ALKIBLA Page 1 to 10

01

*_Da sunan Allah mai rahama mai jin 茩ai_*

*dukkan godiya sun tabbata ga Allah madaukakin sarki daya bamu aron rai da lafiya,tsira da aminci su qara tabbata ga shugabanmu annabi muhammad S A W*

*_littafin AL茦IBLA,labari ne dana qirqeshi mafi rinjaye kan soyayya,saidai kuma hausawa sukance ba'a rasa nono a ruga,akwai wani sashe na matsalolin da mafi yawan 'yammata ke fuskanta a wannan zamanin game da samarinsu,wanda kusan basu san daga inda matsalar take ba_*

_a wannan karon ina neman afuwan masu karatu,littafin alqibla bazai kai yawan littafin siradin rayuwa ko alqawarin Allah,saidai ina fatan zai nishadantar ya kuma qayatar daku in sha Allah,ASHA KARATU LAFIYA_

*ALLAH YAYI RUQO DA HANNAYENMU馃檹馃徑馃檹馃徑馃檹馃徑*

鈽濔煆锯槤馃従 *KIJI TSORON ALLAH,KARKI TABA KAYAN DABA NAKI BA*鈽濔煆锯槤馃従鈽濔煆�

____________________________

*GOVERNMENT GIRLS UNITY COLLAGE KACHAKO*

       Makekiyar harabar makarantar 'yammatan ta kwana dake garin kachako wato government girls unity collage cike take da dandazon al'umma,wanda mafi akasarinsu dalibanta ne,da kuma wasu daga cikin iyayen yaran dake ta faman qoqari dakai kawon kwashe yaransu zuwa gidajensu don gabatar da hutun zangon karatu na uku wato third semester.

       Daga can gefe daya na harabar makarantar kana iya hangen yadda matashiyar ke tsaye goye da hannayenta sanye cikin wankakku kuma gogaggun unifoarm da suka amsheta sosai,ta zubawa harabar makarantar tasu idanu,kamar wadda aka baiwa aikin qididdige yawan al'ummar dake karakaina a wajen,kyakkyawar fuskarta babu alamun fara'a ko kadan.

       Duk da cewa duka duka shekarunta ba zasu haura goma sha biyar ba,amma kana iya tantance kyan zubi diri gami da siffa da Allah ya bata.

     Mai matsakaicin tsaho ce,ma'abociyar doguwar fuska da fata wadda bata cika haske ko duhu ba,ta yadda ba zaka iya kiranta da baqa ba,hakanan ba zaka kirata fara kai tsaye ba,tana da manyan idanu wanda ba'a fiya gane girmansu ba idan ba budesu tayi sosai ba duk sadda taso hakan,daga cikar girarta kawai zai gaya maka tana da yalwar gashin kai,Allah ya yi mata ado da dimple guda biyu a kumatunta hagu da dama,wadanda sukan bayyana duk sanda ta bude baki da niyyar magana,walau tayin ko bata yi ba.

     Sake gyara tsaiwarta tayi idanunta na tara ruwan hawaye,duk da basu kai ga xuba ba amma duba daya zakayi mata ka gane hakan,iya damuwa ta damu ta kuma matsu,burinta kawai ta ganta a gida,Tana da burin son ganin mutane a rayuwarta da suke da gurbi na musamman a zuciyarta,duk da cewa ta rasa babban bango kuma jigo a rayuwarta,amma duk da haka bata rasa wasu daka iya xama makwafinsa ba bawai madadi ba.

      Abinda ya qara mata zaquwa da son ficewa daga makarantar tunda wurwuri kamar sauran dalibai shine,komawar 'yar uwa kuma qawa a wajenta gida tun lokacin yin hutu da fitar dalibai baiyi ba,sakamakon lalura data sameta,wadda ta tilasta aka maidata gida,banda haka,bata da wata damuwa mai yawa kan jimawar tata.

        "Fatima sa'id dabo,fatima sa'id dabo" daga bayanta taji ana kwarara kiran sunanta,a nutse ta waiwaya tana duban mai kiran nata,daya daga cikin 'yan ajinsu ce ladifa hamza,ci gaba tayi da dubanta har ta iso dab da ita

"Anzo daukarki,tun dazu 'yan gidanku ke nemanki" da mamaki ta maida dubanta farfajiyar da take tsayen sannan ta dawo da dubanta kan ladifa,tayi tsammanin inda ta tsaya din zata iya ganin shigowar motar da tazo daukar nata,bata tanka ba saita fara takawa kawai don barin wajen,ladifa ta rufa mata baya tana tsokanarta kan rashin kuzarinta,da yadda ta zama wani sukuku kamar ba ita ba tun tafiyar munira gida ta barta.

       Tunga taja ta tsaya lokacin data kusa isa dab da motar da akace tazo daukarta din,mamaki bayyane qarara a fuskarta,wannan ba daya daga cikin motocin gidansu bane,duk wani ahali na gidansu yasan wannan motar waye,ya kuma san da zaman motar,yaushe yazo?,ya akayi ya yarda ya bada motar a daukota?,shine da kanshi?,saita girgiza kanta da sauri,bashi bane,don ko a mafarki tasan bazai taba zuwa daukar wani daga cikinsu ba.

      Murfin motar da aka bude yasa ta maida hankalinta sosai ga motar,wani matashin saurayi ne ya fito,wanda dukka a qalla shekarun haihuwarsa ba zasu rufa ashirin da biyar zuwa da shida ba

"Ko baki shirya komawa gidan bane?" Ya dan daga murya yana fadi idanunsa a kanta,hakanan fuskarsa babu yabo ba fallasa,kai ta kada tana son tambayarsa da yaren kurame kan shi da waye sukazo?,saidai bata kai ga tambayar ba murfin sit din baya ya bude shima,wata matashiyar ta sake fitowa,wadda a qiyasce suna iya yin shekaru daya da ita,fuskarta washe da fara'a tana duban zahra dake tsaye.

      "Suprise ko?" Matashiyar ta fada cikin sautin qyalqyala dariya,ba tare data shirya ba itama qaramar dariya mai qaramin sauti ya kubce mata,wadda hakan ya baiwa dimple din dake kumatunta damar bayyana,sa'annan kamar wadda aka qarawa qaimi ta doshi motar,tunda taga hafsat cikin motar ta tabbatar ba abinda take zargi bane

"Wallahi kun shammaceni,na farko na zaci daga gidan abban gwammaja za'azo daukana shi yasa na zauna jiran motar gidan,na biyu kuma saina ganku anan,ya akayi haka...?" Cikin dariya hafsat tace

"Shigo daga ciki kisha labari....dama naci alwashin koda gold akayi motar nan saina shigeta ai"

"Mayya....saida kika shiga din kuwa" zahra ta fada tana dariya

"Sarakan surutu...zaki kama mata sauran kayan ku shige mu tafi ko kuwa har sai lokacin da ya diba mana ya cika bamu koma ba?" Cewar daya matashin saurayin dake a mazaunin driver,cikin shadda dinkin zamani.

     Leqensa zahra tayi ta window,saita fashe da dariya tana cewa

"Wai,congratumatur ya musty.....yaudai an dana,kaga ko yadda motar tama kyau kamar taka?,anya ba zakayi ratse ba kaje kadanyi shawagi ka dawo ba?" Murmushi mai kama da dariya shima ya saki yana cewa

"Bari kawai.....don dai kawai nasan yana sane da lokacin daya bamu ne,wallahi yau da sai na tsatse motar nan son raina...ke kinga yadda 'yammatan makarantar nan ke wani kallona....." 

"Basusan duk bige bane baba" zahra ta fada tana qyalqyalewa da dariya gamida shigewa gidan baya,ya soma qoqarin tada motar bayan duk sun rufe murafun yana cewa

"Aina miki dare xakimin rana,tunda na kankaroki nazo daukarki a wannan dalleliyar motar ba"langabar dakai tayi ta koma kalar tausayi

"Haba ya musti,ni dakai fa bata baci,kada kasa 'yan uba suyi mana dariya"

"Dariya kuma ta nawa?" Wancan saurayin dake daya site din ya fada yana sake kwanciya sosai jikin kujerar motar

"Kaji ko?" Zahra ta fada tana bata fuska 

"Rabu dashi,duka adawa ce,ba wanda zai ganmu a rana" mustapha ya fada yana harar shamsu dake gefansa zaune,wanda bai sake tankawa ba ya yamutsa fuska kawai gami da cewa

"Oho dai,maji ma gani".

         Kusan wannan 'yar tsamar ba wani sabon abu bane a wajensu,sun riga da sun saba da hakan,wanda ba komai bane ya kawo haka ba face fahimtar juna da sabo dake tsakaninsu,duk da cewa akwai banbancin iyaye,duka sun fito daga mahaifa daban daban.

      Saida suka hau titi sosai sannan ta gyara xama tana duban hafsat

"Wai ya akayi ne haka?" Dariya hafsat tayi kafin tace

"Wallahi ya hajja ce tace ya bada a daukoki,da yaqi ma tace to bari ta kira mas'udu ya bada tashi tunda shi ta isa dashi,to sai da yaji haka sannan ya bayar......zahra ma tana kusa sai data saka baki" tabe baki zahra tayi tana juyar da kanta xuwa window,tadan dubi titi kadan sannan ta dawo da dubanta ga hafsat

"Sai kace xai mani gafara motarma sai an roqeshi,ni wallahi ya hajja data sani bata roqa ba.....bama wannan ba,na dawo hutu da farinciki da burin samun sake,musha soyayyarmu nida hafiz,zuwansa nasan komai saiya rushe wallahi,babu wani sauran sake,bayan shi har gida ake biyoshi,ya kuma baje kolin soyayyarshi babu jin kunyar kowa,amma mu ya hanamu katabus babu gaira babu dalili,bayan yafi kowa sanin tsarin gidan,yanzu daka yi candy za'a zuba maka idanu ka kawo wanda zaka aura,idan babu ya zama jarraba,yanzun kuma kana tsaiwa dasu shiya hana ruwa gudu,haba" ta qarashe masifar dajan tsaki,dariya hafsat keyi abinta tana qarawa,kafin tace komai shamsu ya waiwayo yana dubanta

"Ke yarinyar nan da gaskene fa zaki qone tun kafin ki tafasa" hararar wasa ta jefa masa

"Saimu zauna ai ku jiqamu kusha,kunfi kowa daga murya idan bamu tsaida miji ba...."

"Meye a ciki,sadaka kawai zamu bada ku a masallacin malam ayuba" ya fada cikin shaqiyanci yana qyalqyalewa da dariya,wanda ya saka mustapha ya dara shima,baki ta tsuke ita kuwa kana tace

"Allah ya kiyaye ya sawwaqe,wuce nan wallahi".

       Da ire iren wadan nan hirarrakin suka ci gaba da tafiya cikin motar,tana tambayar hafsat wasu abubuwa da bata nan akayi,da kuma wadanda ta tafi ta bari,shamsu dai bai gaji da tsokanarta ba ya sake cewa

"Sai tambaya kamar makahon daya warke daga makanta,kamar wadda aka sallamo daga gidan yari" fuska ta narke wanda da alamu lokaci zuwa lokaci tana da dabi'ar shagwaba wanda batasan ita kanta tana dashi ba,kusan a jininta abun yake

"To ya shamsu don Allah meye maraba,kowa an barshi yana jeka ka dawo amma ni an turani boarding saboda shawarar da wannan mutumin ya bada,kuma wai aka amince masa"

"To ya za'ayi sai haquri,kinsan shi,idan ya kafe akan abu,amma kuma da wuya idan ya kafe din a kasa ganin alfanun hakan" baki ta zumburo tana mita

"Kaidai kawai kana goyuwa da bayanshi ne a fakaice"

"Ko kadan,ke dince kin fiya qorafi a kan lamuransa,bayan dukka mun riga mun saba da halayyarsa"

"Ai shikenan" kawai ta fadi,don batason zancan yayi nisa,saita kamowa hafsat wani zancan suka shiga.

        Tafiyar a qalla awa daya harda wasu mintuna masu dan dama a kai suka isa unguwar gadon qadon qaya dake qwaryar birnin kano,bakin wani gida mai manyan kagantu tsaho da kuma fadi suka tsaya,wanda kallo daya zaka masa tun daga waje kasan cewa ba mace ko mutum daya zuwa biyu bane kawai ke zaune cikin gidan.

      Zaka sake gasgata hakan lokacin da gate din gidan ya bude motarsu ta kunnu xuwa ciki,sassane daban daban qunshe cikin gidan,a qalla akwai sashe hudu zuwa biyar,kowanne na mazaunin gida mai xaman kanshi.

         Kamar mai jira,tun kafin ya kammala daidaita tsaiwar motar ta balle murfin motar ta kwasa da gudu tamkar qaramar yarinya ta nufi daya daga cikin gine ginen dake tsakiyar gidan,madaidaicin gini guda daya dake hannun dama.

      Baki dukka suka sake suna dubanta,duk da cewa sun sani ba tun yau ba halin xahra din na daban ne,quruciya da rawar kai kamar bata qara komai cikin shekarunta.

       Da sauri saurinta take kutsa kai zuwa sassan 'yar tsohuwar,burinta kawai ta cimmata,don ba qaramar kewarta tayi ba,sabo da shaquwa ne mai yawa tsakaninsu,wanda babu makamancin irin wannan tsakaninta da kowanne jika nata koma bayan zahrar.

         'Yar kyakkyawar dattijuwa tsaye gaban freezer tana yunqurin ciro wani abu tana magana da wata matashiyar budurwa dake xaune kan daya daga cikin kujerun falon sanye da hijabi mai hannu kalar blueblack,kallo daya zaka mata kasan shekaru sun fara tura mata,saidai yanayin tsafta da son gayu irin nata ya qawata tsufan nata sosai,don kana iya hangen ragowar jan lalle dake qafarta wanda bai gama fita ba,da tajajjiyar sumarta dake cikin dankwali,wadda ke cike da furfura,saidai kuma awanke take fes cikin tsafta da tsari,sam bata lura da shigowar xahra cikin falon ba sai sautin muryarta daya karade ilahirin falon.

        "Hajja!" ta fada cikin nuna zallar farinciki tana nufarta,kafin takai ga juyowa tuni zahran ta isa gareta,ta kuma cukuikuyeta gami da rungumeta tsam ta baya tana dan tsalle

"Yan makaranta....barka,barka" ta fada fuskarta na fadada da fara'a,wanda ke bayyana farincikin dake cikin zuciyarta,yake kuma alamta tarin qaunar dake tsakaninsu

"I miss you my hajja" zahran ya fada tana dariyar farinciki

"A'ah,sauya harshe dai,ni ba gane wannan surkullen naku nake ba,yanzu yayanku ya gama nashi ya fita" dariya zahran ta saki tana sakin tsohuwar,saidai sautin 'yar dariyar da taji daga gefanta yana hankalinta ya kuma hanata furta abinda tayi niyyar fada din,ta waiwaya tana duban sashen.

       Kusan a tare suka sakarwa junansu murmushi

"Kicemin keda kishiyarki ne hajja......anty takwara ina yini" ta fada tana qarasawa inda matashiyar ke zaune,wadda fuskarta ke fadade da fara'a tana duban zahran gami da gyara mata wajen xama ta hanyar tattare hijabinta zuwa jikinta ta duban zahran itama

"Lafiya lau takwara.....ya makaranta?"

"Alhamdulillahi....gamu yau mun samu 'yanci"

"Aikuwa dai kam,gida akwai dadi" daga haka ta maida dubanta ga ya hajja wacce ta samu waje ta zauna

"Hajjata....me dame aka tanadarmin?" Tayi maganar a shagwabe kamar yadda ta saba

"Duk abinda takwarata keso" hajjan ta fada tana dariya,qaramin tsalle najin dadi ta doka ta fada saman kujera tana cewa

"Allah yabarmin hajjata"

"Eh qwarai,kafin ki shukamin wata tsiyar taki ba" da sauri zahra tadan bata rai tana wulqita idanu,kana ta maida dubanta ga hajjan

"Haba hajja....Allah yasa ba gaban 'yan adawa kika fada ba,da kin saka sunmin dariya,musamman su o'o" ta fada tana dan satar kallon zahra.

        Sarai zahran ta fahimci wa take nufi,saita murmusa tana qunshe dariyarta gami da girgiza kai,kasancewarta mai sauqi da sanyin hali,marason yawan magana da rashin daukar al'amura da zafi

"Inna wuro....inna wuro rigima" ta ambaceta da sunan da yawanci akafi kiranta dashi cikin gidan,saita waiwaya tana duban zahran

"Eh ai nasan kin fahimta.....don nasan bakison laifinsa" ta fada tana sake bata fuska kamar wadda aka zaga,hakan ya sanya zahra yin dariya dole tana kada kai cikin jin nauyin ya hajja dake zaune a wajen.

       "Sarkin neman magana,idan ya jiki kuma ya hukuntaki kice wani abu daban,shin kin shiga ma cikin gidan ma kin gaisa da mutane ko kuwa kkka zauna neman magana...." Kafin xahran ta baiwa hajja amsa hayaniyar 'yammatan gidan ta soma dosowa falon

"Tofa,Allahumma salli ala,aikin dawo,yanzu zaku taru ku dinga hanani sakat,sauqin abunma dodonku yana gari shima"

"Ni wallahi hajja ki dinga hanashi zuwa duk sanda zanzo hutu,tsakani da Allah fa hanani sakewa yake,hutun wata daya kacal din da nake samu saina qareshi cikin rashin jin dadi" baki hajjan ta kama tana dubanta,ta rasa wanne irin abune haka irin na zahran,qara kusantowar hayaniyar tasu alamun suna bakin falon yasa ta dauke kai ba tare da tace komai ba har suka qaraso cikin falon riqe da hannuwan jakankunan zahra guda biyu,wanda ta barsu a farfajiyar gidan bata samu daukosu ba saboda tsabar zumudi.

