SAMIMI (MACIJIYA CE) Page 11 to 20

Tsakar tare ta miƙe ta hura wuta ya kama sosai ya yi jan garwashi, wani garin magani ta ɗauko ta bula akan wannan gaushi, nan wani haske ya bayyana a cikin dakin, wasu maganganu Asabe ta hau fadi gami da ambatar sunan Samima.

Samima dake bacci ta ji kamar ana mitsininta, a firgice ta farka ta hau juyi bakinta na fitar da kumfa, ihu take yi sabida azabar da take ji, kamar ana gasa mata ƙashi da fatar jikinta, ihu take yi tana murƙususu, zuwa wani lokaci ta galabaita ta fara ficewa daga hayyacinta, wani razananniyar kara ta kara sakewa wanda ya yi sanadiyyar farkawar iyayenta daga bacci suka tashi suka fito a razane, bude kofar da zasu yi suka ga wani zureriyar wutsiyar maciji tun daga bakin kofar, Ihu Umma ta saka ganin Samima tun daga kugunta abun da ya yi kasa ba mutum bace, cikinta abun da ya yi sama su ne mutum, Baba salati ya fara ya ma rasa me zai yi, sunan Samima ya ambata wacce bata san a wace duniyar take ba, ga b'arin da jikinsu ke yi, sun kasa karasowa inda take, a dayan bangaren kuwa Asabe tana kan zuba surkullenta tana ganawa Samima azaba, wani ihu Samima ta sake sakara nan take fatar hannunta ya fara sabulewa, tashin hankalin dasu Umma suka shiga abun ba a magana, nan take Samima ta yi wani juyi da gurnani inda ta koma wata katotuwar macijiya ta tumbatsa ta yi kan iyayenta, rufe ido Umma ta yi domin har ta sadakar kawai, da sauri Baba ya ja Umma sannan ya datse Samima a daki, parlour suka fito da Umma rungume a jikinsa, ɗagota ya yi ya ga ashe ma ta suma ne, ya rasa yadda zai yi, ga shi ba abun ya fita neman taimako ba, ga yarsa a daki ta koma macijiya ga matarsa ta suma, kuka ya saka mai ban tausayi ya fuskanci gabas ya kifa goshinsa a ƙasa yana ci gaba da kuka.

🍀🍀🍀🍀🍀🍀🍀🍀🍀🍀

A lallaba. 

Sai Allah ya kaimu. 🏃🏻‍♀️🏃🏻‍♀️

UMMU AHLAN TAKU CE👍🏻

[02/09 à 08:45] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA HUƊU. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_YA ALLAH KA BARMU DA MASOYAN'MU 🥰🥰 WALLAHI MASOYA DADI GARESU, INA ALFAHA DAKU MASOYANA, KU CI GABA DA SHARHI DUK INA BIYE DAKU, KARKU GA BANA REPLY ABUBUWA NE SUKA MIN YAWA, AMMA KU SANI SHARHI DA SAKONNIN KU SUNE KARFIN GUIWATA HAR NAKE SAMBAƊO MUKU LITTAFIN SAMIMA, AHA MASOYANA INA GODIYA FA IRIN SOSAI DIN NAN, ALLAH YA BAR KAUNA SON SO DOMIN ALLAH_* 🥰🥰

🍀🍀🍀🍀🍀🍀🍀🍀🍀🍀

Addua Baba ke yi yana kuka sosai har izuwa karfen ukun dare, yana jin buge-bugen Samima a cikin daki, amma ba abun ya budeta ba, har wajan gefen asuba kafin ya miƙe da kyar ya ɗauro alwala ya tada Sallah yana gayawa Ubangijinsa da ya kawowa ɗiyarsa dauki, sanyin asuba ne ya farfaɗo da Umma, a firgice ta farka ta cakumi Baba tana cewa "Baban Samima, ina Samima? Ina ƴata?" hanyar daki ya nuna mata, ta tashi da sauri, shima cikin hanzari ya riƙota yana girgiza mata kai alamun karta je, sannan ya umarceta da tayi alwala, jiki ba kwari ya do shi hanyar toilet, bayan tayi suka tada sallah, nafila suke yi babu tsagaitawa, har aka yi asuba, sannan Baba ya ja su suka yi,dan ya ma kasa fita zuwa masallaci, nan suka zauna su na lazimi har garin Allah ya waye, misali karfe bakwai da rabi Baba ya ji wayarsa na ruri a daki, ya kalli Umma ya ce "Zulaiha ɗauko min wayata" tashi Umma ta yi jikinta duk ba kwari, dan hankalinta yana kan Samima, dan bata san a wani hali take ciki ba, ɗauko wayar ta yi ta duba ta ga Nuren ne ke kira, kawo masa ta yi ta ce "Nuren ne" karba Baba ya yi, ya ɗaga wayar Nuren ya masa sallama gami da gaishesa, amsawa Baba ya yi murya a raunane daga ji kasan muryar wanda yasha kuka har ya godewa Ubangijinsa ne, Nuren ya ce "Baba, wallahi jiya ban iya bacci ba, ban san me yasa ba, ina Samima?" Nuren ya tambaya, nan hawaye ya shiga wankewa Baba fuska cikin muryar kuka Baba ya ce " jiya mun ga tashin hankali Nuren, jiya naga masifa ido da ido, da badin karfin imani ba, inaji da na zauce Nuren" cikin kuka Baba ya bawa Nuren labari, sannan ya kara da cewa "ina gani yarinyata ta rikiɗe a gabana ta koma Macijiya!!" a firgice Nuren ya miƙe ya zari car keys dinsa yana cewa "Innalillahi wainna ilayhirrajiun!! Baba yanzu ina Samiman? Ina dai bata fita ba ko?" 

"Nuren nima ban sani ba, dan bamu kara bude dakin ba"

"To Baba karku buɗe gani nan zuwa" ya katse wayar sannan ya fito ya shiga motarsa, tun kafin ya data motar ya fara dannawa mai gadi horn ya bude masa gate, yana daukar tiri ya dannawa Suhail kira, sai da ya yiwa Suhail kira uku ana hudu ya dauka cikin magagin bacci Suhail ya ce "Nuren lafiya kuwa?"

 Nuren ya ce "ka fito kofar gida zan daukeka yanzun nan, gani nan kusa da gidanku" bai jira amsar Suhail ba ya katse wayar, da kyar Suhail ya miƙe ya zari jallabiyarsa ya saka ya fito, fitowarsa ya yi dai-dai da tsayawar motar Nuren " shiga muje" Nuren ya fada yana budewa Suhail mota.

"To ina zamu je kuma haka da sassafen nan Nuren?" 

"Gidan su Samima"

"Yin me? ba Malam ya ce muje da rana bane?, ko dai ya canza ne?" 

A wannan karon Nuren bai samu damar ba wa Suhail amsa ba, ban da ɗibar titi da yake yi, cikin mintuna sha biyar sai gasu a kofar gidansu Samima, su na isa a hargitse Nuren ya fito daga mota ya b'urma gidan, Suhail na biye da shi a baya, su na shiga parlour suka samu Umma da Baba zaune ko wannensu da hannu a kumatu sun rafka tagumi, Nuren ya ce "tana dakin har yanzu?" hannu Baba ya ɗaga a sanyaye alamun basu sani ba, Nuren ya ce "ina zuwa bari na duba" a razane Suhail ya ce "wai menene?" Umma ta ce "Samima ce jiya ta koma macijiya" wani wawan tsalle Suhail ya yi zai zura da gudu, cikin zafin nama Nuren ya cafkosa ya mai dasa kujerar da ya tashi yana galla masa harara, nan take Suhail ya fara goge gumi, Nuren ya wuce a hankali yana addua yana tura kofar dakin Samima gabansa na faduwa har ya gama bude dakin, can kasa ya sameta zaune kusa da toilet ta haɗa kai da guiwa tana ta faman rusan kuka, da sauri Nuren ya karasa gareta yana cewa "Subhanallahi!! Ƙanwata!! Samima!!? Me ya saka ki kuka? Wa ya tabamin ke?" ya durkusa a gabanta ba tare da yana jin tsoronta ba, ga jikinta duk a yakushe kamar an yaguneta, rinannun idanuwanta ta ɗago ta kallesa ta ce "YAYANA, da gaske ya tabbata cewa ni ba mutum ba ce? Ni macijiya ce?" Nuren bai san lokacin da yasa hannu ya jawo Samima jikinsa ba, wasu zafafan hawaye suka hau wanke masa fuska, sosai Samima ke kuka a jikin Nuren, dan kuwa a jiya ta ga lokacin da kafafunta suka miƙe sambal, suka koma zureriyar wutsiyar maciji, a parlour jin shuru yasa Baba cewa " anya lafiya kuwa? naji Nuren shuru? Kai bari dai mu duba kar wani abu ya samu dan mutane" Baba ya kalli Suhail ya ce " ka zauna bari na duba na ga ko lafiya" jinjina kai kawai Suhail ya yi, yana goge zufar da yake wanke masa fuska, Umma ta miƙe ta ce "muje tare" Baba ya ce " a'a Zulaiha ki jirani" a raunane ta ce "ni fa Uwa ce, ba zan iya jurewa ba" jinjina kai Baba ya yi, sannan ya yi gaba Umma ta bi shi a baya, har sun kai jikin kofa zasu bude sai ga su, su kuma suna shirin fitowa, Umma na ganin Samima ta yi saurin rungumeta, suka saki kuka mai ban tausayi da tsuma zuciya a tare, sosai Umma da Samima suke kuka, babu wanda ya hanasu sai da suka yi mai isarsu sannan suka yi shuru, Nuren ya ce " "BABA, UMMA, ina ga kawai yanzu ku shirya bari muje muma mu shirya sai mu dawo mu wuce gidan Malamin Abbana" suka amsa masa da to, sannan ya kalli Suhail ya ce "muje ko?" da sauri Suhail ya miƙe suka fice, sai da ya fara ajiye Suhail a gida sannan ya wuce gida, bangaren iyayensa ya fara shiga ya same su dukkansu zaune a dinning table su na breakfast, har kasa ya duƙa ya gaishesu suka amsa masa cike da kulawa, Momy ta ce "Nuren, ina kaje ne da sassafe?" zama ya yi kusa da kujerar da take zaune fuskarsa dauke da damuwa ya ce "gidansu Samima" nan ya labarta mata halin da ake ciki, Momy ta ce "Wayyo Allah ni Amina,yanzu ya ake ciki?" numfasawa Nuren ya yi ya ce "na zo ne nayi wanka muje wajan Malam" Abba ya ce "jiya ya gaya min ai akan cewa kun je kun same shi" Nuren ya ce 

"Eh Abba, ya ce muje da rana, yanzu kuma ga shi karfe sha ɗaya saura, nasan kafin mu gama shiryawa na sake zuwa na dauki Suhail sannan muje na daukesu Baba, nasan sha biyu zata yi" Abba ya jinjina kai "eh hakane kuma, to Allah ya bata lafiya, ya za a yi da Gwaggon nata to" 

"Abba ban sani ba tukunna, ina so ne muje muji me Malam zai ce kafin nan" Abba ya jinjina kai alamun gamsuwa, Momy ta ce "Nuren ka ci abinci tukunna ko?" 

" to Momy" Nuren ya fada amma har cikin ransa baya jin cin abinci, Momy ta zuba masa ta tura masa gabansa ci ya fara yi da sauri, tuttura abincin ya din ga yi dan ya samu ya tashi, yana gama ci ya tashi ya wuce part dinsa ya shirya, kafin ya gama shiri su gama magana da iyayensa ma sha biyun ta yi, dan haka a hanzarce ya fito ya shiga mota ya tada ta mai gadi ya bude masa gate ya fice yabar gidan, yana daukar titi ya kirawo Suhail "Hlo Suhail, ka shirya ne?" shuru Suhail ya dan yi kafin ya ce "anya zan iya zuwa kuwa Nuren? Ji nake kamar bani da lafiya fa" tsaki Nuren yaja dan ya gama fahimtar Suhail a tsorace yake ya ri ga da ya gama tsorata ne, "ka ga Malam, idan ma baka shirya ba, to ka shirya dan gani nan zuwa" sannan ya katse wayar, jiki ba kwari Suhail ya tashi ya shirya, sai da Nuren ya shigo ya gaisa da iyayen Suhail kafin suka fito suka yi gidansu Samima, sun same su sun ma sun shirya tuni dan haka basu zauna ba, nan suka shige mota suka dauki hanyar gidan Malam Habibu, ko da suka isa sun kai kusan awa daya kafin su samu ganinsa, inda aka musu iso har izuwa babbar dakin da yake ganawa da mutane masu laluri, su na shiga Malam suka yi musabaha da Baba, sannan sukayi da Nuren da Suhail, Umma ta gaishe da Malam, Samima ce karshen gaishesa, su na hada ido ta yi saurin kauda kanta gefe, gaban Malam Habibu ne ya faɗi ya sake kallon Samima, sannan ya ce Samima da Mamanta su fita waje yana so zasu yi magana ne da Baba da Nuren da Suhail, jiki a sanyaye Umma ta kama Samima suka fita waje, Malam Habibu ya ce "Innalillahi wainna ilayhirrajiun!!" da sauri Nuren da Baba suka ce "Malam lafiya kuwa?" 

"A gaskiya ba lafiya ba,idan ma za ace lafiya to ba za ace kalau ba, kallo ɗaya nayi wa yarinyar nan naga tana cikin halin ha'ula'i, kuma gaskiya bazan boye muku ba, tana bukatar taimakon gaggawa, ni a gaskiya bazan iya tunkarar miyagu kuma baƙaken aljanun da aka tura mata ba,baƙin sihiri mai guguwa ne tattare da ita, sai an haɗa da manyar Malamai, hakika kafin a karya sihirin dake jikinta za a sha matuƙar wahala sosai, kuma dole wacce ta yi mata sihirin ita ce zata iya warware shi, dan kuwa dole ita zata faɗi inda ta binne wani garin maganin da aka yi siddabarun mai tsaurin gaske, ni a ganina zan haɗaku da babban malaminmu yana maiduguri ne In sha Allah shi zai san yadda za ayi" wani zufa ne ke ketowa su Baba, sannan Malam Habibu ya daga wayarsa ya kira Babban Malaminsu bai boye masa komai ba ya masa bayani, nan *MALAM ABBA ALBANY* ya bawa su Baba kwanaki akan cewa su zo nan da kwana uku yanzu baya gari, suka amsa da to sannan suka yi masa godiya, wani magani Malam Habibu ya bawa Nuren ya ce "ga wannan a din ga mata hayaki da shi, kuma a gaskiya Samima tana da ɗan sakaci da adduoi duk da tana da ibada, amma ibada ba zai yu ba sai da addua, ya kamata ku sakata a gaba ta dage " suka karba sannan suka masa godiya har sun miƙe zasu fita Malam Habibu ya ce "amm Alhaji Nasiru, ka bani lambar Baba Malam wanda ku ka kai masa Samima daga farko, dan ina so mu haɗu da shi akwai wata yarinya da mayu suka sakata a gaba, kwanan nan ma suka kashe Yayarta shine yanzu suka sake komawa kan Ƙanwar su na so su lasheta" salati Baba ya saka cike da alhini ya ce "kaii jama'a, inda ranka da sauran kallo, idan bawa bai ji tsoron Allah ba hakika yana tare da babban aiki ko nace asara a rayuwarsa, duniya tazo karshe" Malam Habibu ya ce "ai wani abun idan ka jisu ma sai ka mutu da al'ajabi, mu Malamai mu ne muke ganin zahiri, amma duk abun da za ace maka ya faru to wallahi karka karyata dan lalacewar mutanen duniya ya wuce duk tunanin mai tunani, kuma yana daga cikin alamomin tashin duniya, Allah dai yasa mu gama lafiya" suka amsa da Ameen Baba ya bawa Malam Habiba lambar Baba Malam sannan suka yi sallama suka tafi, gida suka koma, sai yamma kafin su Nuren suka fara yiwa su Umma sallama akan zasu wuce, Samima ta ce "Yayana gobe ina son zuwa skull fa, ina da pepar ga shi ina son zuwa shagona" ta fada kamar zata yi kuka, sosai tausayinta ya kamasa, baya so tana fita balle kuma yanzu da jama'a aka gano ita ba mutum ba ce, cikin sanyin murya ya ce.

"To ƴar Ƙanwata, idan kin shirya ki kira Yayanki ya zo ya kai ki, sannan ya jiraki ki gama ku dawo tare"

"To ba zaka je office bane?"

"Zan je mana, ko da dare ma zan iya zuwa, karki damu kinji?" ta gya ɗa masa kai ta kalli Suhail wanda yau kwata-kwata bai kulata ba, ta ce "Ya Suhail wai yau meke damunka ne? Na ga ka ƙi kulani kuma sai guduna kake yi, ko dai kana jin tsorona ne sabida ni macijiya ce?" daga yadda ta yi maganar mai cike da karya zuciyar mai sauraronta, da sauri Suhail ya ce "no Samima karki sake wannan tunanin kinji ko? Ai kema ba yin kanki bane,kuma ni har yanzu ban yarda ke macijiya ba ce tinda ban taba gani ba, dan haka karki saka a ranki, kinji beauty?" da shike haka yake kiranta musamman ma idan su na shago, dan murmushi kawai ta yi mai dauke da wasu fassarori, jiki a sanyaye Suhail ya fice, Nuren ya bi bayansa su Umma suna yi musu godiya, bayan sun shiga mota Nuren ya tada suka fara tafiya ya kallesa ya ce "yanzu fisabilillahi Suhail baka ji kunya ba?"

[02/09 à 08:45] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA BIYAR. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

"Ni kuwa naji kunya, amma wallahi Nuren ba zan boye maka ba, da na kalli Samima sai naji jikina na rawa" 

"Daure wa zaka yi, ka zama Namiji, haba ni wallahi har kunya kake bani"

Dan murmushi Suhail ya yi ya ce "to ka ga laifina ne?"

"Eh to ba zan iya yanke hukunci ba" hira suka ci gaba da yi har Nuren ya ajiye Suhail a gida suka yi sallama shi ma ya wuce gida, da washe gari Nuren ya shirya ya zo gidansu Samima dan ya kai ta skull, sun fito kenan zasu shiga mota sai akan idon Sha'awa, ganin yadda Samima da Nuren suke tafiya su na murmushi tamƙar masoya, wani ƙululun baƙin ciki da kishi ne ya tirniƙe mata zuciya, da mugun gudu ta juya tana kuka ta yi hanyar gidansu, Nuren ma kam basu san da ita ba, mota suka shiga ya dauki hanyar skull din su Samima, su na tafiya su na hira, yawancin hirar tasu kuma akan Show din da za ayi ne, bayan ya ajiyeta ya ce " Ƙanwata ina jiranki a mota, shiga idan kin gama lecture din naki sai ki fito mu tafi gida ko?" da kyakkyawar murmushin nan akan fuskarta ta gya ɗa masa kai ta juya zata tafi ya ce "amm plss ban da shiga hidimar mutane, idan suka kulaki plss karki kulasu kinji?" sai da ta sunkuyar da kanta kasa kafin ta amsa a sanyaye ta dauki hanyar department dinsu,tana zuwa ma ta samu lecturer din bai shigo ba, kujerarta can baya ta samu ta zauna ta yi shuru, yawancin wa inda suke ajin su na kallonta ya yinda wasu yan mata biyu suka miƙo mata hannu su na gaisawa "Samima Nasiru kwana biyu? Ya gida?" cikin fara'a ta amsa da.

"Wallahi lafiya lau Alhamdulillah Sauda, yasu Sally?" 

"Tana lafiya, yau sati daya kenan da haduwar'mu da ita, take gaya min akan cewa wannan Babban Show din da za ayi na fashion dress designer har dake an zabe ki ta uku ko?" Dariya Samima ta yi ta ce.

