensa, yana tunatar da direban da ya taka motar da sauri su je.

  Cikin gidan suka k'arasa, inda suka samu wani matashi da ke wankr motoci a gefe suka umarce sa da yayi musu sallama da Sino.

  Bayan kamar mintina biyar sai ga shi ya fito sanye da pink ɗin t-shirt, wacce ta kama shi sosai, wandonshi carrot da ya sauka k'asar gwiwarsa kaɗan, kanshi ya sha relaxer, ya kwanta luf-luf, bakinsa sai shining yake alamar an k'awata shi da lip gloss, ya ya taho cikin takunsa, tamkar na budurwar da ta hango saurayinta. 

  Mamaki sosai ya kashe Inspector Khamis wanda ya gama karantar yanayinsa tun daga lokacin da ya dumfaro su, har izuwa sa'adda ya iso gabansu.

'Tabbas akwai alamomin tambaya dangane da shiga, da kuma ɗabi'unsa, wanda zubinsu ya fi kama da yanayin mata.'

  Khamis ya ayyana a k'asar zuciyarsa, yana mai k'ara dubansa.

"Sino right?"

"Right man."

  Ya faɗa yana kallon yanayin Khamis tun daga kansa har k'afarsa, a zuciyarsa yana yaba tsarin halittarsa. Tunaninsa ya katse lokacin da Khamis ya ɗaga I.D card ɗinsa yana faɗin

"Inspector Khamis Zubayr, ni na kira ka kwanaki biyu da suka gabata ka shaida mun kana PH. Well, idan ba damuwa zamu je da kai station domin kayi shedar abokinka."

  Wani abu ne ya ji tun daga kansa, ya sauka har zuwa babbar yatsan k'afarsa, hankalinsa sosai ya kai kololuwa wurin tashi, yace

"Ni fa ban san wanda kake magana a kai ba."

"Kana nufin Mubarak Garba Bukar ɗin ne baka sani ba?."

  Daram! Kirjinsa ya ansa, yana tunanin abin faɗa, Khamis ya katse shi ta hanyar cewa

"Zamu iya tafiya ba?"

"To ai yanzu matsalar ina ɗan wani abu ne, ka bari zuwa wani lokaci mana."

  Murmushi yayi, yana faɗin

"Tambayoyi ne 'yan k'alilan zaka ansa mana. Ba zai ɗauki dogon lokaci ba. In banda yanayin aiki ma da sai in maka a nan, amma yanayin case ɗin na shi ne bai bani damar yin haka ba. Let's go."

  Bai iya cewa komai ba, illa juyawa da ya yi ya fara tafiya, yayin da suke binsa a baya har zuwa inda suka ajje motarsu.

  Gidan Prof. Bello Hassan mahaifin Deeni, Vice-chancellor na Kaduna State University (KASU) da ke bayan layin suka k'arasa. Hakan ya k'ara jefa zuciyar Sino a tashin hankali. 

  Cikin rashin sa'a basu samu ganin Deeni ba. Mahaifiyarsa Barr. Zainab, da suka samu damar ganawa da ita tana shirin fita, ta shaida musu cewar ya je Zaria ganin kakanninsa, yau kwana takwas kenan.

  Lissafi Khamis ya fara yi a k'asar zuciyarsa, inda ya gano yaron ya bar garin ne a ranar da abun ya faru. Ya kalle ta, yana mai gyara tsayuwarsa.

"Kamar misalin karfe nawa ya bar a gida a ranar?"

  Shiru tayi tana nazarin Khamis, kamar zata ce wani abu, sai kuma ta buɗe motarta ta shige, tana mai faɗin

"A office na wuni ranar, ban san lokacin da ya tafi ba. Excuse me please, I've a case to attend."

  Ta tada motar ta wuce, tana jimamin alak'ar case ɗin Tareeq da yaronta mafi soyuwa a birnin zuciyarta, cikin su biyar da Allah ya azurta ta da.

  Shiru Khamis yayi yana tunanin abin yi, kafin daga bisani ya isa ga mai gadi yana tambayar unguwar kakannin Deeni a cikin garin Zaria.

"Ni ina zan sani Yallaɓai? Ka ganni daga bakin gate ɗin nan, ban taɓa matsawa wani wuri ba."

  Bai ce komai ba, suka juya da zumar shigewa mota, a dai-dai lokacin Yayar Deeni wacce ya ke bi wa, ta fito cikin shirin fita, da taimakonta suka samu adireshin inda Deeni ya ke, ba su ɓata lokaci ba suka wuce station da Sino, yayin da ya haɗa Sergeant Buba da wasu 'yan sanda, kan su wuce Zaria, su taho da shi. 

  A gefe kawai ya ajje Sino wanda yake ta raba ido yana son gano ta inda Mubee ya ke amma ba hali, Khamis ya kira wayar Mukhee har ba adadi, sai dai har zuwa yanzu a rufe take ruf. 

   Cikin awa biyu da mintina ashirin da wani abu, su Sergeant Buba suka shigo tare da Deeni, wanda yanayinsa kaɗai ya isa ya bayyanar da tashin hankalin da yake ciki. 

  Kallo ɗaya tak, Khamis ya masa, zuciyarsa ta raya masa tabbas ba zai rasa sanin wani abu ba dangane da laifin da ake tuhumar abokinsa.

  Tare da Sino ya haɗa su, kafin ya bayyana masu makasudin kirannasu, tuni idanun Deeni suka raina fata. Uwa uba da ya fara jera masu tambayoyin da suke neman zauta tunaninsa.

  Da murmushi shimfiɗe saman fuskarsa yace

"Abokinku ya shaida mana kuna tare da shi a gidan Alhaji Badaru mahaifin Tareeq a ranar laraba ashirin da biyar ga wannan watan da misalin karfe biyar na yamma. Shin ko zaku iya tuna misalin karfe nawa kuka bar gidan?"

  Wata mashahuriyar zufa ce ta karyo ma Deeni, yana k'ok'arin gyaɗa kansa, sai dai ya dake ya tura hannu a aljihu ya ciro handkerchief ya share zufar, kafin ya kauda kai daga duban da Khamis ke mishi yace

"Ni wallahi na manta."

  Da sauri Sino da ya kekashe zuciyarsa yace

"Wurin karfe shidda da wani abu muka fito."

  Kallon tsanaki Khamis ya bisu da shi, sannan ya tsaida dubansa a kan Sino,  "kun fito misalin shidda da wani abu, daga nan kuna tare har zuwa wane lokaci?"

  Hannuwansa ya tura tsakanin kafafunsa, zuciyarsa na bugawa da sauri, a lokaci guda yana tunanin abinda ya kamaya ya faɗa.

"Uhnmm, daga nan? Daga nan masallaci naje ni, bayan nayi sallah sai na wuce gida."

"Kana nufin daga nan kuka rabu da abokanka, baka k'ara ganinsu ba."

"Eh. Daga nan gida na tafi, muna tare da Mukhee ma muna kallon ball har kusan goma da wani abu."

"Amma kuma ai kace kun rabu da su, ko daga baya shi Mukhee ɗin ya bi ka ya same ka a gida?"

"Ehh? Uhnmm, shi tare da shi muka tafi."

  Hannunsa da ke rik'e da biro, yasa ya tallabi haɓarsa, ya tsaida idanunsa a kan Sino, sai dai ko alama ya k'i yarda su haɗa idanu. Murmushi ya saki, ya juya yana kallon Deeni, wanda dakyar idan fitsari bai ɓata wandonshi ba.

"Kai fa? Kana ina daga misalin shidda da rabi zuwa safe?"

"Eh? N.. Ni.. ni yau kwanana takwas ma bana gari."

"Na san baka gari, amma ai ka bar garin ne a ranar da abun ya faru, kuma abokinka ya shaida mana cewar tare da kai kuka je gidan su Tareeq a ranar har kuka samu saɓani da shi. Haka ne ko ba haka bane ba?"

"Ehh? Uhnmm. Eh haka ne, amma daga nan na tafi Zaria ai."

"Bayan kun yi shiri, kunyi targeting Tareeq, kun faɗa masa ba tare da wani ya ganku ba, sai ka ce bari ka gudu Zaria, sai komai ya lafa kafin ka dawo. Ko ba haka bane ba?"

"Ni wallahi ban san fyade za'a masa ba."

"Then what?"

  Yayi maganar a tsawace yana dubansa.

  Wata irin ruɗewa Deeni yayi, domin a zahiri, bai san sa'adda yayi maganar ba, a daburce yace

"Ina nufin ban sani ba wallahi Officer."

  Kasa-kasa Khamis yayi da muryarsa yace,

"Ok, misalin karfe nawa ka tafi Zaria?"

"Ehhh..? Hmmmm.. wuraren bakwai na tafi."

"Ka isa can da misalin karfe nawa?"

"Karfe takwas na isa."

"Ok, bani number wani a can Zaria ɗin."

  Ya d'ago cikin kaɗuwar zuciya, idanunsa sunyi rau-rau, yana shirin fara hawaye, yace

"Uhmmm, bani da number su."

"Do not mess with me young man, ka faɗa mun gaskiya in kuɓutar da kai."

  Hawaye ne suka silalo masa, zuciyarsa na harbawa da sauri, yace

"Ka yarda da ni Officer,  dan Allah, ka bar ni in tafi."

"Ka bani number su, then I'll let you go."

  Wayar ya fitar yana shirin karantawa, Sino ya dinga zungurarsa, amma da ya ke basirarsa ta ɗauke, a ganinsa yana bashi number zai tafi gida, haka ya karanta masa, bai ɓata lokaci ba ya danna kira kafin ya mik'e tsaye.

  Mace ce ta ɗauki wayar, da alama dattujuwa ce, haka Khamis ya fara tambayar lokacin da Deeni ya shiga garin Zaria.

  Cikin  muryarta wacce da wuya tayi karya, ta tabbatar masa da ya shigo garin ne misalin karfe goma sha ɗaya da wani abu na dare. Godiya Khamis yayi mata, ya kashe wayar ya koma ya zauna. 

  Murmushin samun nasara ya saki, ya tsaida dubansa ga Deeni da yake kuka bil hakki da gaskiya yace

"Bincikena ya nuna kana da masaniya akan abinda ake tuhumar abokinka, shin zaka faɗa mun gaskiya ko har sai jikinka ya gaya maka?"

  Fitsarin da yake ta matsewa ne ya tsiraro ta tsakanin kafafunsa, ya duk'a yana ɗaga hannuwansa yana rokon Khamis

"Dan Allah Officer ka yi hakuri."

"Zaka faɗa mun gaskiya ko baza ka faɗa ba?"

  Shiru yayi, ya kasa magana, hakan yasa Khamis ya mik'e ya fita daga ofishin, yayi kiran 'yan sand'a guda biyu, kan su shiga da shi suyi ta dukansa, har sai lokacin da ya shirya sanar da su gaskiyar abinda ya ke ɓoyewa. 

  Ya juya ga Sino wanda tuni gwiwarsa ta gama sakewa, dan ya riga ya san halin Deeni, muddin ya ji wuya, zai iya fallasa sirrin da suke ɓoyewa.

"Kaima gaskiyarka ce kawai zata kuɓutar da kai. Muna nan tare har sai an gano inda abokinka ya shiga."

  Ya k'ara janyo wayarsa, yana mai sake kiran number Mukhee, wacce har yanzu a kashe take, dole ya tada 'yan sanda guda biyu, ya basu adireshin duk wuraren da Sino ya ce za'a iya ganin Mukhee domin su taho da shi.

www.wattpad.com/iLubieee

Lubiee ce..

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

 

{10}

_««This page is for Khadijah Taheer and Marjanah. It's more than a pleasure to meet yu guys. Thank you so so very much for the love and the courage. I'm grateful.»»_

    Da gidan Alhaji Badaru suka fara, cikin rashin sa'a basu samu kowa gidan ba sai mai gadi da Asabe wacce ta shaida musu cewar yau kwanan Mukhtar biyar kenan, rabonshi da gida.

"Tabbas na ga dawowarshi yau da safen nan, sai dai ko in k'ara fita yayi."

  Cewar mai gadin yana duban 'yan sandan da ke tsaye gabansa.

"To Baba kayi masa sallama mana. Mun nemi layinsa ya fi a kirga, amma baya shiga."

"Babu damuwa."

  Cewar Baba mai gadi lokacin da ya juya zuwa cikin gidan. 

  Ga mamakinsa babu Mukhee babu labarinsa, haka ya dawo ya shaida musu, kafin ya koma bakin aikinsa.

  Duk wani wuri da aka tabbatar musu yana zuwa, babu inda basu je ba, sai dai basu samu damar ganin ko da mai kama da shi ne ba. Titin Badarawa suka dauka, wuri na karshe a wuraren da suke da tabbacin samunsa, suka isa _shisha joint_ din mai cike da matasan maza da mata, suka fara dubawa, kamar hadin baki, nan din ma ba su samu ganawa da shi ba. Mutane daya bayan daya suka dinga bi suna tambaya, dak'yar suka samu wanda yace ya san shi, kasancewarsu ma'abota zuwa wurin shi da abokansa, sai dai ya tabbatar musu yau kusan sati guda kenan ba tare da wani a cikinsu ya lek'o _joint_ din ba. Daga nan ya  juya, domin ci gaba da sabgar gabansa, yayin da suka yi kiciɓis da wani matashi da ya daki kafaɗarsa yana faɗin

"Mazaaa.. lefin me kayi naga Officers sun tsare ka?"

   Dariyar jin daɗin ganin abokinnasa yayi, ya bashi hannu suka tafa. 

"Kaii, ni a su wa? Neman Mukhee suka zo."

"Wane Mukhee fa?"

"D'an dogon gayen nan da suke shigowa da yaron minister."

"Owh.. Yau da safen nan ko kamar na ganshi yana shiga tudun wada naje zan kai Hajiya wurin wata ta'aziya."

  Daga haka suka juya zuwa ciki, suna ci gaba da labaransu, ba tare da sanin cewar duk abinda suka fad'a ya shiga kunnen polisawan ba. 

'Tudun wada?'

