Da misalin karfe biyar ya iso, har cikin gida ya shigo don tafiya da ni, cike da shagwaba nake masa magana haba dattijona ya xaka xo da wuri haka bamu gama hira da innah ba fa, murmushi yayi kiyi hakuri nima ina da bukatar hirar da ke gobe sai na sake dawo da ke, da sauri na dube shi ka tabbatar xaka dawo da ni?gyada min kai yayi alamar eh,yau ma da kuka muka rabu da innah, tunda muka shiga cikin mota ban sake yin magana ba saboda ina cike da kewar ganin innata, ban so na tafi na barta ba.
muna isa gida muka yi parking, cike da kasala na fito a hankali nake jan kafata, shi kuwa dattijo rike yake da hannuna har muka isa bangarena,sai dai wani abin mamaki da muka gani Hajiya maryam ce xaune a bakin kofa ta saka kujera tana girgixa kafa, wani kallon raini take watsa mana.
fuskar dattijona a daure ya karasa wajenta yana mata magana, lafiya na ganki a bangaren da ba naki ba?cike da rashin mutunci ta amsa masa da lafiyar ce ta kawo haka naxo kwatar yancina ne, ina so na ganewa idanuna dukkan abinda kake aikatawa na rashin adalci kai da wannan jakar kuma mahaukaciyar matar taka, ni kuwa kallonta nayi kawai nayi murmushi saboda bana so na tanka mata na batawa mijina rai, na lura da kyau bata gajiya da masifa, nuna ta yayi da hannu na gaji da wannan wulkancin da kike min, ki matsa min mu wuce ko nayi jifa da ke gefe guda.
mikewa tayi tana masa kallon raini kayi jifa da ni idan kaga hakan mai yiwuwa ne, wlh yau da sai an yi tashin hankali a gidan nan, sai farin ciki ya gagare ka, masifa yanxu muka fara yi a gidan nan har sai mai bakar kafar nan ta fita ta bar min gidana.
da karfi yaja hannunta yayi gefe da ita sannan yaxo ya bude min kofa, shigewa ciki nayi na kyale su suna bugawa, ina mamakin irin kiyayyar da matar nan take min na rasa me nayi mata a rayuwa,sai da ya gama ci mata mutunci sannan ya shigo, tarar da ni yayi har na kishingida ina hutawa, cikin kulawa ya karaso ya dora kansa bisa kirjina, cike da rarrashi ya fara min magana.
Niimatullah kina burge ni ta yadda bakya kula matar nan ku yi abin tsiya na gode da yadda a kullum kike kokarin faranta min raina, ki cigaba da hakuri abisa dukkan cutarwar da xata yi miki Allah yana tare da ke kuma kece da riba a nan gaba.
murmushi nayi insha Allah xan yi dukkan abinda kace dattijona, hira muka cigaba da yi har xuwa lokacin sallah, sannan yayi mana jam'i, bayan mun idar da sallah ya dube ni tare da kanne min ido, ni fa yau ban gaji ba ina so ki bani kulawa don yau nake son baki ajiyar dana, kallon shi nayi ina dan harararshi, banda ajiyoyin da ka bani a baya yau ma sai ka kara bani wata, ni Allah yau gaba daya a gajiye nake kayi hakuri, murmushi tare da jan hancina, to na fasa amaryar dattijo a huta lafiya.
cike da soyayya na shafo fuskarsa yauwa na gode dattijona
bamu dade muna hira ba muka kwanta kasancewar mun dan gaji saboda tafiyar da muka yi.
washe gari da safe da xaxxabi mai xafi da ciwon kai na tashi, don ko breakfast ban iya hada mana ba, komai dattijo ne yayi, cike da tausayawa ya matso kusa da ni ya rungume ni yana tambayata abinda ke damuna, da kyar na iya bude idanu na kalle shi, tare da cewa kaina ne ke ciwo, cikin rarrashi ya dafa kan nawa yayi min addu'a, tashi yayi ya nufi parlour don dakko magani ya bani,kafin ya dawo har amai ya taso min na shiga bandaki ina ta kwarara amai, a firgice ya shigo yana min sannu sannan ya kama hannuna muka koma daki.
kwantar da ni yayi a kan gado ya cigaba da shafa bayana, cikin kulawa yake min magana sannu amaryar dattijo Allah ya baki lafiya, muryata a kasa na amsa masa da Ameen, shafa fuskata yayi tare da cewa anjima sai mu je asibiti ko, makale kafada nayi ni Allah babu inda xan je ina nan.
murmushi yayi dadina da ke akwai taurin kai wasu lokutan, ko bakya so dole kije kiga likita don baxan yarda ki cigaba da xama da ciwo a jikin ki ba.
A ranar ma kwana muka yi yana min tausa.
Yau da kasala na tashi kuma dukkan wata gaba ta jikina ciwo take, narkewa nayi a jikin dattijona yana min tausa, wani abin mamaki kuma duk yawan ciwon nan da nake ji hakan bai hana ni cin abinci ba sai ma karuwa da kwadayina yayi, cikin marairacewa na dube shi, Dan Allah dattijona ka taimaka ka kira innah akwai maganar da xan fada mata, bai yi min musu ba ya dauki waya ya kirata, kuka na fara yi mata.
dan Allah innata kixo kiga halin da nake ciki tun shekaran jiya ba nida lafiya, lallabani ta shiga yi, kiyi hakuri Niimatullah anjima idan malam ya dawo xan tambaye shi idan ya bari naxo xaki ganni.
cike da shagwaba nace Allah innata kixo idan na mutu kuma shikenan ba ruwana, tana jin na ambaci mutuwa tace gata nan xuwa, kashe wayar nayi na kwantar da kaina a kan kirjin dattijona, cikin kuka nace sai ya tashi ya cigaba da yi min tausa, tunda na fara rashin lafiya kullum a cikin wannan aikin yake don baya hutawa ko daidai da minti daya.
Bamu dade da yin waya da innah ba ta iso gidana, tarar da shi tayi yana ta min tausa cike da mamaki ta karaso yanxu Alhaji da kan ka kake wannan aikin gaskiya niimatullah kina bawa wannan bawan Allah aiki, murmushi yayi ai dole a kula da ita tunda ba tada lafiya.
waje innah ta samu ta xauna, ina ganinta na kara marairacewa ina kuka, tashi tayi ta matso kusa da ni tana rarrashina, kiyi hakuri Niimatullah kin kusa samun lafiya kin ji, kuka na cigaba da yi innah kullum ji nake ciwon nan yana kara yin gaba,har yanxu bana samun sauki, ko da yaushe a cikin ciwon jiki nake shi ma dattijo har tausayi yake bani saboda kullum a cikin aikin yi min tausa yake. cike da kulawa ta dube ni
wai menene ma abinda yake damun ki haka? cikin kuka na amsa mata ciwon ciki da baya da xaxxabi sannan ga kasala kuma ina yawan jin yunwa sannan ina jin abu na min yawo a cikina kamar macijin ciki.
murmushi innah tayi kwarai kuwa babban macijin ciki ne da ke Niimatullah, xaro idanu nayi wane iri ne babban innah, ni dai Allah ku kai ni asibiti a raba ni da shi, dafa kafadata tayi ki kwantar da hankalin ki babban abin alkhairi ne ya same mu Allah ya axurta ki da juna biyu, rufe fuskata nayi saboda kunya shi kuwa dattijo sai murna yake.
Alhamdulillah Allah ya cika min burina ya bani abinda na dade ina nema, ashe ajiyata na da rabon xama a jikin ki Niimatullah Allah ya inganta ya sauke ki lafiya, ko kunyar innah bai ji ba ya matso kusa dani ya fara shafa cikin yana yi masa addu'a.
cike da soyayya ya dube ni, gobe xamu je asibiti don a kara tabbatar mana da lafiyar dan cikin mu.
A ranar naga tarairaiya kala-kala ko tsinke baya bari ya taba ni saboda soyayya.
*follow me on wattpad @jeeddahtulkhaeer Tijj*
*jeeddahtulkhairπ*πππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
*wannan shafin gaba daya sadaukarwa ne ga takwarata Khairaty marubuciyar π»πΈ YA SHEIKH πΈπ»ana mugun tare*
37
jikin innah na koma na narke ina mata shagwaba, cikin marairacewa nace innah ni fa har yanxu ina dan jin motsin nan dan Allah ki bani magani na daina ji, cike da mamaki ta dago ta dube ni, kai Niimatullahi kiji tsoron Allah cikin da bai wuce sati biyu ba har kin fara jin motsinsa bana son raki fa, tun yanxu kin fara wannan tabarar ina kuma ga cikin ya girma,wannan ranar haihuwar ki da kallo sai an taro jama'a sun daddanne mana ke, murmushi dattijona yayi tare da cewa to ai don farin shiga ce shi yasa take jin haka innah, kuma kinga tana da kananan shekaru.
kallona tayi ta tabe baki, wallahi har da raki Alhaji amma ai cikin nan bai ci ya fara motsi ba kawai dai shirmenta ne, kaima kuma kana taya ta shi yasa take jin dadi, murmushi yayi kawai fita yayi ya barmu tare da innah ina ta mata shagwaba, bai dawo ba sai da wajen misalin karfe biyu na rana, da sallama ya shigo dakin mu ya ajiye mana ledodi kayan kwadayi ya siyo min da yawa, a gaban innah ya ajiye ledar kayan,cike da fara'a ta dube shi lallai Alhaji kai kake shagwaba Niimatullah shi yasa ma take yin wata tabarar, hannu nasa na dauki ice cream na fara sha, bayan na gama ya sake dawowa cike da girmamawa ya dubi innah, yanxu xamu tafi asibiti innah don a tabbatar da lafiyarta da ta abinda ke cikinta, tashi nayi na dakko mayafina muka nufi asibiti, ba tare da bata lokaci ba aka fara duba ni aka tabbatar da ina dauke da ciki na sati biyu, nan ma dai murna dattijo ya rika kamar xai hadiye ni saboda soyayya.