"Eh wallahi Sauda, ni ce ta uku"

"Kai Ma sha Allah abu ya yi kyau, ai har na gayawa Mom dina zamu zo, dan mu gani, idan muka ga wa inda muke so zamu siya, kuma Brother yana ƙasar USA zan tura masa ya miki talle na tabbata zasu so fashion dress din ki" sosai Samima ta ji dadi ta din ga yiwa su Sauda godiya, da haka Teacher ya shigo ya ɗibi kusan mintuna 30 yana musu darasi inda suka yi paper biyu kafin ya fice wani ma ya sake shigowa suka yi kusan awa ɗaya, tana yin lecture din ne kawai amma hankalinta yana kan Nuren dake zaune a mota yana jiranta, bayan wannan lacturer din ya fita shi ne su ma suka dan fito hutun rabin sa'a inda suka fito a tare su na hira dasu Sauda, ba karamin dadi ta ji ba, dan yau kusan wata daya kenan rabonta da ta shiga cikin mata yan uwanta ko cikin mutane ma su yi hira, sai dai ta din ga tsintar kanta a jeji da wasu halittu mugaye masu azabtar da ita, idan sun gama su mai do da ita gida, hanyar parking space suka ɗauka Sauda ta ce.

"Yo Samima ina zamu je ne na ga kin yi damu hanyar parking space? Na dauka zamu je mu ɗan yi bitar karatun Mr Josep ne fa,kin san baya da mutunci ko kadan" Sarah ta ce.

"Hummm, ni wallahi duk ran da muke da papern'sa gabana ya din ga faduwa kenan"

"Ni kuwa kun ga ba ruwana da shi, duk wannan masifa da rashin arziƙin da yake yiwa dalibai bai taba min ba" cewar Samima, Sarah ta ce.

"Ai da shi ke ,ke din kyakkyawace,kinsan Allah wasu Malaman nan yan iska ne" Sauda ta ce.

"Hakane maganarki wallahi" Samima ta ce.

"Allah dai ya ganar da masu ganewa, marasa ganewa kuma Allah shi kadai yasan yadda zaiyi dasu, ni dai yanzu wajan Yayana zanje tare muka zo da shi, zanje nace masa ya dawo ya daukeni da yamma ne, shi ya wuce office, tun da nasan yanzu kam sai mun kai yamma, ita wacce ta gaya min muna da paper ban ma ganta ba" 

"Wacece ta gaya maki?" cewar Sarah.

"Hidaya Abbas" 

"Kaii kice min mss love" suka yi dariya, dai-dai inda suka hango motar Nuren.

"Kaii amma dai Yayankin nan fa yana ji dake" cewar Sarah.

"To muje mu ma mu gaishesa ko?" cewar Sauda tana kallon Samima"

"Okay ai ga shi muna kan zuwa"

Nuren na kwance a cikin mota tun da Samima ta shiga class yake addua Allah yasa kar wani ya tabata dan kar yan makaranta su fara ganewa har ta samu lafiya, ya yi zurfi cikin tunani ya ji ana kwankwasa masa glass din mota a hankali ya buɗe kyawawan idanuwansa ya ɗaura akan kyakkyawar fuskarta tana masa murmushi, ƙasa ya yi da glass din ta dan turo baki ta ce.

"Sorry Yayana" dan murmushi shi ma ya yi ya ce.

"Sorry 4 what?"

"4 keep u waiting..." 

"Haba wa ai girmanki ne shaleleta" ta saki dariya Sauda ta ce.

"Kai anya kuwa? Ko dai-ko dai?" hararar wasa Samima ta yiwa Sauda ta ce.

"Malama bana son gulma, kodai-kodai me?" 

"Ahh mu dai ba zamu ce komai ba" su na dariya suka gaishesa ya amsa cikin sakin fuska ta ce.

"Yayana, kawai ka tafi da yamma ka dawo ka daukeni, idan kuma hakan bata yu ba, zan hau abun hawa na koma gida" shuru na dan wani lokaci Nuren ya yi, yana nazari kafin ya ce.

"Zan dai dawo na dauke ki din, if you done let me know ok?" ta gya ɗa masa kai ya kalli su Sauda ya ce.

"Plss ga amanata na baku, dan Allah am serious karku ga kamar da wasa nake yi, wallahi da gaske nake yi, kar wani ya kulata,itama karku bari ta kula wani, dan Allah zaku iya min wannan taimakon?" wuff Sauda ta ce.

"Ai karka damu, an gama In sha Allah ba zata kula ba, ka kwantar da hankalin ka ta hanyar kai kanka office lafiya zamu kula da ita" dan murmushi ya yi ya kalleta ya ce.

"Pls ina kara jaddada maki fa ban da kula kowa uhum?"

"To Yayana, In sha Allah a dawo lafiya" motarsa ya kunna ya ɗaga musu hannu ya yi hanyar fita gate, sai da ya fita kafin su ma suka kama hanyar zuwa inda ya kamace su, a hanya Sauda ke cewa.

"Samima, tsakaninki da Allah ciki ɗaya ku ka fito da Nuren?" da sauri Samima ta kalli Sauda.

"Me yasa kika yi min wannan tambayar Sauda?"

"Sabida akwai abun da na lura ne, dan Allah nima ki faɗa min, Yayanki ne Uwa ɗaya Uba ɗaya,ko kuwa cousin brothern ki ne?" dan yatsine fuska Samima ta yi dan ta tsani tambaya, amma ta ce.

"No ba ciki ɗaya muka fito ba" 

"Haba wa ko da na ji" cewar Sarah su na haɗa ido da Sauda, Sauda ta ce.

"To dai wallahi, idan baku soyayya da Yayanki to yana matuƙar kaunarki, kalli ki ga fa, sai kara maimaita mata yake yi, kar ta kula kowa, kiji wani love mai haɗi da kishi,na ban mamaki da sha'awa " dan murmushi Samima ta yi, a ranta ta ce.

"Rashin sani yafi dare duhu, da yanzu za ku san ni wacece da yawanku guduwa zasu yi su barni,wasu ma shirin kasheni zasu yi" a fili kuma ta ce.

"Eh gaskiya kam, yana sona sosai, nima kuma ina son sa" tana gama faɗi ta yi gaba dan bata so su kara jijjib'o mata wani maganar, waje suka samu suka zaune su na duba litattafansu, sunyi zurfi cikin karatunsu, Samima bata an kara ba ta ji an wafce mata littafinta da karfi bisa alama da wuya idan bai yage ba, dan yadda ta ji karar book din nata, a harzuƙe ta miƙe tana kallon wanda ya fizge mata littafi, dogon tsaki taja ta ce.

"Kaiii!! A rayuwa indai aka ce maka mutum dabba ne, duk shekarun da zai yi a cikin mutane ba zai taba zama mutum ba...."

"Keeeeeee!!!" ya katseta da kakkausar murya.

"Samima ni kike kira da dabba?"

"An kira ka din, abun da yafi dabba ma zan iya kiranka da shi tunda ni dai ba tsoronka nake ji ba, wai shin me ka dauki kan ka ne kam Amir? Kana taka yan mata yadda ka so, to wallahi ni kam karka sake ka ce zaka shigo gonata, kuma idan har ka yaga min littafina sai ka biya ni" sosai ran Amir ya b'aci dan babu yarinyar da ta taba murzawa idonta kwalli ta samu kwarin guiwar gaya masa wa innan maganganun ba, matsowa ya yi kamar zai rungumeta saitin kunnenta ya ce.

"Wallahi!! Wallahi!! Wallahi!! Ki rubuta ki ajiye yau sai kinyi nadamar haihuwarki da Uwarki ta yi" a hasale Samima ta ce.

"Wallahi ba dai Uwata ba, sai dai Uwarka!!!" nan Amir ya yi kan Samima, Sauda ta fara ba shi hakuri dan Amir bai da mutunci da imani, nan wasu mazan skull suka rirriƙe Amir ana ta faman ba shi hakuri, Samima dake tsaye ko gizau bata yi ba, illa kwayar idanunta da suka fara riƙiɗewa suka koma jajur dasu, da kyar su Sauda suka ja ta dan lokacin komawa class dinsu ya yi,su na zuwa suka samu ma Mr Josep ya shigo har ya fara darasi, dan haka suka zauna suka hau daukar darasi su ma, basu da fitowa ba tun shigarsu sai uku da rabi, su na fitowa masallaci suka nufa suka yi sallar azhar da basu yi ba, nan suka zauna su na jiran la'asar tun da sun gama lecture din yau, cikin damuwa Sauda ta ce.

"Samima?"

"Na'am, ya aka yi?"

"Samima kina ganin rigimarki da Amir babu matsala kuwa?"

"Wace irin matsala kuwa?"

"Ni dai gaskiya a tsorace nake, dan ba shiga hidimar mutane kike yi ba, amma Amir baya da mutunci ko kadan" Sarah ta ce.

"Nifa wallahi Samima kin burgeni, haka kawai ka addabe mu a skull sai ka ce ɗan ido, bai isa ya miki abun da Allah bai miki ba" ita dai Samima bata sake shiga hidimarsu ba dan wani bala'en'en ciwon kai ke addabarta kamar gefen kanta sai faɗo ƙasa, sabida tsananin sara mata da yake yi, da haka har aka yi sallar la'asar suka gabatar, su na nan zaune drivern su Sauda ya zo daukarta,bayan Sauda ta tafi ba jimawa aka zo aka dauki Sarah, ta rage ita ɗaya zaune a masallaci, duba agogon hannunta ta yi ta ga hudu har da rabi da sauri ta fito tana waiwaye, har ta je parking space bata ga motar Nuren ba, duba ƴar wayarta da take zuwa da shi skull din ta yi a cikin jakarta, nan ta tuno ta bar shi a gida da take shiryawa, salati ta hau yi ta samu guri ta zauna jiransa, dan tasan cewa zai zo tun da ya ce mata zai zo, ba mamaki aiki ne ya riƙesa, shuru-shuru har biyar da rabi ga shi yunwa take ji, a ranta ta ce.

"Idan bai zo ba shidda ta yi,nikam tafiya gida zan yi" ai kuwa har shidda bai zo ba ta tashi ta dauki hanyar fita gate tana tunanin to ina Yayanta yake, har ta fito wajan gate tana neman abun hawa bata samu ba, ga shi ji ta yi ma a gajiye take, da kyar take iya ɗaga kafarta sabida yunwa dan ko a gida tea kawai tasha kuma bata ci komai a makaranta ba, tana kan tafiya a hankali bata ankara ba ta ji an cafkota an dannata a mota, ihu take son yi amma sai ta ji saukar wuƙa a saman bakinta gami da ce mata "shiiiiii!!" ɗaga idon da zata yi ta ga su Amir da abokansa su biyar.

"Ina zaku kai ni?" ta tambayesu hankalinta a tashe.

"Zamu je mu koya miki hankali ne, nan gaba idan kinga budurwa tana yiwa saurayi rashin kunya sai ki haneta" zare ido Samima ta yi ta ce.

" bangane ba, kamar ya? yanzu shi kenan budurwa bata da yancin kanta? Sabida tana tsoron shashashu b'ata gari irinku, sabida kawai......" saukar mari ne ya dakatar mata da sauran maganganun nata ba dan ta gama su ba, hanyar wani gida suka dauka inda Samima ta fara yunkurin ihu, suka toshe mata baki.

🍀🍀🍀🍀🍀🍀🍀🍀🍀🍀 

Ta ɗayan bangaren lokacin da Sha'awa ta koma gida da ihu da kuka take gayawa Mamanta akan cewa ta ga Samima da Nuren sun fita a mota, kamar ma yawon shaƙatawa suka fita yi, dan rabon da Sha'awa ta je skull tun tana primary, Asabe ta dunƙulo wata uwar ashariya ta zundumawa Samima gami da cewa.

"Wannan yan iska masu zubin Aljanu ba zasu fita rayuwata na huta ba ko, to wallahi sai nayi maganinsu daga ita har uwarta da munafukin ubanta, kwantar da hankalinki shaleleta, ba dai Nuren da Samima ba? Yi shuru abun ki"

"Ni dai Inna bana so a taba min Nuren Samiman dai" 

"Ahaf karki damu shalele, tun da suka je yawon shakatawa zata ga shakawata ganin idanunta, dan kuwa...." sai kuma ta yi shuru ta ce.

"Ta shi kije abunki shaleleta" cikin murna Sha'awa ta miƙe ta fice a gidan inda Asabe ta ce.

"Hakika Nuren zai shakata da macijiya idan ma bai sani ba ya sani, ta yi yunkurin siddabarunta amma ya ƙi yi, sabida ba ya yi da rana sai dare, nan tasa ayi mata bincike idan Samima bata dawo gida ba, dan ta ƙudirtawa ranta sai ta mai da Samima Macijiya a gaban Nuren da mutanen da suke gaban su,in da ta sakawa ranta ra magriba ta yi, zata fara surkullenta.

Hakan kuwa ta kasance dan kuwa gefen magriba da zata fara a lokacin su Amir sun kundume Samima, suka kaita wani gida su na kokarin rabata da mutuncinta, ihu Samima ke yi tana neman taimako amma babu mai taimako wanda zai taimaka mata, nan suka fara zage mata kayan dake jikinta, Asabe kuwa ta haɗa wutar sihirinta inda ta fara siddabarun surkulle tana ambatar sunan Samima da ta koma Macijita ta kashe duk wanda suke tare da ita, amma ban da Nuren, Samima wacce take cikin tashin hankali jin su Amir sun kwantar da ita su na shirin farke mata siket ta saki wani razananniyar kara, wanda sai da gidan ya amsa gaba ki daya, wani raɗaɗi da azaba ta ji, ba shakka tasan riƙiɗewa zata yi ta koma Macijiya, su Amir ihun da Samima ta yi yasa suka tsorata suka saketa da sauri suka koma gefe su na kallonta yadda take murƙususu, tana juyi, rungume hannayenta ta yi a ƙirjinta tana kakkarwar azaba, gurnani ta fara kafin fatar jikinta ya fara sab'a yana sabulewa,daga kafafuwanta ne ta fara rikiɗewa, nan wutsiyar macijiya ya fara bayyana, ihu su Amir suka saka suka fara neman hanyar guduwa ga shi su da kansu ne suka rufe kofa, kafin suyi kokarin budewa Samima ta koma hamshakiyar maciji sai huci take yi, nan ta yi kansu Amir inda ta fara binsu da sara, ta ko ina saran su take yi.

🍀🍀🍀🍀🍀🍀🍀🍀🍀🍀

*KUYI HAKURI NA RASHIN JINA JIYA, DA BA KUYI BA, NAGA SAKONNIN WASUN KU HARDA KIRAN WAYA MA, WALLAHI YARINYATA CE TA JI CIWO A HANNU, KUNSAN YADDA ƳAƳA SUKE A WAJAN IYAYE BARIN MA UWA, GANIN YADDA JINI KE ZUBA SHINE HANKALINA YA TASHI NA KASA KOMAI, NA GODE MUKU DA KULAWA, M AHLAN INA GAI DA MASOYANA A DUK INDA SUKE*🤝🏻🤝🏻

[02/09 à 08:46] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA SHIDDA. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_ashe da rai na ke son ku masoya ba da zuciyata ba 🥁💃🏻 komai ruwa da iska a kan ku bazana na daina kewa ba, idan na samu zarran samunku ba zana na tanka kowa ba, ni ban ga mai harara ba, bare na waiwaya haaa 🥁💃🏻 indai akanku ne zana jure yin typing....... da an taba ku ajirani dan ko tilas na zo na na ɗau fansa, jimirin jira kuke yi nazo na kawo muku Samima, ta gani 🙋🏻‍♀️🤣🥁💃🏻 indai akanku ne nayi nisa dan ba kiran da zan ji, tilas a ganmu tilas a barmu, kaunarku tun nai nisa typing..... ba batun na fasa ko da ace in ba aron birona 😜😜, kaii aradun Allah na gaji da wakar nan, nayi kokari ko? Wannan wakar sabida farin cikin sharhin da na gani ne a grp da dama da kuma wanda aka min ta pc, gsky ina godiya masoya, shiyasa naji karfin yi muku typing... Karku ga bana reply duk ina sane wanda suke min sharhi wallahi, am very busy ne shiyasa, masu min cmmnts da tnx ko strks ko hummm🙁☹️hummm🙁☹️ na kusan fara rubuta zallar tnx nima._*

🍀🍀🍀🍀🍀🍀🍀🍀🍀🍀

Nuren hankalinsa tashe yake ganin magriba ta yi, bai je ɗauko Samima a skull ba, ga mahaifinsa wanda yake kwancea jikinsa har yanzu baya motsi bai dawo hayyacinsa ba, ga shi yana ta faman kiran wayar Samiman bata ɗagawa, ga shi yana ta kiran wayar Suhail dan ya je ya ɗauko Samiman a skull amma shima wayarsa baya zuwa ko kaɗan, a gidansu Samima kuwa Umma ganin har magriba Samima bata dawo ba,abun ya dameta sosai, ga faduwar da gabanta ke yi, amma idan ta tuno tare suka fita da Nuren sai ta dan ji sauki a ranta, har Baba ya dawo yake tambayarta ina Samima, take ce masa, basu dawo ba, Baba yake cewa watakila sun biya gidan Alhaji Ibrahim ne, mahaifin Nuren, dan wani lokacin idan Nuren ya ɗauko Samima daga skull Momy ta kan ce ya kai mata ita, da dare sai ya mai da ta gida, da wannan tunanin su Umma suka shiririce, basu nemi Nuren ko Samiman ba, har aka yi sallar isha'i Umma ta shiga dakin Samima dan ta dauki chazar Samiman ta sawa Babanta chaji da shi nan ta ci karo da wayar Samima wanda take tafiya da shi skull yana ruri, mamaki ne ya kusan sumar da Umma ta dauƙi wayar ta duba sunan mai kiran ta ga an rubuta *YAYANA 4 LIFE* gabanta ne ya faɗi dan ta tabbata Nuren ne mai kiran, har wayar ta katse, ta ga miss calls din Nuren 57, tana shirin kiransa sai ga wani kiran na shigowa, Umma ta ɗaga kafin ta yi magana Nuren ya ri ga ta da cewa.

"Hlo, Ƙanwata kina lafiya?ina kika shiga ne ina ta kiranki ba ki ɗagawa, hankalina ya yi matuƙar tashi, kiyi hakuri nace zanzo in daukeki, inata jiran kiranki ba ki kirani ba, ga shi Abba muna fitowa daga masallaci munyi sallar la'asar ya yanki jiki ya faɗi asthman shi ce ta tashi tun dazu har yanzu wallahi baya motsi, hankalin ya kasu kashi biyu bana tare da natsuwa, ga Dr ya ce yana raye amma har yanzu bai motsa ba, ina ta faman kiran wayar Suhail ya je ya dauko min ke amma kwata kwata wayar shi bata shiga ban san inda ya shige ba, kin koma gida ne?" duk a kiɗime Nuren ke magana, tun da Nuren ya fara magana idon Umma ya fara zubar da hawaye, jin shuru yasa Nuren cewa.

"Hlo Babyna ba ki jina ne? Ko dai fushi kikayi da Yayanki? Kiyi hakuri plss kema kinsan ba zan ƙi zuwa daukarki ba"

Muryar Umma na b'ari cikin kuka ta ce.

"Nu...Nu...Nuren..Samima bata dawo gida ba, kuma bata tafi da wayarta ba, ni ban san bata tafi da shi ba sai yanzu da na shigo daukar chazarta zan sakawa mahaifinta chaji da shi na ga wayar na ruri" Umma tasa kuka mai sauti, da karfi Nuren ya furta.

"Innalillahi wainna ilayhirrajiun!!" ya katse wayar da sauri jikinsa na kyarma, ga mahaifinsa kwance akan kafarsa baya motsi likita yana kan aikinsa, a fili ya ce.