  Cewar ɗaya a cikin 'yan sandar a k'asar zuciyarsa, a zahiri kam babu wanda yayi magana, daga bisani suka isa inda suka ajje motarsu.

  Bayan sun shiga sun fara tafiya, d'an sandan da ke zaune kujerar mai zaman banza ya juya yana duban direban yace

"Mu je tudun wadar."

"Kana da tabbacin inda zamu ganshi a can ɗin ne?"

  Yayi shiru kamar ba zai ce komai ba, daga bisani yace 

"Mahaifinsa ɗan can ne, na taɓa jin anyi fira da shi a radio, inda yace shi haifaffen cikin tudun wada ne."

"Chap, lallai Officer kanka na aiki da har ka iya rik'e wannan."

"Kana wasa da k'wanya irin tawa kenan."

  Suka dara, kafin suka sha hannu, a sa'a guda ya canja akalar motar suka ɗauki hanyar tudun wada, duk da cewar basu da tabbacin zasu ganshin, ko baza su ganshi ba.

  Sai da suka sha tambaye-tambaye, kafin suka samu wanda ya kwatanta musu gidannasu Alh. Badaru, suka k'arasa layin, kafin suka sake tambayar wani, wanda ya shaida musu cewar k'ofar gidan ne ke ɗauke da majalissar matasa. 

  A tare suka fita suka k'arasa wurin bayan sun tsaida motar, ɗaya bayan ɗaya matasan da ke zaune suke dubansu, yayin da suka katse su ta hanyar ba su hannu suka fara gaisawa. Ba su sha wahalar tambayar wani inda Mukheen yake ba, kasancewar yana zaune a wurin, shine mutum na k'arshe a dogon bencin da suka yada zango.

"Bari mu ganka mana."

   D'an sandan ya faɗa yana nuni da Mukhtar, wanda yanayinsa babu yabo, babu fallasa. 

  Ba tare da gardama ba ya mik'e ya isa gabansu, suka ɗan ja gefe, kafin suka gabatar da buk'atar da ke tafe da su.

  Shiru yayi kamar mai nazarin wani abu, kafin ya ɗago yana faɗin

"Mu je, babu damuwa."

  Ganin sun shige motar 'yan sandan ya sa sauran matasan mamakin mahaɗarshi da su, sai dai babu wanda ya iya cewa komai, illa addu'ar neman tsari da suka masa, kafin suka maida hankalinsu ga firar da ta sha gabansu.

  Sino na zaune yana jin yadda 'yan sanda ke dukan Deeni, zuciyarsa gaba ɗaya tayi bulaguro zuwa firgici da tashin hankali, duk da kasancewarsa mutum mai jajircewa da rashin tsoro. A haka su Mukhtar suka shigo, kirjinsa ya saki wani k'ara mai k'arfi, ya k'ura ma Mukhee idanu, hakan yasa a take ya fahimci maganar da ke k'asar zuciyarsa.

  Khamis da ya fito daga _cell_ ɗin su Deeni ya k'araso gabansu yana son fahimtar yanayin kallon da suke jifar junansu da, haka kawai ya ji zuciyarsa bata aminta da duk su biyun ba.

  Kujerar da ke fuskantarsu ya zauna, tare da maida dubansa ga Mukhee ya ce

"Mukhtar."

"Na'am."

  Ya ansa yana dubansa, a lokaci guda yayi k'asa da idonsa.

"Ya kuke da Tareeq?"

   A tsanake ya fara magana

"K'anena ne, Uwa ɗaya, Uba ɗaya."

"Wannan fa?"

  Yayi nuni masa da Sino da ke zaune gefensa.

"Abokina ne."

"Very good, na san baza ka k'i Tareeq da kuka fito ciki ɗaya ka so wani ba. Right?"

  Yayi shiru, idanunsa a k'asa bai ce komai ba, haka Khamis ya ci gaba

"A dai-dai lokacin da aka tura Tareeq kiranka, kana ina?"

"Ehhh?"

"Ehnnn. Ai ka ji me nace ba."

  Yayi shiru yana nazari, daga bisani yace

"Muna tare da abokaina

"Su wa kenan?"

"Mubee, Deeni, sai wannan."

  Ya nuna Sino wanda ya jefe shi da mugun kallo mai fassarar 'haka za kai mun?' 

"Hakan yana nufin tunda kuka fita a gidanku da misalin karfe shidda da rabi kuna tare da su kenan ko?"

  Muryar Khamis ta dawo da shi daga nazarin kallon da Sino ke masa. Ya ansa da

"Eh muna tare."

"Har zuwa karfe nawa?"

"Har wurin karfe tara da wani abu na dare."

  Murmushi Khamis ya saki kafin yayi dogon rubutu a takardar gabansa, ya ɗago yana k'ara duban Mukhee.

"Daga karfe tara da wani abu na dare da kuka rabu, ka tsaya wani wuri, ko gida ka wuce straight?"

"Daga nan gida kawai suka ajje ni."

"Bayan sun ajje ka kuma baka k'ara fita ba?"

"Eh ban k'ara fita ba."

"Masha Allah. Amma abokinka ya shaida mana cewar kana tare da shi a gidansu kuna kallon ball, tun da kuka fita daga gidanku da misalin shidda da rabi na yamma, har zuwa k'arfe goma da wani abu na dare, while kai kuma ka tabbatar mana da cewar sun ajje ka gida da misalin karfe tara da wani abu, shin maganar wa kake ganin ya dace mu dauka?"

"Ehhh,? Uhnmm.. eh, muna tare, amma."

"Eh.. Amma. Amma what?"

"Eh muna tare. Daga gidansu na dawo gida."

"But kace kuma su suka sauke ka a k'ofar gida. Hakan yana nufin daga wani wuri ma kuka dawo."

   Shiru yayi, ya rasa abin cewa, haka kuma kirjinsa na harbawa cikin sauri, sosai yana jin tsananin  tausayin abokannashi.

'Duk laifin banzan Khalid ɗin nan ne ai.'

  Ya ayyana a k'asar zuciyarsa, yayin da maganar Khamis ta dawo da shi daga duniyar da ya tsunduma.

"Kai nike saurare Mukhtar."

"Uhnmm, eh na manta ne, daga gidansu ne na taho ni kaɗai, ba su suka sauke ni ba."

"Ka faɗa mun gaskiya Mukhee, if not zaka sha mamakin abinda zai biyo baya. Cuz Khalid ya riga ya faɗa mun fitar Tareeq ke da wuya, kai kuma ka shigo gidan. That's tsakanin tara da wani abu na dare. Hakan yasa na fahimci wani abu, i mean abokanka na sauke ka, suka bi Tareeq a baya, suka ɗauke shi, suka je inda suka je suka keta mutunci da haddinsa. Ko ba haka ba ne ba?"

  Ya karashe cikin wata irin tsawa mai tsoratarwa, wacce ta kaɗa 'yan hanjin Mukhee, har ma da na Sino da ke zaune. 

"Ni wallahi ban sani ba, ni suna ajje ni gida na shiga."

  Murmushin takaici Khamis ya yi, ya tsaida dubansa a kanshi, tabbas abinda ya faɗa gaskiya ne, haka kuma baya tunanin idan da sa hannunsa a abun da ake tuhumar abokinnasa.

  Mikewa yayi, ya fara kiran Khalid, bayan ya ɗauka ya tambayi mutanen da ke gida lokacin da Mukhee ya dawo gida a ranar da al'amarin ya afku.

   Bai ɓata lokaci wurin shaida masa ba, yayin da ya k'ara da cewar ya haɗo kansu su zo station, domin a ɗauki jawabinsu.

  Bayan gama wayar ne ya juya yana duban Sino wanda idanunsa ke jifar Mukhee da wani gawurtaccen kallon da Khamis ya kasa fassara shi.

"Shin zaka faɗa mun gaskiya ko kai ma sai jikinka ya baka labari?"

  Yayi firgit, ya maida hankalinsa ga Khamis

"Ni fa wallahi Officer iyakar gaskiyata kenan, ka yarda da ni dan Allah."

"Iyakar gaskiyarka kenan, right?"

  Ya girgiza kai, alamar haka ne.

"Okay, give me your phone."

  Ya faɗa yana mik'a hannunsa, amma Sino ya dake, ba ma shi da alamar motsawa, balle yayi yunkurin fitar da wayar.

  Wata gagarumar tsawa ya buga masa, ya k'ara da cewar

"Zaka bani ko sai na ansa da kaina?"

  Ba tare da ya girgiza da tsawartashi ba, ya cire wayar ya mik'a masa.

"Faɗa mun number wani a gidanku in kira yanzun nan."

  Shiru yayi, ya juyar da fuskarsa, a zuciyarsa yana tunanin layin wanda zai bayar. 'Na yayanshi da ɗakinsu ke manne da juna, wanda yake da tabbacin ya san abinda ya ke aikatawa, haka kuma a ranar ma sai da ya masa bala'in kai dare da yake a waje, ko kuma na mahaifinsa wanda ya kusan anshe makullin motarsa a ranar, saboda yawon dare?' Bai gama yanke shawara ba, Khamis ya razanar da shi da gigitacciyar tsawarsa

"Baka ji abinda na faɗa bane?"

"Ehmm,.. number ta na nan ciki ai."

  Yayi nuni da wayarsa da ke hannun Khamis.

"Wane suna ka saka ma number?"

"Uhnmm..."

  Sai kuma yayi shiru.

"Ehhnnn."

"Kb D'an bala'i."

  Ya faɗa yana tuna sadda ya adana layin yayannashi da sunan, ranar da ya kusan hallaka shi, ya shigo ɗakinshi ya ganshi da wani _Boyfriend_ ɗinsa bakinsu ya kusa haɗewa da na juna.

  Girgiza kai Khamis ya yi, domin a zahiri sunan ba k'aramin dariya ya basa ba, haka ya maze ya fara kiran layin D'an bala'in.

  Har ta katse ba'a ɗaga ba, sai dai da katsewarta, da biyo bayan kiran duk ɗaya. Ya ɗaga da sallama, suka gaisa, daga bisani yayi masa bayanin kirannashi.

"Eh to, a gaskiya wurin sha biyu da wani abu ya dawo gida, dan ba zan manta ba a lokacin da na ji dawowarsa, sai da na fita ina mishi magana, inda ya shaida mun cewar ya je kai wani abokinsa Zaria ne, motar ta tsaya musu a hanya. Lafiya dai ko?"

'Ya tabbata akwai sa hannun dukansu ukkun kenan!' Khamis yayi maganar a k'asar zuciyarsa, a fili kam yace

"Babu damuwa, na gode Kb."

  Ya kashe wayar yana jifar Sino da wani mugun kallo, shima idanunsa cikin na Khamis ɗin, duk kuwa da dukan tara-tara da kirjinsa ke yi.

"You're messing with the wrong person Kiddo."

  Ya faɗa yana nuna masa hannu, kafin ya zauna jiran isowar Khalid da tawagarsa.

                   *****

  Tun daga kan Baba mai gadi, Asabe, Khalid da Hajja Fati suka ɗinguma zuwa ofishin yan sandar, yayin da aka bar Zulaiha a wurin Tareeq, domin kula da shi da bukatunsa. 

  Tun da suka taho Hajja Fati ta dinga ruwan masifa tana tsine ma Khalid tana faɗin

"Wallahi matsawar wani abu ya faru da yarona, ina mai tabbatar maka da sai na ga bayanka Khalid. Haba, wannan masifa har ina? Gashi nan kana neman janyo mana wani sabon alkaba'in."

  Ta k'arashe tana kiran layin Alhaji Badaru, bayan ya ɗauka ta fashe da kuka tana shaida masa yadda Khalid ke neman ja ma ɗansu bala'i.

  Ta ɗayan ɓangaren shima masifa ya shiga yi, kafin ya tabbatar mata da cewa yau ɗin nan, ba sai gobe ba, zai shigo, kuma sai Khalid ya bar masa gidansa, har ma da iyalinsa. A k'arshe yace

"Ke ni da Khalid ma har abadan abada. Haba, ina dalilin masifa."

  Ya kashe wayar yana ta bala'i, a haka suka isa ofishin na 'yan sanda, babu ɓata lokaci Khamis ya ci gaba da gudanar da aikinsa.

  Da mai gadi ya fara, wanda ya tabbatar masa tabbas su Sino ne suka ajje Mukhee a k'ofar gida, kuma fitar Tareeq kenan su kuma suka iso. Sai dai ya  shaida masa cewar daga nan, Mukhee bai k'ara fita ba, har sai lokacin da suka je asibiti suka same su shi da Khalid.

  Hajja Fati ma haka ta tabbatar ma Khamis, haka Asabe, haka kuma Khalid, illa basu da tabbacin yadda akai Mukhee ya dawo gida, su dai sun ganshi ya shigo kawai. 

  Dogon rubutu Khamis ya yi, ya ɗago yana duban Sino, kafin ya fara magana

"Da waɗannan tarin hujjojin da mutanen nan suka bayar, gaba ɗaya sun dakushe labaran k'anzon kuregen da kuka zo da shi kai da abokanka, hakan kuma ya tabbatar da cewar akwai sa hannun ku duka ukkun a abinda ake tuhumar abokinku." 

  Ya yi maganar a faɗace, kafin ya mik'e cikin fushi yana kiran

"Sergeant Buba.."

"Yes Sir."

  Ya iso da gudu, ya sara masa.

"Take him in, ku cigaba da bugunsu, har sai sun ansa laifinsu"

"Yes Sir."

  Ya kuma sara masa, kafin ya tusa keyar Sino wanda tashin hankalinsa ya bayyana muraran gaba, zuwa _cell_ ɗin da sauran abokansa ke ciki.

  Daga nan ya koma ga su Mukhee, suka yi duk abinda ya kamata, kafin ya sallame su domin wucewa gida.

  Wani kyakkyawan murmushi ne kwance saman fuskar Khalid, sai dai kallon da ya ga Sino da Mukhee suna jifar junansu ya jefa zuciyarsa a kogin tunani, uwa uba da ya tuna cewar Jarma ya shaida masa kwanakin da Mukhee ya kwasa a tudun wada...

www.wattpad.com/iLubiee

Ana wata ga wata kenan... What do you think will happen in the next chapter? Drop yo comments, lemme hear.... 