Gidan innah muka fara xuwa muka ajiyeta sannan muka wuce gidan mu, kallo daya xaka yiwa dattijo ka gane yana cikin farin ciki, bakinsa yaki rufuwa sai dariya yake yi, duk bayan minti biyu sai ya shafa cikina yayi godiya ga Allah.
muna isa gida ya dauke ni cak ya shigar da ni daki, saboda yace babu abinda xan rika yi da kaina indai yana raye a doran kasa, a kan gado ya dire ni yana bina da wani kallon soyayya, cikin jin kunya na sunkuyar da kaina ina masa magana, dama haka ciki yake da wahala dattijona, shi yasa tun farko nace kada ka taba ni gashi nan ka janyo min aiki, jawo ni yayi ya manna da kirjinsa cikin salon soyayya yake min magana, wannan ita ce albarkar auren Niimatullah ke kan ki idan kika xauna babu haihuwa baxa ki ji dadi ba, abin duniya damunki xai yi amma idan da dan babynki ko kallon shi kika yi sai kin ji sanyi a ranki, kuma na kara sonki saboda ajiyata ta kasance jikin ki,fatana dai ki kula min da kanki duk wani abu da xai cutar da ke kada ki rika yi, kuma daga yau na hana ki yin duk wasu aikace-aikacen gida xan samo miki mai aiki ta rika taya ki.
da sauri na dakatar da shi, a'a ka bar shi dattijona nayi komai da kaina, naji mutane na cewa masu aikin nan suna da matsala wasu munafunci wasu sata, kuma kaga bani kadai ce a gidan ba kada ta rika hada ni rigima da maman munir, ka bari nayi komai da kaina ko kuma ka rika taya ni abinda xaka iya, sauke ajiyar xuciya yayi gaskiya kin yi tunani mai kyau Niimatullah kinga ni da duk ban yi wannan tunanin ba, na hakura baxan dakkota ba.
Daukar waya yayi ya kira abokansa yana ta fada musu na samu ciki, ni abin ma har kunya yake bani sai kace a kaina ya fara samun haihuwa, dukan su sun taya shi murna tare da yi masa fatan alkhairi, yau ma a kan kirjinsa nayi bacci yana shafa dan cikinsa, washe gari shi yayi min wanka ya kintsa min gida ya hada min breakfast, xaunar da ni yayi a cinyarsa yana kallona, cike da ladabi na gaida shi, cikin kulawa ya amsa min da lafiya lau amaryar dattijo ya kwanan babyna?
sunkuyar da kai nayi saboda yanxu wani girmansa nake gani da kuma jin kunyarsa, kara kunnensa yayi a dai-dai cikina yana magana, ina kwana my baby da fatan ka tashi lafiya, kana dai cin abinci ko ya rigima?murmushi nayi Allah baka rabo da abin dariya dattijona dubi fa sai kace da mutum kake magana, dagowa yayi yana kallona to da wa nake magana idan ba mutum ba? kuma ya fada min cewa bakya cin abinci don haka duk abincin da na xubo miki yanxu sai kin cinye, don ina son naga babyna ya fito duniya da kuxari.
Bata fuska nayi xan yi kuka, Allah naci da yawa dattijona idan ka takura min na kara xan iya yin amai, kayi hakuri ka bari naci anjima.
daukan kwanon yayi ya mayar kitchen sannan ya dawo yasa cikina a gaba yana kallo yana murmushi, ji muka yi an danno kai cikin dakinmu gaba daya muka mayar da hankali don ganin abinda ke faruwa, ko ban fada muku ba nasan kun gane wacce ta shigo.
tsaye take a kan mu tana wani xare-xaren idanu, jikina gaba daya yayi sanyi saboda masifarta ta fara daga min hankalina, ita mace ce da bata gudun tashin hankali kuma bata gajiya da masifa, cikin tsawa dattijo ya fara yi mata magana, me kuma kika xo kiyi?me yasa ke bakya jin magana ne bakya gudun abinda xai kawo mana bacin rai, tun wuri ki fice kafin naci mutuncin ki.
Turo dankwalinta tayi ta gyara tsayuwa, bana gudun tashin hankali kuma indai a kan rashin adalcinka ne baxan taba gudun shi ba, yanxun nan nake samun labarin cewa wannan jahilar amaryar taka ta samu ciki shi ne don cin amana baka fada min ba a tunaninka kuma baxan samu labari ba, to wallahi baxa ta sabu ba sai an xubar da shi don baxai yiwu a haifawa yayana dan uba ba, idan kuma baka xubar ba ni xan xubar da kaina, shi yasa ashe kaxo ka nace mata saboda ka dura mata ciki ko?to tayi ciki hankalinka ya kwanta amma ka sani kamar an xubar da shi ne.
cikin tashin hankali ya dube ta maryam ba ki da hankali ne kike furta wadannan maganganun, ina tunaninki yake tafiya yaushe xaki san ciwon kan ki, ki fita daga wadannan abubuwan da basu shafe ki ba, wallahi xamu sa kafar wando daya da ke a gidan nan idan kika ce da wannan cikin xaki rika kishi, don xai iya sanadin mutuwar auren ki.
Harar shi tayi, tunda an yi maka asiri komai ma xaka iya fada, wallahi indai kana son xaman lafiya a xubar da shi idan ba haka ba kuma ka siya tashin hankali da kudinka, tana gama fada ta fice ta barshi tsaye yana naxarin maganganunta, ni kuwa ina kwance duk maganganun da take yi a kunnena amma na yi kamar ban ji ba saboda bana son na saka damuwarta a raina ya haifar min da wata matsalar.
A sanyaye ya dawo ya xauna ya kifa kansa a hannun kujera, cikin sassanyar murya na kira sunansa, dattijona! a hankali ya dago idanunsa wadanda suka yi ja saboda takaici, cikin tausasa harshe na fara yi masa magana.
Kayi hakuri mijina kada wadannan maganganun da tayi su sa gwiwarka tayi sanyi ko kuma su bata maka rai, indai wannan cikin rabon mu ne babu abinda ta isa ta hana sai abinda Allah ya kaddara mana, don haka ka manta da ita ka dawo cikin farin cikin ka.
Girgixa kai yayi haka ne Niimatullah, amma ina ji a raina kawai xan rabu da maryam saboda tunda na aureta ban taba samun farin ciki ba kullum kokari take taga na fada cikin matsala, don haka xan sauwake mata kawai yana gama fada ya mike.
Da sauri naja rigarsa idanuna cike da hawaye na dube shi, dan Allah kayi hakuri kada ka sake ta saboda ni, kayi mata afuwa ko don dadewar da ku ka yi tare da yayan da ta haifa maka, wallahi ina da tabbacin idan ka saketa abinda xai faru sai ya fi wannan kuma duniya xata xage ni tace ni nayi wani abin da har ka saketa,kayi hakuri ka rufa min asiri ka barta ta cigaba da xama da yayanata.
A sanyaye ya dawo ya xauna tare da kwantar da kaina a cinyarsa, na kyaleta albarkacin ki Niimatullah amma wallahi matukar ta yiwa cikin nan wani abu sai ta gane kuskurenta, tunda naga alamar bata son xaman lafiya.
mantar da shi tunaninta nayi, saboda bana son damuwarta ta hana shi walwala a mintuna kadan ya manta da ita muka cigaba da soyayyar mu.
*follow me on wattpad @jeeddahtulkheer*
*jeeddahtulkhairπ*πππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
*dedicated to Aysha Abdullahi yola (Aunty Admin mai kan doyaπ)*
38
Tausa ya cigaba da yi min yana tambayata irin shirye-shiryen da ya kamata mu fara yi don tarbar babyn da xai xo, biro da takarda ya dakko ya fara rubuta dukkan abinda ya kamata ya siya, don gudun kada a manta da wasu abubuwan, dora hannuna nayi a wuyan shi ina yi masa godiya, dattijona ba karamin namijin kokari kake yi a kaina da babyn nan ba Allah ya taimake ka ya saka maka da alkhairi ni kuma Allah ya bani ikon yi maka biyayya. fuskarsa a sake ya amsa da ameen, har na kosa ranar taxo ki ga yadda xan baki kulawa da jaririn mu, nasan innah ma nan xata dawo ta cigaba da kulawa da ke, dagowa nayi ina murmushi Allah Baba baxai taba bari ta dawo ba sai dai ni a mayar da ni gidan na xauna idan nayi arba'in na dawo dama abinda ake yi kenan.
murmushi yayi tare da hararata ba inda xaki je kina cikin gidan nan, saboda ina son na rika lekowa ina ganin ki, amma idan kika koma gidan innah ai akwai matsala xan iya dawowa gidan da kwana gaba daya, da sauri na dago ina kallon shi, haba dai ai sai a yi da mu a ce ka xama mara kunya, lumshe idanu yayi, to menene don an yi da mu ai matata ce babu abinda maganar mutane xata yi min indai a kanki ne, shiru nayi na kyale shi saboda naga da gaske yake tsaf xai iya bina.
wayar da ke hannun shi ce tayi ringing, yana dubawa yaga number abokinsa ce, fuskarsa a sake ya dauki wayar tare da yin sallama, bayan sun gaisa yake shaida masa cewa yanxu xai xo wajensa, cike da farin ciki ya ajiye wayar ya juyo gare ni, kinga yanxu ma abokina xai xo ya ganki saboda ya san yadda nake ji da cikin nan.
rufe fuskata nayi saboda kunya, Allah ka iya tabara dattijona sai kace yau aka fara samun ciki a gidanka, jawo ni yayi jikinsa yana kallon fuskata kamar yau aka fara samu mana,tunda yau shekarata kusan ashirin da biyar rabon da a haihu a gidana, ni har na fidda rai ma xa a kara samun baby a gidan nan shi yasa kika ga ina rawar kafa, ko bakya so na rika yi?kaina a kasa na amsa da ina so mana dattijona.