      Kyawawan matasan 'yammata su biyar rigis sanye da unifoarm,wanda yafi kama da unifoarm din islamiyya,hudu daga cikinsu farare ne ba kamar kalar fatar zahran ba,yayin da daya ce kawai ta dauki kalar fatar zahra,dukkaninsu shekarunsu ba zasu wuce suma sha shida sha biyar din ba,saidai duk wadda ka kalla a cikinsu a ganin farko xaka tabbatar basu kama qafar zahra wajen kyau da zubi ba,duk da cewa babu mummuna duk cikinsu,kowacce da irin nata kyan,amma saiya zamana zahran ta zama zahara sosai a cikinsu.

         Wani ihun murnar ganin juna suka saki kowacce na neman wajen zama 

"Kai amma naji dadin dawowarkin nan wallahi,kinxo akan gaba" salma daya daga cikin 'yammatan ta fada,harara yusra ta jefa mata daya daga cikin fararen 'yammatan

"Eheen,kedai kin shiga uku wallahi"

"Ke kuma fa,tara kika shiga?" Salma ta fada itama tana maidawa yusra hararta duk da cewa mai kama da dariya dariya ce

"Kinga manta da ita,bani nasha ya akayi?"

"Bari mu saka labule tukunna saboda 'yan saka eyes....."

"Kunga ku tashi ku bani waje tun ban kira yayanku ba" hajja ta fada saboda sanin hali,ta sani sarai labarin nasu baya wuce na samarinsu shi yasa tayi musu haka,sosai suke wasan jika da kaka da ita,tun tana fada da fushi harta haqura ta qyalesu ta zubawa sarautar Allah idanu,harya zamana ma yanzu bata damuwa ya zame mata jiki,mutum daya ne tak da idan yana nan take samun salama,saboda dukkaninsu shakkarsa suke,kuma tsoron hukuncinsa suke.

         "Idan wajen mama zaki don Allah ya zahra kice mata yanzu zan shigo na mata bayanin aiken" yusra ta fada tana duban zahra wadda ta miqe da wayarta a hannu tana murmushi

"Bafa can zata ba" hafsat wadda ta shigo daga qarshe ta fada

"Kema ai tunda kika ga ta miqe tana doka murmushi ai kinsan kwanan zancan" hafsat ta sake fada tana yin fuska,cikin dan jin kunya da nauyi zahra tace

"Kamar a kunnenshi kika fada" saita soma yin gaba cikin sauri sauri yayin da hafsat ta bita da magiyar ta tuba tayi haquri ta fice abinta tana dariya.

      "Ni ina mamakin yadda soyayya ke gudana tsakanin yaya da yaa zahra"

"Ahto ai haka Allah ke lamarinsa,ku kuke masa wani kallo da bahagon hukunci,saboda AL茦IBLARKU ta bambanta ta wajen ra'ayi,kowanne bawa komai irin halinsa akwai yadda Allah ya sallada wanda zai iya zama dashi ya kuma rayu dashi".

       Tsam zahra ta miqe tana maida hijabin unifoarm din jikinta,wanda har yanzu bata kai ga cirewa ba tana cewa

"Bari na shiga ciki kan ku gama lacture din" don sam bata son irin wannan dogon sharhin na hajja,gani take koda yaushe aikinta shine bashi kariya dason wankeshi a idanunsu,bagan sun riga dasun gama sanin halayyarsa ciki da waje,kuma kowacce cikinsu ta kwana da sanin wannan,so tana ganin babu buqatar dagiya wajen bashi kariya da yima halayyarsa kwaskwarima a tsakaninsu.

     Kamar hajjan zatayi magana sai kuma tayi shuru kawai ta bi zahran da kallo sanda take ficewa daga falon abinta ko a jikinta,har takai bakin qofa saita dakata

"Don Allah hajja wayata,tunda na dawo nake jina ba dai dai ba,na tabbata nuruddeen nacan yana nemana wallahi,tunda yasan yau zamu dawo" daquwa wannan karon ta watsa mata

"Qaniyarki,yanzu nake muku nasiha kika tashi kika barni zaune wajen,shine yanzu kikeso naje na dauko miki waya,idan kin damu ai kinsan mazaunarta kije ki dauko da kanki" dariya tayi cike da nishadi,ita da hajjan sun saba hakan,suyi tsiya suyi dadi,duk yadda suka kai ga shaquwa da juna amma indai akan irin wannan batunne sun saba haurawa,ita sam dole saita sanyata sun jitu da juna,ita kuma tana jin wannan shine abu na qarshe a rayuwarta da bazai taba yiwuwa ba,komai nasu yasha banbam,tun kan ta mallaki hankalin kanta yadda ya kamata ta fahimci alqiblarsu tasha banbam,hakan ya haifar da duk wani abu dake gudana a yanzu.

      Kanta tsaye ta nufi dakin gadon ya hajjan,harta kusa sai kuma ta sauya akalarta zuwa kitchen dinta,inda take jin qamshin abinci na fitowa.

       A nutse ta tura qofar tana wara idanu don ganin wace a kitchen,kamar kullum gaji ce,'yar aikin hajjan qwaya daya tilo data jima da ita,takun shigowarta ya sanyata waiwaya tana duban qofa,cikin fara'a da washe baki ta qarasa waiwayowa gaba daya

"A'ah,ashe kina hanya inna wuro.....marhaba da uwar dakina" murmushi zahra ta saki,saboda gaje ta wajenta ce sosai,yadda ya hajja ke ji da ita haka itama gaje ke ji da ita

"Yauwa inna gaje,na sameku lafiya"

"Lafiya qalau alhmdlh inna wuro,ya makaranta?"

"Mun gode Allah" zahra ta fada tana neman wajen zama saman kanta,kusa da wasu kwanuka data gani a rufe,hannu ta miqe tana shirin budewa gami da cewa

"Me aka tanadar mana haka yaketa zabga qamshi"

"Gasunan bude ki gani,duka naki ne hajja tace a yi miki" a nutse ta dinga budewa tana dubawa,sosai taji dadi har ranta,hakan kuma ya bayyana zuwa saman fuskarta,batun yau ba ta shaida da soyayyar da kakar tata ke mata,bata san me yasa ta fita daban cikin jikokinta ba,ko don sunanta taci?,ko kuma don ita din ita daya ce ta zama marainiya a cikin tarin jikokin hajjan?,saita ture wannan tunanin ta sanya  hannu ta soma daukan abinda ke cikin kwanon tana sawa a bakinta.

       Duk sai data gama dandanawa sannan ta fara lashe yatsunta tana cewa

"Ashe dai 'yar tsohuwar nan na sona haka,bari naje cikin gida na gaida mutane inna gaje na dawo" ta fada tana ficewa da dan sauri saurinta ba tare data saurari abinda inna gajen ke cewa ba.

        Sai data fara biyawa ta dakin ya hajjan ta dauko wayartata hade da charger,ta shiga dakinta dake sassan ya hajjan ta jona chargy sannan ta fito.

*MAMUHGHEE* _UBAIDMALEEK_

*BILLYN ABDUL*

_MAKAUNIYAR QADDARA_

*HAFSAT RANO*_MABUDIN ZUCIYA_

*MISS XOXO*_DALAAL_

*HUGUMA*_AL茦IBLA_

*ZAKU IYA BIYAN NAKU KUDIN TA WANNAN HANYAR*

茒aya___300

Biyu____400

Uku_____450

Hu蓷u____500

Biyar_____700

Zaku biya kudinku acikin wannan asusun namu na banki馃憞馃憞

0225878823 Hafsat Kabir Umar GTB

saiku turawa wannnan numban shedan biyanku(evidence of payment)馃憞馃憞

*_08085405215_*

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU馃憞馃憞

聽 0903聽234聽5899

23/10/2021, 08:35 - 馃憤馃徎馃憤馃徎: *KIJI TSORON ALLAH,KARKI TABA KAYAN DABA NAKI BANE,BA MALLAKARKI BANE*

02

    

Falon yanzu babu kowa duka sun yoye sai ya hajjan kawai,tana zaune tana gyara falle fallen littafin dala'ilu,da alama ta karantasu ne suka kuma hargitse mata take gyarawa,don ita din har tsufanta bai hanata bibiyar litattafan addini ba.

      Ta baya ta rungumeta tana cewa

"Ashe dai har yanzu ana yi dani 'yar tsohuwa mai ran qarfe,bari naje na dawo na kwashi gara,Allah dai ya jiqan tsohon mijinki" daga haka ta juya cikin sassarfa tana barin falon.

      Wannan karonma da kallo ya hajjan ta bita,cikin ranta ta amsa addu'ar data yiwa mijinta kuma masoyinta,tana jin yarinyar cikin ranta sosai fiyr da sauran jikokinta,su biyu kacal suka samu irin wannan babban matsayin,duk da qoqarin boyewa da take da kuma nuna duka dai dai suke.

        Tana yawan godiya ga Allah daya sanya qauna da zumunci mai qarfi tsakanin ahalinta,tun daga kan yaranta zuwa jikokinta,tsabar son su zamaTsintsiya madaurinki daya ya sanya tun mijinta na raye suka yanke zaman dukka yaransu maza tattare a waje daya,matanne basu da wannan ikon ko qarfin a kansu,hakan kuma yayi tasiri wajen sake maida zuri'ar tata tsintsiya madaurinki daya,duk da ance zaman tare zo mu zauna zo mu saba,hakanan baka rasa banbancin halaye da ra'ayi wanda kan kawo sabani lokaci zuwa lokaci,saidai a nata ahalin akwai qarancin hakan sosai,don bazai yiwu ace babu ba,kusan halayya ce tadan adam,kuma sunna ce ta zaman tare.

       Duk da wannan babban abinda ke bata mamaki da daure mata kai shine rashin jituwar dake tsakanin zahran da yayanta,kusan abune daya dauko dogon tarihi ya kuma samo asali da tushe tun da dadewa,tun abun bai zama wani abun damuwa kallo ko dubayya ba har takai a yanzun yana damunta lokaci zuwa lokaci,saidai tana saka ran watarana komai zai zama tarihi,kamar akwai sauran quruciya ne jikin xahran.

      Sashen yayan mahaifinta da suke kira da abba babba ta fara shiga,sashe ne mai kyau kamar yadda ainihin ginin gidan ya nuna,babban falo wanda ya cinye set din kujeru har guda biyu,dakuna a qasa kitchen da bandaki,sai dakunan matan gidan dake sama,duk da kowacce tana da guda daya a qasa.

        Mommy ta tadda a falon ,wanda ke mazaunin amaryar abba babba tana cirewa yara da dawowarsu gidan kenan unifoarm,wanda dukkansu yaran gidan suna makaranta guda ne,akan daukosu tare a kuma kaisu tare,bisa jagorancin drivern gidan a wadatacciyar motar da aka ware musu don wannan hidimar.

      Kanta ta daga tana amsa sallamarta sanda take cirewa yaronta safarshi,fuskarta fadade da fara'a tace

"Maraba da 'yan boarding" qarasowa tayi tana murmushi,ta zauna hannun kujerar tana amsawa gami da yiwa mus'ab da ake cirewa safa tsiya

"Wai kai bakasan ka girma bane,saura kadan kayi shekara goma fa,amma har yanzu safa ake cire ma"

"Murmushi mommy ta saki

"Kema kya fada inna wuro,kullum sai an cire masa kamar yaron goye..." Dariya ta sakeyi tana kuma dan tsokanarsa kafin daga bisani ta juya tana gaida mommyn,fuska a sake take amsata,ta tambayi abba babba 

"Abbanku ai kinsan ba zama,tun sassafe ya fita kasuwa"

"Mama fa?" (Uwar gidan mommy)

"Yau suna hidima ne,ita dinma tun dazu ta fice" jin haka yasa ta miqe tana zura hannu a aljihun rigarta,ta soma zaro alawa masu dan girma tana rabawa wadanda ta taras a falon,duk data girmesu amma ba wani girma ne me yawa can ba,shekarun data basun bazai gaza biyu zuwa uku ba,idan yayi yawa hudu

"Baki gajiya,keda kika dawo daga makaranta harda wata tsaraba" murmushi kawai ta yiwa mummyn tana ficewa.

     Sashe na biyu ta shiga,sassan abba yusuf,wanda keda matan aure biyu shima da yara tara,amarya nada uku,uwargidan nada shida,shima dai kamar shigen ginin waccan sashen,komai cikin tsari,da alama kusan dabi'ar jama'ar gidan ce wato tsafta,su dinma faran faran suka gaisa ta wuce sashen abba abu wanda cikakken sunanshi shine abubakar,matarshi daya da yara bakwai,sai abban tsakiya shima matarshi daya,daga nan sai sashen mahaifinta.

       Sashe ne dake da girma da qima a idanunta,yake kuma da dimbin tarihi cikin rayuwarta,sashen da a shekarun naya suka rayu kamar sauran sassa dake gidan,cikin walwala farinciki da qaunar juna,qarqashin inuwar adalin uba kuma mahaifi a wajenta,saidai ta farat daya mai rabawa ta raba mai raba soyayyar iyaye da 'ya yansu wato mutuwa,a lokacin da suke tsaka da gudanar da rayuwarsu.

      Mahaifinta uba ne da ya zama daya tamkar da dubu,wanda bashi yiwuwa ta manta soyayyarshi garesu,musamman ita din da take 'yar fari a wajensa,ta kuma ci sunan mahaifiyarsa,saiya zamana soyayya da kulawar da yake bata ta dabance,har kullum mutuwarshi sabuwa ce a ranta,rana da lokacin basu taba bace mata ba daga idanunta.

     A hankali tayi sallama cikin falon,qannenta dake xaune suna cin abincin rana suka amsa,cikin farinciki qauna irin ta 'yan uwantaka suka miqe suna mata oyoyo,fuskarta washe da fara'a take amsa musu,wanda hayaniyarsu ta fito da mahaifiyarta dake kitchen.

       Kyakkyawar mace mai kyan zubi da haiba,ma'abociyar tsafta nutsuwa da kyakkyawar dabi'a,wanda kyawun dabi'arta ya sanya koda bayan rasuwar mai gidanta dangin mijinta suka kasa rabuwa da ita,suka roqi alfarma taci gaba da xama dasu har zuwa sanda xata buqaci aure,su kuma zasu tsaya mata tamkar nata dangin.

       Duk da cewa bata rasa wani gata ko kulawa daga nata dangin ba,amma hakan bai hanata amsar tayinsu ba,saboda tsantsar dattako irin na uwar mijinta,da yadda ta nuna mata qauna da kulawa tun haduwarsu har xuwa yau din,bugu da qari kuma,bata jin xata iya sake aure a sauran rayuwarta data rage,tunda ta rasa miji daya tamkar da dubu irin sa'id uban 'ya'yanta.

       A nutse ta qarasa daura da inda mahaifiyar tata ke zaune

"Ina wuni ummi"

"Lafiya qalau,ya makaranta ya kuka barosu"

"Lafiya lau ummi,wannan karon duka babu dadi,ni kadai aka bari a makaranta,yasira ta rigani dawowa" tana zare carbin hannunta ta amsa

"Eh ai jikin nata alhmdlh da sauqi,jiya na shiga na dubata" ajiyar zuciya tadan saki

"Tana raina ummi,gobe in sha Allahu nima zanje na dubata"

"Ya kamata kuwa,don dazu yaayan ma ya kirani yace an daukoki ko?"

"Eh su ya musty ne ma suka je a motar wancan mutumin" sosai ummin nata ta tsareta da idanu tana kallonta,sai a sannan ga gane tabargazar data tafka,saita dauke nata idanun tana son wayancewa

"Inna wuro?,waye wancan mutumin?,yayan naku?,ashe qara lalacewa kike?,duk fadan da nake miki bakiji kenan?" Marairaice mata tayi,don idan da sabo ta saba da fada daga wajen ummin indai a kanshi ne,abu na qarshe kuma data fi tsana kenan a rayuwarta

"Kiyi haquri ummi,mantawa nayi,bazan sake ba" kanta ta dauke kawai daga gareta,tasan ta fada ne kawai,amma wannan halayyar ta jima dason rabata da ita amma ta kasa,ta zame mata jiki,rabuwa da ita sai a hankali,bata tashi daga wajen ba sai data ji tace

"Allah ya kyauta,Allah ya rabaki da wannan halin".

        Dakinta dake sashen wanda ba kasafai ta fiya kwana a ciki ba ta wuce,tsaf yake kamar ko yaushe,duk da bata kwana ciki amma kullum saita gyarashi,'yar madaidaiciyat cupboard dinta ta bude,ta zabi kayan sawa adadin wanda takeso,ta debi kayan kwalliya mayafanta da sauran muhimman abubuwa don maidasu sassan hajja,saboda muddin ta dawo hutu tafi xama a can,bama ita kadai ba duka 'yammatan gidan dakin dake sashen hajjan suke tarewa har sai ta koma.

       Ita dinma tafison zaman can din,saboda tafi sakewa sosai fiye da sassansu,hajjan na barinta tayi yadda takeso koma bayan ummin nata dake da tsauri da kuma dokoki iri iri.

       Kai tsaye ta koma sassan hajjan,duka sun fice da alama kowacce akwai abinda zatayi,hakan ya mata itama saboda wanka takesonyi ta kuma rama bashin baccin da batayi ba daren jiya a makaranta,don su kwana waqe waqe na murnar tafiya gida hutu,gabanin asuba koma kowa ya shiga sabgarsa taci gaba da hada kayansa da kuma bin layin wanka.

         Sai data fara zuwa gun wayarta dake chargy,hopefully ta taba screen din ya kawo haske cikin zumudi,don ta tabbatar zata iske texs ko miscal na nuraddeen kamar yadda ya saba mata a kullum idan ta dawo hutu.

         Saidai kuma ga tarin mamakinta babu kiran hakanan babu saqon nashi,sosai abun ya daure mata kai,amma saita bashi uzuri,ta shiga ta duba balance dinta.