"Innalillahi!!!! Ƙanwata ina kika je? Idan wani abu ya sameki bazan taba yafewa kaina ba, dan zan samu rauni na alkawarin da na dauka" Nuren ya rasa me zai yi kawai yasa kuka, sai wajan karfe tara da rabi kafin Abba ya farfaɗo, yana farfaɗowa ya ga gudan jininsa na kuka, cikin muryarsa na marasa lafiya wanda suka ji jiki ya ce.

"Nuren? Me ya faru? Meya same ka?" cikin kuka Nuren ya ce.

"Abba Samima ce"

"Ya salam!! Me ya faru da Samiman?"

"Nima Abba ban sani ba, munyi da ita akan cewa zan koma na ɗaukota a skull ne, ina ta jiran kiranta ban jita ba, nayi tunanin idan aka yi la'asar zata kira ni, ashe bata ma tafi da wayar ta wanda take zuwa skull da shi ba, bayan mun fito daga salla la'asar kuma ina da niyyar zuwa, ciwon ka ya tashi, ba hali na tafi na bar ka cikin wannan yanayi, ga inata kiran Suhail wayarsa bata shiga, sai yanzu Umma ke sanar dani wai bata koma gida ba Abba" 

Cikin kuka Nuren ke magana sai ka ce karamin yaro, Abba ya ce.

"Subhanallahi!! Nuren ai da ka hadani da Likita ka tafi abun ka, ko kuma ka kira Mom din ka"

"Abba kasan Momy tana da hawan jini, da yau na kirata, ta zo ta ga halin da kake ciki itama ciwonta zai iya tashi, tun 4 fa sai yanzu aka samu kanka" Abba ya numfasa da kyar ya ce.

"To shi kenan, now am ok, kira Mom din taka, kai ka tafi neman Samiman, Allah dai yasa tana lafiya" da sauri Nuren ya ajiye kan Abba bisa pillow ya gyara masa kwanciya sannan ya kira Momy ya gaya mata halin da ake ciki, sannan ya fice da sauri, motarsa ya shiga yana driving yana kuka, skull dinsu Samima ya koma amma fesss, bai ga wanda zai iya tambaya ba, zama ya yi a kofar gate riƙe da kansa yana hawaye, mutanen da suke ɗan wuce wa ya fara tambaya amma kowa ce masa yake yi bai sani ba, mota ya koma ya kifa kansa ya ji wayarsa na ringing yana dubawa ya ga Baba, mahaifin Samima, sai da ya share hawaye kafin ya ɗaga, hankali tashe Baba ke magana ya ce.

"Nuren, ya ake ciki? Ka ga Samiman?" 

"Gani ina hanyar skull din nasu Baba, ku kwantar da hankalinku In sha Allah tana lafiya zan dawo da ita" da kyar Nuren ya dan lallab'a iyayen Samima ya zauna a mota shuru sai aikin goge hawaye da yake yi, har wajan goma da rabi yana zaune a wajan, ga shi baya da lambar ƙawayenta na dazu balle ya tambayesu ko taje gidansu ne,duk da hakan ba halin Samima bane, wayarsa ce ta kara ringing yana dubawa ya ga Suhail ne, yana ɗagawa ya hau wanke Suhail da ruwan masifa, ido rufe Nuren ke zubawa Suhail balbalin bala'i, Suhail ya ce.

"Nuren, ka yi hakuri ban sanar da kai ba, na ɗan yi yar karamar tafiya ne, kuma tafiyar ban san da ita ba, Abbana ne ya aikeni can cikin ƙauyen adamawa wajansu Gwaggonina, kuma wallahi basu da nertwork shi yasa, ban jima da shigowa gida ba, ko abinci ban ci ba, balle na watsa ruwa, yanzu kana ina ne?" Nuren sai da ya ɗibi 5min kafin ya ce.

" gani a gate din skull dinsu Samima"

"Okay, ka jirani gani nan zuwa yanzu" Suhail ya faɗa yana ajiye wayar ya fita ba shiri ya bar gida, bai tafi da motarsa ba, mashin ya hau yace a kaisa city university, cikin yan mintuna ƙalila aka kawosa, yana zuwa kuwa ya tarar da motar Nuren, bayan ya sallami mai mashin da sauri ya karasa jikin motar ya kwankwasa glass, Nuren ya ɗago ya ga Suhail ne buɗe masa motar ya yi, ya shige sannan ya ce.

"To yanzu ta ina zamu fara?" cikin kuka Nuren ya ce.

"Ban sani ba, ban sani ba Suhail, kaina duk ya kulle, tsorona kar wani abu ya samu Samima" Suhail ya ce.

"Koma gefen mai zaman banza, ka bani motar naja, kawai mu shiga gari dubata" Nuren ya matsa gefe Suhail ya karbi motar, nan suka shiga gari, duk in da ta kama dubawa kawai suke yi, har wajan sha ɗaya da rabi na dare.

🍀🍀🍀🍀🍀🍀🍀🍀🍀🍀 

Read More

Share this

WhatsApp

SAMIMI (MACIJIYA CE) Page 1 to 10

"Innalillahi wainna ilayhirrajiun!! Innalillahi ilayhirrajun!! Yanzu Baba Malam *SAMIMAN*  ce _Macijiya!!!_?"

Nisawa Malam ya yi ya kalli Mahaifiyar Samima wacce zufa duk ya wanke mata fuska sabida tsananin tashin  hankalin da take ciki, ya ce.

"Tabbas, shakka babu *SAMIMA MACIJIYA CE* kuma sihiri  aka yi mata ta zamo haka, ba ƙaramin sihiri bane, kuma dole wacce ta yi mata ita ce zata ruguza wannan sihirin, in ba haka ba zata ci gaba da kisa ga duk wanda ya tabota, kuma a zahirin gaskiya ba ita ke kisan ba, miyagun da take tare dasu su ne suke kisan, sabida itama basu barta ba, lokaci zuwa lokaci su na gana mata azaba, ba ƙaramin babban yaƙi bane rabata dasu, kuma na gaya maki dole wanda ta yi mata wannan sihirin itace zata warware shi, kuma ta cikin gida ce ta yi mata wannan sihirin" share hawaye Umma ta yi ta ce.

"Malam, kana ta faɗin ta cikin gida ce, to wacece kenan?" shuru Malam ya dan yi yana nazari kafin ya nisa ya ce "a gaskiya baya cikin tsarin aiki na gaya maki, amma sabida Samima tana bukatar taimako cikin gaggawa yasa zan faɗa maki, ba kowa bace ta yi mata wannan sihirin illa *ASABE*" a zabure Umma ta miƙe ta ce.

"Baba Malam!!!? Asabe!!! Asabe!! Asabe fa ka ce!!? Innalillahi wa inna ilayhirrajiun!! to me na yi wa Asabe? Ko kuma nace me Samima ta yiwa Asabe? Abun da Bamu haɗa Miji ba, balle nace ko kishi ne yake nukurkusanta da zai sa ta yiwa ƴata asiri , ina da ƴa mace tana da mace, to miye haɗina da ita da har zata mai da Samima rabi mutum rabi Macijiya?" murmushi Baba Malam ya yi ya ce.

"Kadan daga cikin halin Ɗan Adam, *ZULAIHA* shekara na 30 kenan a garin nan tun kuna ƙanana a lokacin da muke tare da iyayenku kafin Allah ya ɗauki ran mahaifinki, nine Malamin da da yawan yan unguwan nan  ake kawo min su laluri, kumq alhamdulillah Allah ya horemin baiwa iri da kala, bazan iya gaya maki dalilin da yasa Asabe ta mai da Samima Macijiya ba, kije da kanki ki binciko wannan lamarin dan taimakon yarinyarki ɗaya tilo, tashi kije Zulaihatu, nima nan zan din ga tayaki da addua, dan kuwa aiki ne ja a gabanmu" share majina da gefen mayafi Umma ta yi ta miƙe ta yiwa Malam godiya sannan ta fice, Malam ya nisa cike da damuwa dan kuwa Samima tana cikin babbar matsala.

A hanya Umma tana tafiya tana zancan zuci.

"Asabe!? Asabe!? Asabe fa? Lallai kam na yarda da karin maganar da ake cewa ba a yabon ɗan kuturu sai ya shekara goma da yatsa, yanzu me nayi wa Asabe? Da har zata cutar dani ta wannan hanyar? Dole ne naje na ji dalilin da yasa ta yi min wannan mugun aikin dan bazan iya gani a hallaka min ƴata ba" ta sake share hawayen da ya gaza tsayuwa a idanuwanta, ta nufi gidan Asabe.

🍀🍀🍀🍀🍀🍀🍀🍀🍀🍀

Kwance take a dakinta a kan ɗan karamin gadonta, sai juyi take yi tana ihun azaba, dan wani irin raɗaɗi ne take ji a kowani sassa na gangar jikinta, tamƙar ana wanke mata fatar jikinta da narkekken ruwan dalma, har kwakwalwarta take jin wannan azaban  zafin, a hankalin bakinta ya fara zufar da hayaƙi wanda kafin giftawar ido da bismillah daƙin ya gauraye da hayaƙi, gurnani ta fara tana murkususu, idanuwanta tamƙar jini haka suka rine, kafin nan da ɗan wani lokaci ta galabaita, a hankalin jikinta ya fara b'anb'ara yana fitar da sab'an maciji, ihu ta ci gaba da yi tana huci ,ta kumbure ta koma ta sab'e, wani razananniyar kara ta saki lokacin da ta ji kamar an soka mata mashi a tsakiyar kirjinta, fatar jikinta ya hau sabulewa, kafafunta ya hau babbanƙarewa, daga kafarta ne ta fara rikiɗewa, nan ta ci gaba da juyi tana murƙususu tana gurnani, nan jelar maciji ya fara bayyana daga kafafunta, nan ta koma rabi mutum rabi macijiya, wani juyi ta yi ta sake sakin ƙara fuskarta ta yi jajur kamar wacce ta ƙone, a ihun ne gabaki ɗaya ta rikiɗe ta koma macijiya, wanda girman wannan macijiya ya cika ɗan ɗakinta, nan ta kananneɗe ta haɗe rai sannan ta sauƙo kasa ta sulale ta fice tabar gidan.

🍀🍀🍀🍀🍀🍀🍀🍀🍀🍀🍀

😂😂😂😂😂😂

*_ARADU BAZAN DOGON TYPING.. BA SAI NA GA RUWAN SHARHI, MA'ANA DAI KO KUN KARBI BOOK DIN, SAI MU ƊORA, KARKU MANTA NA GAYA MUKU GAJERAN LABARI NE_*

_GA MASU BUKATAR CI GABAN LITTAFIN COLONEL UBAIDULLAH RETURNS, MAI TAKEN SUNA *GAWURTACCEN SOJA* ZAKU SAME SHI AKAN FARASHIN #300 VIP #500, GA KUMA *AHLAN* WANDA ZAKU SAMESU AKAN FARASHI MAI SAUKI WA INDA AMINAI BIYU NE ZASU GWANGWAJEKU, IDAN DAYA KIKESO #200 NE, IDAN BIYU NE #300 VIP #500, VIP NA MUTUM ƊAYA #400, DUK A LITATTAFAN MU MASU TAKEN SUNA *AHLAN, NA ZAHRA ABDUL (MOMYN AHLAN) DA KUMA, WACECE KARUWAR? NA RASHEEDAT USMAN(UMMU NASMAH)* KARKU BARI A BAKU LABARI_.

MOMYN AHLAN TAKU CE👍🏻

[02/09 à 08:44] 🌹🌹Flower 🌹 🌹: *SAMIMA*  🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA BIYU. ✍🏻

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

 *_MA SHA ALLAH! GASKIYA NAJI DADIN YADDA KU KA KARBI WANNAN LITTAFI, NA GA SAKONNIN DA DAMA ALLAH YA BAR KAUNA, WANNAN PAGE DIN NAKU NE, WA IN NAN GRPS DIN_* 👇🏻

*SLIMZY FANS GRP*

*MSS FLOWER*

*MASAUTAR A GARKUWA*

*FADAR MOM FAREESA*

*XAHRA FAROOQ*

_DAMA SAURAN GRPS DIN DA BAN AMBATA BA, DUK WANI MASOYIN BUK DIN NAN, SONSO DOMIN ALLAH_💓💓

🍀🍀🍀🍀🍀🍀🍀🍀🍀🍀

"Assalamu  alaykum!!! Asabee!!! Asabeee!!!?" Umma ta shiga gidansu Asabe tana sallama har tuntube take yi" Asabe dake uwar daki taji sallamar Maman Samima, wani shu'umin murmushi ta saki sannan ta miƙe daga gefen gadon da take zaune, wani kullin magani ne a hannunta ta yi saurin je fa shi ƙasan gado, sannan ta miƙe ta fito a yangace, tana fitowa ta sauke idanunta akan Maman Samima wacce kallo ɗaya zaka mata ka gane halin da take ciki na tashin hankali, wata uwar harara Asabe ta wurgawa Maman Samima, sannan ta turo ɗankwalinta gaban goshi, cike da rashin mutunci ta riƙe ƙugu ta ɗora dayar hannun nata a bakin kofa, har jijjiga jiki take yi, ta ce.

"To fa!! Su Zulaiha wannan uwar kiran da kike kwala min ta menene iyeee!!? Ko dai nima anzo a kasheni ne ,ni da ƴata? Kin ga Malama dan Allah ki wuce ki fice min daga gida ehe, karki goga min tsiya!!" da mugun mamaki Umma ke bin Asabe da kallo, da ace wani ne yake faɗa mata Asabe ce ke wannan maganganun zata karyata, amma sai ga shi ma ita ake gaya ma wa, uwa uba kuma Malam ya ce ita ta yiwa Samima asiri ta koma macijiya, amma yanzu kalli abun da take yi, tamkar bata san abun da ta aikata ba, Umma bata gama tunanin zucinta ba, ta ji Asabe na cewa "Dan Allah ni kam ki wuce ki fita min a gida" cikin ƙunar zuciya Umma ta ce "Allah ka rabamu da masu fuska biyu, wanda zasu gwada mana su na son'mu a fuska amma a zuciyarsu ba haka abun yake ba, Asabe!? Me na aikata maki a rayuwa!? Me nayi maki da har kika zauna kika kulleceni da wannan abun!? Asabe!? Na daukike tamƙar yar uwan da muka fito ciki ɗaya da ke, ni a tunani na duk abun da zan miki ko Samima ta yi miki bai kamata ki saka mana ta wannan hanyar ba, Asabe ina haɗaki da Allah ba dan ni ba,idan har ni ko Samima mun yi miki wani abu marar kyau a rayuwa dan Allah Asabe kiyi hakuri ki yafe mana, dan adam ajizi ne bai fi ba ko a wajan Allah mai laifi ne, balle kuma mu bayi masu kura-kurai da zunubai, dan Allah na roƙeki Asabe ki mai da min da Ƴata ta koma mutum, kinsa yanzu an fara gudun Samima, duk in da ta gitta a cikin unguwa sai da a din ga ce mata *SAMIMA MACIJIYA CE* idan kuma aka yi rashin sa'a ranta ya b'aci sai ta yi kisa, shekaran jiya tare-tare aka din ga yi da matasan unguwa su na so su kasheta, kuma Baba Malam yace ba ita ke kisan ba, na roƙeki ki mai da min da ƴata yadda take a da can baya, ko me muka miki kiyi hakuri a rashin sani ne, ko kuma ki fada me kikeso a wajan'mu, dan Allah Asabe ki karya asirin da kika yiwa Samima" Umma ta haɗa hannunta alamun roƙo ta zube guiwowinta a ƙasa a gaban Asabe ta saki marayan kuka tana ci gaba da roƙon Asabe, wani dariyar shekiyanci Asabe ta sake gami da cewa 'Ayyyyyriiriiii nanayeee!! Inyee!! Zulaiha? Sharrin naki ta kai har haka? Ki zo har cikin gidana ki min sharri? To ni ina ruwana dama sun kasheta!! Yarinyar da ta addabi kowa a garin nan, waye bai san da cewa *SAMIMA MACIJIYA BA CE??* kuma dan munafurci da sharri ki ce ni na mai data macijiya? To akan me? Ke da yarki masu kama da mayu sabida shegen kyau? Wallahi!! wallahi!! Wallahi!! Zulaiha kinji na rantse miki ko? Idan ba ki tashi kin fice min daga gida ba zan saka maki ihu, idan jama'a sun shigo abun da zan faɗi har ki mutu idan kikaji an kira sunan Asabe sai kin girgiza, dan za ki san wacece ake kira da Asabe ikon Allah wanda naci dubu sai dai ceto wallahi, ba a mai da ta mutum din fice min!!" Asabe ta fara yiwa Umma korar kare, ingizata ta dinga yi har ta fito da ita kofar gida ta cillata ta faɗi kasa, sannan ta yi mata kallon wulakanci ta mai da ƙyauren gidanta ta rufe, a hankali Umma ta miƙe jiki ba kwari ta kama hanyar gida tana tafiya tana kuka gami da tunanin jarabtar da Allah ya jarrabe ɗiyarta, yanzu wacce hanya zata bi wajan ganin ta taimaki ƴarta ta dawo asalin mutum? ba rabi mutum rabi macijiya ba? tana kan tunaninta kenan tana shawo kwanar gate din gidanta taji wani uban guguwar hayaniya na tashi, da gudu ta diba dan ganin meke faruwa, tana zuwa ta ga ciccirindon mutane matasa yan unguwa ko wanne dauke da mugun  makami a hannunsa, daga gani a tunzure suke matuƙa har da masu fetur da cerozin ga ashana, zaro ido Umma ta yi ta karaso tana tambayarsu lafiya kuwa? Wani matashi ne ya zo gaban Umma ya ce "Maman Samima ki shiga ki fito mana da Samima,yau babu shegen da ya isa ya hanamu yin gunduwa-gunduwa da Samima" ɗaura hannu akai Umma ta yi tana salati ta ce " Habu? haba Habu? Me Samiman ta yi?" 

"Taya za ki ce ba ki san abun da ƴarki take aikatawa ba a garin nan yanzu? To kalli abun da ta yi" ya faɗa yana nuna mata gawar wani ɗan matashin saurayi wanda ga tabon saran maciji a goshinsa da wuyansa, baya-baya Umma ta yi tana furta "Innalillahi wa inna ilayhirrajiuna!!!!! Na shiga uku ni Zulaiha' injiwa ya ce Samima ce ta kashesa!?" 

