"Tana nan Zaune har ya Dawo Dauke da Ledoji Guda Biyu,Koda ya Dawo Amira tayi barci Tashinta yayi ya bata Ledan mai Dauke da gasshiyar kaza,sai Take away din Jalop din Shinfaka sai Fura.
Sai da yaba Amira taci ta Koshi kana yaci Sauran ya Tada ita yakaita Tailet tayi Fitsari ta wanke Hannunta da Bakinta Da kanshi yakaita Dakinsu ita da Amir Daya Rigata yin Barci Hafsah na Zaune yazo ya wuceta ko kallo Bata ishesa ba itama Haka Bata kara Bi ta kansa ba sai ma ta Kishingide kamar mai Barci Saboda Bacin Ran Abunda ya mata Haka kurum Taji bazata iya Controling Din Fushinta akan karfin Ikon da Abdullahi ke nuna mata Lokaci Bayan Lokaci ba.
Sai wajen 12am na Dare kana ta mike ta Tattara Lodojin da suka barsu nan Tsakar Dakin ko Kazar basu Cinye ba da Shinkafar,Ta kwashe komai ta Kai Kicthen ta saka Cikin Fridge din Kana Ta Rufe Kitchen ta Dawo Daki ta kashe Wutar waje ta kashe na Falon Lokaci Daya ta Kulle kofar Falon Dakinsu Amira ta Shiga ta gyaramusu kwanciya Hade da yi musu addu"a,kana ta Fito ta Shiga Bedroom dinsu ta iske Tuni Abdullahi ya Dade da yin Barcinsa mamaki ya kamata wato Ita ke kidanta Tana Rawanta bai ma Damu ba kyafci tayi ta Shiga Taiolet Tayi wanka Lokaci Daya ta Dauro alwala tazo Tayi Shafa"i da wuturi Ta Dauki Filo ta Jefa kasa ta kwanta Bayan Ta Dauki Blanket ta Rufu Dashi.
Da asuba da Abdullahi ya tashi yaga Hafsah a kasan Cafet Tana Barci Mirmishin Takaichi yayi acikin Ransa kuma yana Fadin zan koya miki Hankali Hafsah ko Kallonta baiyi ba ya Shiga Toilet yayi wanka Tare da Dauro alwala yazo ya saka Jallabiya ya tsallake Hafsah zuwa masallaci sai bayan ya Fita ne Hafsah tatashi itama ta Shiga tayi wanka tazo ta Tada salla,Ganin har wasu masallatan sun Tada sallah.
Bai Dawo masallaci da wuri ba Sai da Haske ya bayyana koda ya Dawo Tagama komai hatta su Amira sun Shirya Jiransa kadai suke shima Sama sama ya Shirya ya kwashesu zuwa makaranta Dagachan ya wuce wajen aiki,Haka Zamansu ya kasance Hafsah ita ta Dauko Tsiyan sai Abdullahi ya nuna mata yafi ta sanin kan Tsiya Shima kawai ya Fita Batunta yayi Banza da ita bai ma Nuna yasan me take ma Fushi ba.
Dole kanwar naki Hafsah ta watsar da Tsiyan nata ganin Uban gayyar dai bazai Kalleta ba Ballatama ya bata Hakuri Ranar data Fara gaisheshi da safe kafin ya amsa sai da ya murmusa Lokaci Daya yana Fadin"Lafiya lau Hausi...Kin gama Gaban dani..? Shagwabe mai kawai tayi Lokaci Daya da Hararansa Batace komai ba Shima kawai sai ya Biyemata Kamar Babu Abunda ya Faru,Ganin yasa Hafsah ta Sakankace cewa Abdullahi zai barta Zuwa Suna.
Ana Gobe Suna Subai"a ta Kirata awaya Tana gayama ta Gobe ne zasu Tafi sunan Saboda Mama tace su Tsaya su Tafinma da Anty Zanniratun Sako Zuwa Gobe,Tace mata Su Hadu gidan mama Gobe da Misalin karfe 8am na safe Nan Sukayi sallama,nan take Hafsah ta Kira Ammi tana Fadamata itama kuma Tace zata Turo Direba da sako ya kawomata ta kaima Zanniratun In ta samu Lokaci ko Bayan suna Hafsah zata Rakata Taje ta mata barka.
Zuwa Yammah Ammi ta aiko Da sakon Atamfofi Guda Biyu masu kyau da Tsada sai Babban pampers mai Guda 50,Da Rigan yarinya mai kyau itama Hafsah tayi ta Jin Dadi,tace ta Huta Siyan wani abu sai tace ita Da Ammi kuma Daman ta sani Harda natan Ammi ta Hado sanin ba wata sana"a takeyi ba Duk da Babu Abunda ta nema ta rasa Abdullahi ya Tare mata gaba da baya Sai dai Abunda Ba"a Rasa ba.
Abdullahi na Dawowa ta kwaso kayan Tana nunamai Ya amsa ya gani yayi Godiya nan yake gayamata ya bama Mama 15k ta hada ta siyan ma Zanniran wani Abu sai a aikamata Dashi,Danashi dana Hafsah nan tayimai Godiya Bata gayamai Zuwa Zencen Sunan gobe ba sai da zasu kwanta kana ta gayamai bai ce mata komai ba yace Allah ya kaimu Sai da safe Bayan ta gama Shiryawa Ranar ma bashi ya Kai su Amira makaranta ba Mai mashin dinsu ya kaisu Yana kallon Hafsah tana ta Shiryawa sai da Tagama Shirya kayanta Cikin Karamin akwatinta na Kayanta kala Daya da Hijabi wanda zata Sauya na gobe sai sakon Ammi.
Abdullahi ma Shirin Fitan yake Domin ya gayamata Za"a Fara Ginin Gidanshi na Gra,Domin har an kawo Siminti da Bulo,da kasa Tun Shekaran jiya zai Fara Biyawa Yayi mgana da ma"aikatan kafin ya wuce wajen aiki,Subai"atu sai kira take tana Fadin Hafsah tayi Sauri Gata Gidan Mama.
Sai da ya Bari ta saka Hijabi kana ya kalleta yana Fadin"Wai ina zaki ne naga kina saka Hijabi..?Cikin Dariya Hafsah tace"Kaima da wata mgana..Yau ne fa Sunan Zannira baka ga Subai ma Sai Kirana take ba Suna Gidan Mama suna Jirana."Kai Tsaye yace mata"Au kin gama Fushin Dani ne..? Yafada yana kallonta kai Tsaye jin haka yasa Jikinta yayi sanyi tayi galala tana kallonsa yana Saka Takalminsa Sawu Ciki yake Fadin"Babu inda zaki...Tunda har ni nan zan Hanaki Abunda iko na ne ammh ki Nuna min ban yi Daidai ba ki Dauki gabadani na kwanaki Kidaina Dafa abinci kina ma ya"yanmu Horo da yunwa Saboda Ni na Haifesu ko..?
Yafada Lokaci Daya yana mikewa Ido ya sakarmata ganin Har Hawayen Idanuwanta sun Fara Zubowa Cikin Bacin Rai ya Cigaba da Fadin"Kyaleki nayi naga iya Gudun Ruwanki...naga inda karshen Tsiyanki zai kai ashe Babu inda zai kai...Na bari ne dama sai kin gama naki ni kuma na Fara nawa..Suna ne Bazaki ba..Sai na gani Tsakanin Hafsah da Abdullahi wanene ke Auran wani.."Yana gama Fadin Haka ya kwashi Jakarsa da Key din Mashin sa ya Fice yana Fadin"Yau ma ki Dauki Gaban dani..Karki Dafa komai ki bar yaran da yunwa kinji ko.."
Daga haka ya fice ya barta nan Taaye tana Tsiyayan Hawaye,Tana Jinsa ya Fito da mashinsa ya Fice Bata san sadda wani kukan bakinciki ya Turniketa ba,Ta Fada kan gado kawai ta sakeshi wiwi kamar karamar yarinya wani Bakinciki da Takaichi na cin Ranta da Zuciyarta Tana Cikin kukan ne Taji karar wayarta Ta Dago kanta Shabe Shabe da Hawaye ta Jawo Jakarta Inda tasaka Wayarta ta Bude ta Dauko sai taga Ammi ne ke Kiranta da Sauri Ta Daga Kiran Lokaci Daya Ammi na Fadin"Hafsah kun tafi ne..?
Jin Haka yasa wani kukan ya kara Zuwarma Hafsah kawai sai ta sakarma Ammi kuka Cikin Firgici da tashin Hankali Ammi ke Fadin"Innalillahi...Hafsah meya faru..? Ina Abdullahin..?ko wani Abu ne ya Faru daku..?
Duk atare Ammi ta Jero mata wadanan Tambayoyi,Ammh Hafsah ta kasa mgana Saboda kuka Cikin Tsawa Ammi tace"Dallah kiyi mgana lafiya kike ma mutane kuka..?
Jin haka yasa Hafsah tace"Ammi..Ya hanani zuwa Sunan ne..."Tafada Cikin Shesshekan kuka Wani Karamin Tsaki Ammi Taja Lokaci Daya tana Fadin"To Shine kuma Abun kuka..? Nifa har kin saka gabana ya Fadi Allah yasa Daddynku yana Barci kila da kin saka Jininsa ya Hau in yaji wannan Shirmen naki.."Cikin kuka Hafsah ta kara Fadin"Ammi Ranar fa Haka ya hanani zuwa barka yauma har na Shirya yace bazani ba.."Ammi tace"Sai me.
? Sai me in ya Hanaki..? Inace ba kanwarsa bace da suke Uba Daya..? Yafi ki son kije wajen yar"uwansa kuma yahanaki sai kiyi Hakuri ki zauna Ranar daya Lamunce miki sai KiTafi Hafsah.."Cikin Takaichi Hafsah tace"Ammi Su Subai na chan gidan Mama suna Jirana kuma kowa zai je Ammi sai ni kadai sai ya Hanani.."
Ammi tace"Tsiyana Dake sakarci Maman Hamzana,Suna yafi Mijinki ne..? Kuma na Tabbata wani Laifin kikemai Shiyasa ya Hanaki Zuwa Sunar ko...?
Shuru Hafsah tayi taki mgana Jin Haka yasa Ammi tace"Hmm ni na sani..Meyasa Hafsah wani Lokacin kin cika Wauta ne..! Karfa ki manta ke matar aure ce wacce ke karkashin mijinta akullum ina gaya miki Aljannarki Tana karkashin Kafar mijinki ne,sai ya Daga Zaki Shiga,kuma Aure Bautar Allah ne,Kuma Shi Aure dan Hakuri ne kinga in kikace bazaki yi Hakuri ba Wlh zaki Sha Wahala ne kawai Hafsah.."
Tura baki Hafsah tayi kafin tace"Toh ni Ammi me nake mai..Iya Biyayyah Wlh ina yi da Hakurin da kikace.."Ammi tace"Toh in kinayi me ye na kuka Saboda yace bazaki suna ba..? In kina yi sai kiyi Hakuri ki Share Hawaye dama ai Aure ya gaji Haka.."Cikin Marairaicewa Hafsah tace"To Don Allah Ammi ki Kirashi ki Rokeshi Da Allah da Annabi ya barni naje.."Ammi ta Rike Baki Tana Fadin"Ni Jikar Hadiza..? Rufamin asiri Abdullahi na ganina da kima Ina Ruwana da Shiga Hurumin da ba nawa ba..? Yanzu bamu da iko akanki Hausi Kin bar karkashin ikonmu Tun Ranar da igiya uku ta Hau kanki kikabar Karkashinmu Zuwa karkashin Mijinki,Saboda haka yafimu iko Dake.."Bakin Hafsah kamar ya Fado Tace,"Kai Ammi yanzu dai baki Kiransa ko..?
Ammi tace"A"a wlh karya da Ciwo..Na kirasa nace mai me..? Haka kurum Jama kai Raini da lalacewa sai na Kirashi nayi mai mgana kan Abunda yake da iko akansa..?ko Babanki yaji labari sai ya batamin rai bakisan kwanciyar Hankalinsa da nawa Ba Yana da Nasaba da Kowaccenku tana zaune lafiya Gidan Mijinta ba kuma Dukkanku kun yi sa"an Mazaje na gari ya"yan albarka Da Dangin Mijin na gari nan Shekaran jiya Abdullahi yazo yana gayama Babanki Ya siya Fili a Gra har zai Fara Gini Dukkanmu muka sakamai albarka kinsan anyi..?
Ta karishe Fada da Sigan Tambaya Hafsah tace"Bansani ba Ammi..'Ammi tace"Toh Ina laifinsa...kiyi maza ki Share hawayenki ki kirasu kice su tafi Baxaki samu zuwa ba In Ya dawo kin Lallabasa in ya barki bayan suna sai Ki rakani muje mu mata wuni mu Dawo.."Hafsah tace"Shikenan Ammi nagode..Ki gaida Daddy in ya tashi..Anty Hadiza Shuru bata Haihu ba..?
Ammi na Dariya tace"Sai ki kirata kice mata taki Haihuwa..inaga Cikinta da Sauransa bai wuce wata Takwas bafa Girman ciki ne da ita irin na Walid ne..'"Hafsah tace"Na kosa ta Haihu naje Kano na Rabu da Zuwa Kano Ammi Tun sanda Anty Hadiza ta Dawo Daga Saudiya.."Ammi tace"Toh shine me..? baku na waya da juna ba..?
Hafsah tace"Eh Ammi.."Ammi tace"Toh banga Abun Damuwa ba..Kowa ya zauna agidan Auransa yaci gaba da Bautar Aure.."Baki kawai Hafsah ta Tura Ammi Kuma ta Fara Fadin"Umm.Auta..Autan Zinariya Autan Hamza kuma Maman Hamza..Kuma kanwar Hadiza Ko Hausi.."Jin Kirarin Ammi yasa Hafsah ta manta bacin Ranta ta Shiga Dariya Ammi bata kashe wayarta ba sai da ta tabbatar da Hafsah ta saki Ranta.
Suna gama Waya da Ammi Hafsah taci karo da Kiran Subai"atu wajen Guda Biyar Lokacin tana waya,Da sauri ta Kirata Tana Daga Kiran Subai tace"Wai Gimbiya matar Ya Abdullahi ko kin Fasa zuwa ne..? Kefa muke ta Jira Har yanzu baki kariso ba..?
Cikin sanyin Murya Hafsah tace"Ku tafi kawai Subai...Bazan samu zuwa ba..'Cikin mamaki Subai tace"Bangane mu tafi ba kawai..? Ko Ya Abdullahin ya hanaki ne..?
Hafsah tace"Eh yace bazani ba..Ku tafi kawai in kunje ku gaisheta,Kuyi Hakuri da bata muku Lokacin danayi Kuma Don Allah in zaku iya ku Biyo ku karbi sakon Ammi ku kaima Zanniran.."Subai tayi karamin Tsaki kafin tace"Bansan Meyasa Ya Abdullahi ke haka ba sam..."Hafsah dai Shuru tayi batayi mgana ba Subai tace"Shikenan in da yuyuwa zamu Biyo..Baya dai kyautawa.."Tana jin Mama na Tambayan me yafaru Subai na Fadamata yadda Hafsah ta Fadamata bata tsaya Jin me Mama ke Cewa ba ta kashe wayarta kawai.
Tana nan Zaune Har su Subai"a suka kariso basu wani Tsaya ba Ta basu sakon Ammi da 3k cikin kudinta Data ke dashi tace su kaima Zanniran,Har waje ta karasu Ita da Direban Mahmud ne,sai Jidda,Da inna Abu sai Inna Talatu wata kanwar Mama ce,Tana Daga musu Hannu suka kule ma ganinta kana ta koma Cikin Gida ta Shiga Falonta kenan Wayarta ta sake neman agaji,Tana Dubawa taga Umman Sadiq ce ta Daga suka gaisa Kana Umman Sadiq ke Tambayan Hafsah ya Suna..?
Hafsah tace"Bata je ba tana gida..? Cikin mamaki Umman Sadiq ke fadin"Kina gida?toh saboda mene baki je sunan ba..? Ko ba yau bane Sunan Zanniratun..?