Dada manna ni da jikinsa yayi yana murmushi yauwa amaryar dattijo ai nasan kina son kulawar mijinki, sake kiran wayar aka yi don haka yasa hannu ya dauka, sanar masa yayi cewa ya iso, don haka na tashi na shiga daki na sako hijab sannan na dawo na xauna, shigo da shi yayi parlour ya xauna, cike da ladabi na gaida shi, tunda ya shigo yake bin dattijo da kallo yana girgixa kai saboda yaga komai shi ya dakko ya kawo masa ni kuma ina xaune, yana dawowa ya xauna ya mika masa hannu suka gaisa sannan suka dan taba hira.
gyaran murya yayi tare da hade fuska sannan ya fara magana, wato naxo ne nayi maka magana a kan abubuwan da suke faruwa a gidan nan, da sauri dattijo ya dube shi wane abubuwa ne kuma suke faruwa?
murmushi mutumin yayi tare da cewa kwantar da hankalinka mana Alhaji menene na firgita haka, abin fa ba fada bane gyara naxo yi, kuma da naxo nima na tabbatar da abinda aka fada min.
Bata fuska dattijona yayi, okay ina sauraren ka, dafa kafadarsa yayi kayi hakuri Alhaji naga kamar ranka ya baci ka tsaya ka saurare ni, dan sakin fuskarsa kadan yayi tare da cewa, a'a ba komai kada ka damu cigaba da maganarka ina jinka.
gyara xama yayi, daxu ne Hajiya maryam matarka ta kira ni ta fada min matsalolin da take fuskanta tun lokacin da ka yi mata amarya, tace gaba daya ka kasa tsayar da adalci a tsakanin su, baka kulata baka kwana a dakinta duk wasu hakkonkinta kasa kafa ka shure, shi yasa naxo don nayi maka magana, kuma nima da naxo naga hakan domin komai kai kake yi ita kuma yarinyar nan na xaune tana xaro idanu, da sauri dattijo ya dakatar da shi.
Alhaji Hamxa sulhu ka xo yi ko sa min idanu a harkar gidana?naga ka fita daga maudu'in da muke tattaunawa, murmushi yayi tare da dafa kafadar dattijo, kayi hakuri kasan ita gaskiya daci ne da ita.
ni kuwa ina gefe na kifa kaina a kujera, xuciyata sai tafasa take yi wato yanxu har sharrinta ya kai ta rika yawo da ni a gari tana cewa na hana a yi mata adalci, wasu xafafan hawaye ne suka rika xubo min a idona.
magana dattijo ya fara yi duk abubuwan da ta fada maka xan iya cewa karya ne, domin ina kokarin bata hakkinta, ba nida burin danne wani hakki nata, sai dai a kullum naje wajenta da xagi da cin mutunci take rako ni, wannan dalilin yasa nayi xuciya na kyaleta saboda baxan rika bin ta ba kamar uwata, ko auren nan da kaga nayi ita ce sila da tana kulawa da ni babu abinda xai sa na kara aure.
Girgixa kai Alhaji Hamxa yayi gaskiya idan haka ne maryam bata kyauta ba,amma ni bata fada min abinda take yi kenan ba, shi yasa naxo da xafina ina maka fada, don haka yanxu kirata taxo nan a ji ta bakinta.
Dakatar da shi dattijo yayi a'a kyaleta bana so taxo nan saboda ba bangarenta bane, na hanata xuwa ne saboda kullum taxo sai tayi tashin hankali kuma ta nemi ta daki yarinyar mutane, taso mu je a yi maganar a wajenta, tashi suka yi suka fita.
Da sallama suka shiga wajenta, ta xaci dattijo ne shi kadai don haka ta watsa masa wata harara tare da juyar da kanta gefe guda, sai da taji maganar Alhaji Hamxa sannan ta dago tana borin kunya ta gaida su, murmushi dattijo yayi kaga irin abinda nake fada maka ka fara gani da idonka ko, dukkan abinda ke faruwa ita ta jawowa kanta babu wanda ya jawo mata.
cikin tsawa ta fara yi masa, kaga malam kada ka fara xuwa ka tayar min da hankali ina xaune lafiya, ka koma wajen amaryarka da ta shanye ka ta gama da kai,kayi mata amma ni baka isa kaxo kace xaka taka ni har cikin dakina ba, Alhaji wannan abokin naka ba adali bane kuma baya tsayar da adalci a gidansa, yanxu ma don ya ganka ne ya shigo wajena, saboda kada ka dora masa laifi, amma da baka xo ba sai nayi sati banga kyallinsa ba.
murmushi dattijo yayi kaga irin rashin da'ar tata da nake fada maka ko?
Girgixa kai Alhaji Hamxa yayi kwarai kuwa nima na tabbatar da hakan yanxu, cikin tausasa murya ya fara yi mata magana.
gaskiya Hajiya idan haka kike gudanar da rayuwar auren ki, sam bakya kyautawa kuma bakya kyautawa mijinki ke da xaki rika yiwa wasu fada a kan irin wannan amma a ce da kanki kike aikatawa wannan wace irin rayuwa ce, kamata yayi ki bawa mijinki hadin kai wajen tsayar da adalci a tsakanin ku, amma kya xauna Kullum ku rika rigima, baxa ku xauna ku fuskanci juna ba.
yatsina fuska tayi, wallahi wannan ba wani fahimtar juna da xa mu yi da shi, duk iya biyayyar da nake yi masa amma a ce ya rasa da sakamakon da xai saka min da shi sai na kishiya,ai bai min adalci ba.
Dakatar da ita Alhaji Hamxa yayi, kishiyar nan fa yar uwa ce a gare ki bai kamata ki riketa abokiyar gaba ba, ga shi da dukkan alamu yarinyar tana da saukin kai kuma ba tada hayaniya da kin kwantar da hankalin ki xaman lafiya xa ku yi, amma gaba daya kin tada hankali kin hana kan ki sukuni a kan yarinyar da kin haifeta.
kallon dattijo tayi tana hararar shi tare da mikewa tsaye, indai don na sassautawa yarinyar nan ne mu xauna lafiya wallahi baxai taba yiwuwa ba, kuna ma batawa kan ku lokaci ne, tafiya tayi ta bar su xaune.
cike da mamaki Alhaji Hamxa ya dubi dattijo, gaskiya kana namijin kokarin xama da ita, don da ni ne tuni na sallameta baxan iya xama da matar da bata ganin mutuncina ba, ita ko koyi da kawayenta bata yi nasan dai ba haka suke xaune da maxajensu ba, gashi wani abin ban haushi bata jin nasiha, lumshe ido dattijo yayi kaga dai abinda kake xargi ko? to don haka duk abinda ke faruwa ita ta jawowa kanta.
tashi suka yi suka bar dakin har bakin mota ya raka shi sannan suka yi sallama.
*follow me on wattpad @jeeddahtulkhaeer Tijj*
*jeeddahtulkhairπ*πππππ
*MATAR DATTIJO*
πππππ
*jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
*dedicated to Zee fulani*
*Bansan da irin bakin da xan gode miki ba aminyata ta kaina maijidda Bello naga abin arxiki na gode Allah ya bar xumunci*
39
A hankali ya rika jan kafa har ya isa wajen Niimatullah, duk ransa a bace yake saboda wulakancin da matarsa tayi masa a gaban abokinsa, nadama ya rika yi a ransa ba yasan abinda xata y masa kenan da bai bari sun je wajenta ba.
A sanyaye ya karaso wajena cikin sassanyar murya ya kira sunana, ni kuwa banda aikin kuka babu abinda nake yi, a hankali yasa hannu ya dago kaina ganin yadda fuskata ta jike da hawaye ne yasa hankalinsa ya tashi cike da damuwa ya dube ni, niimatullah kin manta akwai jaririn cikina a jikin ki kike kuka, baki san kuka yana illata mai ciki ba hannu yasa ya fara share min hawayen tare da yi min magana.
Kiyi hakuri amaryar dattijo Alhaji Hamza bai fahimci halin ki ba ne shi yasa ya fadi wannan maganar a kan ki, amma ko yanxu sai da ya Kara yabon ki ya kuma tabbatar min da cewa nafi kowane namiji sa'ar abokiyar rayuwa saboda yadda kike kula da ni kuma kike gudun bacin raina, kiyi hakuri ki daina kuka wallahi ina matukar kaunar ki.
Hawaye ya shiga share min, sai da ya tabbatar da hankalina ya kwanta sannan ya kyale ni, a ranar cikin farin ciki muka kasance.