"Dalla ki rufa mana baki!! Da wa yasan cewa ƴarki ba mutum bace? Shekara nawa kenan tana kashe mutane, ban da kwanan nan da muka san gaskiya, wallahi ko ki fito mana da Samima ko mu ƙona gidan nan kuma sai kun bar garin nan ehe" cewar wani mutum,wani ma ya ce "to wai ma me muke jira ne? da ba zamu fara ta kan Uwarta ba!!" suka yi kan Umma yuuuu, da sauri Umma ta yi wuff ta shige gida, ta danne karamin kofar dake jikin gate ta wuce ciki da gudu ta ɗaga waya ta kira mahaifin Samima ta faɗa masa halin da ake ciki, sannan ya tambayeta ina Samiman ta ce masa bata ganta ba ,bata gida kuma kafin ta fita sai da ta kulle ta dan Baba Malam ya ce a daina bari tana fita, Baban Samima ya ce "to a garin ya ma ta fita tun da kin kulleta? Kin ga kwantar da hankalinki gani nan zuwa" yana faɗi ya ajiye wayar ya tashi da sauri ya fara tattara kayansa, ya fito kenan zai shiga ƴar motarsa ta rufin asiri mai su na toyota sai ga yaron ogansa wanda shine Manager a Companyn, yana ganinsa ya ce "ah Baba, ina kuma zaka je na gan ka a haka? cikin tashin hankali da damuwa mahaifin Samima ya sunkuyar da kansa ya kasa ba wa yaron ogan nasa amsa dan yana jin kunyarsa ba kadan ba, dan yaron akwai natsuwa da hankali da sanin ya kamata ga shi da girmama mutane, tun da ya dawo daga ƙasar waje shekara shidda kenan yanzu bai taba yi masa rashin kunya ba, duk inda ya gansa zai duƙa ya gaishesa Baba sama Baba kasa, ranar da ya ga Samima kuwa ya ce yana sonta da Ƙanwa dan shi ma shi ɗaya ne a wajan iyayensa, shaƙuwa mai karfi ne a tsakanin *NUREN* da Samima, dan haka taya zai fara gayawa Nuren cewa Samima Macijiya ce? Jikin Mahaifin Samima ne ya fara kakkarwa tamkar mai jin sanyi sai ga hawaye na zuba a idonsa, abun da Nuren bai taba gani ba kenan, ganin haka ya sake ɗaga masa hankali ya shiga jerowa Baban Samima tambaya, amma ganin ya kasa ba shi amsa yasaka shi cewa "to Baba ina zaka je sai muje tare?" da kyar mahaifin Samima ya furta cewa "Gida" sannan Nuren ya karbi key din motarsa ya bude masa ya shiga sannan ya shiga shima ya dauki hanyar unguwarsu Samima, da dan sauri yake driving din, su na zuwa suka ga ana wanke gidan su Samima da fetur ana shirin cinnawa gidan wuta, da karfi Nuren ya ce "heyyyyyyyyy!!!!!! Stoppppp!!!" juyowa kuwa suka yi gami da tsayawa cak su na kallon Nuren, dan gidan ALHAJI IBRAHIM MAI AGOGO wanda babu wanda bai san shi ba a cikin garin ADAMAWA, da sauri ya karaso yana tambayar meke faruwa, nan wani yake faɗa masa ai ga abun da yake faruwa, Samima Macijiya ce, a ruɗe ya juya ya kalli mahaifin Samima wanda yake share hawaye da hannun rigansa abun tausayi, lallashin mutanen Nuren ya yi ya ce suyi hakuri su tafi za a san abunyi yanzu suje ayiwa wannan mamaci wanka a kaisa makwancinsa, da kyar dai suka hakura suka bar kofar gidan yayinda wasu sukayi alkawarin idonsu idon Samima sunanta gawa itama, bayan sun watse Nuren ya kama hannun Baban Samima suka kwankwasa gidan amma Umma ta ƙi budewa sai da baban Samima ya kirata a waya yace ta bude su ne kafin tazo ta bude, bayan sun shiga suka zauna a parlour Nuren ke tambaya ya ce "Umma, Baba, inaso ku fadamin zahirin abun da yake faruwa karku boyemin komai, shekarata shidda da dawowa,kuma tun da na dawo muke tare da ku , ni har ga Allah a matsayin iyayena n daukeki, idan kuma kun daukeni matsayin Ɗa kun ga kenan Samima Ƙanwata ce, sabida haka bai kamata a boyemin komai ba, a faɗa min meya samu ƙanwata meke faruwa da ita,miye gaskiyar magana akan macijiyar da aka kirata da shi?"

🍀🍀🍀🍀🍀🍀🍀🍀🍀🍀

(WAIWAYE ADON TAFIYA)

WACECE SAMIMA?

WACCE A HALIN YANZU TA KOMA RABI MUTUM RABI MACIJIYA? YA DANGANTAKA YAKE TSAKANIN UMMA ZULAIHA DA  GWAGGO ASABE?

🍀🍀🍀🍀🍀🍀🍀🍀🍀🍀

Samima, shine  asalin sunanta, Mahaifinta mai suna Malam Nasiru wanda a halin yanzu yan unguwa suke kiransa da suna Alhaji Nasiru Baba Iyali, kasancewar yaje ƙasa mai tsarki, su asalin fulanin Adamawa ne, Mahaifiyar Samima kyakkyawar bafulatanar usuli ce, haka zalika mahaifin Samima Malam Nasiru, Malam Nasiru su biyu ne a wajan iyayensu shi da Yayansa mai suna Malam Basiru wanda shine Miji ga *ASABE.*

Tun da Asabe suka yi aure da Malam Basiru bata taba barin wata ba, hakan kuwa ba ƙaramin ta da mata hankali ya yi ba, kasancewar Malam Basiru yana matuƙar kaunar yara, duk da ko a fuska bai taba tunawa Asabe ba, tun da ba asan matsalar daga wajansa bane ko wajanta,amma abun da ya sani shine komai na Allah ne, lokacin da Nasiru ya jijjib'o maganar aurensa da Zulaiha, san da Asabe ta ga Zulaiha a take taji wani tsanarta ya kamata, kasancewar kyawun da Zulaiha ke da shi, babu yadda Asabe ba tayi ba wajan ganin auren Nasiru da Zulaiha bai yi ba amma ina abun ya ci tura, sabida duk abun da Ubangiji ya tsara babu mahalukin da ya isa ya wargaza, har Allah yasa Malam Nasiru ya auri Zulaiha, shekarar farko da ta zagayo Allah ya azurta Zulaiha da samun ciki, Asabe ɗaki ta shiga tayi ihu tayi ihu dan baƙin ciki, taya ma za ace ita shekararta nawa da aure bata samu ciki ba, sai Zulaiha wacce aka auro yanzu-yanzu ace tana da ciki, inaa sam ha zai yu ba, ba zata lamunta ba, ta bangaren Zulaiha kuwa sosai take ba wa Asabe girmanta kasancewar su na matar Wa da Ƙani, ko da sau ɗaya ne Asabe bata taba jin son Zulaiha ba, ga shi tun da Nasiru ya auri Zulaiha Allah NA ƙara buda masa hanyar samu yake yi, har ta kasance shi ke daukar nauyin gidansu baki daya, kasancewar a lokacin gida daya suke zaune, kullum Asabe da kalar habaicin da zata din ga yiwa Zulaiha, ita kuwa bai taba damunta ba, ta na yi mata biyayya dai-dai gwargwadon iyawarta, sau biyu tana  samun ciki yana b'arewa wanda an rasa sanin ummul'aba'isin faruwar hakan, a na ukun ne ya zauna, duk da Zulaiha tasha matuƙar wahala sosai akan ciki kamar ba zata rayuwa ba, da haka har Allah ya sauketa lafiya ta samu kyakkyawar Ƴarta wacce ta fita kyau da komai wanda duk unguwarsu babu wanda ya kaita kyau, ranar da Asabe ta ga jaririyar da Zulaiha ta haifa ta ci alwashi akan yarinyar, haka ranar suna yarinya aka saka mata suna *SAMIMA* murna a wajan Malam Basiru abun har ba a cewa komai sai ka rantse ma shi aka yiwa haihuwa sabida son yara da yake yi Allah bai ba shi ba, amma ga shi ya ba wa kaninsa, Samima na da shekara daya Zulaiha ta kan dauketa ta miƙawa Asabe ita, wanda a halin yanzu bata nunawa Samiman kiyayya a idon mutane sai bayan sun keb'e, shekaran Samima daya da wata biyu itama Asabe Allah ya bata ciki, tayi murna da hakan, inda take ta addua Allah ya bata Ɗa namiji, amma lokacin da ta tashi haihuwa sai Allah ya bata mace, wacce ko kafar Samima bata kamo a kyau ba, kuma Malam Basiru baya ɗaukin ƴar tamƙar yadda yake yiwa yar ƙaninsa Samima, hakan ne ya kara tunzura Asabe, ta kara tsanar Samima, ranar suna aka sakawa yarinya suna *SHA'AWANATU*,a haka rayuwa take tafiya Samima da Sha'awa su na tasowa a tare kasancewar Sha'awa tana da girman jiki,wani lokaci ma idan sun  fita wasa sai a din ga cewa Sha'awa itace gaba da Samima, Mahaifin Samima shi ne yake biyawa yaransu kudin makaranta dan kuwa shima yana yiwa Yayansa kara, baya nunawa Samima so kamar yadda yake nunawa Sha'awa,  rayuwa tana tafiya yau fari gobe tsumma, lokacin da Samima ta shiga shekara 13 a lokacin kyawunta sai kara fitowa yake yi, yarinya ga ilmi,natsuwa sanin ya kamata, mai hankalin manya, ga kokari duk inda tasha gaban Sha'awa ke nan, sabida ita kuwa ko a makarantar ma bata gane komai sai bakar rashin kunyar tsiya, sabida da haka mahaifiyarta ta raineta, ga shi ta cusa mata tsanar Samima a ranta, da haka mahaifin Samina ya gina gida dan madaidaici mai kyau ya bar wa Yayansa wanda suke ciki a da, ga shi yana zuwa aiki, shi kuwa Malam Basiru shagon sai da maganin hausa yake da shi, ba komai bane ke damun Asabe illa baƙin ciki da hassada.

Lokacin da Nasiru ya tafi aikin hajji, Asabe yawo tsirara ne kawai bata yi ba, dan kuwa tayi rabin hauka dan taji bakin ciki, har taje ta samu mijinta Malam Basiru akan cewa ƙaninsa ya raina masa hankali ga shi yana aiki uwa uba ya ketara hazo yabar shi a cikin a kulki amma da shike shi shanyeyyen zuciya ne garesa ba zai gane cewa Nasiru baya kaunarsa ba, maganganu dai na batanci marasa dadi, inda a take Malam Basiru ya taro matarsa inda ya rufe ido ya hau ta da faɗa,  tun da ga lokacin Asabe ta lashi takwabin sai ta raba tsakanin Nasiru da Basiru, tabbas ta yi nasarar yin hakan, dan sai bayan ta mai da Malam Basiru *MIJIN KAN TACE* kafin ta bazama shiga Malamai inda ta samo wani mashahurin boka a can ƙusa da ƙasar enugu wanda su ne suka mai da Samima Macijiya, tun tana da shekara sha huɗu hakan kuwa ta faru ne ta sanadin *NUREN* sabida tun da Nuren ya dawo Sha'awa ta ɗaura idonta a kan shi ta ji ta kamu da mugun kaunarsa wanda har sai da tayiwa Mamanta barazana da rayuwarta muddun ta rasa Nuren, wanda Asabe gani take yi kamar akwai soyayya tsakanin Nuren da Samima, wanda shine dalilin da yasa Asabe ta mai da Samima Macijiya sabida son zuciya, da kaunar da take yiwa ƴarta Sha'awa, wanda a halin yanzu Samima tana da shekara 19 da haihuwa shekararta biyar a matsayin macijiya, wanda take iya rikiɗewa lokaci guda, ga shi Samima yarinya ce wacce tun tana yar shekara biyar take son kwalliya tana son ta zama tailor na fashion dress wanda a halin yanzu Nuren ya buɗe mata babban shop dinta, wanda hakan ba karamin sake tunzura Asabe ya yi ba.

WANNAN SHINE A TAKAICEN TARIHIN SAMIMA.

Wanda a yanzu kimamin watanni uku kenan da iyayen Samima suka san da cewa ta zama macijiya inda suka bazama nemawa ƴarsu magani dan ta dawo mutum, Baba Malam , malami ne mai baiwa inda a karshe aka kai masa Samima da fari ya ƙi fada musu gaskiya sai da gabaya da ya ga tabbas yarinyar zata iya hallaka kafin ya gaya musu, kullum kuma zai ce musu yar gida ce ta yiwa Samima asiri in da a karshe ya fadawa Maman Samima Asabe ce ta yi mata. 

🍀🍀🍀🍀🍀🍀🍀🍀🍀🍀 

Ci gaban labari.

Cike da sanyin jiki Umma ta bawa Nuren labari da cewa *SAMIMA MACIJIYA CE* an mai da ta macijiya, ga shi yanzu babu wani shiri ko jituwa tsakanin Baban Samima da Yayansa Malam Basiru, bayan Umma ta gama basu labari cikin tashin hankali Nuren ya miƙe tsaye ya kalli su Umma ya ce " Umma nayi alkawari ko da zan rasa raina sai na nemowa Samima da magani ta koma mutum In sha Allah" yana gama faɗi ya fice cikin rikicewa.

🍀🍀🍀🍀🍀🍀🍀🍀🍀🍀

WASA FARIN GIRKI , KUUU BIYONI MASOYA, 🏃🏻‍♀️🏃🏻‍♀️🏃🏻‍♀️🏃🏻‍♀️

KAR DAI KU MANTA GAJERAR LABARI NE.

UMMU AHLAN TA KU CE👍🏻

[02/09 à 08:45] 🌹🌹Flower 🌹 🌹: *SAMIMA* 🐉🐍

( _macijiya ce_)

Na

*ZAHRA ABDUL*

 (MOMYN AHLAN)

Gajeran labari.

SHAFI NA UKU. ✍🏻

Follow me on my wattpad. 👇🏻

I just published "5&6" of my story "SAMIMA (MACIJIYA CE)🐍🐉". https://my.w.tt/sBBYEYDsa9