Hafsah tace"Yau ne Umman..Har na Shirya sai yace bai yarda naje ba..Su Subai"atun ma sun wuce yanzu.."Umman Sadiq bata Jira cewar Hafsah ba kawai ta yanke Kiran ta Kira Abdullahi Lokacin yana Office yana Tsaka da aiki yaga Kiran Umman Sadiq bayan ya Daga sun gaisa kai Tsaye tace'"Meyasa kake Tauye Yarinyarnan ne Abdullahi..?
Jin Tambayar nata yayi ta mishi bambarakwai cikin mamaki yace"Wata yarinya kuma Umma..? Cikin Takaichi tace"Kaniyarka nace..Kaji ko..? Nace kaci Gidanku Abdullahi.."Jin Haka yasa ya natsu yana Sosa kansa Cikin Lallashi yace"Umma kiyi Hakuri Don Allah bangane inda mganarki ta Dosa bane.."Umman Sadiq tace"Miye Dalilinka na Hana Hafsah zuwa Wajen sunan Zannira Kowa ya tafi sai ita kadai..?
Jin haka yasa ya gane bakin Zarensa Ransa ya baci wato Kararsa Hafsah takai kenan lalle Cikin Saukar da kai yace"Umma ki kyaleta Hafsah ta Fara Rainani ne.."Umman Sadiq tace"Toh kai waye da baza"a Raina ka ba..! ? Ka Fita daga idona na Rufe Abdullahi banda mugunta ka Hanata zuwa suna sunan ma na yar"uwanka kowa ya tafi sai ita kadai.."Kansa na kasa yace"kiyi Hakuri Umma.."Bata Damu ba tace"Bawai mganar Hakuri bane kayi maza ka Kirata awaya ka bata Izinin tafiya yanzu kafin yan Tafiyan su mata Nisa kaji ma na gayamaka..'Ransa amatukar bace yace"Naji Umma Shikenan zan yi yadda kikace.."kyafci tayi Lokaci Daya tana yanke Kiran wayar yabi da kallo yana Sauke Numfashi acikin Ransa kuma ayyana Yadda Hafsah ta fara ganin gadon barcin harda zai Hanata zuwa waje ta Kira Umma takai kararsa
Ita kuwa Hafsah batasan aikin da Umman Sadiq tayi ba Tana Zaune tana latse latsen wayarta Sai ga Kiran Abdullahi sai da gabanta ya Fadi da sauri ta Daga ko Sallamanta bai amasa mata ba, yace mata"Kin kyauta Tunda bakin ki ya iya kai karana..Sai ki Shirya ki tafi Allah ya Kiyaye Hanya Hafsahtu.."Jin haka yasa tayi kalan Tsausayi kafin tace"Wh Allah ban kai karanka wajen kowa ba..Umma ce.."Wannan damuwarki ce ban ce kimin wani Dadin baki ba ki Shirya ki Tafi kawai Malama.."
Yafada yana Shirin yanke Kiransa da Sauri tace"Toh don Allah na kwana sai gobe na Biyosu mu dawo.."cikin kulufuwa yace"Bama kwana Daya ba in zaki iya bari ma sai ta yaye Yarinyar Duk Dayane awajen Abdullahi..Tunda kin nuna ni ban isa dake ba Hafsah ai babu kuma Abunda zan kara cewa Duk Abunda kika yanke Daidai ne.."Shuru tayi batare Datayi mgana ba Shima bai Jira cewarta ya Datse kiran Tsalle ta Buga Tana Murna nan da nan ta Kira Subai tace Suna ina ne..? Tace yanzu suka wuce Danmagaji, Nan Hafsah tace su Jirata gatanan zuwa Cikin mamaki Subai tace"Ya barki ne..? Hafsah tace"Eh Umma ta kirasa ku jirani yanzu zan hau adaidai nazo na sameku.."Cikin Jin Dadi Subai tace"Yauwa har naji Dadi sai kinzo...Direba Don Allah samu waje ka faka.."
Dama kayanta na Shirye Hijabi Kadai ta Zura ta Dauki Jakarta da key din Gidan sai karamar Jakarta na Tafiya ta Rurrufe ko"ina Tana Kulle gidan ne sai ga Almajirinta yunusa Kudi ta bashi tace bata nan sai gobe zata Dawo,Tana Fitowa ta samu mai adaidaita tace ya Fara kaita Gidan Mama kana Allah yasa Tana da kudi wajen 5k a Hannunta Duka ta Dauko Gidan Mama ya kaita ta bata key din Gidan,ita kanta Mama taji Dadi Dataga Hafsah zataje agurguje tamata sallama ta Fice Tana Cikin adaidaita zuwa kwangila ta Kira Abdullahi kamar bazai Daga ba sai da ta kusa yankewa kana ya Daga yana Fadin"Lafiya..?
Cikin Sanyin Murya Hafsah tace"Dama zance ne Don Allah ka Kira mai mashin dinsu Amira kace in ya daukosu ya kaisu gidan Ammi Tunda gidan mama basu Mariya ita kadai ne zasu dameta ne kawai gwara suje gidan Ammi kafin gobe.."batare Daya Tankata ba kawai ya katse Kiran Batayi mamaki ba ta maida Wayarta jaka aranta kuma tace Koma Tsiyan ne in ta Dawo sai su Dora.
Cikin Lokaci kadan ta isa Danmagaji Sai gata har wajen da sukayi parking Tana zuwa ta sallami mai adaidaita Subai ta Rumgumeta tana Fadin"Har naji Dadin ganinki Qawata.."Dariya kawai Hafsah tayi Suka Shiga Mota Inna Talatu na mata barka Jidda kuwa Fadi take"Wlh Darajan Umma kikaci Anty Hafsah ammh bayan ita Da Mama ba wanda ke iya Kaucema Umarnin ya Abdullahi.."...
Hafsah na Dariya tace"Na sani...Sai na dawo zamu Dora Dashi.."Subai tace"Bakomai..Dayake ma kunfi kusa kuma kinsan Halin yan kayan ki zaki gyarota.."Mirmishi kawai Hafsah tayi acikin Ranta tana Fadin Wake sabo da Halin Abdullahi a kullum ikonsa kara yawa yake.."Daga haka suka bar mganar Suka Fada Hiransu Lokaci Daya kuma Direba nata Zuga Gudu a hanyar kaduna.
*Anitha...*
*MASIFAFFAN NAMIJI..!*
*Wattpad:JamilaUmar351*
*Mallakar:Janafty💞*
*DEDICATED TO:My Habibaty💞 Aisha Idris Abdullahi..*!
_*Wannan Shafin Sadaukarwa ne gareku Gidajen da ake Zuba Sharhi Mai ma"ana Musamman Gidan Janaf Novella 1&2,Zauren Janafty,Taskar Janafty,Masifaffan Namiji Fans,Sillar Hallaci Fans Group,Aisha Alto Novels,Intelligent Fans group,Tare da Masarautar Janafty Shakira Da ma wadanda Ban Ambata ba Ina godiya Sosai ina ganin Comments dinku kuma Hakika naji Dadi kwarai Allahu ya bar zumunci Ameen ya Allah..*_
*013*
"Misalin karfe 11am da wani Abu suka isa Kaduna anguwan Sarki inda gidan Mijin Zannira yake wani katon Gida ne mai kyau da Tsari Dayake mijinta Babban Injiniya ne.
Lokacin da Zannira Taga Hafsah Tayi mamaki Cikin Farinciki ta Rumgumeta Tana Fadin"Oyoyo ga Anty Hafsah...! Tafada Cikin Murna da Farinciki Subai tace"Hmm.Allah yayi dai zata zo Sunan nan ammh ai gogan Hanata yayi.."Baki Zannira ta Rike Tana kallon Hafsah wacce ke Dariya kasa kasa Cikin mamaki tace"Eye..? Shi yaya Abdullahin ya Hanata zuwa Gidana..?
Subai tace"Kina mamaki ne..? Kadan Daga karamin aikin sa ne kema kinsani.."Kai kawai Zannira ta Ta kama tana Fadin"Oh Oh..Wannan yayan namu Sai Allah Daya Halleceshi.."
Mariya Data kariso tana musu Sannu da zuwa tace"Shikenan kuwa Anty Zannira.."Tafada Tana Dariya,Zama Sukayi saman kujerun Falon aka Fara gaggaisawa,Jidda kuma ta Shigo da Ledan kayan da suka zo Dashi na kayan Sunan da Mama ta Siya ma Zanniran da wanda mutane suka aiko dashi,sai kuma kudaden da Yaya Abdullahi ya bata ta kara mata da wasu,sai yaji da Ganyen wanka.
Gidan bawasu mutane Kannen Mijinta ne,sai matar dake mata wanka,Sai mariya sai wata makociyarta sai su da suka zo yanzu,Kunsan yan kaduna kowa yana Sha"aninsa ne Daga kai sai Danginka kawai,abinci kuma chan Gidan iyayen Mijin akayoshi Sun iso ba Dadewa sai ga matan kannenshi Dana yayyinshi da Yar'sa guda Daya Sun iso da kololin abincin da nasu kayan Suna akwati Guda.
Nan fa aka Hade ana ta gaisawa Dayake Duk an san Juna,sai da sukayi sallar azahar kana aka Zuba abinci akaci jalop din Shinkafa da Coslow,sai Alale,sai Zobo da kunun aya abinci dai sai wanda yagani Abun achanachan,Wannan Hirarranki da akai tayi,shi ya mantar da Hafsah Tunanin Tsiyar da zasu Tafka da Abdullahi in ta koma.
Wajen yammah Sai ga Kiran Ammi Ina Dagawa ta Fara min Fada Tana Fadin"Kin kyauta Hafsah Sai da dai kika Tafi Allah yasa da izini mijin naki kika Tafi.."?
Hafsah tace"Allah Ammi da izininsa waya gayamiki na Tafi..'?Ammi tace"Mai mashin dinsu Amira ne ya kawosu yace Inji Abdullahi in ya Daukoso ya kwasosu nan Bakinan kina Kaduna..'Hafsah tayi Mirmishi Tana Fadin"Eh Wlh Ammi Allah ya Dorani kansa ya barni yanzu hakama Gani gidan Zanniratu..".
Ammi tace"Shikenan Tunda Ya barki ina Zanniran.? Bani ita mu gaisa..? Da hanzari Hafsah ta mike zuwa Dakin Zanniran Dayake ita da Subai'atu suna Falo Da Mariya taci karo sai ta mika mata wayar tana Fadin"Kai ma Zannira Ammi ce.."Da sauri ta karba Ta Shiga Ciki ta mika mata Wayar tana Fadin"Ammin Anty Hafsah ce.."Ta karba Cikin Fara"a Da Farinciki suka gaisa da Ammi Tana Fadin"Naga sako Nagode Ammi Allah ya kara Budi.."Ammi tace"Bakomai Zannira..Zuwa Bayan suna Insha Allahu zaki ganni..Allah ya raya ya sunan yarinyar..?
Zannira tace"Maryam.."Ammi tace"Allah ya Raya Maryam Allah yayi mata albarka.."ta amsa da Ameen kana sukayi Sallama Ta mikama Mariya Wayar ita kuma ta Fito ta kawoma Hafsah,alokacin ma taso ta kira Abdullahi sai kuma kawai ta Fasa Sanin ko ta kirashi ba lalle bane ya Daga kiranta yadda Ransa yake bace da ita Umman Sadiq ta Kira sukayi mgana har ta bama Subai"atu suka gaisa tace ai ta Kira Zanniran ta mata barka.
Zuwa yammah suka Tashi Suna gyara gidan inda aka Bata,Har zuwa mangariba Lokacin Duka Dangin Mijin Zanniran sun Tafi,Sai kanwarsa Guda Daya,Yanka kuma Dama Raguna uku aka yanka Tun kafim su iso sai Gobe zasu Yanka su Soya,Sai bayan sun yi sallar mangriba ne suka Lura Jidda bata gidan Subai"atu ta kalli Mariya Tana Fadin"Mariya ina yarinyar nan taje..? Na bani ni Subai"atu...?
Mariya tace"Wlh bansani ba Anty Nidai Tun bayan la'asar Data karbi Wayata ban kara ganinta ba.."Kanwar mijin zannira ce tace"Naga fa ta Fita tun dazu..Lokacin ma sai Kiranta ake awaya Tana Fadin gatanan zuwa Har Tana Tambayanta Ina ne Malali Gra..? Dukkansu Salati suka saka Lokaci Daya wanda ya Fito da Zannira da Inna Talatu Daga Ciki suna Tambayan lafiya..?
Mariya ke maida musu Zencen Dafe kai Zannira tayi Tana Fadin"Na Shiga uku ni Zannira ina Jidda ta sani a kaduna Don Ubanta...? Mariya tace"Hmm kina mamaki ne Anty..? Kila sai tafiki sanin wani wajen Jidda Dakike gani wlh batajin mgana Agida Ya Abdullahi cin Ubanta yakeyi yanzu kuma Taci Darajan Mama ta Roka ya barta shine Kuma tazo ta samu Sa"a yanzu haka Ba mamaki samarinta ne taje Haduwa dasu.."
Subai tace"Ammh ko in hakane Jidda Taci amanarmu...Mama sai da tace mu saka mata ido..Domin ya Abdullahi ya hanata zuwa ita ta saka baki ya barta ammh Don Allah jibi wannan aikin..'Ta karishe Fada Ranta bace Hafsah tace"Toh ku kiran lambar mariyan mana..?
Jin haka yasa Jikin Subai na Rawa ta Dauko wayarta ta lalubo Lambar mariya ta Hau kira gashi Tana Ringing ammh ba"a Dagawa Subai tace"Shegiyar yarinyar nan bata Daga Kiran..! Sai Hafsah tace bari ta Kira ta wayarta Itama ta Kira ba"a Daga ba,Zannira ma ta kira sau Hudu Itama Bata Daga ba nan da nan Ransu ya baci Zannira tace"Bari na Kira Ya Abdullahin na gayamai Tunda na lura Jidda zakka ce acikin Gidanmu.."
Tafada Lokaci Daya ta na neman Layin Abdullahin Da Sauri Hafsah ta Rike mata Hannu Tana Fadin""'A'a karki kirasa ki gayamai Wlh Babban kuskure ne...In yaji Abunda ke Faruwa ba Jidda kadai ba hatta da Mu kanmu Wlh bazamu Tsira ba gwara mu Fara samun mafita kafin mu kira wani mu Fadamai mu Dagula komai."Zannira ta saki ajiyar rai Tana Fadin"Da kin bari na Kirashi na gayamai..Yarinyar nan Tagama Batamin rai wlh..Tana fa ganin kiranmu ammh taki Dagawa balle taji me za"a ce mata..?
Subai tace"Ta Daga..? Ai bazata Daga ba saboda tasan Dalilin kiran namu."Tafada Cikin bacin rai Inna Talatu fadi take"Gaskiya akai Cigiya gidajen Radio kar yar mutane ta bace batasan ko"ina ba.."Ba wanda ma yabi ta kanta Mariya ce dai zatayi mgana Zanniran ta Kayfta mata ido Ganin kanwar mijinta ta Zura musu Ido kuma ba Badi ta tafi da wannan Labarin gidansu kamar cin Fuska ne ga ita Zanniran Dalilin haka kowa ya bar mganar Zannira ta koma Cikin Bedroom dinta tana gwada layin Mariyan ita kuma Subai"atu da hafsah suka Shige Dakin da aka Saukesu Hafsah na kara gwada Layin Mariya ita kuma Subai tana Kiran Layin Mama
Mama na Daga Kiran Subai ta Fara Fadin"Mama kinga Abunda yarinyar nan ke son jazamana ko.? Mama tace"Meyafaru wata yarinyar..? Subai tace"Wata yarinyace banda Jidda Mama... ? Mama tace"Jidda kuma me tayi..? Tafada tana kallon Auwal Dake zaune yana cin Abinci jin ta ambaci Jidda yasa ya Dakata da Jin cin Abinci yana kallonta.