Lubbatu ce... ♡

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

_This is for ya'all mutanen Taskar Lubiee Maitafsir. I'm more than excited for the love, courage and the support. Yu guys means a lot to me, and I love y'all so very much, to the moon round and back._

{11}

   Har suka iso gida Hajja Fati bata daina jifar Khalid da mugayen kalamai ba, sai dai uffan, bai ce da ita ba, a zahiri hankalinsa baya tare da shi ma, tunaninsa gaba ɗaya ya raja'a a son sanin dalilin Mukhee na tafiya tudun wada har ya kwashi kwanaki biyar, abinda tunda ya zo duniya bai taɓa yi ba.

'Shin hakan yana nufin yana da masaniyar abinda abokannasa suka aikata ko kuwa?'

  Ya tambayi zuciyarsa, yayin da wani fannin yayi gaggawar bashi ansa da cewar

'Ba haka ba ne.'

  Jin k'aran faɗuwar abu, da kuma buga k'ofar gaban motar da Mukhee ya fita ne ya dawo da shi daga dogon nazarin da ya auri zuciyarsa, ya ɗago firgigit, ya dube shi, a lokacin har ya kama hanyar cikin gida, kafin ya maida hankalinsa ga son sanin abinda ya ji faɗuwartasa. Cikin rashin sa'a bai ga komai ba, hakan ya sanya shi taka motar yana shirin barin gidan, a dai-dai nan motar Alhaji Badaru ta shigo.

  Tun bai k'arasa gyara parking ba ya fito yana nuna masa hannu

"Dama saurin da nike in same ka a cikin gidan nan, dan daga nan baza ka koma ga Tareeq ba, sai dai ka koma inda ka fito. Ba zan lamunci tozarci da cin mutunci a cikin gidana ba. Ina zaman zamana cikin rufin asirina, ka zo ka tona mun shi, wannan bai ishe ka ba, har sai da ka ja yan sanda suka kama mun yaro. Allah ya taimake ka basu masa komai ba, amma wallahi da kai ma sai ka raina kanka. Kuma daga rana irin ta yau, na maka katanga da gidana Khalid. BABU KAI, BABU IYALINA!"

  Shiru ya yi, har sai da ya gama masifartashi, kafin ya ja motar ya fita a kiɗime, wata zuciyar na ingiza shi kan ya yi abinda Alhajin ya umarce sa, abin nufi ya kaurace ma iyalannasa, yayin da wata ke tunatar da shi abinda hakan zai haifar. Watak'ila nisantarshi da iyalin alhajin, musamman ma Tareeq, zai iya sawa suyi watsi da gaba ɗaya al'amarin na Tareeq, duk kuwa da cewar baya da haufi a kan Khamis, ba ma kamar tun da abin ya haɗo da mutanen cikin unguwa. Canja akalar motar yayi, ya ɗauki hanyar asibitin, sai dai duk wacce za'ayi ayi.

             ****

Kaiwa take tana kawowa a tsakiyar tangamemen palon da ya wadatu da komai na jin daɗin rayuwa. Sallamar direban mai gidannata da ya shigo da jakarshi ce ta dawo da ita hayyacinta, ta iso da sassarfa ta anshe jakar tana duban bayan direban, domin a zahiri babu abinda take muradi wanda ya wuce mata tozali da Engr. Bukar.

"Barka da sauka Engr."

"Barkanku da gida Hajiya."

  Ya faɗa yana k'arasa shigowa cikin palon, yayin da direban ya juya ya fita ba tare da hajiyar ta ansa gaisuwar da yake ta faman mikawa ba.

"Ya hanya ya kuma hidimomi?"

  Ta faɗa sa'adda ta zauna a gefenshi, tana k'ok'arin gyara ajiyar jakar hannunta a kan _carpet_.

"Alhamdulillah, mun gode Allah."

  Ya cire farar _cardigan_ ɗin da ke samar bakar _long sleeve_ ɗinsa, a sa'a guda yana gyara zama. Hajiya Karima ta sauke ajiyar zuciya a hankali tace

"Ban ji kayi batun yaron nan ba, har fa yanzu yana can, ko abinci aka je kai masa basa bari a ganshi, ni yanzu abinda ya fi ɗaga mun hankali bai wuce yadda jiya 'yan sandan ke shaida mun cewar wai sun gama duk wani bincike sun kuma gano da sa hannunsa, har ma da na abokansa guda biyu. Ka ji sharri dan Allah Engr, yanzu ina Mubarak ina wannan mummunar ɗabia? Yaron da duka-duka shekarunsa goma sha tara a duniya. Wallahi ba zan ɗauki wannan mugun kazafin ba, gara ka tashi muje duk wacce ma za'ayi ayi."

  Shiru yayi yana sauraren yadda take magana hawaye na zuba a idanunta, ya nisa ya ce

"Kin ga illar abinda nike faɗi miki kenan, shi yasa a kullu yaumun nike ce miki su 'ya'ya amana ce ta Allah a hannunmu, amma son zuciya ya rufe mana idanu, musamman iyayen wannan zamanin, muna ganin bayar da ingantacciyar tarbiyya ga yaranmu, tamkar mun tauye musu wani hak'k'inasu ne, bayan kuma ba haka Islam ya tsara ba, annabin rahama kanshi sai da ya nusar da mu akan kula da abokan 'ya'yanmu, amma kullun na tashi yi wa Mubarak faɗan ɓata garin abokai, kece kike shiga bayansa. Yanzu ki gaya mun, wa gari ya waya?"

  Shiru kawai tayi, har yanzu hawayen take zubdawa, dakyar ta shafe su da gefen mayafin jar abayar da ke jikinta, kafin ta ce

"Duk wannan ba maganar da zamu yi yanzu ba ce Engr, ka taimaka ka tashi mu isa ga 'yan sharrin can, tun basu tura abin nan wurin alkali ba."

  Bai iya k'ara magana ba, hakan yasa ta shiga ta fito da jakarta, sannan ta ajje masa tashi a ciki, inda ta samu har ya fita, da sauri ta wuce itama, direba ya iso da motar suka buɗe gidan baya duk suka shiga.

  Ofishin 'yan sandar suka dumfara, da zuwansu Engr ya bukaci ganawa da Khamis wanda mutanen wurin suka shaida masa alhakin _case_ ɗin yana hannunsa.

  Har ofishinsa ya isa, bayan sun gaisa cikin dattako, domin kuwa shi ɗin mutumin kirki ne mai nasibi da sanin ya kamata.

"Sunana Engr Garba Bukar, nine kuma mahaifin Mubarak, yaro da ke nan tsare a hannunku."

"Masha Allah. Akwai abinda kake buk'atar sani ne?"

  Khamis ya faɗa yana dubansa da ɗan murmushi.

"Eh nayi tafiya na dawo ne sai Hajiya ke sanar da ni abinda ya faru, amma zan so in ji karin bayani ta bakinka."

  Biron da ke hannunsa ya ɗora saman _file_ ɗin da ya ke cikewa, daga bisani ya fara magana inda ya yi ma Engr duk wani bayani dangane da case ɗinnasu, ya k'ara da cewar

"As soon as muka gama rubuta report zamu tura su court ne, so advisable ku je ku fara fafutukar neman lawyer."

  Shiru Engr yayi, kafin ya ɗago yace

"Su fa sauran yaran? Iyayensu na da labari kuwa?"

"I don't know actually, dan babu wani daga danginsu da ya zo."

  Bai ce komai ba, ya mik'e ya fara kiran layin Alhaji Barau mahaifin Sino, a zahiri ba zai iya cewa komai ba, har sai iyayen sauran yaran sun iso. Jin muryar wanda ya kira tana ansa kuwwa a kusa da shi ya sanya shi juyawa da sauri, inda suka yi arba da Alhajin wanda labari ya same shi ba da jimawa ba, ya iso ofishin na 'yan sandar.

  Zaman babbar rigarsa ya gyara, yana duban Engr, da fuskarsa mai bayyanar da ɓacin rai, ya bashi hannu kafin ya ɗora da cewar

"Ka riga ni isowa kenan? Wannan masifa har ina? Haka kawai dan dai an tsani yara, sai a ce su suka aikata wannan mugun alkaba'in? Sam ba zan lamunci abin nan ba wallahi. Wai ashe yau har kwanansu biyu ma kenan, amma sai yanzun nan nike jin labari a bakin mai gadi, shima wai a cikin unguwa yake jin maganar. Ni duk a zatona ma yayi tafiya zuwa wani gari ne, ashe ina can an kamo mun yaro an garkame ana jifarsa da mugun kazafi."

"Ya isa haka Alhaji, mu jirayi isowar Barr. Zainab, dan na ga Hajiya tayi kiranta, na san duk inda take tana kan hanya yanzu, in yaso sai mu san abinda ya dace."

  Ya k'ara baza babbar rigarsa, yana faɗin

"Ka san Allah Engr? Daga nan babu inda zan matsa sai sun fiddo mun yarona. Da mutuncina da komai ace na kasa taɓuka komai a kan wannan ɗan k'aramin sharrin? Ba zan yarda ba!."

  Engr bai ce komai ba, dan yana da tabbacin Khamis da sauran yan sandar wurin duk suna sauraren abinda ke faruwa. Suna nan tsaye Barr. Zainab ta iso cikin tashin hankali, basu tsaya wata doguwar gaisuwa ba, suka yi wasu 'yan maganganu, sannan suka rankaya ofishin Khamis, wanda ke zaman jiran tsammaninsu.

  Kallonshi Barr. Zainab ke yi, tabbas ta san fuskarshi, sai dai a yadda suka je gidannasu, bata zaci suna zargin yaronnata ne ba. A zatonta ko tambayarsa wani abun zasu yi, kasancewar yana shiga gidan Alhaji Badarun. 

  Engr ne ya katse mata tunani ta hanyar fara yi musu bayanin komai kamar yadda Khamis ya masa, kafin Alhaji Barau ya ɗora da cewar

"Wannan maganar banza."

  Ya juya yana kallon Khamis, a lokaci guda yana kankan da muryarsa,

"Kaga Officer, idan wani abu kake so, ba sai ka biyo mana ta wannan hanyar ba, ni mai iya baka duk abinda kake bukata ne, ba tare da aljihun wani a nan yayi kuka ba, dan haka muyi tsada da kai, ka sakan mana yaranmu tun muna shaida juna."

"Yawwa. Yanzu na ji batu."

  Cewar Hajiya Kareema da idanuwanta ke zubar da hawaye. Murmushi mai tsada Khamis ya saki, ya gyara zamansa, hannuwansa duk biyun yasa y tallabi haɓarsa, yana kare ma Alhajin kallo, a sa'a guda yana bin sauran jama'ar wurin da duba, yana ganin yadda suke jijjiga kai alamar sun aminta da maganar ta Alhajin, daga ciki kuwa hadda Barr. Zainab, wacce ta san hukuncin abinda suke shirin aikatarwa.

  Ya tsaida dubansa ga Alhaji Barau da murmushi kunshe da laɓɓansa yana faɗin

"Gwamnati ta ɗauke ni aiki ne ba don komai ba, sai dan in kwato ma yan kasa waɗanda aka zalunta hakkinsu. Nayi duk wani bincike, na gano da sa hannun yaran nan a abinda ake tuhumarsu, dan haka ba gudu ba ja da baya, dole na mik'a rahotansu a gaban kuliya. Yan kuɗi kalilan da zaka bani, baza su taɓa tseratar da ni daga wutar jahannama ba a ranar gobe kiyama, sakamakon karya alkawarin da na ɗauka da kake son nayi. ina shawaryarku, ku adana kuɗinku, na tabbatar a gaba zasu muku amfani."

  Wata zufa ce ta karyo ma Alhaji, yana jin maganar Khamis da ke dukan dodon kunnensa tamkar da guduma.

"This the best for all of us Inspector. Ka ansa tayin da mu kai maka tun yanzu, kafin ka zo kana cizon yatsa zuwa gaba."

  Barr. Zainab ta kauda shirun da ya ratsa wurin na d'an lokaci. Kafin Hajiya ta kara da cewar

"She's right Inspector. Kada ka bari wannan opportunity ɗin ya wuce ka, a k'arshe ka zo kana da na sani."

  Kan Khamis a k'asa, zuciyarsa na tafasa da maganganun da suke jifarsa. 'Me aka ɗauki ɗan sanda a wannan k'asar tamu? Maha'inci? Ko kuwa maci amanar aikinsa? Ba zan iya jurewa wannan kallon da mutane suke mana ba, dole ne in tabbatar musu da cewar ba duka aka taru aka zama ɗaya ba. Dole in kare hakkin al'ummata, in kuma kwato ma Tareeq 'yancinsa da aka raba sa da shi. Dole in koya ma mutanen nan hankali, ko da kuwa hakan zai yi sanadiyyar aikina. I dont care.'

  Yayi maganganun duk a k'asar zuciyarsa, ya ɗago yana dubansu kafin yace

"My decision is final. I'm not one of those so called police da kuke bribing ku tauye hakkin wanda aka zalunta, so babu nera ɗaya taku da nike buk'ata haka kuma kaf k'asar nan babu wanda ya isa ya dakatar da ni daga tura rahotan nan Ministry Of Justice."

  Ya karashe cikin ɓacin rai, wanda ya sanya Alhaji Barau mikewa yana nuna shi da hannu.

"Be careful ɗan sanda! Ka bar ganin na biyo ta hannunka ka nemi ka manna mun hauka. Ka manta a wace kasa muke ne? Nigeria ce fa, the most corrupted country in the whole world! Haka kuma ka san da wa kake magana, dan mu ke da k'asar. Kuma sai na fitar da yarona ko ta wane irin hali, kayi addu'ar kada insa a kore ka daga wannan gurguwar kujerar taka..."

  Bai bari ya kai aya ba ya mik'e shima.

"A haka kuke kiran kanku shuwagabanni? Kuna kiran kasarku da corrupted country? A haka kuke tutiya da mukaminku? Ni Inspector Khamis Zubayr, I promise, I'll prove you wrong Alhaji Barau. Sai na mik'a yaran nan gaban kuliya ko ta wane irin hali."

