Domin Samun Littattafan Hausa

"Abdullahi baisan Hajiya Sa"a ta Dawo da Jidda ba sai da Safe Daya je kai su Amira Makarantar Hadda Jiya Dare yayi kuma mai mashin dinsu Mashin dinsa ya samu Mtsala bai samu zuwa ya Daukesu ba,Bayan ya kaisu sai ya Biya Gidan Mama nan ne ya iske Jidda Mama kuma ta Tattaro duka kayan Harda da wanda Hajiya Sa"an tayi musu aike ita da Mariya da wayar data Siyama Jiddan ita kanta.

Tsab ya gama kallon Komai Wayar na Hannun Mama bai karbeta ba yadai kallah ya kada kai,yace ma Mama Ta maida ma Jidda kayanta su kuma Sun gode Ba Mama kadai ba Hatta Jidda sai da Taji mamaki Domin Tana Daki Tana Kukan Rabuwarta da Wayarta sanin Ya Abdullahi bazai barta da wayar ba sai gashi kuma ya basu mamaki gefe kawai ya koma yana latsa wayarsa Gefe Daya na Zuciyarsa kuma yana ta Nazarin wasu abubuwan.

Ya Dade gidan Mama sai da yasha Koko da kosai kana Ya tafi,bayan Mama ta zubamai Kosan tace ya kaima Hafsah sanin Tana son kosai Sosai,yana Hanyar komawa Gida Nazifi ya kirashi awaya yace yana gobe yana Hanya zai Shigo,Yana so yaje ya Duba Gininsa ya kara ma Shugaban ma"aikatan kudi,Shima Abdullahi yace Dama Zai je Shima wajen nashi ginin Duk da nashi yayi nisa har an kai Linter kuma anyi Rufin sama Dana Ciki.

Koda ya koma Hafsah ta gama Komanta tayi wanka Shima wankan yayi a gurguje yayi Breakfast ya Tafi Makaranta Yana da karatu Karfe 11am,Hafsah sai Murna take Taga Kosai Shi taci da Buredi tasha Ruwa,Abdullahi bai Dawo Gidan ba sai Dare,Shago ya Biya atudun wada Shiyasa yakai Dare,Washegari kuma Tun karfe 9am na Safe Sai ga Nazifi Agidan Abdullahi ma Dukansu suka karya ya Jirashi yayi wanka ya Shirya ya bar Mashin Dinsa Nazifin ya Daukesa a Motarsa suka Fita.

Wajen Ginin Nazifi suka Fara Biyawa Shima ginin yayi Tsawo Sun Dade a wajen Sosai Kafin su Tafi Chan Gra,Nazifi yayi mamakin ganin yadda Ginin Abdullahi yake Tafiya da Sauri Haka yanayin Tsarin ginin ya Burgeshi Flat uku ne aka Hadashi Cikin Bangare Daya aka Fitar da Babban Falo,Daga hannun Dama Akwai Koridon da zai sadaka da Wani Dan madaidaicin Falo,sai 2bedroom da Kitchen,Hakama Daga Hannun Hagu Shima sai Haka Tsarinsa yake sai Daga Yammah ma Shima sai dai Shi karamin Falo ne sai Bedroom guda Daya da Kitchen nan ne na Megidan kenan.

Nazifi ya kalli Abdullahi yana Fadin'"Anya mutumina kodai da Sabuwar amarya zaka tare ne..? Hararansa Abdullahi yayi kafin yace"Dillah ni kyaleni nagaji da maka Bayani in Kara aure na Cikin kaddara na zan kara ammh ni ayanzu bani da wannan Ra"ayin Domin Babu Abunda Hausina ta rage ni Dashi Ballatana naji ina Sha"awar Kara aure.."Nazifi ya murmusa Lokaci Daya yana Fadim"Ni ina da Ra"ayi..Insha Allahu sai na kara Aure wannan karon Tsakani ga Allah zan nemi aure na bazan yi irin na Farkon wajen neman Cikar Burina da Auran jari ba."

Abdullahi yace"Yo daman ai Duk wanda ya Hau motar kwadayi...! Nazifi na Dariya ya karisa mai da Fadin"Karshensa Tashar Wulakanci..Kuma nagani Domin Ta kaini ni harda Tashar ma Nadama da Danasani..'Dariya ta kama Abdullahi sai Da ya Duke,Nazifin na Tayashi Cikin Nishadi,Sun Dade awajen kafin su baro wajen Suna Hanyar Zuwa Cikin gari sai ga Kiran Mama Lokacin misalin Daya Saura ne na Rana yana Daga kiran Bayan sun Gaisa tace mai ga Hajiya Sa"a ta iso Tana son ganinshi Yace gashi nan zuwa

Bayan sun gama Wayar Abdullahi ya saki Numfashi yana Shafa Kanshi Nazifi na Driving ya Dago yana kallonsa Cikin Kulawa yace"Lafiya kuwa Mutumina..? Abdullahi ya yamutsa Fuska yana Fadin"Ina fa Lafiya..! Mahaifiyar Jidda ce ta ke son wai na bata Jidda ta koma Wajenta da zama Tunda ni ko Mama mun gaza.."Cikin Mamaki Nazifi yace'Mahaifiyarta wacce ta Haifeta..?

Abdullahi yace"Eh mana..."Nazifi yace"Toh ba kwanaki mun Taba mgana dakai kace min ita da Mahaifiyar Auwal Tun Tuni basa garin ba,sai naji kamar kace min Tana Saudiya Tun Bayan da aka anso Jidda ko..?" Kai Abdullahi ya gyada yana Fadin"Eh Mun taba mganar dakai..Wai ta Dawo ne Shine take son karban yarta ta koma Hannunta.."Nazifi yace"Ji wata mganar Banza..wannan ma ai Rainin Wayau ne.."

Abdullahi yace"Kaima ka gani..Kwanaki tazo ta Dauketa taje wajenta ta mata kwanaki Shine yanzu take son Daukanta gabadaya alhalin ba gidansu take zaune ba Gida ta gina Tana zaman kanta.."Nazifi yace"Koda ma Tana gidansu ne Cikar kamalar Yarinya ai gidan Ubanta ne, ga Mama araye kaga Har sai Ta Dauki Jidda ta koma Hannunta..? Haba wannan ai bai kamata ba sam.."

Abdullahi yace"Hmm barni da Ita zan mata Bayanin da su Baba suka kasa mata.."Nan ya koramai Bayanin Abunda ya Faru Ranar da tazo Tafiya da jidda kai Nazifi ya kada kafin yace"Na yarda wani Lokacin Mata Tunaninsu kalilan ne wlh.."Abdullahi yace"Ah sosai ma kai sai yau ka sani.."Daidai Lokacin da suka kawo kofar gidansu Abdullahi gaban Jeep din Motar Hajiya Sa"a suka Faka tasu sai da suka Firfito kana Abdullahi ya kalli Motar yana Fadin"Ina jin ma wannan Motarta ce.."

Da kallo Nazifi yabi Motar kafin yace"Ah Lalle,Da gaske kam Tatara Abun Duniya.."Abdullahi yace"Na banza ne ni awurina..kai mutumina mu karisa masallaci muyi sallah gashi chan ana kira.."Da haka suka wuce masallaci Suna Hira alwala suka Dora suka Shiga masallacin sukayi Salla kana suka Fito anan suka Hadu da Baba wada Abdullahi ya gayamai Zuwan Hajiya Sa'a Baba Wada yace Mama ta aika gida an gayamai Dukkansu Daga masallacin suka Dunguma zuwa Cikin Gidan Mama

Da sallamarsu da Jidda suka Fara Cin karo a tsakar gida Ita da Mariya Suna zaune kan Tabarma Suna ta Faman Latsa wayar Jiddan,Dukkansu suna Sanye ne da Dogayen Riguna Dinkin Rariya iri Daya wanda Subai ta taba Dinka musu ne,Suna jin sallamansu Sukayi Saurin Boye wayar kansu na kasa suna gaishesu,Ko kallonsu Abdullahi bai yi ba ya Dauke kai Nazifi ma kallo Daya yayi ma Jidda yaji gabansa ya Fadi Wani Lokacin Abun na bashi mamaki yadda indai yaga Jidda sai Zuciyarsa ta amsa Baba wada ne ya tsaya suka gaisa yana ta Zolayansu.

Dakin Mama Abdullahi yayi Sallama Inda yaga Takalma yana Tunanin Hajiya Sa'ar tana Ciki Daga Ciki Mama ta amsa ya Tura kai ya Shiga Nazifi ya Biyo Bayanshi Da Baba wada,Kusa da Mama Abdullahi ya Zauna Nazifi kuma ya samu Chan gefe Ya zauna kan Kujera mai zaman mutum Biyu,Mama kuma ta mike ta Bama Baba wada wajen da tatashi ta mishi sannu da Zuwa ya amsa yana Tambayanta ya yara.

Hajiya Sa"a Ta Fara gaida Baba wada Lokaci Daya Tana kallon Abdullahi,wanda ya Dauke kanshi sama yana wani Daukan Kai Kawai Ranta ya bata Shine Abdullahi Domin Tabbas kwarjinsa ya Daketa ashe ma yaro ne karami ba wani Babba ba yarda Take Tunani Mama ce ta Kalli Hajiya Sa"a da Lariya tana Fadin"Ga su sun kariso..Ga yayan nasu Jidda Abdullahi wannan abokinsa ne Dan wajen Mallam Wada ne.."Ta fada tananuna kowa Kai Hajiya Sa"a ta gyada tana Fadin"Masha Sannunku..Abdullahi ina gajiya..? Nazo kwanaki baka nan nasan karima ta Fadamaka zuwana da Abunda ke Tafe dani.."

Abdullahi ya Dago kanshi yana Fadin"Basu Fadamin komai ba..Sun dai sanar dani kinzo kin Tafi da Jidda zata miki kwana Biyu.."Da mamaki kowa yake kallonsa Shi kuma ya Hade Ransa Baba wada yayi Mirmishinsu na Manya yana Fadin"Kega Sa"a Bamu gayamai komai ba..Mun bari ne keda kanki ki sanar dashi sai ku Fahimci Juna.."

Hajiya Sa"a ta gyara zaman mayafin dake Jikinta Tana Fadin"No problem Daman kan Mganar Hauwa"u ne, kwarai da gaske da nazo naga Hauwa"u na yaba sosai da irin Rikon da naga anyi mata kuma naji Dadi Sosai,sai dai kuma ina Son Don Allah a matsayinka na Yayan Hauwa"u wanda ke matsayin Uba gareta kai da Mallam Wada kumin lamani na Karbi Jidda ta Dawo Hannuna Saboda Chan Saudiya Danayi Aure har Mijina ya Rasu bam Haihu ba Jidda ita kadai ce yata anan Duniya Na Dawo Nageria da zama na Dindin ina Bukatar zaman Hauwa"u awajena Kodon Shekarun da muka kwasa bama Tare Saboda wasu Dalilan da Allah ya Tsara.."

Falon yayi Shuru Abdullahi kadai ake Saurara wanda yayi kasake kawai yana kallon Kasan Cafet din Dake Dakin Mama Mirmishi ne ya kwace mai kafin yace"Acikin mganarki ya kamata ki Gane amsarki aciki kafin ki Dora wata mgana sai da kikace a matsayina na yayan Hauwa"u kuma Uba gareta Nida Baba wada kinga kenan Jidda tana da gatan da Ko kotu kike je ba wanda zai baki Rikon Jidda ta koma Hannunki..."ya fada kai Tsaye yana kallonta ido Cikin Ido Hajiya Sa"a tayi tsai Tana kallonsa Lariya kuwa acikin Ranta Fadi take dama Daga ganinsa zai yi Taaurin ido...

Baba wada dai yayi Shuru bai ce komai ba Saboda ba"a kawo gabar da zai yi mgana ba,Nazifi kuma ya maida Hankalinsa kan Wayarsa ammh kuma gabadaya Hankalinsa na kan su,Hajiya Sa"a ta muskuta Tana Fadin"Ai nasan kuna Raye..Kuma zaku iya Rike Jidda Fiye da yarda zan Riketa Sai dai kuma kuyi Duba da Duk Tsawon Shekaruna nan bana Tare da ya"ta baku Tsausayina a matsayina na Uwa wacce take Bukatar yarta a kusa da ita ba....?"

Kai Tsaye Abdullahi yace"Ana Tsausayinki mana..Kice baki Tsausayama kanki ba Hajiya to be Frank kin san kina son zama da y'arki ki ka Tsalleketa koda Tana gidan Mahaifinta ki Lula wata uwa Duniya ki ka manta da ita ?.Kawai sai yanzu Farat Daya kizo kice zaki karbeta Don Allah ke kina ganin ya Dace..?na Dauka ko baki Jidda nayi kunya bazai barki ki karbeta bawai ina miki Gori bane No ina gayamiki gaskiya ne Ban gaza ba Mama ma bata gaza ba tana iya bakin Kokarinta kuma koda Mahaifinmu ya Mutu ya barmata Amanarmu Duka Tana Hannunta ne Ta Rainemu har muka kai iyanzu kina ganin ba Rashin adalci bane kizo Daga Sama kawai kice zaki karbi yarki..? Baki Tsausayama wata Uwar da ita Bata taba Haihuwa ba kuma ta Sadaukar da Lokacinta da kuruciyarta wajen inganta yaran da bama ita ta Haifa ba..? Itama Shin ba abar Tsausayi bane..?

Yafada yana kafe Hajiya Sa"a Da ido wanda mganganunasa suka Shigesu Baba wada kai kawai yake Gyadawa alamun gamsuwa Mama kuwa na gefe tana Sharan kwallah acikin Ranta tana Godema Allah daya bata D"a kamar Abdullahi Duk da ba ita ta Haifeshi ba.

Falon ya Dauki Shuru Lariya ce tayi mgana wannan karon Da cewa"Ammh ai Itama Yayar sai ku Duba Rauninta..Taya zataji alokacin ga Sakin miji daga baya kuma akazo aka Rabata da yarta alokacin bata da wani Abun da zata iya yi akai zuwanta kuma Saudiya wannan Nufin Allah ne dama Allah ya nufi zataje chan kuma Har tayi Aure.."Mirmishin Abdullahi ya saki kafin yace"To waya ce ba Nufin Allah bane.."Komai da kika gani nufin Allah ne,Saboda haka Itama Jidda zamanta agidan Ubanta Daya mutu ya bari wani Nufi ne na Allah Mganar gaskiya ba zan tsaya kuna Fada ina Fada ba saboda mu ba Sa"anin Juna bane..Kunsan Allah..? Bazan iya baki Jidda ta koma Wajen ki da zama ba Sai dai zan miki alfarma ta karshe duk bayan kowani Wata zata Dinga zuwa ta miki kwana Biyu Ke mahaifiyarta ce ban isa ,na Raba tsakaninku ba,kuma nayi miki alkawarin duk Abunda kika Siya mata a matsayinki na uwa gareta bazan Hanata amfani Dashi ba,ko waya da kika Siyamata na barta dashi Domin Dama Abunda yasa kika ga ban Siyamata ba abaya saboda bata yi candy ba ammh Tunda yanzu tayi Shikenan bazan Hanata karban komai Daga gareki ba Nagama Mganta ko ya kagani Baba..?

Baba wada yace"Hakan Shine Daidai Abdullahi..Abunda yasa Tun Farko ban saka baki ba kenan Sanin wannan Bukatun na Sa"a bamai yuyu bane gaskiya in akayi hakan Ba"ayi ma Karima Adalci ba."Abdullahi ya mike yana Fadin"Nima shi nagani..Duniya sai ta zagemu..Mganar gaskiya kenan Ba zan maida Rikon Jidda ahannunki ba ba Saboda komai ba Sai saboda ke macece mai Rauni kema baki wuce wani ya baki Tarbiya ba kinga kuwa ke bazaki iya bama Jidda Tarbiyan Data kamata ba.."

Daga haka ko Wucewar Hajiya sa"a bai Jira ba ya kalli Nazifi yana Fadin"Muje mutumina.."Daga haka ya Fice Nazifi ya Maramai baya,Hajiya Sa"a da Hajiya Lariya suka Bisu da kallon Mamaki Baki Bude,suna Fita suka ga Jidda ta Rabe Jikin Mariya Tana Sharan kwallah wani kallon Banza Abdullahi ya Wurgamata Dole ta Shiga Taitayinta wani Dogon Tsaki yaja kawai ya Zura Takalminsa ya Fice Nazifi ya maramai Baya.

