Domin Samun Littattafan Hausa

Zancen Safwan ya tabbata don kuwa sati biyu bai cika ba Dije ta fara laulayi mai ɗan karen zafi, don kuwa ruwa ma idan ta sha sai ta amayesu, ga shi a lokacin Safwan ya fara zirga zirgar neman aikinshi, inda aka yi dace aka nemeshi Abuja interview, shiyasa ya mayar da ita wurin Hajiya amman ko da yaushe suna maƙale a waya har ALLAH ya dawo da shi, sannan ya kwashi Matarshi suka koma gida yana ci gaba da renon abarshi, don kuwa duk abunda take so baya jin nauyin dattijuwar da ke taya Dijen aiki yake zagewa kitchen ya yi mata, ko ba daɗi ta cinye tana santi daga baya kuma ta amaye tass!, Haka suke abu ƙaɗan ya ce sai sun je Asibiti an dubata don baya son ta zauna cikin gida da wata matsala a tattare jikinta, shiyasa duk wani abu sai ya nemi sani tare da shawarwarin ƴan Asibitin, duk da wani zubin yana biyewa son zuciyarta ya yi mata duk abunda ta ke so saboda kawai ta yi farin ciki, don ba ƙaramin jin jiki take yi ba, cikin haka ne Safwan ya tura direba ba tare da ta sani ba ya ɗauko su Baffah da Inna da Hansai da Usmanu don Gambo ta ce ita ta yi tsufa ba zata iya yin wannan doguwar tafiyar ba, duk da har a ranta ta so ace ta je ta dubo jikallenta, amman yanayin jikinta na tsufa yau lafiya gobe ciyo yasa ta haƙura ba don tana so ba.

Dije cike da mamakin ganin gidan wasu ƴan'uwansu Safwan da su Surayya a kitchen sai hidimar dafe dafe da soye soye suke yi, in sun sauke wannan su ɗora wancen gida ya runtume sai zuba ƙamshin garar da ake ta haɗawa su Inna ake yi, duk abunda aka yi sai an kawo mata ace ta ɗanɗana ta ji in ya yi, cike da mamaki take tambayarshi wai halan wasu baƙi ne zai yi masu muhimmanci shiyasa ake ta wannan hadahadar?, Yana dariya ya ce

"Ke dai ki ci ki ƙoshi ki sha maganin amanki ki je ki yi wanka ki tsalo kwalliyarki cikin sababbin ɗinkunanki"

Cike da jin daɗi ta fara cin wani dambun nama tana ci tana kaɗa kai alamun ya yi daɗi sosai, hannunshi riƙe da plate ɗin tana ci yana yi mata dariya, bayan ta ci abunda zata iya ci ne ya bata magani ta sha sannan ya je ya taimaka mata ta yi wanka, wanda ko shi ɗin sai da suka ɓata lokaci sosai sunata wasarsu ta ma'aurata, tare suka yi wankan suka fito sannan suka shirya cikin taimakekeniyar juna, kafin ka ce me sai ga su dukansu sun fito shar! Abunsu kowane sai tashin ƙamshi yake yi, duk da ta yi rama amman hakan bai hana kwalliyar ta yi kyau ba, don kuwa fatarta ta washe sosai ta yi haske dai dai jikinta, haka ma ta ƙara yin kyau masha ALLAH dukiyar fulaninta sun ƙara cikowa sosai a ƙirjinta, waɗanda a kullum baya gajiya da lalacewa akansu yana santin yanda suke ta ƙara hawa tamkar an hura masu iska ga taushi tamkar balombalom, dole ba don ta so ba take sakin jiki ta barshi ya yi abunda yake so don duk da ciyon ta wannan ɓangaren baya ɗaga ƙafa, a cewarshi wai duk wani maganin da zata sha bai kai wannan tasiri a jikinta ba, da wayo da lallami yake samun abunnda yake ƙulafuci, don idan ma ta ce zata yi tirjiya ma ba haƙura zai yi ba shiyasa take ta danne zuciyarta tana faranta masa, amman ita sam bata son damuwa a wannan lokacin da zai barta na tsawon watanni da tafi sha'awar hakan fiye da yanda yake manne mata akan biyan buƙatarshi.

Bayan sun gama kimtsa komi da ko'ina ne Safwan ya kawo falo ya ce ta zauna ta jirashi minti biyar kacal zai je ya tarbo baƙinshi ya dawo, aikuwa cike da mamakin da son ganin waɗanni baƙi ne haka?, Ta zauna tare da su Surayya suna kallo a falo suna fira jefi jefi, don ko ita ya ja kunnenta sosai akan kada ta sanarwa da Dijen zuwansu Baffahn ya fi so ta gansu unexpected, ai kuwa suna nan suka ji saukar motoci, Surayya ta yi tsalle ta kalleta ta ce

"Yau fa manyan baƙi ne da mu a garin namu"

Dije ta yi wata dariya tare da cewa "ai kam ga shi na ga alama don ko mu mun sheda da waɗannan manyan baƙi"

Surayya ta nufi hanyar fitq falon da sauri tana murna duk da itama cikin ne a jikinta, Dije ta bi ta da kallo ta ce

"Aunty Surayya dai ba'a girma ba har yanzu, da cikinki kike wannan uban rawar jikin ki je ki janyo muna jidali muna zaman zamanmu"

Surayya ta ɗaga murya kafin ta ƙarasa ficewa ta ce "ai sawun Giwa ya take na raƙumi wannan abun murnar dole ne mu nuna farin cikinmu"

Dije haka kawai ta ji ta kasa ɗauke idonta a ƙofar da ake shigowa falon, saboda jinta da take yi cikin ɗokin ganin su wanene waɗannan baƙin, ai kuwa sai ga Surayya riƙe da Abba yaron Usmanu wanda aka yiwa Baffah takwara da shi, cike da mamaki ta zaro ido cen sai ga Hansai bayan Surry, a zabure ta miƙe Baki a sake zata yi magana kenan ta hango Inna a bayan Hansai, aiko ba shiri ta fasa wata uwar kuwwa ta nufosu aguje tana kururuwa sai ga Baffah ta hango da Usmanu tare da Habibynta, cike da tsantsar mamaki ta dinga rufe ido tana budewa tare da murzasu tana faɗin

"Wayyo ALLAHna shin mafalki nike yi ko gaske?"

Hansai ta riƙo hannunta cike da jin daɗin ganinta ta ce

"Ido buɗe ne mune muka kawo maku ziyara"

Dije ta ruƙunƙumeta tana murna ta saketa ta nufi Inna ta faɗa jikinta tana ihun jin daɗi, ta saki Inna ta zo gaban Baffahnta ta riƙo hannunshi tana faɗin

"Ashe ko da gaske kai ne Baffahnah wayyo daɗi kasheni Ni Dije"

Usmanu ya hararota ya ce "ashe dai har yanzu da sauran hankalin?"

Tana dariya ta saki Baffah ta ce

"Yaya Usmanu ya zu fa na girma kai ma ka sani ai"

Surayya ta kai su Inna har falon sannan ta dawo ta ce da su Baffahn su shigo a gaisa kafin a kaisu muhallin da aka tanadar masu, Safwan dai tsaye kawai yake hannunshi a aljihu yana kallon Matarshi wadda ita har kullum bata gajiya da abun dariya, haka ma shagwaɓarta da wautarta suke ƙara dulmiyashi cikin ƙaunarta, waɗanda a cen inda aka fito yake ganin shirmenta amman sai ga shi yanzu sun yi masa rana, don kuwa salon ba ƙaramin burgeshi yake yi ba.

Bayan sun zazzauna ne aka sake sabuwar gaisuwa Dije baki yaƙi rufuwa saboda murna, Hansai kam sai yi take yi tana satar kallon falon saboda ganin tamkar ba a duniya take ba, don ko ita kanta Inna ta jinjina irin wannan daula da Dijenta ta ke ciki, shi kam Baffah ba ma maganarshi ake yi ba don sai hamdala yake yi cikin zucinshi akan wannan ni'ima da Allah ya wadata Dijenshi da ita.

Bayan an ƙare gaiigasawa ne Dukansu aka kaishi masaukinshi, Inna da Hansai aka kaisu wani ɗakin baki da ke cikin sashen Dijen, Baffah da Usmanu kam takanas Safwan ya yi masu jagora zuwa ɓangarenshi, inda aka kaisu wani ɗakin alfarma da aka haɗashi tamkar ɗakin wasu sarakuna don kuwa ya sha ado ta ko'ina sai ƙamari ke ta shi.

Sannan aka kawo masu abincinsu da aka tanadar masu kala kala, bayan sunyi Sallah ne suka fara lodawa cikinsu suna jinjina irin wannan uwar gara da aka tanada donsu kawai, Usmanu ya buɗe ƙafafuwa sai jan girki yake yi yana faɗin

"Ashe Baffah shiyasa kake ta farin ciki saboda kasan inda ka kawo ƴarka?, To Wallahi a ja kunnenta duk tsanani ta ci gaba da yi masa biyayya, don ko watarana ta yi masa shirme ya kaita ƙofar gida ya ce ya ce ta fi gida, to ta ce masa ita ba inda zata je don taga wurin zama, yana kaita tana dawowa har sai ya gaji don kanshi ya haƙura ya ƙyaleta"

Baffah nama cike da bakinshi ya ce "ba ma zata aika shirmen ba bale har akaita ƙofar gidan, don haka ka godewa ALLAH ka godewa Dijengalata don sanadinta ne kake cin wannan naman"

Haka suka dinga firarsu da suka saba cikin raha da tsantsar farin ciki da jin daɗin ganin Dijensu ta yi dacen aure.

Inna Kam da Hansai su ma suna inda aka saukesu Hansai tare da yaronta sai jan gara suke yi Inna kam cike da jin nauyi take tsakura abincin, Dije tana kallonta cike da jin daɗi ta ce

"Inna ki saki jikinki don ALLAH ki ci abincinki, ba fa kowa daga Ni sai ku ko Surayya ta barku ku ji daɗin cin abincinku cikin nutsuwa"

Inna ta maka mata harara tace "don ma kin ci sa'a na zo? Ba yanda banyi da Baffah'nki da Mijinki ba akan a barni ba sai na zo ba suka ce dole da ni za'a yi tafiyar, Ni ban saba da wannan rashin kunyar ba ta ƴan zamani, zuwa gidan Suruki har da zube ɗuwawu a cenye abincin Suruki, kai Ni Hasiya wannan zamani ina zaka da mu? Kin ga Inna Tumba har ALLAH ya yi mata rasuwa bata taɓa tako ƙafarta ɗakina ba" cewa da Mahaifiyarta da ta haifeta ma'ana kakar Dijen.

Dije tana dariya ta ce

"Cabɗi to ai Ni Inna duk wanda ma zai auri ɗiyana dole ne ma ya yi man nawa ɗakin a gidanshi yanda ya yiwa Mahaifiyarshi"

Inna da Hansai suka zaro ido, Dije ta ƙyalƙyale da dariya ta ce "ALLAH kuwa zama zan yi yanda ta zauna idan aka muzgunawa ƴata in fito mu raba gari Ni da Uwarshi WALLAhi"

Inna ta ce "laaa! Na ga aya ashe Dijen har yanzu ba ta yi hankali ba, to ai sai ki janyo a tattaroki tare da ƴar a watsoku waje da kayanku kusan na yi WALLAhi"

Dije da Hansai suka dinga dariya Surayya ta shigo da wasu sauran kulolin itama ta zauna aka ci gaba da firar da ita anata dariya.

Da ƙyar suka ciyo kan Inna ta ci abincin sai dai ta ƙi cin sauran abubuwan a gaban Surayya da Hansai, saboda surukutar da ke tsakaninsu, ganin haka yasa Dijen ta ja Hansai ɗakinta suka bar Inna nan ita kaɗai sannan ta cisgi garar itama cikin ɗar! ɗar! don kada a risketa bata sani ba.

****

Zee kam a ranar bata kwana gidansu ba don kuwa Baaba Asabe ta kwasheta da kayanta suka nufi gidanta, suna shiga tashin farko ta ce da ita

"Bani wayarki"

Zee ta ce "ai Ni tun ranar da na bar gidan ban sake ganinta da idona ba, tana cen Yola a falona ban sani ba ko ya ɗauke mani ko kuma ma an sace oho"

Baabaah Asabe haɗe da fuska ta ce "to je ki kai kayanki ɗakinsu Inna Dela ki dawo ki ji"

ZEE ta zaro Ido waje ta ce "Inna Dela fa kika ce Gwaggo?"

Kai tsaye ta ce "eh ita nace ko a cikin halittar jikinki akwai abunda su babu irinsu jikinsu?? "

Zee ta girgiza kai tare da sosa kai murya ƙasa ƙasa ta ce "ƴan aiki ne fa Gwaggo, Ni dai don ALLAH ki barni ko ɗakin waje ne zan zauna amman ba ɗakinsu Dela ba"

Baabaah Asabe ta katsa mata wata arniyar tsawa ta ce "za ki je ki kai kayan ko sai na haɗaki da buloli yanzu?"

Zee ta zabura aguje ta nufi inda ɗakin na ma'aikatan gidan yake saboda tsabar tsoron Baabaah Asaben da take yi, tana tafe tana gunguni Baabaah Asabe ta ɗaga murya ta ce

"Ai da kin tsaya ki nuna man banbancinki da ƴar aikin, to ai gara su basu shuka tsiyar da kika shuka a gidan mazajensu ba amman ga su a matsayin yan aikin, to ke in Baki yi a hankali ba yan aikin ma sai su fiki daraja a idon duniya, don ko wannan bankaɗa da kika janyo aka yi wa zuri'armu kawai hakkinmu ya isheki ballantana haƙƙin ɗaukar rai da kika so ki yi, in banda ALLAH ya tarfawa garinki nono da yanzu kin janyo muna bala'in da bamu san inda zamu jefa kanmu ba, don haka WALLAhi Ni banu wani ragi tsakanina da ke a gidan nan don yan aikin ma sai sun fiki daraja a wurina"

Har Zee ta ajiye kayan ta fito bata daina sababin faɗa ba, haka ta zaunar da ita tana ta tsara mata abunda zata yi a gidan tun daga safiya har dare, hankalin Zee bai ta shi ba har sai da ta ji wai har da wanki zata dinga yi kullum, wankin ma kuma na samarin ƴaƴanta da suka balaga wasu ma har suna zancen aure amman ace har da su zata dinga yiwa wanki,cike da ƙuncin zuciya ta kwana tare da cin alwashin muddin ta ji za'a kasheta WALLAhi dole ta tsere ta bar mata gidanta, don bazata zura ido aiki ya kassarata ba tunda daman cen ita ko undies ɗinta wanke mata ake yi, ba abunda ta iya in banda dafa indomie ko shi don watarana in an dafo mata tace bata yi mata daɗi ba, Mahaifiyarta tace ba mai sake dafo mata wata in tana so ta je ta dafa da kanta, to da hakan ne ta iya dafata saboda Daddynta ya ajiye mata masu aikin da suke yi mata duk abunda take so, to yanzu ga shi Baabaah Asabe zata sakata shiga uku.

Don kuwa tun da sassafe ta tadota daga baccin da ta koma na bayan asuba, ta fito ta kaita wajen tulin kayan wanke wanke ta ce ta fara idan ta gama ta je ta share gidan lungu da saƙo, cike da fargaba da tsananin tashin hankali ta ke ƙarewa ƙaton gidan kallo, tana nazarin ko rabinshi aka sakata sharewa ai an so kasheta bale duka, sai ga muryarta a saman kanta tana faɗin

"Zaki fara wanke wanken ko sai na fara sauke maki bulalata a jikinki?"

Zee jiki yana rawa ta fara harhaɗa kwanonin Baabaah Asaben ta ce da wata matashiyar ƴar aikinta ta nunnuna mata yanda zata yi, tana tsaye har aka nunawa Zee komi ta fara m wankewa tana hawaye sannan ta bar wajen, ta dawo falo ta zauna zuciyarta cike da jin daɗin yanda ta yi nasarar da Daddyn Zee ɗin ya gano kuskuren da ya tafka akan tarbiyyar ɗiyarshi, tare da jin daɗin amincewar da ya yi akan ta zo da ita hannunta ta zauna don bai san ƙudurinta akan Zee ɗin ba, da wataƙila ba zai yi saurin amincewa ba duk da kuma yasan ba zata yi mata ta daɗi ba, amman bai taba tunanin irin wannan azabtarwa zata yi mata ba.

Zee Kam haka aka yini ana aiki wankin samarin ma sai da ta yi sai dai su ma kansu ba da son ransu ba don dai Mahaifiyarsu ta yi masu jan kunne da kashedi sosai akan duk abunda suka ga ta saka Zee iyakacinsu Ido, Dole Suka zura ido suna kallon yanda take ta yi masu wankin, cikin ƙankanin lokaci hannunta ya yi ja ya saluɓe aiko ta fara yarfa hannu tana kuka, ganin haka yasa aka canza mata wani aikin ko da dare ya yi ta kwanta ko'ina nata ciwo yake yi, da ciwon jiki ta kwana kan tabarma tana haki tana juye juyen wahala.

Sorry Zee😢 Wai ko dai in zo in gudu dake ne🙊 gidan mum Irfaan ko gidan Daughter Rufaida ko wurin ƙanwata Asiya? Ki yi shawarar inda kike son zuwa kafin in dawo🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🤣

Akafta😊

D/AUTA CE✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Don Allah masu neman book ɗin Ƙarangiya daga farko ku yi haƙuri idan an kammala za ku sameshi a complete ɗinshi, plss ku yi haƙuri kunji😢saboda anyi nisa sosai kuma bana son kuna tambaya baku samu ba😆*

*Lamba 68*

Daren ranar Dije da Inna sai hira suke ta zubawa, don ita Hansai tun da ta ji cikinta ya ɗauka ta baje abunta sai sharar baccinta take yi ita da yaronta, ganin dare ya miƙa ne Inna ta ce da Dijen ta tashi ta je wurin Mijinta, Dije tana zumɓuro baki ta ce

"Anan zan kwana Inna mu yi ta firarmu Ni da ke Inna, sabida ALLAH yaushe rabon da mu ga juna an daɗe fa? Ni dai don girman ALLAH Inna ki barni in kwana abuna anan ɗakin"

Ta ƙare maganar tare da zubowar wasu ƙwallah, Inna ta gyara ta yi kwanciyarta tana faɗin

"To Ni dai bacci nike ji idan ke baki gaji da firar ba ki ci gaba ai akwai aljanun dare suna saurarenki zasu tayaki yin firar"

Dije ta zaro ido tuno abunda ya taɓa faruwa a school ta yi saurin kwanciya bayanta ta ƙudundune tana faɗin

"Inna ki yi man addu'a kar su kamani don ALLAH"

Inna ta miƙe zaune cike da mamaki ta ce "zaki ta shi ki je wurin Mijinki ko ko so kike yi ya ɗaukemu waɗanda basu san abunda suke yi ba?"

Dije ta miƙe tana kallon ƙofa tace

"To mu je ki rakani WALLAHI tsoro nike ji"

Inna ta riƙe baki cike da mamaki ta ce

"Tunda kike gidan baki ji tsoro ba sai yanzu da kika ga mun zo ko? To ya yi insha ALLAHu gobe tun da sassafe mu zamu bar maki gidanki tunda so kike yi ya ɗaukemu mutanen banza"

Dije ta miƙe ta fito Inna ta rufo ɗakin zuciyarta cike da nauyin kada Safwan ɗin ya ga sun riƙeta, aikuwa Dije cikin sanɗa ta ke tafiya tana waige sai jin ta yi anyi caraf da ita, ba shiri ta yage baki da nufin fasa ƙara taji bakin Malaminta cikin nata, gano shine yasa ta ƙara ruƙunƙumeshi jikinshi tana faɗin

"Mu je ɗaki tsoro nike ji"

Cike da jin daɗi ya sake manneta jikinshi suka yi ɗakinshi, ganin da gaske tsoron take ji yasa ya fara tambayarta abunda ya tsoratata, cikin murya ƙasa ƙasa ta yi masa bayanin yanda suka yi da Inna, cikin dariya ya ce

"ALLAH ya biya Inna da gidan Aljannah don Ni ta kyauta man, saboda tun ɗazu da na dawo wurinsu Baffah nike ta juye juye Ni kaɗai akan gado, dole na fito falo na zauna ina kallo nan ma na ji ba daɗi na kashe ina tunanin yanda zan yi in ce ki zo, ashe Inna tasan ƙishina shiyasa ta koro man ke waje"

Dije ta tureshi cikin fushi ta ce "tunda haɗe man kai kuke son yi ai ku je ni ma gobe wurin Hajiyarmu zan kwana "

Safwan ya janyota jikinshi ya ce "ai Hajiyarmu ma ba zata so ki bar Mijinki shi kaɗai ba yana kewa ba"

Haka ya hilaceta ya gwangwaje abunshi tare da sassafta murya wurin sambatun da ya saba, don gudun ya tafka abun kunya gaban surukai.

Tun da Sassafe aka kammala masu komi na breakfast ɗinsu tare da taimakon wasu yan aiki biyu da Hajiyar ta ƙaro masu, bayan sun karya ne aka sake wata sabuwar gaisawa sannan Safwan ya kwaahesu zuwa gidansu su gayar da Hajiyar, tarba ta mutumci Hajiya Mama ta yi masu fuska cike da fara'a tamkar cewa da man cen ƴan'uwanta ne, Inna da Baffah suka yi godiya sosai akan yanda take kulawa da Dije tamkar itace ɗiyarta ba Safwan ba, Inna da Hansai da Dijen sun daɗe gidan tare da Hajiya Mama sannan Safwan ya dawo da su Baffah da ya je kaisu yawon ganin gari, marece sakaliya ya ɗaukesu ya kaisu gidan Mijin Surayyy, inda itama ta yi masu tarba mai kyau tamkar kar su rabu saboda kirkin Surry ba ƙaramin burge su Inna yake yi ba, sai gaf da magriba suka dawo gidan inda suka taradda an haɗa masu abincin dare mai rai da lafiya, tuwon farar shinkafa da miyar agusi ta ji zuƙa zuƙan namomi tare da lafiyayye ferfesun kajin turawa masu manyan tsokoki, bayan sun ci abincin ne aka koma yin firar bankwana saboda tun da sassafe zasu juyawa inda suka fito, tun cikin daren Safwan ya tanadar masu duk abunda zai ba su ya basu, Hajiya Mama ma da nata kalar tsarabar Surayya ma da tata, haka suka yi ta godiya kamar ba gobe, don kuwa su kansu sun san ba ƙaramin arziƙi suka yi ba,saboda bancin sutura kuɗi tsabarsu dubu ɗari Safwan ya baiwa Baffah, Inna dubu Hamsin Usmanu da talatin Hansai ashirin yaronta goma, bayan suturar da aka cikasu da ita da turaruka da sabulai kala kala, yaron Hansai kanshi ledar kayanshi daban aka siyo mashi masu ɗan karen kyau.

Tun cikin daren Dukansu suka saka Dije tsakiya suna yi mata nasihohi tare da jan kunne akan ta ninka wa mijinta da Mahaifiyarshi biyayyar da take yi masu, haka ma ƴan'uwaanshi ta riƙesu tamkar yanda zata riƙe nata, in ma da hali su fi natan don kawai ta sami zaman lafiya da kwanciyar hankali a gidan aurenta, anan ne take sanar da su gumurzun da aka yi da Zee akan kashe sun da ta so yi tare da ƙudurinta da ta yanke akan muddin Zee ta dawo to ita zata bar mata gidan, cikin fushi Usmanu ya ce

"WALLAHI kika kuskura kika bar wannan gidan akan baƙin shirmenki sai na saki jiki na lakaɗa maki shegen duka"

Inna tana harararta ta ce "to bari ki ji da kyau muddin kika taka ƙafarki kika bar gidan nan bada izinin Mijinki ba to ki sani ban yafe maki ba"

Baffah ya yafito Dijen ta zo gabanshi ta zauna tana zimɓoro baki yana dariya ya ce

"Shin Ina Dijengalata?? "

Hawaye suka zubo mata ta ce

"Gani Baffah".

Yace "to ki ajiye komi ki yi zaman aurenki tsakani da ALLAH, ki sa a ranki duk duniya babu wanda ya isa ya yi maki abunda ALLAH bai yi maki ba, haka ma kaf mutanen duniyar nan idan ymza su taru akan sai sun kasheki to basu isa su kasheki ba har sai kwananki ya ƙare, don haka ki ɗauka cewa duk abunda kika ga ya sameki daga ALLAH ne, abunda ma ya kuskure maki shi ma daga ALLAH ne da kin yi hakan shikenan kin ci maganin matsalarki, ALLAH ya saukeki lafiya ke da ƴar uwarki kuma ya baku zaman lafiya a gidajen aurenku"

Dije ta rufe fuska cike da jin kunya ta ce "Ameen" cikin maƙoshi, haka suka dinga nusar da ita abubuwa da yawa masu amfanarwa sannan ta saki jiki ta dawo dai dai aka ci gaba da fira cikin raha da annushuwa.

Dije ta ce su gayar mata da Gambo da su Ladiyo, ta ɗauko sako ta bayar ta ce akai masu ace in jita, don kuwa su Ladiyo kowa dubu bibbiyu ta bada akai masu Balan duduwa dubu biyar tare da Duduwar itama dubu biyu, sannan saƙon Maigari da Matanshi na shadda da atamfofi, Malaminta na makarantar allo ma da saƙonshi tare da ɗalibanta na makarantar da ta baiwa sababbin goma goma ta ce a raba masu su yi mata addu'a, abun dai masha ALLAH gwanin burgewa Dukansu kowane zuciya cike da tsantsar farin ciki da jin daɗi, tare da yi wa ALLAH godiya da ya baiwa Dije miji ɗaya tamkar da goma kuma ya haɗasu da mutanen kirki.

Tun cikin daren su Hajiya Mama suka zo suka yi sallama da juna shiyasa tun da sassafe suka fara shirin barin garin, Dije sai kuka take ci ana lallashinta har motarsu ta ɗaga ta faɗi ƙasa tana ta kuka gwanin ban tausayi, sai da Malaminta ya yi mata jan ido sannan ta fara shiga taitayinta, don ya yi mata alƙawarin in dai har ta bar kukan to itama zai kaita idan cikinta ya yi ƙwari ta je ta ganosu, sannan ne ya samo kanta ya koma aikin ban baki tare da daɗin baki kala kala.

Sati ɗaya a tsakani takardar samun aikinshi ta fito inda kai tsaye aka postershi Abuja, tare da zunzurutun albashi mai tsoka da kyautar sabuwar mota da gida a garin Abuja, mutane da yan uwa sai murna ake yi masu don Lawi kanshi sai da ya zo ta ya murna tun daga Gombe har Yola tare da Amaryarshi da tuni itama ta kusa zama Mama, don kuwa ɗauke take da cikinta ɗan wata biyar itama kyakkyawar bafulatana da ita masha ALLAH, kwanansu ɗaya a gidan suka koma cikin kewar juna, saboda jinin matar Lawin mai suna Maryam da ya haɗu cikin lokaci ƙanƙani da na Dijen Baffahn, saboda itama ba laifi akwai barkwanci da son wasa da dariya gata da saurin sabo.

Lokacin da aka ɗibar masa da ya cika ya fara zuwa aiki, fiddo da wasu dattijai biyu suka dawo gidan suna taya Dijen Baffah zama, atakure ya yi sati ɗaya ya dawo Yola cike da ɗokin Matarshi, don ba ƙaramin sabo ya yiwa kanshi da ita ba, shiyasa ya ji gaba ɗaya zama garin bai masa daɗi ba, dole ya kwashi Matarshi suka nufi garin Abuja a gidansu da aka basu, don ya so har sai ta haifu sannan su dawo nan ɗin , to amman ya ga hakan bazata samu ba don sabon da ta yi masa kanta, ga shi kuma shi matan banza basu gabanshi don ko na kwarai ɗin baya kula shirginsu bale har na banzan.