Cikin Bacin rai Subai ke maida Ma Mama yadda akayi Mama tace"Ai ni daman nasan Za"a Rina..Jidda batajin mgana kuma Bata Nadama..Ita ta sani In bata Dawo ba zuwa anjuma ki kirani ki Fadamin Yayansu na Shigowa zan Sanar dashi in ma kasheta zai yi in ya Daawo ita ta sani.."Daga Haka ta yanke Kiran na Subai Auwal Dake gefe yana Tambayanta meke faruwa ta gayamai Tsaki yaja yana Fadin"Wlh ko baku Fadamai ba sai na Fadamai in akayi wasa Yarinyar ba karamar yar iska zata zama ba.."
Mama tace"Ka bari ba kyau ka Dinga ma Dan"uwanka Fatan Banza.."Auwal yace"Yo mama karya nayi..? Indai kuna sakama Ya Abdullahi baki in yana mata Hukunci bazata bar Abunda take aikatawa ba..In ba yar iska take son zama ba Daga zuwa suna kaduna sai kima Hanya ki Fita..? Daman ai tana da samarinta a boye kece baki sani ba.."
Mama dai tayi Shuru batayi mgana ba Ranta Duk ya baci Auwal kuwa sai bambamin Fada yake Tagaji ne tace'Kafa dameni Don Allah..Fadanka ne zai sa ta Daina ko kuma Hargaginka..? Ni tashi kabani waje Tunda ba wani Taimako da zaka iya bani.."Auwal ya mike yana kakkabe Jikinsa Lokaci Daya yana Fadin"Allah baki Hakuri Mama..Ni bani bane mai Laifin karkamin Rataya.."Daga haka ya Zura Takalminsa ya Fice ya bar Mama Cikin Zullumi.
A chan Kaduna kuwa an gaji da Kiran Layin Mariya ammh Jidda bata Daga ba har bayan Isha"i bata ba Dalilinta,Karfe 9 tayi sai Tsoro ya kamasu,suka Fara Tunanin ba lafiya Ganin haka yasa Zanniran ta Kira Mijinta ta Fadamai Abunda ke Faruwa yace mata gashi ma ahanyar Gidan Yaji kanwarsa taje gida Tana Fada kanta ta Dafe Abunda take Tsaro ya Riga ya Faru,dayake Tun Jiya dashi da yaran suka koma Gidansu chan suka kwana.
Yana isowa yayi tama Zanniran Fadan meyasa bata Kirasa ta Fadamai ba Hakuri kawai ta bashi Lambar mariyan ya karba ya saka wayarsa ya Kira Har ta kusa katsewa kana Jidda Ta Daga Kiran Tana Fadin "Hello..."Jin ta Dauka yasa Zannira ta karbe wayar da Sauri Tana Fadin"Kina gidan Uban waye Jidda..?
Jidda Tayi Tsuru Tsuru Jin Muryan Anty Zannira Cikin Rawan murya tace"Ga...gani nan zuwa..An.."Bata karisa ba Zannira ta Laulayo Ashar ta sakarma Jidda ta Hada da Fadin"Kinci Ubanki..Na Rantse da Allah sai kin gane baki da wayau..wawiya kawai.."Batama karisa mganarta taji mganan Namiji yana Fadin"Baby ina zamu bi.."Daganan kuma taji an yanke Kiran Galala ta tsaya tana Bin Wayar da kallo ganin Tana Huci yasa ya dafa kafadarta yana Bata Hakuri Cikin bakinciki Tace"Fisabillahi yanzu Abunda Jidda tamana ta kyauta kenan..? Abun kunya take so tajawomana Cikin Zuru"armu..?
Lallashinta ya Shigayi da bata baki,Kafin ya Fice Daga Gidan Zuwa Cikin gari Dagachan zai wuce Gidansu Dama Tun jiya yagayamata sai baki sun Tafi zai komo,Yana Fita ta tafi Dakin da ta sauki su Subai tana gayamusu Yadda sukayi da Jidda mariya ta kada baki tace"Dama ai Tana da samarinta aboye ko agida Gidansu Rumana Take zuwa su Hadu ko kuma amakaranta.."Subai tace""Ai Shikenan ta kyauta ma kanta..In ta bata Rayuwarta ko da mu zai Shafemu nata sai yafi na kowa Domin in ta rasa Kimarta ta ya"mace kafin muyi kuka ta Rigamu yi.."Ta karishe fada Cikin Bacin Rai Hafsah ta kada kai Tana Fadin"Gaskiya bata kyauta ba sam.."Zannira ta Bude baki Zatayi mgana kenan Suka Ji Karan Hon da Bude get.
Da sauri Zannira ta Fice tana Fadin"Inaga gatanan Shegiyar..."Jin haka yasa Dukkansu suka Fito zuwa Haraban Gidan illai kuwa itace Suna Isowa tana Fitowa Daga wata Hadaddiyar bakar Camry Mota wani Saurayi Dogo Fari Shima ya Fito Daga bangaren Direba yana mata mgana Gabadayansu sai Jikinsu yayi sanyi,Ran Zannira yakara baci Ta Saki Murya tana Fadin"Jidda...!!!
Jidda ta waigo da Sauri ganinsu Dukkansu yasa Jikinta ya Farawa Dama Abunda take gudu kenan sai da tace ya ijiyeta bakin get basai ya Shigo da ita ba,ya matsa sai ya Shigo da ita ganin haka yasa ta waiga tana Fadin"Shikenan u tok on phone.."Hannu ya Daga mata yana Fadin"Alrigt bby.."Lokaci Daya yana mika mata wata Ledar Restaurant haka Tana Kallonsu Zannira ta saka Hannu ta karba kana ya Shiga motarsa yaja ya Fita Daga gidan.
Cikin Sanyin Jiki Jidda ta Fara takowa zannira bata Tsaya ta kariso ba ta Bita da Sauri Subai na Fadin"Kibi sannu kinsan Wajen aikin ki bai gama warkewa ba.."Ina ko Jinta batayi ba Tana zuwa gabanta ta Daga Hannu ta wanketa da mari kyawawa guda Biyu Subai tace"Dakyau...Kara ma Shegiya.."Tafada Lokaci Daya suka karisawa gareta Jidda kuwa Kumatunta ta Dafe Lokaci Daya tana Sakin Kuka.
Zannira tace"Ashe baki da mutunci bansani ba..!? Gidan Uban wa kika je..? Waye kuma wanchan..? Jidda Tana Hawaye ammh Taki mgana Subai ta Ja kunninta tana Fadin"Ke Abun kunya gaba kika bashi ba baya ba ko..? Wlh Wannan Abunda kikayi a kunnan ya Abdulllahi Tunda baki da mutumci..'mariya ma ta saka baki Tana Fadin"Bafa zatayi mgana ba..Taurin kai gareta ga laifi ga kuma Saurin kuka..Nan fa suka Taru da Subai da Zannira suna ta zagin Jidda ita kuma ba mgana sai kuka Mariya ta Fizge Ledan Hannunta Ta Bude tana Fadin"Wannan Abun ya kaiki bin Saurayi..?
Ta Fada tana nuna musu Abunda ke Cikin ledan,Kaza ce da Take away sai Ice cream,Zannira ta karbi Ledan Tana Fadin"Shi ya kaita mana...?Kazan nan baki Cinta ne..?ko kuwa Ice cream din baki Taba gani ba..?Ammh wlh kinji kunya kuma Na miki alkawarin da kaina zan kira ya Abdullahi na gayamai karyan iskanci kikeji.."Tafada Lokaci Daya tana watsama Jidda Ledan ta kama Hanya ta koma Cikin Gida Hafsah ne ta kama Hannun Jidda Bayan ta tattara mata Ledanta Suka Rufama su Subai baya Zuwa Cikin Gida.
Afalo Jidda ta make tana Sharan kwallah Hafsah ta kalleta tana Fadin"Meyasa baki Gudun mgana..?Yanzu Fisabillahi ina kika je..?jidda na Shesshekan kuka Take fadin"wani Saurayina ne da muka Dade tare dashi Anty Hafsah yana son zuwa Gida ammh Saboda Fadan Ya Abdullahi na Dakatar dashi,Shine Shine dana gayamai Nazo kaduna Shine yazo zai zo sai na Hanashi Shine shine.."Hafsah ta katseta da Fadin"Shine me..? Sai ke kika bishi ko...? Jidda ta Sunkuyar da kai Tana Fadin"A"a Allah ban Bishi ba Da Farko dayace nazo Malali Gra na sameshi ban je ba nace sai yazo..Shine Dayazo muka Hadu anan kofar Gidan Anty Zannira,Mun fara Hira sai yace na Shiga mota ina Shiga yaja Mota muka Shiga Cikin gari Har kuka nayi kan ya Daawo Dani gida,restaurant kadai muka je ya Dawo dani gida.."Hafsah tace'Koma menene Baki kyauta ba Jidda Mace bata Bin Namiji yanzu inda Daya Daukeki ya kaiki wani Wajen da bai dace ba ya Cutar dake me zaki ce..? Ya kamata in ma yana Sonki da gaske ne ya gabatar da kansa wajen Magabantaki yafi wannan Boye Boyen da kike yi.."Kai Jidda ta kada kafin tace"Naji Anty Hafsah Insha Allahu bazan kara ba.."Hafsah tace"Shikenan muje kibama Yayyinki Hakuri Ransu ya baci..Kuma sai Naka ne zai ga Kayi ba Daidai ba ya kwaba maka Suna Sonki ne yasa suke lura da al"amarinki.."
Hafsah ta tasa Har dakin da suka Sauka tabama Subai Hakuri Baki kawai ta tabe tana Fadin"Nifa Jidda baki Batamin rai ba..In kin gyara Rayuwarki Don kanki Jidda..Allah ya kyauta ya kuma Shiryamu gabadaya.."Zannira kuwa cewa tayi"Jidda nifa Nagama nawa..Tunda gani Gidan Mijina kuma Alhamdulillah Tundaga Yarintata har Zamanin yan matanci ban yi irin naki ba gashi kuma nayi Aure naga Riban Haka In kin gyara Rayuwarki Don kanki in kin batama kanki kimawa Jidda.."Jidda dai Ranar tasha Fada Inna Talatu ma sai da ta mata Mama kuwa ta Kira Wayar Subai aka bata ta Dinga mata Fada ta kuma ce ita ta Hana Auwal ya gayama Abdullahi Domin bai Dade da Fita ba Kuma Data sake yaji wannan Labarin Kashinta sai ya bashi Mama tace in aure take so ta gabatar da wanda Tabi din sai ayi mgana chan agidanta ta karisa makaranta Kuka Jidda ta sakama Mama sai kuma Maman ta koma Lallashi da Nasiha nan tayi mata alkawarin bazata kara ba Ammh Don Allah karta gayama Ya Abdullahi sanin Halinsa Kila ma SS3 din ma bazai barta ta karisa ba Aure zai mata dama koma waye.
Zuwa Washegari kowa ya manta mganar Tunda Jiddan ta bata Hakuri,Ranar kuma Tun safe suka Tashi da aikin Soyan nama Dama mai Daddatsa musu naman Tun safe yazo ya Daddatasa ya kuma yayyaka musu nasu kawai su Tafasa su Soya ne,Dayake Naman yana da yawa Basu gama ba sai bayan La"asar kuma Zannira tace basu Tafiya sun sai kasashi Sun Diba nasu Dana Mama,sai Gidan Inna Abu sai Kuma na Ya Auwal Dana Ya Abdullahi sauran kuma ita da Dangin Mijinta Shiyasa Abun ya kaisu har yammah basu gama ba Duk yadda suka so su koma Zaria Aranar bai yuyu ba Dole suka Bari sai Gobe.
Hafsah naji Sanda Subai ta Kira Mahmud Tana gayamaj Sai gobe zasu Dawo,ammh ita bata Kira Abdullahi ba kuma Shima bai Kirata ba,Tasani yana chan Cike da Ita bama zata Kirasa ba ya Mata Halinsa Cikin kannensa Ta bari in ta koma Gida Chan suyuta har su gama ba wanda ya sani.
Gari na waye Tun safe suka gama Komai kowacce tayi wanka Sun Hada kayansu Suna Shirin Tafiya direban Mijin Subai kadai Suke Jira Dama Shi zai zo ya maidasu mariya dai nan nan sai Sati na samu Tana da Test a makaranta,Bayan kowacce tayi wanka Suna Falo Gabadayansu Suna Hira Subai ta kalli Zannira tana Fadin"Niko Anty Zannira wani anguwa Matar Yaya Nazifi ke Zaune..?Zannira tana bama Maryam Nono tace"Yaya Nazifin Inna Abu..?
Subai tace"Eh Shi so nake nidai naje Gidan nan naga matar nashi Da"ake ta labarinta bantaba ganinta ba.."Hafsah tace"ina jin fa anguwar Rimi suke Zaune.."Subai tace"Yauwa Don Allah bamai lambarsa mu Kirasa muji suna nan ko a"a Abunka ga ma"aikaciyar gidan Talabijin.."Ta fada tana Dariya Zannira tace"Kuma kinsan Weekend kadai take yi nan Sauran Duk Wajen aikinta Abuja takeyi bama lalle bane ku sameta.."
Subai tace"wai tama taba zuwa Gidanki kuwa..? Zannira tace"Tazo Sau Daya Haihuwan Gidado Tamin barka Shi ya Nazifin yaso mu Dinga Zumunci ammh Taki baki ganta ba akwai shan kamshi da Daukan kai naje sau Daya Lokacin gaskiya suna Gidan Babanta ne nan Ndc,Tundaga Lokacin ban koma ba Wannam Haihuwan dai Basu zo ba ammh Shi ya Kirani ta waya yayimin barka.."Hafsah tace"Ai bata son Shiga Mutane Nima ko Gidana sau Biyu taje..Ni kuma Sau Daya sanda muka zo nan Nida Abban Amira da zamu Tafi muka Biya muka gaishesu.."
Subai tace"Lalle yaga Rayuwa..Don Allah me lambarsa ya bani nidai ban barin garin nan sai naje naga komai."Zannira tace"Gulma zai kai ki kenan.."?
Kai Tsaye tace"Kusan Haka.."Tafada Tana Dariya Mariya ce tayi karab tace"Bafa mai lambarsa anan inaga.."Hafsah tace"Nima wlh banda ita ammh gata Sakinar nan inada ita.."Subai tace"Yauwa Kirata kice mata kina kaduna muji ko tana Gida.."Nan da nan kuwa Hafsah ta Daga waya ta kira Sakina Sai da ta yanke bata Daga ba kira na Biyu ne ta Daga muryanta chan Ciki kamar mai Barci Hafsah tace"Hajiya sakina kin Tashi lafiya...?
Dagachan Bangaren Sakina Dake Nannade Cikin bargo tace"Lafiya kalau..Matar Abdullahi Usman.."Dama haka take Kiranta Hafsah tace"Ashe zaki gane ni..? Sakina tace"Saboda..? Ina da Layinki aie..kawai dai Abubuwa ne sai a hankali ya gida..? Ina oga da Yara..?
Hafsah tace"Duk suna lafiya suna Zaria ni gani kaduna Tun Shekaran Jiya.."Sakina tace"Kai Don Allah..? Me kika zo yi kaduna kuma..? Hafsah tace"Suna muka zo kanwar Abban Amira ta Haihuwa wacce ke nan Kaduna.."Sakina tace"Oh..Allah sarki zannira kenan Kamar naji Nazifi na mganarta ba C.s akayi mata ba..? Hafsah tace"Eh wlh...Jiya akayi suna Shine yau zamu koma nace bari na Taboki naji ko kina kaduna ko kila kin koma wajen aiki..?
Sakina tace"Ayyah Wlh ban koma ba Kingani Tun Ranar monday na saka ran komawa ammh na tashi da Fever da Ciwon kai Sai Da naje asibiti Jiya kawai sai na Dauki Excuse sai Ranar Friday in naji Sauki zan koma.."Hafsah tace"Shikenan zamu zo kafim mu tafi..Ina Ya Nazifin yana gida ko an Fita..? Sakina tace"Yana office Wlh Tun safe ya fice sai kunzo kiyima mai jego sannu in na samu Lokacin zan Shigo insha Allahu"Hafsah tace"Zataji sai mun iso.."