Acikin Dakin Mama kuwa Baba wada ne yace"Kinji dai Hukunci Da ya yanke..Kuma ina Bayansa Hajiya sai kiyi Hakuri yarki dai bamai Rabaku ammh ki barta gidan Ubanta ki Rika zuwa ganinta Lokaci bayan Lokaci itama zata Rika zuwa tana ganinki bashikenan ba.." Hajiya Sa"a ta Dukar da kai Tana jin Wani Daci acikin Ranta bata samu bakin mgana ba Lariya ta Bude zatayi mgana Baba wada ya Dakatar da ita da Fadin"Kinga ya isa..Wani Cece kuce duk ba namu bane..Mu ba yara bane kuma na Tabbata munsan Abunda ya Dace damu..'Daga haka kawai Shima ya mike yanama Mama Sallama ya Fice,Mama ta Sunkuyar da kanta Kawai batayi mgana ba Hajiya Sa"a ta saki ajiyar Zuciya ta mike Tana Fadin"Tashi mu Tafi Lariya..."

Lariya ta mike Tana saba Jakarta Mama ma ta mike tana Fadin"Kiyi Hakuri Hajiya Sa"a..."Da Hannu ta Dakatar da ita Tana Fadin"Ba sai kin ban Hakuri ba Karima ba Laifin ki bane..ammh ina so ku sani ni Sa"a ni na Haifi Jidda da Cikina Bayan na Sha wahalan Dakon Cikinta na Wata Tara na Sha wahalan Naguda na Haifeta kuma na Shayar da ita Daga jikina na Tabbata koni ban nemeta ba ita Zata nemeni Saboda haka bawanda ya isa ya Rabani Da ya"ta..Muje Lariya.."

Daga Haka Ta ja Hannun Lariya suka Fito Daga Dakin ganin Su haka yasa Su Jidda suka mike daman suna Jin Abunda ke Faruwa kuka Jidda ta saka Ta Rike Hajiya Sa"a wacce Taji kamar itama ta Fashe da kukan kanta ta Shafa Tana Fadin"Stop crying my Dota..Ba wanda ya isa ya Raba wannan kaunar da Allah Ya dasa Tsakanin uwa da ya...Ki zauna anan dim Insha Allahu zan Rika zuwa ina ganinki Lokaci Bayan Lokaci."Tafada tana Share mata Hawaye Zuru Jidda ta mata ido Kafin kuma ta saki Mirmishi Rumgume juna sukayi Lariya Da mama da Mariya suna kallonsu Cikin Sha"awa.

Kudi ta Dunbuzo Daga Cikin Jakarta bata ko san nawa bane ta Mikama Jiddan Tana Fadin"Zamu mgana ta waya kinji ko..? Da kai Jidda ta amsa Tana Fadin"Nagode Mommy.."Mirmishi ta mata ta Shafa kumatunta Tana Fadin"U are wlcm y Darling Dota.."Hannunsu Rike da juna Har Zaure kana suka Rabu ta Daga musu hannu kana ta koma Cikin Gidan Duka Kudin ta Damkama Mama,Mama taki karba tace ta ijiye kudinta sai ta Bama Mariya tace ta ijiye mata.

Achan waje kuwa Abdullahi da Nazifi suna tsaye wajen Motar Nazifin sai gasu sun Fito Kallo kallon sukama Juna Abdullahi ya Dauke kansa Gefe kamar bai gansu ba kai Hajiya Sa"a Ta kada ta Bude Motarta ta Shiga Bangaran Direba lariya ta Shiga Bangaran mai zaman banza suka Tada Motarsu sukayi Reversr suka Dau Hanya sai da suka kule kana Nazifi yace"Allah ya kyauta..ammh matar nan ta Cika karfin Hali

Ajiyar zuciya Abdullahi ya Sauke yana Fadin"Kabari kawai harga Allah Zuciyata bata kwanta ba..Ni ban isa na Raba uwa da ya ba..Ko yayane suna Tare wani abun ma ba sani zan yi ba ina Tsorin Jidda ta samu sake sai Allah Wlh Nazifi ina Cikin Damuwa inda ace yau ina da wanda zan iya bama Jidda ya Aura wanda na yarda da nagartansa ko Bashi zan iya ci Wlh nan da wata Biyu na aurar da ita Hankalina zai Fi kwanciya.."

Yafada yana Bayyana yadda Abun ya Damesa asaman Fuskarsa,Nazifi yayi Shuru yana kallonsa Kafin yace"Gani...Zaka bani Auran Jidda...?

Da Sauri Abdullahi ya kalleshi kafin yace"Dillah mu daina wannan wasan Dakai.."Nazifi yayi Dariya kafin yace"Am not Joking abokina indai zaka bani Auran Jidda ni kuma na maka alkawarin Auranta nan da Wata Biyu na killaceta agidana ni kadai.."da wani rin Sauri Abdullahi ya Rikeshi yana Fadin"Are u Serious Mutumina..?"

Nazifi yace"Wlh Tallahi..Am Serious...Kaji ma na Rantse..."Rumgumesa kawai Abdullahi yayi yana mai Bayyana Farincikinsa afili Shima Nazifin Rumgumesa yayi kafin Lokaci Daya su saki Juna Abdullahi ya kalleshi Cikin Fara"a yana Fadin"Zan fi Farinciki in ka sanar dani ba wai saboda na Furta haka bane zaka auri jidda zan Fi Jin Dadin in ka Furta kana Son Jidda So na Aure..!!!

Mirmishi Nazifi ya Sake kafin ya Riko Duka Hannayen Abdullahi yana Fadin"Haba Mutumina Ni din ne baka sani ba..? In Abu bai min bani da Kwana kwana Direct nake Fadama kowa ma waye koya muke Dashi..Kaji ma na Rantse Maka har ga Allah ina Jin Jidda acikin Raina ba Tun yanzu ba Abokina..."

Abdullahi ya kalli Nazifi yana Fadin"Alhamdulillah naji Dadi kwarai...Ba Domin komai sai Domin Na yarda Dakai abokina kuma na Tabbata zaka auri Jidda ka Riketa Kamar yadda ni zan Riketa na kula da ita.."Nazifi yace"Insha Allahu Mutumina...Karma abari ya Huce muje ni dakai yanzu mu ma Baba mgana ayi komai cikin Lokaci Dama Mata nake nema kuma na Riga na samu agidanmu ma.."

Dariyar Jin Dadi Abdullahi yayi yana Fadin"Hakane..ammh Wani Hanzari ba gudu In Salisu engr.yaji Labarin kanwata zaka aura anya bazai ji Haushi ba..? Yace Kaki kannesa kuma ni na baka kanwata..?Nazifi ya Dafa kafadan Abdullahi yana Fadin"Come on Mutumina...Salisu bai da wannan Halin sam..Ko kwanaki ma naje gidan na gaida Hajyarsu,tayi Rashin Lafiya har ta kwanta asibiti naje gidan na gaisheta Duka yaran na gansu ammh kamar Karamar da Babbar ban gansu ba suna Makaranta karka damu kanka Dani da kai mun zama Daya salisu bazai taba wani Tunani akan hakan ba infact ma ni nace ina so ba Turamin kayi ba.."

Abdullahi yayi Mirmishi kafin yace"Allah yasa..."Daga haka suka Dunguma zuwa gidansu Nazifin akofar gidan suka iske Baba wada suna mgana da wani makocinshi gefe suka koma sai da suka gama kana yazo ya samesu kan Dakalin kofar gidan suka Zauna su uku kafin Nazifi ya Fara korama Baba wada jawabi Abdullahi ya karisa kafin su gama Bakin Baba Wada yaki Rufuwa,Cikin Farinciki yace"Masha Allah..Alhamdulillah kai gaskiya naji Dadin wannan Labarin naku..Kai...Abu yayi Dadi dama na Dade ina son wannan Zumuncin Dake tsakanin Gidan Abokina marigayi Usman Direba da nawa gidan ya kara Haduwa ta Hanyar Autarayyah Allah bai yi ba sai wannan karon Hakika naji Dadin wannan mganar Sosai.."Yake Fada yana Bayyana Farincikinsa Haka suma Sun Dade suna tsara yadda komai zai kasance Nazifi yace baisan a dauke Lokaci mai Tsawo Sai aka bar mganar kan Abdullahi Yace Sadaki kadai Yake Bukata wajen Nazifi Tuwona maina ne Abun,Sun Dade suna mganar kafin Daganan Abdullahin sukayi sallama da Nazifin da Baba Wada yayinda suka Shiga Cikin Gida Shi kuma baima koma Gidan Mama ba Mashin Din Haya ya hau zuwa gida Zuciyarsa Fes.

Bangaran Baba Wada Da Nazifi kuwa suna Shiga Cikin Gida Baba wada ya Labartama Inna Abu Halin da ake Ciki,Guda ta Rangada tayi Juyi kafin tace"Ahayye...Abu namu mganin akwabemu..Ni uwar amarya kuma uwar ango ka Biyasheni Nazifi Wlh sai yanzu zan Tabbatar da zakayi aure ina gayamaka Har mai asharalle zan kira ya bugamana kidaa da waka Ni da Karima.."Karamin Tsaki Baba wada yaja yana Fadin"A"a bamai Asharalle ba ki kira Mai amada ne..Kullum bakya girma Abu baisan me kikeson ki zama ba.."

Yana Fada ya Bude labule ya Shige Cikin Dakin ya bar Nazifi da Inna Abu tana ta sakamai albarka Shi kuma yana Dariya yana Jin wani Farinciki yana Tsirgamai Har Cikin Ransa na Wannan Auran wanda bai ma san Sadda bakinsa ya Furta zai auri Jidda kuma Baya jin Nadamar haka sai Farinciki.

Nan yayi La"asar yaci abinci kana yayi sallama da iyayensa ya Dau Hanyar Kaduna Zuciyarsa na wani irin Fari yana jin wani Farincikin da baisan Daga ina yake Fitowa ba..."

*Shakira...*

*MASIFAFFAN NAMIJI..!*

*Wattpad:JamilaUmar351*

*Mallakar:Janafty💞*

*Dedicated To:My Habibaty💞 Aisha Idris Abdullahi..*!

*Intelligent writer' asso...*

*023*

"Haka Abdullahi yajema Hafsah Cikin Wannan Farincikin Wanda ya kasa Boyuwa Daga saman Fuskarsa,Tayi ta mamaki ganin Wannan Fara"a kamar me,Data Tambayeshi sai yace mata Bakomai koma miye zata ji Daga Baya.

Su Amira kuwa Auwal ya Dawo Dasu Bayan ya Dawo Daga Shago,Shi Abdullahi yama Manta Dasu ya Taho Shi kuma yana Dawowa Shago Mama tace ya Daukesu Amira ya kaisu Gida,ya Dade sai Wajen goma yayi musu sallama ya koma Gida Bayan yayi Dinner dinsa anan Suna ta Hira da Hafsah Abdullahi ko yana Ciki ya kwanta gajiya ta Saka Barci ya Daukesa da wuri.

Washegari Inna Abu ta kasa Zama sai da ta Shiga gidan Mama ta Fara Zegunta mata Hakika Mama tayi murna ammh acikin Ranta Tana Tunanin Jidda ne,ganin ai babu Soyayyah Tsakanin Nazifin da Jidda Tayaya wannan Halin zai yuyu,Koda yake Abdullahi ne in yace Eh din ne baya iya Sauyashi Duk Rigimar Jidda sai dai tayi Hakuri kawai.

Da Mama Taji Labari sai tayi Gum da Bakinta Tunda Abdullahin bai gayamata ba,Sai da ya taso Daga aiki,kana ya Biyo ya Kira Mama Cikin Dakin Auwal ya Gayamata komai Mama tayi Shuru kafin tace"Naji Dadin wannan mganar Domin Nazifi mutumin kirki ne,Ammh kana ganin Shi Nazifin zai so Jidda Har suyi zaman Aure..?

Abdullahi yace"Karki Damu da wannan Mama Abokina ya Tabbatarmin da Cewa Yana son Jidda Tsakani ga Allah kuma so na Aure.."Mama tace"Toh ita Jiddan Fa..? Zata so shi kuwa..? Kaga fa har yanzu Jidda Yarinya ce.."Abdullahi yace"Haba Mama Kina Wani mganar yarinya A yarinyar take Abunda ko Babban Albarka Ban damu Da tana son Shi ko Bata Sonshi ba nidai Hakkina na matsayin Babban Wa gareta Shine na Nema mata Gidan zama na Har Abada,ita ta isa tace bata son Nazifi ne..?dame tafishi...? Wlh shi ba ajinta bane sai dai kawai al"amarin Aure Ya gaji haka.."

Mama ta Rausayar Dakai Tana Fadin"Shikenan...Allah ya Sanya alheri ya Shige mana Gaba.."Yace"Ameen Na riga na Barma Baba wada wuka Da nama kan mganar Saboda haka zan Kira Zannira da Subai suzo gida muyi mgana inaso ayi komai Cikin Lokaci ne Mama.."Mama tace"Ya kamata..ammh Ya za"ayi zaka karbi Lambar Hajiya Sa"a ne ka Sanar da ita ko yaya..?

Cikin Mamaki yace"Wata Hajiya Sa"an..?Mama tace"Mahaifiyar Jidda mana.."Karamin Tsaki yaja kafin yace"Ni ba wacce zan Kira Mama..Yarta ta gayamata ko ke..! Jidda kuma gobe Ki Turomin ita Gidana Ta kwana zan sanar da ita Zuwa asabar ko Lahadi kuma Nazifi zai Shigo su gana in Allah ya kaimu.."Mama tace"Hakan ya kamata Allah ya nuna mana..ya kuma Sanya alheri.."ya amsa da Ameen da haka ya mata Sallama ya Fice Daga gidan..

Daga Mariya Har Jidda ba wacce ta kawo Tunanin komai acikin Ranta,Zannira da Subai"atu sum Ji mamaki kiran da Abdullahi yayi musu da kanshi yace in sun samu Dama Cikin Satinan su Shigo yana son mgana dasu sai Zannira Tace sai Dai Ranar sati Saboda karatun yara Shima Abdullahin yace Hakan yayi Saboda Office Ranar duk da yana da Karatu a Abu in ya Dawo sai Su Hadu gidan Mama.

Kowacce ta kira yar"uwanta Tana Fadamata Kiran ya Abdullahi suna Hasashen Allah sa Lafiya,Koda suka Kira Mama kin Fada musu tayi tace Bata sani ba,Mama bata samu Tura Jidda ba sai Ranar Laraba da yammah Tace ta Shirya Tatafi gidan Abdullahi ta kwana da safe sai ta Dawo Tun da Taji haka sai tasha Jinin Jikinta Tana Tsaye a tsakar gida Tana Ninke kayan Mama Data wanke mata a kan igiya,Mariya kuma tana gefe kan Tarbama ta baje littafai Tana karatu,Mama kuma na Daga kofar Kitchen tana Tsinkan allaiyahu Zata saka Cikin Miyar Taushan da zatayi.

Jin Abunda Mama tace ne yasa Daga Jidda Har mariya suka Dakata da Abunda suke suka Dago suka kallonta Gabadayansu Cikin Mamaki Jidda tace"Mama gidan ya Abdullahi kuma..? Har na kwana..? Lafiya..?

Mama tace"Lafiya lau..yayanku yace na Tura mishi ke.."Jidda ta kwalalo ido Tana Fadin"Ni kuma Mama..?me nayi..? Mama Tace"Ni bai ce min wani laifi kikamai ba,Abunda na sani Shine yace ki Shirya kije ki kwana chan gobe da Safe sai ki Dawo.."Mariya tayi karaf tace"Kin Shiga uku Jidda..Ki Fara maimaita Lahaula walakuwwatu Tun yanzu.."Dakuwa Mama ta Sakar mata Tana Fadin""kaniyarki..Hala mala"ikan Mutuwa ne.."? Mariya na Dariya tace"Ko ba mala"ikan mutuwa bane Mama kiran ya Abdullahi ai ba alheri bane.."Mama ta Rike Tana Fadin"Haka kikace ko Mariya..? Tabbas kuwa zan gayamai.."