*بسم الله الرحمن الرحيم*

 *____________________________________*

*🌈KAINUWA WRITERS✍🏼 ASSOCIATION*🤝🏻

```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_SADAUKARWA GA DUK MAI KARANTA LITTAFIN SAMIMA MACIJIYA CE, ESPECIALLY MASU YI MIN SHARHI, ALLAH YA BAR KAUNA, KUNA DA YAWA WALLAHI, BAZAN IYA AMBATAR SUNAYENKU BA, AMMA NA SADAUKAR DA PAGE DIN NAN GAREKU NGD SOSAI_*

🍀🍀🍀🍀🍀🍀🍀🍀🍀🍀

A hankali ta turo kofar gidan nasu gabanta na faduwa, har cikin parlour ta furta "Asaalamu alaykum" a sanyaye, Umma da Baba da suke zaune su na jimami tun fitar Nuren babu wanda ya motsa a cikinsu ko yace uffan, Samima ganin iyayenta su na zaune sunyi jingum-jingum ne ya saka gabanta faduwa da karfi, dan kuwa ta tuno da cewa Mamanta tace mata karta fita, kamar kuwa Umma tasan tunanin da Samima ke yi, tana tashi ta dauketa da mari, sai da Samima ta kifu a kasa, da sauri Babanta ya miƙe yana cewa "haba Zulaiha!! Miye haka, a halin yanzu Samima rarrashi take bukata, to ma duk ba wannan ba miye abun duka da zaki ɗaga hannu ki mareta?" cikin kuka Umma ta ɗago Samima tana magana tana jijjigata "Samima, me na ce miki iyee? Bana ce miki karki kuskure ki fita a gidan nan ba? Shi ne kika kama hanya  kika sa kafa kika fita ko? Da yanzu yan unguwa sun ganki da sai dai a dawo min da gawarki!!" Umma ta faɗi tana sake fashewa da kuka, Samima ganin irin kukan da mahaifiyarta ke yi ba karamim ɗaga mata hankali ya yi ba, saurin rungume Ummanta ta yi itama tana kuka ta ce "dan Allah Ummana kiyi hakuri, wallahi bansan lokacin da na fita ba, ban san ya aka yi na fita ba, Umma me nayiwa yan unguwa da zasu kasheni? Dan Allah ni dai Umma ki daina min kuka, dan malaman'mu sun ce idan har iyaye su na yiwa ƴaƴansu kuka rayuwar wannan ƴaƴa bata albarka, kuma tab'ewa suke yi, dan Allah Ummana kiyi hakuri" Samima ta rungume  mahaifiyarta gam tana kuka Mamanta na kuka, Babanta shima na share hawaye gami da yin tasbihi ga Allah subhnahu wata'ala da irin kalar jarabtar da ya musu, dan kuwa shi ne cikar mumini na gari idan alkhairi ya sameka ka godewa Allah idan ma akasin hakan ne duk ka godewa Allah, ta haka ne Allah yake gwada imanin bayinsa, sun jima a haka su na kuka, kafin daga bisani Baba ya din ga rarrashinsu har suka yi shuru.

🍀🍀🍀🍀🍀🍀🍀🍀🍀🍀

Fitan Nuren daga gidansu Samima gidansu ya wuce kai tsaye, yana shiga ya wuce wajan mahaifiyarsa a daki ya sameta zaune a bakin gado tana waya, kwanciya ya yi akan kafafunta, ta kallesa cike da kulawa duk da bata katse wayar da take yi ba, ta hau shafa kwantacciyar sumar kansa, sai da ta gama wayarta tukunna ta dube shi a tsanake ta ce "Nuren, me ke faruwa? Ya na ga kamar kana cikin damuwa, ko dai baka da lafiya ne?" dagowa ya yi ya kalli mahaifiyarsa ya ce "Momy, yau naji abun da ya dameni, kai duniya ba gaskiya, mutane basu jin tsoron Allah, kwata-kwata wasu mutane basu tuna cewa wannan duniyar fa ba zama muka zo yi ba" sai ga hawaye na zuba a idon Nuren dan kuwa yana bala'in tausayawa Samima, cikin tashin Hankali Momy ta ce "ban fahimce ka ba, Nuren, meke faruwa ne kam ka fada min mana" 

"Momy, Samima ce"

"To me ya faru da Samiman?"

"Momy, *SAMIMA MACIJIYA CE*, Momy an mai da min da Ƙanwata Macijiya" a firgice Momy ta miƙe ta ce "iyeeeeeeee!!?? Ban gane Samima Macijiya ba ce?? Nuren ban sanka da shaye-shaye ba, Allah yasa dai ba shi ka fara ba?" 

"Tabbas,Momy Samima Macijiya ce, duk da nima sai yanzu nasan da hakan, iyayenta ma sai yanzu suka sani, yanzu haka daga gidansu nake, shi ne ake bani labari" nan Nuren ya ba wa mahaifiyarsa labarin da Umma ta ba shi akan Samima, Salati Momy tasa tana tafa hannu cike da al'ajabi ta ce "wannan wani irin tashin hankali ne haka? Labari sai kace a film ko a littafi? amma dai Allah ya wadaren masu son zuciya, yanzu ina Samiman?"

"Nima Momy har na bar gidan ban gan ta ba"

"To yanzu miye abun yi?" cewar Momy tana kallon Nuren, ya ce

"Momy, nayi alƙawari zan taimaka mata, na zo neman izininki ne, ki bani goyon baya, dan Allah karki hanani" cikin sanyin jiki Momy ta kamo hannun ɗanta ta ce "duk wanda zai taimakawa Samima a halin yanzu ba karamin jahadi zai yi ba, taya ma zan hana Ɗana aikata aikin lada? Ina goyon bayanka Nuren, kuma zan samu Abbanka da maganar zamu taimaka musu da yardan Allah indai su na bukatar hakan daga garemu" cikin murna da farin ciki Nuren ya rungume mahaifiyarsa yana mata godiya sannan ya tashi ya fice, part dinsa ya shiga ya hau jeka ka dawo yana tunanin ta ina zai fara, dole ne ya je ya samu Asabe tunda ance dole sai ita ce zata iya karya sihirin da ta yi, in ba haka ba kuwa tabbas wata rana za a hallaka Samima, rintse ido ya yi yana hango kyakkyawar fuskarta wacce bata rabuwa da fara'a, abu na farko da zai fara dole ne ya rin ga janyota jikinsa fiye da Ɗa dan ta rage fita da mu'amala da mutane, har su shiga hidimarta ita kuma ta kashesu, da wannan tunanin ya shige toilet ya sakarwa kansa ruwan sanyi, duk da lokacin sanyi ne amma wani masifaffen zafi yake ji, bayan ya fito daga wanka ya gama shirinsa ne ya kira Abokinsa Suhail yana ɗagawa ya ce "hlo Suhail kana ina ?" 

"Gani a shagon Samima, kasan muna ta faman shiri na kayayyakin da muka ɗinka din nan, sabida  da shi ne za ayi show, ka ga yadda kayan suka yi kyau kuwa? Barin ma wanda Samima ta dinka kaii gaskiya yarinyar Allah ya bata basira da fasaha, shi yasa ko a wajan shiga gasan aka bata ta uku, nasan idan aka fita show dole ne ma a bamu na daya, dan kasan yau saura wata daya ne show din kuma....." 

"Kaiiiiiii!!! Dakata Dan Allah parrot! Ni fa kawai tambayarka nayi kana ina, amma ka hau zuba min zance ai duk na san da haka ta gaya min, ni yanzu ba b'ata lokaci nake so ba gani nan zuwa shagon zamu yi magana dan akwai babbar matsala" 

"Ok to ba damuwa sai ka zo Nuren" Suhail ya katse wayar yana tunanin me ya sa mu Nuren dan ya ji muryarsa yana cikin damuwa, bai fi mintuna ashirin ba sai ga Nuren a babbar shop din Samima mai suna *SAMIMA NASIRU FASHION DRESS DESIGNER* yana zuwa aka bude masa kofa ana miƙa masa gaisuwa kasancewar sun san shi sosai ma'aikatan wajan, sama-sama ya amsa gaisuwar tasu dan ba a cikin natsuwar shi yake ba, inda yake tunanin Suhail na zaune wajan ya tunkara direct, yana zuwa ya ja shi gefe, nan ya zayyane masa komai bai boyewa Suhail komai ba, a tsorace Suhail ke bin Nuren da kallo yayinda ya ji wani fitsari ta kamasa sabida tsananin tsoro, ga zufar da ya fara tsantsafo masa ta ko ina, "Innalillahi!!! Nuren Samiman? Samiman ce Maci...." Nuren bai barsa ya karasa ba ya toshe masa baki dan kar wani ya ji, yaja hannunsa suka fice, mota suka shiga Suhail ya kasa katabus ban da rawa da jikinsa ke yi,  NUREN ya ce "haba Suhail, miye haka kake yi ne kam? be a man mana, na fa gaya maka ne dan mu samawa Samima magani ta warke kamar sauran mutane " Suhail ya ce  "to kai ka taba ganinta a macijiyar ne?" sai da Nuren ya numfasa kafin ya ce" a'a, ko iyayenta ma basu taba ganinta a macijiyar ba" 

"To amma kai Nuren anya ba karya......" da sauri Nuren ya dakatar da Suhail da cewa "tabbas, da ace ba daga bakin iyayenta maganar nan ya fito ba, sai nayi ma wanda ya fada shegen duka kafin na karyata shi, amma iyayenta ne suka fadamin da bakinsu, kuma naje na samu mutane a kofar gidansu, in takaice maka zance da shirin ƙonawa Baba gida zasu yi kuma da Umma a ciki" 

"Hummmm!!!" Suhail ya sauke gaurowar ajiyar zuciya ya ce.

"To yanzu ta ina zamu fara?, me kake so nayi?"

"Yanzu zamu bazama neman malamai ne dan a karya sihirin"

"Amma kana ganin hakan zai yu kuwa? Tun da Umman Samima tace Malam yace wanda ya mata shi zai warware"

"To mu fara zuwa gidan Gwaggo Asaben mu roƙi alfarma idan ta ƙi ba sai a haɗata da hukuma ba ko ya kace?"

"Idan muka yi haka kuma zasu sake saka Samima cikin hatsari" cewar Suhail, kifa kansa Nuren ya yi wanda ya ji yana masa barazanar tarwatsewa saboda tashin hankali, mota yaja Suhail na tambayarsa ina zasu je, bai iya ya bawa Suhail amsa ba, har suka je wani babban gida wanda yake dauke da almajirai da yawa, parking din mota Nuren ya yi suka fito tare da Suhail wajan babban Malamin Abbansa ya zo dan ya yi masa bayani halin da Samima take ciki, da sallama ya shiga babbar zauren yayinda aka yi musu Umarnin shigowa, bayan sun shigo suka gaishe da Malam cikin girmamawa, Malam yake tambayar Nuren ya mahaifinsa ya amsa masa da yana lafiya, sabida ya dauka ma ko mahaifinsan ne ya aikosa, cikin natsuwa Nuren ya fara yiwa Malam

Bayanin abun da ya kawosu, girgiza kai Malam ya yi, ya ce " gobe ku taho da ita yarinyar da iyayenta da ku gaba daya" Nuren ya amsa da "to Malam,kamar da wani lokaci zamu zo?" Malam ya ce " ku zo da rana" godiya suka yi wa Malam sannan suka fita,basu zarce ko ina ba sai gidansu Samima, da kyar Nuren ya tilasta Suhail suka shiga inda a cikin ransa yake karanto suratul jinnu, sallama suka yi a kofar parlour Umma ta amsa ta basu izinin shigowa, bayan sun shigo a daddafe Suhail ya zauna, Nuren ya ce "Umma ina Baba ya fita ne?" murmushin karfin hali Umma ta yi ta ce "mu kuwa ina mu ka ga ta zama Nuren, ai zama bai ganmu ba ya fita" gyara zama Nuren ya yi, sannan ya gayawa Umma yadda suka yi da Malamin mahaifinsa godiya Umma ta yiwa Nuren gami da sa masa albarka, ya ce.

"Haba Umma ki daina min godiya nayi alkawari kuma a shirye nake da sadaukar da rayuwata akan Samima, iyayena ma sunce idan ana bukatar gudumawarsu zasu bayar, ina Samiman? Ba dai bata dawo ba?" share hawaye Umma ta yi wanda ya zame mata jiki ta ce "mun gode fa Nuren Allah ya yi albarka, ta dawo tana kwance a dakinta" Nuren ya ce "zan iya shiga na ganta ko kuma ki kira ta Umma" 

"Ah haba dai dakin kanwarka ce ai kana iya shiga" a hankali Nuren ya miƙe ya shige dakin Samima, Umma ta kalli Suhail ta ce " Suhail, baka da lafiya ne?" yaƙe Suhail ya yi, ya shiga girgizawa Umma kai alamun a'a,aransa ya ce "Umma ba za ki gane bane.

da Sallama ya shiga ya sameta kwance a nannaɗe, ganin yadda ta nannɗe ba karamin ba shi tsoro ta yi ba, a hankali ta kira sunansa cikin daddadar muryarta mai dadin sauraro, karasowa gabanta ya yi ya duka, ya ce "fatan kina lafiya?" 

"Eh Yayana lafiyata kalau, kai fa?"

"Nima ina Lafiya"

"To madalla yanzu sauri nake yi zan tafi dan an kusan kiran sallar magriba ko da wani lokaci za a iya kira, gobe ku shirya zamu je wani waje kinji?" ta amsa da "to Yayana Allah ya kaimu" tashi ya yi ya fice da sauri sabida kukan da ya ji yana shirin kwace masa, ko da ya fito sallama kawai ya yiwa Umma suka wuce, sai da suka yi sallar magriba da isha'i kafin ya ajiye Suhail a gida shima ya wuce gida.

🍀🍀🍀🍀🍀🍀🍀🍀🍀🍀

Read More

Share this

WhatsApp

DUNIYA TAFI BAGARUWA IYA JIMA Page 41 to 50 ( The end)

    D'aki ne mai cike da ababen tsoro, tsananin bakin duhun da shi kadai aka bar bil adama da shi, tabbas zai iya rasa ganinsa a duk sadda ya shigo cikin haske. Kururuwa, da wani irin ihu dattijon da ke cikin d'akin ke yi, yayin da a duk lokacin da ya dumfari k'ofar fita, sai ya ga k'ofar ta shafe da bango, tamkar ba'a taba halittarta ba a wurin.

  Yayi hakan ya kai sau goma, a k'arshe ya saki wani gagarumin k'ara, mai tsananin sauti, wanda ya ansa kuwwa a gaba d'aya dakin, har ma ya ji tamkar yana girgizawa. 

  Wani yaro ne ya bayyana gabansa, ya mik'a masa hannu alamar ya taso, ya ko mik'a nashi hannun, cikin yan dakiku, yaron ya fito da shi daga d'akin ma'abocin duhu da ban tsoro. Fuskar yaron da ya ceto shi ya kalla, hawaye ya gani suna sintiri d'aya bayan d'aya, yana fad'in

"Ka taimake ni nima, tamkar yadda Allah ya bani iko na fitar da kai daga halin da kake ciki."

  Ya bud'e baki zai yi magana, ya nemi yaron sama ko k'asa ya rasa, a dai-dai lokacin ya farka daga baccinnasa, bakinshi kunshe da salatin Annabi.

  Ire iren mafarkan da Mal. Buba ke yi kenan tun daga ranar da yayi shedar karya a kotu, haka kuma ko alama ya kasa samun natsuwa da kwanciyar hankalinsa. Hakan yasa ya yanke shawarar da gari ya waye, zai je ya sanar da Alkalin gaskiyar lamari, a shirye kuma yake ya anshi duk ko wane irin hukunci zai biyo baya.

  Washe gari da sassafe ya shirya, ya wuce kotun da ake sauraren shari'ar su Tareeq, bai samu ganin Alkalin ba, sai Registrar ya gani, ya shaida masa abinda ke tafe da shi. Komai registrar bai ce ba, daga k'arshe ya jaddada masa matukar ya shirya fadar gaskiya, to ya dawo ranar da za ayi zama na gaba.

            *****

  Tsaye yake gaban dogon madubin da ya kan iya kallon tun daga kansa, har kafafunsa, a sa'a guda yana gyara zaman necktie din da ke daure a wuyansa. Grey suit jacket d'insa da ke rataye jikin hanger ya ciro, yana k'ok'arin d'ora shi saman white long sleeve shirt da ke jikinshi, ya hangi yanayin matartasa ta madubin da ke gabansa, da sauri ya juya yana kallonta.  Tunda ta fito wanka zaune kawai tayi gaban madubin, ba kuma ta da niyyar motsawa.

  Cuff-links dinsa ya k'arasa makalawa, ya taka a hankali ya isa ta bayanta, tare da rankwafo da kansa, ya dora habarsa a kafadarta. Idanunsa ya zuba yana kallonta ta madubin, hakan ya sanya ta sauke ajiyar zuciya mai nauyi, tare da sakin murmushin da ya fi kama da na k'arfin hali.

"What's wrong with you Angela?"

  Ya tambaya yana ci gaba da kallonta, bata ce komai ba ta dora hannunta saman nashi da ya zagayo da shi zuwa wuyanta.

"Bana jin zan iya fita yau Ya Sadic."

  Ta yi maganar cikin murya mai taushi, ya dube ta da kyau, tabbas iyakar gaskiyarta kenan. Sai dai ya rasa menene dalilin shiru-shirun nan nata. Kusan sati biyu kenan, amma kullun haka take sululu, babu walwala a tare da ita. Yayin da duk irin tambayar da zai mata, ansar dai guda daya ce, 'babu komai.'

  Gefen fuskarta ya shafa a hankali yana ci gaba da kallonta. 

"Amma kin manta kina da shari'ah yau?"

  Ta girgiza kai, alamar bata manta ba.

"Okay, tashi ki shirya please. Success is always with you wifey."

  Ya karashe yana mai sumbatar kumatunta, ta murmusa kafin ta daga kanta.

Ganin ta janyo mai zata fara shafawa ya sanya shi mikewa, ya k'arasa saka suit d'in, ya feshe jikinshi da turaruka, ya juya yana dubanta ta madubi. Yanayin kallon da ya ke mata yasa ta fahimci abinda ya ke nufi, ta mik'e jiki babu k'wari, ta isa daf da shi, tare da zagaye hannayenta a bayansa, ta kwantar da kanta saman faffadan kirjinshi.

"Allah ya bada sa'a Ya Sadic."

  Ta fad'a a hankali, cikin muryar da ta sanya shi fadawa kogin tunani.

"You really okay?"

  Ya tambaya bayan ya d'ago fuskarta, ya saita idanunsa cikinnata.

"I'm fine."

  Ta ce da shi, hakan ya sa ya zagaye hannuwansa a bayanta, ya had'e ta da jikinshi tsam-tsam, and not willing to let go.

"I love you Angela."

  Ya fad'a a setin kunnenta, sannan ya sake ta ya juya ya d'auki briefcase nasa.

"Allah ya bada sa'an shari'ah. Sai na dawo."

  Murmushi tayi mai kayatarwa, ta k'ara da fad'in

"Thank you, nd I love you more."

  Daga nan ya wuce zuwa waje, yayin da ta koma saman gado ta zube, zuciyarta sam babu dad'i. Hankalinta na matukar tashi a duk lokacin da ta tuna buk'atar su Alhaji Barau.  Sai tayi niyyar ansa tayin da sukai mata, sai kuma fuskar Tareeq ta wanzu a birnin zuciyarta, hakan ke k'ara rikirkita lissafi, har ma da tunaninta. Kusan awa ukku tana zaune a wurin, ko towel din jikinta bata da niyyar cirewa. 

  Agogon da ke manne da bangon d'akin ta sauke idanunta a kai, karfe tara har da wasu 'yan mintuna, yayin da shari'artasu ta kama karfe goma dai-dai.

  Tayi juyi a saman gadon tare da jan blanket, wani irin zazzabi mai zafi ya sauko mata cikin dan k'aramin lokaci.

           *****

   Tun daga yawan motocin da ke adane a harabar kotun za'a tabbatar da yawan al'ummar da suka halarci shari'ar ta yau, cikin kotun ma ya cika ya batse, har babu wurin zama, Alkali na daga kujerarsa, Barr. Hisham na zaune a bangaren hagu, yayin da Barr. Nasib wanda ke cikin tsananin tashin hankalin tunanin abinda ya dakatar da Jay na zaune a bangaren dama, sai dai lokaci zuwa lokaci, ya kan kai dubansa ga k'ofar shigowa, zuciyarsa na addu'ar Allah ya sa dai lafiya. 

  Agogon hannunsa ya kalla, karfe goma har da mintuna ashirin. 'Ina Barrister ta tsaya?' Ya kai tambayar ma zuciyarsa, sai dai bashi da mai ansa masa in har ba ita din bace ta bayyana.

"Ya Ilahi.."

  Ya fad'a a bayyane, tare da furzar da iska mai matukar zafi.

  Cikin tsananin izza, Barr.  Hisham ya mik'e,

"My Lord. Ina mai rokon kotu da a cigaba da sauraren shari'ah kawai, dan alamu sun nuna Barr. Jameela is not serious anymore. Nd Justice delay,  is definitely justice denied."

  A tsanake Alkalin ya kai duba ga agogon da ke daure a hannunsa, ya d'ago tare da gyara zaman gilashinsa yana fad'in

"Sure, but don't you know that, justice rush is justice quash? For that, za'a k'ara mata 'yan mintuna, cuz its better to delay justice than to condemn innocent..."

  Bai kai ga rufe bakinsa ba ta fad'o cikin kotun, tamkar wacce aka jefo, tsananin damuwa da tashin hankalin da take ciki, sun bayyana k'arara a saman fuskarta, wanda za'a iya fahimtar hakan ta kallo d'aya.

  Cikin gaggawa mai tattare da rashin natsuwa ta isa ta zauna gefen Barr. Nasib, ya rankwafo cikin zak'uwa

"Barrister ya aka yi? Me faru? Ina kika tsaya?"

  Ya jera mata tambayoyin, sai dai kafin ta yi yunk'urin bashi ansa, muryar Alkalin ta karad'e kotun, cikin wani irin amo mai k'arfi. 