Aunty Ummi da su Husnah sai murna suke yi Dijen ta dawo kusa da su, shiyasa kullum suna tare basu wannan wurin shaƙatawa basu wurin ciye ciye da tanɗe tanɗe da lashe lashe, kafin ka ce me idon Dijen sun ƙara buɗewa cikin garin Abuja, don kuwa ita kanta tasan wurare da yawa.

Da zama ma ya yi daɗi sai ga shi da koya mata driving, tana jin tsoro tana fargaba haka yake koya mata ita duk da bata so, saboda bala'in tsoron da ta ke ji amman a hankali ko wata biyu basu rufa ba a garin ta fara iyawa, don ya ce da ta iya zai siya mata tata idan ALLAH ya sauke ta lfy, ko don ta fara zuwa makarantar da take kwaɗayi ba tare da takura ba, don saboda busyn da yake yi a wurin aikin nashi kullum, gashi kuma yana son ta yi karatun don shine babban gatan da zai mata a rayuwa, saboda akwai rayuwa akwai mutuwa in mune yau ba mune gobe ba, Yana da kyau mace ta dogara da kanta ko don ranar da kika rasa mai tallafa maki ki kula da kanki da yaranki da iyaye da ƴan uwanki duka.

****

ZEE Kam tun bata saba da aikin wahala ba har yanzu ya fara zame mata jiki, don ta yi ta tserewa tana zuwa gidajen yan uwa ana dawo da ita wurin Baabaah Asaben, don kowa cike yake da haushinta ba kaɗan ba musamman ƙin Aminu da ta yi tare da abun kunyar da ta janyo masu, Mahaifiyarta kanta da ta je gidan take korota ta fito tare da yi mata kashedi da gargadin cewa duk ta yarda Daddynta yasan halin da take ciki a gidan gwaggonta sai ta tsine mata, tana kuka take komawa yanzu har ta haƙura don kanta ta daina gudun, ganin hakan yasa Gwaggon ta fara sassafta mata daga matsin lambar da take yi mata, don kuwa ta ladaftu sosai kuma ta gano irin kuskuren da ta so aikatawa, ta yiwa ALLAH godiya da yasa Ruma bata bari ta aikata mugun abun da ta yi niyya ba, ga shi ta rasa Safwan ɗin kuma Aminun ma ta rasa shi don kuwa yanzu haka ƙawarta Sadiya yake aure, don Ruma ya so aura ta nuna masa amincinta da Zee bazata iya aurenshi ba, Sadiya kam hannu biyu ta karɓeshi yanzu haka da ƴarsu tana nan mai sunan Mahaifiyarshi.

Zee ta shiga damuwar rashin jin Safwan ɗin da kullum take tsumayin zuwanshi gareta ya ce ta dawo, amman shirun da ta jini yayi yawa ne ta fara tunanin binshi da kanta, don laifin da ta aikata masa ko ma wanene dole ne ya sallamata, kasancewar tasan numbarshi akanta yasa da Ruma ta zo ta ari wayarta ta kirashi, kasancewar baya da layin Rumar a lokacin shiyasa daga baya ya bi miss call ɗin da ya gani kusan goma sha bai ma san an kira ba, sai dai jin murya Ruma yasa ya yi saurin faɗin

"Wacece ??"

Jikinta yana rawa ta ce "Rumasa'u ce ƙawar Zee don ALLAH ka yi haƙuri da abunda ta aikata ita ce ta kiraka ɗazu da naje wurinta ta ari wayar ta kiraka baka ɗaga ba, saboda WALLAhi yanzu Zee ta canza sosai kuma ta yi nadamar abunda ta aikata"

Cike da mamaki ya ce

"Daga ke har ita kada ku sake nemana matuƙar kuna son kanku zaman lafiya"

Ƙittt! Ya kashe wayarshi gaba ɗaya cike da jin haushinsu duka, Dije da ke shigowa ɗakin da tiren coffee'nshi ta ajiye tiren akan stool ta ɗauki cup ɗin ta zauna tana kallonshi tare da nazarin yanayi shi, sannan ya zura hannu da nufin ya karɓi kofin ta riƙe gam idonta a kanshi ta ce

"Wa ya taɓo man Habibyna? Don haka na fita na barshi ba plss ka yi haƙuri ko ma mene saboda zama cikin mutane sai da kai zuciya nesa Mijina"

Cike da jin daɗin kalamanta ya duƙo ya kurɓi coffee'n sannan ya ce, "waɗannan ba irin mutanen da kike tunani bane, ki share da su kawai don na riga da na shafe babinsu a rayuwata"

Dije ta miƙa masa cup ɗin ya karɓa ya dinga sha a hankali har ya shanye, sannan ta karɓi cup ɗin ta ajiye ta kalle da kyau ta riƙo hannunshi ta haɗe da nata ta dunƙule waje ɗaya ta ce

"Wacece ta kiraka?"

Cikin diriricewa ya ce

"Ruma ce ƙawar Zee take rokona akan inyi haƙuri in yafe wa Zee wai ta yi nadamar abunda ta aikata"

Dije ta ji wani ɓacin rai ya ziyarci zuciyarta, amman ta yi dubarar ɓoye damuwarta ta ce

"To kai kuma me ka ce?"

Ya ɓata fuska tamkar a lokacin sannan ya sanar da ita abinda ya ce da ita, Dije ta ɗauko hannunshi ta ɗora a saman cikinta da ya fara turowa kaɗan, ya bita da kallon ƙarin ba'asi sannan ta kashe masa ido ɗaya ta ce

"Nasan kana sonshi ko?"

Ya maka mata wata harara, ta zunɓuro baki ta ce "Ni dai ka daina hararata amsa nake nema"

Ya yi saurin faɗin

"Yo idan ma ba don kina son kawo man reni ba ta ya zaki kalli tsabar idona ki tambayeni ina son abunda Ni da kaina sai da na zuba ƙarfi kafin in sameshi?, Kin fi kowa sani kaf duniya babu wanda zai fini son abunda ke cikinki ko da ko ke ɗin ce da zaki haifo man shi"

Dije ta ƙumshe dariyarta ta ce "au abun har ya kai cen?"

Yana dariya ya ce "ya ma wuce ai" tace "well yanzu idan na ce ka yi mani wata alfarma saboda son da kake masa zaka yi?"

Cikin sauri ya ce

",Me zai hana in dai har hakan zai faranta ranki da unborn ɗina"

Ta ce "to in ko haka ne bari in zube ƙasa in rok'i alfarmar don ina son ayi saurin amsa mani"

Ta sauko ƙasa zata durƙusa ya riƙo hannunta tare da dawo da ita kan gadon ta zauna ya ce

"Faɗi buƙatarki kawai ba sai kin cutar man da abun ciki ba"

Dije ta yi dariya cike da jin daɗi sannan ta riƙo hannunshi ta matse gam ido cikin ido ta ce

"Daga Ni har babynka Muna so ka dawo muna da Aunty Zee ko don mu sami abokiyar shawara tunda har an ce ta yi nadamar abunda ta aikata"

Cike da ƙunar zuciya ya ƙwace hannunshi tare da miƙewa tsaye ya kalleta ranshi a ɓace ya ce

"Wannan rana da wannan lokaci su zamo na ƙarshe da zaki sake tunkarata da wannan zance"

Yana ƙare faɗar hakan ya fice ɗakin fuuu ya barta zaune sake da baki, zuciyarta cike da tabbacin abunda Inna ta nusar da ita wanda ita ta kasa gano hakan sai yanzu da ta tabbatar da hangen nesan Innarta, cikin tsananin farin ciki tace

"ALLAH ya ƙara maki tsawon rai innata"

To Ameen Dijen Safwan tare da namu Innonin duka kuma ya ƙaro masu lafiya mai ɗorewa Amee🤲🏻.

Akafta🥰

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Lamba 69*

Duk da take cikin farin ciki haka ta fito ɗakin haɗe da fuska ta zo ta zauna tana shan ƙamshi tare da mayar da hankalinta ga kallon tv'n da ke ta aiki shi kaɗai, don shi kwance yake tare da rufe fuskarshi da hannu alamun yana cikin damuwa a zahiri, jin motsin shigowarta yasa ya buɗe ido yana kallonta, ganin yanayinta kuma ta ƙi kulashi yasa ya ji ba daɗi, ya miƙe zaune yana kallon yanda ta haɗe fuska tamau ba alamun wasa, cikin danne dariya ya taso ya zo gabanta ya yi tsugunno tare da riƙo hannunta yace

"Wai ke wace irin mace ce ke? Ni dai nasan kowace mace tana kishin mijinta amman ke har ingizashi kike yi akan ya yo maki kishiya"

Dije ta zare hannunta a hankali zata miƙe tsaye ya yi saurin dafeta ya ta shi ya zauna kan kujerar ya rungumota jikinshi ya ce

"Ki ji tsoron Allah kar ki jefa Mijinki a damuwa saboda macen da bata san muhimmancin kanta ba ma bale tasan na wani, kina kallo gaban idonki ta so kashemu da ma bata sami sa'a ba wuƙa ta ɗauko da nufin ta soka man, yanzu irin wannan matar kike so in sake dawo da ita cikinmu?"

Dije ta riƙo hannunshi ta ce "ba laifi bane don an yi maka laifi ka yafewa wanda ya cutar da kai, don ALLAH da kanshi haƙuri yake yi da mu da halayenmu saboda darajar fiyayyen halitta Annabinmu Muhammadu s.a.w da muke cin albarkacin shi, kuma a shirye yake da ya yafe muna a duk lokacin da mu ka yi tuba zuwa gareshi, tunda haka ne mu me zai hana mu yafe mata akan abunda ta aikata muna a baya?, Don ALLAH ka yafe don ni tuni na yafe mata ka sake bata wata dama matuƙar ka tabbatar da ingancin nadamar da ta yi "

Safwan ya sauke ajiyar zuciya yace "zan dawo da ita kamar yanda kika nema in har na tabbatar da gaske ta yi nadamar, amman da sharaɗin bata zo nan Abujar ba sai dai idan har ta amince zata zauna Yola, don bazan haɗaku waje ɗaya ba ta je ta koya maki mugun hali"

Dije ta ji wani sanyin daɗi ya ratsa zuciyarta cike da tsantsar farin ciki tace " ina sonka Mijina ALLAH ya baka ikon yin adalci a tsakaninmu"

Ya lakuce mata hanci

"Ya ce Ameen Matata ke ma ina sonki son da Ni kaina ban san iya adadinshi ba, na godewa ALLAH da ya azurtani da samun mace irinki, wadda take da wankakkiyar zuciya mai sowa wata abunda ta sowa kanta, don ba kowa ce mace zata iya yin abunda kika yi ba, ALLAH Ubangiji ya yi maki albarka ya kuma saukeki man ke lafiya tare da Babyna"

Cike da jin daɗi take ta faɗin "Ameen Ameen Habibyna, tom kirata yanzu ka sanar da ita ta dawo ka yafe mata"

Ya maka mata wata uwar harara ya ce "su kenan ba sai an tantance ba? Ai WALLAHI sai na tabbatar da lalle ta gyaru sannan in ce ta dawo, don bazan taɓa yarda in siyowa kaina rariyar da zata yi man asarar ruwa ba"

Dije ta ƙyalƙyale da dariya ta ce "uhummm har na tuna lokacin da ake yi man kashedi akanta, daɗin abun da dai komi yake wucewa don yanzu ga shi kai da kanka ka bayyana mata matsayina bayan ka gama yi mata ɓoyo, ai WALLAHI kai ma da naka laifi Malamina don da tun farko ka sanar da ita da abun bai yi tsananin irin wannan ba, don da ace ta kashemu da shikenan mun tafi bamu bar masu yi muna addu'a ba"

Ya sosa kanshi cike da jin nauyin maganar tata ya ce "Ni dai bana son tone tone idan abu ya wuce a dinga barinshi a matsayin ya wuce, ki ta so mu je dai ki ji wata magana dare ya fara tsalawa"

Ta bishi da wani kallo tana ƙumshe dariyarta tace

"Ni yau anan ma zan yi baccina na gaji da kwanciya akan gadon nan"

Ba shiri ya waigo ya ce "Ashe ko da ke ce zaki wahala don WALLAhi in Banda tausayin abun cikina da kinsha mamakina, amman tunda hakan kike so bari in zo daga baya na baiwa abun cikina haƙuri"

Sanin halinshi yasa ta yi saurin tashi tana dariya ta ce "mu je Ni dai yasin idan na koma haifuwa garinmu sai na yi kusan shekara ban dawo ba"

Ya riƙo hannunta yana dariya ya ce "ki ce kawai in rubuta takardar barin aiki don kin san ƙafata ƙafarki kuma idan sun gaji da halina sai su korani in koma Yola dolena"

Ta yi masa wani mintsina a gefen ciki tana dariya ta yi ɗakinta da sauri tana faɗin "banji bakinka ba WALLAhi, Ni da nake shirin zama student kake so ka yi man ciki baƙi?"

Ya bita yana dariya ya ce " to Alhudahuda ai dai kya bari ki haife man abun cikina ko?"

Haka suka dinga wasarsu cikin raha har suka kwanta bacci bayan sun gama farantawa juna cikin tsantsar ƙaunar juna.

****

Ruma kam jikinta yana rawa tun da sassafe ta je ta sanarwa Zee abunda ya faru bayan barinta wurinta, cikin sanyin jiki da zubowar hawayen tausayin kanta ta karɓi wayar ta sake kiranshi, sai dai ta yi rashin sa'a wayarshi a kashe lokacin suna gudanar da wani meeting, ganin ta ƙi samunshi ne yasa ta rubuta masa saƙo ta tura masa kamar haka

_Aslm_

_Plss my Man Ni ce Zee don girman ALLAH ka yafe mani abunda na yi maka WALLAhi na yi nadama kuma na yi godiya ga Allah da ban ci nasarar abunda na so aikatawa ba, don yanzu haka Daddyna yana kwance har yanzu bai koma dai dai ba, kuma Mummy ta tsaneni ko kusa da ita bata bari inje, gani gidan ƙasar Daddy sai azabtar da ni take yi da ayyuka kala kala don ALLAH ka taimaki rayuwata ka ce in dawo ɗakina, WALLAhi na yi alƙawarin ba zan sake_ yin abunda bai da ce ba, plss ka yafe mani mu cuddle bear wallahi sonka ne ya

rufe mani ido ya janyo

na so aikata duk abunda ka gani, don ALLAH ka ce ka yafe mani in dawo don ALLAH my Bobbie.

Tana kuka take rubuta text ɗin bayan ta tura kuma ta sake bi da kira amman kuma bata shiga ba, saboda bai buɗe wayarshi ba har sai ya dawo gida ne bayan ya gama komi sannan ya buɗe, aiko buɗewar ke da wuya sai ga saƙon Zee ya danno kai, ba ɓata lokaci ya duba duk da ya tausaya mata amman hakan bai sa ya mayar mata da amsa ko ɗaya ba, asali ma goge text ɗin ya yi gaba ɗaya a wayar, sannan ya mayar da hankalinshi akan sauran saƙonnin da suke ta shigowa.

Zee ta gaji da jira ta sake gwada kiran sai ko ta yi dace ta shiga cike da tsananin jin daɗi ta yi wani ihu saboda murna, yana ɗauka ta daburce tana ta kame kame ganin bata da abun faɗa ne ya sa ya katse kiran, cikin sauri ta sake binshi da wani kiran har sai da ta tsinke bai ɗauka ba, bata gaji ba ta sake kira ganin zata dameshi ne yasa ya ɗauka, cikin rikicewa ta fara rawar murya tana faɗin

"Don Allah ka yi haƙuri ka yafe mani my Bonnie plss"

Cikin ko in kula ya ce

"Ni fa yanzu matata ta isheni bana fatar haɗata da kowace mace a matsayin kishiya ballantana mai som ta kashe mu Ni da ita, don haka ki ƙara haƙuri sai na yi shawara in ta amince tukunna"

Yana kare faɗar maganar ya kashe wayar, Zee ta fashe da kuka cikin tsananin takaicin kanta da har ta yi abunda ya janyo mata faɗuwar daraja warwas, don daman cen ya lafiyar kura ballantana yanzu ta ci sarauta?, Dole sai haƙuri cikin kukan ta sake kiranshi caraf ya ɗauka cike da Muryar kuka ta ce

"Ko a ƴar aikinta ka ce in zo Zan zo idan har zaka yafe man abunda na yi maka"

Safwan ya ɓata fuska kamar yana ganinta ya ce "kina da labarin ina Abuja yanzu ko?"

Ta ce "a'a bani da labari" ya ce "Ok tom yanzu haka ina Abuja Ni da Matata nasami aiki ne a cen, idan kin shiryawa zaman Yola to ki tattaro kayanki ki koma, amman ki sani weekend kawai zai dawo da ni Yola idan kin amince shikenan fine, idan kuma kin ji ba zaji iyawa ba Tom sai mu sahalewa juna"

Cike da jin daɗi bakinta yana rawa ta ce

"Na amince My Man amman don ALLAH ka ce ka yafe man, itama ka nemar mani tafiyarta kafin ku haɗu"

To kawai ya ce ya kashe wayar, Zee ta yo sororo da waya a hannu tana kallon Ruma ta ce

"Ya ce in koma amman har yanzu bai ce ya yafe mani ba"

Ruma cike da tausayinta ta ce "kada ki damu a hankali yafiyar zata biyo baya in har ya fahimci kin canza ba Zee ɗin da ya sani ba ce a cen baya, fatana kawai ki san yanda zaki taushi zuciyarki saboda tsoron aikata abinda za'a azo ana da ansani daga baya"

Zee ta share hawayenta ta ce "Ai Ni tuni na gano cewa zafin nema baya kawo samu, don da banda ke da yanzu Ni kaina bana duniyar an riga da an kasheni, wanda ta sanadin haka ina da tabbacin Daddyna ma zai mutu itama kanta Mummy zata shiga muwuyacin hali, saboda gorin mutane ƙarshe itama ta bimu, Nagode sosai Ƙawata lalle ke ƙawar amana ce ALLAH ya bar zumunci kuma ya baki miji nagari ke ma ki je ki yi aurenki ki huta"

Ruma ta ce "Ameen"

Tare suka je suka samarwa Baabaah Asaben abunda ke faruwa cike da jin daɗi ta nufi gidamsu Zee ta sanarwa Mahaifin Zee saboda murna sai gashi da tashi zaune ba shiri zuciyarshi cike da jin daɗin jin wannan abun farin ciki, Mahaifiyarta ma ba ƙaramin daɗi ta ji ba da jin maganar, shiyasa ta nemi alfarmar ganinta ba ɓata lokaci Baabaah Asaben ta kira wani yaronta ta ce ya ɗauko Zee ya kawota.

Satinta ɗaya gidansu Mahaifiyarta tana nusar da ita tare da nasihohi kala kala da misalan abubuwa da yawa wadañda suka faru a duniya masu daɗi da akasinsu, sannan aka fara gyarata na tsawon kwana uku sannan Mahaifinta ya yi mata huɗuba sosai da kanshi ya ɗauketa ya kaita gidansu Safwan wurin Hajiya Mama ya bada haƙuri sosai sannan ya ɗauketa ya kaita gidan Safwan da hannunshi tare da yi masu addu'ar zaman lafiya.

Satinta biyu a gidanshi ba tare da ya waiwayota ba, har sai da Hajiya Mama ta nuna masa rashin kyautawarshi sannan ya baro Abuja ya nufo Yola ranshi ba daɗi, don in ta shi ake bi abarshi da Dijenshi ta isheshi rayuwa a duniya.

Ko da ya shigo garin sai da ya je wajen Hajiyarshi suka gaisa ya bata tsarabarsu sannan ya ɗan taɓa fira da fiddo da Surayya da aka dawo da ita haifuwa saboda Mijinta da baya nan, bayan sun gama tambayar juna bayan rabuwa ne ya miƙe zai tafi Hajiyarmu ta ce

"Ka kula da matarka don na hango shiriya a idanuwanta, kuma ka yi haƙuri da ni don nasan ba da son ranka ba biyayya ce kawai kake yi man, to ka sani duk lokacin da wani ya sami shiriya ta sanadinka ba ƙaramar lada zaka samu a wurin Ubangiji ba, shiyasa duk da nasan ta aikata mummunan laifi amman hakan bai sa na barka ka yi abunda ka so ba, don ina jin tsoron ka sake auro wadda zata aikata abinda yafi wanda ya yi muni, don gara ita da kishinta yake a fili yake kowa zai gani, saɓanin wasu da suke ɓoyewa a fili su nuna ba komi kuma su bi ta ƙarƙashin ƙasa su wargazaka daga kai har matar taka, to ko a hakan ma ka godewa ALLAH da baiwar da ya yi maka tunda bai haɗaka da mace mashurika ba mai biyar bokaye, wadda ba matarka ba har Ni da na haifeka da ƴan'uwanka duka zata iya rabaka gaba ɗaya"

Cikin sanyin jiki ya ce

"Na gode Hajiyarmu ai nasan daman ke baki ɗora wani ma a hanyar da bata dace ba bale ɗanki da kika haifa, Ubangiji ya ƙara bar muna ke ya karo lafiya da nisan kwana Hajiyarmu, na gode sosai kinga na manta da tsarabar da ɗiyarki ta bada in kawo maki"

Ya kalli fiddo ya ce "ke zo mu je ki karɓo na tafi Hajiyarmu sai na dawo"

Fiddo ta biyoshi zuciyarta cike shakkun abinda zata faɗa cen dai ta danne ta ce "big bros yaushe zaka je da Ni Abuja wurin Khadija?"

Ya waigo Yana yi mata wani kallo ya ce "Ba ma maraba da gulma idan har itace zata kaiki don nasan Zee ce taki don haka ki tattara kayanki ki je ki tayata zama idan na koma, ko ko karatu na ki ya zaki yi da shi idan kin je cen?"

Ranta a ɓace ta ce "Ni dai yayanmu cen nike son zuwa don ALLAH ka je da Ni in zaka koma yanzu, sai ka sakani makarantar a cen don nafi son inyi karatuna a cen"

Ya miƙo mata ledar saƙon da Dijen ta aikowa Hajiyar yana faɗin "lalle baki da hankali kina year 2 ki nemi barin makaranta saboda daɗin da ya yi maki yawa ko? To ki jira idan kin fara aiki sai ki koma cen da karatun kina biyawa kanki, Ni matsa ki bani gu tun ban hanɓarar da ke ba"

Fiddo ta yi cikin gidan tana gunguni don ita zaman garin ne ya gundureta, saboda in suna chatt da Husnah tana turo mata pictures ɗinsu in suna shaguna ko wuraren shaƙatawar da suke yawan zuwa, abun yana burgeta sosai shiyasa tasawa ranta itama zata koma cen a fantama da ita, amman dai ga shi ya gwasaleta a tashin farko.

Ya fisgi Motarshi ya nufi gidanshi, haka kawai yake jin baya son shiga gidan don ya daɗe zaune a parking space yana firarshi da ma'aikatan gidan, don ko jakarshi tuni aka shige da ita ciki sannan ya fito ya nufi sashen Zee ɗin zuciyarshi a cunkushe, sai dai yanayin da ga Zee ɗin yasa ya yi saurin sakin fuskarshi saboda ba ƙaramin bugawa zuciyarshi ta yi ba, ganin yanda ta yi baƙi ta rame sosai amman a hakan har da fara'a kwance a fuskarta da ta rame sosai tana yi masa sannu da zuwa.

Ya zauna tare da bin falon da kallo kamar mai neman wani abu sannan ya dawo da kallonshi gareta ya ce

"Ke fa? me ya sameki kika rame irin haka??"

Ta duƙe hawaye suna zuba ta fara wasa da yan yatsunta, cike da tausayinta ya ce

"Zo zo inji me ke faruwa ne?"

Zee ta durƙushe ƙasa tare da riƙo ƙafafuwanshi tana wani irin kuka take faɗin

"Plss ka yafe mani don ALLAH nasan ban yiwa kaina adalci ba, don ALLAH ka ce ka yafe mani ko da zuciyata zata yi sanyi"

Safwan ya ɗagota ya zaunar da ita kan kujerar da yake yana share mata hawayen ya ce "komi ya wuce ki daina wannan kukan yanzu ba gamu tare ba?"

Zee ta sake fashewa da kuka tana faɗin "na cutar da kaina da hannuna don ALLAH ka yi haƙuri"

Dole Safwan ya ajiye komi ya fara lallashinta, sannan ta kaishi ya yi wanka ta rakoshi diny inda ta shirya masa abinci mai kyau, yana ci yana janta da fira saboda ganin har lokacin bata daina hawaye ba.

Cikin dauriya ya bata kulawa ba yabo ba fallasa haka suka kwana kowa da tunanin da ke cike cikin zuciyoyinsu, ita tana ganin kamar yana riƙe da ita shi kuma yana tunanin irin lalacewar da ta yi.

To mu dai sai dai muyi maku fatar ALLAH ya bada zaman lafiya da hkr😝

Akafta😊

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Aski ya zo gaban gashi Mutanena💃🏻*

*Lamba 70 *

Haka dai suka kwana ba natsuwar zuciyoyi, bayan SALLAHr Asuba Safwan ko da ya dawo masallaci ya taradda Zee tana ta karatun Qur'ani, abun ya buregeshi kuma haka ya ba shi mamaki sosai, saboda sanin da ya yi mata ada da ƙyar ma take tashi yin SALLAHr a lokacin, sannan idan ma ya matsa mata ta yi tana kammalawa take yin kwanciyarta ko addu'ar kirki bata tsayawa yi, amman yanzu ita ce har da su karatun Qur'ani, cike da jin daɗin sauyin da aka samu ne ya zauna kan gadon yana ƙarasa addu'o'inshi na azkar, har bacci ya fara janshi ya kwanta ba shiri saboda baccin da ya fiegeshi ba tare da ya shiryawa hakan ba.

Misalin ƙarfe takwas ya falka saboda ƙamshij abun break ɗin da take haɗa masu, mamaki ya sake kamashi ya fito ɗakin ya nufi kitchen yana kallon yanda take ta hadadarta, cikin shigar wata doguwar riga ƴar kanti, tana ganinshi ta diririce tana gayar da shi cikin ladabi, bayan ya amsa ne zuciyarshi cike da jin daɗin sauyin da ta samu, ya fice kitchen ɗin zuwa sashenshi saboda zuciyarshi da ke ta kwaɗayin son jin muryar Uwargidanshi, don tun yana kan hanyar shigowa garin da suka yi waya ta ji ya sauka lafiya ta kashe wayarta, saboda kishin da ke cin zuciyarta game da zuwanshi wurin Zee, da abun ya kwana a ranshi saboda ya yi ta kiran wayoyinta a kashe ta Husnah ma a kashe, cikin takaici ya kira Aunty Ummi ya ce ta haɗashi da ɗaya daga cikinsu yana son yin magana da Dijenshi, Aunty Ummi ta nuna masa dare ya yi sosai ya dai haƙura sai da safe, saboda a lokacin ƙarfe sha biyu da mintuna dole ba don ya so ba ya haƙura amman zuciyarshi cike fal da son jin dalilin da Dijen ta aikata hakan.