Jin Haka yasa Hankalin Mariya ya tashi ta Fara ma Mama magiyan ta Taimaka mata Karta Fadama Ya Abdullahi ita kuma Tana kara Tsoratata da sai ta Fada Jidda kuwa Fuskarta sam ba Walwala gabanta kuwa sai Fadi yake gaskiyan mariya ne Kiran ya Abdullahi Wlh D'aidai ku ne na alheri kai bayama kiran mutun sai in wani Abu babba ya taso,gashi Mommy ta mata waya Tana nan Zuwa Cikin Sanyin Gwiwa ta kalli mama Tana Fadin"Mama gashi kuma Mommy ta Kira ni tace zata zo...ko zan Bari sai da Safe ne..?

Mama Tace"A"a da safe baya gida yana Wajen aiki..Yanzu ya kamata Kije ba Dadewa zai Dawo Daga wajen aiki..Hajiya Sa"a kuma sai ki Kirata ki gayamata Uzurin daya Taso.."Ba haka Ran Jidda yaso ba Jiki ba Dadi ta Shige Daki Dauke da kayan Mama Mariya ta Bita da Dariya Itama Jin Mama tace wasa take bazata Fadamai ba kana ta Saki Ranta.

Bayan Sallar mangariba Jidda tatafi Mariya ta Rakata ta Hau Mashin sai dai Hafsah ta ganta kamar Daga sama su Amira suka makalkaleta Suna Murnan ganinta Cikin mamaki Hafsah ta Fito Daga Cikin Bedroom dinta idar da sallanta kenan Taji ihun su Amira ganin Jidda yasa ta Bude Baki Tana Fadin"Jidda kece Tafe yanzu da mangariban nan..?

Jidda na zama kan Daya Daga Cikin Kujerun Falon Tana Fadin"Eh Wlh Anty Hafsah ina Wuni yasu Amira..? Ta Fada Tana Daga Amir wanda ke Tsalle kan Jikinta Gefenta Hafsah ta zauna Tana Fadin"Lafiya lau yasu Mama..? Ina mariya da su Auwal..?

Jidda tace"Duk suna Lafiya..Mama tace agaidaki.."Hafsah tace'Ina amsawa..Lafiya kuwa naganki da Dadaddaran nan Jidda..? Jidda tace"Lafiya lau....ai Yaya Abdullahi yace nazo gida na Sameshi yana Nemana.."Cike da Mamaki Hafsah tace"Ok..gashi bai Dawo Daga wajen aiki ba gaskiya.."Jidda tace"Eh yace ne na Jirashi.."Hafsah tace"Au Toh..ammh Tafiya ba yau ba sai dai gobe domin ai Dare yayi.."Kai Jidda ta Sunkuyar Tana Fadin"Eh Haka yace sai gobe zan koma.."

Cikin Dariya Hafsah tace"Dakyau mijin Hafsatu gashi yau ya kawomin ke.."Itama Jiddan Dariyan Tayi Daidai Lokacin da wayarta Dake Hannunta Ta Dauki Kara Tana Dubawa Taga Mommy ne sai ta Dauka Tana Fadin"Hello Mommy..."

Jin Haka yasa Hafsah mikewa Ta Fita zuwa Kitchen,ta Duba miyarta in ta karisa ta Sauke,Tuwon Semo tayi da Miyar kubewa Danya wacce Taji Kifi Ta Gama Tuwon Tun dazu ta Nannadeshi Cikin leda Kubewar ne bata karisa ba,Koda taje har ta karisa ta Sauke ta samu karamar Kula ta Zubama Mai gayyah mai aiki Nashi,sai kuma ta samu Filet ta Zuboma Su Amira Nasu Saboda ya Huce,Jidda kuma bata sa mata ba, ta bari ta saka da kanta Tunda Gidan ba bakonta bane ita kuma Batama jin Tana Sha"awar Cin wani abu Haka kurum Cikinta Duk ya Tushe..

Dakin Ta Dawo Har Jidda Ta gama wayar dama kafin ta Fito Gida ta Kirata da Niyyar ta Fadamata Fitarta sai bata Daga ba Shine yanzu tabiyo bayan Kiran Nan take Sanar da ita Tana Gidan Ya Abdullahi nan zata kwana sai gobe Itama Hajiya sa"a sai tace mata Tana ma Kaduna kuma ba yau zata dawo ba,kuma ba gobe indai ta Dawo zata Shigo ,Da haka suka Yanke kiran.

Hafsah tace ma Jidda In zataci Tuwo Ta Shiga kitchen Ta Duba Zazzabi take ji yana neman kamata Kayan abincin Abdullahi ma Dakyar ta iya Jeramai Bisa Cafet nan Gefe Jidda ma ta kama mata,kan kujera ta koma ta Nade Tana kallon Jidda na cin Tuwon Ita Dasu Amira suna Damunta da mgana itama tana Biye musu Duk da bata da Hayaniya tafi mariya son yara.

Kiran Sallar Isha"i ya Tashi Hafsat taShiga Bedroom ta Kabbarta sallah Dama tana da alwala ita kuma Jidda suna gama Cin abinci ta kwashe komai takai kitchen Ta share Saman Cafet din ta Goge inda su Amira suka Bata da Miya Tajasu zuwa waje sukayi alwala anan Falo Ta Shimfida musu Sallaya sukayi Sallar sun Idar kenan sukaji alamun Bude Kofa da Shigowar mashin da gudu su Amira suka Fita Suna Murnan oyoyo Abba Su suka Tarbesa,ledojin hannunsa ya mika ma Amira Karamar Jakarsa kuma Amira ta karba Shi kuma sai ya karisa shiga d mashin Dinsa ma"ajiyarta.

Yana Dauke da Amir a kafadansa Amira kuma yana Rike da Hannunta ya yo sallama ya Shigo Dakin Jidda Dake ninke sallayar da sukayi Salla dashi,Lokaci Daya Tana amsa Sallaman nasa Kallonta yayi kafin yayi magana Tayi Saurin Cewa"Sannu da zuwa ya Abdullahi.."

Yana zama Kan Daya Daga Cikin kujerun Falon yake amsa mata,Fuskarsa ba walwala Cikin waige waige yace"Ina Hafsah din..? Kan jidda na kasa Tace"Tana Ciki..Bata jin Dadi ne inaga Domin tace min tana jin zazzabi.."Cikin Damuwa ya mike Lokaci Daya yana Sauke Amir Dake kan Jikinsa yana Fadin"Subhanallah...Tun yaushe..?

Jidda tace"Bansani ba Wlh..Nima ban jima da zuwa ba..."Kai ya kada yana Fadin"ok..Tafi dasu Amira ki karbi ledojin Hannunsu kayan Lambu ne sai kaza ki Dibar muku Sauran ki saka Cikin Fridge din Tunda Hafsah bata jin Dadi.."Kai ta gyada kafin tace"Kai bazaka ci ba..? Da sauri yace"No am ok...Amira kuje wajen Anty Jidda ko..? Yafada yana Tura Mata su da gudu suka nufeta da ledojin ta karba ta jasu zuwa Kitchen Shi kuma ya Shiga Cikin Bedroom din nan ya iske Hafsah kwance Inda Tayi sallah ta Dunkule Cikin Hijabinta a saman Kanta ya Duka yana Kiran Sunanta Cikin Galabaitan zazzabi Ta Dago Tana kallonsa Cikin Tsausayinta yace"Hafsah baki da lafiya Shine baki Kirani kin Fadamin ba..?

Kokarin mikewa take yayi Saurin Rikota da Jikinsa ta jingina Goshinta ya Shafa yaji Zafi Rau,Saurin Dauke Hannunsa yayi Lokaci Daya yana Fadin"Kai kinji Zafin Jikinki..? Tashi maza muje asibiti Fever kike yi Sosai kila maleria ce.."Ya fada yana Shirin mikar da ita Hannunsa ta Riko Cikin Sanyin murya tace"A"a yanzu ka Dawo kana Bukatar Hutawa..karka damu Zazzabi ne kawai Bani panadol nasha nasan zai Fada Insha Allahu.."Tafada tana Kallonsa Bata Rai yayi yana Fadin"Wannan wata irin mgana ce..? Lafiyarki batafin mun komai ba Hafsah taya zan barki Cikin wannan Halin.."Kan Cinyarsa ta Maida kanta tana Fadin"Ba wani Ciwo bane Sosai..Don Allah kadaina Damuwa.."Sai Tsausayinta ya kamashi ya kamata ya Rumgume kawai yana Sauke Numfashi,Da ita ajikinsa ya mike ya maida ta kan Gado Drower din gadon ya Bude ya Dauko panadol ya ballamata Guda Biyu,Har zai mikamata sai kuma ya kalleta yana Fadin"Kinci wani abu..?

Kai ta girgiza Tana Fadin"A"a bana jin Cin komai bakina bayamin Dadi.."Maganin ya ijiye kawai ya Fice Jidda na kitchen din Ya Shigo Filet yace ta samu ta Debomai kayan marmarin,Da sauri ta Samu Filet din ta Zubamai ya karba da Ruwa ya koma Ciki Dakyar da lallashi Hafsah taci kadan tasha mgani kana ya kwantar da ita ya kunna mata Fanka,Ganin ta Fara zufa yasa ya Cire mata Hijabin jikinta ya barta Daga ita sai Doguwar Rigar Dake Jikinta ya Dade Tsaye kanta Sai da yaga ta samu Barci kana ya Shiga yayi wanka ya Sauya kaya zuwa Jallabiya koda ya Fito Falo Har Su Amira Sunyi Barci Umartan Jidda yayi da ta kaisu wajem kwanciyarsu tazo yana son mgana da ita cikin Fargaba ta kwashe su zuwa wajen kwanciyarsu ta Dawo yana Saman kujera ya koma kasa ya zauna yace ta Jawomai kulan Abincinsa da Hanzari ta mike ta Kaimai komai gabansa ya Bubbude Tuwon kuwa yaci Da yawa yana ci ammah Rabin Hankalinsa na Wajen Hafsah yafi kowa sanin Halinta in tana Ciwo haka take bata san Ta nuna mai wani Abu na Damunta saboda kar ya Shiga Damuwa sai Ciwon ya kaita kasa kana take yarda yakai ta asibiti,Ammh yanzu bazai Kyaleta ba Zuwa gobe in yaga Zazzabin bai Sauka ba zai Dauketa suje asibiti adubata abata magunguna.

Jidda kuwa na gefe Rakube har ya gama cin abinci kala bai ce mata ba Tashi yayi yana Fadin"Ke Dauke wadanan kwanukan ki maida kitchen Ki Dawo.."Da Hanzari ta mike tayi kamar yadda yace Shi kuma Bedroom din ya koma ya Shiga Tailet ya wanko Hannunsa yazo ya kara Duba Hafsah ganin kamar Zazzabin ya sauka ne yasa ya Rage mata Gudun Fankan ya Rufa mata Blanket Daidai Kafarta Zuwa saman Cikinta kana ya kashe mata Wutar Dakin ya Fito.

Inda Jidda Tatashi nan ya Isketa Zama yayi kan kujeran Dake Fuskartata Lokaci Daya ya Kiran Sunanta.."Hauwa"u..."! cikin mamaki Ta dago Tana kallonsa Lokaci Daya tana Fadin"Na"am Cikin mamaki Sanin ba kasafai ya Cika Kiran Sunanta ba,Zama ya gyara yana Cigaba da Fadin"Nasan baki san Dalilin Daya sa Nace Mama ta Turo min ke ba ko..? Da kai ta amsashi bai bata Zarafin mgana ba ya Cigaba da Fadin"Very good..Ba wani Dalili bane mai karfi..Ko nace ba laifi kikayi ba Na ce ta turomin ke ne Saboda bana samun Lokacin kaina In na taso Daga wajen aiki wani Lokacin bana samun Tsaya agida a nan kuma zam samu Lokacin da zan miki Bayani Sosai yadda zaki Fahimta Dama ba wani abu bane..Mganar Auranki ce Tataso.."

Dam! Gabanta ya Fadi da Sauri ta Dago Tana Kallonsa Cikin kwalalo Ido waje tace"Mganar Aure kuma Ya Abdullahi..? Wlh Allah na Daina kula kowa Kama Tambayi Mama ko Anty Mariya kaji.."Tafada idanuwanta suna Cika da kwallah kallonta yayi kai Tsaye kafin yace"Wayace Dama kina kula wani..? Ki Saurareni Dakyau...abokina Nazifi yamin mganar yana Sonki kuma so na Aure ni kuma na bashi har ma yayi ma Baba wada mgana Bana son mganar ta Dau Lokaci na Farko ke yarinya ce Wacce kika kasance amana gareni Babban Burina da Fatana ki samu miji na gari Dake da mariya kamar yadda Sauran yan'uwanku Suka samu...Ba Domin Nazifi yana abokina Zan yabeshi ba A"a sai Domin ya Chanchanta kuma ya Dace Da Duk yarinyar daya Nuna yana so abashi saboda bashi da wani makusa atare Dashi,kana Abu na gaba zai kula Dake kamar yadda ni zan kula Dake saboda Haka na Riga na Furtamai na bashi ke,Ranar Lahadi zai zo ku ga Juna kuyi mgana mganar karatunki kuma karki Damu zaki cigaba adakinki in dan Har Shi Nazifin ya Amince miki.."Tun sadda ya Fara mgana Jidda ke Tsiyayan Hawayen Tsausayin kanta Sadda ya Furta Sunan Nazifi sai da kirjinta ya Shiga Bugwa Taya ya ma za"a ce Zata Auri Ya Nazifi wanda take gani kamar ya Abdullahi Alhalin ga mariya wacce ke gabanta ba"a ce ita ba sai ita Karamarta da ita za"a aura mata Abokin yayanta kuma ma bama Saurayi ba mai Mata,gashi Tana da Burin yin karatu mai zurfi Burin Mamarta ne wacce tace zata nema mata ko Base University Abuja ko Maryam Abacha,gashi Lokaci Daya wannan mafarkin nata na Neman Rushewa Tuna,hakan Datayi yasa ta kara Volume din kukanta Baki Abdullahi ya saki yana Kallonta kafin yace"Ke lafiya kika Tasani kina min wannan kukan..?ko na Dake ki ne..?

Kai ta girgiza Cikin kuka Take Fadin"Ni bana son Shi Yaya Kuma nayi karama da Aure..Ga Anty mariya nan."Ransa ya baci yakai mata Dakuwa yana Fadin"kinga naki nan da baki Sonshi..? Dama wayace ki Soshi..? finshi kikayi..? Me kike dashi da Naazifi zai ce yana Sonki..? Baki da komai Wlh Domin yafi karfinki nesa ba kusa ba..Balle ki Bude baki ki gayama Mutane mganar banza kuma ai yafi ki sanin mariyan kuma yace ke Saboda Haka mgana Babu fashi ki zama Cikin Shiri xai zo ku gana Kuma Wlh in naji wani Rashin Mutumci ya Fito Daga barayinki kinsan Allah Dakaki zanyi Da sai kin gane Ni ba sa"an wasanki bane Tashi ki bani waje sakarya kawai mara wayau.."Jidda da kuka ya gama Cinta ta mike tana Rangajin kuka ta Fada Dakin su Amira kan Katifarsu ta Fada Lokaci Daya Ta saki Volume din kukanta Kamar wata Karamar yarinya.

Hafsah dake Tsaye kofar Bedroom dinsu Tana Cikin Barci Taji kukan Jidda da Sauri ta Farka ta Sauko Daga kan gadon ta Fito Falo Daidai Lokacin da Jidda ke Shigewa Dakinsu Amira Da mamaki ta kariso Kujeran da Abdullahi yake ta Zauna tana Fadin"Wai lafiya Abban Amira.? Meya faru naga Jidda na kuka..?

Kallonta yayi Lokaci Daya yana Taba Goshinta Jin Sanyi kalau yasa yayi ajiyar zuciya yana Fadin"Zazzabin ya sauka ko Hausina..?

Kai ta gyada mai tana Tsareshi Da manyan Idanuwanta Cikin Sanyin Murya tace"Meya faru..? Kansa ya Lamgwabar kan kafadarta Yana Fadin"Bafa wani abu bane...Iskanci ne kawai da samun waje wai kuka take saboda Nazifi yace yana Sonta ni kuma na Bashi,daga cewa Ranar lahadi zai zo suyi mgana Shine ta sakamin kuka Hardacemin bata isa Aure ba ga Mariya nan ba.? Ido Hafsah ta waro Tana Fadin"Wani Nazifin..?