"Ya isa, ya isa da Allah. Dan Allah ku zauna mu fuskanci juna, ku tuna ba fa abinda ya kawo mu nan kenan ba."

  Cewar Engr da ya mik'e yana dubansu, amma ina tuni Alhaji ya buga babbar rigarsa bayan ya nuna Khamis da hannu yana faɗin

"Wait and see Inspector."

  Ya fice cikin matsanancin fushi.

Read More

Share this

WhatsApp

DUNIYA TAFI BAGARUWA IYA JIMA Page 1 to 10

*_All names and characters are fictitious and imaginary. Any resemblance to any person living or dead, is purely coincidental, and not intentional._*

***KADUNA

 

   K'arfe d'aya saura kwata na dare, Alh. Badaru cikin tsananin gajiya da k'osawa yake danna horn din motar, wanda ya razanar da Mal. Idi mai gadi da ke ta kwasar bacci har da munshari.

  A hargitse ya mik'e tare da janyo torchlight d'inshi ya haska, hakan yasa ya fahimci mai gidan ne ya iso, wanda hakan ba bakon abu ba ne a wurinshi, a cewar zuciyarshi ma yau mai gidan ya dawo da wuri. Horn din da ya k'ara dannawa ne ya sanya shi gaggawar wangame k'ak'k'arfan tangamemen k'yauren gate din, tare da rissinawa yana fad'in

"Barka da zuwa Yallabai."

  Bai damu da gaisuwar ta shi ba, ya figi motar a sikwane ya shige, ya gyara parking, sannan ya fito ya fara tuttular da ruwan masifa.

"Haba da Allah Mal. Idi, wannan wane irin bacci ne sai kace na mutuwa? Na fi minti biyar ina maka oda, amma ka yashe baki kana zubar da ruwan sale6a, wallahi ba zan lamunci baccin nan naka ba, Allah ya kaimu gobe in yi wa Garba security waya ya canja mun kai."

Ko alama Mal. Idi bai girgiza ba da maganar ta uban gidanshi, asali ma idan da sabo, ya ci ace ya saba da wannan banbamin wanda yayi ma lakabi da ihunka banza, kasancewar yau shekarunsu biyar kenan suna tare da Alhajin, wanda kusan kullum kuma sai ya maimaita cewar zai sa a canja shi. Har k'asa ya rissina yana fad'in 

"A yi hak'uri Yallabai. Ka san jiki da jini, ga kuma girma ya kawo kai."

  Banza yayi da shi ya fara dukan k'ofar shiga cikin gidan, ga mamakinshi ya ji ta a bud'e, ya ja mugun tsaki, tare da murda handle din, sannan ya wuce ciki.

   Zulaiha babbar 'yarshi ya fara cin karo da ita, kudundune cikin bargo tana ansa wayar masoyinta, kunnuwanta dad'e da earpiece, da alama bata san wainar da ake toyawa ba.

  Hannu yasa ya yakice bargon, domin yadda take mutsu-mutsu a cikinshi, shi ya tabbatar mishi da cewar idanuwanta biyu.

"Uban mi kike da wannan tsohon daren a palo ke d'aya? Ina Mamanku?"

Ganinshi bai sa ta zabura ba, illa mikewa zaune da tayi, tana gyara maballen gaban rigarta wanda bata san lokacin da ta balle su ba, dad'in tana waya da masoyinta.

"Ba ki ji me nace ba ne? Kin kafe ni da ido."

"Waya nike yi, su kuma ina jin sun yi bacci."

"Mtsewww. Tashi wuce mun a nan Dallah."

"Ina wuni."

  Ta fad'a tana yayime bargonta, ya ansa da

"Lafiya."

  A dakile. Ya zube a kujerar da ta tashi, yana mai cire hular da ke kanshi. Hamma ya saki mai tattare da yunwa da gajiya, dan rabonshi da kyakkyawan bacci yau kwana biyar kenan, tunda wannan siyasar ta matso basu da sauran lokacin kansu, sai na meeting, kullum sune a wannan hotel, gobe a wancan. Gurinsu d'aya tak, Alh. Mahabub ya lashe kujerar gwamnan jahar tasu kowa ma ya huta.

  Da wannan tunanin ya mik'e ya bud'e fridge ko ya samu wani abu mai d'an dama-dama ya jefa a cikinsa, dan bayan gajiya har da yunwa ke dawainiya da shi, gashi kuma bai sanar da matarshi dawowarshi ba, balle yace ta tanada mishi wani abu, yayin da a wani bangaren yana tunanin ko ma da ya sanar da itan, ba lalle ya samu abinda ranshi ke so ba.

  Babu komai a fridge din, sai lemunan gwangwani da na kwali, sai kuma wata furar roba, wacce itama din shine ya sha ya ajiye sauran a kwana biyar da suka wuce ranar da zasu tafi Abuja taron karrama gwamnoni masu jiran gado.

             *****

  Washe gari, da sassafe ya ke jiyo hayaniyar yara 'yan makaranta, ya ja tsaki, tare da janyo wayarshi ya duba, karfe takwas saura 'yan mintina, ya mik'e ya shige bandakinshi dake cikin dakin yayi alwalla ya fito yayi sallah, har ya gama bai daina jiyo hayaniyar yaran ba, sannan ya fita ya same su har yanzu basu gama shiri ba, lokacin takwas da rabi har ta kawo kai.

  'Ahmad da Samahir wadanda sune na k'arshe a yaran, yan biyu masu shekaru hudu, suka ruga da gudu suka isa gare shi suna

"Oyoyo Baba."

 Hannuwansu ya kama suka k'arasa cikin palon, suka zauna, sannan ya kai duba ga Zulaiha mai danne-dannen waya.

"Ke baza ki je makarantar ba ne?"

  Sai a sannan ta d'ago

"Ai mu mun gama waec tun wancen satin. Ina kwana."

"Lafiya lau."

  Mukhtar mai bi mata ya shigo palon yana kiran

"Ke Dallah malama wai ina kika saka mana socks dinmu ne? Ki taso ki dauko su wallahi ko in fasa miki baki."

  Kici6is, idanunshi suka yi da na mahaifinsu, a kaikaice ya shafi tarin sumar da ke kansa.

"Baba ashe ka dawo? Ina kwana?"

"Lafiya lau Mukhee. Wai ya aka yi har tara saura baku tafi makaranta ba? Ina Mamantaku?"

"Ga wadda ta tsaida mu nan, ta kama socks din mutane ta cusa a kayan wanki, kuma ta san sarai dokar school din mutum ba zai taba zuwa babu socks ba."

"Ke tashi je ki duba musu mana, ki sanar da Mamanku ina kiranta."

"Yo ni fa Baba ban san inda suka sa kayansu ba, kuma ma shine fa baya tashi bacci sai ya ga karfe takwas tayi, bayan ya san suna zuwa makaranta,  kullun sai an musu bulalar latti."

"Gara mu bulalar latti ake mana, ke kuwa fa? Kullun ana kama ku da samari a bayan Computer lab. Dallah malama ki nemo mana socks mu kawai."

"Kai Dallah ku rufewa mutane baki, wannan wane irin iskanci ne ina magana kuna yi."

  Duk da haka ba su yi shirun ba, suka mik'e suka yi hanyar dakunan kwanansu, suna jifar junansu da mugayen kalamai, tamkar ba wadanda suka fito ciki daya ba.

"Uhnmmm. Ashe ka dawo?"

  Muryar uwar gidanshi Hajja Fati ta sanya shi dakatawa daga ansa wayar da suke da Party Chairman, ya dube ta yana gyada mata kai, ba tare da ya ajje wayar ba.

  Zama tayi, sannan ta kama Samahir tana cewa

"Wai yarinyar nan bata k'arasa shirya ku ba dama? Kai ina jakar taka take?"

  Ta karashe tana kallon Ahmad. Yayin da Alh. Badaru ya mik'e ya fita yar farfajiyar gidan yana cigaba da ansa wayarshi, ganin surutun nasu na shirin wuce gona da iri.

A hargitse dai aka gama shirya yaran, inda a d'aki aka cigaba da damben tsiya tsakanin Mukhtar da Zulaiha, kan ta k'i ta dauko musu safa.

  Alhaji na gama waya da Chairman, kiran gwamna mai jiran gado ya shigo, ya dauka suka tattauna batun na siyasa, tare da shaida mishi meeting da suke da shi a yau din nan karfe sha biyu na dare, wanda shine kiran da Chairman din yayi mishi.

  Ya kashe wayar ya juya da dan murmushi, domin kuwa kiran na Chairman ya mishi dad'i, zaune ya ganshi rakube, jikinshi sanye da uniform, bayanshi goye da jakar makaranta.

"Baba ina kwana."

"Lafiya lau Tareeq, kai ka shirya kenan?"

"Eh su nike jira."

"To yayi kyau..."

  Zaiyi magana wayarshi ta hau k'ara, ya duba yana dariya, wannan karon Women Leader ta kasa ce ta kira, ya dauka a gaggauce ya fice kofar gida yana ansawa.

   Sai da suka gaji dan kansu suka saki junansu, domin kuwa duk irin maganar da Hajja Fati ta musu, bai sa sun daina fadan ba, k'arshe tace

"In kun ga dama ku kashe kanku."

  Ta juya ta kama hannun Ahmad da Samahir suka fita, ta dubi Tareeq wanda halayyarshi ta sha ban-ban da ta 'yan uwannashi tace

"Kama su ku shiga mota."

  Ya mik'e ya kama hannuwansu, suka fita inda driver yake jiransu tun karfe takwas, suka shiga suka zauna suna jiran fitowar Muktar.

  Har mintuna biyar suka shude Mukhtar bai fito ba, haka zalika Alh. Badaru yana tsaye k'ofar gidan har yanzu yana ansa wayar Women Leader.

"Baba Ado ko zaka kaimu ka dawo ka d'auke shi? Na san yanzu an fito break sai mu samu mu koma class ba sai an mana bulalan latti ba."

"Kana ganin babu wata matsala? Ka fa san halin mutuminnaka."

"To ai kaga har yanzu bai fito ba, k'arshenta ma ba zai je makarantar ba wallahi."

"To shikenan Tareeq, barin kaiku din in dawo."

  Ya tada motar suka dau hanya.

www.lubabatumaitafsir.com

www.wattpad.com/iLubieee

www.instagram.com/hausa_novelss

www.facebook.com/taskarlubieemaitafsir

Lubiee♡

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

   December, 2016

{03}

Misalin takwas saura na dare Hajja Fati ta dawo gidan, a gajiye liss ta shigo, ta ci karo da Tareeq da Khalid wanda suka dawo daga masallaci zaune a palon suna kallo. Gabanta ne ya yanke ya faɗi, kafin ta daure ta k'arasa ciki jiki babu k'wari.

"Yau kune a gidan?"

  Ta faɗa tana kallon Khalid.

"Wallahi fa Hajiya. An dawo lafiya?"

"Lafiya lau. Ya mutan gidan?"

"Duk sunce a gaishe ku."

Bata k'ara cewa uffan ba, ta mik'e zata shige ciki.

"Sannu da zuwa Mama."

Tareeq ya faɗa yana kallonta. Ta juyo a hankali tana dubanshi, sai taji wani irin yanayi tare da tausayin yaron sun mamaye dukkan zuciyarta. Shiru tayi tana karantar yanayinsa, ta rasa me sa take jin kamar bata yi mishi adalci a cikin gidan, kasancewar yadda take fita ta bar su ba tare da ta tsaya ta kula da bukatunsu ba. 'Ai akwai kunnenshi.' Wata zuciyar ta tunatar da ita, hakan yana nufin ba shi ne abin tausayi ba kenan, kuma ma ai ta bar Zulaiha a gidan, ga kuma Asabe mai aiki, ta tabbatar zata taimaka musu. Murmushi ta saki tana k'ara dubanshi.

"Yawwa Tareeq. Ina su Samahir?"

"Suna ciki."

"Zulaiha fa?"

"Tunda muka dawo ban ganta ba ni dai."

"Gidan ub**wa ta tafi ni da na bar mata tsaron gida. Ina Mukhtar?"

"Ya fita da abokanshi shima."

  Jin hayaniyarta yasa su Samahir fitowa suka yo palon, bata damu da su ba ta dai-daita tsayuwarta

"Tashi wuce kira mun Mukhtar, nasan ba zai wuce gidansu Deeni ba. Akwai sak'o da na manta in anso gidan Hajiya Maryama. Ita kuma zata dawo ta same ni."

  Daga haka tayi ciki, Tareeq ya kalli Khalid wanda ya kasa cewa komai, illa a cikin zuciyarsa da yace

'Me zai hana yara yin abinda suke so, bayan ke kanki baki tsaya kin kula da tarbiyyarsu ba.'

   Ya sauke ajiyar zuciya, sannan ya cigaba da zancen zucinshi.

'Yanzu da wani zai ce mata Mukhtar mai shekaru sha bakwai ya san ko wanne kalar kayan shaye-shaye, da babu abinda zai hana su hau sama da koma wanene.'

"Barin je in kira shi Uncle."

  Muryar Tareeq ta dawo da shi daga dogon nazarin da ya ke. Ya kalle shi da ɗan murmushi,

"Barin zo muje ko?"

Dariya Tareeq yayi, mai bayyanar da jin daɗin kulawar Khalid a gare shi yace

"Ba nisa sosai uncle, can layin na gaba ne fa. Barin je in dawo kawai."

  Ya mik'e, tare da ajje remote ɗin hannunsa ya wuce zuwa k'ofa.

"Tareeq."

Khalid ya kira shi yana dubansa da murmushi, duk kuwa da sauyin yanayin da yake ji a zuciyarsa dangane da fitartashi.

"Na'am Uncle."

"Ka bari inzo muje kawai."

"Allah Uncle ba sai ka je ba, yanzun nan zan dawo in sha Allah."

"Alright, but idan baya gidan da tace kar ka matsa ko ina, ka dawo gida kawai. Duk ma inda yake zai dawo da kanshi."

"To shikenan."