Shiyasa ko da ya shiga sashenshi ko wanka bai yi ba ya fara nemanta a waya, aka yi da ce ta shiga itama caraf ta ɗaga sai dai shirun da ya ji ta yi masa ne yasa shi saurin faɗin

"Me na yi maki kika horani da rashin jin muryarki?"

Sheshshekar kukan da ya ji ne a kunnenshi yasa ya yi saurin sake wata maganar a rikice ya ce

"Subhanllah me ke faruwa ne? Me aka yi maki? Wa ya taɓa man ke don ya ga bana nan?"

Dije ta sake fashewa da kukan gaba ɗaya cike da ruɗewa ya ce

"Plss babyluv don ALLAH ki daina kukan nan ki sanar da ni abunda ya faru idan har kina son ganin natsuwata"

Cikin kukan Dije ta ce

"Ka gaisheta"

Tana ƙare faɗar hakan ta datse kiran, cikin wani sabon tashin hankali ya sake bi da wani kiran amman har ta tsinke bata ɗauka ba, ganin hakan ya sa ya dinga kiran Husnah kira bayan kira, tana bacci dole ta miƙe ta ɗauka ya ce da ita ta kaiwa Dijen, ta miƙe cike da jin haushin katse mata bacci da aka yi, sai dai kukan da ta tarar tana yi ne yasa jikinta ya yi sanyi, ta miƙa mata wayar ta fito zuciyarta cike da jin zafin kukan da ta ga Auntynta tana yi, don tun jiya take lallashinta akan ta yi haƙuri ta daina kukan da ta ke yi na rashin Auncle ɗinsu, ta yi kamar ta haƙura ashe bata haƙura da kukan ba.

Dije ta kara wayar a kunne tana share hawayenta ta ce

"Ba wani abu fa kaina ne yake ciyo"

Daga cen ɓangaren ya sauke ajiyar zuciya yace, "haba haba My luv to meyasa ba zaki sanar da ni ba kike wahalar man da kanki da Babyna? Yanzu ki shirya Aunty Ummi zata zo ta kaiki Asibiti sannu kin ji? ALLAH ya baki lafiya"

Ta ce "Ameen" cen cikin maƙoshi sannan ya sake cewa "ya kwananki da na Babyna?"

Ta ce "ƙalau"

Cike da mamakin yanda take ta ba shi amsa a taƙaice ya ce "Babyluv ko na yi maki wani abun ne ban sani ba?"

Ta ce "A'a" yace 'to wacece kike cewa da ni in gayar?"

Ta murguɗa baki kamar yana gabanta ta ce "wadda ka je wajenta ko ba'a buƙatar gaisuwar tawa ne?"

Ba shiri ya rufe bakinshi saboda fahimtar inda ta dosa, cikin dariyar da ta so kufce masa ne ya ce

"Ana buƙata kuma an karɓa hannu bibbiyu ALLAH ya saka da aljannah, amman fushin na minene? ko kin manta Umurninki na bi? To yanzu kuma tunda an yi maki abunda kike buƙata kuma ta dawo kamar yanda kika roƙar mata alfarma Ni kuma mi ye laifina a ciki?"

Ta ce "ba ko ɗaya hasali ma ka yi abunda ya dace" zai sake yin magana ne Zee ta turo ƙofar ɗakin ta shigo da nufin sanar da shi komi ya yi ready, ganin yana waya ya sa ta yi saurin juyawa da nufin komawa, ya yi gyaran murya ta waigo ya yafitota ta ƙaraso wurinshi, ya miƙa mata wayar cikin jarumta ya ce "kHadija ce ku gaisa"

ZEE ta karɓi wayar cikin sanyin jiki tana shirin yin magana ta ji Dijen tana faɗin

"Dawo da itan ai abu ne wanda ya dace, kuma kai kanka zaka gano alfanun yafiya ga wanda ya yi maka laifi, saboda ladarka tana wurin Allah Kuma insha ALLAHu za ka ga sakamakon abun alkhairin da ka yi, fatana kawai ALLAH ya baka ikon yi muna adalci, kada don an sami ta ƙarfen a juyawa ƴar ƙauye baya"

Zee ta yi saurin faɗin

"Insha ALLAHu in dai ta ɓangarena ne matsala ta ƙare, da ni da ke yanzu mun zama abu ɗaya babu wani gorin asali ko wani fifiko, a zahirance ma kin sha gabana don kin riga da kin yi man fintinkau tunda har kike da zuciyar imani, kika ɗora Mijinki akan hanyar dawo da ni cikinku duk da abunda na aikata maku a baya, don ALLAH ki yafe mani kinji insha ALLAHu zan yi ko yi da kyakkyawar zuciya irin taki, saboda yanzu na gano cewa ko wane mutum da kalar baiwar da Allah ya yi masa, sau da yawa wanda ka ke renawa sai ya zo ya fi ka ta hanyoyin da kai ko da kuɗi ba zaka iya binsu ba, matuƙar sheɗan yana buga ganganunshi saman kanka, na gode sosai da taimakon da kika yi mani aka dawo da ni, kuma ki sa a ranki cewa kina da ƴar'uwa saboda yanzu Zee ta ɗaukeki tamkar ƴar'uwarta ta ciki ɗaya tunda har na gano ke ɗin alkhairi ce garemu ni da shi"

Tana ƙare faɗar maganar ta miƙa masa wayar ta fice da sauri tana kuka, ya bita da kallo sannan ya sauke ajiyar zuciya yace

"Babyluv sannu da namijin ƙoƙarinki, lalle ke alkhairi ce ga rayuwata, ina ta ya ƴaƴana farin cikin samun uwa ta gari irinki, fatana kawai a yanzu ALLAH ya sauke man ke lafiya ki bani Babyna a hannu in ɗauka"

Dije ta goge ƙwallarta ta saita natsuwarta ta ce "Insha ALLAHu ƴaƴa har sai ka ce in tsaya haka nan in huta , don in na Fara watso maku su sai ka rasa da hannun da zaka riƙe sauran"

Safwan ya fashe da dariya cikin dariyar ya ce "au watsosu ma zaki yi don salon mugunta?, To bari ki ji ko da jefosu zaki yi ta yi duk bayan minti biyar Habibynki ba zai taɓa rasa hannun da zai karɓesu ba, ke dai kawai ki natsu ki sako man su sannu a hankali ina karɓewa cikin farin ciki ba tare da gajiyawa ba ko ƙosawa"

Haka suka yi ta firarsu mai cike da barkwanci da raha har dukansu suka daina jin damuwar rashin ganin juna, sannan Dije ta daƙile firar dolenta don bata son ta shiga haƙƙin Zee, ba don ya so ba suka yi sallama cikin kewar juna tare da kwaɗayin ganin junansu, saboda mugun sabon da suka yi wa juna da kawunansu.

Har ga ALLAH Safwan ya ji daɗin yanda Zee ta dawo macen kirki, shiyasa cikin dauriya da kai zuciya nesa ya mu'amalanceta har lokacin barin garin ya yi ya tattara kayanshi ya koma Abuja, wurin Matarshi da ya ke jin a duniya kaf ba ya da matar da zata kamo ƙafarta ma bale ta kamota, ko da ko akwai ɗiyan lu'ulu'u da murjani a cikin.

****

Haka rayuwa ta yi ta shurawa sannu a hankali har cikin Surayya ya isa haifuwa ta haifo ƴarta mace masha ALLAH da ita.

Cikin zumuɗi Dijen ta yi ta murnar zuwa Yolar sai dai idan ta tuna da zata ga Zee sai jikinta ya yi sanyi, dole dai haka ta daure ta matsa masa ya barta ta biyo su Aunty Ummi suka nufo Yola, saboda a lokacin shi ana tsaka da aiki don during working hours ne, cike da jin daɗin yarinyar Dije ta fara santi tamkar ta sace yarinyar take ji saboda sonta da take yi, Hajiya Mama da su Surayya sai dariya suke yi mata ganin yanda ta maƙake yarinyar bata son kowa ya ɗauketa, don har goyeta take yi sai Hajiya ta yi faɗa take sauketa, Zee ma kullum tana zuwa da ita ake komi shiyasa Dijen ta rage kishinta da take ji aranta, saboda ganin yanda ta ke ta haba haba da ita tamkar cewa babu abunda ya taɓa shiga a tsakaninsu, haka ma da yanda take ta janta a jiki tana nuna mata cewa ai an zama ɗaya babu zancen wata kishiya shiyasa itama ta ajiye komi suka fara ɗasawa, wanda hakan ba ƙaramin daɗi ya yi wa Hajiya Mama ba, ta ƙara godewa ALLAH da har ta jajirce Safwan ya dawo da aurenta, don tasan dole ne sai ya nemi wani auren tunda har ya saba da mace biyun, kuma da wacce ba'a san halinta ba gwara wadda daman cen an san halinta sai a ci maganin matsalar.

Aka yi taron suna lafiya cike da ƙayatarwa yarinya ta ci sunan uwar Mijin Surry ana yi mata laƙabi da ilham, bayan suna Safwan ɗin ya zo ya yi kwana biyu sannan ya kwashi Matarshi suka koma Abuja. kawosu ita da

Sannu a hankali itama Dijen cikinta yana ta miƙawa har ya kai watannin haifuwa, Hajiya Mama ta matsa masa akan dole ya dawo da ita wurinta ta haifu, amman ya nuna shi dai ya fi son idan ta haifu sai su dawo yolar, saboda cen ɗin tana samun kulawar manyan likitoci a Asibitin da take awo, sai da Hajiya Mama ta yi masa jan ido sannan ya kwasota da himilin uwar siyayarta da ta jaririn da za'a haifo masa, don daman cen shi rabuwa da ita ne ba ya so saboda ko da take da titsetsen cikinta idan jarabarshi ta motsa tasan ta yanda zata faranta masa har ta gamsar da Habibynta.

Shi yasa ko da suka zo Yolar ya kasa ya tsare gidan Hajiya Mamar ya ƙi barin garin har sai da korashi saboda yanda ake ta nemanshi a ma'aikatar ta su, saboda muhimmancin da yake da shi dole ne wani abun sai da shi.

Satinta ɗaya a Yola ta fara jin sign na naƙuda, Hajiya Mama tana bata kula sosai da sosai don itama ɗin har nurse's ta samo mata masu duba mata ita har gida ba sai anje Asibiti ba, Zee kanta kullum tana gidan ana renon cikin da dakon zuwan haifuwar, sai ko ga shi cikin ikon ALLAH wata ranar juma'a Asubar farin ta fara naƙuda, jikin Hajiya Mama yana rawa ta saka direba ya kwasheta da kayan da duk za'a buƙata suka nufi wata babbar Asibin da ke garin yolar, cikin nasara kwata kwata bata yi minti goma da shigarta labour room ba ta haifo santalelen yaronta Mai kama da Ubanshi sak, fari jajir har wani yalo yalo yake yi saboda tsabar farinshi, ga shi ƙatoto da shi masha ALLAH tamkar ba haifuwar Dijen Baffah ba.

Farin ciki wajensu Hajiya Mama da fiddo da ma Zee ɗin abun ba'a magana, saboda har rige rigen ɗauka ake yi tsakaninsu su biyu, Surayya ma rufe ido ta yi tace tunda da ita yaron yake kama itace zata riƙeshi, Hajiya Mama dai sai dariya take yi masu idonta akan ɗakin da Dijen take tana ta baccin sauke gajiyar naƙudar da ta sha.

Ango ƙarni kam daman yana kan hanyar zuwa Yolar sai ga kiran Fiddo ya shigo wayarshi cikin kuwwa da ihun murna take sanar da shi an samu Baby boy, ba shiri shi ma ya buga wata ƙatuwar kabbara ya ce

"ALLAHU Akbar? Alhmdllh! Shikenan na zama Baba, Little sis kina da tukuici mai tsoka a wurina, to ya ita Mamar boy ɗin lafiyarta ƙalau dai ko?"

Cikin murnar albishir ɗin da ya yi mata na tukuici ta ce "fine take big bros bacci ma ta ke yi yanzu haka"

Baki a washe ya ce

"Ok Ina Kan hanya daman ganin na kusa ƙarasowa garin ki shafa man kan babyna"

Cike da jin daɗi fiddo ta koma ɗakin tana dariya ta ce "Wayyo daɗi Ni ce na yiwa yayanmu albishir ya ce in tsumayi tukuicina"

Surayya da ke ta faman murnar ta sameshi a wayar da nufin ta riga kowa sanar da shi ba shiri ta kashe wayar tana harararta ta ce

"Ai WALLAHI kin ƙware da mugunta yanzu don salon yaudara shine kika fice waje kika rigani to ai dole mu raba koma minene"

Zee sai dariya take masu Hajiya Mama ta kira cen garinsu Dijen ta sanarwa da su Baffah, sannan ta dinga kiran mutane yan'uwa da abokan arziƙi tana ta sanarwar haifuwar, kafin ka ce me Asibitin ta cika da yan taya murna kowa baki har kunne.

Angon ƙarni ma ko da ya zo ya taradda mutane ciccike sai tayashi murna ake yi, sai washe baki yake yi amman idonshi suna cen wajen dubo ta ina zai hango kyautar da ALLAH ya yi masa?, Aiko sai ga shi ya hango babyn hannu wata dattijuwa tana tofeshi da addu'o'i.

Cikin sauri ya nufeta ba kunya ya saka hannu ya karɓe yaron tamkar ya yi ihu saboda daɗin ganin yaron a hannunshi, ba tare da tuna da inda yake ba ya kaiwa yaron kiss a goshi da baki, sannan ya hankalta da mutane bakinshi ya ki rufuwa saboda dariyar kanshi da jin daɗin ganin ɗan shi,sannan ya miƙa yaron yana tambayar Hajiya Mama Dijen ta yi masa nuni da ɗakin da take hutawar, ya nufi ɗakin zuciyarshi fess da farin cikin hangota kwance har a lokacin tana ta baccinta, ya tsaya jikin gadon ya shafo kanta tare da duƙowa ya yi mata kiss sannan ya riƙo hannunta, cikin sauri ta buɗe idonta ta saukesu a kanshi ba shiri ta washe baki da murmushi akan fuskarta ta ce

"Habiby"

Ya riƙe hannunta duka biyu ya ce "sannu da ƙoƙari kin ji? ALLAH ya biyaki da gidan Aljannah, naga yarona Masha ALLAH har ya fiki kyau"

Ta ɓata fuska tare da turo baki ta ce

"Saura ƙiris in fara kishi da shi yasin"

Yana dariya mai cewa cike da zallar ƙaunarta tare da shauƙin sonta da ke ɗibarshi, ya duƙa ya tsotso leɓenta sannan ya ce

"I love You so much my heart desire, ke mahaɗina ce idan ina kusa da ke kina sakani susucewa, don haka kada ki janyo in yi abunda za'a ga na yi rashin kunya"

Dije ta yi masa wani fari da ido ta rausayasu sannan ta ce "ina sonka Habiby"

Cikin zurmawa da salonta ya ce "ina son matata kuma ina son kasancewa da abuta a kullum a koda yaushe kuma a kowane lokaci, amman yanzu sai na yi zaman jira kenan ko? Kwana nawa ne ma ake yi wai?"

Dije ta rufe fuska cike da jin nauyin maganar ta ce "kwana dubu uku ne ake yi ai nasan Habibyna jarumin gaske ne zai iya yin fiye da kwanakin ma "

Ya zaro ido waje baki buɗe ya ce "A wannan karon kam dole ne kowa sai ya gano ragwantakata, cabɗi ki ce in mutu kawai kafin zuwan lokacin"

Dije zata yi magana wata Nurse ta shigo tana dariya musamman ganin yanda suke riƙe da hannun juna gam gam tace

"To luv bird's zaku iya tafiya gida tunda har ta gama hutun, sai ku je cen ku ƙarasa soyayyar"

Dukansu suka kalli juna suna dariya Safwan ya saka hannu aljihu ya fiddo kuɗi bai ma tsaya lissafi ba ya miƙa mata yana faɗin

"To ga goro a tayamu da du'a'in dawwama cikin farantawa juna"

Ta karɓe tana jin daɗi ta fice bayan ta gama zuba masu addu'o'in.

Haka aka tattaro da maijego da jinjirinta da masu zuwa ta ya murna aka nufo gidan Safwan, saboda Hajiya Mama ta ce akai Dijen ɗakinta saboda danginta idan sun zo ta ji daɗin tarbarsu, kuma duk wanda bai san muhallinta ba ya gani, amman ta saka wasu dattijai masu kula da ita waɗanda za su yi mata komi kamar a gabanta, cike da jin daɗi Safwan ya fice bayan ya saukesu ya faɗa shaguna yanata lodo kaya har na hauka, bayan waɗanda suka sissiyo a Abuja sai da ya yiwa Dijenshi set biyu na jakunkuna masu samfurin akwati tsadaddu masu shegen kyau, kowace jaka maƙare da kaya na alfarma sannan ya yi wa boy na shi set guda shi ma tsadaddun kaya, Zee ma da nata set sannann ya yi wa su Hajiya Mama da su fiddo su ma, ya sa aka kwaso masa kayan suka nufi gidan Hajiya Mama ya zubesu gabanta, duk da ta ji daɗi amman ta yi masa faɗan almubazzaranci ba kyau, yana dariya ya ce

"Duk abunda na yi maku Hajiya ai kun fi ƙarfinshi wajena, amman insha ALLAHU zan kiyaye a gaba, don ko wannan don naga khadija ko lefe ban yi mata a lokacin aurenmu ba"

Ta sauke ajiyar zuciya ta ce To ALLAH ya rufa asiri ya ƙara buɗa maka kuma ya baka ikon sauke ɗawainiyar gidanka gaba ɗaya "

Ya ce '"Ameen"

Sannan ta ce idan duhun dare ya shigo ya zo ya kwashi kayanshi ya kaiwa Matanshi, sannan ta yi masa godiyar na su da ya siyo masu tare da saka masa albarka, da addu'ar kariya daga sharrin ko mi ƙankantarshi.

Dije kam tana cen ita jaririnta sun sha wanka sai ƙamshi suke yi, Surayya ta haɗa mata tea mai shegen kauri ta shanye saboda saukowar ruwan nono da wuri, sannan dattijan suka baje wajen da aka keɓe don kawai irin wannan lokacin, anata hidimar dafe dafe da dama mata kunun jegon da Hajiya Mama tasa aka dako tun lokacin da aka yi haifuwar.

Ko da ya dawo gidan ya taradda Zee da su Surayya ɗakin sunata firarsu suna shewar jin daɗi, Dije riƙe da kofin kunun tana sha a hankali saboda zafinshi, ya ƙaraso cikin ɗakin ya kalli Zee da ke goye da yaron ya ce

"Naman boy Daman cen kin iya goyon ne?"

Tana dariya ta juya kanta baya ta kallo yaron ta ce

"Ka ga alama don kuwa ga yarona nan yanata baccinshi don shi ma yasan Uwa ba wasa ba ce"

Gaba ɗaya suka fashe da dariya wajen dariya har Dijen ta ƙware da kunun da ta cika bakinta, sai ga shi da kaiwa wurinta ba shiri yana bubbuga bayanta yana hura mata kai tare da faɗin

"Sannu baby sannu"

Hankalinshi bai kwanta ba har sai da ya ga ta dawo normal sannan ya fara dungure mata kai ya ce ,. "Idan kin san ba zaki natsu ba to ki koma wani gu sai kin shanye kunun ki dawo don bana son wasa da lafiya"

Dije ta yi masa wani kallo cikin marairece fuska sannan ta riƙe kunnenta ta ce

"Am sorry habi....."

Ta kallo Zee ta yi saurin datse cikon maganar, Zee tana dariya ta ce "biby"

Surayya da fiddo suka fashe da dariya saboda yanayin da Zee ta yi maganar tana marairece fuska tana lanƙwashe wuya tare da murguɗa baki, sannan ta kalli su Surry ta ce

"Ku zo mu basu waje tunda a gabanmu ma ba za'a yi muna kawaici ba"

Su Surry Suka fice ɗakin suka barsu sunata kallon Zee cike da dariyar da ta suƙesu, Safwan ya kalli Dijen ya ce

"To Ni yanzu ya zaku yi da ni? Babyna na zo gani na taradda an wani duƙunƙuneshi a baya, ƙarshe ma ga yanzu kin janyo an fice da shi bamu gaisai ba"

Dije ta ɗauki kunun ta kurɓa sannan ta haɗiye ta ce "kun fi kusa ka je ka karɓo tunda baka godewa kulawar da yake samu ba"

Ya kalleta da kyau ya ce "haka ma zaki faɗa?"

Ta sake kurɓa kununta sai da ta cika bakinta sannan matso jikinshi ta janyoshi ta riƙo kanshi ta tallafo ido cikin ido ta goga hancinta da na shi sannan ta nufi bakinshi kamar wani sakarai ya buɗe bakin ta juye masa kunun sannan suka fara zuƙe kunun tare har suka shanye, sai ga shi sun buge da dulmiya cikin wata sabuwar duniya sun manta shaf da cewa ba su kaɗai suke ba har sai da suka ji kukan yaron sannan suka dawo hayyacinsu.

Sai ga fiddo ta zo rungume da shi ta ce tsohuwa ɗaya daga cikin dattijan ta ce ta ba shi nononshi ya tsotsa, Dije ta zaro ido waje ta ce

"To Ni ina nasan yanda zan bashi ??"

Safwan ya karɓi yaron Fiddo ta fice ya sakarwa yaron kiss sannan ya kalleta ya ce

"Oyo bari Abban boy ya koya maki riƙe man shi anan"

Ta karɓa ta rungumeshi ya ɗaga rigarta ta ƙasa ya fito da nonuwan, cike da zallar maitarsu a fili ya shafosu duka ta yi saurin lumshe ido, sannan ya ɗago kan yaron ya saita bakinshi ga ɗaya aiko yaron ya fara tsotsa zumui zumui tsut! tsut! Ta cije baki tana faɗin

"Da zafi Habiby kuma ma WALLAhi ba komi a ciki don ALLAH ka bari har ruwan ya zo a hakan zafi kawai zan sha"

Yana ƙumshe dariyarshi ya cire nonon a bakin yaron ya karɓeshi ya ajiye sannan ya je ya rufo ƙofar ɗakin, ya dawo yana wata dariya ya yi durƙuso a gabanta ya sunkuya ya kai nonon a bakinshi ya fara tsotso cikin mugunta, ta fara tureshi amman hakan bai hanashi tsotse ɗaya tas ya saki ya kama ɗayan ba, sai da ya ɗauki lokaci yana zuƙo nonon sannan ya saki, Dije tana hawaye wahala ta ce

"Shi dai mutum ya kamata yasan ya fara girma, a gaban yaro ko kunya baka ji ba kake wannan halin?"

Yana dariya ya sake ɗauko yaron ya ajiye a gabanta ya saita bakinshi ya saka masa nonon, yaro ya ci gaba da tsotsa har da su sauke ajiyar zuciya, Dije ta bi shi da harara ta ce

"Yasin zaka janyo in horashi tunda akanshi ne ake yi man mugunta"

Yana dariya ya ce "wuta bal bal cin zalin yarona ko a bayana ne ku wa"

Ta murguɗa masa baki tana cije leɓe saboda zafin da take ji yana ratsata, haka yaron kam ya sha iya son ranshi sannan ya koma bacci, Safwan ya karɓeshi ya kwantar da shi ya zauna suna firarsu mai cike da nasu salon son, har sai da suka ji ana ƙwanƙwsa ƙofar ne ya buɗe ya fice su Surry suka shigo suna yi mata tsiya.

Ko da dare ya yi Safwan ya kawo masu kayansu Dukansu sunyi farin ciki ba kaɗan ba, musamman Dije da har sai da ta yi kukan daɗi saboda ganin himilin kaya kuma wai duk nata ita da yaronta, ba shiri ta rungumeshi tana kuka tana yi masa godiya.

Mai jego muma dai kam mun tayaki murna😊

Akafta🤪

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*ALHAMDULILLAH!!!!*

*Lamba 71*

Dije da yaronta suna samun kulawa sosai tamkar a gaban iyayenta ko ma fi, don ta ɓangaren cima mai daɗi bata da wani aiki sai na cin daɗi, saboda har rago biyu ya sa aka yanke aka soye mata wani bayan an sarrafa sauran kala kala aka tasata gaba ta yi ta kwasar gararta, kwana biyar da haifuwarta ne ƴan'uwanta suka diro Yola ƙatuwar Bus cike da mutane har da masu zuwa ganin ƙwam, don kuwa izuwa lokacin Dije ta yi wata daraja da ƙima a idanuwan yan garin nasu, saboda mutumci da Safwan ya siya mata a wurinsu ba tare da ma ta sani ba, wanda ya janyo har su kansu Inna da Baffah yanzu sun zamo wasu mutane masu daraja a cikin garin na su ta sanadin hakan.

Dije murna baki har kunne saboda jin daɗin ganin ƴan'uwanta da abokan arziki a cikin gidan aurenta, sai haba haba take yi da su cikin mutuntawa tare da girmama matsayinsu a wurinta, wuri na musamman aka keɓe masu ana ta basu kulawa ta ɓangaren abinci da abinsha sai sambarka suke ta yi da sa albarka, Dije kam farin cikin fal ranta bakinta ya ƙi rufuwa saboda ganin Abokanta na ƙurciya, waton Ladiyo Jummala da Lanti da Mune sai Hansai da ta zame mata tamkar ƴar uwa tuni, saboda auren Usmanu da ta ke yi sannan kuma ga shi tana kyautawawa Innarta shiyasa ta ke jinta ta daban a wurinta.

Mutanen garinsu Dije kam sai mamakin ganin yanda ta koma ƴargayu suke yi, don tuni ta sade da su ba zaka taɓa ganinta ka gano cewa wai tashin ƙauye ba ce, ta burgesu sosai musamman yanda ta ke nuna masu kulawa babu ƙyama bale nuna wariyar launin fata, ganin haka ne su Surayya da Zee da ita kanta Fiddon suke ta Nam nan da su su ma.

Tun ana gobe suna aka watsawa aka fara hidimar bikin don kuwa gidan cike yake fam da mutane ana ta hada hadar bikin, tsakanin soye soye da dafe dafe bayan wanda aka kai wani guri ayo ammsn duk da hakan mutane sai ɓarkowa suke yi.

Ranar suna maijego da yaronta da ya ci sunan Mahaifin Safwan ana kiranshi da Sayyid shi ma kanshi ya sha gayu bayan an ɓata lokaci wajen tofeshi da addu'o'in kariya daga sharrin mutum da na aljan, don farinshi yasa ko wa ya ganshi dole ne ma sai ya maganta, musamman yan ƙauyensu Dijen da suke ganinshi tamkar ba Dijen ce ta haifoshi ba, saboda ganin yanda yake tamkar ɗan indiyawa saboda kyau da fari.

Dije tare da su Surry da sauran mutane sai ɗaukar photuna ake yi cen na hango wata tawagar mutane ta doso Dijen ko da na duba da kyau na hango Shaharrun marubutan nan masu ji da kansu da amfani da lokacinsu wajen farantawa al'umma irinsu

Hannah Suhana (Hajiya Duduwa)da Billy s fari Ayusher Muhammad, tare da Ummi Garkuwa, Nimcyluv, Maizafafa, Oum Mumtaz, Ummu Najma, Salaha Muhammad, sai Mmn Musaddiq, Firdausi mrs shugaba, Ameera Adam, Mmn Shaheed, Mmn Maleek, Autar manya, tare da Ummu Ja'afar.