Abdullahi ya Dago yana Fadin"Wanda kika sani Mijin Sakina.."Baki Hafsah ta Rike tana Fadin"Wai da gaske kake yace yana son Jidda.."? Mikewa Abdullahi yayi yana Fadin"Mun taba irin wannan wasan dake..? Har Baba wada ma yagamawa kuma ya nuna Murnan sa Sosai Yace baya bukatar jan Lokaci so ku Shirya nan da wata uku Insha Allah komai zai kamallah indai na isa da Jidda To na Bama Nazifi ita Amatsayin mata har Abada.."

Kai Hafsah ta Jinjina tana Fadin'Ikon Allah...Matar mutum kabarinsa..Allah ya sanya alheri..ya sakina taji..? Ko bai yagamata ba.? Hannu ya mikamata ta mikomai ya kamata tatashi yana Fadin"Kai mata abarku da gulma ni kuwa ina Ruwana..Ban sani ba ban kuma Tambayeshi ba kuma bai gayamin ba"Dariya ya kama Hafsah,Sai da ta Dara shima Abdullahim mirmishin yake Cikin Bedroom din ya maidata ya kwantar kana ya Fito waje ya kulle Kitchen ya dawo ya Kulle Kofar Falon ya Shiga Dakinsu Amira Har yanzu kuka Jidda Take Abun ma sai ya bashi Dariya Da mamaki yace"Lalle aiki ya sameki Cigaba da kuka...lalle kuwa in akan wannan mganar ne kukanki bazai kare ba.."Daga haka ya kashe musu Wutar Dakin ya Fito ya kashe na Falo ya koma Cikin Daki ya iske Hafsah ta Shiga tayi wanka ta Fito Shi ya taimaka mata ta Saka kayan Barci ya Dauketa Cak suka Dira kan gado tana Cikin Jikinsa Ya kamkameta suke ta Fira yana gayamata irin Farincikin Dayaji Lokacin da Nazifin ya nuna yana son Jidda Hafsah kuma tana bashi Wasu Shawarwarin yadda komai zai tafi Daidai.

*****

Washegari Koda Jidda tatashi Idanuwanta sun kumbura saboda kuka Hafsah kuma Taji Sauki Sosai kamar ba ita ba,Abdullahi kuwa ko ta kan Jidda bai bi yau din da wuri ya Fita su Amira ma mai mashin dinsu ya kira yazo ya kaisu Bayan Tafiyarsu ne Hafsah ta Zaunar da Jidda ta Dinga mata Fada tana nuna mata Riban yin Biyayyah ga na gaba Dakai ba laifi Jidda taji mganarta har ma ta Daina kukan Datake Misalin 12 tama Hafsah Sallama Tatafi bayan ta bata kudin Abun Hawa.

Haka ta komama Mama tana Kuka Mama na Lallashinta,Mariya da Auwal sai Ranar sukaji labari Auwal kuwa mamaki ya kamashi ganin Jidda na kukan bata son ya Nazifi Cikin Dage gira ya kalleta yana Fadin"Dillah mama ji wannan yarinya..? Don ma kin samu kinci Darajan ya Abdullahi ammh Me ya Nazifi zai ci Dake..? Kyan banza da ilimi matarsa bata Fiki ba Don ma kin samu zai Taimaka miki har wani Cewa kike baki sonsa..? A kyaleki sai ki kawo wanda ya Fishi Tunda kin zama wawiya.."Jin haka yasa ta kara saka kuka Sai Da mama ta tsawatar ma Auwal din kana Mariya kuwa Baki ta Rike tana Fadin"Lallema yarinyar nan..Kin samu Dami a akala har kina wani iskanci..? Wlh dama nice ke Danace nafi kowacce mace sa'ar samun Miji na nuna Sa"a yarda Maza ke tsada a wannan zamanin"

Wannan mganar tasa Jidda tace ma Mariya ta Bar mata taje ta Aureshi Mganar har ta kaisu ga Sa"in sa sai da mama ta Shiga mganar Jidda saboda kuka da Damuwa wayartama kasheta tayi Gabadaya Hajiya Sa"a tayi kiran Duniyan taji a kashe,gashi tana kaduna wajen kokarin Bude Shagunanta ,balle tazo gidan Taji lafiya ammh takira Lariya tace tazo Tagani ko Jiddan Tana lafiya.

*Domin Biyan Kudin Karatu akan Littafin Ra"ayi ne ko Buri..? Zaku iya Tura kudin karatunku ₦200 Kachal akan wannan asusun bankin 0552179550...JAMILA UMAR GTB,Sai a turo Shedar Biya ta wannan layin wayar 09069067488,In kuma Katin Waya ne zaku iya Turowa ta wannan Layin 09027767783 kai Tsaye Bayan Mutum ya Dauki Hoton katin...Ga masu Bukatar VIP zasu Biya ₦500 ne ta Lambar asusun Dana bada a sama....! Mutanenmu na Niger kuma Zaku iya Tuntumbar My Jika aglan Nissa ta wannan Layin +22794131747....Sai kunzo Masoyana*

*Shakira...*

*MASIFAFFAN NAMIJI..!*

*Wattpad:JamilaUmar351*

*Mallakar:Janafty💞*

*Dedicated To:My Habibaty💞 Aisha Idris Abdullahi..*!

*024*

"Washegari ta kama Ranar Jumma'a ne Tun Safe sai ga Hajiya Lariya ta Dira Gidan Mama Lokacin Jidda na Cikin Dakinsu tana Kukanta data Farashi Tunda mganar Auranta da Nazifi ya Bullo Mama tayi Lallashin Duniyan nan taki Shuru da kukan Sai ta kyaleta, Mariya ma Tunda Sukayi wannan Tsiyar haka suka kwana ko Mgana basu yi ma juna ba, Ballatana Auwal Da Dama basu Shiri kamar Itace Sakonsa koda mariya basu Cika Fadan da suke da Jidda ba kodon Mariya ita bata da Rawan kai ne kamar Jidda...?

Tun Safe ko Tsakar gida bata Fito Ba Dama Tana Fashin Sallah,Mariya kuma Tun wajen 7am na Safe ta Fita Zuwa Asibiti Auwal kuma sai da 8am ta Buga kana ya Fita yana ma ta Sauri Suna da Test a makaranta Mama ce kadai acikin Gidan Duk da kukan Jiddan ya Dameta ammh bata da yarda Zatayi ko da Safen nan da sukayi mgana da Abdullahi ta Waya ya kara Jadaddamata mgana ba Fashi So in ma zata Daina kuka gwara ta Daina.

Bayan sun gaisa da Mama Hajiya lariya Ta Tambayi Jidda Mama Ta nuna mata Dakinsu tace ta Shiga Tana Ciki tana Tashi ta Shiga Jidda na ganinta tatashi ta Fada Jikinta ta saki kukanta Cikin Tashin Hankali Hajiya Lariya ta Riketa Tana Tambayanta lafiya..? Sai da suka zauna gefen gadonsu Ita Da mariya kana Cikin kuka Take labarta mata Abunda ke Faruwa Ido Hajiya lariya ta zaro Tana Fadin"Aure wani irin aure kuma..?

Jidda na Matsan Hawaye tace"Haka yace...Kuma wai ko zan yi kuka Jini Sai anyi..Ni fa bana Sonshi karatu nake so nayi Anty Lariya...."Kai Hajiya Lariya ta girgiza kafin tace"Ko ba karatu zaki yi ba wannan ai ba adalci bane Duka Duka nawa kike da za"a Hadaki da Wani Namiji namijin ma mai mata..? Yaushe zaki iya Zama da Kishiya kina yarinyarki Dake..?Toh ita karimar me tace..?

Jidda tace"Me kuwa..?Me Mama ta Isa tace in Ya Abdullahi ya yanke Hukunci ko Baba Wada Baya iya ketare mganarsa.."Mikewa Hajiya Lariya tayi Tana Fadin"Toh wlh bai isa ba wannan karon Mu zamu ketare..Wato Saboda Yaji Yaya tace zata karbeki ya Hana Shine ya Bullo da wannan mganar ko..?Wannan ai Rashin Adalci ne Taya zasu yanke wannan mganar mai muhimmanci batare da Tuntubar Ita yayan ba..? Gaskiya karima Ta bani mamaki.."

Da Sauri Jidda Ta mike Tana Fadin"A"a Anty bafa laifin Mama Bane..Yaya Abdullahi keda ikon Zartan da kowani Hukunci na Mama Bi ne kawai.."ko Sauraranta Hajiya Lariya batayi ba Ta Fice Daga Dakin Jidda Ta Rufa mata Baya Mama na Tsarkar Gida Taji Hajiya lariya a saman kanta Tana Fadin"Yanzu ke karima kinga Abunda kuka yanke yayi Daidai..?in ma Kuna Son ku nuna kunfimu iko da Jidda ne sai kuyi Adalci wajen Tuntubar ita mahaifiyar yarinyar ko bakomai Taci Darajan ta Tsugunna ta Haifeta...".

Mama Taji Hankalinta ya Tashi Daman Abunda Take Gudu kenan,Tasan karshenta ita za"a Dora ma Laifin komai Bataso Daga Bakin Jidda zasu Fara Jin mganar ba Taso ne Daga bakin Baba wada ko na Abdullahin Dama Tunda Taga zuwanta Tasan komai ya Lalace.

Cikin Sanyin Murya tace"Haba lariya taya zaki ce haka..? Kinga auran yazo ne ba"a gaya muku ba..? Dama ina da Niyyar kiran Ita Sa"an da kaina in gayamata komai sai gaki.."Wani Harara Hajiya Lariya ta mata kafin tace"Bawani Kina da Niyyar kiranta Haba karima in Jidda yarki ce zaki yarda Ya yanke mata wannan Hukuncin..? Wato Saboda ba yarki bace Shiysa baki da Tacewa ko..?

Idanuwan Mama suka kawo kwallah Cikin Rauni tace"Yanzu Lariya Dama kina Daukata a ba wacce ta Haifi Jidda ba..? Tafada kamar tayi Kuka Hajya Lariya Tataso mata Tana Fadin"Eh haka nace Domin na Tabbata in ke kika Haifi Jidda da Cikin ki Wlh bazaki yarda a batamata Rayuwa ba karamar yarinya da ita ku Rasa wanda zaku aura mata sai abokin yayanta kuma ma mai mata.."Ran Mama ya baci Kamar zatayi mgana sai ta Fasa Jidda Ranta bai mata Dadi ba ta kalli Mama kamar zatayi kuka Tana Fadin"Don Allah Mama kiyi Hakuri.."Ko kallonta Mama batayi ba Ta wuce Daki Tana Share kwallah.

Jidda Ta kalli Hajiya Lariya Tana Fadin"Haba Anty taya zaki ce ma Mama Haka..? Na taba Fadamuku Tun zama na da mama tataba nuna min wani Abun da zai saka naji ba ita ta Haifeni ba..? Wlh ya Abdullahi bani kadai ba,Dukkanmu yana nuna iko akanmu...hatta dasu Anty Zannira Dake gidajen Auransu.."Ko Sauraranta Hajiya Lariya batayi ba Ta Dauko Wayarta Dake Cikin Jaka tana Luluban layin Hajiya Sa"a Lokaci Daya Tana Fadin'"baki da wayau ne Jidda Shiyasa bazaki gane komai ba..Muda muka san zafinki Wlh bazamu bari hakan ta Faru ba Haka kurum a kashe miki Rayuwarki kina yarinyar ki Dake .."Ta Fada lokaci Daya tana Wucewa Fuu Cikin Fushi ta Fita ta bar Gidan Sai Duk Jidda bata ji Dadi ba Data koma Daki sai ta iske Mama na kuka Rumgumeta tayi Tana Fadin"Mama Don Allah ki Daina kuka..Har Abada kema kamar uwa kike gareni.."

Mama ta Share Hawayenta Tana kallon Jidda tace"Allah na gani..Tunda Mahaifinku ya karbo ku ya Damkamin ku Banta jin bani na Haifeku ba na Rike ku tsakani na ga Allah ina Jin kamar Dukkanku ni na Haifeku..ammh kalli Abunda Lariya tazo Tami...bakomai akwai Allah.."Ta Fada Tana kara goge kwallar Idanuwanta Itama Jidda sai kwallah da kuka Sai Mama ta Buge da Lallashinta Har sai da Taga ta saki Ranta kana.

Bangaran Hajiya lariya tana Fita ta Shiga Motarta ta bar anguwan Tun a Hanya tayi ta kiran Hajiya Sa"a bata samu ba sai da ta kai Gida kana ta sameta,Batayi kasa a gwiwa ba ta labarta mata Komai Hajiya Sa"a na Zaune ne sai Gata Tsaye Cikin wani yanayi Take Fadin'Lalle nema...Aikuwa wannan karon kowaye ya Tsaya mai karya yake ba wanda ya isa yayi ma y'ata aure yanzu Karatu zatayi.."

Hajiya Lariya ta karbe da cewa"Kema kya gani Yaya..Abunda yafi bani mamaki Karima ta kasa wani mgana sai cewa take ba Daga ita bane Laifin yayansu ne..'Hajiya Sa"a tace"Koma na waye su suka sani..Wannan karon ba wanda ya isa ya Hanani nuna ma Duniya Mahaifiyar jidda ce ni..Ina Tafe yau in nagama Abunda nake yi in kuma Ban gama ba sai Gobe...Zan zo ayi wacce za"ayi Lariya...Daga haka ta yanke Kiran Hajiya lariya na Fadin"Ina Bayanki Yaya.."

*****

Tsakanin Jidda da Mama ba wanda ya iya bada labarin zuwan Hajiya lariya da Abunda ya wa Kwana,Shuru sukayi da bakinsu,Ranar Bayan Abdullahi ya Taso Daga makaranta ya Shigo Gidan ammh bai Dade ba ya Fita Zuwa Wajen Baba wada suka Tattauna kan mganar Auran da Farko Abdullahi yace Sadakin Nazifi kadai yake Bukata Baba wada kuma yace Shine Waliyin Amarya Saboda haka Dole komai ma al"ada sai Nazifi ya Cikasa,da kansa ma ya Kirashi Sunyi mgana har ya Turo da kudin Goro da Dabino da Tabarma sauran kayan kuma Hade da Sadaki yace in zai Shigo Ranar lahadi in zai Shigo zai Zo Dashi Ba yadda Abdullahi ya iya Dole ya amince ammh yace ajirashi Zuwa gobe zai yi mgana da kannensa kuma yana so yaje Chan Danja ya sanar ma Goggo Habiba,saboda ko bakomai Kamar Uba take garesu Tunda ba wani wanda zasu nuna yau nasu na Bangaran Mahaifinsu Duk Allah ya karbi Rayuwankansu Ko Bata Shiga Cikin Sha"anin magabata ba Mijinta yana Shiga Tunda Shima kamar Uba suka Daukesa,Da haka suka Rabu da Baban Wada,kan sai Ranar lahadin in Nazifin yazo.

Washegari ta kama Asabar din Farkon mako Tun wajen Karfe 10am na Safe Mijin Zannira ya kawota Ita kadai yaran kuma chan ta barsu gidan iyayen mijin,Daga ita sai Maryam wacce suke Kira Ihsan,Har Ciki ya shigo ya gaida Mama kana ya wuce Samaru dama Daurin aure wani abokinsa akeyi Duk dashi ma yasa ya Dauko Zanniran suka Taho Tare,Da motar Haya zata Shiga,Tana zuwa ba Dadewa ta kira Subai tace mata gata ta kariso itama Bata Dauki Lokaci ba sai Gata,Mama Taji Dadi sai ina zata saka Dasu take,Gidan Daman babu Kowa sai Su Amira Suna makarantar Hadda Duk da bama Gidan suka kwana ba,sai dai Daga Haddar ne zasu Dawo ta Gidan Maman, Auwal ya Fita Shago Tun Safe Mariya kuma Tatafi Asibiti jidda ce kadai kuma Tun Safe tana kwance Bata Tashi ba.

Zannira ita ta kira Abdullahi tagayamai isowarsu yace su Jirashi Yana Cikin Makaranta Ammh yanzu in yagama Abunda zai yi zai kariso,Mama taso ta Fara kyankyasa musu Da suka Tambayi me ya Faru Jidda ke kwance Tataso kuma tana wani Tura baki,Sai mama tace Babu komai Bata jin Dadi ne Allah ya Sauwake kawai suka mata Suka Shiga Hiransu Cikin Hiran ne Ma Subai ke Fadin Daga gidan Mama Wajen Hafsah zata ta karisa wunin Ta Dubata Domin Jiya suna waya tace mata Bata Jin Dadi Jin Haka yasa Zanniran tace kafin Baban waled ya Dawo sai ta Bita Suje su Duba Hafsah din Har Mama tace bata sani ba Itama Jidda ke Fadamata Ammh Tace Da Sauki Abakin Abdullahi dai basu Ji ba.