  Yana 'yar dariya ya saka takalmansa ya fito, suka gaisa da Mal. Idi, sannan ya buɗe k'ofa ya fita.

            *****

  Duk wanda ya san Kinkino Road da ke cikin Unguwar Rimi, ya san unguwa ce ta manyan mutane, haka kuma babu yawaitar al'umma ko kaɗan a titinan unguwar, zata iya kasancewa ayi kisa a binne, ba tare da wani ya farga ba, haka zalika abu ne mai matukar wahala kaga yara masu shekarun Tareeq suna yawo a cikin unguwar a dai-dai irin wannan lokaci. Manyan ma ba kowa ke fita a kafa ba, illa 'yan tsiraran motoci da sukan zo su wuce da gudun fanfalak'i, ba tare da wani ya gane wanda ke cikin motar ba. 

  Yau ma unguwar shiru, sai dogayen street light ɗin da suka haska lafiyayyen titin, tare da dogayen bishiyoyi masu yalwar rassa da suke kaɗawa, suna bada iska mai daɗi kasancewar yanayin na damana. Amma cikin rashin sa'a sai fargaba, da faɗuwar gaba suka dinga kai farmaki a zuciyar Tareeq cikin wannan dare ma'abocin sanyin iska da haskakawa.

  Bai kawo komai a zuciyarsa ba ya cigaba da tafiya, cikin sauri-sauri, har ya kawo kwanar da zata sada shi da titin gidansu Deeni. Sai dai wannan karan sam zuciyarsa ta kasa natsuwa, kasancewar yadda yake jin tamkar wani na biye da shi, amma da ya juya baya ganin kowa, haka zalika layin nasu babu yawaitar haske irin na main street ɗin da ya baro. 

  A firgice ya iso kofar gidan, ya ɗora hannu zai buɗe gate ɗin, ya ji an cafki hannunnasa, yana juyowa suka yi ido huɗu da Mubee, wanda shima abokin Mukhee ne, yana ɗaya daga cikin wanda suka je gidansu a ɗazu. 

  Sauran mutum biyun ne bai ida tantancewa ba, suka sa k'yallen da ke hannunsu, suka ɗaure idanunsa gam-gam har sai da ya saka wani razanannen k'aran da ya kiɗimar da su, sai dai cikin jarumtaka, suka k'ara sanya wani tsumman suka ɗaure bakinshi, Sino ya kalle su yace

"Ku ɗauko mun shi."

Tabbas Tareeq ya san mamallakin muryar da tayi magana, sai dai tsananin ruɗanin da yake ciki yasa ya kasa banbance mai ita a tsakaninsu.

  A kafaɗa Deeni ya ɗauke shi, cikin gaggawa suka k'arasa inda motar Sino ke ajje, suka jefa shi ciki, duk da irin shure-shuren da yake yi; haka suka shige, Sino ya buga engine motar suka bar layin baki d'aya.

 Kuka Tareeq yake irin kukan da baya fita, saboda tsananin azabar da yake ji a cikin idanunsa, domin kuwa sun musu wani irin k'ulli, wanda da wuya ya k'ara morar idanunnashi zuwa gaba.

  Cikin wani uncompleted building dake karshen layin suka shige da motar, Sino ya gyara parking sosai, sannan duk suka fito, tare da kamo Tareeq, suka mikar da shi tsaye.

"Kwantar da shi a nan kaga."

  Babu gardama Deeni ya fara kiciniyar kwantar da shi, amma ya tokare, hakan yasa Mubee da ke tsaye, ya taimaka masa wurin doke kafafunsa, a take ya zube a k'asa. 

 Farin dogon wandon da ke jikinshi Sino ya zare, shima ya cire nashi ya wulla ma Mubee, ya rage daga shi sai _boxers_, ya kalle su yayi wata shu'umar dariya, sannan ya cire _boxers_ ɗin, ya dawo dashi dai-dai kafafunsa, a karo guda ya fara k'ok'arin tura jikinshi ta bayan Tareeq.

  Kuka yaron yake wanda baya fita, kasancewar bakinshi da suka ɗaure, yana amfani da hannayensa wurin ceton kansa, amma haka Sino ya sanya rashin imaninshi, ya turmusa hannayensa cikin k'asa, sannan ya ɗora nasa akai, ya saka kirjinshi ya danne kanshi da ke ɗagowa, yayi mishi kyakkyawan rik'on da bai isa ya k'ara wani motsin kirki ba, a karo guda ya daddage da iya k'arfinsa, ya tura jikinshi a bayansa.

  Wani irin ihu Tareeq ya saki, har da zillewa, saboda irin raɗaɗin da ya ji, a take kuma ya komar da kanshi sharaf, wata irin azaba yake ji tana ratsa ko wanne sashe na jikinshi, a karo guda wata zufa ta karyo ma Sino, domin ba karamar wahala ya sha ba, kafin ya samu hanyar da ya shigar da kanshi cikin jikinnasa.

  Wannan bai zama bakon abu a wurin Sino ba, domin kuwa ya daɗe da sabawa wurin keta haddin k'ananan yara, ya Allah waɗanda suka shiga gonarshi, ko kuma waɗanda ya ji ya kwaɗaitu da sigar jikinsu. 

  Ya kwashi kusan mintina ashirin yana abu ɗaya, sannan ya samu natsuwar kansa, ya mik'e yana kallon Deeni, wanda shima din ɗan hannu ne. Ya murmusa yana ɗaura belt ɗin wandonsa. 

"Ya zaka ɗana ne?"

"That one na confirm."

  Deeni ya faɗa tare da dirowa daga kan _bonnet_ ɗin motar, ya cire wandonshi, ya cigaba da aiki daga inda Sino ya tsaya.

"Dan Allah kayi sauri Deeni, ka ga fa dare nayi."

  Mubee da ke cikin mota ya faɗa yana duba agogonshi, wanda shi ɗin irin harkar bata sha mai kai ba, illa shaye-shaye da farka mutuncin k'ananan 'yan mata. 

  A gaggauce Deeni ya mik'e, ya gyara wandonshi tare da gyara ma Tareeq wanda bai san duniyar da ake ba shima na shi wandon, suka kama shi,  suka saka a motar, sannan Mubee ya tada suka tafi.

  A nesa kaɗan da gidansu suka yi parking, yayin da Deeni ya kuma saɓarshi a kafaɗa, ya matsa kusa da wani _culvert_ na gefen gidan ya kwantar da shi. Da gudu ya juya suka shige motar, suna ihu, suka tada suka bar unguwar.

             *****

  Fitar Tareeq ke da wuya,  Mukhee ya shigo gidan yana ciccika fuska, da ka ganshi ka ga wanda yake a wata duniya ta daban.

"Ina Tareeq ɗin?"

  Khalid wanda tun tafiyar Tareeq hankalinsa ya kasa kwanciya, ya tambaya tare da mikewa yana duban Mukhtar.

"Wane Tareeq kuma? Ni me haɗina da shi?"

"Ba shi ya kira ka ba?"

"Malam ni fa ban ga wani Tareeq ba, kada ka dame ni Dallah."

"What? Mukhtar ni sa'anka ne da zaka rink'a gaya mun magana haka? Kai wane irin yaro ne marar ɗa'a?"

"To nace ban ganshi ba ko, me kuma zaka ishe ni."

  Ya buga tsaki ya wuce yana cewa

"Mutun da gidan ubansa haka kawai a zo ana takura masa."

  Yana shiga suka haɗe da Hajja Fati, ta bi bayanshi tana cewa

"Sai yanzu ka zo? Dama gidan Hajiya Maryam zaka je mun idan ban takura ka ba."

"Ai kema kinsan babu yadda za'ayi in tafi Kawo yanzu, goma saura fa, wallahi bazan je ba. Ga wancen wawan ma yana neman ɓata mun rai Dallah."

"Ai shine nima naga goma ta kusa. Shi kuma wancen ka bar ni da shi, kwanan nan zanyi maganinshi wallahi. Ina dalili."

  Bai tanka ta ba ya wuce zuwa ɗakinshi, itama nata ɗakin ta faɗa, inda ta bar su Samahir a ɗakin Asabe suna wasa da Musa ɗanta da take goyo.

  Hankalin Khalid kwata-kwata ya kasa kwanciya, yayin da ya rasa dalilin rashin natsuwartasa, ya kalli agogon da ke ɗaure a hannunsa, karfe tara har da mintuna ashirin da biyu, ya mik'e da zumar fita ya dudduba inda Tareeq ɗin ya tsaya, ya ji an tura k'ofar palon an shigo.

  Ajiyar zuciya ya saki ya koma ya zauna tare da zuba ma k'ofar idanu.

www.wattpad.com/iLubieee

Lubieee ce♡

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA! 

©Lubabatu Maitafsir

   December, 2016

{02}

Kusan minti biyar Alh. Badaru yana tsaye a wurin bayan tafiyarsu, sannan ya koma ciki. Da sauri-sauri ya fad'a wanka ya fito yana tsaka da shiryawa, ya fara k'walla kiran

"Hajja Fati. Hajja Fati."

"Tana wanka."

Zulaiha ta bashi ansa. Ya ja tsaki ya gama shirinsa, yana kokarin ɓalle links ɗin wuyan rigarsa, wayarsa wacce tun yana banɗaki ake kira, ta sake ɗaukar wani k'aran da ya sanya shi mik'a kai yana son gano mai kiran.

Ya ɗauki wayar ya danna, sannan ya buɗe hands free ya cigaba da abinda ya ke yi.

"Barka da asuba Yaya. Ya aiki?"

"Barka dai Khalid, ya gida?"

"Alhamdulillah. Kana gari kuwa?"

"Eh to, amma gani nan zan fita. Lafiya?"

"Lafiya lau. Dama akwai maganar da nike son muyi ne, zan zo yau in sha Allah."

"Sai ka zo ɗin. Amma ba lallai ka same ni ba gaskiya, dan ina da meeting mai muhimmanci."

"Ba komai, zan jira har ka dawo ɗin."

"To madallah."

  Daga haka suka yi sallama, ya ɗauki ɗan k'aramin trolley daya zuba kayan buk'atarsa, ko da kwana ya ka kama shi.

A shirye tsab ta fito itama gyalenta a kafaɗa, da alama fita zata yi, suka yi kiciɓis, ta dube shi ta k'ara duban jakar hannunsa  tana faɗar

"Sai ina kuma?"

Ya ajje jakar yana dai-daita zaman hularsa

"Muna da meeting yau 12:00am sharp, ban sani ba ko zan dawo ta gida idan mun tashi, ko kuma mu kwana can, a gobe ma haka dole mu wuce Abuja saboda taron Party na k'asa."

Kai ta rausayar, sannan ta juya idanunta.

"Hakan ma yayi, nima kasuwa zan fita akwai abubuwan da muke buk'ata."

  Bai ce kala ba ya ciro kudi ya kirga, ya mik'a mata, ta ansa ta saka a jakar dake sagale a hannunta, tare da juyawa ta fara taku zuwa waje, yayin da shima ya ɗauki jakarsa yana biye da ita.

  A palo suka tar da Mukhtar da Zulaiha, Alh. Badaru ya dube shi, yayi kicin-kicin da fuska yana ta faman hura hanci, shi a dole yana cikin ɓacin rai.

"Mukhee."

  Alhajin yayi kiransa, tare da sauke jakar yana dubansu, hakan yasa Hajja Fati ta dakata itama.

"Baka je school ɗin bane?"

Yana cika fuska ya fara nuna Zulaiha da yatsa

"Ga wacce ta ɓata mun rai nan, wallahi Baba ko ka mana tsakani da yarinyar nan ko kuma wata rana zan iya sumar da ita."

"Ya isa da Allah, tashi muje in sauke ka in wuce."

"Yasin ba zan je ba, ai ta ja ma makarantar ma kawai Allah."

  Zuciyar Alhaji Badarun ce ta motsa, ya juya yana kallon Hajja Fati

"Kin ga yaronki ko?"

"Nima nayi iyakar yina, tun safe ma suke faɗa babu wanda ya saurare ni cikinsu, ya kake so in mishi? Kanshi ya yi ma ai ba wani ba."

"Idan ka ga dama daga yau kar ka k'ara zuwa makarantar dan gidanku."

  Alhaji ya faɗa a faɗace, yana nuni da Mukhtar.

Gunguni ya fara mishi, ya juya yana yarfa hannu, yayin da shi kuma ya ɗauki jakarsa ya fice, Hajja Fati ta juya ta kalli Zulaiha

"Kice da Asabe ta tabbatar ta gama duk wasu ayyukan gidan nan da Allah, ta ba Ado driver abincin su Tareeq ya kai musu. A tabbatar dai an gama komai kafin in dawo."

"Zan faɗa mata."

  Daga haka ta fita, Mukhtar ya rufa mata baya, tayi inda motarta ke ajje, yayin da shi kuma ya isa ga Baban yana shafa kai, da alama kuɗi yake nema, duk kuwa da rashin annurin fuskarsa.

  Dubu biyar ya mik'a mishi, duk kuwa da abinda Mukheen yayi, bai sa mahaifinnashi jin haushinsa ba, asali ma shine yaro mafi soyuwa a birnin zuciyarsa. Ya tada motar ya fice, Hajja Fati ta rufa masa baya kowannensu ya kama hanyarsa.

             ****

Alhaji Badaru haifaffen garin Kaduna ne a cikin unguwar Tudun Wada. Gawurtaccen ɗan siyasa ne, wanda ya ɗaukaka daraja da mutuncin siyasarsa fiye da komai da ya mallaka a doron k'asa, daga ciki kuwa har da iyalinsa. Matarsa Hajja Fati 'yar Maiduguri ce, wacce suka haɗu a can Maidugurin lokacin da suka je wani taron siyasa shi da uban gidansa gwamnan Kaduna mai ci, a wancen lokacin.

  Ko da suka yi aure, Alhaji bai tsagaita daga yawace-yawacen siyasarsa ba, illa ma gaba da abin ya rink'a yi kasancewar girma da ya fara zuwa masa, hakan yasa ya k'ara k'aimi a harkar siyasartashi, ya zama wani zakaran gwajin dafi, mai faɗa a ji, a siyasar ta garin Kaduna, domin kuwa matsawar zasu fitar da gwaninsu, to da wuya su faɗi k'asa ba nauyi, abin nufi dole su lashe kujerar da suke kwaɗayi, ko da masoya kujerar sun tasan ma mutum hamsin.