Ganin yanayin takunsu yasa ta gano su ɗin ba ƙananun mutane ne bay yasa ta sa aka tanadar masu wurin zama na musamman, sannan ta je rungume da Sayyid tana gaisawa da su ɗaya bayan ɗaya sannan kowacensu ta gabatar mata da kanta cikin raha da wayewar kai irinta Marubutan, sannan suka dinga ɗaukar photuna da ita tare da Baby, sai ga shi na hango ana rigimar karɓar Sayyid tsakanin ƙannena biyu Billy s fari da Hajiya Duduwa, ko wace ta na faɗin ita ce zata ɗauka sannan dai Ƙanwata Ummi Garkuwa ta raba gardamar wajen shiga tsakiyarsu ta riƙe yaron aka fara ɗaukar photuna.

Tana cikin marubutan ne Fiddo ta zo tana haki ta ce ta zo ga wasu gungun mata cen su zo suna nemanta, Surry ta ce ta je ita zata ji da su aiko ta saki jiki ta dinga lodo masu abinci da abinsha da maƙulashe ko wace ta ci ta sha sannan ta cika mas ledodinsu na kayan bikin kala kala.

Dije ta je ta sauyo wasu kayan cikin wani arnen tsadadden less wanda yaji shuwari stone ta ko'ina sai walwalniya suke yi, ta fito tana takun ƙamshi ta nufi inda ake nemanta, sai ko ga Maryam Omee ta yi saurin zuwa wurinta ta rungumeta tana faɗin

"Oyoyo Dijeta Barka da arziƙi"

Dije ta saki baki tana dariya tace "yawwa Barka dai Auntyna" duk da bata ganota ba amman ganin zallar ƙaunar da ta nuna mata yasa ta ji itama ta kwanta mata a rai, Omee ta waigo bayanta tana kallonsu Mmn irfaan da ke tsaye suna kallonsu ta ce "mun yo tattaki ne takanas daga group mabanbanta saboda kawai mu tayaki murnar zuwan wannan rana mai cike da farin ciki a garemu duka, saboda haka yanzu zan yi maki bayaninsu filla filla"

Ta nuna Mmn irfaan da ke tsaye tana wara idon ta ina zata hango Zee ta ce

"Wannan itace Mmn irfaan sai wannan Mmn ss, Ummu Afrah, Fati Ghana, Oum Suhail, Hauwa Zubair, Deejerlee, Mum Sayyid, Sa'ar Bukar, Faeexe, Najida Aliyu, Daughter Ummi Khatsina, Rufaida idris, Hamida Ƙaura, Jamila Haidara, Mmn Ra'ees, A'isha Yola, "

gano hakan yasanMmn Heedaya, Zainab Garba, Aunty Sady,Rahina, Glam By hajia sumy,Ummu Rauda, A'isha kishoor, Amrah barrister, Mmn Beaty, Mum of 3full H, Ummu Muhammad, Aisha S yamm, Subai'a Hussaini Gwandu, Hannatu Umar, Saratu Nakura, Zee MD, Hannatu Ahmed, Ummu deedat, Firdausi Muhammad sani, Rukynamango, A'isha Muhammad, azrarrfa8, Fatima sani mmn Masoyi, Princess N, Nakura, Ummin Sadiq, Ummi Sajida, Mmn meenat, mmn Yusuf, Hannatu Garba, mmn inty&Anwar, Shafaatu Aminu, Halima Gwani, Mmn Moh'd, Tamasu, mmn basma, mmn Hafsa, mrs Kamal, Aisha mada, Ummu Aisha, Ummu Haidar, Fatima Bello maimaita, mmn Abdu, Nasmie mafara, i lv u mum,Mummyn Nasrin, Jamila Isa, Aunty Islam,mmn Husnah,Mummyn annur, mmn shuraim, Ummul adnan,Amina Abdullahi.

Cikin sauke numfashin wahala Omee ta dafe goshi ta ce "wai ALLAH yasin muna da yawa in nace in ta zayyanosu zamu kwana anan bamu tantance ba,don haka don ALLAH ku yi haƙuri saura abun ne da yawa...."

Tana cikin maganar ne maganar ta tsaya saboda hango Asiya Umar A ya yarda, da tayi ta shigo gidan cikin gayunta tana wara idon ta ina zata hango idon sani, Omee ta washe baki tare ta dafe goshi ta ce

"Wayyo rimatyna ta ƙasaro"

Dije ta yi dariya ta ce dasu gaba ɗaya tana yi masu sannu da zuwa sannan ta jasu suka yi ciki inda ta yi masu masauki a ƙaton falon nata, Dukansu suka shishigo kowace tana samun wurin zama inda wasu ma har ƙasa suka zube abunsu saboda yawa su yasa falon yana so ya yi masu kaɗan.

Nan fa aka shiga yi masu tarba ta musamman, don su yawansu bai hana kowacensu ta yi ƙat ta yi hani'an ba saboda anyi komi a wadace.

Ana cikin cin abincin ne naga ɗiyar ɗakina Mmn irfaan da Daughter Rufaida da ƙanwata Asiya Umar sun haɗa kai suna ƙusƙus, sai ga shi naga suna ta zarmewa da ɗaya ɗaya suka fice falon, aiko na biyo bayansu sai naga sun nufi sashen Zee, na bisu cike da mamaki a raina nace

"Lalle so duk so ne amman son kai ya fi yau ko ga shi na gani da idona"

Ina biye da su har falon Zee inda na hangota cikin shiga ta alfarma tana ta hidima da ƴan'uwanta da suka zo daga Gombe, abun mamaki Asiya naga ta manna da gudu ta rungumeta tana ihun faɗin

"wayyo Aunty Zee Ina yinki WALLAhi"

ZEE tana dariya ta bi Asiya da kallo ta ce "Ni ma haka ƙanwata saukar yaushe?'"

Asiya ta washe baki ta ce "mun jima munata neman inda zamu ganki tare Ni ke da ƴan'uwana suma masoyanki ne na haƙika kamar Ni, don lokacin da wannan ƙaddarar ta sameki mune muka yi ruwa kuka yi tsaki akan kare maki martabarki agun abokan adawa"

Zee ta sake rungume Asiya cike da jin daɗin maganar tata ta janyo hannunta ta ce

"Oya ku zo mu je masaukinku na daban ne ai"

Ɗiyar ɗakina da Daughter Rufaida Suka biyo bayansu suna dariya, aiko sunga tarba kuma sun ga gata don kuwa Zee komi nata na tarbon baƙint ta yi abunta daban bayan na gidan.

Shiyasa suka baje suka kwashi Gara abunsu ina yi ina haɗiyar yawu saboda ina jin tsoron in fito su gano leƙen asirinsu na zo yi.

Haka aka yi taro cikin farin ciki da annushuwa kowa ya tafi yana murna saboda anyi masu komi a wadace babu ƙwange hannu a cikin lamarin ko kaɗan.

Taro ya watse lafiya kowa ya nufi gidajenshi anata yabawa sannan da yi wa jariri da Mahaifiyarshi addu'a, da yi masu fatar ƙarin buɗi mai alkhairi ko don wasu su amfana.

Don yan garinsu Dije daren da zasu koma gida ne Safwan ya cikasu da abun alkhairinshi, suka ruɗe sai zuba godiya suke yi, haka ma ZEE ta yi masu alkhairi dai dai iyawarta suna ta godiya da yi masu addu'ar zaman lafiya ga junansu.

Dije da su Ladiyo suna ɗakinta ana firar bankwana Ladiyo ta kalli Dije cike da urgewa ta ce

"Ai ke Dije yanzu ba abunda ya rage maki a duniyar nan illah ki cika da imani ki je lahira ki sami aljannah, don WALLAhi duk abunda ake yi ALLAH ya yi maki saboda haka ki godewa ALLAH"

Dije ta yi dariya ta riƙo hannunta ta ce "Alhmdllh K'awata wannan kalmar itace kalmar da kullum nake yawan faɗa a bakina, saboda Ni kaina sanan ya yi man baiwar da ba kowa ya yi wa irinta ba"

Jummala ta ce ", TABBAS ke ƴar baiwa ce a cikin mata don ga shi ko mu yanzu ta sanadinki mun fara zama ƴaƴan baiwar, don kuɗin da kika aiko muna kwanaki wallahi Ni dai sun yi man tsanin alkhairi Ni da Garbatina, don kuwa yanzu haka birni yake zuwa yana siyar da fitullu kala kala na zamani masu batur da masu aiki da zuƙar nefa, kamar da wasa ya fara kasuwancin sai ga shi yanzu kullum abu sai haɓaka ya ke yi, WALLAhi mun gode sosai mukam"

Lanti da ta yi tagumi ta ce "ai Ni bance komi ba Dije don WALLAhi har zaucewa na so yi lokacin da Usmanu ya kawo man su har gida ya ce in jiki wai mu ja jari, haka naga abun kamar almara WALLAHI"

Dije cike da mamaki ta kalli Hansai saboda neman ƙarin bayani don ita bata ma san kan zancen ba, kuma bata da masaniyar komi akai, Hansai ta yi dariya ta ce

"Habibynki ne ya turowa wani saƙon ya baiwa Baban yaron nan ya kawo muna ya ce in ji ki abamu mu abokanki"

Dije ta ji wata ƙwallah ta sauko mata cike da jin ƙara ƙaunar mijin nata, saboda ita ko kaɗan bai sanar da ita anyi hakan ba sai yanzu da ta ji a bakunansu, Mune ta sauke ajiyar zuciya ta ce

"Dole ki yi kuka don farin ciki ya yi a rayuwa, ALLAH ya ƙara buɗe maku hanyoyin samu ta ko'ina ko don mu na kusa da ku mu amfana"

Gaba ɗaya aka ce "Ameen"

Dije ta share hawayenta tana dariya ta ce "Mune naga yanzu kin rage surutu mi ye sirrin halan?"

Mune ta yi dariya ta ce

"Hmmmmmmmm ai ke dai in ana SALLAH ba'a magana, don kuwa akan halin har sakina ma Ummaru ya yi na dawo gida, saboda wani faɗa da na haɗa tsakanin matan yayan Ummaru, duk da a zahiri Ni iya gaskiyata ce na faɗi, amman duk wanda ya ji zai ɗauka cewa munafucci ne"

Lanti tana dariya ta ce

"To da gaskiya ta bayyana ai ALLAH ya wankeki ko? Kuma ki godewa ALLAH tunda har hakan ya zamo sanadin shiriyarki kika daina yawan faɗi ba'a tambayeki ba"

Dije ta kalli Jummala ta ce "me ya faru halan"

Ladiyo ta fashe da dariya ta ce "ki tambayi ƴar gidan taki mana sai ta fi iya bada labarin yanda ake so"

Mune ta cire taguminta ta ce "Matan yayan Ummaru ne suke ta faɗan kishi kullum a tsakaninsu, shine ranar na ji ɗaya tana faɗawa wata abokiyarta cewa zata sakawa abokiyar zaman shinkafar ɓera a abinci ta mutu, to shine Ni kuma na ji tsoro na je na sanarwa wadda ake so akashen, aiko ta sanarwa da mijinsu sai ko ga shi wadda ta ci alwashin ta kawo mata abinci ta ce bazata ci ita sai ta ci ta ƙi ci, daman an shirya hakan mijin ma ya kafe akan dole sai taci abincin ta ƙi ci, rigima ta rikice gida ya cika da mutane ƙarshe dai abu har gaban Maigari, aka baiwa kyanwa ta ci bata yi komi ba itama aka tilastata dole sai da ta ci, abun mamaki ba abunda ta yi shine aka fara kuka ta ce daman na ce sai na ƙalla mata sharri, nan mutane suka yi ta tsine mani ana cewa da ni daman cen Ni Munafuka ce, gashi yanzu zan haɗa rigima don kawai na tsani ɗayar, ke a taƙaice dai akan hakan Ummaru ya sakeni na koma gida sai daga baya da gaskiya ta fito aka gano makirci ne ta ƙulla ashe ta ji lokacin da nike faɗawa waccen ɗin, shine ta liƙaman sharri sai cikin ikon ALLAH bayan bana gidan faɗa ya haɗasu ta ɗauko taɓarya ta ce sai ta kashe kishiyar, da komi ya lafa aka gano gaskiya don ta yi iƙirari da bakinta akan cewa itace ta faɗa na ji a lokacin, shine fa ya dawo da ni gidanshi bayan an ja kunnena da faɗi ba'a tambayeka ba, to tun daga haka na kame bakina ba ruwana da faɗin abunda bai shafeni ba, kinji mafarin shiriyata, yanzu ko a gabana aka yi abu WALLAhi ba abunda ya dameni bale in fad'a"

Dije tana dariya ta ce "Alhmdllh ƙawata baki dadi wallahi yanzu ki ce ko a gabanki mu yi kashinmu ba zaki faɗa ba? "

Mune tana dariya ta ce "tabbas Ni ce ma zan sakayaku in yi maku labule don kar a ganku"

Gaba ɗaya aka saka dariya, haka suka yi ta tuno baya suna mayar da zance suna dariya, sun ɗauki lokaci sunata firarsu har dare ya raba sannan suka je suka kwanta.

Tunda sassafe suka yi sallama da kowa suka kama hanyar zuwa inda suka fito, da nufin sati yana zagayowa itama zata bi su ta je wankan gida a garinsu .

Haka ko aka yi Satin yana zuwa Fiddo da Zee da wata dattijuwaar da zata dinga taimakonta suka rakata zuwa garinsu ta jirgin sama da zai rage masu hanya zuwa sannan su ci gaba da motar, saboda kawai Yaron Safwan da ko ƙuda baya son su hau kanshi bale wahalar doguwar tafiya irin wannan.

Ko da Jirgin ya saukesu motar tana jiransu saboda tuni ta taso sannan su daga baya suka biyo hanya, kasancewar an samu ci gaba sosai a babban birninsu Dijen har cikin ƙauyensu, shi yasa basu sha wata wahala ba suka isa ƙauyen ƙiriu garinsu Dijen Baffah.

Mamaki bai kashe Dijen ba har sai da suka isa ƙofar gidan nasu taga kamar ma ba nan ne ba, don kuwa gida ne na alfarma Safwan ya ƙyanƙyara masu saboda kawai ya basu tukuicin faranta masan da ƴarsu take yi a kullum, ga kuma hasken solar ta ko'ina tun daga ƙofar gidan har cikin gidan fes yake masha ALLAH tare da sabon fentiin da ya ƙara fito da kyawon gidan.

Baki sake Dije take kallon gidan don ko kula da masu yi mata sannu da zuwa bata yi ba har suka isa cikin gidan ita da su Zee, Baki bud'e ta ƙura wa inna ido cikin shiga mai kyau ta buɗe wata doguwar freezer tana fito da wasu gorunan ruwa tana saka wasu, bakinta washe ta ke faɗin

"Sannunku da zuwa mutanen Yola sannu da zuwa"

Fiddo kanta mamaki abun ya bata saboda tasan yanda gidan ya ke acen baya, Zee kam wasar bakinta kawai ta ke yi har suka shiga falon Inna da ya ƙawatu da kujeru irin na ƴan gayu, Suka zazzauna Dije kam ƙurya ta shige saboda kukan da ya zo mata kuma ba zata iya danneshi ba, haka ma bata son ta yi shi a gaban Zee ta fahimci wani abu.

Inna ta fara jera masu abinci kala kala da ruwa da lemuka tana faɗin "ku sha ruwa kun kwaso hanya kam"

Fiddo ta karɓi Sayyid hannun Zee ta ce

"Inna ba zan baki yarona ba tunda har baki yi murna da zuwanshi ba"

Inna ta rufe Baki tana dariya ta ce "ku yi ta kaya Ni mai Malam me zan yi da wannan mijin cikin zane komai sai anyi masa?"

ZEE ta ɗauki ruwa tana tsiyayawa a kofi tace "ai dai inna shi sabon miji daban yake tsoho, idan kuma kika bari ya yi fushi ya ce ya fasa kuma shikenan sai mu nemo masa wasu matan"

Shigowar Hansai cikin tsantsar farin ciki yasa Inna Bata Sami damar mayar masu da amsa ba, Hansai ta karɓe yaron tana ihun faɗin

"Wayyo daɗi ɗanmu ya zama ɗan turawa Inna duba ki gani"

Inna ta ƙarɓeshi da bisimillah tana faɗin

"Waɗannan uwayen dai akwai kuri, to ALLAH yasa kafin ku haifu wasu sun rigaku haifuwar"

Ta ƙare maganar tare da zaunawa tana gyara masa hannun rigarshi ta kayan sanyin da ke jikinshi ya sauko ƙasa ya rufe tafinshi, Zee tana dariya ta ce

"Mu dai na mu muka sani Inna don zamu iya bugun ƙirji mu ce namu ya fi na kowa"

Inna tana dariya ta ɗagashi sama tana yin miƙa yana wani botsarewa alamun ya ji daɗin hakan, Inna ta kalli Fiddo ta ce

"Ku ne da yaron amman baku iya renon ba, to ku biya kawai a tayaku renonshi kawai"

Dattijuwaar da suka zo da ita tana dariya ta ce "Mutum da Matarshi har sai an biya? To a biyosu bashi idan ya girma sai ya biya da kanshi"

Sai ga sallamar Baffah ya shigo Dije da ke ƙuryar ɗaki tana kuka Hansai na lallashinta Muryar Baffah ta sa ta fito da saurinta ta taryeshi cike da jin daɗin ganinshi ta durƙusa tana gayar da shi, cike tsantsan farin ciki ya ke amsawa sannan ya tsaya bakin ƙofar falon ya gaisa da su Zee, sannan ya yi masu sannu da zuwa tare da tambayar mutanen gida, bayan sun ƙare gaisawar ne ya yi ɗakinshi Dije ta biyoshi zuciyarta cike tsantsan farin cikin ganin yanda yayi ƙiba hankalinshi a kwance, ta zauna tana wasa da yan yatsunta suka sake gaisawa a tsanake sannan ya kalleta yana ƴar dariya ya ce

"Wa ya taɓa man Dijeta daga zuwanta?"

Dije ta share hawayenta tana dariya ta ce "naga gida ya yi kyau Baffah ashe haka ka gyara gidan?"

Yana dariyarsu ta manya ya ce "na gyara ko aka gyara man? ki yi haƙuri shi ya ce kada a sanar da ke sai in kin zo kin gani da idonki, don yanzu haka bamu fi wata uku da tarewa ba, saboda cikin ƴan watanni aka yi komi aka gama, mutane da yawa sunyi mamakin yanda aka kammala ginin cikin lokaci kaɗan, Alhmdllh kam mun godewa ALLAH da ya had'amu da mutanen kirki masu mutunci da sanin Yakamata, da ace duk sauran mutane haka su ke da ina tabbatar maki mabuƙata ba zasu taɓa yin kuka ba, to matsalar da aka samu irinsu ƙaɗan ne a cikin al'umma"

Dije ta share hawayenta ta ce "Ni ban ma san mi zan ce ba Baffah saboda tun da naga wannan gyaran nasab aikinshi ne, haka fa ya aikowa da su Ladiyo kuɗi Ni banma sani ba ya ce in jini su ja jari"

Baffah ya yi murmushi mai cike da jin daɗi ya ce "daman ita addu'ar a kullum mutum ya yi bata faɗuwa ƙasa banza, don haka muka roƙa kuma ga shi ALLAH ya cika muna gurunmu fiye da yanda muka yi tsammani, da ina da iko da na tara mutane na sanar da su cewa kada su gaji da yiwa ƴaƴansu addu'a, duk halin da suke a kullum su ci gaba da yi masu addu'ar shiriya saɓanin faɗin aibinsu a bakinsu, saboda addu'ar iyaye bata da shamaki wajen Ubangiji, da sunyi take tafiya sai dai ayi jinkiri wajen ganin sakamakon addu'ar, yanzu ga ki kamar ba ke ba kin natsu kin ajiye shirme da tsokana, kin ajiye jan faɗa da abun maganar da kike ta janyo muna a cen baya, ga shi Sakamakon haƙurin da muka yi ALLAH ya mayar muna da alkhairin da bamu zato ba bale tsammani"

Dije ta ce "hakane Baffah ALLAH ya ƙara shirya maka Ni"

Ameenn 🙏🏻

Akafta🤪

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*ALHAMDULILLAH!!!! ALHMDLLH!!! ALHMDLLH!! GIDAN AURE shine sunan book ɗina da zanyi a gaba, wadda take buƙata zata biya kuɗinta 300 kacal ta hanyar transfer ta wannan account ɗin HADIZA D AUTA 1230094555 access Bank, idan kuma kati ne zaki turo aritel ko mtn na ɗari uku to za'a turo ta wannan numbar 09032685442*

*Ƴargata Maman Sultan Ubangiji ya baki lafiya yasa kaffara, Mrs Naseer ina miƙo gaisuwata zuwa gareki akan namijin ƙoƙarinki ga book ɗina, my Ambash ALLAH ya saukeki lafiya mu zo mu ci rangyem, Asma'u Umar ki yi haƙuri na goge laifina🤗*

*Lamba 72 last page*

🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚🔚

Baffah yana murmushin jin daɗi ya ce "Ameen Dijengalata amman fa ko haka aka tsaya Alhamdulillahi, don ba abunda za mu ce wa ALLAH sai godiya ALLAH ya sawa aurenmki albarka ya baku zaman lafiya ke da Mijinki da abokiyar zamanki duka, kuma ya baki ƴaƴa nagari masu albarka waɗanda zasu yi maki fiye da abunda kinka yi muna na alkhairi"

Dije sai "Ameen Ameen" take faɗi zuciyarta cike da jin daɗin samun iyaye nagari, sai da suka ɗan taɓa fira sannan ta dawo falon Inna suna cin abincin ana ci gaba da fira cikin raha da barkwanci.

Kwanansu Zee ɗaya direba ya kwashesu suka suka koma suka bar su Inna da kewarsu tare da jinjina lamarin Ubangiji, ganin yanda dukansu daga Zee har ita Fiddon sun saki jiki da su kamar cewa daman cen ƴan'uwan juna ne.

Bayan su Inna sun dawo daga rakiyarsu ne Hansai ta goye Sayyid ta yi ɓangarenta, Dije ta faɗa kujera tace

"Wash ALLAHna WALLAHI Inna gaba ɗaya jikina ciyo yake yi"

Inna ta zauna tana ƴar dariya ta ce "sai kin yi haƙuri kam don yanzu jikinki yake haɗewa daga ɗaukar ciki da haifuwar da kika yi, wani zubin ma har zazzaɓi wasu su ke yi a wannan lokacin"

Dije ta dafe goshinta ta ce "ai kam dai nima ina jin abinda nike ji a jikina"

Inna ta kalleta da kyau sannan ta ce

"Naji daɗin yanda yarinyar nan ta sauko kuka fahimci juna ga shi yanzu zamanku gwanin burgewa"

Dije ta yunƙura ta ta shi zaune sannan ta kalli Inna ta ce "kin dai gani Inna ga shi yanzu kamar ba'a yi ba ashe da kirkinta sharrin sheɗan ne da kuma mugun kishin Abban Sayyid da take yi"

Inna ta sauke ajiyar zuciya ta ce "duk macen duniya dole zata yi kishin mijinta, ke ba mijinta kawai ba duk abunda kake so a rayuwa dole ka yi kishin ganin wani ya raɓeshi, sai dai na wani ya fi wani don kowa da kalar dauriyarshi, shiyasa kika ji na ce da ke duk runtsi ki sa ya dawo da ita a matsayin matarshi, saboda ko da ta fita dole ne ya auri wata, kuma ita zata iya shigowa gidan da shirinta ƙarshe ma ta janye maki Mijin ya koma gareta a barki da cizon yatsa, amman in ita ce sanadiyyar wannan abun da ta aikata zai dakushe mata karsashi akan ko ma aikata wani mummunan abu saboda ganin igiya ɗaya ce ta rage a tsakaninsu, saɓanin wacce zai auro ba ita, don ba lalle bane ba ace ku fahimci juna, bale kuma ta barki ki ji daɗin zama gidan aurenki ko zama da Mijinki lafiya, don wata mace sharrinta ko sheɗan ya sarawa bala'in da ke tattare da ita, amman yanzu kin ga komi ya zama tarihi kuna zaman lafiyarku Masha Allah, wanda hakan da kuke shi zai ƙara farantawa mijinku rai ya ji daɗin kyautata maku"

Dije ta cire tagumin da ta yi ta ce "Lalle Inna na yarda da aka ce abunda babba ya hango yaro ko da ya hau sama bazai iya hangowa, kuma naji daɗin biyayyar da na yi wajen sakashi dawo da ita, yanzu ga shi abun Ni ma ya zamo mani alkhairi don baki ga yanda ta ke son Sayyid ba, bata bari ya zauna hannuna matukar ba abincinshi zai sha ba, kuma ina bashi take sake karɓeshi su tafi, shi kanshi Abbanshi sanadin wannan halin kirkin da take yi ne yasa ya sake mata sosai suna ɗasawa, sai dai wani lokacin ina jin ba daɗi idan naga yana kulata Inna, Amman idan na tuno da cewa itama fa Matarshi ce kamar Ni sai in baiwa zuciyata haƙuri don bana son ta fahimci ina jin zafinta"

Inna ta yi shiru sannan ta ce "hakan da kike yi ya yi kuma shine abunda ya dace ki yi, don yanda kike ji haka itama take ji amman ta ke haƙura saboda neman zaman lafiyarku, ALLAH ya baku haƙurin zama da junanku itama kuma ya bata nata rabo"

Dije ƙirjinta ya buga amman ta daure ta ce "Ameen inna Bari in je in kwanta Wallahi wani bacci nike ji a idona"

Inna ta bita da kallo cike da jin daɗin ganin yanda hankali ya shige Dijenta, sannan ta ce

"Duk baccin da ki ke son yi ai wannan baturen baya barinki sai dai in bai rikice ba"

Daga cen cikin ɗakin Dije ta ce "WALLAhi sai in tafiyata gidan Gambo in sha baccina in barku da shi ku yi ta fama"

Inna tana dariya ta ce

"Ai duk inda zaki je ki ɓoye sai an kai maki shi acen tunda mu bamu da abunda zamu ba shi"

Dije ta yi saurin faɗin

"Gaskiya Inna uwaye suna shan wahalar renon ƴaƴa a rayuwa"

Inna ta fashe da dariya ta ce

"Kamar yanda aka sha taki ba ai duk uwar da kika gani da ɗanta to ita kaɗai tasan wahalar da ta sha da abunta lokacin da yana ƙarami har girmanshi, ALLAH dai ya jiƙan iyayenmu da rahamomi Wallahi"

Dije ta ce "Ameen" sannan ta yi kwanciyarta aranta tana jinjina irin yanda iyaye mata suke shan wahalar reno musamman farkon haifuwa, wanda ita sai yanzu ta gano cewa ashe ba ƙaramin haƙuri Inna ta yi da ita ba, cikin zuciyarta sai addu'a take zubawa Innar saboda tuno irin abun maganar da ta yi ta janyo masu a baya, tana cikin tunanin ne wani ta yi dariya wani ta ɓata fuska har bacci ya yi awon gaba da ita.

****

Rayuwa mai daɗi Dije ta yi a gidansu saboda komi yi mata ake yi aikinta bacci da cin abinci sai kuma baiwa Sayyid nono, sannan da baiwa Malaminta dama wajen ƙara macewa kanta, don kuwa suna maƙale a waya ko wane lokaci yana nuna mata irin kewarta da ya yi, tare da sanar da ita da ta cika wata ɗaya a garin zai zo ya kwashesu su koma, cikin dubara take ta hilatarshi har ya bar zancen don bata son ya gano bata son komawar a lokacin, kada ya ga kamar ita bata yi kewarshi ba kamar yanda kullum yake sanar da ita irin damuwar da yake ciki, don Zee ta so binshi acen Abujar ya ce ta jira anan Yolar zai dinga zuwa akai akai wurinta, dole ta haƙura amman ba don ranta ya so ba sai don samun zaman lafiyar da ko kaɗan bata son abunda zai janyo wata fitina a tsakaninsu.