Washe gari da sassafe dattijona ya fita Office, kasancewar yana da aiki da yawa a office, bayan na gyara gida na fito parlour na kunna TV ina sauraren wa'azi a tashar sunnah TV, turo kofar dakina aka yi da sallama aka shigo nayi mamakin jin sallamar saboda ban taba xaton wadda ta shigo xa tayi min sallama ba, cike da mamaki na dubeta tare da saurin mikewa tsaye don ban san da abinda taxo min ba.
cikin sakin fuska ta karaso gare ni tare da neman waje ta xauna, ganin yadda ta saki ranta ne yasa na gaida ita cikin sakin fuska ta amsa min, komawa nayi na tsaya saboda xuciyata bata amince na koma na xauna ba saboda ina tsoron kada ta turmushe ni tunda ta nuna a xahiri bata kaunar cikin da ke jikina.
ajiyar xucuya tayi tare da kiran sunana niimatullah,a hankali na dago na kalleta kirjina sai dukan uku-uku yake yi saboda tunda naxo gidan nan bata taba yi min kallon rahama ba ballantana har ta ambaci sunana.
Tsayar da idona nayi a kanta ina jiran jin abinda zai fito daga bakinta, cike da kulawa ta fara magana, hmm nasan xa kiyi mamakin ganina a wajen ki a kuma irin wannan lokacin, kaina a kasa na amsa mata da ina jin ki.
Murmushi tayi tare da cewa ya naga kamar bakya cikin nutsuwar ki ni fa naxo ne mu yi sulhu, mu ajiye dukkan makaman yakin da muka dauka, nasan nayi kuskure a kan abubuwan da na rika yi miki dan Allah kiyi hakuri mu tsaya mu nutsu mu kwantarwa da mijin mu hankalinsa.
wani sanyi naji ya ratsa xuciyata saboda ni bana son tashin hankali ina son naga muna xaune lafiya ko don mu farantawa dattijo, cike da sakin fuska na fara yi mata magana, ba komai aunty Allah ya yafe mana gaba daya dama ni bana jin dadin irin abinda muke yi insha Allah xaki same ni mai yi miki biyayya.
Cike da kulawa ta dube ni yauwa kanwata na gode dama dadyn Munir ya dade da fada min cewa kina da saukin kai ashe kuwa abinda ya fada haka ne, murmushi nayi kawai ba tare da na bata amsa ba.
Wani abin mamaki na gani tare da ita duk motsin da nayi idanunta a kan cikina har sai da na tsargu saboda kallon da take bina da shi ya shallake tunani, daki na shiga na sanyo hijabi sannan na dawo, a xuciyata na kosa ta wuce ta tafi tunda mun fahimci juna amma ta xauna tana bina da mayataccen kallo.
cikin kasalalliyar murya ta sake kiran sunana wanda har sai da naji gabana ya fadi, ba tare da na amsa ba na dago na kalleta, murmushi tayi bakya son na rika ganin cikin jaririn da xaki haifa mana ne shi ne kika sako hijabi ko, rufe fuskata nayi a'a ba haka bane aunty, rausayar da kai tayi haka ne mana kanwata, Allah dai ya kawo mana babyn nan lafiya ya sha lele. Murmushi muka yi gaba daya.
Mikewa tsaye tayi tana gyara mayafinta bari na tashi na koma wajena, akwai yan aikace-aikacen da ban karasa ba, tashi nayi na bi bayanta don yi mata rakiya sai da muka kai bakin kofa ta juyo ta dube ni.
Naji dadin yadda kika karbe ni hannu biyu ban taba xaton zan samu hakan daga wajen ki ba ganin yadda muka samu sabani da ke a baya na gode sosai, wani abu ta miko min aleda karbi wannan amaryar mu, hannu biyu nasa na karba.
kallona ta cigaba da yi, nasan baki san abinda na baki ba ko? Girgixa kaina nayi alamar eh, dafa kafadata tayi tana min magana, saboda karbar da kika min hannu biyu yasa na baki wannan tukwicin, ki duba ki gani gumbar mata ce tana kara niima sosai yadda angon nan naki yake xumudi a kan ki idan kika sha har kyautar mota xai baki, wata mata ce take kawo mana tallanta office, ina siya sosai kuma naji dadinta, shi yasa kema na siyo miki, kada kiyi wasa kisha yana da kyau.
Karba nayi tare da yin godiya sannan muka yi sallama.
*follow me on wattpad @jeeddahtulkheer Tijj*
*jeeddahtulkhairπππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
*Duk masoyin wannan littafi na Matar dattijo ya taimaka ya saka dan uwana a cikin addu'a Allah yaji kansa ya gafarta masa,Allah yasa aljannah ta xama makoma a gare shiπ*
40
Jujjuya kayan na shiga yi xuciyata cike da mamakin wannan kyautar da ta yi min, tambayar kaina na shiga yi ya aka yi tasan ina bukatar wannan abin da har xata kawo min tace nasha ko dai dattijo ne ya fada mata baya jin dadin tarayya da ni shi yasa ta kawo min? Irin tambayoyin da na rika yiwa kaina kenan,xuciyata bata amince na sha abin ba saboda ni ban gama amincewa da ita ba,sannan ni gaba daya shaye-shayen maganin mata baya burge ni, wurgi nayi da shi gefe daya na koma kan kujera na cigaba da kallona.
A bangaren Hajiya maryam kuwa, samun kanta tayi cikin farin ciki saboda ta fara samun hadin kan Niimatullah domin ta fara amincewa da ita, don ta haka ne xata samu ta cika burinta, waya ta dauka ta kira kawarta ta shaida mata yadda suka yi da Niimatullah nan ma dai wata shawarar ta sake bata a kan kulle-kullen da xa a yi a barar da cikin Niimatullah.
Da misalin karfe hudu na tashi nayi sallar la'asar bayan na idar nayi addua na roki Allah a kan ya kare ni daga dukkan sharrin da xata kullo min, kai tsaye kitchen na shiga na fara kokarin dora girki sallama naji don haka da sauri na fita don ganin mai sallamar, maman munir dai na sake gani cikin sakin fuska ta fara tambayata.
Da fatan dai Kin sha abin nan Niimatullah, yanzu muka yi waya da kawata ta kara jaddada min bayani a kan ingancin maganin shi yasa na sake dawowa nayi miki tuni, murmushi nayi tare da bata amsa nasha tun daxu Aunty yanzu haka na fara jin canji a jikina alamun maganin mai kyau ne.
Rausayar da kai tayi tana murmushi,baxa ki gane kyansa ba ma sai dare yayi,rufe fuska nayi kamar ina jin kunya bata san gwalo nake mata ba a xuciyata nace ta Allah ba taki ba.
Har xata tashi ta tafi ta dube ni au na manta ban fada miki ba,ko da kin ji cikinki da mararki na ciwo kada ki damu kice xaki sha wani abu ki bari xaki dawo normal saboda dama haka dabi'ar maganin take.
Girgixa kaina nayi tare da cewa na gane, ina godiya da abin arxiki Allah ya bar xumunci, lumshe ido tayi ba komai ai mun xama daya kanwata
Kitchen na koma na cigaba da aikina bayan na gama na yi wanka don tarbar dattijona, tun daga nesa naji yana ta kwala min kira da hanxari na fita ina ganinsa ya sakar min wani kayataccen murmushi tare da bude min hannayensa na fada jikinsa na rungume shi, daukana yayi cak ya kaini daki cike da shagwaba nake masa magana
Ka tafi office ka kyale ni ina ta missing dinka babynmu sai kuka yake bai ganka ba,murmushi yayi tare da bude cikin yana shafa shi hakuri ya rika bawa babyn kamar yana ganinsa sannan ya dawo gare ni ya sumbaci goshina cikin salon soyayya yake min magana.
Yau kawai xaman hakuri nayi da ban dawo gida na ganki ba niimatuna,ina fatan dai kin kula min da kanki kwantar da kaina nayi a jikinsa na gyada kaina alamar eh.
Cikin shagwaba na dube shi, babyna bari na tashi na kawo maka abinci, kallona yayi ya dan bata rai yanzu duk maganar da nayi miki a kan kada kiyi girki sai da kika yi, ni nayi fushi ma na daina kula ki.
Juyar da kansa gefe yayi yana kumbure-kumbure, cikin salon jan hankali na kewaya na fara bashi hakuri, a cikin kankanin lokaci na shawo kansa ya hakura.
Mayar da kaina jikinsa nayi ina masa kallon nayi kewarsa, cike da soyayya na dube shi wallahi kullum kara kyau kake yi dattijona komawa kake yi kamar saurayi dan shekara ashirin da biyar musamman idan kayi kwalliya.
Murmushi ya hau yi da dukkan alamu yaji dadin maganar da na fada masa, shafa fuskata yayi lallai Niimatullah yau xuga ni kawai kike yi, murmushi nayi Allah gaskiya na fada dattijona kana Kara kyau musamman ma idan kana bacci, murmushi yayi na gode niimata Allah ya bar mu tare amsawa nayi da ameen, sake mayar da kallona nayi gare shi.
Yauwa na tuno wani albishir da nake son yi maka, gyara xama yayi tare da cewa wane albishir ne amaryar dattijo, murmushi nayi kafin na fada maka sai ka bani goron albishir tukunnah, lumshe idanunsa yayi ki fada min ko nawa ne nayi alkawari xan biya.
Gyara murya nayi yau uwar gidanka taxo mun yi sulhu ta nemi na yafe mata a kan dukkan abinda tayi min a baya tace kuskure ne, tsare ni yayi da ido yana saurarona maimakon naga fara'a a fuskarsa sai naga ya bata fuska, lura da yanayinsa nayi don haka na tsayar da maganar na shiga tambayarsa, ya naga ka bata rai dattijona? Dole raina ya baci haka kawai sai da taga bana nan xata xo tace ku yi sulhu me yasa tun ina nan bata xo da maganar ba ni sam ban yarda da wannan abin ba bana son na rika ganin kafarta a cikin gidan nan.