  Wannan yasa Hajja Fati zama mace mai 'yanci a cikin gidanta, ta fara huɗɗa da manyan mata masu abincin gobe, hakan ne kuma yayi sanadiyyar karkatar da hankalinsu daga bayar da kyakkyawar tarbiyya ga yaransu guda biyar. 

  Zulaiha ce babba, mai shekaru goma sha tara wacce ta gama secondary school, sai Mukhtar mai bi mata, yana da shekara goma sha bakwai, wata mai tsayuwa zai cika sha takwas, yana SS2 zuwa SS3 Tareeq mai shekara goma sha ɗaya, yana JS1, sai Ahmad da Samahir masu shekaru huɗu da suke Kindergarten, wanda daga su Hajja Fati tace baza ta k'ara haihuwa ba.

  Rayuwar gidannasu rayuwa ce mai cike da 'yanci, rashin kwaɓa, da rashin tarbiyya. Hakan yasa kowanne yaro yake tata rashin mutuncinshi dai-dai da iyawarsa, babu wanda zai hana su kasancewar wani lokacin sai su kwashi sati ɗaya zuwa biyu ba tare da sun saka mahaifinsu a idanunsu ba, yayin da mahaifiyarsu kam bata damu da kula da yanayin da suke ciki ba ko kaɗan, ta ga damar ta fita tun safe, ba ita zata nemi hanyar gida ba sai taga dare ya kawo kai, duk kuwa da cewar ba aiki take ba, ba kuma sana'a ba.

  Khalid kanin mahaifinsu, shine ma ya kan zo ya kwashi 'yan kwanaki a gidan, shine kuma mutum ɗaya jal, da yake tsawatar musu, wanda hakan yasa ko alama Zulaiha da Mukhee basa k'aunar zuwanshi. Domin kuwa namiji ne mai tsare gida, wanda baya son wasa baya kuma son reni, haka kuma kaf dangin Alhaji Badarun babu wanda ya isa ya raɓe shi, shima Khalid ɗin dan Hajja Fati bata da yadda zata yi da shi ne, kasancewarshi wanda suka fito ciki ɗaya da Alhajin.

             *****

Karfe biyar na yamma yaran suka dawo a gajiye, kasancewar har islamiya a can suke yi, wannan ne ma ya taimaka musu wurin samun ilimin addinin, wanda da ba dan haka ba, da babu wanda ya san yadda rayuwartasu zata ida gurɓata.

Ahmad da Samahir ne a gaba, cikin murna suka isa ga Khalid da ke zaune a palon yana kallo. Cikin jin daɗi suke tambayar

"Uncle Khalid yaushe ka zo mana?"

"Tun kusan 4:00 twins, ina abokina?"

  A dai-dai nan Tareeq ya shigo, da gudu ya isa gabanshi, suka rungume, tare da jin daɗin ganin junansu. A take ya nemi gajiyar da ya shigo da ita ya rasa. 

"Uncle yaushe ka zo?"

"Ban daɗe da zuwa ba Tareeq, ya school?"

"Lafiya lau Uncle. Ina su Hajiya?"

"Suna nan lafiya, duk suna gaishe ku. Mukhee fa?"

Dan siririn tsaki Tareeq ya saki, 

"Baka ganshi ba? Ai bai ma je school ɗin ba yau. Barin cire uniform inzo in baka labari."

  Bai jira ansarshi ba, ya juya ciki da murnarshi, domin a duniya babu abinda yake k'auna irin ya ga Uncle Khalid ya zo gidannasu, ko ba komai shine kawai ke taka ma 'yan uwannashi birki idan suna wani abun. Shine kaɗai kuma da ke bashi cikakken lokacinsa tamkar shi ya haife shi. A wasu lokutan ma ya kan ji inama ace Uncle Khalid ɗin ne ya haife shi, ya tabbata da ya fi ko wanne ɗa sa'a a wannan duniyar.

  Yana shiga ta corridor ɗin da zai sada shi da ɗakunansu ya fara jiyo hayaniya daga ɗakinsu, take ya ji annurin fuskarsa ya ɗauke, dan ya tabbatar ba zai wuce Mukhee da lalatattun abokanshi ba.

  Ya ɗan saki tsaki a hankali, tare da k'ara mikewa zuwa ɗakin, ga mamakinshi yana shiga ya gansu zaune gaban tv sun tattara hankalinsa, wurin kallon alfasha,(subhanallah) gabansu da katuwar shisha pot wannan yana sha yana ba wannan.

  Cikin zafin zuciya ya isa yayi kwallo da pot ɗin, hakan ya dawo da hankalinsu gare shi, duk suka ɗago suna duban yadda fuskarshi tayi jajir, idanunsa cike taf da hawaye.

"Kai wane irin banza ne Dallah? Uban me haka zaka mana wurgi da abu?"

Mukhee ya mik'e a fusace, gadan-gadan yayi kan Tareeq wanda ke rik'e da school bag, yana shirin kai masa duka.

"Nooo please. Kyale shi Dallah Mukh, ba da kai yake ba, da mu yake dan ya ga mun zo gidansu ne yake neman raina mana hankali."

  Cewar ɗaya a cikin abokan, wanda da alama zai kai shekaru ashirin.

"Ka bar ni in koya mai hankali Sino, in banda iskanci ni sa'anshi ne da zai raina ni a cikin mutane haka."

"Share mana da Allah. Guys ku tashi mu wuce."

  Sino ya kara maimaitawa yana kallon sauran samarin biyu, waɗanda hankalinsu baya tare da su daga dukkan alamu.

  Suka mik'e suna ɗan tangaɗi suka wuce, Tareeq ya bisu da wani mugun kallo mai tattare da tsana, da kuma tsangwama.

  Dai-dai kunnenshi Sino ya matso

"You'll regret this T-boy."

Yayi 'yar dariya, tare da buga kafaɗarshi, suka fita a gidan baki ɗaya.

Nuna shi Mukhtar ya fara yi da hannu,

"Zaka sani yaro. Wallahi duk ranar da ka kara yi mun irin shirmen nan sai na fasa dogon bakinkan nan. Idiot."

Ya juya ya kashe tv, sannan ya bi bayan su Sino suka fito. A palo suka haɗu da Khalid, wanda da alama bai san da zuwanshi ba. Cikin wani sabon takaicin ya sakan mishi harara a kaikaice, dakyar ya iya cewa

"Sannu fa."

  Ya sanya kai dan bashi da buk'atar ansarshi.

Kai kawai Khalid ya jinjina, a zuciyarshi yana nema ma Mukhtar ɗin shiriya a wurin mai kowa da komai.

www.wattpad.com/iLubieee

Lubieee♡

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

   December, 2016

{04}

   Zulaiha ce ta shigo, a gaggauce Khalid ya mik'e yana kallonta, sanye take da bak'in _skinny jeans_, wanda ya samu wuri ya lafe a cikin jikinta, ya fitar da matashiyar surarta muraran a fili ana kallo. Bak'ar _t-shirt_ mai _turtleneck_ ta ɗora, sosai ta bayyanar da cikakkar halittar kirjinta, hannunta sagale da farar _hinge jacket_, wacce da alama a saman kayan ta ɗora ta, kafafuwanta lulluɓe cikin fararen _sneakers_, a kanta farin gyale ne, ta buga lafiyayyen daurin _turban_ wanda ya cika sosai, ya fito da yarinta da kuma asalin k'uruciyarta.

  Kallo ta bishi da, ganin yadda yake kallonta itama, a karo guda ya sauke ajiyar zuciya tare da gyara tsayuwarsa yace

"Daga gidan wa kike cikin daren nan Zulaiha?"

  Kallon da take yi mishi ne ya canja salo zuwa ga na wulakanci, ta juya idanunta tana turo baki, a karo guda tana gyara rik'on da ta yi ma jacket ɗinta tace

"To kai kuma me naka a ciki?"

"Aoh, haka ma zaki ce?"

  K'asa tayi da idonta ganin ya taho gadan-gadan yana nuna mata yatsa, ta san idan tayi wasa zai iya ɗauke ta da mari ba damuwarsa ba ce. A dai-dai nan Hajja Fati wacce hayaniyarsu ta fito da ita ta k'araso ta shiga tsakaninsu tana cewa

"A'ah Khalid, kar ka fara. Wai me yaran nan suka tsare muku a duniya da kuka ɗauki karan tsana kuka ɗora musu? Zan lamunci komai, amma kar ka kuskura ka ɗora hannunka kan yarana. Haka kawai. Wuce ki shige ciki ke kuma."

  Ta juya tana yi mishi kallon 'a haka zaka kare', ta wuce ciki, Hajja Fati ta rufa mata baya, suka bar Khalid da hannu a sage yana mai bin bayansu da kallo.

"DUNIYA ce."

  Ya faɗa a bayyane, a karo guda ya shafi tarin sumar kansa, kafin ya k'ara da cewar,

"TA FI BAGARUWA IYA JIMA!."

  A fusace ya zira takalmansa ya fita zuwa k'ofar gida. 

  Zaune ya samu Mal. Idi a bakin k'ofa, ya mik'a mishi hannu suka gaisa, sannan ya gyara tsayuwarsa yana mai cigaba da dubansa.

"Baka ga dawowar Tareeq ba da Allah?"

"Har yanzu bai dawo ba gaskiya, ni kaina nayi mamakin fitar tashi ma, dan da wuya ka ganshi waje a irin wannan lokutan."

"Wallahi fa, gashi har kusan awa biyu da fitarshi yanzu, kuma yace mun gidan ba wani nisa."

"Ina ne ya je?"

Mal. Idi ya tambaya tare da mik'ewa tsaye ya fara k'ok'arin buɗe k'ofa.

"Wai gidan su wani yaro abokin Mukhee, ko Deeni ne ko menene. Yaran nan dai abokanshi da suke shigowa."

  Yana biye da bayan Mal. Idi zuwa k'ofar gida yake wannan maganar.

"Ayya, Deeni? Can wancen titin da yayi haka, da ka mik'e, gida na hudu, nan ne gidansu."

"To barin duba in ga."

  Ya zuba hannayensa cikin aljihu ya fara takawa, sassanyan iskan da ke busawa yana ratsa sassan jikinshi, sai dai kuma zuciyarsa tayi bulaguro zuwa ga rashin natsuwa da kuma kwanciyar hankali.

  Wata mota ce ta taho a sikwane, hasken fitilunta ya taimaka wurin k'ara haskaka tsakiyar titin, daf da zata wuce gefenshi ya hangi mutum shimfiɗe a k'asa, bai k'arasa tantance gaskiyar lamarin ba, motar ta wuce fit, tare da tayar da yar k'aramar k'ura a saman titin.

  Gabanshi ne ya tsananta faɗuwa, yayin da ya ɗan k'ara sautin tafiyarsa, a takun da bai wuce goma ba ya isa wurin cikin matsanancin firgici da tashin hankalin ganin wanda ke kwance. 

"Tareeq!!!"

  Muryar Khalid cikin kakkausan amo ta furta, ya duk'a tare da birkito shi daga ruf da cikin da yake, idanunshi ɗaure da wani kyalle mai tambarin Gucci, wanda ya fi kama da _muffler_. A gigice Khalid ya shiga warware daurin, cikin kidimewa ya rataya kyallen a wuyanshi, ya kwance na bakin sannan ya dago shi da zumar wucewa da shi zuwa gida.

  Ihu ya saki ganin jini daskare jikin farin dogon wandon da ke jikinshi, hakan ya jawo hankalin Mal. Idi da ke tsaye k'ofar gida, kasancewar ba wata tazara mai nisa tsakaninsu.

"Ya mutu."

  A cewar Khalid lokacin da ya saki Tareeq ya zauna daɓas, zuciyarsa tana wani irin bugu fat-fat, tamkar zata fasa kirjinshi ta fito.

"Lahaula wala quwwata. Me ke faruwa haka? Me samu Tareeq ɗin?"

  Mal. Idi da ya iso a sikwane ya tambaya yana tattaba hannun Tareeq wanda bai san duniyar da yake ciki ba.

"Daure ka kama shi a kai shi asibiti Haladu, dubi halin da yaron nan ke ciki, da alama dogon suma ce yayi."

"Ya mutu Mal. Idi."

   Khalid ya faɗa a lokaci guda yana mai tallabar kanshi da ya fara sarawa da duk hannuwansa biyu. 

"Bai mutu ba. Da alama wani gagarumin abin ne ya same shi. Kama shi mu je."

  Dak'yar Khalid ya mik'e, ya saɓi Tareeq a kafada, suka iso k'ofar gida. Ya mik'a shi ga Mal. Idi yana fad'in 

"Kama shi in fito da mota Mal. Idi."

  Babu gardama ya kama shi, ya shiga ya fito da motarshi a kiɗime, dan kwata-kwata natsuwarshi bata tare da shi, har ya ma manta da batun Hajja Fati mahaifiyar Tareeq, wacce da alama bata damu da rashin dawowartasa da wuri ba.

  Mal. Idi ya shige baya yana rungume da Tareeq, yayin da Khalid ya tada motar suka ɗau hanya. Asibiti mafi kusa suka je, cikin gaggawa Khalid ya ɗauke shi zuwa ciki. Wata nurse ce ta iso da sauri, tana nuna masu wata k'ofa da ke hannun hagu, inda aka rubuta Emergency Room, Khalid ya shige, ya shimfiɗar da shi a saman gado. Birkito shi nurse ɗin tayi, a take ta fahimci halin da Tareeq ke ciki, hakan yasa ta fito daga cikin tent ɗin da yayi mata katanga da Khalid, ta juya tana dubansa.

"Baza mu taɓa shi ba sai ka kawo police report, ko kuma ka taho da police ɗin."

"What? But why?"

"He's raped."

  Daga haka ta juya ta wuce, tana mai jaddada mishi ya fita da shi idan ba zai yi ɗaya daga abinda ta umarce shi ba.