Sai Wajen 12pm na Rana Abdullahi ya Shigo Gidan,Lokacin ma Sauri yake Zashi Danja Saboda haka Bayanin a gurguje yayi musu sai sukaji mganar kamar almara Subai Tayi murna Harda Rangada Guda,hararanta Abdullahi yayi yana Fadin"Ke miye haka..? Ke meyasa baki da Girma ne sai na Jikinki..??"Tana Dariya Tace"Murna Nake yaya..Abu namu mganin akwabemu Dama kwanaki Lokacin Haihuwar Anty Zannira da muka je gidan Wlh naji Ya bani Tsausayi har ina ce ma Hafsah da ina da yarinya Data isa Aure dana bashi Ashe Allah ya amsa Ban bashi yata ba zan Bashi kanwata kai Masha Allah Allah ya sanya alheri.."Gabadayansu suka amsa da Ameen Ameen Sauran Bayanan Mama yace Ta Fada musu,Shi zai wuce Danja Gidan Goggo Habiba Fatan Dawowa Lafiya sukayi mai ya Fito Tsakar Gidan nan Mama ke Tambayansa Ashe Hafsah bata ji Dadi ba ...?

Yana Duba agogon Fatan Dake Hannunsa yana Fadin"Eh Wlh Mama kinsan Halin Surukarki Sai a Hankali da Zazzabi take kwana Duk Dare da Zarar yammah tayi Shikenan in kuma gari ya waye sai Ki ganta kamar ba ita ba Kuma taki yarda muje asibiti sai dai ta Dinga Shan panadol."

Mama tace"Asha..Aikuwa gwara kuje asibiti adubata agani yafi ayi ta Shan mgani agida.."Yana Ficewa yake Fadin"Haka nake so ...Zuwa Ranar Monday kafin na Tafi aiki zan kaita mugani.."Fatan Allah ya sauwake Mama tayi Shi kuma ya amsa da Ameen ya Fice yana cema Mama sai ya Dawo tace adawo lafiya Su Zannira kuma na Ciki suna kara Tattaunawa Subai uwar Rawan Jiki,Kuwa harda Fadin anko kala Uku zasuyi kuma ya Abdullahi sai yayi Hakuri Domin zasu sha Bidi"a fa,Mama dai sai Dariya Take Jidda kuma na Jinsu taki mgana sai wani cin mgani Take Ganin Haka yasa Subai ta Fara Zolayanta da Amarya kawai sai ta saka musu kuka Cike da mamaki suke kallonta,tashi tayi ta Shige Cikin Dakinsu tana kuka Nan Mama ke Fada musu kukan Datake yi wai bataso ita karatu zatayi.

Subai ta saki wani wawan Tsaki Tana Fadin"Kar Allah yasa ta so mana Mama...Ke acikin abokan ya Abdullahi akwai wani Sa"anki ne..? Kindai ga Matarsa in auran kyau ne ko na ilimi bazaki Nuna mai ba gwara ma ki Saka Ranki Cikin salama mganar aure Babu Fashi Ehe.."Jin haka yasa Jidda ta kara Volume din kukanta Ita Abunda ke karamata Takaichi Shine Kowa ya tashi mgana sai yace wai Nazifi yafi karfinta toh Dama ita tace tana sone balle adameta da mgana,Ba wanda ya kara Bi ta kanta sukayi ta Hiransu Daga gani Abun yayi musu Dadi kwarai..

Wajen La"asar suka Tafi Gidan Hafsah suka isketa kwance ammh Dai taji Sauki Sun dan Juma suna ta Tattauna mganar Jidda sai da Mijin Zannira ya kira waya yace gashi gidan Mama kana suka Mata sallama suka Tafi,Daganan Subai bata koma Gidan Mama ba gida ta wuce Zannira ce ta Koma gidan Mama sukayi sallama Mama tace Su Shiga gidan Baba wada ta gaishesu Haka akayi ita da Mijinta suka Shiga Sun yi Sa'a Baba wadan na nan suka gaisheshi zannira ta Hada ta yi musu Allah Sanya alheri Bakin Inna Abu yaki Rufuwa 5k mijin Zannira ya bama Baba wada ya karba yana ta Godiya Gabda Mangariba suka Dauki Hanyar Kaduna,Mariya ana kiran Sallar mangariba ta Shigo Gidan Dayake Daga Asibitin bayan an tashi gidan wata kawarta ta wuce Sanin Halin Ya Abdullahi in ba da irin Haka ba Baka samun Zuwa ko"ina.

Tana Shigowa Mama tace yanzu Zannira suka Fita,Ta ciji yatsa Sosai Taso su Hadu,sai da sukayi Salla kana Mama ke Bata labarin Abunda ya Faru,Mariya tayi ta Ma Jidda Dariya afili ta Furtamata tana Tayata murnan Samun gwarzon miji irin Ya Nazifi Shi kuwa Auwal Daya Dawo Ana maida mgana ma Haushi Duk ya isheshi Ko mganar ma Bayaso yace a kyaleta mana ta kawo wanda yafi Ya Nazifin Tunda ita bata da Mutumci.

Bangaran Abdullahi kuwa ya isa Gidan Goggo Habiba ta Dinga ina Zata Sakashi Fura ta saka asiyomai ta Damamai,Da Zogala da kuli ta kwadantamai yaci yasha Furan ya Hada da kwadab zogalan ita ya Fara korama Bayanin Halin da ake Ciki Tayi Murna Sosai Domin Nazifi Mutum ne nagari,Tunda duk yawancin Zuwan Abdullahi Tare da Nazifin suke zuwa Gaskiya bashi da laifi,Goggo Habiba da kanta ta aika aka Kira megidan nata Alhaji mamuda,yazo sukayi mgana da Abdullahi Shima ya saka albarka yace Insha Allahu gobe zai zo ya samu Mallam wadan sai su Tattauna,Sai wajen karfe 5pm na yammah ya Baro Garin Saboda Bayaso yayi Dare Bisa Hanya gashi Saman Mashin ne.

****

*LAHADI..*

Lahadi karshen Sati kenan Abdullahi na kwance yana Barcin gajiya Misalin karfe 9am na Safe sai ga wayar Nazifi nan yake Gayamai Gashi Bisa Hanya zai Fara Zuwa Gida ne in sun gama Mgana dasu Baba zai karisa gidan Mama su gana da Jiddan.

Abdullahi yace"Ok..Mutumina sai ka iso Nima ina kwance ne ammh yanzu zan Tashi nayi wanka sai na Fito.."Daganan sukayi Sallama da sai sun Hadu.

Tashi yayi Ya Lalubo lambar Mama ya Kirata Bugu Daya ana Biyu ta Dauka suka gaisa Bayan ya Tambayeta ya Kiriniyar su Amira tace suna makaranta sai Itama ta Tambayeshi ya jikin Hafsah yace tana ma waje tana aiki Taji Sauki tace Allah kara lafiya ya gaisheta Daganan ya Ssnar da ita Zuwan Nazifi Saboda haka ta bama Jidda waya zai yi mgana da ita.

Ba Musu Mama ta Mikama Mariyar wayar tana Fadin"Mariya mikama Jidda waya Yayanku ne ke son zai yi mgana da ita.."Da Sauri Mariya Dake latsa wayarta ta ijiye Ta Karbi ta Mama ta Shiga Dakinsu Jidda na kwance kamar mai Barci nan kuwa ba Barci take ba,Mariya ta Daka mata Duka Tana Fadin"Sai ki tashi Ya Abdullahi zai yi mgana Dake ta waya.."

Dama Tana jinsu Tundaga Falo Cikin Tura baki ta mike tana Fadin"Shine kuma sai kin Dake ni..? Wayar mariya ta sakar mata kan Jikinta Tana Fadin"Bani Dukanki..? Kaji yar rainin Wayau..gashi dai yana dai jinki.."Daga haka ta Fice Daga Dakin ta barta Cikin Mutuwar Jiki ta Daga Wayar ta kara kunni Lokaci Daya tana Sallama,Ko Sallamarta bai amsa yace"Ke Jidda kina jina ko..?

Tace"Eh ina ji.."Cikin Kakkausan Murya yace"Ki Shirya yanzu Nazifi zai kariso...Ki gyara Dakin Auwal ki Saukeshi achan kinji ko..? Cikin Hadiye Miyau mai Zafi tace"Tom yaya.."Shuru tayi Shi kuma yace"Kun karbo Nama yau..? Tace bata sani ba Ajiyar zuciya yayi yana Fadin"Kaima Mama wayar na mata mgana .."Mikewa tayi Cikin Kasala ta Fita Zuwa Falo Mamar bata nan tana Tsakar Fita tayi ta mika mata Wayar tana Fadin"Gashi zai miki mgana.

Tana Bata wayar ta Juya ta koma Daki Mama ta kara akunni Tana Fadin"Abdullahi Mgana kake..? Da sauri yace"Eh Mama..ki saka Auwal ya karbo muku Nama mai Dan yawa ko mariya sai ta kama mata Tayi abinci haka,Duk da ba lalle bane yaci ammh akaron Farko dai ta karramashi,In da kudi a Hannunki ki Bata ta Siyo Ruwa da lemo in nazo sai na maida Miki Mama.."Kai Mama ta gyada Tana Fadin"Shikenan.."

Daga Haka suka yanke Kiran,Nan Mama ta Shiga Daki Tana gayama Mariya,Abunda Abdullahi yace Mariya ta kama Baki Tana Fadin"Au shine Dalilin Da naga Bakinta ya kusa kaiwa kofar Kibo .?Mama tace"Shine.."Tafada tana Dariya Suna Cikin haka sai ga Auwal ya Shigo Mama ta gayamai Sakon ya Abdullahi yace bari yayi wanka sai da yayi Wanka kana ya Fita Bayan ya karbi 1k hannun Mama ya Siyo Maltina guda Biyu sai Fanta Guda Daya da Ruwan gora sai Naman daya karbo Dayake suna da komai na kayan abinci yana Dawowa ya Fita Bayan ya barma Mariya makullin Dakinsa.

Mariya Bata bi ta kan Jidda ba Tatashi ta Fara gyara Dakin Auwal din ta Share Tsaf,tayi Mopping dinshi,Ta saka Turaran Wuta ta Rufo kana ta koma Barayin Girki,Jalop din Shinkafa ta Dora,Dama suna da Kabeji da Caras,sai Green Beans,Risho ta kunna ta Dora tafashen Naman gas kuma ta Dora Shinkafa su Abdullahi ya Siya musu ganin Gidan ba yara sai dai in sunzo.

Nazifi kuwa Koda 10am tayi tamai agidansu,Booth dinsa Shake da kwalayen Minti da Cingam,Yara suka Dinga kwasa suna Shiga Dashi Cikin gidan Baba waada,Auwal na kofar gidansu Ya Hangi Zuwa Nazifin wanda yaci wani Danyan Shadda Mai kalan Sararin samaniya Dinkin zamani ya saka wata Hula zanna Bukar kafarsa sanye da wani Takalmin sawu Ciki na Fata,Haka Tsiyayan Hannunsa Dauke da Agogon Fata na Kamfanin Rado iya Haduwa ya Hadu Domin in kamai kallo Daya sai ka kara Auwal har Kofar gidan Baba wada yazo suka gaisa kana ya wuce Shago.

Nazifi ya Shiga Sun gaisa da Baba wada da Inna Abu kana ya Fito da Kudi Dubu dari da Hamsin yace Dubu Dari Sadakin Jidda Dubu Hamsin kudin nagani ina so da kuma Gaisuwan iyaye Baba wada ya karba yana ta Sakamai albarka,Saboda zumudi ko Tsayawa karyawa bai yi agida ba Koda yake ina yaga Abun karyawan har ya hutu yar mulkin tana kwance,Dama Jiya ta Dawo Daga Abuja Ta kwanta sai barci take nan Da yayi mgana sai tace Barcin gajiya ne Shiyasa ma Tuni ya Fita Batunta,tana kwance yazo yace mata zashi Zaria adawo lafiyan ma Ciki Ciki ta Furtamai bai Damu ba Ya Fice Domin yana ji acikin Ransa komai ya kusa zama Tarihi.

Dumaman Tuwon Masara Miyar kukan da Inna Abu tayi yaci yasha Ruwa,Kana ya Kira Abdullahi yace gashi nan ya iso Abdullahi yace shima gashi nan zuwa Domin Yanzu suka gama Mgana da mijin Goggi Habiba ya kariso yana gidan mama,Da haka suka yanke Kiran Minti Talatin Yayi yawa sai ga Abdullahi ya iso Shida Alhaji mamuda sai da ya Shiga Gidan Mama suka gaisa ya iske Har Mariya ta kusa gama Girki Jidda kuma na Ciki kwance Aikuwa mariya tana gayamai ya Shiga ya Fattakota Dole ta Fito ta Shiga wanka tana Sharan kwallah Mama kuwa na Tsakar gida tana Bude sakon da Goggo Habiba ta aiko mata dashi ita da Inna Abu sako ne irin na kauye irinsu kuka,kubewa,Garin alabo,Zogala da Sauransu.

Atsakar gidan Baba wada suka yada zango Bayan Inna Abu ta Shimfida musu Babbar Tabarma,bayan gaishe gaishe sai kuma mganar Hadin Aure ya Biyo baya,Baba wada yace Shine Waliyin Amarya sai dai in Alhaji mamuda ya zama waliyin ango,ana ta Dariya Alhaji mamuda yace"Yaji Bakomai ai daman Abdullahi da Nazifi sune ya"yansa.."Nan Baba wada ya gabatar da Sakon da Nazifi yazo Dashi da kudin daya bashi da kuma Su Tabarmu da goro,Shi kuma Alhaji mamudan ya maidama Baba wada amatsayin suna neman yardasu agame da Auran Jidda da Nazifi Baba wada yace an basu nan aka sanya Lokaci nan da wata uku masu Zuwa abun yayi ma kowa Farinciki da Burgewa,Baba wada kamar bakinsa ya yage saboda Farinciki Basu bar gidan ba sai da suka ci Danwaken da Inna Abu tayi musu Lokacin ana Kiran Sallah suka Dunguma zuwa Masallaci Bayan sun Fito Abdullahi ya kalli Nazifi yana Fadin"To kai Mutumina sai munyi waya kenan zan karisa Gra wajen masu ginin nan na gani na kwana Biyu ban je ba..

Nazifi yana Shafa Kansa yace"Ok..Ammh ba Rakiya abokina..'?Hararan wasa Abdullahi yayi mai yana Fadin"A"a kai ai dan gida ne...kuma zaka Neman Yakin aure ne Adawo lafiya.."Ba yadda Nazifi bai yi kan Abdullahi ya Rakashi ammh yaki,Nan ya bar Alhaji mamuda wajen Baba wada Kofar gida suna Hira sai anjuma zai wuce 5k Abdullahi ya bashi yace yayi na Mota ya Hau mashin Dinsa Zuwa Gra.

Nazifi kuwa Kunya kuma Duk sai ta kamashi gashi kofar gidan ammh ya kasa Shiga,Sai da yaga ba Sarki sai Allah kana yayi Kundubala yashiga Cikin Gidan nasu Abdullahi Lokaci Daya yana Sallama Cikin Muryansa mai Amo da Sauti..

*Anitha...*

*MASIFAFFAN NAMIJI..!*

*Wattpad:JamilaUmar351*

*Mallakar:Janafty💞*

*Dedicated To:My Habibaty💞 Aisha Idris Abdullahi..*!

*025*

"Lokacin Da yayi Sallama babu Kowa a Tsakar gidan Dukkansu Suna Cikin Daki,Shiyasa basu Ji ba,Jin ba"a amsa ba yasa ya kara Wata Sallamar Daidai lokacin da mariya ta Fito Daga Dakin Mama sai Tajiyo Sallama ta amsa Lokaci Daya tana Bada izinin Shigowa Duk da Dama Ranta ya bata Yaya Nazifin ne.

Cikin Takun natsuwa irin na masu Ilimi ya Shigo Gidan,Mariya na ganinshi ta gaisheshi Cike da girmamawa Cikin Fara"a kadan ya amsa yana Tambayanta karatu tace Alhamdulillah,kai tsaye ya kalleta Yana Fadin"Mama na Ciki..?