Daga haka suka yanke Kiran Dama Handfree ne, Hafsah ta Saka da Sauri Subai ta mike tana Fadin"Wlh sai munje ku Shirya da Habu Direba ya iso muyima Zannira sallama Dagachan sai mu wuce.."Haka ko akayi Ba Dadewa sai gashi ya iso nan sukayi mata sallama Harda kwallarta Ta basu sakon Turaman Atamfa Biyu na Mama Dana Inna Abu Inna Talatu ma ta bata nata Sai sakon Nama Da yawa Datace akai ma Mama ta Diban nata dana Ya auwal sai ta aika gidan Inna Abu na Ya Abdullahi kuma tabama Hafsah tace takai mai Sun Rabu Cikin kewa Don ma ga mariya sai Sati mai zuwa zata dawo,ammh harda ita za"aje gidan Nazifi Domin tace wlh Sai taje itama allah barshi in sun Fito sai su sauketa Boss Stop ta Hau Adaidaita ta dawo.
Daga Gidan Zannira sai anguwar Rimi Gidan Nazifi Hafsah ita ta gane Gidan Tunda suka Shigo Layin da Farko sun so su bace Ammh Daga baya sai ta gane Gidan Hon suka zuba abakin katon bakin get din megadi ya leka ya Bude musu get suka Sulala Jiki ga Bakar Motar Sakinan nan Anaconde tana Fake,Suka Firfito Daga Motan suna kallon Farfajiyar Gidan Subai sai kalle kalle take kafin tace"Shima dai Ya Nazifin da kwadayi da Buri dame wannan Gidan yafi ma wanda Ubanta ya basu duk da Banta ba zuwa ba.."
Hafsah na Dariya tace"Babu sai Abunda ba"a rasa ba.."Subai tace"Gashi yanzu ya Dawo Gidansa don Dole Domin ko yaya Guntun Gatarinka yake yafi sari ka bani.."Kafa hafsah ta Take mata Daidai Lokacin da Jidda ke Tura Kofar Falon gidan ganin haka yaasa tayi Shuru suka saka kansu Ciki Lokaci Daya da sallama.
*Janafty...*
*MASIFAFFAN NAMIJI..!*
*Wattpad:JamilaUmar351*
*Mallakar:Janafty💞*
*DEDICATED TO:My Habibaty💞 Aisha Idris Abdullahi..*!
_Shafin yau Gabadayansa Sadaukarwa ne zuwa Gareki *MY BEST❤️HALIMA..* ALHERIN ALLAH YA KAI MIKI ADUK INDA KIKE AMEEN..._
*014*
"Falon babu Kowa sai karan Talabijin Daya ketayi Shi kadai...Kwata kwata Babu motsin kowa Cikin mamaki Dukkansu suke Bin Falon da kallo ganinsa kaca kaca da alama dai matar Gidan bata Dubashi ba.
Saman Center Table din Dake Tsakiyar Falon Ga Filet nan da kofuna da kuma Goran ruwa da lemo Wanda da alamu Harda wanda akayi amfani Dashi Jiya da Daddare dana yau da Safe, kila da megidan zai Fita ne,ya Taimaki kanshi.
Suna Ta Raba ido Cikin Falon,Subai Ta kalli Hafsah tana Fadin"Ke wai matar gidan kuwa tana nan..? Hafsah tace"Tana nan mana..Da bata nan da batace tana nan ba kinsan tace batajin Dadi kila Tana ciki ne.."Mariya ce Ta kara bude baki ta kwarara Sallama sai ga Sakina ta Bude wata Kofa dake yammah haka ta Fito Dagani Daga barci tatashi Domin Rigar barci ce ajikinta mai igiyoyi,Sai wata Hula Dake saman kanta Fuskarta Duk ta yamutse Alamun dai Tun barcin Jiya bata iya Tashi ba sai yanzu.
Da Mirmishi ta Tarbesu Lokaci Daya tana karisowa kusa dasu Cikin Fara"a tace"Sannun ku da zuwa..ku zauna Ashe Kun kariso...?Hafsah tace"Eh wlh..Muna Ta sallama muka ji Shuru..? Ta fada tana zama kan Daya Daga Cikin kujerun da sukayi ma Falon kwanya,Suma su Subai"atu da mariya da Jidda Hade da Inna Talatu suka nemi waje suka Zauna,Lokaci Daya suna gaisheta ta amsa Tana kallon Inna Talatu ganinta Babba yaasa ta gaisheta ita kuma ta amsa Tana Tambayanta gida da yara.
Mirmishi Sakina tayi batayi mgana ba Hafsah ce tace"Wasu yaran Inna..? Wadanan yan Boko ne yara ba yanzu ba.."Inna Talatu tace"Ikon Allah daman Haihuwan Tsarata ake sai sonda Mutum yaga dama..? Kai yaran zamani.."Tafada tana kyabe baki Dariya suka sakamata Harda Sakinan Subai ce tace"Inna baki gane ba..Ba yanzu suke Bukatar ya'yan ba sai zuwa Gaba.."Inna Talatu ta tabe baki Tana Fadin"Aikin Banza ai Duk wannan Shirme ne da Biyema ka"idan Yahudawa Annabi da kansa yace kuyi Aure ku Haiyayyafa sai nayi alfahari Daku Ranar lahira ammh ku kuma kuna ma Tsara Lokacin da zaku samu ya"yan ne Allah ya kyauta To.."suka kara sakamata Dariya saboda sanin Halin Inna Talatu na barkwanci da kuma Ban Dariya.
Sakina dai batayi mgana ba, sai Mirmishi sai chan ne,Hafsah ta kalleta tace"Kanwar Mama ce muna ce mata Inna Talatu.."Yake tayi Tana Fadin Allah sarki Kafin Hafsah ta Nuna Subai tana Fadin"Nasan baki santa ba Ita ke bima Zannira sunanta Subai"atu azaria take aure..su Mariya kuma nasan kila kin ganesu..? Sakina ta kallesu Daya bayan Daya kafin tace"Allah Sarki..Sannunku da zuwa.."Suka amsa da yauwa Subai"atu dai nata yan kalle kalle Tana Tabe baki Sakinar na Lura da ita,sai itama ta Dauke kanta ta Mike tana Fadin"Bari na kawo muku Ruwa...kunzo ban lahiya banyi komai Cikin Gidan ba.."
Hafsah tace"Ayyah bakomai da kin barsa ma munsha Ruwa saman Hanya muke.."Bata saurareta ba tawuce zuwa Kitchen suka Bita da kallo ganin yadda take wani taku ta kowani Kira na Jikinta yana amsawa Baki Subai ta Rike tana Fadin"Ji wai macen Aure..? Ji gidanta..?gaskiya Ya Nazifi kyan jiki kawai yabi da Dukiyar mahaifinta ammh banda haka wlh banga Abun so anan ba.."Hafsah ta Take mata kafa tana kyafta mata ido Mariya nata Dariya Inna Talatu dai bata saka musu baki ba Domin Itama Sakinar bata bata Sha"awa ba sam..
Ruwa da Lemo ta kawomusu da Kofuna kana ta koma ta Cikin Bedroom dinta ta Dauko wayarta tazo ta zauna ta Dora kafa daya Kan Daya tana latsawa Subai kuwa sai Binta da kallo take awulakance,ganin basu sha Ruwan ba yasa Sakinar ta kallesu Tana Fadin"Kun ki shan Ruwa..? Hafsah tace"Zamu sha..Dayake kinga Daga gidan zannira muke bamu tare da kishi.."Itace tasha Ruwan sai Inna Talatu Subai da Mariya da Jidda ba wanda yasha,Sunanan zaune sau Daya Sakinar ta Dago tana Tambayan Hafsah yasu Amira..? Tace suna Lafiya suna Gidan Ammi.
Sunyi zaman mintuna Talatin kana Subai ta kalli Hafsah tana Fadin"Muyi Harama ko..?12 ta wuce kada muyi Dare Bisa Hanya.."Tafada tana mikewa Lokaci Daya tana Gyara zaman Saleem Dake Hannunta,suma Duk sai suka mike suna Fadin"Ai kuwa Toh sakina mu zamu wuce.."Cewar Hafsah sai Lokacin Sakina ta ijiye wayarta tana Fadin"Tun yanzu..?
Hafsah tace"Muna Bisa Hanya ne..Zaria zamu koma.."Sakina tace'Ai nagode..Ku gaida gida Allah kiyaye Hanya mungode.."Subai ce tace"Toh in yaya Nazifin ya dawo sai agayamai mun zo..Allah kara lafiya.."Sakinar ta karba da Ameen Fuskarta ba Fara"a Sosai iyakarta Rakiyarsu bakin kofar Falonta ta koma Subai bata Samu Bakin mgana ba sai da suka Dauki Hanya kana ta kalli Hafsah Tana Fadin"Gaskiya matar nan ta Ya Nazifi bata da Kirki..Duk Fadin Rashin kirkinta dasu Zakiyyah ke Fadi ban yarda ba sai yau Dana ganta.."
Hafsah tayi Dariya tana Fadin"Wai ina Ruwanki da Rashin Kirkinta..? Matar nan kin Cika gulma.."Subai tace'"Allah ba Zencen gulma ba sai gaskiya Shiyasa ba"a son Dogon Buri,kinga da Lokacin da zai yi Aure yabi yadda Sunna ta koyar mai addini da Tarbiya Shi kuma sai yabi Mai kyan Diri da kuma Tarin Dukiya Shiysa Tunda yayi Aure yake ta kwarewa kamar kudin Guzuri.."Dariya ta kama Mariya da Hafsah suka kyakyalce da Dariya Jidda dai Tabe kawai Tayi Dayake ita ke gidan Gaba.
Mariya ce tace"Haka ake ta Gulma a anguwa ana Fadin Auran kudi yayi Gashi kuma ya Auro ma kansa wacce tafi karfinsa kwanaki Mama naji suna mganar da Ya Abdullahi Da suka samu matsala ya Taba marinta ta koma Gida Babanta ya Kira Baba wada yace wlh sai yamaka ya Nazifi a kotu Baba wada yace Abun bai kai nan ba,Ya Kira ya Abdullahi yace maza ya Raka Shi Ya Nazifin suje suyi ban Hakuri wanda ya jawo Ruwa ya Dakesa Shi kadai da Mutumcinsa bazai bari Nazifi ya maidashi Mutumin banza ba.."
Salati Subai ta saka ta na mamaki kafin tayi mgana Hafsah tace"kwarai kuwa Kwanaki sunje kano..Shida Abban Amira ammh kusan Halin yayanku Wlh ko Tadin bai taba yi Dani ba.."Mariya tace"Tabdijam Wake jin Zence abakin Ya Abdullahi in banda Mama..? Ko nima Ranar bai san ina Ciki bane Ina ma Mama gyaran Daki Dana Fito muka Hada ido kinga Ruwan Harara..?Dariya suka sakamata Lokaci Daya Subai tace"Da farko Haushinsa nakeji ina mai Allah kara ammh yanzu ya koma Bani Tsausayi Wlh inda ina da Diya Budurwa sai na wanketa na bashu Naga yarda Shegiya zata kare sai taje ta Rungumi aikinta Ubanta kuma sai ya maye mata Gurbin Nazifin..'
Hafsah ta Rike baki Tana Fadin"Lalle lamarin Babba ne..Ai bata baci ba ga Muhsina sai ya Jirata in ta kara Girma muyi Tuwona maina.."Duka Subai ta Daka mata abaya Tana Dariya Mariya na Tayasu Jidda kuma daman bata Cika saka musu baki ba in suna mgana Inna Talatu kuma taji sanyin A.C mota Tuni Barci ya saceta,Mariya ce ke Tayasu Da Dariya Dayake ita akwai manyance,Bus stop suka ijiye Mariya ta Hau adaidaita ta koma Bayan sunyi Sallama nan suka Barta tana neman Abun hawa.
Suna Tafe suna Hira gwanin Sha"awa Suna gabda Shigowa Zaria Subai tace"Jidda wai yaushe ne,Bikin autar Goggo Habiba ne..? Jidda tace"Wlh na manta ammh fa an kusa kamar naji Mama suna mgana da ita datazo mata Barkan Anty Zannira Tace watan Gobe ne.."Hafsah tace"Kai Abun har yazo..kamar fa Shekara aka saka ko..?
Subai tace"Eh mana nima nayi mamaki..Komai aka sakama Lokaci sai yazo lalle kice Danja zatayi Diban baki.."Hafsah tace"Aifa..Allah dai ya kaimu.."Jiddaa tace"Kafin na Madina din wannan Asabar din Diyar mijinta na Aure fa Shiyasa ma Tace ma Mama bazata samu zuwa Kaduna ba Tadai Kira Anty Zanniran ta mata barka.."Hafsah tace"Allah sarki..yakamata kuma ama Goggo kara kowani Sha"ani Da ita da ya"yanta akeyi.."
Subai tace"Sai Ya Abdullahi ya wakilataki kije Qawata.."Hafsah tace"Wa..? Rufamin Asiri ina Lallaba yan kayana yanzu ma Baku san Abunda zan Tarar ba na Tsiya.."Ta fada tana Dariya Dayake ta basu labarin yadda ya Barta ta Taho Tunda Ranar da sukazo da Daddare Umman Sadiq ta Kirata tana Tambayanta ko ya Kirata yace tatafi sai tace gatama akaduna.
Basu iso Zaria ba sai Wajen Biyu na Rana Dayake basu yi Gudu ba Gidan Mama Tawagar Sunan ta yada Zango suka bama Mama sakonta ita kuma tayi ta Hamdalan Sun dawo lafiya daya suka baro masu wanka sukace Lafiyarsu kalau suna gaisheta Dama koda suka iso Mama tayi Danwakenta da yajinta da manja nan suka baje sukaci suka Koshi suka Dora da Ruwa kana aka Zauna zaman Hira Bayan sunyi Sallar azahar.
Cikin Hiran ne Subai ke Fadin"Mama Ashe haka Matar Ya Nazifin nan take mara Mutumci..?Mama tace"Ho ke Subai"atu ina kika ganta kuma..? Nan mariya ke gayama Mama Yadda akayi Mama tayi Dariya Tana Fadin"Hoho..Subai kina nan da Halinki..Ina Ruwanki da Rashin Kirkinta Tunda Mijinta yaji kuma yagani.."Subai tace"Mama bawan Allah ya koma Abun Tsausayi.."Hafsah tace"Don Allah mu ki kyalemu da wannan mganar in baza ki iya gani ki kyale ba ki barshi.."Hararanta Subai tayi Daganan bata kara Mgana ba ammh haka Kurum take jin Haushin Sakina acikin Ranta.
Sai Da sukayi La"asar kana Kowa tayi Shirin komawa Gida kafin su Tafi sai Da Mama ta saka Suka Shiga Gidan Inna Abu ita da Subai suka kaimata Sakon Naman Sunanta da Turmin zanin Sakon Zannira ta karba tana ta Godiya ta sakamusu albarka suna gidan ma sai ga Baba ya Shigo nan Inna Abu ke gwadamai Shima yayi ta Godiya yana saka musu albarka kana suka musu Sallama suka Fito Direban Mijin Subai Shi ya Fara kai Hafsah Gida kana ya wuce da ita Dama ta karbi key hannun Mama Tunda nan Abdullahi ke Barin key din Guda Daya Dayan kuma Dama yana Hannunshi ne.
Tana Komawa Gida ta Zage ta Fara Gyaran Gidan ganin Duk yayi Kura ta Share Tsakar Gida da Kitchen ta Share ganin yadda Abdullahi ya Birkita mata shi kawai Wajen Dafa Ruwan lipton,Ruwan zafi ma cikin Kittle yake sakawa,Dakin barcinsu kuwa Taga Abu kaya duk ya watsar Sai da ta gyara haka Tailet Ya watsar da Soso nan Sabulu chan komai dai ya Batashi Bayan ta Share ko"ina ta gyara sai ta koma Zaman gyara kayan Abdullahi na Cikin Wardrope wadanda kila wajen Daukan kayan da zai sakane Duk ya Birkita goggun Ciki ga kuma Kayanta da nashi wanda aka Dawo Dasu Daga wanki da Guga nan ya Turasu waje Daya Tana Gyarawa Tana mita acikin Ranta sai Gabda da mangariba ta gama gyaran kayan kana ta Fito Zuwa Kitchen ta Duba Fridge dinta taga Tana da Sauran Nama da Nikakken kayan Miya kawai sai ta Dora Musu Jallop din Shinkafa,Acikin ranta kuma tana Addu'an Allah yasa wannan karon Abdullahi ya siya mata gas Tuni Take nacin ya siya mata yaki wai saboda yara bata da Hankali wata Rana Sanda zasu je kusa ma bata sani ba Tunda Taji haka ta Hakura damai magiya.