  Dukewa Khalid yayi, ya tallabi kanshi da hannuwansa biyu, wasu zafafan hawaye ya ji sun silalo ta gefen idonshi, tunawar da yayi da rayuwar Tareeq na gilgilwa ya sanya shi share hawayen, ya fito da sauri ya wuce police station.

  A hargitse ya shiga, ya bada jawabin abinda ke tafe da shi. Bayan 'yan cike-cike, da rubuce-rubucen jawabi, suka taho da 'yan sanda biyu, suka koma zuwa asibitin, sai kuma a lokacin Khalid ya fara k'ok'arin kiran mutanen gidan domin shaida musu halin da ake ciki. 

             ****

Wayar Mukhtar da ke jone jikin chaji ne tayi ɗan k'aramin k'ara, alamar shigowar sako, yayi saurin mik'a hannu ya ɗauka yana dubawa, hakan ya sanya shi sakin ɗan gajeran murmushi, tare fara rubuta ansa ya mayar ma sak'on.

  Cikin minti ɗaya ta k'ara beeping, ya karanta yana mai faɗaɗa murmushinsa, sannan ya ajje wayar, fuskarsa na bayyanar da farin cikin da ke mamaye da zuciyarsa.

  Bugun da ya juyo daga k'ofar ɗakinsu ne ya sanya shi mikewa, ya isa ya buɗe yana duban mahaifiyartashi da fuska a ɗaure, tamkar ba shi ya gama murmushi yanzu ba.

"Kaji wai Tareeq aka kai asibiti yanzun nan Khalid ya kira yana faɗa mun."

"Asibiti kuma? Me same shi to?"

"Ban sani ba wallahi. Tun ɗazu da na aike shi kiranka ina jin bai dawo ba, fito muje dai muji, sunan asibitin kawai ya faɗa mun, daga haka ya kashe wayarshi, na kira na kira bai ɗauka ba."

"God! Me faru da shi haka?"

  Mukhee yayi maganar yana mai zira takalmansa, fuskarshi na bayyanar da damuwa k'arara.

  Cikin 'yan mintoci suka isa asibitin, inda suka samu Mal. Idi da Khalid wanda ya kasa zaune, ya kuma kasa tsaye, illa kaiwa da komowa da yake ta yi a gaban ɗakin da aka shiga da Tareeq, bayan an gama gabatar da hujjoji a gaban polisawan da suka zo tare.

  Hotunan Tareeq suka ɗauka a yanayin da yake ciki, sannan kayan jikinshi da aka cire, aka saka su a leda mai haske aka mik'a musu, haka kuma suka shiga suka ɗauki hotunan raunukan da ya samu, sannan aka fara aikin ceton rayuwarshi. 

  Duk iya tambayar da Hajja Fati tayi dan son sanin me ke faruwa Khalid bai ko kalle ta ba, Mal. Idi ne ma ya kora mata jawabin a halin da suka samu Tareeq ɗin, hakan yasa taji gaba ɗaya jijiyoyin jikinta sun ɗaure, yayin da jinin da ke gudanyawa a cikin jikinta ya dakata na wucin gadi. Daɓas, ta zauna a ɗaya daga kujerun da ke girke, hakan ya ba Khalid damar cigaba da watsa mata hararar da yake yi, yana jin a duniya babu halittar da ya tsana irinta.

  Cikin matsanancin fushi Doc ɗin da ya anshi Tareeq  ya fito, a hanzarce Khalid ya isa gabanshi, yana tambayar yanayin mai jikin. Mukhee wanda tun labarin da Mal. Idi ya bayar kirjinsa ke dukan tara-tara, ya daure ya taka inda su Khalid ke tsaye, yana sauraren su.

"Doc ya jikin nasa?"

Shiru Doc yayi, amma fuskarsa ta kasa ɓoye fushin da zuciyarsa ke ciki, a lokaci guda ya mika file ɗin hannunshi ma nurse ɗin da ke biye da shi, ya cire farin glasses ɗin idonshi, ya ɗan fara takawa, sannan ya fara magana. 

"Alhamdulillah, an fitar da shi zuwa dakin Hutu."

  Har suka shiga ofishin likitan, suka zauna, amma bai kara cewa komai ba, haka zalika alhinin da ke kan fuskarsa, ya k'ara bayyana k'arara, hakan ya k'ara taimakawa wurin dagula lissafin Khalid wanda ya zauna jiki babu k'wari a ɗaya daga kujerun da ke girke gaban teburin likitan.

"What's wrong with him please?"

  A hankali Doc ya sauke hannunsa daga kan haɓarsa da ya tallaba, ya ɗago a tsanake yana duban Khalid.

"He's raped. Kuma alamu sun nuna ba mutum ɗaya ba ne yayi amfani da shi."

"WHAT? Rape? Damn't!"

  Mukhee da ke tsaya ya faɗa tun k'arfi, yana girgiza kai, yayin da Khalid ya dafe kanshi, yana ambaton kamar

"La ila ha illallahu, wahdahu la shari kala, lahul mulk wa lahul hamd, wa huwa ala kulli shai'in qadir."

  Duk da kasancewar ya san damuwar ta Tareeq, amma jin ba ma mutum ɗaya bane yayi amfani da shi, ya k'ara jefa zuciyarsa cikin ruɗani. 

  Hajja Fati wacce ke tsaye bakin k'ofa tana saurarensu, ta silale ta zauna daɓas, bugun kirjinta na daɗa karuwa, tana son tuna a wacce duniyar ta ke ciki. 

"Me hakan ke nufi?"

Ta tambayi kanta, zuciyarta na harbawa, cikin gaggawa.

"He will be fine in sha Allah, and mun yi duk wasu gwaje-gwaje, luckily enough baya auke da ko ɗaya daga STDs (Sexual Transmitted Diseases), illa ciwuka da ya samu wanda muka riga muka ɗauki hotunansu, kafin mu fara aiki, yanzu haka suna hannun police."

"Thank you, thank you Doc. Nagode sosai."

  Khalid ya mik'e yana bashi hannu, amma da alama zuciyarsa bata tare da shi, idanunsa sun kaɗa sunyi wani irin ja, mai ban tsoro.

"Ina mamakin duniyar da muke ciki."

  Likitan wanda ya mik'a hannunshi ma Khalid ya faɗa, fuskarsa babu walwala, sannan ya cigaba.

"Cikin wannan watan, mun samu irin case ɗin nan ya kai guda shidda. I don't even know who to blame. Yaran ne ko kuma iyayensu? But don't worry, in sha Allah, Allah zai tona asirin waɗanda suka yi mugun aikin nan."

  Jinjina kai Khalid kawai yayi, shi kadai ya san kudirin da ke ranshi, kamar yadda yake jin babu wanda ya kai shi jin bakin cikin da yake ji a k'asar zuciyarsa.

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

   December, 2016

{05}

Inspector Khamis wanda ya kasance mai duty a ranar da al'amarin ya afku, ya kai duba ga Khalid da ke zaune gabanshi yana tambayar

"Menene alak'arka da yaron?"

"D'an yayana ne."

Ya bashi ansa. A karo guda ya k'ara tambayar

"Ko zaka iya sanar da mu abinda ya faru, da kuma yanayin da ka ganshi kafin ka kawo shi asibiti?"

Babu gardama Khalid ya zayyana mishi komai, tun daga fitar Tareeq, har izuwa lokacin da ya same shi kwance a gefen titi, yayin da d'ayan d'an sandan da ke gefe yake rubutawa ko wane jawabi na Khalid a tsanake, sannan ya d'ago yana fad'in

"Zamu neme ka zuwa wani lokaci."

Ya mik'e ya shige ofishin likitan, inda ya k'ara jin jawabai daga bakinshi nan ma. Ya kuma tambayar ainahin yadda suka ga yanayin na Tareeq, da raunukan da suka samu a jikinshi. 

"As you can see, ba mutum d'aya ba ne yayi wannan aika-aikar Officer, a binciken da nayi, semen din mutum biyu na gani a jikinshi. Komai dai gashi nan a rubuce, zaku iya amfani da wannan."

Ya mik'a mishi file mai d'auke da fararen takardu. Yasa hannu ya ansa ya dan duba sama-sama, kafin yayi mishi godiya ya fita, a cewarsa, zasu dawo zuwa safe, domin jin ta bakin Tareeq.

  A ranar yadda Khalid ya ga rana, haka ya ga wannan bak'in dare mai cike da abubuwan al'ajabi da tashin hankali. Hajja Fati kam ta rasa menene abin yi, bata iya k'wak'k'waran motsi, hankalinta ya gama tashi a yanayin da ta ga Tareeq d'in, yayin da a k'asar zuciyarta take jin wani abu mai kama da na sanin rashin tsayawa ta kula da rayuwar yaranta. Sai dai abinda bata sani ba shine, abin kukan na gaba.

  Layin Alh. Badaru ta sake kira wanda yake a kashe tun zuwansu asibitin, har kuma a yanzu bai bud'e wayar ba, hakan yasa ta saki wani kuka marar sauti, wanda ta rink'a jin hawayensa na 6ul6ulowa daga k'asar zuciyarta.

 

             *****

Razanannen k'aran da Tareeq ya farka da, shi yayi sanadiyyar jan hankalin Khalid da ke alwala a bandakin da ke cikin d'akin. Da gudu ya fito, ya ganshi dafe da idanunsa, jikinsa na kyarma, kadan ya rage ya fad'o daga saman gadon da yake kwance. 

"Subhanallahi. Tareeq, me kake yi haka?"

Ya kama shi yana shirin kwantar da shi, a take abubuwan da suka faru suka shiga dawowa a zuciyar Tareeq, hakan yasa ya shiga kwace jikinsa, yana fad'in

"Dan Allah kuyi hak'uri, wallahi ba zan k'ara ba."

Idanunsa a kulle gam-gam, fuskarsa na bayyanar da asalin tsoron da zuciyarsa ke ciki.

"Nine Tareeq. Bud'e idonka ka ga, Uncle Khalid ne."

Amma ina, hankalin Tareeq baya tare da shi, ihu yake yana zillewa, a cikin duhun idanunsa yana ganin tamkar abinda ya faru da shi ne zai kuma faruwa, har sai da Khalid yasa hannu ya rungume shi a jikinshi, yana shafa sumar kanshi a hankali yana fad'in

"You're safe my boy, it's your Uncle."

  Sautin kukan da suka ji a gefensu ne yasa Khalid kai dubanshi wurin, Mukhee ya gani ya durkushe yana wani irin kukan bakin ciki, daga bisani ya share hawayensa, ya mik'e fuskarsa a murtuke ya ciro wayarsa ya danna wata number, sannan ya fita.

  Fitarshi ke da wuya, Hajja Fati ta shigo, ko kallonta Khalid bai yi ba, ya kwantar da Tareeq, ya fita domin kiran likita. Mukhee da ke waya, yana ganin fitowar Khalid, yayi gaggawar datse wayar, ya jefa ta aljihu, ya juya yana ciccika fuska. Cikin rashin fahimta Khalid ya dube shi, daga bisani ya girgiza kai, sannan ya wuce zuwa ofishin likitan.

Ko da likita ya zo babu yadda bai yi da Tareeq kan yayi magana ba, amma ya kasa. Har kuma a yanzu idanunsa a kulle suke, ya kasa bude su, balle ma ya gane mutanen da ke tsaye gabansa. 

  Da hannu likitan yayi ma Hajja Fati alamar ta isa ga Tareeq ta lallashe shi, a tunaninshi hakan zai taimaka wurin samun natsuwarshi, har ma a samu ya fad'i abinda ake son ya fad'a. Sai dai bai sani ba babu wannan shakuwar ta d'a da mahaifi, a tsakanin Hajja Fati da dukkan yaranta. 

  Wani tattausan hannu ya ji, ya kama nashi hannun, a karo guda ta rungume shi zuwa kirjinta, hakan yasa ya fahimci ba kowa bace, bayan mahaifiyarsa. A tsawon shekarunsa, ba zai iya tuna sadda jikinshi ya had'u da nata ba, ba zai iya tuna lokacin da ya samu natsuwa daga mahaifiyartashi ba. Shiru yayi, yana mai sauke ajiyar zuciya, har kuma yanzu bai bud'e idanunnashi ba.

"Bud'e idonka kaga."

Likitan ya fad'a tare da zama a gefenshi, 'yan sandan da suka shigo, suma suka samu gefe suka tsaya, sai kuma Mukhee da ke raku6e can a bakin k'ofar fita.

  Kai ya girgiza, alamar ba zai bud'e ba. Likitan ya kama hannunsa da murmushi a kan fuskarsa, duk da cewar Tareeq d'in ba kallonsa yake ba.

"Kana jin ciwo a wani wuri ne?"

Hakan bai sa Tareeq yayi magana ba, har sai da likitan ya dora hannunsa a gefen fuskarsa, sannu a hankali ya fara shafa saman idonsa, a karo guda Tareeq ya saki k'ara, wanda ya sanya likitan sauke hannunsa cikin gaggawa. Kuka Tareeq ya dinga yi yana sauke ajiyar zuciya, haka kuma babu tambaya daya da ya ansa daga duk wasu tambayoyi da likitan ya masa, har ma da wanda 'yan sanda da suka shigo suka mishi su ma. 

  Ganin wankin hula na shirin kai su dare, yasa duk suka fito, da zumar zasu dawo zuwa wani lokacin.

"Su kuma 'yan sandan can me zasu dawo yi?"

  Hajja Fati tayi maganar tana kallon Khalid fuskarta babu walwala.

Kamar ba zai ansa ta ba, sai kuma ya daure yace

"Suna son su samu hujjojin da zasu had'a su tura kotu ne."

"Ko me?"

Idanunta a zazzare ta tambaya tana kallonshi.

"Kotu mana. Ko kina zaton wanda yayi aikin nan zai tafi a bati?"

"Baka isa ba Khalid. Kamar yadda suma basu isa su kara tako da k'afarsu cikin d'akin nan ba. Mu zaka tona ma asiri? Wallahi baza ta sa6u ba. Haba, wannan abun kunyar har ina? To wai da sa hannun waye zasu kai maganar kotu ma?"