Kafin ma Mariyan ta bashi Amsa Mama Dake Cikin Tace"Eh ina Ciki Nazifi naji Shigowarka Lokacin Ina Sallah ne Shigo Daga Ciki mana ka Tsaya anan kamar bako.."Ta Fada Tana Daga Cikin Daki Jin Haka yasa ya Sabule Takalmi sawu Cikinsa yayi Sallama Mama ta amsa ya Shiga Nesa da ita ya Durkusa yana Gaisheta ta amsa Tana Fadin"Haba Dai Nazifi karmuyi Haka Dakai mana..? Don Allah ka Tashi ka koma Bisa kujera Don Allah.."

Jin ta Saka Roko da Allah yasa ya Tashi ya Dofana Kan kujeran ammh kansa na kasa haka kurun yake ji wata kunyar mama Wacce bai Taba ji ba,Tambayansa Iyali Mama tayi yace suna Lafiya Daganan kuma sai Falon ya Dau Shuru Mariya Mama ta kwalama Kira ta amsa sai gashi ta Shigo Kallonta Tayi Tana Fadin"Kai shi Dakin Auwal Mariya kizo ki kimai Ruwa da Abunsha Tunda ita yar mulki Tana Ciki kuma Taji Shigowarsa ammh bata Fito ba.."

Da To Mariya,Mama ta kalli Nazifi Tana Fadin"Nazifi kuje Dakin Auwal kafin Jiddan tazo..Sai fa kayi Hakuri da Halinta kasan ta yarinya ce akwai kuruciya akanta Da kuma Rawar kai kamar Uba kake gareta in tayi wani abu ba Daidai kai mai sakata a Hanya ne har zuwa ta gane Watarana.."Kansa na Kasa ya Murmusa yana Fadin"Insha Allahu Mama..Nagode Allah saka da alheri ya Jikan magabata Ameen.."

Mama tace"Ameen..Bakomai Daga kai da Jidda da Abdullahi Duka Dayane awajena...Tun da naji Abun alherinan nake Murna Allah yasa ace gwara da akayi Allah sa kuma muna da Rabon ganin Lokacin.."Kunya Duk sai ta kamasa ya Sunkuyar da kansa yana amsawa mama da Ameen kafin ya mike ya mata Sallama ya Fito Tsakar gidan ya Saka Takalminsa ya wuce Dakin Auwal Tunda ai gidan ba bakonsa bane.

Ya Iske Mariya aciki Tana ta Jeramai kololin abinci,Saman Karamar katifar Auwal ya yada Zango Lokaci Daya yana Bin karamin Dakin da kallo Duk da ba wasu kaya Daga katifa sai Kayansa sai Cafet sai Littafan karatu da akwatin kayansa Dakin Dai Tsaf dashi Sai kamshi Turare yake Tashi,Mariya ya kallah yana Fadin"Sannu da aiki Mariya..yau ba Zuwa asibitin ne..?

Tana Shirin Fita tace"Laa..Ba komai Ya Nazifi..Eh yau bazani ba sai gobe.."Kai ya gyada yana Fadin"Olrigt Allah ya kaimu..."Yafada Lokaci Daya yana Fito Da wayarsa Daga aljihu,Mariya kuma ta Fice ta barshi Tana Shiga Dakin Mama ta isketa tana ta Fama da Jidda kan ta Fita Taje ta samu Nazifin ammh Taki ta tsaya sai wani Bata rai Take,Duk da Daman wajen kwalliyama Tsiya suka Tafka da mariya ita kuma ta nace sai ta mata kwalliyar ta sakata ta Shirya Cikin wani Ubansu Leshi mai kyau da yarari da Tsada Cikin Wanda Hajiya Sa"a tayi Mata ne,Dinkin Riga da Sikat ne kayan sun kamata sun Fitar mata da Duka Suran Jikinta Kanta kuma wani Irin Dauri ne mai kyau Mariya tayi mata,ta mata Feshin Turare.

Wani Takalmi mai Tsini Mariya ta Dauko mata tace ta saka Sai Mayafi Yana da girma ammh ba Sosai ba sai dai kuma Shara Shara ne ana iya ganin Komai na Kayan Jikinta,Ganin haka yasa Mariya ta karisa ga Jiddan Ta Riko Duka Hannayenta Tana Fadin"Haba yar kanwata..Miye haka kinga yadda kikayi kyau Shine xaki bata kwalliyanki..! Ko bakomai ki Je kinga dai abokin Ya Abdullahi ne kuma bazai Taba Jin Dadi ba in aka wulakantashi Plz kije ku gaisa sai ki Dawo.."Tafada Cikin karya Wuya Kallonta Jidda Tayi Tana Tura baki kafin tace"Naji zan je..Ammh muna gaisawa zan dawo Abuna.."

Mariya na Danne Dariyanta Tace"Eh naji..Da kun gama gaisawa ki Fito abunki ammh Don Allah ki Zubamai abinci kinji ko Jidda..? Kai ta gyada Cikin Cinmgani kafin tace,"Shikenan..Ammh Da ban yi Niyya ba.."Mariya tace"Yauwa..Nagode ko kefa..Muje na Rakaki har Kofar Dakin ma..."Daga haka ta Rike Hannunta Suka Fice Daga Falon Mama tarakasu da kallo Tana Mirmishi acikin Ranta Kuma Tana Fatan Allah ya Tabbatar da wannan Abun..Da sai Tafi kowa Jin Dadi.

Har kofar dakin Auwal Mariya ta Rakata kana ta Saki Hannunta Tana Fadin"Oya..Sai kin Fito ko..?Kai Jidda ta Daga mata,Mariya ta Juya Tatafi Tana kashe mata Ido Daya,Bayan Tafiyar Mariya sai Jidda ta kasa Shiga Domin Tana Jin Muryan Nazifi yana mgana ta Waya Gyara ma Tsayuwarta Tayi Tana Tunanin yadda za"ayi ta Shiga Ba zato ba tsammani Taga kawai an yaye labulen Dakin Dago Idanuwanta tayi Karaf suka Hada 4eyes dashi yana Tsaye yana kare mata kallo Tunda Ga sama Har kasa kafin ya Dire kallonsa nashi kan Fuskarta Cikin wani Yanayi na Bugun Zuciya wanda baisan Dalili ba.

Ita kanta Jiddan Zuciyarta ne ke Bugawa Fat..!Fat..! Kamar wacce Tayi Gudun Tsere,Ga Jikinta ya Fara rawa Domin idanuwan Nazifi akanta suna sakata taji kamar Tana Jin sanyi kanta ta maida kasa ta Fara waasa da adon gyalenta Taki Cemai komai Shi kuma sai kawai Daya gama Morema kallonta ya Kada kai yana Fadin"Ki koma Tunda bazaki Shigo ba..Bazan matsama miki ba Jidda sam.."Yafada Lokaci Daya yana Sakin Labulen Dakin ya koma Ciki ya barta nan Tsaye.

Sai kuma Taji bata kyauta ba ko bakomai Ya Nazifi bai Chanchanci wannan Tozarcin Daga gareta ba, Sai kawai tayi Kudunbala Ta yaye Laluben ta Shiga da Siririyar sallamarta Yana zaune gefen katifa ya Tankwashe kafafunsa yana ta Danne Danne acikin Wayarsa ya amsa mata Sallaman batare Daya Dago ma ya kalleta ba,Ganin haka sai ta Duka ta Cire Takalminta Cikin Sanda ta kariso Cikin Dakin Nesa Dashi ta Zauna Kanta na kasa Tana Fadin"Ina yini Ya Nazifi..!!"

Kamar bai jita ba yayi mata sai kuma Taji bata ji Dadi ba Idanuwanta suka Ciko da kwallah ta Tura baki ita kadai Ta kauda kai bata kara mgana ba, Shi ma kuma yana nunamata yana gaba da ita sai yayi kamar Babu Mutum mai arai awajen Cigaba kawai yayi da Taba wayarsa,da Farko taso Tatashi Tayi Ficewarta ne sai wata Zuciya tace Kin Tanadi amsan da zaki bama ya Abdullahi in ya Ritsaki..?

Tuna Haka yasa Ta kauda wannan Tunanin Fushinta ya Sauka Ta Dago Gefen idonta Tana Satar kallonsa Tagama Hankalinsa na kan wayarsa bai ma Kallon Barayinta,Waro ido Tayi kai Tsaye Tana karemai kallo Acikim Ranta tace"He is Cute,and Simple ba kamar ya Abdullahi ba."Ta fada Lokaci Daya Tana sakin Mirmishi.

"Kingama kallon nawa..? Me kuma ya baki Dariya atare dani.? Kawai Taji ya jefomata Tambaya kai Tsaye Idanuwanta suka Fito waje Cikin mamakin Dama yana kallonta ne,Sai ta daburbuce ta Sunne kai Tana Tunanin amsan da zata Bashi ba abun tace karya bane ya riga kamata ganin Tayi Shuru yasa ya Dago yana kallonta kai Tsaye yace"Umh..Dake fa nake mgana Hauwa"u.."

Yafada Cikin Muryan kamar ta Bawa da Uban gidansa,Jin haka yasa tace"..Ni...Ni ba kai nake ma Dariya ba.."Kai tsaye yake kallonta yace"Bani kike ma Dariya ba wa kike mawa..? Naga Dagani sai ke acikin Dakin nan ko.? Uhm...Zo ki zauna nan Sai ki Fadamin Abunda ya baki Dariya ajikina.."Ya Fada yana nuna Mata gefensa..

Ido ta Zaro Tana kallonsa Shi kuma sai ya Hade Rai yana Fadin'Eh...Ki zo nan nace.."Ya Fada irin so Commondely haka Marairaicemai Tayi Tana Fadin"Don Allah kayi Hakuri ya Nazifi...Nifa ba kai nake ma Dariya ba.."

Tafada tana wani karya wuya wanda Ita kanta Batama san Tayi ba Wani iri yaji Kawai Shima sai ya Biye mata ya karya Wuya yana Fadin"Naki na Hakura sai kinzo nan ki zaunan kin gayamin Abunda kike ma Dariya..?ko kinga kaina da Furfura ne Shine kike Dariya za"a Hadaki da Tsoho ko..?.

Yafada Cikin Sigar Zolaya Jin haka yasa ta Bude baki Tana Fadin"Laaa..Kai ne Tsoho..? Kai ya Gyada mata yana Fadin"Eh mana..Naga kamar nayi miki Tsufa Shiyasa kike min Dariya ."Baki ta kama Kafin tace"Nifa ba kai nake ma Dariya ba Kuma injiwa yace kai Tsoho ne..?

Kai Tsaye yace mata'"Inji Amaryata Jidda mana.."Yafada yana Kafeta da ito Kunya ya kamata ta Sadda kai Tana Mirmishi Gefensa ya Nuna yana Fadin"Nace ki Dawo nan ko..? Ko ni kike son na ijiye Girman na Biyoki..?Da sauri ta girgiza kai Mirmishi yayi yana Fadin"Ahto..Tunda naga kamar haka kike so..

Cikin kunya tace"Ni fa bance ba.."Tafada Lokaci Tana zama Nesa Dashi,Kallonta yayi kai tsaye Shima yana gyara zama Yana Fuskanta yace"Uhm ina jinki Fadamin me kike ma Dariya..'? Kanta na kasa tace"Allah ni ba kai nake ma Dariya ba.."Rausayar Dakai yayi yana Fadin"Toh naji bani kike ma Dariya ba..? Dariyar tame cece..? kamar bazatayi mgana ba Sai chan kuma tace"Kawai nace ne U are so Simple ba kamar ya Abdullahi ba.."

Dariya ta kamasa sai da ya Dara kafin yace"Who tell u ina da Sauki akan Abdullahi..? Baki Tunanin sai Hali yazo Daya ake abota.."?Dagowa tayi tana kallonsa karaf suka Hado Ido Kallon Juna sukayi na wani Lokaci kafin Jidda Ta Dauke kanta,Shi kuma sai da ya kara Moran ma kallonta kana yace"Umh kinyi Shuru.."Kai tsaye tace"Haka kurum..Nake ganin kuna da Bambamci.."Mirmishi ya saki Lokaci Daya yana ijiye wayarsa a gefenta kana yace"Hmm..Ana ki ganin kenan.Eh bazan ce miki bamu da bambamci ba yes muna Dashi..Wasu Hallayar tamu Tasha Bambam kamar wani Lokacin Yayanku yafini Zuciya da Saurin Fushi.."Yafada yana kallonta Kai ta gyada batace komai ba kafin kai tsaye yacigaba da Fadin"Jidda as u know bari mu tafi kai Tsaye Nasan dai zuwa yanzu kinsan Abunda ke Tsakanina Dake ko..?

Haka kurum Taji ta Natsu tana Sauraransa ganin haka yasa ya Cigaba da Fadin"To Da farko dai Kisanni kinsan Gidanmu da iyayena da kannina Sunana Kamar yadda kika Nazifi Wada nibamai kudi bane ammh ina da Rufin Asiri Ina aiki a hukumar nepa Dake kaduna Da Albashina wanda Bazan Raina ba kana kuma Ina Da matar Aure Daya,haihuwarce Allah bai kawo ba Ina da gidana a kaduna sai kuma wani Danake ginawa anan zaria,Kana kuma ayanzu haka na koma Kasu ina so na Hada Masters dina,Kinji kadan Daga Cikin Wanene Nazifi Wada..".

Kanta Na kasa tace"Allah ya taimaka.."Yace Ameen kana ya Zarce da Fadin"Kinsan meyasa nake miki wannan bayanin..? Bai bata Zarafin mgana ba yacigaba da Fadin"Saboda muna Kokarin zama karkashin Ihuwa Daya Jidda amatsayin mata da Miji..Kinga ya kamata all Ni kisanni nima na san komai naki Saboda muna Fatan zama ne tsakaninmu na Muddin Rai Duk da bansani ba ko kin karbeni na zama abokin Rayuwarki ko nayi miki Tsufa ko kuma saboda ina da da Mata ba ki sona.."!

Baki ta Bude Kafin ta Rufe Tana Fadin"Ni ban ce haka bafa.."Mirmshi yayi yarintar ta na Burgeshi yace"Naji baki ce ba..Ammh ki Dago kanki ki kalleni shin zaki iya maneji dani a matsayin Mijinki? Shin zaki yarda Na zama abokin Sirrinki na Har Abada..?Zaki yarda ki ZAMA mace mafi Daraja da kima acikin Idanuwana.."!

Yafada yana kafeta da mayen kallonsa Duk sai Jikinta yayi sanyi Tana jin wani yanayi atare da ita,Kanta ta Sunkuyar tana ji har acikin Ranta Ya Nazifi bai da makusa,Ita din wacece da zataje bai mata ba amatsayin miji?,Kafin Shigowarta Dakin Bata taba Zaton Haka ba sai gashi bayan Shigowarta komai ya Chanza Ji take in yana mgana kamar Muryansa tana Tsulamata Bulala agadon bayanta ganin Tayi Shuru yasa ya Sauke ajiyar zuciya yana Fadin"Baki karbeni ba ko jidda..?

Yafada kamar zai yi kuka da Sauri ta Dago Tana Fadin"A..a...Na amince ammh.."Da sauri ya tari Numfashinta yana Fadin"Ammh me Jidda..?look ki Fadamin Duk Abunda ke Ranki Ni dake mun zama Daya In ma baki sani ba bari na gayamiki Tuni Waliyanki Sun bani ke Har sadakinki na Biya so ina nace ina da iko Dake kamar banyi karya ba ko..?

Ido Ta zaro ta kallonsa Mirmishi yayi yana Fadin"Yes..Duk da nasan baki sani ba..Ammh Dalilin Shigowata garin yau Dalili biyu ne na Farko gabatar da saka Ranarmu na Biyu na ganki na kuma Baki Hakkinki Agame da Zabin mijin da kike so.."Jikinta ya kara yin sanyi An Biya Sadakinta... ? Toh Tunda an Biya ai bata da ta cewa Ganin Tayi Shuru ne yasa yace"Uhm ina jinki..? Ko kunyana ake ji..?

Rufe Fuskarta Tayi da Tafukan Hannayenta tana Fadin"Eh..Ka bari na gayamaka ta waya.."Wayarsa ya Tura mata yana Fadin"To sakamin Lambarki in na koma gida sai na Kira ki muyi mgana Duk da Zuwa Sati mai zuwa gaskiya wata wayar zan kawo miki.."Cike Da mamaki tace"Saboda mene..?