"Where have you been like that? Kinsan kina da shari'ah 10:00 me ya kamata kiyi for God's sake? I'm warning you, nd this is the last time. Okay?"

"I'm sorry My Lord."

  Ta fad'a kanta a k'asa, sannan ya ci gaba

"Kin taka sa'a ma, but i was about to stroke the case."

  Ya maida dubansa gare su baki d'aya,

"And to y'all, I want to address this. As officers of the law and minister of justice, you should maintain that decorum. So, don't be just like market people kuyi ta objection anyhow. And I expect y'all to assist the court in the task of ensuring justice, protecting human rights and to uphold the rule of law."

  Cikin daga murya yayi maganar, da alama ranshi ya matukar baci, ya maida dubansa ga littafin da ke gabansa, a sa'a guda kotun tayi tsit, babu wanda ke koda kwakkwaran motsi.

"As the court pleases.."

  Suka fad'a a tare su duka ukun, kafin ya d'ago yana mai ci gaba da cewa

"I almost forget. It has come to my notice that, Mal. Buba, wanda ya bada sheda ta bangaren wadanda ake k'ara ya fad'i false statement, and he's willing to change his statement, so idan yana kusa ya matso gaban kotu."

  Wani irin tashin hankali ne yayi dirar mikiya ma zuciyar Barr. Hisham, a sa'a guda aka dinga kallon kallo a tsakanin mutanen da ke zaune a kotun. Shiru Mal. Buba bai bayyana ba, har sai da d'an sandan da ke k'ame bakin k'ofa ya lallak'e, ko Allah zai sa ya ganshi, amma babu shi, babu kuma dalilinsa. 

  Ganin hakan yasa Alkalin  basu dama da su ci gaba daga inda suka tsaya.

  Cikin takun girma Barr. Hisham ya mik'e, duk da cewar ba shi da sauran fargaba, domin ya riga ya san sun gama sayen Barr. Jay, har yana ji a jikinshi hakan ne ma ya yi sanadiyyar makararta a zamannasu na yau. Ya murmusa, kafin ya fito gaban kotun, cikin azama ya fara magana, dan kuwa wannan ita ce dama ta k'arshe da yake da akwai, a kuma wannan zaman ne zai san duk yadda zai yi domin ya kubutar da clients dinshi.

"My Lord, ina rokon alfarmar kotu da ta bani dama, domin gabatar da wasu yan tambayoyi ga clients dina."

  Girgiza kai Alkalin ya yi, a sa'a guda ya yi nuni mishi da hannunsa, kafin ya k'ara da cewar

"Kotu ta baka dama."

  Hannuwansa a aljihu, ya mik'a zuwa bangaren da su Mubee ke tsaye, ya kalle su da fuskarsa ba yabo ba fallasa yayi nuni da Sino. 

"Ehhnmm.. Hassan."

  Ya d'ago a hankali yana dubansa.

"Zan so ka sanar ma kotu inda kake a ranar laraba ashirin da biyar ga watan December na shekarar da ta gabata"

  Shiru Sino ya yi, a lokaci guda ya shafi cikakkar sumarsa da ta mimmike, alamar rashin samun gyara, ya yi k'asa da kansa, kafin ya ansa da

"Gaskiya ba zan iya tunawa ba."

"Kamar ya kenan? Ina magana maka a ranar da ake zargin faruwar al'amarin da ya tara mu a nan, kana ina a ranar?"

"Eh fa, bazan iya tuna inda nike ba gaskiya."

"Ko zan iya sanin dalili?"

  Ya d'ago a hankali ya saci kallonsa, sannan ya maida kansa ya fara magana.

"Saboda.. saboda bana cikin hayyacina a gaskiya."

"Baka cikin hayyacinka? Me hakan ke nufi kenan?"

  Shiru yayi, idanunsa a k'asa, har sai da ya k'ara maimaita tambayar ya k'ara da fadin

"Ina saurarenka."

"I was drunk."

  Ya fad'a a gajerce, har kuma a yanzu kanshi na a k'asa.

"You were drunk."

   Ya maimaita da dan murmushi saman labbansa, yana takun kaiwa da kawowa a gaban witness box din da suke ciki. A k'arshe ya k'ara da cewar

"Kafin ka samu kanka a yanayin da ka fad'a, shin zaka iya tuna a inda kake?"

  Sai da yayi jim, daga bisani ya ce

"Na san dai mun isa shisha joint tare da abokaina, daga nan babu abinda zan iya tunawa, sai washe gari da na farka na ganni kwance a dakina."

"Abokanka su wa kenan? A ina suke? Kuma a ina kuka had'u da su kafin ku cimma shisha joint din?"

  Ya d'ago da kansa, yayi nuni da su Mubee da ke tsaye gefenshi, fuskokinsu sun fita daga hayyacinsu, sunyi baki da wata irin ramar da ta bayyanar da matsanancin halin da suke ciki muraran. 

"Sune muke tare da su, kuma fitarmu daga gidan su Mukhee kawai muka zarce can."

"Daga nan kuma baka k'ara ganinsu ba, har sai zuwa wane lokaci?"

"Sai a washe gari muka k'ara haduwa da su."

  Murmushi Barr. Hisham ya saki. Ya juya yana mai duban su Mubee tamkar zai furta wani abu, sai kuma ya basar, tare da maida hankalinsa ga Alkalin da gaba d'aya tunaninsa ke kansu.

"My Lord."

  Ya fad'a lokacin da ya k'ara takun sawunsa zuwa tsakiyar kotun, ya ci gaba da cewa

"Ta yin la'akari da statement din da d'aya daga cikin clients dina ya bayar, zan so a ce kotu tayi duban tsanaki, ta kuma fahimci cewar a ranar da ake maganar faruwar al'amarin, sam basa ma tare da hankalinsu, abun nufi, basu ma san me ya wakana a ranar ba. Dan haka ina rokon alfarmar kotu, da ta yi duba zuwa ga yanayin da suka tsinci kansu a ranar, ta wanke su daga gagarumin zargin da ake musu."

  Ya rissinar da kansa, kafin ya koma mazauninsa.

  Alkalin da ya d'ago daga rubutunsa, ya kai duba ta setin da su Jay ke zaune

"Counsel, ko kuna da abun cewa?"

"Yes My Lord."

  Ta fada bayan ta mike, labbanta kunshe da murmushin da ya fi kama da na yak'e. Cikin natsuwa ta mik'e, bata ko bi ta kan maganar da Barr. Hisham ya yi ba, ta fito da muffler da ta tabbatar ta su Mubee ce kamar yadda Khamis ya shaida mata, ta iso gaban kotun. 

  Gaban su Deeni ta k'arasa, ta daga muffler tana duban Mubee wanda shine mamallakinta tana fad'in

"Me zaku ce game da wannan muffler?"

  A tare suka d'ago,  idanunsu da tamkar zasu fad'o k'asa, hannun Deeni na wata irin kyarma, ba komai yake tunawa ba, sai lokacin da ya daure idanun Tareeq da abun, wanda bai yi tunanin zai kara moruwa da ganinsa zuwa gaba ba. Duk sun gagara furta ko da kalma d'aya.

  Kallon tuhuma Alkalin ke jifarsu da shi, ganin yadda suka sha jinin jikinsu, tamkar kazar da aka tsoma a ruwan zafi. Maganar Jay ce ta katse shi daga duban tsanakin da yake musu, ya maida hankalinsa gare ta yana sauraren jawabinta.

"My Lord, mutanen nan da ke tsaye gaban kotu, sunyi amfani da wannan muffler ne wurin daure idanun Tareeq wanda Allah ne kawai ya taimaka yana da rabon gani a gaba, hakan ya tabbatar da cewar muffler din ta su ce, kamar yadda bincikena ya tabbatar mani, an sayi muffler din ne a Dilemma Super Market, shago mai number dari da  tamanin da hudu, da ke kan titin Isah Kaita a nan cikin garin Kaduna. Bugu da kari kuma receipt din biyan kudi ya fito 6aro-6aro da sunan Mubarak Garba Bukar rubuce a jiki."

"Objection My Lord."

  Barr. Hisham ya fad'a cikin azama, ya mik'e ya fito da tashi muffler a hannu, wacce babu wani abu da ya banbanta ta da wacce ke hannun Jay. Ya kalleta ta k'asar idanunsa, ya jefe ta da wani makirin murmushin da ya k'ara dagula lissafinta.

"Tabbas Mubarak ya sayi muffler a Dilemma Super Market a ranar talatin ga watan September na shekarar da ta gabata, sai dai ba shine zai sa Barrister tayi saurin yanke hukuncin cewar muffler da ke hannunta, mallakarshi ce ba. Domin yanzu haka a tare da ni akwai muffler da shi Mubarak din ya siya, wacce ga dukkan alamu tayi kamanceceniya da wacce Barrister ta gabatar, haka zalika wannan ya nuna cewar wasu ne can na daban suka tafka wannan aika-aikar, da ake tuhumar clients dina."

  Ya k'arasa ya mik'a tashi muffler ma Alkalin had'e da duplicate na receipt dinta, mai d'auke da shekara da kuma ranar da aka siye ta. A sa'a guda itama ta mik'a tata, a tare Alkalin yake duban muffler, yana son ya fahimci abinda ya banbanta su, sai dai babu wani banbanci ko da na digo d'aya.

"Da wannan nike rokon wannan kotu mai adalci, da ta fahimci cewa clients dina basu da hannu a abinda ake tuhumarsu, haka kuma bayanan da Barrister ta yi, sun isa su gamsar da kotu cewar wasu ne can na daban suka aikata laifin, yayin da a nan aka tsare bayin Allahn da basu da masaniya a abinda ake tuhumarsu."

"Tabbas mutanen nan da ke tsaye gaban kotu su suka aikata laifin da ake tuhumarsu, kamar yadda Tareeq ya dinga kiran sunayensu a cikin baccinsa, da kuma lokacin da Alkali ya bukaci ganawa da shi."

  Ta yi gaggawar katse shi, a sa'a guda ta k'arasa gaban desk dinta, ta fito da wayarta, cikin gaggawa ta bincika recording din da Khamis ya tura mata, ta mik'a shi ga registrar yayi connecting da manyan speakers din da aka tanada domin irin haka, ta yadda kowa da ke cikin kotun zai iya saurarar abinda ke ciki.

  Muryar Tareeq d'in ce ta karad'e kotun baki d'aya, haka sunan Mubee tangararam a bakinsa, bayan ya kare ta kuma kunna recording din da tayi a chamber, lokacin da suka kebance da Alkali.

  Salati mutanen cikin kotun suka kwasa, a sa'a guda Mal. Buba ya turo kanshi ciki, bai bata lokaci ba ya iso gaban kotun ya tsaya.

"Order.. order.. order in court."

  Abinda Alkalin ya ci gaba da maimatawa kenan, har zuwa sadda aka samu  daidaituwar surutun mutanen da ke wurin. Registrar ne ya mik'e yayi k'us-k'us ma Alkalin, wanda da alama zuwan Mal. Buba ya ke sanar da shi.

"I don't believe in your recordings Barrister."

  Muryar Barr. Hisham Ta sanya su maida hankalinsu gare shi, a sa'ar da ya ci gaba.

"This is just an act, as I said earlier. Dan haka kiyi providing concrete evidences da zaiyi proving clients dina guilty, May be, yeah, may be I'll be convince! Amma wannan, I'm sure sai da kuka shirya ke da yaron da kika kai, sannan kuka yi acting din da kuka yi."

  Shiru tayi tana kallon yadda yake magana hankalinsa kwance, gaba d'aya jikinta kyarma yake, zuciyarta tamkar zata tsinke, domin ta gama gabatar da duk wani abu da ta mallaka a yanzu, kuma matsawar wannan damar ta subuce mata, to fa tana ji tana gani tsab za su sha gabanta, su yi winning case din da idan har bata samu biyan bukatarta ba, to kuwa da wuya idan zata ci gaba da ansa sunan Barrister. Dakyar tayi karfin halin had'a kalmomin da bata san ta inda suke zuwan mata ba

"I'm not trying to convince you Barr. Hisham, for that matter, wannan ba huruminka ba ne ba."

  Da gama fadar hakan ta ji wani sabon zazzabi ya kuma sauko mata, nan da nan hakoranta suka fara had'e kansu, kyarma take wacce har za'a iya fahimtar hakan ta yadda gaba d'aya jikinta ke motsawa. Jin duk sunyi shiru yasa Alkalin tambayar ko akwai wani mai sauran abun cewa?

  Kai kawai Jay ta girgiza, a sa'ar da Hisham ya saki murmushin samun nasara, ya bi ta da wani irin kallon da ya tsananta faduwar gaba da kuma jin sanyinta. Tamkar wacce aka zare ma lakka, haka ta isa ta zauna a gefen Barr. Nasib wanda ya rankwafo yana tambayar lafiya take ko.

  Jin muryar Alkalin da ya ce da Mal. Buba ya k'araso gaba, shi ya ja hankalinsu ga maida dubansu gare shi. Ta kasan gilashinsa ya gama kare wa Mal. Buba  kallo, a k'arshe yayi nuni masa da witness box, babu bata lokaci ya shige ya tsaya yana ta faman rarraba idanu.

"Kai ne Mal. Buba?"

"Ni ne Yallabai."

"An ce zaka gyara zancenka, haka ne?"

  Ya tambaya yana mai ci gaba da kallonshi.

"Haka ne Yallabai."

  Ya yi maganar kansa a k'asa.

"Go ahead then."

  Duk da ba wai ya fahimci abinda ya fad'a din bane, ya san dai nufinshi ya ci gaba ta yadda ya ga yayi amfani da hannunsa, ya kuma tallabi habarsa ya zuba idanu yana kallonshi. 

  Daya bayan d'aya Mal. Buba ya fara jawabi, abinda ya fad'i ma yan sanda shi ya kuma maimaitawa a gaban kotun, fuskarsa cike dam da nadama, tare da da na sanin karyar da ya yi a farko. 

"Wannan kenan ya nuna jawabin da kayi a baya na k'anzon kurege ne, haka ne?"

"Haka ne Yallabai."

  Ya fad'a yana mai k'ank'an da kansa.

"Then, halayyarsu da ka yaba a baya fa? Ya matsayin hakan yake?"

"Wallahi duk shiri ne Yallabai, amma a zahirin gaskiya yaran nan kowa ya san basu da kirki, haka zalika ni shaida ne a irin rashin da'arsu. A lokuta da dama, an sha kawo k'ararsu gida da k'orafin suna lalata 'ya'yan mutane, amma iyayensu su fatattaki wanda suka kawo karar tare da gargadi mai tsoratarwa"

"Amma da girmanka Malam,  me sa kayi mana karya da farko? Ka kuma sani sarai yin hakan ya sab'a ma dokar kotun nan. Haka zalika yana da hukuncinshi na daban da zaka ansa."

  Alkalin ya yi maganar yana gyara zamansa. Hawayen da Mal. Buba ke taryewa ne suka subuce suka fara zuba, fuskar da ya ke gani a mafarkinshi ita ya kuma gani a idanunsa da ya runtse, yayi gaggawar budewa yana sauraren Alkalin. 

  Hannunshi ya dora a kai, ya fashe da kuka 

"Dan Allah, Dan Annabi ayi hakuri Yallabai. Wallahi bani da yadda zanyi ne, ku gafarta mun dole ce ta saka ni aikata hakan."

  Wulakantaccen kallon da Barr. Hisham ya aika masa, shi ya sanya shi nadamar kallon setinshi, ya kauda kanshi da sauri, yana shafe hawayen da suke ambaliya saman dattijuwar fuskarsa.

   Bayan shudewar kamar mintina biyu Alkalin na ta faman rubutu, ya d'ago yana kallon yadda Mal. Buba ke zubar da ruwan hawaye. Ya gyara zaman gilashinsa, a sa'a guda ya ji tausayin tsohon ya dira zuciyarsa, hakan ya sanya shi sallamarshi, ya wuce yana ta faman zuba godiya, yayin da shi kuma ya ci gaba.  

"Zamu fita hutun takaitaccen lokaci. Idan mun dawo, zamu ci gaba a inda muka tsaya."

  Ya k'arashe tare da buga kundin da ke gabansa, ya mik'e, a daidai lokacin da sauran jama'ar cikin kotun suka mik'e baki d'aya.

www.lubabatumaitafsir.com

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

Lubbatu Maitafsir

_Where's Asma'u Mtz, Missy-Missy, Ummy Danfuloti, & Fatima Sani Aminu? This is for you guys. Nd I thank you from the bottom of my heart, for the love you'd towards #DTFBIJ. Let's rock!..._

{22}

   Alal hak'ik'a zuwan Mal. Buba ba k'aramin tada hankalin Barr. Hisham da tawagar Alhaji Barau ya yi ba. Ya jefa su a wata duniya ta rudani, tsantsan rikici da tunanin makomar shari'artasu baki d'aya. Jiki babu k'wari suka ci gaba da fitowa daga d'akin sauraren shari'ar. Bangaren da ya ga Jay ta dosa ya tasan ma, cikin d'an lokaci ya cimmata, ya d'an daga muryarsa wacce alamu suka nuna ba k'aramin razanar da ita ya yi ba. 

"Tell me you're kidding, about your reaction earlier!"

  Muryar da ta tabbatar da mamallakinta ta daki dodon kunnenta, ta haifar mata da faduwar gaba mai tsanani,  ta juyo cikin rashin natsuwa tana dubansa. Tsaye yake ya zuba hannayensa a aljihu, ganin ta dakata ya bashi damar fara takawa, cikin tak'ama da tunk'aho, har ya iso inda take tsaye. Murmushin raini ya sakar mata, ya matsa daf da kunnenta ya ce

"Baki isa ki manta da agenda dinmu ba Barrister. Ko kin manta da makuden kudaden da kika danne a account dinki? Kin manta da gidan da yake shirin zama mallakinki? I'm advising you, kada ganganci da rawar kanki ya kaiki ga aikata abinda zaki yi da na sani. For that, in kina da wani kudiri, ki canja takonki kafin mu koma break."

  Ya saita idanunsa a nata, yayi smirking ta gefen kumatunsa, ya wuce ya barta a tsaye.

  Karkarwa kafafunta suka dauka, a sa'a guda ta tuno maganar mutumen da bata san waye shi ba, wanda ya jaddada mata cewar ya san makarantar yaranta har ma da ajujuwansu. 'Tabbas mutanen nan basa tsoron Allahnsu, haka zalika zasu iya aikata duk abinda suka ambata, koma fiye da haka.'

  Tsaye kawai tayi a wurin tana kallon bayansa, har sa'adda ya bace ma ganinta.

  Murmushi Barr. Hisham ya ke, har ya iso inda su Alhaji ke jiransa, Prof. Bello ya kalle shi cikin zak'uwa

"Menene abun yi Barrister? Ya kake ganin nasarartamu?"

  Bakinsa ya cika da iska ya furzar, ya shafi kwantacciyar sumarsa, a karo guda ya gyara rikon da ya yima gown d'insa, sannan ya fara magana.

"Akwai matsala babba, dan ban taba zaton Barrister nan zata watsa mana k'asa a ido ba. Ban taba tunanin a duniya akwai wanda za'a yi ma alkairin da aka yi mata ya juya bayansa ba. Nd now wannan mutumen ya zo ya rusa gaba d'aya shirinmu."

  Ya k'arasa tare da sauke ajiyar zuciya, sannan ya ci gaba.

"But I've an idea, wacce na tabbatar ita ce kadai hanya guda daya da zamu iya winning case din nan."

"Haba Barrister, ka san da haka kuma zaka ke bata lokacinmu, ayi abinda ya kamata mana."

  Murmushin ban girma ya zubar, ba tare da bata lokaci ba ya sanar musu da kudurinsa, wanda a nan take, suka aminta da shi.

"Ina zuwa."

  Alhaji Barau ya fad'a yana duban sauran mutanen, ya wuce parking lot, yayin da Hisham ya rufa masa baya, har inda motarsa ta ke. Boot ya daga, ya fito da dan k'aramin silver briefcase sai sheki yake, kafin ya maida ya rufe, ya juya yana kallon Hisham, tare da dora akwatin saman motar, ya bud'e da wadataccen murmushi kunshe da fuskarsa.

  Dalar Amurika ce cike dam da akwatin, wanda shi kanshi Alhajin ba zai iya tantance adadin yawansu ba, ya kalli Hisham ya ce

"Ka je da su."

  Ya rufe case din, ya mik'a masa. Murmushi ya yi, suka sha hannu, yayin da ya ansa ya juya abinsa.

              ****

"Na gama gabatar da duk wani evidence da ya yi mun saura Khalid, sai dai hankalina ya kasa kwanciya wallahi, jikina yayi sanyi, ina tunanin rashin imani irin na mutanen can."

  Barr. Jay ce ke wannan jawabin lokacin da suke takawa tare da Khalid, wanda shi kansa cikin matukar tashin hankali ya ke.

"Amma ya kike ganin yanayin sa'artamu?"

"I can't say Khalid, sai fa abinda muka gani kawai. A yanzu haka maganar da nike maka hankalina baya tare da ni wallahi. Cuz mutanen can, sun wuce duk wani tunanin mai tunani."