Satin Dije Uku a garin ta yi ɓul ɓul daga ita har yaronta gwani sha'awa saboda kulawar da suke samu wurin Inna da dattijuwar matar, a gefe ɗaya kuma Gambo da bata gajiya da dafa mata abubuwa tana shanyewa, don wani zubin acen ma take kwanciyarta daga ita yaronta da dattijuwar, ga Yan garin na su kowa sai nan nan ake yi da ita da kuma yaronta, don ma Gambo bata son ana yawan fita da shi don ƙa'ida ne kullum sai ta tofeshi da addu'o'in tsari, sannan ta ce dole itama Dijen sai ta tosheshi da addu'o'in saboda kariya daga sharrin mutum ko aljan da wasu masu kambun baki, saboda farin yaron da yanda yake kyakkyawa ga shi ɓul ɓul dole ne mutane su yi shaawarshi, sannan uwa uba ga shi fes fes kullum cikin shiga ta alfarma kuma irinta wayayyun ƴan birni.

****

Wasa wasa Dijen Baffah sai da ta yi wata biyu a garinsu sannan Angonta ya garzayo ya kwashi Matarshi da yaronshi suka koma Yola, suka bar su Inna da Baffah da mutanen garin da kewar Dijen da ɗan baturen yaronta mai kama da indiyawa samfurin larabawa kalar yan Ethiopia.

Hajiya Mama ba ƙaramin daɗi ta ji ba da ta ga yanda yaron da mamarshi suka yi sharr abunsu, cike da tsananin farin ciki ta karɓe shi tana ta yi masa wasa yana wasar baki, Fiddo ta karɓeshi tana faɗin

"Coming to your mama my beautiful boy"

Hajiya Mama ta kalleta tana dariya ta ce "in dai ɗanku ne ga shi nan don ma na yi maku kara na ɗauka?"

Fiddo tana dariya ta ce "WALLAhi Hajiyarmu son yaron nan Nike yi, don ALLAH ki ce da Yayanmu su tafi da Ni Abuja don bana son a rabani da shi ALLAH"

Hajiyar tana dariya ta ce "ki jira idan kunyi jarabawar ƙarshe sai ki tattara inaki inaki ki koma cen duka tunda ke baki fatar ki je naki gidan mijin sai taya wasu zaman aure"

Dije dai dariya kawai ta ke yi cikin dariyar ta ce "ai Insha ALLAHu acen ma zamu yi mata aure don bama fatar a raba uwa da ɗanta"

Safwan da ke shigowa ɗakin ya ce "ba inda zata je don tana kammala karatunta zamu auradda ita"

Fiddo ta zumɓuro baki ta ce "to ai Ni bani da miji"

Dije ta dafe baki ta ce "Mukhtar ɗin fa? Ko an ɓata?"

Ta miƙe tana dariya ta ce "yarona zo mu je tunda yau haɗe man kai ake yi a gidan"

Ta fice suka bita da kallo Safwan ya ƙaraso ya zauna suna ci gaba da firarsu kafin lokacin tafiyarsu ya yi suka tafi duka har Fiddon cen gidan nashi, inda Surayya da wasu yan'uwa suke acen suna tsumayin zuwansu.

Aiko shigarsu gidan mutane suka zo tarbarsu cikin farin ciki ana yi mata Barka da dawowa, Zee ta karɓe yaron tana ta juyi da shi Safwan ya riƙo hannunta ya yi mata raɗa ta yi saurin rufe ido, Dije ta bisu da kallo cikin gefen ido sannan ta shige sashenta tare da mutane tana dariyar yaƙe, Zee tayi sashenta da Sayyid tana ta murnar dawowarshi.

Dije kam tana shiga ta faɗa toilet tana share ƙwallar kishin da ya turnuƙota, sannan ta watsa ruwa ta ɗauro arwallah, bayan ta fito ne Surry ta ce "haba Hajiya daga zuwa ba wani jira sai shige abunki ki barmu a falo muna jiranki?"

Dije ta washe baki cikin ƙarfin hali ta ce "Tom bari in shirya in zo inji me da me aka tanadarwa baƙuwar?"

Surry ta riƙo hannunta ta ce "ki daina ɓoyo nasan me ke damunki to Aunty zee dai ciki. E da ita shiyasa kika ga yayanmu ya hanata wannan tsallen da take yi don kada ta janyo muna aiki, saboda haka plss a yafewa yayanmu don ALLAH, kada a lalace masa wannan dare da yake ta tsimayin zuwanshi"

Dije ta rufe baki cike da jin kunyar ganotan da surry ta yi ta ce

"Bafa wani abu Ni daman cen ban ji komi ba Aunty Surrynmu"

Surry ta fice tana dariya tace "ki dai zo ga delicious cen mun haɗa ma ku yana jiranku ke da Big bros"

Dije ta bita da kallo tana dariya sannan ta fara shiryawa tana jin daɗin cikin da aka ce ZEE tana da itama, don ƙaunar Sayyid da take yi yasa ko kaɗan bata kishin abunda zata haifo itama, Shiyasa ta yi mata fatan alkhairi a zucinta.

Bayan ta yi sallah ne tashirya cikin wani voil da yaji aiki tun daga sama har ƙasa sannan fara fesa turare sai ga Safwan ɗin ya shigo ɗakin, yana hangota ya ƙaraso ta bayanta ya rungumota a jikinshi, sannan ya sunsuno dogon wuyanta tare da sauke masa wani wawan kiss, ba shiri ta zabura tare da ɗauke wuta na wuccin gadi, sannan ta kai kallonta jikin madubin tana ƙare masa kallo cikin wani sihirtaccen kallon da shi kanshi baisan ta iya shi ba, ba shiri ya ji yar ya jikinshi tsikarshi ta miƙe, ya yi saurin kwantowa bayanta yana sauke hannunshi akan dukiyar fulaninta da suke cike fam, ta yi saurin runtse ido tace

"Da zafi fa"

Ya juyota a zafafe ya dinga tsotse mata baki tamkar zai cire mata shi, da kyar ta samu ya ta ƙwaci leɓenta sannan ta ɗago tana kallonshi ido cikin ido da wasu jajayen idanuwanshi da suka rine a lokaci daya, sannan ta ce

"Mu je mu ci abinci yana jiranmu"

Tana gama faɗar hakan ta zille ta fice ta bar masa ɗakin ya bi bayanta da kallo tare da dafe jarumarshi da ta miƙe tana kallon gabanta, ya nufi toilet minti biyar a tsakani sannan ya fito ya fice cikin wata kasala da ta diro masa.

Har suka ci abincin suka ƙare ba wata walwala a fuskarshi, yana ƙarewa ya shige ɗakinshi na sashen Zee sai dare sosai ya dawo sashen Dijen, inda ko da ya taradda ita har ta yi bacci ita da yaronta, cikin dabara ya ɗauke yaron ya kaishi cikin gadonshi ya ajiye sannan ya dawo kan gadon ya janyota jikinshi sai rawa yake yi,

Cikin bacci ta jiyo saƙonshi yana sauka ta ko'ina cikin jikinta, dole ta wartsake ta karɓi mijinta hannu bibbiyu suka dinga farantawa juna cikin farin ciki da ɗokin juna, ALLAH ya taimakesu yaron ya basu haɗin kai domin shi ma kanshi a gajiya yake shiyasa yake ta baccinshi su kuma suna ta shan soyayyarsu kan kari, don Safwan ya susuce akanta sosai sai zuba santin daɗi yake yi yana nishi saboda irin bala'in daɗin da yake ji yana ratsa koina na jikinshi, sun daɗe suna abu ɗaya har sai da Sayyid ya falka sannan suka haƙura ba don sun so ba.

Da safe ma ba ƙaramin rawar jiki ya yi akanta ba don ma yana kawaici baya don Zee ta ganoshi, gudun janyo wata sabuwar fitinar yasa kwanansu biyu a Yola ya tattara Matarshi da ɗan shi suka koma Abuja, inda suka ci gaba da jiyar da junansu daɗi tare da tarairayar juna kamar yanzu ne suka yi sabon auren, a gefe ɗaya kuma suna renon yaronsu da ko kaɗan basu son ganin kukanshi don inda hali ma ƙuda basa son ya hau kanshi.

Watan Sayyid huɗu Dije ta fara zuwa school saboda ƙulafucinta akan makarantar, dole aka nemo mata wadda zata dinga kula da Sayyid saboda hidimar karatun ba wasa ba.

*****

Bayan shekara biyar Dijen Baffah ta yi karatunta ta ƙare har ta sami aiki a wata babbar Asibitin da ke Abuja, sannan ALLAH ya sake bata wata haifuwar inda ta sami ƴa mace aka saka mata sunan Hajiya Mama ta ci sunan Sayyada, Zee ma ta yarinyarta ɗaya mai suna Ummusalmah itama tana aikinta acen Yolar cikin amincin ALLAH, Fiddo ma anyi mata aure har ya haifi ɗanta masha ALLAH, Surayya ma yaranta uku Husnah ma ta yi aure da ƴarta mai sunan Nasiba.

Zamansu lafiya har lokacin saboda akwai fahimtar juna sosai a tsakaninsu, shi ma kanshi Uban gayyar ya zama ƙaton Alhaji don kuwa daga shi har Matanshi duka sun sauke farali, Inna da Baffah ma da Gambo da Maigari duka sun je, a gefe ɗaya kuma Dije daga lokacin da ta fara karbar salary ne ta fara asusun gina makarantar boko da islamiya garin na su, ga alkhairin da take yi wa yan garin da guminta bayan na Maigidanta, izuwa lokacin su Ladiyo kansu sun zama wata tsiya a sanadin Ƙawarsu Dijen Baffah, sai dai kwatsam ALLAH ya aikowa Gambo rasuwa bayan gajeruwar jinyar da ta sha, Dije ta yi kukan rashin Gambo saboda wani jigo ce ta rayuwarta, akan hakane ta yi ƙudurin gina masallaci a ƙauyen hadiyya zuwa gareta, ALLAH ya taimaketa Alhaji Safwan ya dafa mata ta cika gurinta, mutanen garin sai sambarka suke yi tare da godiya ga Ubangiji da ya sanya Dijen da suke aibatawa a baya itace yanzu ta zamo silar jin daɗinsu, Usmanu ma ya zama babban ɗan kasuwa yana samu daidai gwargwado don ya riki kanshi da Iyayenshi har ma wasu suna jin dadi ta sanadinshi.

Dije ma Cikin ƙashin kanta da shekaru suka ja ta biyawa Usmanu da Hansai Hajji, bayan sun dawo ne wata shekara suka yi haɗaka da Malaminta suka biyawa ƙawayen Dijen, Ladiyo Jummala Lanti da Mune tare suka je da su ma ɗin kansu suka sake komawa tare da su.

Wata shekara ma da kanta ta biyawa uwargidan Maigarin hajjin ta je don har abada bata mance karayar da ta janyo mata ta yi a lokacin gudun kura da suka yi.

Hajiya Dije da ALHAJI Safwan a ƙauyensu Dijen mutane sai turuwar zuwa gayar da su ake yi a ƙofar gidan Maigarin da suka fara zuwa domin su gayar da shi, sai ga wasu yan bautar ƙasa an turo tare da doguwar takardar da aka ce akawowa Maigarin, Maigarin ya karɓa yana kallon Dijen da ke dariya cikin ƙasaita saboda tuno abunda ya faru a baya, Dije ta karɓa ta dinga karantawa cikin harshen turancinta irin na ƴan America, bayan ta kare ta fassara masu duk abunda takardar ta ƙunsa, gaba ɗaya wurin manya da yara samari da ƴanmata aka dinga yi mata tafi ana yi mata kirari irin na mutuntawa da zayyano irin halayen kirkinta ita da Mijinta, zuciyarta cike fess da farin ciki ta tashi ta fara nuna jin daɗinta a fili sannan ta yi kira sosai ga mutanen garin akan su jajirce su dinga saka ƴaƴansu a makarantar boko da islamiya, saboda su ma su waye su zamo dai dai da kowa adaina yi masu kallon ƙauyawa, ta yi masu nuni da kanta da irin nasarar da ta samu duk a sanadin bokon wanda su kansu shaida ne ba sai an sanar da su ba, sannan ta yi kira ga iyaye sosai akan su dinga haƙuri da halayen ƴaƴansu musamman marasa ji, Baffah'nta ma ya tashi ya yi dogon jawabi akan alfanun yi wa ya'ya addu'a kuma kada a gaji da yi madu addu'a aduk wani rashin ji ko wani abu mara kyau da suka aikata, don ALLAH maji roƙon bawanshi ne kuma aduk lokacin da aka roƙa zai amsa sai dai jinkirin sakamakon a wani lokaci, mutane da dama sunyi alwashin jajircewa sosai akan karatun ƴaƴansu, kuma sunyi godiya da abun alkhairin Dije da Mijinta garesu, nan suka fito da kuɗi suka rarraba wa mutane duk wanda Allah ya sa da rabonshi ya samu, don ko yan bautar ƙasar ma sai da Suka wankesu da alkharinsu da suka saba.

Tammat bi hamdullah anan na kawo karshen littafin na *Dije ƙarangiya* masu comments masu masu yiman addu'a da masu yiman sharing book din a groups Kuma na gode sosai sai mun hadu a littafin na kuɗi mai suna *GIDAN AURE* littafi ne wanda ya kunshi rigingumun gidajen aurenmu a yau da kuma ma wasu abubuwa da baki bazai iya faɗa ba, masoyana masu son bin books ɗina a Koda yaushe idan kuna buƙata zaku sameni ta wannan numbar sai mu yi magana 09032685442 sai kuma na Free da zanyi don ku masoyana shi ma mai suna *SHAGALLIYA* wanda shi ma ɗin cike yake da barkwanci da nishaɗi ba kaɗan ba kusan ince fiye ma da Dijen Ƙarangiya, don haka ku ci gaba da bibiyata Ni *HADIZA IBRAHIM D/AUTA wadda wasu suka fi sani da PRINCESS DIJA* zaku iya nemana ta wattpad kamar haka *Princessdija246*

INA SONKU SOSAI MASOYANA ADUK INDA KUKE KUMA A DUK INDA KUKA KASANCE🤝🏻

Sai dai ƴan mintuna a tsakani ta kasa haƙuri ta dawo abun haushi har lokacin bai duba ba, cike da takaici ta kashe datar ta kwanta abunta tare da ƙarewa pic ɗinshi da ta ɗauka kallo, haka ta kwana cikin begen Mijinta tare da mafalkinshi kala kala.

*****

Malam Safwan kam sai da ya kammala uzurin da ke gabanshi zuciyarshi ta ƙawata masa duba sauran text's ɗin da ake turo masa da numbers mabanbanta, cikin nasara ya kawo kan na Dijen Baffah cike da mamaki ya bi massages ɗin da kallo

_Salam_

_😢_

_Salam_

Sai hoton da ta turo wanda idonshi a kan dukiyar fulaninta da suka cika ƙirjim fam kamar za su fasa rigar su fito, ba shiri ya haɗiyi wasu yawu da suka tsinke masa, sannan ya sake yin zooming ɗin pic ɗin haka kawai ya tsinci kanshi da faɗin

"I like it"

Amman a zuciyarshi ya ce _ita kuma wannan wacece take son janyo hankalina da abunda na fi so a jikin mace??._

Haka kawai ya ji ya kasa ɗauke kanshi daga pic ɗin sai ga shi da tsintar kanshi cikin wani yanayi marar misaltuwa, cikin wata kasala da ta sauko masa ya mayar mata da reply kamar haka

_wslm plss wace ce?_

Sannan ya kashe wayar yana ta ƙarewa pic ɗin kallo duk da wani sashe na zuciyarshi yana yi masa kashedi da kallon pic ɗin, kuma ta shawarceshi akan ya goge hoton sai dai kuma ya kasa baiwa zuciyarshi haɗin kai, saboda ba ƙaramin kyau suka yi masa a ido ba.

Dije kam ko da safiya ta waye tana gama SALLAHr asuba ta janyo waya ta duba cike da zumuɗi tare da fatar ya ga massages ɗinta, ai kuwa sai ga shi ta ga ya duba har da su reply, cikin rawar jiki ta mayar masa da amsa kamar haka

_"Am the one how was the day??"_

Sannan ta sake ɗauko wani pic ɗin wanda daga ita sai rigar bacci mai siririn hannun vest, ga shi ko bra babu a jikinta sun fito sosai masha ALLAH ta yi crop ɗinshi ta cire fuskarta, sannan a ƙasan photon ta rubuta

_Good morning my life partner._

Sannan ta sauka ta nufi kitchen ita da su Husnah da wasu ma'aikatan gidan biyu suna shirya abun break fast, Bayan sun ƙare ne ta dawo ɗakinta da nufin yin wanka, amman zuciyarta ta ƙawata mata ta duba ta ga in ya ga saƙonta, sai dai ganin bai hau online ɗin ba yasa ta yi saurin shigewa toilet domin ta yi shirin zuwa school.

Dije har ta je makarantar ta dawo tunaninta yana kan wayarta, saboda son ganin wane saƙo ne ya turo mata, aikuwa cike da ɗoki ta duba wayar sai ga reply ta gani kamar haka

_"Idan ba zaki buɗe fuskarki ba kada ki sake yi man magana"_

Cikin daburcewa Dijen ta yi shiru tana nazari sannan ta yanke wata shawara ta sake ciro wani photon wanda ta yi daga ita sai wata doguwar riga half gown ta kanti da wani wando skin tight baƙi, inda ta juya gefen fuskarta kawai ya fito don gaba ɗaya ma bayanta kawai aka ɗauka sai gefen fuskarta ga gashinta ya zubo har gadon bayanta, sannan a ƙasanshi ta rubuta

"Good bye"

Aka yi da ce shima yana online saboda ya kasa natsuwa zuciyarshi sai hasko masa fuskar Dije take yi a matsayin mamallakiyar photon, shiyasa ya ce idan ba za'a turo fuska ba kada a sake yi masa magana saboda kawai ko wacece ta bayyana kanta, sai ko ga shi wannan photon da ta sake turo masa na ƙarshe ya tabbatar masa da lalle Khadijarshi ce, saboda ko a mafalki ya ga gefen fuskarta sai gano ita ce bale a ido biyu, sai dai kuma kokwanton da ya ke yi akan anya zata iya aikata hakan gareshi,sai ga shi da tsintar kanshi cikin wani tsantsar farin ciki marar misaltuwa, cike da zumuɗi ya yi saurin mayar da reply da cewa

_"wow! wonderful babe! plss Ina buƙatar wasu pic's ɗin amman masu ɗauke da kyakkyawar fuskar da ke jikin wannan tsadadden body"_

Cike da jin daɗin yabon da ta ji ya yi mata ta yi saurin rufe furkarta Kamar a gabanshi, kasancewar itama a matse take da son Mijinta na ta cikin sauri ta mayar masa da reply ɗin cewa

_"Thanks my angel"_

Safwan ya bi text ɗin da kallo zuciyarshi cike da tsanani ƙaunar Dijenshi, duk da bai tabbatar da ita ɗin ce ba amma jikinshi ya ba shi ita ɗin ce shiyasa ya sake cewa da ita

_"More pictures plss"_

Ta mayar masa da reply ɗin

_" No bye"_

Ya yi saurin rubuta _" wait! wait! plss my precious what's your name?"_

Dije zata mayar masa da amsa kenan ta ji muryar Aunty Ummin zata shigo ɗakin, cikin sauri ta ajiye wayar ta faɗa toilet, ko da ta zo taga bata ɗakin ta ce

"Ki fito ki ci abinci Ni bana son yi wa kai horon yunwa"

Daga cen toilet ta yi gyaran murya alamun ta ji ta sannan Aunty Ummin ta fice ɗakin, cikin sauri Dijen ta tuɓe Uniform ɗinta daga cen toilet ɗin ta yi wanka a gurguje ta fito, sai ga kira ya shigo wayarta tana duba sunan mai kiran ta ji ƙirjinta ya buga dam! Amman ta yi jarumtar ɗauka sannan ta ajiye wayar akan gadon ba tare da sanin cewa Video call ne Safwan ya kirata ba, ta ƙurawa wayar kallo ta kasa ɗauka bale ta saka a kunnenta sai ganin fuskarshi ta yi cikin screen ɗin wayar ta yi saurin zaro ido waje tare da dafe ƙirji, inda shi ma ɗin ita yake kallo cikin mamakin yanda ta koma saboda daga ita sai guntun towel iya cinya, ga abubuwan da yake so cike fal a ƙirjinta ba shiri ya tsinci kanshi cikin wata kasala tare da faɗin

"Khadijah me yasa kika tafi kika barni? Me na yi maki da ......."

Fisge wayar da aka yi a hannunshi ne yasa maganar da yake yi ta katse, saboda ZEE cike tsantsar kishin kiran sunan Dijen da ta ji ya ambata yasa ta ƙaraso wurinshi ba tare da ya kula da ita ba, hango yanayin da Dijen ta ke ne duk da bata ga fuskarta da kyau ba yasa ta ji wani bala'in kishi ya rufeta, wanda ya janyo ta fisge wayar da ƙarfi tare da dokata ga ƙasa ta tarwatse, ya bita da kallon takaici ranshi a matuƙar ɓace ya ɗaga hannu ya watsa mata wani wahalallen mari har sau biyu, sannan ya zare belt ɗin jikinshi ya yi ta mazgarta tana ihun neman taimako babu mai cetonta, sai da ta lallasu da kyau sannan ya saurara mata cikin fushi ya ce

"Akan wannan rashin hankalin naki WALLAhi zaki janyowa kanki wahala a hannuna, ko an ce maki ina cikin mazajen da mata suke juyawa ne?, Ke har kin isa ina tare da matata ki hanani yin abunda nake so?, To bari ki ji akan wannan haukar ta ki zaki janyo wa kanki komawa Nigeria WALLAhi, saboda ina da ikon da zan datse karatun naki gaba ɗaya idan kuma akwai wanda ya isa ya ce sai kin ƙarasa to sai ya dawo da ke in gani"

Yana ƙare maganar ya wuce fuuu ya fice ya barta tana ta kuka tare da mamakin wai ita ce yau Man ɗinta ya daka akan matsiyaciyar Matarshi.

To fa su Zee an Fara sanin wanene Safwanu😊

Akafta😝

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Ina alfakhari da ku my fans saboda ku ne ƙashin goyon bayan duk wata ɗaukaka da zan samu, ina yinku all a ko'ina kuke kuma a duk inda kuka kasance, tsakanina da ku sai son so fisabilillah😅*

*Lamba ta 61*

Sai da ta ci kukanta ta ƙoshi sannan ta baiwa kanta haƙuri dolenta, don bai dawo gidan ba har sai da ya tabbatar da ta yi bacci sannan ya shigo, saboda baya son haɗa ido da ita akan nauyin dukan da ta janyo ya yi mata, duk da wani sashe na zuciyarshi yana ba shi cewa ko kaɗan bai yi laifi, don yanda ya ƙagu da yasan inda Khadijarshi take komi zai iya aikatawa akan wanda ya ke so ya toshe masa ƙofofin da da zasu sadashi da farin cikinshi.

Sannu a hankali ya ƙaraso wajen wayarshi da ke tarwatse har lokacin, ya duƙa ya ɗauki kangalwar wayar ya zare sim cards ɗinshi sannan ya saka cikin wata sabuwar wayar da ya siyo, sai dai baƙin cikin rashin saving ɗin numbar Dijen da bai yi ba tun farko yasa ya dannawa Hajiyarshi kira, bayan sun gaisa ya marairece murya ya ce

"Haba Hajiyarmu plss don ALLAH ki sanar da ni inda aka kai Khadija, saboda jikina yana bani cewa ba aikatau Khadija ta je ba, don ALLAH ki tausaya man Hajiyarmu ki bani matata WALLAhi ina sonta sosai"

Hajiya Mama ta yi shiru sannan ta ce

"Ka kwantar da hankalinka duk lokacin da ka dawo ƙasar nan insha ALLAHu zaka taradda kHadija a gidanka zaune tana jiran dawowarka"

Cike da tsananin jin daɗi ya ce "in dai haka ne to ni ai sai in tattaro kayana kawai in dawo gida Hajiyarmu"

Ta ɓata fuska kamar tana ganinshi ta ce "shi karatun na ka idan ka dawo wa zai ƙarasa maka shi ne?bayan saura lokaci kaɗan ka kammala"

Safwan ya sosa kanshi yana murmushin jin daɗi ya ce "to Hajiyarmu me zai hana ayi mata viza kawai ta samemu anan ɗin ta tayamu zaman, kin ga in mun kammala sai mu dawo gida tare gaba ɗayanmu?"

Hajiyar ta yi ƴar dariya sannan ta ce "ita kuma karatun nata fa? Sai ta ajiye ta zo ta tayaku naku karatun kenan? to bari ka ji idan ka kawo wasa ko ka dawo bazan bari ka ganta ba, matuƙar baka natsu ka ƙare karatunka da ya rage saura ɗan lokaci ba"

Safwan ya durƙusa ƙasa kamar a gabanta ya ce "plss Hajiyarmu don ALLAH ko numbar da zan sameta ne a bani plss sai mu dinga gaisawa, don wallahi rashin jinta zai iya janyo inyi asarar duka shekarun da na ɓata a baya wajen karatun"

Hajiya ta yi shiru sannan ta ce "zan baka numbar khadija amman da sharaɗin bazaka tambayeta inda take ba har sai ka jira na sanar da kai da kaina, kuma ko da ka gano daga baya ba zaka ga laifin wadda take wurinta ba don Ni na bata khadija da hannuna"

Cikin zumuɗi ya ce "bani numbar kawai Hajiyarmu wannan duk mai sauƙi ne in dai har na sami number'rta"

Ba ɓata lokaci Hajiyar ta saka Fiddo ta yi masa sending number'r ta whassapp cike da zumuɗi ya yi Saving ɗinta a cikin wayarshi sannan ya danna mata kira.

Dije kam kasancewar bata nan tana school saboda lokaci ba ɗaya ba, kuma ga wayar ma a kashe take shiyasa ya yi kira ya kai hamsin amman bai sameta ba, cike da jin zafin hakan da takaici ya yi kwanciyarshi akan kujera ya ƙi zuwa wurin Zee da tunda suka yi aure basu taɓa raba wurin kwanciya ba sai ranar, haka wanibacci mara daɗi ya fisgeshi mai ɗauke da mafalkin khadijar saboda tunaninta ne a zuciyarshi har baccin ya yi awon gaba da shi.