Wuya ya karya yana Fadin"Cos Jidda is Belong to me..Only me.."Yadda ya Fadi mganar ne sai da Taji Tsigan Jikinta ya Tashi Ta Shagwabe Fuska tana Fadin"Mommy fa ta Siyamin wayar..Shine zaka ce zaka kwace.."Ta fada Tana Tura baki,Shima Bakin ya Rike yana Fadin"Au bansani ba...Kinga am Sorry..Bazan karba ba sai kawai na Sauya miki Layi hakan yayi..?

Hararansa Tayi Tana Tura Dariyan Nishadi yayi yana Fadin"Kaina Bisa wuya nidai a sakamin Lambar..Sai abani Ruwa nasha Madam duk da sai da na Roka.."Kunya ya kamata ta Sadda kai kawai kasa tana yarDariya Shi kuma yana kallonta Wayar ta Dauka Taga da Password ta gayamai kai Tsaye ya gayamata ta Bude ta sakamai lambar Data bashi sai yaki karba yace mata"Kiyi Saving mana."Kallonsa Tayi tana Fadin"Kai..ni kuma..?Wani Suna zan saka maka.."

Sai da ya lulubi kwanyan idanuwanta kana yace"Habibty...."Wani iri Taji kai Tsaye ta narkar da Idanuwansa Cikin Nashi Shima kawai sai ya wani Lumshe ido kamar zai kwanto mata sai yayi baya da kanshi Hannunta na Rawa tayi Saving bayan ta saka Suna ta mikamai wayarsa ya karba yana Binta da wani mayen kallo Abinci ta Fara zubamai kana ta Zubamai Ruwa da Kunun ayan Ta Dago Tana Fadin"Don Allah Ya Nazifi kayi Hakuri.."

Yana Kishingide yace"Hakurin me... ? Abincin Ta nuna mai tana wani Shagwabe Fuska Mirmishi yayi kafin yace"Karki damu Madam..Watarana ma ke da kanki zaki Cinyar dani ko..? Sunne kai Tayi Tana Dariya Saukowa yayi kasa ya tankwashe kafa ya Fara Cin Abinci Jefe yana Jefama Jidda Tambaya tana Bashi amsa kafin kace me suna Hira Sai gashi ya Tada Filet din Abinci Jidda ya kallah yana Fadin"Kai..Duk ni na Cinye wai..?

Dariya ta kama Jidda ta Saki Jiki Tanayi Shima yana Tayata,Tashi yayi ya koma Bisa katifar yasata matsar da kayan abinci,Kana yace ta Dawo ta zauna Tun Jidda na nokewa har Daga karshe ta saki Da Nazifi yana ta bata labarai Na makaranta da yadda Rayuwar makaranta yake da kuma na ma"aikatansu,Sai ga Jidda ta Zage suna ta Shan Hira Cikin Love,Basu ankara ba sukaji Kiran Sallar La"asar Nazifi ya saki Baki yana Duba agogon Fatan Dake hannunsa kafin yace"Baby La"sarfa nake gani.."Kai ta kauda Tana Mirmishi mikewa yayi a kasalance yana Fadin"Bari naje nayi sallah nazo na tafi..Naga alaman in na Biye miki yau kwanan zaria zan yi ko..?

Mikewa tayi Tana gyara gyalanta Tana Fadin"Nifa ba Ruwana.."Nazifi yace"Naji ba Ruwanki..Ni da Ruwana.."Yafada yana kallonta Tare suka Fito Yace Taje Cikin Gida ta Zubomai Ruwa abuta Haka taje Ta ga Mariya atsakar gida tana ganinta ta Shiga Mata Dariya Ita kuma Jidda tayi mata Banza,Ta dibi Ruwan ta kai mai nan kofar dakin Auwal din yayi alwalan tana Tsaye kana ya mika mata,ta koma Ciki Shi kuma ya wuce masallaci.

Koda ta koma Duk Dariyan Mariya Bata kulata ba Mama ce tace"Autana Ya tafi ne yayan naki.?Tana Tura baki tace"A"a sai ya Dawo Sallah.."Daga haka ta Shige Daki kana ta Fito itama alwalan tayi tazo tayi sallah Sai ga Su Jidda harda kara Shafa Hoda ana gyaran Fuska Mariya ta Shigo ta ganta sai tayi kamar bata ganta ba,Tana gyara zaman mayafinta taji karan wayarta Data barta nan kan gado tana Daukowa Taga Bakuwar lambace ta gane Shine tana Dagawa yace ta Fito yana Jiranta.

Data koma sallama kawai sukayi Ya Bata 10k,kana ya bata 2k ta kaima Mariya da Farko taki amsa sai da ya kalleta yana Fadin"Miye haka..? In Abdullahi yayi miki kyauta Haka kike mai..?

Jin haka yasa tasa Hannu Bibbiyu ta karba tana mai godiya Tasata yayi ta Rakashi yama Mama sallama ya bata 5k ta karba tanata sakamai albarka Jidda ma Ta ba Mariya nata itama tana Godiya Sallama sukayi da Mama ya Fito Har Kofar Dakin Auwal Jidda Ta rakashi kana yace ta koma Daganan in ya isa gida zai Kirata sai ga Jidda kamar zatayi Kuka da zai Tafi,Ta Dade tsaye nan bayan Tafiyarshi kafin ta koma Cikin Gida.

Yana Fita gida ya koma ya ma Su Baba wada Sallama ya basu Abunda zai basu ya wuce Wajen Biyar ya Dauki Hanyar Kaduna Zuciyarsa Cike da Farincikin samun Hadin kan Jidda.

Baba wada ne ya Shigo Da Daddare yama Mama Bayanin komai da kuma sanya Lokacin Auran Mama tayi ta saka albarka Koda Baba wada ya Kira Jidda ya gayamata bataji wani iri ba,Tunda Shi Nazifin ya gayamata bata dai Nuna ba,Baba wada yaFita ba Dadewa sai ga Kiran Nazifin Sai ga Su Jidda an haye gado ana kashe Murya mariya dai na gefe Tana ganin Abun mamaki da Auwal ya Dawo Falon Mama suka Dawo mariya na Radamai Abun mamakin Data gani yana cin Abinci yana Fadin"Hegiya jidda...Taga Salon manya.. Wanda ba irin na yara ba..Magulmaciya.."

Yafada yana Dariya,sai da Mama ta taka musu burki kana Suka yi Shuru ita ko uwar gayyar ma Bata sani ba Tana Cikin Daki Suna waya sai mai Shagwaba take yana Biye ma Tabaran Shagwabanta da kuma Yarintar,Dama yana komawa wanka kawai yayi ,sai sallah ya koma ya kwanta abinci kuma Tun Abincin dayaci azaria Cikinsa ya Cika koda ya Dawo wai Sakina Indomie ta Dafa don ta Raina ma kanta wayau Barinmata yayi ko Kallo ma bata ishesa ba Tunda ya Shige Cikin Dakinsa bata kara ganinsa ba Shiyasa ya samu dama Yana Biyema Kwailar Amaryansa Yana sata sakin jiki Dashi kuma ba laifi ta Fara sakin Jikin Dashi...

*Janaftyshakira...*

*MASIFAFFAN NAMIJI..!*

*Wattpad:JamilaUmar351*

*Mallakar:Janafty💞*

*Dedicated To:My Habibaty💞 Aisha Idris Abdullahi..*!

*026*

""Adaran Hira Tsakanin Nazifi da Jidda Tayi Tsawo sosai,Sai Biyema Tabaran Jidda yake da Shagwabarta saboda yana so ta saki Jiki Dashi Sosai Kuma ta Fara Sakin,Sai gashi Dukkansu Suna Jin Dadin Hirar.

Cikin Hirar ne Nazifi ke Tambayata wata mgana ne tace zata gayamai Ta waya..? Cikin Sangarta tasakomai mganar Cigaban karatunta,Domin har Ga Allah taji Acikin Ranta zata iya Auran Ya Nazifi mtsalanta Daya Shine karya Hanata Cigaba da karatunta Shine Tashin Hankalinta,Shi kuma yace mata ta bari sai anyi Auran in yaga Yadda Take bashi kulawa Sosai kuma Ta Dauki alkawarin komai bazai Sauya ba nadaga kulawar Datake bashi,Toh Zatayi Ilimi har sai da kanta Tace tagaji Jin haka yasa ta Dauki Murna Sosai Tana mai Godiya Basusan iya Lokacin da suka Dauka Suna waya ba Har mariya Datake Duba littafanta Ta Gaji Ta kwanta ta bar jidda sai Araund karfe 2pm na Dare sukayi Sallama kowa ya kwanta Ransa Cike da wani Annuri wanda ke Fitowa Daga kasan Ransu.

Washegari Kuwa Tun Wajen karfe 10am na safe sai ga Hajiya Lariya da Hajiya Sa"a ransu a matukar bace Alokacin gidan Babu Kowa Auwal ya Tafi makaranta mariya kuma Tatafi asibiti Mama ce kadai atsakar Gida Jidda Tana Falon Mama Tana Goge kayanta Suka Shigo ko karba Sannu da zuwan da Mama ke musu basu yi ba,Hajiya Sa"a ta Fara gaggayama Mama mgana Son Ranta Tana Fadin Don ba Ita Ta Haifi Jidda ba Shiyasa zata yarda akashe mata Rayuwa Tana yi Hajiya Lariya na Tayata,Jidda naji ta Fito da Sauri ganin Mama na kuka itama sai taFara kukan Tana Rokon su Hajiya sa"an kan suyi Shuru ammh ko Sauraranta ba wacce Tayi...

Iya Kokari Mama Tayi wajen Fahimtar Dasu,Ammh suka ki Fahimta Daga karshema Hajiya Sa"a tace Tazo Tafiya da yarta ne Babu kuma wanda ya isa yayi mata Aure,Tana ji Tana gani Hajiya Lariya taShiga Cikin Dakinsu Jidda ta Hado mata kayanta ta Fito Da Farko Jidda Taso Tayi Tirjiya ganin mama na Sharan kwallah ammh kuma Sai Mama tace ta Bisu ba komai Jidda naji nagani Hajiya Sa"a da Hajiya Lariya suka Tasata Har Cikin Mota sai Chika gari.

Suna Fita Mama ta koma Cikin Daki Taci kukanta Ta Share Hawayenta kana ta Dauki Waya ta Kira Abdullahi yana Office ta gayamai Abunda ya Faru Ransa matuka ya baci Cikin Fushi yace"Don Allah Ki Daina Bata Ranki abanza Mama..Nafi karfin na Tsaya ina Sa"insa da Wannan matar...Karki Damu Yadda ta Dauki Jidda da Hannunta Haka zata Dawo da ita kuma Mganar Auran jidda da Nazifi Wlh bazai Taba Tashi ba sai dai in Dayansu yau ya Fadi ya Mutu kafin Lokacin.."Mama ta Share Hawayenta Tana Fadin"Shikenan ammh baka ji irin manganganun Datake Fada bane..Tana ganin kamar wai don Jidda ba yata bace Shiyasa na yarda Za"ayi mata Aure.."

Mirmishin Takaichi Abdullahi yayi yana Fadin'Eh Ba ke kika Haifeta ba..Ammh kin mata Abunda ita Datake uwarta bata Mata ba ta, ita da ta Tsallake tatafi wayon Gantalinta shine yanzu Take da wani Bakin mgana..?karki Damu Mama...Kinfita iko da Jidda kuma da izinin Lahi sai kin Aurar da ita kuma Jidda yata ke gareki har gaban Abada.."Da wadanan kalaman na Abdullahi yasa Hankalin Mama ya kwanta Sukayi Sallama.

Sun gama waya ba Dadewa Sai ga Sallaman Baba wada Dashi da yara,da kwalayan minti da Biscuit,Sai goro Nan Mama ta tarbesu Cikin Fara"a Bayan sun gama gaisuwa ne ya gabatar mata kayan Saka Ranar Jidda sai kuma Sadakin Mama batayi mgana ba Ta Kira Abdullahi Ta gayamai sai yace Tabama Baba wadan Waya Dashi Sukayi mgana yace Baba wada ya Rike Sadakin a Hannunsa Tukunnah,Kwalayen Mintin kuma Da Biscuit din Yace abarma Mama Hakki ne Dama su Gani kuma su Raba ma wanda ya kamata yaji kuma ya sani.

Bai wani Jima ba ya mata Sallama ya Tafi Abdullahi shi da kanshi ya Kira Zannira yace in ta samu Dama gobe tazo Gida kan mganar Jidda,Tace insha Allahu zata zo ko bata kwana ba Haka ya Kira Subai ma ya gayamata,Goggo Habiba ma Sunyi mgana tana ta Saka albarka Itama ya Bukaci ganinta Gobe in ta samu Dama tace Insha Allahu Tana tafe,Umman Sadiq kuma Mama da kanta ta kirata ta gayamata,Tayi ta Murna tana Saka albarka Tana yabon kwakwayan Halayyar Nazifin Abunda kuma yasa Abdullahi bai Kira Ita Umman ba ya bari ne sai Su Mama sun Raba kayan Sa Ranar daman yana sa Ran zuwa gusai Weekend dinan Sai ya wuce mata Dashi yayi mata Bayanin komai.

*******

Da Abdullahi ya koma Gida Da Daddare yayi ma Hafsah Bayanin komai itama Tayi Fatan alheri da Safe kuma da zai Fita yace in Tagama Abunda take ta Shirya Taje Gidan Maman,Saboda Maman tace ya kamata Hafsah din Tazo Tunda Duka anzama Daya.

Lokacin Dayake gayamata Tana Tsaye Kofar Dakin tane Shi kuma yana Tsakar gida yana Duba Mashin Dinsa Dataki Tashi,Ya Dago kansa yana cema Hafsah.."Kinga fa inaga yau sai dai na Bar mashin din nan gida ta samu mtsala..Zan kira Auwal in ya Dawo makaranta Yazo ya Dauka yakai min wajen Bakanikan nan na kofarDoka.."..

Hafsah na Tsaye tace"Ayyah ba Jiya Lafiya lau ka Dawo da ita ba.."Kai Tsaye yacemata'Halin karfe Nasara kenan bashi da Tabbas.."Yafada Lokaci Daya yana Sakarmata Idanuwansa Lokaci Daya ya gano Ramar Datayi Shi bai sani ba Dayake baya samun Zama In ya Fita aiki Tun safe sai Dare ya Dawo a gajiye barci wani lokacin Har asabar kuma yana Shiga makaranta Lahadi ce Kadai Ranar Hutunsa Daya kamata ya Zauna agida kuma Baya zaman Saboda Hidimomi Da yawa.

Cikin Bacin Rai ya kara kafeta da Ido Yana Fadin"Hafsah..Wai meke Damunki ne..?kinga yadda kika Rame kuwa kin Lalace Don Allah miye haka... ? Zazzabin Daren ne har yanzu bai sauka ba ko yaya..?

Yafada Yana kallonta Cikin Bacin Rai,kai Hafsah ta Saukar Cikin Sanyin Jiki,Bataso ta Tadama Abdullahi Hankali ammh ita kanta taasan Bata da Lafiya Wuni Take kwance kasala Ciwon kai da Zazzabin Dare ammh bata bari ya sani ba,Gashi bata iya wani cin Abinci Shiyasa Duk Ta Rame ganin Taki mgana yasa kawai ya Kada kai yana Fadin"Dole gobe muje asibiti adubamin ke..Wlh ban yarda Dake ba baki da lafiya ammh baki san gayamin Duba Don Allah yadda kika Rame sai kwarmin ido..? Yafada yana Sakin karamin Tsaki Lokaci Daya yana Tura Mashinsa dinsa gefe key din ya mikamata yana Fadin"Auwal zai zo ya karba...In yazo ki Bashi 3k Cikin kudin Dake Hannunki.."

Da To ta karba Shi kuma ya Rataya Jakarsa ya Fice tana mai Fatan adawo lafiya Har ya Fice Tana Tsaye nan kofar Dakin,Kasala ce ta Lullubeta a kasalance Ta Juya ta koma Ciki,Kan gado ta koma ta kwanta komai batayi Tunanin kaudawa Don ma Allah ya Taimaketa su Amira Suna gidan Ammi Jiya Datazo suka Saka kukan sai Sun Bita tace abata kayan makarantansu Tatafi Dasu,Ita Kanta Ammin sai da Tambayeta ko Bata lafiya ne..? Tace lafiyanta lau ammh ai duk wanda yasan Hafsah in ya ganta sai ya gane tayi Rama Sosai.