       Naira hamsin ce tayi ragowa a layin nata,ta tuna zahra takwararta ce ta mata transfer kyauta ana ya gobe xasu koma hutu,tunda tace ga wanda ya tura mata kudin ta raba musu 50/50 a ciki sai taji credit din bai burgeta ba,amma yanzun zai mata amfani,don haka kai tsaye ta shiga rubuto lambobin nuraddeen daka wanda ta jima da haddacesu ta danna kira,take sunan my happiness ya bayyana saman screen dinta,ta kalli sunan ta saki murmushi tana kuma sauraron yadda wayar ke ringing.

        Dab da zata katse aka daga,sallama ya fara yi mata,saita sauke a jiyat zuciya cikin shagwaba tace

"Nayi fushi"

"Afuwa,kaina bisa wuyana,kina raina inata son na karki,damac ce ban samu ba". Duk da uzuri ya nema amma sai taji banbarakwai,don wannan shine karon farko daya soma neman uzuri irin haka a wajenta,amma saita saki murmushi

"Nayi maka,amma fa lasam nayi kewarka da yawa"

"Nima haka princess,an dawo lafiya?"

"Lafiya qalau alhmdlh"

"Ya makarantar,ya mutan gidan?"

"Kowa lafiya lau" zai soma magana taji ana mata warning cewa kudinta sun kusa qarewa,daga bisani ta tambayeshi me yace

"Nace ne ina hajja da ummi"

"Duk lafiya na samesu....." Ta kasa kunne taji yace xai shigo a yau din,saidai tuni kamfanin waya suka katse kiran saboda qarewar kudin wayar tata,saita aje wayar gefanta tana dan dubanta,tasan cewa babu jimawa xai biyo sawun kiran nata,don haka ta zauna daura da wayar tana dan gyaran kayanta tana dakon kiran.

       Harta gama gyaran bataji shigowar kira ba,sai data miqe tana shirin shiga bandaki ta watsa ruwa taji sautin shigowar saqo,ta miqa hannu da hanzari tana dubawa,saqon daga nuradden dinne

"Zan kiraki" abinda ya qunsa kenan,saita maida wayar ta ajjiye ranta tana cewa

"Lallai yau wanne irin busy happiness ya shiga haka" ta wuce bandakin bayan ta daura towel din wanka.

       Aqalla minti goma sha biyar ta shafe a bandakin sannan ta fito tana mita

"Haba,babu inda yakai gida dadi,me za'ayi da makarantar kwana,babu abinda yakai gida dadi wallahi,inda a school ne ina ka isa ka dade haka,da tuni an matsanta miki daki fito,mtseww...wallahi badan yaaya da kuma ummi da bazan koma ba" da wannan qananun mitocin mata ta qarasa gefan qatuwar kafitar dake dakin ta zauna,wanda daura da ita 'yar drower ce dake jere da kayan shafe shafenta,zahra ba daga baya bace wajen son ado da kwalliya,hakanan idan ta fannin yawan sutura da kayan qyale qyalen rayuwa ne tana sahun gaba cikin 'yammatan gidan,saboda ta kowanne fanni yi mata ake dalilin maraicinta,qannen mahaifiyarta mata da yayan mahaifiyar nata dake matuqar qaunarta,wanda dukkan abinda xaiwa yaransa to lallai fa saiya yiwa zahran,hakanan 'yan uwan mahaifinta dake gidan,duk sanda wani xaima iyalinsa saiya hada da ita,ga hajja a gefe itama da ba'a barta a baya ba.

        Sa'annan uwa uba wani irin farinjini da Allah ya yiwa zahran tun tana mitsitsiyarta,don mahaifanta ma sam basa yarda a karbi abun hannun kowa akan yarinyar,haka halittarta take,tun abun na baiwa mamanta mamaki harya koma bata tsoro,hakan ya sanya tun kan ta mallaki hankalinta ta tsaya kai da fata wajen mata addu'ar samun kariya da samun miji na gari,don ita kanta tasan Allah ya yiwa diyartata baiwar wani asirtaccen boyayyen kyau,tana tsoro n kada hakan ya zama wata sila da za'a shiga rayuwar diyartata a cutata mata babu dalili,ta sani cewa sautari baiwar kyau jarrabawa ce,qalilan ne kuma cikin mutane ke iya cinyeta,musamman mata.

        A nutse ta kammala shiryawa cikin doguwar rigar atamfa cotton mai budadden dinki,ta gyara kanta da ribbom wanda da wahala kaga kitso a kanta,duk wanda ya santa yasan bata qaunar kitso tun yarinta har zuwa yanzu data girma,duk sanda xa'a mata kitso saita tarawa mai kitson jama'a saboda tsabagen kuka,daya daga cikin abinda ya sake sawa basa jituwa da yayanta kenan,yana ganin kamar an bata ta ne an sangarta ta.

        Tana tsaka da fesa turarenta mai sanyin qamshi wanda ta saba ta soma jiyo sautinsa.

        Sassanyar murya mai zaqi,amma cike da kaushi da kuma fada yake magana,da alama wani abun ya faru ne,baki ta tabe tana aje turaren nata,maimakon ta fito yadda tayi niyya da farko sai kawai ta fasa,ta koma gefan katifar ta zauna tana sauraren fadan nashi,duk da cewa bata iya fuskantar me yake fada.

     Baki ta sake tabewa karo na biyu

"Ayi mutum sai shegen kaushin hali da fushi,Allah ya kyauta" ta fada tana jawo filo bayan tayi rub da ciki saman katifar,sannan ta janyo wayarta tana sake duba kira ko saqon nuraddeen,saidai har yanzun babu ko daya,saita maida ta aje tana ayyanawa wala'alla bai gama uzurinsa bane.

       Shigowar hafsat dakin kamar wadda aka tunkudo ya sanyata miqewa ta xauna,fuskarta a hade da alamun kamar ma hawaye ta gama yi

"Yaya?" Zahra ta jefa mata tambayar tana gyara zamanta idanunta kan hafsan

"Yaa haidar mana......shikenan da zarar ya dawo mutum bashi da sauran sakewa,kome kayi baka masa dai dai ba,haba?" Koda bata tambaya ba tasan kwanan zancen,don halayyarshi ba baquwar halayya bace a wajensu,don haka baki ta tabe

"Hmmmm,ai ni shi yasa nake godewa Allah dasu abba basu dauko aqidar sai munyi karatu ba kafin aure,inda haka ne Allah kafin mubar gidan nan saiya sa mana hawan jini" dubanta hafsa tayi

"Ni kuma kinsan hakan baimun ba,nafison naci gaba da karatu kafin ayimin aure,inda xasu sauya shawara wallahi hakan yafimin,amma ya haidar kusan yafi kowa na'am da wannan tsarin tun xamanin su ya khairiyya" hararara zahra ta jefeta dashi tana cewa

"Bakinki ya sari danyan kashi,ni da kike gani na nan ba'a da candy qalilan ce inji 'yan arabiyya,babu wani karatu da xan tsaya wahal da kaina inayi,me yafi aure dadi?,kaida masoyinka?,ka samu 'yanci babu me takuraka?,tabdijan,ke ai saikita zama kici takarda da biron" ta fada tana komawa zuwa kwanciyarta ta daxun.

       Dariya hafsa ta saki tana daka mata duka,tana sane ta sako wannan zancan,don duk cikinsu kowa ya san ra'ayin mahaifansu ya dace da ra'ayin zahran,kuma ita hakan yayi mata dai dai

"Allah ya shiryeki zahra"

"Amin....ai dan sunna bayaqi sunna ba ko"

"Wannan haka yake malamarmu"

"Kyaji dashi" ta amsa mata tana sake jawo wayarta ta fara buga game,jifa jifa suna hira,tana kuma dakon daina jin motsinsa a falon hajjan data samu ta fita taci wani abun kafin ta dawo ta kwanta tadan matse gajiya.

23/10/2021, 08:36 - 馃憤馃徎馃憤馃徎: *KIJI TSORON ALLAH鈽濔煆�,KARKI TABA KAYAN DABA NAKI BANE,BA KUMA MALLAKINKI BANE*

03

     Kusan minti talatin kafin ta daina jin duriyarsa,zuwa sannan bacci ya soma fisgar hafsat,saita aje wayarta ta miqe a hankali tana gyara daurin dankwalin kanta,ta isa bakin qofar dakinta ta zura takalmanta sannan ta wuce kai tsaye zuwa falon.

           Kyakkyawan matashin saurayin da a qalla bazai wuce shekara talatin bane zaune cikin falon,saman lallausan center carfet din dake shimfide tsakiyar kujerun,ya miqe dogayen qafafunsa ya kuma hardesu waje daya yana kadasu a hankali,kallon farko da zakayi masa zaka fahimci wani irin kwarjini shimfide saman fuskarsa,wanda ke cakude da rashin fara'a da kuma daurewar fuska,wanda ko a yanzun da yake zaune shi kadai cikin falon wayarshi qirar iphone 12 na tsakiyar tafukan hannayenshi dake saman cinyoyinsa yana amfani da ita fuskarshi a hade take,da alama gwanin iya tsare gida ne qwarai,gefansa kwanukan abinci ne a jere,bata sani ba ci zaiyi ko kuma baida niyyar ci ya ajesu ne kuma baxai magantu yace azo a dauke ba.

        Kallo daya tayi masa ta tabe baki,duk da bata samu nasarar ganin fuskarsa ba sai sumarshi dake gyare,ita bamai yawa ba ba kuma saisaye ba,saidai tafi kama da saisayen irin sama saman nan,tayi wani spring kamar zubin indomie,baqa sidik tana sheqi,da alama ana bata kulawa yadda ya kamata,don ba qaramin qara masa kyau da kwarjini takeyi ba,ta kuma dace da kalar kwantacciyar skin dinshi da hausawa ke cewa wankan tarwada,ga duk wanda ya dubeta yasan ya samu cikakken hutu dajin dadi,duk da kalar aikinsa bawai na hutawa bane waje daya,saboda aikine na hidimtawa qasa,da bada kariya da tsaro wa dukiyar al'umma da rayukansu.

        Sa蓷af sa蓷af take tafiya saboda bata da buqatar ya ganta,dab da zata gotashi ya daga kanshi,saida gabanta yayi mummunar faduwa,kallo daya tak ya mata ya maida kanshi ga wayarshi,kamar baisan Allah yayi wanzuwar wata halitta ba,tilas ta fasa qudurinta na wuceshi da tayi niyya,ta dawo da baya 

"Ina yini yaa haidar" kamar bai jita ba,hakan ya bala'in 蓳ata ranta,ta tsani wannam halayyar tasa fiye da kowacce,ita idan zai shekara zaune a waje baiyi magana ba ba damuwarta bane,amma don me mutum zai gaidashi ya watsar.

       Ganin bai amsa ba ya sanyata miqewa donta wuce abinta,sai a sannan ya magantu

"Lafiya.....zoki zubamin" ya fada ba tare da 蓷ago daga duban wayarshi ba yana mata nuni da fulasan gefansa.

       Kamar tayi tsako don takaici amma tasan bata isa ba,wato saboda tsabar izza yana jiran wanda zai zuba mishi ne,akan ya zuba da kansa ya gwammaci yayita jira har sai mai zuba masan yazo,laifin bana kowa bane saina zahra,ita ta batashi,don tana fara zuba abincin ta tabbatar girkin ma nata ne,ita ta dafa mishi.

        Tana wannan tunanin zucin naman data debo a serving spoon daya ya subuce ya koma cikin miyar,take ta fantsamo man dake saman miyar,ya kuma samu kyakkyawan masauki saman farar shirt din dake jikinsa.

         Da sauri ya daga kai daga danna wayar da yakeyi,ya dubi jikinsa sannan ya maida idanunsa saman fuskarta,zallar bacin rai ta hanga qarara,ta soma motsa baki da niyyar yi masa bayani saidai ya rigata magantuwa

"U r very stupid....baki da hankali ne?...."

"Ashsha.....inna wuro garin 茩a茩a?" Muryar hajja ta ratso falon,duk rashin tsoronta amma sai da taji kamar anyi mata rahama,kafin ta bata amsa ta iso

"Tashi maza ki samo omo da dan toli fefa a goge mishi" tsaki ya saki kawai yana miqewa,ba tare da yace da kowa komai ba ya soma takawa yana nufar qofar fita

"Ka tsaya a goge maka mana zaki(haka takan kirashi dashi ita da wasu mutanen,sakamakon sunan mijinta da yaci,bata iya kiran sunanshi)"

"No,barshi kawai"

"Abincin fa?" Ta fada sanda yake gab da ficewa

"Ku amfaneshi"ya amsa a taqaice yana qarasa ficewa.

       Bugu hajja ta kaiwa zahra wadda ke tsaye tana yiwa qeyarsa gwalo gamida murgu蓷e murgu蓷en rawa

"Ja'irah,hala kina sane ko?" Dariya ta saki tana zama gurbin daya tashi,wanda ke fidda qamshin turarensa ta soma sake bude kwanukan tana baiwa hajja amsa

"Inda ina sane ai da sai abun yafi haka.....arashi aka samu,kuma hakan yamin dai dai"

"Zahra....zahra....kinga ki fita daga idona akan yayanku,kamar ba jininku daya ba"

"To hajja ko kinfi sonsa yanzu a kaina ne?,babu inda nake sakewa fa sai nan,haka kawai sai nan dinma yazo ya zauna ya hanamu sakewa,idan na koma wajen ummi canma yana nan,da nayi wani abu itama ta hauni da fada itama,don ya girmemu kawai saiya damemu" daga haka ta jawo fulasan tahau zubin abinci Abinta tabar hajja da kallon ikon Allah"

       "Allah ya shirya" hajjan tace tana sauke ajiyar zuciya kawai,bata amsa mata ba taci gaba da zurin abincinta.

       Salma ce tayi sallama cikin falon tana tsaka da cin abincin,sanye da atamfa dinkin A shape,sai dan kwalinta data zarga a kanta,hannunta riqe da qaramar wayarta me keyboard itel,wanda akafi kira da rakani kashi,kusan dukka gidan zahra ce me waya torching,ita dinma sai da aka hau rimin gafiya kafin a samu lamuncewar oga kwata kwata haidar ya barta da wayar,a hakanma bisa goyon bayan hajja,saboda abban gwammaja ne ya kawo mata,ita kuma tace sam ba za'a watsa masa qasa a idanu ba,tunda wayar bawai wata babba bace can,sannan uwa uba an hanata walwala an dauketa an kaita makarantar kwana aiko ba'a hanata riqe waya ba a duk sanda tazo hutu,tunda hutun ai baya wuce wata guda kacal,uwa uba kuma ma rashin riqe wayar yafi riqeta yawa,hakan yasa dole aka barta da abarta.

       "Lalalaaaa......lallai zahra.....wannan ba kwanukan da naga yaa xahra nata fadin tashin hadawa yaa haidar abinci bane?" Sai data kai lomar qarshe na hannunta sannan ta daga kai ta dubeta

"Sune mana....kema idan xakici bismillah,zoki zuba iya zubunki" kamar wadda ta danawa wuta a jiki salma ta janye gefe da sauri tana kada hannu gami da fidda ido

"Lalala,bada ni ba saa lallen karya,inason lafiyata wallahi,haka kawai ina lallaba jikina kisa amin shaidar da xanje kabari da ita,kedai da kika shirya tarar aradu daka"

"Ba zakuci bama,kema wanda kikaci shi kadaine rabonki,tunda kika hanashi ci kema baki ci,yarinya ta zauna ta bata lokacinta saboda yaro amma a qarshe kuta yiwa aikin,to baku isa ba,ko ruwan lipto yace ku dafa masa sai kunyi qorafi,kada ma ke inna wuro kiji labari" cewar hajja,tana kaiwa qarshe ta soma qwalawa gaje kira,zahra ta mele baki

"Ko iya haka ma alhmdlh" dai dai lokacin gaje ta qaraso,hajja ta sanyata ta debe kwanukan tana ci gaba da mita,xahra ta miqe tana kakkabe jikinta

"Da蓷ina dake hajja baki iya samun magana daya ba.....muje sister ki bani labarin daxu"

"Zakici 茩aniyarki,zaki dawo ki sameni,nasan da wanda zan hadaki" ta fuskanci sarai me take nufi,amma tasan ba iyawa zatayi ba,don idanma ta hadata dashin 茩arshe sai tafi kowa mita da jin ciwon hukuncin da za'a matan.

        Saman carfet din dakin suka zauna,salma tadan dubi hafsat dake baccinta haiqan

"Shegiya kasa,bata da aiki sai bacci" ta fada tana zungurarta,idanu tadan bude kadan,ta gane salma

"Ki saurara min 'yar baqincikin baccin mutum" daga haka ta cusa kanta qasan filo tana gyara kwanciyarta su kuma suka shiga hirarsu

"Wai kinsan meke faruwa kuwa?"

"A'ah saikin fada" inji zahra

"Sabon kamu fa nayi" sosai zahra ta maida kallonta ga salma

"Kamar yaya?,sabon kamu bayan sulaiman din?" Farr tayi da idanunta

"Wallahi,kuma a yadda nake jinsa a raina zan iya hada matsayinsa dana sulaiman" idanu dukka zahra ta fiddo waje

"Keee salma.....kiji tsoron Allah,sulaiman din?" Kai ta gyada kai tsaye itama tana dubanta

"Shi dinfa,meye abun naji tsoron Allah a ciki?,igiyar aurensa ce a kaina koko yaya?,don kawai na zabawa raina shi a matsayin wanda raina ya amince na nuna duk lokacin da aka buqaci na nuna wanda na tsayar?" Kai zahra ke kadawa kawai dama da hagu cikin nuna zallar jimami

"Gaskiya nidai bazan iya ba,haba amana ai bata ce haka ba".