Zee cikin bacci ta shafo gadon ta ji wayam ba kamar kullum yanda ta saba shigewa jikinshi tana shagwaɓa ba, ta yi saurin buɗe idonta tare da kaiwa kan gadon kallo sai gata da miƙewa zaune ba shiri, cikin mamakin sababbin halayen da ya tsiro mata ta sauko gadon ta fito falon, in da ta hangoshi kwance da alamu ma baccin yake yi, nan take wani kuka ya zo mata ta janyo ƙafafuwanta ta ƙaraso bakin kujerar ta yi duƙuso, sannan ta ɗora kanta saman ƙirjinshi ta fara kuka ƙasa ƙasa, cikin bacci ya jiyo sautin kukanta ba shiri ya buɗe ido tare da shafo kanta da ke saman jikinshi, ya yi shiru yana sauraren kukan nata ba tare da ya ce da ita ƙanzil ba, ganin ta ƙi daina kukan ne ya yi dubarar cire kanta ya miƙe zai bar wajen ta yi saurin riƙo ƙafarshi ta ce

"Ka kasheni kawai tunda har ba zaka iya cewa da ni in yi haƙuri in daina kukan ba"

Safwan ya fisge ƙafarshi ya koma ɗakinsu ya yi kwanciyarshi, Zee ta biyoshi cikin fushi ta hau gadon tare da ciyo kwalarshi daga kwancen ta ce

"WALLAHI tun da ba wukaƙantatta ka ganni ba ka yi kaɗan ka wulaƙantani akan wata matsiyaciya"

Kalmarta ta ƙarshe ba ƙaramin baƙanta masa rai ta yi ba, amman ya yi mata shiru tana ta surutanta na cin zarafi gareshi ga kuma Dijenshi, sai da ya ga renin hankalin nata zai yi yawa ne ya yi saurin miƙewa zaune da nufin kai mata wani wawan mari, cikin tsoro ta kwarma ihu tare da sakinshi ta maƙe jikin gadon tana kyarmar tsoro, cike da takaici ya kalleta ya tabbatarwa kanshi idan ya biyewa zuciyarshi ba ƙaramin duka zai yi mata ba, kuma a yanayin jikinta ba ƙaramar illah zai yi mata ba idan har ya ce kullum ya saki ƙwanji ya yi ta jibgarta, shiyasa ya nunata da hannu ya ce

"Ki kiyayi kawo man ƙananan rashin kunya matuƙar kina son jikinki ya tsira da dukana, idan kuma kin fi son in yi ta jibgarki a banza to ki ci gaba da nuna man kalar taki rashin kunya"

Yana ƙare faɗar maganar ya gyara kwanciyarshi ya kwanta abunshi zuciyarshi cike da ƙuncin rashin samun Dijen da kuma takaicin rashin kunyar da Zee take son yi masa,wadda ko kaɗan ba ya jin zai iya ɗaukar mata wannan halin renin da take son kawo masa.

Ganin ya yi fushi da yawa ne ta janyo jiki ta faɗa jikinshi tana share hawayenta ta ce

"To ni dai ka yi haƙuri ai kai ne ka janyo komi muna zamanmu lafiya"

Ya saka hannu ya tureta ta sake maƙaleshi tana yi masa wani salon da ta san zata samo kanshi, amman duk da ya ji abun har cikin jikinshi a hakan ya mazge ya nuna bai ma san me take yi ba, ganin haka yasa ta marairece tana ba shi haƙuri cikin muryar kuka tare da yi masa kalamai masu nuna karayarta a zahiri, sannan ta samo kanshi amman tare da alƙawalin ba zata sake yi masa irin hakan ba, itama ta roƙeshi duk abunda zai yi da Dijen ya yi a waje amman da ya dawo gida lokacinta ne, akan hakan suka shirya yarjejeniya har ta ciyo kanshi suka lula duniyar ma'aurata, duk da cikinsu kowane zuciyarshi ba daɗi amman hakan bai hanasu gamsar da juna ba.

****

Dije kam itama a ƙagauce ta dawo saboda tunanin sahibul ƙalbinta don ba kiran da bata yi masa ba amman wayarshi ta ƙi shiga, ta hau online ta yi ta bulayin jiranshi nan ma bai hau ba, ta yi ta ajiye masa saƙo ya fi goma na damuwa da rashin jinshi amman bata ga ya duba ba, dole ta haƙura ta kwanta, da safe ma cikin sanyin jiki ta yi komi ta nufi makaranta ba kuzari saboda rashin jinshi da bata yi ba, shiyasa yanzun tana dawowa ko Uniform bata cire ba ta ɗauko wayar ta kunna, abun haushi har lokacin bata ga ya duba massages ɗin da ta tura masa ba, dole ta ajiye wayar ta cire kayanta ta shiga wanka.

Da marece sakaliya suna harabar gidan ita da su Husnah da sauran yaran gidan suna shan iska ne kiranshi ya shigo wayar, ta yi saurin komawa ɗakinta ta rufe sannan ta ɗauki kiran da ya zama na uku zuwa huɗu bata ɗauka ba, cike da jin daɗin ɗaukar da ya ji ta yi yace

"Plss! Khadijah me na yi ake son horani da wannan babban horon?"

Cikin ƙasa da murya ta ce "wane horo?"

Ya ce "ga shi nan mana ana ta yi man kala kala, plss ki daina kashe waya bana son in kiraki in ji ta a kashe kin ji??"

Ta ce "tom".

Ya sauke ajiyar zuciya ya ce "kina a ina yanzu haka kuma ke kaɗai ce ko kuwa??"

Cikin daburcewa ta ce

"A'inah nake?" Ya ce "Eh ina nufin a ɗaki ko falo ko kuma kitchen Ko karatu ki ke yi ne?"

Ta ce "a'a ina ɗaki kwance kawai na ke kuma ni kaɗai ba kowa"

Ya yi saurin faɗin

"We'll idan na ce ki yi man wani abu zaki iya yi?"

Ta yi shiru sannan ta ce "eh"

Ya ce "ok tom Ina son ki tuɓe all ki ɗaukar mani pic's ɗinki Kamar guda goma ko fi haka, amman da sharaɗin duk kika zo cire wani abun sai kiñyi man pic a hakan kafin ki cire wani, tukunna ma menene a jikinki?"

Dije da jikinta ya ɗauki rawa ta yi shiru sai da ya yi tambayar sau uku sannan ta ce "riga da siket ne na atamfa"

Ya ce "ok tom oya fara ɗaukar pic ɗin a haka sannan ki cire ɗankwali shima ki ɗauki pic haka zaki yi ta yi har sai kin gama cirewa all sannan ki yi man na ƙarshen wanda shi ne nafi buƙata akan kowane, na baki minti goma kacal idan kin kammala zan kiraki"

Dije ta yi shiru tare da sauke wayar a kunnenta, jikinta sai rawa yake yi saboda tsoro da kunyar wannan abun da yake son ta aikata, har minti goman ta cika ya sake kira bata ko motsa daga inda take ba, shiyasa ya yi ta kira bata ɗauka ba wani bayan wani haka ya yi ta kira tana kallon wayar amman ta kasa taɓa ta, ƙarshe ma kashe wayar ta yi all zuciyarta cike da jin haushin me ma yasa ta bashi fuskar da har zai zo mata da irin wannan fetsara, ta yi kwance tana ta nazarin huɗubar da Inna ta yi mata akan duk abunda ya nema wajenta ta yi masa matuƙar ba saɓon Allah a ciki, cikin sanyin jiki ta buɗa wayar ta kira Sis Aysha da ta ke hardace da numbarta da ta ba su tun makaranta, lokacin da ta taɓa zuwar masu Visiting ita da Hannatu bayan ta ƙare makarantar.

Kasancewar suna communication da juna ne yasa ta kirata tana shiga kira ɗaya biyu ta ɗauka, bayan sun gaisa cike da jin nauyi ta ce da ita zata turo mata text sai ta duba don ALLAH ta bata amsar da ya dace, minti biyu a tsakani ta gama rubuta text ɗin ta tura mata, sai ga reply ya shigo mata akan ta yi masa duk abunda yake buƙata tunda mijinta ne ba wani cen daban ba.

Cike da jin nauyi ta yi duk abunda ya umurceta sannan ta gama ta tura masa su ta whassapp duks sannan tura masa text kamar haka

"Ga saƙon cen na tura idan ka hau online zaka gani"

Tana ƙare tura masa ta kashe wayar all sannan ta sake kimtsa jikinta ta fito suka ci gaba da sha'aninsu ita da yaran gidan, har dare bata kunna wayar ba sai da ta zo kwanciya ne ta buɗa saboda ta ga Ni Ko ya duba, aikuwa buɗe wayar ke da wuya sai ga kiranshi yana shigowa a wayar, ba shiri ta dafe goshi sannan ta ɗaga wayar zuciyarta cike da jin nauyinshi, amman sai ga shi dole yasa ta ware saboda kalaman ƙaunar da yake ta zazzage mata a cikin kunne suna sauka cikin gangar jikinta, inda cikin lokaci ƙanƙani suka tsintsi kansu cikin wani sabon yanayin buƙatuwa da junansu, akan hakan ya kirata video call suka ci gaba da shan soyayyarsu hankali kwance duk da Dijen ba wani sakin jiki take yi da shi ba.

Wasa wasa sai ga Dije zaman ɗaki ya fara aurarta don kuwa yawan kiranta da yake yi yasa bata zama cikinsu Husnah, don yanzu ita kanta Aunty Ummin har ta fara yi mata tsarguwa akan soyayyar da suke kwasa, saboda yanda suke baje kolinsu ita da Malaminta abun ba kama hannun yaro, saboda da an taso school baya dawowa wurin Zee sai dare ya tsala sannan ya dawo ya lallaɓa ya kwanta, tun bata kulawa har ta zo ta fara damuwa tana yi masa ƙorafin rashin zama gidan da baya son yi, ba wani rufe rufe ya sanar da ita saboda baya son ranta ya ɓaci shiyasa ya ke zamanshi a cen wajen don kada ya shigo ya yi wani abun da zata ga kamar ya ci mata fuska, Zee ta fashe da kuka ta ce da shi ita sam bata yarda ba dole ne itama ya bata haƙƙinta itama tana buƙatar kulawarshi kuma ya bata lokacinshi su yi fira tunda ba ta da wani wanda zai ɗebe mata kewa a gidan bale su yi firar.

Ganin ta ɗaga hankalinta ne akan dole sai ya zauna gidan ya fara rage lokacin da yake yi a wajen, cikin haka ne watarana yana chatt da Dijen wani uzuri yasa ya ajiye wayar ya fita, jikin Zee yana rawa ta ɗauki wayar ta fara yi masa bincike saboda ko kaɗan baya bari ta taɓa masa waya, sunan da ta ga Ni saman contact chat ɗinshi ne ya ja ra'ayinta da shiga kundin ma'adanar, sai gata da zaro ido waje saboda mugun ganin da idanuwanta suka yi mata don kuwa photon Dijen ne daga ita sai wata vest shara shara ko hannu bata da kuma gaba ɗaya shafin dukiyar fulaninta duk a waje don har kan nipple ɗinta ana hangowa cikin yar rigar, ba shiri ta kai zaune dafe da zuciya hawaye suna zuba akan fuskarta tamkar famfo, fige wayarshi da ya yi ne a hannunta yasa ta yi saurin kallo inda yake idonta a kanshi ta ce

"Eh kam naga abunda kake ta aikatawa kullum shiyasa baka bari in tab'a wayar, wanda akanshi ne ma ka ke ɗaukar lokaci a waje baka dawowa gida sai dare ya tsala, to ita kuma wannan yar aikin taku da ka ce wa aikatau aka kawota gidanku yanzu kuma akanta ka lalace??, To billahillazi wannan karon sai dai ayi abunda za'a yi ko ni ko ita WALLAhi, don kuwa akanka wallahil'azim ko kasheta zan iya yi matuƙar ta sake shiga sabgarka, na fi son idan har na kasheta ni ma a zo a kasheni"

To fa wata sabuwa na yi nan WALLAh🏃🏻‍♀️🏃🏻‍♀️🏃🏻‍♀️🏃🏻‍♀️ tun kafin Zee ta gano ina masu leƙe ta shaƙo wuyana😅

Ina baran adduarku akan ALLAH ya baiwa Mahaifiyata lafiya mai ɗorewa😢saboda kwana biyun nan jikin sai a hankali😭

Akafta😝

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Alhmdllh jikin Mummy ya yi sauƙi masha ALLAH, naji daɗin addu'o'inku sosai da sosai, hakan ya tabbatar man da cewa ni ma ɗin ashe kuna yi na😉, don da har na fara kishi da Dijen Baffah saboda yanda naga kuke sonta da yawa, shine na yi zaton kamar ta fini matsayi😅 ashe dai Ni ma ɗin ta ku ce ba algus tom Alhmdllh na gode sosai🙏🏻*

*Lamba ta 62*

Safwan ya bi ta da kallo baki a sake ya ce "wai ke me yasa ko kaɗan ba ki da hankali ne?, Yanzu ke ashe zaki iya kashe mutum da hannunki saboda kishi?"

Ta murguɗa masa baki tare da riƙe ƙugu tace, "kai da bakinka ka sanar da ni cewa ƴar aikinku ce, kuma daga kai har munafukar ƙanwar ta ka kun nuna man cewa ita ce ke sonka kai baka sonta, to yanzu kuma akan mi take bibiyarka? kuma sannan har ka bata damar da Ni ma da kake aure baka bani irinta ba? Ga shi ka janyo ta yi nasarar shiga tsakanina da kai, don na tabbata akanta ne kake raba daren da kake yi a waje, to WALLAHI ka ji da kyau ka ƙara ji matuƙar baka sanar da ita ta fita sha'aninka ba WALLAhi ka ji na rantse sai na watsa mata fetur na ƙoneta ƙurmus kowa ma ya huta da mugun halinta na bin Mazajen mutane, yar iskar banza baƙar karuwa ALLAH ya tsinewa iyayen da suka kawota duniya ma balle it.......... "

Saukar marin da ta ji ne a kumatunta yasa ta yi saurin haɗiye sauran maganar, cike da mamaki ta ke kallonshii hawaye suna sauka akan idonta ta ce

"My man ni ce na zama jaka a hannunka saboda matarka?, Yanzun ma kuma saboda da tsananin lalacewar akan wata ƙaramar karuwa ka ɗaga hannu ka mareni?"

Safwan ya yi saurin ɗaga hannun da nufin ya ƙara kai mata wani marin, me ya tuna kuma ya dunƙule hannun ya naushi iska sannan ya nunata da yatsa kamar zai tsole mata ido, jikinshi sai tsuma ya ke yi saboda tsabar ɓacin ran da ta cusa masa, ya ce

"Duk ranar da kika sake kiran Matata da sunan karuwa to WALLAHIL'AZIM kin ji na rantse a ranar zaki gano ainahin wanene Safwan, don kuwa sai na yi maki dukan da a RAYUWARKI kaf ba'a taɓa yi maki irinshi ba"

Sannan ya cisgo gashinta da ƙarfin gaske ta yi ƙara fuskarshi daf da tata suna kallon juna ido cikin ido ya ce

"Wannan da kike gani ita ce Matata Khadija kuma Uwargidana wadda kike da labarin na aureta tun kafin ke, zancen Ƴar aiki ya riga da ya wuce tuni don daman cen kawaici ne na yi maki na ƙi sanar da ke gaskiyar wacece, saboda kawai bana son ranki ya ɓaci idan kin ji ina da aure, to amman yanzu tunda har kin gano komi to kenan ɓoyon da nake maki ma ba shi amfani, saboda haka ki kwantar da hankalinki zan baki wata dama"

Ya fidda wayar da key ɗin da take ya damƙa mata wayat a hannu cikin fusata ya ce "karɓi ki shiga chat ɗina da ita da kike son ganin abunda ake yi maki ɓoyo kullum, to yanzu ki shiga duk inda kike so na baki wannan damar ki karanta komi kuma ki ga komi da idonki, kin ga kin hutar da ni akan duk wani labari da zan sake ba ki a yanzu kuma da gaba ma idan ta kama, na ba ki awa biyu ki yi duk abunda kike so saboda kawai idan kin ta shi kashetan sai ki haɗa da Ni, ke in ma da hali ki fara ta kaina kafin zuwan lokacin da za ki haɗu da ita itama ki kashetan"

Yana ƙare maganar ya fice ya barta da waya a hannu baki a sake kamar wata sakarya, idonta akanshi suna zubar da hawaye wasu bayan wasu, saboda tsabar baƙin ciki da takaicin da ya cika mata ciki, cikin sauri ta jefar da wayar kan kujera itama ta durƙushe ƙasa tana wani irin kuka gwanin ban tausayi.

Saboda izuwa lokacin ta fara yin nadamar biyewa son zuciyarta da ta yi ta aureshi, yanzu ga shi ba'a je ko'ina ba ta fara cin karo da takaicin auren mijin wata da ta yi, don ta tabbata inda Aminu ta aura to da babu yanda za'a ya yi mata irin wannan wulaƙancin akan wata mace, tuno irin renin hankalin da ta yi wa Aminun yasa ta ƙara sautin kukanta, don har awa biyun suka cika ya dawo bata daina kukan ba.

Ganin hakan ya ji jikinshi ya yi sanyi ya zo inda take ya ɗagota daga durƙushen ya zauna kan kujerar da ita a jikinshi yana bubbuga bayanta alamun ta yi shiru, saboda shi kanshi zuciyarshi cike take da ƙuncin da ya fi nata, saboda har ga ALLAH ba da son ranshi ya ke yi mata abunda ya ke yi ba, kawai dai don ya kasa controlling ɗin kanshi ne akan Dijen Baffah, shiyasa ya ke jin komi ma zai iya aikatawa in dai hakan zai farantawa Dijenshi, don izuwa lokacin ya fara fahimtar irin yanda take sonshi itama, kawai dai tana ɓoyewa ne don bata son ya fahimci itama ta yi kewarshi don wata manufa ta ta da shi bai gano nufinta ba, haka ya danne ta shi damuwar ya koma lallashinta har ya samu ta yi shiru sai dai ta ƙi cewa da shi ƙanzil har suka shiga bacci.

****

Haka rayuwar auren nasu ya ci gaba da zama yau fari gobe baƙi, duk da ya rage wasu abubuwa da yawa don kawai su sami zaman lafiya, amman kishinshi da Zee ta ke yi abu kaɗan ne zai janyo masu matsala sai an hau sama a dawo a shirya, don izuwa lokacin ita kanta ta matsu da su gama karatun su dawo gida, saboda tunanin da take yi yawan yi akan ita fa muddin bai canza hali ba idan suka dawo gidansu zata koma, ta sa Mahaifinta ya karɓar mata takardarta, don ba zata zauna ciyon zuciya ya kasheta da ƙurciyarta ba akan wata ɗiya macen da bata fita da komi ba.

Haka rayuwa ta yi ta shurawa sati ya zo ya wuce wata ya zo ya wuce shekara ta gangaro itama har ma ta nemi wucewa, sannu a hankali sai ga su Safwan sun kammala karatunsu, sun ƙara wasu watanni ne saboda su harhaɗa komi sannan su dawo, duk da turawa sun so su riƙesu su yi aiki da su ko na shekara ne, amman fafur Safwan ya buga kanshi akan cewa ƙasarsu za su koma itama ta moresu.

***

Dije kam a lokacin tana Ss 3 har ana cukucukun fara jarabawar candy, ga shi Hajiya Mama ta yi wa Safwan alƙawarin duk lokacin da zai dawo zai taradda ita cikin gidanshi, sai dai karatun da take yi yana so ya wargaza alƙawarin, don bata son ta dawo ba tare da ta kammala karatunta ba, amman duk da hakan da lokacin dawowarshi ya ƙaraso dole ba don dukansu sun so ba Aunty Ummin ta tattaro khadija ta dawo da ita Yola.

Hajiya ta zaunar da ita ta fayyace mata komi dalla dalla akan auren da Safwan ya yi ba tare da saninta ba, sannan ta sanar da ita alfanun kaita Abujar da ta sa aka yi don kawai itama ta san minene rayuwa, Dije tasha kuka saboda kishin auren da ta ji ya yi, amman sannu a hankali Hajiya tana ta tausarta tare da nuna mata cewa ita ɗin tana da damar dawo da Mijinta hannunta don ba'a fita da komi ba, sannan ne hankalinta ya ɗan kwanta ta ji sanyi a ranta ta saki jikinta, sai dai duk lokacin da ta tuna da wata mace a tare da shi sai ta yi kuka a ɓoye.

Hajiya Mama ta saki jiki ta gyarewa Dijen Baffah ɗakinta tamkar kowace yarinya mai gata a wurin iyayenta, itama kanta ta fara gyarata ciki da bayanta lungu da saƙonta, don takanas ta nemo wata Mata ta dinka tsima Dijen tun tana jin daɗin karamcin har ta kai ta fara nuna gajiyawarta, dole Hajiya ta ce a dakatar da komi sannan aka koma gyara mata jiki Dilka halawa duka ba wanda ba'a yi mata ba, jikinta ya dawo smuth har wani sheƙi yake yi, ga fatarta hutu yasa ta murje ta cire baƙin ta zama chocolate color, ga gashinta Kuma da kullum yake ƙara cika masha ALLAH, shi ma ba ƙaramin gyara ya ke sha ba a hannun Matar, Fiddo kanta ba Dijen ta burgeta saboda ganin yanda gaba ɗaya ta sauya tamkar ba ƴar ƙauyen da ta sani ba, saboda ta zanzare ta zama wayayyi ƴar boko musamman yanzu da Safwan ya ƙara buɗe mata idanuwa da salon Soyayyarshi, amman duk da hakan ba wata magana mai tsawo da ke haɗasu, saboda ita kanta a yanzu jinta take yi dai dai da kowa, musamman idan ta tuno da ita ɓangaren Amarya take shiyasa ma ko kaɗan bata shiga shirgin Fiddon matuƙar ba dolen dole ce ta janyo ba.

Ana gobe su Safwan za su da wo ne Hajiya ta saka Aunty Ummi da su Surayya da sauran wasu ƴan uwa suka yi wa Dijen rakiya gidan angonta Safwan, zuciyarta cike da farin cikin ganin wannan rana mai cike da ɗinbin tarihi a rayuwarta, saboda tsabar murnar ganin muhallinta har da kukan farin ciki Dijen ta yi, musamman da ta kalli ko'ina sama da ƙasa gabas da yamma Kudu da Arewa taga uwar dukiyar da aka narka mata, ta yi sha'awar ina ma ace Inna da Baffah'nta da ƙawayenta su ma su zo su ga muhallinta, ta ruƙunkume Aunty Ummi sai kuka take cisga, Fiddo kam sai wani yatsine yatsine take yi zuciyarta cike da jin haushin kwashe masu dukiya da Hajiyar ta yi ta zube a ɗakin Dijen, a ranta ta ƙara tabbatar da cewa lalle ba ƙaramin asiri su Baffah su ka yi masu ba musamman ita da SAFWAN ɗin.

Surayya tana dariya zuciyarta cike da jin daɗi ta yi mata raɗa a kunne sai ga Dije ta sunne kai cike da kunya tana dariya, saboda cewar da ta yi

"Ba wani kuka yarinya gobe iwar haka har kin mance da mu kina ta Mijinki"

Haka suka tasata da wasa har ta ware tana mayarwa Surayya suna gidan har dare sannan aka barta da Husnah da wata dattijuwar da zata riƙa yi mata hidima, haka ta kwana cikin farin cikin dawowar Angonta masoyinta kuma Malaminta Muhammad Safwanu JABB'I YOLA.

Ayyururui Amarya ta ango🥳

Akafta😝

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Ruwan sharhin da kuke ta bugawa akan book ɗin nan ba ƙaramin daɗi yake sakani ba, saboda haka ku ci gaba da fafatawa ni ma in ci gaba da sambaɗo maku labarai😉😂*

*Lamba ta 63*

Tunda sassafe Surayya ta zo suka shiga kitchen sunata hidimar ɗora abincin tarbon baƙi kala kala, ko da sha biyu na rana ta yi duk sun kammala abunda ake buƙata, Dije ta je ta sullo wankan da sai da ta ɓata lokaci sosai wajen wanke ko'ina lungu da saƙo na jikinta, tare da ɗimama kanta da turarukan wanka masu daɗin ƙamshi, waɗanda a hankali har sun fara bin jikinta saboda yanda take yawan amfani da su akai akai tun dawowarta Abuja.

Bayan ta yi SALLAHr azahar ne Surayya ta zauna ta tsara mata kwalliya cikin tsari irin na wayayyun yan birni, kafin ka ce me sai ga Dijen Baffah ta fito sharr! Abunta cikin wata rantsattsiyar shadda golden color har sheƙin maiƙo take yi, ga ɗinkin da aka watsawa shaddar na stone work shuwari stone sai walwalniya suke yi ta ko'ina idan ta motsa, sannan ga danƙareriyar sarƙarta ta gold da ta ƙara ƙawata kwalliyar, wadda Hajiya ta bata a matsayin kyautar suruka lokacin da za ta zuwa gidan mijinta, ta sha manyan awarwaro da agogo tare da Zoben azurfan da ke maƙale a yatsanta na biyu, wanda ya ƙara fito mata da zarazaran dogayen yatsunta da suka sha ƙunshin jan lalle masha ALLAH.

Dijen Baffah ta yi kyau iya kyau kamar ka saceta ka tsere saboda wankan ya hau jikinta sosai ya zauna, suka fito harabar gidan sai ɗaukar photuna suke yi ita da su Surayya da Husnah, Fiddo kam latsar wayarta kawai take yi saboda fushin da take yi na tilastata da Hajiya Mama ta yi akan sai ta zo gidan, don ta so ta yi zamanta acen gida tunda dole a cen ne zasu fara zuwa su ga Hajiyar sannan su yo nan gidan.

Shiyasa tunda ta zo ba wanda ta shiga sha'aninshi sai sabgoginta ta ke ita kaɗai, yanda ta share kowa haka duk cikinsu kowa ya shareta suna ta harkokinsu.

****

Malam Safwanu kam suna fitowa jirgi ya ja numfashi ya shaƙi iskan ƙasarshi ta Nageria da ƙarfi tare da lumshe ido ya kallo Amaryarshi da ke gefenshi cike da wani salon da shi kaɗai yasan ma'anar kallon, ganin haka ta ƙara maƙale hannunshi da take riƙe da shi tare da ɗora kanta a kafaɗarshi tana murmushin itama, don on ready ko da suka sauko direba yana airport ɗin yana jiran saukarsu, shiyasa ba tare da ɓata lokaci ba ya kwasosu suka nufo unguwarsu Hajiya Mama domin su fara gaisawa kafin su je cen gidan nasu, Zee haka kawai ta tsinci kanta da faɗuwar gaba tare da jin kwatakwata bata son zuwa gidansu Hajiya Mamar, saboda tunaninta ya tafi ne akan cewa Dijen tana gidan, sai dai har aka gama gaisawa da juna cikin farin ciki da ɗoki tare da murnar ganin juna bata hango ko mai kama da Dijen Baffahn ba, taji daɗi sosai a ranta saboda tunaninta har lokacin tana cen Makarantar da aka ce tana yi, shiyasa ta saki jiki sai wasar baki take yi anata gaggaisawa kafin su yi sallama da juna su fito gidan, tare da rakiyarsu Hajiyar da Aunty Ummi da yaranta da wasu ma'aikata mata da suka biyosu suna yi masu addu'ar sauka lafiya, Safwan ya kalli Hajiyar bakinshi yana rawa saboda son tambayarta da ya ke yi akan alƙawarin da ta yi masa, cikin dariya Aunty Ummi da ta fahimceshi ta yi saurin faɗin

"Mun kai maka tana cen kai take jira"

Zee da ke mota tana wasar baki ba shiri ta ji ƙirjinta ya buga, duk da ce wa bata gano ma'anar inda maganar ta dosa ba amman ta yi wasiwasin cewa

_"Anya ba wannan mayyar yarinyar ba ce ake magana a kanta ba kuwa?"_

Sai gata da haɗe fuska tana dariyar yaƙe har suka bar gidan, cike da tsananin farin da jin daɗi Safwan ya riƙo hannunta ya ce

"Hajjaju ayi murna mun dawo ƙasarmu ta gado, sai hankali ya kwanta ga ki kusa da Daddynki da kullum kike ta faɗin kin matsu ki ganshi, tsorona ɗaya shine kada ace gulmata ce ake zumuɗin kai wa?"