Cigaba da tambayata yayi bayan wannan abin sai kuma me ya faru? Murmushi nayi ya naga duk hankalinka ya tashi dattijona babu fa wani abu da tayi min.
bata fuska yayi na sani amma ki fada min komai rausayar da kai nayi, hira muka yi sannan ta bani wani magani tace na sha don na rikitaka yau da daddare.
A xabure ya dube ni magani kuma? maganin menene fada mata kika yi kina bukata,cikin xafin rai ya mike ina maganin da ta baki, Allah yasa dai baki sha ba, cike da xaulaya na bashi amsa da nasha.
A firgice ya kalleni kinsha fa kika ce shikenan kin kasheni Niimatullah,wannanmatar da bata kaunar mu ita ce xata baki abu ki sha Allah yasa dai ba wani sharrin ta xubo ba, wallahi dole na takawa matar nan burki a kan shigowarta wajen nan naga alama idan ban yi da gaske ba cutata xa tayi.
Sai da na bari ya gama fadan sannan na fada masa cewa ban sha ba tsokanarsa nake yi, dukan bayana yayi amma kin shigar da ni da yawa nima xan rama.
Maganin na dakko masa ya duba sannan ya ajiye a gefe, cikin nutsuwa yake min magana ko nan gaba idan ta baki abu kada ki fara ci saboda ba tada kyakkyawar niyya a kan mu.
Mikewa yayi yanzu xan je wajenta na kafa mata dokar kada na sake ganinta a wajen nan idan ba haka ba xata yi a bakin aurenta, riko kafarsa nayi ina masa magiya, kayi hakuri dattijona ka kyaleta tunda dai nasan xaman da xan yi da ita.
Baxai yiwu na kyaleta ta cuce mu ba kokarin janye kafarsa ya rika yi.
*Follow me on wattpad @Jeeddahtulkhaeer Tijj*
*jeeddahtulkhairπ*πππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
*follow me on instagram @jeeddahtijjani*
41
Da karfi na rike kafar shi ina masa magiya,dan Allah ka dawo dattijona kayi hakuri ka kyaleta kada kaje kayi masa magana har da dan guntun hawayena, xaunawa yayi yana mayar da numfashi cike da nutsuwa ya dube ni, ina ji a raina baxan samu nutsuwa ba har sai na samu matar nan na ja mata kunne ta fita a harkar cikin nan tun kafin igiyar aurenta tayi rawa, cikin marairaicewa nake masa magana, kayi hakuri dattijona ka kyale ta yanzu idan kaje ka fada mata xata canja wata hanyar ne kuma ta haka ne xata samu damar cutar da mu, girgixa kai yayi haka ne Niimatullah na fahimce ki.
Tun daga wannan ranar yasa mata ido baya bari ya fita ya barni ni kadai, ita ma tunda taga haka sai ta daina shigo min gaba daya sai dai idan ya dan fita ta saci jiki ta leko mu gaisa, wannan dalilin yasa na kara gane tana da wani mugun nufin a kaina tunda gashi bata shigowa a lokacin da dattijo yake nan,sai ta tabbatar da baya nan take xuwa.
Yau da safe bayan dattijona ya fita nima na fita don yiwa mai gadi magana a kan wani sako da aka bar min, ta saman bene ta hango ni da sauri ta sakko wajena da fara'arta ta karaso inada nake cike da ladabi na gaida ita, cikin sakin fuska ta dafa kafadata, murmushi tayi sannan ta fara yi min magana kin yi amfani da abin nan kuwa Niimatullah? kaina a sunkuye na amsa mata da eh nayi Aunty yana da kyau sosai Allah ya bar xumunci.
murmushi tayi tare da cewa ba komai kanwata kin fi haka a wajena, kokarin ja na da hira tayi tana bugun cikina a kan xamana da dattijo ni kuwa kin hirar nayi na hanxarta na koma bangarena.
Rayuwa nake cikin farin ciki ni da mijina babu wata matsala da nake fuskanta daga gare shi, cikina kuma na cikin koshin lafiya don laulayin da nake yi duk na fara samun sauki, yau kusan sati uku kenan da bani wannan maganin a tunaninta xan samu wata matsala amma shiru babu labari.
Don haka ta sake dawowa, yau ranta a bace na ganta don kana kallonta xaka gane cewa bata cikin walwala, sallama tayi min cikin sakin fuska na amsa mata tare da bata wajen xama ta xauna, tabe baki tayi tare da cewa ba xama ne ya kawo ni ba,cike da mamaki na dubeta ki xauna mana Aunty ya naga duk ranki a bace ko wani abin ne ya faru?
Yatsina fuska tayi ko ban fada miki ba kin san da abinda ya faru,don haka kawai baxa ki ganni a wajenki ba,sakin baki nayi ina ganin yadda take jujjuya idanu kamar xata dake ni..
Cigaba da magana tayi, nayi asarar kudina na baki magani amma baki yi amfani da shi ba ko gani kike xan cuce ki ne?cikin marairaicewa nace ai nasan baxa ki cuce ni ba, nayi amfani da shi tun a ranar da kika bani, dakatar da ni tayi kada ki raina min hankali ki mayar da ni karamar yarinya mana, idan har kin yi amfani da shi wlh xan sani kuma yanzu ma nasan baki yi amfani da shi ba kawai kin fada ne,don haka yi sauri ki bani abuna kafin na yi miki rashin mutunci.
Tsareta nayi da ido ina kallonta jira kawai nake naga kalar rashin mutuncin da take cewa xa ta yi min. Sake daka min tsawa tayi ke nake jira ki dakko min kayana kafin na saba miki kamanni na illata ki yanxun nan.
Cike da mamaki na dubeta wai me kike fada ne haka da har kike cewa xaki illata ni,dole ne don kin bani abu sai kin san nayi amfani da shi ko ban yi ba?nace da ke ina bukatar wani abu ne da xaki kawo min ko an fada miki ni irinki ce salam ba test? Wani duka ta kawo min Allah ya bani sa'a na kauce, cikin xafin rai take min magana.
Wallahi yau babu mai raba ni da ke a gidan nan sai kin gane ba ki da wayo,ranki sai ya baci yau sai na xubar da cikin nan sai dai duk abinda xai faru ya faru, kokawa muka fara yi ta buga ni jikin bango Allah ya bani sa'a nima na turmusheta tana dukana ina ramawa, babban burinta kawai ta daki cikina Allah bai sa ta cimma burinta ba kokawa muke yi sosai ni da ita,kwantar da ni tayi tana bugun cikina, kokarin kwatar kaina na rika yi.
Ban Ankara ba naji ta saki wani ihu ashe dattijo ne ya dawo ya kai mata duka,kokarin raba mu ya rika yi amma taki sakina sai dukana take yi Shi ma dukanta ya rika yi ba sasautawa har sai da ta sake ni, cikin fushi yake mata magana dama ba ki da hankali maryam me yasa xaki xo wajen karamar yarinya ki hau kokawa da ita kuma alhalin kin san tana da karamin ciki.
Da karfi ta danki wuyan rigarb shi na gaji da bakin cikin da kake cusa min a cikin gidan nan wallahi yau ko ni ko kai a gidan nan,sai inda karfina ya kare don a yau sai na barar da cikin nan kowa yayi asarar sa, yana jin ta ambaci barar da ciki yayi wurgi da ita ya kulle kofa ya kyaleta a waje tana masifa.
Wajena ya dawo yana duba jikina sannu Niimatullahi, shi yasa tun tuni naso naje na yiwa tumfar hanci amma kika hana ni gashi nan taxo tana neman cutar mu.
Kwantar da kaina nayi a jikinsa duk jikina ciwo yake yi, rarrashina ya shiga yi yana cigaba da duba cikina, wani kara yaji na saki cikin tashin hankali ya karaso wajena yana tambayata,lafiya Niimatullah me kuma ya faru? nuna masa cikina nayi jini ya gani yana xuba daga jikina cike da tashin hankali ya fara jijjiga ni ki taimake ni Niimatullah kada cikin nan ya cube dan Allah.
Daukana yayi cikin rashin hankali ya fita da ni ya saka ni a mota.
*Follow me on wattpad @Jeeddahtulkhaeer Tijj*
*jeeddahtulkhair[11/5, 11:10 AM] It'z B Y ebrerheem: πππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
*Kamar yadda kike ta daban,sunanki na daban haka ma halin ki na daban ne, komai naki ya banbanta da nasu, kina da hakuri da kirki da son mutane Allah ya Kara miki daukaka, ya kare ki daga sharrin makiya, na sadaukar da shafin nan gaba daya gare ki AISHATUL HUMAIRA,ina yin ki irin totally din nan*
42
Gaba daya a rude yake sai gumi yake sharewa,ya kasa driving din gaba daya sai jujjuya ni yake yana hawaye, kiran abokinsa yayi yaxo ya ja motar kasancewar ba shi da nutsuwar da xai iya jan motar, rungume nake a jikinsa hawaye na sauka a kan fuskarsa, ban san halin da xan shiga ba idan na rasa cikin nan, dan Allah ki taimake ni kada ya xube Niimatullah, idona a rufe yake saboda bana fahimtar komai banda ciwo babu abinda cikina ke yi, hakuri abokinsa yake bashi yana kwantar masa da hankali.
muna isa asibitin aka fara bani taimakon gaggawa cikin rudewa dattijo ya tambayi likitan, doctor ya lafiyar cikin da fatan yana nan bai xube ba?Cike da kulawa ya bashi amsa yana nan amma daf yake da barewa, dafa kanshi yayi cike da damuwa yake magana, dan Allah duk taimakon da ya kamata a bayar a yi don kada ya xube, cikin nutsuwa ya bashi amsa insha Allah xa mu yi kokari Alhaji.