  Shiru yayi zuciyarsa ta zurfafa a tunanin abinda ya kamata yayi, haka itama tata zuciyar ke zinga da k'ulafucin sanar da shi halin da suka jefa ta, sai dai bata tunanin hakan zai iya basu wata nasarar da basu samu ba tun farko.

  Hannunsa ya soka a aljihu inda ya ji lafiyar wayar da yake ta faman ajiya ta Mukhee, 'me ya kamata ya yi?' Ya tambayi kansa, 'ya sanar mata da wannan babban sirrin, ko ko ya jira har su ga inda shari'ar ta kwana?'

"They're after my family."

   Ta tsinci harshenta da furtawa, hawaye taf a idanuwanta. Ya juyo da sauri yana dubanta,

"Ban fahimce ki ba."

  Ta shafe hawayenta, yayin da ta fara yi masa bayanin komai, a k'arshe ta k'ara da cewar

"Ban san me ya kamata in yi ba Khalid. Ka bani shawara dan Allah."

"Owh Allah!"

  Ya fad'a tare da dafe kansa. Ya juyo yana kallonta, har yanzu bata daina sharar k'wallan da ke zubo mata ba. 

"It's okay, Allah yana tare da mu, haka kuma zan yarda da duk hukuncin da za'a zartar, na kuma tabbatar babu laifinki a ciki, sai dai ki sani wallahi bazan hak'ura ba, har sai an hukuntar da azzaluman mutanen can, ba zan hak'ura ba, har sai na ga murmushin fuskar Tareeq ya dawo kamar yadda ko wane d'a mai gata yake samu a doron k'asa. Ba kuma zan hak'ura ba, har sai na tabbatar da na cusa bakin ciki a zuciyoyin mutanen da suka jefa firgici a zuciyar yaron da bai ji ba, bai gani ba ko da kuwa hakan na nufin fallasa babban sirrin da na dad'e ina faman boyewa."

  Ba tare da wani tunani ba ya fito da wayar Mukhee ya mik'a mata bayan ya bud'e sakonnin da suka yi musaya tsakaninshi da Sino. 

"Wannan fa?"

  Ta tambaya tana dubansa, a sa'a guda tana mai fito da idanunta waje sakamakon fahimtar inda sakon ya nufa.

"Hasbunallahu wa ni'mal wakeel! Khalid ka ce da ni ba gaskiya idanuna ke gani ba, please tell me this isn't true Khalid, please..."

  Ta dago da hawaye shabe-shabe a fuskarta tana dubansa, bai kai ga ansa ko tambaya daya a tambayoyinnata ba, Hajja Fati ta iso inda suken cikin sassarfa da tashin hankali.

"Sannu da aiki Barrister. Ya kike ganin abun? Akwai nasara kuwa?"

  Yanayin da tayi maganar ya jefa mamaki da kokonta a zuciyar Barr. Jay, ta d'ago tana kallonta, bayan ta share hawayen, murmushin karfin hali ta dora a saman labbanta, tausayi da jin k'an matar, suka dira a zuciyarta duk a lokaci guda. Kallon k'urilla ta tsaya yi mata, sai a sannan ta lura da canjin da aka samu a kamanninta.

"Alhamdulillah Hajiya."

  Shi kawai ta iya furtawa cikin wahalalliyar murya, ta ci gaba

"Sai dai muyi ta addu'a kuma, ni kam nayi duk wani abu da ya kamata ace nayi. But, lafiya na ga fuskanki haka?"

  Murmushin yak'e ta saki, ta sa hannu tana tattaba fuskan

"Na dan samu accident ne, Amma da sauki ai."

  Kallon reni Khalid ya jefe ta da shi, sai dai yanayin da ya lura tana ciki ya so bashi tausayi da sauri ya kauda kai daga kallonta, ya matsa gefe domin ya samu natsuwar zuciyar da ke addabarsa da tunani kala da kala. Itama juyawa tayi ta fara kiran layin Khamis domin ya kawo mata wayar Sino ta duba, ta tabbatar da abinda idanunta suka gane mata. 

                  ***

   Zaune ya samu Alkalin hannunsa rik'e da mug mai d'auke da coffee a ciki, ya kai kofin bakinsa ya kurba, a sa'a guda yana duba tarin takardun da ke gabansa. Da sallama ya k'araso ya nema ma kansa mazauni, hakan ya ba Alkalin damar dagowa yana yi masa kallon 'is everything alright?' Sannan ya maida kai ga abinda ya ke yi.

"Ehrrnmm.."

  Barr. Hisham ya yi gyaran murya yana tunanin ta ina ya kamata ya fara.

"Is everything okay Barrister?"

   Alkalin ya tambaya ba tare da ya d'ago ya dube shi ba.

"Fine Sir. Ina so mu d'an yi magana ne."

  Sai a sannan ya ajje mug din, ya d'ago tare da gyara gilashinsa, ya sauke idanunshi cikin na Barr. Hisham yana saurarensa. 

  Hakan ne ya ba Hisham damar dora briefcase din hannunsa saman teburin alkalin, ya d'auki kafarsa daya, ya dora kan d'aya, labbansa kunshe da kyakkyawan murmushi.

"This is for you Sir."

   Ya fad'a bayan ya bud'e akwatin, ya juyar da shi setin Alkalin ta yadda zai iya ganin komai da yake ciki.

  Cikin rashin fahimta ya yamutsa fuska yana kallon kudin, a lokaci guda ya sauke dubansa a kan Hisham da ke ta faman blushing.

"What is this for?"

   Ya tambaya yana mai yi masa kallon k'urilla da son fahimtar inda yanayinsa ya dosa.

"Ehrrrnmm.. Sir you know..."

   Sai kuma yayi shiru.

"Ehnn.. what?"

  Ya dake, ya gyara zamansa ya ci gaba

"Ka san yaran nan da ake case dinsu, yaran manyan mutane ne, d'aya a cikinsu d'an gidan Alhaji Barau ne tsohon minister of petroleum."

"And So?"

   Ya tambaya tare da yarfa hannu yana kallonshi.

"Ernmm.. shine dama.. dama yace a baka wannan ba yawa ka k'ara mai a mota."

"This is crazy."

   Ya fad'a cikin bacin rai.

"Do I look like a fool to you? Ka kuwa san illar abinda kake son jefa kanka? Well, ka tarkata kudadenshi ka mayar masa, nd ka fad'a mishi tankin motata baya buk'atar karin mai. Nd if you really are a lawyer, then ka yi amfani da fasaharka wurin winning case, but not this way. Find your way out Now!"

   Ya karashe cikin wata irin tsawa, tare da nuna masa k'ofar fita da hannunsa.

  Bai nuna girgiza ko bacin rai ba, haka ya mik'e ya rufe case din, ya balla maballin gaban suit d'inshi, ya d'auki briefcase din, ya rissina, kafin ya fice zuciyarsa na tsananta duka.

  Jiki babu k'wari ya k'arasa inda su Alhajin ke tsaye, yanayinshi kawai, ya basu amsar tambayoyin da suke yawo a zukatansu.

"Don't you worry."

   Ya fad'a bayan ya mik'a briefcase din ma Alhajin, sannan ya ci gaba

"We're the winners, and that's it."

"Hmmmm.. ni kam ina cikin tashin hankali gaskiya, kila har sai naga inda shari'ar nan ta tsaya, kafin."

  Barr. Zainab tayi maganar fuskarta na bayyanar da alhini, sai dai babu wanda ya iya cewa komai, domin duk gaba dayansun cikin rashin natsuwar suke, hatta da Barr. Hisham din wanda yayi k'arfin halin fad'in

"Ya kamata mu wuce ciki."

   Ya juya ya kama gabansa, yayin da suma suka kama tasu hanyar dan komawa cikin kotun. Bayan zamansu da kamar mintina biyar, Alkalin ya shigo, hakan ya sa duk aka mik'e, har sai da ya zauna, sannan suka koma mazauninsu.

   Bayan kowa ya nitsa, Alkalin ya kuma bada damar ci gaba, Jay wacce har yanzu bata cikin sukuni, ta mik'e tana fad'in

"Ina rokon alfarmar kotu da ta bani dama domin gabatar da shedata ta k'arshe."

  Kallonta Barr. Hisham ya yi cikin salo na firgitarwa, a k'asar zuciyarsa yana tunanin me take da shi wanda zata gabatar kuma?

"Kotu ta baki dama."

   Da haka ta fito ba tare da ta bi ta kan kallon da Hisham ke watsa mata ba, ta iso gaban kotun, sai a lokacin ta ji wata kwarin gwiwa ta sauko mata cikin dan lokaci.

  Wayoyin da ke hannunta guda biyu ta daga, kafin ta fara magana

"Wannan wayar Mukhtar ce, wato Yayan Tareeq, wannan kuma ta abokinshi ce, Hassan Alhaji Barau da ke nan tsaye gaban kotu wacce aka aiko mun daga ofishin yan sanda."

  Ta hadiye yawun da ya tokare wuyanta, sannan ta ci gaba.

"A ranar laraba, ashirin da biyar ga watan December na shekarar da ta gabata, da misalin karfe goma dai-dai na dare, Hassan da Mukhtar sun yi musayar sakonni, wanda alamu suka tabbatar da sakoninnasu na da alaka da abinda ya faru da Tareeq a wannan dare. Ina rokon alfarmar kotu data bani dama, domin mu ji abinda sakonnin suka kunsa."

  Da hannu Alkalin yayi nuni, alamar kotu ta amince mata. Hakan yasa ta juya ta mik'a wayar Mukhee ma Registrar. 

  Bai bata lokaci ba, ya gyara tsayuwarsa, a sa'a guda ya fara magana.

"Sino, shine sunan da ke rubuce a jikin number sakon da zan karanta, wanda ya fara da cewar: 'Ya ne? Kaga mun taka sa'a ko? Muna ajje ka gida muka ci karo da Tareeq. An gama  komai Baaabaa.' Shi kuma wanda aka tura ma sakon ya mayar da ansa kamar haka: 'ina fatan dai bai gane ku ba?' Sai Sino ya dawo da ansa cewar: 'Hell no, clean job nike fad'a maka.' Mai wayar ya tura sakon smiley mai alamar jinjina, sannan ya k'ara da cewar: 'Zai gane mu ba tsarar yinshi ba ne.' Iyakar abinda ke rubuce a wannan waya ta hannuna kenan."

"Innalillahi wa inna ilaihir raji'un!"

  Ita ce kalmar da da yawa daga cikin mutanen cikin kotun suke maimaitawa, daga ciki kuwa, hadda Hajja Fati wacce ta juya tana kallon bangaren da Mukhee ke zaune. Kanshi a k'asa bashi da niyyar dagowa, daga haka kuma tana iya hangen tsananin firgici da gagarumin tashin hankalin da zuciyarsa ke ciki.

"Order in court..."

   Alkali ya fara maimaitawa kasancewar surutunnasu na neman wuce gona da iri.

  Registrar ya mik'e ya isar da wayar ma Alkali, sannan Jay ta ci gaba.

"Ina da tabbacin Hassan ya goge nashi sakonnin ne, sakamakon jin da yayi yan sanda na nemanshi, wannan ya sa ko da aka bincika ta shi wayar, ba'a samu komai ba a akwatin adana sakonninshi."

  Ta isar da wayar ga alkali, sannan ta ci gaba.

"My Lord. Da wadannan tarin hujjojin da na gabatar, ina rokon alfarmar wannan kotu mai adalci, da tayi adalcinta ga wanda aka zalunta. Ta bi ma Tareeq hakkinsa, ta hanyar hukunta azzaluman nan da ke tsaye gabanta."

"Objection My Lord."

   Barr. Hisham ya fad'a cikin daga murya, ya mik'e daga teburinsa ya fara magana.

"Ta ya ya hankali zai dauki maganar da Barrister ta zo da ita? Haka kawai bamu san hawa ba bamu san sauka ba, sai ta zo mana da maganar wasu sakonnin? My Lord idan mai fadar magana ya kasance wawa, tabbas wanda ke saurare ba zai bi layinshi ba. Ina so kotu ta tuna cewar Mukhtar din da ake magana a nan fa Yayan Tareeq ne uwa d'aya, uba d'aya. Dan haka ya kamata kotu ta yi duba zuwa ga abun, ta kuma fahimci cewar wata lalacewa ce zata sa dan uwan da kuka fito ciki daya ya iya aikata wannan mummunan alkaba'in gare ka? Sam! Wannan ba maganar dauka ba ce, da alama kuma Barrister bata cikin hayyacinta... Dan haka ina neman alfarmar kotu da tayi watsi da wannan shedar ta Barrister Jameela."

  Murmushin takaici ta zubar, kafin ya kai aya tayi gaggawar tare shi da cewa,

"Wannan waya dai ta tabbata ta Mukhee, haka zalika wannan dayar mallakar Sino ce, idan kuma har kotu na san ta tabbatar da gaskiyar abinda na gabatar, za'a iya kiran number d'aya daga ciki, ina ga ta haka ne kawai gaskiya zata yi halinta."

  Babu gardama Alkalin ya mik'a wayoyin biyu ga registrar, ya kuma umarce shi da yayi kiran layin Sino wanda cikin yan seconds wayar ta dau k'ara, tare da nuna sunan Mukhee baro-baro a jiki.

  Murmushin birgewa Jay ta zubar, a sa'a guda jikin Hajja Fati da na Alhaji Badaru har wata tsuma ya ke yi, haka zalika shi kanshi Mukheen, bai taba tunanin rana irin wannan zata zo ba.

"Ina Mukhtar d'in? Is he in court?"

  Muryar Alkali ta dawo da shi daga duniyar tunanin da ya tsunduma ya na mai k'ank'an da kai, har sai da ya kuma maimaita tambayar, sannan ya mike jiki babu k'wari, ya iso gaban kotun idanunsa tamkar an soya gyada, sai dai duk wanda ya kalle shi ya san zuciyarsa na cike taf da tsantsan alhini da tashin hankali. 

"Kai ne Mukhtar?"

  Judge ya tambaya tare da adjusting zamansa.

"Eh ni ne."

  Ya bashi ansa kanshi a k'asa. Nuni ya yi mishi da witness box, ya shiga ya tsaya, har yanzu ya gagara d'ago da kanshi.

"Samsung galaxy grand prime, model Sm-G530h, ash in color. Is it your phone?"

  Muryar Alkalin ta daki dodon kunnensa, ya d'ago a hankali, ya sauke idanunsa kan wayar da registrar ke mik'a masa, ya ansa ya duba, tare da gyada kai yana fad'in

"Wayata ce, amma ta dad'e da bacewa."

"A ranar yaushe ne ta bace kenan?"

"Uhnmm.. gaskiya bazan iya tuna ranar ba."

"Wadannan sakonnin da ke ciki fa? Zaka iya tuna ranar da ka rubuta su?"

"Ehh? Ni gaskiya bani na rubuta su ba."

"Waye ya rubuta su to?"

"Ni wallahi ban sani ba. Wayar tawa fa ta dade da bacewa."

"Amma ai ka san wanda aka tura ma sakon ba?"

"Eh abokina ne."

"Shi kuma yaron da ake magana a kanshi fa?"

"Kanena ne."

"Then, ka fada ma kotu iyakar gaskiyarka. Menene manufar sakonnin da suke cikin wayarka?"

  A razane ya d'ago yana kallon fuskar Alkalin, babu annuri sam, ko alama, sai dai duk da haka bai yi zaton zai iya magana haka cikin daga murya ba. Yan hanjinsa ne suka murda, take zuciyarsa ta tsinke, hawaye masu zafi suka fara shatata daga kwarmin idanunsa.

"Ni wallahi ban ce su yi raping d'insa ba."

  Yayi maganar cikin muryar kuka, yana daga hannunsa alamar rantsuwa da iyakar gaskiyarshi.

"Damn it!"

  Muryar Barr. Hisham ta ansa kuwwa a cikin kotun, wanda alamu suka nuna bai san sa'ar da maganar ta bayyana a fili ba.

"Me kace suyi mishi then?"

   Alkalin ya tambaya yana mai sassauta muryarsa, tare da tallabe habarsa da hannun da bironsa ke rik'e.

  Cikin kukan ya fara jawabi,

"Ni kawai.. Ni kawai, nace ne su koya mai hankali, saboda ya raina mu ni da abokaina, duk sadda zai ganmu tare sai yayi abinda zai bata rayukanmu. Amma wallahi ban ce su yi raping d'insa ba. Wallahi ka ji na rantse."

"Laaa ha ila ha Illallahu Muhammadar rasuliLlahi Sallallahu Alaihi wa Sallam."

  Ire iren kalmomin da mutanen cikin kotun suke maimaitawa kenan, Alhaji Badaru kam ya kafe idanunsa a kan Mukheen, zufa kawai ke yanko masa ko ta ina.

"Ai dai kai kace mu koya masa hankali."

  Muryar Sino ta karad'e kotun, har ma ta disashe surutan da sauran jama'ar suke yi.

  Cikin tsananin fushi yayi maganar yana nuni da Mukhee, dan dama tun daga ranar da aka tafi da su ya kullace shi a k'asan zuciyarsa.

"Ai dai ni ban ce kuyi raping nasa ba."

  Mukhtar ya fad'a yana kallon setinsu, yayin da kowa ya tsagaita, duk suka mik'a hankulansu ga abinda suke fad'a.

  Ganin haka ya sa Barr. Jay ta koma mazauninta, a sa'a guda ta rungume hannayenta tana kallon ikon Allah.

"Ni wallahi ba ruwana. Raka su kawai na san na yi."

  Mubee ya fara nashi jawabin shima, yayin da Barr. Hisham ya tallabi kanshi, abun duniya da takaici sun hane shi furta ko da kalma d'aya.

"Order.. order in court."

  Alkali ya fara bubbuga kundin gabansa, cikin d'an lokaci aka samu daidaituwar wurin, sannan ya kalle su yana fad'in 

"Can someone tell me what's going on here?"

  Cikin gaggawa Mubee ya fara magana, ba don komai ba, sai dan ganin reshe na neman juyewa da mujiya, saboda komai a kan idonshi aka yi, matsawar kuma basu yi winning case din ba, to fa yana ji yana gani za'a tusa keyarsa a tura prison. A yadda Ya dandani azabar wurin ta yan kwanakin da ya yi, alal hakika, ba zai so ya kara komawa ba. Asali ma, ko da makiyinsa, ba zai so ya riski kansa a irin wurin ba.  Gyaran murya ya yi, a karo guda ya lashi labbansa da suka gama bushewa, sun yi fari fat, tamkar an shafa mai farar kasa, ya kalli Alkalin cikin karkarwa, sannan ya fara magana.

"A ranar laraba ashirin da biyar ga watan December na shekarar da ta gabata, bayan mun fito daga gidan Alhaji Badaru wato mahaifin Tareeq, mun shiga gari muna dan zagayawa muna taba hira, har muka gangaro kan irin rainin da Tareeq ya yi mana mu da yayanshi. A nan ne Mukhtar yake cewa yana neman yaran da zai sa su koya ma Tareeq hankali, yayin da Sino ya ce ya bar komai a hannunsa. Cikin sa'a bayan mun dawo mun sauke Mukhee a gida, sai muka hangi Tareeq yana tafiya, hakan yasa muka yi parking motar, muka fita muka bi bayansa, muka kama shi tare da daure idanunsa, sannan muka saka shi a mota zuwa wani uncompleted building. Ni dai har aka je wurin ban san me za'a yi ba, har sai da naga Sino ya cire wandonsa, ya fad'a mishi. Bayan ya gama ya umarci Deeni shima ya yi. Daga nan muka d'auke shi, muka ajje a gefen gidansu muka kama hanyarmu. Ni wallahi ban mishi komai ba."

"Ba wani, ai dai kaima kabige mishi kafa, ka kwantar da shi sa'adda ya k'i kwanciya."

  Deeni ya fad'a cikin sheshshekar kuka yana kallon Mubarak.

"To ai ni taimaka muku ne kawai nayi, naga zai baku wahala. Daga nan na k'ara yi mishi wani abu ne?"

  Ya tambaya cikin hayayyak'owa, yana kallon Deenin. 

"Innalillahi wa inna ilaihir raji'un. Allahumma ajirni fi Musibati, wa akhlifni khairan Minha."

  Wadannan ne kalmomin da Barr. Jay ta rink'a nanatawa, wasu k'walla masu zafi da kuma sanyi duk a lokaci guda suka fara ambaliya a fuskarta. Gagarumin kukan da Hajja Fati ta saka, shi ya nemi dagula hankalin sauran jama'ar wurin, hakan yasa judge ya ce a fita da ita, kasancewar yadda take kururuwa, tana kwace jikinta a hannun matan da suka rik'e ta.

  Sai da Alkalin yayi da gaske, sannan surutan mutanen ya tsagaita, ya gyara gilashinsa, yana duban tsanaki ga Mubee yana fad'in

"Kai da aka yi wannan duk a gabanka, me sa baka sanar da wani ba? Kuma tun da kaga an daure masa fuska an saka shi a mota ai kasan in ba mugun abu ba, ba abinda zai sa ayi ma mutum haka. Duk da wannan ma, baka hana ba ko ka tambaya, a'a sai ma taya su wurin buge kafarshi. Ko?"

"Ni wallahi ba da niyya na yi ba Yallabai."

"Then, me sa baka fada ba bayan ka fahimci abinda ya faru? Har sai da ka bari yan sanda sun sha wahalar kama ku, muma nan ka zo bata mana lokaci?"

  Shiru yayi yana fitar da wasu irin hawaye masu zafi, yana ji a kasan zuciyarsa ina ma zai iya dawo da lokacin baya. Tabbas da shi zai yi azamar sanar ma yan sanda, ya tabbata duk haka da bata faru da shi ba.

  Ganin bashi da niyyar magana ya sanya Alkalin girgiza kai cikin takaici, ya juya yana kallon Jay

"Prosecuting counsels ko kuna da sauran abun cewa?"

"No My Lord."

  Jay ta yi maganar cike da tsantsan farin cikin da ya kasa boyuwa a saman fuskarta. Ya juya ta bangaren da Hisham ke zaune, 