ZEE ta yi dariyar yaƙe ba tare da ta ce komi ba, saboda faɗuwar gabanta da ya tsananta bugawa cikin sauri da sauri, har suka je bakin kantamin Gate ɗin gidan nasu bata ji natsuwa ta zo mata ba, hankalinta ya fara ta shi ne lokacin da Direban da ya ɗaukosu ya ke ta buga horn wani bayan wani alamun sanarwar zuwansu.

Ai kuwa kafin ma su je parking space ya ajiye motar sai ga su Surayya da su Husnah tare da Ruma ƙawar zee da wasu ƴan'uwanta biyu aguje sun fito, su Surayya daga sashen Khadijar suna ihun murnar dawowarsu, yayin da su Ruma suka fito daga nata sashen cike farin ciki, gaban Zee ya ƙire ya faɗi ba shiri ta yi saurin fitowa tana ƙarewa gidan kallon yanda aka ƙawatashi da sabon fenti, sannan ta dawo da kallonta ga su Surayya da suka maƙalkale Safwan suna murnar ganinshi, su Ruma suka ƙaraso wurinta cike da murna suna yi masu sannu da zuwa, Fiddo ta saki Safwan ta nufo Zee inda ta wani haɗe rai tana yi mata wani mugun kallo, ba shiri Fiddo ta sha jinin jikinta tare da wayancewa da dannar wayar da ke hannunta.

Cen sai ga wani taku da ya ja hankalinsu duka tare da shaƙo wani daddaɗan ƙamshin da iska ya kwaso ya shaƙawa Zee cikin hanci tamkar da gayya cikin lamarin, ta yi saurin kallon inda take jin sautin takun takalmin sai gata da dafe ƙirji ba shiri, cikin matsanancin faɗuwar gaba tare da dakan luguden da zuciyarta ta ke yi ne ta yi mutuwar tsaye, Dukansu suka ƙurawa Dijen kallo musamman ita da ta kafeta da ido ƙur har ta ƙaraso wurinta, cikin sigar duniyanci Dijen ta rungume Zee fuskarta ɗauke da fara'a ta ce

"Oyoyo Ƙanwata sannunku da zuwa da fatar kun iso lafiya"

Ta ƙare maganar tare da fesheta da wani sabon murmushin da Zee ta kasa gano ko na minene, sannan Dijen ta saketa ta nufi Safwan ɗin da tunda ya ƙyalla idonshi akanta gaba ɗaya ya susuce, yanda ya ke kallonta cikin shauƙin sonta da ke fisgarshi haka ita ma Zee ta bi ta da kallon mamaki, tare da su Ruma da suma ta zamo masu tv saboda kallo.

Dije kam tana zuwa ta yi saurin maƙaloshi tare da yin tsalle ta kai masa kiss a kumatu sannan ta faɗa jikinshi ta ruƙunƙumeshi sosai cikin wani tsantsar farin cikin ganinshi tana faɗin

"Am happy to see you my Husby, your welcome key to my life"

Daga Safwan ɗin har su Zee kasa ɗauke idonsu suka yi gareta saboda tsabar mamakin da ta ba su, duk da wani sashe na zuciyarshi yasan fiye da hakan ma zata iya aikatawa tunda har yasan kalar koyarwar da ya yi mata, sai dai ita Zee mamakinta ya Sha bambam da na shi don kuwa ita ƙarfin halin yarinyar take mamaki musamman da ta kirata ƙanwarta, amman kasancewar itama ɗin ba baya ba wajen kishi shiyasa ta yi saurin ɓoye kukan da ya zo mata ta nufi sashenta su Ruma suka dafe mata baya suka barsu anan ko waiwayensu bata sake yi ba.

Ganin hakan ya sa Safwan ɗin sakin jikin ya mayar mata da martanin sumbar da ta yi masa a leɓenta, sannan ya ɗora kanshi saman wuyanta ya kai mata wani zazzafan kiss ta yi saurin zullewa tare da riƙo hannunshi tana dariya ta ce

"Oya mu je daga ciki kada ka janyo muna abun magana gaban mutane"

Saboda yanda ma'aikatan suke ta satar kallonsu a fakaice ga kuma fiddo da ke tsaye itama, lura da hakan yasa ta hilatoshi suka shige sashenta, wanda shi biye da ita kawai yake amman sam gaba ɗaya ya manta kowa da komi sai ita, yana jin wani daɗi yana huda ko'ina na jikinshi saboda farin cikin ganinta, yau ga shi ga ma'ul hayatynshi Dijengalar Baffah kuma Black cat ɗin shi ada, wadda yanzu ta zamo masa fitilar da yake amfani da haskenta matuƙar yana son ya gane gabanshi.

Surayya da su Husnah da sauran wasu ma'aikatan gidan tuni suka kwashi kayan da Direba yake fitowa suka fara shigarwa sashen Zee, sannan suka koma sashen Dijen inda ita kam tuni ta shige da Mijinta ɗakin da yake mallakinshi a cikin sashen nata ta fara ɗorashi a saiti, don tun shigarsu ya janyota jikinshi ya fara yamutsata tare da aika mata da saƙunan kisses tamkar wani zautaccen mayen ƙarfe, ganin in ta biyeshi za su ɓata lokuta masu yawa yasa ta yi dubarar riƙe hannunshi cikin wani kallo ta ce

"Plss mu je ka yi wanka ku ci abinci kai da Amaryarka kada ta ɗaukeni mai rowa, don na tabbata dukanku kuna buƙatar abincin"

Ta mairaire fuska har da riƙe kunne alamun ban haƙuri sannan ya miƙe tare da dafe goshi yana yi mata kallon mamakin irin wayewar da ta yi masa ta bazata, sannan ya riƙo hannunta ya ce

"Wayo ko? To ai mu je ɗin sai ki tayani wankan don na fahimci so kike ma ki nuna kin fini girma"

Dije ta yi yar dariya sannan ta rufe fuska da hannu ɗaya ta ce

"Ni dai mu je ɗin kada ta ga an ƙyaleta"

Sannan suka je toilet ta haɗa masa komai zata fito ya ce ta jirashi amman daga nesa don baya son ta ɓata masa kwalliyar, ita ko ganin hakan yasa ta yi nazarin kawai ta taimaka masa tunda Surayya ta sanar da ita hakan ma yana ƙara shaƙuwa tsakanin ma'aurata, aiko ta saki jiki ta ajiye kunyar ta taimaka masa sai gata itama ya janyota suka faɗa ruwan ya yi nasarar cire mata kayan ya dinga mammatsewa tare da tanɗewa da lashe abubuwan da ya fi so a rayuwarshi, duk da take jin zafin zafin abunda ya ke yi amman ta nuna masa lalle itama ɗin yanzu ba da bace, da ƙyar ta lallaboshi suka fito toilet ɗin bayan dukansu sun tsalkake jikinsu.

Yana rama sallolin da suka kubce masa ne ta sulale ta wata ƙofar da ke sadata da ɗakinta ta sake yin wani sabon shiri cikin wani danƙareren less bulue black, Wanda aka yi wa ɗinkin riga da siket ya hau jikinta sosai, saboda ɗinkunan takanas Aunty Ummi ta ɗinka mata su Abuja don kawai ta ji daɗin tarbon Angonta, bayan ta kimtsa fess abunta sannan ta sake feshe jiki da turarukanta masu daɗin ƙamshin sannan ta koma wurinshi, yanda ya lalace da kallonta ne yasa ta ƙaraso wurinshi tare da hure masa ido da iskan bakinta ta ce

"It's time for lunch my dear"

Ya rungumota jikinshi yana lakuce mata dogon hancinta ya ce

"Ki godewa ALLAH idan har kinsa Malaminki ya zauce a kanki"

Ta yi wani yarr da ido ta ce "rufani ka saya ai sai ka janyo ace wannan ɗaliba ta wuce gona da iri idan har ta zarta sanin malaminta"

Ya sauke mata wani kiss a goshi sannan ya shirya cikin wasu kayanshi da aka ajiye a ɗakin, sannan ya riƙo hannunta suka fito suka nufi sashenshi da yake tsakiyar na su ita da Zee, inda acen ne ma suka kai komi da suka dafa saboda kawai a nunawa Zee cewa su sun san me suke yi, kuma wannan duk yana cikin shawarar Aunty Ummin da take ta baiwa Dijen akan neman zaman lafiyarta ita da abokiyar zamsnta, har zasu zauna kan diny ɗin Dije ta yi saurin ce wa

"Malam plss ka fito da Amarya ta zo mu haɗu ayi lunch don cikina har ya fara kiran ciroma"

Safwan yana ƴar dariya ya ce "sannu acici to jirani in zo minti ɗaya"

Sannan ya bi wata ƙofa ya yi sashen Zee inda ya taradda ita tare da ƴan uwanta biyun da ƙawarta Ruma da suka zo tarbarta, bayan sun sake gaisa ne ya ke cewa da ita ta zo su je aci abincin, ta nuna cewa ita sam bazata je ba ta riga da ta ci wanda su Ruma suka dafa mata, Ruma ta yi mata signal da ido sannan ta miƙe ta biyoshi ranta a haɗe saboda takaicinshi da take ji a zuciyarta tare da munafukar Matarshi a cewarta, wadda ta sha alwashin ko da bala'i sai ta fiddata gidan ta ƙarfin tsiya, tunda har ita zata nunawa kissa da kitifiri don salon kawo mata reni har da kiranta ƙanwarta wai, haka ta yi ta saƙe saƙen zucinta har suka shiga falon nashi, sai dai hango Dijen da ta yi tana ta Saving abinci a plates kala kala yasa ta ji wani bala'a'en kishi ya taso mata, musamman yanda ta ga har da wani sabon wankan ta sake yi don ta nuna mata cewa sunyi wani abu da Safwan ɗin, tunanin hakan yasa ta ja ta tsaya ta ƙi ƙarasawa wajen diny ɗin, ta rungume hannu tana yi mata wani kallo sai wani girgizar jiki take yi saboda a wuya take ƙiris take jira ayi wadda za'a yi.

Safwan ya ja kujera ya zauna Dijen ta janyo masa abinci a gabanshi tana dariya ta kalli Zee ta ce

"Ƙamshin girkina zai yi maki illa Amarya matuƙar baki yi gaggawar ƙarasowa ki ka fara cinshi ba"

Zee ta yi mata wani kallo sama da ƙasa mai cike da reni sannan ta buga wani uban tsaki tace

"Wahainiyarki ta kiyayi ramata tun wuri WALLAhi, ke ce matsiyaciya wadda abinci ya dama saboda haka ki je ki tambayo wacece Zee kafun ki fara yiwa mutane iyayin tsiya, baƙar munafukar banza annamimiya mai shiga tsakanin mata da mijinta, WALLAhi tun kafin in nuna maki wacece Ni ki kama kanki da ni"

Tana ƙare faɗar maganar ta yi masu wani mugun kallo sannan ta buga wani uban tsaki ta juya cikin fushi ta koma inda ta fito, Safwan kam sai cin abincinshi yake yi ba tare da ma ya nuna damuwarshi akan duk abunda ta faɗa ba, ya ɗago fuskarshi ya kalli Dijen ya wayance tare da faɗar

"Sakin bakin na minene? Ko zaki bita ki bata haƙuri ne? Saki jiki ki ci abincinki in har kina son farin cikina, to ki tattara komi ki ajiye a gefe ki fuskanci gabanki tare da Mijinki da ke kusa da ke, saboda haka dawo nan kusa da ni sai mun fi jin daɗin cin abincinmu"

Dije ta yi shiru sannan ta goge guntuwar ƙwallah da ta cika mata ido

ta dawo kujerar da ya ce, yana dariyar da iyakacinta fuska ya ciko spoon da abincin ya nufo bakinta, ta yi masa wani kallo zuciyarta cike da takaici ya girgiza mata kai ta yi saurin haɗiye kukanta.

Haka suka ci abincin kowane zuciya ba daɗi sai dai ba laifi sun ciyar da junansu sosai, sannan ya ja abarshi suka yi ɗakinshi inda ba ɓata lokaci ya fara saitata a hanya, kafin ka ce me shima ya fara rikicewa tare da zaucewa akan Dijenshi, don kuwa tun haɗuwar fatar jikinsu ya gano akwai banbanci tsakaninta da Zee sosai haka ma akwai tazara mai yawa a tsakaninsu, to balle da ya sami sa'ar shigewa fadar gwamnatinta sai ga shi da fasa wani ihun daɗi yana kuwwa, saboda gaba ɗaya ya zauce mata ni'imarta tasa ya kiɗime babu abunda ke fita bakinshi sai ihu da sambatun daɗi.

Zee kam tana cen su Ruma suna lallashinta ne ta jiyo ihunshi, cike da mamaki ta yi saurin dawowa falon sai dai fahimtar abinda yakewa ihun ne yasa ta dafe ƙirji ba shiri, tare da zuwa ƙofar ɗakin tana dukan ƙofar a haukace tana tsine masu dukansu.

Ganin kamar ba su ma san tana yi ba yasa ta bazama aguje ta yi ɗakin ajiyar fetur ta kinkimo jarkar ta fito da gudu kamar wata mahaukaciya, ma'aikatan gidan suka bita da kallo cike da mamaki duk da duhun magriba ya kawo jiki a lokacin.

Tana zuwa ta fara watsa fetur ɗin ta ko'ina cikin falon da ƙofar ɗakin tana surutan faɗin

"Sai na kasheku dukanku yau yan bura'uba azzulumai macuta, ALLAH ya tsine maku gaba ɗayanku WALLAHI yau sai na kasheku"

Ta yi sashenta aguje gudu ta ɗauko ashana su Ruma suka biyota da gudunsu don su ga abunda yake faruwa, tana zuwa ta kunna ashanar cikin bushewar zuciya ta cillata ƙofar ɗakin.

Wayyo ALLAHna😳🏃🏻‍♀️🏃🏻‍♀️wuta 🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️wuta ku yo agaji🏃🏻‍♀️.

Akafta😝

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Rigiji Gabji wani kaya sai Amalii ina gwanayen wasu ga nawa 💃🏻💃🏻💃🏻💃🏻har ga ALLAH ruwan sharhinku akan book ɗin Ƙarangiya yana faranta man rai ba kaɗan ba, haƙiƙa dole inyi alfakhari da ku saboda ku ɗin nawa ne ba ƙarya,ina miƙa ɗinbin godiyata gareki ƴargata Maman Sultan, irin godiyar da baki ba zai taɓa iya zayyanowa ba, alkhairin ALLAH ya kai maki har ƙasar Niger cikin gidan Baban Sultan akan gadonki wanda kike bacci a kuma gefen da kike kwanciya😝😜*

*Lamba ta 64*

A zafafe Ruma ta yi wani tsalle ta cafke ashanar cikin wani firgici da tashin hankalin da ya ziyarceta, don garin cafke ashanar fetur ɗin da ke malale ƙasa tyles ɗin ya jata ta faɗi tim! A ƙasa, amman duk da hakan sai dai ta yiwa ashanar murzar bala'i duk da zafin ƙunar da ya ratsa hannun nata, cikin fushi ta miƙe ta yo kan Zee zata ƙwace ashanar, Zee ta ƙara yin baya cikin bushewar zuciya da ta yi dacen aka janye mata imani a zuciyar don babu abunda take so irin ta ƙonesu da kowa ma da ke gidan har itama kanta, saboda a ganinta hakan ne kawai zata yi ta cire zafin abunda take ji a zuciyarta, Ruma tana girgiza kai cikin ruɗewa tace

"Kar ki aikata abunda zaki zo ki yi danasani daga baya"

Hawaye suna zuba akan fuskar Zee da idonta suka rikiɗe zuwa jajaye saboda tsallar tsagwaron bushewar da zuciyarta ta yi, ta sake kunna wata ashanar hawaye suna zuba akan fuskarta tace

"Matuƙar na barsu da rai bazan taɓa yafewa kaina ba, ya zama dole su ɗanɗani azabar mutuwa dai dai da cin amanar da suka aikata ma....."

Wani mari ne da ya sauka akan fuskarta ne yasa ta yi saurin sakin guntuwar ashanar da ta kusa cenyewa a hannunta, Ruma ta yi saurin taketa da ƙafa ta murje, a zafafe Zee ta waiga domin taga wace mai ƙarfin halin ce ta mareta, yanda ta ga fuskar Surayya da ke tsaye gefenta tana huci yasa ta yi wata gajerar dariya ta ce

"Wow sannu fa ki ce masu mutuwar yau yawa ne da su? To ki jira ke ma saura kaɗan naki ajalin ya iso ku sa da ke"

Tana ƙare maganar ta fiddo wata ƙwarar ashana kafin ta kyasta ta sake jin wani uban naushi da Surayya ta sauke mata a gefen fuskarta, ba shiri ta saki ashanar ƙasa Ruma ta ɗauke ta fice da ashanar cikin sauri, Zee ko ta yi cikin Surayya suka fara kaiwa juna duka, kafin ka ce damben bala'i ya kacame a tsakaninsu ƴan'uwan Zee ɗin su biyu da ke tsaye suna kallon abunda ke faruwa suna rabon faɗan, sai ga Husnah aguje itama kamar wata zakanya ta rufarwa Zee suka yi ta mazgarta ita da Surayya, sai dukanta suke yi kamar ALLAH ya aikosu tun tana ƙoƙarin kare kanta har ta koma laƙwas Husnah ta kwashe mata ƙafafuwa ta faɗi ƙasa ba shiri, Surayya ta yi saurin haye ruwan cikinta suna ta duka duk da ƙoƙarin hanasu da ƴan'uwan Zee suke yi, amman hakan bai hanasu yi mata dukan kawo wuƙa ba.

Safwan da Dijenshi kam basu ma san me ke faruwa ba har sai da Surayya ta kirasu a waya ne take sanarwa da Safwan ɗin abunda Zee take yi don a lokacin itama suna sashen Dijen ne wani ma'aikaci ya zo aguje yake sanar da su abunda ke faruwa, shiyasa hankalin Surayya a tashe ta kira Safwan ɗin saboda zuciyarta ta bata cewa Zee ba alkhairi zata shuka ba, tun yanayin da ta ganta lokacin da suka dawo ta yi sashenta cikin fushi, bayan ta gama kiran Safwan ɗin ta sanar da shi abunda aka faɗa masu ne ta ce da su Husnah su kira Aunty Ummi su sanar da ita kafin ta je ta ga abunda ke faruwa, aiko sai gashi tana zuwa ta ji kalaman da Zee take faɗa Shiyasa bata yi ƙasa a gwiwa ba wajen kai mata hannu.

Ko da Safwan ɗin da Dije suka fito cike da firgici akan fuskarsu, sai ga wani sabon firgicin da ya sake sakasu ruɗewa saboda ganin gaba ɗaya falon warin fetur ne da wani wanda bai ƙasara bin iska ba malale a ƙasa, Safwan ya kai kallonshi inda su Surayya da ke ta jibgar Zee har lokacin, ya yi saurin katsa masu wata uwar tsawa suka zabura cikin firgici daga su har ita Zee ɗin da ke kwance ligya ligya don ta daku ba ƙarya.

Ya ƙasaro wajensu ya kallesu ɗaya bayan ɗaya ya ɗaga murya a fusace ya ce

"Wai me ke faruwa ne wai??"

Zee ta miƙe da ƙyar ta kalleshi cikin wani kallon reni da kumburarren bakinta da suka fashe ta ce

"Ni zaka tambaya don ni ce zan yi ajalinku dukanku ka sani ka ƙara sani dukanku sai na kasheku"

Tana ƙare maganar ta yi sashenta aguje ko wa ya bita da kallo, cikin fushi Safwan ya bita ƴan'uwan Zee ɗin da Ruma suka biyoshi a baya suna bashi haƙuri, Dije ko ta yi wurinsu Surayya tana tambayarsu mafarin abun.

Safwan yana kaiwa sashen nata sai ga ta sun ci karo da ita da sharɓeɓiyar wuƙarta ta nufoshi gadan gadan da nufin ta soka masa ita, ya yi jarumtar riƙe tsinin wuƙar ya fisgeta da ƙarfi wuƙar ta yankeshi sosai amman duk da hakan bai yi ƙasa a gwiwa ba wajen kai mata wani wahalallen mari har sai da taga taurari, sannan ya dinga kai mata duka ta ko'ina kamar wani zaki, itama har da su ƙarfin halin kuwar faɗin sai ta kasheshi duk da uban kashin da take sha, don kuwa da ya yi wani ball da ita har sai da ta kai bango, sannan ya damƙo gashinta ya janyota ƙiii ya fito da ita har gindin Motarshi, sannan ya jefata motar ya saka lock sannan ya faɗa cikin zafin nama ya tada motar ya yi wani uban ribas sannan ya fisgeta da ƙarfin tsiya ya fice, bai zame ko'ina da ita ba sai headquarter'r ƴansanda, kai tsaye ya nemi ganin D.p.o ya damƙa masu ita da hannunshi tare da sanar da su cewa Matarshi ce take son kasheshi, su riƙe ta a hannunsu su yanke mata hukunci dai dai da laifinta, suka karɓeta suka jefata ɗakin ajiya suka kulle sannan suka sanar da shi zasu yi ƙwaƙƙwaran bincike akan case ɗin idan har komi ya kammala ta aikata abunda ake tuhumarta da shi to zasu yanke mata hukunci dai dai da laifinta.

Sannan ya baro wurinsu tare da wasu ƴansanda da za su zo yin bincike akan abunda ya faru, shima ya nufo gida saboda damunshi da kiran da ake ta yi, don yaso zuwa ayi masa kanikancin hannun da ya yanke da shi, amman yanda yake jin zuciyarshi ne yasa ko kiran da ake ta yi masa ɗaya bai ɗaga ba, sai na Hajiyarshi ko shi don baya iya ganin kiran yaƙi ɗauka, sai dai bai iya furta ko kalma ɗaya ba sai "to" kawai da ya faɗa, saboda tsananin ɓaci ran da ya cunkushe masa zuciya.

Ko da suka shiga gidan suka taradda kowa a harabar gidan ana jiran zuwanshi, cike da ruɗewa Aunty Ummi ta nufoshi tana faɗin

"Ba abunda ya sameka ko to Alhmdllh mun godewa ALLAH Hajiyarmu ba abunda ya sameshi"

Ya baiwa ƴansandan dama suka shiga ciki suna ta bincikensu, har wuƙar da galam ɗin fetur duk sai da suka fito da su duka, sannan suka fara yiwa mutane tambaya ɗaya bayan ɗaya, don har su kansu ma'aikatan gidan ba'a barsu ba sai da aka tambayesu suka faɗi abunda suka sani, sannan ƴansandan suka bar gidan tare da rahotannin da suka naɗa a wayoyinsu.

Safwan da ke jikin Motarshi tsaye ya ƙaraso wajen Hajiya Mama yana dafe kai ya zauna kan wani ɗan dakalin da aka zagaye wasu flowers, hannunshi da suka hango da ya yi bala'in walshewa da wuƙa kowa hankalinshi ya tashi, Hajiyarmu ta ƙaraso wajenshi ta ce

"Garin ya ya haka ta faru??"

Ya yi shiru sannan ya yarfa hannu saboda jinin da ke ɗiga har lokacin ya ce

"Ni ma bansan abunda yake faruwa ba har sai da Surayya ta sanar da ni"

Hajiya Mama cikin damuwa ta ce

"Ina ita Zainab ɗin?"

Ya yi shiru sannan ya ce, "tana hannun ƴansandan"

Ko wa ya yi shiru yana nazarin abun a ranshi sannan Hajiyar ta ce

"To ka je a yi maka dressing ɗin hannun sannan ka dawo muna jiranka"

Safwan ya miƙe zuciyarshi kamar zata fashe ya kalli su Ruma da ke tsaye dukansu sun sha jinin jikinsu ya ce

"Kada in dawo in taradda ku cikin gidana"

Sannan ya ja Motarshi ya fice aguje, su Hajiya Mama suka yi sashen Dijen suka zauna, inda su ke ta lallahin Dijen da ke ta kuka saboda tunda ta ji abunda Zee ta ce a bakin Surayya hankalinta ya tashi ta fara kuka, sai ga shi kuma ta hango Safwan ɗin yana jan Zee a ƙasa hannunshi sai zubar jini yake yi, akan hakan ta sake ruɗewa tana ta kuka don jin take yi kamar ma ta bar masu gidansu ta koma garinsu tun kafin a kasheta ga banza, don ganin ƴansandan ma yasa ta ji wani tsoro ya sake kamata.

Ko da Safwan ya dawo an ɗaure masa hannu da bandeji bayan an ɗinke masa ƙatuwar yankuwar da ya yi, ya shigo ya zauna idonshi akan Dijenshi da ke sharar ƙwallah idonta sun yi ja saboda kukan da ta sha, cikin sanyin jiki ya ce

"To ke me kike wa kuka kuma yanzu?"

Aunty Ummi ta ce "dole ta yi kuka tunda bata taɓa ganin irin wannan bala'i ba a rayuwarta, wannan matar ƙaddara ai babu mai fatar ALLAH ya haɗashi da ita bale ta zowa mutum a matsayin kishiya"

Ta ƙare maganar cikin yin wani kalar mere kamar wata yarinya, Hajiya Mama ta sauke ajiyar zuciya sannan ta ce

"Yanzu dai abunda ya faru ya riga da ya faru fatanmu kawai ALLAH ya taƙaita wahala kuma ya tsare gaba"

Safwan ya dafe kanshi da ke ta sara masa ya ce, "ai kuma yanzu sai dai ta bi wasu shanun don nikam WALLAhi saki uku ringis zan dannawa shegiya, don bana fatar ko a hanya in sake haɗuwa da ita bale ta sake zama gidana"

Surayya ta yi saurin faɗin, "hukuncin da ya dace ita kenan baƙar arniya mai zuciyar kafuran farko"

Hajiya Mama ta maka mata wata harara Surayya ta ce,. "Haba Hajiyarmu yanzu da ace ta kashe muna su ai da mu ta bari da shiga uku, don duk hukuncin da za'a yi mata ba lalle ne ya zama dai dai da abunda ta aikata ba"

A harzuƙe Husnah tace "Ni WALLAHI na ma so mun illata shegiya kafin Auncle ya zo"

Aunty Ummi ta ce "ai WALLAHI da ace ina kusa sai na ja shegiya na damalmala kanta cikin fetur ɗin sannan in fito da ita tsakar gidan nan in ƙyasta mata ashanar sai ta ci wutar ƴar shegiya"

Hajiyarmu ta yi saurin faɗin "to kenan da ke da ita duk hukuncinku ɗaya in har kika aika wannan shirmen, yanzu dai abu ɗaya ya rage ka kira Mahaifinta ka sanar da shi abunda ke faruwa"

Safwan ya ɓata fuska ya ce "Ƴan'uwanta da aka yi a gabansu miye amfaninsu da ba zasu sanar da su abunda yake faruwa ba?"