Ta idar da Sallar mangariba kenan ta Kira Ammi ta Shaidamata Ta dawo Ammi tace"An dawo lafiya..Su Amira dai Kila sai Friday zasu dawo..Taji Dadin kiwon Tsohon Mijina ta nace taki Tafiya.."Hafsah na Dariya tace"Kai Ammi kodai ke kikaga Sabon Miji kika makalemai kina ma Daddy jan Aji Shi kuma ya kama Sabuwar amaryansa..?
Ammi tace"Wa..? Wannan ai ba megida bane Tunda baya Cefene.."Hafsah ta saka Dariya Ammi na Tayata tana jin Hayaniyarsu Amira Hafsah tace"Ammi kina ganin ba Matsala..? Kada fa Hayaniyarsu Amira ta Saka jinin Daddy ya kara Hawa..?Ammi tace"Ko daya karki damu ai shi Hayaniyar yaran yake so Tunda yanzu duk baku kusa dashi..Baki ga yadda yake sakewa dasu ba suma Sunfi son zama Dakinsa indai yana Gidan.."Hafsah tace"Shikenan Ammi..Ki gaida Daddyn zan kirasa.."Ammi tace"Shikenan.."Daga haka suka yanke Kiran Juna Hafsah na Mirmishi Sanin Diramar Ammi da Daddy kan Son Yaran da suka Haifa ita da Anty Hadiza,Koda Ammi tace sai Ranar Friday su Amira zasu dawo bata damu ba sanin Direba ke kaisu makaranta kuma Suna da kayansu chan Gidan Ammi kamar yadda suke dashi Agidan Mama Tunda suna yawan zuwa wasu kayan adawo dasu wasu kuma abarsu chan.
Koda Abdullahi ya Dawo ya Iske Hafsah ta gama Komai Har wanka Tayi ta Saka kaya Cikin Wasu Ubansu Riga da wando yan kanti wadanda suka kamata Sosai suka Fitar mata da Surar Jiki gefe daya kuma Tama kanta Barin Turare Duk inda ta gifta sai Tashin kamshi kawai take,kanta kuma wani Karamin Vail din gyale ta Daura,koda ya Shigo Gidan yaga Hafsah ta Dawo bai yi Mamaki ba Tunda ya Biya Gidan Mama ya ga Sakon Zanniran kuma Maman ta gayamai Sun Dawo Tun dazu Subain ma da Hafsah tare suka Fita.
Koda ya Shigo Hafsah Tana Sallar Isha"i Saboda haka kawai sai ya wuce Cikin Bedroom Karamar Jakarsa ya ijiye da key din Mashin Dinsa,kana ya Shiga Toilet ya iske ta sakamai Ruwan zafi a kittlle kawai sai ya juye yayi wanka Dashi ya Fito Kenan Daga wanka yana Sanye da Bakin Wando sai karamin Towel yana Goge Jikinsa Dashi sai ga Hafsah ta Shigo kallo Daya yayi mata ya kauda kansa kawai ya karisa gaban madubi ya Dauki mai ya Fara Shafawa.
Da kallo Hafsah ta Bisa sanin Hali yasa kawai ta karisa garesa ta Rumgumesa ta Baya Lokaci Daya ta Zuro Hannuwanta saman Cikinsa wanda Dukkansu sai da Jikinsu ya amsa Cikin kissa ta kwantar da kanta saman Bayansa Sanin tayi Laifi sai ta ke kokarin amfani da Hanyar da tasan Zata sauko da Fushinsa Da wuri.
Yana Jinta ya mata Banza sai ma Kokarin Rabata da Jikinsa yake yi Jin Haka yasa ta kara makaleshi Lokaci Daya ta Shagwabe Murya tana Fadin"Abdullahina Kana ganina na Dawo Shi ko mgana ko..? Tafada Lokaci Daya tana amfani da Hannunta Duka Biyu Tana Shafa kwantattacen gashin Daya kwanta saman Kirjinsa,Wanda sanadiyar haka Tsikar Jikan Abdullahi ta Fara tashi Ganin tana neman Birkitamai lissafi yasa yayi Sauri Juyowa Lokaci Daya yana saka Hannu ya Raba Hafsah da Jikinsa Kallonsa take Cikin manyan Idanuwanta Shima sai ya sakarmata ido kawai yana kallonta ammh Fuskarsa ba Fara"a ko kadan
Ganin Haka yasa Jikin Hafsah sai yayi sanyi Duk Confident din Datazo dashi sai ta nemeshi ta Rasa,Sai kawai ta sadda kanta kasa tana wasa da Zoben Hannunta Cikin sanyin Murya tace"Sannu da zuwa ka Shigo ina Sallah.."
Yana kokarin Rabata ya wuce yake Fadin"Uhm...Na Shigo kina Sallah.."Daga haka bai kara komai ba ya Bude wardrope yana neman Jallabiyan da zai saka bata Dandara ba ta kara Binsa ta saka Hannun kenan zata Rikosa yayi saurin kaucewa yana kallonta Lokaci Daya yana Fadin.."Ina Kika ijiyemin Jallabiyoyina..? Yafada yana kallon Gefe Saboda Shigar datayi Domin wanke Laifinta ya kusa yin Tasiri a tare da shi.
Batare Da tayi mgana ba ta matsa gefensa ganin haka yasa Shima ya matsa hade da Juyamata Baya,Mamaki ya kara kama Hafsah aranta tace Abun Babba ne,Jallabiyansa ta Daukomai mai Ruwan toka tana Fadin"Gata ko na chanzo maka wata ne..?
Bai mata mgana ba illah ido Daya Zubamata lokaci Daya yana mika mata Hannunsa tagane Abunda yake Nufi ta mikamai Jallabiyan ta koma gefe tana kallonsa Bai sakata ba ya maidata ya Dauko Baka ganin haka yasa ta Girgiza kai ta Fice kawai Zuwa Kitchen ta Hado ma Abdullahi Dinner dinsa Zuwa Tsakiyar Cafet din Dake Cikin Falon.
Ta kawo mai Ruwa kenan sai gashi ya Fito yana waya Jin datayi yana ambaton Mutumina yasa ta gane da Nazifi yake mgana Yana zama kan Daya Daga Cikin kujerun Falon taji yana Fadin zataji Daga Haka sukayi sallama,Abincin ta Zubamai Cikin Filet tana Fadin"Na saka maka Coslow din ne..? Bai mata mgana ba sai ya Sauko kasa ya Tankwashe kafa Sai ta mikamai Filet din Hannunta zuwa gabansa ta Turamai Dan Vowl din Data saka Coslow din Shi kuma ya saka Cokali ya Diba ya zuba kana ya Fara Cin Abinci gefe ta koma tana kallonsa Sakamakon Ita ta Riga taci nata Tun Dazu.
Hankalinta ta maida kan Talabijin tana kallon Tashar Arewa24,Chan taji yana Fadin"Ashe kun Biya gidan Nazifi yau..? Hafsah ta waigo tana Fadin"Eh wlh..na kira sakinar tace tana gida bata koma ba batajin Dadi.."Kada kai yayi kafin yace"Yan suna..? Gashi kin Dawo na zata chan zaki zauna sai Zannira ta yaye kana sai ki Dawo.."Kai Hafsah ta Sunkuyar Lokaci Daya tana Fadin"Allah baka Hukuri.."Bata Rufe baki Ba Abdullahi ya katseta da Fadin"Shoutup...!!! Gabanta ya Fadi sai ta kara Sunkuyar dakai tana Wasa da adon kwalliyar Rigarta.
Cikin Bacin Rai Abdullahi ke Fadin"Banda kin Rainani Hafsah har ni na ce bazaki je waje ba ki kira Ummata ki kaimata karata ko..? Saboda Umma ke Auranki ko..? Ko kuma Ita Zanniran tafini Muhimmanci ne Tunda kika zabi ki Farantamata ni kuma ki Sabamin ko..? Hafsah ta Dago Tana kallonsa Cikim marairaicewa tace"Allah Abban Amira ba Haka ba..!Ba haka bane To yane Hafsah..?
Ya fada yana Tsareta da mayen Kallonsa mai kama da Tuhuma Cikin Fargaba ta maida kasa tana ajiyar Zuciya,Kada kai Abdullahi yayi yana Fadin"Kinsan meyasa na Hanaki zuwa sunan nan..? Bai bata zarafin mgana ba yacigaba da Fadin"Saboda ki gane ni keda iko dake..Kuma kina karkashina ne..Ina da ikon da zan Hanaki zuwa Sunan komawaye ba Kanwata Zannira ba koda kanwarki ce ko yayarki Ni Abdullahi ina da ikon da zan ce bazaki ba kuma ta zauna ammh saboda ki nuna min iyakata ki ka kira Umma ta Tilastani yin Abunda ban Shirya ba kin kyauta ai gashi kin je kinyi ma Zannira Suna kin Dawo kin barta Chan ita da Mijinta suna zamansu lafiya ke kuma kin Dawo kin Tarar da mijinki wanda kika Nuna ma bai isa Dake ba yayi kyau...".
Maganganunsa sun kashe Hafsah Jiki sai ta kada kai Tana Fadin"Nidai nasan ban Kira Umma na gayamata komai ba ita ta Kirani Tana Tambayanta meyasa banje suna ba sai nace mata kai ka Hanani batama Jira cewata ba ta yanke kiran kuma Harga Allah bansan cewa kai Zata Kira ba da ban barta ba ammh na amsa Laifina Don Allah kayi hakuri.."Yana jinta har tagama mganarta bai Tankamata ba,Ganin yayi mata Shuru yasa ta marairaice tana Fadin"Kaji..? Bazan kara ba Insha Allahu.."
Tafada tana sakarmai Idanuwanta kamar bazai Tanka ba sai kuma ya Dago yana kallonta ajiyar Zuciya ya saki Lokaci Daya yana Fadin"Ya wuce..Ammh kuma karki Fasa biyema mara Hankalin yarinyar nan Subai"atu ni ba irin sakaran Mijinta bane mara wayau ko"ina sai ki ganta tana saka kafa in kikace ita zaki dinga bi Wuyana zaki Sha Allah.."Dariya ta kusa kama Hafsah sai ta kanne Tayi Saurin Fadin"Insha Allahu.."
Ture Filet din gabansa yayi ya mike yana Fadin"Kwashe kayanan ya isheni..Nazifi na muku ban gajiya ya koma sakina ke Fadamai kun zo.."Ta mike tana Fadin"Eh muna amsawa..Sakon Naman sunanka nawajena Zannira tace azo maka Dashi.."Tabe baki yayi yana Shiga Bedroom dinsu yace"Ita kuma gulmanta yayi yawa ina Abunda ya Shafi Abdullahi da Naman suna ko ce mata kikayi mijinki baya Siyan miki nama Shine yasa ta aikomin dashi..?
Yafada yana Tsare Hafsah da ido,Da sauri tace"A"a wlh cewa tayi dai adiban maka kaida Auwal..Ni ba ruwana.."Mirmishi yayi kafin yace"Haka Chan naje Mama na turamin gabana nace wannan ai Shirmen mata ne Naman suna ta Hada suci agida,..."
Hafsah batayi mgana ba ta kama Bakinta Shima bai kara mgana ba ya Shige Ciki ya barta tana kwashe Kayan da yayi amfani Dashi.
*Shakira.."*
*MASIFAFFAN NAMIJI..!*
*Wattpad:JamilaUmar351*
*Mallakar:Janafty💞*
*Dedicated To:My Habibaty💞 Aisha Idris Abdullahi..*!
*015*
"Allah ya taimaketa wannan karon bai tsawaita Fushinsa ba Bata taba zaton Abun zai zo da Sauki kamar haka ba sai dai kuma Sha"anin na Abdullahi sai Allah Shi madaci ne ga Zaki ga Harbi.
Da safe suna Breakfast Take gayamai Sakon Ammi na Su Amira sai Friday zasu dawo Har ta bashi Labarin Diramar Ammi da Daddy kan su Amira Abdullahi yayi Mirmishi yana Fadin"Sai ki Shirya yau in na Dawo Daga Office muje mu gaishesu Daganan sai mu kaima su Amira kayansu Tunda suna Debema Daddy kewa su Zauna chan Har sai sun gaji dasu sun Dawo dasu da kansu.."Baki Hafsah Ta Bude Cike da mamaki da kuma Farinciki kafin tace"Makarantar Haddarsu fa Abban Amira..?
Yana Tura kwai bakinsa yace"Su Dinga zuwa Dagachan mana...Ko Ammi ma sai ta Tuka mota takaisu yanzu ma karki mamakin ba Direba ke kaisu Amira makaranta ba Itace da kanta.."Hafsah tace"Ammi ai babu Ruwanta...Bantaba mantawa Nida Anty Hadiza Ita ta koyamana Mota Duk da Fadan Daddy ya Dinga yi.."Kai Tsaye Abdullahi ya kalleta yana Fadin"Gashi Anty Hadiza ta Mori koyon Motan nata, ammh ke baki Mora ba har yau baki jin wani iri..?baki jin kamar kin Fita Dabam ko Hausina..? Kin Taso A Katon Gida da kuma motoci ammh kinzo kina Rayuwa a karamin Gida tare da Miji mai Rufin Asiri baida Mota ballatana katon Gida sai dai Mashin baki jin wani irin in kika shiga Cikin Danginki da yan"uwanki..?
Kur Hafsah tayi mai da ido kafin Lokaci Daya Annurin Fuskarta ta Chanza Idanuwanta suka Chanza Launi Cikin karaya da Muryan Kuka Tace"Kana Tamtama da Irin Son da nike maka ne Abban Amira..? Kai ya girgiza mata zai yi mgana ta Dakatar dashi da Fadin"Ko kuwa Irin Tarbiyan da iyayena suka bani ne ka Raina..? Kai ya gyada mata yana Fadin"Karki min mummunar Fahimta Hafsatuna...Ina Tsausayinki ne sai ina ga kamar ban miki adalci ba kamar kinfini karfina na so kaina da yawa da Nuna ina Sonki har na Aureki..".
Ranta ya baci Hawayen idanuwanta Suka zubo Cikin Wata Irin Murya Tace"Banta Tsammanin Zuciyarka zata maka irin wannan Tunanin akaina ba...Tunda na taso agidanmu agaban Ammi a kullum karatunta garemu nida Anty Hadiza Shine mu daina Dubam kanmu ko matsayinmu ko na Mahaifinmu Mu Rika Duban Na kasa Damu mu kuma sani Cewa ko yatsun Hannayenmu ba Daidai bane,Daddy ya karantar damu Gidan Uba Dabam yake da Gidan Miji Abban Amira ya kuma Sanar damu ba Lalle bane Abunda ka samu gidan Mahaifinka ka samu gidan Mijinka ba Ya horamu kam zamu iya Yin Aure mu samu Fiye da Abunda muka samu Daga garesu kuma zamu iya Aure bamu samu Kamar yadda muke samu ba sai dai ya Horemu Da kada mu Raina arzikin wani komai kankantarsa,Mu dai mu kasance masu Wadatar zuci da kuma Dogarai ga kai da kuma Tsayawa ga Allah,Sun kuma Horar damu mu Sani Takala ko mai kudi Duka Daya yayi Su..Tunda ga Ranar Dana Gabatar da kai wajen Daddy ya yi min Nasihan cewa Zabi nagari shine mafi a"ala kuma Ranar da za"a kawoni Gidanka a matsayin Matarka Daddy ya Fadamin cewa Kada na Dauka naje zaman Jin Dadi ne Zaman Aure waje ne na Bauta kuma wajen samun aljanna ce..Saboda haka sai namike tsaye kuma nayi aiki Tukuru Domin wajen samun aljannah ba"a samunsa da waasa.."Ta Dakata tana Share kwallahrta Abdullahi Dayayi Shuru yana kallon Hafsah sai Jikinsa ya mutu ya taso Daga Inda yake ya karisa gabanta ya Duka ya saka Duka Hannunwansa saman Kafadunta ya Dagota Lokaci Daya ya Saka Hannu yana Daukemata Hawayenta yana Girgiza mata kai alamun kartayi kuka.