        Dariya sosai salma ta saki har tana toshe baki kana daga bisani ta tsagaita tana duban zahra

"Amma inna wuro na yadda lallai boarding ta dakusar da duk wani wayo da basirar da muka sanki dashi,wai ce miki akayi su samarin yanzun tsoron Allahn sukeyi?,ko ce miki akayi idan don saurayin yanzu yana gaya miki da nuna miki daga ke babu wata.....idan bake ba sai rijiya,kece rayuwarsa da sauransu yana nufin hakanne da gaske har a badininsa?,bance miki fau fau ba'a samun wanda hakan bane.....amma sunyi qaranci qwarai,da yansu maqaryata ne,maha'inta ne,basu da *AL茦IBLA* qila kece ta bakwai kota goma a wajensu,hakan yasanya nima bazanyi saki na dafe ba,na laru dashi shi daya ina masa son gaskiya da dukkan zuciyata da gangar jikina ba.....na shafa rana guda naji wayam" ta qarasa maganar tana bugun cinyarta.

         Shuru zahra tayi nadan wasu sakanni tana nazari a zuciyarta,sam maganar salma bata samu mazauni a zuciyarta ba,hasashene kawai irin nata da kuma son baiwa kai mafaka,banda haka ita shekararta nawa da nuraddeen bata taba ganin wani abu tattareshi dashi koda sau daya bane makamancin wanda salma ke hasashe?,a kullum soyayyarsu qara gaba take,kishinta yake kiyaye bacin ranta yake,don me zata yarda da zancan salma 'yar tamore

"Nikam bazan iya wannan kwamacalar ba" zahran ta amsa mata bayan takai qarshen nazarinta tana tanqwashe qafafunta waje daya,qaramar dariya salma tayi

"Eh....kekam taki zuciyar na da蓷e da sanin cewa daban take,kinayin soyayya ne dakkan yaqini da amannarki,wanda a yanzun samun hakan yayi qaranci daga wajen mazan har matan" kusan hirar da suka dinga yi kenan a tsakaninsu,wanda har ya kusa kaisu ga musu.

        Saidai basu ja da yawa ba dakin ya soma cika da 'yammata,hakan ya sauya akalar hira suka shiga hirar sabgogin da suka shafesu,kamar qawayensu na unguwar dana islamiyya wadanda aka kawowa kudi da wadanda aka sawa rana,jarrabawar qualifying da suke fuskantarta,candy da zasuyi nan gaba da kuma aurensu da sauran hirarraki da ba'a raba 'yammata dasu.

       Duk da wannan hirar da ake amma hankalinta nakan wayarta lokaci lokaci,tana tsumayin nuraddeen kowanne lokaci,amma saidai har suka tasamma watsewa saboda lokacin 蓷ora girkin dare yayi a kowanne sashe,kasancewar kowaccensu duk da akwai masu aiki 蓷ai 蓷ai a kowanne sashe amma ba'a barsu sun zauna sun ta'allaqa komai a kansu ba,babu nuradden ba duriyarsa,don haka ta jawo wayarta ta miqe da ita tana tunanin zuwa wajen yaa zahra ta tura mata updated watsapp,don nata yayi expair.

      Ci gaba da hayaniyarsu ta hira suke har suka zo zasu gifta ta ma'ajiyar motocin gidan.

        Dukkaninsu sun hangeshi,duk da cewa bayanshi kawai suka hango amma babu wanda bai ganeshi ba cikinsu,saboda haka kowacce taja bakinta ta saisatashi gami da rage sautin muryarta.

      Sanye yake da wata farar riga 茩al me gajeran hannu,wanda hakan ya baiwa mur蓷a蓷蓷en dantsensa damar bayyana,sai dogon wando shima fari gamida wani farin booth dake qafarsa,daga inda kake wucewa kana iya jiyo qamshin lallausan turarensa da iska ke kwasowa tana bazashi ko ina,ba kayan dazun bane a jikinsa,da alamu ma wanka yaje ya sake ya sauyasu saboda miyar data batashi,waya yake amsawa,kallo daya zaka masa kasan cewa yes!,aikin da yake yayi matuqar dacewa dashi,ko shafawa kayi kasan cewa shi din SOJA NE.

       茩asa 茩asa zahra taja tsaki cikin ranta

"Da wannan kayan yafi kamata ma ace jikinsa ya 蓳aci dazu naga ta qaryar gayu da 茩yan茩yami" ta qarashe maganar tana fitar da tsakinta a sarari dai dai sanda ta hangi ya musty na qarasawa inda yake tsayen bayan ya baro wajen me gadi wanda da alama wani saqo ya bashi.

        Suna gab da rabuwa kowa ta shige sashensu ba tare da sun ankara ba sukaji muryar ya musty na nufosu yana fadin

"Yaa haidar na magana fa 'yammata" dukkansu babu wadda cikinta bai mur蓷a mata ba,yusra da tafi kowa tsoro cikinsu cikin rawar murya tace

"Wa yake kira a cikinmu?"

"Dukanku" ya bata amsa yana qunshe dariyarsa,don basu ba,hatta su da suke maza ba kasafai kiran haidar ke musu da蓷i ba.

       Junansu suka kalla,yusra ta sake cewa cikin qas qas da murya don kada ya jisu

"Amma me kuma muka yi masa ya musty don Allah?"

"Idan kunzo kwaji" daga haka shima ya juya abinsa don kada yayi laifi.

        "Kome zai mana ai bazai rabamu da numfashinmu ba ko?,kuzo muje" inji hafsat qanwarsa wadda suke uwa daya uba daya,zahra ko tabe baki tayi,duk da cewa ita dinma a tsorace take,haka suka nufeshi sum sum kamar wa蓷anda suka 蓷auko gawa.

        Gaba daya su bakwai din suka zube gabanshi,yayin dashi kuma ke tsaye abinsa yana latsa waya kamar baisan An haliccesu wajen ba.

        Saida suka tsammaci ya manta dasu a wajen,sannan ya buda baki kamar wani saraki ya jefo musu tambaya yana ci gaba da latsa wayarsa

"Wace inna wuro a cikinku?" Tambayar duk saita zo musu wani banbarakwai,tunda sunsan dai duk wanda ya kwana ya tashi cikin gidan ya san me sunan,hakan yasa suka kasa amsashi suka hau kallon kallo.

23/10/2021, 08:36 - 馃憤馃徎馃憤馃徎: 04

*KIJI TSORON ALLAH鈽濔煆锯槤馃従鈽濔煆�,KADA KI TABA KAYAN DABA NAKI BA,BA KUMA MALLAKINKI BANE*

___________________________

*Assalamu alaikum warahmatullah,  shin kintaba amfani da turaren gashi a matsayinki na mace data amsa sunanta idan amsarki aa toga dama tasamu *awwaba scent* *tazomaku* *da turaren fesawa a gashi natural 100% organic *wanda akahada rose water da essential oils tripped action gashi yy kamshi yay kyali kuma moisturiser at *the same time ba anan abun yatsayaba duk wanda yy order zaahada masa da freshener kala hudu ta daki *ta bandaki ta Mopping da turaren wanka a kan kudi 3,000 kacal indai q cikin watan September dinnna ne daganan kuma zasukoma *normal price dinsu, hakanan turarukqn wuta da humra dinmu anyi masu ragi duk me bukata se nememu a 08034236800 ta what's app kokuma ya ziyarci shafinmu  a instagram* *@turare_by_awwaba mungode*

_______________________________

     Sake maimaita tambayar yayi a karo na biyu dai ba tare daya kallesu ba,sanin hali yasa suka fara yunqurin nunata kawai,saidai basu kai ga aikata hakan ba tsawarsa ta mamayesu wanda ta rudasu,ba shiri kuma suka nuna zahra dake tsakiyarsu.

       A hankali ya dora birkitattun idanunsa dake cike da kwarjini irin na cikakkun maza a kanta na sakan daya kana ya janye yana cewa

"Itace ta dawo yau daga boarding ba?" Haushi tambayar tasa ta bata fiye data dazun,baqo ne shi,ko yau ya soma zuwa gidan nasu,tuni suka amsa masa da eh

"Good" ya fada yana kashe wayarsa ya zurata a aljihun wandonsa na baya,idanunsa dake ladabtar da mutum na bisa kanta.

       "Daga dawowarki yau shine kikeson maida mana qofar gida tasha?" Ya jefa mata tambayar da batasan amsarta ba,hakan yasa tayi shuru tana nazari,tare dason gane me yake nufi da hakan

"Am asking you!" Ya kuma fada cikin tsawar data dan razanata,wannan karon bai jira amsarta ba ya dora da

"Wato kaiko boarding da akayi baisa komai ya canza ba ko?,su samarin da sukazo suna son mana tumasanci qofar gida duka ina kika sansu kina kulle cikin makaranta?,koko malaman naki ne soma biyo sawunki?,duka duka shekarunki nawa?tun baki tafasa ba zaki qone?,to i wil deal with u,bazan dauki wannan iskancin ba tun baki riqa ba,ba zaki fi qarfinmu ba,ki gayawa kowanne shashasha duk randa ya sake zuwa qofar gida ya mana fada saina masa daurin da za'a kasa ganeshi,ba gidan 'yan iska bane nan,hope kin haddace abinda nace?" Tuni hawaye ya soma ambaliya saman fuskarta saboda tsabar bacin rai,hakanne yasa ta kasa amsa mishi,har sai daya maimaita mata cikin tsawa

"Kinji ko bakiji ba?"

"Naji" ta amsa cikin muryar kuka

"Ku bacemin a wajen sakarkaru kawai!" Ya kuma fada cikin tsawar.

        Tuni suka miqe har suna rige rigen barin wajen,sai da suka tabbatar sun bar inda zai iya jinsu suka fara bawa zahra dake kuka haquri,kasa amsa musu da komai tayi,ta kuma kasa zuwa tura watsapp da zuwa sassan umminta don tayata dora girkin da mafi yawancin lokutta nata girkin dana hajja take hadawa,duk da itama hajjan idan tayi sha'awar wani abun tana dafa abinta,sai kawai ta juya ta koma sassan hajjan da sassarfa kuka Na sake qwace mata,maganganunsa na dawo mata.

      Me yake nufi kenan?yana mata kallon 'yar iska ne koko meye?,bin maxa take a makarantar kenan har suke biyota gidan ubanta yake nufi?ko ita ta kirayesu tace suzo,bayan batama san kosu waye sukazo din ba,fatanta daya Allah kada yasanya da nuraddeen dinta akayi hakan.

       Saman kujera ta zube a falon tana qoqarin tsaida qwallarta duk da taqi tsaiwa,daidai lokacin hajja ta fito daga dakinta tana riqe da carbi,da alama zikirinta data saba takeyi.

       "Ke lafiya?,kukan me kike bayan qalau kuka fita?" Hajjan ta jero mata tambayar tana tsaiwa kan zahran tana rungume da hannunta fuskarta cike da damuwa da fargaba.

      Kasa bata amsa tayi saboda yadda zuciyarta ke suya,sai data dauki wasu mintuna kana cikin sheshsheqar kuka ta gaya mata abinda ya faru,sannan ta dora da cewa

"Ki masa magana hajja,ki shiga tsakanina dashi"

"Ya isa,amma karna qara jin kince haka saboda yayanki ya miki fada,kawai maganganun daya fada dinne basu dace ba,tunda an jima ana wannan case din,kuma duk sanda irin haka ta tashi ina masa bayani,dole su dinga haquri wata macen haka Allah ya halicceta da farinjini,kome qoqarinta na ganin ta kaucewa samari bata isa ba musamman idan tana kan ganiyarta,yanzu dai ki tsaida kukan nan haka,zaizo ya sameni har inda nake".

        Da qyar hajja ta sha kanta,duk da tsaida kukan amma saitayi kwanciyarta saman doguwar kujera tana ta hadiyar zuciya gamida tuna maganganun daya gasa mata,ta jima zaune anan har akayi sallar magariba sannan ta shiga dakinta ta daura alwala ga bada farali,bata cire hijabin jikinta ba ta miqe da niyyar taje ta tura watsapp din da bata samu damar turawa dazu ba.

         "Ga abincin dare fa an gama,ki tsaya kici sannan ki fita"

"Yanzu zan dawo hajja,ba dadewa zanyi ba" ta amsa mata tana ficewa,don tana son taga nuraddeen koda online ne,shurun yayi yawa,bataso kuma ta sake kiranshi da kanta.

       Da sallama ta shiga babban falon sassan,kusan duka yaran gidan na zaune a falon,ba kums komai suke ba sai kallon tashar arewa 24,abinda ita sam bai 蓷a蓷ata da qasa ba,sau tari tafi ganewa tayi charting da qawayenta a watsapp,don idan baquwar number ma tayi mata magana sau tari tana blocking dinta ne,don wayar tata a kowanne lokaci umminya na iya karba babu notice ta binciketa,hakanan yayanta ammar,idan ba watsapp ba kuwa sai tahau facebook ta karanta labarai kota kalli vedio,ko instagram ta kalli hotuna da gajerun labarai,duk da ba kasafai ta fiya hawa instagram dinta ba,saboda tattalin data dinta.

        Dan zama cikinsu tayi aka dan taba cafta,don ta tadda ya musty da adam,wadanda dukkaninsu gwanayen raha ne da barkwanci,ba zaka ce ciki daya suka fito da yaa haidar ba,shi kadai kusan ya fita zakka a cikinsu

"Ina yaa zahra ne?" Zahran ta tambaya unaisa dake wani assigment,duk kuma rabin hankalinta nakan tv

"Tana ciki ita da ya hafsa"

"Abba babba fa?"

"Ya fita masallaci bai dawo ba"

"Ok" ta fada tana miqewa,kanta tsaye ta nufi dakinsu hafsat din.

          Su uku ta samu a dakin,yasira 'yar mommy hafsa da kuma zahra din.

        Zahrar na zaune saman dressing chair dake gaban mirrow din dakin,sanye da purple din hijabi mai hannu,ma'abociyar sanya hijabi ce,zaiyi wuya ka sameta babu hijab,duk wanda ya santa a haka ya santa,yasira na qasan dakin zaune tana cin abinci,hafsa na zaune saman katifa,hannun zahran riqe da wasu takaddu,fuskarta cike da fara'a,da alama cikin farinciki take,jifa jifa suna taba hira dasu yasiran zahra tayi sallama.

        Dukkansu suka amsa mata zahra na sauke qafarta data dora daya saman daya tana gyara takardunta dake riqe a hannunta

"Yanzu nakeson gama cin abinci naje na amso tsarabata" yasira ta fada tana dauke hannunta daga kwanon abincin,murmushi zahra tayi wanda ya bayyana jerarrun haqoranta tana jifan yasira da harara

"Wai wuni guda don Allah ina kika je?"

"Au basu gaya miki ba?,wallahi shirye shiryen bikin huda muketa yi,mommy tace naje ayi dani,tunda hudan nata naci da mitar naqi cewa komai" idanu xahra ta fidda

"Wayyo,kada dai kice babu ni za'ayi sabgar?,saura sati nawa?"

"Sati biyar ya rage" saita narke fuska kamar zata sanya kuka,harga Allah taji babu dadi,don taso ace tana nan za'ayi bikin,don suna shiri da huda sosai

"Sati daya da komawata school kenan fa?,kai ya rabb,ka rabani da wannan boarding din" dariya dukka suka saka mata,saboda kullum bata rasa abun qorafi dangane da makarantar,amma sun sani dole tayi haquri ta qarasa,tunda tazo tsakiya.

      Neman wajen zama tayi bayan ta yiwa yasiran fatan alkhairi a bikin ta dubi xahra

"Takwara....zuwa nayi ki turan watsapp,nawa yayi expeir.....amma naga yau fuskarki kamar gonar auduga" caraf hafsa ta karbe

"Yo ba dole ba.....ta samu admission fa a kust wudil" cikin mamaki zahra ke duban hafsa,abu biyu ya bata mamaki,na farko ya haidar data tsayar a matsayin wanda zasuyi aure ita dashi ya sani ya kuma aminta cewa zatayi?,abu na biyu indai kuwa hakanne su me yasa harda shi cikin masu dokar ba zasu 蓷ara daga secondry ba?".

     Kamar hafsa tasan me take tunani cikin salo na mita tace

"Kinga aikin dan adam ko?,mu nan ya tsaya an saka mana dokar aure muna candy amma shi xaibar matarsa ta soma jami'a,saiya wani fake da cewar zuwa sanda zata gama ko tayi nisa a karatun ta qara girma da shekaru.....zuwa sannan shine dai dai aurensu".

          Maida dubanta tayi ga zahra dake murmushi kawai tana dubansu,tana kuma mamakin yadda suke sanyawa yayansu tsanani da yawa haka,duk da ta sani cewa shi dinma ba kanwar lasa bace,baida sauqi ta kowanne bangare,hakanan bau蓷a蓷蓷en mutum ne me wuyar sha'ani,wanda idan baka fuskanceshi ba baka kuma karanci AL茦IBLArsa ba zaka ci wuyar zama dashi,amma kuma yana da dadin xama qwarai idan ka ganeshi ka kuma gane wayeshi,ka tsare doka da qa'odojinsa,ita din shaida ce,don bata tunanin soyayyarsu xatayi tsahon rai haka ba,bata taba tunanin zasu shaqu da zazzarfar soyayya a tsakaninsu haka ba,bata taba masa kallon qwararre kuma gwani a fannin soyayya ba saida suka fara son junansu,bata jin a duniya akwai wani namiji da yakai haidar dinta iya sanin makamai da matakan mallakar zuciyar mace,ya kuma tafi da dukkan tunani da imaninta lokaci qanqani.

        "Allah ya kyauta" zahra ta fada cike da mamaki da ganin cewa ya raina ma zahran wayo kawai,wato kallon yarinya da bata isa ma aure yake mata ba kenan?,abinda a qalla dukkansu ta basu shekara biyu wasu ma uku,tana mamakin wanne irin so take masa haka?,tana kuma jinjina mata yadda ta iya juriya da tafiyar da halayyarsa,sam ita ko zancansa ma batason yi,don haka ta dora mata wayar saman cinyarta kawai tace ta tura mata,ta kuma amshi takardun hannunta tana dubawa gami da kautar da wannan hirar.