Hajiyarmu ta ɓata fuska ta ce, "kaine ke da haƙƙin sanar da su ba wasu ba, saboda haka ka kirasu yanzu ka sanar da su abunda ke faruwa"

Safwan cike da jin haushi ya ɗaga waya ya kira Daddyn Zee ba tare da jiran komi ba ya ce

"Na saki Zee saki biyu a bisa sunnah da in ana yin ɗari duk sai nayi mata, don haka ayi gaggawar zuwa a kwashe mani tarkacen kayanta cikin gidana"

To fa 😳😳😳kai ko Malam Safwanu saki haka da sauri 😔

Akafta🙌🏻

D/AUTA Ce✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Am sorry fo you my FANS😊 jiya kun ji Ni shiru ko? To ku yi haƙuri yanzu gani tare da ku😸fatana kawai ku biyoni mu je🏃🏻‍♀️*

*Lamba ta 65*

Yana ƙare maganar ya kashe wayar cikin fushi ya miƙe zai bar falon Hajiya Mama ta kira sunanshi a hankali cikin wata murya mai cike da alhini, ba shiri ya waigo ta ce da shi ya dawo ya zauna, sannan ya dawo ya zauna sai wani cika yake yi alamun a wuya ya ke sosai, Hajiya Mama ta sake kiran sunanshi ta ce

"Abunda na ce ka aikata kenan? Me yasa kai a koda yaushe baka iya dafa mutum cikin ruwan sanyi ba?, Nasan Zainab bata kyauta ba amman shi mahaifinta laifin me ya yi da har zaka yi masa wannan cin fuskar?, Yanzu idan kai ne a matsayinshi wani ya kiraka ya saki ƴarka irin haka wane irin hali kake tsammanin zaka shiga?, To bari ka ji banji daɗin abunda ka aikata ba, don Mahaifinta komi lalacewarshi ya gama maka komi tunda har ya ɗauki ɗiyarshi ya baka, don haka ka sani laifin wani baya shafuwar wani, saboda shi mutum daraja gareshi mussaman wanda ya ke sama da kai irin haka, saboda haka ka dinga kwatanta adalci akan duk wanda mu'amala ta haɗaka da shi, don da ace ka yi cuta gara ace kai ne aka cuta, don yanzu wannan abun da ka yi masa har abada ba zai taɓa mantawa ba, tabbas kam ƴarshi bata yi abunda ya dace ba amman ka sani kai ka yi abunda ya fi wanda ta aikata muni"

Safwan da su Aunty Ummi Suka kallota cikin mamaki ta ce

"Eh tabbas haka ne don ita da makami ta yi niyya kasheka cikin fushi, kai kuka ka yi amfani da dafin harshe ka caki ubanta da mummunar maganar da dole ne ta daki zuciyarshi, ko baki ji ance dafin harshe ya fi na takobi zafi ba?, to bari ka ji yanzu wannan raunin da ta ji maka a hannu zai iya warkewa har wurin ya koma tamkar ma ba'a yi, amman dafin abunda ka yi wa mahaifinta ka sani har abada ba zai taɓa goguwa a cikin zuciyarshi ba, saboda haka ka daina yanke hukunci cikin fushi a koda yaushe idan har kasan abunda zaka faɗa ba mai kyau bane, to ka yi ƙoƙarin danne zuciyarka ka yi shiru saboda faɗar Manzon Allah Sallallahu alaihi Wasallama da ya ce(falyaƙul khairan auliyasmut, ka faɗi alkhairi ko ka yi shiru) saboda shi baki dafi ne da shi wanda idan aka yi maka wata mummunar magana har abada ba zaka taɓa mantawa da ita ba"

Safwan ya shafo kanshi da hannunshi mai lafiya ya ce "na yi kuskure Hajiyarmu kuma Insha ALLAH bazan sake maimaita kwatankwacin hakan ba...."

Kiran wayar Safwan ce ta katse maganar da yake yi, cikin sauri ya duba mai kiran sai ga shi da kallo Hajiyar cikin sauri ya ce

"Mahaifinta ne"

Hajiyarmu ta ce

"Ka ɗauka ka ji to"

Ya ɗaga ba tare da ya ce ƙanzil ba ya saka hands free, sai ga muryar Mahaifiyar Zee cikin wayar tar! tar! tana kuka tana faɗin

"Me ke faruwa ne? Me ya sami Zainab ɗin ne? ga Daddynta nan ya faɗi rai a hannun ALLAH sai sunanta ya ke kira, me ke faruwa ne na ce?"

Ta ƙare maganar cikin kuka tare da ɗaga murya Hajiya Mama ta yi masa nuni da hannu alamun ya sanar da ita, cikin sanyin jiki ya fayyace mata abunda ya faru a dunƙule, mahaifiyarta ta fasa wata uwar ƙara tare da cewa

"Innalilahi wa'Inna ilairraji'un, Allahumma ajirni fi musibati wa alkhalifni khairun minha"

Sannan ta kashe wayar gaba ɗaya jikin kowa ya yi sanyi, ran Hajiyar a matuƙar ɓace cikin tagumi ta ce "ka ga abunda nike sanar da kai ko? To idan har ka yi sanadin mutuwarshi sai kasan abunda zaka faɗawa ALLAH idan kun je lahira"

Hajiyar Mama ta miƙe cikin fushi zata fita ya yi saurin shan gabanta yana bata haƙuri tare da su Aunty Ummi, Dije ta duƙa ƙasa ta riƙo leɓen zanenta cikin kuka ta ce

"Ki yi haƙuri Hajiyarmu kada ki fushi da Malam don ALLAH ki yafe masa"

Hajiyar ta duƙa ta ɗagota tare da share mata hawayen da suke ta zuba a idonta ta ce, "komi ya wuce na haƙura insha ALLAHu amman matuƙar yana son in yafe masa to sai ya furta ya mayar da Zainab a matsayin matarshi"

Dije da su Aunty Ummi da shi kanshi suka zaro ido waje saboda bugawar da zuciyoyinsu suka yi, cikin tabbatarwa ta sake ce wa "haka na ce kuma haka ni ke son ayi don hakan kawai zai rage raɗadin baƙin cikin abunda zai faru ga mahaifinta, wanda ko kaɗan bani fatar ace kai ne ka yi silar mutuwarshi da hannunka, duk da bana fatar hakan amman ka sani duk ya mutu a sanadin wautarka to baka yi wa kanka adalci ba"

Safwan da su Aunty Suka yi shiru kowa da nazarin da yake yi a zuciyarshi, Dije ta je gabanshi tare da haɗa hannuwa biyu alamun roƙo ta ce

"Don Allah Malam ka dawo da ita a matsayin matarka plss"

Cikin tsananin ɓacin rai ya ce "na dawo da ita da sauran igiya ɗayar da ta rage a tsakaninmu, amman WALLAhi bazan taɓa yafe mata abunda ta aikata man ba"

Yana ƙare faɗar hakan ya bar wajen cikin ƙunar zuciya, Hajiyar ma ta ce da su Aunty Ummi su zo su tafi gida, kasancewar isha ma ta wuce kuma ga shi wasu cikinsu ko SALLAHr magrib ma ba su yi ba, har bakin motar da ta kawosu Surayya da Dije suka rakasu, bayan sun tafi ne itama Surayya ta kira Mijinta ya zo ya ɗauketa, Dije ta nufi ɗakinta ta yi sallolinta sannan ta nufo ɗakinshi da ke sashenta, inda ta taraddashi zaune akan carpet fuskar haɗe ya yi shiru alamun ya faɗa cikin dogon nazari, ta sami gefenshi ta zauna tare da riƙo hannunshi mai yankuwa ta ɗora saman jikinta, cikin sanyin murya ta ce

"Don Allah ka daina wannan damuwar komi da ka ganshi daman cen rubuce yake mune ba mu sani ba, sai abun ya faru ne mu ke ganinshi tamkar sabon abu, don ALLAH Malam ka daina wannan damuwar WALLAhi bana son ganinta a fuskarka ni dai"

Safwan ya kallota da jajayen idonshi da suka rine saboda tsabar ɓacin rai ya ce "Ta ya bazan yi damuwa ba? Bayan Hajiyarmu ta sani mayar da wannan matar bala'i cikin rayuwarmu,yanzu ta sami damar yin haka ina ga abunda zata aikata a gaba? Hajiyarmu me yasa ta kasa gano Zainab ba alkhairi ce ga rayuwarmu ba? To Wallahi ko da ace zata dawo ɗin to ni kuma bazata taɓa jin daɗin zama da ni ba, sai ta bar gidan nan da ƙafafuwanta ba tare da ta shirya ba"

Dije ta yi saurin kwantawa saman kafaɗarshi cikin muryar kuka ta ce

"Ni dai ka yi haƙuri don ALLAH Malam saboda Hajiyarmu bazata taɓa cewa ka yi abunda bai dace ba kai ma ka sani?"

Safwan ya shafo kanta cikin tausayinta ya ce "wai waye malamin? Ni fa bana son wannan sunan na fara gajiya da shi, don bazan yarda ki mayar da ni tamkar wani tsoho ba, amman ki daina kukan nan bana sonshi"

Ya ƙare maganar tare da goge mata hawayen da ke ta kwaranya akan fuskarta, saboda zafin dawo da Zee ɗin da ya yi har cikin zuciyarta bata ji daɗin hakan ba, amman bata son ta nuna ne don kada aga rashin kyautawarta, amman ta ci alwashin duk ranar da ta dawo ita kuma a ranar zata bar gidan don bazata zauna ba ta kasheta a banza ba, Dijen ta ɗago fuskarta tare da saka hannu ta share hawayenta sannan ta ce

"Mu je mu ci abinci"

Ya bita da kallon mamaki ya ce " Ke kina jin yunwa ne?"

Ta ɗaga masa kai, ya ce "magana za ki yi" cikin siriryar murya ta ce "Eh" sannan ya miƙe suka fito ɗakin har zata cire hijabin da ke jikinta ya ce ta barshi fita za su yi, ta biyoshi a baya suka shiga Mota kai tsaye ya ja suka fice.

Basu zame ko'ina ba sai wata haɗɗaɗiyar Restaurant yasa aka yi mata odar abinci kala kala, Dije ta ƙi ci ta ce dole sai dai su ci tare, ba don ya so ba ta dinga ciyar da shi yana ci itama yana bata tana ci har suka yi ƙat! Sannan ya biya Bill suka nufi wata plazar suka sissiyo kayan tanɗe tanɗensu da maƙulashe sannan suka dawo gidan, duk da a ƙoshe su ke amman hakan bai hanasu sake cin gasashiyar kazar da suka siyo ba, tare da korawa da abun sanyaya maƙoshi, bayan sun kammale ne suka je suka yi wanka suka kwanta, duk da hannunshi da ke ciyo bai hanashi sakin jiki ya sake angwancewa da matarshi ba, saboda a yanda yake ji ko kaɗan ba zai iya haƙura da ita ba a wannan lokacin, haka suka raba dare suna farantawa juna har sai da ita kanta ta ji tausayinshi saboda yanda yake ta shan shagalinshi ba tare da ya yi duba da ciyon da ke hannunshi ba.

Ko da safiya ta waye Dukansu cikin farin ciki da ƙarin ƙaunar junansu suka ta shi, bayan sun yi break ma haka suka sake komawa cikin duniyar ma'auratan sannan dukansu bacci mai ƙarfi ya yi awon gaba da su.

Kiran wayar da ake ta yi masa wani bayan wani ne yasa ya yi saurin falkawa daga nannauyan baccin da ya ke yi, cikin yin wani uban tsaki tare da jin haushin da bai sakata a silent ba, ya miƙe ya ɗauko wayar ganin baƙin numbobi barkatai yasa ya yi saurin zaunawa, sai ga wani kiran ya sake shigowa da sauri ya ɗaga, sai ga wani ƙanen mahaifin Zee yana sanar da shi gasu cikin gidanshi sun zo suna son yin magana da shi.

Cikin jin haushi ya kalli Dijen da ke ta baccinta hankali kwance, ya yi wani murmushin jin daɗi saboda ni'imar da ya kwasa a jikinta, ya yi mata wani kiss a iska ya hura mata sannan ya miƙe ya je ya yi wanka ya saka doguwar jallabiya baƙa ya ja talkamanshi plat ya fice tare da janyo ƙafa a hankali don kar ta tashi.

Ganin baƙin motoci biyu tare da dattijan mutanen yasa ya shiga cikin natsuwarshi, ya isa wurinsu suka gaisa sannan ya yi masu jagora har sashenshi inda babban falon tarbar baƙinshi ya ke, bayan sun zazzauna ne aka sake gaisawa sannan suka sanar da shi sun zo akan su ji ba'asin abunda ke faruwa, don yanzu haka Mahaifin Zee yana kwance asibiti hawan jininshi ya ta shi, saboda abunda ya ji da kunnenshi da wanda ya saurara a gidan Tv..

Saboda ƙarin jawabin da su Ruma suka zo masu da shi na cewa Zee tana hannun ƴansanda, sannan da labaran da aka gabatar a gidan TV dangane da case ɗin masu ɗauke da rahotannin tabbatar da faruwar hakan daga bakin Safwan ɗin da kuma su Surayya da Ruma da sauran ƴan'uwanta duka da aka ɗauka, a daren jiya wanda kuma a ranar aka watsashi a gidan television, wanda ya watsu cikin mintuna ƙalilan tamkar tashin bom ta ko'ina labarin ake yi, sai dai ba'a nuna fuskokin kowa ba don Safwan ne da kanshi ya ce kada a bari fuskokinsu su bayyana saboda tsaro, amman duk da hakan labarin ba ƙaramin shiga zuciyar mutane ya yi ba, musamman wanda yasan ita Zee ɗin da su Safwan ɗin su ma, shiyasa mutane suke ta kiranshi don kawai su ji tabbaci wasu kuma don su jajanta masa.

Ba tare da jan wata doguwar magana ba Safwan ya bayyana masu abunda ya sani da wanda ya ji a bakin Surayya da kuma Ruma, sannan ya yi masu jagora har falonshi na ciki inda aka yi abun wanda har lokacin akwai warin fetur ɗin duk da ya bi iska sosai, cikin sanyin jiki suka dinga bashi haƙuri don sanin da suka yi tabbas Zee bata da gaskiya, sannan suka nemi alfarmar a basu Zee su koma da ita gida saboda Mahaifinta da ke unconscious, ya ce sai dai aje gun Hajiyarshi duk abunda ta ce shikenan, dole suka ɗuru mota suka nufi gidansu Hajiyarmu, bayan an gaisa ne suka fara bata haƙuri kan abunda ya faru sannan suka nemi alfarmar inda hali suna son a janye wannan case don ALLAH kada a bari ya je kotu, ganin girmansu yasa ta ce da su ba komi insha ALLAHu ba za'a je kotu ba indai har itace ta haifi Safwan, cike da jin daɗi suka baro gidan suka nufi Police station ɗin sai dai duk yanda suka so a basu belin Zee hakan bai samu ba, don shi kanshi Safwan ɗin sun nuna masa tunda aiki ya zo hannunsu ko ya janye su bazasu janye ba, don case ɗinta ba ƙaramin case bane bale har a yi gaggawar kasheshi cikin ƙanƙanin lokaci, dole suka haƙura suka koma ba tare da ko ganinta sun sami damar yi ba, don a zahirin gaskiya Zee tana cikin mawuyacin hali saboda yanzu haka tana Asibiti maƙale da oxcegyn saboda azabar da ta sha a hannu ƴansandan.

Tsawon sati biyu dangin Zee suna ta sintiri tsakanin Gombe da Yola akan su samu a kashe case ɗin, da ƙyar suka yi nasarar karɓota a hannunsu bayan uwayen miliyoyin kuɗin da suka narka saboda kawai a kashe case ɗin ba sai ya je kotu ba, don shi Safwan kallonsu kawai ya ke yi saboda shima kanshi da kalar na shi takun a ciki, don gurinshi na son ta gane kuskuren da ta aikata, don har lokacin bai cire takaicin dawo da itan da Hajiya Mama tasa aka yi ba, shiyasa ya nemi alfarmar Hajiyar akan a barta ta je gida har sai ya nemeta, haka ko aka yi sun karɓota aka kaita wurin Hajiyarmu ta bata haƙuri sannan ta baiwa Safwan da Dijen haƙuri suka kwasheta aka nufi Gombe da ita, inda ita kanta ta ji ina ma ace akwai wani garin da zata je ba cen Gomben ba, don tasan muddin ta je cen dole ne ta fuskanci ƙalubale ba kaɗan ba wajen ƴan'uwanta musamman masu goyon bayan Aminu.

To fa sai hkr Zee😊

Akafta🙌🏻

D/AUTA CE✍🏻

*💣 DIJE K'ARANGIYA💣*

*NA HADIZA D/AUTA*

*TAURARI WRITER'S ASSOCIATION*

*Lamba 66*

Zee durƙushe ƙasa tana kukan fitar hankali gaban gadon da Mahaifinta yake kwance gorar ruwa saƙale a hannunshi, ya yi shiru yana sauraren sautin kukan nata, zuciyarshi cike fal da wata sabuwar damuwa don abunda ta aikata da saƙon da Safwan ya isar masa ba ƙaramin dukan zuciyarshi suka yi ba, duk da ko an sanar da shi cewa ya mayar da ita a matsayin matarshi, amman har wannan lokacin bai dawo cikin natsuwarshi ba, wata ƙanwar Mahaifinta ce mai suna Baabaah Asabe ta katsa mata wata uwar tsawa ta ce

"Zaki ta shi ki bar ɗakin nan ko sai kin iyar da kashe muna ɗan'uwa ne?"

Zee ta miƙe jikinta yana rawa dafe da bakinta tana toshe kukan da yake fitowa tana kallon Daddynta bata son fita, cikin wata sabuwar tsawar Baabah Asabe ta sake cewa

"Ki fita na ce ko sai na fiddaki da ƙarfi ne?"

Zee ta dinga ja da baya tana gunjin kuka za ta fice Daddyn ya ɗaga hannu ya yafitota alamun ta zo wurinshi, da sauri ta dawo jikin gadon ta tsaya tare da riƙe kan gadon tana toshe kukan da ke ta fitowa a bakinta ta ce

"Don Allah Daddy ka yafe mani nasan na yi kuskure ka yafe man......."

Ya riƙo hannunta hawaye suna zuba akan fuskarshi ya ce, "me yasa kika aikata abinda zai janyo muna surutu a bakin mutane?"

Zee ta riƙe hannunshi gam ta durƙushe ƙasa ta ce "plss Daddy ka yafe mani abun kunyar da na janyo maku don ALLAH"

Baabaah Asabe ta fisgota da ƙarfi ta fiddata ɗakin sai da ta yi nesa da ɗakin Daddyn sannan ta wurgar da ita cikin fushi ta ce

"Na ƙara ganinki a ɗakin nan sai na baki mamaki WALLAHI, abun kunya kuma da kike so ayi haƙuri kanshi ke me ya hana ki yi haƙurin a lokacin da kika ji ɓacin ran da ya janyo kika yi wannan rashin hankalin?, Yanzu in Banda ALLAH ya taƙaita wahala kinsan iya adadin rayuka nawa zaki saka cikin ƙunci?? Bayan waɗanda zaki yi sanadin barinsu duniya? Ko ko an faɗa maki cewa idan kin kashesu ke ƙyaleki za'a yi?, To buɗe kunnuwanki da kyau ki ji gidana zaki dawo da zama daga yau har zuwa lokacin da Mijin naki ya ga dama ya nemeki, tunda don kinga Yaya Mani ya sake maki da yawa ne shiyasa kike ganin dai dai kike da kowa, to har abada na gaba yana gaban kuma ba zai taɓa dawowa baya ba, don gashi cen yanzu kin baro mata gidan tana jin daɗinta da mijinta ke kuma ga ki nan kunci zai kasheki tare da Iyayenki, to Ni dai WALLAHI wannan karon bazan zuba mako ido kina yin abunda kika ga dama ba, dole ne a nuna maki cewa ƴa ce ke kuma haifarki aka yi akwai na gaba da ke har gobe"

Tana ƙare faɗar maganar ta koma ɗakin Daddyn inda ta taraddashi sai shar ƙwallah yake yi, da ban baki da lallami ta samu ta shawo kanshi da ƙyar ya yi shiru, cikin nadamar irin damar da ya baiwa Zee a farko yake ta baiwa yar uwarshi haƙuri akan abunda ya aika akan Aminu, don itama tana cikin mutanen da suka yi fushi da shi akan auren sai dai don ance hannunka baya ruɓewa ka yanke ka cire inji hausawa fa, don kam a wannan zamani da muke ciki sau nawa aka yanke hannun aka jefar? ALLAH dai yasa mu fi ƙarfin zuciyarmu.

Zee ta daɗe durƙushe anan tana kuka har sai da Ruma ta zo ta ɗagata suka shiga ciki, inda suka taradda mahaifiyarta itama sai kukan take cisga gwanin ban tausayi, saboda takaicin abinda Zee ta aikata wanda tuntuni take nusar da Daddynta akan sangarcin da ya yi mata don ko kaɗan baya so a kyareta bale a nuna mata laifin da ta aikata ta gyara, to ga irinta nan yanzu ta janyo masu abun gori wurin mutane, Zee ta je ta rungume Mahaifiyarta tana wani irin kuka mai cike da ban tausayi, Mahaifiyar ta tureta har sai da ta faɗi ƙasa, sannan ta miƙe tsaye tare da nunata da yatsa ta ce

"Babban kuskuren da zaki aikata shine ki sake zuwa kusa da ni, don haka ki je tunda kin isa da kanki ki aikata duk abunda kike so, duniya ce wanda bai zo ba ma jiranshi take yi, kuma ta ishi kowa riga da wando har da zanen ɗaurawa"

Tana ƙare faɗar haka ta shige ɗaki abunta har da su dantse ƙofa, Zee ta sake fashewa da wani sabon kuka Ruma ta dinga bata haƙuri, amman ina yanayin da take ciki yafi ƙarfin ban haƙurinta, dole ta zura mata ido tana kallo zuciyarta cike da jimamin abun a ranta, tare da godewa ALLAH akan ƙoƙarin da ta yi wajen hana Zee cika burinta akansu Safwan da abunda zai faru ALLAH kaɗai yasan iyakacinshi akan matsalar.

****

Dijen Baffah kam ita da Malaminta sai cin amarcinsu suke yi hankali kwance, don ma masu zuwa jaje suna takurasu amman duk da hakan bai hanasu baiwa juna kulawa ba, cikin ɗan lokacin daga shi har ita sun sauya saboda natsuwar da suke samu da junansu, don shi Safwan ko tuno Zee baya son yi a ranshi, saboda ya riga da ya shafe babinta a rayuwarshi duka kuma yasa a ranshi duk runtsi ba zai sake zaman aure da ita ba, igiyar auren ce dai ta yi ta sha zamanta lafiya ko ita don ba ya iya saɓa umurnin Hajiyarshi ne da tuni ya cikasa mata ukunta ta huta.

Safwan kwance a falon Dije yana mayar da reply ga masu yi masa jaje ne ta fito ɗakinta cikin sanɗa ta zo bayanshi ta tsaya, sannan ta yi saurin duƙowa saitin kunnenshi cikin ɗaga murya ta ce

"Habiby!!!!!!"

Ba shiri ya zabura tare da jefar da wayar cikin firgicin da ta sakashi, Dije ta dafe ciki tana ƙyalƙyala dariya tana nunashi da hannu, cikin dariyar shi ma ya miƙe da nufin kamota ganin haka yasa ta fara gudu tana dariya, shi ma ya biyota yana faɗin

"Babyluv ki tsaya tun baki janyowa kanki aiki ba"

Dije ta dinga gudu sunata zagayen falon har ya ci nasarar cafketa suka faɗa kan kujera tare suna mayar da numfashi, Dije tana kyalƙyala dariya tace

"Don Allah Malam ka yi haƙuri ba zan sake ba"

Safwan ya cusa kanshi cikin wuyanta yana shinshino ƙamshinta idonshi a rufe ya ce

"Tunda baki tausayin kanki ai nima bana gajiya"

Dije ta yi sauri zaro ido tare da marairece fuska ta riƙe kunnuwanta duka biyu ta ce

"Am sorry my luv"

Idonshi a lumshe ya fara yamutsata tana zillewa tare da bashi haƙuri amman duk da hakan bai hanashi yin abunda yake so ba, bayan ya kammala ne ya koma faɗin

"Ke kika janyoni don haka dole ne ki yi haƙuri da halin Mijinki, faɗa man me kike so in yu maki ni ma wanda zan faranta maki tukuicin farin cikin da kike sakani?"

Dije ta zumɓuro baki wa je ta ce

"Baffah'na nike son in je in gano kwanan nan sai mafalkinshi nike yi"

Safwan ya zaro ido waje ya ce "canza wani don bazan lamunci doguwar tafiya da ke ba a yanzu, don ban sani ba ko na yi ajiya a jikinki ki zo ki jaza man jinya ba"

Dije ta ɓata fuska tace

"To Ni dai shi kaɗai nike so tunda na riga da na zana jarabawata da sai in ce ita, sai kuma in zaka kaini in fara karatun nursing ɗin tun yanzu"

Ya miƙe ya nufi ɗakinshi yana faɗin "in dai karatu ne har sai kin ce kin gaji amman tafiyar da kike so ce nake tantama, amman idan na yi shawara zan sanar da ke abunda na yanke"

Dije ta yi saurin miƙewa ta biyoshi tana faɗin "Don Allah ka barni inje WALLAhi na yi kewarsu Inna raboda da cen tun lokacin da Hansai ta haifu fa"

Ya yi saurin juyowa ya ce "to ke ma idan kin haifun ai sai ki je ba wani abu bane ba"

Dije ta fara kumbura fuska tare da rufe ido ta ce ",to Ni ina na isa yin cikin ma?"

Ba shiri ya fashe da dariya tare da dawowa inda take tsaye ya rungumota yana kallonta ya ce

"Baki isa ba ko?"

Ta ɗaga masa kai tana rufe ido, ya sake yin wani murmushi ya ce "Ok tom ya yi mu je in aunaki in gani in har da gsk baki isan ba"

Dije ta zare jikinta ta ce "A kaini Asibiti dai likita ya aunoni ai shi zai gano ban isa ba"

Ya ƙara janyota jikinshi ya sakar mata wani kiss a wuya ta zabura tare da kai masa wata kalar harara, ya yi dariya sannan ya ɗago fuskarta ido cikin ido ya ce

"A ganinki akwai wani likitanki bayan Ni Malaminki? To buɗe kunnuwanki ki ji, kinga waɗannan abubuwan sun ƙara cikowa"

Ya ƙare maganar tare da damƙo dukiyar fulaninta ta yi saurin lumshe ido, ya bita da kallo cike zallar ƙaunarta da sha'awarta da kullum take ɗibarsa, ya sake matso hips ɗinta ya ce

"Shi ma wannan ya ƙara buɗewa alamu sun nuna ni ɗin ba ƙaramin jarumi bane, don haka daga yanzu ki ɗauki kanki dai dai da matsayin mace mai ciki, saboda haka ba inda zaki je amman in har su ɗin kike son gani zasu zo har gidan nan ki gansu insha ALLAHu"

Dije ta yi saurin buɗe idonta tare da yin wani tsalle ta maƙalƙaleshi cike da tsantsar farin ciki ta ce

"Wayyo Habibyna shiyasa nike bala'in sonka"

Baki sake ya ce

"To bi a hankali kafin ki sanar da ni irin bala'in sona da kike yi don bazan lamunci a yi man asara ba"

Dije ta rufe idonta tace

"Wai da gaske cikin ne da Ni?"

Yana dariya ya ce "idan kina tantama ki bani nan da sati biyu zaki gasgatani"

Ta yi saurin barin wurin ta shige ɗakinta tana dariya wai ita kunya, ya bita da kallon ƙauna sannan ya shafo kanshi ya shige nashi shima saboda magriba ta kawo jiki kuma yana so ya sami jam'in SALLAH a Masallacin da ke manne da gidanshi, wanda bai wuce sati ɗaya da buɗashi ana sallah a ciki ba.

Tsuntsayen soyayya ayi a hankali kar ƙone wajen cinta da zafinta😝

Wednesday, June 9, 2021

DIJE KARANGIYA Page 61 to 70

Share this

DIJE KARANGIYA Page 51 to 60

Share this

Popular Posts

Categories

Social Plugin

Domin Samun Littattafan Hausa

Search This Blog

Blog Archive

Social Plugin

Report Abuse

Contributors

Total Pageviews