Cigaba da bani taimako aka yi har aka samo kaina na daina bleeding din da nake yi, a ranar a asibitin muka kwana don ko su innah bai fada musu ba don kada hankalin su ya tashi, haka muka kasance a asibitin yana kulawa da ni yana min dukkan abinda nake bukata.
Washe gari aka sallame mu, kafin a bamu sallama sai da ya fada masa cewa dole ne na daina aiki mai yawa saboda kada cikin ya xube, kuma ya fada masa cewa a daina bata min rai idan ba haka ba cikin xai iya xubewa a kowane lokaci, wannan dalilin yasa ya wuce da ni gidan innah don na samu Hutu.
Da sallama muka shiga gidan hannun shi janye da akwatina, innah na ganin mu ta mike tana tambayar mu lafiya, cike da ladabi dattijona ya gaida ta sannan ya fara yi mata bayani
Dama daga asibiti muke innah, cike da kulawa ta tambaye shi wane kuma ba lafiya? Kansa a sunkuye ya amsa da Niimatullah ce innah, kwana biyu tana yawan rashin lafiya ne shi ne muka je asibiti aka ce tana bukatar hutu shi yasa na kawota don ta huta.
Cike da kulawa innah ta kamo ni ta kwantar da ni a kirjinta sannu Niimatullah ki rika kula mai yaron ciki ba a so ta rika aiki mai yawa kin ji autar baba, narkewa nayi a jikinta sannan na amsa mata da to innah.
Hira suka fara yi ita da dattijo bai tafi ba sai wajen karfe biyar na yamma, kallona yake yana wani kashe min idanu innah na ganin abinda yake yi ta tashi ta bar mana wajen saboda kada a yi abin kunya a gabanta.
Matsowa yayi daf da ni ya kwantar da kaina a wuyansa yana shafa fuskata, cikin salon soyayya yake min magana wallahi bana so na tafi na bar ki amma hali ya kama dole na tafi na bar ki.
Xan kasance cikin kunci da bakin ciki a cikin wannan daren,musamman idan dare ya tsala bakya kusa da ni, fatana dai ki kula min da kanki duk abinda doctor ya hana ki daina yi mana don tabbatar da lafiyar jaririn mu,rungume ni yayi kamar baxai sake ni yana sumbatata ta ko ina, cikin shagwaba na bashi amsa xan kula maka dattijona, rike hannuna yayi ya tsura min ido kamar xai yi kuka bana gajiya da kallon kyakkyawar fuskar ki Niimatullah, ba don kada su innah su ga kamar nayi rashin kunya ba da a nan xan rika kwana.
Murmushi nayi tare da lumshe ido yanzu ma xaka iya dawowa ai dama ba kunya ne da kai ba,jan hancina yayi xaki ga ba nida kunya idan na tattaro kayana na dawo nan, harararshi nayi dawo din mana, bayana ya koma ya sakalo hannunsa ta wuyana, cikin rada yake min magana.
Yau xan yi irin baccin da na dade ban yi irinsa ba Allah ya sani bana so na tafi na bar ki,kina samun sauki xan xo gobe na tafi da ke don baxan iya wannan xaman hakurin ba.
Marairaice masa nayi kamar xan yi kuka dan Allah kayi hakuri ka barni dattijona kaga a nan innah xata kula da ni kuma baxan rika shiga damuwa ba. Tsare ni yayi da ido yana kallona idan kince haka Niimatullah ni kuma ya xan yi da soyayyarki na riga nayi sabo da ke baxan iya zama babu ke ba,kawai xan xo gobe na tafi da ke yau dai na hakura ki huta.
Duk nacin da nayi masa a kan ya barni na xauna har na haihu amma yaki, sallama muka yi sannan ya xaro kudi ya bani.
Bayan ya tafi innah ta shigo cike da tsokana take min magana, har kun gama rashin kunyar ko Niimatullah, wato har kin goge kin san dadin miji yanzu ba a kawo min karar laifin da yayi,hannu biyu nasa na rufe fuskata Allah ba haka bane innah hira kawai muka yi.
Murmushi tayi dama nima ai ba wani abu nace ba, mayar da kallona nayi gareta, kafin na fara magana har idanuna sun fara hawaye, cikin rawar murya nace innah wallahi ina cikin matsala dalilin hakan ne ma yasa kika ga na dawo gida.
Cike da fargaba ta fara tambayata saboda bata san irin matsalar da naxo mata da ita ba, cikin kulawa take magana, matsalar Menene Niimatullah?har xuciyata ta shiga fargaba wlh bana so naji an ambaci matsala.
Goge hawayen da ya fara sakko min a idanuna nayi sannan na fara yi mata bayani, wallahi innah matar dattijon nan ta takura min da xagi da cin mutunci, baro bangarenta take yi ta taho wajena kawai don ta tayar min da hankali,kwanaki ta kawo min wani magani tace na sha da naki sha shi ne jiya taxo ta hau xagina ta kama ni da kokawa har da cewa sai ta xubar da cikina, ni dai wallahi innah na hakura da auren nan baxan koma ba, ya nemi wata matar ya aura.
Tunda innah ta sunkuyar da kai bata dago ba saboda abin ya daure mata kai, cike da damuwa ta dube ni, kiyi hakuri Niimatullah kowace rayuwa da kike gani akwai jarrabawa a ciki baxai yiwu a ce kina xaman aure kuma kina samun abinda kike so dari bisa dari ba,dole sai kin yi hakuri da matsalolin da xaki fuskanta, ke ki godewa Allah ma da ba mijinki ne yake wulakanta ki ba kishiya ce, don haka ki cire damuwarta a ranki ki fuskanci abinda ke gabanki ki farantawa mijinki, kuma kada na sake jin kin ambaci Kalmar saki a bakinki.
Kwantar da kaina nayi a jikinta ina kuka, dan Allah innah ki taimake ni ki raba ni da auren nan wallahi ni nasan irin axabar da nake sha a hannun matar nan, indai ba so ku ke bakin cikinta ya kashe ni ba to ku raba ni da mijinta.
Rarrashina innah ta rika yi tana kwantar min da hankali.
*****
A bangaren Hajiya Maryam kuwa kwanan farin ciki tayi domin duk a tunaninta cikin Niimatullah ya xube sai kiran kawayenta take yi a waya tana fada musu, fitowa tayi tana kewaye gida tare da leka kanta bangaren Niimatullah samun kofar tayi a kulle, wani dadi taji ya ratsa xuciyarta, tasan cewa Niimatullahi na asibiti tana cikin wani hali.
Motar dattijo ta hango na kokarin shigowa cikin gida da sauri ta koma wajenta ta xauna a parlour, yana ajiye motar ya shiga wajenta, kawai ganinshi tayi a kanta yana huci kamar xai dake ta ya fara yi mata magana.
Burin ki na son hallaka abinda na dade ina burin mallaka a rayuwata bai cika ba kuma baxai cika ba har abada, domin wannan cikin ya fi karfinki sai dai ki kalle shi kiyi kuka,kuma wallahi ki nutsu tun wuri ki kama mutuncin ki idan ba haka ba kuma xaki ga hukuncin da xan xartar a kanki...
Fita yayi ya bar mata dakin, wani tsallen dadi tayi har a ranta tana jin ta fara samun nasara, girgixa kai tayi tana magana, kawai nasan fada yake yi amma wannan dukan da nayi mata dole yasa cikin nan ya tashi daga aiki,masifa kuma yanzu aka fara ta har sai ta gudu don kanta.
Dattijo na shiga bangaren Niimatullah yaji gidan ba dadi, komawa parlour yayi ya kwanta tare da daga kansa sama, gaba daya gidan yayi masa xafi ji yake kamar ya dau mota ya tafi ya dakko matarsa, juye-juye ya rika yi don a yanzu babu abinda yafi bukatar gani a kusa da shi fiye da Niimatullah.
*follow me on wattpp@jeeddahtulkhair Tijj*
*jeeddahtulkhairπ*
[11/5, 11:10 AM] It'z B Y ebrerheem: πππππ
*MATAR DATTIJO*
πππππ
*®jeeddah Tijjani*
*Adam*
*(jeeddahtulkhair)*
*dedicated to Queen maryam maman surayya*
43
A ranar da kyar yayi bacci banda juye-juye babu abinda yake yi yana neman Niimatullah dinsa, kosawa yayi gari ya waye yaje ya ganta, domin duk rufe idon da yayi ita yake gani a cikin baccinsa.
Washe gari da sassafe ya nufi gidan su niimatullah,da sallama ya shiga gidan bai tarar da kowa a tsakar gida ba don haka kai tsaye dakinta ya nufa, tarar da ita yayi tana bacci karasawa wajenta yayi ya xauna sumbatar ta ya shiga yi saboda wani kyau take yi masa idan tana bacci, musamman ma yanzu da cikinta ya fara fitowa ta kara kyau da haske fatarta har wani sheki take,kwantar da kansa yayi a jikin cikin yana jin yadda take sauke numfashi, wani da dadi yaji yana ratsa xuciyarsa saboda yaji babynsa na lafiya yana numfashi yadda ya kamata.
A daidai lokacin innah ta shigo hannunta rike da abincin karin kumallo,bai yi xaton shigowarta a wannan lokacin ba, da sauri ya dago yana sosa keya duk kunya ta kama shi cike da ladabi ya gaida ta, fuskarta a sake ta amsa masa tashi tayi ta fita saboda taga duk a kunyace yake.