          Kusan awarta guda a dakin sannan ta karbi wayar ta musu sallama ta fito,tana fitowa mama na fitowa daga kitchen dauke da fulasan abincin mai gidan,qarasawa tayi wajen mama ta russuna cikin girmamawa tana gaidata

"Lafia lau inna wuro 'yan makaranta,ashe kin dawo?" Kaita gyada 

"Eh na shigo daxun ai mommy tace min baki nan"

"Ban ko jima da shigowa ba,matar auwalu ce a akwance a asibiti ba lpy,kuma kwata kwata ban samu zuwa dubata din ba sai jiya"

"Ayyah anty laraba,Allah ya sawwaqe"

"Amin amin"

"Abba ya shigo kuwa?,ban samu gaisawa dasu ba duka wannan karon ba wanda na samu a gida"

"Eh ai kuwa duk suna tare yau zasuci abincin dare tare,muje saiku gaisa" maman ta fada ta fara yin gaba,zahran ta bita ta amshi kwanukan daga hannunta ta riqe,maman tayi gaba ita kuma ta bita a baya.

      Tun kafin su shiga take jiyo muryoyinsu cikin raha da barkwanci,hira irin ta 'yan uwantaka,'yan uwan da kansu ke hade suke kuma 茩aunar junansu.

       Cikin qanqanin lokaci Idanunta suka tara hawaye,ba abinda ya fado mata sai mahaifinta,da tuni yanzu haka yana cikinsu anayi dashi,duk da cewa suma din sun riqeta tamkar su suka haifeta,kamar yadda itama ta daukesun a haka,amma duk da wannan babu wanda zai cike maka gurbin mahaifa a yayin daka rasa daya daga cikinsu.

       Sallama tayi bayan mama tayi tata,dukka suka amsa,kowa kuma ya soma nuna murnar ganinta,yayin da nauyi da kunyarsu duka ta kamata,ta qarasa tsakiyarsu ta aje kwanukan,sannan ta matsa gefe a nutse tana gaidasu daya bayan daya cikin girmamawa,kowanne na amsawa cikin nuna kulawa,suna kuma mata tambayoyi kan karatu da sauransu.

         Kusan a qalla minti biyar kafin ta tashi tana cewa

"Abba saida safe,saida safenku abba"

"To Allah ya bamu alkhairi" suka fada kusan a tare,ta juya a hankali cikin nutsuwa ta fice.

        Har ta nufi sassan hajja sai kuma taga ya kamata ta sake zuwa taga mahaifiyarta,don haka saita sauya akala xuwa nasu sassan.

        Da sallama ta shiga kamar yadda dabi'arta take tana saka kai cikin falon,sai kuma ta soma rage fara'a da walwalar kan fuskarta ganinsa zaune darashe darashe tsakiyar falon nasu yana cin abinci hankalinsa a kwance shida qaninta rafeeq,ta gefan idanu ta saci kallonsu tana qarasowa cikin falon,ranta cike fal da mamakin shaquwa da sabon dake tsakaninsa da umminta,kusan kaf fadin gidan bata taba taba ganin inda yake zama ya sake haka yaci abinci ba bayaga wajen hajja sai wajen ummi,duk da cewa dama can tun tasowarta ta budi ido da ganinsa a sassan nasu da kuma kalar wannan alaqar tsakaninsa da ummin nata,saidai kuma bayan rasuwar mahaifinsun wata sabuwar kulawa yake sake bawa ummin da duka qannenta.

        "Bakiga mutane bane da zaki shigo ki samu waje kizauna kanki tsaye baki gaidasu ba?" Ummintata ta jefa mata tambayar da tafi kama da akwai wata a qasa kenan,a sanyaye tace

"Aina gaisheshi tun dazun?"

"Ok,shi yasa yanzu ba zaki qara ba kenan?" Kaita girgiza kawai dolenta a sanyaye tace

"Ina wuni?"sai daya sha qamshi sannan yace

"Riqe abarki kawai,tunda sai kinyi jayayya da na gaba dake sannan zakiyi abinda aka saki" wani 蓳acin rai ne taji ya riqe mata wuya,cikin ranta tace

"Wato ko dakin mamarka munafiki ya rigaka shiga sai kaga sauyin fuska,yanzu gashi babu gaira ba dalili daga zuwa ganin mamarta zai hadasu,bayan shi babu wanda ya hadashi da tashi mamar.

         Miqewa tayi kawai tace

"Zuwa nayi yi miki saida safe"

"Allah ya bamu alkhairi" ta amsa mata ciki ciki,jikinta ya bata akwai abinda ke faruwa,akwai abinda ta yiwa ummin,saidai kanta ya kasa kawo komai,tubda ita dai tasan awanni kadan duka duka da dawowarta gia,don haka sawunta a likkafa ta fita a sashen.

       A falo ta sami hajja ita da mariya da halima yaran wajen umma matar abba abu suna kallo,dubanta hajja tayi

"Kin dawo kenan?"

"Eh wlh....yunwa bari na samo abinci" tayi gaba da sauri zuwa cikin kitchen

"Ahto tun dazu nace ki tsaya kici ai" hajja ta fada tana gyara kashingidarta,ita dai zahra tuni tayi kitchen,ta samu faranti ta zuba abincin,sannan ta dawo falon ta zauna sosai saman carfet.

        Kafin tayi lomar farko ta soma da bude data dinta sannan ta aje wayar gefanta ta soma cin abincin tana kallon wayar tare da jiran saqonnin su gama shigowa,duk da wasu sun yayyanke,wasu kuma waiting suke nuna mata,don haka basu jima ba suka gama shigowa tsaf,sai tasa hannun hagunta ta dauki wayar,daya hannun kuma tana diban abinci dashi.

        Duk yawan sa茩onnin dake kan wayar bata bi ta kansu ba,sunan data sanyawa nuraddeen taje ta lalubo ta shiga inbox din tana qoqarin duba last seen dinshi ko kuma yana online.

       Ga mamakinta saita ganshi online,dole tayi mamaki,don bata taba ganinsa online ba ba tare da ta tarda saqonshi ba koda kuwa na sallama ne.

        Ba jinkiri ta rubuta slm ta tura mishi,yayi mata tick guda biyu alamun yaje,saita tsaya ta zubawa sallamar data tura din idanu kamar ba ita ta rubuta ba,tana jiran taga ta sauya launi zuwa blue,saidai kafin hakan ta faru ta lura daya sauka.

       Goshinta ta dafe,sam sai takeji banbarakwai,wannan karon kamar nuradden din ya canza,tunda sam basu saba haka ba dashi,zama tayi sosai ta tura masa saqon cewa tayi fushi dashi,daga haka ta kashe data gaba daya ta maida hankalinta ga abincin,tana son ta gama ta wuce daki kawai ta kwanta gaba daya.

       Da wayar da kwanon ta miqe gaba daya a hannunta,hajja ta dubeta

"Yau babu hirar dare kenan?" Fuskarta tadan yamutsa

"Wai so nake nadan huta,tun dazu nasoyin bacci ban samu dama ba" kai hajjan ta gyada

"Ya kamata.....yau banji duriyar nuraddeen ba?" Sai data dubi wayar hannunta sannan ta maida dubanta kan hajjan

"Nima yau na rasa me ya riqeshi haka,kwata kwata bamuyi waya ba"

"Ai yau da gobe sai Allah" bata ce komai ba ta juya ta wuce kitchen ta aje farantin sannan ta wuce dakinta,tasan me yiwuwa su salma nacan na jiranta zaman hirar dare yadda suka saba,idan kuwa basu jita ba zasu biyota ne sassan hajja ayi a nan yadda sukanyi mafi yawancin lokutta,ita kuwa yau sam bata jin wani karsashi.

        Kaman jira yake ta gama gyara kwanciyarta saiga kiranshi ya shigo,murmushi ta sake cikin zumudi ta daga kiran

"Kimin afuwa ranki ya dade tuba nake" cikin shagwabar nan tata tace

"Aini tuni nayi fushi ma"

"Kimin rai,karkisa cikin daren nan na kamo hanya"

"Na yi maka" ta fada murmushi na qwace mata,yayin dashi kuma ya saki ajiyar zuciya yana cewa

"Kinsan duk duniya ke daya ce fushinta ke daga min hankali,gwara ran kowa ya baci,hankalin kowa ya tashi indai naki yana a kwance"

        Farr tayi da idanunta cikin jin dadin yadda take da girma da matsayi cikin zuciyarsa,kullum kwanan duniya sake nuna mata matsayinta yake a wajensa,hakan yana mata dadi qwarai,tana jinta cewa itama takai mace,ba kamar yadda ko yaushe ya haidar ke nuna musu suna mata bane.

       "Baby ina zuwa,minti biyu,mama tayi kirana zan kiraki"

"Kace ina gaisheta" ta fadi,bata ji amsarsa ba amma taji qit wayar ta katse,saita sauke wayar daga kunnenta tana murmushi,soyayyarsu da nuraddeen koda yaushe ta dabance a zuciyarta,gyara kwanciyarta tayi ta bude inbox nashi tana bitar saqonninshi da ita,fuskarta wadace da murmushi,ta jima a haka sannan taji hayaniyar 'yammatan gidan,tasan zuwan zasuyi su dasa hira,wala'alla ma idan nuraddeen ya kirata su hanata dagawa,don haka ta cusa wayar qasan filo ta runtse idonta ta gyara kwanciyarta kamar me bacci,tana jinsu suka shigo suka qaraci nacin tashinta suka haqura suka shiga hirarsu.

       Tun tana jinsu sama sama har har bacci ya kwasheta.

         Bata tashi farkawa ba sai da aka kirayi sallar asuba.

        Misalin sha daya da rabi na safe ta gama dukkan abinda zatayi,tana gaban madubi tana qarasa kwalliyar fuskarta,bayan ta shirya kanta cikin wasu riga da skert na atamfa da suka yi mata cif a jikinta,abu na qarshe datayi gaban mudubin shine feshe jikinta da turare,ta kalli kanta ta tabbatar komai yayi,saita sakarwa kanta murmushi,saboda ita kanta tasan tayi kyau.

        Hankalinta ta maida kan wayarta dake gefanta,tun daxun take trying number nuraddeen,tana son gaya mishi xata fita,don kada yace zayazo kuma bata nan,gwadawa ta sakeyi tana fatan ta sameshi,tun jiya da yace zaya kira bai biyo din ba,amma ta masa uzuri,mai yiwuwa basu gama magana da maman nashi da wuri bane.

       Cikin sa'a wannan karon ta sameshi,sai daf da zata tsinke aka daga,muryarshi can qasa kamar mai bacci suka soma gaisawa

"Zan je gidan abban gwammaja ne nace bari na gaya maka kada kazo gida baka sameni ba"

"Ok,babu matsala,na tarad dake acan kawai"taji dadin hakan don tana da muradin ganinsa,amma saita boye murnar tata da cewa

"Ok fine,yayi" daga haka sukayi sallama ta aje wayar tana sakin murmushi tare da sake duban kanta sosai,nufar ma'ajiyar sarqoqinta tayita cire dan kunnen kunnenta ta saka sarqar da dan kunne harda abun hannu,wanda ada batayi niyyar sanyawa ba,data sake duban kanta sai taga kwalliyar ta sake qawatuwa fiye da daxun.

        "Kince karna bata mana lokaci,kuma naga kamar kedin xaki bata mana" ta jiyo mitar salma daga can falon hajja

"Ina zuwa" ta fada da sauri tana daukar mayafinta dake saman katifa ta yafashi saman kafadunta,ta maqala hand bag dinta a hannu ta zura takalmi ta fito.

         "Wannan mayafin fa salma?" Zahra ta fada tana duban salma

"Hmmmm...kin manta yaa zaki yana nan,baki nan ranar daya kora mana warning kan saka irin wadan nan mayafan,wai bama ganin zahransa,ita bata ishemu darasi ba" baki zahra ta tabe,zata ce wani abu hajja ta fito

"Ma sha Allah..." Ta fada tana duban kyawawan jikokin nata

"Amma innawuro ki koma ki canza mayafi" baki ta tabe kamar xata saki kuka tace

"Ni bani da wani babba irinsa da zai shiga da kaya na,don Allah hajja ki barni"

"Ni ina dashi,kije kibude adaka ta ki dauka nawa" dariya sosai zahra ta qyalqyale da ita,salma na dan tayata,sai data tsagaita sannan tace

"Haba hajja,haba don Allah,mayafinki fa?ai sai a nannademu duka nida salma a ciki,ki qyaleni don Allah,wannan ma meye aibunsa tunda ya rufemin duka baya na,kuma ba mai shara shara bane"

"To Allah ya baki sa'a,idan kuka hadu dashi ai kya dawo ki dauka ko ba don Allah ba" daga haka tayi gaba ta barsu

"Muje don Allah salma,su na fuskanci kowa ma bin dokarsa da tsoron fushinsa yake,kamar shine uban gidan gaba daya" ta qarashe xancan tana barin falon,salma tabi bayanta tana dariyar zancan hajja na zahra ta yafa aron mayafinta.

        Sassan umminta ta nufa don gaya mata zata wuce,sai data tsaya daga baya ta bawa salma riqon mayafinta sannan ta shiga ta mata sallama ta fito suka wuce,salma nata tsokanarta Allah yasa su hadu da ya haidar,ita kuma tana ramawa

"拼ar baqinciki,bakinki ya sari 蓷anyen kashi" suna hira kadan kadan har suka isa bakin titi suka tsaya don samun abun hawa.

       Tun daga nesa salma ta hangi motarshi,damqe hannun zahra tayi

"Xahra,ya haidar" ta furta idanunta na kan motar dake qara kusanto inda suke tsaye,duban wajen tayi,tabbas motarshi ce,to amma su ina ruwansu dashi,don haka ta zame hannunta daga na salma

"Ina ruwanmu dashi?,share kawai,karma ki nuna kin ganshi" daga haka taci mur ta maida fuskarta wani sashe,saidai kuma zuciyarta na dan bugawa saboda tsoro.

23/10/2021, 08:37 - 馃憤馃徎馃憤馃徎: 05

Masoya ga abdulrahamaan鉂わ笍

K鈥檃ramin yaro masoyi kuma mahaddaccin alqur鈥檃ni mai girma

Yana matuk鈥檃r son karatun alqur鈥檃ni duk kankancin shekarun sa, Ya haddace surorin alqur鈥檃ni da dama hizb biyu na ammah.

Dan Allah a shiga a danna masa subscribe, Aunties, uncles 馃グ馃グ A saurara a kalla a kuma sanyawa channel dinsa albarka 鉂わ笍鉂わ笍

Yaro k鈥檃rami yataso da zuciar son karatun Al鈥橯ur鈥檃ni mai girma. Kullum burin sa bai wuce a kyalla shi a camera yana rangada karatu cikin kira鈥檃rsa mai dadi, 馃憦馃徎馃憦馃徎

Toh yan uwa dan Allah a hanzarta a danna kararrawar subscribe ta tashar YouTube na ABDUL-RAHMAAN... 鉂わ笍鉂わ笍Domin samun sabon karatun da yai a duk sanda Aka dora 馃挐馃挐

Mungode kwarai da zab鈥檌n zafafa biyar..馃憦馃徎馃憦馃徎

https://youtu.be/NgqdCTVKOF8

Channel name Abdul-rahmaan.

He's a very young boy who's passionate about becoming one among the huffaz, he loves reciting the Holy Qur'an even at his younger age. He has memorized so many surahs within juz ammah.

please help him grow his channel fisabilillah and also pray for him to be come a Hafiz in future in sha Allah. Jazakumullah khair..

*KIJI TSORON ALLAH鈽濔煆锯槤馃従鈽濔煆綤ARKI TABA KAYAN DABA NAKI BA,BA KUMA MALLAKINKI BANE*

5

       Cikin nutsatsen tuqi motar tazo ta giftasu,wata ajiyar zuciya zahra ta saki,can qasa muryarta tace

"Thank god....Allah ya tsaremu daga masifar wannan masifaffen" tayi maganar a afili sanda tasa hannu tana tsayar musu da dan adaidaita sahu,ba tare da tsayawa dogon ciniki ba ta shiga salma ta bita a baya tana cewa

"Addu'arki taci bai ganmu ba,Allah ya tsallakar dake".

        Tafiyar minti talatin da mintina suka isa gwammaja gidan abban gwammaja,matarshi daya da yara tara,gidane na masu rufin asiri qwarai,matarshi hajiya halimatu macace mai mutunci da zumunci gami da son dangin mijinta,hasina itace kusan sa'ar zahra,tsiransu watanni biyu kacal zahra ta bawa hasina,daga khadija mahaifiyar zahra saishi iyayensu suka haifa,su biyu kacal a duniya,hakan ya sanya abban gwammaja yake kulawa da ita sosai,ya zame mata tamkar uba,kamar yadda itama take girmamashi sosai,duk wani hukunci daya yanke ko ya zartar a kanta ko yaranta dai dai ne,shi take dauka a matsayin uba,kamar yadda yaranta suma suke daukarshi haka,shi ya dauki nauyin karatun zahra da yayanta tun mahaifinsu ma yana raye,yanzu haka yayan zahran dake a ji daya a jami'ar ibadan shike masa komai da ya kamata uba mahaifi ya yiwa yaransa.

      Da sakin fuska kamar kullum umma ta tarbesu,saida suka gama gaisawa sannan suka wuce dakin hasina suka kafa tasu hirar,wanda kusan rabi tambaya hasina take mata kan makaranta bayan ta dawo gida jiyya

"Wallahi ji nayi nima kamar nayi cutar qarya a maidoni gida,amma nasan halin ummi da abba,tsaf xasu gane,kuma raina saiya baci fiye da kima,shi yasa kawai na haqura,don Allah sis ki warke mu koma tare" dariya hasina ta danyi

"Sanin hali....shi yasa nima duk tunanina yana kanki,ai naji sauqi sosai,in sha Allahu tare xamu koma" daga haka suka shiga hirarrakin da suka shafesu,sai da akayi sallar la'asar sannan nuraddeen ya kirata yace yana hanya,tuni ta isa bakin mudubi ta soma gyara fuskarta,su hasina nata tsokanarta,ita dai bata kulasu ba taci gaba da abinda takeyi.