Kukan ne ya kwace mata ta Fada Jikinsa tanayi,Hannayensa ya saka ya Rungumota Yana sakin Ajiyar zuciya itama Rumgumesa tayi kam Tana sakin Kukanta Bayanta ya Shiga Shafawa yana Fadin"Shiii..Is ok..Am Srry kinji bazan kara wannan mganar ba i promise u.."
Kara Lafewa tayi saman Kirjinsa Tana Fadin"Tunda na Aure ka Abban Amira wani abu bai taba Tsolemin ido ba..Miye Mota..? Bakomai bace a zamana dakai kana Bani Abunda Gidajen masu Hawa Motocin basu bama Matansu ba,Farincikin da kake bani da kulawar da kake bani Nida ya"yana yafi yemin duk wani kawan Duniya awajena kai mai arziki ne Domin ban Taba zuwa wani waje an Raina ni ba..Kana bani Abinci mai kyau da Gina Jiki kana Dinkamin Suturu na alfarma masu Tsada Dani da ya"yana,Kana bani Lokacinka uwa uba kana Saukemin Duka Hakokkina Kana kuma kana Darajamin iyayena da yan"uwana kamar yadda kake Mutumta naka miyefi wannan arziki..? Ni awajena Duk macen Data samu wannan Tagama samun arzikin Duniya sai dai ta jira na Lahira kuma.."Tafada lokaci Daya tana Dagowa ta saka Kwayam idanuwanta Cikin nashi Kashemai Jiki tayi yasa kawai ya kamata ya Rumgumeta Rumguma mai Tsawo kafin ya Dago ta ya Sumbaci lebenta Sumbata mai Tsawo da Muradi kafin ya Dago Habarta yana kallonta Cikin Ido Lokaci Daya yana Fadin"Alhamdulillah..ina godiya ga Allah da samunki A matsayin Matata Uwar ya"yana Hakika na yarda kuma na gamsu Fatana kimin Afuwa da mganata kinji ko...? Hafsatu zata iya ma Mijinta Abdullahi Bawan Allah afuwa..?
Yafada yana wani lumshe mata ido Jikinsa kawai ta koma ta Fada ta Dada kamkamesa Jin Haka yasa ya gane ta Hakura Shima Kara kamkameta yayi yana Shakan Kamshin Turaranta,Sun Dade ahaka kana ya Dagota yana Fadin"Hafsatuna na Makara fa...?Sakinsa tayi Tana Tura baki Dariya kawai yayi yana kallonta Bedroom dinsu suka koma ya Dauki briefcase dinsa da key din mashin dinsa Har waje ta Rakashi kana ta Rufe gidan ta koma Dakin ta Fara kwashe kayan da suka bata zuwa Kitchen.
Bayan Sallar Isha"i Suka Tafi Tudun wada sai dai su Ammi suka gansu kwatsam,Su Amira ma basu wani Damu dasu ba,Suna makale da Daddy da Ammi,su kuma suna Jin Dadi Tunda Gidan ba yara,Hafsah sai wani Shagwaba takema Daddy Ammi ta kalleta tana Fadin"Yau ni naga Abunda ya isheni ni Zinaru..? Uwa tazo ta nanikemin Miji Diyama tazo ta Hau nanikamin miji wai me kuke nufi ne..?
Abdullahi na Dariya yace"Ammi kema sai kija maigidanki gefe kiyi Banza dasu.."Ammi tace'Haka Za"ayi kuwa..Ammh Laifin megidan ne ba Cefene ni kuma na saba Mijina cefene yake min.."Dariya suka saka Hafsah tace"Kai Ammi ina Laifima..?Daddy yace"Kyale Zinaru..So take abarmata ni ita kadai..Alhalin Tunda tayi sabon megida ya watsar dani ni kuma sai na koma wajen amaryata kawai bashi kenan ba.."Dukkansu Dariya suka saka Cikin Farinciki sai wajen goma saura na Dare suka koma Gida Shima Din Daddy ne ya matsa su koma Gida Hakika Sunji Dadi Da Abdullahi yace su Amira su zauna har sai Ranar da suka ka gaji suka maidasu sun kai musu kayan sawansu dana Makarantar Haddarsu dama already kayan makatantar na gidan kafin su Tafi Hafsah Taji Abdullahi da Daddy suna mgana kan Gininsa Daya fara yace mai Har Ginin ya Fara tsawo ammh ya Tsaya sai karshen wata kudinsa Sunyi kasa Taji Dai Suna Ta Tattauna mganar bata saka musu baki ba ganin bada ita suke mganar ba.
Kwana Biyu Tsakani Abdullahi na Office ya Kirata yana Fadamata ta yanzu gaya Transfer din kudi ta account Dinsa,har na Kimanin Miliyan Daya da Rabi Daddy ya Turamai yace ya kara Ahidimar Gini,Murna ya kama Hafsah kuma har ga Allah Taji Dadi Sosai Suna gama Waya da Abdullahi ta Kira Daddy tana mai Godiya yace karta damu Abdullahi Tamkar da ya Daukesa Miliyan Daya da Rabi ba wani abu bane,Don ma bai samu yarda yake so ba 2 million yayi Niyar Bashi Hafsah tayi ta Godiya Da irin karamcin da Iyayenta suka ma Mijinta.
Abdullahi kuwa Cikin Farinciki ya Kira Nazifi Ya gayamai bayan ya Kira Daddy yamai Godiya Mamaki ya kama Nazifi Cikin mamaki yace"Kuma sai ka karba..?Abdullahi yace"eh...In ban karba ba zan maida mai dashi ne Nazifi..? Karfa ka manta bani na Rokesa ba Shi da kansa yayi Ra"ayi ina zaune na ya aiko Min Dashi kuma Hadisi ne ba"a maida Hannun kyauta Baya.."
Nazifi yace"Hmm Duk da Haka Mutumina karka Fara wannan gangancin nima da Haka na Fara kaga Daga irin wannan ana baka kana Karba Shikenan wlh baka da wani katabus nan gaba ma Gidan bazaka iya Tutiya Dashi ba Domin ko wani Abu ya Faru ita Hafsah zata iya Dukan kirji tace da kudin Mahaifinta acikin Ginin Gidanka alokacin kana da tacewa..?Abdullahi yace"Nifa banaki mganar bane Mutumina Abu Daya nakeso ka gane Surukaina Suna da Bambamci da irin Iyayen sakina Tunda na Auri Hafsah ban taba kamasu da Wani Abu na Rashin Dattako ba..Na Shaida su na kuma yaba da irin Tarbiyansu bance maka hakan Bazata Faru ba,Zata iya Faruwa mana Tunda dama mace ita yar Gori ce ko Shekara Dari kayi kana Bauta mata Rana Daya ka kuskure zata iya maka Gori ammh Abunda nake so ka gane Sakina da Hafsah suna da Bambamci kai tun Farko Daman kasiyama kanka ne abokina ni kuma Allah na gani ban Daukan ma Kaina ba Itama Hafsah ta sani Shiyasa take kiyayemin Kan wasu abubuwan.."
Nazifi yace"Ai shikenan Tunda kace haka..Zan Shigo zuwa gobe sai muje naga yanayin aikin Nima ya kamata nazo na Fara gina nawa na Gaskiya din nan.."Abdullahi yace"Gaskiya ya kamata ko Saboda in ka Tara iyali in kunxo zaria ba sai kun Sauka Gidan Baba ba kuna da gidanku..."Nazifi yayi karamin Tsaki Kafin yace"Kai Rabani kaji Mutumina ni yanzu Wlh bana ma Kaunar na Hada Zuru"a Da Sakina kwata kwata.."
Abdullahi ya Rike baki yana Fadin"Subhanallah miye zafi kuma..? Nazifi yace'Bama Abunda Baiyi zafi ba Mutumina kai kafi Kowa sanin Halin Danike Ciki..Nagaji da Hallayar sakina Nagaji da Fama da Ciwon mara kada Ciwon Rashin mace kusa Dani ya kasheni Tunda Sakina tafi karfina na yanke Shawaran Aure zan kara Insha Allahu.."
Abdullahi yace"Topha Aure kuma...? Anya baka Hada ma kanka zafi ba kuwa Abokina.."?Nazifi yace"Bawani zafi..kaji mutumina..Kadai ka bari na Shigo zamu Tattauna.."Daga haka sukayi sallama suka yanke Kiran Duk wani masoyin Abdullahi sai da yaji Labarin alherin da Mahaifin Hafsah Yayi mai Mama da Inna Abu kuwa Har Tudun wada suka je yima Daddy Godiya ya Dinga Fadan meya sukaje Kamar wasu kudi ne masu yawa Mama dai sai Godiya kawai sukeyi,Inna Abu tana ta saka albarka dasu ka koma gida tana bama Baba Wada Labari Tana Fadin kaga gidan karamci da Dattako mallam ba irin Surukan Shashashan Yaron nan ba.."
Baba wada yace"Ina zaki Hada Abu..? Ai Iyayen yarinyar nan mutanan kwarai ne Abdullahi yayi Dacen Surukan kwarai Allah dai ya saka da alheri ya bar zumunci.
Ranar Friday Nazifi ya Shigo Zaria Bayan sunje sun Duba wajen Ginin Nazifi ya kalli Abdullahi yana Fadin"Shege mutumina Gini fa yana ta Nisa.."Abdullahi yace"Kai dai bari so nake nan da Shekara mu Tare...Wanchan ya Fara mana kadan gashi ana ta Tara iyalai.."Yafada yana Sosa Sajensa Dariya Nazifi ya saka ya bashi Hannu suka Tafa suna Gefe Inda suke Tsaye Suna Bin ma"ikatan da Kallo Nazifi ya waiwaya yana Fadin"Katon Gida ne fa anan wajen Mutumina..Ammh naga kamar Flat biyu zaka yi ko..?
Abdullahi yace"Eh 2 Flat ne mana..Daya na Hausina da yara,Sai Dakin baki Daya kuma Nawa ne Megida.."Yafada yana Dariya Nazifi ya kallesa yana Fadin"Kodai...kodai Aure zaka kara ne Abokina.?
Abdullahi ya ware ido yana Fadin"Aure..? Rufamin Asiri ina Lallaba Rayuwa ni da matata da ya"yana..Ban ce maka bazan kara Aure ba Har Abada..ammh Bani da Ra"ayi kila in yana Cikim Kaddarata sai kaga na kara ammh gaskiya For now bani da wannam Ra"ayin Wannan sai kai mutumina.."Nazifi ya gyada kai yana Fadin"Hakan nda kyau....Kai in Baka da Dalilin kara Aure ni ina Dashi abaya a tsarina Mata Daya ta isheni Rayuwa ammh a yanzu dana zauna nayi Tunanin in nace zan Zauna akan Tsarina na Baya ni zan Cuci kaina gwara na Auro wacce zata kula dani ta kuma Sauken Nauyin Hakkin na Dake kanta ita kuma sakina Taje ta Cigaba da aikinta Bazan Hanata ba."Abdullahi ya gyada kai alaman gamsuwa yana Fadin"Hakane kaima ta wannan Bangaren kana da gaskiya..to ka samu yarinyar da kake so ne..?
Nazifi ya kada kai yana Fadin'"No..ni yanzu ba so nake nema yarinya mai Hankali wacce ta Fito Daga gidan Tarbiya wacce zata kula dani da Duka Hakkokina kuma in na saka mata Doka bazata iya Tsallakewa ba ballatana tayi Sa"insa dani kamar yadda sakina ke yi dani.."
Abdullahi yace"Tabbas Hakane..Ammh Duk da haka ya kamata ka Bincika ko wannan karon kuma a kaduna garin gwamma zaka lula ka samo mana wata ma"aikaciyar Gwannatin.."Yafada yana Yar Dariya Tabe Nazifi yayi yana wasa da key dim Motarsa yace"Umh..Allah ya Tsareni nayi da Farko ban ji Dadi ba..In Auran kudin ne sai dai na bawani Labarin in auran mace mai kyau ne da Dirin ciki da ilimin Duka naga Dahir Saboda haka yanzu karamar yarinya zan nema yar Sakandiri na aura in na Ga dama na barta ta Cigaba agidana in banga Dama ba kuma na Hanata gwara mu zauna Hakan zaifin kwamciyar Hankali Da Natsuwa akam Auran irin su Sakina.."
Abdullahi ya Dafa kafadan Nazifi yana Fadin"Toh mutumina ka Dudduba ko Cikin Dangi mana baza"a raasa irin wacce kake so ba.."Nazifi yace"Kai Rabani da wannan aikin...Ni ban san ma wasu yanmata Cikin Dangi ba ba tsayawa Tantancesu nake yi ba gwara na nema agari..kwanaki munyi mgana da Salisu Eng.yace min Yana da kannen mata Har guda Hudu naje na Duba Daya Daga Cikinsu in tayimin Shikenan.."
Abdullahi yace"Toh sai kaje ka Duban Din ba laifi suma gidansu suna da Tarbiya anguwansa Daya dasu Hafsatuna aie.."Nazifi yace"Eh Dama na Jira na Shigo ne mu Tattauna sai ka Rakani muje na gansu in na samu wacce tamin Fine in ban samu ba ma Duk Daya ne."Abdullahi yace"Ok toh me zai Hana bayan Na Dawo Daga Office da yammah mu Hadu a anguwa sai muje ka gansu Daganan sai rakani na Shiga Gidansu Hafsah na karama Daddy da godiya.."Nazifi yace"Bakomai Shikenan bari na karisa gida sai mun yi waya.."Daganan sukayi sallama Dama nan Nazifin yazo ya samu Abdullahin Nazifi ya Shiga motarsa ya tafi Shi kuma Abdullahi ya Tsaya suka Tattauna da Shugaban masu kwangilan ginin kana ya hau Mashin Dinsa ya wuce wajen aikin Lokacin Har pass 10 na safe.
Haka ko akayi yadda suka Tsaran haka sukayi Abdullahi sai Gabda mangariba ya taso Daga Office Direct Gidan Mama ya wuce chan ya ijiye mashin dinsa yayi alwala Suka Shiga sallar mangariba bayan sun Idar ya Fito kenan yana Laluban Wayar Nazifin sai gashi a gefensa ashe Tare sukayi Salla Shi Nazifin yana Layin Baya Daganan Gidan Baba wada Suka Shiga Tare Abdullahi ya gaida Inna Abu kana suka Fito Suka Shiga Gidan Mama sun isketa Tana Sallah Jidda na Tsakar Gida Tana wanke Innerwears Dinta,ta Dago tana gaishesu Abdullahi ya amsa Fuska ba Fara"a Nazifi kuma ya kafeta da ido Domin Duk sanda zai ga Jidda sai yaji Faduwar gaba yana kallon Abunda take wankewa sai da ya murmusa ganin yadda taji kunya tayi Saurin Suran Botikin ta Shige Kitchen tana Sunne kai da Kallo ya Bita yana jin wani irin Acikin Ransa game da Jiddan.
Basu jira Maman ta idar da Sallah ba Abdullahi yace in ta idar Ta gayamata zasu Fita da Nazifi su dawo tace Toh,Sun Fito kenam sukaci karo da Auwal a Kofar Gidan Jin Abdullahi Tare zasu Fita da Nazifi yasa ya Sadda kai yana Rokon Abdullahi ya aramai Mashin dinsa zai je ya gaida wani dan ajinsu ne baida Lafiya Mikasa Abdullahi yana Fadin"In ma Tadi zaka gashi..Sai dai ka dawo da wuri muna Dawowa zan wuce gida.."