"Does the Defense wants to call further witnesses or have something to add?"

  Kanshi a kasa, fuskarsa cike da borin kunya ya shafi tarin sumar da tayi ado a gare shi yana fadin

"No Your Lordship, Defense rest its case."

  Tsi-tsit kake jin kotun, babu karan komai, sai yan surutan mutanen da ke tashi k'asa-k'asa, yayin da Alkalin ya dukufa a dogon rubutu mai tsanin tsawo. Barr. Nasib ya rankwafo fuskarsa cike da annashuwa yana yin k'us-k'us ma Barr. Jay, suka murmusa a tare.

   

  Da shudewar wani dogon lokaci Alkalin ya dago tare da daidaita zaman gilashin fuskarsa, yana mai ci gaba da kallon jama'ar da ke zaune gabanshi, ya fara jawabi.

"Having listened to those submissions of the defense counsel, and that of the prosecuting counsel. The prosecuting counsel have been able to proof all evidences of rape against the accused. And they're found guilty as charged. So, today, 13th of March, 2017. I, Hon. Justice A.D Mansoor, zan yanke hukunci tsakanin  Director of Public Prosecution da ke k'aran Hassan Alhaji Barau, Mubarak Garba Bukar & Zahraddeen Bello Hassan."

  Ya shafi gefen fuskarshi tare da gyara zamansa, sannan ya ci gaba

"This honourable court have pass the judgement as follows: -Hassan da Zahraddeen, kotu ta kama su da laifin Child Sexual Abuse and Rape, wanda ya ke a Section (284) na Penal Code. They're here by sentenced to fourteen (14) years imprisonment, tare da taran nera dubu dari biyar ga kowannensu (500k.)

-Mubarak wanda ya taya su a wurin aikata laifin kotu za ta hukunta shi a kan laifin Abetment da akayi Defining a Section (83) na Penal Code. Therefore, he's sentenced to five (5) years imprisonment.

-As of Mukhtar, wanda shine jagoran komi shima kotu ta kama shi da aikata laifin Abetment wanda yazo a Section (87 & 88) na Penal Code, kamar yanda ya zo a dokance za'a yanke masa hukunci ne dai-dai da wadanda suka aikata, cuz a idon kotu, shine k'wak'walwa mai tunanin, yayin da su kuma criminals din, sune hannuwan da suka aikata (He is the brain and they are the hands). And  For abetment, Anything that happens he is liable to it. For that, kotu ta yanke masa hukuncin fourteen (14) years imprisonment tare da taran nera dubu dari biyar dai-dai (500k)."

  Sai da ya takaita, sannan ya ci gaba. 

"Mal. Buba da ya bada false statement a gaban kotu wanda ya saba ma sashi na (158) sakin layi na (1) na Penal Code, saboda duba da yanayi da halin da ya sanya shi aikata laifin kotu tayi masa sassauci zai biya ta taran kudi naira dubu d'aya (1k). Mai k'ara da wanda ake k'ara, suna da damar daga shari'ah idan hukuncin da kotu ta zartar bai gamshe su ba. I rise!"

  Ya k'arashe bayan ya buga gudumarsa, ya mik'e a sa'ar da mutanen da ke zaune duk suka mike suna fad'in

"COOOOOUUUUURRRRRT!!!"

www.lubabatumaitafsir.com

[3/15, 8:12 PM] 🌸Asmart🌸: DUNIYA TA FI BAGARUWA IYA JIMA!

Lubbatu Maitafsir

{23}

    Wata irin sowa mai had'e da gunjin kuka, salati da sallallamin jama'a ne ya karad'e gaba d'aya kotun bayan fitar Alkali.

  Mukhee, Sino, Deeni, da Mubee kuka suke irin mai tattare da asalin nadama da da na sanin da suka riski yarintarsu a ciki, haka ma iyayensu kaf babu wanda bai zubar da hawaye ba.

  Alhaji Badaru kam da alama zautuwa yayi, dan duk wannan bidirin da ake k'ala bai iya furtawa ba, sai dai ya damu zuciyarsa da tambayar 'shin wai yana ina har irin wannan k'iyayyar mai zafi ta wanzu tsakanin ya'yanshi? Yana ina har Mukhtar ya yi lalacewar da yake had'a abokai da 'yan luwadi? Kuma yana ina har tarbiyyar gidanshi ta rugurguje, tayi faduwar warwass, wacce alamu suka tabbatar da gyaruwarta sai ikon Allah!'

"Baba za su ta fi da ni."

  Muryar Mukhee cikin zazzafan kuka ita ce ta dawo da Alhajin daga kasurgumin kogin tunanin da ya ambula.

  Ya kalle shi, duba na tsanaki, ya kauda kansa, domin a zahiri ya kasa gaskata abinda ke wakana a gaban idanunsa. Haka kuwa yan sanda suka tusa keyarsu, suka fito da su, yayin da wani sabon babin kukan ya k'ara farkewa tsakanin iyayen su Deeni da su d'in kansu. Hajja Fati wacce tun da aka fito da ita take suma tana farfafowa, ta kurma wani gagarumin kuka, tana fad'in

"Ni ce nan na jefa zuri'ata a halin da suka tsinci kansu. Ya Allah! Da wane ido zan kalli yarana?"

  Ta mik'e da gudu, ta isa inda Mukhee ya ke ta d'aya hannu, ta d'auke shi da mari, ta k'ara da

"Ka cuce ni ka cuci zuri'armu baki d'aya Mukhtar. Sai dai ba zan yi maka baki ba, Allah ya shiryar da kai, da sauran 'ya'yan musulmi baki d'aya."

  Daga haka bata kuma cewa komai ba, ta koma gefe ta duke tana kuka mai matukar d'aci a k'asan zuciya. 

  Barr. Zainab da Haj. Kareematu ma kukan suke, tamkar su cire idanunsu su jefar, yayin da zuciyoyin iyayennasu maza ke cikin bacin rai da tashin hankali, duk kuma gaba d'ayansu suna rantsuwar d'aga k'aran koda kuwa zai kai zuwa supreme court ne.

  Haka suna ji suna gani, aka tura yaran a motar prison, guardrobbers suka rufa musu baya, har suka bace a harabar kotun. Kuka mai tsanani suka kuma fashewa da shi, dak'yar da taimakon Mal. Liman kakan Deeni, ya lallaba su suka shiga mota, suka d'auki hanyar gida.

   Khalid wanda farin cikin samun cikar burinshi, da kuma bakin cikin kama Mukhee suka mamaye zuciyarsa, ya kamo Alhaji Badaru, suka fito ya saka shi a mota, sannan ya koma domin fito da Hajja Fati, inda ya ci karo da ita tana neman Zulaiha.

"Zulaiha Khalid. Ina ta nufa? Ban ganta ba."

"Ki kwantar da hankalinki dan Allah, Zulaiha ai ba bata zata yi ba, watak'ila ta wuce gida fa, dan tunda aka fito break din nan ban k'ara ganinta ba."

   Ya bata ansa yana mai mik'a mata gyalenta da ta yakice a gefe, ya dora da cewar

"Ki taimaka ki tashi mu je please."

   Bata iya cewa da shi komai ba, ta mik'e tana had'a hanya, har suka iso inda motar take, ta shiga baya ta zauna, tare da tallabe kanta da ke matukar sara mata tana ci gaba da rera kukanta. K'aran kiran wayar Alhaji Badaru sosai ya takura mata, a sa'a guda ya gagara ansa wayar shi kuma, har sai da ta katse, aka kuma kira a karo na biyu, sannan ya dauka ya dora a kunnensa ba tare da yace komai ba.

  Cikin zakuwar son sanin abinda aka fad'a ta wayar ya zabura yace

"Me ya faru da Hajja Fatin kuma?"

"Ka dai duba ka gani Alhaji."

  Aka ce da shi ta cikin wayar, ya kashe a kagauce, ya fara binciken whatsapp dinshi, duk kuwa da ba cikin hayyacinsa ya ke ba.

           ****

  Cikin matsananciyar murna ta fito, yayin da yan jarida da masu d'aukar labarai suka yo mata chaaa, kowa da kalar tambayar da yake jifarta da.

"Me zaki ce game da wannan rana kasancewarki matashiyar barrister wacce ta gagara da Barr. Hisham ta kuma yi mishi mummunan kadi a irin wannan shari'ah mai matukar hadari da ban tsoro?"

  Murmushi mai tsada ta zubar, ta juya tare da kai dubanta bangaren da Hisham ke tsaye ya kafe ta da manyan idanunsa da suka canja launi tun a cikin kotun. Ta dawo da dubanta ga matambayan, ta gyara rikon gown dinta ta ci gaba

"Babu abinda zan ce wanda ya wuce Alhamdulillah, domin ba dabarata ba ce, ba kuma wayona ba ne, gaskiya ce ta yi halinta."

"Wace shawara za ki ba iyaye irin na yaron da kika jagoranci shari'arshi? Na ji labarin ba da sa hannunsu maganar ta iso ga alkali ba."

  Ta shafi gefen fuskarta, tabbas wannan tambaya ce da koda ba su yi mata ita ba, zata iya siyen shafi a jarida, ta rubuta article domin fadakar da mutane. Ta kalle su cikin sanyin murya ta ci gaba da cewa

"Ina kira ga iyayen yara maza da mata da su saka idanu ainun a kan yaransu, ina kuma shawartarsu da idan har kaddara irin wannan ta fad'a a kan yaransu, to su daina rufe ta, dan yin hakan shi ke k'ara haifar da yawan azzaluman a bayan k'asa. Ina kiran iyaye da babbar murya da su tsaya tsayin daka wurin tarbiyyar yaransu, su kuma rinka fito da irin wannan maganar domin sama ma wadanda aka zalunta din hakkinsu. Su kuma sani cewa, a koda yaushe, mu din nan a shirye muke, dan ganin mun bi ma yaran da aka keta ma haddi hakkinsu. A k'arshe ina rokon Allah ya yaye bakin duhu, firgici da tashin hankalin da aka jefa a zukatan dukkan wasu rape victims da ke kwana su tashi da ciwon abun a kasan zukatansu. Allah ya kare mana zuri'armu, ya kuma shiryar da mu baki d'aya. Thank you."

"Yaushe kike da wata shari'ah nan gaba?"

"Shin Barrister tana da aure?"

  Ire iren tambayoyin da suka ci gaba da yi kenan, sai dai bata da lokacinsu, bata kuma tsaya ansa ko da d'aya daga ciki ba, kasancewar Habibinta da ta hanga, wanda murmushinsa ya disashe mata ganin sauran jama'ar gabanta.

  Ta tako a tsanake ta iso inda yake jingine da motarta, tana jifarshi da wani sassanya kallo wanda yake sanyaya zuciyarsa a lokuta da dama.

  Shima kallonnata yake da murmushi, ba tare da ya ansa gaisuwar da take mishi ba, ya mik'a mata goran ruwan da ke hannunsa yana fad'in

"I'm proud of you JAMEELA! Allah ya k'ara daukaka mun ke."

"Amin amin Ya Sadic."

  Ta fada lokacin da wayanta ya d'auki k'ara ta fitar, ta duba da murmushi, ta ansa ta dora a kunnenta tare da fad'in 

"I miss you Handsome nawa. Ya aka yi?"

"CONGRATULATIONS MAMMY!...."

   Muryar yaranta duk su hudun ta karad'e kunnunwansu, fuskarta na bayyanar da farin ciki ta tambaya

"How do you know I win?"

  Jafar ya anshe da fad'in

"Yanzu muka ganki a t.v ai, come home soon Mammy, please."

"I'll Sweetheart. See you guys in a bit."

  Ta kashe tana kallon SS da yake ta blushing mai matukar kayatarwa. Ya bud'e mata motan ta shiga, ya zagaya ya shiga nashi bangaren, ya tada motan suka tafi.

          *****

  Numfashin Alhaji Badaru ne ya fara kaiwa da kawowa sakamakon cin karo video d'in da aka tura masa ta Hajja Fati. A k'asa anyi rubutun da ya matukar ja hankalinshi, mai cike da kalaman batanci da tsinuwa. Ya wurga mata rinannun idanunsa da suka dade da canja launi, tare da dora wayar saman hannunta ya ce

"Wata tsiya nike gani haka Hajja Fati? Ki ce da ni ba gaskiya idanuna ke gani ba dan Allah."

  Cikinta ne yayi wata murdawa, dan yanayinsa ya canja mata daga shiru-shirun mijinta, zuwa wani bijimin zakin da zuciyarsa ta kwadaitu da nama bai samu. Haka zalika tunda ta ji ya ambaci sunanta a cikin wayarshi, hankalinta bai kwanta mata ba.

 Dai-dai sa'ar da suka iso gida, bai jira Khalid ya tsayar da motar ba, ya fito cikin zafin nama, ya bude bangaren da Hajja Fati ke zaune, ya finciki hannunta, ya fito da ita ya wurgar a k'asa, sannan ya bi ta ya wanka mata lafiyayyen mari har guda biyu.

  Bugunta ya fara yi ko ta ina, dakyar Khalid ya iya shiga tsakaninsu, ya koma da baya yana huci yana fad'in

"Ka barni in kashe ta Khalid, ina amfanin zama da fasik'a irin wannan? Kin ci amanata wallahi. Kin cuce ni kin gama da rayuwata!"

  Ya juya cikin kunan rai, idanunsa na zubar da hawayen takaici da nadama, ya banka kofar palon ya shiga, yayin da idanunsa suka suka yi tozali da Zulaiha da ke tsaye daga ita sai wata yar ficiciyar rigar da ko gwiwanta bai kai ba, a gefenta wani matashi ne mai shekarun da basu haura nata ba, sai zufa yake, daga shi sai boxers din da ya taimaka wurin rufe tsiraicinshi.

"Innalillahi wa inna ilaihir raji'un..."

  Bakin Alhaji Badaru ya fara furtawa, bai kai k'arshe ba ya silale ya fad'i a tsakiyar palon.

          ****

  A babban palon gidan Alhaji Barau suka yada zango, ya sauke wayarsa daga kunne bayan ya gama ansawa. Ya juyo yana kallonsu. Bud'e bakinshi zai fara magana, Mal. Liman mahaifin Prof. Bello ya dakatar da shi ta hanyar daga masa hannu yana fad'in

"Ya isa haka."

  Kamar ba zai yi magana ba, sai kuma ya ce

"Kamar ya ya isa Malam? Ka tuna rayuwar yaranmu da ke cikin gagarumin hatsari mana. Ta ya za'a ce baza mu bima yara hakkinsu ba? Wallahi bazan iya runtsawa ba, har sai na tabbatar da na kubutar da yarona daga halin da aka jefa shi."

  Gyaran murya yayi bayan ya gama saurarenshi, ya d'ago ya sauke dubanshi a kan su duka ukkun sannan ya fara magana.

"Ku ji tsoron Allah duk gaba d'ayanku. Ku tuna idan kun daukaka k'ara kun samu biyan bukatarku, akwai ranar da za'a tsaya gaban Allah, mai iko akan komai, wanda ya ke da masaniyar komai da ya wanzu a bayan k'asa. Haba jama'a, yaran nan fa da bakinsu suka ansa lefinsu, mu gode Allah da shari'ar ta tsaya a haka mana. Da ace kotun musulunci suka kai maganar, kuna tsammanin yarannaku zasu k'ara shakar iskan duniya zuwa yanzu?"

  Shirun da suka yi ne ya bashi damar juyawa yana kallon Prof. Bello.

"Kada ka bani kunya mana. Ina tarin iliminka na addini da na bokon da kake tutiya da shi? Ina ka kai tunaninka da har son zuciya ke shirin jefa ka a halaka kana ji kana gani?"

  Shiru yayi shima tare da k'ara yin k'asa da kanshi, hakan ya ba shi damar ci gaba

"To bari in tunatar da ku abinda Allah (SWA) ya ce game da mutanen da suke aikata halayyar al'ummar Annabi Loot."

  Ya gyara zamansa, ya kuma fuskance su da kyau sannan ya fara da cewa

"Allah Mai Girma da Daukaka a cikin al-Qur'ani yana cewa:

"A lõkacin da Lũɗu ya ce da mutãnensa: "kun kasance kunã jẽ wa alfãsha, wacce bãbu kõwa da ya gabãce ku da ita daga halittu. Hakika kuna jewa maza da sha'awa, maimakon mata wadanda Allah Ya halatta muku. Tabbas kun kasance cikin mutane masu 6anna a doron k'asa." Babu jawabin da ya kasance daga mutanensa face suka ce: "Ka fitar da su daga alk'aryarka, domin tabbas su wasu mutane ne masu da'awar tsarki."

Sai muka tseratar da shi da iyalansa, face matarsa da ta kasance cikin masu wanzuwa.

Kuma muka yi ruwa a kansu da wani irin ruwa mai tsananin azaba, dan haka ku duba yadda alk'iblar ma6annatan ta kasance." Surah al-Araf, aya ta tamanin zuwa tamanin da hudu. (80-84.)

  Sannan kuma Ya k'ara cewa:

"Mazaje biyun da suka kasance masu aikata alfasha, to ku cutar da su. Sai dai idan har suka tuba, suka kyautata halayensu, sai ku kauda kai daga gare su. Domin tabbas, Allah Ya kasance mai karbar tuba.  Mai rahma, kuma mai jin k'ai." Surah al-Hijr, aya ta saba'in da hudu (74)

Haka kuma Manzon Allah tsira da aminci su tabbata a gare shi yana cewa "duk wanda kuka samu yana aikata luwadi, (halayyar mutanen Annabi Loot), to ku kashe wanda yake yin, da kuma wanda ake yi wa d'in. Wannan hadisi ne sahihi. at-Tirmidhi no.152

  A wani hadisin kuma yace "idan namiji ya nemi dan uwansa namiji, ku kira su mazinata, haka idan mace ta nemi yar uwarta mace, suma mazinata ne. Haka kuma a duk lokacin da namiji zai nemi dan uwansa, al'arshin Allah yana girgiza, dan haka ku kashe wanda ya nema din, da kuma wanda ake neman."

  Bugu da kari, Abu Dawud ya ruwaito cewar, manzon Allah tsira da aminci su tabbata a gare shi yana cewa "idan saurayi wanda bai taba aure ba yayi committing sodomy (luwadi) ku jefe shi da duwatsu har sai ya koma ga mahaliccinsa." Abu-Dawud no.4448.

A wani hadisin kuma yace "Duk mutumen da ya aikata luwadi ga dan k'aramin yaron da bai mallaki hankalinsa ba, zai tabbata cikin tsananin kazanta, (janaba) wacce ko da zai tara gaba d'aya ruwan duniyar nan ba zai iya wanke ta ba. Zai kasance cikin fushi, da kuma tsinuwar Allah ta'ala (zai raba shi da ko wanne jin dad'i na duniya da na lahira) sannan kuma ya jefa shi a wutar jahannama, mafi yawaitar azabobi."

  Ya numfasa, yana ci gaba da kallonsu

"To ku duba irin alkaba'in da ke tattare da wannan abun, ku kuma tuna cewar yaran nan da fatar bakinsu suka amsa laifinsu, a matsayinku na iyaye, me ya kamata kuyi bayan zubar da hawaye da kuma nema musu gafara da shiriya a wurin Allah? Kuyi tunani da kaifin basira irin ta cikakken dan Adam mana. Ku natsu, ku kuma san me ya kamata kuyi."

  Daga haka ya mik'e ya bar musu palon, a lokaci guda zuciyoyinsu suka tsunduma a tarkon nadama da da na sanin rashin bada ingantacciyar tarbiyya ga yaransu. Wanda shine ya jefa su a halin da suka riski kansu.

Masha Allah, Alhamdulillah. A nan Allah (SWA) mai kowa, mai komai, Ya bani ikon kawo k'arshen wannan takaitaccen labari. Kurakuren da na yi a ciki, Allah Ya gafarta, ya kuma sa jama'a su amfana da abinda ke ciki.

For your suggestions, corrections or anything, do not hesitate to contact me via ilubiee3@gmail.com 

Firstly, #DTFBIJ is a work of fiction, as I already stated earlier. So, any resemblance to any person, living or dead, is purely coincidental, nd not intentional. 

Secondly, I humbly thank you BARR. JAMEELA DANJA, as you're THE SECRET BEHIND DTFBIJ! I really appreciate all the hard work you've done to help me. Words are powerless to express my gratitude, but I'll forever be beholden to you. Please do accept my vehement protestations of gratitude. THANK YOU one more, for always being there whenever i needed you. I'm eternally grateful for everything. Allah ya kawo miji na gari.

To the lovers outta there, I truly appreciates y'all. What would Lubbatu do without you guys? Y'a generosity overwhelms me Wollah. ILY'all to the moon round nd back.

To read the complete story, ku garzaya www.lubabatumaitafsir.com or www.wattpad.com/iLubieee.

Na gode

Na gode 

Na gode 

  Da kaunarku. Lubbatu na kaunarku y'all. Y'a too many to be mentioned! 

Sai kun ji ni dauke da wani sabon, wanda ya zo da SABON SALON da ya taka na DTFBIJ. Ku tare ni cikin HAWAYEN ZUCIYATA! 

©Lubabatu Maitafsir, 2017.

      ASMART

Read More

Share this

WhatsApp