  Ta wuce da gaggawa tana k'ara kiran Alh. Badaru, cikin rashin sa'a har zuwa yanzu wayar tashi a rufe take ruf, bata 6ata lokaci ba ta fara tura mishi sakon da ta san matsawar ya ci karo da shi, hankalinsa ko yayi dubu dole ya tashi, haka kuma dole ya bar duk abinda ya ke, ya shigo Kaduna a yau din nan. Ta 

koma ta fara kaiwa da kawowa a k'ofar d'akin, domin baza ta ta6a yarda da wannan mugun abun kunyar ba. Taje kotu tace an yi ma d'anta fyade? Ita kuma tana ina a lokacin?

"Kai ba fa zata sa6u ba."

Tayi maganar a bayyane, sannan ta wuce cikin d'akin.

  A d'age ta shigo tana kallonsa, hakan yasa shima ya bi ta da kallon da ya fi yanayi da na wulakanci, har ta isa ta zauna a doguwar kujera mai cin mutum uku, wacce Mukhee ke zaune, kanshi a k'asa ya had'a hannayensa ya tallabi ha6arsa, da alama bai san wainar da ake toyawa ba saboda tsabar nisa da yayi cikin tunani.

"Tareeq dai ni na haifi abuna, dan haka ina mai baka shawarar ka gaggauta tattara ya naka ya naka ka bar mun d'ana, dan wallahi baka isa ka tona mana asiri a bainar jama'a ba Khalid. Shin wai aje kotu ace me? Ace mun kasa tsayawa mu kula da shi har ta kai ga an mishi fyade? Ai wannan babban abun kunya ne, daga nan kowa zai rink'a yi ma yarona gani-gani. To wallahi bazan dauki wannan cin kashin ba. Bari Alhajin ya zo."

  Duban da yake mata yanzu, duba ne irin wanda aka fi yi ma mahaukatan da haukansu bai kankama ba, sa'annan ya maida hankalinsa ga kofin shayin da ya gama ba Tareeq da ke hannunsa. Ya ajje saman d'an teburin da ke gefensu, sannan ya juya yana mai k'ara fuskantarta. Kamar zai yi magana, sai kuma ya tuna da koma meye zai fito bakinsa, ba lallai ya zamana mai dadi ba, haka zalika ba zai juri gaya mata magana a gaban yaranta ba.

   Misalin sha d'aya saura na dare Alhaji Badaru ya fito daga tangamemen d'akin taron da suka gama gudanar da muhimmun taron jam'iyyarsu ta ADP. Hularsa ya cire, tare da gyara zaman babbar rigarsa, a sa'a guda yana mai k'ok'arin fito da wayarsa da ke cikin aljihu, wacce ya manta rabon da ya kunna ta, saboda tsabar shagaltuwa da yayi ga abubuwan da suka fiye mishi komai muhimmanci.

  Bayan ya ansa wayar wata bak'uwar number da ta shigo, ya kashe yana 'yar dariya, kasancewar ya gane mai kiran, a karo guda sakon Hajja Fati ya shigo, da mamaki yake kallon sakon, domin ba al'adarta bace tura sako, a zahirance ma, ba zai iya tuna rabon da suyi musayar sakonni ba, in ko har zai tuna, to baya wuce kafin suyi aure, lokacin suna saurayi da budurwa.

  Da haka ya bud'e sakon, har sai da zufa ta yayyafo masa bayan ya gama karantawa. Kugunsa ya kama da hannu d'aya, yana firfita fuskarsa da hular da ke d'ayan hannunsa, ya kalli agogon wayarsa, karfe sha d'aya har ta buga da 'yan mintuna, ya kuma tuna da taron da suke da shi a gobe karfe goma na safe, a lokaci guda ya k'ara kallon sakon Hajja Fati, bai jira komai ba ya yanke shawarar shiga mota ya tada, a lokaci guda ya d'auki hanyar Kaduna, a cewarsa, zai yi k'ok'arin dawowa a gobe kafin lokacin taronnasu.

www.wattpad.com/iLubieee

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

©Lubabatu Maitafsir

   December, 2016

{07}

  Wasa-wasa sai da 'yan sanda suka jera kwana ukku suna zarya asibitin, duk da artabun da suke sha da Hajja Fati, kan baza suyi magana da yaronta ba, hakan bai sa sun dakata da zuwa a kowacce rana ba, har kuma inda yau take, babu Alhaji, babu labarinsa, muhimman tarurrukansa, sun sha masa kai fiye da tunanin mai tunani.

  Babban abinda ke ɗaga hankalin 'yan sandan, bai wuce yadda zasu ɓata lokaci suna jera tambayoyi ma Tareeq ba, amma cikin ikon Allah, ya kasa fuskantarsu, balle su saka ran samun ko da k'alilan ne daga ansar tambayoyinnasu.

  Yau ma kamar kullun suka shigo ɗakin da sallama, cikin sa'a babu kowa sai Khalid da ke shingiɗe yana duba wata _fashion magazine_ da ma'aikatan asibitin su kan ajje a ɗakunan majinyatan, Inspector Khamis tare da abokin aikinsa mai suna Sergeant Buba suka isa tare da mik'a hannu ma Khalid.  Bayan 'yar gajeruwar gaisuwa, suka nemi wuri suka zauna a gefensa, daga bisani Khamis ya mike da murmushi, ya isa ga Tareeq, yana mai dubansa cikin tausayawa, kasancewar har zuwa wannan lokacin, hankalin yaron baya tare da shi, hakan ya kara k'aimi ainun, a zuciyar Khamis, na son samun wani k'wak'k'waran abu, wanda zasu iya aika shi ga ministry of justice.

  Yayin da ta ɓangaren Tareeq, ganin kallon da Khamis ke masa, ya sanya shi gaggawar runtse ido, ko alama baya son ganin mutanen nan, uwa uba, baya k'aunar tambayoyin da suke tsare shi da su, domin kuwa basa k'arinsa da komai, face fami da suke yi ma zuciyarsa, na abubuwan da suka faru da shi. 

  Zama Khamis yayi, yana mai faɗaɗa murmushinsa,  domin a cewarsa yau duk yadda za ayi, sai Tareeq ɗin ya sanar mishi ko da kaɗan ne daga abinda ya wakana a ranar da aka kawo shi asibiti. 

  Hannunsa ya kama yana ɗan shafawa a hankali yana faɗin

"Tareeq ya jikinnaka?"

  Ido ya zura masa yana kallonshi, sannu a hankali ya fara zare hannunsa daga nashi, daga bisani ya juya masa baya.

"Haba abokina. Wai ko baka son abotar da ni ne? Kullun fa sai na zo, amma ko kallona baka yi. Haba Tareeq. Kalli nan kaga"

Khamis ya faɗa lokacin da ya zagaya gabanshi ta ɗayan ɓangaren da ya mayar da kansa, yayi maganar da laɓɓaansa k'unshe da murmushi, yana mai ɗaga farar ledar Mr. Biggs, mai ɗauke da burger da shawarma, waɗanda Khalid ya shaida masa sun kasance ababen so a wurin Tareeq ɗin. 

  Shiru yayi yana dubansa, sai dai tsananin tsoron da ke cikin zuciyarsa, ba zai taɓa bari ya sanar da su abinda suke son sani ba.

  Ya runtse ido yana son kaucewa tunanin da ke kawo farmaki a zuciyarsa, inda ya tsinkayi muryar Khamis da ke mik'a masa shawarma yana faɗin

"Zaka iya tuna abinda ya faru ranar laraba bayan kun dawo daga makaranta?"

  A take hotunan abubuwan da suka wakana a ranar suka dinga sintiri cikin k'wanyarsa, a lokaci guda ya saki wani irin kuka, wanda sautinsa baya fita sosai, yana jin tamkar tashi ta kare a wannan duniyar. Tsananin tausayinsa ne ya kai ziyara a zuciyar Khamis, ya tabbata haka duk wani bil adama da ya tsinci kansa a yanayin da Tareeq ke ciki yake ji, haka yaran da aka yi wa fyaɗe suke ji, waɗanda basu ji ba, ba su gani ba, haka ake dasa bakin ciki, tsoro, da firgici a kasar zukatansu, wasu daga nan shikenan sai su koma wasu mutane na daban, sanadiyyar ɗaukewar walwalarsu, yayin da wasu kuma hakanne ke yin sanadin buɗe hanyar lalacewarsu. 'Me zai sa ba zai taimaki mutane irin Tareeq masu bukatar taimako ba? Me sa iyayensa ke son ɓoye wannan mummunan al'amarin da yake barazana da hankali da tunanin yaronsu? Dole su samu hanyar da Tareeq zai yi magana, ko dan ayi komai a gama cikin kankanin lokaci.'

  Surutan da ya rinka yi a kasar zuciyarsa kenan, daga bisani ya kama hannunsa, yana mai bubbuga bayansa cikin sigar lallashi ya fara magana.

"Kada ka ji tsoro Tareeq, babu wanda zai k'ara yi maka abinda aka yi maka, ni zan tsaya maka, ga Uncle Khalid, shima zai tsaya maka. Zamu kama duk wanda yayi wannan abun, zan kaishi gaban alkali ya bi maka hakkinka. A yanzu taimako ɗaya zaka mana, ka faɗa mana ko da kaɗan ne daga abinda ka sani. Ka ji?"

  Wannan bai sa Tareeq ya tsagaita da kukansa ba, haka Khamis ya cigaba da magana cike da lallashi, Amma sai ya zamana tamkar yana ingiza zuciyar Tareeq ɗin ne, a k'arshe suka fito jiki babu k'wari, zuciyarsa babu daɗi, yana jin tamkar babu nasara a abunnasu. 

  Hak'uri dai Khalid ya k'ara basu, yana mai jaddada masa zai cigaba da bashi tasa gudunmawar har zuwa yadda hali yayi. Suka masa sallama, suka kama gabansu.

  A gaba ɗaya wunin ranar al'amarin Tareeq jagulewa yayi, ga shi dai a zuciyarsa yana son sanar da 'yan sandar amsar tambayoyinsu, sai dai idan ya tuna azabar da ya sha a hannun mutanen da suka keta haddinsa, sai ya kasa, ya ji tamkar zasu ruɓanya masa ne a wacce suka mishi a baya. Haka Khalid yayi ta faman lallashi, haka kuma Tareeq ɗin ya k'i yarda ko nan da can ya matsa, ya kama hannunsa ya mak'ale yana sauke ajiyar zuciya.

  Har dare haka suka wuni, sai wurin sha ɗaya sannan bacci ya sace shi, a gefenshi Khalid ya shingiɗa, shima bacci mai nauyi yayi awon gaba da shi.

"Ku yi hak'uri. Ba zan k'ara ba. Kuyi hak'uri dan Allah."

  Muryar Tareeq cikin tsananin kuka yake magana yana jujjuya kansa, ko ina a jikinsa mazari yake yi, ya kama hannun Khalid karkadam ya rik'e, baya da niyyar sakinsa.

  A hankali ya farka yana dubansa, baiyi wata ba ya zare wayarsa ya danna _recoding_ jin yana ambaton wasu kalmomi masu kama da sunayen mutane.

  Ya ɗauki kusan minti biyar cikin wannan hali, kafin ya saki kuka mai k'arfi, wanda ya sanya Khalid rungumesa, yana zubar da hawayen shima, ya kashe _recording_ ɗin, ya jefa wayar aljihu.

          

              ******

Misalin takwas da wani abu na safiyar washe gari su Hajja Fati suka shigo ita da Zulaiha, har suka zauna amma bai ga Mukhee ba, yau kusan kwana ukku kenan rabon da k'afarsa ta taka asibitin.

  Ba tare da ya tambaye su dalilin da ya hana shi zuwa ba ya mik'e, dama Allah-Allah yake su zo, domin ya samu hanyar fita zuwa ofishin 'yan sanda. A tsaitsaye suka gaisa da Hajja Fati, ya wuce tana mai binshi da kallon tuhuma, a zuciyarta bata aminta da fitartashi ba da sassafen nan, haka suka shiga suka zauna jigum, kasancewar har a lokacin Tareeq bai farka ba.

  Yana fita inda yayi parking motarsa ya isa, tunda suka zo asibitin yau ce rana ta farko da zai fita, kayan sawarsa ma a boot ɗin motar suke, dama tunda yaje gidan bai fitar da su ba. Ya shiga ya ɗauki hanya, zuciyarsa na azalzalarsa, yana rokon Allah yasa k'arshen wahalarsu kenan.

  A dai-dai junction ya ga mai siyar da kati, ya mik'a masa dubu ɗaya ya bashi, kafin a basu hannu su wuce, ba tare da ya duba kujerar da ke gefensa ba ya ajje katin, da canjin da aka bashi, a karo guda aka basu hannu, ya fisgi motar, cikin 'yan dakiku ya iso ofishin yan sandan.

  Cikin rashin sa'a Inspector Khamis bai kai ga isowa ba, hakan yasa ya koma cikin motar da zumar ɗaukar katin da ya siya ya loda, domin ya kira shi a waya.

  Cak idanunsa suka tsaya kan _muffler_ dake ajje a kujerar gefenshi, yana kallonta yana son tuna inda ya same ta.

"Oh Allah!"

  Ya faɗa a bayyane, yana mai loda katin cikin gaggawa, ya kira Khamis wanda ya shaida masa yana gaf da station ɗin.

  Hamdala ya dinga yi, a cewarsa wannan _muffler_ ma wata hujja ce, matsawar aka kama mutanen da Tareeq ya dinga kira cikin baccinsa, a wani ɓangaren yana tunanin tamkar ma ya taba ganin wani da _muffler_ ɗaure a wuyansa. A hasashen zuciyarsa ma, a nan kusa-kusa yake tunanin wanda ya taba gani da ita.

www.wattpad.com/iLubiee

_This page goes to My Niece (Mudassara Mahmoud), Yasmeenah, Aunty Karofee and Aysha Zubayr. Thank you guys so so very much, I'm much grateful for the support, and encouragement. And I love y'all my people♡♡♡_

Read More

Share this

WhatsApp