Komawa kusa da niimatullah yayi ya cigaba da aikin shafa cikinta kamar yadda ya saba a hankali na bude idona, muna hada ido ya sakar min wani kyakkyawan murmushi tare da cewa barka da tashi maman Baby, a hankali na amsa tare da yunkurin tashi xaune taimaka min yayi ya xaunar da ni.
cike da shagwaba na fara yi masa magana, haba dattijona yanxu da sassafe ka taho baxa ka bari kayi bacci da yawa ba jiya fa ka gaji sosai, shi yasa fa matarka take jin haushina saboda irin wannan rawar kafar da kake yi a kaina dole ta rika tunanin naxo daga baya na kwace mata miji.
murmushi yayi wanda sai da fararen hakoransa suka bayyana, dole nayi rawar kafa a kanki niimatullah saboda ke din kin hadu ta ko'ina kin san duk hanyar da xaki lalubo farin cikina shi yasa nake shiga damuwa idan bana tare da ke, jiya wallahi ban yi bacci ba ina yin juyi idan naji bakya kusa da ni nake farkawa kin xama jinin jikina amaryar dattijo bana jin shakkar duk abinda xa a fada a kaina indai a kan sonki ne.
Dalilin da yasa kika ganni yanxu naxo na tafi da ke ne saboda na fada miki baxan iya jure rashinki ba, kallon shi nayi kamar xan yi kuka, haba dattijona me yasa xaka yi min haka har yanxu fa ban ji jikina ya fara dawowa dai-dai ba kawai karfin hali nake yi don kada ka shiga damuwa.
Rungumo ni yayi yana kallon fuskata, fada min inda yake miki ciwo amaryar dattijo,narkewa nayi a jikinsa cike da shagwaba nace dukkan jikina ke min ciwo tausa ya shiga yi min yana rarrashina tare da kwantar min da hankali.
Abincin da innah ta shigo da shi ya fara bani, muna ci muna hira kwanto da ni yayi a jikinsa yana kallona kamar yayi kuka cike da kulawa na fara tambayar shi, me yasa naga yanayin ka ya canja dattijona?fada min dukkan abinda ke damunka.
Langwabar da kansa yayi yana kallona cike da marairaicewa ya fara magana, ina cikin wani yanayi ne Niimatullah da a gida kike nasan kina da maganin da xaki bani amma yanzu babu halin bani taimako dole nayi hakuri na kalle ki.
Sunkuyar da kaina nayi na kasa dagowa saboda kunya nasan abinda yake nufi, riko hannuna yayi yana dan murmushi ya naji baki ce komai ba amaryar dattijo, kaina a sunkuye na amsa masa wannan maganar ai tafi karfina irin taku ce ta marasa kunya, girgixa kanshi yayi xaki ga rashin kunya yanzu ma gida xan wuce da ke kinga sai ki kira ni da mara kunyar sosai.
Hakuri na rika bashi saboda nasan xai iya fiye da haka ma, cike da soyayya ya amsa min da na hakura amaryar dattijo.
Sake kallona yayi babu wasa a fuskar shi yana min magana. tashi ki tattaro kayan da muka xo dashi yau xaki koma dakin ki, idanuna ne suka canja kamar xan yi kuka na fara bashi hakuri amma yaki amincewa tashi yayi xai fita tare da cewa ina jiran ki a mota.
Kai tsaye dakin innah ya shiga inda ya shaida mata cewa xai tafi da ni, rarrashinsa ta fara yi, kayi hakuri Alhaji jikinta yayi kwari sai ta koma yanzu xata iya haduwa da wata matsalar tunda har yanzu ba wani sauki taji ba,cike da ladabi ya fara yi mata bayani.
Innah ina ganin kawai a bani dama na tafi da ita a can din ma xa a samu a kula da ita, duk yadda innah ta kai ga nuna masa illar komawar Niimatullah amma yaki ganewa tashi tayi ta shiga dakin da nake samuna tayi na sunkuyar da kaina ina naxarin maganar da yaxo min da ita, cike da damuwa ta fada min cewa na dakko kayana xamu tafi gida da dattijo.
Hawaye na fara yi ina dukan kasa ni Allah baxan koma ba innah kina ganin irin abinda matar nan take min nafi son kawai ta ganni da jariri naxo mata da shi, cike da rarrashi innah take min magana kiyi hakuri ki bi mijinki Niimatullah mu ma ba a son ranmu xai tafi da ke ba amma babu yadda xa mu yi saboda ya fi mu iko dake, tashi tayi ta fara hada min kayana.
Ni kuwa banda aikin kuka babu abinda nake yi, bana son na koma saboda takura min din da yake baya barina nayi cikakken bacci gashi jikina bai gama dawowa dai-dai ba har soro innah ta raka mu sai da taga mun shiga mota sannan ta dawo gida.
Kasa driving din yayi ya tsura min ido saboda yadda yaga ina kuka, cikin kulawa ya rungume ni yana min magana a kunnena, kiyi hakuri ki tausayawa mijinki amaryar dattijo bani son na sake yin irin baccin da nayi a jiya shi yasa yau naxo na dauke ki ban yi hakan don na bata miki rai ba, sai don ina son ki taimaki mijinki ki bashi maganin da babu ya macen da ta isa ta bashi...
Duk maganganun da yake yi ban amsa masa ba sai jinsa da kunne kawai nayi,har muka isa gida ina kuka, a bakin hanya muka ci karo da matarsa,tana ganina tayo kaina da gudu.........
*follow me on wattpad @jeeddahtulkhaeer Tijj*
*jeeddahtulkhairπ*
[11/5, 11:10 AM] It'z B Y ebrerheem: πππππ
*MATAR DATTIJO*
πππππ
*©jeeddah Tijjani*
*Adam*
*(jeeddahtulkhair)*
44
Da sauri nayi jikin dattijo ina mayar da numfashi,rike ni yayi ya saka ni a bayansa, cikin fada ya fara yi mata magana maryam lafiya me ya same ki xaki taho da gudu haka ki riketa bakya ganin abinda ke jikinta, kuka ta fara yi bakinta har rawa yake ta kasa magana, karasawa yayi wajenta ya rike ta,fada min dukkan abinda ke damunki dan Allah kiyi shiru ki daina kuka, na dauki alkawarin ko ni ne nayi miki laifi xan baki hakuri, kuka ta cigaba da yi kamar xata tada aljanu,ni kuwa gefe na koma na tsaya jikina na ta rawa saboda na fara tsorata da ita ban san me take nufi da ni ba.
Duk yadda ya kai ga shawo kanta tayi shiru amma taki tayi, jan hannunta yayi ya shigar da ita sitting room nima bayan su na bi, a gefe na xauna don jin abinda xai biyo baya, cigaba da tambayarta yayi, fada min abinda ke damunki dan Allah, cikin kuka ta fara magana.
Hannu tasa ta nuna ni bakinta sai karkarwa yake ta kasa furta abinda take son fada, wannan yar iskar ce ta saka ni a cikin halin da nake ciki yanzu, cike da damuwa na dubeta me nayi miki Aunty? dakatar da ni dattijo yayi kiyi shiru Niimatullah kada ki sake magana, sunkuyar da kaina nayi saboda wani jiri nake ji yana daukana.
Cikin kulawa ya mayar da kallon shi gareta, fada min abinda tayi miki, a hankali ta fara magana matukar ina gidan nan ina ganin yarinyar nan tana yawo da cikin nan a jikinta xan dauwama a cikin bakin ciki na har abada,idan har da gaske kake kana sona a xubar da cikin nan ni kuma nayi alkawarin duk wani tashin hankali an daina yin sa.
Murmushi yayi tare da girgixa kai, lallai kina da aiki Maryam, naji abinda kika fada amma kafin na fada miki amsar maganarki xan tambaye ki dan Allah Menene dalilin da yasa kike son barar da cikin nan?fuskarta a daure ta fara magana.
Saboda bana so a yiwa yayana dan uba nafi son naga komai da ka mallaka nasu ne, saboda mu muka sha wahalarka kafin ka xama wani abu a rayuwa kaga baxai yiwu na kyale wata banxa da taxo daga baya ta ci arxikin ka ba.
Murmushi yayi lamarinki na ban mamaki maryam, dan Allah me kika dauki kishiya ne? Da sauri ta amsa masa da abokiyar gaba har abada baxa mu taba samun daidaito da wannan yarinyar ba saboda ita ce silar tarwarsa min xamantakewar gidana.
Girgixa kai yayi da alama har yanzu baki fahimci Menene kishiya ba shi yasa kike fadar haka, maryam kishi ba hauka bane, kina da ilimi da shekaru amma son xuciya ya rufe miki ido kina aikata abinda ba shi da kyau, da kin dauki Niimatullah a matsayin yar uwa da sai kin fi kowace mace jin dadin xama da kishiya kasancewarta yarinya karama duk abinda kika dorata a kai shi xata bi, amma yanzu kin nuna bakya kaunarta ya xa a yi ta samu nutsuwar da xata saki jiki da ke.
Kuma kina maganar sai an xubar da ciki sannan xaki samu nutsuwa wannan ma duk ba tunani ne mai kyau ba, idan har kika yi haka kamar kina ja da ikon Allah ne, ciki nawa ne ba nida ra'ayin xubar da shi saboda ina son ganin kananan yara suna kewaye gidana.
Hannu tasa a ka ta fara ihu, ka cuce ni duk halaccin da nayi maka ka rasa da abinda xaka yi min sakayya sai kishiya kuma saboda mugunta sai da kaga na daina haihuwa sannan xaka dakko yarinya karama ka kawo min.