Nazifi yace"Kyaleshi...kai Auwal in kadawo in da zakaje ka kaimai Ita gida ni kuma in mun Dawo zan ijiyeka gida ba Shikenan ba.."Abdullahi ya kada kai yana Fadin"Fine..Tunda zaka maidani Gida.."Yafada yana Zakuda kafada,Daganan suka wuce Auwal kuma ya Shige Cikin Gida yana Murna.
Gidansu Hafsah suka Fara zuwa Sun yi sa"a Dawowar Daddy kenan nan suka Duka suka gaisheshi Kana Nazifi ya Taya Abdullahi godiya Daddy yace bakomai,Su Amira kuwa suka Rugo suna ma Su Abdullahi oyoyo Amir ne ke Tambayan Momy Abdullahi yace Tana gida Ammi tazubo musu Lafiyayyan Tuwon Shinkafa wacce Taji miyan agushi da Nama da man Shanu nan suka baje sukaci sukayi nak,Tare ma da Daddy suka Fita sallar Isha'i masallacin Dake kusa da gidansu Hafsah,Basu Dawo ba Daganan suka ma Daddy sallama suka karisa Gidansu Salisu engr.
Dama Salisun ya sam da zuwansu Duk da Baya gidan yana Gidansa Nagoyi Dayake yayi Aure ammh ya Kira Mamansu Hajiya Amina ya gayama zuwansu Nazifi ita kuma ta Umurci yaran da kowacce ta Shirya kafin isowarsu Nazifin,Suna zuwa Kofar Gidan Nazifi ya Kira Salisu yace gasu sun iso,sai yace Bari azo ashiga dasu Basu wani Jima ba sai ga wani yaro yazo yayi musu Jagora zuwa Falon gidan,
Gidan Ba gidan get bane,ammh kuma Babbam Gidane daga gani Suna Rufin Asiri Duk da mahaifinsu ya Rasu,Salisu asali Abokin Nazifi ne tare sukayi Jami"a,Toh Tunda suna Tare da Abdullahi sai kuma Duka suka zama abokan juna dama Duk yawaanci abokan Nazifi Duk abokan Abdullahi ne haka Shima anashi Bangaren Tunda sun zama Daya aminaine Tun ba na yanzu ba Tun Suna yara Tasowar anguwa Daya kuma iyaye Suna Zumunci.
Sun samu Tarba mai kyau Sosai am kawo musu abinci da kayan Shaye Shaye,Zuwa Chan sai ga Hajiya Aminan da kanta ta fito sun Gaisa tana ta saka musu albarka Fitan ta ba Dadewa sai ga Jerin yanmatan Hudu kannin Salisu sun Shigo Falon kowacce Da Shiga ta alfarma...
*Shakira....*
*MASIFAFFAN NAMIJI..!*
*Wattpad:JamilaUmar351*
*Mallakar:Janafty💞*
*Dedicated To:My Habibaty💞 Aisha Idris Abdullahi..*!
_*Wannan Shafin ya Tafi ne kai Tsaye Zuwa ga Hazikan marubuta Masu Nuna min Kaunarsu Afili,Hakika Bakina yayi Kadan Wajen Nuna musu Godiyata....Ina Kike MY JIKA KAUSAR AGLAN NISSA,dake HASINA AUTAR MANYA,Sai ke My Mom DEEJART,ina kike FATIMA FATNOOR,Da ke kanki Kanwata NIMCYSARAUTA,Bazan Manta Dake ba FAUZIYA S MADAKI,Da ke kanki My Habibaty AISHA IDRIS ABDULLAHI...Dukkanku ina Rokon Allah yayi Riko Da Duka Hannayenku Wajen Rubuta alheri..Alherin Allah yakai muku adukkan Inda kuke Ku sani ku Kara Sani Ni Janaftyshakira Kuna Burgeni...*_
*016*
"Duka yanmata Hudun ajere suka Shigo Kowacce na Bin Bayan yar"uwanta Cikin Shiga ta alafarma da kece Raini na musamman kowacce tana Tashin kamshi da Gayunta na musamman wanda take ji Har acikin Ranta itace zatayi nasaran samun Zankadeden Miji irin Abokin yayansu Salisu.
Barkat Itace Babbansu Itace kan Gaba Doguwar mace ce mai Fadin Fuska da Dara Daran Idanuwana Farace tas kamar atabata Jini ya Fito Tana da Dirin Jiki na Mata Daidai gwargwardo,Itace ke Bin Salisu Duk da akwai wata tsakaninsu Sadiya Allah yayi mata Rasuwa,Barkat Tana aji uku ne a Abu Samaru inda take karantar Micro Biology,Tana kuma sanye ne da Wata Ubansu Doguwar Rigar leshi wacce aka mata Dinkin A Shape ya kama ajikinta Sosai sai Daurin Maryam babangida Datayi ta yane Jikinta da wani Siririn gyale Fuskarta yana Fitar da wani Annuri wanda Daga gani kasan Haka baiwarta Take ammh kuma Daga kallonta zaka Fahimci bata da yalwar Fara"a kamar Sauran kannenta,akallah a shekaru bazata wuce Shekaru 25 aduniya ba ammh Fuskarta da yanayin Tsarin Jikinta ya Boye Duka Shekarunta.
Sai Bahiya wacce ke Bimata Itama Farace sosai sai Doguwar Fuska gareta Mai Dauke da madaidaicin Hanci da kuma Karamin Bakinta,Idanuwanta basu kai na Barkat ba,Ita nata suna da kwarmin Sosai Sudan Shige kadan itama Tana sanye Cikin Riga da Sikat na Atamfa tayi Daurin Ture ta bazo gashin Dokin datayi kari Dashi ta baya Bayan ta saka wani Mayafi baki ta yane kanta Dashi,Bahiya tana Abu ne itama aji Biyu Tana karantar Computer Science ne akallah a shekaru zatayi Shekaru 23 aduniya,ita tana da Fara"a soaai Domin Duka Fararan Hakoranta Suna Washe ne,sabanin Barkat da Ko Burbushin Fara"a bashi a saman Fuskarta.
Sai Ta ukunsu Bahijjat,Itama Farace Kamar sauran ammh bata kaisu haske ba,sai dai bata da Diri Sosai Sirintantan ya Fito Sosai,tana da kyau Ammh kuma Fuskarta Doguwa ne,haka Karan Hancinta,itama karatu take a poli tana Nd2 tana karantar SLT,ashekaru bazata wuce 20 aduniya ba sai Karamarsu Aina ita kuma Yarinya Sosai Ammh bata da Haske kamarsu Black beauty ce,Tafi kyau ma sai dai Bata da Tsawo Gajera ce Sosai,tana Shekaran Karshe a makarantar Sakandiri ta yanmata Dake basawa Ashekaru bazata wuce 18 ba in ka kalleta ma zaka Fahimci yarinyartar sosai itama taci kwalliyarta Sosai Duk dama Hajiya ce ta matsa mata sai tabi Jerin yan"uwanta ammh ita sam Bata Ma Fatan tayi Aure yanzu Shiyasa ma bata damu kanta ba kuma Tana Fatan Insha Allahu ma baza"a zabeta ba Tunda ga Na sama da ita su Anty Bahiya.
Duk acikin Mintunan da basu gaza Goma ba Nazifi da Abdullahi Suka karesu musu kallo Dama already Salisu yayi musu Bayanin Sunayensu da kuma matakin karatun kowaccensu Shiyasa suna ganinsu suka Tantance kamannin kowaccensu,Su kuwa Dukkansu zama sukayi saman Kujeran Dake Fuskanta Abdullahi da Nazifin kansu na kasa kowacce da Abunda take sakawa acikin Zuciyarta,bayan sun Hada baki wajen gaishesu Cikin Girmamawa.
Abdullahi ya waiga ya kalli Nazifi Shima ya kallesa,Kana Abdullahi ya maida kallonsa kansu yana amsa gaisuwan nasu Cikin kulawa Da Sauri Barkat ta Dago Idanuwanta sama suka Hada Ido Hudu da Abdullahi Lokaci Daya taji gabanta ya yanke ya Fadi,Shi kuwa Kansa ya dauke sama yana Fadin"Sannun ku da Fitowa yan mata.."Yafada batare Daya Shirya Fadin Hakan ba ganin Nazifin yayi Shuru yaki Cewa komai.
Jin Muryansa yasa kowaccensu ta Dago kanta tana kalloshi a kallon Farko Dukkansu sun zata Abdullahin ne, wanda zai zabi Daya acikinsu ganinsa Cikin Farar Shadda Tazarce harda Hula sabanin Nazifi da bai ma Sanya Hular ba kuma Shi Tunda ya kare musu kallo Yaji ba wacce zatayi Daidai dashi Gwarama karamarsu sai dai kuma tayi Gajarta dayawa Shiyasa kawai ya Kara Hade Ransa kawai ya maida Hankalinsa wajen latsa wayarsa.
Su kuwa kowacce sai ta Fara gyarawa Barin ma Bahiya datafi kowa Rawan kai da kafa,Cikin yanga tace"Yauwa..Baku Ko sha Ruwa ba..? Tafada tana wani karya Murya Take mata kafa Bahijjat tayi Tana Hararanta ta kasan Ido yayin da Barkat Ta Lumshe ido Cikin Sanyi Jiki da Kasala kana Ta Bude tana Bin Abdullahi da wani irin kallo Wanda ita kanta ta kasa gane kanta Duk Jin kanta da Jan ajinta Sai gashi ta saki Idanuwanta gabadaya Tana kallon Kowani Motsi na Abdullahi Tana naji aranta yau Taga Namijin Data Dade Tana nema.
Abdullahi yayi Mirmishin yake yana Satan kallon Nazifi Lokaci Daya yana dan zakudan Kafadansa ganin haka yasa Nazifi ya Dago kansa yana kallon Abdullahin wanda ya Rausayamai kai Cikin Alamun kayi mgana mana,Kallonsa Nazifi yayi kafin ya maida hankalinsa kansu Ido Cikin Ido yake kare musu Kallo Kur kai kana ganin kallon kasan na Kurullila ne Shiyasa kowaccensu ta maida kanta kasa,Sai Barkat wanda dama Chan kanta na gefe ne Hankalinta da Numfashinta yana kan Duk wani Motsin Abdullahi ne.
Cikin Gadara Nazifi yace"Masha Allah...Lalle Hajiya ta iya Haihuwa..Sai dai gashi ba wacce ta gabatar mana da kanta Tun zuwanmu..."Yafada kai Tsaye yana kallonsu Bahiya ce tayi Mirmishi ta Dago Cikin Salo Tana Fadin"Ok..Ba matsala Ni Sunana Bahiya..'Bahijjat tayi karaf tace"Haba Bahi ki bari mana Anty Barkat ta Fara mgana mana.."
Baki Bahiya ta Tura bata kara mgana ba Abun sai ya kusa saka Abdullahi Dariya sai ya kanne ya koma gefe kawai yana kallon Ikon Allah ganin Nazifin yana kokarin Raina musu wayau Cikin Ladabi Bahijat tace"Anty Barkat ki Fara mgana Don Allah.."
Ta Fada Tana kallonta Ko Dago kanta batayi ba kanta na kasa Tana wasa da Zoben Hannunta ganin Taki mgana ne yasa Nazifi ya kalli Bahijjat yana Fadin"Ku ku Fadamana Sunayenku..Tunda Taki Fadi Kila ta cire kanta ne Ba Damuwa.."yafada kai Tsaye yana kallon Barkat din aransa yana Fadin"Allah raka taki gona Duk mun sanku irinsu Sakina ne masu Jin kai sai ka kwasa ka kai Gidanka ka kwasan ma kanka Bala"i.."
Jin Haka yasa Bahiya ta Fara gabatar da kanta sai Bahijjat sai Aina,Barkat ce ta karshe kamar Batazatayi mgana ba ta Bude Baki Cikin yangar da ya zamar mata Jiki tace"Barkat..."Daga haka ta Rausaya kanta gefe kawai Nazifi yaso ma ya saki Tsaki sai dai ya Fasa Abdullahi kuwa Ruwa ya Dauko ya tsiyaya a kofi ya Tsiyaya yasha Kadan,Ya ijiye Kofin kenan Ganin Falon ya Kara Daukan Shuru,sai wayarsa Dake gaban Aljihunsa ta Dauki Kara ya Zarota da Sauri Ganin Sunan mai kiran yasa ya Dafe kansa yana kallon Nazifi Lokaci Daya yana Fadin"Nayi ma Hafsatuna Laifi ban Kirata na gayamata zan Tsaya wani waje ba..'
Nazifi ya kada kai yana Fadin"kaima baka kyauta ba..Gata ita kadai agida su Amira na wajen Ammi.."Mikewa yayi yana Fadin"Bari na Lallasheta ina Jiranka awaje.."Yafada yana kama Hanyar barin Falon Lokaci Daya yana Daga Kiran da Fadin"Hafsatun Abdullahi..."Ya fada Cikin Wata Murya mai Cike da kauna da Muradi mai Girma ba Barkat ba Hatta su Bahiya sai da suka Raka Abdullahi da ido Suna Tunanin kowaye wannan gayen ya gama Haduwa acikin Ran Bahiya kuwa tana addu"ar Allah sa ya zabeta in shine wanda ke neman Matan.
Barkat kuwa Tuni Zuciyarta ta Fara Zafi Jin Crush dinta yana Kiran wata da Hafsatunsa Lumshe ido Tayi tana maimaita Sunan Abdullahi acikin Ranta Lokaci Daya ta saki Mirmishi,ita kadai Duk Nazifi na kula Da ita Tabe baki yayi kafin yayi mgana yaga Dukkansu sun mike Bahijjat Da Bahiya suka tsaya mai sallama Barkat kuwa Da Aina Gaba suka wuce suka Fice Daga Falon Nazifi yace ma su Bahiya suma Hajiya Amina mgana zasu wuce,Sun Fita ba Dadewa sai gata ta Shigo nan Nazifi yayi mata Sallama Ya bata 10k Taki karba sai da ya nuna bai ji Dadi ba Itama sai Fada take basu Ci wani abu ba,da zai mike tace ina Abokin nashi yace yana waje tace toh su gaida gida Sun gode kwarai.
Har Nazifi ya Fice Daga Falon Tana Zaune Aranta tana Fatan Ya ga wanda Tayi mai,Domin Tasan Nazifin Sosai tare suke zuwa da Salisu Abdullahi ne ma bata wayeshi, ba Cikin Gida ta koma Bahiya ta Fara Taranta da"Hajiya waya zaba?ya gaya miki.? Hararanta Hajiya tayi kafin tace"Bansani ba mai Shigen Rawan kafa..Wazai zabeki da wannan Azarbabin naki.."
Bahijjat tace"Haka taje tana yi Hajiya Ta bari ma Anty Barkat tayi mgana taki.."Hajiya ta kada kai Tana Fadi "Daman na sani..Ke kam Bahi Allah ya Shiryaki."Tura baki take yi tatashi ta Shige Dakinsu Nan Hajiya ta nuna musu kudin Da Nazifin ya bata Cikin Yarinyata Aina tace"hajiya waye Ya Nazifin aciki wai..?
Hajiya Amina tace"Mai Sky Blue din Shadda ne..".
Dukkansu Da mamaki sukabi Mahaifiyar nasu da kallo Cikin Mamaki Bahijjat tace"What Hajiya.?na zata mai Farar Shadda ne.."Hajiya tace"A"a bashi bane..Bansanshi ba ammh Shima Salisu yace Dukka Abokansa ne Shi Aminin Nazifin ne inaga Rakosa yayi.."Barkat ta Dago Kanta akaro na Farko Tun Bayan Shigowar Hajiya Falon Cikin Kasala tace"Abokinsa..? Tafada Cikin karya wuya da Mamaki Hajiya ta kalleta tana Fadin"Eh haka Salisun yace min..Ammh me neman matan Shi Nazifin ne."