      Yaro ne yayi sallama yace ana kiran yammatan da suka shigo dazu,murmushi tayi tace

"Kai nuradden" ta tsammaci shi ya aiko,don haka ta yafa mayafinta tace dasu

"Ina zuwa minti biyu" harararta salma tayi 

"Kedai kawai sai mun ganki".

        A hankali ta tsaya qofar gidan tana waige waigen neman nuraddeen,sallama taji anyi daga bayanta,cikin mamaki ta juya tana duban mai sallamar,don bata son muryar ba bare fuskarshi

"Ni na aika a kirawoku,kuma sai naci sa'a ke din ce ta fito,naga shigarku gidan tun dazu,saina kasa sukuni sai nayi magana dake" dubansa kawai take ba tare data iya cewa komai ba don ta rasa abun cewar,tasan cewa nuraddeen na dab da isowa,kuma tafi kowa sanin halayyarsa na tsananin kishinta,don koda waya ya kira yaji busy ya dinga mita da qorafi kenan yana tambayarta dawa take waya.

       Tunaninta ne ya yanke lokacin da taga nuraddeen tsaye daura dasu,a hankali ya tako ya raba tsakiyarsu yana fuskantar saurayin

"Malam me kakeyi a nan?" Yadda ya tsare gida yasa ya tsammaci wani makusancinta ne ko kuma yayanta,don haka yace

"Magana nakeso muyi da ita ne"

"Bace daga wajan nan tun kafin ranka ya baci,don tuni an mata miji,saura kwanaki kadan aurenta"

"Ayyah,ai ban sani ba kayi haquri don Allah,fatan alkhairi" ya fada yana juyawa yabar wajen.

       Sai da yayi nisa da wajen sannan ya waiwayo inda take tsaye,fuskarshi da alamun fushi yake dubanta

"Waye wannan zahra?,dama zaki iya tsayawa da wani ki saurareshi bayan ni?" Ya fada yana nuna kanshi da yatsa,kai take kadawa cikin damuwa

"An aika ne ance naxo,na tsammaci kaine,koda na fito ma babu wata magana data hadani dashi,kayi haquri"

"Zahra...kinsan yadda nake sonki?,kinsan yadda nake kishinki kuwa?,da kin sani da ko na second daya ba zaki tsaya da kowa ba"

"Kayi haquri nace,nima ban zaci wani bane daban" sosai nuraddeen ya dinga fushi,da qyar ta lallabashi ya sauko.

        Kusan hirar tasu ma batayi tsaho ba yayi mata sallama ya wuce,ta tsammaci zai dade dayawa tunda shine haduwarsu ta farko bayan dawowarta daga makaranta,haka ta shiga gidan tana tunani hannunta dauke da siyayyar daya saba kawo mata lokaci lokaci idan zaizo,basu sake wani jimawa ba suka wuce gida suma,saboda sanin dokar gidansu na hanasu yin dare a waje.

        Sanye yake da wadansu irin t.shirt da trouser masu azabar kyau,wadanda suka dace da jikinsa,suka kuma bayyanar da kwarjininsa haiba gami da kyawun surarsa da na jikinsa,kyakkyawar fuskarsa sanye da wani glass mai duhu daya sake qawata adonshi ya kuma qara masa kwarjini wanda yakanyi amfani dashi lokaci zuwa lokaci idan yaso hakan,ko kuma miskilancinsa ya motsa,qafafunsa cikin wani hadadden takalmi both,motarshi na fake daga gabanshi kadan,da alama fita zaiyi,wayarsa daya na a kunnensa,daya kuma yana danne danne da ita,ma'abocin amsa waya ne,da wahala ka sameshi ba kan waya,wanda kusan fiye da rabinta yana yine kan abinda ya shafi aikinsa.

        Dab dashi mai adaidaita ya saukesu,saida gabansu dukka ya fadi,musamman zahra data soma gyara yafen mayafinta sanda suka hada idanu dashi,yayin daya kau da kai kamar bai lura dasu ba yana ci gaba da amsa wayarsa.

      A gaggauce ta amshi canjinta sannan ta biyo bayan salma zuwa hanyar gate din gidan

"Barka da yamma" salma gadan russuna kanta tana gaidashi,sai itama ta motsa bakinta kamar ta gaidashin tana mintsinin salma,so tayi kawai ta basar su wuceshi tunda waya yake amsawa,gaidashin tana ganin kamar callig attention dinsa ne a kansu.

       Hannu kawai ya daga musu ba tare daya dubesu ba,tuni zahra ta zagaye ta wuce salma,tayi gaba zuwa cikin gidan tana murnar da baice komai ba.

         Saidai kafin takai ga shigewa ta jiyo sautin dakakkiyar muyarsa mai cike da kwarjini irin ta soja yace

"Ke!,zonan" kasa waiwaya tayi sai salma ce ta nuna kanta

"Ni?" Banza ya mata yana latsa wayarsa,hakan yasa ta waiwaya tana yiwa zahra inkiya akan taje da ita ake.

       Tilas tunda su biyu ne a wajen ya sanyata nufar inda yake tsaye,daga can gefansa ta tsaya,tana motsa bakinta,cikin ranta tana fadin

"Allah ka rabamu da masifa da jaraba,Allah ka kadashi wannan mutumin ya koma inda ya fito,yaje can ga qaraci baqin ranshi"tambayar daya jeho mata kan mayafin jikinta ya katse dukka tunaninta,ta soma bin jikinta da kallo,kafin ta gama nazarin abinda yace ya sake fadin

"Idan basu gaya miki ba nida kaina zan gaya miki,daga yau....kinji me nace?" Kai ta gyada kawai sannan ya sake cewa

"Daga yau sai yau,kada na sake ganinki da mayafi irin wannan na jikinki,bazan tsawaita bayani ba,amma idan kunne yaji jiki ya tsira" daga haka ya soma takawa yana yin gaba,hannunsa daya soke a aljihun wandonsa.

       Miqews tayi da sauri gana gunaguni qasa qasa ta yadda bazai jiyota ba,tana shiga taga salma tsaye jikin gate,da sauri ta iskota tana cewa

"Bai dai miki komai ba ko?"

"Nifa gsky na soma qosawa da halinsa,fisabilillahi yayita bamu doka da order kamar ance masa a brrack ake ko a filin daga,shikenan a gidan nan baka da damar sakewa kamar a sansanin bada horon sojoji" dariya salma ta saki harda riqe ciki

"Kece son rayuwar 'yancin naki ne yayi yawa,hala shi yasa duk yawan qorafinki yafi namu"

"To a prison muke da zamu dinga rayuwa haka,Allah na kusa fara murje idona ina masa musu" dariyar salma fin ta dazu tayi

"Kema kinsan mafarki kike,amma....dama zaki gwada wallahi" ita kanta saita murmushi ya subuce saman fuskarta duk da yanayin bacin ran da take,hakanan bata shiryawa hakan ba

"To muguwa,ya azabtani kina gefe ko haquri babu lallai ki bayar".

     Zahra suka hango na tahowa cikin shigarta tako yaushe hijabi mai hannu,a hankali take tafiya,tadan janyo hijabin kadan yadan rufe mata rabin fuska

"Lover yaaya ina zuwa haka?" Salma ta fada cikin salon tsokana,murmushi mai sanyi tadan saki,hakanan muryarta da sanyi tace

"Asibiti xanje"

"Waye ba lafiya?" Inji xahra tana dubanta,sai data dan dafe kanta kadan sannan tace

"Nice wallahi,ciwon kaine ke damuna tun jiya"

"Ke kadai xaki,ko nazo na rakaki?"

"Yauwa,da kin taimakeni kuwa,tare da yaa haidar zamu,ni kuma kunyar fita mu biyu nakeji,banda ya matsanta ma dasai gobe kawai nahau adaidaita ta kaini ta dawo dani" baki salma ta wangale

"Kaga shugabannin masoya,saikun dawo Allah ya kiyaye hanya,amma wannan rakiyar tafi qarfin salamatu" waiwayawa tayi ga zahra

"To takwara ke taimaka don Allah" fuska ta yatsina ta nuna kanta

"Ni?,Allah suturu bu茩ui inji kishiyar me doro,idan kin ganni a lahira kaini akayi,yanzu ya gama cimin mutunci,a dawo lafiya" murmushi zahra tayi tana kama baki

"Na gode dacin fuskar da kukemin Allah,babu komai watarana saina rama dukka akan mazajenku,har yanzu kun kasa fahimtar yayanku,amma ina da yaqinin wataran idan kukayi aure zaku fahimceshi kamar yadda su anty asiya suke ganeshi kadan kadan yanzun,kuma gaba zaku gane cewa he is the best and d most kindly gentle man in d world" dariya sosai suka sanya,zahra tace

"Kekam ai dole ki yabeshi,ai masoyi baida laifi sam a rayuwar masoyinsa,ta nan kam banga laifinki ba" daga haka tayi gaba abinta.

        Dab da zasu shige sassan hajja sukaci karo da hafsat

"Kun dawo kenan?"

"Mundan tsaya ma da yaa zahra,tana ta koda masoyinta,wai asibiti yaa haidar zai kaita take neman dan rakiya....wa zaije?" Salma ta fada tana kama haba

"Ah haba don Allah,ai ko bari naje na mata kara" daga haka tayi gaba da sauri,zahra ta bita da kallo tana son hanata amma tuni tayi gaba,dole ta barta ta wuce sassan hajja,salma ta wuce nasu sassan,tana son ta fara watsa ruwa sannan takaiwa mamanta saqon da abban gwammajan ya bata ta kawo mata.

        Tana tsaye tana gayawa hajja ta dawo saiga hafsat ta shigo,kallo daya tayi mata ta sheqe da dariya

"Allah ya qara,hala an tallo qeyarki ne?" Cikin fuskar takaici ta bata amsa tana miqewa saman doguwar kujerar hajjan

"Inda qeyata ma ya tallo kawai da da sauqi,yarfani yayi kawai gaban abu sufyan(abokinsa)" dariya sosao zahra tasha harda buga qafa,ta samu abun tsokana,bata qyaleta ba har sai data yunqura takai mata dundu sannan ta wuce dakinta da gudu hajja na musu addu'ar shiriya.

        Cikin kwanakin hutunta tayi hutunta kamar yadda ta saba cikin ahalinta,saidai abu daya daya mata tarnaqi a wannan hutun,ya kuma zame mata baqon lamari wanda bata saba dashi ba shine,rashin samun cikakken lokaci daga wajen nuraddeen,duk wasu qa'idoji na yaa haidar da matsinsa sam bai dameta kamar yadda take samun rashin cikakken lokaci tare da nuraddeen din ba,koda yause cikin bashi uzuri take a karan kanta,bata son ko daya zuciyarta ta tuhumeshi,tunda ada ba haka yakeyi ba.

露露露露露露   露露露露露   露露露露露露   露露露露露

      Kwanaki uku duka duka suka rage hutunsu ya qare su koma makaranta,anata mata shirye shiryen komawa makaranta kamar kowanne lokaci,hakanan itama ta hada kusan duk abinda tasan zata tafi dashi,saidai duk wani abu da takeyi jikinta a sanyaye yake,saboda tabarbarewar tarayyarta da nuraddeen,wanda har yanzu batasan dalili ba,batasan meya kawo hakan ba,bata minti goma cikakke bada wannan tunanin a ranta ba,hakan ya janyo raguwar walwala da karsashinta.

        Da yammacin ranar suna sassan abba babba,dan malele suka hada nadiya na kitchen din tana musu,mama nata mitar suyi su gama za'a dora abincin dare,saura na zaune a falon suna hira,hafsat na yiwa zahra kitson komawa makaranta.

       Duk wannan hirar da ake zahra na jinsu,rabin tunaninta yana kan nuraddeen,wanda a baya duk lokaci irin wannan da take gab da komawa makaranta basa rabo da yin waya,hakanan bai gajiya da aiko mata da siyayya na abubuwan qwalama don tsarabar komawar,duka ba wannan ne ya dameta ba kamar rashin jinsa da kuma rashin samun kulawarsa a gareta kamar baya,duk sanda ta masa qorafi yakan bata lokaci yana rarrashinta kan cewa busy ne yayi masa yawa,ta masa uzuri,yana son ya kammala ne,komai zai daidaita in sha Allah.

       Yadda yake lallamar nata ya dan sanya take samun relief kadan.

        Suna tsaka da kitson wayar tata dake tsakiyar cinyarta ta dauki ringing,tuni ta gane waye,saboda kida na musamman ta saka masa.

       Dan qwace kanta tayi daga hannun hafsat cikin hanzari tana cewa

"Ina zuwa" ta miqe da sauri ta nufi dakinsu hafsat.

       A gyare kuma atsaftace dakin yake kamar yadda kusan dukkansu haka aka horar dasu sanin muhimmancin tsafta,duk da girman gidan da girman kowanne sashe amma zaiyi wuya ka shiga ka tadda qazanta.

        Salma ce kawai a dakin,da alama itama waya take,saita samu gefan katifar ta zauna tana amsa wayar.

        Taji dadin kiran don bata tsammaceshi a lokacin,kusan minti talatin suka dauka suna waya kafin suyi sallama ta koma wajensu hafsat,ta tadda an gama dan malelen,ita kadai ake jira,hannunta kawai ta dauraye ta zauna suka soma ci suna hira.

         Sun kusa rabi mai da yaji ya qare,don haka zahran ta miqe da plate din a hannunta tana cewa

"Bari na qaro mana" mommy dake zaune a falon tace

"Eheenn,wannan dan malelen kawai kun tarkeshi ne don ku cinyema mutane yaji,idan ance ku daka kuma ku dinga gudawa da 蓷ai da 蓷ai"

"Zamu daka mommy bari mu qoshi dai" suka fada

"Dan malelen ne baya tafiya sosai idan babu yaji" cewar xahra data doshi kitchen da babban tray din a hannunta.

         Tana sanya qafarta cikin kitchen din babu zato ba tsammani taci karo dashi sanda yake qoqarin fita ita kuma tana yunqurin shiga.

       Gaba daya farantin hannun nata ne ya kife tun daga gaban rigarshi zuwa saman qafafunsa,duka dan malelen ya masa ado gaban riga da takalminsa.

      Dukkansu suka ja baya shida ita,kallon jikin nasa ya soma yi daga sama har qasa,zallar bacin rai yana bayyana saman fuska da idanunsa,yayin da itama tsoro ya darsu a ranta saboda ba qaramin aika aika tayi masa ba,farar shirt da ash din trouser din jikinsa gaba daya manja ya sauya musu kama......

23/10/2021, 08:37 - 馃憤馃徎馃憤馃徎: *KIJI TSORON ALLAH鈽濔煆锯槤馃従鈽濔煆綤ARKI TABA KAYAN DABA NAKI BA,BA KUMA MALLAKINKI BA*

6

       Kallon da ya watsa mata ya sanyata ja baya da sauri,take jikinta ya dauki rawa,saboda ita kanta tasan ba qaramar barna tayi masa ba.

        "Ar u mad!....baki da hankali ne?,wacce iriyar mahaukaciyar y......" Sautin muryarsa dake fita cikin kaushi da fushi ta katse sanda muryar mama ta ratsa tsakani tana fadin

"A'ah haidar....." Waiwayawa yayi yana qoqarin hadiye fushinsa ya dubi maman,adams apple dinsa nayin sama da qasa alamun ranshi ya baci

"Hala karo kuka ci....ke inna wuro ungu,bashi wannan ya rage na rigarsa" ta fada tana miqa mata wani towel

"Ina zuwa" yadan fada a zafafe bayan ya dubi maman ya taka ya nufi qofa ya fice.

       Ta falon ya ratsa don isa sashensa,cikin rashin sani saboda yadda ranshi ke a bace ba zato ba tsammani yayi fatali da sauran wanda suka bari cikin faranti,hafsat ce ta ajeshi daga gefanta,nufinsu idan sun cinye wancan saisu qara,take ya fantsama har saman takalmin nasa dai.

       Dif falon yayi kowa tamkar anyi ruwan sama an dauke,sam basusan yana gidan ba da basu tarki yin dan malele ba,dukkansu sunsan halinsa,ya tsaneshi wai kayan qazanta ne,tsantsaminsa yake kuma ba tun yau ba haka yake.

      Mari kawai ya kaiwa hafsat da farantin dake gefanta,wani huci yabi ta gefan fuskarta,duk da cewa ta samu ta kauce amma sai daya dan sameta

"Uban waye yayi wannan abun!" Ya tambaya cikin bacin rai yana nuna farantin da yayi nasa waje,kasa amsa masa sukayi saboda basu da amsar bashin

"Ok....baku da bakin magana ko?,i wil deal with u!" Ya fada yana gyara tsaiwarshi,kowacce saida cikinta ya duri ruwa,har inna wuro dake kitchen,gashi mama ta fita ta qofar baya bare taji abinda ke faruwa tayi masa magana.

       Sallamar xahra ce ta ratsa falon cikin sanyin nan nata,sanye da hijabinta har qasa mai hannu da madauri,hannunta riqe da jaka,fuskarta wadace da murmushi da kuma alamun jin kunya take duban haidar dake tsaye,sam bata ankara da abinda ke wakana ba saidata taka dan malelen daya fantsama saman door mat,ta kuma tsinci muryar haidar din yana basu umarnin dukkansu su wuce zuwa farfajiyar gidan.

       Ko ba'a gaya mata ba ta fuskanci akwai matsala,tasan kuma halin kayanta,don haka ta qaraso gabanshi tana qunshe dariyarta bayan ta gama satar kallonsu suna roqonta da idanunsu da suka raina fata kan ta nema musu afuwa.