A jiyar xuciya yayi tare da cewa tun farko ke kika fara cutar kanki na dade ina fada miki ina son yara kika nuna ke bakya ra'ayin tara yaya saboda yanayin aikinki kika kashe mahifarki da planning gashi nan irin abinda ya janyo miki, yanzu kina son yayan babu damar haifarsu haka xaki hakuri ki kalli wasu suna haihuwa babu ke.
Cikin fushi ta tashi tsaye, wallahi matukar ina rayuwa a doran kasa, matukar kudi na aiki sai na tashi cikin nan idan har tsautsayi yasa an haife shi baxan bari yayi rayuwa a doran kasa ba.
Cike da tashin hankali ya dubeta maryam kanki kalau kuwa kike irin wannan maganar,to wallahi matukar kika cutar da cikin nan ko abinda ke cikinsa sai ranki ya baci.
Jan hannuna yayi muka shiga mota, hankalinsa a tashe ya dube ni, zan mayar da ke gidan innah saboda naga abin matar nan ba na lafiya bane, xan bar ki a can har xuwa lokacin da xaki sauka idan hali yayi xan canja miki gida.
Cike da shagwaba na dube shi, ni dai baxan koma ba ka barni a nan idan innah ta ganni yanzu hankalin ta tashi xai yi, rarrashina ya shiga yi kiyi hakuri xan fada mata dalilin da yasa kika dawo, nasan hankalinta xai kwanta.
Jan motar yayi muka tafi gida,ina ji a raina baxan iya cigaba da aurensa ba saboda matsalolin da nake fuskanta, tunda naxo gidansa take kokarin cutar da ni da sai taga bayana, don Allah nake son dattijo ba don wani abu da ya mallaka ba, don haka na yanke shawarar hakura da shi nasan xan samu goyon baya daga wajensu innah su Kansu abin ya fara fita daga ransu.
*follow me on wattpad @jeeddahtulkhaeer Tijj*
*jeeddahtulkhairπ*
[11/5, 11:10 AM] It'z B Y ebrerheem: πππππ
*MATAR DATTIJO*
πππππ
*©jeeddah Tijjani*
*Adam*
*(Jeeddahtulkhair)*
*Follow me on instagram @jeeddahtijjani*
45
A bakin gidan innah muka tsaya, mun fi minti biyar a tsaye bamu ce da juna komai ba, kifa kanshi yayi jikin sitiyarin mota ban san me yake tunani ba, a hankali nasa hannu na dago kanshi, kallo daya nayi masa nasan yana cikin damuwa fuskarsa duk ta jike da gumi idon shi yayi ja, cikin dasasshiyar muryata na fara tambayarsa, lafiya naga duk ka shiga damuwa dattijona? A hankali ya bude ido ya dube ni, muryarsa na rawa kamar xai fashe da kuka yake min magana.
Idan nace bana cikin damuwa nayi karya Niimatullah, babban tashin hankalina bai wuce rabuwa da ke ba,na rasa me wannan matar take so da ni kokari take ta tarwatsa min rayuwata, duk inda tasan xan samu farin ciki sai tayi kokari ta raba ni da wajen, ba ke kadai ce matar da na fara nema da aure ba, na auri mata wajen sau biyar duk bala'inta ya Kore su, ke din da nake fatan samun farin ciki a wajenki tana neman raba mu, yanzu da wane ido xan kalli innah duk nacin da tayi min a kan na barki a gida naki amincewa, yanzu kuma daga tafiyar mu kawai sai taga mun dawo, kuma duk Wanda ya kalle ni ko ya kalle ki ya san ba dadi ne ya dawo da mu ba, ni wallahi kunyar innah nake ji, ban san da wane ido xan kalleta ba.
Gashi bana so nayi nisa da ke nafi son kullum na rika kallon ki a gefena,kin san dai yadda mijinki yake da yawan bukatar ki a kusa da shi, nasan babu inda xan je na samu farin ciki idan ba wajenki ba.
Ajiyar xuciya na sauke saboda tausayin dattijona da ya kama ni wannan matar tasa ta xame masa masifa, bata son xaman lafiya gaba daya tana shiga hakkinsa sosai kasancewar shi ba mutum ne mai son tashin hankali ba,amma da wani ne tuni ya sallame ta, dago fuskata yayi yana kallona ya naji kin yi shiru Niimatullah?
Rausayar da kaina nayi gefe guda, tare da lumshe ido tausayin ka nake ji dattijona, ina tunanin halin da xaka shiga idan bana nan amma xan baka shawara kaje ka nemi sulhu da matarka don ina kyautata xaton idan baba yaji irin xaman da nake yi a gidanka baxai bari na koma ba, saboda yanxu duk abin nan da ake yi bai sani ba...
Cikin tashin hankali ya dube ni, kada ki sake fadar irin wannan maganar Niimatullah, baba dattijo ne yasan halin mata da irin kulle-kullen da suke yi wa kishiyoyi baxai fara raba auren mu ba, saboda yasan muna son juna, kuma xai tausayawa halin da xan fada idan aka raba ni da ke, ina sonki Niimatullah baxan iya rayuwa babu ke ba, bazan daina sonki ba, ko da a ce za a sanya mashi a ciro zuciyata daga cikin kirjina, zan hadiye dukkan wani zafi, zan jure kowace irin azaba matukar xan cigaba da rayuwa da ke, ina fatan kema zaki kasance cikin sona na tsawon rayuwa.
Ya karasa maganar yana share kwallar da ta cika masa idanu.
Cike da tausayawa na dube shi Idan har akwai wani abu da zan roka a wajen ka, bai wuce na roke ka a kan, ka amince mu kasance tare ba har abada, bana jin xan iya nisa da kai ko na minti daya, rayuwata xata kasance cikin kunci matukar bana tare da kai ina fatan kasancewa a kirjinka har abada Ina sonka dattijona.
Kamo ni yayi ya rungume a kirjinsa naji dadin kalamanki Niimatullah kin kwantar min da hankalina kuma kin yaye min dukkan damuwata,wannan dalilin ya tabbatar min da cewa ina rayuwa da mace ta gari mai son farin cikina, daga hannu yayi sama yana addua, ya Allah kada ka nisanta ni da wannan baiwar taka kai kadai kasan adadin yadda nake sonta, ya Allah kada ka jarrabe ni da rashinta ko na minti daya ne, yana gamawa ya shafa ya kara makale ni a jikinsa, min fi minti talatin muna soyayya sannan ya dago ya dube ni.
Tashi ki shiga ciki amaryar dattijo, cike da shagwaba na langwabar da kaina ni Allah sai ka raka ni, me xan je na fadawa innata, cikin marairaicewa yake min magana tare da saka hannuna a cikin nashi.
Kiyi hakuri Niimatullah wallahi kunyar innah nake ji ban san da wane ido xan kalleta ba kinga dai yadda muka yi da ita kafin ta kyale ni na tafi da ke.
Shagwaba na rika yi masa Allah sai mun tafi tare ko kuma a hakura mu koma gida, tallafo kaina yayi kin san dai ina sonki ko amaryata, gyada kai nayi alamar eh, gyara xama yayi to ki nutsu ki saurare ni, tunda ina sonki baxan kai ki wajen da xa a hallaka ki ba, ko so kike mu koma maryam ta rika gana mana axaba? kaina a sunkuye na amsa masa da a'a.
Cike da kulawa ya sake kallona to tunda haka ne dan Allah ki tashi na raka ki soro ki je wajen innah kullum xan rika xuwa ina ganinki...
A sanyaye na fito daga motar rako ni yayi har soro sannan ya xaro kudi ya bani yayi min sallama ya tafi.
Da sallama na shiga gidan sai dai shiru ba a amsa min ba don haka kai tsaye na wuce dakin innah tarar da ita nayi tana bacci don haka ban tashe ta ba, nima na samu waje na kwantar da kaina.
Sai da tayi baccinta ta koshi sannan ta tashi tana bude ido muka yi ido hudu da ita cike da damuwa ta tashi ta xauna ta fara tambayata lafiya naga kin sake dawowa ko jikin ne?
Murxa ido na fara yi xan yi kuka, cike da kulawa ta sake tambayata me yake faruwa naga kina murxa ido xa kiyi kuka? Rausayar da kai nayi tare da cewa ba komai innah, bata fuska tayi a babu komai ake samun komai kinga Niimatullah bana son rufa-rufa ki fito ki fada min gaskiyar abinda ya sake dawo da ke, ko baki fada min ba nasan ba lafiya ce ta dawo da ke ba kawai dai na tambaye ki ne saboda na tabbatar da abinda xuciyata take tunani.
Bayani na fara yi mata ina maganar ina hawaye sai da na kammala gaba daya ta sauke ajiyar xuciya.
Ni fa wannan auren ya fara fita daga raina Niimatullah kullum cikin fitina mijinki bai hana ki jin dadi ba amma wata kishiya ta takura miki,ni da iya kishi kadai take yi baxan damu ba saboda kishi kumallon mata ne duk macen da aka yiwa kishiya dole tayi, amma ita wannan nata ya wuce ka'ida saboda Neman lafiyar ki take yi, ashe gaskiyar malam da yace baxa a yi auren nan ba tun a farko ashe irin wannan yake gudu, ban gano illar hakan ba sai yanxu, gaskiya baxa ki koma ba Niimatullah kin dawo kenan bari na jira Malam din ya dawo mu yi maganar yanxu yaje jana'iza, tayi na farko tayi na karshe baxa ta hallaka mana ke ta cuce mu ba.
Gabana naji yana dukan uku-uku saboda tunda nake da innah ban taba ganin ta dau xafi irin na yau ba addua na rika yi Allah yasa kada a raba aurena da dattijo saboda yana sona yana nuna min kulawa.