Bahijjat tace"Tabdi..Allah Hajiya na Zata Dayan ne..Shi Nazifin ya Cika Nuna kamar ma ba wacce tayi mai acikinmu Dayan kuma yafi Shi Nuna aji da suwas na manyan yara..."Hararanta Hajiya Tayi Tana Fadin"Kema sakarya ce...Tafi kibama Mutane waje,Duk Halinku Daya da Bahiya Din."Dariya tayi ta wuce Tana Fadin"Nifa Daman Bai min Ba Dama Dayan ne gwara gwara yafi kallon Mutumici Allah sa ma ba wacce tamai acikinmu..."Da Harara Hajiya ta Rakata Har ta Shige Dakinsu Barkat kuwa Jikinta neyayi sanyi Jin Abdullahi ma Rako yayi ganin Yanayinta yasa Hajiya tace"Barkat lafiyanki kuwa..? Dago Dara Daran idanuwanta tayi tana Fadin"Bakomai Hajiya.."Daga haka kawai ta mike tana Rangaji Zuwa Dakinsu kamar mara Lafiya Duk da Hajiya ta santa da Wani Irim Iko da sanyi kan komai sai da tayi mamakin Chanzawarta Kai kawai ta kada Ta Tashi da kudin Hannunta zuwa Cikin Bedroom dinta.
Abagaren su Abdullahi kuwa Basu cema Juna komai ba sai da suka Dauki Hanya kana Abdullahi ya kalli Nazifi yana Fadin"To ya Mutumina..? An dace..? Baki Nazifi ya Tabe yana Fadin"Ba"a dace ba...Kasan Allah Duk kwanwan Ja ce,In na kwasa wni Bala"in zan kara kaima kaina kawai.."Abdullahi yace"Meyasa..? kuma naga Dukkansu ba laifi Abokina.."Nazifi yace"Ban ce suna da Laifi ba Im nace zan kushesu bam ma kaina adalci ba kawai dai Abunda na Fahimta auran mace mai Ilimi Sosai wacce ta Fara girma matsala ne gwara ka auri karamar yarinya yar Sakandiri wacce zaka koyamata komai da kanka Wacce na Tabbata bazata Taba gardama ko Sa"insa da kai ba.."Abdullahi yayi Dariya yace"kuma fa Hakane kaima kayi Dabara toh ga karamarsu Mana.."
Nazifi ya Tabe baki Yana Fadin"Ita gaskiyan matsalanta bata da tsawo kuma kasanni ni Bana son Gajeran mace.."Abdullahi yace"kai..kenan ba wacce tayi maka kenan ko..? Nazifi yace"Kusan haka gaskiya.."Abdullahi ya Kada kai yana Fadin"Nifa na zata babbarsu zaka Zaba naga tafi su Aji da Kama kai.."Nazifi ya juyo yana kallonsa Lokaci Daya yace"Wa kenan..? Abdullahi ya Tabe baki yana Fadin"Wata ke ma da Suna Baraka ko wa..?
Nazifi ya Sheke da Dariya yana Fadin"Au Wai barkat ko..? Abdullahi yace"Oho ina jin Haka Sunan yake..Ita.."Nazifi yace"Allah ya Sauwake ai ni Irinsu basu Burgeni masu Shigen Girnman kai da Nuna isa Duk irinsu Sakina ne, sai ka kwasam ma kanka Ka kwashi Bala"i Ni Wlh sam Bata Burgeni ba.."Abdullahi yace"Allah ya kyauta yanzu me zaka ce ma Salisun..? Kasan fa Ba Dadi Kace mai Duk Cikinsu ba wacce tayi maka..?
Nazifi yace"Bayani zan koramai..Dama bance mai Dole wata Zatamin ba..Shima ya sani Cewa nayi zan Duba in naga wacce tamin Shikenan.."Abdullahi yace"Shikenan ammh kaki min ne..Da ko karamar kun Daidaita Gajartan ta bawani abu bane Tunda ai sakina tana Tsawo Shikenan ka Hada Both Side."Ya karishe Fada yana Dariya Nazifi ya Bankamai Harara yana Fadin"Kaima Ai Hafsah na da Tsawo In ni batamim a,kai sai ka Taimaka kaima ka Hada Duka Bangaren Mr Shawara man.."Abdullahi yace"Ikon Allah miye yayi zafi shi fa Wuta Ba Mallam..Nazifi Wada? Ni kaji nace maka ina Son Auran yara kanana ne..? Wannan ra"ayinka ne Ni ba nawa ba.."Nazifi yace"Toh sai kowa ya bar Ra"ayinsa Fakat.."
Abdullahi yace"Miye Zafi..? Shikenan Chapter close daman Salisun nake ji Gaskiyan mgana zai Ji ba Dadi.."Ko kallonsa Nazifi bai karayi ba,ballatana ya kara mai Mgana har yayi parking kofar Gidansa Abdullahi ya Bude Murfin Mota ya Fice Lokaci Daya ya Rankwafo yana Fadin"Toh mutumina sai yaushe kenan..?
Nazifi yace"Sai gobe kenan ko..? Any way muyi mgana ta waya Goben zan koma Kaduna Sakina Tamin waya zata Dawo Goben.."Abdullahi yace"Ah ba Haduwa kenan Amarya zata Dawo wajen Tsohon gauron angonta Hajj Nazifi.."Kafin ma Abdullahi ya matsa Nazifi ya Tada Motan kadan ya Rage ya kadashi yayi baya yana Dariya afili ya Furta"Ji bakinciki zai ma Hausina Asara Tunda Shi Sakina bata damu dashi ba.."Yana Tsaye a wajen har Motar Nazifi ta bace ma ganinsa,kana ya zo Zai Shiga Gida Jin Kofar gidan a kulle yasa ya Ciro dan makullin Dake Hannunsa ya Bude ya Shiga.
Hafsah har ta Fara Barci saman Kujaran Falon,Shi ya Tadata tana ganinsa Ta Mike ta Fada Jikinsa Tana sakarmai kukan Shagwaba tana Fadin"Ina ka Shiga ne Tundazu ina ta Jiranka Har Auwal yazo ya kawo ma Mashin Dinka ya tafi baka dawo ba.."?Yana Buga Bayanta Cikin Lallami yace"Am So Srry Hausina..Laifina ne da zamu Fita da Nazifi ban Kiraki na Fadamiki ba ammh ai na Fada miki da kika Kirani ko..? Tana kara Shigewa Jikinsa tace"Toh kuma Shine kace gakanan zuwa kaki dawowa da wuri ni kadai agida ina Jin Tsoro.."
Abdullahi ya Tarairayota yana Fadin"Oh my god...Am so sorry Hafsatuna Bazan kara ba kinji ko..? Yafada Lokaci Daya yana Yawo da Hannunsa abayanta Cikin Rada tace mai ga abinci yace mata Ammi ta cika musu Ciki Jin haka yasa ta washe baki Shikuma ya Shiga gayamata Diramar Ammi dasu Amira Hafsah na Dariya ammh bai gayamata inda suka je da Nazifi ba yadai ce mata sun Biya wani waje ne,Bata damu da Tambayarsa ba sanin ko zata mutu bazai gayamata ba sanin Halinsa na Zurfin Ciki da Rike sirri koda banashi bane balle na Amininsa Nazifi.
Washegari kuma Su Abdullahi suka Tafi Danja Daurin Auran Diyar Mijin Goggo Habiba amotar Nazifi dashi da Abdullahin da Nazifin da Mama sai Inna Abu da Baba wada sai Auwal sukaje sukayi samu Daurin Auren, wajen uku na Rana suka kamo Hanya suka Dawo Suna Dawowa Nazifi ya wuce Kaduna Bayan ya Kira Salisun ya mai Bayanin ba wacce tayimai Salisu bai nuna damuwarsa ba ammh acikin Ransa baiji Dadi ba sam Haka ya Kira Hajiya Amina ya gayamata Cewa Nazifin yace ba wacce tayi mai Hajiya ita kanta Bataji Dadi ba ammh sai ta nuna Allah yasa Hakan ya zama alheri,Da su Bahiya sukaji labari basu ji Dadi ba Musamman Bahiya,Bahijjat kuma ko ajikinta Ballatana ma Aina Da bata damu ba Barkat kuwa Bata bari kowa ya gane yanayinta ba ammh a zahirin gaskiya Jiya ta kwana da mafarkin Abdullahi wanda ya Shiga Cikin Zuciyarta Lokaci Daya batare data sani ba.
*******
Bayan Sati Biyu Tsakani Sai ga Waya Daga kano Cewa Anty Hadiza ta Haihu yan Biyu Duka Maza,ammh C.s akayi mata tana asibitin Murtala Aminu specialist Hop,Dake kano,Ammi ta Kira Hafsah Tana Fadamata Ihun Murna Hafsah ta saki Cikin Farinciki Dadi kamar ya kasheta Abdullahi na Office sai ga Kiran Hafsah tana gayamai Haihuwan Shima yayi murna Sosai Cikin Zolaya yace"Hafsatuna nima ko yau na Bada Himma na baki ajiya kwan Haihuwa guda Biyu ne..? Ina son Twice Sosai fa..".
Kunya ya kamata ta saki Dariya Tana Fadin"Allah ya bamu Masu albarka Yace Amin..Cikin Shagwaba tace"Abban Amira gobe zan Tafi ko..? Tunda ma su Amira na wajen su Ammi haryanzu.."Cikin mamaki Abdullahi yace"Ina zaki gobe..? Cikin Sauri Hafsah tace"Kano mana Abban Amira Kaga fa C.s akama Anty Hadizan yau Ammi tace Zata Tura Inna Asibi tatafi Chan wajenta Ni kuma ba sai gobe na tafi ba.."
Cikin Mamaki yace"Ki dawo yaushe kenan..? Hafsah tace"Wai da Bayan suna kaga nesa ne kada ayi Tafiya Rarrabe.."Baki kawai Abdullahi ya Rike yana Fadin"Hakane..Sannu Uwar Suna ko nace na Sha"ani..Allah kaimu.."Daga haka kawai ya yanke Kiran Ita kuma Hafsah jin Haka yasa ta Shiga Murna nan da nan Ta Hau Shirin kayanta bayan ta gama ta Kira Subai ta Fadamata itama tayi murna Tace insha Allahu zata je suna Nan Hafsah ke gayamata gobe zata tafi sai bayan suna zata dawo Subai ta rike baki Tana Fadin"Ke don Allah shi ya Abdullahin ya barki..?
Hafsah tace'Nima nayi mamaki kila Don suna Shiri da Anty Hadizan ne..'Subai tace"Sai dai haka..Allah sarki Allah ya bata Yayanta nawa yanzu..? Hafsah tace"Uku ne,da wadanan Yan Biyu making 5 kenan..."Subai tace'Masha Allah Allah ya rayasu"Daganan suka yanke Kiran Daga ita Mama ta Kira ta gayamawa Mama tace Ammi ta kirata yanzu Umman Sadiq ta kira itama tace Ammi ta Kirata yanzu ta gayamata,Tace insha Allahu zata yi kokari tazo Zaria Allah barshi sai ta karisa kanon.
Duk wanda ya kamata yaji Haihuwan yaji Hafsah kuwa har Daddy ta Kira tana mai Barka,Ya Dinga Tsokananta yana Fadin Yana Jiranta wata Shekara Duk kunya sai ya kamata,Abdullahi ma Daya dawo ya Kira Daddy da Ammi yayi musu barka Harda Anty Hadizan wacce har ta Farfado Tun da Rana Tunda tun Cikin Daran Jiya ne akayi aikin,Inna Asibi har ta isa Tun safe,Abdullahi yana jin Hafsah na Fadama Anty Hadizan gobe tana Kan Hanya Har Anty Hadizan tana Cemata sai suzo tare da Matar Baba Mustapha Hajiya gaje Domin yanzu suka gama waya tace suna tafe gobe Marwan zai kawota Babban Danta.
Har jinta yayi tana Fadin sai ta Bisu suzo Tare,Abdullahi bai nuna mata komai ba adaran Ranar Haka suka Raya wannan Daran cikin Farinciki da Soyayyah Tun Safe,kuma Hafsah tatashi da Gyaran Gida tayi Breakfast da wuri Ta Shirya tayi wanka Babban akwatinta ta Cika da kaya Tun safe ta Kira Mama gaje ta gayamata zata Bisu tace tayi kokari ta Biyo su Tafi tare,Abdullahi bai ce mata komai ba sai da ya Shirya zai tafi Office kana Hafsah tace"Abban Amira baka ce min komai ba.."?
Yana Daura Tek tie dinsa yace"kamar name..? Cikin mamaki tace"Baka ce min komai kan Tafiyata kano yau ba kuma baka bani kudi a hannuna ba Haka zan tafi..?.
Kai tsaya yace"Haka zaki Tafi mana Tunda ke kika Tsara Tafiyar naki.."Tsuru Hafsah tayi mai da ido cikin Rawan Murya tace"Ban...ga..ne mganar ka...ba Abban Amira.."?
Bai bama Mganarta muhimmanci ba yace"Ni nace ki Shirya ki tafi kano kije ki tare sai bayan Suna..? Ke kika Tsarama ma kanki Tafiyar bazan hanaki ba Saboda yar"uwanki ce ta Jini in na Hanaki bazaki ji Dadi ba ammh in ni zan Tsara miki Tafiya sai nace ki bari sai ana gobe suna ki tafi In akayi suna ki Dawo yau kuma sai kibisu kije ki Dubata ki Biyosu ki Dawo duk wanda kika zaba bazan Hanaki ba."
Hafsah taji ta Raina kanta Cikin Wani Irin murya tace"Ammh ai Kaasan Anty Hadiza bata da wata Kanwa sai ni ko..? Bai kamata na Tafi ba tun yau..?
Yana Daukan key din Mashin dinsa da jakar Brief case dinsa yace"Wa kika ji yace bai kamata ba.? Ya kamata mana Sosai.."
Hafsah takada kai kafin tace"Toh kagani..."Yana yar dariya yace"Shikenan Allah ya kaiku lafiya kima Mai jego barka.."Daga haka yasaka kai zai Fice Cikim mamaki tace"Abban Amira.."
Cak ya tsaya Lokaci Daya ya waigo yana Fadin"Uhmm..Menene..?
Kanta na kasa tace"Baka bani komai ba...Kasan kuma bana yi Tafiya bani da kudi a Hannuna ba.."
Kai Tsaye Abdullahi yace"Bani da kudi yanzu a Hannuna...Tunda ke kika Shirya tafiyanki na zata kina da kudinki ne Shiyasa kikaga ban hanaki ba."Yafada yana Kafeta da idanuwansa Dago kanta tayi Cikin Rau rau tace"Abban Amira waya bani kudin.? Kai tsaye yace"Ina zan sani..Nifa nazata kina da kudi ne Tunda kika Shirya tafiya yau.."..
Idanuwanta suna kawo kwallah tace"Yanzu dai bazaka bani ba kake Nufi ko Abban Amira..?
Kai Tsaye yace"Gaskiyan mgana ayanzu dai bani dashi..Shiyasa nace ki bari Zuwa ana gobe suna Lokacin na samu albashina sai na baki Ishashen kudi ammh yanzu kam ko sisi bazan baki ba keda kika Shirya tafiyan Dama baki Tanadi kudin da zaki rike bane..? Yafada Cikin nuna mamaki yana yar dariya hawaye ya kawo idanuwan Hafsah tayi maza ta Share Lokaci Daya ta kada kai tana Fadin"Bakomai nagode..Bakomai yajamin ba sai Rashin sana"a
Dariya ta kaama Abdullahi sai ya kanne yana Fadin"Allah Madam..? To ko zaki Jira in kin Kafa sana"ar taki kin samu Riba sai ki Tattara ki tafi... ? Ya fada yana mata Dariyan mugunta Takaichi ya kama Hafsah ta kadai kawai ta juya zuwa Ciki Tana Fadin"Zan tafi..Insha Allahu Tunda dai ka amince bazan Rasa yadda zan yi ba..
Shima kai Tsayen yace"Shikenan Allah kiyaye Hanya ni ba bakon zafi bane na amince ki Tafi..Ammh kuma ban yarje miki kije kina Roko ko baran kudi ba Tunda ban ce ki Tafi Dole ba Fitinarki ce atoh.."Daga haka kawai ya saka kai ya fice yana mamakin Taurin kai da Rashin Hankalin Hafsah na wani Lokacin..