        Qasa qasa tayi masa magana ba tare da sunji me tace ba,idanu yadan xuba mata shima na 'yan sakanni,kallon dake narkar mata da zuciya ya kuma sake sanya mata tsananin qaunarsa a zuciyarta,wani sanyi ya mamaye ilahirin jikinta,saita dan lumshe ido kadan tana kauda kanta cikin murmushi,takawa yayi a hankali ya nufi qofa ya fice daga falon.

      Wani irin ihu suka saki gaba dayansu,ta musu nuni da yatsa zuwa qofa da sauri,sai kowacce ta saka tafin hannunta tana toshe bakinta gami da raba idanu,suna tsoron kada ya jisu kashinsu ya sake bushewa karo na biyu,ihun ne ya jawo hankalin innawuro ta dauko farantin da sauri ta fito

"Wallahi anyi babu ke sister!" Salma ta fada da sauri tana dariya sanda innawuro ta fito,idanunta dukka a waje tace

"Aina godewa Allah da akayi babu ni din,ina kitchen ina muku jaje da addu'ar Allah ya rangwanta muku izayar da zaku sha yau"

"Dalla banza,ba wannan ba,ke kinga wani scene da akayi yanzu tsakanin ya zaki da yaa zahra?,gaskene da ake cewa soyayya ke sawa me qarfi ya sunkuya saman gwiwoyinsa" bata tsaya ba sai data kwashe mata yadda akayi,zahra nakai mata duka tana

"Banason sharri fa,banson haka"

"Allah ya zahra ki bamu sirrin,dama akwai sanda ya zaki zai russuna haka?"murmushi kawai ta koma binsu dashi da taga abun nasu bana qare bane.

        Saida suka gama zolayarsu son ransu sannan ta gaya musu abinda ya shigo da ita

"Gida zan wuce,mama naketa nema in yiwa sallama,ta dauka na daga tafiyar,to kuma dazun abba ya dawo,yace yana son ganina,duk da umma ma tace sunyi waya ta gaya mata"

"Kai yaa zahra har tafiya?"cewar inna wuro data aje farantin tsakiyarsu

"Haba ina laifi,ku kun tabamin kara nema kunxo kamar haka?" Murmushi inna wuro tayi

"Nidai ayimin uzuri ba maxauniya bace"

"Eh amma ai kuna samun hutu ko?"

"Zanzo ki kwantar da hankalinki" ta tari numfashin zahran tana dariya

"Allah yasa da gaske ne" ta fadi itama tana miqewa

"Bari na shiga na fito" zahran ta fada tana yin gaba,yayin da su kuma sukaci gaba da shan dan malelensu suna tattauna abinda ya farun yanzun,da sa'ar da sukaci yau basu sha purnishment wajensa ba,Allah ya cecesu.

      Dab da magariba suka gama kitson,kowacce ta soma miqewa,wasu nayin sassansu,wasu kuma na haramar daura alwalar sallar magariba,ita da take fashin salla saita wuce dakinsu hafsat,tayi kwanciyarta saman carfet bayan ta dauko wayarta da tayi full charge ta kunna data,suna da matsalar network na mtn wani lokaci,amma a lokaci irin wannan akan dan samu qarfin network,bayan ta kunna saita aje wayar gefanta ta miqa hannu tana sake dauko filo ta qara saman kanta yadda zataji dadin kwanciya sosai.

      Kamar kowanne lokaci inbox na nuraddeen ta fara dubawa,last seen dinshi 5minutes ago,amma ga mamakinta bata tarda saqonsa koda na sallama ba,abun ya fara daure mata kai game da lamarin halin ko.in kula dinsa,gashi ba wani isashen lokaci ne da ita ba bare ta bibiyi komai taji inda matsalar take,nan da jibi zuwa gata zata koma inda ta fito.

       Gaba daya sai taji bata sha'awar hira da kowa,madadin ta kashe data din ta sauka saita shiga wajen status ta fara bin status din mutane tana kalla,wani ya bata dariya ta murmusa,wani ya bata haushi,wani kuma tayi tsokaci akai ta turawa wanda ya dora status din.

         Katsam!sunan nuraddeen ya bayyana bayan ta gama kallon status din wata qawarta ga islamiyyarsu da take zuwa duk sanda akayi hutun makaranta zuwa sanda zasu koma.

        Wani irin zabura tayi ta miqe ta zauna daram tana raba idanu,zuciyarta na wani irin bugu,tabi wayar tata data subuce daga hannunta saboda miqewar da tayi da hanxari da kallo.

       Kamar me tsoron wayar haka ta miqa hannu ta sake dauko wayar a karo na biyu,bugun zuciyarta na sake tsananta,addu'a take cikin ranta Allah yasa idanunta gixo suke mata,Allah yasa saqe saqe ne na zuciyarta.

        Saidai dukka fatanta bai zama gaskiya ba,don sauran hotunan har sun bude kansu da kansu.

       Cikin rawar jiki ta fara komawa da baya ta fara daga hoton farko,nuraddeen ne shida wata budurwa,wanda kallo daya kafin kakai ga karanta rubutun dake qasan hoton xai gaya maka tabbas ango da amarya ne cikin yanayin hotunan nan da ake kira da free wedding pictures,rubutune a qasa kamar haka

*SAVE THE DATE 22/07 IN SHA ALLAH*

        Wani kakkarwa hannayenta suke kamar wadda aka tsoma cikin ruwan sanyi tana ci gaba da buda hotunan ba tare data iya tsaiwa ta duba rubutun dake qasan kowanne hoto ba,abunda ta iya dubawa shine lokacin da aka dora,6minutes ago,kenan shi ya dora da hannunsa da kansa,tunda sanda ya sauka da sanda ya dora tazarar minti daya ce.

        Hafsa ce ta shigo tana dariya abunta riqe da hijabi tana qoqarin sawa,da alama daga waje ta baro abunda ya bata dariyar,sam bata lura da yanayin da innawuro ke ciki ba sai dataji tana kiran sunanta da wata iriyar shaqaqqiyar murya tana yafitota da hannu.

         Qarasowa tayi tana dubanta,ba wanda ya iya magana cikinsu sai wayar da zahra ta miqa mata cikin rawar murya tana cewa

"Dubamin don Allah.....dai dai idanuna suke ganemin?" Hannu tasa ta karbi wayar,hoto daya tak ta kalla saita koma saman qafafunta ta zauna itama tana ci gaba da kallon hotonan cikin matuqar mamaki da sanyin jiki,kalamanta a sanyaye qwarai tace

"Nura ne zahra,nuraddeen dinki fa" rasa abu na gaba daya kamata tayi tayi,sai kawai tasa dukka tafin hannunta biyu ta rufe fuskarta dasu kamar wadda bata da muradin ganin duk wani haske dake cikin duniya,tana jin kamar ana yamutsa qwaqwalwarta,daidai sanda salma ta shigo,da sauri hafsat tace

"Yauwa,zo kigani don Allah,zoki tayani gani" da hanzari salman ta qaraso tana amsar wayar daga hannun hafsat.

       Wani ashar salman ta dura,da yake itadin batakai haqurin hafsat ba,ta lalubi waje ta zauna  tana cewa

"Meke shurin faruwa kenan zahra?laaa,kinga ana goge hotunan daga status.....sunyi disappearing gaba daya"ta fada tana kallon hafsat tare da nuna mata wayar

"Tabbas gogesu akayi,don ba'afi minti goma da dorasu ba,bajci ace har lokacin saukarsu yayi ba,me nuraddeen ke nufi?" Tambayar da bata da amsarta data cilla mata ita ta sanyata sakin wani irin kuka me ciwo,kukan daya daga hankalinsu gaba daya,lokacinne yasira itama ta sako kai,cikin yanayi na tsoro ta isa wajensu tana tambayarsu abinda ke faruwa,basu kai ga bata amsa ba kira ya shigo wayar zahran,duk da bata duba tasan me kiran,salma cikin fushi tace

"Bari na daga naji dan gidan marasa mutuncin me zaice?"kai hafsa da yasira wadda batasan ma ainihin meke faruwa ba suka daga mata,ta daga wayar ta sakata a handfree tayi shuru ba tare data ce komai ba,muryar nuradden ta bayyana

"Dear.....don Allah karki hukunci da abinda bakisan ainihin menene ba,ki bani dama inyi miki bayani pls"

"Ai karka damu,saqone ka bayar ya kuma iske inda kakeso ya iske,yo meye kuma wani abun damuwa a ciki?,kaci gaba da shagalinka kawai,amma ka sani,indai da haqqin zahra a wuyanka Allah saiya mata sakayya"

"Ki tsaya kiji don Allah,wacece?,hafsat ce ko yusra?"

"Ban sani ba dan gaba da rainin hankali,karka sake kiran wannan number" qit daga haka ta katse wayar,wanda kafin ta kuma cewa komai wani kiran ya sake biyo baya,haka suka sanya wayar gaba kowa ya rasa abun tabukawa,yanata faman kira ba qaqqautawa kamar yadda zahra ke kuka itama babu qaqqautawa,yasira ce ta karbi wayar daga qarshe bayan sun zayyana mata abinda ke faruwa ta kasheta gaba daya,har cikin zuciyarta tana jin wani irin suya da bacin rai,wannan wacce iriyar yaudara ce haka kai tsaye ta rashin mutunci da cin fuska,yana sane ma yayi posting hotunan a status dinsa?,abinda yafi tsaya musu a rai kenan.

      Su hudun gaba daya suka hadu suna bata baki,harda nadiya data shigo daga qarshe gami da maimaita zancan cike da mamaki,don dukkansu bama su ba kusan kowa yasan da zaman nuraddeen a matsayin wanda zahra inna wuro ta tsaids zata aura,abun yazo musu matuqa a ba zata.

        Ita kadai tasan yanayin data tsinci kanta da zuciyarta a ciki,wani yanayi da tun tasowarta bata taba jin irinsa ba saiyau,jin lamarin take kamar a mafarki,wai ita?,nuradden?,wanne irin abu haka tayi masa dafa cancanci irin wannan yaudarar mai ciwo?,har yana da bakin cewa ta saurareshi?,ta jima cikin wannan rudun,daga qarshe taji babu abinda take da buqata illa kadaicewa tayi kukanta ita kadai ko hakan zai sa ta samu gurbin da zata zuqi numfashi yakai har zuciya da hunhunta,tana jin kamar numfashinta zai katse ne.

       Yanayin yadda suka shigarwa hajja zahran na kuka lullube da fuskarta ya sanyata miqewa da sauri cikin firgita tana tambayar

"Kai...meye haka?,lafiya?" Itakam zahra bata iya tsaiwa ba saita wuce kawai zuwa daki,waje ta laluba ta kwanta gami da sake rushewa da sabon kuka.

        Bayan minti biyu tajiyo muryar hajja na rafka salati da salallami,da alama sun gama gaya mata komai,sai kawai taja filo ta rufe kanta tana sake fashewa da wani irin kuka,tanajin sanyi na ratsa gabbanta,kafin kace meye wannan zazzabi ya rafketa.

       Ba'a rufa awa guda ba hajjan ta shigo dakin

"Takwara.....kukan kike har yanzu?" Ta fadi tana qarasawa inda take kwancen,ta saka hannu ta yaye abun rufar tana kamo hannunta

"La'ilaha ilallahu,ke tashi,kwanciya kikayi xaki kashe kanki,kinji yadda jikinki ya rine da zazzabi?" Cikin daren dukka hankalin hajjan ya tashi,wanda hakan yasa hankalin yaranta su abba babba suma ya tashin,ta matsa lallai lallai saida su shamsu suka dau mota suka kaita asibiti,wanda basu dawo ba sai wajen sha biyu da rabi na dare saboda yadda zazzabin ya mata mugun kamu ya sanya suka dan riqeta sai daya sauka jikinta yadan daidaita.

       Washegari duka tana kwance a daki,ko falo baga fito ba bare taga hasken rana,tana kwance tana bitar duka rayuwarsu ita da nuraddeen,bataga ta inda ta gaza ba da xai gujeta,bata ga me ta masa da zai saka mata d a wannan ba.

        Duk yadda hajja taso ta fito da ita ta xauna koda a falo ne amma taqi,hankalinta kaf nakan zahran,duk bayan wasu mintuna saita leqo dubata,dukka jama'ar gidan kowa ya shigo ya dubata babba da yaro,amma banda mutum biyu,ummanta dai tasan kara ce da kawaici ya hanata leqoww,don koda hajja ma ta aika mata cewa tayi ace tana gaidata kawai,data sake aikawa sai tace ai tasan tana wajenta babu komai,shi kuwa dayan dama bashi a lissafinta,tama manta dashi cikin jerin jama'ar gidan.

         Hajja da kanta ta yiwa abban gwammaja waya sanda yace zaya aiko a maidasu makaranta ita da hasina ta shaida masa bata da lafiya,a barta koda zuwa satin sama ne idan ta sake murmurewa,ya mata sannu da jiki,ya kuma ce zaisa a shaida hukumar makarantar idan ankai hasinan.

         Sai da akayi kwanaki biyar da komawa makarantar sannan ta soma jin qwarin jikinta,don ta tattara dukkan wasu lamura na nuraddeen tayi qoqarin yin watsi dasu,a yadda ta lissafa kwanaki uku kenan da daurin aurensa,yana can wala'alla shida amaryarsa cikin farinciki,yama manta da lamarinta,hakan ya sanya washegari da azahar tayi wanka da ruwa mai dumi sosai,tasha dukka magungunanta,ta shirya cikin atamfa riga da zani sannan ta fito falon.

        "Yauwa,ko kefa?" Hajja data taras zaune cikin falon ta fada cikin farinciki,tana kallon yadda zahran tadan fada,hancinta da fuskarta suka qara qara tsaho.

       Mirmushi tadan yiwa hajja,cikin qarfin hali ta tsokaneta

"Ashe kina tsoro kada na mutu na barki"

"Zaki fara ko?" Hajjan ta fada tana watsa mata daquwa,dai dai sanda inna gaje ta fito daga kitchen zuwa falon

"Aah,ma sha Allah uwar masu gida jiki yayi kyau"

"Eh wallahi inna gaje" ta fada tana dan murmushi

"Alhamdulillahi,mun godewa Allah,Allah ya qara lafiya"

"Amin inna,akwai abinci ne?" Zahran ta tambaya

"Eh yanzu aka gama na rana...bari a zuba miki" inna gaje ta fada tans komawa kitchen din,sai zahran ta bita a baya ta amso abincin ta dawo inda ta tashi ta zauna

"Wannan abincin kamar na wasan yara wuro?" Hajja ta fada tana duban plate din

"Ya isheni hajja" saita qyaleta,tayi bismillah ta fara ci,lokaci lokaci idanunta nakan tv dake aiki.

        Sallamar abubakar ce ta karade falon,abubakar shine yaro na farko a sassansu,daga shi sai ita,sai sauran qannenta maza guda biyu,sulaiman da yusuf,sai mace daya ilham,akwai tazarar shekara kusan biyar tsakaninta da abubakar,hakan ya wanzar da girmamawa sosai tsakaninsu,don haka umminsu ta tarbiyyancesu da bawa na gaba dasu girma.

          "Maraba da saddiqu.....saukar yaushe?" Hajja ta fada tana dariya

"Ko minti biyu banyi da shigowa gidan ba" ya fada rabin hankalinsa nakan zahra data aje cokalin hannunta tana qoqarin gaidashi

"Lafiya lau...." Ya amsa a taqaice ya dora da

"Me kike a gida,duk 'yan makaranta sun koma makaranta?" Kafin hajja takai ga bada amsa an sake sallama cikin falon,muryarsa ta cika wani irin sauti mai sanyi,saidai tana cike da wani kwarjini mai ratsa kunne.

       "Sannu da zuwa yaya" abubakar saddiq ya fada cikin salo na girmamawa,fuskarsa washe da fara'a

"Malam.....kana lafiya?" Ya fada yana miqawa saddiq hannunsa dake daure da wani rantsatsen agogo ruwan zaiba,wanda ya dace da lafiyayyar fatarsa da hutu da kuma kwanciyar hankali ya ratsata.

         Da sauri sadiq ya miqa masa nasa hannun sukayi musabaha,saiya soma qoqarin zama hannun kujera yana gaida hajja cikin girmamawa,don shi sam baya wasan jika da kaka da ita,ta amsa cikin kulawa,don shi dinma dan gaban goshinta ne,sakamakon sunan maigidanta da yaci,sannan ta dora da fadin

"Kamar tare kuke da sadiq?" Yana dan latsa wayar hannunsa yace

"Tun dazun na shigo,na shiga ciki ne nadan huta"

"Auto ma sha Allah,ya aikin,da fatan an samu abinda ake bida?"

"Alhmdlh" ya fada hade da ajiyar zuciya yana maida wayarsa aljihun lafiyayyen trouser din jikinsa,wanda kallo daya zaka masa kasan me tsada ne,hakanan mai kayan yasan takan kaya masu aji.

        Ido suka hada da xahra,kamar zaiyi magana sai kuma ya janye idanunsa duka cikin sakan biyu,ya harde hannayensa a qirji yana duban hajja dakewa sadiq bayanin dalilin xamanta a gidan,cikin sauri tace

"Ina yini" can qasa ya amsa kamar yadda ya saba

"Wallahi yaron ya bani mamaki,a haka kamar na Allah ashe bana arziqi bane,yaudara ce kawai ta kawoshi,yau ne mafa kawai na samu kanta ta fito falo ta zauna" ta qarashe zancan cikin nuna jimamai qwarai kan fuskarta idanunta kuma saman fuskar haidar,wanda ya dauke kansa zuwa yanzu daga kansu kamar ma baisan me ake ba.

       Ajiyar zuciya sadiq yayi

"To Allah ya kyauta ya rufa asiri,abinda ya faru ya riga daya faru,sai kiyi qoqarin komawa makaranta.....hajja bari naje mu gaisa da sauran mutanen gidan,ummi ce kawai tasan da shigowata,zuwa anjima zan dawo abani abinda aka ragemin"

"Ka taho dai da abinda ka kawomin" dariya ya saki kana ya juya ya fice daga falon.