Sai dataga 12pm na Rana ta wuce kana Dakyar ta iya Rarrafawa Tayi wanka ko Shara batayi ba Dama Safe Tea kadai Abdullahi ita batama Shan ba Fatan tsaki Taji Tana Bukata kawai,Ammi ta Kira tace Don Allah ayi mata Tana Gidan Mama a aiko mata Dashi Tunda Ammi Taji Haka aranta tace Arina wannan Ramar naki Hafsah Toh Allah ya Raba lafiya kulle Gidan Tayi ta samu mai adaidaita yakai ta Gidan Mama Koda Ta isa Har Sun kariso Zannira da Subai" sai Goggo Habiba nan aka Shiga gaisawa suma Suna ta mganar Ramarta ammh sai tace bakomai.

Sai da sukayi sallar azahar kana Mama ta gabarar musu da kayan saka Ranar,Su zannira suna ta saka albarka Subai kuma Harda Guda Daman Tun zuwansu suna Tambayan Jidda mama ta gayamasu yarda akayi da kuma Abunda Abdullahi yace Suma basu Damu ba sukace Susan karya Take bazata iya Ja da ya Abdullahi ba,Raba komai sukayi su Diban ma Mama da Danginta sai nasu,Na goggo Habiba sai na Umman Sadiq,sai na Ammi Sauran kuma na makota ne,Sai na Hajiya Sa'a da ita kanta Jiddan Wanda Baba wada yabata Umarnin a Cire musu.

Direban Ammi Daya kawoma Hafsah Fate akabama Sakon Ammi ya kaimata Sakon na Zuwa Hannunta sai Kiranta Tana ta Fatan alheri da saka albarka,La"asar nayi goggo Habiba ta koma Bayan Ta Shiga Gidan Inna Abu sungaisa Zannira kuma sai gobe zata tafi,Subai ma Da Wuri tatafi Saboda yau mahmud din yake Dawowa Daga wata Tafiya Da yayi,Hafsah kuma tana kwance Tun Bayan Data idar da sallar la"aar ta kasa Tashi Tatafi gida tanan nan Har Auwal Ya Shogo bayan ya Huta yaci abinci ya karbi key din gidan Dana Mashin ya Tafi yaje ya Dauki Mashin din yakaita gyara Chan ya barta sai zuwa gobe da yammah za"a gama gyaran.

Abdullahi kuma Sai da ya Tashi Daga Office yabiyo Gidan Mama ya iske Hafsah kwance Mama ta Fara mai Fadan meyasa basu je asibiti ba Yana Latsa wayarsa yace"Mama kinsan Halin Hafsah kuwa daTaurin kai..? Wlh ta Rainani Har sai nawa zan mata magiya tayarda muje asibiti a gwadata aduba Aga meke damunta ammh bani da wannan kimar idanunta sai Abunda Taga Dama Shi zatayi ."Ya karishe Fada Cikin Bacin Rai Zannira ce ke bashi baki Tana ma Hafsah Fadan kamar wata karamar yarinya sai ta Rika zama da Ciwo Bata dai ce komai ba,Dakyar ta Rarrafa tayi sallar Isha"i Aka zubamata Tuwo ta Faraci ko Loma Biyar batayi ba Zuciyarta ta Fara Tashi sai amai nan ta Fita Waje tana Sheka shi Abdullahin na Tsaye gefenta Duk Hankalinsa ya Tashi ya kalli Mariya yana Fadin"Ke bani Ruwa.."Da Hanzari ta Diba takaimai ya kamata ya wanke mata Bakin yajata zuwa Dakin Mama tama kasa zama sai Kwanciya kawai Tayi ajikinsa hawaye na Bin gefen Idanuwanta Hankalin Abdullahi dasu Mama ya Tashi Mariya na Waje tana Share Inda Hafsah tayi aman Zannira ce tace Yakamata Atafi asibiti agani.

Mai Adaidaita Abdullahi ya saka Auwal ya samo musu Dashi da Mama Suka Tafi Asibitin ko Acikin Napen ma Kan Cinyar Abdullahi take ta lamgwabewa kamar wacce bata da Jini,Abdullahi Fada kawai yake yana Fadin"kinga Abunda nake gudu ko Mama..?Yanzu don Allah miye amfanin wannan..? Bayan ku iyayena ina da wacce ta Fiyemin ita ne..? Itace komai nawa..Ciwonki nawa ne Hafsah Domin sai da Bazakarki da lafiyarki nake iya Rawa Nima ammh kalli yadda kika maida ki..?Don Allah jibi fa Mama..?

Yake Fada kamar yayi kuka Asibitin Dan Fulani Dake kan Fage suka kaita Suna zuwa aka karbeta aka bata gado bayan an Dibi Jininta da Sauraran Gwaje Gwaje,Drip aka sakamata da Alluran Barci Tunda Jikinta ba kwari in kaga Abdullahi kamar Shine bai da Lafiya Rana Daya Duk ya Fada kamar bashi ba,Ko Abinci bai iya sakama Cikinsa ba Tun karin Safe,Zannira yakira ya Fadama an basu gado,sai gasu Ita da Auwal sun zo Asibitin Har zuwa Lokacin kuma Hafsah bata Tashi ba Suna aaibitin sai Wajen Sha Biyu Saura Suka Tafi Tare da Abdullahin ya wuce gida su kuma suka wuce gidan Mama Gida ya kwana Shi kadai Tun safe ya Kira Ammi ya gayamata Halin da ake Ciki,Shi kuma Wanka kawai yayi ya Hado mata kaya Dazata sauya sai Abun bukata irin kayan Tea da Sauransu Fulas din Ruwan zafi kuma Daga Gidan Mama an zo Dashi koda yaje asibitin ya iske Ammi da Daddy da Inna Abu sunzo,Ga kayan karyawa nan Daga gidan Mama sai Wanda su Ammi suka zo Dashi,gaisuwa sukayi Sukamai yamai Jiki Lokacin Hafsah na barci Bata tashi ba, Bai Jima ba ya wuce Wajen aiiki Daganan Tunda yayi kokarin ganin likita akace ya Hau ra sama Shi kuma yana Sauri ya makara yaasa bai Tssya ba yace sai ya Dawo.

Zuwa yammah asibitin ta Cika da Mutane Dayake suna Vip ne sai aka samu Wadatar waje,Saboda Ciwon Hafsah yasa Zannira bata koma Aranar ba,sai Washegari Subai ma Tazo,Akuma Ranar ne Likita yabama Abdullahi Takardan sakamakon gwajin Hafsah inda yamai albishir din Tana da Ciki har na Tsawon wata uku Sai Murna da Farimciki Abdullahi ba kunya yazo yana Fadama su Ammi da Mama suma sukayi ta Allah ya Raba lafiya Ammi tace Daman ita ta Zargi haka Tun Farko ganin kamar irin Ramar datayi Lokacin Cikin Amira.

Sai dai Hafsah ta Shafe kwana Hudu a asibiti kana aka Sallameta ta koma Gida,Saboda yanayin karfin Jikinta sai Ammi ta bata yar aikinta Guda Daya Harira tazo Tana kula da ita,Su Amira kuma Suna wajenta,Kwana Biyu da Sallamota sai ga Umman Sadiq tazo ta Dubata kwananta Daya ta Juya Bayan Mama ta bata kayan saka Ranar Jidda Tayi ta Fatan alheri.

Sai da Hafsah ta kwashe Wajen sati Biyu kafin ta gyagice ammh fa Har yanzu Jikin ba karfi bata iya wani aiki mai karfi wannan Dalilin ne yasa Abdullahi ya kara Rokon Ammi Data bar musu Harira ko Wata Biyu Tayi Zuwa Lokacin da Cikin Hafsah zai yi kwari Ammi ta amince,Sosai Hafsah ta samu Hutu da Jin Dadi ga Abdullahi na kula da ita yana ji kamar kan wannan Cikin ne zai Taba Haihuwa Hatta da Nazifi yazo Dubata Dayazo ne ma Tana Daga Cikin Daki Taji Nazifin nabama Abdullahin Labarin suna Waya da Jidda Sosai Domin ma yace mata zai je Chan Gidan mamar nata kuma bata musa ba Duk da Tanuna Tsoron Ita Hajiya Sa"an Abdullahi yayi Tsaki yana Fadin"Karka Taka kaje ko"ina..Na bari ne Hankalina ya kwanta ne..Kwananan Jidda zata Dawo ko Taki ko taso.."

Da haka Suka Cigaba da Tattaunawa mganar kafin su Fita Tare Abdullahin bai Dawo gidan ba Sai Dare.

******

Bangaran Jidda kuwa Ta Shiga Takura Sosai Domin Hajiya Sa"a tayi Tsaye so take Ta Hana wannan Auran Jarabawarta ta Fito kuma Duka taci sakamako mai kyau,Hajiya Sa"a taji Dadin hakan sai ta Siya mata Jamb tace Zata Rubuta in taci Zata wuce Jami"ar Abuja ne.

Lokacin Datake Fadamata Haka baki Ta Tura Tana Fadin"Mommy yafa ce zai barni na Cigaba da karatuna Har sai nagaji Don kaina.."Jin Haka yasa Hajiya Sa"a Ta aika mata da Dakuwa Tana Fadin"Au har ya Hure miki kunnin da zaki Rika Ja"in Ja da mganata Hauwa'u..? Toh bai isa ba..Ba yanzu Zaki Aure ba sai kin kamallah Digree dinki Lokacin Saurayi Dan Gidan Manya zai Fito miki Wanda ya Dace Dake da kuma Ra"ayina kiyi auranki ammh a yanzu bazan yarda ki Auri wannan Yaron ba,Bai da ko Sisi,ga Hidimar kansa Data Matarsa da wanne zai ji da Hidimarki ko Da tashi Ko Data matarsa ko Data iyayensa... ? Ina Duba miki Wuyar rayuwa ce Jidda ammh naga baki ganewa Yafara Hure miki kunni da Dadin Bakinsu irin na Yaudarrarun Samarin zamani..."Ita Dai Jidda bata kara Mgana ba sai Tura baki Take Domin a Hakikanin gaskiya Nazifi ya Fara Tasiri acikin Zuciyarta Har yanzu in baikirata ba Ya shiga Busy inya Kirata Da Daddare ta Dinga mai Fushi kenan ya manta da ita,Shikuma ya Biye mata yayi ta bata Hakuri Zuwa Lokacin kuma bai sanar ma Sakina ba yaushema suka samu Zama koda wani Lokaci Tana Abuja In ta Dawomai Weekend kuma yanzu ba Irin Baya ne yana Shiga Cikin makaranta har Ranar asabar Lahadi kuma Itace yake samun Lokaci zuwa inda ya kamata Dukkansu kowa ya maida kanshi Busy in ka gansu bazaka Taba cewa Miji da mata bane Saboda ba wani Fahimtar Juna atsakaninsu.

Achan Zaria kuwa kowa yaji Nazifi zai kara Aure kuma Jidda zai Aura sai ya Jimai Murna Sosai kannensa Haka sukayita murna Suna Fadin yanzu ne Yaya Nazifi zai yi Aure Domin Auran Sakina basu Daukesa aure ba.

Sai da Jidda ta Cika Sati Biyu agidan Hajiya Sa"a kana Abdullahi ya Kirata awaya da Farko kamar bazata Dauka ba sai kuma ta Dauka Sai kuma taji Sabanin Tunaninta ba Fada ba Zagi sai ma Lallabi yace ta Dawo Gida Hakanan tana so tacemai Mommy tace bazata koma ba ammh yaki Bata Damar haka yace Gobe Ta Dawo Gida yana Jiranta kartabari yazo da kanshi ya Dauketa tasu bazatayi kyau ba Jin Haka yasa Hankalin Jidda ya Tashi ta samu Hajiya Sa"ar da mganar sai ta Rufeta da Fada tace in ya matsu yazo Tana Jiransa Sai Jidda ta Rude sanin Halin Ya Abdullahi sai ta Kira Wayar Nazifi Tana kuka Tana gayamai Shi kuma sai ya kara Firgitata yace gwara ta koma Tasan Halin yayansu Duka ba mai Wahala bane awajensa Gwara tayi yarda zatayi ta koma Haka ko akayi ta sakama Hajiya Sa"a kuka da Birgima Dole sai ta Maida ta gida Tun Tana ganin Abun wasa ne,taga dai da gaske take Ranar ta wuni kuka bata kuma ci Abinci ba Hajiya Sa"a ta Kira Lariya ta gayamata Sai gata tazo..Ganin Irin kukan da Jidda keyi yasa ta Kalli Hajiya Sa"a Tana Fadin"Kinga yaya gwara mu Tattara yarinyar nan mu Maidata..Kar Ciwon yunwa da kuka su mata illah kinga wa gari ya waya..?

Hajiya Sa"a tace"Nifa Wannan Auran ne bana so Lariya kin sani.."Lariya tace"Mu maidata..Sai mu koramai Bayani wannan karon babu Daga kafa.."Ba yadda Hajiya Sa"a zatayi Tabi Shawaran Lariya suka Tattara Jidda suka maida ta Gidan Mama Suka kuma Zauna Suna Jiran Zuwan Abdullahi Tunda Hajiya Sa"an da kanta ta Karbi Layinshi ta kirashi yace yana Hanya zai Dawo Daga wajen aiki Gashi nan zuwa.

Sai Bayan Sallar mangariba Ya Shigo Gidan,Sama sama Suka gaisa dasu Hajiya Sa"a,Ko Zama bai yi ya karkace kai yana Fadin"Gani naji kin kirani ina Fata lafiya..? Domin ina kan Hanya ne,agida ina da mara lafiya ku Hanzarta Fadin Abunda ya kawoku ko..?

Hajiya Sa"a Ranta ya baci ta kallesa Tana Fadin"Ba wata mgana bace mai Tsawo kan mganar Auran yata ce da kuka yanke...Toh ni ban yarda ba Kuma ban amince ba Jidda karatu zatayi Domin har na Fara Nemar mata makarantan Data Dace da ita.."

Tafada Tana Masa wani kallo Mirmishi ya saki kafin yace"Kin makara Hajiya bakin alkalami ya Riga ya Bushe...Mama baki Basu Mintin saka Rana bane nan da Wata uku za"ayi Dama ko baki zo ba Mama zataje ta kai miki ta kuma Miki Bayani ko bakomai mun Fita Ladan Haihuwar da kika mata..'Hajiya Sa"a ta mike a Fusace Tana Fadin"Kambu a sakama yata Rana bani da labari..? Wlh baka isa ba in kuma kukace sai anyi Wlh zan makaka a kotu.."

Kafada ya Zakuda yana Fadin"Fine..Dama chan muka je Dayafi wannan kananan mgangaun da kike...Ni bani da Lokacinki Bawai Domin bansan irin Amsan da zan gayamiki bane sai don Ni ba Haka Tarbiyata take ba ko ya Babba yake ina bashi Girmansa ba Domin haka ba Wlh ke kanki baki isa ki Tsaya agabana kina Fadamin haka ba..kuma ki Bude kunnenki kiji dakyau Auran Jidda Nazifi ba Fashi in kinga ya tashi,Toh Dayansu ne yamutu..Gwara ki Shafa ma kanki lafiya..".

Cikin Harzuka tace"Au haka kace..? Kai ya gyada kafin yace"Eh haka nace...Mama ki basu Sakon zan karisa gida sai da Safe.."Daga haka ko waiwaye ya Fice da Auwal yaci karo a tsakar gidan wanda Ransa yayi masa Fari na Irin amsan daAbdullahi ya basu Mama akabari da basu Hakuri Mintin ma da Biskit din Ko kallonshi basu yi ba Hajiya sa"a ta warci Hannun Lariya suka Fice Jidda da mariya na Ciki Jidda sai kuka take Mariya na Bata baki ammh acikin Ranta Tana Jinjina ma karfin Halin Hajiya Sa'a.

Sunday, November 7, 2021

MASIFAFFAN NAMIJI Page 41 to 50

Share this

Popular Posts

Categories

Social Plugin

Domin Samun Littattafan Hausa

Search This Blog

Blog Archive

Social Plugin

Report Abuse

Contributors

Total Pageviews