         "A kawo maka abinci ne?" Hajja ta tambayeshi,kai ya kada alamun a'ah,sannan a nutse ya furta

"Idan akwai fura kawai ta isa" sai ta waiwaya wajen zahra,wadda tana son barin falon,amma kuma tana son kallon programe din da ake yi a wani gidan tv,bata so ya wuceta don yayi mata

"Duba fridge wuro akwai damammiya....kayi sa'a kuwa nonon me kyau ne,wanda aka kawomin ne daga can gida adamawa" yunqurawa tayi ta miqe,ta isa fridge din ta ciro furar,saita miqawa hajjan tasa hannu biyu ta amsa silver da nonon ke ciki,wanda har tsatstsafa yake saboda tsabar sanyi ta miqa masa tana cewa

"Kanaji muna magana kan case din inna wuro baka ce komai ba?" Sai daya amsa furar ya bude yasa ludayin dake kai sannan ya daga shanyayyun idanunsa ya kalli hajjan

"Me zance......i dn't know what to say" duk da bata fahimta qarshen zancensa ba amma saita gyara zamanta

"Na zaci a matsayinka na babba zaka nema yaron kaji komai daga bakinsa....tunda a a zahirin gaskiya suna son junansu" kamar bazai amsa ba,don itakam zahra har tayi nisa da hanyar barin falon,tana ta zumbura baki,sam bataji dadi ba data tuntu eshi da zancan,zata zubda mata aji ne kawai,kuma ma ai yana ji akayi maganar da ya sadiq amma baice komai ba,sai daya dan kurbi furar sannan ya amsata

"Ana aure dole hajja?,kika sani ko batayi masa bane?".

        Kamar saukar mashi haka zahra taji maganar a qahon zuciyarta,don sai data kasa jurewa ta waiwayo ta dubesu,shikam shan furarsa yake kamar ma baisan me ya fada ba,cikin bacin rai tayi gaba da sauri ta shige dakinta,batasan dai me hajjan tace masa ba,amma ta jiyo muryarta tana magana,saidai bata iya tantance me take ce masa.

23/10/2021, 08:38 - 馃憤馃徎馃憤馃徎: *KIJI TSORON ALLAH鈽濔煆锯槤馃従鈽濔煆�,karki taba kayan daba naki bane,ba kuma mallakinki bane*

7

       Saman madubi ta samu ta zauna cikin fushi ranta na wani irin suya

"Shifa ya haidar din nan rainin wayonsa yawa ne dashi,ya rainama mutane ajawali,meya daukemu ne?,duk laifin hajja ne,ai tasan bana hada shirgina dashi me yasa zata masa zancan matsalata,aikin banza kawai,don yaga mata na hauka akanshi snine hake raina ajawalin mata,koya dauka kowa baka yake,baisan suna mata suka tara ba,mtsewww......aikin banza kawai" a sarari tayi maganarta,kamar da wani a dakin take magana,taja tsaki tana gyara zamanta saman madubin.

        Ji tayi xaman dakin gaba daya baiyi mata bama,gwara ta shiga cikin 'yan uwanta ko zata samu sassauci,saita zaro gogagge cikin hijabanta ta saka ta zira silifas dinta ta fito.

         Har yanzu yana zaune falon riqe da babbar abokiyarsa wato waya,ya wani miqe qafafunsa saman center table,gefansa furar da yace a kawo masa ce,ya ajjiyeta ba tare da yayi mata wani shan kirki ba.

        Harta giftashi bai daga kai ba,sai data kusa qofar fita taji yace

"Ke!" Tasan da ita yake,dole ta dawo 

"Ki tabbata gobe a makaranta kika kwana" abinda ya fada kenan a taqaice,dole ta amsashi da to,duk da kuwa ji take kamar ta rufeshi da duka saboda takaici,haka ta fita tana tura baki gaba,ita sam wallahi babu innamal din komawarta makaranta,so tayi ma ta la茩e da wannan ciwon taqi komawa gaba daya,don itakam gaskiya ta gaji,amma yana son rusa mata plan,to Allah yasa babu kowa a falon sanda ya fada bare a tilastata,shuru kawai zatayi da bakinta,suyita wasan buya harya koma hutunsa,tunda dak ai shima ba dawwama zaiyi ba,da wannan tunanin ta shiga sashensu salma.

         A kitchen ta sameta tana kwabin doghnout,sosai taji dadin ganinta

"Gwara da kika fito ai,shi yana can wala'alla yana sha'aninsa keya barki kwance,dama yanzu nake cewa bari na gama kwabin nan naje na fiddoki,na kunna wayarki dazun naga kamar ma ya tura miki saqo" baki zahra ta tabe,tana jan daya robar kwabin ta tattare dogon hannun rigarta ta fara tayata tana cewa

"Can masa....gaba daya ma kamar Allah ya fidda minshi a raina,idan ma ya cuceni yaje shida Allah"

"Kawai yafi" daga haka suka shiga wata hirar,zahran na bata labarin abinda ya faru yanzu a falon hajjan,da kuma cewar da yayi lallai gobe ta koma makaranta

"Kinsan Allah ki rufawa kanki asiri ki tattara goben ki koma,kinfi kowa sanin halin ya haidar ko?" Salma ta fada tana dubanta

"Wallahi wannan karon saidai yaci kansa da kansa yasha baqin ruwa,don ni ko zan koma badai gobe ba ehe,ke saima anyi bikin huda dani" dariya salma ta danyi

"Zahra,zahra kafiya,to Allah ya kauda bacin rana"

"Amin" ta amsa mata,salman ta cire hannunta daga flower data gama kwabawar ta wanke a fanfo,tana goge ruwan a rigar jikinta tace

"Bari na dauko miki wayar" baki ta tabe ba tare data ce komai ba,salma ta juya ta fice.

       Kafin ta dawo ta gama kwabin itama ta wanke hannunta,harta samu waje ta zauna,ta dawo ta miqa mata wayar tana cewa

"Ga saqon nan,duba ki gani",still baki ta tabe kana ta sanya hannu ta karba din,ta buda saqon ga fara duba tsahonsa kafin ta koma farko da niyyar karantawa hafsa tayi sallama cikin kitchen din riqe da plate din abinci

"Gawa taqi rami,yanzu hajja tacemin aikin fito" murmushi tayi tana maida idonta kan wayar kana ta amsawa hafsa

"Ke kyaso na mutu tun yanzu?" Kai ta girgiza itama tana neman wajen zama

"A'ah ina fa.....salame zubamin miya don Allah inji umma,haka kawai suka mana tuwo da rana"

"Kya samu wata salamen ta zuba miki kuwa amma bani ba" dariya ta saki,tasan sarai bata son sunan 

"Afwa tuba nake"

"Kina da hannu ai sai kizo ki diba" tashi tayi ta isa gaban tukunyar ta bude ta zuba miyar,daidai sanda zahra ta fara karanta saqon a fili

_assalamu alaiki,ina me neman afuwa da gafara daga gareki,nasan cewa na miki ba dai dai ba,amma tuntuni naso na samu lokaci mu tattauna kafin zuwan rana irin wannan amma Allah bai nufa,duk da haka ina mai baki haquri,ki sani matar mutum kabarinsa,kuma Allaj yayi keba matata bace shi yasa ban aureki ba,amma idan da hali kuma zai yiwu ki bani dama ki zamto mata ta biyu a wajena,ina dakon amincewarki_

_nuraddeen_

      Wani ashar salma taso zundumawa sai kuma ta katse

"Lallai gayen nan yakai qarshe a rainin wayo"

"Tayani gani don Allah" inji hafsa tana kama haba,yayin da zahra ta saki wani murmushi mai ciwo,da kuma nuni da rainin wayon nuraddeen din ya bata mamaki,don daga haka ta zare sim din wayar kawai ta ballashi biyu ta watsa cikin sink din dake kusa dashi,ta kunna famfo ruwa ya korashi

"Na dauki tarayya ta dashi kamar mafarki,kuma ku saka hakan a ranku,mu shiga next chapter da Allah" ta fada cikin dakiya.

        Shigowar yusra kitchen din shi ya tada sabon hira,haka nan suke da wuya kaga mutun daya shi kadai,saidai idan dukka basa gidan

"Na zaci munafuntata kukayi ai kuka zauna kuna wainar fulawa aka rasa me kirana"

"To ba ita akeyi ba kwa蓷ai...." Dariya ta saki

"Allah qamshin manja na dinga ji,kuma naji kamar daga nan ne,kwanan nan sha'awar wainar fulawa nake wlh,mu kuma cikinmu an rasa me soyawa,kowacce sai tace idan ta soya ba zata iya ci ba,ai shikenan"

"Ni kinma tunamin" hafsa ta fada tana ane farantin data gama cin abinci

"Gidansu zainab ahmad din nan?" Tayi maganar da sigar tambaya tana side hannunta

"Eh" suka amsa a kusan tare

"Wallahi suna wainar fulawa da daddare,harda me qwai dame kifi,ke kinji dadinta kuwa?"

"Wayyo Allah,har kinsa yawuna tsinkewa,yaushe zamuje"

"Yauma idan da kudinki"

"Mu bari sai gobe,yau ya usama yamin alqawarin kyautar dubu daya gobe"

"To kuwa muna aljihunki" inji salma

"Allah ya kaimu" ta amsa musu,daga haka suka sake shiga wata hirar kafin kowa su watse.

        Bata koma sassan hajja ba,saita wuce sassansu wajen umminta,tunda ta kwanta ciwon bata ganta ba.

       A hankali tayi sallama falon nasu,ita daya ce zaune qasan carfet,gabanta da wata babbar baqar leda tana ta fiddo kayan dake cikinta,wanda suka hada dasu madara bournvita,Klein,corn flaks,sabulai,mayukan shafawa,turaruka,maclien,cream salad,suger na qananun jakankuna da sauran kayan amfanin gida na yau da kullum.

        Kayan tabi da kallo sannan ta samu waje ta zauna

"Ummi ina yini?" Kai tadan daga ta kalleta kana ta maida ga abinda takeyi tare da amsa mata

"Lafiya lau,ya jikin naki?"

"Da sauqi alhmdlh"

"To Allah ya qara lafiya"

"Amin amin" ta amsa mata,sai shuru yadan biyo baya,wani lokaci ummin nata kaman tana mata halin fulani na kara da alkunya kamar na diyan fari,duk da cewa ba itace ta farin ba,amma itama abun ya shafeta.

         "Haka abu kuma ya faru?,sai ki addu'a Allah yasa hakane yafi alkhairi" ta fada cikin yanayi na rashin bawa abun muhimmanci

"Amin" ta fada tana murxa yatsanta.

       Bayan shudewar wasu sakanni ummin ta sake cewa

"Kinga irin hidimar yayanku,shi koda yaushe baya gajiya damu,kowanne lokaci alkhairinsa a tafe yake,ko iya hakan ya isa ya bayyanar da nagartarsa,fatana Allah yasa sauran 'yan uwanshi suyi halinsa"

"Ba amin ba,kura ce da fatar akuya" ta fada a ranta,amma a fili don ta farantawa ummin nata sai tace

"Amin" a taqaice.

       Ita ta taimakawa ummin aka raba kayan zuwa ma'ajiyarsu,kowanne abu aka sashi a muhallinsa,tadan jima ranar wajenta,ita kuma a fakaice tana jan hankalinta tare da sake nuna mata girman haidar din,sai da suka gama komai sannan tayi mata sallama gab da za a kira magrib ta baro sashen.

       Daga nesa ta hangoshi can inda masu gidan dake da mota ko babur suke ajiyesu,tsaye jikin motarsa,booth din a bude ana fidda kayan ciki zuwa sassa sassa na gidan,baki tadan tabe kana ta nufi sassan hajja.

       Canma raba kayan ta tadda hajjan nayi,ita da shafa'atu husna da amira dukka jikokinta ne,sai tayi wucewarta cikin daki,bata tsaya ba ta zarce bandaki,ta daura alwala,saboda gab ake da akira sallah.

        Kamar yadda taci alwashi kuwa a washegarin bata gayawa kowa yadda sukayi da yaa zaki ba,sai tayi kwanciyarta luf a daki,wuni guda,hajja tana ta mita da yawo tsakanin falon da dakin kan ta fito,ko kuma jikinne?,saitace lafiya lau take,tana ramuwar baccin da bata samu yi ba,har hajjan dai ta haqura ta qyaleta.

         Sai bayan sallar magariba su yusra suka shigo,kowacce sanye da hijabinta

"Zamuje gidansu xainab ahmad,na gayawa yayarta ta soya mana wainar gamu nan zuwa"inji yusra tana isa gaban madubin zahran gana gyara wuyan hijabinta,fuska ta yatsina,don batason fita bare suyi karo dashi,tasan haduwarsu ba zatayi kyauba,tunda ya bata umarni taqi ji

"Kuje kawai kwa tahomin da tawa,banajin fita"

"Ki tashi kawai malama mu wuce,babu mai miki dakon komai" tashi tayi ta zauna sosai tana duban yusran

"Kinsan fa akwai jagwal,ya haidar,banaso mu hadu,so nake har sai ya koma tukunna"

"Dazu naga fitarsa ma....ina jin wajen ya zahra ma ya tafi,kinsan ko ba yanzu zai dawo ba" inji hafsat dake gaban madubi tana shafa powder,jin hakan yasa ta miqe ta zaro hijabinta ta ware ta saka,ta sanya slippers dinta sannan suka fito.

         Da kallo hajja ta bisu sanda suke fitowa daga dakin suna 'yar hayaniyarsu,har sunyi gaba hafsat tadan dawo da baya

"Don Allah koda ya haidar zai tambaya ina ina kice kece kika aikemu" baki ta tabe tana dubansu

"Babu ruwan fadimatu zahra'u,ku qarke qalau"

"Hajja mu dake fa bata baci" ta fada tana dariya tayi gaba suka fice.

        Kusan awa biyu suka kwashe,har kusan bayan isha'i sannan suka fito,suna tafe suna hirarsu har suka qaraso qofar gidan.

        Salma ce a gaba,ita ta fara tura qofar gidan,da sauri ta dawo da baya har tana bige yasira

"Dalla meye haka...kefa kin fiya abun haushi wani lokaci"

"Ya haidar.....wallahi ya dawo,suna baranda shida dasu ya abu sufyan" sak kowaccensu tayi,aka koma kallon kallo tsakaninsu,aka rasa me magana har tsahon wasu sakanni.

       Zahra ce ta soma jan tsaki,sannan ta soma yin gaba tana jan hannun hafsat

"Tsoron wai na meye,muje don Allah,fuska kawai xamu masa" qarfafa musu gwiwan da tayi yasa suka soma takawa zuwa ciki.

         Zaratan samari ne guda hudu saman wasu fararen kujerun roba,aliyyu na biyar dinsu,dan qaramin teburi ne a gabansu dauke da lemuka da cups,sai dan qayataccen qaramin flask din tea da kofunansa.

          Kana dubansu xaka gane akwai abinda suke tattaunawa,saidai aliyyun kacokam hankalinsa nakan wayarsa kamar kullum,lokaci lokaci yana dan sanya bakinsa ba tare daya daga kanshi daga wayar ba,hakan yasa sukaji dadi,sannu a hankali suka fara takawa zasu wuce zuwa sashen da yafi kusa dasu.

         Kaman an umarceshi ya daga kansa,idanu biyu sukayi dasu,take kowacce tasha jinin jikinta,yayin da zahra ta fara qoqarin boyewa sosai ta bayansu yadda bazai iya ganinta ba.

        Sunan hafsa ya kira,ta amsa kana cikin hanzari ta nufi inda yake,bata wuce sakan biyar ba ta dawo 

"Ya haidar yace kuzo" ta fada tana narai narai da ido muryarta na rawa,tilas suka taka zuwa inda suke zaunan,suna hangoshi daga inda suke yana ci gaba da danna wayarsa,yayin da sauran abokan nasa suka dakata da maganar da sukeyi din,wasunsu suka dauki drink suna sha,wasu kuma suka tsiyaya black tea.

        "A'ah,yammata.....daga ina haka?" Daya daga cikin abokan nashi mai suna saif ya fada cikin sakin fuska,kasa amsa masa sukayi,sai suka maye gurbin tambayar tashi da gaisuwa cikin sanyin murya dake nuna tsoro,ba wadda ta isa tayi gigin yin wani abun da bai dai dai ba,don dukkansu sun haddace dokokinsa da abinda bai dauka,suna girmama abokanshi sosai kamar yadda suke bashi girma,saidai akwai dan bambanci,kusan sunfi sakewa dasu fiye dashi,don a cikinsu akwai masu sakin fuska ba kamar shi ba.

         Shanyasu yayi suka ci gaba da hirarsu,wanda mafi akasari abinda ya shafi aikinsu ne na soja,a qalla sun kusa awa guda a duqe qafafunsu har soma tsami,sai da daya daga cikin abokan nashi qasa qasa yace

"Man,ka ajjiye mutane fa,ka sallamesu idan baka da abun cewa" tsaki yaja yana gyara zamanshi,ya sauke qafarsa da tun dazun daya ke saman daya ya zauna sosai kamar wani saraki sannan ya jefa musu tambayar daga ina suke,cikin rawar murya hafsa tace

"Hajja ce ta aikemu nan baya...."

"Kunci sa'a ta gayamin,amma daga yauu....kada ku sake na sake ganinku kamar i yanzu a waje....ku bacemin a gun" da sauri dukkansu suka miqe,hakan ya sanya ta manta da cewa boye masa take ta miqe itama da sauri.

       "Ke!...zonan" ya fada da wani dakakken sauti daya sanya cikinta bada wani sauti na quuuu,ko ba'a fada ba da ita yake babu neman qarin bayani

"Ba daku nake ba.....ku bace daga nan kafin na tashi" ya baiwa sauran umarni,hakanan tana ji tana gani suka wuce suka barta.

Read More

Share this

WhatsApp